قصة نهار تزعطات الشمكارة

من تأليف Iman Labib
2018قصة كاملة

محتوى القصة



رواية نهار تزعطات الشمكارة

الفقر أحد أهم العوامل لكتسبب في انحراف شباب 
لاا حكومة دايرة خدمتهاا لاا ناس متعاطفة ومتساعدة 
هضرة ناس كتزيد تأزم الأمور
في هاد البيئة فين ترباات واحد الجوهرة لي رجعاات فاخرة من بعد الموت ديال الأم ديالها وهي عندها 14العام بقاات مع الأب سكايري ماعلابالوش بيهاا تشردات مبقااش عندها حل من غير أنهاا تخرج طريق ماشي بمفهوم تبيع شرفهاا لااا ............... 
-أنا:ما فعايل ماوالو الخوت كدورو جوان بيناتكم ومخليني مقطوعة
طاريق:مابغيناش نديو دنوبك
سارة:من نيتك أزبي آرا هاداك ونوض نضبرو على كرناا جيب خوا ماكين حتى باش نتغداو
طاريق:سيري بوحدك أنا عفى علياا الله من داك تشلهيب
سارة:قريقيبة نود وخليه شوية ويتبعناا
قريقيبة:غير سيري مبقينااش باغين هاد لخرا
سارة:ينعل دين مي أنا لي حمارة كالسة معاكم تفو
طاريق:بلاا معيور قلبي 6/9
سارة:هاهي غادة يجي شي ولد الكلبة يسول علياا نتقب لطبون مو عينيه
مشاات طالع ليهاا دم حاقدة عليهم حيث معندهااش لي يونسهاا في خدمتهاا لي هي الكريسااج ..
لابسة صوفيطماا سروال ديالها مشروط وسبرديلاا بيضة غير هي رجعاتهاا كحلة بالوسخ جامعة شعرهاا لي رطب رغم تكرفيس لي هي فيه الجمال ديالهاا واضح وضوح الشمس
نعرفكم بالبطلة 
سارة 21عام كتسكن في كازا بالضبط في حي مولاي رشيد الحي لي كلو تشرميل مستحيل دوز من ديك البلاصة ومتكريسااج 
بقااات كدور مع راسهاا فيما بانت ليها شي بنت معزولة كتوقف عليهاا دي ليها رزقهاا وتصيفطهاا 
وصل ليل طلعات البراكة لقات باباها كيتسنا فيها عطاتو شراب وتلااحت تنعس

صبح صبااح وشمكارة مازال ناعسة فيقوهاا غير البعالك لي في درب أما باباهاا ميفيق حتى 4h ولا 5h
نخليوهاا هي تهضر😉

ينعل بوها عيشة شي نهار نقتل شي برهوش حسن لياا نوض خرجت بحوايجي لي كنت بيهم أصلا عندي غير جوج لبسات الفقر دين مو 
خرجت خديت لياا واحد طريف ب 10دراهم تكاونيت في واحد العتبة كنكيف وكنفكر بلي هاد الكريسااج ديال زنقة مبقااش نافع نهار كامل وأنا كنكشط في بنادم مكنجيب حتى 400درهم..
كنخسرها غير في شراب ديال الواليد كنت كنغمق عليه ب la bière 9.59dh عشرة القراعي ب 100 درهم ولكن سيد مابقااش قانع بالبيرة ولاا باغي vin rouge 30 dh كنجيب ليه 5 القراعي ب 300درهم آش كيبقاا لياا البرد
بقاات كتفكر حتى وقف عليهاا ولد درب عصام حتى هو مسكين مقودة عليه ومع البلية مكرفص كيتقاداو ليه الفلوس كيرجع بحال شي وحش لي لقااه قدامو كيطحنو ولكن حنين في سارة ديماا كيضارب على قبلهاا
عصام:عطيني نفتخ معاك الله احفظك
أنا:دور تحواا لاا 
عصام:مقطوع أبنادمو
أنا:شوف أتبي راه حازقة نعطيك نت ونبقاا نبقلل في عيني شوية لاباس
عصام:يابنت القحبة ديماا كنحامي عليك ديريهاا فين تجيك المرة جاياا نخلي دين مك تفرشخي 
تم غاادي وهي طيح ليهاا واحد الفكرة في مخها ناضت تجري عندو
أنا:عصيصيم شد تبوق لياا مع راسك وكلس نقول ليك واحد الفكرة نجمعو بيهاا غادي تجيب لينا لعاقة
عصام:بلاناتك خاوين 
أنا:لاا هاد المرة مكنهضرش في الخاوي
عصام:شعايبية طلقيناا 
أنا:شفرة في زنقة ماكتوكلش الخبز آش بان ليك نشفرو الفيلات
عصام:كتفروحي فيلاات يجيبوك يجيبوك غير شدي الأرض
أنا:بزااف لي كيشفروهم وعمرهم تشدو
عصام:بناادم مدوز الخيخ في داك شي ماشي فحالك مكتعرفس تنقزي حتى الحيط😕
أنا:مبغيتيش😒
عصام:لاا ونصيحة من عندي بعدي على لخراا وحيدي منك دودة
حيدات ليه جوان من فمو مسكين
أنا:نود تقود من حدايا
عصام:غير حيث بنت دربناا أما كون عوجت ختي
أنا:قود

