معاناة الخادمة الصغيرة الجزء التاسع

ﺑﺪﺍﺕ ﺳﻌﺎﺩ ﻛﺘﻌﺎﻭﺩ ﻟﻨﺰﺍﺭ ﻋﻠﻰ ﻧﻌﻤﺔ ﻭ ﺷﻜﻮﻥ ﻫﻲ ﻭﻛﻲ ﻋﺎﺷﺖ ﻭ ﻣﻨﻴﻦ ﺟﺎﺑﻮﻫﺎ ﻭ ﺷﻨﻮ ﻗﺎﻟﻮ ﻟﻨﻌﻤﺔ ﻭ ﺑﻠﻲ ﻫﻲ ﺟﺎﻳﺔ ﻋﻠﻰ ﺃﺳﺎﺱ ﺯﻭﺍﺝ ﻭ ﻣﻔﺨﺒﺎﺭﻫﺎ ﻭﺍﻟﻮ ﻋﻠﻰ ﺍﻹﺗﻔﺎﻕ ﻭﺑﻠﻲ ﺍﻟﺤﺎﺟﺔ ﺧﺪﺍﺕ ﻟﻴﻬﺎ ﻭﻟﺪﻫﺎ ﻭﻗﺎﻟﺖ ﻟﻴﻬﺎ ﺭﺍ ﻣﺎﺕ ﻭ ﺃﻧﻬﺎ ﺣﻤﺎﻗﺖ ﻭ ﺣﺎﻭﻟﺖ ﺗﻨﺘﺎﺣﺮ . .... ﺃﻣﺎ ﻧﺰﺍﺭ ﻛﻴﺴﻤﻊ ﻭ ﺷﺎﺩ ﻓﺮﺍﺳﻮ ﺗﺼﺪﻡ ﺻﺪﻣﺔ ﻋﻤﺮﻭ ﺗﺼﺪﻡ ﻓﺄﻗﺮﺏ ﻧﺎﺱ ﻟﻴﻪ ﻋﺎﺋﻠﺘﻮﺍ . ... ﺑﻘﻰ ﻏﻴﺮ ﻛﻴﺴﻤﻊ ﻭﺳﺎﻛﺖ ﻭ ﻛﻴﺘﻔﻜﺮ ﺩﺍﻛﺸﻲ ﻟﻲ ﺩﻭﺯ ﻋﻠﻴﻬﺎ ﻫﻮ ﻭ ﺍﻟﻌﺬﺍﺏ ﻟﻲ ﺗﺴﺒﺒﻮ ﻟﻴﻬﺎ ﻓﻴﻪ ﻭﻫﻲ ﻣﺎ ﻋﻨﺪﻫﺎ ﺣﺘﻰ ﺷﻲ ﺫﻧﺐ ﻭ ﻓﻨﻔﺲ ﺍﻟﻮﻗﺖ ﺑﺪﺍﻭ ﺗﺼﺮﻭﻓﺘﻬﺎ ﻟﻲ ﻛﺎﻧﻮ ﻛﻴﺒﺎﻧﻮ ﻏﻴﺮ ﻣﻨﻄﻘﻴﻦ ﻣﻊ ﺻﻮﺭﺓ ﻟﻲ ﻋﻄﺎﻭﻩ ﻋﻠﻴﻬﺎ ﻓﺠﺄﺓ ﺑﺎﻥ ﻟﻴﻪ ﻛﻠﺸﻲ ﻣﻨﻄﻘﻲ ﻛﻠﺸﻲ ﻭﺍﺿﺢ ﺃﻭ ﺑﺎﻳﻦ ﻭ ﺑﻠﻲ ﻫﻮ ﺭﺟﻞ ﺍﻟﺤﻖ ﻭ ﻟﻲ ﻛﻴﻜﺮﻩ ﻇﻠﻢ ﺃﻧﻪ ﻭﺑﺴﺒﺎﺏ ﻋﺎﺋﻠﺘﻮﺍ ﺭﺗﺎﻛﺐ ﺃﻓﻀﻊ ﺟﺮﻳﻤﺔ ﺑﺤﻖ ﻧﻌﻤﺔ ﻧﺎﺽ ﺑﻼ ﻣﺎﻳﻬﺪﺭ ﺣﺎﻧﻲ ﺭﺍﺳﻮ ﻭ ﻣﺸﻰ ﻧﻴﺸﺎﻥ ﻋﻨﺪﻫﻢ ﻟﻘﺎﻫﻢ ﻣﺰﺍﻝ ﻣﻊ ﻟﻴﻠﻴﺎﻥ ﻛﻴﻬﺪﻧﻮﻫﺎ .....

ﻧﺰﺍﺭ / ﻛﻲ ﺑﺤﺎﻝ ﺍﻟﻮﺣﺶ / : ﺗﺒﺎﺭﻙ ﺍﻟﻠﻪ ﻋﻠﻰ ﺍﻟﻌﺎﺋﻠﺔ ﺍﻟﻤﺤﺘﺮﻣﺔ ... ﻋﺎﺋﻠﺔ ﺍﻟﻘﻴﻢ ﻭ ﺍﻷﺧﻼﺍﺍﺍﺍﺍﻕ .....

ﻭﺭﺩﺓ / ﺑﻐﺎﺕ ﺗﻘﻴﺴﻮ / : ﻣﺎﻟﻚ ﺃﻭﻟﺪﻱ ﺃﺵ ﺑﻴﻚ

ﻧﺰﺍﺭ / ﻛﻲ ﺛﻮﺭ ﺍﻟﻬﺎﺋﺞ / : ﻣﺘﻘﺮﺑﻴﻨﻴﺶ ﻣﺘﻘﻮﻟﻴﺶ ﻟﻴﺎ ﻭﻟﺪﻱ ﻧﺘﻮﻣﺎ ﻣﺴﺘﺤﻴﻞ ﺗﻜﻮﻧﻮ ﺑﺸﺎﺭ . ... ﻣﺴﺘﺤﻴﻞ .... ﻣﻨﺎﺵ ﻣﺼﻨﻮﻋﻴﻦ ﺣﻴﺖ ﺩﺍﻙ ﺷﺮ ﻟﻲ ﻓﻴﻜﻢ ﻣﺎﻳﻤﻜﻨﺶ ﻳﻜﻮﻥ ﻃﺒﻴﻌﻲ / ﻛﻴﺨﺒﻂ ﻓﺎﻟﺒﺎﺏ ﻭ ﻛﻴﺸﺘﺖ ﻭﻳﻬﺮﺱ ﻟﻲ ﻟﻘﻰ ﻗﺪﺍﻣﻮ / ﻧﺘﻮﻣﺎ ﻣﺎﺷﻲ ﺑﻨﺎﺩﻡ ﻣﻜﺘﺤﺴﻮﺵ

ﻛﻠﺸﻲ ﻣﺨﻠﻮﻉ ﻭﻣﺎﻓﺎﻫﻤﻴﻦ ﻭﺍﻟﻮ ﺍﻟﺤﺎﺟﺔ ﺗﺸﺠﻌﺎﺕ ﻭ ﺳﻮﻻﺗﻮ

ﺍﻟﺤﺎﺟﺔ : ﻏﻴﺮ ﻓﻬﻤﻨﺎ ﺷﻨﻮ ﻭﺍﻗﻊ

ﻧﺰﺍﺭ / ﻋﺎﺩ ﻣﺎﺯﺍﻳﺪ ﻓﺘﻬﺮﺍﺱ / : ﺑﻐﻴﺘﻮ ﺗﻌﺮﻓﻮ ﺷﻨﻮ ﻛﺎﻳﻦ ﺃﻧﺎ ﻋﺮﻓﺖ ﻛﻠﺸﻲ ... ﻟﻲ ﺩﺭﺗﻮﻩ ﻛﺎﻣﻞ ﻋﺮﻓﺘﻮ / ﻏﻴﺮ ﺳﻤﻌﻮﻩ ﻋﺮﻑ ﺑﺪﻯ ﺷﻲ ﻳﺸﻮﻑ ﻓﺸﻲ ﻭ ﻣﺒﻠﻮﻛﻴﻴﻦ / ﻛﺘﺸﻮﻓﻮ ﻓﺒﻌﻀﻴﺎﺗﻜﻢ ﻳﻼﻩ ﻗﻠﺒﻮ ﻋﻠﻰ ﻛﺬﺑﺔ ﻭﺣﺪﺍﺧﺮﻯ ﺗﻐﻄﻴﻮ ﺑﻴﻬﺎ ﻫﺎﺩ ﺍﻟﺠﺮﻳﻤﺔ ﻟﻲ ﺧﻠﻴﺘﻮﻧﻲ ﺷﺮﻳﻚ ﻓﻴﻬﺎ ...

ﺍﻟﺤﺎﺟﺔ : ﻏﻴﺮ ﺳﻤﻌﻨﻲ ﺃﻧﺎ ﺩﺭﺕ ﻫﺎﺩﺷﻲ ﻋﻠﻰ ﻗﺒﻠﻜﻢ

ﻧﺰﺍﺭ / ﻗﺎﻃﻌﻬﺎ / : ﺳﻜﺘﻴﻲ ﻭﺍﺵ ﻛﺘﺴﻤﻌﻲ ﺃﺵ ﻛﺘﻘﻮﻟﻲ ﻭﻻ ﻻ ﻛﻴﻔﺎﺵ ﻋﻠﻰ ﻗﺒﻠﻨﺎ ﻛﻴﻔﺎﺵ ﻧﺘﻮﻣﺎ ﺩﻣﺮﺗﻮ ﺣﻴﺎﺓ ﺇﻧﺴﺎﻧﺔ ﺑﺮﻳﺌﺔ ﺫﻧﺒﻬﺎ ﺍﻟﻮﺣﻴﺪ ﺃﻧﻬﺎ ﺗﻴﻘﺎﺗﻜﻢ ﻭ ﺃﻣﻨﺎﺗﻜﻢ ﻋﻠﻰ ﺭﺍﺳﻬﺎ ﻟﻘﻴﺘﻮﻫﺎ ﻣﻜﺴﻮﺭﺓ ﻭ ﻣﺎﻟﻴﻬﺎ ﺣﺪ ﻭﺑﺪﻭﻥ ﺃﻱ ﺷﻔﻘﺔ ﺃﻭ ﺭﺣﻤﺔ ﺳﺤﻘﺘﻮﻫﺎ ﺗﺤﺖ ﺭﺟﻠﻴﻜﻢ ﻋﻼﺵ .... ﺑﺒﺴﺎﻃﺔ ﺣﻴﺖ ﺗﻘﺪﺭﻭ .... ﻭ ﻓﻮﻕ ﻫﺎﺩﺷﻲ ﻛﺎﻣﻞ ﺧﻠﻴﺘﻮﻧﻲ ﻧﻌﺬﺑﻬﺎ ﻭ ﻣﻊ ﺫﺍﻟﻚ ﺻﺒﺮﺍﺕ ﺃﻭ ﺳﻜﺘﺎﺕ ﺃﻭ ﺑﻐﺎﺗﻨﻲ ﻣﻦ ﺍﻟﻔﻮﻕ .... ﻫﻬﻬﻪ ﻻ ﻧﺘﻮﻣﺎ ﻣﺴﺘﺤﻴﻞ ﺗﻜﻮﻥ ﻧﻔﺲ ﺍﻟﻌﺎﺋﻠﺔ ﻟﻲ ﺭﺑﺎﺗﻨﻲ ﻋﻠﻰ ﺍﻷﺧﻼﻕ ﻭﺍﻟﻌﺪﻝ .... ﺃﻧﺎ ﻛﻴﻔﺎﺵ ﻣﻘﺪﺭﺗﺶ ﻧﺸﻮﻑ ﻫﺎﺩ ﺷﺮ ﻛﻮﻟﻮ ﻟﻲ ﻓﻴﻜﻢ ... ﻣﻦ ﺍﻟﻴﻮﻡ ﻣﺎ ﺑﻐﻴﺖ ﻧﺸﻮﻑ ﺃﻭ ﻧﺴﻤﻊ ﻋﻠﻰ ﺣﺘﻰ ﻭﺍﺣﺪ ﻓﻴﻜﻢ ﻭ ﻣﺘﺤﺎﻭﻟﻮﺵ ﺗﺨﺮﺟﻮﺍ ﻓﻄﺮﻳﻘﻲ ﺳﻤﻌﺘﻮﺍ .... ﻭﻧﺘﻲ ﻃﻼﻗﻚ ﻏﻴﻮﺻﻠﻚ ﺣﻴﺖ ﻣﺴﺘﺤﻴﻞ ﺗﻜﻮﻧﻲ ﻧﺘﻲ ﻫﻲ ﺍﻟﺒﻨﺖ ﻟﻲ ﻛﻨﺖ ﻛﻨﺒﻐﻲ ﻣﺴﺘﺤﻴﻞ . .....

ﻧﺰﺍﺭ ﺿﺮﺏ ﻓﻜﻠﺸﻲ ﻭ ﺧﺮﺝ ﻭ ﻫﻮ ﻣﻤﺘﻴﻘﺶ ﻫﺎﺩﺷﻲ ﻟﻲ ﻭﺍﻗﻊ .... ﺃﻣﺎ ﻟﻴﻠﻴﺎﻥ ﻏﻴﺮ ﺧﺮﺝ ﻧﺎﺿﺖ ﻛﺘﻐﻮﺕ ﻋﻠﻴﻬﻢ ....

ﻟﻴﻠﻴﺎﻥ : ﺷﻔﺘﻲ ﺃﻓﻜﺎﺭﻙ ﻓﻴﻦ ﻭﺻﻠﻮﻧﺎ ﺩﺍﺑﺎ ﻛﻠﺸﻲ ﺿﺎﻉ ﻛﻠﺸﻲ ﺩﻣﺮ ﻭﻧﺘﻲ ﺳﺒﺎﺏ

ﺍﻟﺤﺎﺟﺔ : ﺩﻳﻚ ﺍﻟﺒﺮﻫﻮﺷﺔ ﻟﻲ ﺩﺍﺭﺕ ﻫﺎﺩﺷﻲ ﻛﺎﻣﻞ

ﻭﺭﺩﺓ : ﺑﺎﺯ ﺑﺎﻗﻲ ﻋﻨﺪﻙ ﺍﻟﻮﺟﻪ ﺗﻬﺪﺭﻱ ﻋﻠﻴﻬﺎ ﻭ ﺑﻜﻞ ﻭﻗﺎﺣﺔ ﻛﺘﺤﻤﻠﻴﻬﺎ ﺍﻟﻤﺴﺆﻭﻟﻴﺔ ﻫﻲ ﺩﺍﺭﺕ ﻟﻲ ﺧﺎﺻﻮ ﻳﺪﺍﺭ ﺃﻣﺎ ﺳﺒﺎﺏ ﻫﺎﺩﺷﻲ ﻛﺎﻣﻞ ﻫﻮ ﻧﺘﻲ .... ﺃﻧﺎ ﻛﻴﻔﺎﺵ ﻗﺪﺭﺕ ﻧﻮﺍﻓﻖ ﻋﻠﻰ ﻫﺎﺩﺷﻲ ﻛﻴﻔﺎﺵ ﺗﻴﻘﺖ ﺃﻧﺎ ﻫﺎﺩﺷﻲ ﻏﻴﺪﻭﺯ ﺑﻼ ﻋﻘﺎﺏ ﺑﻨﺖ ﺣﻄﻤﻨﺎ ﺣﻴﺎﺗﻬﺎ ﻭﻛﺘﺨﻴﻠﻲ ﺃﻧﻪ ﻣﻤﻜﻦ ﺗﻜﻤﻠﻲ ﺣﻴﺎﺗﻚ ﺑﻼ ﻋﻮﺍﻗﺐ ﺇﻭﺍ ﺧﻮﺩﻱ ﻫﺎ ﺍﻟﻌﺎﺋﻠﺔ ﺗﺸﺘﺎﺕ ﻭﻫﺎﺩﻱ ﻏﻴﺮ ﺍﻟﺒﺪﺍﻳﺔ ﻭ ﻳﺎ ﺧﻮﻓﻲ ﻣﻦ ﻟﻲ ﺟﺎﻱ ...

ﻟﻴﻠﻴﺎﻥ : ﻣﻜﻴﻬﻤﻨﻴﺶ ﻻ ﻫﻲ ﻻ ﻫﺎﺩ ﺍﻟﻌﺎﺋﻠﺔ ﻻ ﺷﻨﻮ ﻏﻴﻮﻗﻊ ﺃﻧﺎ ﺑﻐﻴﺖ ﻧﺰﺍﺭ ... ﻧﺰﺍﺍﺍﺍﺍﺍﺍﺍﺭ ....

ﺑﻘﺎﺕ ﻛﺘﻐﻮﺕ ﺣﺘﻰ ﺳﺨﻔﺎﺕ ﻭ ﻫﻮﻣﺎ ﻳﻬﺰﻭﻫﺎ ﻟﻠﻜﻠﻴﻨﻴﻚ ﻭﻛﻴﺤﺎﻭﻟﻮ ﻳﺘﺎﺻﻠﻮ ﺑﻨﺰﺍﺭ ﻭ ﻛﻴﻠﻘﺎﻭ ﺗﻠﻔﻮﻥ ﻃﺎﻓﻲ . ... ﺃﻣﺎ ﻧﺰﺍﺭ ﻓﻤﺸﻰ ﻟﻠﺪﺍﺭ ﻟﻲ ﻋﻨﺪﻫﻢ ﻓﺠﺒﻞ ﻭ ﺟﻠﺲ ﺗﻤﺎﻙ ﻛﻴﺤﺎﻭﻝ ﻳﺮﺗﺐ ﺃﻓﻜﺎﺭﻭ ﻭ ﻳﺠﻤﻊ ﺭﺍﺳﻮ ﻭ ﻛﻴﻔﻜﺮ ﻓﻨﻌﻤﺔ ﻭ ﺍﻹﺣﺴﺎﺱ ﺑﺬﻧﺐ ﺧﺎﻧﻘﻮﺍ ..... ﺃﻣﺎ ﻧﻌﻤﺔ ﻳﻼﻩ ﻓﺎﻗﺖ ﻭﻛﺘﺤﻞ ﻋﻴﻨﻴﻬﺎ ﻭﻛﺘﺒﺎﻥ ﻟﻴﻬﺎ ﺩﻧﻴﺎ ﻣﻘﻠﻮﺑﺔ ﻭﺿﺒﺎﺑﺔ . ...

ﺟﺒﺮﺕ ﺭﺍﺳﻬﺎ ﻓﻲ ﺍﻟﻄﻮﻣﻮﺑﻴﻞ ﻧﺎﺿﺖ ﺑﺸﻮﻳﺔ .... ﻭﺩﻭﺭﺕ ﺭﺍﺳﻬﺎ ﺑﺎﻥ ﻟﻴﻬﺎ ﻭﺍﺣﺪ ﺍﻟﺸﺨﺺ ﺣﺎﺿﻴﻬﺎ ..... ﻭﻫﺎﺯ ﺿﻴﺎﺀ ﺑﻴﻦ ﻳﺪﻩ ﻛﻴﻠﻌﺐ ﻣﻌﺎﻩ

ﻧﻌﻤﺔ ﻏﻴﺮ ﺷﺎﻓﺘﻮ ﻭﻫﻲ ﺗﺠﻤﻊ ﺍﻟﻮﻗﻒ ﺧﻨﺰﺭﺕ ﻓﻴﻪ ﻗﺒﻄﺖ ﻣﻨﻮ ﻭﻟﺪﻫﺎ ﺑﺴﺮﻋﺔ ﻭﺧﺸﺎﺗﻮ ﻓﻲ ﺣﻀﻨﻬﺎ ﺑﺤﺎﻟﻲ ﻏﺎﺩﻱ ﻳﺒﻌﺪﻭ ﻋﻠﻴﻬﺎ .... ﺍﻟﺸﺨﺺ ﺑﻘﻰ ﻏﻴﺮ ﺗﻴﺸﻮﻓﻴﻬﺎ ﻭﻋﺮﻓﻬﺎ ﺧﺎﻳﻔﺔ ﻣﻨﻮ

ﺍﻟﺸﺨﺺ : / ﺑﺎﺑﺘﺎﺳﻤﺔ / ﺍﻟﺴﻼﻡ ﻏﻴﺮ ﺗﻬﺪﻧﻲ ﻭﻣﺎ ﺗﺨﺎﻓﻴﺶ ﻣﻨﻲ ﻣﺎ ﻏﺎﺩﻳﺶ ﻧﺄﺩﻳﻚ

ﻧﻌﻤﺔ : / ﺑﺨﻮﻑ / ﺣﻞ ﻟﻲ ﻃﻮﻣﻮﺑﻴﻞ ﻧﻤﺸﻲ ﺑﺤﺎﻟﻲ

ﺍﻟﺸﺨﺺ : / ﺩﺍﺭ ﺭﺍﺳﻮ ﻣﺎ ﺳﻤﻌﻬﺎﺵ / ﺳﻤﻴﺘﻲ ﺟﻮﺩ ﻓﻲ ﻋﻤﺮﻱ 25 ﺳﻨﺔ .... ﻣﻦ ﻫﺎﺩ ﺍﻟﺪﻭﺍﺭ ... ﻭﻟﺪ ﺳﻲ ﻣﺼﻄﻔﻰ ﺍﻟﻰ ﻛﻨﺘﻲ ﺗﻌﺮﻓﻴﻪ

ﻧﻌﻤﺔ : / ﻏﻴﺮ ﺳﻤﺖ ﺳﻲ ﻣﺼﻄﻔﻰ / ﻭﺍﺵ ﻋﻤﻲ ﻣﺼﻄﻔﻰ ﻣﻮﻝ ﺍﻟﺒﺎﺯﺍﺭ

ﺟﻮﺩ : ﺍﻳﻪ ﺗﺘﻌﺮﻓﻲ

ﻧﻌﻤﺔ : / ﺑﺎﺑﺘﺴﺎﻣﺔ / ﻛﺎﻥ ﺻﺎﺣﺐ ﺑﺎ ﺍﻟﻠﻪ ﻳﺮﺣﻤﻮ

ﺟﻮﺩ : ﻫﻲ ﻧﺘﻲ ﺑﻨﺖ ﻋﻤﻲ ﻋﺒﺪ ﺍﻟﺠﻠﻴﻞ ﻫﻬﻬﻪ ﺩﺍﺑﺔ ﻋﺎﺩ ﻋﺮﻓﺖ ﻋﻼﺵ ﻛﺎﻥ ﻣﺨﺒﻴﻚ ﻋﻠﻴﻨﺎ .... ﺍﻟﺒﺎﺭﻛﺔ ﻓﻲ ﺭﺍﺳﻚ

ﻧﻌﻤﺔ : ﻣﺎ ﻣﺸﻰ ﻣﻌﺎﻙ ﺑﺎﺱ ﺍﺧﻮﻳﺎ .... ﻛﻴﻒ ﺩﺍﻳﺮ ﻋﻤﻲ ﻣﺼﻄﻔﻰ ﻻﺑﺎﺱ ﻋﻠﻴﻪ؟؟

ﺟﻮﺩ : ﻋﻴﺎﻥ ﺷﻮﻳﺔ .... ﻭﻟﻘﺘﻨﻲ ﻋﺎﺩ ﺷﻔﺘﻮ ﻭﺭﺍﺟﻊ ﺑﺤﺎﻟﻲ

ﻧﻌﻤﺔ : ﺑﺴﻜﻴﻦ ... ﺳﻤﺢ ﻟﻴﺎ ﻳﻤﻜﻦ ﻋﻄﻠﺘﻚ

ﺟﻮﺩ : ﻫﻬﻬﻪ ﻻ ﻣﺎ ﻛﺎﻳﻦ ﻻ ﺗﻌﻄﺎﻝ ﻻ ﻭﺍﻟﻮ ... ﺍﺻﻼ ﻣﺎﺷﻲ ﻫﺬﺍ ﺍﻭﻝ ﻧﻬﺎﺭ ﻧﺒﻐﻲ ﻧﻀﺮﺑﻚ ﻓﻴﻪ .... ﺩﻳﻤﺎ ﺗﺘﺨﺮﺟﻲ ﻓﻴﺎ ﻳﺎ ﻫﺎﺩ ﺍﻟﺒﻨﺖ ﻭﺍﺵ ﺑﺎﻏﺔ ﺗﻤﻮﺗﻲ

ﺩﻳﻚ ﺍﻟﻤﺮﺓ ﻭﺧﺮﺟﺖ ﻓﻲ ﺍﻟﺸﺠﺮﺓ ﺑﺎﺵ ﻣﺎ ﻧﻀﺮﺑﻜﺶ ﻭﺍﻟﻴﻮﻡ ﺟﺎﺏ ﺍﻟﻠﻪ ﻛﻨﺖ ﻏﺎﺩﻱ ﺑﺸﻮﻳﺔ

ﻧﻌﻤﺔ : / ﻣﺘﻔﺎﺟﺌﺔ / ﻭﺍﺵ ﻧﺘﻲ ﻟﻲ

ﺟﻮﺩ : ﻫﻬﻬﻪ ﺍﻧﺎ ﻫﻮ ﻟﺪﺧﻠﺖ ﻓﻲ ﺷﺠﺮﺓ ﻋﻠﻰ ﻗﺒﻠﻚ ﻭﻣﻦ ﺩﻳﻚ ﺍﻟﺴﺎﻋﺔ ﻭﺍﻧﺎ ﻧﻄﻠﺐ ﺍﻟﻠﻪ ﻳﻼﻗﻴﻨﻲ ﺑﻴﻚ

ﻧﻌﻤﺔ : ﺳﻤﺢ ﻟﻴﺎ ﺑﺴﺒﺎﺑﻲ ﻭﻗﻊ ﻟﻚ ﺩﺍﻙ ﺷﻲ

ﺟﻮﺩ : ﻫﺎﻧﻴﺔ ﻣﺎﺷﻲ ﺷﻲ ﺣﺎﺟﺔ ... ﻭﻟﻜﻦ ﺍﻻ ﺑﻐﻴﺘﻲ ﻧﺴﺎﻣﺤﻚ ﻋﺎﻭﺩﻱ ﻟﻴﺎ ﻗﺼﺘﻚ ﺣﻴﺚ ﺑﻨﺘﻲ ﻟﻴﺎ ﻣﻬﻤﻮﻣﺔ ﻭﺣﺰﻳﻨﺔ .... ﻭﻗﻮﻟﻲ ﻟﻴﺎ ﻭﻟﺪ ﻣﻦ ﻫﺬﺍ

ﻧﻌﻤﺔ : / ﺗﻨﻬﺪﺕ / ﻫﺬﺍ ﻭﻟﺪﻱ

ﺟﻮﺩ : / ﺗﺼﺪﻡ / ﻛﻴﻔﺎﺵ

ﻧﻌﻤﺔ : / ﻋﺎﻭﺩﺕ ﻟﻴﻪ ﻛﻠﺸﻲ ﻣﻦ A-Z / ﻭﺩﺍﺑﺔ ﻫﺰﻳﺖ ﻭﻟﺪﻱ ﻭﻫﺮﺑﺖ

ﺟﻮﺩ : / ﺑﺄﺳﻰ / ﻫﺎﺩ ﺷﻲ ﻛﻠﻮ ﺩﺍﺯ ﻋﻠﻴﻚ

ﻧﻌﻤﺔ : ﻣﻜﺘﺎﺏ ﻋﻠﻴﺎ ﻣﺎ ﻋﻨﺪﻱ ﻣﺎ ﻧﺪﻳﺮ .... ﻭﺩﺍﺑﺔ ﺍﻟﻤﻬﻢ ﻋﻨﺪﻱ ﻫﻮ ﻭﻟﺪﻱ

ﺟﻮﺩ : ﻭﻓﻴﻦ ﻏﺎﺩﺓ ﺩﺍﺑﺔ

ﻧﻌﻤﺔ : ﻣﺎ ﻋﺮﻓﺖ ﺍﻟﻤﻬﻢ ﻧﺒﻌﺪ ﻋﻠﻴﻬﻢ

ﺟﻮﺩ : ﻭﺑﺎﺵ ﻏﺎﺩﺓ ﺗﻌﻴﺸﻲ ﻧﺘﻲ ﻭﻫﺎﺩ ﺍﻟﺪﺭﻱ

ﻧﻌﻤﺔ : ﻣﺎ ﺗﻴﻬﻤﺶ ﻧﺨﺪﻡ ﻓﺎﺵ ﻣﺎ ﻛﺎﻥ ﺍﻟﻤﻬﻢ ﻧﻜﺒﺮ ﻭﻟﺪﻱ ﻭﻧﺒﻌﺪ ﻋﻠﻰ ﻫﻨﺎ

ﺟﻮﺩ : / ﻣﻦ ﺑﻌﺪ ﺗﻔﻜﺮﻱ / ﻳﻌﻨﻲ ﻧﺘﻲ ﺗﺘﻘﻠﺒﻲ ﻋﻠﻰ ﺧﺪﻣﺔ

ﻧﻌﻤﺔ : / ﺣﺮﻛﺖ ﺭﺍﺳﻬﺎ ﺑﺎﻩ / ﺍﻟﺼﻤﺖ

ﺟﻮﺩ : ﻭﺍﻧﺎ ﻣﺤﺘﺎﺝ ﻣﺴﺎﻋﺪﺓ ﻭﺍﺵ ﺗﻘﺒﻠﻲ ﺗﻜﻮﻧﻲ ﺍﻟﻤﺴﺎﻋﺪﺓ ﺩﻳﺎﻟﻲ .... ﺣﻴﺚ ﻋﻠﻰ ﻣﺎ ﺳﻤﻌﺖ ﻣﻦ ﺍﻟﻮﺍﻟﻴﺪ ﺳﻲ ﻋﺒﺪ ﺍﻟﺠﻠﻴﻞ ﻛﺎﻥ ﻋﻠﻤﻚ ﺗﻘﺮﺍﻱ ﻭﺗﻜﺘﺒﻲ

