وسام: عيطت للمحامي ديالها هوا جمع كلشي الصباح بكري وسيفطت معاه المحامي ديالي للمحكمة وشحال وهما غاديين جايين من 8 دالصباح وانا فايق متبع معاهم فالتيليفون حتى لدابا ... دازو للكوميسارية فين مشدود مهدي عصروه البوليس تما كيخلعو فيه حتى وقع وجابو ليا الاوراق ... على سلامتها مللي تطلقات
رانيا: العفو يا يولدي ! سمعتي الطلاق نضتي كتجري بلا عكز عليك طلقتيها بين ليلة ونهار ... كنتي كتسنى فوقاش
وسام: وصافي دابا براكة من الهضرة ... غير جربت محسابش ليا هي باغا طلاق بصح وخليتها اخر وحدة توقع ... قلت زعما الى وقعات راه نيت ناوية طلق والى موقعاتش راه غير لحضة غضب طلبات فيها طلاق... مي طلعات كتفهم تبارك الله
رانيا: هاهاها فرحان ! دابا يرجع مهدي يقلب عليها
وسام: مالنا فالغابة؟ الى سميتو راجل يدور بساحتها ... الى مغبر فمرة بشي 30 عام ديال الحبس هه! راه جرب البنيقة كي دايرة والى عجباتو يدور بيارا ... كنلعبو حنا عنا ولا !
خرج راشقة ليه كيضحك فير بوحدو ورانيا تنهدات كضحك ورجعات بغات طلع وهي تقشع يارا مطل من الفوق
يارا: جبدي ليا سوتيان البيضين باش ميبانوش تحت لاشوميز
المساعدة : واخا مدام ... اللي فيهم البونج؟
يارا: لالا لخرين اش بغيت بشي بونج مكفاكش هاد الصدر كامل نويدو حتى البونج ! لالا خلي هادوك لشي غوب
جبدات ليها المساعدة حوايجها ولبساتهم وخشات وفتحات الصدايف خلات صدرها باين ودارت سنسلة نازلة عليه مذهبة وحوالقها ولبسات لافيست صباطها الطالون المثلت من الامام جاها سروال قصير زوين وطالع من الصمطة حتى للمعدة ، هزات ساكها وحلات خصلات شعرها قلباتهم للجنب ونزلات كتعوج فالدروج ومعاها المساعدة ديالها لابسة دجين وقميحة زرقاء وصباط بلا ازرق لانها كتمشى بزاف وتحرك بزاف .
نزلات يارا والابتسامة على وجها لقات رانيا كدور
رانيا: هاي هاي هاي ... اش هادشي يالاللة الحيوية والنشاط
يارا: ههه شكرا ... غنمشي للشركة
رانيا: سيري الله يرضي عليك وردي البال لراسك
يارا: غادية كتقرقب وتهضر) كوني هانيا
خرجات للباب وطلعو مع الدروج فالجردة للطوموبيل وهي تشوف وسام نازل من طوموبيلتو يالاه وصل ، هزات نضاضرها دارتهم وقلبات وجها كتنفخ بغات طلع وجا ميحري عندها قبل مطلع
يارا: حلات فمها) هاا!!! شوفي عاوتاني كي تابعني ! واخا السي وسام تبعني الى مندمتك مانتسماش انا يارا غير بلاتي عليك (شافت فالشيفور) سير لكولدن توليب ...من بعد ونمشيو للشركة
وصلا السيارة للباب دالاوتيل وبقا وسام بعيد مراقبها بعينيه فالشارع
يارا: هححم...انا غنزل ونتا رجع خرج الطوموبيل من هنا وتسناني فالدورة دالشارع لاخر اللي حدا لابوراطوار
الشيفور : واخا مدام
يارا: اففف...مدموزيل الله يخليك مدموزيييييل اوفف
المساعدة: غنزلو هنا؟
يارا: غير 5 دقايق وصافي
نزلو دخلو مع الباب والشيفور رجع خرج داز قدام عينين وسام وهوا داخل بالطوموبيل حطها حدى الباب ودخل للاوتيل لقا يارا واقفة فالغيسبسيون كتشد الكارت باش باش تحل الباب دالشومبر ، من المشهد ستنتج انها حجزات غرفة تما واللي مفهمش هوا علاش خلات المساعدة جالسة فالاستقبال وطلعات غير هي بوحدها ، خلاها حتا دخلات للاسنسور ومشا زربان وقف فالباب كيشوف اينا طابق غتوقف فيه وطلع تبعها كيجري فالدروج اما هي مخرجاتش من الاسنسور وحبس بيها فالطابق اللي شاف و رجعات بركات على الزر اللي ينزلها للاسفل ، هي نازلة وهوا طالع كيطير . خرجات كتجري للاستقبال عطاتهم الكرط وبدات كتزرب فالمشية وكلها كتفيبري بالطالون
اما وسام وصل للطابق وجلس كيدور فيه ويقلب عليها فين دخلات حتى تجنن وبدا كيحل فالبيبان بعصبية منين ما داز كيدور البواني ، تحل ليه واحد الباب ودخل كيسمع شي اصوات غريبة رجع وجهو صفر وعينيه خرجو ، دخل لقا وحد طالع على وحدة شافوه بداو كيجرو فالفراش ويتغطاو
وسام: تفووو ييخ
خرج ساخط كيقلب وكل مرة اش كيقول ليه عقلو حتى بغا يتسطى ودار على البيوت كاملين ورجع نزل فالاسانسور لتحت للقاعة الاستقبال كينهح
وسام: سلام ... السيدة طلعات عاد دابا باقا صغيرة شوية شعرها طويل ولابسة فيست زرقاء اشمن غرفة شدات؟
البنت: امم..؟؟؟ معرفتهاش
رجع كيسوط معصب وكيشرح بيديه: واحد البنت عاد هادي ساعة باش جات عندك خدات لكلي ديال الشومبر ... متوسطة الطول عينيها كبار وشعرها قهوي طويل كانت لابسة فيست زرقاء دايرة بحال شي باربي عندها خالة صغيرة هنا
البنت: ااه وي عقلت عليها جات ورجعات خرجات
وسام: خرجات!
البنت: وي خرجات فديك الساعة اللي طلعات فيها
ضرب يدو مع الكونطوار كارز على سنانو ورجع تنهد: واش كيجي مع شي واحد؟
البنت: ؟؟
وسام: بعصبية)صافي ميغسي
خرج لبرى حاط يديه على جنابو واقف حدا طوموبيلتو هاز راسو شارد كيفكر ورجع ركب وزدح عليه الباب وخرج شد الطريق لكازا كيخمم ، هز تيلي عيط لرانيا
وسام: الو الواليدة واش يارا خدامة ليوم؟
رانيا: مشات للشركة علاش؟
وسام: والو غير كنسول
رانيا: نتا مخدامش؟
وسام: كونجي انا من السيمانة للي فاتت
رانيا: ااه ايوا مزيان
وسام: يالاه تهلاي
قطع عليها وكسيرا كيطير فالطريق .
وصلات يارا للشركة ونزلات راشقة ليها منين مادازت كيوقفو ليها ، طلعات فالاسانسور هي والمساعدة كيضحكو
كانت كتهضر و مجبدة وجها عندو وهوا كيشوف فيها عينيها وفمها طالع هابط شارد فيها بابتسامة خفيفة وهي كتهضر وتكسول حتى سكتات شوية مطلعة حاجبها وغوتات ليه فوجهو عاد فاق
يارا: السي ...هادي خربة وماشي من مقامك (هزات يدها جيهت الباب) خرج من هنا وآخر مرة تحط رجلك عندي هنا كتفهم
هز عينيه فيها ندمان لقاها قالبة وجبها : اعتذارك غير مقبول السي وسام ... (شافت فيه بكل قوة) وانا اصلا ... ماعنديش علاش نسمح ليك بحالك بحال ايها الناس ... بحال كاع الناس القدرة اللي شفت فحياتي ورميتهم فسلة المهملات ومكيعنيو ليا والو سواء سمحت ليهم ولا لا هادشي زايد ناقص بالنسبة ليا فهمتي.
