صبح صبااح جدييد على ابطالنا و مفاجآت جديدة كتسناهم .. فاقت رينال دارت روتينها اليومي و نزلات تفطر .. كلشي مجموع فوق الطبلة فطرو فصمت حفييظ غير مخنزر فرينال و رقية كتشوف فرينال و تبتاسم بحال الى كتقويها ... كملات فطورها و خرجات لجردة و تبعها اوس شدها من كتفها ....
اوس : تسنااي
رينال : شنو
اوس : فوقاش غتمشي عند هاديك ؟؟؟
رينال: اليوم فلعشية
اوس : انا مغنكونش هنا عندي اجتمااع
رينال : وانا مالي !؟
اوس : غيجيت نعلمك نلقا مك لابسة كي لقحااب نعصي والديك و تا شعرك مطلقييهش و شعرك ديما مجموووع ... را عيني علييك را تابعك كي خيالك
رينال : ( كتأفأف ) اوووف اوف اوف
اوس : كيبانلي توحشتي لعصا
رينال : صاااااااافي فهمنااااا
اوس : اوا هاكة نبغيك ...
قرب ليها و عنقها بجهد و هو خاشي وجهو فعنقها كيشم فريحتها و هي تحجرو دموع فعينيها بادلاتو العنااق بحال الى كتودعو ... طلع عينو فيها لقا عينيها مغرغيين باسها ف فمها بوسة حنيينة و خرج ركب فسيارتو توجه لشركة .... و هي طلعات لبيتها كتبكي حسااات باحسااس فشكل قلبها كيقوليها بقااي و نسااي كلشي و بدااي معاه صفحة جدييدة و عقلها كيقوليها خاص تنتاقمي و تنساية عليك بقاات مضاربة مع راسها تا دخلات عندها رقية ....
رقية : يلاه نوضي لبسي علييك خاص نمشيو دابا ..
رينال : اوك غنلبس و نهبط
رقية : كنساينك ،..
حلات الماريو و جبداات كسوة كحلة طويلة و بلا كماام و جمعات شعرها كوتشوفال و مشاات لبيت ياسمين لقاتها باقا ناعسة باستها فجبهتها و نزلات لتحت لقات رقية كتسناها ،،..
رقية : مشينا
رينال : اه يلاه
خرجو من لقصر و رينال كل مرة كتلفت تشوف وراها و تفكر كل ما عاشتو هنا و لحضة جات صورة اوس فبالها و لحضاتهم هو و ياها ... طلعات فسيارة ديال رقية حطات راسها على زاجة و دارت ليكيت كتسمع لاغاني بعد ساعتين ديال طرييق وصلو لفيلا كانت فجبل هي لي كانت تما بوحدها نزلو من سيارة و دخلو ليها كانت فيلا صغييرة كيتوسطها بيسين كانت كلها عصرية و حيطانها كاع فلون لكري استاقبالتهم خداامة كبيرة فلعمر ... دخلو تما و رينال غير كضور فعينيها جلسو فصالون و لخدامة جابت ليهم قهوة ....
رقية : كيجاتك الدار ؟
رينال : كتحمممق زوينة بزااف
رقية : هادي شريتها هادي شحاال و تا حد ما عارف
رينال: و علاش ؟
رقية : هادي قصة من بعد و نعاودها ليك دابا ركزي معايا
رينال : وي انا معااك
رقية : اول حاجة غتبداي بيها هي الريااضة خااص يكوون جسمك مثير لدرجة كبييرة و من تم الموضة و الاكل و االميكاب و غتعلمي لغات خراا .. غدا غنصيفطلك لي يهتمو بييك و خاص تبعي هادشي يومياا ..
