ناضت ياسمين عريانة كيفما تولدات و هو متكي على جنبو كايشوف فرجليها الطوال المنحوتين و فمؤخرتها خارجة مكورة و بيضة و خصرها داخل و منحوت و ضهرها داخل شوية و الكرش ماكايناش و لكتيفات العبار و ذراعها ضعاف و طوال شوية و الصدر خارج العبار واقف بوحدو كايشوف القدام و شعرها ضارب تال النص فضهرها مسرح ، هزات بعدم مبالاة للجسد العاري ديالها لبينوار و سترات اجزاء من جسمها و هي تشوف فغيث لي لقاتو مبتاسم و كايشوف من بين رموشو و مجبد على جنبو
ياسمين: نووض تدوش ليا
غيث: دوشي ليا و ندوش ليك
ياسمين: انا معكورة من لتحت
غيث: كاتمشاي عادي
ياسمين: داكشي راه لداخل (جات ليه كاتنوضو) يالاه نوووض
بدات كاتجر فيه من يديه و هو يتهز لكوفرلي و كشف على بقع من الدم فوق الفراش و هي تشوفو و حبسات من الجر و جلسات حداه شافها غيث و شاف لبلاصة لي كاتشوف فيها
غيث: ماعمرني ضنيت بلي كاينين بنات باقيين محافضين على شرفهوم
ياسمين: عمرني اصلا ماحسبت هاداك شرف، نقاطي ديال الدم ماغاديش يبينو العذرية ديال لبنت (ضحكات بسخرية) شحال من وحدة كاتلقاها خارجة طريق و لكن باقة محافضة على ديك الجلدة و كايسميوها العفيفة الطاهرة و شحال من وحدة مسكينة ماعندهاش او طرا ليها موشكيل و المجتمع ماكايرحمهاش
غيث: التخلف هاداك، ماتديريش فبالك ا حبيبة ديالي (حط يديه على وجهها) نتي معايا و حد ماغايدوي ولا يقدر يمس شعرة منك
ياسمين: ماكانديهاش فهضرة الناس غير كلاب و كاتنبح غيث: (هزها) زيدي ندوشو يا لعريانة هههههه ياسمين:طفرتيه نتا لي عريان كولك (قاصت لمعلم)
غيث: زعيمة مع راسك
ياسمين: اوا راه كولشي ديالي لاش مانزعمش
غيث: (حطها تحت الرشاشة) غير زعمي ا حبيبة و ديري لي بغيتي
خرجو من الدوش نقيين و ريحة لباندوش كاتعطي منهوم هي ملوية فبينوار حد الركبة و هو ملوي فبينوار كبير طويل و لابسين بانطوفات باش يدفيو رجليهوم و قلبات هي الطريق لبيتها و شاف فيها معجب و هو يشدها من يدها
غيث: حبيبة هادا هو بيتك، معايا
ياسمين: عارفة، و لكن حوايجي لهيه نلبس و نجي عندك
غيث: اوك، و حوايجك جيبيهوم عندي للبيت
ياسمين:واخا (قربات ليه و باستو) يالاه طلقني دابا
غيث: اححح ماقديتش نطلقك ماكرهتش نخيطك معايا
ياسمين:(عطسات) ها نتا راه باقة مريضة
غيث: يالاه سيري لبسي اي حاجة و جي عندي (طلقها)
مشات ياسمين لبيتها عاجبها لحال حيتاش داير ليها كيف لما لقليل و داير ليها خاطرها و كايبين حبو ليها، تقادت مع لماريو و حلاتو و هي تجبد شورط ديال لجينز قصير مع ديباردور مزير عليها الأسود و سليب أسود، لبسات حوايجها و نشفات شعرها بالفوطة و هي تتقاد مع المرايا و جبدات سيشوار و نشفات شعرها مزيااان و طلقاتو و ناضت جبدات ايزار وحداخور و حيدات هاداك لي فيه بقع من الدم و دارت لوخر و هي تشوف غيث واقف متكي على لباب مخالف رجليه و مربع يديه لابس غير شورط كحل حد الركبة و لفوق عريان واخا الزنقة باردة الدار سخونة بسباب لكليمة و ماكايحسو بوالو.
