مصير مراهقة الجزء التاسع

♡♡في الفيلا ♡♡

..طلعات ابتهال بيتها و هي مقلقة ..دخلات شعلات دوش و عمرات البنوار بالما و دارت فيه لبوووردي بريحة الورد ...احسن طريقة باش تهدني اعصابك هي هادي حيدات حوايجها و دخلات وصطو و استرخااات حمام سخون ...دارت شامبو شعرهااا و غسلاتو غير بيديها بلا متستعمل مشطة دوزاات صابون على لحمها ..و من بعد دارت جيل دوش بنكهو شكلاط و لوات عليها بنوار ديال حمام و خرجات كلسات قدام مرايا كذهن لحمها بالكريم.. و دهنات وجهها بكريم ليلى نيفيا و دارت كاكاويط فومها بنكهة الفريز مرطب الشفاه و ظارت فوق زيت تا هو ديال فم كيخلي الفم كيبري (هادو زوينين في وقت البرد حيث كنلاحضو فم ديالنا كيتقشر في هاذ الوقت هاذو مخيرين 👌)ناضت الماريو ديالها جبدات دوبياس مشبكين في الكحل و دوني في غوز بارد و بيجامة في غوز بارد سخونة سروال و تريكو ديالو من فوق و بنوار قصير بيحامة كتكون من ثلاثة بياصات ديال البنات ..الله بغات تشعل سيشوار تنشف شعرها و هي تسمع الدقان في الباب✊✊🚪

♡♡عند البطل ديالنا امين ♡♡

نجية و خديجة مجمعين مع سعدية مامات ابتهال و خديجة شادة نور و نجية زياد كيلعبو معاهوم ..و محسن و سناء تا هما مجمعين محسن كيوريها في طابليت داكشي لغادي يديرو في الخطبة ديالهوم ...اما عبد الرزاق و محمد و اسماعيل شادين واحد القنت و حداهوم اسماء و امين 

اسماء : واش تخاصمتو ؟؟

امين : لا لا متخاصماناش ...

اسماء : و لكن ماشي هادشي لباليا ...هي طلعات مقلقة و نتا مقلق هنا اش هادشي طلع عندها و هدرو ...را ضروري من شوية مدابزة في العلاقة ..هكا كتجي العلاقة حلوة ..ههه تهلاليا في بنتي ..را مقصداتش قبيلة غير خافت من باباها داكشي علاش و نتا مول عقل هي را صغيرة عذرها...الله يرضي عليك 

امين : هه..ان شاء الله انا الالة انطلع نتصالح معاها متكوني غير على خاطرك...

اسماء : وهكاك نبغيك ...يا الله طلع ....طلع امين عند ابتهال لقا بيت مسدود و هو يدق عليها ...

ابتهال الله بغات تنشف شعرها و هي تسمع ظقا صخاب ليها خدامة و لا سناء ناضت حلات الباب و هي تصدم و صدمة كبيرة هي لعند سيدهوم امين 😂😂

ابتهال : (كتغطي سدرهاا مزيان ب ببينوار)ا ام امين اش كدير هنا ؟؟

امين : (صدمة كانت قوية 😂) لا رد ...

ابتهال : هيهو وو امين اش كدير هنا ؟

امين : لا والو ..زعما جيت بغيت نهضر معاك ...احح ولكن بانليا قلبي غادي يسكت مافيهاش شك ...

ابتهال: (توترات..دفعتاو و بغات تسد الباب) خرج خليني لبس حوايجي و عاد اجي نهضروو ...

امين :(دفع الباب برجليه و دخل و سد الباب ) لا نهضرو دبا 😉

ابتهال : و و ولكن ...جرها اممين لصقها مع الحيط....

امين : عرفتي معمري شغت شي وحدة بلجمال دياالك صافي سطيتيني مافيهاش ...الله الله هادشي كلو ديالي 😍😍(هبط جيهة شعرها لباقي فازك و ريحت شامبو عاطيا و لحمها فيه ريحة جيل دوش و كريم ديال فريز ...داخ مسكين امين هبط كيشم في جيهة عنقها و طبع بوسة خفيفة في عنقها تحت وذنيها بورشها ) عرفتي نتيا غير ديال الماكلة 

ابتهال :(تلفهااا قلبها كيضرب بجهد حسات بصهدة طلعات معاها دغيا بعداتو عليها ) دبا عاد جاي عندي قبيلة من كالسة كنهضر معاك و كتقمعني ...دبا عاد بنت ليك ...

امين : انا قمعتك فوقااش ؟؟معقلتش 😂

ابتهال : قبلية من هضرت معاك سولتك واش تقلقتي ..كالس عليا عادي...ماشي مشكل (كتعيبو )و انا مكنتش قاصدة 

امين : (كيطنز عليها ) حلفي بالله*

ابتهال : امين ماشي وقت الضحك هذاا ...واش مقلق مني ..

امين : صرااحة تقلقت في لول حيث نكرتيني و انا بكل صرااحة هدرت معا عمي نيشان و نتي دربتيها ليا بنكرة عالمية تصدمت و بقا فيا الحال ...

ابتهال : انا و الله مكنت قاصدة را غير خفت من ردة فعل بابا سمحليا و الله مبغيتكش تقلق مني 😢

امين : بشرط عطيني بوستي ...

ابتهال :(باستو من حنكو ) صافي دبا ☺

امين : لا بغيتها هنا (حط يديو على فمو)

ابتهال : ايوا متعيقش عاوتاني ...ها البسالة ...

امين : اوكي الله يعاون ...تم خارج و هي تجرو ابتهال من يدو ودوراتو عندها و تعلات على صباع رجليها و باستو دغيا من فموو وهربات ...

امين : احح شحال بنينة 😍😍

ابتهال : وصااافي خرج دبا عااافاك ...ياك بستك و صافي تصالحنا و هليني نلبس ايضربني البرد ...

امين : وخاا الالة لبسي ولكن شي حاجة مستورة ها وذني منك ...

ابتهال: ياك كاين غير بابا و بابا محمد و جدي و محسن ....

امين : و محسن اش كايجيك خوك مثلا ...

ابتهال : اويلي ا امين تا محسن تغير منو 😂😂

امين : مالو ماشي راجل يا الله طلقينا انشوف شنو تلبسي ..دار جيهة الناموسية و هي تبان ليه بيجامة هزها كيشوف واش طويلة ...و ابتهال كتجر فيه ...

ابتهال : و صافي ا امين اش اتشوووف را انلبس طويل غير خرج ...

امين : (شاف دوبياس و هو يهزهوم ) اش هاااادشي اولالا هادشي غزاال قبل الزواج و مهلية في راسك معندي مانسالك 👌👌👌هكاك نبغيك احبيبة 😘😘😍نموت فيك ...

ابتهال : بربي مابقيتي تحشم مبغيتيش تخرج اووكي (حيدات ليه الحوايج و دخلات حمام بدلات حوايجها و هو كلس على ناموسيتها ناض كيقلب في روايح لدايرا فوق كوافوز شاف تيلي ديالها كيتشارجا شعلو لقاها دايرة له لكود ...شوية خرجات لابسة حوايجها بيجامة و لكن بلا فوقاني و مؤخرتها باينة شافها و هو يطلع حجبانو )

☆☆عند طوم و جيري 🐈🐀☆☆

امين : اش داكشي لاابسة ؟؟

ابتهال : (حنات راسها كتشوف كتاكد 😂) مالي اش لابسة لابسة بيجامة بحالي بحال نااس ...

امين : شووفي كلشي كيباان مرسوم من نيتك اتهبطي هكا بربي لا هبطتي ...لبسي عليك شي حاجة طويلة ...🙁

ابتهال : ناااري خاصك غير تجبد العيب الله يحضر سلامة انا اصلا انلبس بنوار فوقاني ديال بيجامة راهو حداك ..😊

امين : ايوا هكاك نبغيك ياالله طليقينا الله يصحاب ليهوم التحت غير بدينا نديرو مشروع انتاج دراري ..😆

ابتهال : 😂😂😂ايوا الله يمسخك...ناضت ابتهال كلسات و شعلات شيشوار نشفات شعرها و جمعاتو على شكل كعكة مخربقة و لبسات داك بينوار و هبطات هي و أمين كيضحكو لقاوهوم خرجو جردة ...و خدامة بدات كتحط العشا حطات ليهوم بسطيلة ديال الحوت بجميع انواع فواكه البحر و مونادا بجميع انواعها و واولماس ...مهم عشا مبرع ...دارو طبلة كبيرة في جردة طويلة فيها بزاف كراسا بحال هديك لكتكون عند تواركة 😂و كلسو كاملين امين بجنب ابتهال و محسن حدا سناء ...اسماء حدا عبد الرزاق و نور كالسة على على باباها ..اسماعيل و محمد و سعدية ..وعاد البنات نجية و خديجة تحطات بسطيلة و فرقاتها الخدامة على كل واحد في طبسيلو كلاو في جو لا يخلو عن الضحك و نشاط ..سالاو و تحط المشوي ...لحم مشوية بشلايض ...مهم داكشي مبرع ...سالاو جابو ديسير جميع انواع ديسير ...بقاو مجمعين تا هضر محسن ...