ﻧﻌﻤﺔ : ﺍﻩ ﺗﻨﻌﺮﻑ ﻧﻘﺮﺍ ﻭﻧﻜﺘﺐ

ﺟﻮﺩ : ﺍﻳﻮﺍ ﺍﺵ ﻗﻠﺘﻲ

ﻧﻌﻤﺔ : / ﺑﺤﻴﺎﺀ / ﻭﻟﻜﻦ ﻣﺎ ﻋﺮﻓﺘﺶ ﺷﻨﻮ ﻫﻲ ﻣﺴﺎﻋﺪﺓ

ﺟﻮﺩ : ﻫﻬﻬﻪ ﻳﻌﻨﻲ ﺗﺴﺎﻋﺪﻧﻲ ﺍﻧﺎ ﻋﻨﺪﻱ ﺷﺮﻳﻜﺔ ﺻﻐﻴﺮﺓ ﺩﻳﺎﻝ ﺍﻟﺘﺼﺎﻣﻴﻢ ﻭﻣﺎ ﻛﺮﻫﺘﺶ ﺷﻲ ﻭﺍﺣﺪ ﻳﻌﺎﻭﻧﻲ ﻭﻳﻨﻈﻢ ﻟﻴﺎ ﺧﺪﻣﺘﻲ

ﻧﻌﻤﺔ : / ﺑﻔﺮﺡ / ﺍﻩ ﻭﺍﺵ ﺑﺼﺢ

ﺟﻮﺩ : ﺍﻛﻴﺪ ... ﻭﻟﻜﻦ ﺍﻟﺨﺪﻣﺔ ﻣﺎﺷﻲ ﻫﻨﺎ ﻋﻨﺪﻱ ﻓﻲ ﺍﻟﻤﺪﻳﻨﺔ

ﻧﻌﻤﺔ : ﻣﺎﺷﻲ ﻣﺸﻜﻞ ﺍﻧﺎ ﻓﻌﻼ ﻛﻨﺖ ﻣﺤﺘﺎﺟﺔ ﻧﺒﻌﺪ ﻋﻠﻰ ﻫﻨﺎ ﻏﻴﺮ ﻫﻮ ﺧﺎﺹ ﻟﻌﺎﻭﻧﻲ ﻧﻘﻠﺐ ﻋﻠﻰ ﺳﻜﻨﺔ

ﺟﻮﺩ : ﻏﺎﺩﺓ ﺗﺴﻜﻨﻲ ﻣﻊ ﻣﻲ ﻭ ﺧﺘﻲ ﺻﻮﻓﻴﺎ ... ﺭﺍﻙ ﻋﺎﺭﻓﺔ ﻣﻲ ﻭﺑﺎ ﻣﻄﻠﻘﻴﻦ .... ﺑﺎ ﺳﺎﻛﻦ ﻫﻨﺎ ... ﻭﻣﻲ ﻓﻲ ﻣﺪﻳﻨﺔ ﻏﻴﺮ ﻫﻲ ﻭﺧﺘﻲ ... ﻳﻌﻨﻲ ﺍﻟﺴﻜﻨﺔ ﻋﻠﻰ ﺣﺴﺎﺏ ﺍﻟﺨﺪﻣﺔ ... ﻭﺑﺎﻟﻨﺴﺒﺔ ﻟﻜﺮﻭﻧﺴﺒﻮﺭ ﻋﻠﻰ ﺣﺴﺎﺑﻲ ﻭﺍﻟﺨﻠﺼﺔ ﻏﺎﺩﺓ ﺗﻜﻮﻥ ﺷﻮﻳﺔ ﻗﻠﻴﻠﺔ ﻏﺎﺩﺓ ﻧﺒﺪﺍ ﻟﻚ 1500 ﺩﺭﻫﻢ ﻭﻣﻊ ﺍﻟﻮﻗﺖ ﻧﻘﺪﺭ ﻧﺰﻳﺪ

ﻧﻌﻤﺔ : / ﺑﻔﺮﺡ / ﺷﻜﺮﺍ ﻟﻴﻚ ﺑﺰﺍﻑ ﻣﺎ ﻋﺮﻓﺘﺶ ﻛﻴﻒ ﻧﺮﺟﻊ ﻟﻴﻚ ﻫﺎﺩ ﺍﻟﺨﻴﺮ

ﺟﻮﺩ : / ﻓﻲ ﺧﺎﻃﺮﻭ / 》 ﺍﻧﺎ ﺍﻟﺨﻴﺮ ﻛﻠﻮ ﺟﺎ ﻟﻌﻨﺪﻱ ﻣﻠﻲ ﺷﺘﻚ ﻣﺮﺓ ﺍﺧﺮﻯ ﻭﻣﺴﺘﺤﻴﻞ ﻧﺴﻤﺢ ﻓﻴﻚ 《 ﻣﺎ ﺑﻴﻨﺎﺗﻨﺎﺵ .... ﺩﺍﺑﺔ ﻏﺎﺩﻱ ﻧﺸﺪﻭ ﻃﺮﻳﻖ ﺍﻟﻤﺪﻳﻨﺔ ﻭﺍﺵ ﻣﺴﺘﻌﺪﺓ

ﻧﻌﻤﺔ : / ﺑﺎﺑﺘﺴﺎﻣﺔ ﺍﻣﺘﻨﺎﻥ / ﺍﻛﻴﺪ

¤ ﺩﻳﻤﺎﺭﺍ ﺟﻮﺩ ﺍﻟﻄﻮﻣﻮﺑﻴﻞ ﻭﻫﻮ ﻃﺎﻳﺮ ﺑﺎﻟﻔﺮﺣﺔ ... ﻣﺎ ﻣﺼﺪﻗﺶ ﺍﻟﺒﻨﺖ ﻟﺨﻄﻔﺖ ﻗﻠﺒﻮ ﻭﻋﻘﻠﻮ ﻣﻦ ﺍﻭﻝ ﻧﻈﺮﺓ ﻫﻲ ﺩﺍﺑﺔ ﺭﺍﻛﺒﺔ ﻣﻌﺎﻩ ... ﻭﻏﺎﺩﺓ ﺗﻌﻴﺶ ﻭﺗﺨﺪﻡ ﻣﻌﺎﻩ .... ﻣﺎ ﻫﻤﻮﺵ ﻭﺍﺵ ﻋﻨﺪﻫﺎ ﻭﻟﺪ ﻣﻦ ﻏﻴﺮﻭ .... ﻟﻲ ﻫﻤﻮ ﻫﻮ ﺍﻧﻬﺎ ﺗﻮﻟﻲ ﻣﻠﻜﻮ .... ﺃﻣﺎ ﻧﻌﻤﺔ ﻓﻌﻨﻘﺖ ﻭﻟﺪﻫﺎ ﻭﻫﻲ ﻓﺮﺣﺎﻧﺔ ﺣﻴﺚ ﺭﺑﻲ ﻣﺎ ﺧﻴﺒﻬﺎﺵ ﻭﻟﻘﺎﺕ ﺧﺪﻣﺔ ﻭﻋﻤﺮﻫﺎ ﻣﻐﺎﺩﻱ ﺗﻔﺮﻕ ﻋﻠﻰ ﻭﻟﺪﻫﺎ .... ﻭﻟﺪﻫﺎ ﻧﻌﺲ ﺑﻴﻦ ﻳﺪﻫﺎ ... ﻭﻫﻲ ﺑﻘﺎﺕ ﺗﺘﺸﻮﻑ ﻓﻴﻪ ﻭﺗﺘﻔﻜﺮ ﻓﻲ ﻧﺰﺍﺭ .... ﻟﻌﺎﺭﻓﺔ ﺍﻧﻪ ﻏﺎﺩﻱ ﻳﺒﻘﻰ ﻓﻴﺎ ﺍﻟﺤﺎﻝ ﻋﻠﻰ ﻭﻟﺪﻭ .... ﻭﺍﻧﻪ ﻣﺎ ﻋﻨﺪﻭ ﺣﺘﻰ ﺫﻧﺐ ﻓﻲ ﻟﻲ ﻃﺮﺍ

ﻭﻟﻜﻦ ﻓﻲ ﻧﻔﺲ ﺍﻟﻮﻗﺖ ﻣﺎ ﺗﻘﺪﺭﺵ ﺗﺒﻘﻰ ﻣﻌﺎﻩ ﻭﻫﻮ ﺗﻴﺒﻐﻲ ﻣﺮﺓ ﻭﺣﺪﺓ ... ﻣﺎﺑﻘﺎﺗﺶ ﻗﺎﺩﺭﺓ ﺗﺸﻮﻑ ﺣﺒﻮ ﻟﻜﺒﻴﺮ ﻟﻲ ﻟﻴﻠﻴﺎﻥ .... 

ﺣﻄﺎﺕ ﻧﻌﻤﺔ ﺭﺍﺳﻬﺎ ﻋﻠﻰ ﺯﺍﺝ ﺩﻳﺎﻝ ﺳﻴﺎﺭﺓ ﻭﻛﺘﻔﻜﺮ ﻓﺪﺍﻛﺸﻲ ﻛﺎﻣﻞ ﻟﻲ ﺩﺍﺯ ﻋﻠﻴﻬﺎ .... ﻭ ﻓﺎﻟﻤﺴﺘﻘﺒﻞ ﻟﻲ ﺟﺎﻱ ﻗﺪﻣﻬﺎ ... ﻭ ﻛﻴﻔﺎﺵ ﻏﺘﻮﺍﺟﻪ ﺍﻟﻤﺠﻬﻮﻝ ﻫﻲ ﻭﻟﺪﻫﺎ .... ﺣﺘﻰ ﻧﻌﺴﺎﺕ ﻭﻫﻲ ﺣﺎﺿﻨﺔ ﻋﻠﻰ ﻭﻟﺪﻫﺎ .... ﺃﻣﺎ ﺟﻮﺩ ﻛﻞ ﺷﻮﻳﺔ ﻛﻴﺴﺮﻕ ﺷﻮﻓﺔ ﻓﻴﻬﺎ .... ﻭﻳﺘﺄﻣﻞ ﻣﻼﻣﺤﻬﺎ ﺍﻟﺒﺮﻳﺌﺔ ﻭ ﺍﻟﺠﻤﻴﻠﺔ ....

ﺑﻌﺪ ﺳﺎﻋﺎﺕ ﻣﻦ ﺍﻟﻘﻴﺎﺩﺓ ﻭﺻﻠﻮ ﻣﻊ ﺍﻟﻔﺠﺮ ﺃﻭ ﺟﻮﺩ ﺑﻼﺻﺔ ﻃﻮﻣﺒﻴﻞ ﺃﻭ ﺑﺪﻯ ﻛﻴﻔﻴﻖ ﻧﻌﻤﺔ ......

ﺟﻮﺩ : ﻧﻌﻤﺔ ... ﻧﻌﻤﺔ ﻓﻴﻘﻲ

ﻧﻌﻤﺔ / ﺑﺪﺍﺕ ﻛﺘﺤﻞ ﻋﻴﻨﻴﻬﺎ ﺑﺸﻮﻳﺔ / : ﻭﺍﺵ ﻭﺻﻠﻨﺎ ...

ﺟﻮﺩ / ﺑﺤﻤﺎﺱ / : ﻣﺎﺯﺍﻝ ﻣﺎ ﻭﺻﻠﻨﺎ ﻟﺪﺍﺭ ﻭﻟﻜﻦ ﻭﺻﻠﻨﺎ ﻟﻤﺪﻳﻨﺔ ....

ﻧﻌﻤﺔ / ﻫﺒﻄﺎﺕ ﻭ ﻫﻲ ﻛﺎﻣﺸﺔ ﻋﻠﻰ ﻭﻟﺪﻫﺎ ﺑﺤﺎﻝ ﺇﻳﻼ ﻏﻴﻄﻴﺮ ﻭ ﺷﺎﻓﺖ ﺍﻟﺒﺤﺮ ﻗﺪﺍﻣﻬﺎ ﺃﻭﻝ ﻣﺮﺓ ﻛﺘﺸﻮﻑ ﻫﺎﺩ ﺍﻟﻤﻨﻈﺮ / : ﻓﻴﻦ ﺣﻨﺎ ... ؟؟

ﺟﻮﺩ : ﺣﻨﺎ ﻓﺎﻟﺒﺤﺮ ﺃﺗﻜﻮﻧﻲ ﻣﻌﻤﺮﻙ ﺷﻔﺘﻴﻪ ....

ﻧﻌﻤﺔ / ﻣﺒﻬﻮﺿﺔ ﺑﻬﺎﺩﺷﻲ ﻟﻲ ﻛﺘﺸﻮﻑ ﺑﺪﺍﺕ ﻛﺘﻤﺸﻰ ﻓﻮﻕ ﺭﻣﻠﺔ ﻭﻫﻲ ﻛﺘﺤﺲ ﺑﺈﺣﺴﺎﺱ ﻣﺨﺘﻠﻒ ﻭ ﻛﺘﺸﻢ ﺭﻳﺤﺖ ﺍﻟﺒﺤﺮ ﻭ ﻛﺘﺴﻤﻊ ﺻﻮﺗﻮ ﻟﻲ ﻛﻴﻬﺪﺉ ﺭﻭﺡ ﻭ ﻫﺎﺩﺷﻲ ﺧﻼﻫﺎ ﺗﺤﺲ ﺑﺴﻜﻴﻨﺔ ﻓﻘﻠﺒﻬﺎ / : ﺳﺒﺤﺎﻥ ﺍﻟﻠﻪ ... ﺷﻮﻑ ﺷﺤﺎﻝ ﻛﺒﻴﺮ ﻭ ﻫﺎﺩﺉ ﻭ ﺷﻮﻓﺘﻮ ﻛﺘﺮﻳﺢ ﺍﻟﺨﺎﻃﺮ ﻗﺒﻞ ﺍﻟﻌﻴﻦ ﻭﺍﺧﺎ ﻧﺘﻤﺸﺎﻭ ﺑﺠﻨﺒﻮ . ...

ﺟﻮﺩ : ﺍﻫﺎﻩ ﺗﻔﻀﻠﻲ .... ﺍﺻﻼ ﺟﺒﺘﻚ ﻟﻬﻨﺎ ﺣﻴﺖ ﺃﻧﺎ ﺷﺨﺼﻴﺎ ﻛﻴﺮﻳﺤﻨﻲ ﻭﻗﻠﺖ ﻳﻤﻜﻦ ﻳﺮﻳﺤﻚ ﺣﺘﻰ ﻧﺘﻲ ﻭ ﺗﺨﻮﻱ ﻓﻴﻪ ﻫﻤﻚ ...

ﻧﻌﻤﺔ : ﻋﻨﺪﻙ ﺍﻟﺤﻖ .... ﺷﻜﺮﺍ ﺑﺰﺍﻑ ﺣﻴﺖ ﺟﺒﺘﻴﻨﻲ ﻟﻬﻨﺎ ﻭﺍﺧﺎ ﻛﺎﻥ ﺑﺎ ﺍﻟﻠﻪ ﻳﺮﺣﻤﻮ ﻛﻴﻬﺪﺭ ﻟﻲ ﻋﻠﻴﻪ ﻭﻟﻜﻦ ﻣﺘﺨﻴﻠﺘﺶ ﻳﻜﻮﻥ ﻫﺎﻛﺎ ﻓﻌﻼ ﻟﻲ ﺷﺎﻑ ﻣﺎﺷﻲ ﺑﺤﺎﻝ ﻟﻲ ﻏﻴﺮ ﺳﻤﻊ

ﺟﻮﺩ / ﺑﺘﺮﺩﺩ / : ﻧﻌﻤﺔ ... ﻣﻤﻢ . .. ﺩﺍﺑﺎ ﻧﺘﻲ ﻣﻜﺘﻔﻜﺮﻳﺶ ﺗﻨﺘﺎﻗﻤﻲ ﻣﻨﻬﻢ ﻭﻣﻠﻲ ﺩﺍﺭﻭ ﻓﻴﻚ ﺷﻲ ﻧﻬﺎﺭ ...

ﻧﻌﻤﺔ / ﻭﻗﻔﺎﺕ ﻭ ﺧﺪﺍﺕ ﻧﻔﺲ ﻋﻤﻴﻖ ﻭ ﺟﺎﻭﺑﺖ ﺑﻜﻞ ﺑﺮﻭﺩﺓ / : ﻻ ﻣﻐﻨﺘﻘﻤﺶ / ﺟﻮﺩ ﺣﺲ ﺑﺎﻟﺪﻫﺸﺔ / ﺭﺑﻲ ﻓﻮﻗﻨﺎ ﻛﺎﻣﻠﻴﻦ ﻭ ﻫﻮ ﺷﺎﻫﺪ ﻋﻠﻰ ﻣﺎﺩﺍﺯ ﻋﻠﻴﺎ ﻭ ﻣﻜﺎﻳﻨﺶ ﺷﻲ ﺣﺪ ﺣﺴﻦ ﻣﻨﻮ ﻳﻘﺪﺭ ﻳﺎﺧﺪ ﻟﻲ ﺣﻘﻲ ﻣﻨﻬﻢ ﺣﻴﺖ ﻫﻮ ﻋﺎﺩﻝ ﻭ ﻣﻜﻴﺮﺿﺎﺵ ﺑﻈﻠﻢ .... ﺃﻣﺎ ﺍﻹﻧﺘﻘﺎﻡ ﻃﺮﻳﻘﻮ ﻣﻈﻠﻤﺔ ﺩﺍﺧﻞ ﻟﻴﻬﺎ ﻣﻔﻘﻮﺩ ﻭ ﺍﻟﺨﺎﺭﺝ ﻣﻨﻬﺎ ﻣﻮﻟﻮﺩ ﻭ ﺩﺍﻳﻤﺎ ﻛﻴﺴﺎﻟﻲ ﺑﺎﻟﺨﺴﺎﺭﺓ ﻋﻤﺮ ﻣﻮﻻﻩ ﻳﺮﺑﺢ ﺣﻴﺖ ﺑﺎﺵ ﺗﻨﺘﺎﻗﻢ ﺧﺎﺻﻚ ﺗﺤﻂ ﺟﻤﻴﻊ ﻣﺒﺎﺩﺋﻚ ﻭ ﺃﺧﻼﻗﻚ ﻋﻠﻰ ﺟﻨﺐ ... ﻭ ﺃﻧﺎ ﻋﻨﺪﻱ ﻭﻟﺪ ﺩﺍﺑﺎ ﻣﻨﻘﺪﺭﺵ ﻧﻈﻠﻤﻮ ﻣﻌﺎﻳﺎ ﺩﺍﻛﺸﻲ ﻋﻼﺵ ﺃﻧﺎ ﻏﻨﺮﻛﺰ ﻋﻠﻰ ﻭﻟﺪﻱ ﻭ ﺣﻴﺎﺗﻨﺎ ﺃﻧﺎ ﻭﻳﺎﻩ ﺃﻣﺎ ﻫﻤﺎ ﻭ ﻛﻠﺖ ﻋﻠﻴﻬﻢ ﺁﻟﻠﻪ ﺳﺒﺤﺎﻧﻪ ....

ﺟﻮﺩ ﺑﻘﻰ ﻣﻀﻬﺸﺮ ﻣﻨﻬﺎ ﻭ ﻣﺘﻮﻗﻌﺶ ﺃﻧﻬﺎ ﻣﻤﻜﻦ ﺗﻜﻮﻥ ﺑﻬﺎﺩ ﻃﻴﺒﺔ ﻭ ﺍﻟﺤﻜﻤﺔ ﻛﻠﻬﺎ ﻭﻫﻲ ﻓﻬﺎﺩ ﺳﻦ ﺻﻐﻴﺮﺓ ....

ﻧﻌﻤﺔ / ﻧﺘﺒﻬﺎﺕ ﻟﻴﻪ / : ﺑﻼ ﻣﺎ ﺗﻌﺠﺐ ﻓﻴﺎ ﻛﻴﻒ ﻛﺎﻥ ﻛﻴﻘﻮﻟﻲ ﺑﺎ ﺍﻟﻌﻘﻞ ﻣﺎﺷﻲ ﻏﻴﺮ ﺑﺎﻟﻌﻤﺮ ﻛﻴﺘﻘﺎﺱ ... ﺍﻟﻌﻘﻞ ﻛﻴﺘﻮﺯﻥ ﺑﻠﻲ ﺩﺍﺯ ﻋﻠﻴﻪ ﻭ ﻛﻠﻤﺎ ﺩﻧﻴﺎ ﺯﻳﺮﺍﺕ ﻋﻠﻴﻚ ﻛﻠﻤﺎ ﺗﻌﻠﻤﺘﻲ ﻣﻨﻬﺎ ﻛﺜﺮ .....

ﺟﻮﺩ ﻣﺼﺪﻭﻡ ﻣﻦ ﻧﻌﻤﺔ ﻭ ﻣﻀﺮﺍﺑﺶ ﻟﺤﺴﺎﺏ ﺃﻧﻬﺎ ﻣﻤﻜﻦ ﺗﻜﻮﻥ ﻛﺘﻔﻜﺮ ﻫﺎﻛﺎ ﻭ ﻫﺎﺩﺷﻲ ﺯﺍﺩ ﻛﺒﺮﻫﺎ ﻓﻌﻴﻨﻴﻪ ﻛﺜﺮ ﻭ ﻛﺜﺮ ..... ﺩﺍﻫﺎ ﻟﺪﺍﺭ ﻭﻋﺮﻓﻬﺎ ﻋﻠﻰ ﻋﺎﺋﻠﺘﻮ ﻟﻲ ﻛﺎﻧﻮ ﻧﺎﺱ ﻃﻴﺒﻴﻦ ﻭ ﻟﻜﻦ ﻭﺍﺧﺎ ﻫﻜﺎﻙ ﻧﻌﻤﺔ ﺭﺍﺩﺓ ﻟﺒﺎﻝ ﻟﺮﺍﺳﻬﺎ ﻭﻟﻮﻟﺪﻫﺎ .....

ﻣﺮ ﺃﺳﺒﻮﻉ ﺑﺎﺵ ﻧﻌﻤﺔ ﺍﺳﺘﻘﺮﺍﺕ ﻣﻊ ﺟﻮﺩ ﺃﻣﺎ ﻧﺰﺍﺭ ﻣﺎﺧﻼ ﻓﻴﻦ ﺳﻮﻝ ﻋﻠﻰ ﻧﻌﻤﺔ ﻭ ﻣﺎﻟﻘﺔ ﻟﻴﻬﺎ ﺃﺛﺮ ﺑﺤﺎﻟﺔ ﺍﻷﺭﺽ ﺑﻠﻌﺘﻬﺎ ﻭﺩﻳﻤﺎ ﻛﻴﺘﺎﺻﻠﻮ ﺑﻴﻪ ﺩﺍﺭﻫﻮﻡ ﻭ ﻣﻜﺎﻳﺠﺎﻭﺑﻬﻤﺶ ...... ﺑﻘﻰ ﺟﺎﻟﺲ ﻓﻮﻕ ﻛﺮﺳﻲ ﻓﺠﺮﺩﺓ ﻟﻲ ﻓﺪﺍﺭ ﺟﺒﻞ .... ﺣﺘﻰ ﺑﺪﻯ ﺗﻠﻔﻮﻥ ﻛﻴﺼﻮﻧﻲ ﻋﺎﻭﺩ .... ﻃﻞ ﻟﻘﺎﻫﺎ ﺧﺘﻮ ﻧﻮﺭ ﺍﻟﻬﺪﻯ ﻭﻗﺮﺭ ﺃﻧﻪ ﻳﺠﺎﻭﺑﻬﺎ ﺑﺎﺵ ﻣﺘﺒﻘﺎﺵ ﻣﺸﻮﺷﺔ ﻋﻠﻴﻪ ﺣﻴﺖ ﺣﺘﻰ ﻫﻲ ﻣﺎﻛﺎﻧﺖ ﻋﺎﺭﻓﺔ ﻭﺍﻟﻮ ﻭ ﻣﺎﻟﻴﻬﺎ ﺫﻧﺐ ﺑﺎﺵ ﻳﺴﻤﺢ ﻓﻴﻬﺎ ...

ﻧﺰﺍﺭ : ﺃﻟﻮ ﺣﺒﻴﺒﺘﻲ ﺻﻐﻴﻮﺭﺓ ﻟﺒﺎﺱ

ﻧﻮﺭ ﺍﻟﻬﺪﻯ : ﻧﺰﺍﺭ ﺧﻮﻳﺎ ﺣﺒﻴﺒﻲ ﺃﻧﺎ ﺍﻟﺤﻤﺪ ﺍﻟﻠﻪ ﺗﻮﺣﺸﺘﻚ ﺑﺰﺍﻑ ﻛﻴﻒ ﺩﺍﻳﺮ ﻭ ﻋﻼﺵ ﻣﻜﺘﺠﺎﻭﻳﻨﻴﺶ ﻣﻠﻲ ﻛﻨﺘﺎﺻﻞ ﺑﻴﻚ ؟؟

ﻧﺰﺍﺭ : ﺣﺒﻴﺒﺔ ﺩ ﺧﻮﻫﺎ ﻫﺎﻧﻲ ﺟﺎﻭﺑﺘﻚ ﺩﺍﺑﺎ ... ﺻﺎﻓﻲ

ﻧﻮﺭ ﺍﻟﻬﺪﻯ : ﻧﺰﺍﺭ ﺧﺎﺻﻨﻲ ﻧﻘﻮﻟﻴﻚ ﺷﻲ ﺣﺎﺟﺔ

ﻧﺰﺍﺭ : ﺇﻳﻼ ﻛﺎﻥ ﻋﻠﻴﻬﻢ ﺑﻼ ﻣﺎ ﺗﻌﺬﺑﻲ ﺭﺍﺳﻚ ﺃﻧﺎ ﻳﺴﺘﺤﻴﻞ ﻧﺸﻮﻑ ﻓﻮﺟﻬﻢ ﻣﻦ ﺑﻌﺪ ﻫﺎﺩﺷﻲ ﻟﻲ ﺩﺍﺭﻭ ﻣﺴﺘﺤﻴﻞ ﻭﻗﻮﻟﻴﻬﺎ ﻟﻴﻬﻢ ﺑﻼ ﻣﺎ ﻳﺪﻳﺮﻭﻙ ﻃﺮﻳﻖ

ﻧﻮﺭ ﺍﻟﻬﺪﻯ : ﻻ ﺃﺧﻮﻳﺎ ﻣﺎﺷﻲ ﺩﺍﻛﺸﻲ ﻋﻨﺪﻱ ﻟﻴﻚ ﺧﺒﺮ ﺃﺧﻮﺭ ﻣﺘﻌﻠﻖ ﺑﻠﻴﻠﻴﺎﻥ ﻭ ﺧﺎﺻﻚ ﺿﺮﻭﺭﻱ ﺗﻌﺮﻓﻮ

ﻧﺰﺍﺭ : ﺍﺵ ﻭﺍﻗﻊ ﻋﺎﻭﺗﺎﻧﻲ

ﻧﻮﺭ ﺍﻟﻬﺪﻯ : ﺻﺮﺍﺣﺔ ﻟﻴﻠﻴﺎﻥ ﻣﺮﻳﻀﺔ . ... ﻫﻲ ﻟﻘﺎﻭ ﻋﻨﺪﻫﺎ ﻭﺭﻡ ﻓﺪﻣﺎﻍ ﻭ ﺍﻟﻤﺮﺽ ﻭﺍﺻﻞ ﻟﺪﺭﺟﺔ ﻣﺘﻘﺪﻣﺔ

ﻧﺰﺍﺭ / ﺑﻌﺪﻡ ﺗﺼﺪﻳﻖ / : ﻛﻴﻔﺎﺵ ﺍﺵ ﻛﺘﻘﻮﻟﻲ ﻭﺍﺵ ﻫﺎﺩﻱ ﻟﻌﺒﺔ ﺟﺪﻳﺪﺓ ﻋﺎﻭﺗﺎﻧﻲ ﻭﻻ ﺷﻨﻮ ﺣﻴﺖ ﻭﻟﻴﺖ ﻧﺘﻮﻗﻊ ﻣﻨﻬﻢ ﺃﻱ ﺣﺎﺟﺔ ﻣﺒﻘﺎﻭﺵ ﻛﻴﻔﺎﺟﺆﻧﻲ ﺑﺎﻟﻤﺮﺓ

ﻧﻮﺭ ﺍﻟﻬﺪﻯ : ﻻ ﻣﺎﺷﻲ ﻟﻌﺒﺔ ﺭﺍ ﺑﺼﺢ ﻟﻴﻠﻴﺎﻥ ﻣﻦ ﻧﻬﺎﺭ ﻣﺸﻴﺘﻲ ﻭﻫﻲ ﻓﺎﻟﻜﻠﻴﻨﻴﻚ . .. ﻭ ﻋﺎﺩ ﻣﺒﻐﺎﺗﺶ ﺗﻌﺎﻟﺞ ﻋﻠﻰ ﻗﺒﻠﻚ ﻛﺘﻘﻮﻝ ﺇﻳﻼ ﻣﻜﻨﺘﻴﺶ ﻣﻌﺎﻫﺎ ﺗﻤﻮﺕ ﺣﺴﻦ ﺍﻟﻤﻬﻢ ﺃﻧﺎ ﻗﻠﺖ ﻧﺨﺒﺮﻙ ﻗﺒﻞ ﻣﺎ ﻳﻔﻮﺕ ﺍﻟﻔﻮﺕ ﻭ ﺗﻨﺪﻡ

ﻧﺰﺍﺭ ﺳﻤﻊ ﻫﺎﺩ ﺍﻟﺨﺒﺮ ﻭ ﺗﻠﻒ ﻛﺜﺮﻭ ﻋﻠﻴﻪ ﺍﻟﻤﻄﺎﺭﻕ ﻧﻌﻤﺔ ﺃﻭ ﻭﻟﺪﻭ ﻣﻦ ﺟﻴﻬﺔ ﻣﺮﺽ ﻟﻴﻠﻴﺎﻥ ﻟﻲ ﻣﻌﺮﻓﺶ ﻭﺍﺵ ﺑﺼﺢ ﻭﻻ ﻛﺬﻭﺏ ﻭ ﻋﺎﺋﻠﺘﻮ ﻟﻲ ﻛﺎﻥ ﻣﻘﺮﺭ ﻳﻤﺴﺤﻬﻢ ﻣﻦ ﺣﻴﺎﺗﻮ ﺑﻘﻰ ﻛﻴﺪﻭﺭ ﻓﺒﻼﺻﺘﻮ ﻭ ﻗﺮﺭ ﺃﻧﻪ ﻳﻤﺸﻲ ﻟﻜﻠﻴﻨﻴﻚ ﻭ ﻳﺘﺄﻛﺪ ﻣﻦ ﺍﻟﻬﺪﺭﺓ ﻟﻲ ﺳﻤﻊ .... ﻭﺩﺍﻛﺸﻲ ﻟﻲ ﻛﺎﻥ ﻣﺸﻰ ﻟﻜﻠﻴﻨﻴﻚ ﻭ ﺗﻠﻘﻰ ﻣﻊ ﻃﺒﻴﺐ ﻟﻲ ﻣﻜﻠﻒ ﺑﺤﺎﻟﺘﻬﺎ ﻭﺷﺮﺡ ﻟﻴﻪ ﻣﺪﻯ ﺧﻄﻮﺭﺓ ﺍﻟﻮﺿﻊ ﻭ ﺃﻧﺎ ﺣﺘﻰ ﺍﻹﺭﺍﺩﺓ ﺩﻳﺎﻝ ﺍﻟﻤﺮﻳﻀﺔ ﻟﻲ ﻣﻤﻜﻦ ﺗﺴﺎﻋﺪﻫﺎ ﻓﺎﻟﻌﻼﺝ ﻣﻜﻴﻨﺎﺵ ﺣﻴﺖ ﻟﻴﻠﻴﺎﻥ ﺩﺧﻼﺕ ﻓﻜﺘﺌﺎﺏ ﻭﻫﺎﺩﺷﻲ ﺯﺍﺩ ﺃﺯﻡ ﻣﻦ ﻭﺿﻌﻬﺎ ﺻﺤﻲ ... ﻧﺰﺍﺭ ﻣﻦ ﺑﻌﺪ ﻣﺎ ﺳﻤﻊ ﻫﺎﺩﺷﻲ ﻗﺮﺭ ﻳﺨﺪﻫﺎ ﻟﻠﻤﺼﺤﺔ ﺧﺎﺻﺔ ﻭﺣﺪﺍﺧﺮﻯ ﺑﺎﺵ ﻳﺘﺄﻛﺪ ﻣﻦ ﺍﻟﻮﺿﻊ ﺩﻳﺎﻟﻬﺎ ﺣﻴﺖ ﻣﺒﻘﺎﺵ ﻛﻴﺘﻴﻖ ﺑﺴﻬﻮﻟﺔ .... ﻣﺸﻰ ﺩﺧﻞ ﻋﻨﺪﻫﺎ ﻭ ﻟﻘﻰ ﺣﺎﻟﺘﻬﺎ ﻳﺮﺛﻰ ﻟﻬﺎ

ﻧﺰﺍﺭ : ﻋﻼﺵ ﻣﺎﺑﻐﺎﺵ ﺗﻌﺎﻟﺠﻲ ﻭ ﻛﺪﻳﺮﻱ ﻓﺮﺍﺳﻚ ﻫﺎﻛﺎ

ﻟﻴﻠﻴﺎﻥ / ﻟﻲ ﻏﻴﺮ ﺷﺎﻓﺘﻮ ﺑﺘﺎﺳﻤﺎﺕ ﻭ ﺍﻟﻔﺮﺣﺔ ﻛﺘﺒﺎﻥ ﻓﻌﻴﻨﻴﻬﺎ / ... 

