المنفى الغريب الجزء السادس و الأخير

ﻃﻠﻊ ﻧﻬﺎﺭ ﺟﺪﻳﺪ ﻭﻟﻜﻦ ﻣﺎﻓﻴﻪ ﺗﺎﺟﺪﻳﺪ ﻣﻦ ﻏﻴﺮ ﺍﻟﻌﺮﻭﺳﺔ ﻋﺎﻃﻴﺎﻫﺎ ﺍﻟﺒﻜﺎ ﻭﺧﺘﻬﺎ ﻭﻏﺎﻟﻲ ﻛﻴﺼﺒﺮﻭ ﻓﻴﻬﺎ .. ﻭﺃﻧﺎ ﻛﻨﺘﺴﺨﺮ ﻋﻠﻰ ﺳﻴﺎﺩﺗﻬﻢ ﺟﻴﺒﻲ ﺍﻟﻤﺎ ﺟﻴﺒﻲ ﺳﻜﺮ ﺟﻴﺒﻲ ﻟﻤﻠﺤﺔ ﺗﺠﻴﻜﻢ ﻓﺮﺍﺱ ﻛﺎﻣﻠﻴﻦ .. ﻭﺍﻧﺎ ﻣﺰﺍﻻ ﻏﺎﺭﻗﺔ ﻓﺎﻟﻜﻮﺯﻳﻨﺔ ﺟﺎ ﻋﻨﺪﻱ ﺳﻴﺪﻫﻢ ﻏﺎﻟﻲ ﺍﻟﻠﻪ ﻳﻐﻠﻐﻠﻴﻪ ﺍﻟﻀﻠﻮﻉ

- ﺑﻨﺖ ﺷﺎﺭﻓﺔ ﻧﺎﻗﺼﺎﻙ ﺷﻲ ﺣﺎﺟﺔ ؟؟

- ﺣﺎﺟﺔ ؟؟ ﻭﺍﻟﻠﻪ ﺍﺧﻮﻳﺎ ﺇﻟﻰ ﺣﻮﺍﻳﺞ ﻫﻤﺎ .. ﻣﺎﻛﺮﻫﺘﺶ ﺷﻲ ﺗﺴﺎﻓﻴﺮﺓ ﻟﻠﺠﺰﺭ ﺍﻟﻤﺎﻧﺪﻳﻒ ﻭﺷﻲ ﺷﻮﺑﻴﻨﻎ ﻓﻠﻮﺱ ﺃﻧﺠﻴﻠﻮﺱ ﻭﺷﻲ ﺗﺒﺤﻴﺮﺓ ﻓﺎﻟﻬﻮﺍﻱ .. ﻭﺷﻲ ﻣﺴﺎﺭﻳﺔ ﻓﺎﻟﻤﻨﻄﺎﺩ ﻓﻮﻕ ﺃﻧﺪﻭﻧﻴﺴﻴﺎ ﺃﻭﻭﻭ ﺃﻭﻭﻭ ﻣﻜﺮﻫﺘﺸﺸﺶ

- ﺗﺸﻮﻳﻚ ﺍﻟﻌﺎﻓﻴﺔ ﺩﺟﻬﻨﻢ ﻻ؟؟ .. ﻭﺍﺵ ﺃﻧﺎ ﻛﻨﺴﻮﻝ ﻋﻠﻰ ﺍﻟﻜﻮﺯﻳﻨﺔ ﻭﻻ ﻋﻠﻰ ﺃﻭﻫﺎﻣﻚ ﺗﺎﻓﻬﺔ

- ‏( ﺑﺎﻟﻐﻮﺍﺕ ‏) ﺇﻳﻮﺍ ﻗﻮﻝ ﻟﻜﻮﺯﻳﻨﺔ .. ﺗﻔﻮ ﻋﻠﻰ ﻣﺮﺽ .. ﻧﺎﻗﺼﻚ ﻛﻠﺸﻲ ﻭﻣﻜﺎﻳﻦ ﺗﺎﺣﺎﺟﺔ

- ﻏﺎﻧﻄﻠﻌﻮ ﺃﻧﺎ ﻭﻣﻨﺎﻝ ﻟﻤﺪﻳﻨﺔ ﻭﻧﺸﻮﻓﻮ ﺷﻨﻮ ﻧﺠﻴﺒﻮﺍ

- ﺷﻜﻮﻥ ﻣﻨﺎﻝ؟؟ ﺃﻩ ﺧﺖ ﺍﻟﻌﺮﻭﺳﺔ .. ﻓﻴﻨﻚ ﺃﻟﺒﺎﻫﻴﺔ

- ﺷﻜﻮﻥ ﺍﻟﺒﺎﻫﻴﺔ ؟؟

- ﺷﻮﻑ ﻋﻨﺪﺍﻙ ﺗﻨﺴﻰ ﺻﻮﻓﺎ ... ﻏﺰﻝ ﺍﻟﺒﻨﺎﺕ ﻋﺰﻳﺰ ﻋﻠﻰ ﺍﻟﻌﺮﻭﺳﺎﺕ ﻟﻲ ﻫﺎﺭﺏ ﻟﻴﻬﻢ ﺭﺍﺟﻞ .. ﻭﺑﻮﻟﻔﺎﻑ ﺍﺣﺘﻴﺎﻁ ﻻ ﺗﻜﻮﻥ ﻛﺘﻮﺣﻢ

- ﻋﺮﻓﺘﻲ ﺷﻨﻮ ؟؟

- ﺷﻨﻮ؟؟

- ﻛﻨﻜﻬﺮﻙ .. ﻭﻛﻨﻜﺮﻩ ﻫﻀﺮﺗﻚ ﺍﻟﺨﺎﻭﻳﺔ .. ﻭﺻﻮﺗﻚ ﻛﻴﺠﻴﺐ ﻟﻴﺎ ﺭﺩﺍﻥ

- ﻭﺍﻧﺎ ﻋﺮﻓﺘﻲ ﺷﻨﻮ؟

- ﺷﻨﻮ ؟

- ﻭﺍﺍﺍﺍﻗﻠﺔ ﺭﺍﻙ ﺍﻧﺖ ﻟﻲ ﻛﺘﻮﺣﻢ .. ﻣﻜﺎﺗﺠﻴﻜﺶ ﺩﻭﺧﺔ ؟؟؟ ‏( ﻣﺰﺍﺩﺵ ﻣﻌﺎﻳﺎ ﺍﻟﻬﻀﺮﺓ ﻭﻣﺸﺎ ‏) ﺃﺟــــﻲ ﻭﺳﺨﻔﺔ ؟؟ ﺧﺨﺨﻬﻬﻬﻬﻬﻬﺬ

ﻣﺸﺎ ﻫﻮ ﻭﻣﻨﺎﻟﺘﻮ .. ﻭﺍﻧﺎ ﺿﺮﺕ ﺑﺎﻟﺪﺍﺭ .. ﻭﻣﺸﻴﺖ ﻧﻄﻞ ﻋﻠﻰ ﺍﻟﻌﺮﻭﺳﺔ ﺣﻴﺖ ﺻﻮﺗﻬﺎ ﺗﻘﻄﻊ ﻭﺍﻧﺎ ﺧﺎﻳﻔﺔ ﻻﺗﻜﻮﻥ ﺍﻧﺘﺎﺣﺮﺍﺕ ﻭﺗﺴﺒﺎ ﻋﻠﻴﺎ .. ﺩﻗﻴﺖ ﻋﻠﻴﻬﺎ ﺍﻟﺒﺎﺏ ﻭﻣﻦ ﺑﻌﺪ ﻣﺎ ﺳﻤﻌﺖ ﺇﺫﻥ ﺩﺧﻮﻝ ﺩﺧﻠﺖ ﻛﺎﻧﺖ ﺟﺎﻟﺴﺔ ﺣﺪﺍ ﺳﺮﺟﻢ ﻛﺎﺗﻤﺤﻲ ﻓﺪﻣﻮﻋﻬﺎ .. ﺟﻠﺴﺖ ﺣﺪﺍﻫﺎ ﻭﻣﺎﻟﻘﻴﺖ ﻣﺎﻧﻘﻮﻝ ﻣﺎﻋﻨﺪﻳﺶ ﻣﻊ ﺍﻟﻤﻮﺍﺳﺎﺓ

- ﻧﺎﻗﺼﺎﻙ ﺷﻲ ﺣﺎﺟﺔ ؟

- ﻻ

- ﻣﺸﻬﻴﺔ ﺷﻲ ﺣﺎﺟﺔ ﻧﻄﻴﺒﻬﺎ ﻟﻴﻚ ؟؟

- ﻻ

- ﻣﻤﻢ ﻓﻜﺮﺗﻴﻨﻲ ﻓﻴﺎ ﺍﻳﺎﻡ ﺯﻣﺎﻥ ﺗﺎ ﺍﻧﺎ ﻛﻨﺖ ﺑﺤﺎﻟﻚ .. ﻧﻬﺎﺭ ﺧﻼﻧﻲ ﺭﺑﻴﻊ ﺍﻟﺠﺒﺎﺹ .. ﺗﺨﻴﻠﻲ ﻛﺎﻥ ﺟﺎ ﻣﻦ ﺍﻟﻌﺮﻭﺑﻴﺔ ﻣﺎﻳﻜﺴﺎﺏ ﻣﺎﻳﻌﻼﻡ ... ﻭﺧﺪﻡ ﻋﻨﺪ ﻭﺍﺣﺪ ﺍﻟﺠﺒﺎﺹ .. ﻭﻛﺎﻥ ﻛﻞ ﻧﻬﺎﺭ ﻛﺎﻳﻘﻮﻝ ﻟﻴﺎ ﻣﻘﺎﺩﺭﺵ ﻋﻠﻰ ﻫﺎﺩ ﺍﻟﺨﺪﻣﺔ ﻧﻬﺮﺏ ﻧﺮﺟﻊ ﻣﻨﻴﻦ ﺟﻴﺖ .. ﻭﺍﻧﺎ ﻛﻞ ﻧﻬﺎﺭ ﻧﺼﺒﺮ ﻓﻴﻪ ﻭﻧﻮﻋﻴﻪ .. ﺇﻟﻰ ﺧﺮﺝ ﻣﻦ ﺍﻟﺨﺪﻣﺔ ﺑﺎ ﺭﺍﻩ ﻣﺎﻳﻘﺒﻠﺶ ﺑﻴﻪ .. ﻭﺷﻐﺎﻧﻮﻛﻠﻮ ﻭﻻﺩﻧﺎ ﻣﻠﻲ ﻧﺘﺰﻭﺟﻮ .. ﻛﻞ ﻧﻬﺎﺭ ﻧﺠﻴﺐ ﻟﻴﻪ ﺣﺠﺔ ﺟﺪﻳﺪﺓ ﻭﺇﻗﻨﺎﻉ ﺟﺪﻳﺪ .. ﺗﺎﻭﻻ ﺣﺮﺍﻳﻔﻲ ﻭﺩﺧﻠﻮﻩ ﺍﻟﻔﻠﻮﺱ .. ﻭﻣﺸﺎ ﺗﺰﻭﺝ ﻋﻴﺸﺔ ﺑﻨﺖ ﻋﻤﻮ ... ﻭﺍﻧﺎ ﻛﺒﻴﺖ ﺍﻟﻤﺎ ﻋﻠﻰ ﻛﺮﺷﻲ ﻭﺟﺒﺖ ﻓﺎﻟﺠﻬﻮﻱ ﺟﻮﺝ ﻭﺩﻭﺑﻠﺖ ﻓﺎﻟﺒﺎﻙ ﺗﻠﺖ ﺳﻨﻴﻦ

- ﻫﻬﻬﻪ

- ﻛﻨﺸﻜﻲ ﻋﻠﻴﻚ ﻫﻤﻲ ﻣﺎﺧﺼﻜﻴﺶ ﺿﺤﻜﻲ ..

- ﻫﻪ ﻭﺍﺧﺎ

- ﻧﻌﺎﻭﺩ ﻟﻴﻚ ﻋﻠﻰ ﻗﺼﺘﻲ ﻣﻊ ﻣﻬﺪﻱ ﺳﻴﻜﻠﻴﺲ ؟ ﻭﻟﻲ ﻛﺎﻥ ﺳﺒﺎﺏ ﻓﺴﻘﻮﻃﻲ ﻓﺎﻟﺒﺎﻙ ﻟﻮﻝ .. ﻭﻣﺮﻭﺍﻥ ﺍﻟﺠﺰﺍﺭ ... ﻭﻧﺒﻴﻞ ﺍﻟﻔﺮﻣﻠﻲ .. ﻭﺳﻌﻴﺪ ﺟﺪﺍﺭﻣﻲ ﺗﻲ ﺭﺍﻧﻲ ﻣﺪﻭﺯﺓ ﺣﺮﻑ ﺍﻟﻤﻐﺮﺏ