محسن : و بما ان كلشي مجموع بغيت نقول ليكوم نهار السبت الخطبة ديالي انا و سناء مرحبا بيكوم كاملين طبعا ....😊

الكل : مبروووووووك😍😍😍😍

ع.الرزاق : الله يكمل بخير اولدي ...😀

محسن : شكرا ...كلشي بارك لمحسن و سناء...و ابتهال غير كتغمز في سناء لحشمااانة ...تا نطق امين و صدمها تا هي ...😝

امين : عمي تا حنا انديرو الخطبة ان شاء الله في راس العام ...😇

الكل :😱😱😱😱

ابتهال : كح كح ...كح شنووووو؟؟

امين : بشوية عليك مالكي؟؟

ابتهال : على بسلامة معامن تشاورتي طلبتي مني زواج و فوقاش جيتي خطبتيني من دارنا ...😌

امين :(حمر فيها 😡)مالنا على هادشي كامل ؟؟

ابتهال : اهااااه زوينة هدي را والله و متحني على ركابيك و دير بحال لكيديرو في افلام 😌و نوافق طبعا انا و من بعد تجي تخطبني من عند بابا و نهبط تا انا حشمانة و نسكت و بابا يكول سكوت من علامة رضى را والله لاكنت ليك...😏

الكل :😂😂😂😂😂😂😂😂😂😂😂

محسن : خوووويا الله يحسن عوانننك و الله عرفتي ا ابتهال ماامنكش جوج بالله لخسرك را ضيع عام من عمرو 😂😂

ابتهال : عاارفة راسي متحاتجش ...😌

أمين : و الله يعطيني صبر...

الكل: امين 😂😂😂😂

ع.الرزااق: و الله ابنتي متكاسابي عقل ...و لكن عندك حق انا را عندي بنت وحدة كبيرة ...را تا نور باقي صغيرة مايوصل داك الوقت تا نكون شرفت و لا نموت متعرف الوقت اش مخبي ليك ..

ابتهال : الله ينجيك ابابا 😢

ع.الرزاق : هادي هي دنيا ابنتي خليني نكمل ..هادشي علاش بغيت نفرح ببنتي مهم بنسبة الخطبة انا نهضر مع ختي نعيمة (ام امين كيحسبها بحال ختو ) و بما ان المرحوم مكاينش معانا فأنا انجي نخطب ابتهال من عند الحاج اسماعيل و محمد وخا بنتي ...

امين :شكرااا اعمي ربي خليك لينا ...🙂

ع.الرزاق : و داك طلب لكالت ديال طلب منها زواج بيناااتكوم 😂😂😂

ابتهال : و هذاااك را هو ضروري ...

امين :(وخاا الالة ابتهال لابقات فيك تبقى فيا ) اممم ان شاء الله و يا الله نوضو نمشيو 1 ديال ليل هدي و غذا صابحين خدامين ...ناضو ودعهوم و ابتهال طلبات سماحة من نجية على داكشي كامل لدارت معاها ...و نجية بدورها سمحات ليه و عنقاتها .. ركب امين و البنات معاه ..و محسن مع سناء و مشاو ابتهال هزات نور من عند باباها ناعسة طلعات بيتها خشاتها في ناموسيتها حيدات ليها بانطوفة و غطاتها بلستها في راسها و خرجات طفات ضو و خلات غير ضو خفيف ديال فيوز ...ردات عليها البيت خرجات دازت بيت ماماها و باباها باستهوم و مشات لبيتها حيدات بنوار و تخشات في ناموسيتها و تغطات طفات ضو وخلات فيوز شاعل شعلات تيليفونها بقات كتقلب في واتساب تا صونا ليها امين كاليها را وصلو صافي قطعات معاه و نعسات ....😴😴

وصلو امين طلعو دخلو البنات بدلو حوايجهوم و امين تا هو دخل بيتو بدل عليه لبس كيطمتو ديال نعاس و غسل سنانو و مشا عيط لابتهال و نعس و صورة ابتهال متحيداتش من بالو 😴😴

☆☆في جيهة أخرى بالضبط في الريف ☆☆في دار حاجة فاطمة منصوري حشومة كاع يتكال عليها حاجة😒 كالسة و بجنبها لمرا لخدامة عندها ...

سعاد (خدامة ): لالة فاطمة اش كتقولي ؟؟

فاطمة : انا هادشي ليبغيت...و نتمنى تقبليه ..

سسعاد : و لكن ميمكنش ...

☆☆في جيهة خرى بالضبط في ريف ☆☆

سعاد : كيفااش الالة نتي عااارفاني خدامة عندك سنين و منين فين بغيتيني نمشي دبا ...

فاطمة : سيري عند ولادك ا سعاد و قابليهوم كبريهوم الله را كبير مكينسا تا حد انا صافي بغيت نعيش اواخر ايامي بوحدي نعبد الله و نطلب المغفرة و مسامحة و بغيت نبقى بوحدي ..سمحليا اسعاااد مدوزناش القليل ...

سعاد : متكوليش هكاك انا عمري نساا خيرك ...انا انجمع حوايجي و نمشي ...تهلاي في راسك دبا نبقا نجي عندك ...

فاطمة : الله يعاونك و يسهل عليك تهلااتي في ولادك و بناتك را هوما ليهزوك ...

سعاد : داكشي لكاين خليت ليك راحة الله ...خرجات سعاد جمعات حوايجها و مشات كرسيف عند ولادها لمخلياهوم غير مع ختها كلهوم كيقراو و لكن وخا هكاك صغار ...بقات فاطمة بوحدها و هادشي ختاراتو هي بالنسبة ليها هذا اكبر عقاب على الاقل توب و تطلب سماحة من ربي و ان الله غفور الرحيم ...داكشي لدارت ماشي قليل من بعد ما تفرشات و سمح فيها ولدها و بنتها لكارهاها سدات دار و رجعات مدينتها الاصل و قرات تستقر فيها حتى يدي مول امانة امانتو و هي باغا طلب سماحة من ولادها و لكن ممستعداتش ..راجعات داكشي لداارت في ولادها و خيانة راجلها ضهر عليها ندم و قرات تستعبد مولاها و تستغفر على و عسى يقدر يسمح ليها .....من بعد مامشات بحالها سعاد طلعات بيتها شعلات ضو و جابت زربية ديال صلاة و تسابيح ديالها و بدات كتصلي و فينما تسجد كدعي مولاه باش يسمح ليها و دموعها نازلين ...بقات على ديك الحالة كتصلي ركعة مورا ركعة و في كل ركعة او بالاحرى في كل سجود تا طلب مغففرة من الله على كاع داكشي لدارت ....صالات و تكات نعسات 😴😴😴

♡♡تسريع الاحداث♡♡ ¤يوم السبت نهار خطوبة محسن و سناء ¤ (الأحداث لاندوي عليهوم حقيقين ولكن شخصيات لا و لكن بغيت ندير ليكوم داكشي 💯💯مغربي باش تاخذو افكار ) 

سناء طلبات من البنات يباتو عندها باش غذا يمشيو معاهت الحمام (هدي غير خطبة و لكن خاص بنت تهلا في راسها )نجية و خديجة وابتهال باتو مقصرين مع سناء و كيديرو الوصفات الحمص و ماء الورد دازت نصف ساعة حيدوه و دارو الخياار كيبردو وجههوم ..من بعد غسلو وجههوم بصابون (من الاحسن يكون صابون دوف طبيعي انا كنديرو و لا ديال اركان ) و ذهنو كريم ليلي نيفياا (نيفيا من احسن كريمات الوجه بالخصوص لاكانت ديال براا انا سولت فرمسيان كاتلي شوفي خوذيها من برا را مخيرة و داكشي على خديتها وااعرة 👌) ذهنو وججهوم و نعسو....ناضو في صباح بكري باش يمشيو الحمام ..نوضتاهوم جدات سناء و كلسو كيفطرو و من بعد خرجو جا ليهوم شيفور ديال ع.الرزاق داهوم حمام ديال الاوكسجين وسط المدينة دخلو البنات ذهنو لحمهوم بالحنا مع الورد و ريحان و تكسلو كل وحدة في جيهة ..شوية جاو بنات لابسين ملابس رسمية كسالات كل وحدة شدات وحدة من البنات و بداو كيديرو ليهوم مسااج بنات استرخو ...شوية ناضو البنات كيغسلو شعرهوم و سناء دارت ريحان و والورد شعرها كيخلي ريحة زلا اروع سالاو البنات من الحمام ديالهوم شلو و خرجو لبسو حوايجوهم و مشاو نيشان الفيلا ديال اسماء هي ليبغات تكون مكلفة بسناء حيث واليديها مكينينش و هي و عبد الرزاق اينوبو عليهوم و تا جداتها كاينة و شي بنات من عائلتها وصلو و مشا جابهوم شيفور من المحطة و جاو اسماء واحلة مع تجهيزات الخطبة....

