قصة الحاسة السابعة الجزء الثاني

 

سناء= بكل ثقة( اش عندو مايدير غايعاقبني مثلا) غي قاعة كبيرة مجموعين ربعة ديال لمكاتب واحد دبال سي براهيم وتاني دال مصعب وتالت ديال محمد ورابع دبالسناء . سناء دوزت داك نهار حالتو حيت سي براهيم منخلها وماعاطيهاش وقت عكس محمد مهتم بيه وماكقدم ليه نصائح بحكم تجربتو لكبيرة وعطاه حتا ضواسا ديال لقضايا لقديمة باش ياخد فكرة منهوم . فديك لحضة رن تلفون المكتب مصعب= الو... اها... اوكي ...مرحبا ...اه... موجودين... وااااااخا... بسلامة. ( وجدو راسكوم جاوكوم جوج قضايا غادي تخدمو فيهم ) محمد هدا ضوسي ديالك ونتي اسناء هاهوا ديالك محمد= حل ضوسي وكايقراه(سرقة وتضليل العدالة) امممممممممم سناء= حلت ضوسي ديالها ( محاولة قتل عن سبق الاسرار وترصد الله الله مازال ماسخنت بلاصتي وجايبينلي قضية صعيبة بحال هادي) محمد= الى جاتك صعيبا نتبادلو سناء= مكرهتش ولاكن مارضاتش وهيا كاتشوف فسي براهيم بتعالى ( لا مكاين لاش) مصعب= نتابه لباب جوج دناس دخلو واحد ديال محمد وتاني واحد لبنت (تفضلو) وتاجه عند سناء (لمتهمة لي فلقضية ديالك وصلات) سناء = كولها تفضل مصعب=تفضلي البنت= جلست وهي حزينة وخايفة( سميتي ميساء) ميساء ميساء واش عرفتوها اااايه صديقة عماد لمتهمة بمحاولة قتل صفاء لملف ديالها عند سناء الله يكون فعوانك مع سناء غادي يتحكم عليك بالمؤبد ماتخافيش ههههه =في الجامعة= عماد كان والفسم بوحدو كايدرب على لقاء ديالو مع سناء باغيها تبغبه باي طريقة عماد= (سلام سناء مداااا هادي ماتشلوفنا ) لالالالالالا ماشي هاكا ( امممممم سلام انا سميتي عماد عقلتي عليا) ااااااااااوف لالالالالا (سلام ختي سناء عرفتي شكون انا) اوووف صافي وليت غير كانخربق اشمن ختي ياسر وصاحبو واقفين حدا لباب كايتفرجو فيه ياسر= هدا مالو صاحبو=مانعرف ياسر = كايبانلي حماق =في المكتب= ميساء= كانقسمليك انا ماشي مجرمة

سناء=طلعتها بنضرة من راسها حتا لرجليها صباغة فضفران وجيب قصير مع ليبة وسبادري ولابسة جكيطا ودايرة كاسكيط وشعرها لصفر على كتافها مدلى ( اممممممممم كولشي شهد فيك وكاينين بزاف دلادلة وكدبتي قدام لمدعي العام وقولت على راسك بريئة هدا هو سبب تسميتهم محاولة قتل) ميساء=اشنو كاتخربقي نتي اشنو كاتقصدي بمحاولة قتل سناء= حيت ماشي معقول صدبقة ليكاتكرهيها كانت كالسا على سرجم وحيت نتي كاتكرهيها جيتي من موراها ودفعتيها ولاكن هيا مماتتش غير فغيبوبة والى ماتت ضحية غادي تولي جريمة قتل بانسبة ليك ولاكن لحسن حضك مازالة عايشا ميساء= (بصراخ)هاد شي غادي يحمقني اووووف صحيح انا كانحكر على تلامد وكاناخد منهم فلوسهم بعض لمرات ولاكم ماعمرني حاولت نقتل شي واحد شنو يحسابلا هاااااا سي براهيم حاضيها بعينيه يشوف فيها كيف كاتعامل مع موكلها وكايشوف فمحمد لمؤدب كيف كايتعامل مع موكلو محمد سالى مع موكلو وودعو ومشا وسناء مازاااالة سناء=شي واحد قال انه شافكي فاش دفعتيها ميسا(بصراخ) غير كايكدبو باش يتخلصو مني هوما كايكرهوني سناء=قفلة لملف ديالها بتافف (انا كاندافع عليكي بلى فلوس والى بقيتي هاكا انا ماغانقدرش نعاونك واش باغاتمشي لمحكمة بلى محامي جاوبيني ميساء= لارد سناء=بهاد لقدر من لادلة غايدخلوكي طايرا لحبس ميساء=كانقسمليك مادرت والو سناء=واش نتي برئة ولى مدنبة ختاري ولاكن ميمكنليش نتحمل ميلية نتائج ميساء = وقفت بعصبية اه مدنبة رتاحيتي دابا سناء= وهي كاتقلب فالوراق ومامهتماش وكولشي ليفلمكتب كايشوف فيها بللوم وبلاخص سي براهيم( تقدري تمشي ميساء= كلست على لكرسي كاتبكي اهئ اهي اهي سالى لوقت ولبيرو خوا وبقات غير هيا كاتكمل فخدمتها وكاتكتب فاحاسوب المتهم اعترف بالجريمة لمنسوبة اليه ولاكن فلحضة