ﻧﺰﺍﺭ ﺣﺒﻴﺒﻲ ﺟﻴﺘﻲ

ﻧﺰﺍﺭ : / ﻏﻴﺮ ﺷﺎﻓﻬﺎ ﺗﺼﺪﻡ ... ﻟﻴﻠﻴﺎﻥ ﻭﻻﺕ ﺣﺎﻟﺘﻬﺎ ﺧﺎﻟﺔ ﺿﻌﺎﻓﺖ ﺑﺰﺍﻑ .... ﻭﺻﻔﺮﺍ ﺑﺎﻟﻤﺮﺽ .... ﻭﺗﺤﺖ ﻋﻴﻨﻬﺎ ﺯﺭﻕ .... ﻧﺰﺍﺭ ﺑﻘﺎﺕ ﻓﻴﻪ ﺑﺰﺍﻑ ... ﻭﻋﺮﻓﻬﺎ ﺍﻧﻬﺎ ﻣﺮﻳﻀﺔ ﻭﻣﺎ ﻳﻤﻜﻨﺶ ﺗﻜﻮﻥ ﺗﺘﻜﺬﺏ / ﺍﻟﺼﻤﺖ

ﻟﻴﻠﻴﺎﻥ : / ﻧﺎﺿﺖ ﺗﺘﺠﺮﻱ ﻋﻨﻘﺎﺗﻮ / ﻧﺰﺍﺭ ﻫﺊ ﻫﺊ ﻫﺊ ﻫﺊ ﻧﺰﺍﺭ ﻣﺎ ﺗﺨﻠﻴﻨﻴﺶ ﻋﻔﺎﻙ .... ﺍﻧﺎ ﻣﺤﺘﺎﺟﺔ ﻟﻚ ﻛﺜﺮ ﻣﻦ ﺍﻱ ﻭﻗﺖ ﻓﺎﺕ .... ﺍﻧﺎ ﻧﺪﻣﺎﻧﺔ ﺑﺰﺍﻑ ﻋﻠﻰ ﺷﻨﻮ ﺩﺭﺕ ﻣﻊ ﻧﻌﻤﺔ .... ﻭﻫﺎ ﺭﺑﻲ ﺟﺰﺍﻧﻲ .... ﻭﻣﺎ ﺑﻘﻰ ﻟﻲ ﻭﺍﻟﻮ ﻭﻧﻤﻮﺕ

ﻧﺰﺍﺭ : / ﺑﻼ ﻣﺎﻳﺸﻌﺮ ﺳﺪ ﻟﻴﻬﺎ ﻓﻤﻬﺎ / ﺑﻌﻴﺪ ﺍﻟﺸﺮ ﻋﻠﻴﻚ .... ﻧﺘﻲ ﻣﺎ ﻏﺎﺩﻳﺶ ﺗﻤﻮﺗﻲ ﺳﻤﻌﺘﻲ ﻧﺘﻲ ﻻﺯﻡ ﺗﻌﻴﺸﻲ

ﻟﻴﻠﻴﺎﻥ : / ﺑﺎﺳﺘﻬﺰﺍﺀ / ﻋﻼﺵ ﻏﺎﺩﺓ ﻧﻌﻴﺶ ﻭﻟﻤﻦ ... ﻭﺍﺵ ﻋﻨﺪ ﺑﺎﻟﻚ ﺍﻧﺎ ﺣﻤﻘﺔ .... ﺍﻧﺎ ﻋﺎﺭﻓﺔ ﻭﺍﺵ ﺍﻟﺤﺐ ﻟﻜﻦ ﻓﻲ ﻗﻠﺒﻚ ﻣﻦ ﺟﻴﻬﺘﻲ ﺻﺎﻓﻲ ﺑﺎﺍﺍﺍﺍﺍﺍﺍﺍﺡ .... ﻧﻌﻤﺔ ﺩﺍﺕ ﺑﻼﺻﺘﻲ .... ﻭﻟﻜﻦ ﺍﻟﻠﻪ ﻳﺨﻠﻴﻚ ﻣﺎ ﺗﺴﻤﺤﺶ ﻓﻴﺎ ... ﺍﻧﺎ ﻣﺴﺘﻌﺪﺓ ﻧﻌﻴﺶ ﺧﺪﺍﻣﺔ ﻋﻨﺪﻛﻢ ﻧﺖ ﺯﻳﺎﻫﺎ ﺣﺘﻰ ﻧﻬﺎﺭ ﻟﻲ ﻧﻤﻮﺕ ﻓﻴﻪ ﺍﻟﻤﻬﻢ ﻋﻨﺪﻱ ﻧﺸﻮﻑ ﺣﺪﺍﻱ .... ﻧﺸﻮﻑ ﺿﺤﻜﺘﻚ ... ﻧﺸﻮﻑ ﺗﺨﻨﺰﻳﺮﺗﻚ .... ﻧﺸﻮﻑ ﺣﻤﺎﻗﺎﺗﻚ ﺣﺘﻰ ﺍﻟﻨﻬﺎﺭ ﻟﻲ ﻳﺪﻱ ﻣﻮﻝ ﺍﻻﻣﺎﻧﺔ ﺍﻣﺎﻧﺘﻮ

ﻧﺰﺍﺭ : / ﻋﻨﻘﻬﺎ ﺑﺠﻬﺪ / ﻧﺘﻲ ﻣﺎ ﻏﺎﺩﺍﺵ ﺗﻤﻮﺗﻲ ﺳﻤﻌﺘﻲ ﻣﺪﺍﻡ ﻛﺎﻳﻦ ﺃﻣﻞ ﻓﺤﻨﺎ ﻏﺎﺩﻱ ﻧﺒﻘﺎﻭ ﻣﺸﺒﺮﻳﻦ ﻓﻴﻪ ﺣﺘﺎﻝ ﺍﺧﺮ ﻧﻔﺲ ﻓﻲ ﺣﻴﺎﺗﻨﺎ

ﻟﻴﻠﻴﺎﻥ : / ﺑﺎﺩﻟﺘﻮ ﺍﻟﻌﻨﺎﻕ / ﺍﻧﺎ ﻣﺎ ﺑﻐﻴﺘﺶ ﻧﺘﻌﺎﻟﺞ ﺍﻧﺰﺍﺭ ﻣﺎ ﺑﻐﻴﺘﺶ .... ﺣﻴﺚ ﺑﻜﻞ ﺑﺴﺎﻃﺔ ﻣﺎ ﻧﻘﺪﺭﺵ ﻧﺸﻮﻑ ﺗﻀﻴﻊ ﻣﻦ ﺑﻴﻦ ﻳﺪﻱ ﺍﻭ ﻻ ﺣﺴﻦ ﻧﻘﻮﻝ ﺿﻌﺘﻲ ﻣﻦ ﺑﻴﻦ ﻳﺪﻱ

ﻧﺰﺍﺭ : / ﺷﺪﻫﺎ ﻣﻦ ﻣﺮﻓﻘﻬﺎ ﺑﺠﻬﺪ / ﻣﺎ ﻧﻘﺪﺭﺵ ﻣﺎ ﻧﻘﺪﺭﺵ ﻧﺸﻮﻓﻚ ﺗﺘﻤﻮﺗﻲ ... ﺣﻴﺚ ﺭﻏﻢ ﺩﺍﻙ ﺷﻲ ﻛﻠﺸﻲ ﻟﺪﺭﺗﻲ ﺍﻧﺎ ﻣﺎﺯﺍﻝ ﻛﻨﺒﻐﻴﻚ .... ﻭﻛﻨﺒﻐﻴﻬﺎ ﺧﺘﻰ ﻫﻲ .... ﺍﻧﺎ ﺗﻨﺒﻐﻴﻚ ﺑﺰﻭﺝ ﺑﻴﻜﻢ .... ﻧﺘﻲ ﻫﻲ ﺣﺐ ﺍﻟﻄﻔﻮﻟﺔ ﻭﻫﻲ ﺣﺐ ﺍﻟﺮﺷﺪ .... ﻧﺘﻤﺎ ﺑﺰﻭﺝ ﺑﻴﻜﻢ ﺗﺘﻌﻨﻮ ﻟﻴﺎ ﺑﺰﺍﻑ .... ﻭﺍﻟﻰ ﺗﻘﺎﺳﺖ ﺷﻌﺮﺓ ﻣﻨﻜﻢ ﺣﺘﻰ ﺍﻧﺎ ﺗﻨﺘﺄﺫﻯ

ﻟﻴﻠﻴﺎﻥ : ﺍﻟﻘﻠﺐ ﺍﻧﺰﺍﺭ ﻛﻴﺒﻐﻲ ﻭﺍﺣﺪ .... ﻭﺍﺣﺪ ﻻ ﻏﻴﺮ .... ﻭﺍﻧﺎ ﻛﻴﻒ ﻗﻠﺘﻲ .... ﺣﺐ ﻃﻔﻮﻟﺔ .... ﻳﻌﻨﻲ ﺩﺍﻙ ﺍﻟﺤﺐ ﺑﺎﺍﺍﺍﺍﺍﺡ ﻣﺸﻰ .... ﻭﻛﻮﻥ ﻛﻨﺘﻲ ﻛﺘﺒﻐﻴﻨﻲ ﻛﻮﻥ ﻋﻤﺮ ﻗﻠﺒﻚ ﺩﻕ ﻟﻐﻴﺮﻱ .... / ﺗﺘﺸﻴﺮ ﻟﻘﻠﺒﻮ / ﻫﺎﺩ ﺍﻟﻘﻠﺐ ﺳﻜﻨﺎﺗﻮ ﺍﻧﺴﺎﻧﺔ ﻭﺣﺪﺓ ﻭﻫﻲ ﻧﻌﻤﺔ ﻭﻫﺎﺩ ﺷﻲ ﺑﺎﻳﻦ ﻓﻲ ﻋﻴﻨﻴﻚ .... ﻣﻦ ﻏﻴﺮﺗﻚ ﻋﻠﻴﺎ .... ﻣﻦ ﺷﻮﻓﺎﺗﻚ ﻓﻴﻬﺎ ... ﻣﻦ ﺧﻮﻓﻚ ﻋﻠﻴﻬﺎ .... ﻣﻦ ﺷﻮﻗﻚ ﻟﻴﻬﺎ .... ﺍﻧﺎ ﻣﺎﺷﻲ ﺣﺠﺮﺓ ﺍﻭ ﺟﻤﺎﺩ .... ﺍﻧﺎ ﻓﻌﻼ ﺧﻄﺄﺕ ﻓﺎﺵ ﻓﻜﺮﺕ ﻧﺄﺫﻱ ﺍﻧﺴﺎﻧﺔ ﺑﺮﻳﺌﺔ .... ﻭﻟﻜﻦ ﻓﺬﺍﻙ ﺍﻟﻮﻗﺖ ﻛﻨﺖ ﻛﻨﻔﻜﺮ ﻏﻴﺮ ﻓﻴﻚ .... ﺣﺒﻲ ﻟﻴﻚ ﺧﻼﻧﻲ ﻧﻘﺒﻞ ﻧﺸﻮﻓﻚ ﻣﻊ ﻣﺮﺍ ﺍﻟﺨﺮﻯ .... ﺍﻟﻤﻬﻢ ﺗﻜﻮﻥ ﻓﺮﺣﺎﻥ ﻭﻳﺘﺤﻘﻖ ﺍﻟﺤﻠﻢ ﻟﻄﻠﻤﺎ ﺣﻠﻤﺘﻲ ﺑﻴﻪ .... ﻭﻟﻜﻦ ﻣﺎ ﻗﺪﺭﺗﺶ ﻣﺎ ﻗﺪﺭﺗﺶ ﻧﺸﻮﻓﻚ ﻣﻌﺎﻫﺎ .... ﻭﺍﻧﺎ ﻣﻦ ﺍﻻﻭﻝ ﻛﻨﺖ ﺭﺍﻓﻀﺔ ﺍﻟﻔﻜﺮﺓ ﻭﻟﻜﻦ ﺍﻟﻤﻴﻤﺔ ﻟﻲ ﺟﺒﺮﺗﻨﻲ ﻧﻌﻤﻞ ﻫﺎﻙ ... ﻭﺳﺘﻐﻠﺖ ﺣﺒﻲ ﻟﻴﻚ ﻭﺳﻴﻠﺔ ﺑﺎﺵ ﺗﻀﻐﻂ ﻋﻠﻴﺎ .... ﺍﻣﺎ ﻣﺎﻣﺎﻙ ﻓﺮﺍﻩ ﺗﺮﺍﺟﻌﺖ ﻋﻠﻰ ﺍﻟﻔﻜﺮﺓ ﺷﺤﺎﻝ ﻫﺬﺍ ﻭﻓﻌﻼ ﺑﻐﺎﺕ ﻧﻌﻤﺔ ﻭﻋﺘﺒﺮﺗﻬﺎ ﺑﻨﺘﻬﺎ ﺷﻲ ﻟﻤﺎ ﻗﺪﺭﺗﺶ ﺗﺪﻳﺮﻭ ﻣﻌﻴﺎ .... ﺑﺴﺒﺐ ﻃﺒﺎﻋﻲ ﺻﻌﺎﺏ ﺯﻣﺰﺟﻴﺘﻲ ﻟﻄﺎﻟﻤﺎ ﻛﻨﺘﻲ ﻧﺖ ﺍﻟﻮﺣﻴﺪ ﻟﺘﺘﻘﺪﺭ ﺗﺴﺘﺤﻤﻠﻬﺎ..

ﻭﻟﻜﻦ ﺩﺍﺑﺔ ﺻﺎﻓﻲ ﻗﺒﻠﺖ ﺑﺎﻟﻤﻮﺕ

ﻧﺰﺍﺭ : ﺍﻧﺎ ﻣﺴﺘﺤﻴﻞ ﻧﺨﻠﻴﻚ ﺗﻤﻮﺗﻲ ... ﺳﻤﻌﺘﻲ ﻭﺩﺍﺑﺔ ﺍﻟﻰ ﻛﻨﺘﻲ ﺑﺼﺢ ﺗﺘﺒﻐﻴﻨﻲ ﻭﺑﻐﻴﺘﻨﻲ ﻧﺴﺎﻣﺤﻚ ﻏﺎﺩﺓ ﺗﻤﺸﻲ ﻣﻌﻴﺎ ﻟﻌﻨﺪ ﻃﺒﻴﺐ ﻭﻧﺸﻮﻑ ﻓﻮﻗﺎﺵ ﺍﻟﻌﻤﻠﻴﺔ

ﻟﻴﻠﻴﺎﻥ : / ﺑﻜﺜﺮﺕ ﺣﺒﻬﺎ ﻟﻴﻪ ﻣﺎ ﻗﺪﺭﺗﺶ ﺗﺮﻓﺾ ﻭﻓﻲ ﻧﻔﺲ ﺍﻟﻮﻗﺖ ﻣﺎ ﺻﺪﻗﺖ ﺍﻧﻪ ﺳﺎﻣﺤﻬﺎ ﻋﻨﻘﺎﺗﻮ / ﻭﺍﺧﺔ

ﺍﻧﺎ ﻣﻮﺍﻓﻘﺔ ... ﺍﻧﺎ ﻣﻮﺍﻓﻘﺔ ﻋﻠﻰ ﺍﻱ ﺣﺎﺟﺔ ﺑﻐﻴﺘﻴﻬﺎ

ﻧﺰﺍﺭ : / ﺑﺘﺎﺳﻢ / ﻫﺎﻛﺎﻙ ﻧﺒﻐﻴﻚ ﺩﻳﻤﺎ ﺗﻜﻮﻧﻲ ﻗﻮﻳﺔ ﻭﻣﺘﻔﺎﺋﻠﺔ

ﻟﻴﻠﻴﺎﻥ : / ﺣﺪﺭﺕ ﺭﺍﺳﻬﺎ ﻭﺳﻮﻻﺗﻮ ﺑﺘﺮﺩﺩ / ﻭ ﻭﺍ ﻭﺍﺵ ﻟﻘﻴﺘﻲ ﻧﻌﻤﺔ ﻭﻭﻟﺪﻙ

ﻧﺰﺍﺭ : / ﺑﺄﺳﻰ / ﻟﻸﺳﻒ ﺗﻘﻮﻝ ﺍﻻﺭﺽ ﺗﺸﻘﺖ ﻭﺑﻠﻌﺘﻬﻢ

ﻟﻴﻠﻴﺎﻥ : / ﻣﺸﺎﺕ ﻟﺴﺎﻛﻬﺎ ﻭﺟﺒﺪﺕ ﻭﺍﺣﺪ ﺍﻟﻜﺎﺭﺕ / ﻫﺎﻙ ﻫﺬﺍ ﻛﺎﺭﺕ ﺩﻳﺎﻝ ﺗﺤﺮﻱ ﺧﺎﺹ ﺷﺎﻃﺮ ﻭﺧﺪﻣﺘﻮ ﻣﺘﻘﻮﻧﺔ ﻫﻮ ﻏﺎﺩﻱ ﻳﻌﺎﻭﻧﻚ ﺗﻠﻘﺎﻫﺎ ... ﻭﺍﻥ ﺷﺎﺀ ﺍﻟﻠﻪ ﻳﺘﻠﻢ ﺷﻤﻠﻚ ﻧﺖ ﻭﻳﺎﻫﺎ ﻭﻭﻟﺪﻛﻢ

ﻧﺰﺍﺭ : / ﻋﻨﻘﻬﺎ / ﺍﻧﺎ ﻭﻧﺘﻲ ﻭﻧﻌﻤﺔ ﻭﻭﻟﺪﻧﺎ .... ﻧﺘﻤﺎ ﻋﻴﺎﻻﺗﻲ ﺑﺰﻭﺝ ﻭﻣﺎ ﻋﻨﺪﻳﺶ ﺍﻟﻔﺮﻕ ﺑﻴﻨﻜﻢ

ﻟﻴﻠﻴﺎﻥ : / ﺑﺎﺑﺘﺴﺎﻣﺔ / ﻭﺍﺵ ﺑﺼﺢ ﻣﺎ ﻏﺎﺩﻳﺶ ﺗﺴﻤﺢ ﻓﻴﺎ

ﻧﺰﺍﺭ : ﺍﺑﺪﺍ

ﻟﻴﻠﻴﺎﻥ : / ﻋﻨﻘﺎﺗﻮ / ﺭﺑﻲ ﺧﻠﻴﻚ ﻟﻴﺎ ﻭﻣﺎ ﻳﺤﺮﻣﻨﻲ ﻣﻨﻚ

ﻭﻣﻦ ﻗﻠﺒﻚ ﺍﻟﻜﺒﻴﺮ ... ﻭﻳﺎﺭﺑﻲ ﻳﻘﺪﺭﻧﻲ ﻭﻧﺮﺟﻊ ﻟﻚ ﻭﻟﺪﻙ ﻭﻣﺮﺍﺗﻚ ﻭﻧﻄﻠﺐ ﻣﻨﻬﺎ ﺍﻟﺴﻤﺎﺣﺔ

ﻧﺰﺍﺭ : ﺍﻥ ﺷﺎﺀ ﺍﻟﻠﻪ ... ﻳﻼﻩ ﻧﻤﺸﻮ ﺭﺍﻩ ﺍﻟﺪﻛﺘﻮﺭ ﻛﻴﺘﺴﻨﺎﻧﺎ

¤ ﺷﺪ ﻧﺰﺍﺭ ﻓﻲ ﻟﻴﻠﻴﺎﻥ ﻭﺗﻮﺟﻪ ﻋﻨﺪ ﻃﺒﻴﺐ ﻣﺨﺘﺺ ﻓﻲ ﻭﺭﻡ ﺍﻟﺪﻣﺎﻍ ... ﻋﻤﻞ ﻟﻴﻬﺎ ﺍﻟﺪﻛﺘﻮﺭ ﺍﻟﻔﺤﻮﺻﺎﺕ ﺍﻟﻼﺯﻣﺔ ... ﻭﺧﺒﺮﻫﺎ ﺑﻠﻲ ﺍﻟﻮﺭﻡ ﻋﻨﺪﻫﺎ ﻓﻲ ﻣﺮﺣﻠﺔ ﻣﺘﻘﺪﻣﺔ ﻭﻻﺯﻣﻬﺎ ﻋﻤﻠﻴﺔ ﻓﻲ ﺍﺳﺮﻉ ﻭﻗﺖ ﻣﻤﻜﻦ ﻭﻟﻜﻦ ﻫﺎﺩ ﺍﻟﻌﻤﻠﻴﺔ ﺩﻗﻴﻘﺔ ﺟﺪ ﻭﻧﺴﺒﺔ ﺍﻟﻨﺠﺎﺡ ﺩﻳﺎﻝ %1 ﻭﻓﻲ ﺍﻟﻤﻐﺮﺏ ﻣﺎ ﻛﻴﻨﻴﻨﺶ ﺍﻟﻤﻌﺪﺍﺕ ﺍﻟﻼﺯﻣﺔ ﻟﻤﺜﻞ ﻫﺎﺩ ﺍﻟﻌﻤﻠﻴﺔ .... ﻟﺬﺍﻟﻚ ﺧﺎﺻﻬﺎ ﺗﻤﺸﻲ ﻷﻣﺮﻳﻜﺎ ... ﻭﻗﺒﻞ ﺍﻟﻌﻤﻠﻴﺔ ﻏﺎﺩﻱ ﻳﺨﺼﻬﺎ ﺗﺪﺍﻭﻡ ﻋﻠﻰ ﺍﻟﻌﻼﺝ ﺍﻟﻜﻴﻤﺎﻭﻱ ﺑﺎﺵ ﻣﺎ ﻳﺨﻠﻴﺶ ﺍﻟﻤﺮﺽ ﻳﻜﺜﺮ ﻭﻣﻦ ﺍﻻﺣﺴﻦ ﻳﺴﺎﻓﺮﻭ ﺍﻟﻴﻮﻡ ﻗﺒﻞ ﻏﺬﺍ .... ﻭﻣﺎ ﻳﺰﻳﺪﻭﺵ ﻳﻀﻴﻌﻮ ﺍﻟﻮﻗﺖ ... ﻧﺰﺍﺭ ﻏﻴﺮ ﺳﻤﻊ ﻫﺎﺩ ﺍﻟﻬﻀﺮﺓ ﺭﻣﺎﺑﻴﻪ ﻓﺸﻠﻮ ﻋﻠﻴﻪ ... ﻣﺎ ﻗﺪﺭﺵ ﻳﺘﺨﺎﻳﻞ ﻣﻮﺕ ﻟﻴﻠﻴﺎﻥ ... ﻭﻗﺮﺭ ﻳﺴﺎﻓﺮﻭ ﻓﻲ ﺩﻳﻚ ﺍﻟﻠﻴﻠﺔ .... ﻗﺎﻡ ﺑﺠﻤﻴﻊ ﺍﻻﺟﺮﺍﺀﺍﺕ ﺍﻟﻼﺯﻣﺔ ﻭﺳﺘﻌﺪ ﻟﺴﻔﺮ ... ﻭﻟﻜﻦ ﻗﺒﻞ ﻫﺎﺩ ﺷﻲ ﺗﺎﺻﻞ ﺑﺎﻟﻤﺘﺤﺮﻱ ﺍﻟﺨﺎﺹ ﻭﻃﻠﺐ ﻣﻨﻮ ﻳﺒﺤﺚ ﻋﻠﻰ ﻧﻌﻤﺔ ... ﻋﻄﺎﻩ ﺟﻤﻴﻊ ﺍﻟﻤﻌﻠﻮﻣﺎﺕ ﻋﻠﻴﻬﺎ ﻭﺣﺘﻰ ﺻﻮﺭﺗﻬﺎ .... ﻭﺳﺎﻓﺮ ﻋﻠﻰ ﺍﻣﻞ ﻳﻌﺜﺮ ﻋﻠﻴﻬﺎ ... ﻭﺗﺸﻔﻰ ﻟﻴﻠﻴﺎﻥ .... ﻛﻤﻞ ﺍﺟﺮﺍﺀﺍﺕ ﺳﻔﺮ ﻭﺳﺎﻓﺮ ﻫﻮ ﻭﻟﻴﻠﻴﺎﻥ ﻻﻣﺮﻳﻜﺎ .... ﻭﻓﻌﻼ ﺗﺤﺮﻱ ﻓﻲ ﻇﺮﻑ 24 ﺳﺎﻋﺔ ﻟﻘﻰ ﻧﻌﻤﺔ ... ﻧﺰﺍﺭ ﻓﺮﺡ ﻭﻃﻠﺐ ﻣﻨﻮ ﻳﺒﻘﻰ ﻣﺮﺍﻗﺒﻬﺎ ... ﻭﻳﺒﻐﻲ ﻳﻌﺮﻑ ﻋﻠﻴﻬﺎ ﺍﻟﻜﺒﻴﺮﺓ ﻭﺍﻟﺼﻐﻴﺮﺓ ... 