♡♡عند ابتهال ♡♡ 

وصلو البنات لقاو سعدية واقفة في الباب هازة بلاطو ديال حليب و تمر و كتصلي على نبي شربات سناء حليب و تمر و تبعوها البنات دخلو ...وجدات ليهوم الخدامة غذا بكري تغذاو و طلعو بيت ابتهال كلسو..تا طلعات جدات سناء كالت سناء خاصها تصلي صلاة الاستخارة بلاش يسير ليها الله في حياتها و في خطبتها ...ناضت توضات و خرجات لبسات عباية و دارت عليها شد و جداتها كتوريها شنو دير ... 

الجدة : شووفي ابنتي اتصلي جوج ركعات بقراءة سورة الفاتحة مع اي سروة من القران اتصلي صلاة نافلة بحال ديما ...و من بعد مديري سلام اتقراي هاذ دعاء :{{ اللهم إني أستخيرك بعلمك وأستقدرك بقدرتك وأسألك من فضلك العظيم فإنك تقدر ولا أقدر وتعلم ولا أعلم وأنت علام الغيوب اللهم إن كنت تعلم أن هذا الأمر ويسميه بعينه من زواج أو سفر أو غيرهما خير لي في ديني ومعاشي وعاقبة أمري فاقدره لي ويسره لي ثم بارك لي فيه وإن كنت تعلم أن هذا الأمر شر لي في ديني ومعاشي وعاقبة أمري فاصرفه عني واصرفني عنه واقدر لي الخير حيث كان ثم ارضني به }} داكشي لدارت سناء صلات ...و دارت دعاء باش الله يسير ليها زواجها ....البنات خديجة و نجية هبطو التحت ...و ابتهال تلاحت في ناموسيتها ...تا سلات سناء عاد ناضت جابت ليها كريمات كاتليها ذهن بيهوم لحمها و جبدات ليها واحد دوبياس في الابيض مشبكين باقين جداد ...

سناء : لاش هدوك ؟؟ 

ابتهال : بلاتي نوريك مشات فتحات البلاكار ديالها وجبدات عطر على شكل قرعة زجاجية مكركبة من تحت و طويلة من فوق لونها في قهوي و ريحتها من ريحة العود كتسمى عود الشمس (هدااا بخار واعر كديريه الحوايج ولحم و شعر كيخلي ريحة و لا اروع 👌اتلقاوه في محل عطوور ) رشات ليها دوك حوايج تحتانيين و لحمها و تحت عنقها جيهة شعرها دارت غير بخاخ لبسات سناء ..و كلسو كيتعاودو تا جات كوافوة وواحد البنت معاها كتعاونها ... طلعات عندهوم و بدات كتسيب شعر هو لول لسناء و ديك بنت كتسيب ليها ضفااار ....سالات ليها شعر صايباتو ليعا بوكلي شداتوليها بمقابط و دارت ليها لالاك واحد شبكة باش يبقى مسايب وبدات ليها ماكياج.....

لبسات ابتهال حوايجها و خرجات وقفات جدا فيلا تا عيط ليها أمين كاليها 5 دقائق يكون عندها ...داكشي نيت وصل عندها ..

امين : الحب صافا 😍

ابتهال : حمد الله و نتا لباس عليك😍

امين : احنا كنعديو طلعي طلعي دغيا راني مزروب ...طلعات ابتهال ا امين وصلها المصبنة هزات قفطان ديالها و تكشيطة ديال سناء ...هبطات هزاتهوم و دارتهوم لور في كوفر و رجعها امين دار و مشا هو عند محسن لتالف كيوجد راسو ...طلعات ابتهال لقاات بنات كيوجدو راسهوم ...و سناء بدات كتسيل ماكياج و ضفار حطات تكشيطة ديال سناء فوق ناموسية و قفطانها تا هو ...و هبطات دارت سوندويش كلاتو و عاط طلعات غسلات سنانها بمعجوت بريحة نعناع و خرجات صباغات ضفارها بالحمر ديال يديها و رجليها بكحل ...فضلات تسيب ضفارها بوحدها ....سلات كوافورة لسناء و بدات ابتهال شعر لتا هي سايباتو بوكلي ...و فضلات ماكياج ديرو راسها سناء بقات كالسة في باركو باش يبقا ليها مكياج ...شوية جات نقااشة دارت ليهوم صبيعات ديال حنا نقش هندي خفيف لبنات و حتى اسماء ...و نور ...وصلات 8 ديال عشية و كوافورة باقاا باش تعاود لسها مكيااااج ....بداو ناس كيجيو ...اسماء وصات واحد نكاافة صاحبتها معروفة بداكشي عصري وجدات كلسة خفيفة في بلونكاسي في صالة كبيرة كلها بفراش بلدي ....سناء لبسات تكشيطة بمساعدة كوافورة تكشيطة تحتاني ديالها ديال حريح في بلونكاسي سانبل هابط افازي حدو حد كتااف و فوقاني مسلم منبت باحجار ملونة تا هو سانبل حد الكمام و مضمة رقيقة محجرة كلها بحجر ....لبسات صبااط عالي في بلونكاسي ...طلقات ليها كوافورة شعرها و جابت تاج صغير رقيق محجر تا هو نقري دارتو ليها و عاودات دارت ليها غير العكر في الحمر و رشات ريحة ديال ابتهال شانيل و اكسسوارات سانبل كورميد ديال ذهب فيه قلب محجر كام جابو ليها محسن ..و دارت مكانة ديالها ديال ديور ...و ها هي لالة لعروسة ديالنا واجدة جات سانك سانك 👌ليوم نتلف لمحسن عقل 😂...ندوزو عند البطلة ديالنا للجمال ديالها لايقل عن جمال عرووسة تكول هي هي عرووسة ...لبسات قفطان ديالها في الاحمر ديال موبرة كل منبث باحجار ....و بسفيفة ذهبية حد المرفق مع مضمة رقيقة ذهبية و سنادلة عالية في بااج دارت مكانة ديالها ذهبية و واحد كروميط سانيل فيه فراشة بسنسلة ديالو و حوالقو طلقات شعرها و دارت خيط ريح رقيق و ماكيااج مثير لدرجة بانت كبر من عمرها مع العكر في الحمر طبعا 💄ههههه البطلات ديالنا واجدين اجي نضربو طليلة على الأبطال ديالنا 😂😂

♡♡عند محسن و أمين ♡♡¤في دار محسن ¤

محسن : (كيسيب كرافط) و ناري هادي كيفاش كداار ...

أمين : هههه كالم اصاحبي مالك متوتر ارى نسيبها ليك ..سيب امين لمحسن كرافط و وو دراري رحيلهوم خفيف ماشي بحالنا حنا ...نسيت موصفت ليكوم دراري محسن لبس كوستيم في الكحل و قميجة في بيض و كرافط خلا لحية محسنهاش غير قادها (اصلا لحية هي الأساس 🙈🙊) رجع شعرو لور و دار ريحة ديالو و ساعة ديالو في يديه ...اما بالنسبة البطل ديالنا لبس تا هو كوستيم في كلح مع قميجة بيضة و بابيو في كحل رجع شعرو لور و دار ساعتو و ريحتو ...

محسن: الوااليدا و يا الله ...

ام محسن : انا واجدة اولدي سهيلة طلقي راسك(سهيلة خت محسن عندها 21 عام خدات الباك و دارت ليسطيا عامين خدات ديبلوم و كلسات في دار دبا مخطوبة واحد خاينة موضف في بنكة و في ربيع عندها عرس را عارضة عليكزم كاملين مرحبا بيكوم😂😂...و عندو ختو وحدة أخرى مزوجة و عندها جوج ولاد ساطنة في العيون و ملقات كيدير تجي هادشي علاش فضلات تا عرس و تجي ...معندوش ختو دراري كاين غير هو و جوج بنات )...

