عذابي الجزء 16

من تأليف نهى مر
2018

محتوى القصة

رواية عذابي لنهى مر

ياسمين: ويلي ويلي عتق ا غيث
ناض غيث بالخف حيد يد أانييس من شعر شوق لي كسرات الدنيا بصراخها و ناضت بغات تهجم على أناييس و عتقها غيث و خباها عندو و هي مكمشة فصدرو اما أنيس كاع مافهاد لعالم كايلعب مامسوقش ليهوم
ياسمين: لاش درتي لشوق هاكداك
أناييس: (جمعات تكبيعة) أنيس دالي (ديالي) لعبش معاه كايبة اديك (ماتلعبش معاه خايبة هاديك)
ياسمين: لا حشومة كولكوم خاصكوم تلعبو بحال ختك هي
أناييس: عنننننننن 😡😡😡 لااااا
ليث: (هاز شوق كاتركل) هادي ماغاديش ترصا هاني مشيت تانجي
مشا ليث هاز شوق كاتبكي و وجهها مزنك كاتركل ليه باغة تهبط تضرب أناييس
قمر: هههههه مغيارة عندك هاد لبنت
ياسمين: ويلي يا ختي ماعمرها مادارت هاكدا على خوها
قمر: اوا شافت وحداخرا دخلات فالخط ههههههههه خاصك تشوفي لبارح ا دارت ، كانو كايلعبو بتلاتة فالبيت شوية جات عندي شوق كاتشكا منها قالت ليا بلي ضرباتها فاش مشيت هضرت مع أناييس قالت ليا انا مادرت والو ضرباتها بنكرة
إيلينا: عبرات ههههههه عندك ديك لبنت فليفلة كاطير غير بوحدها
جوري: خاصك تشوف ا ياسمين اش دارت لينا فالبرازيل كاع دوك لي فاز هرساتهوم و زيد عليها الديكورات لي لقاتها طيحها
قمر: ليث مضسرها بزاااف
شهاب: باقة صغيرة خليها حتى تكبر و تعرف لخايب من الزوين و علميها
ياسمين: الحمد لله أناييس مكالمية و حتى أنيس مافيهومش البسالة كانحطهوم نرجع نلقاهوم كيفما خليتهوم و لكن أناييس ذكية تبارك الله كاتمشي تلعب و لكن كاتحاول تبتاكر شوية و تصنع حتى فالألعاب كاتمشي ل ألعاب الذكاء
غيث: من شكون فنضرك ورتات عقلها (بتكبر)
ياسمين: ماشي منك بعدا نتا مكلخ
قمر: انا لي مكلخة ا بنتي اما هاداك كايفهمها فالسما كيتي انا وياك ... خارج فبابا
غيث: (قلب وجهو)
جوري: الحاجة لي ماتشبه لمولاها حرام
إلينا: شدني الجوع عيطو ليهوم يجيبو لينا لكوتي
عيطات جوري على لخادمات و بعد دقائق جابو ليهوم الكوتي و جا ليث و خلا شوق فالفيلا بعدما نعسات ... كلاو و عمروها و قلبوها ضحك و نشاط و شعلو الضواوات و تعطا لجردة سحر و جمالية تخرى غير شكلها فالنهار ... كلهوم نفسيتهوم مرتاحة مجموعين و ناشطين حتى تحط لعشا كلاو و عمرو لكرش
غيث: (بهمس) شنو دابا نمشيو ولا نبقاو
ياسمين: نمشيو حسن
غيث: و التوينز !
ياسمين: نديوهوم معانا خفت أناييس تدابز مع شوق
غيث: (ناض و مد يديه لياسمين) لمهم خلينا ليكوم الراحة
جوري: غاتمشيو من دابا !
ياسمين: عييت بغيت نرتاح شوية
جوري: طلعو لبيتكوم بلا ماتمشيو
غيث: مرا خرا ا لواليدة (هز أنيس)
جوري: غاتديوهوم! 😔
غيث: اوا راه كايدابزو لبنات اللهم يتشاوفو مرة مرة
ياسمين: (سلمات عليهم واحد واحد ) يالاه بسلامة حتال غدا
بادلوها السلام و هزات هي أناييس و خرجو من الجردة و مشاو لجيهة لباركينك ركبو فلوطو و حطو التوينز لور دارت ليهوم الصمطة و طلعات حدا غيث، ديمارا لوطو و خرج من لفيلا قاصد دار ياسمين .. قابط ليها يديها و مرة مرة كايبوسها و هي عاجبها لحال متكية راسها على لكوسان و كاتشوف فيه بحب حتى وصلو لدار ... بلاصة لوطو فالباركينك لي تما و هبطو لقاو توينز ناعسين هزات لبنت و هز هو لولد وتوجهو للعمارة دخلو طلعو فلاسانسور حتى تحطو فالإطاج لي ساكنة فيه ياسمين... خدا السوارت و فتح لباب دخلو لدار و مشاو لبيت التوينز حطو كل واحد فالكامة ديالو خامرين حالين فامهوم
غيث: هاكدا كاتكوني الى كنتي ناعسة
ياسمين: هههههه راه لكوبي ديالك (شيرات لأنيس) كولشي بحال بحال
غيث: (عنقها من لور) نكملو داكشي لي بدينا الصباح !
ياسمين: عيييت بغيت ننعس
غيث: عاماين و انا محروم ماشي سوقي
ياسمين: نتا لي حرمتي راسك براسك

غيث: وا تي اجي لهنا راه غانجهل و نصدق فارعك
قلبات وجهها و معنقها من لور خاشي راسو فعنقها .. عرفها ماغاديش تمشي معاه بالخاطر و هزها غادي بيها لبيت النعاس
ياسمين: خليها تال غدا بلييييز 
غيث: لااا دابا (لاحها فوق لفراش)
ياسمين: موصيبة نتا
تلاح فوقها خنقها بقبلو الحارة لي كايطبع على لحمها و فلحضات تجردو من ملابسهوم و ولاو كجسد واحد و نساجمات معاه بسرعة و مشاو تاني للعالم ديالهوم حتى قطعاتو ياسمين
ياسمين: (بصوت خافت) حبس حبس
غيث: مااك ا حبيبة (بهمس)
ياسمين: دير لبريزيرفاتيف (الواقي)
غيث: لاا بغيت نزيد شي توينز تاني
ياسمين: (كاتدفعو) عافااك بلا ضحك راه ماعندي جهد نبقا ندفعك
غيث: (شاف فيها بعيون مليئة بالحب) كاندوي بصح بغيتك تولدي تاني.... ايمتا جاتك اخر خطرة !
ياسمين: شي 15 جوغ تقريبا
غيث: مزيان غاتكوني دابا ففترة الإباضة ماكرهتش التوام تاني
ياسمين: عندي انا مصنع نتا كوموندي و انا نخرج راه داكشي فيه العذاب
غيث: (غمق عليها بالقبل) ماشي سوقي لمهم هو تولدي ليا
بسرعة دوخها و تخشعو تاني و بقاو تابعين أحاسيسهوم و غيث كايفدي الشوق ديالو لياسمين من خلال الممراسة و هي كذلك ....وصلها لواحد نيفو ماعمرها وصلات ليه كايحاول ما أمكن يلبي رغباتها فالأول عاد رغباتو باش حد مايبقا فيه لحال كايحسسها بأنوثتها و كاتحسسو برجولتو عاد كلمات الغزل و الحب و الدلع حاضرين بقوة الشيء لي كايخلي ياسمين تفقد ادراكها و كاتبقا غير تابعاه فأي حاجة دارها.