رينال : واخا ولكن واش غنبقا عايشة هنا بوحدي ؟
رقية : لا البناات لي غيهتمو بشكلك و تعليمك غيعيشو معااك باش تعلمي كلشي بسرعة
الخدامه :وخى ابنتي انا سميتي ربيعه ... اجي نوريك بيتك .. طلعات معها وراتها بيتها لي كاان تقريبا بحال هداك لي فالقصر ..... وراتها لحمام وخرجات ربيعه بقات رينال كتشوف فالبيت وهي تنهد كلسات فوق ناموسيه ... وحطات راسها على لكوفر ... وكتشوف فالصقف ... كتشوف راسها انها قدرات تحرر اخيييرا لفرحه مخلطه ليهاااا مع لخلعه ... ولكن فاش كتعرف راسها انها غادي تنتاقم وترجع كرامتهاا لي خسراتها فداك لقصر عزيمتها كتزييد وتزييد بقات كتفكر تا نعسات .... وصل ليييل .. عند اوس لي دخل لقى كلسي مجموع فصاله ...
اوس :السلام ...
الكل :واعليكم السلام ...
رانيا :حبيبه جيتي .. خنزر فيها ومجاوبهاش .. وطلع لبيتو حيد فيسته بقا بالقميجه لبيضه لي كانت بارزه ليه عضلاتو فيها ومشى لبيت لي كان بيتهااا دخل وبقى كيشوف كل ركن فيها ... ريحتها لي بقى فييه للحظه قلبو تزير ... هز طيليفونو.... دوز نمرتها باش. يعيط ليها مي كيلقاه طاافي .. هبط عند لباقيه ...
دخلو سلمو عيلها هي و يارا و جلسو حداها و هي استعجبات من مضهر رينال ولات جذااابة كتر و تا فمها عطاها جمالية كبيرة بداات تسولهم و هوما كيجاوبوها ......
رقية :شكون زيد !
رينال : صاحبي لي كنت عاودت ليك عليه
رقية : اه وي وي لي غيعاونا فلخطة
رينال : اه هو ولكن باقي مقلت ليه والو ..
رقية : تا يوصل لوقت .. دابا من غداا غتبدااي تعلمي لغاات
رينال : واش ضروري
رقية : ( بحدة ) ضروووري
رينال : اووك
يارا : عل اقل خاصك تقني لغة الإنجليزية
رينال : دغيا غنتعلم
يارا : عاارفة
بقاو كيهضرو تا ضلام الحال و رقية ناضت مشات و رينال و يارا مشاو لكوزينة كلاو شي حاجة خفيفة و طلعو لبيت رينال دارو فيلم هندي ( student of the year ) تا سلا طفاو تلفازة يارا مشات لبيتها و رينال تغطات و نعسات ....
#عند_اوس
جالس فلبيرو ديالو و كيعيط ل رينال كيلقاه طاافي تعصب و ضرب تلفون معا لرض تا تشخشخ ناض صاعر كيقلب على رقية لقاها يلاه داخلة من لبااب ..
رقية : ( شافت اوي جاي جيهتها و هي ترجف )
اوس : فين هي لاش مكتجاااوبش
رقية : يمكن غي عندها شي مشكيل فتلفون
اوس : داباااا غتوريني هاد خيتي فين سااكنة
رقية : ويلي اولدي فهاد لييل
اوس : اه دااااااباااا دااااابا
رقية : ( كتحاول معاه تقنعو )
اوس : قلت لييييك دابا غنمشيو يلاه
رقية : اوس واخا غتسنا نهضرو ....
اوس : فاش غنهضرو
رقية : جلس بعدا و نهضرو ..
اوس : ( مشا جيهة صالون و جلس كيتسناها تهضر و هي جلسات حدااه ) شنو كااين؟
رقية : هو .. هو فصراحة
اوس : واااااهضري خلاص رينال واقعة ليها شي حاجة !؟
رقية : معندي منخبي عليك اولدي رينال فاش كنا غاديين عند ديك المراا هربااات و معرفناها فين مشاات...
كسيرا بسيارتو تا لداار سهى صحابليه هي تم طق عليها و هي فتحات ليه دخل ديريكت بلا هضرة و هي كتحاول تعرف شنو باغي يدير هو كيضرو فلبيوت و كيشوف ماخلا تا قنت مضور فيها مالقاهاش و هو يخرج و عينييه حمرا بحاال دم و جهو بحاال شي وحش رجع لقصر و صا لي كارد يضورو عليها فين ما كانت ....