- ﻫﻪ ﻭﺍﺧﺎ

ﺑﺪﻳﺖ ﻛﻨﻌﺎﻭﺩ ﻟﻴﻬﺎ ﻋﻠﻴﻬﻢ ﻭﺍﺣﺪ ﺑﻮﺍﺣﺪ ﻭﺳﻴﺪﺓ ﻛﺎﺗﻔﺮﺷﺦ ﺑﻀﺤﻚ ... ﺗﺎﺩﺍﺯ ﺍﻟﻮﻗﺖ ﻭﺭﺟﻌﻮ ﻋﺼﺎﻓﻴﺮ ﺍﻟﺤﺐ ﻣﻦ ﺳﻮﻕ .. ﻭﻗﺎﻟﻚ ﺟﺎﻳﺒﻴﻦ ﺍﻟﻜﺮﻭﻓﻴﺖ ﻧﻄﻴﺒﻮ ﻟﻴﻬﻢ .. ﺍﻟﻠﻪ ﻳﻄﻴﺐ ﻟﻴﻬﻢ ﺍﻟﻘﻠﺐ .. ﺍﻧﺎ ﻋﻤﺮﻱ ﺷﻔﺘﻮ ﺗﺎ ﻣﺒﺎﺷﺮﺓ ﺑﻘﺎﻟﻲ ﻏﺎﻧﻄﻴﺒﻮ .. ﻟﺪﺍﻛﺸﻲ ﺗﻄﻮﻋﺎﺕ ﻣﻨﺎﻝ ﻃﻴﺒﻮ ﻭﻫﻮ ﻣﻦ ﺍﻟﺤﻨﻴﺔ ﻟﻲ ﻓﻴﻪ ﻗﺎﻟﻴﻬﺎ ﻧﺴﺎﻋﺪﻙ .. ﻭﺍﻧﺎ ﻣﻦ ﺳﻌﺪﻱ ﻧﺮﺗﺎﺡ ﺷﻮﻳﺔ .. ﻭﻟﻜﻦ ﺇﻳﻨﺎ ﺭﺍﺣﺔ ﻭﺩﻗﺎﻥ ﻏﺎﻳﻬﺮﺱ ﺍﻟﺒﺎﺏ .. ﻣﺸﻴﺖ ﻛﻨﻄﻴﺮ ﻳﺴﺤﺎﺑﻨﻲ ﺯﺍﻫﻴﺔ .. ﻭﻟﻜﻦ ﺯﻫﺮﻱ ﻫﻮ ﻟﻲ ﺯﺍﻫﻲ ﻫﺎﺩ ﻟﻴﻠﺔ .. ﻛﺎﻥ ﻋﺎﺩﻝ ﺍﻟﺸﻴﻄﺎﻥ ﻭﻣﻦ ﺗﺤﺖ ﺻﺒﺎﻃﻮ ﻭﺍﺣﺪ ﺭﺍﺟﻞ ﻛﻠﻮ ﺩﻣﺎﻳﺎﺕ ﻭﺳﻨﺔ ﻟﻘﺪﺍﻣﻴﺔ ﻃﺎﻳﺮﺓ

ﺩﺍﺭ ﻛﻠﻬﺎ ﺗﺠﻤﻌﻮ ﺑﺴﺮﻋﺔ ﺍﻟﺒﺮﻕ ﺣﻴﺖ ﺍﻟﻐﻮﺍﺕ ﺩﻳﺎﻝ ﺿﺤﻴﺔ ﺧﺎﻧﻖ ﺩﺍﺭ .. ﻣﻦ ﺑﻌﺪ ﻋﺮﻓﺖ ﺑﻠﻲ ﻫﻮ ﺍﻟﻌﺮﻳﺲ .. ﻭﺳﻴﺪﻫﻢ ﻋﺎﺩﻝ ﻫﻮ ﻭﻟﺪ ﻋﻢ ﺍﻟﻌﺮﻭﺱ ﻭﺧﺪﺍ ﻟﻴﻬﺎ ﺍﻟﺜﺄﺭ ﺩﻳﺎﻟﻬﺎ .. ﺃﺵ ﻫﺎﺩ ﺯﻫﺮ ﻳﺎﺭﺑــــﻲ .. ﻣﻦ ﺑﻌﺪ ﺍﻟﻌﺮﻭﺳﺔ ﺍﻟﺮﻗﻴﻘﺔ ﻭﻃﻴﻮﺑﺔ ﻗﺎﻟﺖ ﻟﻴﻬﻢ ﺑﻠﻲ ﻣﺎﺑﻘﺎﺗﺶ ﺑﺎﻏﺎﻩ ﻭﺍﻟﻠﻪ ﻫﻮ ﻟﻲ ﻏﺎﻳﺨﻠﺼﻮ .. ﺻﺮﺍﺣﺔ ﺃﻧﺎ ﻛﻦ ﻛﻨﺖ ﺑﻼﺻﺘﻬﺎ ﺍﻟﻠﻪ ﻏﺎﻳﺨﻠﺼﻮ ﺑﻴﺪﻳﺎ ﺃﻧﺎ ﻧﻴﺖ .. ﻣﻦ ﺑﻌﺪ ﺍﻟﻤﺴﻠﺴﻞ ﺩﺭﺍﻣﻲ ﻟﻲ ﻃﺮﺍ .. ﺍﺭﺗﻤﺖ ﺍﻟﻌﺮﻭﺱ ﺑﻴﻦ ﺍﺣﻀﺎﻥ ﻭﻟﺪ ﻋﻤﻬﺎ ﻣﻦ ﺑﻌﺪ ﻣﺎﺭﻣﻰ ﺍﻟﻌﺮﻳﺲ ﺑﺮﺍ ... ﺃﺡ ﺍﻧﺎ ﺑﺎ ﻏﻴﺮ ﺇﻟﻰ ﺷﺎﻓﻨﻲ ﻣﺪﻳﺖ ﻳﺪﻱ ﻟﻮﻟﺪ ﻋﻤﻲ ﺑﺎﺵ ﻧﺴﻠﻢ ﻳﻘﻄﻌﻬﻢ ﻟﻴﺎ ... ﻭﻟﻜﻦ ﺍﻟﻤﺸﻜﻠﺔ ﺍﻟﻜﺒﻴﺮﺓ ﻫﻲ ﻗﺎﻟﺖ ﻟﻴﻪ ﺑﻘﺎ ﻣﻌﺎﻳﺎ ﻣﺎﺗﺨﻠﻴﻨﻴﺶ ... ﻭﻫﻮ ﻭﺍﻓﻖ .. ﺗﻔﻮ ﻋﻠﻰ ﺟﻨﻮﺳﺔ .. ﺧﻠﻴﺘﻬﻢ ﻳﻜﻤﻠﻮ ﺩﺭﺍﻣﺎ .. ﻭﻃﻠﻌﺖ ﺑﺰﺭﺑﺔ ﻟﺒﻴﺘﻲ ﻭﺑﺪﻳﺖ ﻧﻐﻮﺕ ﻋﻠﻰ ﺍﻟﻌﺮﻳﺲ ﻣﻦ ﺳﺮﺟﻢ

- ﺑﺴﺒﺴﺒﺴﺒﺴﺒﺲ ﺗﺴﻨﻰ

- ‏( ﺑﺼﻮﺕ ﻣﺒﺤﻮﺡ ‏) ﺃﺙ ﺑﻐﻴﺜﻲ ؟

- ﻭﺭﺍﻙ ﻣﻐﺎﺗﻌﺮﻓﺶ ﻃﺮﻳﻖ ﺑﻮﺣﺪﻙ ﻓﻬﺎﺩ ﻟﻴﻞ ﺗﺴﻨﻰ ﻧﻤﺸﻲ ﻣﻌﺎﻙ ﻧﻮﺭﻳﻚ

ﻟﺤﺖ ﻟﻴﻪ ﺍﻟﻤﻴﻜﺔ ﺩﻳﺎﻝ ﺣﻮﺍﻳﺠﻲ .. ﻭﻗﻠﺖ ﻟﻴﻪ ﻳﺘﺴﻨﻰ ﻫﺎﻧﺎ ﻧﺎﺯﻟﺔ ﻣﻦ ﺳﺮﺟﻢ ﻻﺧﻮﺭ ﻟﻲ ﻣﻦ ﺟﻬﺔ ﻟﻮﺧﺮﺍ ﺳﺎﻫﻠﺔ ﻧﺰﻟﺔ ﻣﻦ ﺗﻤﺎ ﻭﺣﻴﺖ ﺑﻴﺘﻲ ﺟﺎ ﻋﻠﻰ ﺷﻮﻛﺔ ... ﺗﺮﺩﺩﺕ ﻓﻠﻮﻝ ﺣﻴﺖ ﺍﻷﺭﺽ ﻛﺎﺗﺒﺎﻥ ﺑﻌﻴﺪﺓ .. ﻭﻟﻜﻦ ﻧﻐﺎﻣﺮ ﺑﺤﻴﺎﺗﻲ .. ﺣﺴﻦ ﻣﺎﻧﺠﻠﺲ ﻧﺘﺴﻨﻰ ﻓﻤﻮﺗﻲ .. ﻗﻠﺖ ﺑﺴﻢ ﺍﻟﻠﻪ ﻭﺑﺪﻳﺖ ﻓﺎﻟﻤﺨﺎﻃﺮﺓ ﻭﺟﺎﺏ ﺍﻟﻠﻪ ﺩﺍﺭ ﻛﺎﻧﺖ ﻋﺎﻣﺮﺓ ﺣﻔﺎﺭﻱ .. ﻧﺤﻂ ﺭﺟﻞ ﻫﻨﺎ ﻭﺭﺟﻞ ﻟﻬﻴﻪ ... ﻭﻟﻜﻦ ﺻﺪﻣﺔ ﻫﻲ ﻣﻦ ﺑﻌﺪ ﻣﺎﺿﺮﺑﺖ ﻧﺼﻒ ﻟﻤﺴﺎﻓﺔ ﻣﺎﻟﻘﻴﺘﺶ ﻓﻴﻦ ﻧﺤﻂ ﺭﺟﻠﻲ ﻭﺍﺍﺍﻉ ﻭﺇﻟﻰ ﻃﺤﺖ ﻟﻸﺭﺽ ﻏﺎﻧﺘﻬﺮﺱ ﻣﺎﺋﺔ ﻓﺎﻟﻤﺎﺋﺔ .. ﻣﺎﺑﻘﻰ ﺗﺎﺣﻞ ﻗﺪﺍﻣﻲ ﻣﻦ ﻏﻴﺮ ﻧﺮﺟﻊ ﻣﻨﻴﻦ ﺟﻴﺖ ﻭﻟﻜﻦ ﻧﺰﻟﺔ ﻣﺎﺷﻲ ﻫﻲ ﻃﻠﻌﺔ .. ﺯﻟﻘﺎﺕ ﻟﻴﺎ ﺭﺟﻠﻲ ﻓﺄﻭﻝ ﺧﻄﻮﺓ ﻭﺟﻴﺖ ﻣﻜﺴﻠﺔ ﻓﺎﻷﺭﺽ .. ﻭﻣﻊ ﺍﻟﺤﻠﺔ ﺩﻳﺎﻝ ﻋﻴﻨﻲ ﻟﻘﻴﺖ ﻏﺎﻟﻲ ﻭﻋﺎﺩﻝ ﻋﻨﺪ ﺭﺍﺳﻲ ﻭﺍﻧﺎ ﺣﺎﺑﺴﺔ ﻓﻴﺎ ﺍﻟﻐﻮﺗﺔ .. ﻏﺎﻟﻲ ﻛﺎﻥ ﻣﺨﻠﻮﻉ ﻭﻻﺧﻮﺭ ﻣﺎﻋﺮﻓﺘﺶ ﺣﻴﺖ ﻧﺪﻭﺏ ﻓﻮﺟﻬﻮ ﻣﻜﺎﺗﺒﻴﻦ ﺗﺎ ﺭﺩﺓ ﻓﻌﻞ

ﻏﺎﻟﻲ : ﺃﺵ ﻛﺎﺩﻳﺮﻱ ﻫﻨﺎ ؟؟ ﻭﻋﻼﺵ ﻧﻘﺰﺗﻲ ﻣﻦ ﺳﺮﺟﻢ ؟؟

- ﺃ ؟؟؟ ﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁ ‏( ﻣﺎﻟﻘﻴﺖ ﻣﺎﻧﻘﻮﻝ ﻣﻦ ﻏﻴﺮ ﺍﻟﻐﻮﺍﺕ ﺣﻴﺖ ﺑﺼﺢ ﻛﻨﺖ ﻣﻘﺴﺤﺔ ‏)

ﻫﺰﻭﻧﻲ ﻭﺩﺍﻭﻧﻲ ﻭﺍﻧﺎ ﻛﻨﻐﻤﺰ ﻓﺎﻟﻌﺮﻳﺲ ﻳﻌﻠﻖ ... ﻣﻦ ﺑﻌﺪ ﺳﺎﻋﺔ ﻣﻦ ﺍﻷﻟﻢ ﻭﺍﻟﻐﻮﺍﺕ ﺗﻬﺪﻧﺖ ﺷﻮﻳﺔ .. ﻭﻟﻜﻦ ﻏﺎﻟﻲ ﻭﺍﻷﺧﺮﻭﻥ ﻣﺰﺍﻝ ﻛﺎﻳﺘﺴﻨﺎﻭ ﺗﻔﺴﻴﺮ

- ﻣﺸﻴﺖ ﻧﻌﺲ ﻣﺎﻋﻠﻴﺎ ﻣﺎﺑﻴﺎ ... ﻭﺳﻤﻌﺖ ﺷﻲ ﺻﻮﺕ ﻛﺎﻳﻘﻮﻝ ﻟﻴﺎ ﻧﺰﻟﻲ ﻟﺒﻴﺮ ﺩﺍﺍﺍﺍﺑﺎ .. ﺧﻔﺖ ﻭ ﻣﺎﺑﻐﻴـــﺘﺶ .. ﻭﻣﺎﺣﺴﻴﺖ ﺑﺮﺍﺳﻲ ﻏﻴﺮ ﻛﻨﺘﻬﺰ ﻭﻛﻨﺘﺨﺒﻂ ﻣﻊ ﺳﺮﺟﻢ ... ﺑﺴﻢ ﺍﻟﻠﻪ ﺍﻟﺮﺣﻤﺎﻥ ﺍﻟﺮﺣﻴﻢ .. ﺗﺴﻠﻴﻴﻴﻴﻢ

ﺩﺭﺕ ﺭﺍﺳﻲ ﻏﺎﻧﺴﺨﻒ .. ﻭﺗﺎ ﻭﺍﺣﺪ ﻣﺎﺗﻴﻘﻨﻲ ﻣﻦ ﻏﻴﺮ ﻏﺎﻟﻲ .. ﻣﻦ ﺑﻌﺪ ﻣﺎﺧﻼﻭﻧﻲ ﺍﻧﺮﺗﺎﺡ ﺳﻤﻌﺘﻮ ﻛﺎﻳﻌﺎﻭﻟﻴﻬﻢ ﺑﻠﻲ ﺃﻧﺎ ﻣﺴﻜﻮﻧﺔ .. ﻭﺷﺤﺎﻝ ﻣﻦ ﻣﺮﺓ ﻟﻘﺎﻧﻲ ﻭﺍﻗﻔﺔ ﻋﻨﺪ ﺍﻟﺒﻴﺮ ﻓﻨﺼﺎﺻﺎﺕ ﺩﻳﺎﻝ ﻟﻴﻞ .. ﺍﻟﻠﻪ ﻳﻤﺴﺨﻮ ﺟﻮﺝ ﻣﺮﺍﺕ ﺭﺩﻫﻢ ﺑﺰﺍﺍﺍﻑ .. ﻭﻟﻜﻦ ﺣﺴﻴﺖ ﺑﻴﻪ ﻗﻨﻌﻬﻢ .. ﻭﺍﻧﺎ ﺃﻫﻢ ﺣﺎﺟﺔ ﻋﻨﺪﻱ ﻋﺎﺩﻝ ﻳﻘﺘﺎﻧﻊ ... ﺣﻴﺖ ﻋﻨﺪﻱ ﻣﻌﺎﻩ ﺳﻮﺍﺑﻖ ﻓﺎﻟﻬﺮﻳﺐ