توسطات الشميسة السماء معلنة عن وقت الضهر... ياسمين عارية حاطة راسها فوق صدر غيث العاري بدوره و شعرها مسرح موراها ... فاق غيث قبل و بقا مجبد كايدوز يديه عليها من راسها حتى ل أطراف شعرها و كايبوسها فراسها ماسخاش ينوض حتى سمع صوت التوينز و عرفهوم فاقو .. هز ليها راسها بشوية حطو فوق مخدة و لبس بوكسر و مشا لكوزينة حل تلاجة لقا حليب سخنو شوية و دار الحليب فالرضاعات بجوج و دخل عندهوم
غيث: البطاريق فقتو
أنيس: (كايسفق) بابي
غيث: هاك رضاعتك (باسو) هاكي يا التيتيزة (عطاها رضاعتها) ماتديروش صداع مامي ناعسة دايرة دودو اوكي
أنيس:😄
أناييس: (حيدات الرضاعة) ماما نااثة ثكتو ديلوش ثصاع (ماما ناعسة غانسكتو مانديروش الصداع)
غيث: برافو (غمزها و سيفط ليها بوسة فالهوا)
أنيس: وينة 😄😄
غيث: شنو لي زوين
أنيس: (كايحاول يقلد البوسة لي سيفط غيث فالهوا) 😄
غيث: هههههه تسنا شوية و نجي نعلمك
مشا و خلاهوم كايرضعو دخل لدوش دوش دغيا و خرج لاوي عليه فوطة و شعرو فازك هابط على جبهتو ، مسحو بالفوطة و قلب الماريو لقا سروال ديال لكيطمة ديالو تما لبسو باش يقضي و لبس تيشورت جا بيه و فرش الصلاية و صلا الصبح و الضهر ، كمل صلاتو بشوية عليه و طل على تزينز لقاهوم كايلعبو بشوية كل واحد ففراشو و مشا للكوزينة كايوجد لفطور

وجد فطور على حقو و طريقو و عيط على واحد رجالو المقربين ليه باش يجيب ليه مايلبس... هز سينيا فيها عصير ليمون و الحليب ،قهوة، جبن، بيض مقلي، مورتديلا، توست، عسل .. توجه لبيت النوم دفع لباب برجلو و دخل لقاها باقة ناعسة تقلبات على كرشها ضهرها مغطيه غير شعرها الطويل و الكثيف و مغطي نصها بالغطا و غاطة فنوم عميق و باينة الراحة على وجهها ، حط لبلاطو فوق الكوافوز و نعس حداها ، تجبد على ضهرها و لكن ماحطش تقلو عليها و خشا راسو فعنقها مع قبل خفاف
غيث: حبيبة ديالي ماشبعتيش نعاس ! زين ديالي فيقي (كايبوسها) يالاه ا تبوكيسة باراكة من النعاس
ياسمين: (ناعسة) طززززززززز (تنفسات)
غيث: اي و الله طلقاتها 😂😂 وا هاد لحزاقة نوضي 😂😂 نتي ماتجيش مع والديك تفيقي بالرومانسية و لكلام لحلو وااا لحزاقة 😂😂
ياسمين: اوفففف خليني ننعس 😪😪
غيث: (كايموت بالضحك) راه غاتزيدي شي حزقة وحداخرا يا لمسيخيطة 😂😂 (دمعو عينيه) بزاف هادي بزااف
ياسمين: (ناضت مقلوبة بالنعاس) اش باغي سير فحالك قلبتي ليا مخي يخخخخ حتى نعاس ماتخلينيش ننعس
غيث: وا هنينا ا لحزاقة
ياسمين: كيفاش اش كاتقول
غيث: (كايضحك) اوا يا ختي كنا جالسين حتى تطلقات واحد طززززززز
ياسمين: اش كاتخربق (كاتحك عينيها)
غيث: حزاقة
ياسمين: كي... كي. كيفاش 😳😳
غيث: عنداكي تطلقي شي وحداخرا
ياسمين: (غطات صدرها بالكوفرلي و خدودها حومر) سير بعد مني نتا و هضرتك لبايخة
غيث: كان خاصني نصورك (طلق حزيقة) هانتي راه عادي بلا ماتبقاي تلوني عليا هنا
ياسمين: ويلي 😳 لا نتا صافي سطاج لخر
غيث: خاصك تسمعي ديالك هههههه جامعاها شي شهر هادي
غرقات ياسمين فحوايجها بالخجل حناكها تزنكو و تزيرات ناضت بالزربة و الغطا ملوي عليها مشافتش موراها مازال و دخلات لدوش كاتولول
ياسمين: (كاتندب) ويلي ويلي حزقت حداه ويلي على خرااا ... دابا شم فيا ريحة خانزة 😭 غادي يعيفني 😔 مالي انا مانعيفوش و هو طلقها كيف صوت الصاروخ يخخخ على زمر
دخلات تحت الرشاشة كاتنكر حيتاش مابغاتوش يشم فيها ريحة خانزة ولا شي حاجة خايبة بغات ديما يشوفها نقية و زوينة و زاد حشمها هو بهضرتو ... كملات تدوشاتها و توضات باش تصلي و خرجات لاوية عليها فوطة و دايرة فوطة لشعرها و لقاتو مجبد فوق الفراش عاري الصدر لابس غير سروال و كايفرنس ، بدون مبالاة لبسات حوايجها الداخلية و بيجامتها و نشفات شعرها بالفوطة و هو نضراتو عليها ، جمعاتو سفنجة و هزات عبايتها خرجات من لبيت و خدات نفس مابقاتش مزيرة كيف لول ، لبسات العباية و توجهات للقبلة بعدما فرشات الصلاية و صلاة الصبح و الضهر و ناضت حيدات الصلاية و العباية و رجعات للبيت كاتحاول ما أمكن ماتشوفش فيه ، ناض هو هز لبلاطو و حطو فوق الفراش و مشا عندها و هي تالفة مزيرة و خدودها باقيين مزنكين ، شدها من يديها و جلسها فوق الفراش و هي كاتشوف فالفطور
غيث: فطري باش نخرجو نتقداو
ياسمين: (شافت فيه) اش غانتقداو
غيث: مانقصيو الدنيا عندك كاتصفر
ياسمين: واخا 😳
غيث:(حط يديه على خدودها) غير كنت كانضحك معاك ترخاي ماتبقايش مزيرة هاكدا ، عادي داكشي و اي واحد كايخرج ريح
ياسمين:(كاتقلب عينيها)
غيث: اوا كولي لمن طيبت لماكلة (بغا يقلب سيجي)
ياسمين: واخا 😋
بدات كاتاكل و حتى داير يديه معاها كايفطرو بجوج حتى سمعو صونيط
غيث: جاب ليا لحوايج انا جاي
خرج غيث من لبيت و تفكرات ياسمين بلي خاصينها لحوايج و هزات تيلي ديالها لقاتو غادي يتفركع بلي زابيل من عند باها و سامي و نوامر مجهولين ، اجلات كولشي لمن بعد و دوزات لابيل لليلى لي في ساع جاوبات
ياسمين: الو حبيبة
ليلى: الوو
ياسمين: شوفي بغيتك تعمري ليا شي صاك بالحوايج ديولي و جيول توينز و تعطيه لشيفور يجيبو ليا لشقة ديالي
ليلى: واخا ا مدام
قطعات و دخل غيث هاز صاك فيديه فيه لحوايج حطو و حلو و جبد بوكسر أبيض مع سروال كيطما بتوني ديالو فالرمادي و لبسهوم قدام ياسمين