نمشيو عند البطل ديالناا 
كالس في البيرو ديال الشركة ديالو و بكل أناقة مغوبش ومخنزر خاشي راسو في الملفاات عندو الخدمة في المركز الثاني من بعد عائلتو ..
هاد بنادم مكيضحكش عندو غير ديريكت قاصح مع راسو الموضفين مساكن زارع فيه الرعب
ساهير 30 عام رجل أعمال ناجح وتوتوز 😍 عايش في فيلاا كبيرة مع الأم ديالو وختو لي عندها 20عام الأب ديالو ميت ماعندوش مع الجنس لطيف كيخدمهم فقط فاش كيبغي يخوي الكبت ديالو

دق دق
ساهير:تفضل
دخلاات عندو ياسمين سكرتيرة كتعوج دايرة كيلو ونص ديال المايكاب ولابسة كسوة مقزبة وصدر مطلعااه شكون داها فيهاا

ياسمين:سي ساهير عندك اجتماع من هنا 10دقايق مع المدير تنفيدي ل شركة BMT 
بلاا ميهز راسو فيهاا
ساهير:لغيه
ياسمين:ولكن راه
ساهير:خرجي 
حناات راسهاا وتمات خارجة 
ساهير:تسناي
ياسمين:وي سي ساهير
ساهير:دوزي عند المحاسيب خودي المستحقات ديالك منغيش نشوفك هناا مازال
ياسمين:عافاك متجريش علياا شنو درت
ساهير:سدي معاك الباب
خرجات من عندو كتبكي هذا هو ساهير مكيبغيش يعاود الهضرة جوج مرات وأعدا حاجة عندو يتقابح معاه شي حد

تيليفونو كيصوني
ساهير:ألو
جيهان:خوياا صافا
ساهير:خدام شنو باغا
جيهان:ماما بغاتك تجي تغدا معانا
ساهير:حتى نشوف إلا تعطلت بلاا متسناوني 
جيهان:أووف بااي

نرجعو عند سارة من بعد تفكير عميق خرجات بقرار لي هو بليل غتدخل لشي فيلاا دبر على راسهااا
جاها جوع....
خدات جوج سوندويتش طون ورجعات البراكة لقات باباها باقي ناعس
أنا:لمعطي نود تغدا واا لمعطي نود ونت خمرتي
لمعطي:آش باغا على صباح
أنا:وا بابا آشمن صباح اهديك الله راه 2h دابا نود كول ورجع ركد
نااد من نعااس غسل وجهو وخدا سوندويتش 
أنا:نت لي طالعة ليك 
لمعطي:خشي في وجهك وسكتي
أنا:علاش متحركش وتخدم على راسك راني عييت
لمعطي:بغيتي تلوحيني
أنا:بابا آش كتخربق ولكن راه بزااف علياا غير داك شراب ديال كل نهار ميزاانية
لمعطي:مكرهتش نموت ونخليك ترتاحي مني
أنا:لمعطي خليني ناكل لاااش ديما كتبغي توحلهاا لياا
لمعطي:كون بقات مك حية كاع منوصلو لهاد الحالة
أنا: الله ارحمهاا المهم بابا أنا اليوم غنتعطل في ليل 
لمعطي:وعلاااش
أنا:عندي شي بريكول
لمعطي:كنشم ريحة شي مصيبة
أنا:كول كول قالك مصيبة😒
سالات الماكلة ونعساات مافاقت حتى 7h جابت الخبز وعمرات لباباها أتاي وخرجاات 
طاريق:وي وي
أنا:نعاام 
طاريق:شي 10درهم
أنا:معنديش
طاريق:جوان
أنا:عفى الله
طاريق:كضحكي علياا دابا
أنا:سير تحواا باقي تجي عندي ندير أنا وطبون مك نهار
طاريق:وا عطيني جوان ولا نحرمها على القردة لي حطاتك
أنا:بغيتي واحد زب لاا قلب علياا الله يرحم باك دابا ياك غير البارح كنتي داير فيهاا باغي ليا الخير ومعرت شنو
طاريق:سارة عطيني ولاا
جا المنقد ديالها عصام لي ديماا كتلقااه في هاد لحظات
عصام:طاريق دور تقود
طاريق:عصام خليك بعيد
عصام:سير فحالك وسارة آخر مرة دور بيهاا 
خلااتهم مضاربين ومشاات
نخليهاا هي تهضر 
بفف باقي يالاه 8h والفيلاات منخدم فيهم حتى 12h ولا 1h ماشي مشكيل طلعت في طوبيس سالته كندعي غير ميطلعوش الكونطرولة ماقادة على تجرتيلة
هبطت كملت على رجلي حتى وصلت 2mrs أرقى بلاصة في كازا دخلت جيهت الفيلات كااين سقيل وظلاام هناا كيسكنو غير ناس لي لاباس عليهم أما لحديد وحدة تنسيك في لاخرى خسارة معنديش البيرمي أما كوراني شفرت شي Bm وقفت كنستكشف المكان حتى جات عيني على واحد الفيلاا مقودة دياال بصح بحال القصر هاد شي غير من برا اعلم الله من الداخل 
ياربي غير لقاا ذهب😍 بفف مالي حمارة حاجة طبيعية غلقااه راه لاباس عليهم