ﻭﺻﻞ ﻟﻮﺣﺪﺓ ﺩﻳﺎﻝ ﻟﻴﻞ ﻭﺗﻘﻄﻊ ﺍﻟﺤﺲ ﻓﺪﺍﺭ .. ﺇﻻ ﻓﺒﻴﺘﻲ ﺟﺎﻟﺴﺔ ﻛﻨﻐﻮﺕ ﻏﻴﺮ ﺑﺸﻮﻳﺔ ﻣﻠﻲ ﻛﺎﻧﺤﺮﻙ ﺭﺟﻠﻲ ﻭﻛﺎﻧﺘﻌﻜّﺮ .. ﻻ ﺩﻳﺎﻟﻲ ﺑﻘﺎ ﻻ ﻭﺟﻬﻲ ﺗﻨﻘﻰ .. ﺩﺭﺕ ﻏﻴﺮ ﺍﻟﻔﻀﻴﺤﺔ ﻓﺮﺍﺳﻲ ﻭﺯﺩﺕ ﺍﻟﺨﻞ ﻋﻞ ﺍﻟﺨﻠﻮﻝ .. ﺗﻮﺣﺸﺖ ﺍﻟﺰﺍﻫﻴﺔ ﺍﻟﻤﺴﺨﻮﻃﺔ ﻋﻠﻢ ﺍﻟﻠﻪ ﻓﻴﻦ ﺻﺎﺩﺓ ﺩﺍﺑﺎ .. ﻭﺍﻧﺎ ﺑﺎﻗﺎ ﻛﻨﻔﻜﺮ ﻓﻴﻬﺎ ﻭﻫﻲ ﺗﺤﻞ ﺍﻟﺒﺎﺏ ﻧﺎﺭﻱ ﻗﻠﺒﻲ ﻭﻗﻒ ﻳﺴﺤﺎﺑﻨﻲ ﻋﺎﺩﻝ ﻭﻟﻜﻦ ﻛﺎﻥ ﻏﻴﺮ ﻏﺎﻟﻲ ﺟﺎﻳﺐ ﻛﺎﺷﺘﻮ ﻭﺟﺎﻱ

- ﺁﻩ ﺁﻩ ﺃ ﺳﻴﺪﻱ ﺩﺍﺧﻞ ﻟﺤﻤﺎﻡ .. ﻓﻴﻦ ﺟﺎﻱ ﺑﻤﺎﻧﻄﺘﻚ

- ﺟﺎﻱ ﻧﺒﺎﺕ ﻫﻨﺎ ﻣﻌﺎﻙ ﺍﻻﻟﺔ

- ﻭﻳﻠﻲ ﻋﻠﻰ ﻣﻌﺎﻳﺎ ﺷﻮﻑ ﻏﺎﺗﻤﺸﻲ ﻟﺒﻴﺘﻚ ﻭﻻ ﻧﺠﻤﻊ ﻋﻠﻴﻚ ﺟﻮﻗﺔ

- ﺧﺎﻳﻒ ﻋﻠﻴﻚ ﺃﻻﻟﺔ ﺩﻧﻴﺎ ﻻ ﻳﻀﺮﺑﻮﻙ ﺟﻨﻮﻥ ﺗﺎﻧﻲ ﻭﻳﻠﻮﺣﻮﻙ ﻓﻠﺒﻴﺮ

- ﻳﺎﻙ ﻋﻨﺪﻙ ﺍﻟﻜﺎﻣﻴﺮﺍﺕ ﻣﻠﻲ ﺗﺸﻮﻑ ﺷﻲ ﺣﺎﺟﺔ ﺟﻲ ﻛﺎﺗﺠﺮﻱ

- ﻋﻠﻰ ﺃﻧﺎ ﻏﺎﻧﺒﻘﻰ ﺣﺎﺿﻴﻚ ﻣﻦ ﻟﻜﺎﻣﻴﺮﺍﺕ ﻟﻴﻞ ﻛﻠﻮ .. ﺍﻟﻠﻬﻢ ﻧﺒﺎﺕ ﻫﻨﺎ ﻭﺗﺎﺇﻟﻰ ﻛﺎﻧﺖ ﺷﻲ ﺣﺎﺟﺔ ﻧﺴﻤﻌﻬﺎ ﻭﻧﻔﻴﻖ .. ﻭﺯﺍﻳﺪﻭﻥ ﻗﺒﺎﻳﻠﺔ ﻟﻜﺎﻣﻴﺮﺍﺕ ﻣﺎﺑﻴﻨﻮ ﻻ ﺟﻨﻮﻥ ﻻ ﻭﺣﻮﺵ .. ﺑﻴﻨﻮ ﻟﻴﺎ ﻏﻴﺮ ﺍﻧﺘﻲ ﻻﻳﺤﺔ ﻟﻤﻴﻜﺔ ﻭﻣﻨﻘﺰﺓ ﺑﺮﺟﻠﻴﻚ ﻛﻲ ﺍﻟﻘﺮﺩﺓ

- ﺣﺎﺷﺎﻙ .. ﻭﻣﻦ ﺣﻴﺖ ﻋﺎﺭﻑ ﺑﻠﻲ ﻣﺎﻛﺎﻳﻦ ﻻ ﺟﻨﻮﻥ ﻻ ﻭﺍﻟﻮ ﺇﻳﻮﺍ ﺗﻼﺡ

- ﺑﻐﻴﺖ ﻏﻴﺮ ﻧﻌﺮﻑ ﻻﺵ ﻛﻨﺘﻲ ﺑﺎﻏﺎ ﺗﻬﺮﺑﻲ ؟

- ﻭﺍﻧﺖ ﻣﺎﻟﻚ .. ﻃﻠﻌﺘﻲ ﻟﻴﺎ ﻓﺮﺍﺳﻲ ﻭﺟﺮﺣﺘﻴﻨﻲ ﻓﺼﺒﺎﺡ ﻣﻠﻲ ﻗﻠﺘﻲ ﻟﻴﺎ ﻛﻨﻜﺮﻫﻚ .. ﻭﺳﻴﺪ ﻗﺒﻴﻠﺔ ﻛﺎﻥ ﻏﺎﺩﻱ ﻏﺎﺩﻱ ﻗﻠﺖ ﻧﻤﺸﻲ ﻣﻌﺎﻩ .. ﻓﻴﻬﺎ ﺷﻲ ﺣﺎﺟﺔ .. ﺇﻳﻮﺍ ﻋﺮﻓﺘﻲ ﺇﻭﺍ ﺩﻙ

ﻫﻮ ﻋﺎﺩ ﻣﺰﺍﺩ ﺟﻠﺲ ﺳﻴﺪ ﻣﺼﻤﻢ ﻳﺒﻘﻰ ﻋﺎﺱ ﻟﻴﺎ ﻋﻨﺪ ﺭﺍﺳﻲ

- ﻻ ﺃﺵ ﻏﺎﺩﻳﺮﻱ؟؟

- ﻛﺎﺗﻔﺮﺝ ﻓﺎﻟﻤﺴﻠﺴﻼﺕ ﺗﺮﻛﻴﺔ ﺑﻼ ﻗﻴﺎﺱ .. ﻟﻤﺮﻳﻮﺓ ﻻﺧﻮﺭ .. ﺍﺟﻲ ﺩﺑﺎ ﺗﺸﻮﻓﻚ ﻣﻨﺎﻝ ﻭﻃﻴﺢ ﻣﻦ ﻋﻴﻨﻴﻬﺎ ﻭﺗﺒﻘﻰ ﺃﺻﻜﻊ ﺑﻼﺯﻭﺍﺝ

- ﻧﺘﺰﻭﺝ ﺑﻴﻚ ﺍﻧﺖ .. ﻳﺎﻙ ﺗﺎﻧﺘﻲ ﺗﺎ ﺣﺪ ﻣﺪﺍﻳﻬﺎ ﻓﻴﻚ .. ﻭﺣﺘﻰ ﻣﻦ ﺭﺑﻴﻊ ﺍﻟﺠﺒﺎﺹ ﺧﻼﻙ

- ﺍﻟﻠﻪ ﻳﺨﻠﻴﻚ ﺑﺎﻟﺨﻼ .. ﺗﻔﻮ ﻋﻠﻰ ﻣﺮﺽ .. ﻏﻴﺮ ﻃﺎﻟﻖ ﻭﺩﻧﻴﻚ .. ﺍﻟﻠﻪ ﻳﻐﺒﺮ ﻟﻴﻚ ﺍﻟﺸﻘﻒ ﺍﻧﺖ ﻭﻫﺎﺩ ﺍﻟﻜﺎﻣﻴﺮﺍﺕ ﺩﻳﺎﻟﻚ .. ﻭﻟﻜﻦ ﻫﺎﻫﻲ ﻏﺎﺗﺮﺟﻊ ﺯﺍﻫﻴﺔ ﻭﻧﺸﻮﻓﻮ

- ﺃﻫﺎﻩ ﻧﺸﻮﻓﻮ .. ﻭﺑﺎﻟﻤﻨﺎﺳﺒﺔ ﺗﺸﻮﻓﻲ ﺍﻟﻌﻤﻰ

- ﺗﺸﻮﻓﻮ ﻏﻴﺮ ﺍﻧﺖ .. ﻭﺍﺵ ﺩﺍﺑﺎ ﻏﺎﺗﺒﻘﻰ ﻣﻘﺮﻕ ﻫﻨﺎ .. ﻳﺎﻙ ﺍﻧﺖ ﺑﺎﻏﻴﻨﻲ ﻧﺨﺮﺝ ﻟﻴﻚ ﻣﻦ ﺩﺍﺭ .. ﺇﻳﻮﺍ ﺃﺵ ﻓﻴﻬﺎ ﺇﻟﻰ ﻫﺮﺑﺖ .. ﻭﻻﺑﺎﻏﻴﻨﻲ ﻧﺒﻘﻰ ﺧﺪﺍﻣﺔ ﻋﻠﻴﻜﻢ ﻓﻬﺎﺩ ﺩﺍﺭ .. ﺍﻧﺖ ﻭﺿﻴﺎﻓﻚ

- ﺳﻜﺘﻲ ﻭﻧﻌﺴﻲ .. ﻣﻦ ﺑﻌﺪ ﻭﺗﻌﺮﻓﻲ ﻋﻼﺵ .. ﻭﺯﺍﻳﺪﻭﻥ ﻣﻠﻲ ﺗﺮﺟﻊ ﻣﻚ ﺩﻳﺮﻱ ﻟﻲ ﺑﻐﻴﺘﻲ

- ﺃﺵ ﻏﺎﻧﻌﺮﻑ ؟؟؟ ﻧﻌﺴﺘﻲ ﺗﻨﻌﺲ ﻣﺎﺗﻨﻮﺽ ..

ﺳﺪ ﻋﻴﻨﻮ ﻭﺗﻜﻰ ﻓﺎﻟﻘﻨﺖ ﺩﻳﺎﻝ ﺍﻟﺒﻴﺖ ... ﻭﻟﺪ ﺣﺮﺍﻡ ﺧﻼ ﺭﺍﺳﻲ ﺿﺎﺭﻧﻲ ﻭﻧﻌﺲ .. ﺑﻘﻴﺖ ﺗﺎ ﺃﻧﺎ ﻛﻨﺸﻮﻑ ﻓﻴﻪ ﺗﺎﻧﻌﺴﺖ .. ﻛﻴﺸﺒﻪ ﻟﺰﺍﻫﻴﺔ ﻫﻬﻬﻬﻪ ﻭﺷﻮﻳــــﺔ ﻟﻠﺒﺎﻫﻴﺔ

ﻭﺟﺎﺀ ﺻﺒﺎﺡ ﺃﺧﻴﺮﺍ ﻛﺎﻥ ﻏﺎﻟﻲ ﻣﺰﺍﻝ ﻧﺎﻋﺲ ﻭﻣﺸﻴﺖ ﻛﻨﺘﺴﻠﺖ ﻟﺠﻴﻬﺘﻮ ﻏﻴﺮ ﺑﺎﻟﺤﺲ .. ﻭﺗﺎﻗﺮﺑﺖ ﻟﻴﻪ ﻭﻋﺎﺩ ﻏﻮﺕ ﻋﻠﻰ ﻣﺎﻓﺤﺮ ﺟﻬﺪﻱ

- ﻭﺍﺍﺍﺍﺍﺍﺍﺍﺍﺍﺍﺍﺍﺍﺍﻋﺘﻘﻮ ﺭﻭﻭﻭﻭﻭﺡ

- ‏( ﺣﻞ ﻋﻴﻨﻴﻪ ﻭﺍﻗﻒ ‏) ﻫﻴﻲ ﺃﺵ ﻭﺍﻗﻊ؟؟

- ﺟﻨﻮﻥ ﻛﻴﺒﻴﻌﻮ ﻟﻜﻴﻒ .. ﻓﻴﻖ ﺑﺎﺵ ﺗﺴﻘﻲ ﻟﻴﺎ ﻣﻦ ﻟﺒﻴﺮ ﺭﺍﻩ ﺭﺟﻠﻲ ﺿﺎﺭﻧﻲ ﻭﻣﺎﻋﻨﺪﻱ ﺑﺎﺵ ﻧﺼﺎﻭﺏ ﻟﻴﻜﻢ ﻟﻔﻄﻮﺭ