ﻭﻓﻌﻼ ﺗﺤﺮﻱ ﻓﻲ ﻇﺮﻑ 24 ﺳﺎﻋﺔ ﻟﻘﻰ ﻧﻌﻤﺔ ... ﻧﺰﺍﺭ ﻓﺮﺡ ﻭﻃﻠﺐ ﻣﻨﻮ ﻳﺒﻘﻰ ﻣﺮﺍﻗﺒﻬﺎ ... ﻭﻳﺒﻐﻲ ﻳﻌﺮﻑ ﻋﻠﻴﻬﺎ ﺍﻟﻜﺒﻴﺮﺓ ﻭﺍﻟﺼﻐﻴﺮﺓ .... ﻭ ﺩﺍﻛﺸﻲ ﻟﻲ ﻛﺎﻥ ﻧﺰﺍﺭ ﺑﻘﻰ ﻣﻊ ﻟﻴﻠﻴﺎﻥ ﻓﺄﻣﺮﻳﻜﺎ ﻣﺴﺎﻧﺪﻫﺎ ﻃﻴﻠﺔ ﻓﺘﺮﺓ ﺍﻟﻌﻼﺝ ﻭ ﺗﺤﺮﻱ ﻟﻲ ﻛﻠﻔﻮ ﻧﺰﺍﺭ ﻳﺮﺍﻗﺐ ﻧﻌﻤﺔ ﻛﻴﺴﻴﻔﻚ ﻟﻴﻪ ﺃﺧﺒﺮﻫﺎ ﻋﻠﻰ ﻳﻮﻣﺎ ﺷﻨﻮ ﻛﺪﻳﺮ .. ﺷﻨﻮ ﺗﺘﺎﻛﻞ .. ﺍﻱ ﺣﺎﺟﺔ ﻣﺘﻌﻠﻘﺔ ﺑﻨﻌﻤﺔ ﻭﺿﻴﺎﺀ ﺗﺘﻮﺻﻠﻮ ﺍﻭﻝ ﺑﺄﻭﻝ .... ﻳﻌﻨﻲ ﻧﺰﺍﺭ ﻛﺎﻥ ﺣﺎﺿﺮ ﻣﻌﻬﺎ ﻓﻜﻞ ﺧﻄﻮﺓ ﻛﺘﺨﻄﻮﻫﺎ ﻭﺭﺍﻗﺒﻬﺎ ﻭﻣﺴﺎﻧﺪﻫﺎ ﻣﺎﺩﻳﺎ ﺑﺤﻴﺚ ﺷﺮﻯ ﺃﺳﻬﻢ ﻣﻦ ﺷﺮﻛﺔ ﺟﻮﺩ ﻭﻓﻲ ﻇﺮﻑ ﻗﺼﻴﺮ ﺭﺟﻌﺖ ﺷﺮﻛﺔ ﻣﺖ ﺍﺣﺴﻦ ﺍﻟﺸﺮﻛﺎﺕ ﺍﻟﻤﻐﺮﺑﻴﺔ ... ﻭﻛﻴﻒ ﻻ ﻭﺳﻲ ﻧﺰﺍﺭ ﺟﺒﺮﺍﻥ ﺷﺮﻳﻚ ﻓﻴﻬﺎ ... ﻭﺍﻛﻴﺪ ﻧﻌﻤﺔ ﻣﺎ ﻓﺮﺍﺳﻬﺎ ﻭﺍﻟﻮ .... ﺑﺎﻻﺿﺎﻓﺔ ﺍﻧﻪ ﻣﺴﺎﻧﺪﻫﺎ ﺣﺘﻰ ﻣﻌﻨﻮﻳﺎ ﺑﺮﺳﺎﺋﻞ ﻟﺘﻴﺴﻴﻔﻂ ﻟﻴﻬﺎ ﻭﻟﻲ ﻟﺤﺪ ﺍﻻﻥ ﻫﻲ ﻣﺎ ﻋﺎﺭﻓﺎﺵ ﺷﻜﻮﻥ ﺗﻴﺒﻌﺜﻬﻢ ﻟﻬﺎ ﻭﻟﻜﻦ ﻧﻌﻤﺔ ﺗﺘﻔﺮﺡ ﺑﻴﻪ ﻭﺗﺘﺴﻨﻰ ﺍﻟﻠﻴﻞ ﻳﻮﺻﻞ ﺑﺎﺵ ﺗﻘﺮﺍﻫﻢ ... ﻧﻌﻤﺔ ﺑﺪﻟﺖ ﻣﻦ ﺷﻜﻠﻬﺎ ﺑﻤﺴﺎﻋﺪﺓ ﺻﻮﻓﻴﺎ ﻭﺟﻮﺩ ... ﻭﻭﻻﺕ ﺗﺘﻬﺘﻢ ﺑﺄﻧﺎﻗﺘﻬﺎ ... ﻭﺗﺘﻠﺒﺲ ﻋﻠﻰ ﺫﻭﻕ ﺻﻮﻓﻴﺎ .... ﻭﺑﺪﺍﺕ ﺗﺘﺄﻗﻠﻢ ﻣﻊ ﺣﻴﺎﺓ ﺍﻟﻤﺪﻳﻨﺔ ... ﻭﺍﺧﺔ ﺗﻮﺣﺸﺖ ﺍﻟﻌﺮﻭﺑﻴﺔ ﻭﺗﻮﺣﺸﺖ ﻧﺰﺍﺭ .... ﻭﻟﻜﻦ ﻣﻊ ﺫﺍﻟﻚ ﻛﺘﺎﺑﺮ ﻭﺗﺨﺪﻡ ... ﻭﺗﻘﺮﺍ ﻓﻲ ﻧﻔﺲ ﺍﻟﻮﻗﺖ .... ﻭﺗﺘﻬﺘﻢ ﺑﻮﻟﺪﻫﺎ ... ﺑﺎﺵ ﺗﻜﻮﻥ ﺍﻡ ﻣﺜﺎﻟﻴﺔ ﻭﻣﺎ ﺗﺨﻠﻲ ﻭﻟﺪﻫﺎ ﻣﺨﺼﻮﺹ ﻣﻦ ﺣﺘﻰ ﺣﺎﺟﺔ

☆☆☆☆☆☆☆☆☆☆☆☆☆

ﻓﻲ ﺍﻣﺮﻳﻜﺎ

ﻭﺑﺎﻟﻈﺒﻂ ﻓﻲ ﻣﺴﺘﺸﻔﻰ

ﻋﻨﺪ ﻧﺰﺍﺭ ﻭﻟﻴﻠﻴﺎﻥ ﻟﻠﻤﺮﺽ ﺃﻛﺜﺮ ﻋﻠﻴﻬﺎ ﺑﺰﺍﻑ ﺯﺍﺩﺕ ﺿﻌﺎﻓﺖ ... ﻭﻗﺮﻋﺔ ﺷﻌﺮﻫﺎ ﺑﺴﺒﺐ ﺍﻟﻌﻤﻠﻴﺔ ... ﻭﺩﺍﺑﺔ ﺑﺪﺍ ﻛﻴﻄﻮﺍﻝ ﻟﻴﻬﺎ ﺷﻮﻳﺔ ...

ﻧﺰﺍﺭ : ﻛﻲ ﻛﺘﺤﺴﻲ ﺩﺍﺑﺎ ﻣﺰﻳﺎﻥ ﻣﺒﻘﺎﺗﺶ ﻓﻴﻚ ﺩﻭﺧﺔ

ﻟﻴﻠﻴﺎﻥ : ﻻ ﺍﻟﺤﻤﺪ ﺍﻟﻠﻪ ﺩﺍﺑﺎ ﻣﺰﻳﺎﻥ ... ﻧﺰﺍﺭ ﺩﺍﺑﺎ ﺃﻧﺎ ﺩﺭﺕ ﺍﻟﻌﻤﻠﻴﺔ ﻭ ﺩﻭﺯﺕ ﻓﺘﺮﺓ ﻧﻘﺎﻫﺔ ﺑﺎﺭﻛﺔ ﻋﻠﻴﺎ 6 ﺷﻬﻮﺭ ﻭ ﺃﻧﺎ ﻫﻨﺎ ... ﺧﻠﻴﻨﺎ ﻧﺮﺟﻌﻮﺍ ﻟﻠﻤﻐﺮﺏ ﻭ ﺍﻟﻜﻴﻤﻮ ﻧﻜﻤﻠﻮ ﻓﺎﻟﻤﻐﺮﺏ ﺭﺍ ﺑﺤﺎﻝ ﺑﺤﺎﻝ ﺃﻧﺎ ﻋﻴﻴﺖ ﻫﻨﺎ ﺑﻐﻴﺖ ﻧﺮﺟﻊ ﻟﻠﺒﻼﺩﻱ ﻭ ﻧﺒﻘﻰ ﻭﺳﻂ ﻋﺎﺋﻠﺘﻲ .... ﻭ ﻛﻨﻮﻋﺪﻙ ﺃﻧﺒﻘﺎﻭ ﻧﻤﺸﻴﻮ ﻟﺠﻤﻴﻊ ﺍﻟﺠﻠﺴﺎﺕ ﺍﻟﻌﻼﺝ ﻭ ﺩﺍﻛﺸﻲ ﻟﻲ ﻏﻴﻘﻮﻟﻮ ﻟﻴﺎ ﻃﺒﻴﺐ ﻧﻔﺬﻭ ﻋﻔﺎﻙ . ... ﺗﻮﺣﺸﺖ ﺑﻼﺩﻱ

ﻧﺰﺍﺭ / ﻟﻲ ﻛﻴﺤﺎﻭﻝ ﻣﺎ ﺃﻣﻜﻦ ﻣﻴﺨﺴﺮﺵ ﻟﻴﻬﺎ ﺧﺎﻃﺮﻫﺎ ﻟﺪﺭﺟﺔ ﺃﻧﻪ ﻣﺎﺯﺍﻝ ﻣﺎ ﻗﺎﻝ ﻟﻴﻬﺎ ﺑﻠﻲ ﻟﻘﻰ ﻧﻌﻤﺔ ﺣﻴﺖ ﺧﺎﻳﻒ ﺗﺄﺛﺮ ﻧﻔﺴﻴﺘﻬﺎ ﻭ ﻫﺎﺩﺷﻲ ﻳﻨﻌﺎﻛﺲ ﻋﻠﻰ ﺇﺳﺘﺠﺎﺑﺘﻬﺎ ﻟﻠﻌﻼﺝ ﺩﺍﻛﺸﻲ ﻋﻼﺵ ﻛﻴﺤﺎﻭﻝ ﻳﺒﻌﺪ ﺃﻱ ﺣﺎﺟﺔ ﺿﺮﻫﺎ / : ﻭﺍﺧﺎ . ... ﺃﻧﺎ ﻏﻨﺘﺸﺎﻭﺭ ﻣﻊ ﺍﻷﻃﺒﺎﺀ ﻭﻧﺸﻮﻑ ﻭﺍﺵ ﻳﺨﻠﻴﻮﻙ ﺗﺨﺮﺟﻲ .

ﻟﻴﻠﻴﺎﻥ / ﺑﺤﻤﺎﺱ / : ﺃﻧﺎ ﻫﺪﺭﺕ ﻣﻌﺎﻫﻢ ﻭ ﻗﺎﻟﻮ ﻟﻴﺎ ﻣﻜﺎﻳﻨﺔ ﺣﺘﻰ ﺷﻲ ﺧﻄﻮﺭﺓ ﻭ ﻳﻤﻜﻦ ﻟﻴﺎ ﻧﻤﺸﻲ

ﻧﺰﺍﺭ / ﺑﺘﻌﺠﺐ / : ﺇﻳﻤﺘﻰ ﺳﻮﻟﺘﻴﻬﻢ ﻭ ﺃﻧﺎ ﺩﻳﻤﺎ ﺣﺪﺍﻙ؟ ؟

ﻟﻴﻠﻴﺎﻥ : ﻧﺴﻴﺘﻲ ﻣﻠﻲ ﻛﺘﺠﻲ ﻋﻨﺪﻱ ﺍﻟﺤﺎﺟﺔ ﻭﻻ ﻣﺎﻣﺎﻙ ﻛﺘﺨﺮﻭﺝ ﻭ ﻣﻜﺘﺮﺟﻊ ﺣﺘﻰ ﻛﻴﻤﺸﻴﻮ . ... ﻭﺍﺵ ﻣﺒﺎﻧﺶ ﻟﻴﻚ ﺑﻠﻲ ﺑﺎﺭﻛﺔ ﺭﺍ ﺗﻌﺎﻗﺒﻮ ﺑﻤﺎ ﻓﻴﻪ ﺍﻟﻜﻔﺎﻳﺔ ....

ﻧﺰﺍﺭ / ﺑﻐﻀﺐ / : ﻛﺎﻥ ﻋﻠﻴﻬﻢ ﻳﻔﻜﺮﻭ ﻓﻬﺎﺩﺷﻲ ﻗﺒﻞ ﻣﺎ ﻳﺪﻳﺮﻭ ﻟﻲ ﺩﺍﺭﻭ ﺃﻭ ..... ﺻﺎﻓﻲ ﻧﺴﺎﻱ ﻣﺘﺒﻘﺎﻳﺶ ﺗﺠﺒﺪﻱ ﻫﺎﺩ ﺍﻟﻤﻮﺿﻮﻉ ﻧﺘﻲ ﻫﺘﻤﻲ ﻏﻴﺮ ﺑﺼﺤﺘﻚ ﻟﻤﻬﻢ ﺃﻧﺎ ﻏﻨﻌﺎﻭﺩ ﻧﺴﻮﻝ ﻃﺒﻴﺐ ﺑﺎﺵ ﻳﺘﻬﻨﻰ ﺧﺎﻃﺮﻱ ....

¤ ﻣﺸﻰ ﻧﺰﺍﺭ ﻳﻬﺪﺭ ﻣﻊ ﻃﺒﻴﺐ ﻭ ﺻﻮﻧﺎ ﻋﻠﻴﻪ ﺗﻠﻔﻮﻥ ﻣﻠﻲ ﺟﺒﺪﻭ ﻟﻘﻰ ﺑﻠﻲ ﻭﺻﻠﻮ ﻣﺴﺎﺝ ﻣﻦ ﻋﻨﺪ ﺗﺤﺮﻱ ﻣﺴﻴﻔﻂ ﻟﻴﻪ ﺗﺼﺎﻭﺭ ﻧﻌﻤﺔ ﻭ ﻓﻴﺪﻳﻮﻫﺎﺕ ﻋﻠﻴﻬﺎ .... ﺃﻣﺎ ﻧﻌﻤﺔ ﻓﻔﻬﺎﺩ 6 ﺷﻬﻮﺭ ﺗﻐﻴﺮﻭ ﻓﻴﻬﺎ ﺑﺰﺍﻑ ﺩﻟﺤﻮﺍﻳﺞ ﺑﺤﻴﺖ ﺟﻮﺩ ﺩﺧﻠﻬﺎ ﺩﻳﺮ ﺩﻭﺭﺍﺕ ﺗﻜﻮﻳﻨﻴﺔ ﻓﺎﻟﻠﻐﺎﺕ ﻭ ﺍﻹﻋﻼﻣﻴﺎﺕ ﻭ ﻛﺘﺨﺪﻡ ﻣﻌﺎﻩ ﻛﻤﺴﺎﻋﺪﺓ ﺩﻳﺎﻟﻮ ﻛﻴﻒ ﻣﺎ ﺗﻔﻘﻮﺍ ﻓﻠﻮﻝ .... ﻭ ﻋﺎﻳﺸﺔ ﺣﻴﺎﺗﻬﺎ ﻏﻴﺮ ﻟﻮﻟﺪﻫﺎ ﻭﺍﺧﺎ ﻛﻞ ﻟﻴﻠﺔ ﻛﺘﺠﺒﺪ ﺩﻳﻚ ﺻﻮﺭﺓ ﻟﻲ ﻛﺎﻧﺖ ﺧﺪﺍﺕ ﻣﻦ ﺑﻴﺖ ﻧﺰﺍﺭ ﻛﺘﻌﻨﻘﻬﺎ ﻟﺠﻴﻬﺔ ﻗﻠﺒﻬﺎ ﻭ ﻛﺘﺤﻂ ﺭﺍﺳﻬﺎ ﻋﻠﻰ ﺍﻟﻤﺨﺪﺓ ﻭ ﺗﺒﺪﻯ ﺗﺨﻴﻞ ﻧﺰﺍﺭ ﻭ ﺫﻛﺮﻳﺎﺗﻬﺎ ﻣﻌﺎﻩ

ﻧﻌﻤﺔ : ﺻﺒﺎﺡ ﻟﻠﺨﻴﺮ ﺧﺎﻟﺘﻲ ﺳﻤﻴﺔ

ﺍﻟﺨﺎﻟﺔ ﺳﻤﻴﺔ : ﺻﺒﺎﺡ ﺍﻟﺨﻴﺮ ﺑﻨﺘﻲ ﻛﻴﻒ ﺻﺒﺤﺘﻲ ﺍﻟﻴﻮﻡ

ﻧﻌﻤﺔ / ﻛﺘﻨﻘﺐ ﻣﻦ ﻫﻨﺎ ﻭﻣﻦ ﻫﻨﺎ ﻭ ﻣﺰﺭﻭﺑﺔ / : ﺍﻟﺤﻤﺪ ﺍﻟﻠﻪ ... ﺻﻮﻓﻴﺎ ﻣﺎﺯﺍﻝ ﺧﺎﻣﺮﺓ ﻛﻴﻒ ﺍﻟﻌﺎﺩﺓ

ﺍﻟﺨﺎﻟﺔ ﺳﻤﻴﺔ : ﺃﺵ ﻛﺘﻌﺮﻓﻲ ﻋﻠﻴﻬﺎ ﺟﻠﺴﻲ ﺁﺑﻨﺘﻲ ﺗﻔﻄﺮﻱ ﻣﺎﻟﻜﻲ ﻛﺘﻜﻠﻲ ﺑﺎﻟﻮﻗﻔﻴﺔ ﺭﺍ ﻏﺘﻮﺣﻞ ﻟﻴﻚ

ﻧﻌﻤﺔ : ﻻ ﺍﻟﻴﻮﻡ ﻣﺰﺭﻭﺑﺔ ﺑﺰﺍﻑ ﻋﻨﺪﻧﺎ ﺇﺟﺘﻤﺎﻉ ﻭ ﺧﺎﺻﻨﻲ ﻧﻮﺟﺪ ﻟﻴﻪ ﻗﺒﻞ ﻣﺎ ﻳﺘﺠﻤﻌﻮﺍ

ﺍﻟﺨﺎﻟﺔ ﺳﻤﻴﺔ : ﻳﺎﻙ ﺟﻮﺩ ﻏﻴﺪﻭﺯ ﻋﻠﻴﻚ / ﺑﺤﻜﻢ ﺃﻧﻪ ﺳﺎﻛﻦ ﺑﻮﺣﺪﻭ ﻭ ﻛﻴﺪﻭﺯ ﻋﻠﻴﻬﺎ ﻳﻮﻣﻴﺎ ﻳﺪﻳﻬﺎ /

ﻧﻌﻤﺔ : ﻻ ﺍﻟﻴﻮﻡ ﻏﻨﺸﺪ ﻃﺎﻛﺴﻲ ﺻﻐﻴﺮ ﻳﺪﻳﻨﻲ ﺧﺎﺻﻨﻲ ﻧﺴﺒﻘﻬﻢ ﺣﻴﺖ ﺧﺎﺹ ﻣﻠﻲ ﻳﺠﻲ ﻳﻠﻘﻰ ﻛﻠﺸﻲ ﻭﺍﺟﺪ ﺍﻟﻤﻬﻢ ﺃﻧﺎ ﻣﺸﻴﺖ ﻭ ﺿﻴﺎﺀ ﺇﻳﻼ ﺑﺪﻯ ﻳﺘﻘﻴﺎ ﻋﺎﻭﺗﺎﻧﻲ ﺗﺎﺻﻠﻲ ﺑﻴﺎ ﺭﺍ ﻣﺒﻘﺎﺗﺶ ﺣﺮﺍﺭﺗﻮ ﻃﺎﻟﻌﺔ ﻭ ﺇﻳﻼ ﻛﺎﻧﺖ ﺃﻱ ﺣﺎﺟﺔ ﻏﻴﺮ ﺗﺎﺻﻠﻲ ﺑﻴﺎ ﻧﺠﻲ ﻋﻨﺪﻙ ... ﺳﻤﺤﻴﻠﻲ ﺑﺰﺍﻑ ﻛﻨﺸﻄﻨﻚ

ﺍﻟﺨﺎﻟﺔ ﺳﻤﻴﺔ : ﻭ ﻳﻠﻲ ﺁﺑﻨﺘﻲ ﻣﺘﻘﻮﻟﻴﺶ ﻫﺎﻛﺎ ﺭﺍ ﺩﻳﻤﺎ ﻛﻨﻘﻮﻟﻴﻚ ﻣﻦ ﻧﻬﺎﺭ ﺣﻄﻴﺘﻲ ﺭﺟﻠﻴﻚ ﻓﻬﺎﺩ ﺩﺍﺭ ﺯﺍﺩﺕ ﻧﻮﺭﺍﺕ ﺃﻭ ﺿﻴﺎﺀ ﺑﺴﻢ ﺍﻟﻠﻪ ﻣﺸﺎﺀ ﺍﻟﻠﻪ ﻋﻠﻴﻪ ﻭﻟﻴﺪ ﻛﻴﻒ ﺍﻟﻌﺴﻞ ﻣﻬﺪﺍﻥ ﻭ ﻣﻔﻴﻬﺶ ﺻﺪﺍﻉ ﻭﺍﺧﺎ ﻣﻜﻴﺸﺒﻬﺶ ﻟﻴﻚ ﻭﻟﻜﻦ ﻭﺍﺧﺪ ﻣﻦ ﻃﺒﻌﻚ . .. ﺃﻭ ﻣﻌﻤﺮ ﻋﻠﻴﺎ ﺣﻴﺎﺗﻲ

ﻧﻌﻤﺔ / ﻛﻴﺸﺒﻪ ﺣﺒﻴﺒﻲ ﻭﺭﻭﺣﻲ ﻧﺰﺍﺭ ... ﻧﻌﻤﺔ ﺟﻤﻌﻲ ﺭﺍﺳﻚ ﻣﻨﻴﻦ ﺟﺎﻙ ﺣﺒﻴﺒﻚ ﺳﻴﺪ ﻣﺎﻗﻠﺐ ﻋﻠﻴﻚ ﻣﺎ ﺳﻮﻝ ﻓﻴﻚ / : ﺭﺑﻲ ﻳﺨﻠﻴﻚ ﻟﻴﺎ ﺃﺧﺎﻟﺘﻲ ﺍﻟﻤﻬﻢ ﻫﺎﻧﻲ ﻣﺸﻴﺖ

¤ ﻣﺸﺎﺕ ﻧﻌﻤﺔ ﻟﺸﺮﻛﺔ ﺃﻭ ﻭﺟﺪﺍﺕ ﻛﻠﺸﻲ ﻭﺟﻠﺴﺎﺕ ﻓﺎﻟﺒﻴﺮﻭ ﺩﻳﺎﻟﻬﺎ ﺟﺎ ﺟﻮﺩ ﻭ ﺯﺑﻨﺎﺀ ﺩﻳﺎﻟﻮ ﺩﺍﺯ ﺍﻹﺟﺘﻤﺎﻉ ﻭ ﺧﺮﺝ ﻋﻨﺪﻫﺎ

ﺟﻮﺩ : ﺳﻼﻡ ﺍﻟﻐﺰﺍﻟﺔ ﻟﻴﻮﻣﺎ ﻣﻬﺪﺭﻧﺎﺵ ﻓﺨﻄﺮﺓ

ﻧﻌﻤﺔ : ﺳﻲ ﺟﻮﺩ ﻳﺎﻙ ﻛﻨﻘﻮﻟﻴﻚ ﻣﺘﻘﻮﻟﻴﺶ ﻫﺎﻛﺎ ﻫﻨﺎ ﻏﻴﺴﻤﻌﻮﻙ ﻳﺘﺼﺤﺎﺏ ﻟﻴﻬﻢ ﺑﻴﻨﺘﻨﺎ ﺷﻲ ﺣﺎﺟﺔ

ﺟﻮﺩ : ﻳﺴﻤﻌﻮ ﺃﻻﻟﺔ ﺷﺎﺭﻳﻜﺘﻲ ﻧﻘﻮﻝ ﻟﻲ ﻋﺠﺒﻨﻲ ﻭﻧﺘﻲ ﻣﺘﺒﻘﺎﻳﺶ ﺗﻘﻮﻟﻲ ﺳﻲ ... ﺃﺟﻲ ﺑﻌﺪﺍ ﻋﻄﻴﻨﻲ ﻧﺸﻮﻑ ﺩﺍﻛﺸﻲ ﻟﻲ ﺩﻳﻤﺎ ﻛﺘﺮﺳﻤﻲ ﻓﻴﻦ ﻣﺎ ﻛﻨﺒﻐﻲ ﻧﺸﻮﻓﻮ ﻛﺘﻮﻗﻊ ﺷﻲ ﺣﺎﺟﺔ / ﺧﺪﺍﻩ ﻛﻴﺸﻮﻑ /

ﻧﻌﻤﺔ : ﻭﻟﻜﻦ ﻣﻀﺤﻜﺶ ﻋﻠﻴﺎ ﻋﻔﺎﻙ ﺑﻼ ﻣﺎ ﺗﺤﻄﻤﻨﻲ / ﺟﻮﺩ ﺷﺪﻫﻢ ﻭ ﺑﺪﺍ ﻳﺸﻮﻑ ﻓﻴﻬﻢ ﻣﺪﺓ / ﺃﻭﻳﻠﻲ ﻣﺎﻟﻚ ﺳﻜﺘﻲ ﺍﻓﻔﻒ ﺧﺎﻳﺒﻴﻦ ﻟﺪﺭﺟﺔ ﻓﻘﺪﺗﻲ ﻧﻄﻖ ﻭ ﻧﺎﺭﻱ ﻫﺪﺭ ...

ﺟﻮﺩ : ﻭﺍﺵ ﻧﺘﻲ ﻟﻲ ﺭﺍﺳﻤﺔ ﻫﺎﺩﺷﻲ ﻣﺘﺄﻛﺪﺓ .... ﻋﺮﻓﺘﻲ ﻛﻮﻥ ﻣﻜﻨﻌﺮﻓﻜﺶ ﺃﻧﻘﻮﻝ ﻏﻴﺮ ﺳﺎﺭﻗﺔ ﻫﺎﺩﺷﻲ ﻣﺰﻳﺎﻥ ﺑﺰﺍﻑ

ﻧﻌﻤﺔ : ﻭﺍﺵ ﺑﺼﺢ ﺯﻋﻤﺎ ﻣﻜﺘﻘﻮﻟﻴﺶ ﻫﺎﻛﺎ ﺑﺎﺵ ﺩﻳﺮ ﻟﻲ ﺧﺎﻃﺮﻱ ...

ﺟﻮﺩ : ﻻ ﻧﺘﻲ ﺑﻼﺻﺘﻚ ﻣﺎﺷﻲ ﻣﺴﺎﻋﺪﺓ ﻏﻨﺤﻄﻚ ﻓﺎﻟﻘﺴﻢ ﺍﻹﺑﺪﺍﻋﻲ ﻭ ﺗﻮﻟﻲ ﻭﺣﺪﺓ ﻣﻦ ﺍﻟﻤﺼﻤﻤﻴﻦ ﻳﻌﻨﻲ ﻃﺮﻳﻘﺔ ﺑﺎﺵ ﻛﺘﺮﺳﻤﻲ ﺯﺭﺍﺑﻲ ﻭ ﺍﻷﺛﺎﺙ ﻫﺎﺩﺷﻲ ﺟﺪﻳﺪ ﻏﻴﺮ ﻫﻮ ﺍﻟﺨﻄﻮﻁ ﺑﺎﻗﻲ ﻛﻴﺒﺎﻧﻮ ﻣﺘﻮﺗﺮﻳﻦ ﺧﺎﺹ ﻳﻜﻮﻧﻮ ﺇﻧﺴﻴﺎﺑﻴﻴﻦ ﻭﻟﻜﻦ ﻣﺎﺷﻲ ﻣﺸﻜﻞ ﺃﻧﺎ ﻏﻨﺪﺧﻠﻚ ﻟﻮﺍﺣﺪ ﺍﻟﻤﺪﺭﺳﺔ ﺑﺎﺵ ﺗﺼﻘﻠﻲ ﺍﻟﻤﻮﻫﺒﺔ ﺩﻳﺎﻟﻚ . .. ﻭﺍﻭ ﺭﻭﻋﺔ ﻋﻨﺪﻙ ﻣﻮﻫﺒﺔ ﺧﻄﻴﺮﺓ ... ﻓﻴﻦ ﺗﻌﻠﻤﺘﻲ ﻫﺎﺩﺷﻲ

ﻧﻌﻤﺔ : ﻭﺍﺵ ﺑﺼﺢ ﺯﻋﻤﺎ ﻣﻜﺘﻘﻮﻟﻴﺶ ﻫﺎﻛﺎ ﺑﺎﺵ ﺩﻳﺮ ﻟﻲ ﺧﺎﻃﺮﻱ

ﺟﻮﺩ : ﻻ ﻧﺘﻲ ﺑﻼﺻﺘﻚ ﻣﺎﺷﻲ ﻣﺴﺎﻋﺪﺓ ﻏﻨﺤﻄﻚ ﻓﺎﻟﻘﺴﻢ ﺍﻹﺑﺪﺍﻋﻲ ﻭ ﺗﻮﻟﻲ ﻭﺣﺪﺓ ﻣﻦ ﺍﻟﻤﺼﻤﻤﻴﻦ ﻳﻌﻨﻲ ﻃﺮﻳﻘﺔ ﺑﺎﺵ ﻛﺘﺮﺳﻤﻲ ﺯﺭﺍﺑﻲ ﻭ ﺍﻷﺛﺎﺙ ﻫﺎﺩﺷﻲ ﺟﺪﻳﺪ ﻏﻴﺮ ﻫﻮ ﺍﻟﺨﻄﻮﻁ ﺑﺎﻗﻲ ﻛﻴﺒﺎﻧﻮ ﻣﺘﻮﺗﺮﻳﻦ ﺧﺎﺹ ﻳﻜﻮﻧﻮ ﺇﻧﺴﻴﺎﺑﻴﻴﻦ ﻭﻟﻜﻦ ﻣﺎﺷﻲ ﻣﺸﻜﻞ ﺃﻧﺎ ﻏﻨﺪﺧﻠﻚ ﻟﻮﺍﺣﺪ ﺍﻟﻤﺪﺭﺳﺔ ﺑﺎﺵ ﺗﺼﻘﻠﻲ ﺍﻟﻤﻮﻫﺒﺔ ﺩﻳﺎﻟﻚ . .. ﻭﺍﻭ ﺭﻭﻋﺔ ﻋﻨﺪﻙ ﻣﻮﻫﺒﺔ ﺧﻄﻴﺮﺓ ... ﻓﻴﻦ ﺗﻌﻠﻤﺘﻲ ﻫﺎﺩﺷﻲ

ﻧﻌﻤﺔ : ﺁﻩ ﺃﻧﺎ ﻛﻨﺖ ﻛﻨﺼﺎﻳﺐ ﺯﺭﺍﺑﻲ ﻭﻗﺒﻞ ﻣﺎ ﻧﺒﺪﻯ ﻧﺨﺪﻡ ﻓﻴﻬﺎ ﻛﻨﺖ ﻛﻨﺮﺳﻤﻬﺎ ﻫﻮ ﻟﻮﻝ ﻭ ﻛﻨﺖ ﻛﻠﻘﻰ ﻃﻠﺐ ﻋﻠﻰ ﺯﺭﺍﺑﻲ ﺩﻳﺎﻭﻟﻲ .... ﺻﺎﻓﻲ ﺃﻧﺎ ﻣﻮﺍﻓﻘﺔ / ﺣﻤﺪﺗﻚ ﻳﺎ ﺭﺑﻲ ﻭﺷﻜﺮﺗﻚ ﺣﻴﺎﺗﻲ ﻏﺎﺩﺓ ﻭ ﻛﺘﻘﺎﺩ ﻓﻴﻦ ﻛﻨﺖ ﻭ ﻓﻴﻦ ﻭﻟﻴﺖ ..