تفكرت راسها فاش كانت فنفس سن وتعرضة لنفس لموقف وكولشي جبرها تعتارف انها هيا ليضربة ابتسام بالاعاب النارية ولاكن رفضت ... رجعت مسحت داكشي ليكتيت وقررت انها غادي نحقق فالقضية خرجة من لمكتب وقفلاتو وصلت لباب ديال لمحكمة لمخصص بالموضفين ليهوا عبارة عن باب كايضور وبقات ضور ضور ضور انا دخت فبلاستها وهيا مازالة كاضور وكاتفكر فشي حل لهاد لقضية فهاد الاثناء كان عماد كايتسناها تخرج بانتلو كاضور فداك لباب وتعاود ليدخل دخل وليخرج خرج وهي مازالة كاضور اااااااااااااخخخخخخخخخ عماد=هادي مالها كاضور تما شنو واقعلها (وهو كايبتاسم من لمنضر ديالها) سالات سناء ضوران ديالها وخرجات عماد ماقدرش يهضر معاها وكان متردد وفضل يبقا تابعها حيت بانتلو ماشي هيا هاديك وخاف عليها تمشات حتا لمحطة ديال طوبيس وهوا موراها ركبت وحتا هوا واحد لحضة كانت غاطيح فاش قلع طوبيس ولاكن عماد شدها سناء=دارت موراها بتعب (شكران اخويا) عماد=وهوا طاير بالفرحة هز راسو بمعنى ماشي مشكل وصل طوبيس ونزلو بجوج تاجهت سناء لدار وفطريق شافت فدرب ليكادوز منو ووقفت عماد كايسمع افكارها سناء=(فنفسها) اوف مازالين ماقدرو يصلحو هاد ضو اووف ماعليش نضرب ضورة لدرب لاخر واخا بعيد ماشي مشكل رياضة عماد كايضحك عليها وهوا تابعها وهي مانتبهتليهش حتا وصلت لدار ودخلت عاد عماد رتاح على راسو لبوطو ديال ضو وقرر انه غايصلحو على قبل حبيبتو لخوافة سناء كاتكلم فتليفون مع ماماها= الو ماما فاطمة =حبيبتي كيدوزتي نهار لول ديالك فالمكتب سناء = (بتعب)عادي مزيان فاطمة=كولتيلي لمكتب فيه تلاتة ديال رجال زعما مافيهمش سي واحد يصلاحلك لزواج سناء= اش كاتكولي اماما راه فيه غير زبل ماشي رجال ديما معصبيني فاطمة= بنتي مال صوتك واش عيانة سناء= لا اماما غير ضو ديال زنقة مقطوع ونتي عارفاني كانخاف من ضلام(وهي مازالة كاتهضر فتيليفون وهي تشوف فسرجم ضو رجع) ها لعجب ماما رجع ضو فاطمة =اه مزيان يالله تصبحي على خير خرجات سناء لبالكون وهي تشوف شاب غادي فطريق لتف وشاف فيها وبتاسم وهيا رداتلو نفس الابتسامة سناء= لعجب لبلدية مكاتخدمش فهاد لوقت ولاكن كيفاش (دخلت وهي حيرانا فداك شاب ليبتاسملها) رجع عماد فنفس طريق وشاف ميساء كاتلسا فلماحطة ديال طوبيس وكاتقول فنفسها ميساء= علا ش حتا واحد مامتيقني انا بريئة( وهي كاتبكي) انا غادي نتاحر ياترا الى مت واش غادي يتيقوني زعما غادي يندمو حيت ماتيقونيش ناضت وقفت فشانطي طاتصنا شي سيارة جايا بسرعة باش تعرض ليها فهاد الاثناء عماد سمعها وشافها واقفة فوسط شانطي مشا عندها كايجري وعتقها فاخر لحضة عماد =وهوما طايحين فالارض( اش هاد لحماق واش باغيا تقتلي راسك الحمقا)