سهيلة : هانا جايا امامااا صبري نكمل غير ضفر ...

محسن: لا انباتو هنا و طلقينااا من صباح و نتي مخشية في داك البيت كولي نتي هي عرووسة ...كون صحابني هكا كون صيفطت عند البنات ...الواليدا فينو الواليد ...

ام محسن :( رشيدة ) را مشا اولدي جامع يصلي لمغرب شوية تشوفو جا ...

محسن : وخا وخا يا الله نهبطو انلقاوه جاي ...سهههههههههيلة منعاااااودش هضرة ...

سهيلة :(خرجات سهيلة كتنش ععلى ضفارنها باش ينشفو لابسة تا هي قفطانيال موبرة في الاخضر مع اكسسوارات ديالو ودايرة مشيطة خفيفة لور ) ها نا جيت ...

محسن : تبارك الله نتي هي العرووسة 

سهيلة : و زدتي فيه تا نتا ...

سر سر سر 📱📱📱

محسن : امين تيليفونك ...

امين :(جبد تيلي لقا ابتهال كتصوني ) ابتهال هدي ...الو ابتهال ...اه واحد نص ساعة نكونو تما انشاء الله ...وخا يا الله بسلامة ...

محسن: ها لكلنا زيدو قدامي ...جيبي نتي داك ورد هزيه ...امين خاصنا ندوزو على باتسري حلوى سواري و داكشي لاخور زعمة سكر و خليب و داك تخربيق فين درتيه ...

امين : را لور في طونوبيل عندي ...

رشيدة : يا الله زيدو على بركة اللله ...هبطو سدو دار لقاو اب محسن حاج سعيد جاي لابس فوقيتو و بلغتو موجد و تا ام ديال محسن لابسة قفطان خفيف براندة داكشي ديال عيالات كبار ...ركب امين في طونوبيلتو و محسن في طونوبيلتو مزينها ركب حداه الاب ديالو و الام ديالو و ختو سهيلة لور و مشاو ....وصلووو هبط أمين هز الورد عطاه محسن و بلاطو ديال الحليب عطاه لام محسن ...و بلاطو ديال حنة في علبات على شكل قلوبة عامرين بالحنة ....و كرطونة ديال سكر هزها الاب ديال محسن ..و امين هز حلوى ديال كريم مكتوب فيها اسم سناء + محسن مهم داكشي نتوما عارفين ...و دخلو استقبلتهوم جدات سناء و اسماء و سعدية بالحليب و تمر ...و رحبو بيهوم و دخلو صالة ناس قلال و داكشي خفيف ضريف بطرب اندلسي ...اسماعيل و محمد لابسين البلدي كندورااات من داكشي 👌 و عبد الرزااق لابس كوستيم بحال محسن ...أسماء لابسة قفطان خفيف في كروونة و مسيبة شعرها بوكلي و ماكيجااها جات بحال خت ابتهال ماشي ماماها ....و نور تا هي لابسة قفين موبرة في خضر ديال بنات ...زياد ملبساه جابادور في حمر شراتها ليه ابتهال ...سعدية لابسة فرااشة في صفر سانبل خداتها مع اسماء ...و جدات سناء لابسة تا هي قفطان عااادي براندة خفيفة ...كلسو تا جابت الخدامة كاطو سواري و عصير بجميع انواع ليمون طبيعي حليب و فريز و لافوكا ....فرقات عليهوم خدامة ...شوية هبطات نجية و خديجة لابسين قفاااطن سانبل بلا مضمة خديجة في شيبي بحجااب ديالها ...وتا نجية قفطان في مووف و شد خفيف شاداها بطريقة تركية و ماكياج خفيف ضريف😂ماشي بحال طعريجة للفوق الله الله ....كاين واحد ولد خالت سناء و خالتها جاو و بنات عمها هوما لكاينين من عائلتها ....بدا الاب ديال محسن كيهضر في داكشي ديال خطبة معنديش معاها منقدرش نفيدكوم😂😂

ع.الرزاق: كلامك هو كبير لاكانو متفاقين منزيديهوم غير الخير ...ولكن وخا هكاك خاصنا نسمعو راي ديال عرووسة ديالناا على حساب تقاليد ديالنا ...

اب محسن : مكلتي عيب فينهيا البنت نشووفوو راي ديالها ؟؟

ع.الرزاق : أسماء نوضي كولي سناء تهبط ...

اسماء : وخا سمحولي ...طلعات اسماء حلات الباب على البنات لقااات سناء غادة جاية في بيت و ابتهال كالسة فوق واحد كرسي كتاكل شيبس و كتمزك ...

اسماء :(مشات حيدات لزيات ابتهال من وذنيها )😂😂ويلي ويلي مالكووووم نوضي نتي تكعدي اويلي كتااكل ...

ابتهال : و مرضتني هاذ الخرية من صبااح و هي كتشطح عليا بخلعة كولي غير هي لغادي تزوج ...

سناء : اهئ اهئ بعد مني ياا ربي فرجني فيك ناااري الخلعة طلقي مني اووف قلبي غادي يسكت ...

اسماء : ههههه😂😂😂 تا نتي را عادي خوذي نفس عميق و هبطي عمك عبد الرزااق ....

سناء : شنوو 😱😱😱متكوليهاااش ...

ابتهال :😂😂😂(ناضت جيهة مراياا عاودات ليك واحد تعكيرة فاعلة تاركة 💄و رشاات ريحة على عنقها و قادات تكشيطة شافت راسها

في مرايا حالغة تسكت القلب امين ليوم 😂) ....انباتو هنا يا الله ...

اسماء : يا الله احبيبة متخلعيش ...

♡♡في فيلا ♡♡¤¤عند سناء و ابتهال ¤¤

ابتهال : و زيدي يا الله انباتو هنا ...

سناء : فيا الخلعة اوووف ...

اسماء : توكلي على الله و قراي معودتين و يا الله ناس كيتسناو...

سناء : مقاادة ياك ...

ابتهال : و راكي سانك سانك غير زيدي ...

سناء : زعمة زعمة شووفي شعر واش هو هداااك اسماء :😂😂و الحمقة راكي وااعرة ازيدي ...

سناء : بسم الله ...هبطات سناء في جنبها ليمن اسماء و جينبها ليسر ابتهال بابهر حلا دايرين بحال أميرات تنهدات سناء و دخلات حانبة راسها و مزنكة طبيعة الحال بصلاة على رسول الله ....محسن هو عينو شاف فيهااا تصدم بجمال ديالها بهراتو بقا غير كيفرنس ...تبعاتها ابتهال لجمالها بوحدو ..هز عينو بطل ديال ديالنااا وحل فمووو تا دار زاوية قائمة مابقاش كيرمش بقا غير كيشووف في ملاااك لقدامو😍 مكرهش ينووض يطير عليها بشي تعنيقة ...اسماء كلسات سناء حدا محسن في ديك بلاصة لدارت ليهوم ...ابتهال مشات حدا نجية و خديجة و كلسات و هي حاضية امين اصلا معندهاش مراكيات علاش تحشم ..هو كيشوف و هي كتشووف تا غمزها 😉 دار و هو يبان ليه ولد خالت سناء حاضي ابتهال و ساهي فيهاا ..و هو يخنزر فيه و زير على يديه هز عينو فيها لقاهاا كضحك معا البنات كاع مامسوقة...😂😂

اب محسن : بنتي عرفنااك نتي و محسن متافقين و لكن خاصنا نسمعو منك انك موافقة على هاذ زواج ...

سناء :(تزنكات ) لا رد ...

ع.الرزااق : ايوا سكوت علامات رضى الله يجعل كلشي مبروك مسعود ...و يكمل عليكوم و يرزقكوم ذرية صاالحة ان شاء الله ..

الكل : أمين ...

اب محسن : نقراو فاتحة على بركة اللله ...بسم الله الرحمن الرحيم *********صدق الله العضيم ...

الكل : امين .....

ع.الرزاق : اسماء يا الله كوليلهوم يوجدو لينا العشا هو لول ...

اسماء : وخااا...ناضت اسماء عندهوم الكوزينة كتوريهوم شنو يديرو ...امين باقي حاضي ابتهال و كيشوف في داك عكر هز تيلي ديالو و سيفط ليها مساج ✉ 

امين : [mashi dak l3akr😒]وصل مسااج ابتهال هزات فتحاتو لقاتو امين قراتو و عقدات غووباشة و هزات عينيها فيه ...و هي تسيفط ليه ...