¤ ﺟﻮﺩ ﻣﺸﻰ ﻗﻠﺐ ﻋﻠﻰ ﺃﺣﺴﻦ ﻣﺪﺭﺳﺔ ﺧﺎﺻﺔ ﺑﺎﻟﺮﺳﻢ ﺑﺎﺵ ﺗﻌﻠﻢ ﺍﻷﺳﺎﺳﻴﺎﺕ ﺩﻳﺎﻝ ﺍﻟﺮﺳﻢ ﻭﺿﺒﻂ ﻣﻮﻫﺒﺘﻬﺎ ﻛﺜﺮ .... ﻭ ﻣﺎ ﻫﻲ ﺇﻳﻼ ﻟﺤﻈﺎﺕ ﻭ ﺧﺪﺍ ﻟﻴﻬﺎ ﻣﻘﺎﺑﻠﺔ ﺑﺎﺵ ﻳﺸﻮﻓﻮﻫﺎ ﺣﻴﺖ ﻛﺘﻌﺘﺒﺮ ﻣﻦ ﺃﺣﺴﻦ ﻭ ﺃﻏﻠﻰ ﺍﻟﻤﺪﺍﺭﺱ .... ﻭ ﻣﻜﻴﺪﺧﻠﻮﻛﺶ ﺣﺘﻰ ﻳﺸﻮﻓﻮ ﻣﺆﻫﻼﺗﻚ ﻭ ﺩﺍﻛﺸﻲ ﻟﻲ ﻛﺎﻥ ﻣﺸﺎﺕ ﻧﻌﻤﺔ ﻟﺪﻳﻚ ﺍﻟﻤﺪﺭﺳﺔ ﻭ ﺩﻭﺯﺍﺕ ﺍﻟﻤﻘﺎﺑﻠﺔ ﻭ ﻟﻜﻦ ﺗﺼﺪﻣﺎﺕ ﻣﻠﻲ ﻋﺮﻓﺎﺕ ﺛﻤﻦ ﻟﻲ ﻏﻴﺘﺨﻠﺺ ﻭﻣﺸﺎﺕ ﻧﻴﺸﺎﻥ ﻋﻨﺪ ﺟﻮﺩ ﻭ ﺧﻴﺒﺔ ﺍﻷﻣﻞ ﻏﻤﺮﺍﻫﺎ . ..

ﻧﻌﻤﺔ : ﺃﻧﺎ ﻣﻐﻨﻘﺮﺍﺵ ﻓﺪﻳﻚ ﺍﻟﻤﺪﺭﺳﺔ ﻏﺎﻟﻴﺔ ﺑﺰﺍﻑ ﻭ ﺃﻧﺎ ﻣﺎﻳﻤﻜﻨﺶ ﻧﺨﻠﻴﻚ ﺗﺨﻠﺺ ﻫﺎﺩﺷﻲ ﻛﺎﻣﻞ ﻋﻠﻴﺎ

ﺟﻮﺩ : ﻋﻼﺵ ﻛﺘﻘﻮﻟﻲ ﻫﺎﻛﺎ ﺣﻨﺎ ﻣﺎﺑﻴﻨﺎﺗﻨﺎﺵ ﻫﺎﺩﺷﻲ ﻭ ﻟﻜﻦ ﻋﺘﺎﺑﺮﻳﻬﻢ ﺳﻠﻒ ﻭ ﺃﻧﺎ ﺭﺍ ﻏﻨﺴﺘﺎﻓﺪ ﻣﻦ ﻣﻮﻫﺒﺘﻚ ﻳﻌﻨﻲ ﺑﺤﺎﻝ ﺇﺳﺘﺜﻤﺎﺭ ﻟﻠﻤﺴﺘﻘﺒﻞ ﻳﻌﻨﻲ ﻣﻐﻨﺨﺴﺮﺵ

ﻧﻌﻤﺔ / ﺑﺤﺰﻡ / : ﻭ ﻟﻮ ﺃﻧﺎ ﻣﻨﻘﺪﺭﺵ ﻭ ﺃﺻﻼ ﻋﺘﺎﺫﺭﺕ ﻟﻴﻬﻢ ﻭﻗﻠﺖ ﻟﻴﻬﻢ ﺑﻠﻲ ﻣﻨﻘﺪﺵ ﻋﻠﻰ ﻫﺎﺩ ﺍﻟﻤﺒﻠﻎ ﻭﺍﺧﺎ ﻫﻮﻣﺎ ﻋﺠﺒﻬﻮﻡ ﺑﺰﺍﻑ ﺩﺍﻛﺸﻲ ﻟﻲ ﺭﺳﻤﺖ ﻭ ﺃﻧﺎ ﻭﻳﺎﻙ ﻋﺎﺭﻓﻴﻦ ﺑﻠﻲ ﻣﻐﺎﺩﻳﺶ ﺗﻘﺒﻞ ﺗﺎﺧﺪ ﻣﻦ ﻋﻨﺪﻱ ﺍﻟﻔﻠﻮﺱ ﻓﻠﻮ ﺳﻤﺤﺖ ﺧﻠﻴﻨﻲ ﻧﻘﻠﺐ ﻋﻠﻰ ﻣﺪﺭﺳﺔ ﻣﻨﺎﺳﺒﺎﻧﻲ ﻣﺎﺩﻳﺎ .....

¤ ﺑﺎﻟﻄﺒﻴﻌﺔ ﺍﻟﺤﺎﻝ ﻫﺎﺩﺷﻲ ﻛﺎﻣﻞ ﻭﺻﻞ ﻟﻨﺰﺍﺭ ﻟﻲ ﻗﺮﺭ ﻳﺪﺧﻞ ﻭ ﻳﻌﺎﻭﻧﻬﺎ ﻣﻦ ﺑﻌﻴﺪ .... ﻭ ﻣﺎﻫﻲ ﺇﻳﻼ ﻟﻠﺤﻈﺎﺕ ﺣﺘﻰ ﺑﺪﻯ ﺗﻠﻔﻮﻥ ﻧﻌﻤﺔ ﺑﺼﻮﺗﻲ .

ﻧﻌﻤﺔ : ﺃﻟﻮ ﺷﻜﻮﻥ ﻣﻌﺎﻳﺎ

ﺍﻟﻜﺎﺗﺒﺔ : ﻣﻌﺎﻙ ﻣﺪﺭﺳﺔ ﺟﻮﻟﻴﺎﺭﺩ ﻟﻠﻔﻨﻮﻥ ﺍﻟﺠﻤﻴﻠﺔ ﻭﺍﺵ ﺁﻧﺴﺔ ﻧﻌﻤﺔ ﺍﻟﻬﺎﺩﻱ .. ؟؟

ﻧﻌﻤﺔ : ﺁﻩ ﻫﻲ ﻫﺎﺩﻱ

ﺍﻟﻜﺎﺗﺒﺔ : ﺁﻧﺴﺔ ﻧﻌﻤﺔ ﺑﻐﻴﺖ ﻧﻘﻮﻟﻴﻚ ﺑﻠﻲ ﺗﻘﺒﻠﺘﻲ ﻣﻌﺎﻧﺎ ﻭ ﻣﻤﻜﻦ ﺗﺒﺪﺍﻱ ﻓﺄﻱ ﻭﻗﺖ ﺣﻴﺖ ﺍﻟﻤﻮﻫﺒﺔ ﺩﻳﺎﻟﻚ ﺃﺛﺮﺍﺕ ﻓﻴﻬﻢ ﻭﻗﺮﺭﻭ ﺃﻧﻬﻢ ﻳﻌﻄﻴﻮﻙ ﻣﻨﺤﺔ ﻣﺮﺣﺒﺎ ﺑﻴﻚ ﻣﻌﺎﻧﺎ ﻭ ﻛﻨﺘﻤﻨﻰ ﻟﻴﻚ ﺗﻮﻓﻴﻖ

ﻧﻌﻤﺔ / ﻏﻴﺮ ﺳﻤﻌﺖ ﺍﻻﺧﺒﺎﺭ ﺑﺪﺍﺕ ﺗﺘﻨﻘﺰ ﻣﻦ ﺍﻟﻔﺮﺣﺔ / ﺷﻜﺮﺍ ﻟﻴﻜﻢ ﺑﺰﺍﻑ

ﺍﻟﻜﺎﺗﺒﺔ : ﺍﻟﻌﻔﻮ ﻫﺬﺍ ﻭﺍﺟﺐ

ﻧﻌﻤﺔ ﻏﻴﺮ ﻗﻄﻌﺖ ﻣﻊ ﺍﻟﻜﺎﺗﺒﺔ ﻭﺃﻭﻝ ﻭﺍﺣﺪ ﻓﻜﺮﺕ ﺗﺎﺻﻞ ﺑﻴﻪ ﻭﺗﻔﺮﺣﻮﺍ ﻫﻮ ﺟﻮﺩ

ﺳﺮ ﺳﺮ ﺳﺮ

ﺟﻮﺩ : ﺃﻟﻮ ﻧﻌﻮﻣﺘﻲ ﻻﺑﺎﺱ ﻋﻠﻴﻚ

ﻧﻌﻤﺔ : ﺍﻭﻭﻭﻭﻑ ﻳﺎﻙ ﺩﻳﻤﺎ ﺗﻨﻘﻮﻝ ﻟﻚ ﺳﻤﻴﺘﻲ ﻧﻌﻤﺔ ﻣﺎ ﺗﺒﻘﺎﺵ ﺗﻘﻮﻝ ﻟﻴﺎ ﻧﻌﻮﻣﺘﻲ

ﺟﻮﺩ : ﻭﺍﺧﺔ ﺍﻻﻟﺔ ﻧﻌﻤﺔ ﻻﺑﺎﺱ

ﻧﻌﻤﺔ : ﺍﻟﺤﻤﺪ ﻟﻠﻪ / ﺑﻔﺮﺡ / ﻋﻨﺪﻱ ﻟﻴﻚ ﻭﺍﺣﺪ ﺍﻟﺨﺒﺎﺭ ﺯﻭﻳﻦ

ﺟﻮﺩ : ﺷﻨﻮ ﻫﻮ ﻫﺎﺩ ﺍﻟﺨﺒﺎﺭ

ﻧﻌﻤﺔ : ﺗﻘﺒﻠﺖ ﻓﻲ ﻣﺪﺭﺳﺔ ﺍﻟﻔﻨﻮﻥ ﺍﻟﺠﻤﻴﻠﺔ ﺑﻤﻨﺤﺔ

ﺟﻮﺩ : ﻫﻬﻬﻬﻪ ﺑﺼﺢ ﺍﻳﻮ ﻣﺒﺮﻭﻙ ﻋﻠﻴﻚ .... ﺍﻳﻮﺍ ﻫﺎﺩ ﺍﻟﺨﺒﺎﺭ ﺧﺎﺻﻬﺎ ﺷﻲ ﻋﺮﺍﺿﺔ

ﻧﻌﻤﺔ : ﻣﺮﺣﺒﺎ ﺗﺴﺘﺎﻫﻞ ﻛﻞ ﺧﻴﺮ

ﺟﻮﺩ : / ﺑﻐﻰ ﻏﻴﺮ ﺍﻟﻔﺮﺻﺔ ﻳﻜﻮﻥ ﻣﻌﻬﺎ / ﻭﻫﻲ ﺍﻻ ﻋﺮﺿﺘﻲ ﻋﻠﻴﺎ ﺩﺍﺑﺔ

ﻧﻌﻤﺔ : ﺩﺍﺑﺔ ﻭﻟﻜﻦ ﺭﺍﻩ 20:00 ﻫﺎﺩﻱ

ﺟﻮﺩ : ﺍﻳﻮ ﺭﺍﻩ ﺑﺎﻗﻲ ﺍﻟﺤﺎﻝ ﻋﻠﻰ ﺍﻟﻌﺸﺎ ﺍﺯﻗﺮﺍﻣﺔ ... ﻭﺍﻧﺎ ﻧﺠﻲ ﺣﺘﺎﻝ ﻋﻨﺪﻙ

ﻧﻌﻤﺔ : ﻫﻬﻬﻪ ﺍﻭﻛﻲ ﺍﻧﺎ ﻧﺘﺴﻨﺎﻙ

ﺟﻮﺩ : / ﻧﺎﺽ ﻣﻦ ﺑﻼﺻﺘﻮ ﺑﺎﻟﻔﺮﺣﺔ / ﺍﻭﻙ ﺍﻟﺰﻳﻦ ﺩﻳﺎﻟﻲ ﺍﻧﺎ ﻧﺘﺴﻨﺎﻙ

¤ ﻧﺎﺿﺖ ﻧﻌﻤﺔ ﻟﺒﺴﺖ ﺣﻮﺍﻳﺠﻬﺎ ﻭﻗﺎﺩﺕ ﺣﺎﻟﺘﻬﺎ ... ﺩﺍﺭﺕ ﻣﻴﻜﺎﺏ ﺧﻔﻴﻒ ﺑﺤﺎﻝ ﺩﻳﻤﺎ ... ﻭﻏﻴﺮ ﺻﻮﻧﺎ ﻋﻠﻴﻬﺎ ﻭﺧﺮﺟﻮ ﺑﺰﻭﺝ ﺑﻴﻬﻢ ﺿﺤﻜﻮ ﻭﻧﺸﻄﻮ ﻭﺗﻌﺸﺎﻭ .... ﺑﻼ ﻣﺎ ﻳﺮﺩﻭ ﺍﻟﺒﺎﻝ ﻟﺘﺤﺮﻱ ﻟﺘﺎﺑﻌﻬﻢ .... ﻭﻛﻴﺺﻭﺭ ﻓﻴﻬﻢ ... ﻓﺎﺵ ﺳﺎﻻﻭ ﻭﺻﻠﻬﺎ ﺟﻮﺩ ﻟﺪﺍﺭ ... ﻧﺰﻝ ﻣﻌﻬﺎ ﻟﺤﺪﻯ ﺍﻟﺒﺎﺏ ... ﻭﻗﺒﻞ ﻣﺎ ﺗﻤﺸﻲ ﺑﺎﺱ ﻓﻲ ﺧﺪﻫﺎ ﻓﻲ ﻏﻔﻠﺔ ﻣﻨﻬﺎ ... ﻭﺍﻛﻴﺪ ﺍﻟﺘﺤﺮﻱ ﺻﻮﺭﻫﺎ ... ﻧﻌﻤﺔ ﺣﺸﻤﺖ ﻭﺗﺼﺪﻣﺖ ﻭﺑﻘﺎﺕ ﻭﺍﻗﻔﺔ ﺗﺘﺒﺮﻕ ﻓﻲ ﻋﻴﻨﻴﻬﺎ .... ﻓﻲ ﺣﻴﻦ ﺟﻮﺩ ﻧﺰﻝ ﻋﻠﻰ ﺭﺟﻠﻴﻪ ... ﻭﺟﺒﺪ ﺑﻮﺍﻃﺔ ﻣﻦ ﺟﻴﺒﻮ ﻓﻴﻬﺎ ﺍﻟﺨﺎﺗﻢ ﺩﻳﺎﻝ ﺍﻟﺰﻭﺍﺝ ﻭﻗﺪﻣﻮ ﻟﻨﻌﻤﺔ

ﺟﻮﺩ : / ﺑﻨﻈﺮﺓ ﻛﻠﻬﺎ ﺣﺐ / ﻧﻌﻤﺔ ﺍﻟﻬﺎﺩﻱ ﻭﺍﺵ ﺗﻘﺒﻠﻲ ﺑﻬﺎﺩ ﺍﻟﺸﺎﺏ ﻟﺘﻴﺤﻤﺎﻕ ﻭﻳﺘﺴﻄﻰ ﻋﻠﻴﻚ ﻭﺗﺒﻐﻴﻚ ﻣﻦ ﻗﻠﺒﻮ .. ﺭﺍﺟﻞ ﻟﻴﻚ .. ﻭﺍﺵ ﺗﻘﺒﻠﻲ ﺗﺰﻭﺟﻲ ﺑﻴﺎ

ﻧﻌﻤﺔ : / ﻣﺼﺪﻭﻣﺔ / ﺍﻟﺼﻤﺖ

ﺟﻮﺩ : ﻧﻌﻤﺔ ﺍﻧﺎ ﺑﻐﻴﺘﻚ ﻣﻦ ﺍﻭﻝ ﻣﺮﺓ ﻧﺸﻮﻓﻚ ﻓﻴﻬﺎ ... ﺧﻄﻔﺘﻲ ﻗﻠﺒﻲ ... ﻭﺍﻟﻘﺪﺭ ﻋﺎﻭﺩ ﻟﻘﺎﻧﻲ ﺑﻴﻚ ﻣﺮﺓ ﺍﺧﺮﻯ ... ﻭﻓﻲ ﺩﺍﻙ ﺍﻟﻮﻗﺖ ﻛﻨﺘﻲ ﻣﺠﺮﻭﻋﺔ ... ﻫﺎﺩ ﺷﻲ ﻋﻼﺵ ﻣﺎ ﻗﺪﺭﺕ ﻧﻌﺘﺎﺭﻑ ﻟﻴﻚ ﺑﻮﺍﻟﻮ ... ﻧﺘﻲ ﻋﺎﺭﻓﻨﻲ ﺷﺤﺎﻝ ﺗﻨﺒﻐﻲ ﺿﻴﺎﺀ ﻭﺗﻨﻌﺘﺎﺑﺮﻭ ﺑﺤﺎﻝ ﻭﻟﺪﻱ ﻭﻫﻮ ﻣﺤﺘﺎﺝ ﻻﺏ ﻳﻮﻗﻒ ﻣﻌﺎﻩ ﻭﻳﺴﺎﻧﺪﻭ ﻛﻴﻒ ﻣﺎ ﻧﺘﻲ ﻣﺤﺘﺎﺟﺔ ﻟﺰﻭﺝ ﻳﺮﻋﺎﻙ ﻭﻳﺒﻐﻴﻚ ... ﻧﺘﻲ ﺑﺎﻗﺔ ﺻﻐﻴﺮﺓ ﻭﻣﺎ ﻳﻤﻜﻨﺶ ﺗﺒﻘﺎﻱ ﺣﻴﺎﺗﻚ ﻛﻠﻬﺎ ﺑﻮﺣﺪﻙ ... ﺿﺮﻭﺭﻱ ﻏﺎﺩﺓ ﺗﺤﺘﺎﺟﻲ ﺷﺮﻳﻚ ﻳﺤﻤﻞ ﻣﻌﺎﻙ ﺍﻋﺒﺎﺀ ﺍﻟﺤﻴﺎﺓ ... ﻭﻭﻟﺪﻙ ﻻﺑﺪ ﻣﺎ ﻳﺘﺤﻂ ﻓﻲ ﺍﻟﺤﺎﻟﺔ ﺍﻟﻤﺪﻧﻴﺔ ﺑﺎﺵ ﻳﻘﺪﺭ ﻳﻌﻴﺶ ﻓﻲ ﻫﺎﺩ ﺍﻟﺤﻴﺎﺓ ﺍﻟﻘﺎﺻﻴﺔ ﺍﻻ ﻣﺎ ﺑﻐﻴﺘﻴﺶ ﺗﺰﻭﺟﻲ ﺑﻴﺎ ﻋﻠﻰ ﻗﺒﻠﻚ ﻧﺘﻲ ﻓﻘﺒﻠﻲ ﺑﻴﺎ ﻏﻴﺮ ﻋﻠﻰ ﻗﺒﻞ ﻭﻟﺪ ﻭﺍﻧﺎ ﺍﻥ ﺷﺎﺀ ﺍﻟﻠﻪ ﻏﺎﺩﻱ ﻧﺨﻠﻴﻚ ﺗﺒﻐﻴﻨﻲ ... ﻭﺣﺘﻰ ﻣﻦ ﺍﻟﻮﻟﻴﺪﺓ ﻓﺎﺗﺤﺘﻬﺎ ﻓﻲ ﺍﻟﻤﻮﺿﻮﻉ ﻭﻭﺍﻓﻘﺖ ... ﻭﺩﺍﺑﺔ ﺍﻟﻘﺮﺍﺭ ﺑﻴﺪﻙ .... ﻧﻌﻤﺔ : / ﺗﺼﺪﻣﺖ ﻣﺎ ﻋﺮﻓﺖ ﻣﺎ ﺗﻮﺧﺮ ﻭﻻ ﺗﻘﺪﻡ /

ﺟﻮﺩ : ﻭﺍﺵ ﻏﺎﺩﻱ ﺗﺨﻠﻴﻨﻲ ﺑﺎﺭﻙ ﻋﻠﻰ ﺭﻛﺎﺑﻴﺎ ﻟﻮﻗﺖ ﻃﻮﻳﻞ

ﻧﻌﻤﺔ : / ﺗﺨﺎﻟﻄﻮ ﻋﻠﻴﺎ ﺍﻻﻣﻮﺭ ﻣﺎ ﺑﻴﻦ ﻭﺍﺣﺪ ﺗﺘﺤﻤﺎﻕ ﻋﻠﻴﻪ ﻭﻟﻜﻦ ﺳﺎﻣﺢ ﻓﻴﻬﺎ ... ﻭﻭﺍﺣﺪ ﺗﻴﺒﻐﻴﻬﺎ ﻭﻳﻤﻮﺕ ﻋﻠﻴﻬﺎ ﻭﺳﺎﻧﺪﻫﺎ ﻓﻲ ﻭﻗﺖ ﻟﻲ ﻛﺎﻧﺖ ﻓﻴﻪ ﺿﺎﻳﻌﺔ ﺳﻮﺍﺀ ﻫﻮ ﺍﻭ ﻋﺎﺋﻠﺘﻮ ... ﻋﻜﺲ ﻋﺎﺋﻠﺔ ﻧﺰﺍﺭ ﻟﺸﺮﺑﺘﻬﺎ ﺍﻟﻤﺮﺍﺭ ... ﻋﺎﺩ ﻓﻜﺮﺕ ﺑﺎﻥ ﺟﻮﺩ ﻋﻨﺪﻭ ﺍﻟﺤﻖ ﻫﻲ ﺧﺎﺻﻬﺎ ﺗﺘﺰﻭﺝ ﻋﻠﻰ ﺍﻻﻗﻞ ﻋﻠﻰ ﻗﺒﻞ ﻭﻟﺪﻭ ﺣﻴﺚ ﺧﺎﺻﻬﺎ ﺗﺼﻠﻴﺐ ﻟﻴﻪ ﺍﻟﻮﺭﺍﻕ ﻭﻣﺎ ﺗﺨﻠﻴﻬﺶ ﻳﻌﻴﺶ ﺍﻟﻴﺘﻢ ﺷﺎﻓﺖ ﻓﻲ ﺟﻮﺩ ﻣﻄﻮﻻ ﻭﻧﻄﻘﺖ ﻭﻗﻠﺒﻬﺎ ﺗﻴﺘﻘﻄﻊ / ﻣﻮﺍﻓﻘﺔ

ﺟﻮﺩ : / ﺑﺼﺪﻣﺖ ﻣﺨﻠﻄﺔ ﺑﻔﺮﺣﺔ / ﻛﻲ ﻛﻴﻔﺎﺵ

ﻧﻌﻤﺔ : ﻣﻮﺍﻓﻘﺔ ﻧﺘﺰﻭﺝ ﺑﻴﻚ

ﺟﻮﺩ : / ﻭﻗﻒ ﻭﻋﻨﻘﻬﺎ ﻭﺗﻴﺪﻭﺭ ﺑﻴﻬﺎ / ﻫﻬﻬﻬﻬﻪ ﻳﺲ ﻳﺲ ﺍﻟﻴﻮﻡ ﺃﻧﺎ ﺃﺳﻌﺪ ﻭﺍﺣﺪ ﻓﻲ ﺍﻟﺪﻧﻴﺎ .... ﺗﻨﺒﻐﻴﻚ ﺍ ﻧﻌﻤﺔ ﺗﻨﺒﻐﻴﻚ

ﻧﻌﻤﺔ : / ﺑﺤﺸﻤﺔ ﻭﺻﺪﻣﺔ ﻣﻦ ﺯﻋﺎﻣﺔ ﺩﻳﺎﻝ ﺟﻮﺩ ... ﺣﻴﺚ ﻫﺎﺩﻱ ﺍﻭﻝ ﻣﺮﺓ ﻳﻌﻨﻘﻬﺎ ﺍﻭ ﻳﻘﺮﺏ ﻣﻨﻬﺎ ﻟﻬﺎﺩ ﺍﻟﺪﺭﺟﺔ / ﺟﻮﺩ ﺻﺎﻓﻲ ﺑﺎﺭﻛﺔ ﺍﻟﻨﺎﺱ ﻏﺎﺩﻱ ﻳﺸﻮﻓﻮﻧﺎ

ﺟﻮﺩ : / ﺷﺪ ﻳﺪﻫﺎ ﻭﺭﻛﺐ ﻟﻴﻬﺎ ﺍﻟﺨﺎﺗﻢ / ﻳﺸﻮﻑ ﻟﻲ ﺑﻐﻰ ﻳﺸﻮﻑ .... ﻏﻴﺮ ﻧﻮﺟﺪ ﻟﻚ ﻭﺭﺍﻗﻚ ﻭﻧﺘﺰﻭﺟﻮ ﺍﺯﻳﻦ ﺩﻳﺎﻟﻲ / ﺟﺮﻫﺎ ﻋﻨﺪﻭ ﻭﺯﻳﺮ ﻋﻠﻴﻬﺎ ﻣﻦ ﻛﺘﺎﻓﻬﺎ / ﺩﺍﺑﺔ ﻣﺎ ﺑﻘﻴﺖ ﻏﺎﺩﻱ ﺣﺘﻰ ﻧﻔﺮﺡ ﺍﻟﻮﻟﻴﺪﺓ ﻭﺻﻮﻓﻴﺎ

¤ ﺟﺮ ﺟﻮﺩ ﻧﻌﻤﺔ ﻭﺩﺧﻠﻬﺎ ﻟﻠﺪﺍﺭ ... ﻟﻘﺎﻭ ﻣﺎﻣﺎﻩ ﺷﺎﺩﺓ ﺿﻴﺎﺀ ﻭﺗﺘﻠﻌﺐ ﻣﻌﺎﻩ ... ﺩﺧﻠﻮ ﻭﻗﻞ ﻟﻴﻬﺎ ﺟﻮﺩ ﺍﻟﺨﺒﺎﺭ ... ﻭﺩﻳﻚ ﺍﻟﺴﺎﻋﺔ ﺑﻐﺎﺕ ﺗﻄﻴﺮ ﺑﺎﻟﻔﺮﺣﺔ ﻻ ﻫﻲ ﻻ ﺻﻮﻓﻴﺎ ... ﺍﻣﺎ ﻧﻌﻤﺔ ﺗﺘﺒﺴﻢ ﺑﺰﺯ ﻭﺩﺍﻳﺮﺓ ﻟﻴﻬﻢ ﺍﻟﺨﺎﻃﺮ ... ﺍﻣﺎ ﻗﻠﺒﻬﺎ ﺗﻴﺘﻘﻄﻊ ﻃﺮﺍﻑ ﻃﺮﺍﻑ ... ﻭﻫﻲ ﺗﺘﺤﺎﻭﻝ ﺗﻜﺒﺢ ﻫﺎﺩ ﺍﻻﻟﻢ ... ﺟﺮﻫﺎ ﺟﻮﺩ ﺟﻠﺴﻬﺎ ﺣﺪﺍﻩ ﻭﺻﻮﻓﻴﺎ ﺗﺘﺼﻮﺭ ﻓﻴﻬﻢ ﺑﻴﺒﻮﺯﺍﺕ ﺣﻤﻘﻴﻦ ﻭﻧﻌﻤﺔ ﻣﺴﺎﻳﺮﻫﻢ ﺑﺎﺵ ﻣﺎ ﻳﺤﺴﻮ ﺑﻮﺍﻟﻮ .... ﺣﺘﻰ ﻣﺎ ﺑﻘﺎﺗﺶ ﻗﺎﺩﺭﺓ ﺗﺘﺤﻤﻞ ... ﺳﺘﺄﺫﻧﺖ ﻣﻨﻬﻢ ﺑﺤﺠﺔ ﺍﻧﺎ ﻏﺎﺩﺓ ﺗﻨﻌﺲ ﺿﻴﺎﺀ .... ﻭﻃﻠﻌﺖ ﻟﺒﻴﺘﻬﺎ ... ﻋﻨﻘﺖ ﻭﻟﺪﻫﺎ ﻭﻃﻠﻘﺖ ﺍﻟﻌﻨﺎﻥ ﻟﺪﻣﻮﻋﻬﺎ