ياسمين: مالك!
غيث: كانشوف مراتي
ياسمين: اجي عاونني
غيث: واخا هي لولا
مشا عاونها و بدلو ليزار و دارو النقي و جمعات هي داك لي فيه نقط من الدم و خداه ليا غيث من يديها
حط ليزار حتا يرجع ليه و هبطو مع الدروج و مشاو للكوزينة ديريكت، جبدو داكشي لي غادي يحتاجو فالفطور و حطوه و ياسمين بدات كاتوجد تحت تعليمات غيث و مرة مرة كايبوسها و لا كايعنقها من لور و يهرها فعنقها حتا كملو داك لفطور و حطوه و بداو كايفطرو
ياسمين: ايمتا غادي نرجعو
غيث:(حاط يديه على فخاضها) صافي سخيتي بيا!
ياسمين: لا ماشي هاكداك مي لافامي راك عارف
غيث: عارف احبيبة غير كانضحك معاك، من الأحسن نتسناو حتا ترجع قمر و ليث من لهاني مون عادي باش نعلمو عائلتك باش تديري لعرس باش يحضرو حيتاش الا علمانهوم دابا غادي يبغيو داكشي يكون بزربا و ليث باغي يحضر للعرس فهمتي !
ياسمين: علاش عائلتك فخبارها بلي تزوجنا
غيث: لواليد و خويا لي عارفين سي توو، خلينا هنا بجوج حتا تبقا سيمانة باش يجيو و ديك ساعة نمشيو عند عائلتك اش بان ليك
غيث: و الله حتا ناكلك احبيبة هههههه(كايفرق قبل على وجهها و ناعس فوقها)
ياسمين: نوض باراكة ماشبعتيش من لبوسان
غيث: لاااا ماكانشبعش منك
ياسمين:(شدات ليه حناكو) حنيكاتك مطيبزين و زوينين
غيث: نتي لي زوينة من رجليك حتال راسك مافيك مايتعاب
ياسمين: شكون حسن انا ولا زمرد
غيث:(عض شفافو بتوتر) حبيبة نتي زوينة و حنينة و نتي هي حياتي و مانقدرش نقارن بينك و بينها حيتاش فيها شي حوايج مافيكش و فيك شي حوايج مافيهاش و ماكاين لاش نجبدوها هي ميتة و الله يرحمها فهمتي
ياسمين: (جمعات الضحكة) مزيان
غيث: هاهيا تقلقات تاني اوففف (جلس و ناضت هي جلسات) حبيبة ديالي كل واحد و هو فهمتي ! يعني مانقدرش نقارن بينك و بينها
ياسمين: شنو لي فيها زوين (مقلقة)
غيث: كانت كاتدير الفولار و كاتلبس لمستور و الرجال عاطياهوم بالتيساع انا و ماعطاتنيش وقت بسهولة كانت صعيبة
غيث: نو حبيبة اش كاتقولي غادي تقلقيني منك (عنقها من اللور) ماقصدتش هاكداك نتي هاكدا دايرة طبيعتك كاتصرفي بعفوية و كاتضحكي مع كولشي و لكن فنفس لوقت ذكية و قافزة هي لا كانت كاتفادا الرجال فخطرة فهمتيني ! و انا فاش بغيتك و قلبي دق ليك بغيتك حيتاش نتي هاكدا و مغايرة على زمرد بغيت فيك كولشي اي حاجة كاتديريها دخلتي لقلبي بيها
غيث: وا غير لبارح داقك و حماق عليك مابقاش بغا يتفرق معاك
ياسمين: انا كانهضر على لحوت ماشي داكشي
غيث: و انا كانهضر على داكشي وجدي راسك ليوم تاني غان..... ههههههه
ياسمين: ااايي لتحت كايضرني
غيث: اري نقلبك
ياسمين: سير فحالك (ناضت)
ناضو بجوج كايطيبو و هو غير تابعها فهبالها و داير ليها خاطرها و فرحان و الفرحة باينة عليه و هي كذلك حتا كملو الغدا و حطوه باش ياكلوه، تغداو و سالاو و بقاو مجمعين كايهضرو و مرة مرة يقلبوها قُبَل و كلمات غزل حتا تعاشت لعشية و هو ماسخاوش ببعضياتهوم الهضرة حلوة بيناتهوم و مابغاوش يخرجو و بقاو فالدار حتا قلبوها نعاس و طلعو للبيت و كملو لي بداو فالصالون. فمنتصف الليل ناض غيث من على ياسمين كاينهج و شوية ديال العرق فالجبين ديالو و هي ناعسة سخفانة و باين العيا فوجهها و عريانين الضو ديال لفاييوز لي مبين شوية من ملامحهوم
غيث: حبيبة (كايقيس وجهها) ياكما قصحتك
ياسمين: لا (بتثاقل) و لكن عييت مجهد بزااف
غيث: ههههه اوا ولفي و راه مازال مافورصيتش عليك مازال جديدة (نعس حداها)
ياسمين: (تقلبات حداه و عطاتو وجهها و صدرها عريان مغطي غير من كرشها للأسفل) مولف بعدا تفورصي على لبنات 😒 شحال من وحدة درتي معاها هادشي !