جمع النفس ورجع طلقها : بالتسبة ليك نتي اه ... ولاكن بالنسبة ليا انا لا ... كتعني ليا بزااف ... سمحي بيا يارا بدون شعور خرجت ديك الهضرة وندمت عليها
قربات منو عينيه فعينيها: علاياش غنسمح ليك ها؟ على الكذوب ديالك ؟ على الاوهام والاحلام اللي عيشتيني فيهم ودرتيني ضحكة قدام عاءلتي وعاءلتك كاملين ولا على الهضرة اللي سمعتيني وانا ناعسة فوق البياص ؟ كنتي زيزونة كنا هانيين ... اييه كنتي هاني وانا اللي جيت عندك برجلي وتقت فيك وعايرتيني بعيبي ... ماشي انا اللي ختاريت نكون زيزونة ونتا عارف العقدة ديالي من ديك الاعاقة وبسببها مكنتش كنخرج عند الناس وبكل نيتي عاودت ليك شنو وقع ليا وارتاحيت معاك فتصرفاتي كاملة ومابقاتش عندي ديك العقدة ديال اني زيزونة .... هه! فالاخير كنبقى مجرد زيزونة هضرات رونات الدنيا ياك ... انا اللي سمحت فيك نهار الخطبة ورونت ليك حياتك ياك ... انا سبب مشاكلك كاملين !
دمعات عينها وهوا حادر عينيه فالارض مقدرش يشوف فيها وبدات كتبكي بصوت مبحوح خافت : فاش رونت ليك انا حياتك؟ اش درت ليك؟ زيزونة ونهار هضرتي رونتينا ! عرفتي اوسام ... كرهتيني فحياتي وفالوقت كامل اللي دوزتو معاك .... انا على نيتي كنهضر ونعبر بيدي وبالاشارات باش نقدر نوصل ليك شنو باغا وباش كنحس وتجي دابا تعايرني بإعاقتي .... وبرجليك جاي للخربة اللي انا مسمياها شركة ها؟ ياك كرهتي النهار اللي عرفتيني فيه ... اشنو مزال باغي مني ؟ قلتي تفو فوجهي اهىءاهىءاهىء ولعنة ونزلت عليك ... انا اللي غنقوليك سمح ليا... حيت برجلي جيت عندك وانا كنتحمل الغلطة ديالي ... ديال ديك الزيزونة الهبيلة اللي ضحكتي عليها وكتجي دوز بيها الوقت فالليل وهي فرحانة مسيكينة كيحساب ليها هي اسعد بكمة على وجه الارض ونتا عندك حبيبت القلب ودايرني انا كتشفق عليا فاش كترجع وسامح فيا نهار الخطبة ...علاش هادشي ... مافهمتش؟ واش حيت كتلقاني كنتسناك بشوق فاش كترجع فالليل حتى كرهتك فيا ولا ماعرفتش. كن غير آديتك ولا آديت ديك البنت اللي معاك نلقى سبب لداكشي اللي درتي فيا ونقول انا تطفلت عليهم ودرت ليهم مشاكيل
مسحات عينيها ورجعات شافت فيه: سمع ... انا ماشي من النوع اللي عزيز عليه صدع الراس وكيبغي يشوف الناس كيتغذبو كيما درتي ليا ، انا حاجة وحدة اللي غنخسر عليك ... هي واخا نمووت منسمحش ليك ، هاد البكمة اللي قدامك عمرها مغتسمح ليك حتى نهار نلفظ انفاسي الاخيرة عاد نسمح ليك ... عرفتي علاش ... حيت غتكون اخر ساعة فحياتي غنسامح فيها للناس كاملين ونمشي ... وحيت مغاديش نعاود نتفكر داكشي اللي درتي فيا هادشي علاش غنسمح ليك ... اما دابا محدي انا وياك على وجه الارض غنبقا عاقلة على كل كلمة قلتيها فحقي وعلى الشوهة اللي درتي ليا على والو وخليتي كلشي كيهضر عليا ... واش وسام بن خليفة غيتزوح وحدة بكمة ! هه لا وسام خاصو اللي بحالو ميت ليها القلب اما البكمة متصلاحش ليه . خرج عليا برى
شد ليها فيدها كيترجاها : كنبغيك ومقادرش ننساك حتى دقيقة عافاك سمحي ليا
نترات يديها وشارت جيهت الباب: خرج سير بحالك ... كاملين بحال بحال حتى كتشوفو شي وحدة فرحانة فحياتها كتبغيو دخلوها بأي طريقة باش تسودو ليها حياتها ... تيقتك مرة وحدة اما دابا راك غير كضيع وقتك و انا قلت للي عندي والله يرحم الواليدين اسي وسام خرج ماباغاش الشوهة عندي هنا فهاد الخربة ... يكفيني الشوهة وسط العاءلة مخاصنيش شي شوهة اخرى مع الموضفين حتى هما
وسام رجع فقد صوابو وبدا كيهضر بعصبية : ماشي سوقي ... كنبغيييك وهاكا غنبقا حياتي كاااملة موراك حتى تسمحي ليا ... ولا عرفتي شنو ... قتليني وتهناي مني اما يلا بقيت حي فين ما ضرتي غتلقايني حداك
يارا: نتا مريض...خاصك تعالج وانا كنهضر معام باحترام وكنقول ليك الله يخليك خرج خليني نكمل خدمتي
رجع كيترجاها ويقرب منها وهي كدفعو : يارا .. حبيبة ديالي... ديري فيا اللي عجبك .. اللي يريحك ومتقوليش ليا نخليك ... منقدرش راه غنتسطى
دفعاتو من صدرو: واتسطى غير بعد مني ... خرج لبرا وتسطى كيبغيتي
شد ليها فكتافها وكيرتجاها : شنو ندير باش تسمحي ليا ... اللي بغيتيها نديرها اللي طلبتيها نجيبها غير سمحي ليا
دفعاتو ورجعات هربات بعدات عليه : مغنسمحش ليك سمعتي ... ودابا الى مخرجتيش غندير شي حاجة فراسي
وقف كيشوف فيها بحزن وحرك راسو بالايحاب: واخا هانا خارج
وصل حاى للباب ودار شاف فيها وهي قالبة وجها للجهة الاخرى وخرج سد موراه الباب . كانت كتسناع يخرج باش تنهار بالبكى ، شدات فواخد الفوطوي كترعد حتى جلسات وبدات كتبكي بصوت خافت وتشوف فيديها كيرجفو حتى دخلات عندها المساعدة ديالها هازة مذكرة لقاتها كتبكي وتنخصص بحال الى بغات تموت وجات كتجري عندها
ضغطات فرح على يارا حتى كلات وناضت هي وياها قدام عينين وسام وهوا جالس فطبلة موراهم عاقد حجبانو وكيشوف فيارا بحزن من اللحضة اللي جلسات فيها حتى ناضت خرجات هي وفرح .
فرح: فين غادا؟
يارا: لا رد
نزلات يارا للرملة حيدات صباطاها شداتو فيدها وبقات غادية هي وفرح على جنب الماء و الموجات خفاف كيقيصو ليها رجليها وهي ساهية كتسرح رجليها فالمشية ومشاو جلسو فالرملة كيشوفو الغروب بجوج وموراه وسام واقف بعيد مربع يديه كيراقبها حتى غربات الشمس وناضو رجعو للسيارة ، يارا رتاخت لفرح ولقات لمن تشكي همها وشكات عليها حتى رتاحت وحتى فرح رتاحت ليارا ودخلات لقلبها وحزنات لحزنها وكتحاول تخفف عليها بأي طريقة . وصلها الشيفور هي اللولة و رجع شد طريقو هوا يارا لرباط ، دخلو المدينة ودازات السيارة حدا واحد الكروصة ديال الببوش وهبطات يارا الزاج شوية
يارا: وقف غير هنا فالجنب حدا ديك الكروسة
الشيفور: هنا؟
يارا اه
الشيفور: بغيتي الغلال؟
يارا: لا بغيت الحلزون
الشيفور : هههه واخا مدموزيل عي اللولة
نزل عند الكروسة بالكوستيم والكرافطة والناس مجمعين على مول الكروسة ، عمر ليها زلافة ودارها ليها فبلاطو ورجع عندها عطاها ليها للور شداتها وسدات عليها تا كلات على خاطرها ومشا الشيفور براسو وقف حدا الكروسة تا هوا كاياكل حتى شبع ورجع عند يارا لقاها مزالة كتجر وتنقي بشوية عليها
الشيفور: نزيدك؟
يارا: اه واخا
مشا زاد بيها وجلس كيتسناها ساعة ونص حدا مول الحلزون عمرات كرشها وانطالقو للدار . دخلات هي سلمات على عاصم ورانيا وطلعات لبيتها ودخل موراها وسام تاهوا نفس شيىء وطلع لبيتو .