ريحت في طيطوار كنتسناا حتى ينعس بنادم بقيت هاكاك حتى وصلات 1h تكعدت وتوكلت على الله ياربي غير منحصلش نصدق مجرجرا في الحباسات....
نقزاات سور غادة ومخبية على الكاميرا واخا الكلاب كينبحو ماداتهاش فيهم حيث مربوطين والمثير للإنتباه هو الكلااب كانو كينبحو قبل مدخل هاد شي كيعني بلي كاين شي حد براني الداخل 
دخلاات من الباب لوراني صغير غيكون ديال الخدامة دواو طافين ظلاام مكتقشع والو خدمات غير الفلااش ديال تيليفون باش تشوف بقاات غادة طلعات في دروج كتقلب من البيت البيت حتى وصلاات الواحد البيت دخلااات ليه تصدمات من داك شي لي شاافت 

أويلي باا آش هاد العجب وشكون هذا وعلااش دايرين هاد الحالة لتصاورو أنا بغيت غير نعرف فاش كنت كنفكر حتى جايا لهناا

بيت كبير خااوي عامر بتصاور ديال ساهير ملصقينهم في الحيط وحدين مدورين عليهم ووحدين كاتبين عليهم الموت 

من بعد ماشافت هاد شي مبقاتش ناوية تشفر بغات غير تخرج من ثم قبل متحصل وتجيبها في عضامهاا هودات كتجري حتى بغات تخرج وهي تسمع شي حد كدوي بحكم الفضول لي فيهاا تاجهات لبلاصة لي جاي منها صوت دارت ودنيها على الباب 

الشخص:بغيتك غدا تهنيني منو
الشخص 2:المهم فلوسي
الشخص:هاك هذا العربون من بعد العملية تشد الكمالة
الشخص2:عطيني تصويرة والبلاصة لي غيكون فيها
الشخص:شد هاد جوا فيه كلشي لي كيتعلق بالمهمة 
الشخص2:متافقين
الشخص:تقدر تمشي

جرات دغية تخبات ولكن خاطرها ماهناهاش تخلي دااك توتوز يموت وبكل شجاعة قررات تبع المجرم لي مكلف بالقتل خلاتو حتى بغاا يركب في طوموبيل وخطفاات ليه جوا
شخص:وهياا
هي تجري وهو تابعهاا هي تجري وهو مازال تابعهاا مع الخلعة درية مسكينة تجهد ليها الادرنالين في دمها ولاات طيارة ماشداتهاا حتى وصلاات البراكة ومن 2mrs حتال لحي مولااي رشيد بزااف عويطة ومادارهااش ...
لقاات لمعطي نااعس غطااتو وتخشات في بلاصتهااا جبدات تصويرة سهاات فيه 

آحح أقلبي هذا موحال مغريبي حناا عندناا غير خانزين تقااشر😒 ولكن لااش غيبغو يقتلوه وأنا مالي كااع فهاد شي تفو كنقلب على لي يخلي دار بوياا

عاودات حلااات جوا لقااات الفلوس😍😍 ليل كامل وهي تحسب فيهم 3المليون عينيهاا حوالو عمرهاا شدات هاد المبلغ في إيديهاا جمعاتهم غبراتهم على باباها عاد قرات العنوان طار عليهاا نعااس صبرات حتى وصلاات 7h صباح خرجات شرات الخبز وكرواصة والفرماج والحليب حطاتهم لباباها وحطات حداهم 500درهم 
بدلاات حوايجها لبسات سروال تجين كامل مقطع وباهت مع قديم من لفوق تيشورط كحل مع ديك سبرديلاا الموسخة لي عندهاا جمعات شعرها شفنجة كيف ديماا إلاا قلبناه ليها لقاوه عامر gمل
خرجاات شدات طاكسي العنوان لي في الورق