ميساء=اهئ اهئ علاش نقدتيني علاش اهئ اهئ اهئ مشاو لواحد جريدة قريبا وكلسو كايتكلمو ميساء= شكرا ليك اكيد سمعتي شنو وقاعلي عماد= اه سناء = حتا نتا متيق انني حاولت نقتل صفاء عماد= لا مامتيقش ميساء =فنفسها ( غير كاتكدب حيت شفقتي عليا) عماد= انا كانتيق فيك نتي مستحيل ديري شي حاجا بحال هادي سناء= بابتسامة(شكرا بزاف) عماد= واش تلاقيتي مع لمحامية ميساء =اه ياريت كون حتى لمحامية صدقاتني بحالك عماد=(بمزاح)غدا نمشي معاك لمحكمة باش الى قلقاتك لمحامية نضربها ميساء=بابتسامة ( زعا ديرها) عماد=بابتسامة ( على قبلك نديرها شنو سميت ديك لمحمية ديالك) ميساء=اممممم واقلة سناء معقلتش على كنيتها اه يمكن كنيتها الداودي اه سناء الداودي عماد= مامصدقش ( واش نتي متاكدة ) ميساء =اه متاكدة عماد= غدا غادي نتسناك فلمحطة غادي نمشي معاك لمحكمة اوكي تسنايني ميساء=اوكي ليبغيتي فالغد سناء فالمحكمة واقفة قدام لسانسور مدت ليدها باش تفتح لباب دلمصعد وطلاقات يديها مع ليد ديال ش حد طلعات سناء عينيها مع شخص وكانت صدمة عرفتو شكون المدعية العامة ابتسام ابتسام= بابتسامة( عاش من شافك سمعت انك وليتي محامية مكانش كايحسابني غادي نطلاقاك هنا واش فتحتي مكتبك لخاص ولى خدامة مع شي شركة) سناء=(محاملاهاش) لا انا محامية عامة ابتسام=بتعالى (ااااه محامية عامة ادن غادي نوليو نشوفو بعضياتنا بزاف فالمحكمة سناء= بتعالي ايضا( اه ممكن) وفهاد لاثناء ميساء وعماد دخلو وشافو سناء واقفا مع شس حد ميساء=كاتجري عند سناء( كانتمنا مانكونش تعطلت) دورت راسها وشافت ابتسام (واش حتا نتي هنا) ابتسام=شافت فسناء (واش نتي لمحامية ديال ميساء) سناء=شافت فابتسام( واش نتي لمدعية لعامة لمسؤولة على هاد لقضية) وهوما كايشوفو فبعضياتهوم بكره ابتسام= اه انا سمحت فيهوم سناء ودخلت لحمام كاتغسل وجها وشافت فلمراية بوجهها لمبلول وماتفكر شنو دارت فيها ابتسام وكيفاش تاهمتها بالباطل خرجت من لحمام معصبة وتاجهت عند ميساء جراتها من يديها سناء= اجي معايا نهضرو برا ( شافت عماد تابعهوم) هدا مالو تابعنا ميساء=هدا صديقي جا معايا سناء=شافت فعماد بنفاد صبر( شوف راسي غادي ينفاجر هدا لاش بقا هنا تسناها) ولاكن هوا لصقة تابعهوم وقفت سناء ميساء مور واحد شجرة ( شدي هاد لورقة قرايها حيت هاد شي ليغاتكولي فالمحكمة) ورجعات خطفتهالها من يديها( ولا نكولك ماتقرايهاش يكفي انكي تجاوبي بنعم مفهوم ليقولتليك قولي اه) ميساء=بغضب (لا ماغانكولش اه غانقول لحقيقة ماعنديش مناش نخاف) سناء=واش شفتي داك لمدعية لعامة ديال قبيلة هاديك بحال لحرباء الى شدات علينا شي حاجا غادي تمشي فيها هادا عتارفي انك لمدنبة وهنينا وانا غادي نطلبهوم يخففولك لحكم تفاهمنا) عماد=شد سناء من يديها بعصبية سناء=هييي شكادير نتا طلق عماد = مازال شاد فيد سناء( ميساء دخلي سبقينا عندي شي هضرة مع هاد لمحامية) وشاف فسناء (بغيت نهضر معاك) سناء= عماد جار سناء بعصبية( هيييي نتا طلق مني شكايحسابلك راسك ابنادم) كايجر فيها مابغاتش تجر وهوا يهزها فوق كتافو( هيييييييي ااااااه نزلني واعيباد الللللللله عتقوني غايقتلني) نزلها مور واحد درب وشدلها فيديها باش ماتهربش ( هييي واش فخبارك هاد شي ليكادير فيه راه جريمة يعاقب عليها لقانون) طلقلها من يديها وجات غاديا وهوا يشدها عاود( شوف غييير بلعقل نتفاهمو شنو بغيتي مني )جرها لعندو حتا لصقت مع صدرو وهي ماقدراتش طلع عينيها فوجهو بتلعت ريقها وهي كاتحس بنفس ديالو كايداعب خصلات شعرها هزت عينيها فيه وقالت (شنو بغيتي مني) عماد بتالع ريقو بكل شوق ماقدرش ماكرهش يخليها فحضنو لعمر كلو عينيها دوبوه وهوا كايشوف فشفايفها لموردين وماقادرش يقاوم تمالك نفسو ودفعها بجهد حتا كانت غاطيح عماد= ولغضب فعينيه(انا زميل ميساء فالسم بغيت غير نكولك ميساء بريئة