غيث: زين ديالي عمرتي لكريشة
ياسمين: وي تبارك الله عليك خاصك تكون فماستر شيف
غيث: ديال لميريكان ماشي ديال لمغرب هههههه (شافت تيلي ديالها كايفيبري) شكون كايعيط ليك !
ياسمين: (ضارت) ماعرفتش( هزات تيلي) نمرة ماعرفتهاش
غيث: اري نشوف (خدا ليها تيلي) الو ... نو نمرة غلط تعيط باقي لهاد نيميغو نجبد ليك بلابز عينيك (قطع) شركة دياال الإعلانات شفتي اش جبد دابا داك الإعلان ديال لمرض
ياسمين: واصافي بلا ماتبدا تاني
غيث: راه مازال مانسيتهاش ليك .. اي حاجة باغة تديريها تشاوري معايا واخا تكون صغيرة فهمتي
ياسمين:واخا صافي مايكون غير خاطرك 😋
غيث:(هز لبلاطو) هاني غانحط هادا فالكوزينة و جاي
مشا حط لبلاطو بالخف و رجع عندها لقاها باقة جالسة فوق الفراش مربعة رجليها متكية على مخدة و تلاح حداها
غيث: شنو لبلان دابا ! نبقاو هنا !
ياسمين: ياك قلتي نمشيو نديرو شوبينغ
غيث: كاندوي على الايام لي جايين ماناوياش تمشي معايا لدبي !
ياسمين: غيث انا يالاه بديت فالخدمة و ناجحة الحمد لله و ولات عندي حتى انا سمية و ماجاتش نمشي و نخليها على الاقل غير حتى تشد فراسها شوية
غيث: تشهيت نسافر انا وياك لشي بلااصة نكونو طيط ا طيط ني خدمة ني بوطزطاز (حط راسو فوق رجليها)
ياسمين:(كاتدوز يديها على شعرو) حتى انا و الله ماكرهتش نديرو شي تريب لشي جبل و نعيشو مغامرة انا وياك اصلا حنا مادرناش هاني موون
غيث: مادرتش ليك كاع لعرس اودي النحس تابعك ا حبيبة
ياسمين: واقلة هاد لخطرة انا لي غادي نقاد لعرس بلا خبارك باش يدوز بيخير اما ماحدك نتا كاتقوليا غانديرو لعرس و موصيبة كحلة كاتبعو
غيث: واخا ا لالة خطفيني نتي كاع
ياسمين: حبيبي بغيت نسولك و ماتقلقش مني
غيث: وي سولي
ياسمين: مالك مع عمو شهاب !
غيث: (قلب عينيه) قلبي سيجي
ياسمين: بليييز قوليا شفتكوم لبارح ماكاتهضروش و عرفت بلي كاينة إن تما
غيث: عارفك ماغاديش تهناي حتى تعرفي لمهم قبل مانمشي ديك لخطرة لدبي وصيت لواليد عليك و صدق هضرتي ماسوقش ليها و مشيتي نتي لبار واخا كانت مسؤوليتو هاديك و قطعت هضرتي معاه
ياسمين:حشومة عليك ا غيث و الله
غيث: علاش
ياسمين: باباك مقاطع معاه لهضرة على تخربيق دير عقلك و سير عندو راه بااك هاداك بسبابو حتى جيتي لهاد الدنيا
غيث: الصمممت
ياسمين: تبغي نتا أنيس يكبر و يقطع معاك الهضرة على قبل هادشي ! كيفاش غادي تجيك !
غيث: الصممممت
ياسمين: وا عافاك على قبلي تصالح معاه
غيث: حتى نشوف
ياسمين: كيفما سمحتي ليا انا سمح ليه حتى هو راه مادارش شي حاجة يعلم الله باش غايكون حاس
غيث: وا صافي ميكي (سمع الدقان) شكون غايكون جا
ياسمين: انا وصيتهوم على لحوايج جيبهوم ليا عافاك
ناض غيث من فوق رجليها و مشا حل لباب و رجع هاز جوج فاليزات كحلين ، ناضت ياسمين حلات فاليزة لقات فيها حوايجها و صبابطها داكشي الضروري و الأساسي و فالفاليز تانية حوايج التوينز. جبدات سروال كيطما فالأسود فيه خطوط ف بالموف مع توني ديالو نايك فالاسود و مكتوبة فيه نايك بالموف مزير عليها
ياسمين: عافاك جيب ليا توينز نلبسهوم
مشا غيث باش يجيبهوم و هي جبدات لأنيس كيطما حتى هو فالشيبي صغيورة بجاكيطتها و ل أناييس نفس الشيء فالغوز و كل واحد و كاسكيطتو ... دخل غيث هاز كل واحد فيد كايهضرو معاه و حطهوم فوق الفراش ... حيدو لبهوم حوايجهوم و لبس هو أنيس و هي لبسات أناييس و فالرجيلات لبسهوم صبرديلات صغيورين فالأسود... جبدات ياسمين سيشوار و جلسات قدام المرابا دهنات شعرها و دارت ليه واقي من الحرارة و بدات كاتنشف شعرها و غيث مجبد كايلعب مع توينز و كايعلم أنيس يسيفط بوسة فالهوا... نشفات شعرها بالكامل و مشطاتو و دارت قصيصة لقدام جراتها لليمين و خلاتو مطلوق... دهنات لوجهها فوندوتان باش تخبي الطرشة و لبسات صبرديلة كحلة حتى هي نايك و وقفات عليهوم
ياسمين: يالاه نخرجو (لبسات نضاضلا)
وقف غيث شاف فيها طلعها و هبطها و ابتسامة على وجهو و طبع بوسة على شفافها و شد فيدين التوينز و خرجو مجموعين