غيث: ضاروري تجبدي هادشي فهاد لوقت ا ياسمين ! كانكونو مزيانين و ناشطين حتا كاتجبدي هادشي ! هادشي لي كاندير معاك ماعمرني درتو مع شي وحدة حدي كانمارس و كانزيد هوما لي كايديرو كولشي ماعمر فمي باس ديال شي وحدة ولا بست شي وحدة ففمها كيفما كانبوسك و راه ماشي عاهرات من الزنقة نو بنات هاي كلاص غير بنات الناس لبورجوازيين و عارضات الأزياء الى اخره و زيدك ماعمرني شفت فيهوم بنظرة شهوة هوما لي كايحكو عليا و كايلقاوني عندك شي سؤال وحداخور !
ياسمين: انا غير كانسولك عادي و نتا كاتدير من لحبة قبة كون عرفتي نتا بلي انا درت علاقات مع رجال وحداخريين كيف غاتجيك ! واش عادي
غيث: ماغاديش تجيني عادية و لكن داكشي داز لماضي ندفنوه و نبداو صفحة جديدة
ياسمين: ساهلة عليك تقولها غيث:(جرها فوق صدرو و كايشوف فعينها) و الله ماساهلة ا ياسمين راه كانبغيك عارفك كاتقولي هادا غير كايدوز بيا لوقت بكيفما دوزو بلوخرات مي راه ربي لي عالم كيفاش كانحس جيهتك
ياسمين: (عنقاتو) حتا انا كانبغيك و بغيتك ليا بوحدي و فكرة انك نعستي مع وحداخرا كاتجنني
غيث: نسايها ا حبيبة انا ديالك و نتي ديالي (يديه كايدوزها على ضهرها)
بقاو مجمعين حتا داهوم النعاس و هوما عريانين.
صبح الصباح و فاقت ياسمين هي لولا و ناضت كاتكسل و لقات غيث باقي ناعس عاقد حجبانو حتا فالنعاس و ناعس على كرشو و شادها بيدو، بدات كاتسلت بشوية بلا مايحس و هزات بينوار ديالها لبساتو و مشات لطواليط و لقات كاع لحمها مطبع بالبوسان و بقات كاتضحك على ليلة لي دوزو لبارح، قضات حاجتها فالطواليط و خلاجات هبطات للتحت و لقات سوارتو محطوطين فوق طبلة فالصالون و بدا كاياكلها الفضول و هي تهز السوارت و هي تسمع تحنحينة ديالو و عرفاتو فاق
غيث: احم احم صباح لخير
ياسمين: صباح نور (ضارت عندو و مخبية السوارت فيدها)
غيث: ماغاديش تعطيني بوستي
تقدمات جيهتو بالبينوار لي كايكشف اجزاء من جسمها و يديها موراها شادة فيهوم السوارت، قربات منو و حط يديه على خصرها و باسها ففمها و طول فيها حتا ترخات معاه و هو يطلع يديه بخفة ليديها و حيد ليها السوارت و عاقت بيه و عضاتو فشفافو بلا ماتقصد
غيث: شفارة و عضاضة
ياسمين: 😳
غيث: هههههه واش بغيتي تعرفي اش كاين فالبيت !