ﻧﻌﻤﺔ : / ﺗﺘﺒﻜﻲ / ﻫﺊ ﻫﺊ ﻫﺊ ﻫﺊ ﻫﺊ ﻫﺊ ﻋﻼﺵ ﻋﻼﺵ ﺃﻧﺎ ﻣﺎﺯﺍﻝ ﺗﻨﻔﻜﺮ ﻓﻴﻪ .... ﻋﻼﺵ ﻣﺎ ﻗﺪﺭﺗﺶ ﻧﻨﺴﺎﻩ .... ﻭﻫﻮ ﻧﺴﺎﻧﻲ ﻭﻧﺴﻰ ﻭﻟﺪﻭ ﻭﻣﺎ ﺣﺎﻭﻟﺶ ﻳﻘﻠﺐ ﻋﻠﻴﻨﺎ .... ﻭﺍﺵ ﻟﻬﺎﺩ ﺍﻟﺪﺭﺟﺔ ﻣﺎ ﻛﺎﻧﺶ ﻃﻴﻘﺘﻲ ﻫﺊ ﻫﻰ ﻫﺊ / ﺷﻮﻳﺔ ﻣﺴﺤﺖ ﺩﻣﻮﻋﻬﺎ / ﻻ ﻻ ﺍﻧﻌﻤﺔ ﻧﺘﻲ ﺭﺍﻙ ﺣﻠﻔﺘﻲ ﻣﺎ ﺗﺒﻘﺎﻳﺶ ﻃﻴﺤﻲ ﺩﻣﻌﺔ ﻋﻠﻰ ﻗﺒﻠﻮ ...... ﻫﺊ ﻫﺊ ﻫﺊ ﻫﺊ ﻭﻟﻜﻦ ﻣﺎ ﻗﺪﺭﺗﺶ ﻣﺎ ﻗﺪﺭﺗﺶ ﺍﻧﺎ ﺗﻨﺒﻐﻴﻪ ﻭﻏﺎﺩﺓ ﻧﺒﻘﻰ ﻧﺒﻐﻴﻪ .... ﻭﺍﺧﺔ ﻋﺎﺭﻓﺔ ﻫﺬﺍ ﺣﺐ ﻣﻦ ﻃﺮﻑ ﻭﺍﺣﺪ .... / ﺷﺎﻓﺖ ﻓﻲ ﺿﻴﺎﺀ / ﺻﺎﻓﻲ ﺩﺍﺑﺔ ﺟﺎ ﺍﻟﻮﻗﺖ ﻟﻨﺴﺎﻩ ﻓﻴﻪ .... ﻳﺎﻙ ﺍﻭﻟﺪﻱ ... ﺩﺍﺑﺔ ﺟﻮﺩ ﻫﻮ ﻟﺨﺎﺻﻮ ﻳﺎﺧﺪ ﺑﻼﺻﺔ ﻓﻲ ﻗﻠﺒﻲ ﻭﺍﻧﺎ ﻏﺎﺩﺓ ﻧﺪﻳﺮ ﺟﻬﺪﻱ ﻛﻠﻮ ﺑﺎﺵ ﻧﺒﻐﻴﻪ .... ﺟﻮﺩ ﻏﺎﺩﻱ ﻳﻜﻮﻥ ﻟﻴﻚ ﻧﻌﻤﺔ ﺍﻻﺏ

ﺿﻴﺎﺀ : ﻭﺍﺍﺍﺍﺍﺍﺍﺍﺍﺍﺍﺍﺍﺍﺍﻉ ﻭﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻉ

ﻧﻌﻤﺔ : / ﺗﺘﺴﻜﺖ ﻓﻴﻪ / ﺻﺎﻓﻲ ﺍﺣﺒﻴﺐ ﻣﺎﻣﺎﻩ .... ﺣﺘﻰ ﻧﺖ ﺗﻮﺣﺸﺘﻲ ﺑﺎﺑﺎﻙ ﻳﺎﻙ .... ﻭﻟﻜﻦ ﻟﻼﺳﻒ ﻫﻮ ﻣﺎ ﺗﻮﺣﺸﻨﺎﺵ ﺃﺡ ﺃ ﻗﻠﺒﻲ ﻛﻲ ﻏﻨﺴﺎﻩ ﺃﻭ ﻭﻟﺪﻱ ﻧﺴﺨﺔ ﻃﺒﻖ ﺍﻷﺻﻞ ﻋﻠﻴﻪ ﻛﻲ ﻧﺴﺎﻩ ﺃﻭ ﺃﻧﺎ ﻗﺪﺍﻡ ﻋﻴﻨﻲ ﻗﻄﻌﺔ ﻣﻨﻮ ﻛﺘﻜﺒﺮ ﻗﺪﺍﻡ ﻋﻴﻨﻲ ... ﻳﺎ ﺭﺑﻲ ﺳﺎﻋﺪﻧﻲ

¤ ﺑﻘﺎﺕ ﻧﻌﻤﺔ ﺗﺘﺒﻜﻲ ﻫﻲ ﻣﻌﻨﻘﺔ ﻭﻟﺪﻫﺎ ﻭﺗﺘﺮﺍﺭﻱ ﺑﻴﻪ ﺣﺘﻰ ﻧﻌﺲ ﺣﻄﺎﺗﻮ ﺣﺪﺍﻫﺎ ﻭﻧﻌﺴﺖ ﺣﺪﺍﻩ

☆☆☆☆☆☆☆☆☆☆☆☆☆

ﻓﻲ ﺃﻣﺮﻳﻜﺎ

¤ ﺭﻳﺎﻥ ﺟﺎﻟﺲ ﺗﻴﺸﺮﺏ ﺍﻟﻘﻬﻮﺓ ﺩﻳﺎﻟﻮ ﺣﺘﻰ ﺗﻴﻮﺻﻠﻮ ﺍﺧﺒﺎﺭ ﻧﻌﻤﺔ ﻓﻲ ﺍﻳﻤﺎﻳﻞ ﺩﻳﺎﻟﻮ .... ﻏﻴﺮ ﻓﺘﺤﻮ .... ﻭﺷﺎﻑ ﺗﺼﺎﻭﺭ ﻧﻌﻤﺔ ﻣﻊ ﺟﻮﺩ ﻛﻴﻔﺶ ﺗﻴﺎﻛﻠﻮ ﻭﺗﻴﻀﺤﻜﻮ .... ﻛﻴﻔﺎﺵ ﺗﻴﺘﻐﺰﻝ ﺑﻴﻬﺎ .... ﻛﻴﻔﺎﺵ ﺑﺎﺳﻬﺎ ﻓﻲ ﺧﺪﻫﺎ ... ﻭﻛﻴﻔﺎﺵ ﻃﻠﺐ ﻣﻨﻬﺎ ﺯﻭﺍﺝ ... ﻭﻣﻴﻔﺎﺵ ﻭﺍﻓﻘﺖ ... ﻭﻛﻴﻔﺎﺵ ﻋﻨﻘﻬﺎ ﺟﻮﺩ ﻭﺗﻴﺪﻭﺭ ﺑﻴﻬﺎ .... ﻧﺰﺍﺭ ﻏﻴﺮ ﺷﺎﻑ ﻫﺎﺩ ﺷﻲ ﻭﻻ ﺗﻴﺘﻨﻔﺲ ﺑﺴﺮﻋﺔ .... ﺻﺪﺭﻭ ﺗﻴﺘﻬﺰ ﻭﺗﻴﺘﺤﻂ .... ﻋﻴﻨﻴﻪ ﺣﻤﺎﺭﻭ .... ﻭﻋﺮﻭﻗﻮ ﺑﺮﺯﻭ ﺑﺎﻻﻋﺼﺎﺏ .... ﺑﻼ ﻣﺎﻳﺸﻌﺮ ﻫﺰ ﺍﻟﺒﻴﺴﻲ ﺑﺎﻟﻄﺒﻠﺔ ﺩﻳﺎﻝ ﺍﻟﺰﺍﺝ ﻭﺧﺒﻂ ﻛﻠﺸﻲ ﻣﻊ ﺍﻟﺤﻴﻂ .... ﻫﺰ ﺍﻟﻔﻮﻃﻮﻱ ﻟﻜﺎﻥ ﻫﺎﺯﻭ ﻭﺑﺪﺍ ﻳﺸﺘﻒ ﻋﻠﻴﻪ ﺣﺘﻰ ﻫﺮﺳﻮ

ﻧﺰﺍﺭ : / ﺑﻌﺼﺒﻴﺔ ﻛﺒﻴﺮﺓ / ﻭﺍﻟﻠﻪ ﺍﻟﺤﻤﺎﺭ ﻟﻲ ﻭﻟﺪﻭ ﺣﺘﻰ ﻧﻘﺘﻠﻮ ..... ﻛﻴﻔﺎﺵ ﻗﺪﺭ ﻳﺤﻂ ﻋﻠﻴﻬﺎ ﻳﺪﻭ ﻭﻳﺒﻮﺳﻬﺎ .... ﻫﻲ ﺩﻳﺎﻟﻲ ﺩﻳﺎﻟﻲ ﺍﻧﺎ .... ﻭﻣﺮﺍﺗﻲ ﺃﻧﺎ ... ﻭﻣﺎﺯﺍﻝ ﻣﺎ ﻃﻠﻘﺘﻬﺎ / ﻫﺰ ﺗﻠﻔﺎﺯﺓ ﺑﻼﺯﻣﺎ ﺷﺘﺘﻬﺎ ﻣﻊ ﺍﻻﺭﺽ / ﻭﻋﻤﺮﻱ ﻏﺎﺩﻱ ﻧﻄﻠﻘﻬﺎ .... ﻭﻋﻤﺮﻫﺎ ﻏﺎﺩﺓ ﺗﻜﻮﻥ ﻟﺸﻲ ﻭﺍﺣﺪ ﻏﻴﺮﻱ .... ﻭﺿﻴﺎﺀ ﻭﻟﺪﻱ ﻭﻟﺪﻱ ﺃﻧﺎ ﻭﻏﺎﺩﻱ ﻳﻜﺒﺮ ﻭﺳﻄﻨﺎ ﺣﻨﺎ ... ﻭﺳﻂ ﻧﻌﻤﺔ ﻭﻧﺰﺍﺭ .... ﻭﻋﻤﺮﻙ ﺗﺤﻠﻢ ﺑﻴﻬﺎ

¤ ﻫﺰ ﺍﻟﺘﻠﻔﻮﻥ ﻭﺣﻴﻂ ﻟﻠﻤﺘﺤﺮﻱ

ﻧﺰﺍﺭ : / ﺑﻌﺼﺒﻴﺔ / ﻏﺬﺍ ﻧﻔﺬ ﺷﻨﻮ ﻗﻠﺖ ﻟﻚ

ﺍﻟﻤﺘﺤﺮﻱ : ﻋﻠﻢ ﺳﻲ ﻧﺰﺍﺭ

¤ ﻧﺰﺍﺭ ﻗﻄﻊ ﻣﻊ ﺍﻟﻤﺘﺤﺮﻱ ﻭﺑﺘﺎﺳﻢ ﺍﺑﺘﺴﺎﻣﺔ ﺷﻴﻄﺎﻧﻴﺔ ﻭﻗﺎﻝ ﻓﻲ ﺧﺎﻃﺮﻭ 》 ﻫﺎ ﺣﻨﺎ ﻏﺎﺩﻱ ﻧﺸﻮﻓﻮ ﺍﺳﻲ ﺟﻮﺩ ﻓﻴﻦ ﺟﻬﺪﻙ ... ﺍﻻ ﻧﻌﻤﺔ ﻫﺎﺩﻳﻚ ﺩﻳﺎﻟﻲ ﻭﻏﺎﺩﺓ ﺗﺒﻘﻰ ﺩﻳﺎﻟﻲ ﺣﺘﻰ ﻧﻤﻮﺕ 《

ﻫﺰ ﻻﻓﻴﺴﺖ ﺩﻳﺎﻟﻮ ﻭﺧﺮﺝ ﻟﻌﻨﺪ ﻟﻴﻠﻴﺎﻥ ﺧﺒﺮﻫﺎ ﺑﻠﻲ ﻏﺎﺩﻱ ﻳﺮﺟﻌﻮﺍ ﻟﻠﻤﻐﺮﺏ ﻭﻟﻜﻦ ﻣﺎ ﻗﺎﻝ ﻟﻴﻬﺎ ﻭﺍﻟﻮ ﻋﻠﻰ ﻧﻌﻤﺔ ... ﻋﻄﺎﻫﺎ ﺷﻲ ﻭﺭﺍﻕ ﻭﻃﻠﺐ ﻣﻨﻬﺎ ﺗﺴﻨﻲ ﻟﻴﻪ ﻋﻠﻴﻬﻢ ﻋﻠﻰ ﺣﺴﺎﺏ ﺗﻜﻤﻞ ﻋﻼﺟﻬﺎ ﻓﻲ ﺍﻟﻤﻐﺮﺏ ... ﻭﺧﺮﺝ ﻳﻜﻤﻞ ﺍﻻﺟﺮﺍﺀﺍﺕ ﻻﺯﻣﺔ ﺑﺎﺵ ﻏﺬﺍ ﻳﺸﺪﻭ ﺍﻟﻄﻴﺎﺭﺓ . .

ﻓﺤﻴﻦ ﻭ ﻓﻤﻜﺎﻥ ﺃﺧﺮ ﻛﺎﻳﻨﻴﻦ ﺟﻮﺝ ﻷﺷﺨﺎﺹ ﻛﻴﺤﻴﻜﻮ ﺧﻄﺔ ﻭﺣﺪﺍﺧﺮﻯ ﻭ ﻣﺆﺍﻣﺮﺓ ﺟﺪﻳﺪﺓ . ﺍﻟﺸﺨﺺ 1 : ﻭﻱ ﻓﻴﻦ ﻭﺻﻠﻨﺎ ﺷﻨﻮ ﺃﺧﺮ ﺍﻷﺧﺒﺎﺭ ... ؟؟

ﺍﻟﺸﺨﺺ 2 : ﺭﺍ ﻣﺎﺯﺍﻝ ﺭﺟﻠﻨﺎ ﻣﺮﺍﻗﺒﻴﻨﻬﻢ ﻭﻫﻮ ﻏﺪﺍ ﻏﻴﺪﺧﻮﻝ ﻟﻠﻤﻐﺮﺏ ﻫﻮ ﻭ ﻣﺮﺍﺗﻮ

ﺍﻟﺸﺨﺺ 1 : ﻣﺰﻳﺎﻥ ﺭﺍﻗﺒﻮﻫﻢ ﺣﻴﺖ ﺍﻟﻮﻗﺖ ﻗﺮﺏ ﺑﺎﺵ ﻧﻔﺬﻭ ﺍﻟﺨﻄﺔ ﺩﻳﺎﻟﻨﺎ . .. ﻧﺰﺍﺭ ﺟﺒﺮﺍﻥ ﺟﺎ ﻭﻗﺖ ﺍﻹﻧﺘﻘﺎﻡ ﻭ ﻗﺮﻳﺐ ﻏﺎﺩﻱ ﻧﺪﻣﺮﻙ . .....

. ﻭﺩﺍﻙ ﺷﻲ ﻟﻲ ﻛﺎﻥ ﻏﻴﺮ ﺻﺒﺢ ﺍﻟﺤﺎﻝ ﺩﺍﺯ ﻧﺰﺍﺭ ﻋﻨﺪ ﻟﻴﻠﻴﺎﻥ ﻭﻣﺸﺎﻭ ﻟﻠﻤﻄﺎﺭ ... ﻛﻤﻠﻮ ﺍﻻﺟﺮﺍﺀﺍﺕ ﻭﺭﺟﻌﻮ ﻟﺒﻼﺩﻫﻢ ... ﺃﻣﺎ ﻧﻌﻤﺔ ﻓﺎﻧﺎﺿﺖ ﻛﻴﻒ ﻛﻞ ﺻﺒﺎﺡ ﺩﻭﺷﺎﺕ ﻭﺗﻮﺿﺎﺕ ﺻﻼﺕ ... ﻟﺒﺴﺖ ﺣﻮﺍﻳﺠﻬﺎ ... ﻭﺟﺪﺕ ﻟﻔﻄﻮﺭ ﻭﻓﻄﺮﺕ ... ﻓﻄﺮﺕ ﻭﻟﺪﻫﺎ ﻭﺧﺮﺟﺖ ﻫﻲ ﻭﻳﺎﻩ ﻳﺸﻤﻮ ﺍﻟﻬﻮﻯ ﻭﺗﺤﻜﻲ ﻟﻴﻪ ﻋﻠﻰ ﺍﻻﻳﺎﻡ ﻟﻌﺎﺷﺖ ﻣﻊ ﺑﺎﻩ ﻭﺷﻜﻠﻮ ﻭﺷﻬﺎﻣﺘﻮ ﻭﺭﺟﻮﻟﺘﻮ .... ﻭﺑﻴﻨﻤﺎ ﻫﻲ ﻣﻨﻐﺎﻣﺴﺔ ﻓﻲ ﺗﻌﺎﻭﻳﺪ ... ﻭﻗﻔﺖ ﻋﻠﻴﻬﺎ ﻭﺍﺣﺪ ﻃﻮﻣﻮﺑﻴﻞ ﻛﺤﻠﺔ ... ﺧﺮﺟﻮ ﻣﻨﻬﺎ 2 ﺩﻳﺎﻝ ﺍﻟﺮﺟﺎﻝ ﻣﻜﻠﺪﻣﻴﻦ .... ﺟﺎﻭ ﻗﺎﺻﺪﻳﻨﻬﺎ ... ﻧﻌﻤﺔ ﻣﺎ ﻋﺮﻓﺖ ﺑﺎﺵ ﺗﺒﻼﺕ ... ﺣﺘﻰ ﺷﺪ ﻟﻲ ﻓﻤﻬﺎ ... ﻭﺣﻂ ﻟﻴﻬﺎ ﺷﻲ ﺣﺎﺟﺔ ﻋﻠﻰ ﻧﻴﻔﻬﺎ ﺣﺘﻰ ﻏﺎﺑﺖ ﻋﻠﻰ ﺍﻟﻮﻋﻲ .... ﻫﺰﻭﻫﺎ ﻫﻲ ﻭﻭﻟﺪﻫﺎ ﻭﺣﻄﻮﻫﺎ ﻓﻲ ﺍﻟﻄﻮﻣﻮﺑﻴﻞ ﻭﻛﺴﻴﺮﺍﻭ ﻧﺤﻮ ﺍﻟﻤﺠﻬﻮﻝ .... ﻧﺰﺍﺭ ﻓﺎﻕ ﻫﻮ ﻟﻮﻝ ﻭ ﺑﻐﻰ ﻳﺨﺮﺝ ﻫﻮ ﻟﻮﻝ ﺑﺎﺵ ﻣﻴﺘﻠﻘﺎﺵ ﻣﻊ ﻣﻮ ﻭﺟﺪﺍﻩ ﻭ ﻛﻴﺤﺎﻭﻝ ﻣﺎ ﺃﻣﻜﻦ ﻳﺘﻔﺎﺩﻫﻢ ﻭﺍﺧﺎ ﻏﻴﺘﻼﻗﻬﻢ ﺷﺤﺎﻝ ﻣﺎ ﻫﺮﺏ .... ﻫﺒﻂ ﻣﻊ ﺩﺭﻭﺝ ﻭ ﺗﻠﻘﻰ ﻧﻮﺭ ﺍﻟﻬﺪﻯ ﻟﻲ ﻏﻴﺮ ﺷﺎﻓﺘﻮ ﻃﺎﺭﺕ ﻋﻠﻴﻪ ﺑﺘﻬﻨﺌﺔ

ﻧﻮﺭ ﺍﻟﻬﺪﻯ : ﻧﺰﺍﺍﺍﺍﺍﺭ ﺣﺒﻴﺒﻲ ﺗﻮﺣﺸﺘﻚ ﺑﺰﺍﺍﺍﻑ ﺇﻳﻤﺘﻰ ﺟﻴﺘﻲ

ﻧﺰﺍﺭ : ﺷﺸﺸﺖ ﺑﺸﻮﻳﺔ ﻏﺘﻔﻴﻘﻴﻬﻢ .... ﻭﺻﻠﻨﺎ ﻓﺎﻟﻔﺠﺮ ﻟﻴﻠﻴﺎﻥ ﻧﺎﻋﺴﺔ ﻭ ﺃﻧﺎ ﻏﻨﻤﺸﻲ ﻟﺪﺍﺭ ﺩﺍﻟﻐﺎﺑﺔ ﻧﺮﺗﺎﺡ ﺷﻮﻳﺔ

ﻧﻮﺭ ﺍﻟﻬﺪﻯ : ﻗﻮﻝ ﻣﺎﺑﻐﻴﺶ ﺗﻠﻘﻰ ﻣﺎﻣﺎ ﻭ ﺍﻟﺤﺎﺟﺔ ﺩﺍﻛﺸﻲ ﻋﻼﺵ ﻫﺎﺭﺏ ...

ﻧﺰﺍﺭ : ﺷﻮﻓﻲ ﺭﺍ ﻣﺸﺎﺑﻌﺶ ﻧﻌﺎﺱ ﻭ ﻣﺎﻓﻴﺎ ﻟﻲ ﻳﺪﺧﻞ ﻓﻬﺎﺩ ﺍﻟﻤﻮﺍﺿﻴﻊ ﻋﻠﻰ ﻧﺒﻮﺭﻱ ﺃﻭ ﻋﻨﺪﻙ ﺗﻘﻮﻟﻲ ﻟﻴﻬﻢ ﻓﻴﻦ ﺃﻧﺎ ...

ﻧﻮﺭ ﺍﻟﻬﺪﻯ : ﺻﺎﻓﻲ ... ﺻﺎﻓﻲ ﺷﻨﻮ ﺩﺭﺗﻲ ﻓﻤﻮﺿﻮﻉ ﻧﻌﻤﺔ ﺃﻭ ﻭﻟﺪﻙ ﻗﺪﺭﺗﻲ ﺗﻠﻘﺎﻳﻬﻢ . ..

ﻧﺰﺍﺭ / ﺑﺘﺮﺩﺩ / : ﺻﺎﻓﻲ ﻣﻦ ﺑﻌﺪ ﻭ ﻣﻬﺪﺭﺓ

ﻧﻮﺭ ﺍﻟﻬﺪﻯ / ﺷﻬﻘﺎﺕ ﺷﻬﻘﺔ ﻓﺮﺡ / : ﻟﻘﻴﺘﻴﻬﻢ ﻭﺍﺍﻭ ﺷﻮﻑ ﻳﺎ ﻏﺘﻌﺎﻭﺩ ﻟﻴﺎ ﻳﺎ ﺩﺍﺑﺎ ﻧﻐﻮﺕ ﻭﻧﻔﻴﻘﻬﻢ ﻛﺎﻣﻠﻴﻦ

ﻧﺰﺍﺭ : ﻧﺎﺭﻱ ﻣﻨﻴﻦ ﺗﺴﻠﻄﺘﻲ ﻋﻠﻴﺎ ﻓﻬﺎﺩ ﺻﺒﺎﺡ ﺁﻩ ﻟﻘﻴﺘﻬﺎ ﺭﺍ ﻗﺮﻳﺒﺔ ﻝ 7 ﺷﻬﻮﺭ ﺑﺎﺵ ﻟﻘﻴﺘﻬﺎ

ﻧﻮﺭ ﺍﻟﻬﺪﻯ : ﺇﻭﺍ ﻣﺸﻴﺘﻲ ﻋﻨﺪﻫﺎ ﺷﻨﻮ ﻗﺎﻟﺖ ﻟﻴﻚ ﻛﻴﻒ ﺗﺼﺮﻓﺎﺕ ﻫﻲ ﻋﺎﺭﻓﺔ ﻧﺘﺎ ﻣﺎﻟﻴﻚ ﺫﻧﺐ ﻳﺎﻙ

ﻧﺰﺍﺭ / ﺣﻨﻰ ﺭﺍﺳﻮ / : ﻻ ﺃﻧﺎ ﻣﻬﺪﺭﺗﺶ ﻣﻌﺎﻫﺎ ﻃﻮﻝ ﻫﺎﺩ ﺍﻟﻤﺪﺓ ........

ﻧﺰﺍﺭ ﻋﺎﻭﺩ ﻟﻨﻮﺭ ﺍﻟﻬﺪﻯ ﻛﻠﺸﻲ ﻭ ﻫﻲ ﺩﺍﻳﺮﺓ ﻳﺪﻫﺎ ﻋﻠﻰ ﻓﻤﻬﺎ ﻭ ﻛﺘﺴﻤﻊ : ﻧﺎﺭﻱ ﻭﺷﻨﻮ ﻧﺎﻭﻱ ﺩﻳﺮ ﻏﺘﺨﻠﻴﻬﺎ ﺗﺰﻭﺝ ﻭﻋﻼﺵ ﻣﺎ ﻣﺸﻴﺘﻴﺶ ﻋﻨﺪﻫﺎ ﻣﻦ ﻟﻮﻝ ...

ﻧﺰﺍﺭ / ﺗﻨﻬﺪ / : ﻣﻘﺪﺭﺗﺶ ﺃﺧﺘﻲ ﺇﺣﺴﺎﺳﻲ ﺑﺬﻧﺐ ﻭ ﺍﻟﻘﺮﻑ ﻟﻲ ﻛﻨﺖ ﻛﻨﺤﺲ ﺑﻴﻪ ﻣﻦ ﻧﻔﺴﻲ ﻣﻨﻌﻨﻲ ﻛﻴﻔﺎﺵ ﻏﻨﻘﺪﺭ ﻧﺸﻮﻑ ﻓﻮﺟﻬﻬﺎ ﻣﻦ ﺑﻌﺪ ﺩﺍﻛﺸﻲ ﻛﺎﻣﻞ ﻟﻲ ﺩﺍﺯ ﻋﻠﻴﻬﺎ ﺑﺴﺒﺎﺑﻨﺎ .... ﻭﻟﻜﻦ ﻣﺴﺘﺤﻴﻞ ﻧﺨﻠﻴﻬﺎ ﻟﻴﻪ ﺃﻧﺎ ﻏﻨﺪﻳﺮ ﻟﻲ ﻓﺠﻬﺪﻱ ﺑﺎﺵ ﺗﺴﻤﺢ ﻟﻴﺎ ﻭ ﺗﺒﻐﻴﻨﻲ ﻣﻦ ﺟﺪﻳﺪ ﻣﺴﺘﺤﻴﻞ ﻧﺘﺨﻠﻰ ﻋﻠﻴﻬﺎ ....

ﻧﻮﺭ ﺍﻟﻬﺪﻯ : ﺁﻩ ﺍﺧﻮﻳﺎ ﻧﺘﺎ ﻋﻨﺪﻙ ﺻﺢ ﻟﻲ ﺩﺍﺯ ﻋﻠﻴﻬﺎ ﻣﺎﺷﻲ ﺳﻬﻞ ... / ﻏﻤﺰﺍﺗﻮ / ﻭﻟﻜﻦ ﺃﻱ ﺣﺎﺟﺔ ﻗﺮﺭﺗﻲ ﺩﻳﺮﻫﺎ ﺃﻧﺎ ﻣﻌﺎﻙ ﻭ ﺇﻳﻼ ﺣﺘﺎﺟﻴﺘﻲ ﻣﺴﺎﻋﺪﺓ ﺃﻧﺎ ﻣﻌﺎﻙ ﺣﻴﺖ ﻋﺰﻳﺰﺓ ﻋﻠﻴﺎ ﻧﻌﻤﺔ ﺑﺰﺍﻑ ﻭﻫﻲ ﻛﺘﺴﺘﺤﻖ ﺳﻌﺎﺩﺓ ...

ﻧﺰﺍﺭ / ﺧﺮﻣﺰ ﻟﻴﻬﺎ ﺷﻌﺮﻫﺎ / : ﻭﺍﺧﺎ ﺧﺘﻲ ﺍﻟﺤﺒﻴﺒﺔ ﻭﻟﻜﻦ ﻣﺎ ﺗﻘﻮﻟﻲ ﻭﺍﻟﻮ ﻟﺤﺘﻰ ﺷﻲ ﺣﺪ ﺧﺼﻮﺻﺎ ﻟﻴﻠﻴﺎﻥ ﺭﺍﻙ ﻋﺎﺭﻓﺔ ﻭﺿﻌﻬﺎ ﻳﻼﻩ ﻫﺎﻧﻲ ﻣﺸﻴﺖ ﻧﺮﺗﺎﺡ ....

ﻧﻌﻤﺔ ﺑﺪﺍﺕ ﻛﺘﺤﻞ ﻋﻴﻨﻴﻬﺎ ﻭ ﺩﺍﻳﺨﺔ ﻣﺰﻳﺎﻥ ﻛﺘﺸﻮﻑ ﺩﺍﻛﺸﻲ ﻣﻘﺸﻘﺶ ﻣﺎﺑﻴﻨﺶ ﻣﺰﻳﺎﻥ ﺷﻮﻳﺔ ﺗﻔﻜﺮﺍﺕ ﺷﻨﻮ ﻭﻗﻊ ﻭ ﻫﻲ ﺗﻬﺰ ﻣﻦ ﺑﻼﺻﺘﻬﺎ ﻛﺘﻘﻠﺐ ﻋﻠﻰ ﻭﻟﺪﻫﺎ ....