الفرحة على وجوههم مرسومة و من بعيد تلمحها أسرة سعيدة هبطات من طوموبيل كاتكون من رجل قوي و سليم البنية مفتول العضلات وسيم ملامحو حرشة كاتزينهم إبتسامة ساحرة على وجهو بجانبو مرأة كاملة متكاملة جميلة الوجه طالقة شعرها الأسود الممزوج ببعض اللون البني شادة فيد بنوتة زويونة نسخة طبق الأصل عن أمها و الرجل شاد نسخة مصغرة عليه.. دخلو لمرجان جرات ياسمين الشاريو و هزات أناييس حطاتها فيه و غادة دافعاه اما غيث فهز أنيس فوق عنقو و خلاه جالس تما شاد ليه فرجيلاتو باش مايطيحش ... بداو التقدية ديالهوم و ياسمين كاتهز و تحط فالشاريو و غيث كذلك و أناييس عاجبها لحال كاتجر تما و صوت ضحكاتها كايتسمع على بعد أمتار و كاتخلي الناس كايشوفو فيها... في جو لا يخلو من المرح و الضحك كملات الأسرة السعيدة التقدية ديالها و تاجهو لاكيس باش يخلصو .. دوزو داكشي و عطاهوم غيث لكارط ديالو و قطعو و خرج من مرجان هازين لبلاستيكات حتى وصلو لوطو ... حلو لكوفر و حطو فيه التقدية و طلعو لطوموبيل
غيث: حبيبة فين نمشيو!
ياسمين: لدار حسن باش نحطو التقدية
غيث: (شد ليها يديها) و طيبي ليا شي غديوة من هاد ليديديات (باسها فيديها) توحشت طيابك
ياسمين: مايكون غير خاطرك
بقا شاد ليها فيديها و ديمارا لوطو و التوينز لور دايرين ليهوم الصمطة باش مايطيحوش ... وصلو للعمارة و بلاصة لوطو و هبطو هزو التقدية و التوينز غاديين قدامهوم بشوية كيف البطاريق حتى وصلو لاسانسور و طلعو فيه حنى تحل و وصلو للإطاج لي بغاو... سبقات ياسمين حلات لباب و دخلو التوينز كايتجاراو ... حطات هي التقدية فالكوزينة و تبعها غيث حط تقديتو و باسها من عنقها و بعد من حداها و غمزها 
ياسمين: غيووش بليز رد لبال لتوينز على مانطيب
غيث: واخا حبيبة اصلا غادي عندهوم
حطات كل حاجة فبلاصتها و جبدات جوج دانونات عطاتهوم لتوينز باش يعميو الجوع و رجعات للكوزينة شمرات على ذراعها و جبدات طاجينو شلضات فيه لبصلة و غسلات اللحم حطاتو فيه و دارت فيه قوامو و حطاتو يطيب و طرفات الدنيا و قاداتها حتى ولات لكوزينة كاتشعل ... خلات طاجين كايطيب و مشات لبيت توينز قاداتو و جبداتو و مشات لبيتها كذلك جبداتو و قداتو و مشات طلات على طاجين لقاتو باقي ليه شوية و الريحة كاتشهي... مشات عندهوم للصالون لقاتو كايلعب معاهوم باللعاب كايبنيو ديور و ترسمات ابتسامة على وجهها... هز راسو غيث و شافها كاتشوف فيهوم
غيث: اجي حتى نتي بني معانا ههههه
شافها أنيس و ناض عندها مفارق بين رجليه و كايتمشا بشوية شدها من رجليها و بدا كايجر فيها
أنيس: اديييييي ادييييي (اجي)
ياسمين: واخا هاني جاية
خلاتو جارها حتى وصلو لحداهوم و جلسات معاهوم فالأرض فوق الزربية كاتقاد معاهوم حتى هي
غيث: جات معاك الأمومة (بغا يبوسها)
ياسمين: لا لا (بعدات منو) ماتقربش ليا ريحتي ريحة لماكلة
غيث:(ابتسامة بريئة) و من بعد ! انا بغيتك هاكدا كيفما كنتي باغيك (باسها) ماتقوليش بلي غانعيفك الى شميت فيك ريحة ماشي حتى لهيه راه عادي هادشي و انا ماعمرني مانعيفك (قبلة فالفم)
ياسمين: يخليك ليلي 😍 لغدا واقلة طاب نمشي نشوفو

ناضت ياسمين طلات على الطاجين لقاتو طاب ، طفات عليه و حطاتو باش يبرد و وجدات سالاد ديال الخضرة و عصير و ماكلة ديال التوينز خاصة بيهوم، حطات داكشي فوق الطبلة و مشات عيطات عليهوم جلسو فجو عائلي كايتغداو و هي كاتوكل أنيس و غيث كايوكل أناييس و ماناسيينش راسهوم حتى كملوه و رجع غيث بلور كايتنهد حاط يديه على كرشو
غيث: الله ... تبارك الله عليك طاجين دايزو لكلام ماعندي مايتسالك ا حبيبة
ياسمين: بصحتك 😋
غيث: الله يخلي ليا هاد ليديديات (باسها فيهوم) نتي طيبتي انا غانجنع الطبلة و نحطهوم فالجلاية
ياسمين: لا بلاش نهزهوم ...
غيث:(قاطعها)✋🏼 لا انا لي غادي نجمع سيري ترتاحي شوية مني فقتي و نتي واقفة
ياسمين: لي بغيتي 😄
ناضت هزات توينز بجوج غسلات ليهوم وجههوم و يديهوم و غسلات سنانها و جلسو الصالة كاتلعب معاهوم عاطياهوم الخاطر حتى جا غيث
غيث: عيطات ليا لواليدة كاتسول علينا بغاتنا نجيو
ياسمين: واخا تسنا نبدل و نمشي معاك
غيث: لا بلاش خليك هاكداك
ياسمين: و لكن راه فيهوم ريحة لماكلة 😕
غيث: واش انا راجلك بغيتك هاكداك اوا صافي ماسوق حد فيك 😉
ياسمين: واخا 😋
ناضت مشات لبيت التوينز هزات صاك ديالهوم فيه اللوازم ديالهوم و خرجات لقاتو لبسهوم سبرديلاتهوم و لبسات هي سبدريلتها و خرجو من الدار هبطو و مشاو نيشان لطوموبيل ركبو فيها و ديمارا غيث و يديه كيف العادة شاد بيها يد ياسمين و لوخرا كايسوق بيها و هي كاتشوف فيه و مرة مرة تشوف فتوينز حتى وصلو للفيلا ... دخلو للفيلا بلاصاو لوطو و وهبطو دخلو مجموعين لقاوهوم جالسين فالصالون مجمعين و شوق جالسة فالأرض هازة طابيلت كاتفرج دايرة تاني gرينات ... لمحاتها أناييس من بعيد و شدات فأنيس و عقدات غوباشتها
جوري: اهلا اهلا (نايضة حالة يديها) توحشتكوم
غيث:(عنقها) عاد لبارح كنا معاك
جوري:واخا هاكداك دغيا كانتوحشكوم (عنقات ياسمين)
غيث: الحاجة كيف بقيتي (باس ليها يديها)
إلينا:شوية و صافي حامدين الله و شاكرينو
شهاب: أجي عندي أجي (مع أنيس) هوبااااا (هزو) صحاحيتي مع راسك
أنيس: انا كول مثيان (انا كاناكل مزيان)
شهاب: برافو (عطاه كفو) ضرب ضرب ضرب
أنيس:(ضربو فكفو) 😄😄
جلسات ياسمين حدا غيث و أناييس مراقبة الوضع و حاضية شوق من بعيد ... شافتها ناضت باش تمشي عندو و هي تصعر و مشات عند أنيس كاتجري
أناييس: عننننععععننننععععع😡😡😡
ياسمين: بدات تاني
قمر: هز بنتك ماقاديش على شي مضاربة تاني
جوري: خليهو كاع نشوفو اش غايديرو ... شهاب حط أنيس
حط شهاب أنيس فالأرض و جات ليه أناييس جراتو كاتخاصم و شداتو شوق حتى هي معصبة كاتخري بالضحك بداك الشورط لي لابسة ، بدات أناييس كاتجرو بجهد و وجهها حمار و شوق كذلك حتى تدخل غيث و هز أنيس من وسمنهوم لي ولا كيف الشرويطة بكترة الجران