- ﻭﻫﺎﻛﺪﺍ ﻛﺎﻳﻔﻴﻘﻮ ﻧﺎﺱ ﺃﻟﻬﻤﺠﻴﺔ

- ‏( ﺑﺒﺮﺍﺀﺓ ‏) ﻭﺍﻧﺎ ﺃﺵ ﻋﺮﻓﻨﻲ ﻛﻲ ﻛﺎﻳﻔﻴﻘﻮ ﻧﺎﺱ ﻭﺍﻧﺎ ﻋﻤﺮﻱ ﻛﻠﻮ ﺳﺎﻛﻨﺔ ﻏﻴﺮ ﻣﻊ ﺯﺍﻫﻴﺔ

- ‏( ﻣﻌﻔﺮ ‏) ﺯﻳﺪﻱ ﻗﺪﺍﻣﻲ

ﻣﺸﺎ ﺳﻘﺎﻟﻴﺎ ﻣﻦ ﺍﻟﺒﻴﺮ ﻭﺟﺎ ﻋﺎﻭﻧﻨﻲ ﻓﺎﻟﻔﻄﻮﺭ ﻭﻻ ﻳﺪﺧﻞ ﻟﻴﺎ ﺍﻟﻘﻠﺒﻲ ﻫﺎﺩ ﺳﻴﺪ .. ﺿﺮﻳﻒ ﻏﻴﺮ ﻫﻮ ﻣﻌﻨﻜﻚ .. ﻓﻄﺮﻧﺎ ﻭﺍﻧﺎ ﻏﻴﺮ ﻛﺎﺗﺠﻲ ﻋﻴﻨﻲ ﻓﻌﻴﻦ ﻋﺎﺩﻝ ﺿﻌﻤﺔ ﻛﺎﺗﻮﺣﻞ ﻟﻴﺎ ... ﻣﻦ ﺑﻌﺪ ﻣﺎﺳﺎﻟﻴﻨﺎ ﺍﻟﻔﻄﻮﺭ ﺗﺎﻓﻘﻮ ﻳﺪﻳﺮﻭ ﺟﻮﻟﺔ ﺑﻤﺎ ﺃﻧﻪ ﺍﻟﺠﻮ ﻣﻌﺘﺪﻝ ﻭﻣﻜﺎﻳﻦ ﻣﺎ ﻳﺪﺍﺭ .. ﻣﺎﺑﻐﻴﺘﺶ ﻧﻤﺸﻲ ﻭﻟﻜﻦ ﻟﺼﻘﺎﺕ ﻓﻴﺎ ﺍﻟﻌﺮﻭﺳﺔ .. ﻭﻭﺍﻓﻘﺖ ﻣﻦ ﺑﻌﺪ ﻣﺎﺷﻔﺖ ﺍﻟﺸﻜﻮﻙ ﻓﻌﻴﻨﻴﻦ ﺳﻴﻬﻢ ﻋﺎﺩﻝ .. ﻭﻟﻜﻦ ﻣﻨﺎﺵ ﻫﺮﺑﺖ ﻃﺤﺖ ﻓﻴﻪ .. ﻟﻌﺮﻭﺳﺔ ﻟﻲ ﻫﻲ ﺳﺎﺭﺓ ﻭﻏﺎﻟﻲ ﻭﻣﻨﺎﻝ ﻣﺸﺎﻭ ﺍﻟﻘﺪﺍﻡ ﻭﺃﻧﺎ ﻭﻋﺎﺩﻝ ﻟﻲ ﻛﻨﻌﺮﺟﻮ ﺑﻘﻴﻨﺎ ﺗﺎﺑﻌﻴﻨﻬﻢ ﻣﻦ ﻟﻮﺭ

- ﺑﻐﻴﺖ ﻧﺴﻮﻟﻚ ﻋﻼﺵ ﻫﺮﺑﺘﻲ ﺩﺍﻙ ﻧﻬﺎﺭ ؟؟

- ‏( ﺑﻌﻔﻮﻳﺔ ‏) ﺧﻔﺖ

- ﻣﻨﺎﺵ؟؟

- ﻛﺎﻥ ﺍﺣﺴﺎﺳﻲ ﻛﺎﻳﻘﻮﻟﻴﺎ ﺷﻲ ﺣﺎﺟﺔ ﻣﺎﻫﻴﺎﺵ .. ﻭﻧﻴﺖ ﺷﻔﺘﻲ ﺃﺵ ﻭﻗﻊ

- ﻭﺍﺵ ﺑﺼﺢ ؟

- ﺍﻩ

ﺑﺎﻳﻨﺔ ﻟﻌﻤﻰ ﻣﺎﺗﻴﻘﺶ ﻭﻟﻜﻦ ﻣﺎﻋﻨﺪﻭ ﺗﺎ ﺷﻲ ﺣﺠﺔ ﻋﻠﻴﺎ ﻭﺻﻠﻨﺎ ﻟﺤﺪﺍ ﻭﺍﺣﺪ ﺷﺠﺮﺓ ﻛﺒﻴﺮﺓ ﻭﺟﻠﺴﻨﺎ ﺍﻧﺮﺗﺎﺣﻮ

- ﻣﻨﺎﻝ : ﺃﺵ ﺑﺎﻥ ﻟﻴﻜﻢ ﻧﻠﻌﺒﻮ ﺷﻲ ﻟﻌﺒﺔ ؟

- ﻏﺎﻟﻲ : ﺃﻫﺎﻩ ﻓﻜﺮﺓ ﺯﻭﻳﻨﺔ

ﻗﺮﺩ ﻛﻦ ﻗﻠﺖ ﻟﻴﻪ ﺃﻧﺎ ﻧﻠﻌﺒﻮ ﻛﻦ ﻋﺎﻳﺮﻧﻲ ﻭﻫﻲ ﺩﻏﻴﺎ ﻭﺍﻓﻖ ﺍﻟﻘﺰﻗﺎﺯ ﻻﺧﻮﺭ

- ﻣﻨﺎﻝ : ﺑﻤﺎ ﺃﻧﻨﺎ ﻛﺒﺎﺭ ﺃﺵ ﺑﺎﻥ ﻟﻴﻜﻢ ﻧﻠﻌﺒﻮ ﻛﺮﺳﻲ ﺍﻹﻋﺘﺮﺍﻑ

- ﻏﺎﻟﻲ : ﺃﻫﺎﻩ .. ﻧﻠﻌﺒﻮﻫﺎ ﻫﺎﻫﻴﺎ ﻋﻨﺪﻱ ﻗﺮﻋﺔ ﺩﻳﺎﻝ ﻟﻤﺎ ﻧﺪﻭﺭﻭﻫﺎ ﺑﻴﻨﺎﺗﻨﺎ ﻭﻟﻲ ﺟﺎﺕ ﻓﻴﻪ ﺍﻟﻔﺘﺤﺔ ﻫﻮ ﻟﻲ ﻳﺴﻮﻝ ﺷﺨﺺ ﻟﻲ ﻣﻘﺎﺑﻞ ﻣﻌﺎﻩ

ﻛﻠﺸﻲ ﻭﺍﻓﻖ .. ﺩﻭﺭ ﻏﺎﻟﻲ ﻭﻣﺎﺗﺠﻲ ﻏﻴﺮ ﻓﺎﺧﺘﻜﻢ ﺩﻧﻴﺎ ﻭﺳﻲ ﻋﺎﺩﻝ ﻭﻫﻮ ﻟﻲ ﻳﺴﻮﻝ

- ﻋﺎﺩﻝ : ﺷﻨﻮ ﻫﻮ ﺃﻛﺒﺮ ﺟﺮﻡ ﺩﺭﺗﻴﻪ ؟

ﺃﻫﻴﺎ ﻧﺎﺭﻱ ﺃﺵ ﻫﺎﺩ ﺳﺆﺍﻝ .. ﻫﺪﺍ ﻛﻴﺪﻕ ﻋﻠﻴﺎ ﻧﻴﺸﺎﻥ .. ﻭﻟﻜﻦ ﻣﺎﻋﻤﺮﻭ ﻳﺤﻠﻢ ﺑﺎﻟﺠﻮﺍﺏ ﻟﻲ ﺑﺎﻏﻲ ﺣﻴﺖ ﺩﺍﻛﺸﻲ ﻟﻲ ﺩﺭﺕ ﻓﻴﻪ ﻳﺴﺘﺎﻫﻠﻮ .. ﺩﻭﺭﺕ ﻭﺟﻬﻲ ﻋﻨﺪ ﻏﺎﻟﻲ

- ﺃﻧﺎ : ﻏﺎﻟﻲ ﺍﺳﻤﺢ ﻟﻴﺎ ﺃﻧﺎ ﻟﻲ ﺳﺮﻗﺖ ﺍﻟﻘﺮﺁﻥ ﻣﻦ ﺑﻴﺘﻚ

- ﻏﺎﻟﻲ : ﺃﺷﻨﻮ ﺍﻧﺘﻲ ؟؟

- ﺃﻧﺎ : ﺍﻩ ﻛﻨﺖ ﻣﺮﻏﻤﺔ ﺳﻮﺭﻳﻴﻴﻲ

ﺑﺪﺍ ﻛﺎﻳﺸﻮﻑ ﻓﻴﺎ ﺷﻲ ﺷﻮﻓﺎﺕ ﻣﺎﻫﻴﺎﺵ ... ﻋﺎﻭﺩ ﺩﻭﺭ ﺍﻟﻘﺮﻋﺔ ﻭﺟﺎﺕ ﻓﻴﻪ ﻫﻮ ﻳﺴﻮﻝ ﻭﺳﺎﺭﺓ ﺗﺠﺎﻭﺏ

- ﻭﺍﺵ ﻟﻴﻮﻡ ﻛﺘﻜﺮﻫﻲ ﺃﺣﻤﺪ ﻋﻠﻰ ﻣﺎﺩﺍﺭ ﻓﻴﻚ؟؟

- ﺍﻩ ﻭﻟﻜﻦ ﻣﺰﺍﻻ ﻛﻨﺒﻐﻴﻪ ﻓﻨﻔﺲ ﺍﻟﻮﻗﺖ .. ﺍﻟﺤﺐ ﻣﻜﺎﻳﺘﻨﺴﺎﺵ ﺑﻴﻦ ﻟﻴﻠﺔ ﻭﻧﻬﺎﺭ .. ﻣﺎﻋﺮﻓﺘﺶ ﺷﺤﺎﻝ ﺩﻳﺎﻝ ﺍﻟﻮﻗﺖ ﺧﺼﻨﻲ ﻭﻣﺎﻋﺮﻓﺘﺶ ﻭﺍﺵ ﺍﻟﺠﺮﺡ ﻳﻘﺪﺭ ﻳﺒﺮﺍ

ﺩﺍﺭﺕ ﺍﻟﻘﺮﻋﺔ ﻭﺟﺎﺕ ﻓﻴﺎ ﺃﻧﺎ ﻧﺴﻮﻝ ﻭﻣﻨﺎﻝ ﺗﺠﺎﻭﺏ

- ﻭﺍﺵ ﻛﺎﺗﺄﻣﻨﻲ ﺑﺎﻟﺤﺐ ؟؟

- ﺃﻩ .. ﻭﻟﻲ ﻛﻨﺒﻐﻴﻪ ﻛﺎﻳﻦ ﻫﻨﺎ

ﻏﺎﻟﻲ ﺑﺪﺍ ﻛﻴﻀﺤﻚ .. ﻭﺃﻧﺎ ﺑﺤﺎﻻ ﺧﺸﻴﺘﻲ ﻓﻴﺎ ﻣﻮﺱ .. ﻣﺎﻋﺮﻓﺘﺶ ﻋﻼﺵ ﻭﻟﻜﻦ ﺟﻮﺍﺑﻬﺎ ﺧﻼ ﺻﺪﺭﻱ ﻳﺘﻘﺒﻂ ﻋﻠﻴﺎ .. ﻭﺑﺎﻟﺨﺼﻮﺹ ﻣﻠﻲ ﺿﺤﻚ ﻟﻴﻬﺎ ﻫﻮ ﻭﺍﺍﺍﻉ .. ﺩﺍﺭﺕ ﺍﻟﻘﺮﻋﺔ ﻣﺠﺪﺩﺍ ﻭﺟﺎﺕ ﻓﻴﺎ ﺃﻧﺎ ﻧﺴﻮﻝ ﻭﻣﺎﺑﻴﻦ ﻋﺎﺩﻝ ﻭﻣﻨﺎﻝ ﻭﺣﻴﺖ ﻣﻨﺎﻝ ﺳﻮﻟﺘﻬﺎ ﻫﺎﺩ ﺍﻟﻤﺮﺓ ﺩﻭﺭ ﻋﻠﻰ ﻋﺎﺩﻝ

- ﻋﺎﺩﻝ ﺃﺷﻨﻮ ﻫﻲ ﺃﻗﺼﻰ ﺍﻟﻌﻘﻮﺑﺎﺕ ﻟﻲ ﺗﻘﺪﺭ ﺩﻳﺮ ﻓﻌﺪﻭﻙ ﻟﺪﻭﺩ ؟

- ‏( ﻛﺎﻳﻤﻌﻨﻲ ﻋﻠﻴﺎ ‏) ﻏﺎﻧﻌﻴﺸﻬﺎ ﻟﻌﺪﺍﺏ ﻟﻲ ﻋﺸﺘﻮ ... ﻭﻏﺎﻧﺘﺰﻭﺟﻬﺎ ﺑﺎﺵ ﺗﻜﻤﻞ ﺍﻟﻌﺪﺍﺏ ﻟﻲ ﻛﻨﻌﻴﺸﻮ ﻣﻌﺎﻳﺎ

- ﻫﻪ ﻣﻜﺎﺗﺸﻮﻓﺶ ﺭﺍﺳﻚ ﺯﺩﺗﻲ ﻓﻴﻪ ؟؟ ﺗﻘﺪﺭ ﺗﻜﻮﻥ ﺍﻧﺖ ﺍﻟﻐﺎﻟﻂ ﻻ؟

- ﻭﺍﺧﺎ ﻧﻜﻮﻥ ﻏﺎﻟﻂ .. ﻏﺎﺩﻱ ﻧﺰﻳﺪ ﻧﻐﻠﻂ ﻓﻴﻬﺎ

ﻛﻤﻠﻨﺎ ﺍﻟﻠﻌﺐ ﺑﺸﻲ ﺃﺳﺌﻠﺔ ﺗﺎﻓﻬﺔ ﺗﺎ ﻣﻠﻴﻨﺎ ﻭﺭﺟﻌﻨﺎ ﻟﺪﺍﺭ .. ﻏﺎﻟﻲ ﻭﺳﺎﺭﺓ ﻭﻣﻨﺎﻝ ﺩﺧﻠﻮ ﻟﺪﺍﺭ ﺃﻣﺎ ﺃﻧﺎ ﻋﺎﺩﻝ ﻣﺎﺧﻼﻧﻴﺶ ﻧﺪﺧﻞ ﻭﺣﺒﺴﻨﻲ ﺑﺮﺍ ﺳﻮﺭ