ليكارد: ( حادرين راسهم و كيسمعو )
اوس : ( بالغواات ) فييييييين ماااااا كانت تجيبوهاااااالي واخا تكون تحت لرض
ليكارد : واخا اموسيو
اوس : غدااااااا نلقاهااااا هنااا ولا نح**** ز**** بوكم كااااملين
ضرب فيهم و دخل لدار طلع ديريكت لبيتو دوش و عروقو باينة من كثرة الاعصاب خرج لاوي عليه فوطة دخلات عليه رانية ....
اوس : ( جرها من شعرها و صرفقها تا طاحت لرض ) ااااااااخر مرة تحطي يدك عليا ( كارز على هضرتو ) خرجيييييي عليا
رانية : ( ناضت خرجات من بيتو و هي شادة حنكها و كتبكي )
اوس : ( معا راسو ) والللله و نشدك ارينااااال تا نورييييك لعب كيداااير
خرج البالكون شعل الكارو و بدا يكمي ليل كلو منعسش اما لالة رينال فشبعات نعاس 😂😂....
صبح الحال على كل واحد فيهم .. رينال ناضت و هي كتفوه دارت روتينها اليومي لبساات ختارت كسوة قصيرة فلبيض و دارت معاها طالون فلكحل شعرها دارت ليه بوكلي و دارت ميكااب صارخ انا يارا لبسات كسوة قصيرة و مزيرة فلكحل بلا كماام مع طالون فلكحل و شعرها طلقاتو ...رينال هزات تلفونها و هبطات جلسات فصالون كتسنا يارا تا جاات هابطة من درووج .، مهم جلسو بزوج فصالون طلبو قهوة مع بتيبانة بداو فلهضرة و ضحك تا جاو 3 دلبنات سنهم مابين 20 و 30 ....
جلسو معاهم تا هوما..
يارا: ( سلمات عليهم بلابيز ) تفضلو ... رينال نعرفك سناء الاستاذة ديال الفرسية و هدى ديال الإنجليزية و سعاد ديال الاسبانية ...
رينال : ( سلمات عليهم باليد ) تشرفنا ..
يارا : هادي رينال لي غتكون تلميذة ديالكم
سناء : تبارك الله عليها زوينة بزااف
رينال : شكراا عينيك لي زوينة
هدى: ( غير كضور فعينيها )
يارا : شنو تشربو؟
هدى : تا حاجة من الاحسن نبداو دابا
رينال : وي معندي تا مشكيل
سناء : مهم زوج السوايع فنهاار يعني بكلشي 6 دسوايع
رينال : بزااف !!
هدى : اوا ضروري ابب را 3 دلغاات
رينال : اوك هي لا بدينا دابا ..
يارا : غتبدااو بلفرونسية و منبعد الانجلزية و منبعد الاسبانية ..
رينال : مهم نتعلم دغيا..
يارا : مهم حنا نمشيو نخليوكم بوحدكم باش تاخدو راحتكم ... يلاه يا بناات
خرجو البنات للجردة و سناء بقات معا رينال جبداات من صاكها كتاب و بداات توريها فيه و تقول ليها كلمات و هي تعاود موراها ... عشية كاملة دوزاتها هاكة تا كملات 6 دسوايع ...
قدراات تعلم بعض لكلمات بالخصوص رينال عقلهاا خفييف .... مشاو لبنات وبقات هي ورينال .. تا بداا طيليفوت رينال يصوني. لقات نمره تااع رقيه ...
رينال :الو ..
رقيه : رينال اوس راه اوس عرف. .
رينال :اويلي شنو عرف ... متقوليييش لي
رقيه :تهدني ... انا غا بغيت نعلمك انا راه لبقت منتف بلي. هربتي قبل منوصلو عند لمرااا .. لي. نوصيك هو متخرجييش. هاد الاياام ....