هبط كيدردب مع الدروج ومشات عي رمبات فاللوطو للور مع الشيفور ومشات ، رجغ وسام هاز شال طويل فيدو لقا غير الضباب وتعصب بدا يسب ويضرب بداك الشال فالشجرة تا عيا وبرد ورجع نزل طالع ليه الدم .
وصلات للشركة هي والمساعدة ديالها و طلعات والكل كيشهد لاناقتها ودوقها واختيارها فالملابس وجمال مضهرها وحتى جمال روحها ومحبوبة عند جميع الموضفين وكلشي كيحماق عليها ولطيبتها وحسن المعاملة ديالها مع الجميع وتواضعها مع الكبير والصغير والكل كيقول عليها غير الكلمة الطيبة وكيشهدو لرقتها وتعاطفها مع اي واحد دق باب المكتب ديالها .
دخلات للبيرو جابو ليها قهوة بالحليب وبدات فالخدمة ، دخلات عندها السكريتيرة ديالها خبراتها بللي واحد من العمال اللي فالمصنع طلع بغا يهضر معاها وسمحات ليه بالدخول ، دخل عندها راجل كبير فالسن كيتنشى وضهرو مقوس
يارا: تفضل اسيدي مرحبا
الراجل: ترجب بيك الجنة ابنتي... انا جيت على قبل واحد الخديمة الله يجازيك بيخير ... مابقيتشاي كنقدر على الخدمة وحياتي كانلة دوزتها فالوزين عندكم ديال الحوت وبغيت نرتاح ولاكن مكاينشاي اللي يصرف علينا ، عندنا واحد الولد قرى وماجابش شاي ليه الله الخدمة ... الله كيتر خيرك دخليه عندك فينما كان غير يتعاون معانا على الزمان
تنهدات وشافت فيه بنضرة شفقة: انشاء الله ميكون غير الخير يجيب الوريقلت ديالو والتخصص ديالو وغنعطيوه المنصب اللي يستحقو مكاين لاش ندخلوه فللي كان ... الى كان قرى ومطلع ليه والو يستاهل منصب زوين ومرحبا بيه عندنا ، ونتا اسيدي شكرا لمجهودك معانا والسنين اللي عطيتيها لينا والوفاء ديالك وصبرك للازمات للي مرينا بيها وحنا مغنضيعوكش طبعا لا نتا ولا جميع الناس اللي فناو حياتهم عندنا وضربو كتر من 8 سنين معانا ... عندك التعويض قدرو 25 مليون وهادا القانون ديالنا فهاد الشركة ، تقدر تبدى بشي حاجة تعاونك على وليداتك ودوز للمحسابة خود التعويض ديالك وراه عندك حتى التقاعد بطبيعة الحال
وقف الراجل بالفرحة مكانش متوقع هاد الوليمة اللي قدمات ليه يارا واخا كان كيسمع عليها فالوزين ما عمرها تعطات لشي واحد لان تا واحد من العمال القدامى ما غادر العمل ديالو . ناض فرحان كيدعي معاها وخرج كيحدر راسو وهي فرحانة كتر منو لانها قدرات تشوف الفرحة فراجل كبير كسرو الزمان ، دوزات نص نهار ديالها فالشركة فأمن وسلام حتى لوقت الغدا وهزات صاكها وسوارتها وخرجات راشقة ليها مع الباب جيهت المرسيديس ديالها السوداء حتى كتفاجىء بباقة ورد كبيرة فالاحمر مخلفة من لتحت بورق براق فالذهبي محطوطة فوق الطوموبيل جيهت الزاج الامامي ، وقفات مصدومة بابتسامة على وجها ومشات هزات الباقة دالورد كتقلب شكون جابها ، خرجات الكارط من وسط الباقة لقات كارط احمر مكتوب عليه " أحبك بشوق بلهفة برجفة بعشق بجنون مابعده جنون ... أحبك فهلا سامحتيني حبيبتي لأعيش باقي حياتي طير بين جناحيك .
وسام كان كيضحك شافها تقلبات عليه وجمع الضحكة كيشوف فيها حتى طلعات بقات عينيها على داك الورد اللي مرمي فالارد يقا فيها ، قلبات عينيها و ساقت الطوموبيل راسها ومشات ، هز وسام الورد من الارض وطلع كيجري تبعها بالطوموبيل وهي غادة كتشوف فيه موراها تابعها تاطلع ليها الدم ووقفات فجنب الطريق نزلات مغزفة عندو وحتى شافها نازلة نزل
كملات الطاسة دالحلزون ديالها فخاطرها وناضت لبسات بيجامة عبارة على كسوة قصيرة بالخيوط من الكتفاف فالاسود وطلقات شعرها فازك شوية ملوي ونزلات لتحت لقاتو كينشي ويجي فالجردة مشورط كيما العادة وتيشورط دالسماطي مزيرة وكيدور حدا لابيسين ، دارت راسها مشفتوش حتى عيط ليها بصوت خافت من برى عاد تلفتات وخرجات عندو ، وقفات حداه وجرها من خصرها كيتأمل ملامحها وهي دفعو
يارا: حيد يديك براكة من البسالة
وسام: ماعرفتش مالهم يدي كيشوفوك كيجريو عندك
يارا: شنو بغيتي مني ... هانا جيت
وسام: نهضرو شوية واخا
يارا: يالاه زيد
شد ليها فيديها وهي تهربها وبقات غادية حداه وهابطين مع الدروج دالجرادي الواسعين بعدو على الباب والاضواء و وقفو حدا واحد النافورة دالماء كطلق الاضواء خافتين الالوان وجلسات فيها يارا كتلعب بالماء بيديها ، تحنى حلى ركابيه قدامها وشد ليها فيديها
وسام: سمحي ليا احبيبة وهادي اخر مرة نقول ليك شي كلمة خايبة ولا نخليك
يارا: الصمت
كتلعب بالماء وهوا كيدوز يديه على رجليها بحنان من مور ركبتيها وليمولي وكيشوف فيها ويطلع ويهبط بعينيه
وسام: جاوبيني ... عارف راسي غلطت معاك وخليتك ومعرفتش علاش وندمت ومكانتش فنيتي نسمح فيك احبيبة ديالي...حتى لداك النهار معرفتش شنو وقع ليا ومعمرني كذبت عليك ... من اول نهار دخلتي عندي فيه للبيت وانا متشوق نعرفك ... وفاش عرفتك بغيتك من كل قلبي وعمرني نافقتك تيقي بيا
يارا : الصمت
وسام: كنواعدك منعاود نخليك
جاوباتو وعينيها فالماء كتلعب فيه : انا اصلا مابقيت باغا حتى راجل فهاد الدنيا ... كيفيني نعيش غير انا وولدي باراكة عليا ومابقات عندي رغبة فحتى حاجة اخرى
خرجو عيني وسام : شنو؟ كيفاش ولدك؟
كيهضر ومتردد تخطف اللون من وجهو ورج كيتنفس بصعوبة وسبلع الريق
يارا: علاش مفراسكش؟
وقف كيشوفيها بنضرات صدمة : شنو غيكون فراسي
شافت فيه ببرودة ورجعات للماء : انا حاملة ...حاملة ...حاملة...حاملة...حاملة
الكلمة كتردد فالاذان ديالو ووجهو صفر ...هز راسو فالسماء كيحل فمو ويجمع النفس ويبلع الريق وكيدور فبلاصتو ويديه على شعرو ويرجع يجبد فلحيتو وهي كتشوف بنص عين مبردة على اعصابها ودايرة الرجل على رجل كتلب بصندالتها المزغبة ، اما وسام الدنيا ضارت بيه وداخ بقا تالف كيشوف فيها ويشوف فارجاء المكان ، وقفات قدامو ببرودة