سناء=جبدت ورقو وستيلو ( امممممم واش عندك شي شي دليل على هاد شي ليقلتي) عماد= اه لبارح طلاقيت ميساء فطرق كاتحاول تنتاحر سناء=هزت عينيها فيه( ونمبعد فين هوا دليل) عماد=مستغرب من قساوة قلبها مكانش متوقعها غاتكون بهاد لقساوة كلها( واش انا كانقولك حاولت تنتاحر واش كاين شي دليل كتر من هدا واش كاين شي واحد يسخى بحياتو الى ماضاقتش بيه دنيا وكاع لبيبان تسدو فوجهو واش بصح نتي محامية ) سناء=بنفاد صبر (وشكون نتا باش تعلمني ها نتا صغر مني وحاولتي تخطفني ودابا كاتلقي عليا محاضرة عرفتي شنو يجيك مليح سير لعب مع لبراهش ليقدك) عماد=مامصدقش وقاحتها(ادن خاصك تصرفي كمحامية وتحاولي تسمعليها ودافعي عليها ماشي تغرقيها ادن شنو لفرق بينك وبين لمدعية لعامة ) سناء= بصراخ (شوف الى عندك شي دليل جيبولي وباراكا عليا من تخربيق) عماد= عندي داليل سناء = مستغربة (ليهوا اش) عماد =كايشوفليها فعينيها سناء= لاش كاتشوف فيا جاوبني عماد=انا كانقدر نقرا افكار ديال ناس سناء= ها... ها...ها... نكتة بايخة عماد=صدقيني انا ماكانكدبش عليك سناء =ادن اثبتلي انك بصح كاتسمع افكار ناس انا غادي نفكر ونت قولي فاش كافكر عماد=اوكي سناء=فنفسها(نتا حمار كلب مكاتسواش حقير تفو عليك) عماد=معصب (نتا حمار كلب مكاتسواش حقير تفو عليك) هاد شي ليكولتي الالة لمحامية لفاشلة سناء=مصدومة وكاضور فعينيها (لا لا لا ماشي معقول غشيتي مامعاناش نعاودوها) عماد= بنفاد صبر( اوكي) سناء=فنفسها (ها يحسابو غايدوخ علييا ايوا شد هادي حيوان بغل مكبر عاجبك راسك بهيمة والله حتا نقتلك مغفل) يالاه ودابا شنو قلت عماد=مبرد دمو ها يحسابو غايدوخ علييا ايوا شد هادي حيوان بغل مكبر عاجبك راسك بهيمة والله حتا نقتلك مغفلل

سناء= مصدووووومة( ميمكنش) جات غاديا وشدها من كتافها بجوج وكايشوفلها فعينيها عماد= دابا تيقتي سناء=نترت راسها من يديه وبعدت وهوا جاي لعندها ( ماتقربش بعد لهيه) عماد =ياك تاكدتي انني مكانكدبش عليك شنو كاتسناء يالاه نقولولهوم لحقيقة غانقولهوم انا كنسمع افكار ناس وبلي ميساء بريئة سناء=هههههه واش كاتهضر بنيتك دابا نمشي نقولو سيدي لقاضي عندي شاهد كايقرا الافكار شاهد مشفش حاجة ههه فنضرك غايتيقوك ها هدا الى مضحكوش عليك وعتابروك مجنون وجراو عليك بصح عندك قدرة عضيمة ولاكن ماعندها باش تنفعنا وكيبقا سؤال لوحيد واش كاين شي دليل) عماد=فعلا وقف عند كلامها وتفكر فاش كان صغير فلجلسة ديال باباه قال للقاضي انا كانقرا افكار ناس ولاكن حتا واحد ماصدقو كولشي ضحك عليه ( خلاتو سناء واقف ومشات ولمسكين كلس على الارض ماقادرش يصدق واش هادي هيا سناء ليكايبغي جبد دفتر مدكراتو من شانطا ولاحو فزبل وزاد بضع خطوات ورجع هزو واخا ماعرفت شنو دير فيه كايبغيها) سناء دخلت