سارة:خويا شحال
مول طاكسي:50درهم
سارة:شناوا هاك 20درهم هي لي عندي
مول طاكسي:ختي بنت ليك كنبيع الخضرا عطيني رزقي بلا صداع
سارة:معنديش نولدهم ليك 
مول طاكسي:كنتي تشدي طوبيس
سارة:زربانة داكشي
مول طاكسي:هودي الله ارحم باك هاكا كيوقع فاش كركبو بحالك
سارة:بحالي مالك كيجيتك غير مزروبة أما نوري خوياا وجهو في المرايا
هودات كتنكر دايراها قد راسهاا ومن الفوق كتنفخ شي نهار غتجبيهاا في كرهاا
هزات راسها في البني العالي صف ديال شاركاات كلهم مشابهين داخت وسطهم
خرجات الورقة لقات فيها سميت شركة SMF غادة وكتقلب 
لي داز كيطلع ويهبط فيها من حقهم ناس تما كلهم كلاص وقارين ماشي بحالها شمكارة
وأخيراا لقيتهااا بفف ندير معاه المزيان يقدر يدور معايا😍 بلاتي وإلا ماكانش كيهضر العربية ماشي مشكيل أهم حاجة هي المحاولة
سارة:سلاام عشيري
الحارس:صبحناا على الله
سارة:مالك؟؟
الحارس: حيدي من هناا
سارة:بغيت نشوف واحد سيد يمكن خدام هنا
الحارس:ممنوع سيري قبل منعيط البوليس
سارة:تاا مالك كتهز وتحط بغيت غير نشوف واحد بنادم عادي 
الحارس:هناا مكيدخلوش الموسخين 
سارة:موسخة هي جداك 
عياات معاه ولد طيط حلف ميتعامل معاها بعدات من حدا الباب كتسناا دوخااتهاا شمس صبرات لاعلاا واعاسا يخرج ولا يدخل 
دازت جوج سوايع وهي تورق عليه في طوموبيلتو داخل عرفات راسها إلا خلااتو دخل مغتلقااش فرصة آخرى هزاات حجرة كبيرة وشيرات على طوموبيل حتى تهرساات ليهاا جاجة لي لور العساس مسكين شد فراسو
هناا ساهير فرانا صوت ديالهاا تسمع على بعد أميال
هبط عينيه خارجين مشاا شنق على العساس
ساهير:كنخلصك بااش تخلي شماكرية قدام شركة دوي 
العساس كيترعد مبقا عارف لاا مايقدم ولا يوخر
ساهير:جمع قلوعك وغبر
الحارس: والله أسيدي حتى جريت عليهاا
ساهير:غبر من قدامي😡
جات مولاات المشاكيل كتجري عندو
سارة:علااش جريتي عليه مادار والو وأنا كنت بغيت
ماداهاش فيها وتم داخل شدات ليه في إيديه دار دفعهاا بإديه بجوج حتى طاحت على طرماحتهاا
سارة:آي
ساهير:وسختيني
وقفات مسكينة حابسة البكية مرداتش تنزل دموعهاا قدامو
سارة:أنا بغيت غير نقول ليك
دار إيديه في جيوبو
ساهير:هنا ماشي بلاصة سعايا يمكن ليك تمشي حدا شي جامع
سارة:ماشي طلابة 😡
ساهير:وشنو
سارة:تا مالك كتهضر معايا هاكا تفو على باشار مادير خير مايطرا بااس😠 
لاحت ليه تصويرة والورقة لي فيها العنوان على وجهو 
ساهير:مين جاتك تصويرتي
سارة:إلا مدخلتينيش معاك الداخل وعطيتيني قهوة نشربهاا والله لادويت😌
جاوبها بي برودة
ساهير:لا
دخل فحالو وخلاها غطرطق ههههه بغات دير فيها كاينة ساعة قمعهاا شونطاج مايليقش مع سي ساهير😂
يخ على كلب حمار كيف داير أنا بغيت غير نعاونو متكبر لاخر بصح زوين ولكن ممأدبش حرت غير مع مخي نمشي ولا نبقا نتسناه ولا قتلوه الله احفظو أوووووووف هاد المحنة زايدة لي فياا غتسيفطني القبر
شافت حتى عيات وتكوانات في قنيتا حدا شركة كتسناه يخرج
نمشيو عند البطل
من بعد مادخل 
حنان:بونجوغ موسيو
حنان سكريتيرة جديدة ديالو
شاف فيهاا ودخل 
بقاا بالو غير مع سارة مقدرش يركز في الخدمة

زعمة هاديك مين جابت تصويرة والعنوان ديالي ديما كنوحل غير مع بوزبال 

مبقااتش عندو الكانة الخدمة هز طوموبيل آخرى من غير لي هرسات ليه وخرج 

شمكارة غير بان ليها تبعتو تجري شدات طاكسي 
أنا:خوياا الله احفظك بقاا تابع هاد خوناا لي راكب في كولف 7
مول طاكسي:طريق عامرة موحال نقدر
جبدات واحد تقااب حطاتو ليه على عنقو
أنا:من لاخر ياا توصل عليه ياا نحر مك
مول طاكسي:آش كديري ابنتي 
أنا:سمح ليا اعمي القضية فيهاا روح 
سيد تخلع وتبع ساهير حتى وقف حدا واحد الفيلاا تحل الباب ودخل 
سارة:هاك فلوسك وسمح لياا 
نهار دابا ماكين كيف ندير نقز بروبليم 
باقات كدور حدا الفيلاا ساعة وزيادة عاد رضات البال الباب لوراني مشات ليه لقاتو مسدود دفاعات وخبطات فيه حتى عيات ولكن والو حيث ديال الحديد حيدات فيليل من شعرهاا وبركت كتخربش في القفل حتى تحل 
دخلاات كتسلت غير من الباب ديال برا ل الباب لي لداخل جبدة 
تفو على عذاب والله كون ماكان توتوز لاا عقلت عليه ماجاتش هاد الفاكهة نخليوهاا ضيع

عاودات دخلات من الباب ديال الكوزينة ساعة هاد المرة حصلات لقاتها عامرة بالطيابة بحال إلا عندهم عرس

ويلي با على شهيوات والحوت ودجاج😍😍😍 فينك أ لمعطي آجي تشوف نااس آش كياكلو ماشي بحالناا نهار ومطال نخشيو في طون خانز 
شاف كويزين:شكون نتي
سارة:ديها في خدمتك لاش كتسول
شاف كويزين:كيفاش
سارة:لي بغيتي أنا نعيط عليه يجري على جدك من هنا
شاف كويزين:سمحي ليا ماكنتش عارفك من طرف سي ساهير