غيث: أناييس بلا بسالة ... لعبو كاملين
أناييس:(ربعات يديها) ناااااااا 😡😡
مشات شوق عند غيث لي واقف هاز أنيس و تعلقات ليه فرجليه باغة أنيس تلعب معاه حيتاش ماعندهاش معامن تلعب ديما كاتلعب مع المربيات ولا واليديها ولا جدودها اما شي حد قدها و بنفس عقليتها ماكاينش و فاش شافت أنيس دغي تفاهمات معاه و عجبها اللعب معاه عكس أناييس لي كاتلعب ألعاب فوق السن ديالها. ناض ليث هز شوق و هي كاتركل ماعاجبها حال و كاتعصر حتى حمار وجهها و طلعها لبيتها حيتاش عرف بلي ماغاديش يجلسو مزيان ... حط غيث أنيس فالأرض و لصقات حداه أناييس كاتلعب معاه و كاتحط ليه اللعاب باش مايمشيش و يخليها
قمر: ويلي بزاف هادو
ياسمين: اوا ولدي ليها خوها 😂
قمر: لا ياختي حمقة انا مارجعت لفورمة ديالي غير بالكشايف و اصلا الولادة صعيبة عاد داك لوحم كيف داز عليا غير مغبونة
كاتهضر قمر بحركات بصوت رقيق و بحركات أنوثية و كاتدي شعرها و تجيبو بدون شعور حيتاش عادة ولات فيها و الى ضحكات كاتحط يديها على فمها كاتخبي الضحكة
ياسمين: هههههه كاتلعبي بشعرك بزاف
قمر:(يديها فشعرها) وي ولفت ندير هاكدا بزااف ... اش بان ليك نضربو شي عومة فلابيسين
غيث: لا غير خليها (ضور يديه عليها) ياك احبيبة
قمر: و علااش غير خليها تعوم معايا بليييز
غيث: تجلسي حداها اما تعومي لاا راه هاد لحناقز غادي يتبعوها لابيسين و ماكايرصاوش فيه
جوري: هاهوما المربيات يقابلوهوم
غيث: لا ولادي مايقابلهوم حد انا كاين مهوم كاينة اش باغيين باقي ? لمهم حبيبة بغيتي تمشي جلسي فرولاكس سيري باش تعومي لا خلي تال من بعد و عومي معايا بليس هادا شهر 10 اش بغيتو شي عومان لبرد بدا كايتحرك
ياسمين:(بهمس) باباك من قبيلة و هو كايشوف فيك نوض هضر معاه يالاه نووض (كاتنغز فيه)
غيث: واخا ... احم (وقف) لواليد (كايحك جبهتو) بغيت نهضر معاك
ليث: (جا) اوا على السلامة مني صافي بردتي (غمزة)
جوري: اش لي على السلامة ! و على اش برد!
ليث:(جلس حداها) لا والو شي حاجة بيني و بين خويا (ضور يديه عليها) اوا احبيبة ايمتا غادي نتزوجو
شهاب:(ناض) هيييه بعد ليا على لمدام راه غاننن....
ليث: سير شوف شغلك سير و خليني مع حبيبتي
شهاب: هاهوا غادي
مشا غيث و تبعو شهاب داير يديه فالجيب لابس سبور من راسو تال رجليه و خلاهوم جالسين مجمعين
قمر:(جات حدا ياسمين) يالاه نوضو توحشتك ا لمسيخيطة ، قولي لغيث يخليك تبقاي معانا ولا اجيو معانا للبرازيل
ياسمين: حتى انا توحشتك 😋 راه غيث باغي يديني لدبي و انا ماباغياش
قمر: علاش ! دبي واعرة و عنجو واحد لفيلا دايرة بحال لقصر و موديغن داكشي خطير دار واحد بيت النعاس مامنوش جوج فيه 2 إيطاج لتحت فيه الفراش ديال النعاس و فالجناب كاينين دروج كاتطلعي معاهوم و كاتلقاي ماريو قد الصخط فيه داكشي ديالو و عاد حدا الماريو كاين حمام كبيير ديزاين ديال بيت نعاسو خطييير شفتو و لصقت بابا حتى دير ليا فحالو 😂 (ناضت وجراتها)
ياسمين:(وقفات) اوو واش بيتو فيه دروج و دو زيطاج !
قمر: وايييه كبير بزاااف شاف داك ديكور فواحد لفيلم و عجبو و دارو فبيتو .... يالاه نمشيو
ياسمين: واخا تسناي ... ماما حوري عافاك رضي ليهوم لبال
جوري: (معنقها ليث) واخا غانرض ليهوم لبال غير سيري
قمر: سبقيني ل حدا لابسين نبدل و نرجع
ياسمين: واخا احبيبة
مشات ياسمين سبقات لحدا لابيسين و تجبدات فوق رولاكس و وقفات عليها خادمة
خادمة:اش تبغي تشربي ا مدام!
ياسمين: عافاك شي كوكتيل
مشات لخادمة و بقات ياسمين مسرحة عينها فالطبيعة تى لمحات غيث غادي مضور يديه للور و حداه شهاب ساكتين ... بقات ساهية معاهوم متبعاهوم فحركاتهوم حتى وقفات عليها قمر لابسة دو بياس فالشيبي و خيوطتهم فالأزرق سوتيام كايتسد من العنق و طالقة شعرها و كاتفرنس