ﺩﻧﻴﺎ ؟؟ ﻭﺍﺵ ﻳﺴﺤﺎﺑﻚ ﻏﺎﺗﻔﻠﺘﻲ ﻣﻨﻲ .. ﻳﺴﺤﺎﺑﻚ ﻣﺎﻋﺮﻓﺘﻜﺶ ؟

- ﻋﺎﺩﻝ ﺑﻌﺪ ﻣﻨﻲ .. ﺍﻟﻐﻠﻂ ﻏﺎﻟﻄﻚ .. ﻭﺩﺍﻛﺸﻲ ﻟﻲ ﻃﺮﺍ ﻟﻴﻚ .. ﻏﻴﺮ ﺩﻋﻮﺍﺕ ﺍﻟﻨﺎﺱ ﻋﻠﻴﻚ ﻟﻲ ﺗﺤﻘﻘﻮ

- ﺍﻫﺎﻩ ﺩﻋﺎﻭﻱ ﺍﻟﻨﺎﺱ ﻣﻠﻘﺎﻭ ﻋﻼﻣﻦ ﻳﺘﺤﻘﻘﻮ ﻏﻴﺮ ﻋﻠﻰ ﻳﺪﻳﻚ .. ﺇﺫﻥ ﺗﺎﻧﺘﻲ ﻟﻴﻚ ﻧﺼﻴﺐ ﻣﻨﻬﻢ .. ﻭﻏﺎﻧﻌﻴﺸﻚ ﻣﻌﺎﻳﺎ ﻓﺎﻟﺠﺤﻴﻢ

- ﺍﻟﺠﺤﻴﻢ ﻣﺎﺷﻲ ﺭﺟﻞ ﻋﺮﺟﺔ ﻭﻭﺟﻪ ﻣﺸﻮﻩ ﻟﻲ ﻋﻴﺸﻚ ﻓﻴﻪ ... ﻭﻟﻜﻦ ﻗﻠﺒﻚ ﺍﻟﻜﺤﻞ ﻟﻲ ﻣﻜﺎﻳﻌﺮﻓﺶ ﺍﻟﺮﺣﻤﺔ ﻫﻮ ﺳﺒﺎﺏ .. ﻭﺍﻧﺎ ﻣﺎﻋﻨﺪﻱ ﺗﺎﺩﺧﻞ ﻓﻴﻪ

- ﺍﻟﻘﻠﺐ !!!!!! ؟؟ ﻓﺎﺵ ﻧﺎﺱ ﻛﻴﺸﻮﻓﻮﻙ ﻣﻦ ﺍﻟﺒﻌﻴﺪ ﻭﻛﺎﻳﻬﺮﺑﻮ ﻭﻻ ﻛﻴﺪﻭﺭﻭ ﻭﺟﻬﻬﻢ .. ﺃﺵ ﻋﺮﻓﻬﻢ ﻓﻘﻠﺒﻚ

- ﻧﺎﺱ ﻟﻲ ﻛﻴﻬﺮﺑﻮ ﺑﻤﺠﺮﺩ ﻣﺎﺷﺎﻓﻮ ﻭﺟﻬﻚ .. ﻛﻦ ﻋﻠﻰ ﻳﻘﻴﻦ ﻛﻦ ﻗﺮﺑﻮ ﻭﺷﺎﻓﻮ ﻗﻠﺒﻚ ﻭﺗﺼﺮﻓﺎﺗﻚ ﻛﻦ ﻋﻠﻘﻮ .. ﻭﺍﻧﺎ ﻏﻴﺮ ﺍﺧﺘﺎﺻﺮﺕ ﻋﻠﻴﻚ ﻭﻋﻠﻴﻬﻢ ﺍﻟﻤﺴﺎﻓﺎﺕ ... ﻋﺎﺩﻝ .. ﺍﻧﺖ ﻋﺎﺭﻑ ﺍﻧﻨﻲ ﻣﺎﻗﺼﺪﺗﺶ ﻧﺪﻓﻌﻚ ﺩﺍﻙ ﻧﻬﺎﺭ .. ﻭﻛﻦ ﻣﺎ ﺗﻬﺠﻤﺘﻴﺶ ﻋﻠﻴﻨﺎ ﻛﺎﻉ ﻣﺎﻳﻄﺮﺍ ﻟﻲ ﻃﺮﺍ .. ﺍﻟﻐﻠﻂ ﻏﻠﻄﻚ .. ﻭﻟﻲ ﻃﺮﺍ ﻗﻀﺎﺀ ﻭﻗﺪﺭ ﺇﻟﻰ ﻛﻨﺘﻲ ﻣﺴﻠﻢ ﻃﺒﻌﺎ

- ﻣﺴﻠﻢ ؟ ﺃﻩ ﻣﺴﻠﻢ ﻟﺪﺍﻛﺸﻲ ﻓﻜﺮﺕ ﻧﻜﻤﻞ ﻧﺺ ﺩﻳﻨﻲ .. ﻭﻧﺘﺰﻭﺝ ﺑﻴﻚ .. ﺑﻤﺎ ﺃﻧﻚ ﺍﻧﺖ ﺃﺩﺭﻯ ﻧﺎﺱ ﺑﺤﺎﻟﺘﻲ .. ﻭﻧﺘﻲ ﻟﻲ ﻣﻐﺎﺗﺸﻤﺄﺯﻳﺶ ﻣﻦ ﻭﺟﻬﻲ ﺣﻴﺖ ﺍﻧﺘﻲ ﺳﺒﺎﺏ ﻓﻠﻲ ﻃﺮﺍ

- ﺗﻔﻮ .. ﻏﺎﻧﺮﺟﻌﻮ ﻟﻨﻘﻄﺔ ﺍﻟﺼﻔﺮ .. ﺃﻧﺎ ﻣﺎﻳﻤﻜﻨﺶ ﻟﻴﺎ ﻧﺘﺰﻭﺝ ﺑﻴﻚ ﺣﻴﺖ ﻛﻨﺒﻐﻲ ﻏﺎﻟﻲ

- ﻏﺎﻟﻲ : ﺃﺷﻨﻮ ﻛﺎﺗﺒﻐﻴﻨﻲ ؟

ﺑﻤﺠﺮﺩ ﻣﺎﻗﻠﺖ ﺑﻠﻲ ﻛﺎﻧﺒﻐﻴﻪ ﺧﺮﺝ ﻫﻮ ﻭﻣﻨﺎﻝ ﻭﺳﺎﺭﺓ ﻋﻨﺪﻧﺎ

- ﺩﻧﻴﺎﺍﺍﺍ ﺟﺎﻭﺑﻲ ؟

- ﺃﻧﺎ : ﺃﻩ

ﻣﺎﻗﺪﺭﺗﺶ ﻧﻨﻜﺮ ﻣﺎﺷﻲ ﺣﻴﺖ ﺧﻮﻑ ﻣﻦ ﻋﺎﺩﻝ .. ﻭﻟﻜﻦ ﺣﻴﺖ ﺷﻲ ﺣﺎﺟﺔ ﻓﺪﺍﺧﻞ ﺩﻳﺎﻟﻲ ﻣﺎﻗﺎﺩﺭﺍﺵ ﺗﻜﺪﺑﻮ .. ﻭﻟﻜﻦ ﻏﺎﻟﻲ ﻭﺭﺍﻧﻲ ﻭﺟﻬﻮ ﻻﺧﻮﺭ .. ﺃﻗﺴﻰ ﻣﻦ ﺃﻱ ﻭﺟﻪ ﻭﺭﺍﻩ ﻟﻴﺎ .. ﻭﺑﻘﺎ ﻛﺎﻳﻐﻮﺕ ﻗﺪﺍﻡ ﻛﻠﺸﻲ ﻭﺃﻧﺎ ﻏﻴﺮ ﺳﺎﻛﺘﺔ ﻭﺣﺎﺩﺭﺓ ﺍﻟﺮﺍﺱ

- ﻭﺍﺵ ﻛﺎﺗﻌﺮﻓﻲ ﺃﺵ ﻛﺎﺗﻘﻮﻟﻲ ... ﻫﺎﺩ ﺯﻣﺮ ﻟﻲ ﻛﺎﺗﺤﺴﻲ ﺑﻴﻪ ﻏﻴﺮ ﺧﺮﺟﻴﻪ ﻣﻦ ﺭﺍﺳﻚ .. ﺣﻴﺖ ﻣﺎﻋﻨﺪﻱ ﻣﺎﻧﺪﻳﺮ ﺑﺼﺪﺍﻉ ﺍﻟﺮﺍﺱ ﺩﻳﺎﻝ ﺑﻌﻠﻮﻛﺔ ﺑﺎﻗﺎ ﻓﺴﻦ ﺍﻟﻤﺮﺍﻫﻘﺔ .. ﻭﻋﻤﺮﻱ .. ﻋﻤﺮﻱ ﻓﺤﻴﺎﺗﻲ ﻧﺪﻳﻬﺎ ﻓﺒﻨﺖ ﺷﻮﺍﺍﻓﺔ .. ﺩﺍﻛﺸﻲ ﻟﻲ ﺑﻘﺎ ﻗﺎﻟﻚ ﻛﺎﺗﺒﻐﻴﻨﻲ .. ﺗﺎﺑﻨﺖ ﺟﺒﻞ ﻛﺎﺍﺗﻌﺮﻑ ﺍﻟﺒﻐﺎ

ﺭﻣﺎ ﻛﻠﻤﺎﺗﻮ ﺍﻟﻤﺴﻤﻮﻣﺔ ﻛﺎﻟﺮﻣﺢ ﻭﺩﺧﻞ ﺯﺍﺩﺡ ﺍﻟﺒﺎﺏ .. ﺗﺒﻌﺎﺗﻮ ﻣﻨﺎﻝ .. ﻭﺍﻧﺎ ﻣﺎﻋﺮﻓﺖ ﺑﺎﺵ ﺗﺒﻠﻴﺖ ﻋﻤﺮﻱ ﻓﺤﻴﺎﺗﻲ ﺗﻬﺎﻧﻴﺖ ﺑﻬﺎﺩ ﻃﺮﻳﻘﺔ ﻭﺑﻘﻴﺖ ﺳﺎﻛﺘﺔ .. ﻭﻋﻼﺵ ﺣﻴﺖ ﻣﺎﻋﺮﻓﺘﺶ ﺃﺵ ﻫﺎﺩﺷﻲ ﺟﺪﻳﺪ ﻟﻲ ﻛﺎﻧﺤﺲ ﺑﻴﻪ

- ﻋﺎﺩﻝ ﺇﻟﻰ ﻗﺘﻠﺘﻴﻨﻲ ﻏﺎﺗﺮﺗﺎﺡ ؟ ﻗﺘﻠﻨﻲ ﻫﺎﻧﺎ ﻗﺪﺍﻣﻚ ؟ ﺃﺷﻜﺎﺗﺴﻨﻰ .. ﺗﻘﺘﻠﺖ ﻣﻦ ﺩﺍﺧﻞ ﻳﻌﻨﻲ ﻏﺎﻳﻜﻮﻥ ﺳﺎﻫﻞ ﻋﻠﻴﻚ ﺗﻘﺘﻠﻨﻲ ﻣﻦ ﺑﺮﺍ ؟؟ ﻗﺘﻠﻨﻲ ﺩﺍﺑﺎ ﻭﻻ ﻋﻤﺮﻙ ﺗﺒﻘﻰ ﺗﻠﻮﻣﻨﻲ ‏( ﺍﻟﻬﻀﺮﺓ ﻣﺎﺑﻘﻴﺘﺶ ﻗﺎﺩﺭﺓ ﻧﺨﺮﺟﻬﺎ ﺃﺵ ﻫﺎﺩﺷﻲ ﻳﺎﺭﺑﻲ ‏)

- ﻣﺎﻋﺮﻓﺘﺶ ﺃﺵ ﻏﺎﻧﻘﻮﻝ ؟؟ ﻭﺍﺵ ﻛﺎﻳﻦ ﺷﻲ ﻋﻘﺎﺏ ﻛﺒﺮ ﻣﻦ ﻫﺬﺍ ﻟﻴﻚ

- ﺳﻤﺢ ﻟﻴﺎ ﻭﺍﻟﻠﻪ ﻳﺴﻤﺢ ﻟﺮﺍﺳﻲ ﻣﻨﻲ ... ﻛﻦ ﻛﻨﺖ ﻋﺎﺭﻓﺔ ﺑﻠﻲ ﻏﺎﻳﻮﻗﻊ ﻫﺎﺩﺷﻲ .. ﻛﻦ ﺧﻠﻴﺘﻚ ﺿﺮﺑﻨﻲ ﺩﺍﻙ ﻧﻬﺎﺭ ﻭﺑﻼ ﻣﺎﻧﻬﺰ ﺭﺍﺱ .. ﻛﻦ ﻏﻴﺮ ﺃﻧﺎ ﻟﻲ ﺗﺪﻓﻌﺖ ﻣﺎﺷﻲ ﺍﻧﺖ ﻛﻦ ﻏﻴﺮ ﻣﺖ ﺩﺍﻙ ﻧﻬﺎﺭ ﻓﻜﺴﻴﺪﺓ ﻭﻻ ﻫﺎﺩ ﺍﻟﺤﺎﻟﺔ ﻳﺎﺭﺑﻲ