ههه دفعات جبهة وصدقات ليهاا 

خخخ شكون ساهير المهم نتفك من هاد الحصلة ويحن الله
سارة:ماشي مشكيل عطيني نقصي فياا الهيمري
شاف كويزين:كيفااش
سارة:زعمة حط ليا ناكل
شاف كويزين:شنو بغيتي تاكلي
سارة:كلشي 
شاف كويزين:كلشي😕
سارة:وي كلشي عندك شي مشكيل وحط ليا قبل منتعصب
سيد مسكين تاق فيهاا عند بالو ساهير لي مدخلهاا أصلا شكون غطيح فبالو وحدة بحالهاا غدخل الفيلا بتخبية
حط ليهاا من كاع شهيوات لي كان موجد خشاات راسها في طباسل مابقاتش هزاتهم حتى كرشهاا كانت غتفركع 
كااع لي كانو في الكوزينة شمأزو منهااا...
عيفاتهم بطريقة لي كتاكل بيهاا ريوك طايحين ليهاا وهي مسخوطة الوالدين كااع مامسوقة
كملات غسلات إيديهاا وبدات كتكرع عليهم تماا ديك لحظة مكرهوش يقتلوهاا وكملااتهاا وجملااتهاا بالحزااق😂😂 خناازتهم عاد خرجات من الكوزينة
كتمنظر في داك الخير الأثات صباغة ترياات لبيزاان ديكور كلشي كيهبل... 
في الأفلام وموحال شيفاا داكشي حلااات زكهاا ونسات كرهاا حتى كتصدمهاا مريم الأخت ديال ساهير
مريم:هيهو شكون نتي ولااش كتساراي هناا
سارة:ختي الله احفظك ستري ماستر الله
مريم:كوا
سارة:كيفااش لكوا
مريم قصداتkoi ولكن سارة عقلهاا موسخ بحال حالتهاا يحساب ليها قالت لكوا لي هو لحوا
مريم:كوا هي شنو بالفرونسي
سارة:حنا عندنا هي لحوا
مريم:مسطية نتي شكون دخلك
سارة:أنا دخلت بوحدي
مريم:ياكما شفارة
سارة:لاا والله ماباغا نشفركم تيقيني 
مريم:وآش بغيتي
سارة:بغيت نشوف واحد دري دخل هنا طويل وسمر شوية عندو لحية وبوكوص فسر و ك
مريم:صافي صافي مكتسكتيش واش كدوي على ساهير
سارة:مكنعرفش سميتو 
مريم:شنو بغيتي منو
سارة:بيناتنا منقدرش نعاود ليك
مريم:راه خوياا وكنظن موحال يبغي يهضر معاك ولا ساق ليك الخبار دخلتي لهناا غير ترحمي على راسك
سارة:شوفي أختي أنا ماقادة على صداع غنعاود ليك كلشي ونمشي نقود بحالي
فهاد لحظة ساهير كان غادي الصالون وسمع الكلمة الأخيرة لي قالت سارة مشا جيهتهم

مريم:واخا دوي
ساهير وقف باش يسمع آش غتقول هو فبالو جايا غير باش تاخد منهم الفلوس محملهااش 
سارة:هو صراحة أنا شفارة
مريم:كنت عارفة خرجي من هنا قبل منعيط الأمن
سارة:ماجيتش نشفركم تسناي ندوي وغنمشي 
مريم:واخا كملي
سارة:أنا ديماا كنشفر غير في زنقة البارح زغبني الله قلت في خاطري علااش أ سارة مطوريش خدمتك وتولي تشفري الفيلات ساعة جبتها في كري
مريم:باقي مفهمتش
سارة:من لاخر دخلت لواحد الفيلا بغيت نشفرهاا صدقت ملاقياا مع القتالة
مريم:كيفااش مفهمت والو من هضرتك
سارة:شي وحدين كانو كيدويو باغين يقتلو شي حد القتال لي مكلف فاش خرج تبعتو وشفرت ليه جوا 
مريم:وحناا شنو علاقتناا
سارة:لقيت تصويرة ديال خوك والعنوان ديال الفيلا
مريم:شناااوا
سارة: اللهم إني قد بلغت الله اعونك
ساهير:مريم طلعي لبيتك
مريم:خويا
خنزر فيهاا حدرات راسها وطلعات ولالاهم شمكارة طلعات معاها البرودة من صبعهاا صغير 

ساهير:تبعيني
سارة:فين
ماجوبهاش مشا وهي تابعاه دخل المكتب ديالو لي في الفيلا كلس في الكرسي ودار رجل على رجل
حتى هي بغات دير فحالو ههه ولكن شكون خلاها
ساهير:وقفي 
سارة:عيانة خليني كالسة
ساهير:راااه قلت ليك وقفييي
غوت حتى قفزهاا جات تنوض طاحت
سارة:غنمشي نقود بحالي
ساهير:شرحي ليا شنو كنتي كتقولي لمريم وسيري
سارة:آه دابا وليتي باغي تعرف نسيتي قبيلاا فاش دفعتيني
ساهير:نتي داخلة الفيلا ديالي بلا خباري نقدر نخليك تعششي في الحبس 
سارة:ديرهاا وتفوتهاا أوجه الحبس
ساهير:الألفاظ عندك حيوانية
سارة:جمع راسك كاين شي حيوان قدك
ساهير:مغندخلش معاك في بحال هاد الحوارات 
سارة:ياك
شاف في ساعتو
ساهير:معنديش الوقت دوي دغية
سارة: البارح دخلت الفيلاا باش نشفر ..............
عاودات ليه كلشي بتفصيل ولكن بنت القحبة مجبداتش 3المليون خخخ تموت على ريال
ساهير:مم عطيني العنوان
سارة:ماعارفاش بالضبط 
ساهير:إلا مشيتي تما تعرفي
سارة:آه معلوم
ساهير:جي غدا مع 10 صباح باش توريني فين
سارة:أوكي شريكي
ساهير:دابا تقدري تمشي
سارة:وااضور معايا
هز راسو فيها ممصدقش بلي كاين شي حد مصندل لهاد درجة
ساهير:نعاام
سارة:وا كحب عرفتي شحال خسرت على قبلك كشطوني غير مالين طاكسيات والوقت لي ضيعت وأنا تابعاك 
جبد دفتر شيكان وكتب فيه 
ساهير:هاكي هذا شيك ب 6 المليون
سارة:مبغيتش شيك
ساهير:خرجي
سارة:شنو
قطع داك شيك ولااحو ليها على كمارتهاا
ساهير:برااااااا