رينال:والا لقاني ... ناري هىء هىء ...
رقيه :ربنااااال توكضي ....معياا ماغايقيصكش نتي غا تبعيني وماديري تاشي خطوه بلا شواري وكلشي ايكون هو هداااك..
رينااال : وخى وخى ... قطعاات ... وبدات ترعد ... يارا :مالكي .... رينال :ناري عرف قوتها .... يارا : شكون وافهميني مالك .... رينال قررات تعاود ليارا كلشي .. وفعلا داكشي لي طرااا ... ياراا : اووه هادشي كااامل. ... قولي هكااا ... ونتي كتبغييه ... رينال شافت فيهااا ..:لا مكنبغيهش 😒 يارا : خخ شو شو كيكادير ... لا باينه نييت ... رينال : اوووف دبا شنو ندير .. يارا : ماغاديري والو وماغاتبانسش. اصلا وخى يقلب تا عيااا مغايلقااكش خاثو تا يفقد الامال عاد تبااني ..... رينال : باش يقتلني ... يارا : نوصي تخرااي وااش بعقلك 😡😡 مال. كااينه سايبه. وشكون هو تايقتلك ولا غايقيسك ونزييدك راه ضعف. شخصيتك لي. خلاه يقييسك حييت نتي من الاول مافرضتيش راسك عليييه وتحديهم لييك نتي لي خليتيه يوصلك لهكاا حيت معندكش اصلا تييقه فراسك ... وبما انك بغيتي تبدلي باش تقدري تواجهيه فانا غانساعدك ونعااونك باش تندمييه واكبر سلاح فنظري هو لغييره ... رينال : وكيفاش انديرو لهاد لغيره تا نركبوها لييه .... يارا : شوفي انا انهضر مع مداام بنشقرون (رقيه ) وغانشرح ليها ولا كانت عندها شي. فكره تقولها باش. نتحركو راه لوقت كطيير .... رينال : وخى ... صافي .... ناضت رينال لجرده وفيدبها طيليفون للحظه تفكرات ماماها وختها لي توحشاتهم بزااااف.. عيطات ليهم
رينااد داخلا ..لقات ماماها كتشوف فطيليفون وتشوشات من طريقه لي قطعات بيها وتا صوتها كان مخنوق ....
ريناد :ماما مالكي ..شكون عيط ..
الام : اه جيتي غا رينال لي عيطات ..
ريناد : بصح .. كيف داايرا توحشتهااا ...
الام:كتقول بيخير وتاهي توحشاتك ....
ريناد :ماقالتش ليك فوقاش اتجي ...
الام : لا قالت غا قريب وصافي ...
ريناد : ومالك نتي مهمومه هكاا ...
الام : والو معياش دااخلا ...فالعشيه
ريناد : 4 ..... عند اوس لي منعسش. وشحالم ن حاجه كتجييه فراسو.. كان لابس. تيشورت فالنوااغ مع سروال فنفس لون وسبادري ... . خارج من لقصر ومخنرر مكشكش ووجهو مكيبشرش بالخيير ...
من بعد اسبوع
دازو فيه بزااف تاع لحواايج .. بالنسبه لرينال واوس ...
هو اوس لي قرب يحماق باش يلقااها .... ما خلا فين قلب ... ولا غلامن سول لدرجه معارفو يفهم لعند مها لي نكرات. وبطبت من بعد ما خبراتها رينال ان لا جا شي حد يسول يقول راها خدامه فالكلينيك فاكادير .... ش لي خلا اوس. يتأكد انها ماكايناش فالرباااط .. سهى ووليييد فرحانين حييت اخيراا. نهار لي كيتمنااوه قرب .. بجهد ومابقى سو_ ى القليييل رينال ولات وحدة خراا شخصيتها ولات قوية و تا قالمضهر ديالها تبدلات زادت زيانت جسمها ولا متناسق بفضل الحمية لي تبعاتها و الرياضة و اللغات ولات كتصرعهم ....