ابتهال :[w3alach jani khayab ana nmot fi had 3kar bla mathawl maradich nhaydo ] وصل امين و جاوبها...

امين :[birabi ta ndir lik choha wdak sadr li m3arya wach kat9lbi 3liya ]

ابتهال قرات مسااج و ضرات ضحكة ديال جنب ...😈و زادت هبطات تكشيطة كثر كتعري صدرها كثر ...

امين كيشووف فيها و كيخنز و بخصوص داك خاينة لنظراتو كلها اعجاب اتجاه ابتهال باينة ...ابتهال شافت فيه و هي تصيفط ليه ...

ابتهال : [w daba mzayan 😂]شااافوو امين و جابوبها ...

امين :[wlah lab9at fik lab9at fim tba9a fiya kat9lbiii 3liya oj ] شافتووو ابتهال و قلبات وجههاا و خلات ليه VU جاو سربااية كيوجدو طبالي 2 طبالي ديال تريتووور مزيينين بجميع مستلزاماتهم... وجدو و تجمعو طبلة ديال عيالات و طبلة ديال رجالة ...تحطات بسطيلة بدجااج و لوز بسطيلة حلوة ...سالاو تحط لحم ببرقوق و مشماش و لوز وبيض سمان في عويدات ...من بعض تحط ديسير جميع انواع ديسير...جمعو طبالي و رجعو بلاصتهوم باش يبداو مستلزمات ...ناضت اسماء جابت سينيا فيها حليب و تمر و خواتم لشرااو محسن و سناء ...و بداو مرااسيم (مغااديش نكثر ليكوم من هادشي...لبسها الخاتم و لبساتو شربها الحليب و شرباتو و كلاتو تمر و وكلها تمر و سالات حفلة ) ابتهال كتصور بتيلي ديالها...و امين بكاميرااا ديالو و كيقرب ابتهال و هي كتبعد حيص عارفة اش كيتسناها ...شوية تفرقاات الحلوة و اتاي مع مملحات و فواكه جافة ...و تمر و حليب على موجودين و في كل تمرة كاينة كركاعة داكشي وااعر ...بقات لاطارت لغاادي يقطعوو ...مشات اسماء و سعدية يجيبوها ..و ابتهال ناضت بغات تمشي الحمام شافها امين و هو ينوض تبعها ....

♡♡عند طوم و جيري 🐈🐀♡♡

...مشات ابتهال طلعات الفوق باش دخل الحمام ...دخلات الله بغات تسد الباب و هو يدفعو عليها أمين معرفت باش تبالااات دخل عندها مخنزر ناوي على خزيت ...

ابتهال : ا امين اش كدير هنا ؟؟

امين : جااااي نخلي دااار عشتك ....دبااا علااياااش كتقلبي على شي سلخة ديال عصاا ...😠

ابتهال :( قرباات حداه و كتشوف في عيينيه بكل برائة 👀) علااش شنو درت انا 😊

امين : (شدهاا من خصرها ) كتلعبي بياا دبا مك عارفة راسك نتي هي نقطة ضعفي يااك كتليك غطي صدرك(هز ليها تكشيطة شوية غطا ليها صدرها ) دبااا مزيان ....قرب لفومها وبقا كيشوف في عينيها زورق لكيدوخوه و هما يدخلو في قبلة عميقة 💋 تجاوبات معاه ابتهال و دورات يديها على عنقو قبلة مليئة بحب 😍و عشق ❤ ...كانت قبلة فرنسية 💯دامت مدة 10دقائق و هو عااايشين في العالم الخااص بيهوم تا حسات ابتهال بفمهاا طااب و امين بدا كيسخن و وعاات بهادشي و هي دفعوو...

ابتهال :(مزنكة😳) ويلي ويلي اخر مرة تبوسني شتك ولفتيهاا ....😐

امين : احح فمك بنين 😍

ابتهال : ايواا الله يمسخك(دارت لمرايا شافتها فومهااا حمر طايبو ليها و العكر تمسح ليها ) هانتا مسحتي ليا العكر هادشي ليبغيتي ...😠

امين : بحال لعلمك الله ...و يا الله احبيبة نهبطو را كيتسناااو فينا انباتو هنا ...😌

ابتهال : يخخخخ على مرض ...

امين :(صرفقها و لكن غير بشوية وجرها لصقها مع الحيط ) يااااك كلت لمك بقاي تجمعي فمك كلتها و لا مكلتهاش...😡

ابتهال :(تغرغرو عينيهاا 😢) طلق مني امين قصحتيني ...😓

امين : و غبري دباا من قدامي يا ويلك ديري شي حااجة انا علمتك ..نتي خاصني نعاود ليك تربية كبير عليك ب 10 سنين على الاقل حتارميني ...😐

ابتهال :(مرضاتش و محساتش بدموعها تا هبطو😭 ) اهئ اهئ طلق مني نتا حكااار صافي مبقيتش باغاااك كنكرهك ...😡

امين :(شاافها هكاك و بقا فيه الحال حااول يعنقها و هي والو كدفعو و تنخصص بحال بنية صغيرة ) سمحلياا عافااك مكنتش قاصد نضرب و نغوت عليك و لكن كتعصيني ا ابتهال كتعصبيني ...😑

ابتهال :اهئ اهئ اهئ طلق مني نتا هضرة جوج كتهز عليا يديك (دفعااااتو و خرجات مشات بيتها و سدات عليها الباب)

امين : اووف اش درت انا ميييييرد ....خرج امين هبط بحالو التحت ...

ابتهال دخلات بيتهاا كتبكي مشات الحمام غسلات وجهها و بقات كتشوف في مراياا ...

ابتهال : الله يعطيك الكرض يخخخ ...و لكن اولدي امين و الله لابقات فيك لابقااات فيك تبقى فياا بغيتي غير لعب نلعبو شوية 😈...خرجات ابتهال هزات كلوز خفيف في الغوز دارتو و عاودات دارت ريسيل و قادت حالتها و خرجات بحال لموقع والو دايرة واحد ضحكة شريرة..دخلات صالة مابانش ليها امين سولات خديجة كاتليها را خرج جردة ..طلات و هو يبان ليها كالس كيخمم ..دخلات كوزينة فتحات البلاكر هزات واحد دوا ديال اسهال من كيكون فيك القبط كتشربووو ....و دارتو في واحد الكاس ديال عصير و كاس اخر و خرجات عندو تا وقفات عليه و مدات ليه كاس ديال عصير ...هز عينو فيه و هو متعجب ...

امين : ابتهال ؟؟..

ابتهاال: مهم سمحليا حيث مكنسمعش هدرتك ...من ليوم انبقا نسمع هضرتك...

امين :(بفرحة😍 ) بصح ..تا انا سمحليا مكانش عليا نرفع عليك صوتي ...سمحي لياا احبيبة الله يعطيني الهرس لاعاودت قصتك ...😍

ابتهال :( مع نفسها :ناري هذا بدا كيعبر ويلي قلبي صغير لا يتحمل و انا ناوية نتاقم منو ناري اش ندير ...و لكن ضربني خاصني ندمو 😈) ماشي مشكل احبيبة 《كلسات حداه و مدات ليه كاس ديال عصير 》》 هكا هاذا جبتو على قبلك ...

امين :شكراا احبيبة ...《امين شرب كاس ديال عصير كامل دقة وحدة 》 

ابتهال : (ويلي ويلي مشا فيها 😂😂) بصحة احبيبة يا الله ندخلو را ايمشيو واقيلة ...

امين : يا الله ...دخلو وابتهال حابسة ضحكة ...لقاوهوم ناضو كيسلمو على بعضياتهوم ..محسن و سناء كيهضرو مع بعضياتهوم في بيت ابتهال ...طلعات عندهوم و هي تحل عليهوم الباب لقااتهوم غارقين في واحد قبلة عالمية 😂شافتهوم و هي ضور وجههوم و سناء دغية بعدات على محسن ...

محسن: ماال حسك معلمووكشقي قبل مدخلي و نتي غير مدرمة ...ياك كنتي مع امين اش طلعك ...😑

ابتهال : شتك كتعاااير سير سير را بيتي هذااا و بغيت نعس نتاا و صاحبك درتو ليا ارارة سير عندوو مسكين ليوما مينعسش ...🤣

محسن : علاااش مالو ؟؟

ابتهال : دبا تعرف 😉 و سير خرج بغيت نبدل حوايجي و نتي اديك شيخة سيري سلمي على عكوزتك را غادة بحالها و نتوما دايرين ليا الحب في بيتي مزيان تبارك الله ...😌

سناء :ااااابتهال ...😐

محسن: و الله لابقااات فيك عقلي عليهاا ا ابتهال ...