يارا: ها علاش انا ماباغا حتى راجل فحياتي... يكفيني نعيش انا وولدي بااركة عليا خلاتو واقف مكيهضرش ومشات طلعات حابسة الضحكة ومفعول السم كياكل فيه . دخلات جلسات كتفرج فالتلفازة وهوا يبان ليها داخل مضارش جيهتها بالنؤة وطلع لبيتو نيشان ، حسات بوخزة فقلبها من جيهتو ومن جيهت الدخلة اللي دخل وتقلبات ليها الضحمة لغبينة وطاح عليها الضيم
💐صباح مشمس دافىء فالشركة والكل ناشط وخدام ، دخلات يارا بفستان اسودحد الركبة مزيؤ وجامع ليها رجليها وفيه فتحة للور و طرزة فالحمر جيهت الصدر وعندو يدين حتى للاكواع وصدرها مغطي والضهر معري شوية جامعة شعرها المتموج بفليل لتحت وقالباه للجنب وصاك فيديها احمر وصباط اسود عالي عندو القاع احمر مع مكياج خفيف وشفار كتاف وعكر حمر . دخلا للمكتب ديالها مكضحك مع حتى واحد وكلشي رد ليها البال للمزاج السيء اللي صبحات عليه ، دخلات جلسات فالبيرو وتحنات على الخدمة حتى توسط النهار وتمات على المرسي كترتاح ، جبدات المراية كتشوف راسها ووجها وسمعات الباب تحل وتلفتات ببرودة تشوف شكون لقات وسام واقف قدامها بدجين ازرق وقميجة زرقاء ، بقات حاللة فمها متوقعاتش يجي عندها وحتى هوا قرب منها بخطوات تقال هاز علبة فيدو حمراء وقف قدامها ساكت وعطاها العلبة شداتها فيدها باستغراب . بدا كيفتح العلبة وهي فيديها ويشوف مرة مرة فعينها حتى فتح العلبة وجبد صبيبيط صغير ديال الدراري الصغار
وسام: ماعنديش مشكل واخا تكوني حاملة...اي حاجة جات من عندك مرحبا بيها و ولدك هوا ولدي المهم نكون مجموعين ... كنبغيك
شافت فيه مصدومة وهوا كيهضر ويدوز صبعو على وجها وتحت فمها بحنان وكيتأمل ملامحها
🤗حبيباتي اليوم حاولت نعوضكم بأجزاء كثار ووصلت ل لاني عارفة راسي قصرت من جيهتمم ولاكن راه الضرووف لا تسمح وراني كنقرى تعاليقكم كاملة وخليكم ديما متفاعلات كالعادة واللي قرات تخلي جيم باش نعرف نسبة المتتبعين .
التتمة غدا انشاء الله مع احداث جديدة كالعادة وغير متوقعة 😙😙😙😙😙
وقف حاط يدو على جنبها ويدو الاخرى كتلمس ملامح وجها وهي كتشوف فعينيه وفمو ، قرب شوية بغا يبوسها وهربات وجها
يارا: بثوتر) وسام ... عافاك
جرها عندو مرة اخرى كيشوف فعينيها بحال شي مجنون : انا قابل نربي ولدك مع ولادي وتكوني نتي مراتي ومعنديش مشكل تكوني حاملة من واحد اخر واها هادشي كيضرني فخاطري مغيضرنيش كثر من بعدك عليا ومستاعد نفديك بروحي نتي ولدك نوو ماشي ولدك ولدنا بجوج غير تيقي فيا احبيبة ديالي ومغتندميش ... كنبغيك وكنتسطى عليك وكنموت عليك وباغي وباغي ولادي منك نتي نتي نتي وعمر شي وحدة تشد بلاصتك
يارا: طلق مني اوسام مابغيتش نتزوج فمرة ... جربت الزواج مرة وحدة براكة عليا...قاطعها: جربيه معايا انا ومغتندميش غير جربي وشوفي كي غتعيشي حياتك معايا اناااا انا اللي كنبغيك ونحطك فعيني ونهزك بيدي فين ما بغيتي تمشي نهزك ومتمشيش على رجليك تيقي بيا (شد ليا يدها جيهت صدرو) جربي الزواج معايا جربيه مع اللي كيبغيك وميقدرش يقلقك ولا يخليك تبكي
يارا: بكتيني حتى شبعت حتى مابقيتش كنقدر نبكي حتى مابقات حتى حاجة كتقدر تبكيني وراحتي لقيتها فحريتي ماباغاش نرتابط اوسام بالاخص معاك نتا ... مع اللي سمح فيا قدام كلشي وجرحني بكلامو ... منقدرش نوقف حداك قدام الناس اللي شفقو عليا وهلى حالتي نهار خليتيني بيناتهم و وصلاتني صورتك ناعس نتا وديك البنت ... عرفتي باش حسيت ؛ عرفتي كي تقطع قلبي داك النهار وانا جالسة قدام الناس كنشوف فيك مع وحدة اخرى فالفراش ... ونهار الخطبة ديالي نشوف داكشي
شد ليها فوجها بجنون ويشد ليها فكتافها ويديها وهي كتشوف فيه عينيها مغرغرين بالدموع وراخيا راسها كل مرة فين يد فيها
هز يديها باسهم مغمض عين : انا كنتسنى (حط يدو على كرشها) تهلاي ليا فولدي
ابتاسم ليها وخرج وبقات هي واحلة كتفكر وتشوف فالصبيبيط اللي جاب ليها ديال البيبي ، جلسات فالبيرو حاطة يدها على خدها وسارحة النهار كامل وهي كتفكر حتى للعشية عيات وخرجات من الشركة رجعات للدار لقات رانيا خارجة ، طلعات لبيتها حلات الباب لقات فالارض مهد صغير ديال الاطفال ابيض وحداه بوكي دفلور كامل فلغوز كبر من البوكي اللي لقات فوق الطوموبيل ، مشات هزاتو جبداتو الكارط لقاتو مكتوب فيه " بحبر من دم و دموع من نار واشواق تعزف على الاوتار وكلمات اسى كتبت باختصار ليك حبيبتي رسالة اعتذار "
التاسمات وتلفتات لقات علبة مربعة بالابيض والاحمر على شكل قلب حلاتها لقات فيها الشكلاط ، داقت حبة منها بابتسامة وهي تجمع الضحكة فاش شافت المهد ديال الدري الصغير حداها ، دوزات يدها عليه وتنهدات وناضت دخلات للدوج جابت كاس واسع كبير فيه الماء وحطات فيه الورد وخبات المهد فالبلاكار ومشات دوشات ونقات وجها ودهناتو بكريم مرطب وخرجات لابسة كسوة كحلة سامبل فوق الركبة والسدر معري وغادية كتفيبري فالمشية وكلشي كيتهزهز فيها ، نزلات مع الدروج جامعة شعرها لفوق بكشل عشواءي ولقات وسام جاي جيهتها بابتسامة شد ليها فدراعها
وسام: يارا فكرتي؟
يارا: باقي ... عاد جيت من الشركة عيانة
وسام: نديك ترتاحي عندي فالدار؟
شافت فيه عاقدة حجبانها وهوا يتلف
وسام: احححم قلت زعما ماتشوفي تا واحد وحتى انا نخرج ونخليك على راحتك ولا نخرجو انا ونتي نتمشاو؟ تشهيتي شي حاجة تمشي نجيبها ليك ولا فيك الجوع ولا ...