قمر:كيف جيت
ياسمين: زوينة 😋 لي لبستيه كايواتيك
قمر: انا غادي نتلاح ناجي شوية و نتي الا بغيتي تبعيني
ياسمين: لا ميغسي ماقادة على هضرة
قمر: لي بغيتي 😄
تلاحت قمر من بلاصتها فلابيسين و بدات كاتعوم باحترافية اما ياسمين فبدات كاتلقب بعينيها على غيث و شهاب حيت مابقاوش بانو ليها غبرو .. خسرات سيفتها و رجعات تجبدات فوق رولاكس مغمضة عينيها .
بقا غيث ساكت و كايسرح فرجليه مع شهاب و باين فيه التوتر و كايرتب افكارو فبالو و حتا كايبغي يخرج الهضرة و كايجمعها و يجمع النفس و يطلقها ماحاملش راسو
شهاب: مالك? عندك شي موشكيل!
غيث: نو نو ماشي داكشي (حادر راسو)
شهاب: قربنا نخرجو من لفيلا قول اش عندك ! بيك شي حاجة (حط يديه على كتف غيث)
غيث:(هز راسو شاف فشهاب و تلاح عليه عنقو) سمح ليا
شهاب:(بادلو العناق) ماتديرش فبالك ماعملاني اصلا تقلقت منك باش نسامحك
غيث:(شافيه) ماكانش خاصني نتصرف هاكداك واخا كولشي راك كاتبقا الواليد
شهاب: راني راضي عليك دنيا و اخرة (كايربت ليه على كتفو)
غيث: اووف الراحة دابا
شهاب: نتا و مرتك مزيان ! صفيتو كولشي!
غيث: وي الحمد لله (نصف ابتسامة) حمقاتني ديك لبنت
شهاب: شفت واحد الإشهار ديالها ... احم راه دار لبووز
غيث: ماتفكرنيش راه شعلت عليها بالبيان مرضاتني و شبعو الناس هضرة
شهاب:مسحتيه ياك
غيث: وي مسحتو (كايحك جبهتو)
شهاب: مراتك غادي تتضرر
غيث: قاديت الأمور و كولشي تخلص و الإشهار التاني(شاف الساعة) شوية و غادي يتنشر، ضبرت ليها فموديل مغربية
شهاب: علاش ماكاتبغيش مودلز نصارى!
غيث: نو باغية المغربيات قالت ليك ماعندها ماتدير بالصفريطات باغية منتوج محلي
شهاب: ههههههه وا مونطاليتي عندها و لكن عجبني طموحها تمنيت كون كان عند قمر كون راه بحالها امرأة أعمال قادة براسها
غيث: كل واحد و اهتماماتو
شهاب: الى كبرو التوينز لمن غاتخلي الشركات ديولك !
غيث: ليهوم بجوج بيان سييغ
شهاب: و الى كانو اهتمامتهم ماشي عالم البيزنز
غيث: اصلا ناوي نولد تاني يعني ماصدقات فهادا تصدق فهادا 😂
شهاب: هههههه زوينة عندك هادي ، اجي بعدا فين كنتي فهاد عاماين !
غيث: كنت هنا فالرباط
شهاب: فين بالضبط!!
غيث: فواحد الدار عندي فالخرجة جالس فيها و مراقب ياسمين من بعيد و هي كايصحاب ليها مسافر
شهاب: طلعتي علينا فهادي ... زيد نرجعو نمشي نشوف داك خوك لايكون تزوج ليا بالمدام
غيث: هههههه تريكة المسطيين
مشاو كايضحكو بجوج و رجعات المياه لمجاريها بسرعة.

بقات ياسمين مجبدة كاتسمتع بالجو واخا الدنيا مضبضة شوية شوية ديال الشمس كاتطل مرة مرة داخلة فعالم ديالها و مرتاحة حتى سمعات صونيط ديال تيلي خرجها من العالم لي كانت فيه
ياسمين: يخخخخ تفو مايخليوكش تترولاكسا .... الووو
سامي: الووو
ياسمين: هادا نتا
سامي: عندي إلك أخبار كتير حلوة
ياسمين: وي سمعني
سامي: زوجك أرسل عارضة كتير حلوة مغربية و صورنا معها الإعلان و بعد شوي راح ينشر و عجب كل القنوات
ياسمين: بصح 😍 (جلسات) خبار زوينة هادي 😍😄
سامي: في أخبار ثانية من الإعلان الأول تبعِك إنباعت كمية كبيرة من لبارفان
ياسمين: حلف بالله (ناضت) ناري غادي نطير بالفرحة ههههه الحمد لله
سامي: بدي روح هلا بكلمك بعدين بخاطرك
ياسمين: بسلامة 😍😍 (قطعات)

ياسمين: الحمد لله هادي هي لخبار الزينة و إلا فلا 😄
غيث:(صفر) bebe مالك ناشطة (جاي من بعيد)
ياسمين:(مشات كاتجري عندو) سير الله يربحك 😍 كانموت عليك
شهاب: (مع غيث) انا غانخليك 😉 (مشا)
غيث:(ضور يديه على خصرها) مالكي ناشطة !
ياسمين: تباع بزاف من لبارفان جديد و تدار إشهار جديد عجب لقنوات (نضرات براءة) نتا لي سيفطتيها ياك
غيث:(بصوت حنين) اوا الا ماعاونت مراتي شكون غانعاون (حط نيفو حدا نيفها و حادر راسو) فينما تكون عندك شي حاجة جي عندي انا نحلها ليك (باسها)
ياسمين: يخليك ليا
قمر:(من بعيد) باراكة من لحب راني غايرة
غيث:(بصراخ) سيري عند راجلك خليني مع مراتي (هز ياسمين) اووبااا ههههه خفافيتي
ياسمين:(مضورة يديها على عنقو) ماكاناكلش بزاف داكشي علاش
غيث: خاصك تاكلي باش الا حملتي يلقاو ولادي ماياكلو (كايتمشا)
ياسمين: نتا صافي رضيتيني حملت بتوينز و الا بغا ربي غير واحد صافي
غيث: ماشي موشكيل لي جا مرحبا بيه (دخل مع باب لفيلا)
ياسمين: اوا هاكاك و عنداك تشوف ليغيكل فلخر ديال الشهر و قوليا لا علاش كيفاش عادي ربي مابغاش
غيث: نحاولو الشهر الجاي و الشهر لي بعدو و لي بعدو حتى كااع تحملي (حطها)
ياسمين: اوا هكاك بشوية علينا باقة لحياة قدامنا
شهاب: اجي تسمع ا ولدي اش قالت ماماك
غيث:(علامات تساؤل على وجهو) !!!
جوري: دايرين حملة و غادي يمشيو مجموعة من الأطباء من مختلف دول العالم ل إفريقيا فالدول لي فيها المجاعة و الأمراض الصومال إثيوبيا .... غادي نعالجوهوم و نديو ليهوم ماكلة حوايج فراش ... نعاونوهم شوية مساكن مافحالهومش
غيث: مزيانة عاونوهم مساكن
شهاب: وا راه بغات تمشي !!! هي و سامانثا
غيث: و اش فيها سير معاها حتى نتا ونسها شوية ديو شوية ديال الأجر
جوري: الله يخليك ليا اولدي
ليث: عندو لحق سير و انا مقابل لخدمة
شهاب: ضورتوني !! واخا حتى نفكر
بقات جوري كاتحاول تقنع فيه و هو بلعاني زايد فيه باش تحزرو و إيلينا حتى هي مؤيداها و بغاتها تمشي ... خرجات قمر من لابيسين و مشات دوشات و هبطات عندهوم جلسات معاهوم و التوينز كايلعبو بجوج حيتاش أناييس لصقات ف أنيس لصقة وحدة ... جابو ليهوم لكوتي داروه مجموعين و بدا كايضلام لحال و رجعو لدارهوم بعدما سلمو على لكل... دخلو لدار أول حاجة بداو بيها هي الصلاة و بدلو حوايجهوم غيث بقا غير بشورط و ياسمين لبسات كولون أسود بديباردور ديابو و جمعات شعرها ذيل حصان و التوينز لبساتهوم بجاماتهوم و جلسو فالصالون
ياسمين: اش بان ليك نلعبو !
غيث: نلعبو شي ماتش 😉
ياسمين: لاا قصدت بلاي ستايشن
غيث: و من بعد نلعبو شي ماتش
ياسمين: حتال ديك الساعة و يحن الله
ناضت من حداه جابت بلاي ستايشن ركباتو مع لبلازما و جلسات فالأرض هازة لمانيطة و جلس غيث موراها متكي ضهرو على لفراش و هي متكية ضهرها على صدرو العاري ... بداو لعب ختارو لكورة و بداو كايلعبو و هي كاتعوج كولها مع المانيطة و كاتغوت بحال الا ماتش ديال بصح و لاعبة من نيتها و هو كايضحك عليها عاطيها الخاطر مضور يديه عليها من صدرها و جارها عندو مفارق مابين رجليه و داخلة وسطهوم و واخدة راحتها واخا كاتحكك مع المعلم مي صابر و كايتسناها حتى تكمل و ولادهوم جالسين حداهوم كايلعبو حتى هوما و كايديرو اصوات طفولية جميلة و ضحكات كاتخليك تبتاسم بزز منك ... انتهى الماتش بفوز ياسمين حيتاش غيث خلاها تربح ... عطاها قبلة فعنقها و هز التوينز حطهوم فبلاصتهوم و غطاهوم و طفا عليهوم الضو و بعد شوية نعسو حيتاش عياو نهار كامل و هوما ينقزو و يحنقزو اما هو فمشا لبيت النعاس لقاها جالسة كاتدهن لحمها هزها بدون سابق إنذار لاحها فوق الفراش و تلاح فوقها كايفتارس فيها