ياسمين: اه 😔
غيث: ماتقلقيش
ياسمين: (دخلها الشك) على حسب
غيث: غير يالاه
حط يديه على خصرها و جرها حتا لصقات معاه و ضورات يديها على ضهرو و طلعو للفوق و هي متوترة خايفة تلقا شي حاجة تصدمها، حل لباب بالساروت و هو يدفعو و كشف على لبيت اش فيه و هي تتقدم ياسمين مصدومة و غيث موراها متكي على لحيط كايسوط و كايحك جبهتو بعصبية
ياسمين: (بغضب) هادشي لي مخبي هنا ! تصاور خطيبتك !! (حلات لماريو) و حوايجها حتا هوما
غيث: هادا كان بيتها
ياسمين: و من بعد (كاتغوت) ايمتا اخر خطرة جات هنا!
غيث: قبل ماتموت كنت انا وياها هنا
ياسمين:(جلسات فوق لفراش) غير كاتفلا عليا نتا جايبني هنا باش تمارس معايا و لوقت كامل هي فبالك مانسيتيهاش و انا كيف الحمارة متيقاك (عينيها كايغرغو بالدموع)
غيث:(تحنا عندها) لا و الله ما هاكداك اقسم بالله الا كانبغيك
ياسمين: كون كاتبغيني كيفما كاتقول كون هادشي تحيد من هنا مني عرفيتيني ماشي حنا مزوجين و هادشي كاين هنا و هادشي كايبين بلي نتا مازال باغييها، واش كنتو ساكنين هنا !
غيث: فاش كنا كانجيو لمغرب كنا كانجيو هنا هي فبيت و انا فبيت و من نهار ماتت ماجيت لهنا و فاش عرفتك نسيت هادشي حتا خطفتك و جيت هنا و تفكرت لبيت و عرفت الا شفتي نتي شي حاجة ديالها غاتقولي هاد الهضرة داكشي علاش قلت خلي داكشي حتا ماتكونيش و نحيدو و لكن دوماج
ياسمين: واش انا بنت صغيرة غاتفلا عليا !
غيث: عارف بلي هادشي غايجيك فشكل و لكن راه و الله الا كانبغيك و دابا غايخويو هاد لبيت
ياسمين: مابقاتش فالبيت ا غيث بقات فيك نتا واش مازال كاتحس جيهتها بشي حاجة قولها باش نفهم راسي
غيث:(شدها من وجهها) لااا كانبغيك نتي ماتمشيش ا ياسمين
ياسمين: اش ندير ا غيث هادشي بزاف
غيث: (جلس حداها و عنقها) كانبغيك نتي هي كولشي عندي
ياسمين:(بادلاتو لعناق) نلقا ا غيث حاجة وحدة باقي كاتبين بلي مانسيتيهاش غانمشي فحالي
غيث:(شاف فيها) ماغاديش تلقايها (باسها فجبهتها)
ياسمين: (تنهدات) هادشي بزاف عليا ا غيث حط راسك بلاصتي و شوف باش غادي تحس غيث: (وجهها بين يديه) عارف و حاس بيك، تيقي فيا واخا غير شوية راه انا كانبغيك نتي و كون بصح باغي فيك غير الجنس كون مشيت عند اي وحدة ماشي بالضرورة نتي و لكن انا جيت عندك حيتاش كانكون مريض فاش ماكاتكونيش حدايا و فاش كاتقلقي مني راه انا كانتقلق من راسي و الى بكيتك كانحس بقلبي كايبكي الدم نتي لوحيدة لي خلاتني نحس هادشي ياسمين: علاش باش كنتي كاتحس مع زمرد! غيث: كنت كانشوفها كانفرح و فاش كاتفرح كانفرح و لكن ماكانتصرفش على طبيعتي كنت ديما كانقيد راسي بشروط باش تبقا هي على خاطرها و الى تقلقات مني كانميك حتا كاتبرد القاضية و نحزرها ماشي يحالك نتي الى تقلقتي راه بركان كاينفاجر فالداخل ديالي ياسمين: (ناضت) صبرني بهادشي 😒 (وقفات قدام