#عند_رينال
جالسة فكافي مع زيد كيتبادلو اطراف الحديث ...
رينال : زاش غتعاوني بصح
زيد : اكييد اي حاجة بغيتيها انا معاك
رينال : شكرا بزااف
زيد : ليا شرف نمثل معا وحدة بحالك ههه
رينال : وابراكة من ضحك
زيد : اجي ديك البنت لي كانت معاك فينها؟
رينال : شكون يارا؟
زيد : اه
رينال : وعلاش كتسول عليها ياك ما كتعجبك
زيد : لا لا غي سولت عليها
رينال : ( بشك) اوك
زيد: فوقاش نبداو فلخطة
رينال : عرس سهى بقاليه غير يوماين .. تا نهار العرس غنمشيو على اسااس حنا مخطوبين
زيد : فهمت ...
رينال : شكراا
زيد : مبنتنااش عاديي!!
رينال : نمشيو ؟
زيد : يلاه
خرجو من لكافي و زيد وصل رينال لفيلا و هو مشا فحالو .. دخلات رينال لفيلا لقات يارا جالسة ف صالون و كتفرج جلسات حداها و بدات تعاودليها على شنو دارت غير جبدات سميت زيد و بلي كانت معاه فلكافي يارا تزيرات ...
يارا : اوا مزياان ،، انا غنوض نطلع لبيتي
رينال: اوك تا انا
طلعات ب
لبيتها بدلات حوايجها و لبسات بيجامة شورط و تيشورت ديالو و تكات فوق الناموسية كتفكر فشنو غيوقع و نضرة اوس ليها كيف غتكوف واش غترجع تضعاف فاش تشوفو فكرة تديها و فكرة تجيبها تا ضلام الحاال .....
#عند_ياسر
لي ولات حالتو حالة ديما مهموم و قطع علاقتو بكلشي ولا واحد اخر تا من شركة مابقاش كيمشي ليها و ياسمين لا ولا هاملها قلييل فاش كيعيط ليها هادشي كلو بسبااب الخدمة لي كيخدمها خلاتو يبعد على كلشي تا علا البنت لي كيبغيها...جالس فبيتو و متكي فوق الناموسية تا صونا تلفونو كان حفيظ ...
حفيظ : فين غاابر
ياسر : الخدمة و صافي
حفيظ : اوا فخبااارك بلي السلعة تشداااات
ياسر : شنوووووووو ! .....
حفيظ : كيما سمعتي ويلا مشاةتا هضر داك خينا را مشينا فيها
ياسر : خاص نتخلصو منوو قبل ميهضر
حفيظ : و كيفاش راه تشد دابا و كيحققو معااه
ياسر : فاااااااااك ( قطع عليه و كيدوز يدو على شعرو بعصبية )
#عند_اوس
واقف حدا البيسين و كيكمي و كيفكر ف رينال هادي سيمانة ماشافها توحشها بزااف ديما كينعس و هو معنق تصويرتها و ندم على اي حاجة دوزها عليها و دابا عاد عرف قيمتها .. شوية حس بيديه محاوطين خصرو ... كانت رنية حديد ليها يديها بعصبية ...
اوس : وا تفرقي عليااااا منييين كتفهمي منييييين
رانية : كنبغيييك بزااف عطيني فرصة
اوس: انا مكنبغييكش واش كتفهمي ودابا غبري من قدامي
رانية: (حدرات راسها و مشات و دموع فعينيها)
#عند_يارا
جالسة فبيتها و داخلة لبروفايل زيد فلفايس و كتشوف فتصاورو و تبتااسم تا دخلات عليها رينال و قربات ليها و هي شاردة كاع ما حاسة ....
رينال: ( خطفات ليها التلفون من يدها )حصلتك
يارا : وا اري ليا التلفون
رينال : اممم زيد
يارا : اوف
رينال جلسات حداها و بدات تضغط عليهاةباش تدوب فلخر عتارفات بلي كيعجبها من اول مرة شافتو ...