أشرقت شمس الصباح و أخفي لمعانها و شعاعها ببعض الضباب المنتشر هنا و هناك مصاحبا بعض نقط من أمطار الخير، صونا المنبه مع الثامنة صباحا و فيق ياسمين من السبات ديالها ، سكتاتو و رجعات تجبدات كاتشوف فالسقف شحال و هي عارية الجسد و حداها غيث ناعس عريان حتى هو خاشي وجهو بين المخاد ، ناضت بشوية لبسات بينوارها و مشات لدوش ، دوشات بسرعة و حيدات الجنابة و توضات، خرجات من الدوش حنيكاتها حمرين و لباقي أبيض لابسة بينوار و لاوية فوطة على شعرها ، جلسات قدام لكوافوز دهنات لحمها كامل و نشفات شعرها فالفوطة و دهناتو بسيروم و جمعاتو كعكة و ناضت للماريو جبدات منو دو بياس كحلين و تريكو ديال صوف رمادي مع سروال جينز مزير شوية عليها ، لبساتهوم و هزات سيشوار و المشطة ديالو و خرجات لبرا نشفات شعرها و جبداتو و خلاتو مطلوق و لبسات عبايتها و تقبلات صلاة الصبح ، سلات صلاتها و مشات لكوزينة فكرات على لخفيف و تقادات مع لمرايا قادات وجهها و دارت مكياج خفيف برز ليها حروفها و هزات طريبيش أسود كيوت حطاتو فوق راسها و لبسات صباط أسود بلا و هزات صاكها فيه مسائلها و دازت لبيت التوينز لقاتهوم ناعسيين باستهوم و خرجات من الشقة هبطات للأسفل و توجهات لسيارتها ركبات فيها و ديمارات و نقاطي ديال لشتا كايطيحو و لبرد كايصرفق بنادم ، بعد مسافة الطريق وقفاتت حدا شركتها و بلاصات لوطو و هبطات دخلات كيف العادة كاتحيي الموضفين و تشجعهوم و طلعات لبيرو ديالها جلسات خدامة و الشتا غادة و كاتجهد و هي مرا مرا كاتشوف فيها من الشرجم الزجاجي لي فالبيرو ديالها ، جاها اتصال خرجها من العالم لي كانت فيه غير الأرقام و الحسابات ، هزات تيلي و جاوبات
ياسمين: الو حبيبة
قمر: لفنون صافا!
ياسمين: لحمد لله و نتي
قمر: بيخير ، اوا فين نتي
ياسمين: خدامة
قمر: حتى فنهار راس لعالم ! حشومة ويلي
ياسمين: غدا لي عطلة ماشي ليوم و خاصني ليوم نسد لحسابات ديال هاد لعام و نكمل كولشي
قمر: ماغاديش تحتافلي!
ياسمين: سي بيان سييغ ! راه اوا نويل مع غيث هو هادا
قمر: ههههه وي عندك لحق لول كنتي هاربة فيه و الثاني و الثالث كان غابر فيهوم الزغبي
ياسمين:(حطات راسها براحة على لكرسي) جيو حتافلو معانا
قمر: حبيبي عارض عليا ، ماما و بابا مشاو خلاو لينا الراحة شوية و حتى جدة فاش تبعاتهوم دارت مزية 😂
ياسمين: مازال مانواوش يجيو من الصومال شهراين و هوما فيها
قمر: ماما عجبها داكشي كاتعاود ليا عليهوم احح ا قلبي يقطعو ليك لقليب لا ماكلة لا صحة لا تعليم والو و تقول ماسخاتش تجي ماشي بعيد تتبنا شي واحد 😂
ياسمين: تخلي تديرها ههههه غانتهنا ديك الساعة من لولادة هههه غيث باغي شي بعلوك هاهيا ماماه جابتو ليه
قمر: مازال ماحملتي يا الزغبية
ياسمين: اوا اش ندير مامكتابش ليه شهراين و هو يجرب و تقول واش صدقات ليه 😂😂
قمر: ياكما كاتديري شي حاجة هم
ياسمين: نو نو (كاتضور بالكرسي) لا غير ماصدقاتش و صافي
قمر: فينو هو دابا
ياسمين: خليتو ناعس غايفيق تاني غايقاد الدار و يقابل التوينز
قمر: ديما كانقوليه جيب خدامة و مابغاش
ياسمين: اوا صافي نجيب خدامة و نخليها مع راجلي حماقيت انا تضور ليا بيه ولا تدير ليه شي حاجة تخليه تابعها لا لا خليه عليك ياختي
قمر: ههههههه وا تفكير هو عندك، اجي مابقيتوش غاديين لدبي شفتكوم جلستو هنا
ياسمين: غاديين مي ماشي دابا حتى تجي ماما جوري و عمي شهاب باش نتوادعو معاهوم خطرة وحدة و نمشيو مابغاش غيث يمشي بلا مايسلم عليهم حيتاش عارف ماغايشوفهم على مدة
قمر: (مع ليث) رصا ا ليث ههههه ويلي راه كانهضر مع ياسمين (كايهرها) هههههه عافاك
ياسمين: هههههه من بعد و نكملو (قطعات)
ياسمين: هههههه حمقة صافي