قاطعاتو: لا اوسام مخصني حتى حاجة غير خليني عليك كتبزطني بهادشي ديالك ... مابغيت نعضر مع تا واحد
وسام: واها على خاطرك مي فوقاش غتجاوبيني؟
يارا: حتى نفكر ونجي عندك براسي بلا متصدعني
وسام: اوك
دوز يدو على ضهرها ومشا خرج وجلسات هي حتى دخلات عندها رانيا سلمات عليها
يارا: طاطا رانيا بفيت تقول ليك شي حاجة
رانيا: شنو احبيبة قول ليا مالكي؟
يارا: كذبت على وسام باش يبعد مني ونشوف شنو غيدير وقلت ليه اتا حاملة
رانيا: هيييه!! اويييلي حشومة ... راه كيبغيك بصح وشوفي كي ولا تابعك مابقا كيهمو تا واحد و واكلو قلبو عليك علاش كذبتي عليه ؟ وهوا شنو قالك ؟
يارا: قبل بولدي حتى هوا وجاب ليا مهد صغيور والورد والشكلاط
راينا: ناااري يابنتي اش داك تكذبي عليه وتمرضيه كتر ماهووا مريض ... لالا هادشي بزااف ايارا انا منقبلش هادشي صارحيه ولا تمشي نقولها ليه انا ومانبغيش نشوف ولدي هاز فخاطرو وصابر وداير الخاطر وسامح فراسو ... يارا يا اما هضري معاه نيشان وسمحي ليه يا اما قطعي ليه الياس فمرة باش ميبقاش معلق امل عليك ، الى كتبغيه صارحيه راه داكشي اللي داز عليه واللي عشت معاه لا يطاق وحتى هوا تمحن ، ايه غلط ومن داك النهار ماشفتو كيهضر مع شي بنت ولا داير علاقة وطلعو ليه البنات فراسو واخا تزوجتي كان باقي متعلق بيك وانا اللي كنبعدو باش ميجبدش ليك المشاكل واها غلطت فاللول مكانش يحسابني مزال كيبغيك وكنت كنلاقيكوم بلا منشعر
يارا: منقدرش نسمح ليه على داكشي اللي دار فيا
رانيا: قوليها ليه نيشان وقلبي وجهك فمرة باش يرتاح تا هوا ما يبقاش معلق فيك
يارا: اففف ... انا غدا غتصارحو
💐وجاء الصباح فقامت كالنور مبتسمة
لا تحمل الهم ، لكن تحمل الهمم
شمس التفاؤل قد اهدتك بهجتها
كي تمحو عنك ضلام الشؤم والالم .
مستاعدة يارا تعطي وسام جواب . ككل يوم بعد دوش كتلبس حوايجها وهاد الصباح بعدات الالوان الغامقة ومشات للالوان الفاتحة ، هزات كسوة فاللون الوردي الفاتح ولبساتها ، شكلها سامبل ومزيرة من الصدر والخصر و كلوش من لتحت حدها الفخاد ومفرفرة بطبقة وحدة فقط ، اكتاف معرية وضهر عريان وشعر مطلوق ومكياج بارد مع احمر الشفاه بارد ورموش كتيفة وطويلة وراءحة جميلة ومنعشة ، ادافر جميلة واكسسوارلت خفيفة ، صباط عالي متلت من الامام فاللون الذهبي ماط و بوشيط فنفس لون الحداء ، هزات نضاراتها الشمسية وبدات خارجة كتمشى بكل رقة ومن اي بلاصة دازت كتخلي ريحتها الجميلة فايحة ، خرجات مع الباب خاطة نضارتها فعينيها وقلب مطلع مع الدروج اللي كيديو للسيارات ظالغاءلة لقات وسام كيمشي ويجي بشورط رياضي وتيشورط رياضية وحداء رياضي من شكلو باين كان كيتريض فالطبيعة ولحق الموعد اللي كتخرج فيه يارا وبقا كيتسنى يشوفها ، هز عينو فيها وابتاسم ، وهي كذلك دارت ابتسامة خفيفة ، بالزربة جا عندها سلم عليها من الوجه وهوا حاط يدو مور ضهرها
وسام: بونجوغ
يارا: بونجوغ
وسام: عادية للشركة؟
حركات راسها كتمنضر فالجردة و هوا كيشوف ملابسها ، هز راسو وجمع النفس وكانه منزعج
وسام: احم...يارا ضهرك عريان كامل !
يارا: عارفة ... فين كاين المشكل؟
وسام: نو مكاين حتى مشكل ... غير ضهرك عريان راه مشكل كبير مارضاش ليه البال نتي
وسام: ببرودة) مكنكرش عليك مي الجسد ديالك الى كان عزيز عليك غطيه متخليش كلشي يشوفو ... ماشي حتى لهاد الدرجة تعراي وممحتاجاش تبيني مفاتن ديالك
يارا: بانزعاج) الله يخليك ... الصباح هادا وانا مبغيتش نسمع محاضرة فهاد الوقت ... حاسة براسي مرتاحة اليوم و راشقة ليا مابغيتش شي واحد يعكر ليا المزاج ديالي
يارا: مافيا اللي يهضر دابا ... كيما قلتي غنمشي نفطر فشي بلاصة مريحة من بعد نمشي للخدمة ، حتى للعشية ونهضرو
وسام: بلاتي نمشي معاك
يارا: لا بلاش ... باغا نبقا بوحدي ... مابغيت حتى واحد
مشات برقة قدامو وهوا كيشوف فيها وغادشي مواره ببطىء حتى ركبات فسيارتها وخرجات ، تنهد ورجع نزل مع الدروج دخل للدار. شدات طريقها نيشان لمقهى بجنب البحر بعدما دازت فطريقها على المساعدة ديالها ومشاو بجوج فطرو واستمتعو بجو الصباح عاد مشاو للشركة . دخلات للبيرو ديالها وتخرات على الكرسي مرتاحة ورجعات لخدمتها.دوزات يدومها كامل فالخدمة فالخدمة حتى قربات تخرج ودخلات عندها المساعدة ديالها لقاتها كتجمع ساكها
فرح: بنتي ليا مرتاحة واخا كانت عندك الخدمة هاد النهار بزاف
يارا: ههه وي بصح... عرفتي علاش
فرح: علاش
يارا: حيت برد من جيهت واحد الشخص ... واحد الشخص اللي جرحني بزااف وعانيت بسبابو فحياتي .... هادي مدة وهوا تابعني مرة اخرى وكيدير المستحيل باش نسمح ليه ... الجرح اللي كنت كنحس بيه من جيهتو مشا لاني رضيت اعتبار لراسي وهاد المدة اللي تبعني فيعا خلاني نبرد ونرجع تيقتي فنفسي مرة اخرى بعد ما كنت كنخس براسي اقل منه شءنا وليت دابا كنحس براسي عندي قيمة
فرح : ههه حلها ليك زعما
يارا: شنو ؟ مافهمتش؟
فرح: بلغتنا حنا كنقولو حلها ليها تا تفرعنات هههه الواحد اللى حلها ليك كتحسي براسك فوق منو ومكيبقاش يبان ليك بمرة
يارا : اااه هههه لا ولاكن ماشي مابقاش يبان ليا ... غير انا بردت مابقاش كيهمني ... هاكا كنحس دابا. مهم يالاه نمشيو راه عندي رونديفو معاه ... هاد الرونديفو ضارني فخاطري وماعنديش الخاطر ليه
فرح: ههه يالاه
خرجو من الشركة لقات وسام واقف فالباب مربع يديه متكي على طوموبيلتو كيشوف فالساعة ومكروازي رجليه لابس تيشورط بالكول فالازرق ديال لاكوسط ودجين وسبادري دفالازرق ديال اديداس فيها 3 ديال الخطوط فالجناب ، وقفات عليه بكل تقة فالنفس ... هز راسو شافها وابتاسم لا اراديا ، سلم عليها من الوجه مبتاسم وبلا مينطق فتح ليها الباب حداه طلعات وطلع حداها و تحركات السيارة ، غادي سايك بهدوء وكل مرة يدور عندها يشوف فيها بابتسامة وهي كتشوف قدامها . وصلو لمقهى على الكرنيش فيه فوطويات مريحين ودار ليها اشارة بيدو تجلس جلسات عاد جلس هوا ، يالاه بغا يهضر وقفات عليهم بنت صغيرة هازة سلة دالورد فالاحمر
البنت: هاك شري وريدة لحبيبتك
شاف فيها معجب لهضرتها وهي باقا صغيرة وابتاسم
وسام: اممم.. حبيبتي ماتكفيهاش وريدة وحدة ... انا غناخد ليك هاد الورد كامل اوك
خدا من عندها الورد كامل وخشا يديه فالجيب كيتعصر معاه مزير باش يجبد الفلوس ، هز راسو لقا يارا عطاتها 200 درهم
البنت: شكرا
يارا: لا شكرا على واجب
انزاعج بشدة للموقف وغمض عينيه جيهت البحر كيتنفس بصعوبة وتنهد عاد رجع ضحك ليارا
🚨اللي مزالة فايقة تفاعل معانا فالتعاليق بأراءها باش نزيد نحط ونعرف بللي كاين اللي كيتسنا التتمة سينو نخلي تا لغدا يكون كلشي فايق
وسام: بجدية وعينيه كيبريو: اه لا ... جاوبيني اه ولا لا؟
يار: بعد مهلة) لا
شاد ليها ف الفك ديالها باش تشوف فيه : شنو للي لا؟ اكدي ليا باش ندي معيا جواب صحيح مانمشيش غالط ... كتبغيني ولا لا
يارا: كترمش) لا ... مابقيتش كنبغيك
ناض وقف فالبلاصة خشا يدو فالجيب وهي توقفو
يارا: اهم حاجة جيت نقول ليك عليها
وسام: لا رد كيقلب فجيبو
يارا: وسام... انا ماحملاش
شاف فيها عاقد حجبانو بلا ميهضر كيتسنى تهضر
يارا: ماحاملاش انا ... غير كذبت عليك باش تبعد مني
رجع يدو للجيب جبد منهم فلوس وكيهضر
وسام: بجدية)مزيان ... صراحتك عجباتني وحتى كدوبك عجبني ...