صورتها) نتي هي زمرد، زوينة مع راسك و الحجاب نعام ا سيي، غيث ديالي دابا فهمتي عطيه بالتيساع غيث:(عنقها من لور و كايهمس فودنيها) راه هي فقبرها اش بغيتيها! خاصك نتي تيقي فيا و غايكون كولشي بيخير (باسها فعنقها) ياسمين: دابا نشوفو حيدات من بين ذراعو و مشات قدام لماريو ديال زمرد و جبدات كسوة طويلة واسعة محطوطة مطوية فالماريو فالبوردو و الأسود فيها وريدات كبار فالبوردو و شكلها زوين ياسمين: هادشي لي كانت كاتلبس! غيث: اه ديما، عندها غير اللبس طويل ياسمين: حتا فالدار (حطات الكسوة فالتنية ديال ذراعها و جبدات بيجامة بشورطها حد الركبة و سرحات الشورط قدامو و مطلعة حاجبها) غيث: (متكي على لحيط مربع يديه)فالدار كانت كاتلبس غير هادشي مني مانكونو بوحدنا كاتاخد راحتها و كاتحيد لفولار و انا لي كانلح عليها اما هي ماكاتبغيش ياسمين: ماعمرك نعستي معاها غيث: نو (عقد حجبانو) علاش نتي نعست معاك بلا زواج ! بيان سييغ لا ماشي حيتاش غاتمنعيني، حيتاش انا مابغيتش و نفس الشيء بالنسبة ليها حتا هي حدي كانبوسها ولا تبوسني ولا تعنقني اما العلاقات الجنسية كنت كانديرهوم قبل مانعرفها و راه عاودت ليك ياسمين: (تنهدات) واخا مزيان حطات الحوايج فوق الفراش و خرجات كاتجر رجليها و مغبونة كاتحس بقلبها مزير عليها، شافها غيث و تنهد تنهيدة عامرة حزن و خرج تبعها و سد لباب و مشا عندها غيث: اش بغيتي نديرو ليوم! ياسمين: لي كان (بحزن) غيث: اجي معايا ، مي لبسي شي حاجة مستورة لي كارد برا ياسمين: (وقفات) من ايمتا و نتا كاتقول لبسي مستور (طلعات حواجبها) غيث: شوية بشوية حتا تولفي غير شورط قصير و داكشي لاا قدام لبراني هادشي ديالي انا و انا بوحدي نشوفو (باسها) ياسمين: زعما ضرباتك النفس عليا غيث: اوا راك مراتي و مامات ولادي مستقبلا و حياتي و حب حياتي 😉 سيري لبسي شي حاجة و نتي كاتضوري هنا بهاد لبينوار راه غادي نكمل داكشي لي بديتو فليل دغيا تلفها و مشاو لبيت النعاس ديالو و جبدات سروال قهوي مع تريكو باج ديال الصوف سخون و بوط فرجليها باج و طلقات شعرها و لبسات و جلسات كاتشوفيه كايلبس، جبد سروال ديال لكيطمة فالرمادي مع توني ديالو و جاكيط سخونة ديالو و بانطوفة فرجليه شافيها لقاها ساهية فيه غيث: مشينا! ياسمين: ويي 😍 شد ليها فيديها و خرجو من الدار و مشاو للمرسم ديالو لي كاين مور الدار و دخلو و شعل الضو ياسمين: اش هادا ! ياكما نتا شي عميل سري و هادا هو بلاصة الخدمة ديالك غيث: هههههههه خيالك واسع بزاف هادا المرسم ديالي ياسمين: نتا كاترسم 😳
غيث: هههههه وي انا كانرسم مي غير مرة مرة، عندي مرسم هنا و مرسم فوسط لمدينة و عندي واحد فريو ديجانيرو و واحد فدبي
ياسمين: و اش كاترسم!
غيث: اجي تشوفي
شد فيديها و داها قدام لوحات معلقين و مختالفين الرسمات فيهوم مرة بحر مرة طبيعة...