خرجااات مسكينة كتجري وتنخصص ماشي حيث عايرها ولا قمعهاا بقاا فيها شيك لي فيه 6المليون هادي هي لي مقنع بخبزة يقنع بنصهاا ولمقنع بنصهاا يبات بلاا عشاا😂

تفو علياا أنا حمااارة أويلي 6 المليون جات حتال عندي وفلتها 😡 يسيق ليا لمعطي لخباار يحويني الله ينعل مو هاد العقل لي نكساب آش كان غيطرا كون شديتو وسكت 
ركبات في طوبيس داها لدربهم تلاقات مع عصام

سارة:عصام صافا عشيري
عصام:ما صافا والو خوك مقطوع ومعندي مين نجيب الحبة
سارة:تسناني 5دقايق أنا غنصوبيك

مشات البراكة لقاات لمعطي فايق كيخشي في وجهو

سارة:صباح نوور لمعطي مالك فايق بكري
لمعطي:البارح فين كنتي
سارة:خدامة
لمعطي:تعطلتي بزااف بقيت كنتسناا حتى داني نعاس
سارة:قلتهاا ليك
لمعطي:خليتيني بلااا شراب
سارة:غير سمح لياا الواليد منبقااش نخليك بلااش
لمعطي:كلسي تفطري
سارة:لاا غير بالصحة
هزات من ديك 3 المليون 5000درهم دارتها في جيبهاا ورجعات عند عصام
عصام:تعطلتي أتبي
سارة:هاك هادو 
عصام:😳مين جبتيهم
سارة:لاش كتسول
شدها من إيديهاا
عصام:خايف عليك القلاوي عنداك تكون دخلتي راسك في شي مصيبة
سارة:مصيبة لاواه نبك طلق طلق ماكين والو غير كنت جامعاهم بنتي لياا محتاج عطيتهم ليك
عصام:لعز
سارة:يالااه غبر 
مشاا عصام وهي مشاات عند واحد خاينة كيبيع الغبرة هاد زمرة خرجاات عليها البلية
سارة:جربة فين هو سميسير
جربة:لاش باغاه
سارة:بغيتو يحويني باغا نتقدا أزبي 
جربة:منعرف
جبدات 5دراهم عطاتها ليه 
سارة:ودابا😒
جربة: حدا دار كلتوم
مشات عندو 
سارة:سميسير خاصناا لابغيني نلقااوك وحلة
سميسير:مغنعطيك والو سلعة لي خديتي داك نهار باقا متخلصت
سارة:غنخلصك في كلشي اليوم غير عطيناا
سميسير:مزيان شنو باغا
سارة: لادروك ولكن بغيت حاجة مزيانة ديك المرة عطيتيني داكشي ناقص😡 شوية ونتجيف
سميسير:سارة كل وثامانو
سارة:وا زبي حسبتي لياا 500درهم فيه 
سميسير:إلا بغيتي سلعة مزيانة غتزيدي
سارة:واخا آرى لياا
سميسير: هاكي هذا la drog coka 700dh la gram شي حاجة واعرة جربيه وردي علياا
سارة:هاا رزقك ماشفتيني ماشفتك

خدات داكشي وكيف ديما تكوانات في واحد جردة تدروكاات طلعاات العالم آخر احساس مبدل كتولي تشوف دنياا زوينة بنادم كيبان ليك كيضحك في وجهك الهم كيطير حجة وحدة لي كتبقاا هي سعااادة ثم سعاادة ...
نعساات فوق ربيع لي كامل خانز بالبول ديال الكلاب حدا رباعة ديال كويلاات عارفاهم ميقدروش يزعمو عليها حيث عارفينهاا جلاخة
كويلاات هما هادوك لي كيديرو سيليسيون
سيدة غيباات ماشي نعسات مافاقت غير على شي حد كيركل فيهاا حلات عينيهاا لقاتهم صحاب الحال
شرطي:تكعدي
سارة:شاف آش درت
شرطي:لاكارط ناسيونيل
سارة:ماهازاهاش
شرطي:زيدي قدامي
سارة:شاف مدرت والو علاش غديوني

شدها من الكول ديالها وجرهاا لسطافيط طلعهاا وطلعو معاها بزاف ديال ناس واحد من هادوك دوا مع البوليسي بشوية وضربات عليه حتى عطااه الفلوس
شرطي:اسماعيل وقف مع دورة
هضر مع شيفور غير وصل لديك دورة وقف وهبطو داك راجل عاودو كملو طريق و لي عطاهم الفلوس كيطلقوه