للحمام وتصادفت مع ابتسام ابتسام=كاتحط لبودر على وحها(تفاجئة منين شفتك قبيلة وماقولتلكس مرحبا بشكل صحيح مدة هادي ماتلاقينا شحال دابا غاتكون) سناء= عشر سنوات اخر مرة شفتك نهار لمحكمة عقلتي فاش هربتي ابتسام= لا ماعقلتش سناء=كونت ديما كانوجد راسي باش نهار نتلاقاك نعرف شنو نقولك ولاكن دابا هربتلي لهدرة(مسحت يديها وسمحت فيها وخرجات وابتسام تابعاها ) ابتسام =بنضرة كلها خبث (شنو غاديري لوم فالجلسة محامية مع مدعية عامة واش غاتقدري تبتي لبرائة ديال لبنت اكيد غاتكون بيناتنا مواجهة شرسة ) سناء= اكيد مواجهة شرسة وانا مستاعدة ليها وغانتيت لبرائة ديالها ابتسام=كاتشوووف فيها (كاتشابهو بجوج بيكم) سناء =شكون ابتسام= لا والو غير كانهضر (ومشات) فهاد لاثناء عماد كان موراهوم دارت سناء وشافتو ودرقت وجها بيديها سناء=ماتقراليش افكاري الله يخلك عماد=شكون هاديك سناء= ماشي شغلك وماتخلينيش نشوفك مرا اخرا

عماد= شنو هوا حادت الالعاب نارية سناء=وقفت ودارت عند عماد بدهشة (كفاش عرفتي بهاد الحادث) عماد=قريت افكارها وكانت كاتكلم على شي حادث ديال لاعاب نارية سناء= بدهشة لتفتت شمال ويمين ( عاودلي عليها شنو قالت) عماد= قالت بلي ميساء كاتشبهلك قبل عشر سنين فالحادث الالعاب نارية ونتي وياها تحطيتو فنفس لموقف سناء زيرت على يديها وخرجة لنفس لباب باش تفكر فهاد لمصبة ديال ابتسام وكاتفكر كلام عماد ليقالها مابغاتش تسرط ليها وهيا كاضور فداك لباب عرفتوه داك لباب لكايضور وبقات ضور ضور وفهاد الاثناء القاضي ولمستشارين جاين بغاو يدخلو من لباب ولاكن هيا مالاحضتش ومازاااالة كاضور المستشار = واش ماشي هادي هيا لمحامية ليربحت فلاختبار وبانت فلجرائد المستشار اثاني= اه واش ماشي هيا هادي ليقبلتيها على قبل لقصة ديالها واخا لمعدل ديالها طايح كان كايحسابلك مزيانة وفهاد لاثناء سناء بدا تضور وتغوت وتغوت بالفقصة ديال ابتسام سناء= كاضور فالباب وضرب برجليها فالارض وتغوت( ااااااااااااااااااااه هاااااااااا هي هي هي هي اوووووو اوووووف العنة العنة العنة) القاضي= كايشوف فالمستشارين بغضب( داك ساع بانتلي دريفة اوف اشنو درت) =في الجلسة= القاضي= المدعية العامة عندك ماضيفي ابتسام= نعم سيدي المتهمة كانت كتغير من ضحية وكتنعتها بابشع لكلمات وستغلت لفرصة منسن كان لقسم خاوي ودفعتها من سرجم وحسب قانون 123 و1234 فانها محاولت قتل (هاعلاش كانسميو لمدعي لعام فالمغرب لمغرق حيت ماكايفلت حتا فرصة باش يزيد يغرقك ااااخ منك ابنسام) سناءكاتشوف فميساء متوترة وخايفة وبقات فيها شافت فعماد ليكان متواجد فالجلسة سناء= فافت فيه وقالت فنفسها وهي كاتشوفليه فعينيه(هي, نتا واش متاكد من برائتها, واش نقدر نتيق فيك) عماد =هز راسو بمعنة اه القاضي = محامي لمتهم واش عندك ماضيف (سناء كاتشوف فعماد وممنتبهاش لقاضي) هي والمحامية واش كاتسمعيني سناء= نتبهت ليه( نعم سيدي) القاضي = واش نتي قابلة بهاد الاتهامات