قاطعاتو: حتى نتا كذبتي عليا
وسام: صافي سالينا ... اه كذبت عليك بردي دابا
يارا: متبقاش تبعني
وسام: حتى انا كنآمن بديك المقولة اللي كتقول .. متحط حتى واحد فوق قدره باش ميحطكش تحت قدرك ... ونتي حطيتك لفوق وبقيت لتحت مكنشوفش اش كديري (لاح ليها الفلوس فوق الطبلة) مزال ماتزادت هاد البنت اللي تخلص عليا شي حاجة ... الله يعاون
هز سوارتو وخلاها ومشا بالزربة وهي متبعاه بعينيها حتى خرج وجلسات فبلاصتها مهمومة شوية وهوا يبان ليها قاطع الشانطي جيهت طوموبيلتو مهزش راسو فيها بالرغم انه عارفها تما ، دغيا ركب وزاد ، بقات جالسة كتشوف فدوك الفلوس اللي لاح فوق الطبلة ورجعات جبدات تيليفونها تاصلات بالشيفور جا عندها ردها للدار ، دخلات كتسرح عينيها لقاتو هابط مع الدروج هبط راسو مشافش فيها وداز قدام عينيها وصل للباب وهي تعيط ليه رانيا
رانيا: وسام
تلفت: وي ؟
رانيا: فين غادي مغتعشاش
وسام: لا غادي عند صحابي بلا متسنايني غندوز لداري
رانيا: علاش مغترجعش؟
وسام: لا
رانيا: اجي ... دي معاك يارا تبدل الجو شوية ورجعها وسير نتا الى بغيتي
فين ما طلع راسها كيخشيها تخت الماء والناس اللي فالجردة لغيسطو حدى لابيسين كيضحكو عاجبهم داك الهبال وبنت صغيرة من الحضور بدات كتبكي بواليديها حيدو ليها حوايجها وطلقوها جات كتجري وتلاحت فالماء حداهم باغا تلعب وكضحك
مروان: اهلن اهلن بوسي عمو
باشتو فحنو وطلق لنهى داير الخاطر للبنيتة الصغيرة ياغا تا هيا تلعب معاه وكتجو باش تغرقو وهوا داير ليها الخاطر وماريا كتصور ، نهى طلعات من الماء شدات فالصور كترد الماء البي سرطات تا رتاحت وهي تهز راسها فيهم
نهى: تشوهنا تشوهنا والسهد اللهم نعومو شوية
غطسات تحت الماء كتعوم فجهة ومروان شاد البنيتة فجهة و جواد ووسام كيضحو تا عيات نهى وجرها طلعوها عطاوها فوطة تلوات فيها وجلسات على الطبلة دالعشاء معاهم كيضحكو وبقا مروان شوية مع البنت عاد طلع وطلعها معاه مشات كدير ليهم باي باي ، جلس حدا نهى ملوي عليه فوطة وكيتناكرو ويضحكو
جواد: وا هانتي تبردتي ههههه
نهى: ولد الحرام بغا يقتلني !
مروان: واييه باش نبقى سيليباطير بحال وسام ... خاي وسام اما حسن سيليباطير ولا ...
قاطعو: تكمش اصاحبي وشوف موراك ههه
تلفت مروان لقا نهى هازة كاس دشراب فيه التلج فالسماء خواتو ليه على راسو
مروان: وايلي احبيبة تخلعتي! عادية مافيها حتى مشكل ماشي اول مرة ولا اخر مرة تقلبي الطبلة اخبيبة ؤاه ولات حاجة عادية عندنا بلا متخلعي ... نوضي احبيبة الله يعطيك لباسر باش حتى الى مشديتيش الارض نقولو عل علاش بعدا .
وسام: حال باب اللوطو وماكي عليها ) انا مافيا ما يستحمل شي صدع وزديح
جواد: زيدني عليك
نهى: يالاه نمشيو انا وياك
مروان: باغا تمشي....زيدي... دراري تصبحو على خير
كل واحد طلع فطوموبيلتو ومل واحد شد طريقو .