ابتهال : و تا سير .. 🤣هبط محسن و سناء ...سناء سلمات على عكوزتها و لوستها و شيخها و على البنات ...امين سول على ابتهال كاتليه سناء كتبدل حوايجها صافي خرجو بحالهوم ...و خالت سناء و ولدها تا هما مشاو بحالهوم ..و بنات عمها ...جداتها بقات ..سناء طلعات عند ابتهال لقاتها دخلات دووش و هي تحل عليها باب دوش لقاتها مخشية في بنوار معمراها بلبرودي و لما سخون سناء بلا عكزة حيدات تكشيطتها وتخشااات معااهااا .....دوشو و خرجو و هما كيضحكو سناء ماقاداها فرحة ووابتهال كضحك غير على داكشي لدارت امين ....😈

♡♡عند البطلة ديالنا ابتهال ♡♡

...سناء دخلات علا ابتهال الحمام لقاتها مخشية في بنوار ...بلا عكزة حيدات تكشيطة و تخشااات معاها دوشوو في جو لا يخلوو من ضحك ...سالاو خرجو لبسوو بيجامات ديالهوم و نشفو شعرهوم بشيشوار ذهنوو كريم ليلي نيفياا و هبطو لقاو خدامات جمعو صالة و تريتور هز ماعنو و مشا اما رجالة طلع كل واحد في بيتو بقاو غير عيالات اسماء و سعدية و جدات سناء ...كلسو دردشو معاهوم شوية ...و طلعوو طل واحد بيتو ابتهال دازت عند خوتها باستهوم و خرجات و دخلات عند ماماها و باباها باستهوم عاد مشات عند سناء لقاات تخشات في ناموسيتها ...حيدات ابتهال فوقاني ديال بيجامة و تخشات حداها بقاو كيتعاودو تا قالت ابتهال لسناء علا داكشي لدارت امين و هي تنوض سناااء قافزة ..

سناء:😱😱😱😱كيفاااااااااااش من نيتك داوية ...

ابتهال : لا من ريتي 😌

سناء : اويليعلى مسخوطة بغات تقتل سيد ويلي ويلي ويلي ....واش تخورتي في مخك و لا مال مك ..

ابتهال : بااش يتعلم يهز علياا يدو مرة خرى ...😐

سناء : ايييه و لا مشات وقعاات ليه شي حاجة دباا ...شتي نتي كتخلعيني كتهوري بزااف ...و الله و يعيق بيك تا ينحرك ..

ابتهال : نا حنا على فالك اختي يخخ نعسي نعسي ...

سناء : (دارت جيهة الاخرى ) انا انعس غير الله يستر معاك نتي و صافي و الله يعفو عليك ...

ابتهال : امين 😌...

...¤عند أمين و محسن خرجو من فيلا و شدو طريق لديورهوم وصل محسن و مو و باه و ختو طلعو و امين طلع هو و نجية و خديجة دخلو دار البنات دخلو نيشان بيتهوم طاحوو كاو ...امين غسل سنانو و لبس كيطمة ديالوو الله جا يتخشى في بلاصتو حس بوجع في كرشو ...دخل طواليط قدا حاجتوو و خرج ..غير خرج و شدو الوجع ثاني و عاود دخل بقا داخل خارج ....و والو تا6 صبااح تا بدا كيحس بسخفة مشا بلاكار هز دوا ديال قبط شربوو جوج حباات متابعين عاد رتاح شوية و تخشا في بلاصتو طااح طيحة وحدة ...😴😴😴

🌕اصبحنا و أصبح الملك 🌕

¤¤ عند البطلة ديالنا ¤¤ ...ناضت ابتهال غسلات وجهها و بدلات حوايجها حيث دايرة تخرج مع سناء و محشن و أمين ...لبسات ليباا و كسوة ديال صوف حد ركبة و ليبوط ديالها طالع شوية دارت بب كريم و كلوز و ريسيل و جمعات شعرها كوتشوفال ...سناء تا هي لبسات بحال ابتهال وجدو راسهوم و هبطو لقاوهوم كيفطرو مجموعين ...كسلو البنات كيفطرو في جو لا يخلو من ضحك ...سالاو و طلعات ابتهال تجيب تيليفونها تصوني ل امين حيث دايرين يخرجو يتغذاو برا ...طلعات هزات تيليفونها دوزات نمرة امين بقااا كيصووني تا قطع ...و عاودت عاوتاني و والو ...بقات كتصوني كثر من 10 مرات ..و امين جابدها بنعسة تخلعات عليه هبطات كتجري عند سناء ...

ابتهال : سناء صوني محسن سوليه على أمين را كنصوني عليه و والو ..

سناء : 😱صافي قتلتيه و تهنيتي ...ويلي ويلي 

ابتهال : اهئ اهئ عنداااك تكون وقعات ليه شيحاجة و الله تا نموت ليك هنا ...

سناء : بلاتي بلاتي اموووصيبة ...سناء دوزات نمرة محسن سولاتو على أمين كاتليه ماشافوش و كاليها ايمشي عندوو..قطع معاها و مشا عندو ...

ايتهال : اش كالك ؟؟

سناء : ها هو ايمشي يشوفوو ...و يرد علينا ...

ابتهال : ميمكنش ليا نكلس انحماق يا الله نمشيو عندهوم ..

اسماء : ابتهال اش واقع ؟؟

ابتهال : قفرتها اماما قتلتووو (عاودات لماماها كلشي ) اهئ اهئ 😭

اسماء : ويلي على مسخووطة ...و لكن تا انا كنتايراها باباك و موقع ليه والو تلاقيه غير بات في طواليط ...

ابتهال : و مصاااب يبات في طواليط باش يتعلم غير متوقع ليه والو ...يا الله اماما عافاااك ديني عندو ...

اسماء : اوووكي اووكي ...انا نلبس عليا و نمشيو ...

ابتهال : وخا اماما ....طلعات اسماء لبسات عليها و هبطااات ....لقات البنات كيتسناوها ركبات ابتهال و سناء لور و اسماء سايكة بيهوم تا وصلو العمارة....

☆عند البطل ديالنا☆ امين باقي جابدها عليها ...البنات ناضو جمعو دار و فطرو و بداو كيوجدو الغذاا عرفو امين تاعس مابغاوش يفيقووه ....تا جا محسن كيدق عليهوم فتحات ليه خديجة ...

محسن: خديجة صباح الخير ...

خديجة : صباح نور ...

محسن : امين كاين ؟؟

خديجة : را في بيتو دخل عندو ...مشا محسن البيت لقاه مسدود و لكن ممدورش ساروت غير فتحو و هو يتفتح لقا امين ناعس على كرشوو و مغطي ..قرب ليه كيعط ليه و والو ...حيد عليه الغطاا لقااه كلو عرقااان و طايب بسخانة تخلع قلبوو بدا كينوض فيه و هو والو سخفان ...

محسن :: امين نوض نووض ....خديييييجة خديجة جاات خديجة كتشري. 

خديجة : (تخلعات )اويلي خووويا مالووو امين ....

محسن :متخاافيش را غير طالعة ليه سخانة شوية و صافي ...عمري ليا بنوار بلمااا باارد...

خديجة : وخاااا ....دخلات خديجة حلات لماا بارد كتعمر بنوار ...محسن بقاا كيحاول مع امين يفيق هو فايق و كيسمعوم و لكن سخفاان ....خرجات خديجة و محسن بدا كيحيد حوايج لامين ...دخلو دووش خشاه في بنوار غير قااسو ما بارد قفز و بدا يتعرد ...في هاذ اللحضة وصلات البطلة ديالنا ....

♡♡ عند البطلة ديالنا ♡♡ 

....وصلات أسماء حدا العمارة بلاصات طونوبيل و هبطات مع البنات ...طلعات ابتهال كتجري ...بدات كدق في الباب فتحات ليها نجية الباب ...

نجية :ابتهال ؟؟

ابتهال : فينو أمين ؟؟

نجية : را صبح مريض فيه سخاانة را محسن معاه ...

سناء و اسماء :😱😱😱

ابتهال : شنووو ...(دخلااات ابتهال كتجري لبيتوو حلات الباب لقات محسن مخرجو من الحمام ملبسوو بينوار ديال حماام ...ابتهال ماهتمااات لحتى شي حااجة انه مالابس حوايجو ...