غيث: اجي تشوفي هادي و قولي ليا واش نسيت شي حاجة
جرها من يدها و داها لبلاصة فين كايرسم و لقات لوحة باقة معلقة فمكان الرسم و الشيء لي كايدل على عدم انتهاؤو منها
غيث: شنو هادي !
ياسمين: داري 😳 ماناقصها والو كولشي فبلاصتو
غيث: باقي خاصني غير لمسات اخيرة و نعلقها مع لوخرين
ياسمين: عندك موهبة زوينة بزااف
غيث: ماتكونش ازين منك، زيدي نفطرو باش نخرجو
ياسمين: فين غادي تديني!
غيث: دابا تشوفي
رجعو لدار و كيف لعادة كايوجدو لماكلة و هوما كايضحكو و يغازلو بعضياتهوم، جلسو كايفطرو فجو رومانسي غير سالاو و ناض غيث
غيث: ماي كوين (باس ليها يديها) اجي معايا
ياسمين: فييين!
غيث: غير اجي مخايا نخرجو شوية مانبقاوش غير هنا
خرجو بجوج ركبو فلوطو و مشاو بإتجاه فيلا ديال عائلة غيث، غير وصلو و هي تشوف ياسمين فغيث بدهشة
ياسمين: لاش جينا!
غيث: لواليدة بغات تعرف مرات ولدها 😉
ياسمين: عرفاات 😳
غيث: لواليد فرش ديكور
دخلو لداخل و بلاصة لوطو و هبطو شدها من خصرها و كايبوسها فعنقها و غاديين حتا دخلو لداخل لقاو شهاب و جوري جالسين كايضحكو لابسين حوايج شبه خفاف غير شافوهوم و ناضت جوري فرحانة لابسة كسيوة بيضة حد الركبة بلا كمام و طالقة شعرها مع طالون أبيض و وجه خالي من لمكياج
غيث: لواليدة (باس ليها يديها)
جوري:توحشتك (عنقاتو)
غيث: حتا انا، حلي شوية ديال لحنان لمرات ولدك 😉
جوري: هههههه (عنقات ياسمين) مرحبا بيك فالعائلة
ياسمين: ميغسي 😋
جوري: دخلو جلسو دخلو
دخلاتهوم لصالون جلسات جوري حدا شهاب و و حدايا ياسمين و غيث جالس حدا ياسمين كايلعب بخصلات شعرها و مسرح اليد التانية على السداري حيتاش دايرينو صالون مغربي
شهاب: مالي انا وياك كيفاش درنا ياك شحال و حنا مزوجين بلا عرس بلا تخربيق ياك حتا حملتي عاد درنا لعرس
جوري: حنا راه الوصية ديال بابا الله يرحمو هي خلاتنا درنا هاكداك اما هوما!
غيث: غادي نمشيو عند عائلتها و غادي نعلموها اصلا باباها عارف كولشي
ياسمين: بابا عرف 😳 ماقلتيهاش ليا
غيث: راه سليم فخبارو و فرش كولشي و باك فرح ليك مي باغي لعرس
جوري: لعرس غايكون هنا عندنا فالفيلا
غيث: غاندير ليها عرس اسطوري تجي راكبة على حصان بحال لهنود و تشبع غير شطيح و رديح
جوري: تستاهلي ا حبيبة ما شاء الله شحال زوينة
خرجو الرجال و بقاو غير العيالات ليهوما ياسمين و جوري كايجمعو و جوري كاتنصحها كيفاش تتعمال مع غيث و كاتوريها تقنيات باش تحافظ عليه باش يدوم زواجهوم حتا طاب لغدا و رجعو ال
ركبو فلوطو و مشاو و ياسمين ماعارفاش لفين غاديين و ماعندهاش حتى فكرة، شاد ليها فيديها و كايبوسها و طالقين موسيقى و الفرحة ضاهرة عليهوم، شدو طريق لبحر و بقاو غاديين حتا طاح الظلام و هوما يبانو مجموعة من لفيلات مستفين بعاد على بعضياتهوم بمسافة كبيرة و غير من الشكل باينين غاليين مقابلين مع لبحر، قلب الطريق لوحدة من لفيلات و كلااكسونا و حل ليه العساس لباب لكبير و دخل و ياسمين مسرحة عينها فالجريدة ديال تما و كاتشوف عاجبها لحال حتا وقفات لوطو
ياسمين: لاش جينا هنا!