استأنفت العمل ديالها فين حبساتو حتى لحق وقت لغدا و بدا تيلي ديالها كايصوني ... هزات و رسمات ابتسامة على وجهها و فتحات لخط
ياسمين: حبيبي فقتي
غيث: فين نتي !
ياسمين: فالبيرو (كاتضور بالكرسي)
غيث: ماخرجتيش تتغداي !
ياسمين: مازال واحد شوية و نمشي ولا نقدر نسيفط عليه يجيبوه ليا
غيث:(فتح لباب) و الى قلت ليك نمشيو نتغداو مجموعين
حطات تيلي و عينيها وساعو و يالفرحة ناضت و التويتز جايين كايجريو عندها لابسين و مكبطين على حساب البرد اما غيث فضارب سروال جينز مغلوق مع تريكو سخون كم أسود مع كويرة سوداء و صبرديلة فرجليه سوداء مطلع شعرو كيف العادة و حسن الجناب جا بوكوس ، هزات ياسمين التوينز باسوها فخدوها و حطااتهوم و مشات جيهة راجلها و باستو و حطات يديها على عنقو
ياسمين: علاش ماقلتيش ليا غاتجيو
غيث: بغيت نديرها ليك سيغبغيز كيف جاتك (باسها)
ياسمين: زوينة ، بحالك
غيث: يالاه نمشيو نتغداو 
ياسمين: واخا 😍
رجعات هزات صاكها و شدات فيدين التوينز و خرجو من لبيرو
ياسمين: مايدخل حد حتى سامي ممنوع (مع السكريتيرة)
سكريتيرة: اوكي مدام
شد غيث فيد أناييس و ياسمين فيد أنيس و مضور يدو الثاني على خصرها و مقربها منو كايهمس فودنيها و صوت ضحكاتها و قهقهاتها مسموعين حتى لبرا الشركة، كولشي عرف بلي راجل ياسمين جا و كولشي كايطل شي حسدها شي فرح ليها شي تعجب براجلها و وليداتها ، خرجو من الشركة و هز العساس لمضلة حتى طلعات فطوموبيل مع غيث و ولادها فلور و ديمارا و سويكلاص خدام حيتاش الشتا كاتنقط
ياسمين:(يدها فيد غيث) إينا ريسطو غانمشيو ليه !
غيث: لي بغيتي أحبيبة أش مشهية تاكلي
ياسمين: (غمضات عيونها) هممم تشهيت شي سوب ديال الحوت و لكامار لكروفيت 😍 بغيت لحووووت 😍
غيث: واخا دابا نمشيو ليه
ياسمين: حبيبة ضاروري خاصني نمشي عند بابا و ماما نجلس معاهوم شوية و نعطيهوم لي كادو ديولهوم
غيث: علاش ايمتا قلت ليك انا لا ماتمشيش نتغداو و ندوزو عندهوم
ياسمين: (باستو) ماكاينش ماحسن من تيتيز بلادي 😍 (شافت فالتوينز) غانمشيو عند جدو توفيق
أناييس: 😄😄 زدووو (جدو)
أنيس: 😔
ياسمين: مال حبيبي مقلق
أنيس: ا.. ا.. ام.. (مقطع فالهضرة) ناا مشيو شوك ( لاا نمشيو عند شوق)
أناييس: عننننننن 😡😡 ناااااا
ياسمين: صافي صافي غانمشيو و مانمشيوش غير تهناو (شافت فغيث) اش غاندير مع هاد الجوج
غيث: اوا بنتك مغيارة بغات خوها ليها بوحدها (دوز يدو على خدها) كاتفكرني بيك خارجة فيك
ياسمين: هههههه تخيل تبقا هاكدا حتى تكبر مغيارة
غيث: ماكانضنش راه غير حيتاش مولفاه معاها و صافي
ياسمين: راه قريت بلي التوينز كايكونو مرتابطين ببعضياتهوم و كايحسو ببعضياتهوم
غيث: اوا الا بقات هاكدا حتى كبرات غادي يلقا معاها موشكيل (وقف) ها حنا وصلنا
هبطو من لوطو و بخطوات كبار دخلو لريسطو كبير و راقي أضواءو خافتة و موسيقتو هاجئة كاتريح الأعصاب، جا سيرفور داهوم لطابلة بكل رقي و احترام
سيرفور: اش تطلبو !
ياسمين: سوب ديال الحوت
غيث: جيب ربعة سوب و شي بلا ديال لحوت كومبلي مع لي سالاد و لفريت لدراري
سيرفور: تبغيو ديسير !
غيث: اه وي حبيبة اش بغيتي !
ياسمين: جيب تلاتة كيك شكلاط بالبنان
غيث: جيب ربعة ماشي تلاتة
سيرفور: شي مشروب !
غيث: ماء غازي صافي ... ميغسي
مشا سيرفور و بقات ياسمين جالسة مقابلة مع غيث شاد ليها فيديها و التوينز جالسين متبتين
غيث: زوين هاد ريسطو اول خطرة نجي ليه
ياسمين: (بعفوية)كنت كانجي ليه مرا مرا مع (سكتات)
غيث: معامن !
ياسمين: مع (ضورات وجهها) مع سليم
غيث: سي با كغاف حبيبة داكشي فات لي كايهمني هو الحاضر (باس ليها يديها)
تهزات ياسمين فوق الأرض و قلبها كايضرب بالفرحة و مبتاسمة ابتسامة خجولة و كاتضور فعينها و عاضة شفتها السفلية و جالسة كاتسمع كلمات الغزل ديولو و يديه فيديها مدفيينها و التوينز جالسين كايشوفو فيهوم ساكتين، جات الماكلة بعد وقت من الإنتظار تحط ليهوم داكشي كايشهي بداو بسلاد ديال الخضرة مغذية و مفيدة للجسم تبعاتها لاسوب ديال الحوت و بلا كامل ديال الحوت بأنواعو و أشكالو ... جلسات ياسمين كاتوكل أناييس لي حداها و غيث كايكول أايس و كايضحك معاه و كايهزو لفريت كايبقاو يمضغو فيه مدة عاد يسرطوه ... كملو غداهوم و تحطات ليهوم ديزيرت كلاتها ياسمين بشهية حيتاش كاتحماق على شي حاجة سميتها شكلاط و التوينز كذلك خارجين فيها

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.