ﻧﻌﻤﺔ : ﻭﻟﺪﻱ ﺿﻴﺎﺀ ﻓﻴﻨﻚ / ﺩﻭﺭﺍﺕ ﻭﺟﻬﻬﺎ ﻭﻟﻘﺎﺗﻮ ﻣﺤﻄﻮﻁ ﺣﺪﺍﻫﺎ ﻧﺎﻋﺲ ﻫﺰﺍﺗﻮ ﻋﻨﻘﺎﺗﻮ ﻭﺑﺪﺃﺕ ﺗﻜﺘﺎﺷﻒ ﻟﻘﺎﺕ ﺭﺍﺳﻬﺎ ﻓﺒﻴﺖ ﻛﺒﻴﻴﻴﺮ ﻣﻔﺮﺵ ﺑﻔﺮﺍﺵ ﻣﻦ ﻃﺮﺍﺯ ﺭﻓﻴﻊ ﻭ ﻣﻠﻲ ﺑﻐﺎﺕ ﺗﺤﻞ ﺍﻟﺒﺎﺏ ﻟﻘﺎﺗﻮ ﻣﺴﺪﻭﺩ ﻣﺸﺎﺕ ﻛﻄﻞ ﻣﻦ ﺷﺮﺍﺟﻢ ﻟﻲ ﻛﺎﻧﻮ ﻛﺒﺎﺭ ﻭﻋﺎﻟﻴﻴﻦ ﺳﺎﻋﺔ ﻟﻘﺎﺕ ﺑﻠﻲ ﺍﻟﻘﻀﻴﺔ ﻋﺎﻟﻴﺔ ﺑﺰﺍﻑ ... ﺧﺒﻄﺎﺕ ﻓﺎﻟﺒﺎﺏ ﺣﺘﻰ ﻋﻴﺎﺕ ﻭ ﻏﻮﺗﺎﺕ ﺃﻭ ﻭﺍﻟﻮ ﻣﺎﺟﺎﻭﺑﻬﺎ ﺣﺪ ﻭ ﺑﻘﺎﺕ ﺟﺎﻟﺴﺔ ﺷﺤﺎﻝ ﺷﻮﻳﺔ ﺗﺤﻞ ﻋﻠﻴﻬﺎ ﺍﻟﺒﺎﺏ ﻃﻠﻌﺎﺕ ﻭﺟﻬﺎ ﻭﻫﻮ ﻳﺒﺎﻥ ﻟﻴﻬﺎ ... ﺑﻘﺎﺕ ﺣﺎﻟﺔ ﻓﻤﻬﺎ ﻓﻮﺳﺎﻣﺘﻮﺍ ﻟﻲ ﺯﺍﺩﺕ ﻭ ﻭﻗﻔﺘﻮﺍ ﺭﺟﺎﻟﻴﺔ ﻟﻲ ﻛﺘﺰﻋﺰﻋﻬﺎ ﻭﻗﻠﺒﻬﺎ ﻛﻴﺰﺩﺡ ﺃﻳﺨﺮﺝ ﻣﻦ ﺑﻼﺻﺘﻮ ﺣﺘﻰ ﻣﻦ ﺭﺟﻠﻴﻬﺎ ﻣﻘﺪﺭﻭﺵ ﻳﻬﺰﻭﻫﺎ . ...

ﻧﺰﺍﺭ : ﻣﺮﺣﺒﺎ ﺑﻴﻚ ﻓﺪﺍﺭﻙ

ﻧﻌﻤﺔ / ﻣﺨﻠﻂ ﻓﻴﻬﺎ ﻛﻠﺸﻲ ﺣﺐ ﺷﻮﻕ ﻏﻀﺐ ﻓﺮﺡ ﺣﺰﻥ ﺍﻟﻤﻬﻢ ﺑﺎﻧﺎﺷﻲ / : ﻧﺘﺎ ... ﻧﺘﺎ ... / ﻓﺨﺎﻃﺮﻫﺎ ﺍﻟﻠﻪ ﻳﺎ ﺭﺑﻲ ﻣﺎﺷﻲ ﻫﺎﺩﺷﻲ ﻟﻲ ﻗﺼﺪﺕ ﺑﺎﺵ ﻃﻠﺒﺖ ﺍﻟﻤﺴﺎﻋﺪﺓ / ﺷﻨﻮ ﻛﺪﻳﺮ ﻫﻨﺎ ﻋﻼﺵ ﺟﺎﻱ ﻋﻨﺪﻱ ﺃﺵ ﺑﺎﻏﻲ ﻣﺰﺍﻝ ﺷﻮﻑ ﺭﺍ ﺇﻳﻼ ﺑﻐﻴﺘﻲ ﺗﺎﺧﺪ ﻟﻲ ﻭﻟﺪﻱ ﺧﺎﺻﻚ ﺗﻘﺘﻠﻨﻲ ﻫﻮ ﻟﻮﻝ

ﻧﺰﺍﺭ / ﻛﻴﻘﺮﺏ ﻣﻨﻬﺎ / : ﻻ ﺃﻧﺎ ﻣﻐﻨﺨﺪﺵ ﻟﻴﻚ ﻭﻟﺪﻧﺎ ﻏﻴﺮ ﺭﺗﺎﺣﻲ ﻣﺘﺨﺎﻓﻴﺶ ﻭ ﺃﺻﻼ ﺭﺍﻩ ﻧﺘﻲ ﻟﻲ ﻋﻨﺪﻱ ﻣﺎﺷﻲ ﻟﻌﻜﺲ

ﻧﻌﻤﺔ / ﺑﺪﺍﺕ ﻛﺘﺤﺲ ﺑﺴﺨﻔﺔ / : ﻭ ﺃﻧﺎ ﻋﻼﺵ ﻋﻨﺪﻙ ﺃﺵ ﻛﻨﺪﻳﺮ ﻫﻨﺎ ...

ﻧﺰﺍﺭ / ﻛﻴﻘﺮﺏ ﻃﺎﻧﺰ / : ﻣﻌﺮﻓﺘﺶ ﺃﻧﺎ ﺣﻠﻴﺖ ﺍﻟﺒﺎﺏ ﻟﻘﻴﺘﻚ ﻗﺪﺍﻣﻲ ﻣﻌﺮﻓﺘﺶ ﻣﻨﻴﻦ ﺟﻴﺘﻲ

ﻧﻌﻤﺔ : ﺷﺸﺸﻮﻑ ... ﻛﺤﺰ ﻟﻬﻴﻪ ﻣﺘﻘﺮﺑﺶ ﻛﺘﻮﺗﺮﻧﻲ / ﺑﺪﺍﺕ ﻛﺘﺴﻮﻁ ﻭ ﺗﻨﻔﺦ ﻭ ﺍﻟﺤﺮﺍﺭﺓ ﻛﻄﻠﻊ / ﻫﺪﺭ ﻣﻦ ﻟﻬﻴﻪ ﺭﺍ ﻛﻨﺴﻤﻊ

ﻧﺰﺍﺭ / ﻋﺎﺩ ﻛﻴﻘﺮﺏ ﺣﺘﻰ ﻭﻻ ﻗﺮﻳﺐ ﻣﻨﻬﺎ / : ﺑﺼﺎﺡ ﺃﻧﺎ ﻛﻨﻮﺗﺮﻙ ﺃﻧﺎ ﻗﻠﺖ ﻳﻤﻜﻦ ﻛﺘﻜﺮﻫﻴﻨﻲ

ﻧﻌﻤﺔ / ﺩﻓﻌﺎﺗﻮ / : ﺁﻩ ﺍﻩ ﻛﻨﺪﻳﺮ ﺣﺘﻰ ﻫﺎﺩﻳﻚ ﺣﺘﻰ ﻫﻲ

ﻧﺰﺍﺭ / ﺑﻄﻨﺰ / : ﺷﻨﻮ ﻛﺪﻳﺮﻱ ﻧﺘﻲ

ﻧﻌﻤﺔ / ﻏﻴﺮ ﻛﺪﺑﺰ ﻓﺎﻟﻬﺪﺭﺓ ﺣﺘﻰ ﺟﻤﻠﺔ ﻣﺎﺑﻐﺎﺕ ﺗﺨﺮﺝ ﻟﻴﻬﺎ / : ﻫﺎﺩﻳﻚ ﻟﻮﺧﺮﺍ ﻟﻤﻬﻢ ﺭﺍﻙ ﻋﺎﺭﻑ ﺍﻓﻔﻒ ﺍﻱ ﺁﻱ ﺃﻱ ﺁﻱ ﺍﻭﻑ ﺍﻭﻑ ﻫﺎﺩ ﺍﻟﺠﻮ ﻣﺎﻟﻮ ﺳﺨﻮﻥ ﻋﺎﺩ ﻛﺎﻥ ﻣﺰﻳﺎﻥ

ﻧﺰﺍﺭ : ﺷﻨﻮ ﻛﺘﻘﻮﻟﻲ ﺗﻢ ﻟﻚ

ﻧﻌﻤﺔ : ﻻ ﺻﻬﺪ ﻻ ﺍﻟﺒﺮﺩ ﺷﻲ ﺍﻟﺠﻮ ﺩﺍﻳﺮﻳﻦ ﻓﻴﻪ ﺷﻲ ﺣﺎﺟﺔ ... ﺃﻧﺎ ﺑﻐﻴﺖ ﻧﻤﺸﻲ ﺑﺤﺎﻟﻲ ﺻﺎﻓﻲ

ﻧﺰﺍﺭ : ﺭﺍ ﻧﺘﻲ ﻟﻲ ﻛﺪﻳﺮﻱ ﻓﻴﺎ ﺣﻮﺍﻳﺞ ﺃﻭ ﻻ ﻣﻐﺎﺩﻱ ﺗﻤﺸﻲ ﻓﻴﻦ ﻫﻨﺎ ﺗﺒﻘﺎﻱ . .

ﻧﻌﻤﺔ / ﺧﺎﻳﻔﺔ ﺿﻌﻒ ﻗﺪﺍﻣﻮ / : ﻻ ﺧﺎﻃﻴﺒﻲ ﻛﻴﺘﺴﻨﺎﻧﻲ ﺍﻳﺘﺨﻠﻊ ﻋﻠﻴﺎ ... ﻧﺰﺍﺭ / ﻏﻴﺮ ﺳﻤﻊ ﺣﺲ ﺍﻟﺨﻄﻴﺐ ﻭﻫﻮ ﻳﺘﻘﻠﺐ ﻭﺟﻬﻮ ﻭ ﺩﺍﺭ ﺻﺒﻌﻮ ﻗﺮﻳﺐ ﻟﻮﺩﻧﻴﻪ ﻭ ﺑﺪﺍ ﻛﻴﺪﻭﺭﻭ / : ﻋﺎﻭﺩﻱ ﻧﺴﻤﻊ ﺷﻨﻮ ﺩﻳﻚ ﻟﻜﻠﻤﺔ ﺷﻨﻮ ﻗﻠﺘﻲ

ﻧﻌﻤﺔ / ﻛﻠﻬﺎ ﻛﺘﻘﻔﻘﻒ ﻭ ﺩﺍﻳﺮﺓ ﻓﻴﻬﺎ ﺷﺠﺎﻋﺔ / : ﺧﺎﻃﻴﺒﻲ ﻣﺎﻟﻚ ﺷﻲ ﻣﺸﻜﻴﻞ

ﻧﺰﺍﺭ : ﻻ ﻧﺘﻲ ﻛﺘﻘﻠﺒﻲ ﻋﻠﻴﺎ ﻳﻤﻜﻦ .... ﻫﺎﺩ ﺧﻄﻴﺒﻚ ﻋﺎﺭﻓﻚ ﻣﺰﻭﺟﺔ

ﻧﻌﻤﺔ : ﺃﻧﺎ ﻣﻤﺰﻭﺟﺎﺵ ... ﻣﺎ ﻋﻨﺪﻱ ﺭﺍﺟﻞ ﻓﻴﻦ ﺑﺎﻥ ﻟﻴﻚ ﻭﺭﻳﻪ ﻟﻴﺎ

ﻧﺰﺍﺭ / ﺗﻌﺼﺐ / : ﺃﻧﺎ ﻗﺪﻱ ﻗﺪ ﺍﻟﺤﻴﻂ ﻣﺎﺑﻨﺘﺶ ﻟﻴﻚ ﻗﺮﺩ ﺃﻧﺎ ... ﻭ ﺍﻟﻠﻪ ﻻ ﻛﻨﺘﻲ ﻟﻴﻪ ﻛﺘﺴﻤﻌﻲ ﻏﻴﺮ ﻳﻨﺴﻰ

ﻧﻌﻤﺔ / ﺑﺪﺍﺕ ﻛﺘﻐﻮﺕ / : ﻭﻧﺘﺎ ﻣﺎﻟﻚ ﺃﺵ ﻣﺸﻰ ﻟﻴﻚ ﻧﻜﻮﻥ ﻟﻴﻪ ﻭﻻ ﻟﻐﻴﺮﻭ ﺳﻮﻗﻚ ﺷﻐﻠﻚ ﺃﺵ ﺩﺧﻠﻚ ﻧﺘﺎ ﻋﺎﻳﺶ ﺣﻴﺎﺗﻚ ﻣﻊ ﻣﺮﺍﺗﻚ ﻭ ﺳﻤﺤﺘﻲ ﻓﻴﺎ ﻣﺎ ﻣﻌﻘﻠﺘﻴﺶ ﻋﻠﻴﺎ ﺑﺤﺎﻝ ﺇﻳﻼ ﻋﻤﺮﻱ ﻛﻨﺖ ﻓﺤﻴﺎﺗﻚ ﻭ ﺟﺎﻱ ﺩﺍﺑﺎ ﺗﺄﻣﺮ ﻋﻠﻴﺎ . ... ﻃﻠﻘﻨﻲ

ﻧﺰﺍﺭ : ﺁﻩ ﺩﺍﺑﺎ ﻋﺎﺩ ﺭﺷﻘﺎﺕ ﻟﻴﺎ ﻋﻠﻴﻚ ﻭ ﻃﻼﻕ ﻣﻜﻨﻄﻠﻘﺶ ﻣﻜﻨﻌﺮﻓﻮﺵ ﻛﻴﻒ ﺩﺍﻳﺮ ﻭ ﻫﺎﺩﺍﻙ ﻣﻴﺨﻲ ﻏﻴﺮ ﻧﺴﺎﻳﻪ ﻣﺎ ﺣﺪﻧﻲ ﻋﺎﻳﺶ ﻏﺘﻜﻮﻧﻲ ﻟﻴﺎ ﺑﻮﺣﺪﻱ ﻭ ﺣﺘﻰ ﺇﻳﻼ ﻣﺎﺕ ﻏﻨﺪﻳﻚ ﻣﻌﺎﻳﺎ ﺳﻤﻌﺘﻲ ﺃﻧﺎ ﺣﺮ ﻧﺪﻳﺮ ﻟﻲ ﺑﻐﻴﺖ ﺳﻤﻌﺘﻲ

¤ ﻟﻮﻟﺪ ﺳﻤﻊ ﺻﺪﺍﻉ ﺃﻭ ﻓﺎﻕ ﻛﻴﺒﻜﻲ . .... ﻭﻫﻲ ﺗﻬﺰﻭ ﻧﻌﻤﺔ ﻛﺘﺴﻜﺖ ﻓﻴﻪ

ﻧﻌﻤﺔ / ﺍﻧﻔﺎﻋﻼﺕ / : ﺷﻔﺘﻲ ﺧﻠﻌﺘﻲ ﻭﻟﺪﻱ ﺍﻓﻔﻒ ﺑﻌﺪ ﻣﻨﻲ ﺃﻧﺎ ﻣﻌﻤﺮﻱ ﻧﺴﻰ ﻟﻴﻚ ﺩﺍﻛﺸﻲ ﻟﻲ ﻭﻗﻊ ﻟﻲ ﻣﻦ ﺗﺤﺖ ﺭﺍﺳﻜﻢ ﺧﺮﺝ ﻋﻠﻴﺎ ﻃﻠﻘﻨﻲ ﻭ ﺧﺮﺝ ﻣﻦ ﺣﻴﺎﺗﻲ

ﻧﺰﺍﺭ / ﻗﺮﺍﺏ ﻣﻨﻬﺎ ﻭ ﺩﺍﺭ ﺻﺒﻌﻮ ﻓﺮﺍﺳﻬﺎ / : ﻭﻟﺪﻧﺎ ﻣﺎﺷﻲ ﻭﻟﺪﻙ ﺑﻮﺣﺪﻙ ﺭﺍ ﻛﻨﺖ ﻣﻌﺎﻙ ﻣﻠﻲ ﺣﻤﻠﺘﻲ ﺑﻴﻪ ﻭ ﻃﻼﻕ ﻣﻌﺪﻧﺎﺵ ﻓﻬﻤﺘﻲ ﻭ ﺩﺧﻠﻴﻬﺎ ﻟﺪﻣﺎﻏﻚ

¤ ﻣﺸﻰ ﺧﺮﺝ ﻭﺳﺪ ﻋﻠﻴﻬﺎ ﻭ ﺧﻼﻫﺎ ﻛﺘﺒﺦ ﺑﻮﺣﺪﻫﺎ

ﻧﻌﻤﺔ : ﺩﺍﺑﺎ ﻧﺸﻮﻓﻮ ﻭﺍﺵ ﻏﻄﻠﻘﻨﻲ ﻭﻻ ﻻ ﺳﻤﻌﺘﻴﻨﻲ .... ﺳﻤﻌﺘﻲ ... ﺍﻓﻔﻒ ﻣﺸﻰ ﻭ ﺧﻼﻧﻲ ﻛﻨﻬﺪﺭ ﺑﻮﺣﺪﻱ ﻣﻤﺮﺑﻴﺶ ﻭﻗﺢ . .. ﺛﻘﻴﻞ ... ﻣﻜﻴﺴﻮﺍﺵ ... ﻣﻐﺮﻭﺭ ... ﺳﺎﺩﻱ . .. ﻏﺰﺍﻝ ... ﻓﻨﻴﻮﻥ . .. ﻛﻴﺤﻤﻖ . .. ﻛﻴﺴﻄﻲ ... ﻧﻤﻮﺕ ﻓﻴﻪ ﺃﻧﺎ .. ﺍﺣﺤﻤﻢ ﺍﺣﺤﻤﻢ ﻭﻳﻠﻲ ﺟﻤﻌﻲ ﺭﺍﺳﻚ ﺷﻮﻳﺔ ﺍﻧﻌﻤﺔ .... ﺍﻧﺎ ﻣﺎ ﺗﻨﺒﻐﻴﻬﻴﺶ ﻣﺎ ﻛﻨﺒﻐﻴﻬﺶ

¤ ﻧﺰﺍﺭ ﻣﺸﻰ ﻟﺒﻴﺖ ﻟﻲ ﺣﺪﺍﻫﺎ ﻭ ﻛﻴﺘﻔﺮﺝ ﻓﻴﻬﺎ ﻣﻦ ﺍﻟﻜﺎﻣﻴﺮﺍﺕ ﻭ ﻛﻴﺴﻤﻌﻬﺎ ﺃﺵ ﻛﺘﻘﻮﻝ ﻭ ﻋﺎﺟﺒﻮ ﻟﺤﺎﻝ ﺣﻴﺚ ﻋﺮﻓﻬﺎ ﻣﺎﺯﺍﻝ ﻛﺘﺒﻐﻴﻪ .... ﺗﻔﻜﺮ ﺍﻧﻪ ﻣﺎ ﺟﺎﺑﺶ ﻟﻴﻬﺎ ﺍﻟﺤﻮﺍﻳﺞ ... ﻭﻣﺎ ﺑﻐﺎﺵ ﻳﺨﺮﺝ ﻭﻳﺨﻠﻴﻬﺎ ﺑﻮﺣﺪﻫﺎ ... ﻭﻋﻴﻂ ﻋﻠﻰ ﻧﻮﺭ ﺍﻟﻬﺪﻯ ﺗﺠﻴﺐ ﻟﻴﻬﺎ ﺷﻲ ﺣﻮﺍﻳﺞ ﻣﻦ ﺩﻳﺎﻭﻟﻬﺎ ﺑﻼ ﻣﺎ ﻳﺸﻮﻓﻮﻫﺎ ﺍﻟﺒﺎﻗﻴﺔ ... ﻭﻧﻴﺖ ﻧﻮﺭ ﺍﻟﻬﺪﻯ ﻣﺎ ﺧﺴﺮﺗﻬﺎﺵ ﻓﻲ ﻭﺟﻬﻮ ﻓﻴﻨﻤﺎ ﻛﺎﻧﻮ ﺷﻲ ﺣﻮﺍﻳﺞ ﻣﻌﺮﻳﻦ ﺟﺎﺑﺘﻬﻢ ﻟﻴﻬﺎ } ﺍﻟﻤﺴﺨﻮﻃﺔ ﻭﺍﻗﻔﺔ ﻣﻊ ﺧﻮﺍﻫﺎ { ﻭﺧﺮﺟﺖ ﺗﺘﺠﺮﻱ ... ﻃﻠﺒﺖ ﻣﻦ ﻣﺎﻣﺎﻫﺎ ﺍﻻﺫﻥ ﺗﻤﺸﻲ ﺗﺸﻮﻑ ﺷﻲ ﺻﺎﺣﺒﺘﻬﺎ ... ﻭﻣﻬﺎ ﺑﻄﺒﻴﻌﺔ ﺍﻟﺤﺎﻝ ﻭﺍﻓﻘﺖ ... ﻧﺰﺭ ﺍﻟﻬﺪﻯ ﺷﺪﺕ ﺍﻟﻄﺮﻳﻖ ﻋﻨﺪ ﻧﺰﺍﺭ ... ﻋﻴﺮ ﻭﺻﻠﺖ ﻭﻣﺸﺎﺕ ﺗﺘﺠﺮﻱ ﺩﺧﻠﺖ ﻋﻨﺪﻭ ... ﺟﺒﺮﺍﺗﻮ ﻛﻴﺘﻔﺮﺝ ﻓﻲ ﻧﻌﻤﺔ ﻭﺍﻟﻮﻟﺪ ... ﺳﻠﻤﺖ ﻋﻠﻴﻪ ﻭﺩﺧﻠﺖ ﻋﻨﺪ ﻧﻌﻤﺔ ... ﻓﻲ ﺣﻴﻦ ﻫﻮ ﻣﺸﺎ ﻳﻮﺟﺪ ﺍﻟﻤﺎﻛﻠﺔ

ﻧﻮﺭ ﺍﻟﻬﺪﻯ : ﺍﻟﺴﻼﻡ ﺍﻟﻬﺮﺍﺑﺔ

ﻧﻌﻤﺔ : / ﺑﻔﺮﺡ ﺣﻴﺚ ﻋﺰﻳﺰﺓ ﻋﻨﺪﻫﺎ .... ﻧﺎﺿﺖ ﺗﺘﺠﺮﻱ ﻋﻨﻘﺘﻬﺎ /

ﻧﺰﺭ ﺍﻟﻬﺪﻯ : / ﺩﺍﻳﺮﺓ ﻓﻴﻬﺎ ﻣﻘﻠﻘﺔ / ﺍﻣﻤﻢ ﺯﻋﻤﺎ ... ﻛﺎﻉ ﻣﺎ ﺑﺎﻥ ﻟﻴﺎ ﺗﻮﺣﺴﺘﻨﻲ ﻭﻧﺘﻲ ﻣﻦ ﻧﻬﺎﺭ ﻫﺰﻳﺘﻲ ﻭﻟﺪﻙ ﻭﻫﺮﺑﺘﻲ ﻣﺎ ﺳﻮﻟﺘﻲ ﻓﻴﻨﺎ

ﻧﻌﻤﺔ : / ﺣﺪﺭﺕ ﺭﺍﺳﻬﺎ / ﻧﺘﻲ ﻋﺎﺭﻓﺔ ﻣﺎﺷﻲ ﻟﺨﺎﻃﺮﻱ ... ﺧﺪﻳﺘﻮ ﻣﻨﻲ ﻭﻟﺪﻱ ﻭﺿﺤﻜﺘﻮ ﻋﻠﻴﻬﺎ

ﻧﻮﺭ ﺍﻟﻬﺪﻯ : ﻧﺘﻲ ﻋﺎﺭﻓﺔ ﻣﺰﻳﺎﻥ ﺑﻠﻲ ﺍﻧﺎ ﻭﻧﺰﺍﺭ ﻣﺎ ﻛﻮﻧﺎ ﻋﺎﺭﻓﻴﻦ ﻭﺍﻟﻮ ... ﻋﻠﻰ ﺍﻻﻗﻞ ﻛﺎﻥ ﻋﻠﻴﻚ ﺗﺼﺎﺭﺣﻲ ﻧﺰﺍﺭ ﻣﺎﺷﻲ ﺗﺨﻠﻴﻪ ﺣﻠﺘﻮ ﺣﺎﻟﺔ ﺑﺘﻘﻼﺏ ﻋﻠﻴﻚ

ﻧﻌﻤﺔ : / ﺑﺎﺳﺘﻬﺰﺍﺀ / ﺍﻣﻤﻢ ﺑﺎﻳﻦ ﻭﻫﻮ ﻋﺎﺩ ﺗﻔﻜﺮﻧﻲ

ﻧﻮﺭ ﺍﻟﻬﺪﻯ : / ﻋﺎﻭﺩﺕ ﻟﻴﻬﺎ ﻛﻠﺸﻲ ﺩﺍﻙ ﺷﻲ ﻟﺪﺍﺭ ﻧﺰﺍﺭ ... ﻭﺍﻧﻪ ﻛﺎﻥ ﺩﻳﻤﺎ ﻣﻌﻬﺎ ﻭﻋﻤﺮﻭ ﺳﻤﺢ ﻓﻴﻬﺎ / ﺍﻧﺎ ﻋﺎﺭﻓﺔ ﻭﺍﺵ ﻋﺎﺋﻠﺘﻲ ﺿﻠﻤﺘﻚ ﺑﺰﺍﻑ ... ﻭﻟﻜﻦ ﻧﺰﺍﺭ ﻣﺎ ﻋﻨﺪﻭ ﺫﻧﺐ

ﻧﻌﻤﺔ : / ﺗﺼﻤﺮﺕ ﻓﻲ ﺑﻼﺻﺘﻬﺎ ﻭﻗﻠﺒﻬﺎ ﺗﻴﺨﻔﻖ ﺑﺴﺮﻋﺔ / ﻫﻮ ﺩﺍﺭ ﻫﺎﺩ ﺷﻲ ﻛﻠﻮ ﻋﻠﻰ ﻗﺒﻠﻲ

ﻧﻮﺭ ﺍﻟﻬﺪﻯ : ﻭﻣﺴﺘﻌﺪ ﻳﺪﻳﺮ ﻛﺜﺮ ﺍﻟﻤﻬﻢ ﺗﻜﻮﻧﻲ ﻣﻌﺎﻩ

ﻧﻌﻤﺔ : / ﺑﺄﺳﻰ / ﻭﺩﺍﺑﺔ ﻛﻴﻒ ﺑﻘﺎﺕ ﻟﻴﻠﻴﺎﻥ ﺑﺴﻜﻴﻨﺔ

ﻧﻮﺭ ﺍﻟﻬﺪﻯ : ﺍﻟﺤﻤﺪ ﻟﻠﻪ ﺷﻮﻳﺔ ﻟﺒﺎﺱ

ﻧﻌﻤﺔ : ﺍﻟﻠﻪ ﻳﺸﺎﻓﻴﻬﺎ

ﻧﻮﺭ ﺍﻟﻬﺪﻯ : ﻭﺍﺧﺔ ﺩﺍﺭﺕ ﻟﻚ ﻫﺎﺩ ﺷﻲ ﻛﻠﻮ .... ﻣﺎﺯﺍﻝ ﺗﺪﻋﻲ ﻣﻌﻬﺎ

ﻧﻌﻤﺔ : ﺍﻻ ﻛﺎﻥ ﺭﺑﻲ ﻛﻴﺴﺎﻣﺢ ﺷﻜﻮﻥ ﻧﻜﻮﻧﻮ ﺣﻨﺎ ﻟﻤﺎ ﻧﺴﺎﻣﺤﻮ

ﻧﻮﺭ ﺍﻟﻬﺪﻯ : ﻳﺨﻠﻲ ﻟﻴﺎ ﻣﺮﺍﺕ ﺧﻮﻳﺎ ﻟﻲ ﻗﻠﺒﻬﺎ ﺑﻴﺾ / ﺷﺎﻓﺖ ﻓﻲ ﺳﺎﻋﺔ / ﺍﻭﻭﻭﻭﻑ ﺗﻌﻄﻠﺖ ﻋﻠﻰ ﻣﺎﻣﺎ ﺍﻟﻴﻮﻡ ﺗﻘﺘﻠﻨﻲ ... ﺧﺎﺻﻨﻲ ﻧﻤﺸﻲ

ﻧﻌﻤﺔ : ﺣﺘﻰ ﺍﻧﺎ ﺧﺎﺻﻨﻲ ﻧﻤﺸﻲ ﺧﺎﻟﺘﻲ ﺳﻤﻴﺔ ﻏﺎﺩﺓ ﺗﻜﻮﻥ ﻣﺸﻄﻮﻧﺔ ﻋﻠﻴﺎ ﻭﺣﺘﻰ ﺟﻮﺩ ﻭﺻﻮﻓﻴﺎ

ﻧﻮﺭ ﺍﻟﻬﺪﻯ : ﻫﻬﻬﻬﻪ ﻏﻴﺮ ﺣﻠﻤﻲ ﻧﺰﺍﺭ ﻣﺴﺘﺤﻴﻞ ﻳﺨﻠﻴﻚ ﺗﺨﺮﺟﻲ ... ﺣﺘﻰ ﺗﺼﻔﻰ ﺍﻟﻘﻠﻮﺏ ﻭﺗﺮﺟﻌﻲ ﻟﻴﻪ