في الصباح اليوم التالي صبحات رانيا على يارا لسقاتها تعاود ليها كلشي وبالفعل عاوظات ليها يارا النزيلة من اولها لآخرها ومن بعد اتجاهات للشركة دوزات نهارها كامل فالخدمة ماشافتش فيه وسام بالمرة ورجعات للدار فالعشية لقات رانيا وعاصم جالسين على الفوطوي معنقها وكيهضرو ، مشات سلمات وجلسات قبالتهم
اليوم الموالي فاقت متشوقة وعقلها مشطون لقات رانيا وعاصم مشاو ، دوشات وقادات راسها للخدمة ومشات للشركة دوزات نهارها كامل فيه بين الاجتماعات الى اخ حتى ل 5 دالعشية وخرجات مع الشيفور رجعها للدار بدلات حوايجها ولبسات شورط قصير ديال الدجين مع صندالة مذهبة وسنسلة فرجلها وضفار رجليها مصبغين بالارونج فاتح لانه الموضة فطلاء الاضافر عند الغرب ، الشورط قصير وطالع حتى للسرة ولابسة بودي ابيض واسع فيه طبقة فوق طبقة وقصير وعندو دفيرات رقاق شادينو من الكتاف ومكروازيين فالضهر ، طالقة شعرها للجنب ملوي وصاكها فيديها كتمشى فخط واحد وجارة باليزتها الصغيرة ، دخلات مع الباب بخطوات بطيءة كتسرح عينيها فارجاء الفيلا ، دهل ليها الشيفور باليزتها الكبيرة وصاكها الكبير لداخل وخرج وبقات هي واقفة واقفة كتشوف ، بان ليها جنب الفوطوي حداها وجلسات دايرة رجل على رجل متجرأتش تحرك فالفيلا وتكتاشف شكلها الحديث وديكورها الابيض وفراشها الملون وجمالية منضرها ، كتافات تشوف غير حولليها فين حالسة حتى سمعات خكوات هابطين مع الدروج الزوجايين وتلفتات لليمين بانت ليها بنت شقراء نازلة مقزبة وشعرها حد الكتاف لابسة بيجامة ديال الدار مقزبة وزوينة فوجها قد يارا فالطول ، وقفات يارا بتتاقل مصدومة كتشوف فيها
البنت: هاااي... نتي هي بنت عم وسام ياك(مدات ليها يدها)
يارا كمشات فمها وعقدات حجبانها مطلع وتهبط فالبت ورجعات هزات راسها بكل تقة فالنفس وكترمش وتسوط من نيفها
يارا بابتسامة صفراء: نو بلاش غنمشي نقلب عليه لراسي
جمعات الضحكة وهزات صاكها وطلعات فالدروج كل مرة دور تشوف فعاءشة وطلعات كتسوط ، طاح ليها الساك من يدها ورجعات هزاتو كتنفض وتنفخ بوحدها وحلات واحد الباب دخلات معصبة ضربات الساك مع الناموسية وجلسات تعوج
يارا: عاااءسة ... ههن عانسة ماشي عاءشة ... قالك حبيبتو دوسام ... وانا مالي! حبيتو قالك ... يخخ كي دايرة ومجاتش معاه اصلا هي رقيوقة شو كي دايرة وهوا قدو قد الباب دالحديد ...اوووف وانا مالي مهرجة لخرى تفو
جلسات فوق الناموسية حاطة يديدها على فكها وكتسوط كي الرابوز ورجعات خرجات هبطات لتحت لقات عاءشة جالسة كتبرد دفارها ، مشات نيشان يارا للكوزينة
مروان: 12 فيا انا وعاءشة وبقا جواد ماريا...دونك نتا اوسام مع نهى وانا مع عاءشة و جواد مع ماريا
جواد: هانتي يارا شوفي غتفرق الكارطة 4 للواحد واي ثتاءي غيجلسو مقابلين مع بعضياتهم غيتافقو على حركة او غمزة بيناتهم بلا متعرفوها حنا وديك الساعة غيبدا اللعب واللي جمع 4 دالارقام كاملين بربعة خاصو يدير حركة ولا غمزة للكوبل ديالو باش يقوليه كانت وحنا مخصناش نعيقو والى حسينا بيه جمع 4 دالارقام غتقولو ليه كوبي وغتزاد لينا نقطو ويكون هوا الخاسر وغيتحكم عليه دونك نتي الى جمعتيها حضي مع الكوبل ديالك وخدمي رياضة التحنزيز مزيان باش متخسريش ... هانتي غتفهمي كتر فاش يبدا اللعب .
يارا واخا
ناضت رجعات للور مور ضهر وسام جامعة رجليها وهوا جالس حداها كيلعب بعد ما تافق هوا ونعى على الاشارة وتقادو البلايص كل واحد فين جلس وبدا شي ميشوف فشي ووسام حاضي مع نوهى اللي كتفرطط خايف تنقز عليه بكلمة "كانت " وينوض خاسر ... كل واحد منين كيجر كيحاول يدوخ الخصم الاخر باش يعرفش اشمن رقم كيجمع وفلحضة...
وسام: وهي كطير واخا تكون جامعاها منقولش ليها كانت ... انا حاضي غير كوبي كنتسنى خوك يكنل ديك الثلاتة اللي باقي كيجمع وراها عند مروان اللي كيتسنى 12 اللي عندي انا مابغايش نطلقها ليه هههههه واصلا مكنجمع تا ورقة غير كنشير من الصباح
مروان غير مخرج عينيه فعاءشة ساخط : تكعدي ديلمك طيبي العشاء ... كطييري كتر من هادي اللي حدايا ...حضي وراقك نتا. شد ها 3 اللي حاضي ليا من الصباح وااع
مروان: تكعدي طيبيه نتي اللي كطيري قلت سكتي مشغلكش لا فكوبي لا فكوبو
عاءشة: اوووف هانا نايضة ... تسناوني حتى نرجع
مروان : سيري ها حنا غنبقاو نتسناوك حتى طيبي العشا (مشات ودار هز كارطة) يالا زيدو نعاودو كل واحد مع الكوبل ديالو انا ونهى والله يخرج العاقبة على خير ونتا ويارا وجواد وماريا
جواد: يارا فهمتي اللعب ياك
يارا: اه
تلفت ليها وسام شاف فيها وشافت فيه وناضت جلسات مقابلة معاه والخرين كيهضرو فالودنين كيتافقو على الاشارة ويارا جالسة كتظور عينيها ووسلم كيشوف فيها حتى حسات بشي حاجة قرصاتها ففخدها وهي جالسة فالارض على المخدة مربعة رجليها تلفتات بالزربة شافت فوسام وغمزها
وسام: هي هاديك الاشارة
هبطات عينيها بشوية لقات رجلو واصلة تا لبين فخادها وبدات كترمش مزنكة ورجعو الاخرين كيلعبو وشي كيشوف فشي ويارا مصمكة كتجمع وكلشي حاضيها ووسام حاضي كلشي حتى جمعها ونخزها برجلو ومع الاسف منخزهاش ففخدها وانما النخزة وصلات لبلاصة اخرى جد حساسة تا نقزات يارا من بلاصتها غوتات
شاف وسام فيارا وهي مزنكة وكترعد وتبلع الريق وتكا على ضهرو كيضحك
وسام: شهاد البسالة دابا؟ بانت ليكم غير بوش ابوش؟
جواد: لحكام حكام اخاي وسام من اللول تافقنا على هادشي
مروان: اه بصح هاهي عيشة مشات طيب العشاء ولا حتا هيا من اللول منحكموش عليها
وسام: كيحرك راسو بالنفي ويضحك) بدلو الحكمة ... شي خارج على الحياء بلاش منها امبوسيبل نبوس نديرها
تلفت مروان عند يارا: تافقنا ياك ... فاللول تافقنا على اي واخد تحكم عليه غيطبق الحكام .. نتي قابلة يتطبق
يارا: الصمت(حركات راسها بالنفي)
جواد: لا ماشي هادي هوا اللعب ... داكشي علاش تافقنا غيتطبق
وسام داير ابتسامة خفيفة كيشوف فيهم وفنفس الوقت كيفكر ويحك فلحيتو
جواد: تهز طبق الحكام ... عندك 7 دقايق بدون انقطاع
هز يدو وسام جيهت يارا مطلع حاجبو وكيشوف فجواد: امبوسيبل نبوس انا شي البنت مابيني وبينها والو ... كن كانت بيناتنا علاقة ممكن ... ديك الساعة كنت نفكر مي انا مكتجمعني بيها حتى حاجة ... حكمو عليا نديرها مع عاءشة ماشي مع يارا نونونو امبوسيبل غير غتحرجو السيدة وصافي
يارا غرغرو حسات براسها بغات تبكي وبدات قاطعة النفس وصامتة مقجوجة ماقدراتش تهضر كتشوف فيهم وترعد
مروان: خاي وسام هادا هوا اللعب مكيهمناش امونو على علاقة ولا لا اللعب لعب والحكام خاصو يتطبق
جواد: سينو غتمرضونا ومايبقا لعب
تنهد وسام: هاهيا سولوها الى بغات نبوسها
هزات عينيها فيه بعصبية ومهضراتش
جواد: يارا ... خاصك طبقي لحكام
جاوبات بصوت خافت متقطع تحت نضرات وسام: بدلوه ... منقدرش
ماريا: لا احبيبة تقدري والى حشمتي ينوضو هما ونبقا معاكم انا
جواد: دابا خسرتي وطبقي الحكام اللي عليك بعدا ونتعشاو عاد ديك الساعة نشوفو واش نكملو تا حنا ولا نقلبو اللعب
بقات يارا ساكتة مالقات متقول تحت الضغط ديالهم وتحت عينين وسام اللي كيشوف فيها ، شوية ناض عندها
وسام: يالاه
جواد: فين يالاه؟
وسام: غنطبقو لحكام اولا لا!!