سناء= وقفت وهزت لملف وكاتشوف فيه وممقتنعاش بيه سداتو وحطاتو(لا سيدي القاضي انا انكر كل الاتهامات الموجهة لها المتهمة بريئة) قالت هاد لهدرة وهيا كاتشوف فابتسام بنضرة تحدي وشافة فعماد بابتسامة قبل هاد شي محمد خسر لقضية ديالو مع موكلو حيت تاق فمكلو ونهار لجلسة سدق المتهم غي كايكدب وخسر لقضية حيت تاق فيه كتر من لزوم محمد كايخدم لعاطفة ديالو وكايعتابر سناء قاسحة لقلب حيت ماكاتيقش حيت ماكاتيقش مفمكلينها وكان كايتحدا راس وان حتا سناء غادي تخسر قضيتها وتصدم فاش سمع سناء قالت (لا سيدي القاضي انا انكر كل الاتهامات الموجهة لها المتهمة بريئة) قالت عكس لكلام ليكانت كاتقول قبل لجلسة دوزو ديك لجلسة هيا وابتسام بحال لما مع ضو الى دخلتي بيناتهوم يقتلوك سناء دخل من جيهة وابتسام تخرجها من جيهة وكان عماد معاون سناء وكايقرا افكار القاضي ولمدعية ويعطيها اشارات حتا ولى لحق فجانب سناء ولاكن ابتسام ماسكتتش طلبت من القاضي ياجل لجلسة باش تحضر فيها حتا صفاء حيت فاقت من لغيبوبة والقاضي وافق وحتا سناء سناء خارجة وهي كاتنقز بالفرحة وتاتمشى بكل غرور حتا وصلها ميساج سناء= كاتقرا لميساج( غادي نتسناك ) مستغربة( شكون هدا هاد راقم غريب) دارت وهي تشوف عماد موراها هاز تيليفون فيديه مشات كاتجري عندو وغاطير بالفرحة(افين اداك لمخبر فين مكولتليش كيف جيتك واعرا ياك عرفتي غادي يخصك تولي تخدم معايا غادي نولي نربح لقضايا ديالي هههههه) عماد=(بابتسامة) واش بغيتيني نخدم معاك فابور سناء=واطميميع وع راسك ها هههه جاتك شحال مابغيتي نعطيك عماد=شاف فوجها كان مطبع بستيلو حدا شنايفها وبدا كايديرلها بصبعو على على خدو بمعني مسحي داكشي ليفوجهك ولاكن ختنا مافهمت والو سناء= مالك شنو بغيتي اااااااااااااااااااااااه فهمت وطارت عليه بوسة (صافي هاد شي ليبغيتي المنحرف) عماد= خونا فالله تصدم وقالها(شنو هاد شي وامسحي داكشي ليفوجهك) سناء= عاد عاقت( اااااه فين هنا ) بزقت يديها وبدات تمسح طبعن عماد كايعيف طلعاتلو لقلب شد فوجهو وتم غادي(هييي فين غادي مازال ماسلسنا لهضرة) عماد = غادي وكايضحك وشاد فلبلاصا ليباستو ليها وبلا مايضور قالها ( غادي نغسل وجهي عيفتيني) بلعاني باش ماتشدوش ( لعفريتا فاجئتني هههه) وهوا هابط مع دروج سمع واحد صوت مؤلوف عندو كايقول (طبعا هوا راه ماشافش شخص ليكيتكلم غيير سمعو بحكم الحاسة سابعة ليعمدو )سمعو كايقول ( هي لخبر ليشفت بصح لبرهوشة كبرات ولات محامية ) عماد غادي يحماق كايجري ويقلب حيت عرف مول داك صوت كيجري ويقلب بين ناس وحوا يشوف واحد راجل غادي مشا كايجري شدو من كتفو وضورو ولاكن صدق ماشي هوا شخص= هي مالك

عماد= سمحلي اسيدي تشابهتيلي مع شي حد كانعتادر اما شخص ليكايقلب عليه خرج من قدامي ومشافوش عماد= مستحيل يكون هوا =يوم الجلسة الثانية= صفاء = اقسم انني ساقول الحق ولا شئ غير الحق المدعية العامة= تقدري تقوليلنا نهار لجلسة واش كان لقسم خاوي صفاء=كاتشوف فميساء وعينيها كولهوم حقد( لا) المدعية=شكون ليكان معاك صفاء= تعتت باصبعها لميساء(هيا) سناء=بالخلعة وقفت ( سيدي القاض انا اعترض) القاضي = اعتراضك مرفوض ابتسام =شافت فسناء بمكر وكملت لاسئلة ديالها( واش تقدري تقوليلنا واش ميساء ليدفعاتك) صفاء=كاتشوف فميساء بمكر( اه هيا ليدفعاتني) ميساء مقدرتش تستحمل لكدبة ديالها وبدات تغوت وتسب ميساء=وهوما شادين فيها باش ماضربش صفاء(هااااااااااااي شنو كايحسابلك راسك الكلبة باغيا تغرقيني فالحبس القح... لحمارا الكدابا حرام عيك ماديريش فيا