ابتهال : 😢اممممممين مالو ؟؟

محسن : ابتهال تهدني مامالوووش خليني نلبسوو حوايجو خرجي عند خديجة و ديري ليا واحد دوليبران في كاس و جيبيهاليا ...كولي خديجة دق على سهيلة تعطيها لاسبيجيك را كاينة في بلاكار ديال و تجيبهااا ...

ابتهاال:(كتبكي ) انا سباابو اهئ اهئ حمارة مكنساواش انا ....

محسن : اش كتخربقي عليااا دبا اش درتي ليه ؟؟

ابتهال : عطيتووو دوا ديال اسهال ...😢😢😢في هاذ اللحضة دخلات خديجة و سمعتها ...و تعصبات عليها ...

خديجة :(تعصبات و انفاجرات في وجهها ) واش مريضة في مخك ولاااااشنوو باغااا تقتليه اش هاد تبرهيش و الله و توقع ليه شي حاجة تا حسااابك ايكون معايااا انا ...

ابتهال :😭😭انا مكونتش قاصدة ...

خديجة: دايمن اتبقااي متهورة ...معمرك اديري عقلك ...

محسن: خدييييجة ماشي وقت هاد هدرة دبا ديري ليا دوليبران في كاس ...و خرجو خليوني نلبسوو..خرجات ابتهال كتجري صالة لقات سناء و اسماء كالسين تلاحت ابتهال على اسماء كتبكي و اسماء كتسكتها ...مشات خديجة دارت دوليبران في كاس و داتها محسن ...و مشات كتجري عند سهيلة جابت لاسبيشيك عكاتها محسن ليلبس أمين و عطاه دوليبران غطااه ...و امين بدات حالتو كتحسن و بدا كيفيق ...

محسن: بااش حااس اصاحبي ؟؟

امين :(بتعب ) اش وقع ليا ...

محسن : را غير سخانة طلعات ليك ...و عرقتي ...معرفت مالك ...

امين : را الباارح ليل كامل و انا في طواليط براسي معرفتش مالي ...

محسن : صرااحة را ابتهال البارح عطاتك دوا ديال اسهاال هو لدار ليك هاد الحالة ...

امين :(تكعد) شنوووووو حماااارة لووخرى داخت و لا شنوو ...ابتهال سمعات كيهضر عرفاتو ناض ...مشات كتجري دخلات عندو ...اسماء و سناء ناضو تبعوها و خديجة و نجية ...

ابتهال : امين 😢

خديجة : شوية احبيبة معندك مناش تخافي دبا نبرا ..

نجية : خلعيتينا عليك ا امين ...

امين : حمد الله دازت على خير ...

اسماء : كيبقيتي ا امين ؟؟

امين : شوية حمد الله ...

سناء : حمد الله على سلامتك اخويا ...

امين : الله يسلمك اختي ربي خليك ...

اسماء : يا الله ا امي خلينيا ليك راحة ابتهال انا انمشي ...ختك خاصني نخرج نشري ليها شي حوايج خاصينها ...

ابتهال:: صافي ا ماما غير سيري انا نساالي و نجي انا و سناء ...

اسماء : وخا ابنتي الله يعاون ...خرجات اسماء و مشات معاها نجية تا الباب ...

امين كيشووف في ابتهال بنص عين ...و كيخنزر فيهاا محسن كيحاول يلطف الجو هو و سناء ...اما خديجة هزات راسها في ابتهال لقاتها كتبكي بقا فيها الحال على كلام لكالت ليها ...مهم شي كيشوف في شي تا نطق امين ...

امين : ممكن تخليوني مع ابتهال بوحدي ...

محسن : امين تهدن اصاحبي ...

امين : خرجوو خليونا بوحدنا ...خرجات خديجة و سناء و محسن بقا كيغمز في امين خافو يدير شي حاجة ...و تيشوف في ابتهال و يتأسف ...خرج و سد عليهوم الباب ...

امين :ابتهال قربي عندي ...جان ابتهال كلسات حداه في جنب ناموسية و دموع على خذها ...

ابتهال: سمحلياا عافاك ما كنتش قاصدة والله 😢

امين : ماشي مهم دبا هاد الهدرة خاوية ..لنطولوه نقصرووه انا بصح كنبغيك و لكن فعاايلك مبرهشين ..كان كيصحاب ليا اتبدلي و لكن بهاد الفعلة اكدتي ليا انني بغيت البنت غلط راك مبرهشة في عقلك و انا مايمكنش ليا نستمر في هذاا العلاقة ...

ابتهال :😱😱كيفااش امين متزيدش فيه ...را و قاطعها ...

امين :سككككتي انا فكرت مزيان و لقيت من احسن نتافرقو قبل ما علاقتنا طور كثر ...خاصنا نبعدو على بعضياتنا تا ديري عقلك و ديك سااعة نشووف...

ابتهال :(وقفاااات كلها كترعد )كيفااااش زعمة 😭اهئ اهئ كتقصد بهضرتك سالينا واش كتهضر من نيتك ...حماقيتي ولا شنو ...انا مكنتش قااصدة ..

امين : ابتهااال هضرنا ..سالينا و دبا خرجي بغيت نعس رتاح ...

ابتهال : امين حشوومة عليك والله 😭😭😭

امين : خرجيييي 😡....بلا متعصبيني ...ابتهال شافت بحسرة و دمووعخا محبسووش ...هو دار جيهة لوخرى مبغااش يضعاافك قدامها ...

ابتهال : وخاا ليبغيتي سمحلياا ....خرجاات كتجري كتبكي ..

سناء : اااابتهاااال مالكي ...

ابتهال خاارجة كتجري حلات البااب و هبطات كتجري في دروووج ....تبعها محسن و سنااء حيث تخلعوو عليها ..

محسن : ابتهااال ووووقفي و وقفي ....ابتهال شدات طاكسي🚕 دغيا وزادت ...

سناء : ااوف هادي مالهاا ..

محسن : و الله ما عرفت اش وقع بيناتهووم...نمشيو عند امين نعرفو اش كااين ...

سناء : لا انا خاصني نتبعها نخاف توقع ليها شي حاجة ...انا نشد طاكسي نتبعها ...محسن شد طاكسي سناء ...و هو طلع عند أمين ..دخل عندو لبيت لقاه كيشوف في سقف كيخمم ...

♡♡ عند البطلة ديالنا ♡

...ركبات ابتهال في طاكسي و طريق كاملة و هي كتبكي وصلات فيلا و طلعات كتجري لبيتهاا ....سدات عليها باب ديال حمام و طلقات دوش 🚿🚿🚿حسات براسها ماشي تا لهيه فيهاا سخفة و داكشي لكاليها امين متقبلاتووش ...

♡عند البطل ديالنا ♡

...دخل عندو محسن وقف ليه على راسو ...

محسن : اش هادشي العشير اش وقع بينك و بين ابتهال تا خرجات حاالتها حالة ...

امين : فين مشاات دبا ؟؟

محسن : شدات طااكسي و زادت ...

امين : بووحدها ؟؟

محسن: اه و تبعتها سناء ...دبا كوليا اش كاين ؟؟

امين : كوتليها نتافرقوو 😌

محسن : شنااااااااااهو ...؟؟

امين : وي 

محسن : و علاااش متخلينيش ندم حيث كوتليك اش دارت تا نتا را غالط في حقها هدرة جوج كتهز يديك عليهاا و دبا حالتها منعرف كيدايرا تمشي دير شي حاجة في راسها ...

امين : مزيان باش تحيد تبرهيش منهاا ...

محسن : دبا واش من نيتك صافي ساليتي معاها ...

امين : لا اصاحبي انا درت ليها هكاك بلعاني فهمتي باش نعلمهاا درس ...دبا بغيت منك شي شغل ...

محسن : ناااري تا نتا ماساهلش اش بغيتي ...؟؟

امين: ********** هادشي كامل ديروو ليوم في ليل ...انا انهضر مع أسماء دبا ..

محسن : اووه هادشي عندك مجهد ...ميكون غير على خاطرك اما نعيط على سناء دبا ...