- ﻛﺎﻧﻌﺘﺎﺭﻑ ﺑﻠﻲ ﺗﺎ ﺃﻧﺎ ﻏﻠﻄﺖ ﻭﺣﻘﺪﻱ ﻋﻤﺎ ﻟﻲ ﺍﻟﻌﻨﻴﻦ

- ﻭﺍﺵ ﻏﺎﺗﺒﻘﻰ ﺗﺎﺑﻌﻨﻲ ﺑﺎﺵ ﺍﺗﻨﺘﺎﻗﻢ ﻣﻨﻲ ؟

ﺩﻭﺭ ﺭﺍﺳﻮ ﺩﻟﻴﻞ ﻋﻠﻰ ﺍﻟﻨﻔﻲ ﻭﺩﺧﻞ ﻫﻮ ﻭﺳﺎﺭﺓ ﻟﺪﺍﺭ .. ﺍﻣﺎ ﺃﻧﺎ ﻋﻼﺵ ﺟﻴﺖ ﻧﺘﺨﺒﻰ ﻣﻨﻮ ﻣﺎﺑﻘﺎﺵ ﻛﻴﻘﻠﺐ ﻋﻠﻴﺎ .. ﻭﻣﻦ ﻟﻴﻮﻡ ﻣﺎﺑﻘﻰ ﻋﻨﺪﻱ ﻣﺎﻧﺪﻳﺮ ﻓﻬﺎﺩ ﺍﻟﻤﻨﻔﻰ .. ﺩﺭﺕ ﻋﻠﻰ ﺩﺍﺭ ﻭﻟﻘﻴﺖ ﻣﻴﻜﺘﻲ ﺑﺎﻗﺎ ﻣﺤﻄﻮﻃﺔ .. ﻫﺰﻳﺘﻬﺎ ﻭﺭﺟﻌﺖ ﻣﻦ ﻃﺮﻳﻖ ﻟﻲ ﺟﺎﺑﻨﻲ ﻣﻨﻬﺎ ﺑﺎ ﺃﻭﻝ ﻣﺮﺓ .. ﺗﻌﺎﻗﺒﺖ ﻛﻔﺎﻳﺔ .. ﻟﻲ ﺩﺍﺯ ﻋﻠﻴﺎ ﻋﻤﺮﻱ ﺗﺨﻴﻠﺘﻮ .. ﻭﺑﺎﻟﺨﺼﻮﺹ ﻫﺎﺩﺷﻲ ﻟﻠﺨﺮ .. ﻭﻧﻌﻄﻲ ﻗﻠﺒﻲ ﻟﻮﺍﺣﺪ ﺣﻘﻴﺮ .. ﻭﺃﺧﻴﺮﺍ ﻓﻬﻤﺖ ﺃﺵ ﻗﺼﺪﺍﺕ ﺍﻟﺰﺍﻫﻴﺔ ..

ﺩﺍﺯﺕ ﺷﻬﺮﻳﻦ ﻋﻠﻰ ﺃﺧﺮ ﻣﺮﺓ ﺧﺮﺟﺖ ﻣﻦ ﺩﺍﻙ ﺍﻟﺪﺍﺭ ... ﺷﻬﺮﻳﻦ ﻭﺟﺮﺣﻲ ﺑﺎﻗﻲ ﻣﺎ ﺑﺮﺍﺵ ﺷﻬﺮﻳﻦ ﻭﺍﻧﺎ ﻛﻨﻔﻜﺮ ﻓﻐﺎﻟﻲ .. ﻭﻛﻨﺘﺴﻨﺎﻩ ﻳﺠﻲ ﻳﻌﺘﺎﺩﺭ ﻭﻳﻌﻄﻴﻨﻲ ﺷﻲ ﺳﺒﺐ ﻣﻨﻄﻘﻲ ﺣﻴﺖ ﻗﺎﻝ ﺩﺍﻙ ﻟﻬﻀﺮﺓ .. ﻭﻟﻜﻦ ﻟﻸﺳﻒ ﻛﻨﺘﺴﻨﻰ ﺭﻳﺢ ﻓﺼﻴﻒ .. ﻛﻞ ﻧﻬﺎﺭ ﻛﺎﻧﺸﻮﻓﻮ ﺩﺍﻳﺰ ﺑﻄﻨﻮﺑﻴﻠﺘﻮ ﻭﻫﻮ ﻛﺎﻉ ﻣﻜﺎﻳﺸﻮﻓﻨﻲ .. ﻭﻻﺵ ﻏﺎﻳﺸﻮﻓﻨﻲ ﻭﻫﻮ ﻛﺎﻉ ﻣﺤﺲ ﺑﻴﺎ .. ﺷﻬﺮﻳﻦ ﺑﺤﺎﻻ ﻏﻴﺮ ﺍﻟﺒﺎﺭﺡ ﻓﺎﺵ ﻫﺒﻄﺖ ﻣﻦ ﺟﺒﻞ ﻭﺩﻣﻮﻋﻲ ﻓﻌﻴﻨﻲ ﻭﺗﻼﻗﻴﺖ ﻓﻘﻴﻪ ﺩﻭﺍﺭ ﻭﺍﻗﺘﺎﺭﺡ ﻋﻠﻴﺎ ﻧﻮﻟﻲ ﻧﻘﺮﻱ ﺩﺭﺍﺭﻱ ﺻﻐﺎﺭ ﺍﻟﻘﺮﺁﻥ .. ﻭﺍﻓﻘﺖ ﺑﻌﺪ ﺗﺮﺩﺩ .. ﻭﻣﻦ ﺩﺍﻙ ﻧﻬﺎﺭ ﻧﻘﺪﺭ ﻧﻘﻮﻟﻮ ﺣﻴﺎﺗﻲ ﺗﺒﺪﻻﺕ ﻭﻟﻴﺖ ﻛﻨﺤﺲ ﺑﺮﺍﺳﻲ ﺩﺍﻳﺮﺓ ﺷﻲ ﻓﺎﺋﺪﺓ ﻭﻣﺎﺷﻲ ﻏﻴﺮ ﺯﺍﻳﺪﺓ ﻓﻬﺎﺩ ﺩﻧﻴﺎ .. ﻭﺣﻴﺖ ﻛﻨﺪﻱ ﺍﻷﺟﺮ ﻟﻸﺧﺮﺓ .. ﻭﺍﺧﺎ ﻛﺎﻳﻨﻴﻦ ﺷﻲ ﺑﺮﺍﻫﺶ ﻛﺎﻳﻨﺪﻣﻮﻙ ﻋﻠﻰ ﺣﻴﺎﺗﻚ .. ﻭﻟﻜﻦ ﺑﻤﺎ ﺃﻧﻨﻲ ﻛﻨﺖ ﻛﺴﻮﻟﺔ ﻭﻣﺸﺎﻏﺒﺔ ﻋﺮﻓﺖ ﻛﻴﻔﺎﺵ ﻧﺘﻌﺎﻣﻞ ﻣﻌﺎﻫﻢ ... ﻭﻭﻟﻴﺖ ﻛﺎﻧﺘﺤﺘﺎﺭﻡ ﻣﻦ ﺃﻫﻞ ﺩﻭﺍﺭ ﻫﻪ .. ﻋﺎﺋﻠﺘﻲ ﻛﺎﻉ ﻣﺎﺭﺟﻌﺖ ﻋﻨﺪﻫﻢ .. ﺩﻳﻤﺎ ﻛﻨﻘﻮﻝ ﻟﻴﻮﻡ ﻏﺪﺍ ﻧﻤﺸﻲ ﻋﻨﺪﻫﻢ ﻭﻟﻜﻦ ﺍﻟﺨﻮﻑ ﻣﻦ ﺃﻧﻨﻲ ﻧﺴﺒﺐ ﻟﻴﻬﻢ ﺗﺎﻧﻲ ﺷﻲ ﺍﺣﺮﺍﺝ .. ﻛﺎﻳﺮﺟﻌﻨﻲ ﺑﺠﻮﺝ ﺧﻄﻮﺍﺕ ﻟﻮﺭ .. ﻣﺎﻋﺮﻓﺖ ﻓﻴﻦ ﻏﺎﺩﺓ ﺑﺤﻴﺎﺗﻲ ﻭﻓﻴﻦ ﻏﺎﺩﻳﻨﻲ ﺍﻷﻗﺪﺍﺭ .. ﺣﺎﺳﺔ ﺑﺮﺍﺳﻲ ﻣﺒﻠﻮﻛﻴﺔ ﻣﺎﻋﺎﺭﻓﺔ ﻧﺰﻳﺪ ﻭﻻ ﻧﺮﺟﻊ .. ﺑﺎﻏﺎ ﻏﻴﺮ ﺷﻲ ﻳﺪ ﺗﺸﺪ ﻓﻴﺪﻱ ﻭﺗﻮﺭﻳﻨﻲ ﻃﺮﻳﻖ .. ﻭﻻ ﻏﻴﺮ ﺗﻌﻄﻴﻨﻲ ﻃﺎﻗﺔ ﻛﺎﻓﻲ ﻭﺗﺤﺴﺴﻨﻲ ﺑﻠﻲ ﻓﺠﻨﺒﻲ ... ﻟﻴﺎﻡ ﻭﻻﻭ ﻓﻌﻴﻨﻲ ﻛﻠﻬﻢ ﺑﺤﺎﻝ ﺑﺤﺎﻝ ﻭﻟﻜﻦ ﻟﻴﻮﻡ ﻛﺎﻥ ﻏﻴﺮ ﻛﺎﻥ ﻟﺠﻮ ﻣﺒﺮﺩ ﻭﺍﺧﺎ ﺭﺑﻴﻊ ﺩﺧﻞ .. ﻭﻛﺎﻧﺖ ﺍﻣﺮﺃﺓ ﺍﻟﻔﻘﻴﻪ ﺷﺎﺩﻫﺎ ﺍﻟﻮﺟﻊ .. ﻭﺍﻟﻘﺎﺑﻠﺔ ﺩﻳﺎﻝ ﺩﻭﺍﺭ ﻋﻴﺎﻧﺔ ﻟﺪﺍﻛﺸﻲ ﺿﻄﺮﻭﺍ ﻳﻌﻴﻄﻮ ﻟﺰﺍﻫﻴﺔ ﻟﻲ ﺟﺎﺕ ﻣﻊ ﻭﻟﺪﻫﺎ ﻏﺎﻟﻲ .. ﻋﻴﻴﺖ ﻣﺎﻧﺘﺨﺒﻰ ﻭ ﻧﻬﺮﺏ ﻭﻟﻜﻦ ﺍﻟﻤﻜﺘﺎﺏ ﻣﺎﻣﻨﻮ ﻫﺮﻭﺏ ﻭﻣﺎﺗﺠﻲ ﻋﻴﻨﻲ ﻏﻴﺮ ﻓﻌﻴﻨﻬﻢ .. ﻭﻟﻜﻦ ﺯﺍﻫﻴﺔ ﺩﺧﻼﺕ ﻟﺪﺍﺧﻞ ﻭﺑﻘﻴﻨﺎ ﺃﻧﺎ ﻭﻏﺎﻟﻲ ﺭﺍﺱ ﻓﺮﺍﺱ .. ﻭﻫﻨﺎ ﺩﺭﺕ ﺭﺍﺳﻲ ﺑﺤﺎﻻ ﻋﻤﺮﻱ ﺷﻔﺘﻮ ﻭﻻ ﻋﺮﻓﺘﻮ .. ﻭﺩﺯﺕ ﻣﻦ ﺣﺪﺍﻩ ﻣﻨﺨﻼﻩ

ﺩﻧﻴﺎ ؟؟

- ﻛﺎﺗﻌﺮﻓﻨﻲ ﺃﺳﻴﺪﻱ؟

- ﺩﻧﻴﺎ ؟ ﺗﺸﻴﺮﺗﻲ ﻻ ؟؟

- ﺍﻩ

- ﻋﺮﻓﺘﻲ ﺷﺤﺎﻝ ﻭﺍﺣﻨﺎ ﻛﻨﻘﻠﺒﻮ ﻋﻠﻴﻚ ﻭﺑﺤﺎﻻ ﺗﻘﻮﻝ ﺍﻷﺭﺽ ﺗﺸﻘﺎﺕ ﻭﺑﻠﻌﺎﺗﻚ

- ﺩﺍﻙ ﺍﻟﻜﺪﻭﺏ ﻭﻃﻨﻴﺰ ﺳﻴﺮ ﻗﻮﻟﻬﻢ ﺍﻟﻐﻴﺮﻱ .. ﺃﻧﺎ ﺭﺍﻩ ﻣﺎﺷﻲ ﺑﻌﺒﻮﻟﺔ .. ﻗﺪﺍﻣﻚ ﻭﻣﺎﺷﻔﺘﻚ .. ﻗﺪﻳــــــــﻤﺔ

- ﺩﻧﻴﺎﺍﺍﺍ ﺳﻤﺤﻲ ﻟﻴﺎ

- ﻻ

- ﻛﺎﻥ ﻳﺴﺤﺎﺑﻨﻲ ﺑﻠﻲ ﺍﻧﺘﻲ ﺑﻨﺖ ﺷﺎﺭﻓﺔ ﺃﺃ ﺑﻨﺖ ﺯﺍﻫﻴﺔ .. ﻭﻳﺴﺤﺎﺑﻨﻲ ﺍﻧﺖ ﺍﺧﺘﻲ ﻟﺪﺍﻛﺸﻲ ﺧﻔﺖ ﻋﻠﻴﻚ ﺗﻌﺪﺑﻲ ﻣﻠﻲ ﺗﻌﺮﻓﻲ .. ﻭﻳﺴﺤﺎﺑﻨﻲ ﺑﻜﻼﻣﻲ ﺍﻟﻘﺎﺳﻲ ﻧﻘﺪﺭ ﻧﺤﺒﺲ ﺷﻌﻮﺭﻙ ﺗﺠﺎﻫﻲ

- ﻳﺴﺤﺎﺑﻚ ؟؟؟ ﺳﺤﺎﺏ ﻓﺴﻤﺎ .. ﻭﻣﻨﻴﻦ ﺷﻜﻴﺘﻲ ﺑﻠﻲ ﺃﻧﺎ ﺍﺧﺘﻚ ﻗﻮﻟﻬﺎ ﻟﻴﺎ ﺍﺣﺴﻦ ﻣﺎﺗﺠﺮﺡ ﻓﻴﺎ ﺑﺪﺍﻙ ﻃﺮﻳﻘﺔ