هاكا) وستمرت باصراخ وهوما شادينها لبوليس خرجو صفاء خافو عليها من ميساء وهوا يشدها عماد ومايشوفليها فعينيها وسمعها كاتقول فنفسها صفاء= مانقدرش نقول والو الى عتارفت كولشي غادي ينتاهي بنسبة ليا( بعدو لبوليس عماد وحردوها) وئجلو لجلسة لغدا اما سناء قررت تخلى على ميساء حيت فنضرها خدلاتها وكدبت عليها عيا معاها عماد باش يقنعها تبقا مع ميساء ولاكن هيا رفضات ضلام لحال وهي راجعا لدار حتا دربتها كورة لرجليها علات عينيها تشوف شكون الولد= واش ماعقلتيش علينا الولد ثاني= هههه والله حتا هيا الولد= نتي لي لحتيلنا لكورة فالحدورة وضيعتيهالنا عاقلة ياك سناء=كاضور فعينيها بخوف( لا ماعقلتش ) خلت فيهوم وزادت الولد= ههه كاتنكري اجي لهنا

سناء=بخطوات متسارعة شويا وبدات تجري الولاد=اجي والله ماغاتفلتي منا هاد لمرا والله حتا نقتلوك اجي وقفي (سناء كاتجري حتا دخلت فواحد درب خاوب (هههههههه صافي الكتكوتة طحتي فالحفرة) سناء=بخوف(هي نتوما هاد شي ليكاديرو فيه غايجيب ليكم غير لمشاكل انا غادي نديكلاري بيكم) علات عينيها شافت عماد هابط من ضروج غير بشوية عليه ( هاااااا هالمخبر ديالي وصل يالاه وريوني علاش قادين عماد سير عيط لبوليس دغيا سير) عماد=(كلس على درجة بكل برودة (الى بغيتيني نعتقك غادي توافقي دافعي على ميساء ) سناء= بصراح( اش كاتكول نتا ماشي هدا وقت هاد لهضرة سير عيط لبوليس) عماد=ناض وغادي بحالو ( مابغيتيش ادن ضبري راسك) سناء= صافي صافي موافقة اكيد ليبغيتي غانديرو الولد=هي نتي شوفي فيا عاد دابا كونت كانهضر معاك اليوما غادي دفعي تمان ديال داكشي ليكولتي عماد=عماد كايصفق بيديه (هي نتوما اجيو لهنا) الولد = واش نتا مسطي نتا لياجي (وهوا كايدير حركات تسخينية) عماد=كايطرطق عنقو الولد= بخوف جبد تيليفون من جيبو ( كونت باغي نبقا معاك ولاكن مشا لحال ناجلو هاد شي من بعد) وجا طالع وهوا عماد سد طريق برجليه عماد= ايوا مازال لحال اجي نتفاهمو دابا طراخ طاخ راخ هههههههه طحطحهوم مساكن وهربو كولهوم هههههه براهش دلخلى سناء=وااااااااااو جاكيشان وخلاص عماد=انا درت ليعليا بقيتي غير نتي توفي بوعدك سناء =اووووووووف اوكي زيد وصلني لدار ونفكرو فشي حل باش نتفكو من هاد لحريرة وصلها حتا لدار طريق كانلة وهوما يفكرو ماوصلو لحتا حل عماد= هانتي وصلتي يالاه دخلي سناء= شكران بزاف حيت نقدتيني (مشا عماد دخلت لدارعاد طلعت معاها) بلاتي كيفاش عرفني فين ساكنة غريب هاد لولد غادي يحمقني (وصلها مساج من نفس نمرة لمجهولةفيها غادي نتسناك) لعجب ديالمن هاد نمرة ماتكونش ديال عناد ياكما كايبغيني ههههه =في الغد=

في الغد مشات سناء لجامعة باش تقلب على أي دليل ثبت برائة مسياء قلبت حتى شبعت ولاكن بدون نتيجة بقات ليها بلاصة وحدة مكان ليطاحت فيه صفاء مشات تقلب فيه وهي طيح على بريكة وسجارة مبين ربيع مكانوش باينين شكت فالقضية ومشات لمستشفى باش تزور صفاء وتهدر معاها دات معاها ميساء وعماد صفاء= واش نتي باغياني نرجع نشهد فالمحكمة سناء= بما انك كدبتي فالجلسة ليفاتة غادي ترجعي وتقولي لحقيقة صفاء= انا مكدبتش وليعندي قولتو سناء= كنت كاتكمي داك نهار ياك صفاء=متفاجئة( اا للا اانا مكانكميش شنو كاتخربقي نتي) سناء= مشيت لجامعة ديالك وقلبت