مروان: هنا ماشي فبلاصة اخرى
وسام: لا... هنا لا وكلمة وحدة عندي انا هي 7 دقايق اللي حكمتو بيها غنكملوها بشرط تا واحد ميوقف علينا ... يالاه ايارا
نوضها من يدها وهي كتشتت النضر ماقادراش تشوف فيهم وشد ليها فيدها جرها معاه
مروان: هاااااه... كلمة دالرجااال
جواد: غتواعدنا
وسام: وعد
نهى: غنمشي معاهم
مشات تبعاتهم لفوق حتى وصل لبيتو دخل يارا وسد الباب على نهى
نهى: هيييي انا واقفة كنحسب هنا
يارا دخلات وهي تنتر يديها: بعد يدك عليا ... والله وقربتي ليا....
قبل متكملها دار عندها جرها من خصرها وشدها من راسها لور وباسها فمها بقوة وهي كتنتر ليه حاللة عينيها فصدمة كتشوف فيه عينيه دابلين كيشوفو فشفايفها و كيبوسها بحال الى كيلتهام شي وجبة ، هز عينيه فيها بشوية شاف فعينيها وغمضاتهم وبدات كتهدن تدريجيا وكتجاوب معاه عاد رخف عليها وكمل التقبيل بطريقة حنينة كيتلدد فشفايفها وحدة مور وحدة ويغرق البوسة كتر وكتر.
نهى واقفة برى كتحسب وحاطة ودنيها على الباب باغا تسمع وماسمعات والو؛ شوية طلعات عندها ماريا
يارا: الله يجليك خليني نمشي ... هادشي اللي كدير راه ماشي معقول
وسام: خروج مكاينش ... بغيتي تمشي لخدمتك مرحبا اما تخرجي فمرة لا
يارا: ههه وعلاش بسلامة ؟ باشمن حق؟
وسام: انا المسؤول عليك دابا حتى ترجع رانيا وسيري ديك الساعة فهمتي علاش...دابا خلي داكشي وسيري لخدمتك و الخمسة نرجع نلقاك هنا ومتزيديش تختابري صبري كتر من هاكا باش منغلطش فيك تفاهمنا
وسام: باستهزات) يالاه الاللة حطي ديك لافاليز وسيري لخدمتك الى مزال تابعاك شي خدمة ونرجع مع 5 نلقاك هنا عندك ساعة ديال الطريق من الرباط لكازا ... غتخرجي مع مع الربعة وساعة ديال الطريق نيشان مع لوطوروط غتجيبك الخمسة هنا وبلا متزيدي تا هضرة...المسؤول عليك هوا انا وفاش تجي طاطاتك ديري عندها اللي بغيتي واخر مرة نشوفك هابطة مقزبة وصحابي هنا معايا(فتح ليها الطريق) يالاه سيري
بدات كتنهج معجبهاش الحال ومجاوباتوش وخرجات كتسوط ركبات كتسوط فطوموبيلتها وتبعها حل عليها الباب
وسام: نزلي ماشي نتي اللي غتسوقي
خنزرات فيه مكمشة فمها ونزلات مربعة يديها مقلقة ومن طبعها مللي كتعصب وتقلق كتنفخ وتغضب وتبقى ساكتة
وسام: الشيفور اللي غيديك ويجيبك ... (بصوت مرتفع)عبد الله ديها للشركة راه غتوريك العنوان وبقا تما حتى تجيبها نيشان لهنا
يارا: ولاكن عندي الشيفور ديالي !
وسام: حتى تمشي عند طاطاك رانيا ويديك هوا
بقات كتشوف فيه وتغصص سنانها وطلعات لور ربعات يديها وسد عليها الباب ومشات ورجع هوا دخل كيشوف فالساعة فيدو هز لافيست كري ديال السروال فيدو وسوارتو وتيليفونو وخرج لابس كلاص وصباط كيلمع مافيه حتى طبعة ومشا ركب فطوموبيلتو وخرج
وصلات يارا لمدينة الرباط لقات المساعدة فرح واقفة فالشارع كتسناها دوز حداها وطلعات معاها
يارا: شفتي ليا داكشي؟
فرح: اه خديت ليك روندسفو مع واحد الطبيبة فكلينيك
يارا: مزيان ... يالاه نشوفوها هي اللولة
هضرات فرح مع الشيفور وراتو الكلينيك ووصلهم حتى لداخل ونزلات يارا دخلات هي فرح ، فديك اللحضة رن الهاتف ديال الشيفور وجاوب فالحين
الشيفور : نعام السي وسام
وسام: وصلات؟
الشيفور: مزال راه دازت لواحد الكلينيك
وسام: كلينيك؟ علاش؟ واش بانت ليك مريضة؟
الشيفور: لا صحة سلام اسيدي
وسام: اوك ... بقا معاها واي حاجة عيط ليا.
دخلات يارا عند الطبيبة وجلسات فالبيرو كتشرح الحالة ديالها وفرح بقات برى جالسة
يارا: انا كنحس بشي حاجة كضرني لتحت ف***** و لبارح نزل شوية دم معرفتش ديالاش
الطبيبة: اممم ... واش كنتي فمعاشرة جنسية ولا...
قاطعاتها يارا: لالا غير واحد اللعب لعبناه وطرى هاكا
يارا: بتردد) اوك ... كنا كنلعبو فوق الطبلة ومنت جالسة فالارض وخطيبي جالس مقابل معايا و نخزني برجلو من لتحت بالجهد وانا كنت لابسة واحد سليب خفيف فيه الشبكة حسيت بالدقة
الطبيبة: هههه هاد خاطيبك رجليه طوال هههه ولا صبعو اللي طويل
يارا: هاه! لا بلعكس رجليه زوينين ورجليه ويديه هما اجمل حاجة كتعجبني فيه
الطبيبة: هههه كنضحك معاك زعما قلت ميمكنش يفض البكرة بصبع رجلو الى الا كانت شي ضربة خايبة ولا هوا تعمد يديرها وصوب الهدف ... على العموم متخافيش باقا فييغج غير السليب مشبك مع الوخزة درجلو جرحك ، انا غنخرج ليك واحد البوماد ديريها باش تبرى دغيا ونعطيك حتى شهادة طبية فيها بللي نتي بنت باش تهناي
يارا: ههه واخا
سالات يارا مع الطبيبة ودارت شهادة طبية فساكها وخرجات رجعات عند الشيفور هي وفرح داهم للشركة وبقا كيتسناهم حتى ضربات الربعة وخرجات يارا طلعات مع الشيفور رجعها للدار ، نزلات هازة صاكها ودخلات لقاتو واقف قدامها بنفس اللبسة اللي شافتو بسها فالصباح ولافيست محطوطة على الفوطوي بخال الى كان كيتسناها دخل ، شاف فالساعة فيديه لقاها 5 لاسقة ومهضرش وحتى هيا عجبها لحال مللي ماخلات ليه فين يهضر ، دازت من حداه كتعوج والساك فيدها طلعات لفوق ، شوية تلفتات شافتو داير يدو فالجيب دسروال التوب وكيهضر مع الشيفور برى ، نفخات ريشها ودخلات لبيتها حيدات حوايجها ومشات للدوش ، طلع موراها شاف الباب محلول شوية وطل عليها سمع الدوش محلول و دخل دتير يديه على جنابو كيشوف بعينيه فارجاء الغرفة بتشكيك ، بان ليه ساكها محطوط ومشا عندو حلو لقا خنيشة ديال الصيدلية زاد دخلو الفضور وعقد حجبانو كيقلب بهدوء شاف الورقة بيضاء مطوية على جوج وشدها مخرجها من الصاك
قلب جريح الجزء 17
محتوى القصة
التنقل بين الأجزاء