- ﻋﺎﺭﻑ ﺭﺍﺳﻲ ﻏﻠﻄﺖ ﻭﻣﺎﻓﻜﺮﺗﺶ ﻗﺒﻞ ﻣﺎﻧﻬﻀﺮ .. ﻭﻟﻜﻦ ﺧﻮﻓﻲ ﻛﺎﻥ ﻛﺘﺮ ﻣﻦ ﻛﻮﻟﺸﻲ .. ﺳﻤﺤﻲ ﻟﻴﺎ ﻋﺎﻓﺎﻙ

- ﻣﺎﻧﺴﻤﺢ ﻟﻴﻚ ﻏﻴﺮ ﺇﻟﻰ ﻃﺎﺣﺖ ﺷﺘﺎ ﺩﺍﺑﺎ ‏( ﻋﺎﺭﻓﺔ ﺳﻤﺎ ﻣﻐﻴﻤﺔ ‏)

- ﻫﺎﻫﻲ ﻛﺎﺗﻨﻘﻂ

- ﺍﺣﻢ ﻣﺎﻧﺴﻤﺤﺶ ﻟﻴﻚ .. ﻋﺎﻭﺩﻫﺎ ﻟﺮﺍﺳﻚ .. ﺣﻴﺪ ﻣﻦ ﻗﺪﺍﻣﻲ

- ﺩﻧﻴﺎ .. ﺣﺮﺍﻡ ﻋﻠﻴﻚ ﻛﻔﺎﻳﺔ ﻟﻲ ﺗﻌﺪﺑﺘﻮ ﻣﻠﻲ ﻋﺮﻓﺖ ﺑﻠﻲ ﺍﻧﺖ ﻣﺎﺷﻲ ﺍﺧﺘﻲ ﻭﻛﻔﺎﻳﺔ ﻟﻲ ﻋﺸﺘﻮ ﻭﺍﻧﺎ ﻛﻨﻘﻠﺐ ﻋﻠﻴﻚ .. ﻭﺑﺮﺍﻛﺔ ﻋﻠﻴﺎ ﻏﻴﺮ ﻭﺟﻬﻚ ﻟﻲ ﻭﻻ ﻛﻴﺤﺮﻡ ﻋﻠﻴﺎ ﺍﻟﻨﻌﺎﺱ ﺑﻼﺻﺔ ﻭﺟﻪ ﺍﻟﺒﺎﻫﻴﺔ

- ‏( ﺟﺎﺗﻨﻲ ﺿﺤﻜﺔ ‏) ﻭﻣﺎﻟﻚ ﺣﻤﺪﺭﺑﻲ ﻭﺟﻬﻲ ﺍﺣﺴﻦ ﻣﻦ ﻭﺟﻬﻬﺎ .. ﺃﺟﻲ ﻭﻫﻲ ﻣﻘﺎﻟﺘﺶ ﻟﻴﻜﻢ ﺃﻧﺎ ﻓﻴﻦ ﻛﺎﻳﻨﺔ ﺃﻟﻜﺪﺍﺏ

- ﻣﺎﻋﺮﻓﺘﺶ ﺗﺎﻫﻲ ﻗﻠﺒﺎﺕ ﻋﻠﻴﻚ .. ﻭﻣﺒﺎﻧﺶ ﻟﻴﻬﺎ ﺍﺗﺮﻙ

- ﺃﻩ ﺣﻴﺖ ﻛﺎﻧﺒﺎﺕ ﻓﺪﺍﺭ ﺍﻟﻔﻘﻴﻪ .. ﻭﺑﻨﻬﺎﺭ ﻛﻨﻘﺮﻱ ﺍﻟﻘﺮﺁﻥ ﻟﺪﺭﺍﺭﻱ ﺻﻐﺎﺭ

- ﺍﻧﺖ ﻫﻪ ؟؟؟ ﻟﻌﺠﺐ

- ﻭﻋﻠﻰ ﻣﺎﻟﻲ ﺃﻧﺎ .. ﺍﺣﺘﺎﺭﻡ ﺭﺍﺳﻚ ﺃﻧﺎ ﺭﺍﻩ ﺑﺰﺍﻑ ﻋﻠﻴﻚ

- ﺍﻩ ﻋﺎﺭﻑ .. ﻭﻟﻜﻦ ﺃﻧﺎ ﺭﺍﻩ ﻛﻨﺒﻐﻴﻚ ﺑﺰﺍﻑ ﻭﻛﺘﺎﺍﺍﺍﺭ ﻣﻨﻚ

- ﺣﻠﻒ ؟؟ ﺍﺣﻢ ﻭﻣﻨﺎﻟﺘﻚ ؟؟

- ﺇﻳﻨﺎ ﻣﻨﺎﻝ ﺍﻟﻠﻪ ﻳﻬﺪﻳﻚ .. ﺭﺍﻩ ﻋﻨﺪﻫﺎ ﻫﺎﺩ ﺻﻴﻒ ﺍﻟﻌﺮﺱ ﻣﻊ ﻋﺎﺩﻝ .. ﻭﺩﺍﻙ ﻧﻬﺎﺭ ﻛﺎﻧﺖ ﻛﺎﺗﻤﻌﻨﻲ ﻋﻠﻴﻪ ﻣﺎﺷﻲ ﻋﻠﻴﺎ

- ﺩﺧﻠﻨﺎ ﻋﻠﻴﻚ ﺑﺎﻟﻠﻪ .. ﻭﻳﻠﻲ ﻭﻳﻠﻲ ﺃﺳﺘﻐﻔﺮ ﺍﻟﻠﻪ .. ﺗﺎﻫﺬﺍﻙ ﻃﺎﺭ ﻣﻦ ﻳﺪﻱ ﻭﺍﻧﺎ ﻟﻲ ﻛﻨﺖ ﻣﺨﻠﻴﺎﻩ ﺍﺣﺘﻴﺎﻁ

- ﻫﻬﻬﻪ ﺇﺫﻥ ﻣﺎﺑﻘﺎ ﻋﻨﺪ ﺗﺎﺣﻞ ﻣﻦ ﻏﻴﺮﻱ

ﻭﺑﻼﺻﺔ ﺻﺮﺍﺥ ﺍﻟﻤﺮﺃﺓ ﺍﻟﺤﺎﻣﻞ .. ﻭﻟﻰ ﺻﻮﺕ ﺩﺭﻱ ﺻﻐﻴﺮ ﻟﻲ ﻛﺎﻳﺘﺴﻤﻊ ﻫﻪ ﺑﺎﻗﺎ ﻛﻨﻘﻮﻝ ﺑﺎﺯ ﻟﻴﻪ ﻣﺴﻜﻴﻦ ﺣﻴﺖ ﻭﻻﺩّﺍﺗﻮ ﺯﺍﻫﻴﺔ .. ﻭﺍﻟﻌﺮﺑﻮﻥ ﻏﻴﺮ ﻫﺪﺍ ﻟﻲ ﻗﺪﺍﻣﻲ ﻣﺴﻜﻴﻦ ﻏﺎﺗﻤﺸﻲ ﺣﻴﺎﺗﻮ ﺧﻼ ﻣﻌﺎﻳﺎ ﻫﻪ .. ﻭﺑﺪﺍﻭ ﺍﻟﻌﻴﺎﻻﺕ ﻛﺎﻳﺰﻏﺮﺗﻮ

- ﻭﺑﻬﺎﺩ ﺍﻟﻤﻨﺎﺳﺒﺔ ﺩﻧﻴﺎ .. ﺗﻘﺒﻠﻲ ﺗﺰﻭﺟﻲ ﺑﻴﺎ ؟ ﻭﺗﻜﻤﻠﻲ ﻣﻌﺎﻳﺎ ﺣﻴﺎﺗﻚ ؟ ﺗﻘﺒﻠﻲ ﺗﺰﻭﺟﻲ ﺑﻮﻟﺪ ﺷﻮﺍﻓﺔ ﺑﺎﻟﻤﻨﺎﺳﺒﺔ ﺭﺍﻫﺎ ﺗﺎﺑﺖ ﻫﻪ ﻭﺑﻮﻟﺪ ﺟﺒﻞ ؟ ﻭﺍﺵ ﺗﻘﺒﻠﻲ ؟

- ﺍﺣﻢ ﻭﻋﻼﺵ ﻏﺎﻧﻘﺒﻞ ﻧﻌﻴﺶ ﺣﻴﺎﺗﻲ ﻛﺎﺍﺍﻣﻠﺔ ﻣﻌﺎﻙ ؟

- ﺣﻴﺖ ﻛﻨﺒﻐﻴﻚ

- ﻭﺍﻧﺎ ﻣﺎﻟﻲ .. ﺍﻧﺖ ﻟﻲ ﻏﺎﺗﻜﻮﻥ ﺭﺍﺑﺢ ﻭﺍﻧﺎ ﺍﺵ ﻏﺎﻧﺴﺘﺎﻓﺪ

- ﺻﺪﺍﻕ ﺩﻫﺎﺯ ﺍﻟﺮﻛﺒﺔ ﻓﻮﻕ ﺍﻟﻌﻤﺎﺭﻳﺔ

- ﻭﺍﺵ ﻛﺎﺗﺴﻄﻰ ﻋﻠﻴﺎ

- ﻣﺎﺷﻲ ﻏﻴﺮ ﻛﺎﺗﻨﺴﻄﻰ ﻋﻠﻴﻚ ﻛﻨﺤﻤﺎﻕ ﻭ ﻛﻨﻬﺒﺎﻝ ﻭﻛﻨﻤﻮﺕ ﻋﻠﻴﻚ

- ﺧﺨﺨﺦ ﻣﺎﺷﻲ ﻫﺎﺩﺷﻲ ﻟﻲ ﻗﺼﺪﺕ

- ﻫﻪ ﻭﺍﺧﺎ .. ﻏﺎﺗﺴﺘﺎﻓﺪﻱ ﺃﻻﻟﺔ .. ﺃﻧﻨﻲ ﻏﺎﻧﺪﻳﺮ ﻣﺎﻓﺠﻬﺪﻱ ﺑﺎﺵ ﺗﻜﻮﻧﻲ ﻓﺮﺣﺎﻧﺔ .. ﻋﻤﺮﻱ ﻓﺤﻴﺎﺗﻲ ﻣﺎﻧﻘﻠﻘﻚ ﻋﻦ ﻗﺼﺪ .. ﻏﺎﻧﻤﺸﻲ ﻣﻌﺎﻙ ﺑﻨﻴﺘﻲ ﻭﺭﺑﻲ ﺷﺎﻫﺪ ﻋﻠﻴﺎ .. ﻭﻋﻤﺮ ﺷﻲ ﻭﺣﺪﺓ ﻣﺎﺗﻌﻤﺮ ﻟﻴﺎ ﻋﻴﻨﻲ ﻣﻦ ﻏﻴﺮﻙ .. ﻏﻴﺮ ﺧﺼﻜﻲ ﺗﻌﺎﻭﻧﻨﻲ ﻣﻌﺎﻳﺎ ﻓﻬﺎﺩ ﺍﻟﻘﻀﻴﺔ ﻫﻬﻪ

- ﻭﺍﻋﻊ .. ﻛﻤﻞ

- ﻋﻤﺮ ﺷﻲ ﺣﺎﺟﺔ ﻣﺎﻏﺎﺗﻨﻘﺼﻚ ﻣﺎﺣﺪﻱ ﺃﻧﺎ ﺣﻲ

- ﻭﺇﻟﻰ ﻣﺘﻲ ؟؟

- ﺩﺍﺑﺰﻱ ﺍﻧﺘﻲ ﻭﺯﺍﻫﻴﺔ ﻋﻠﻰ ﺍﻟﻮﺭﺕ

- ﺍﻫﺎﻩ ﻛﻤﻞ

- ﻭﺣﻴﺖ ﻣﻐﺎﺗﻠﻘﺎﻳﺶ ﺷﻲ ﻭﺍﺣﺪ ﻳﺒﻐﻴﻚ ﺑﺤﺎﻟﻲ .. ﺣﻨﻮﻥ ﻭﻋﻄﻮﻑ ﻭﺧﻠﻮﻕ .. ﺭﻭﻣﺎﻧﺴﻲ ﻭﻃﻴﻮﺏ ﻭﻣﺘﻔﻬﻢ ﻭﻣﺆﻣﻦ ..