سارة:شوف والله حتى نفرش مكم كاملين ياكما يحساب ليك أنا من هادوك لي كطلعو معاهم القالب زبي لاكانت ليك
قجهاا حتى كانت غتموت
شرطي:دوي لاما نحويش طبون مك قدام ناس
شاف في لاخرين
شرطي:لي باغي صداع يحل فمو
سارة سكتات ولكن ناوية على خزيت هاكا شماكرية عمرهم يخليو حقهم خصوصاا سارة 
وصلو هبطوهم كاملين دخلهوم واحد بواحد عند الضابط المسؤول وصلات نوبتهاا
الضابط:شنو تهمة ديالهاا
شرطي:ممارسة دعارة في مكان عام ومحاولة الاعتذاء على شرطي أثناء مزاولة العمل ومحاولة الفرار
طلع وهبط فيهاا
الضابط:دعارة!! باين شي موسخ كثر منهاا ديها تسني على المحظر وهبطوها
سارة:تسمح ليا نهضر
شرطي:مامساليش ليك زيدي تحركي
سارة:تحط عليا إيديك نهرسهاا ليك من حقي ندوي أشاف 
الضابط:بهاد الأسلوب
سارة:أنا كنت ناعسة في جردة مادرت والو حتى وقفو علياا وجرجروني أنا ماشي خبيز بايت يعمر بياا البلاصة ديال هادوك لي طلق 
الضابط:مفهمتش
سارة:نت فاهم بلا متدير فيها البرائة 
شرطي:غير كتخربق أشاف
الضابط:ديهاا علياا 
جبدات تيليفون ديالهاا وعطاتو الضابط 
سارة:كلشي مسجل هناا في الفيديو شاف بلا متمحيه حيث لحثو العشراني بالمختصر هاد بنادم تشوه وا دابا خليوني نمشي 
الضابط:غنطلقوك غير متفضحيش القضية ابنتي
سارة:وا تا سير تقود أنا غنخرج غنخرج بزز منك الله يعون ولي راجل فيكم يحبسني 
شافت في البوليسي
سارة:شكون حوا لاخر 😉
خرجاات وخلاات روينة موراهاا الفيديو تلااح في اليوتيب الكوميسارية غتشعل فيها العافية

شافت في ساعة لقاتهاا 9h
واااو الوقت دغية كيطير تفو أكفس نهار في حياتي هو اليوم يخ
نمشيو عند ساهير كالس في طبلة هو وختو ومو كيتعشااو
راجية:مزيان من كلستي تعشا معانا
ساهير:الخدمة
راجية:الخدمة حسن ليك من مك 
ساهير:حتى حاجة محسن منك ونتي عارفة الخدمة درورية ميمكنش نكلس في دار
راجية:بغيتك تزوج ودير وليدات
ساهير:عوتاني نفس سيجي 
مريم:آه خاصك تزوج😂😂
ساهير:دخلي سوق راسك 
مريم:القميع عندك في دم
راجية:علاش مابغيتيش دير ليا خاطري
ساهير:باقي مامقتانعش نهار يكتاب غادي نتزوج
مريم:ماما عرفتي قبيلاا جات واحد
ساهير:مريم مكتسكتيش
مريم:كندوي مع ماما
راجية:خليها دوي 
ساهير:ونجيب ليك طوموبيل لي بغيتي
مريم:حلف بالله
ساهير:غدا تكون عندك

مبغااش الأم ديالو تشطن حيث مريضة بالقلب إلا سمعات بلي ولدهاا باغين يقتلوه يمكن توقع ليها شي حاجة و سليعفانة ديال مريم عارفة المود باس ديالو حتى هو مكيجي غير بهاد طريقة معكس وختو قالت ليه مكتعرف والو

راجية:مم كتخبيو عليا
مريم:متخافيش أماما ماكين والو 
راجية:كدبي عليا غير هاكاك غيجيب ليك طوموبيل
ساهير:طوموبيل ديالها خاسرة وأنا مامساليش ليها نبقا نوصلها كل نهار
مريم:كتسالي غير الناس لي بغيتي
ساهير:تصبحو على خير
راجية:مغتخرجش
ساهير:لا غنعس عيان
مريم:تصبح على خير
طلع البيت تلاح فوق ناموسية كيشوف في سقف حاس براسو مامرتاحش عندو واحد الفراغ 

معرفتش مالي كلشي عندي الفلوس الاحترام العائلة السلطة ومع دالك شي حاجة ناقصة
غرق في تفكير تاداه نعاس

نرجعو لديك شيطانة كالسة في البار
سرباي:كيف ديما 
سارة:لاا اليوم مدورة صرف بغيت نبدل
سرباي:بدلي غير حوايجك
سارة:سوق مك آجي شحال vodka pêche 
سرباي:114درهم 
سارة:هاداك لي كيشرب فيه داك شارف شنو سميتو
سرباي:Red label 
سارة:شحال
سرباي:وا راه غالي عليك
سارة:غتخلصو من جيبك تفو على بنادم سولتك جاوبني
سرباي: 450درهم
سارة:جمع لياا 4 القراعي من vodka pêche وعطيني جوج Red label 
سرباي:آري الفلوس بعدا
سارة:ياك أولد القحبة ماتايقش فياا شد وديك 100درهم لي غتشيط خودها مسح بيها زكك