امين : اووكي ...خرج محسن مشا كيدير داكشي لكاليه امين و عيط لسناء لقاها باقا مدخلات فيلا هدر معاها و كاليها داكشي لكاليه امين ...في حين امين عيط على أسماء ...و عاود ليها كلشي على داكشي لفي رااسو و كاليها شنو دير تا هي ....اما ابتهال بكات تا بكات و خرجات لبسات بيجامتها و تخشات في بلاصتها كتبكي 😥و تشوف في تصاورو ...دخلات سناء لفيلا لقات سعدية و في جداتها في كوزينة مع الخدامة و رجالة كل واحد في خدمتو طلعات لبيت عند ابتهال كتجري ...دخلات لقاتها مخشية في بلاصتها و مغطية وجههااا ...

سناء : ابتهال حبيبتي ...ابتهال 

ابتهال : لا رد 

سناء :(مشات حيدات عليها كويطة لقاتها مكمشة و عينيها حمرين بالبكا ) اويلي ماالكي دايرة هاذ الحالة في رااسك ...

ابتهال : 😢سناااااء بعدي مني الله يرحم باك را واصلة بيا العضم ...شوية و غادي نفااجر ...😐

سناء : و مالكي على هاذ الحاالة شكووون كاع هاذ امين لديري عليه هاذ الحالة ...فينا هي ابتهال قوية ...

ابتهال : بكل بساطة كاليا نتافرقو صاافي نسااا كلشي اكد ليا بانه مكيبغنيش و عمرو بغاني 😭

سناء : ايواا صافي مشاا امين يجي امين مالكي ديري عليه هاذ الحالة كاملة...

ابتهال : را كنبغيه اعيباد الله كننننننبغييييه 😣

♡♡ عند البطلة ديالنا ابتهال ♡♡

سناء : را غير كالها في لحضة غضب نتي عارفة امين يقدر يتفرق عليه ....را غير دار هكاك غير باش يعطيك درس و دبا تشوفي دبا يجي كيجري عندك لهبيلة را كيبغيك ...

ابتهال :(ناصت) عندك الحق علايااش دايرة هاذ الحالة في رااسي اصلا هو ميقدرش يعيش بلا بيااا ... 😈

سناء : وهي لا نضتي غسلتي داك كمارة ...باش منسااش ليوم عيد ميلاد ماماك و انديرو ليها مفااجئة في واحد كوخ في خرجة حسيمة باباك لكيوجد مفاجئة حنا غير انمشيو قبل منها باش من يجيبها باباك نكونو حنا تما ... ابتهال : كيفاااش و انا ما فراسي والو و مخديت ليها لا كادو لا والو ....

سناء : ايوا لبسي حوايجك و يا الله ناخذو ليها شي حاجة ..

ابتهال : وخا تسناي..خلات ابتهال بدلات عليها و خرجات هي و سناء مشاو المول خدات ابتهال ساعة ⌚من نوع ديور لماماهااا ...

و خرجو رجعو الدار باش يوو راسهوم الحفلة ليووم ....وصلات عشية لبسات ابتهال كسورة حمرة حد ركبة سخونةطالعة تا العنق و دارت ليبا في كحل و بوتيو في كحل قصير شوية ....طلقات شعرها من بعد ما صاوباتو و دارت بب كريم و ريسيل و عكررر في حمممر 💄 ولبسات كويرتها في كحل رشات ريحتها شانيل و دارت ساعتها ....و سناء حتا هي لبسات كسوة في كحل بحال ديال ابتهال مهم البنات وجدو راسهوم و هبطو ملقاو تا حد من غير سعدية و جدة سناء سلمو عليهوم و خرجو ركبو مع شيفور لعارف المنطقة و غادي يوصلها ليهوم ....في حين البطل ديالنا تا هو كيوجد راسو لبس سروال تجين و معا تريكو في حمر و كويرتو كحلة مشط شعروو لور ...شرب واحد دوليبران و غسل سنانو قاد لحيتو و دار ساعتوو و ريحتو رجولية و هز تيليفونو و كونطاكط ديال لوطو و خرج سلم على البنات و مشا تا عيط ليه محسن ... امين : وي محسن كلشي واجد؟؟ محسن : كلشي لطلبتي هو هذاك انا كنتسناك ... 

امين : وخا انا باقي لياا واحد الغرض و نكون عندك ... محسن: متعطلش 6 عشية هذي و بنات قربو يوصلو ... امين : وخا صااافي ساعة ديال مكانة نكون عندك ...اسماء مشات ... 

محسن : وي جا عمك دابا شوية و مشاو ... 

امين : عنداك ابتهال تعيق وصيتي سناء ...

محسن : راني وصيتها كون هاني را سيفطات ليا مسااج كاتليا را خرجو من فيلا ...غير طلق راسك ..

امين : ولا عليك ..مشا امين محل مجوهرات خدا خاتم ديال زواج 💍 و خرج شد طريق لعند محسن وصل بلاصة طونوبيل في منطقة بعيدة شوية باش متشوفهاش ابتهال و طلع لداك كوخ جا في واحد بلاصة زوينة بين شجر طويل و بحيرة نقية قدامة بحال شي فيلا من قرمود منضر غزال هاد كووخ كيتكرى في ريف ناس ليكيبغيو يدوزو سياحة ديالهوم في منطقة في غابوية ....هاد كوخ ديال واحد سيد كان ساكن فيه و دبا هو لكيكريه تا يسدو تا كيبغيه شي حد و كيمشي يكريه من عندو كراه امين خصوصا لهاذ ليلة باغي يدير مفاجئة ابتهال هو كاليها هكاك غير بغاها دير عقلها و بالعكس مابغاش يتفراق معاها حيث حب ليهاا كبير لوااحد درجة متصورش و هو عارف راسو كيغلط معاها من كيهز عليها يديه ولكن هي كتعصبو و امين من نوع لعصبي ...مهم بغا يعطيها درس و في نفس الوقت بغاا يدير ليها مفاجئة ...وصل امين كوخ دخل لقا محسن وجد كلشي عشاء رومانسي 💯 طبلة مزينة بورد حمر و شمع حمر و عشاء بسيط بيتزااا ديال حوت عصير ليمون ...و دخلة ديال كووخ كلها بجمووع حمراء و ورد حمر ...

محسن : كيجاك ؟؟

امين : واااعر😍تباارك الله عليك و خلاص ...

محسن : شكرا شكرا شكرا هههههه 

امين : صووني لسناء شوف فين وصلو ...

محسن : حاضر ...

في هاد اللحظة وصلات البطلة ديالنا و سناء حدا ديك غابة وقف بيهوم شيفور و كان بدا كيضلام الحال ...هبطو وقفو حدا طونوبيل

ابتهال : بلاصة زوينة و لكن بان ليا الحال بدا كيضلام ...

سناء : وااييه ...سرسر سر 📲📲《《تيلي سناء كيصوني 》》

سناء : وي محسن را وصلنا ...

محسن : اوكي انا جاي عندكوم ...هبط محسن عند البنات ...

محسن : سلام يا لاهو ...

ابتهال و سناء : و عليكوم سلااام ...

مشاو البنات مع محسن تا قربو يوصلو كوخ ...

محسن : مهمتنا سالات دبا اسناء سيري ا ابتهال فتحي الباب كاينة مفاجئة ليك ...

ابتهال : كيفاش مفهمتش علاش نتوماا ماغاديش دخلو ؟؟

محسن : لا ا ابتهال سيري غير بوحدك احنا جايين ...

سناء : وي حبيبة را باب مفتوح احنا جايين ...

ابتهال :(بشك ) وخا نفوض امري الله ...مشات ابتهال غير وصلات فتحااات الباب و هو يتلاح عليها الورد هزات راسها بان ليها أمين واقف كيبتاسم ليها ....محسن و سناء مشاو بحالوهوم ...ابتهال بقا غير حالة فومها من صدمة بخصوص كوخ مزين بورود و شمع و امين لكاليها سالينا واقف قدامها ...

امين : الأميرة ديالي تفضلي ...

ابتهال :😱😱😱😱اش واقع ...

امين : وخا بغيتي تعرفي لش كاين (حنا امين على ركابيه قدامها و شد ليها في يديها لكلها كترعد ) ابتهال نتي أحسن حاجة وقعات ليا في حياتي كاملة.😍...كنعشقك❤ كنموووووت عليك حياتي بلا ييك مكتسوى والللو والو و هاذ نهار ايكون أسعد نهار في حياتي لاقبلتي تزوجي بيا 《《جبد الخاتم💍 من جيبو 》》 تزوجي بياا ا ابتهال ...

ابتهال : (بدون شعور و دموعها دايزين )اه اه قااابلة....《《ركب ليها امين خاتم في يديها و ناض طار عليها بتعنيقة و هي بدورها عناقاتو ....💑💑💑💏

🎥☆☆نهاية الفصل الثاني☆☆🎥