ﻧﻌﻤﺔ : ﻭﺍﺧﺔ ﻧﻄﻠﺐ ﻣﻨﻚ ﻃﻠﺐ

ﻧﻮﺭ ﺍﻟﻬﺪﻯ : ﻧﺘﻲ ﺗﺄﻣﺮﻱ ﻣﺎﺷﻲ ﻏﻴﺮ ﻃﻠﺒﻲ

ﻧﻌﻤﺔ : / ﻋﻄﺎﺗﻬﺎ ﺍﻟﻌﻨﻮﺍﻥ ﺩﻳﺎﻝ ﺳﻤﻴﺔ / ﺳﻴﺮﻱ ﻟﻬﺎﺩ ﺍﻟﻌﻨﻮﺍﻥ ﻋﻔﺎﻙ ﻭ ﻃﻤﺄﻧﻲ ﺣﺎﻟﺘﻲ ﺳﻤﻴﺔ ﻋﻠﻴﺎ ﻭﻗﻮﻟﻲ ﻟﻬﺎ ﺗﺴﻤﺢ ﻟﻴﺎ ﻭﺍﻧﻨﻲ ﻣﻊ ﺭﺍﺟﻠﻲ ... ﻭﻃﻠﺒﻲ ﺳﻤﺎﺣﺔ ﻣﻦ ﺟﻮﺩ ﺣﻴﺚ ﻣﺎ ﻳﻤﻜﻨﺶ ﻟﻴﺎ ﻧﺘﺰﻭﺝ ﺑﻴﻪ

ﻧﻮﺭ ﺍﻟﻬﺪﻯ : / ﺧﺪﺍﺕ ﻣﻨﻬﺎ ﺍﻟﻮﺭﻗﺔ ﺑﺴﺮﻋﺔ / ﺍﻭﻙ ﺍﻟﺰﻳﻦ ﺩﻳﺎﻟﻲ ﻣﺎ ﻳﻜﻮﻥ ﻏﻴﺮ ﺧﺎﻃﺮﻙ ... ﺍﻩ ﻓﻜﺮﺗﻨﻲ ﻫﺎﻛﻲ ﻫﺎﺩ ﺍﻟﺤﻮﺍﻳﺞ ﻗﻀﻲ ﺑﻴﻬﻢ ﺣﺘﻰ ﻳﻔﻚ ﺍﻟﻠﻪ ﺻﺮﺍﺣﻚ / ﻏﻤﺰﺗﻬﺎ / ﻳﻼﻩ ﺑﺎﻱ ﺣﺒﻲ / ﻓﻲ ﻃﺮﻳﻖ ﺗﻼﻗﺎﺕ ﺑﻨﺰﺍﺭ / ﻳﻼﻩ ﺍﻟﻔﻨﻮﻥ ﺩﻳﺎﻝ ﺧﺘﻮ ﻫﺎﻧﺎ ﻣﺸﻴﺖ ﻭﺭﺍﻩ ﺭﻃﺒﺖ ﻟﻚ ﺍﻻﺟﻮﺍﺀ .... ﺗﻜﺎﻳﺲ ﻋﻠﻰ ﺍﻟﺒﻨﺖ ﻭﻣﺎ ﺗﺨﺮﺝ ﺣﺘﻰ ﺗﺼﺎﻟﺤﻬﺎ

ﻧﺰﺍﺭ : / ﺑﺎﺑﺘﺴﺎﻣﺔ / ﻛﻮﻧﻲ ﻫﺎﻧﻴﺔ ... ﺍﻩ ﻋﻨﺪﻙ ﺗﻨﺴﺎﻱ ﻣﺎ ﺷﺘﻴﻨﻲ ﻣﺎ ﺷﺘﻚ

ﻧﻮﺭ ﺍﻟﻬﺪﻯ : ﻛﻮﻥ ﻫﺎﻧﻲ

¤ ﺧﺮﺟﺖ ﻧﻮ ﺍﻟﻬﺪﻯ .... ﺍﻣﺎ ﻧﺰﺍﺭ ﻓﺤﻂ ﺍﻟﻤﺎﻛﻠﺔ ﻓﻲ ﺍﻟﺒﻼﻃﻮ ﻭﺩﺧﻠﻬﺎ ﻟﻌﻨﺪ ﻧﻌﻤﺔ ﻟﻲ ﻟﻘﺎﻫﺎ ﺟﺎﻟﺴﺔ ﻓﻮﻕ ﺍﻟﺴﺮﻳﺮ ﻭﺳﺎﺭﺣﺔ ﻋﺠﻮﻝ ﺍﻻﺧﺮﺓ .... ﻟﺪﺭﺟﺔ ﻣﺎ ﺣﺴﺘﺶ ﺑﻴﻪ ﻓﺎﺵ ﺩﺧﻞ ﻣﺸﺎ ﺟﻠﺲ ﺣﺪﺍﻫﺎ ﻭﺣﻂ ﻳﺪﻭ ﻋﻠﻰ ﺧﺪﻫﺎ

ﻧﺰﺍﺭ : ﻣﺎﻝ ﺍﻟﺤﺒﻴﺒﺔ ﻣﻬﻤﻮﻣﺔ ﻓﺎﺵ ﺗﺘﻔﻜﺮ؟؟

ﻧﻌﻤﺔ : / ﺑﻌﺪﺕ ﻣﻨﻮ ﻭﻧﺎﺿﺖ ﻭﻗﻔﺖ ﻭﻫﻲ ﻛﻠﻬﺎ ﺗﺘﺮﻋﺪ / ﻧﺖ ﺷﻨﻮ ﺟﻴﺘﻲ ﺩﻳﺮ ﻫﻨﺎ ﺧﺮﺡ ﺑﺤﺎﻟﻚ

ﻧﺰﺍﺭ : / ﻧﺎﺽ ﻭﻗﻒ ﻭﺗﻴﻘﺮﺏ ﻣﻨﻬﺎ ﻭﻫﻲ ﺗﺘﺒﻌﺪ ﺣﺘﻰ ﻟﺼﻘﻬﺎ ﻣﻊ ﺍﻟﺤﻴﻂ / ﻣﺎﻟﻚ ﺗﺘﺮﻋﺪﻱ ﺧﺎﻳﻔﺔ ﻣﻦ ﺷﻲ ﺣﺎﺟﺔ

ﻧﻌﻤﺔ : / ﺑﺪﺍﺕ ﻛﺪﻭﺭ ﻋﻴﻨﻴﻬﺎ ﻭﻛﺘﺒﻠﻊ ﻓﺮﻳﻘﻬﺎ / ﺃﻩ ... ﺷﻨﻮ ﻻ ﻣﻜﻨﺘﺮﻋﺪ ﻣﺎ ﺧﺎﻳﻔﺔ ﻋﻼﺵ ﺃﻧﺨﺎﻑ / ﻛﺘﺤﺎﻭﻝ ﺗﻤﻠﺺ ﻣﻨﻮ / ﺧﺎﺻﻨﻲ ﺭﺿﻊ ﻭﻟﺪﻱ ﺃﻳﻜﻮﻥ ﻓﻴﻪ ﺟﻮﻉ

ﻧﺰﺍﺭ / ﻛﻼﻫﺎ ﺑﻴﺪﻳﻪ ﺑﺠﻮﺝ / : ﻓﻴﻪ ﺟﻮﻉ ... ﺑﺼﺎﺡ ﻭ ﻟﻜﻦ ﺭﺍ ﺳﺎﻛﺖ ﻣﺎﺗﺸﻮﻓﻴﺶ ﻣﻌﺎﻳﺎ ﺃﻧﺎ

ﻧﻌﻤﺔ / ﺑﺪﺍﺕ ﻛﻀﺮﺏ ﺃﺧﻤﺎﺱ ﻓﺄﺳﺪﺍﺱ / : ﺍﺵ ﻧﺸﻮﻑ .. ﻣﻜﺎﻳﻦ ﻣﻨﺸﻮﻑ . .. ﺍﺷﺸﺶ ﻣﺎﺵ ﺑﺎﺗﺶ

ﻧﺰﺍﺭ : ﺍﺵ ﻛﺘﺒﺸﺒﺸﻲ ﺗﻤﺎﻙ ﻋﻠﻴﺎ ... ﻋﻄﻴﻨﺎ ﻧﺪﻳﺮﻭ ﺷﻲ ﺣﺎﺟﺔ ﺭﺍ ﻣﺎﺯﺍﻝ ﻣﺎ ﻭﻛﻞ ﻧﺒﻘﻰ ﺑﺠﻮﻉ ﺃﻧﺎ ﻣﻨﺒﻘﺎﺵ ﻓﻴﻚ ﻣﺎﺷﻲ ﺣﺸﻮﻣﺔ ﻋﻠﻴﻚ . ..

ﻧﻌﻤﺔ / ﻛﺘﺴﺘﻜﻠﺦ ﻋﻠﻴﻪ / : ﻭﺍﺧﺎ ﻫﺎ ﻧﺘﺎ ﺃﻧﺎ ﻏﻨﺮﺿﻌﻮ ﺃﻭ ﻧﻄﻴﺐ ﻟﻴﻚ ﺻﺎﻓﻲ ﻭ ﺣﻴﺪ ﻋﺎﻓﺎﻙ

ﻧﺰﺍﺭ / ﺯﻋﻤﺎ ﻛﻴﻔﻜﺮ / : ﺍﻣﻤﻢ ﺇﻳﻼ ﺑﻐﻴﺘﻲ ﻧﺨﻠﻴﻚ ﻋﻄﻴﻨﻲ ﺑﻮﺳﺔ ﻭ ﻧﻄﻠﻘﻚ / ﻧﻌﻤﺔ ﺑﺎﺳﺘﻮ ﻓﺤﻨﻜﻮ / ﻣﺎ ﻫﺬﺍ ﻳﺎ ﻫﺬﺍ ﺷﻨﻮ ﺧﻮﻙ ﺃﻧﺎ ﻭﻻ ﺷﻨﻮ ﻭﺍﺵ ﻏﺘﺒﻮﺳﻲ ﻧﻴﺸﺎﻥ ﻭﻻ ﻏﻨﺼﺪﻗﻮ ﻛﻨﺎﻗﺸﻮ ﺷﻲ ﺣﻮﺍﻳﺞ ﻣﻌﻘﺪﺓ ﻛﺜﺮ

ﻧﻌﻤﺔ ﺳﻤﻌﺎﺕ ﻟﻠﻘﻀﻴﺔ ﻏﺘﺤﻤﺎﺽ ﻭﻫﻲ ﺗﻼﺡ ﻋﻠﻴﻪ ﺑﺎﺳﺘﻮ ﻣﻦ ﻓﻤﻮ ﻭ ﻃﻮﻟﻮﻭﻭﻭﻭﻫﺎ ﻛﻴﻄﻔﻴﻮ ﺑﻴﻬﺎ ﺷﻮﻕ ﻟﻲ ﺑﻴﻨﺎﺗﻬﻢ ﺣﺘﻰ ﺑﺪﺍﻭ ﻛﻴﻨﺴﺎﻭ ﺭﺍﺳﻬﻢ ﺷﻮﻳﺔ ﻭ ﻫﻲ ﺗﻮﻋﻰ ﻧﻌﻤﺔ ﻟﻲ ﻟﻘﺎﺕ ﺭﺍﺳﻬﺎ ﺗﺒﺪﻻﺕ ﻣﻌﺎﻩ ﺃﻭ ﻫﻮ ﻟﻲ ﻭﻻ ﻣﻜﺎﻟﻲ ﻋﻠﻰ ﺍﻟﺤﻴﻂ ﻭﻫﻲ ﺗﺴﻠﺖ ﻣﻨﻮ ﻭﻫﺮﺑﺎﺕ ﻭ ﻫﺰﺍﺕ ﻭﻟﺪﻫﺎ ﺗﺨﺒﺎﺕ ﻣﻮﺭﺍﻩ

ﻧﺰﺍﺭ / ﻏﺎﺩﻱ ﻟﻌﻨﺪﻫﺎ / : ﺷﻨﻮ ﺯﻋﻤﺎ ﻛﺘﺤﻤﺎﻱ ﻓﻴﻪ

ﻧﻌﻤﺔ : ﻭ ﺻﺎﻓﻲ ﻋﻔﺎﻙ ﺧﻠﻴﻨﻲ / ﻳﺎ ﺭﺑﻲ ﻣﺸﻴﺖ ﻓﻴﻬﺎ ﻣﻜﻨﻘﺪﺭﺵ ﻧﻘﺎﻭﻣﻮ / ﻋﻔﺎﻙ ﺁ ﻧﺰﺍﺍﺍﺍﺭ

ﻧﺰﺍﺭ / ﺟﻠﺲ ﺣﺪﺍﻫﺎ / : ﺍﻟﻠﻪ ﺷﺤﺎﻝ ﻫﺎﺩﻱ ﻣﺎ ﺳﻤﻌﺖ ﺳﻤﻴﺘﻲ ﺣﻠﻮﺓ ﻫﺎﻛﺎ . ... ﻣﺘﺨﺎﻓﻴﺶ ﻣﻐﻨﺪﻳﺮ ﻟﻴﻚ ﻭﺍﻟﻮ ﺣﺘﻰ ﻧﻮﺛﻘﻮ ﺯﻭﺍﺟﻨﺎ ﺻﺎﻓﻲ ... ﻭ ﺃﺭﻱ ﻟﻴﺎ ﻏﻨﻔﻮﺳﻲ ﻧﺸﻮﻓﻮ ﺷﻮﻳﺔ

¤ ﻫﺰﻭ ﻣﻦ ﻋﻨﺪﻫﺎ ﻭﺑﺪﺍ ﻛﻴﻼﻋﺒﻮ ﻭ ﻳﻌﻨﻘﻮ ﻭﻳﻬﺮﻭ ﻭﻳﻬﺰﻭ ﻓﺴﻤﺎﺀ ﻭ ﻫﻤﺎ ﺑﺠﻮﺝ ﻓﺮﺣﺎﻧﻴﻦ ﺑﺒﻌﻀﻴﺎﺗﻬﻢ ﻭ ﻛﻴﺒﺪﺍ ﻳﻤﺨﺸﺶ ﻓﻴﻪ ﻟﻤﻬﻢ ﺷﻨﺪﻟﻮ ﻣﺰﻳﺎﻥ ﻭﻫﻮ ﻛﻴﻀﺤﻚ ﻋﺎﺟﺒﻮ ﻟﺤﺎﻝ " ﺳﺒﺤﺎﻥ ﺍﻟﻠﻪ ﺑﻨﺎﺩﻡ ﻣﻦ ﺻﻐﺮﻭ ﻋﺰﻳﺰ ﻋﻠﻴﻪ ﺗﺒﻬﺪﻳﻞ " ﻭﻧﻌﻤﺔ ﻏﻴﺮ ﻛﺘﺸﻮﻑ ﻓﻴﻬﻢ ﻭ ﻣﺎﻗﺪﺍﻫﺎ ﻓﺮﺣﺔ ﻭﻫﻲ ﻛﺘﺸﻮﻑ ﺃﻏﻠﻰ ﻧﺎﺱ ﻋﻠﻰ ﻗﻠﺒﻬﺎ ﻗﺪﺍﻣﻬﺎ ﺑﺠﻮﺝ .... ﺃﻣﺎ ﻧﻮﺭ ﺍﻟﻬﺪﻯ ﻣﺸﺎﺕ ﻟﻌﻨﻮﺍﻥ ﻟﻲ ﻋﻄﺎﺗﻬﺎ ﻧﻌﻤﺔ ﺩﻗﺎﺕ ﺃﻭ ﺩﺧﻼﺕ ﻭ ﻓﻌﻼ ﺍﻟﺨﺎﻟﺔ ﺳﻤﻴﺔ ﻣﺨﻠﻮﻋﺔ ﻭﺻﻮﻓﻴﺎ ﻛﺬﺍﻟﻚ ﺃﻭ ﺟﻮﺩ ﻟﻲ ﻳﻼﻩ ﺟﺎ ﻣﻦ ﺑﻌﺪ ﻣﺎ ﺧﺒﺮﺍﺗﻮ ﻣﻮ ﺑﻠﻲ ﻧﻌﻤﺔ ﻣﺠﺎﺗﺶ ﻭ ﺗﻠﻔﻮﻧﻬﺎ ﻃﺎﻓﻲ .

ﻧﻮﺭ ﺍﻟﻬﺪﻯ : ﺳﻼﻡ ... ﻭﺍﺵ ﻧﺘﻲ ﻫﻲ ﺧﺎﻟﺘﻲ ﺳﻤﻴﺔ

ﺍﻟﺨﺎﻟﺔ ﺳﻤﻴﺔ : ﺃﻳﻪ ﺃﺑﻨﺘﻲ ﻫﻲ ﺃﻧﺎ

ﻧﻮﺭ ﺍﻟﻬﺪﻯ : ﺃﻧﺎ ﻧﻮﺭ ﺍﻟﻬﺪﻯ ﺟﺒﺮﺍﻥ ﺧﺖ ﻧﺰﺍﺭ ﺟﺒﺮﺍﻥ ﺭﺍﺟﻞ ﻧﻌﻤﺔ ... ﺟﻴﺖ ﻧﻘﻮﻟﻴﻜﻢ ﺑﻼ ﻣﺎ ﺗﺸﻮﺷﻮ ﻋﻠﻴﻬﺎ ﺭﺍ ﻣﻌﺎﻩ

ﺍﻟﺨﺎﻟﺔ ﺳﻤﻴﺔ : ﻛﻴﻔﺎﺵ ﺭﺍﺟﻠﻬﺎ . .. ﺟﻮﺩ ﺍﺵ ﻛﺘﻘﻮﻝ ﻫﺎﺩﻱ

ﺟﻮﺩ / ﻣﻌﺮﻑ ﺭﺍﺳﻮ ﺑﺎﺵ ﺗﺒﻠﻰ / : ﻫﻲ ﻣﺰﻭﺟﺔ ﻏﻴﺮ ﺑﺎﻟﻔﺎﺗﺤﺔ ﺭﺍﻙ ﻋﺎﺭﻓﻴﻦ ﻣﺎﺷﻲ ﺑﻠﻮﺭﺍﻕ . .. ﻓﻴﻦ ﻫﻲ ﻭﺍﺵ ﺩﺍﻫﺎ ﺑﺰﺯ ﺃﻛﻴﺪ ﺩﺍﻫﺎ ﺑﺰﺯ ﻓﻴﻦ ﺩﺍﻫﺎ

ﻧﻮﺭ : ﺍﻳﻴﻴﻴﻴﻪ ﺻﺎﻓﻲ ﺍﺷﻤﻦ ﺩﺍﻫﺎ ﺑﺰﺯ ﺭﺍ ﺭﺟﻠﻬﺎ ﻭ ﺩﺍﻫﺎ ﻣﻌﺎﻩ / ﻧﻮﺭ ﻋﺮﻓﺎﺗﻮ ﻫﻮ ﻣﻮﻝ ﺑﻼﻥ ﺩﺯﻭﺍﺝ / ﻭ ﻫﻲ ﺍﺻﻼ ﻛﺘﺒﻐﻴﻪ ﻭ ﻳﺒﻐﻴﻬﺎ ﻭﻣﻦ ﺧﻼﻝ ﺩﺍﻛﺸﻲ ﻟﻲ ﺷﻔﺖ ﻫﻲ ﻓﺮﺣﺎﻧﺔ ﻭﺯﺍﻳﺪﻭﻥ ﻭﺍﺧﺎ ﺑﺎﻟﻔﺎﺗﺤﺔ ﻫﻮ ﻣﻄﻠﻘﻬﺎﺵ ﻳﻌﻨﻲ ﻣﺎﺯﺍﻝ ﻣﺮﺗﻮ ﻧﺘﺎ ﻟﻲ ﻣﺘﺒﻘﺎﺵ ﻃﻴﺮ ﻋﻠﻰ ﻟﻲ ﻣﺎﺷﻲ ﻟﻴﻚ ...

ﺟﻮﺩ : ﻳﺎﻙ ﺃﻻﻟﺔ ﻭﻟﻴﻨﻲ ﻟﺴﺎﻧﻚ ﻣﺎﺿﻲ ﻣﺎﻟﻜﻲ ﻛﺘﻬﺪﺭﻱ ﻭﻣﻐﺰﻓﺔ ﻋﻠﻴﺎ ﻭ ﻣﺤﻤﻼﻧﻴﺶ ﺍﺵ ﻛﺎﻳﻦ ﻭﺍﻛﻞ ﻟﻴﻚ ﻟﻮﺭﺙ

ﻧﻮﺭ : ﺍﺵ ﺑﻴﻨﻲ ﻭ ﺑﻴﻨﻚ ﻟﻲ ﻣﻨﺤﻤﻠﻜﺶ ﻓﻴﻦ ﻛﻨﻌﺮﻓﻚ ﻏﻴﺮ ﻣﺎﻋﻨﺪﻳﺶ ﻣﻊ ﺑﻨﺎﺩﻡ ﻟﻲ ﻛﻴﻤﺪ ﻳﺪﻳﻪ ﻋﻠﻰ ﺍﻟﺤﺎﺟﺔ ﺩﻏﻴﺮﻭ

¤ ﺟﻮﺩ ﻳﻼﻩ ﺑﻐﻰ ﻳﺠﺎﻭﺑﻬﺎ ﻭﻫﻲ ﺗﻘﺎﻃﻌﻬﻢ ﺍﻟﺨﺎﻟﺔ

ﺳﻤﻴﺔ : ﺳﻜﺘﻮﻧﻲ ﺑﺠﻮﺟﻜﻢ ﺍﻭﻳﻠﻲ ﻟﻲ ﺳﻤﻌﻜﻢ ﻣﺎ ﻳﻘﻮﻟﺶ ﺑﻠﻲ ﻳﻼﻩ ﻛﺘﻌﺮﻓﻮ ﺑﻌﻀﻴﺎﺗﻜﻢ ﻟﻤﻬﻢ ﻗﻮﻟﻲ ﻟﻨﻌﻤﺔ ﺍﻟﻠﻪ ﻳﻌﺮﺿﻬﺎ ﺳﻼﻣﺔ ﻣﺸﺎﺕ ﻋﻨﺪ ﺭﺍﺟﻠﻬﺎ ﻣﻐﻨﻤﻨﻌﻮﻫﺎﺵ ﻭ ﻗﻮﻟﻴﻬﺎ ﺑﻠﻲ ﺩﺍﺭ ﺧﺎﻟﺘﻬﺎ ﺳﻤﻴﺔ ﺩﻳﻤﺎ ﻣﻔﺘﻮﺣﺔ ﻓﻮﺟﻬﻬﺎ ﺻﺎﻓﻲ

ﻧﻮﺭ ﺍﻟﻬﺪﻯ : ﻭﺍﺧﺎ ﺃ ﺧﺎﻟﺘﻲ ﻟﻤﻬﻢ ﺍﻟﻠﻪ ﻳﻌﺎﻭﻧﻜﻢ

ﺧﺮﺟﺎﺕ ﻭ ﻫﻮ ﻳﺘﺒﻌﻬﺎ ﺟﻮﺩ ....

ﺟﻮﺩ : ﻫﺎﻩ ﻫﺎﺩﻳﻚ ﻧﺘﻲ ﻧﻮﻭﻭﻭﻭﺭ ﺣﺒﺴﻲ

ﻧﻮﺭ : ﺳﻤﻴﺘﻲ ﻧﻮﺭ ﺍﻟﻬﺪﻯ ﺳﻤﻌﺘﻲ ...

ﺟﻮﺩ : ﻟﻤﻬﻢ ﺃﻧﺎ ﻫﺪﺭﺗﻚ ﻛﻠﻬﺎ ﻣﺪﺧﻼﺗﺶ ﻟﻲ ﻟﺮﺍﺳﻲ ﺩﻳﻨﻲ ﻧﺸﻮﻓﻬﺎ ﺑﻌﻴﻨﻲ

ﻧﻮﺭ : ﻣﻜﻴﻬﻤﻨﻴﺶ ﺩﺧﻞ ﻭﻻ ﺗﺨﺮﺝ ﺯﺩﺡ ﺭﺍﺳﻚ

ﺟﻮﺩ : ﺷﺤﺎﻝ ﺣﺎﺳﺔ ﺑﺮﺍﺳﻚ ﻋﻨﺪﺍﻙ ﻃﺮﻃﻘﻲ

ﻧﻮﺭ : ﺧﻠﻴﻨﻲ ﺳﻮﻗﻚ ﺍﺵ ﻣﺸﻰ ﻟﻴﻚ / ﻛﺘﺸﻴﺮ ﻋﻠﻰ ﻃﺎﻛﺴﻲ /

ﺟﻮﺩ : ﻧﻮﺻﻠﻚ ﺑﻼ ﻣﺎﺗﻌﺬﺑﻲ

ﻧﻮﺭ : ﻫﻬﻬﻬﻬﻬﻬﻪ ﻗﺪﻳﻤﺔ ﺃﻩ ﻭﺑﻼ ﻣﺘﺤﺎﻭﻝ ﺗﺒﻌﻨﻲ ﺭﺍ ﻣﻐﺪﺍﺵ ﻋﻨﺪﻫﻢ ﺑﺎﻱ ﺑﺎﻱ ﻓﺮﺻﺔ ﺳﻌﻴﺪﺓ ﺑﻼ ﻣﻨﻌﻮﺩﻭﻫﺎ

ﺟﻮﺩ / ﻣﻊ ﺭﺍﺳﻮ :/ ﻫﺎﺩﻳﻚ ﻋﻠﻰ ﻧﻮﻧﻮﺳﺔ ﺷﺤﺎﻝ ﺻﻌﻴﺒﺔ ﺁﻩ ﺍﻩ ﺍﻩ ...... ﻭﻟﻜﻦ ﺯﻭﻳﻨﺔ / ﻭﻋﻰ ﺑﺮﺍﺳﻮ ﺷﻨﻮ ﺗﻴﻘﻮﻝ / ﺟﻮﺩ ﻧﻌﻞ ﺍﻟﺸﻴﻄﺎﻥ ﺷﻨﻮ ﻫﺎﺩ ﺷﻲ ﺗﺘﻘﻮﻝ ﻭﺍﺵ ﺗﺴﻄﻴﺘﻲ ... ﺩﺍﺑﺔ ﻧﻌﻤﺔ ﺯﻋﻤﺎ ﺑﺼﺢ ﺗﻜﻮﻥ ﺑﻘﺎﺕ ﻣﻊ ﺭﺍﺟﻠﻬﺎ ... ﻭﻣﺎﻝ ﻫﺎﺩ ﻧﻮﻧﻮﺳﺔ ﻏﺎﺩﺓ ﺗﻜﺬﺏ ﻋﻠﻴﺎ ...... ﺍﺻﻼ ﻧﻌﻤﺔ ﺑﺎﻗﺔ ﺗﺘﺒﻐﻴﻪ ﻭﻛﻨﺖ ﻣﺘﻮﻗﻊ ﺗﺮﺟﻊ ﻟﻴﻪ ﺍﻭﻝ ﻣﺎ ﻳﺒﺎﻥ ﺣﺪﺍﻫﺎ .... / ﺑﺘﺎﺳﻢ / ﻧﻮﺭ ﺍﻟﻬﺪﻯ ﻫﻬﻬﻪ ﺯﻭﻳﻨﺔ ﻫﺎﺩ ﺍﻟﺴﻤﻴﺔ

ﺻﻮﻓﻴﺎ : / ﻭﺍﻗﻔﺔ ﻣﻦ ﻭﺭﺍﻩ / ﻭﻱ ﻭﺣﺘﻰ ﻣﻮﻻﺗﻬﺎ ﺯﻭﻳﻨﺔ

ﺟﻮﺩ : / ﺛﻮﺛﺮ / ﻭﺍﻧﺎ ﻣﺎﻟﻲ ﺯﻭﻳﻨﺔ ﻭﻻ ﻣﺰﻭﻳﻨﺎﺵ ... ﺍﻧﺎ ﻏﻴﺮ ﻋﺠﺒﺘﻨﻲ ﺳﻤﻴﺘﻬﺎ .... ﺍﺻﻼ ﻣﻨﻴﻦ ﺟﺎﻫﺎ ﺯﻭﻳﻦ

ﺻﻮﻓﻴﺎ : ﺍﻟﻌﺠﺐ ﺍﺧﻮﻳﺎ ﺍﻟﺒﻨﺖ ﻛﺎﻉ ﺩﺭﺍﺭﻱ ﺩ ﻟﻴﺴﻲ ﺗﻴﻤﻮﺗﻮ ﻋﻠﻴﻬﺎ ﻭﺑﻐﺎﻳﻦ ﻏﻴﺮ ﻛﻠﻤﺔ ﻣﻨﻬﺎ ... ﻭﻟﻜﻦ ﻫﻲ ﻋﻤﺮﻫﺎ ﻋﺒﺮﺕ ﺷﻲ ﻭﺍﺣﺪ ﻓﻴﻬﻢ

ﺟﻮﺩ : / ﺑﺎﻧﺰﻋﺎﺝ / ﻭﺃﻧﺎ ﻣﺎﻟﻲ ﺗﺘﻌﺎﻭﺩﻱ ﻟﻴﺎ ﻫﺎﺩ ﺷﻲ

ﺻﻮﻓﻴﺎ : ﺍﻧﺎ ﻏﻴﺮ ﻗﻠﺖ ﻟﻚ ﻭﺻﺎﻓﻲ .... ﻳﻼﻩ ﺑﺎﻱ ﻣﻮﻥ ﻓﺮﻳﺮ