- ﺻﺎﻓﻲ ﺻﺎﻓﻲ ﺩﺍﺑﺎ ﻳﺮﻳﺐ ﺟﺒﻞ ﺑﻜﺪﻭﺑﻚ

- ﻫﻪ ﻭﺩﺍﺑﺎ ﺃﺵ ﻗﻠﺘﻲ ﻭﺍﺵ ﻣﻮﺍﻓﻘﺔ ؟؟

- ﻻ

ﺩﻭﺭﺕ ﻭﺟﻬﻲ ﻭﺷﺪﻳﺖ ﻃﺮﻳﻖ ﻭﺧﻠﻴﺘﻮ ﻣﺴﻜﻴﻦ ﻣﺼﺪﻭﻡ .. ﻳﺴﺤﺎﺑﻮ ﺃﻧﺎ ﺳﺎﻫﻠﺔ ﻟﻴﻪ ﻏﻴﺮ ﺃﺟﻲ ﻭﺗﺰﻭﺝ ﺑﻴﺎ .. ﻭﺍﻟﻠﻪ ﻣﺎﻧﺴﻰ ﻟﻴﻪ ﺃﺵ ﺩﺍﺭ ﻓﻴﺎ .. ﻭﺍﻟﻠﻪ ﺗﺎﻧﺪﻭﺯﻫﺎ ﻋﻠﻴﻪ .. ﻭﺍﺧﺎ ﻛﻨﺒﻐﻴﻪ ﻭ ﻏﺎﻧﻤﻮﺕ ﻣﻦ ﺍﻟﻔﺮﺣﺔ ﻣﻠﻲ ﻋﺮﺽ ﻋﻠﻴﺎ ﺯﻭﺍﺝ .. ﻭﻟﻜﻦ ﻣﺎﺧﺼﻨﻴﺶ ﻧﺒﻴﻦ ﻟﻴﻪ .. ﺑﺎﺵ ﻣﻦ ﻣﻮﺭ ﺯﻭﺍﺝ ﻛﺎﺣﺘﻴﺎﻁ ﺇﻟﻰ ﻧﻮﺿﻨﺎﻫﺎ ﺻﺒﺎﻁ ﻧﻘﻮﻟﻴﻪ ﺍﻧﺖ ﻟﻲ ﻋﻴﺘﻲ ﻣﺎﺗﺤﺰﺭ ﻓﻴﺎ

ﻣﻦ ﺑﻌﺪ ﻃﻠﺐ ﺯﻭﺍﺝ ﺍﻟﻤﺮﻓﻮﺽ .. ﻭﻻ ﻣﺸﻮﻫﻨﻲ ﻓﺪﻭﺍﺭ ﻛﻞ ﻧﻬﺎﺭ ﺟﺎﻱ ﻋﻨﺪﻱ .. ﻭﻟﻜﻦ ﺃﺵ ﻋﻨﺪﻱ ﻣﺎﻧﺪﻳﺮ ﻭﺍﻓﻘﺖ ﻣﺮﻏﻤﺔ ﻋﻨﻲ .. ﻣﻠﻲ ﺷﻔﺖ ﺭﺍﺳﻲ ﺯﺩﺕ ﻓﻴﻪ ﻭﻳﻘﺪﺭ ﻳﻤﺸﻲ ﻭﻳﺨﻠﻴﻨﻲ .. ﻭﻣﻦ ﺑﻌﺪ ﻣﺸﻴﻨﺎ ﻧﺨﻄﺒﻮﻧﻲ ﻣﻦ ﻋﻨﺪ ﻟﻮﺍﻟﻴﺪ ﻟﻲ ﻣﺎﻋﺮﻓﻨﻲ ﺇﻧﺲ ﻭﻻﺟﻦ .. ﺁﺁﺁﺁﻭ ﺳﻴﻔﻄﻨﻲ ﻟﺮﺍﺱ ﺟﺒﻞ ﻭﺣﻠﻒ ﻋﻠﻴﺎ ﻣﺎﻧﺸﻤﺶ ﺭﻳﺤﺔ ﺍﻟﺮﺟﺎﻝ ... ﻭﺟﺎﻳﺎ ﻭﺟﺎﻳﺒﺔ ﺳﻴﺪﻫﻢ ‏( ﻓﻌﻴﻨﻲ ‏) ﻳﻄﻠﺐ ﻳﺪﻱ ﻣﻨﻮ .. ﻭﺍﻓﻖ ﻣﻦ ﺑﻌﺪ ﻣﺎﻟﻘﺎ ﻣﺎﻳﺪﻳﺮ ﻭﺣﺎﺭ ﻓﺄﻣﺮﻱ ... ﻭﺃﺧﻴﺮﺍ ﻭﻟﻴﺲ ﺃﺧﺮﺍ ﺗﺰﻭﺝ ﺍﻟﻬﺒﻴﻞ ﻭﺍﻟﻬﺒﻴﻠﺔ ﻭﺗﻬﻨﺎﺕ ﺍﻟﻘﺒﻴﻠﺔ

ﻭﻣﻦ ﺑﻌﺪ 4 ﺳﻨﻴﻦ .. ﺣﻦ ﻋﻠﻴﺎ ﺍﻟﻠﻪ ﻭﺣﻤﻠﺖ ﻣﻦ ﺑﻌﺪ 3 ﺳﻨﻴﻦ ﻣﻦ ﺍﻹﻧﺘﻈﺎﺭ .. ﻫﺎﺩﻭ ﻏﻴﺮ ﺩﻋﻮﺍﺗﻲ ﻓﻴﻪ ﺑﺎﻟﻌﻜﺮ ﻟﻲ ﺧﺮﺟﻮ ﻓﻴﺎ ﻫﻪ .. ﺯﺍﻫﻴﺔ ﻫﻲ ﺿﺤﻴﺔ ﻣﻦ ﻫﺎﺩﺷﻲ ﻛﻠﻮ ﻣﻦ ﺑﻌﺪ ﻛﻞ ﻣﺪﺍﺑﺰﺓ ﺑﻴﻨﺎﺗﻨﺎ ﺃﻧﺎ ﻭﻏﺎﻟﻲ ﻭﺗﺎ ﺯﻳﻦ ﻣﺎﺧﻄﺎﺗﻮ ﻟﻮﻟﻰ .. ﻛﺎﺗﻬﺰ ﺭﺯﻣﺘﻬﺎ ﻭﺗﺤﻞ ﺍﻟﺒﺎﺏ .. ﻭﻛﺎﻧﺒﻘﺎﻭ ﺳﺎﻋﺔ ﻫﻲ ﺍﻟﻘﻠﻴﻠﺔ ﺃﻧﺎ ﻭﻏﺎﻟﻲ ﻧﺤﺰﺭﻭ ﻓﻴﻬﺎ .. ﺃﻣﺎ ﻫﻲ ﻓﻠﺴﺎﻧﻬﺎ ﻏﻴﺮ

- ﺍﻟﻠﻬﻢ ﺍﻟﻌﻴﺸﺔ ﻓﺎﻟﺨﻼ ﻭﻻ ﺍﻟﻌﻴﺸﺔ ﻣﻌﺎﻛﻢ ﻳﺎﻭﺟﻮﻩ ﺍﻟﺨﻼ

- ﺣﻨﺎ : ﺭﺑﻲ ﺇﻟﻰ ﺑﻐﺎ ﺷﻲ ﺣﺪ ﻛﻴﺒﺘﻠﻴﻪ ﺃﻣﻴﻤﺘﻲ ﺣﺒﻴﺒﺘﻲ

ﻭﻟﻴﻮﻡ ﺍﻟﻌﺸﻴﺔ ﺩﻳﺎﻝ ﺍﻟﻌﻴﺪ ﻟﻜﺒﻴﺮ ﺟﺎﺕ ﻋﻨﺪﻧﺎ ﻣﻲ ﻭﺑﺎ ﻭﺧﻮﺗﻲ ﻭﺟﺎ ﻋﻨﺪﻧﺎ ﻋﺎﺩﻝ ﻟﻲ ﻭﻟﻰ ﺯﻳﺎﻥ ﻭﻫﻮ ﻭﻣﺮﺍﺗﻮ ﻣﻨﺎﻝ ﻭﻭﻟﺪﻫﻢ ﺟﻦ ﺍﻟﻠﻪ ﻳﺨﻠﻴﻬﺎ ﺳﻠﻌﺔ ﺑﺤﺎﻟﻮ ﺑﺤﺎﻝ ﺑﺎﻩ ﻓﻴﺎﻣﺎﺗﻮ ... ﻭﺟﺎﺕ ﺳﺎﺭﺓ ﻭﺭﺍﺟﻠﻬﺎ ﺑﻮﻛﻮﻭﻭﺹ ﺃﻧﺎ ﺑﻌﺪﺍ ﺑﻘﻴﺖ ﻏﻴﺮ ﺣﺎﻟﺔ ﻓﻤﻲ ﻛﻦ ﻣﺎﻗﺮﺻﻨﻲ ﻏﺎﻟﻲ .. ﻭﺍﻟﻠﻪ ﺭﺑﻲ ﺇﻟﻰ ﻛﺎﻳﺒﺪﻝ ﻏﺎ ﺑﻤﺎ ﺣﺴﻦ .. ﻭﺟﺎ ﻋﻨﺪﻧﺎ ﻛﺮﻣـــــــــــــﻮﺷﺘﻲ ﺍﺣﻢ ﻛﺮﻣﻮﺷﺖ ﺧﻄﻴﺒﺘﻮ .. ﺣﻴﺖ ﺟﺎﺑﻬﺎ ﻣﻌﺎﻩ .. ﻣﺴﻜﻴﻦ ﻳﺎﻻﺍﺍﻩ ﺧﻄﺐ .. ﺗﻤﺤﻦ ﺑﺎﺵ ﻳﻠﻘﻰ ﺷﻲ ﻭﺣﺪﺓ ﺗﻌﻮﺿﻨﻲ ﺍﺣﻢ ﺍﺣﻢ .. ﻭﺃﺧﻴﺮﺍ ﺟﺎﺕ ﺍﺧﺘﻲ ﺍﻟﺤﻨﻮﻥ ﺑﺸﺮﻯ ﺳﺒﺎﺏ ﺍﻟﺒﻼﻭﻱ ﻫﻲ ﻭ ﺣﻤﺰﺓ ﺍﻟﻨﺠﺎﺭ ﺭﺍﺟﻠﻬﺎ ﻭﻭﻻﺩﻫﺎ .. ﻭﺗﺠﻤﻌﻮ ﺍﻟﺤﺒﺎﺏ ﻭﺟﺮﺩﺓ ﻋﻤﺮﺍﺍﺍﺕ .. ﻭﺃﻧﺎ ﻭﻏﺎﻟﻲ ﻣﻦ ﺑﻌﺪ ﻣﺎﺳﺎﻟﻴﻨﺎ ﻣﻦ ﺗﺮﺣﺎﺏ ﺭﺟﻌﻨﺎ ﻧﻜﻤﻠﻮ ﺷﻮﺍ

- ﻏﻠﻐﻠﻐﻠﻐﻠﻐﻠﻐﻠﺘﻲ ﻗﻄﺒﺎﻧﻲ ﻋﻤﺮﻫﻢ ﻟﻴﺎ ﻣﺰﻳﺎﺍﺍﺍﻥ

- ﺃﺟﻲ ؟ ﻫﺎﺩ ﺟﻘﻠﺔ ﻛﺎﻣﻠﺔ ﺟﺎﺑﻮ ﻟﺤﻤﻬﻢ .. ﻭﻻ ﺟﺎﻳﻦ ﻳﻜﺪﺩﻭ ﻟﻴﻨﺎ ﺍﻟﺤﻮﻟﻲ ﺩﻳﺎﻟﻨﺎ ﻭﻳﻤﺸﻴﻮ ؟

- ﺟﺎﺍﺍﺑﻮ ﻏﻴﺮ ﻣﺎﺗﺨﺎﻓﺶ .. ﻳﺎﻉ ﻋﻠﻰ ﺯﻗﺮﺍﺍﺍﺍﻡ ..

- ﻣﺰﻳﺎﺍﺍﻥ ﻭﺩﺍﺑﺎ ﻧﺸﻮﻳﻮ ﻟﻴﻬﻢ ﺗﺎﻳﺸﺒﻌﻮ .. ﻭﻧﺸﻮﻱ ﻟﺒﻨﺘﻲ ﺗﺎ ﺗﻘﻞ ﻋﻠﻰ ﻣﻬﺎ ﻭﺗﻨﺘﺎﻗﻢ ﻟﻴﺎ ﻣﻨﻬﺎ

- ﻭﺑﻤﺎ ﺃﻧﻨﻲ ﺍﻟﻤﺴﺘﻔﻴﺪ ﺍﻷﻛﺒﺮ .. ﺍﻫﺎﻩ ﻋﻼﺵ ﻻ ﻫﻪ

ﺟﺎ ﻋﺎﺩﻝ ﻳﻌﺎﻭﻥ ﻓﻐﺎﻟﻲ ﻭﺃﻧﺎ ﻣﺸﻴﺖ ﻧﺸﺪ ﺟﻤﻮﻉ ﻣﻊ ﺍﻟﺒﻨﺎﺕ .. ﻭﻣﻦ ﺑﻌﺪ ﺑﺸﻮﻳﺔ ﺟﻬﺰ ﺷﻮﺍﺀ ‏( ﻳﺎﻡ ﻳﺎﻡ ‏) .. ﻭﺑﺪﻳﻨﺎ ﻓﺎﻟﻔﺮﺱ ﻫﻪ ﻭﻣﻊ ﻏﺮﻭﺏ ﺍﻟﺸﻤﺲ ﻭﻋﻠﻰ ﺻﻮﺕ ﺟﻤﺎﻋﺔ ﺑﺎ ﻭﻏﺎﻟﻲ ﻭﺻﺤﺎﺑﻮ ﻭﺷﻬﻘﺎﺕ ﻭﻗﻬﻘﻬﺎﺗﻲ ﺃﻧﺎ ﻭﺍﻟﺒﻨﺎﺕ ﻭﺷﻜﺎﻭﻱ ﺯﺍﻫﻴﺔ ﻟﻤﻲ ﻫﻪ ﻭﻏﻮﺍﺕ ﺩﺭﺍﺭﻱ ﺻﻐﺎﺭ .. ﻗﺼﺘﻲ ﺑﺎﺍﺍﺍﺍﻗﺎ ﻃﻮﻳﻠﺔ ﻭﻟﻜﻦ ﻟﻬﻨﺎ ﻏﺎﻧﺤﺒﺲ ﻟﻴﻜﻢ ﻓﺎﻟﻤﻌﺎﻭﺩﺓ .. ﺣﻴﺖ ﻣﺎﺷﻲ ﻛﻠﺸﻲ ﻛﺎﻳﺘﻌﺎﻭﺩ ﻭﺍﻟﻤﺸﺎﻛﻴﻞ ﻣﻜﺎﻳﺴﺎﻟﻴﻮﺵ ﻭ ﺣﻴﺖ ﻫﺎﺩﻱ ﻫﻲ ﺩﻧﻴﺎ ﻟﻲ ﺳﻮﺍﺀ ﺍﺳﺘﺴﻠﻤﺘﻲ ﻭﻻ ﻗﺎﻭﻣﺘﻲ ﻛﺎﺗﺴﺘﻤﺮ .. ﻭﻟﻜﻦ ﺣﻴﺖ ﻫﻲ ﻗﺼﺘﻨﺎ ﺧﺼﻨﺎ ﺣﻨﺎ ﻟﻲ ﻧﻜﻮﻧﻮ ﺃﺑﻄﺎﻝ ﻓﻴﻬﺎ ﻣﺎﺷﻲ ﻏﻴﺮﻧﺎ .. ﻭﻫﺎﺩﻱ ﻫﻲ ﻗﺼﺔ ﺍﻟﻤﻨﻔﻰ ﺍﻟﻐﺮﻳﺐ .. ﻟﻲ ﺭﺟﻌﻨﺎﻩ ﺍﻟﺒﻴﺖ ﺍﻟﺰﻭﺟﻴﺔ ﺍﻟﺴﻌﻴﺪ ..