فلابتوب ديالك وكاع لاسئلة ليطرحتيهم فكوكل شفتهوم كيف اتخلص من رائحة سجائر . ماهي اضرار سجائر . كف اشتري سجائر من الانترنت والى اخره اه ولقيت بريكة وسيجارة فالمكان ليطحتي فيه صفاء= لا ميمكنش كيفاش لقيتي هاد شي كامل سناء= لى ستنتجت من هاد شي كامل نهار لحادت نتي كونتي كالسا حدى سرجم كاتكمي فسر ومابغيتي حتا شي حد يعرفك كاتكمي ومنين شفتي ميساء دخلت لقسم كلستي على سرجم ودرقتي بلخامية باش مايشوفك حد ولاكن خانوك رجليك وطحتي كاين هاد شي اولى لا مافهمتش كلاش كدبتي فالجلسة وتهمتي صديقتك شنوماكان سبب مكانش عليك ديري هاد لخصلة فلعشية كاينة لجلسة اجي حضري ودلي بشهادة ديالك صفاء= لا مغانمشيش خليها تعفن فالحبس ميساء=طلق مني اعماد بغيت ندخل نجرها من شعرها عماد= شادها( تهدني راكي هاكا غير كاتزيدي تغرقي راسك) ميساء= بصراخ( طلق مني طلااااااق بغيت ندخل نسمعها شكاتكول عليا) ودخلت (سمعيني اديك بونيف خاصنا نهضرو) سناء=هييي علاش دخلتي بلا منعيطلك يالاه خرجي ميساء= نترت يديها من سناء(بغيت غير نهضر معاها ماتخافيش) شافت فصفاء( بغيتك تجاوبيني علاش كاديري فيا هاكا واش غير كنيتك بونيف باغا تحبسيني على حاجا تافهة انا شنو دنبي) صفاء= حاجا تافها هههه سيري بحالك من هنا سناء= ولاكن بهاد تصرف راك غادخليها لحبس صفاء= ( ودموع فعينيها) وانا شنو دنبي ديما كاضحكي عليا وحاكرة عييا ادن خاسك تحبسي فسجن ليتحبستيني فيه بالحكرة ديالك وبحتقارك ليا وسبانك لماما وخا نتي عارفاها ميتا جربي

غير شوية من لحبس ليحبسنسني فييه لاصديق معاك ولا أي شحص يوقف معاك كرهتي ناس فيا كلشي كايعاملني باحتقار بسبابك اهئ اهئ ميساء=تفكرت نهار ليكانت غادي تنتاحر فيه بسبب انه حتى واحد ماوقف بجنبها وكلشي ستعر منها وحست بيها وهيا كاتبكب قالت( انا كانعتادر منك على أي حاجا درتها معاك ) صفاء=وفاش غايقيدني اعتدارك ميساء=جرت سناء(صافي خلينا نمشيو) سناء= شافت فصفاء( كانتمنى تخدمي ضميرك وتجي تشهدي بالحق) دارت شافت عماد وراهاوجراتو برا (اشنو واش واش سمعتيها فاش كاتفكر واش غادي تجي) عماد= بابتسامة (اه غادي تجي ) سناء=ولاكن علاش دارت هاكا عماد= دارت هاكا باش تسمع داكشي ليبغات وسمعاتو سناء=مزيان خلينا نمشيو =في الجلسة= القاضي= ستدعيو شاهد صفاء=اقسم ان اقول الحق ولا شئ غير الحق القاضي=المحامية المدعة عليه يمكنلك تستجوبي شاهدة تفضلي (قاطعتهوم ابتسام) ابتسام= سيدي القاضي بغيت غير نوضح لشاهدة انها الى غيرة الافادة ديالها غادي تحاكم بتهمت شهادة زور كولشي تفجئ من هضرتها سي براهيم حاضر لجلسة شاف سناء واحلة وماعارفة مادير كتبلها فميساج (شوفي القانون رقم 1357) سناء=قرات لميساج ومشات كاتجري عند لقاضي خلعاتو بغواتها( عافاك واش ممكن تعطيني كتاب القانون ديالك) القاضي = تفضلي سناء=كاتقلب فالكتاب على لقانون 1357 ولقاتو فيه لا يعاقت شخص على شهادة زور ادا كان عمره اقل من 18 لسنة (بابتسامة) شاهدة ممكن تقوليلنا شحال فعمرك صفاء=16 لسنة سناء=عطات ضربة لقاضية لبتسام بقات غير كاتشوف فيها هههه (سيدي القاضي حسب القانون 1357 لايمكن محاسبة قاصر فشهادة زور) بتسام غاتاكل جنابها بلفقصة ههههههههه (صفاء دابا معندك مناش تخافي تقدري تقولي شهادتك )

يتبع