حط ليها القراعي كركراتهم بجوج ودات لباها دوك 4 حطاتهم ليه ونعسات عياات البارح منعساتش واليوم تكرفصاات احسن عوانهاا
أصبحنا وأصبح الملك لله

سيدهم ساهير فاق صباح بكري دار سبور رجع دوش ولبس حوايجو هبط يفطر لقا مريم يالاه غتخرج 
ساهير:صباح الخير
مريم:صباح الخير خويا
ساهير:فين غادة
مريم:الكلية
ساهير:هاكي هاهما سوارت طوموبيلتك
مريم:كذاب إمتا شريتيهاا
ساهير:نهار قلتيها ليا خليتها مخبية
درية شوية وتسخف بالفرحة طارت عليه بتعنيقة
مريم:شكرا شكرا شكراا ماااح عليك
ساهير:سيري بلا متعطلي على قرايتك
مريم:أوكي باي
فطر وخرج كلس في جردة خدم البيسي كيخربق فيه

ولالااهم سارة يالاه حلات عويناتهاا كتكسل 
ضربات ليهاا طن طن في راسهاا هزات عينيها في المكانة لقاتها 9:30 نادت قافزة خاصها 10h تكون في الفيلاا 
لبساات سبرديلتهاا أما حوايجها كتنعس بيهم وخرجات كتجري حتى شيرات لطاكسي تفكرات باباها موجداتش ليه الفطور رجعات طايرة عند مول الحانوت خدات الخبز وتخربيق لااخر طلعات صايبات القهوة وحطات داكشي فوق طبلة عاد عاودات خرجات 
هي حنينة في باباها كتموت عليه حيث هو لي بقاا ليهاا في هاد دنياا حتى هو مسكين معندو صحة كون بصح شمكارة ولكن مريدية ..
وصلات الفيلاا بغات دخل حبسهاا العساس ديماا حاصلة غير العساسة
سارة:ساهير كيتسناني الداخل خليني ندخل
العساس:😂😂😂 سي ساهير كيتسنااك نتي
سارة:آه كيتسناني أناا ودابا خليني ندخل
العساس:غير سيري قودي من هناا مغدخليش
سارة:لينعلطبونمك في هاد نهار يازامل لااما حيد من قدامي
االعساس:مبغيتش نفرق لمك داك راس حيدي من هناا 
سارة:واتبي خليني ندخل ولاا😡
العساس:ولاا شنو
تنخماات ليه على وجهو بغا يضرها علقااات
دازت الباب لوراني ودخلاات كيف دارت البارح
شافت ساهير كالس حاني راسو في البيسي 
هبطو ليها دموع بلا متحس معرفاتش ديالاش ولكن لي كانت متأكذة منو شي حاجة تحركات فيهاا قمعات داك الإحساس مسحاتهم ومشات عندو 

سارة:صباح التوت 
ساهير:درنا 10h 
سارة:آه غير مفقتش بكري
ساهير:مكنحملش لي يتعطل
سارة:سمح لياا والله مادرتها بلعاني 
ساهير:فطرتي
سارة:باقي جيث كنجري لهنا شفتي معزتك أولدي نت البارح مقطع شيك ولكن هانية عرفتي
ساهير:صدعتيني بهضرتك بفف
ورك على واحد تيليكوموند صغير وهو يجي عندو واحد من الخدامة
ساهير:جيب الآنسة الفطور
الخدام:واخا أسيدي
سارة:بلااتي شوف القهوة بغيتهاا طاليان
الخدام:واخا ألالة
سارة:هههه سميتي سارة أخوياا أشمن لالة
ساهير:سير لخدمتك
سارة:ضروني رجلي واخا نكلس
ساهير:كلسي
جبدات تيليفون لقات apl من طاريق عاودات عيطات ليه قدام ساهير
سارة:بايت كتحلم بياا أتبي
طاريق:القحبة آش قربك البوليس
سارة:شكون وصلها ليك
طاريق:واحد دري عشيري داك زامل لي درتيهاا بيه حالفهاا فيك
ساهير:إلا وصل لودنيه يعضهاا درت ليها حوية عالمية
طاريق:خرجتي ليه على خدمتو راه تشد دابا
سارة:ومن بعد
طاريق:ميكروبة 
سارة:ولااش كتعاود ليا ياك البارح كنتي باغي ضربني
طاريق:تشاركناا الملحة أبنت القحبة تلاحي دابا
سارة:تلاح
ساهير:ساليتي
سارة:أنا غير
ضرب إيديه على طابلة حتى قفزهاا
ساهير:مونيكة أنا كالسة كتخسري في الهضرة قدامي تعاوديهاا ندفن دين مك ونتي حية
سارة:سمح ليا
جابو ليها الفطور شربات غير القهوة شهية تحبسات ليهاا
ساهير:يالاه
هز سوارت وخرج وهي تابعاه حتى وصلو الباب وهي توقف
ساهير:مالك وقفتي
سارة:هاداك بنادم غادي يضربني
ساهير:غير زيدي مغيقربش ليك
خرجو دارت عند العساس قلزات ليه مقدرش يدوي😂 خاف على خدمتو
ركبو ومشااو 
سارة:وقف وقف

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.