رينال : فراسك بلي تا هو كتعجبيه و فاش كنا فلكافي سول عليك
يارا : واش بصح 😍
رينال : والله
يارا : ياااي زعما يكون كيبادلني نفس شعور
رينال : متعرفي هه
هضرو تا شبعو و يارا رتاحت نسبيا فاش اعتارفات ل رينال باعجابها لزيد ... ناضو بجوج بيهم مشاوو لكوزينة تعشاو عشا خفييف و طلعو لبيتهم ... يارا طاحت دودة اما رينال فحلات تلفونها و كتفكر ف اوس و كيفاش غيكون بنسبة ليهم سيمانة مدة كبيرة بزااف خصوصا اوس ولفها ديما حداه و قريبة ليه .....
صبح الحال و رينال فاقت كتفوه و عينيها كيتلصقو بنعااس ناضت دخلات لحماام دوشات لبسات تيشورت مع سروال جينز مقطع و صبادري فلون تيشورت شعرها طلقاتو و دارت ميكاب هادئ اما رايا لبسات كسوة طويلة فلبيض مع طالون .. هبطات رينال لتحت خدات قهوة شوية لحقات عليها رايت جلسات حداها .. بقاو مجمعيين تا صونا ل رينال تلفونها كانت رقية ...
رقية : رينال
رينال : وي
رقية : عارفة بلي غداا العرس وجدي راسك
رينال : متخافيش
رقية : هاكة نبغيك ( قطعات )
يارا : عندااك ترجعيلو واخا يدير لي يديير ماتنسايش هادشي
رينال : بلاما توصيني غندمو .. كنت غنسى خاص نعيط لزيد
يارا :علاش؟
رينال : نمشيو نشريو لخواتم على ود غدا
يارا : مكرهتش نشوف وجه اوس كيغايكون
رينال : اححح بغييت نشوف ديك النضرة ( جبدات تلفونها و صوتات ل زيد )..
زيد : الحب
رينال : وافيينك
زيد : فدار وصافي
رينال : خاص نتشاوفو باش نشريو لخواتم
زيد : اه كنت غنسا صافي غنجي دابا نديك الخطيبة ديالي
رينال : ههه تلاح
بعد مدة جا زيد بسيارتو كان كيبان انييق لدرجة كبيييرة دخل لفيلة لقاهم جالسين فصالون دخل سلم عليهم و جلس و رايا غير حاضياه بنص عيين و هو عاق بيها ....
رينال: تشرب شي حاجة
زيد : يلاه نمشييو
رينال : اوك يلاه
سلماتةعلى يارا بلابيز و مشااو ركبو فسيارتو و طريق كلها و هو طالق مسيقة مجهدا ما وقف تا لمحل كيبييع المجوهراات دخلو لييه .. شراو الخواتم متشابهيين ....خرجو من تماا و مشاو لواحد الكافي قريبة من الفيلا جلسو تما شوية تا ضلام الحال و وصلها لداار قبل متنزل شد ليها يديها ...
زيد : انا ديما معاك ( بتاسم ليها )
رينال : ( عنقاتو ) شكراا بزاااف
زيد : ولو
رينال : بونوي
زيد : تا لغدااا
نزلات رينال من سيارة و هي كتشير ليه تا مشا و هي دخلات لفيلا طلعات لبيتها و بدلات حوايجها لبسات بيجامة قصييرة م شعرها جمعاتو و مسحات الميكاب لي كانت دايرة جبدات من صاكها داك الخاتم و بقات شحال كتشوف فيه و كتنهد تكات فوق الناموسية و قلبها كيضر بجهد واش حييت قرب نهار لي انتقام ولا حيت اخيرا غتشوف حبيبها؟
#عند_اوس
جالس فصالون معا العائلة لي فرحانيين بخصوص زواج وليد و هو غير حاني راسو و مغوبش .. جالسة حدا ولدها و كتهضر معاه و سي حفيظ فرحان و فنفس لوقت خاايف ؟ ....،،
رهينة في قبضة الوحش الجزء 11
محتوى القصة
التنقل بين الأجزاء