غيث: دابا تفهمي، يالاه هبطي ا حبيبة
حلات لباب و ضربها برد فريش فوجهها و هي تهبط و شعرها كايحركو لبرد كيفما بغا، سدات لباب و مشات جيهة غيث لي حط يديه على خصرها و جرها عندو و حل لباب دخلو لقات وسعة كبيرة و دروج مقابليين معاها كايطلعوها للفوق و على ليمن فالأسفل كاين فوطوييات فالأسود صالون داير كامل بالفوطويات و الجيهة ليسرة كاين صالون مغربي بالسدادر و الكوانات و العود و لبلازة معلقة فالحيط و الزربية مفرشة فالأرض و فيه جوج طوابل من الخشب مزوقين محطوطين مشات مور دروج و لقات تما كوزينة كبيرة مجهزة بكولشي و عصرية مصبوغة بالأبيض و الأسود و الرمادي الشيء لي عطا جمالية للمكان، خرجات من لكوزينة و لقات حمامات تما و مشات مع واحد لكولوار حتا خرجات فلور ديال لفيلا و لقاتها كولها زاج و بيسين كبير فبرا، عجبها شكلها و رجعات طلعات مع الدروج و غيث غير كايشوفها اش كاتدير و مبتاسم، طلعات للفوق و ب حلات لبيوت كاملين، لقات 4 بيوت ديال النعاس و جوج حمامات و عاد فجوج بيوت كاين حمام و، لفت انتباهها واحد لبيت مصبوغ بالأسود و الماريو و الكوافوزات فالأبيض و فيه بالكون خرجات للبالكون و لقاتو كبير دايرين فيه فوطويات فالأبيض و طويبلة من الزاج، رجعات للبيت و هي تبان ليها صورتها هي وغيث معلقة فوق الفراش كايضحكو و هو معنقها من لور، بقات كاتشوف فالصورة و ماعرفاتش ايمتا تصورات و هو يلحق عليها غيث و لقاها تما و عنقها من لور و ابتاسمت ليه و حطات يديها على وجهو
غيث: كيف جاتك دارك!
ياسمين: داري!
غيث: وي كتبتها فسميتك هادا هو هادا لي كايتعطا للمرا فعرسها و كايعطيوه الناس فلوس
فرحاات ياسمين بالفيلا و عجباتها و جاب غيث حوايجهوم لي خلاو و انتاقلو للفيلا باش يسكنو فيها دازت عليهم 3 ديال السيمانات و هوما ساكنين فالفيلا و عايشين السعادة و ماعمر حس زمرد تجبد باقي و عايشين حياتهوم بالطول و بالعرض و فنفس لوقت مقابلين خدمتهوم غير باغ تيلي و لبيسي. ليوم و ككل الأيام فاقو و دوشو حيدو الجنابة و وجدو لفطور بجوج حيتاش ماجابوش خدامات حيت غيث بغا مراتو لي تطيب ليه ماشي لخدامات و كايتعاونو و كايفرقو الشغل بيناتهوم، جلسو بجوج كايفطرو و كايهضرو و كايضحكو غيث: ليوم غانمشيو نهضرو رسميا مع عائلتك
ياسمين: هههههه حتا درتي تقب الأوزون فالتحت
غيث: هههههههههههههه (ضحك حتى بدا كايدمع عجبو لحال)
ياسمين: عاجبك لحال بففف كل ليلة و تقول ماكاتعياااش اش كاتاكل
غيث: كاناكل الحلاوة و العسلللل (باسها) علاش لي حداه هاد الزين اش غايدير و كاتزيديها كاتلبسي هادشي خفيف بزاف كايبين اش كاين لتحت كيفاش مابغيتينش نجهل ياسمين: و اش نقول دابا لماما
غيث: قولي ليا راه مزوجة و راجلي خرج مني فلوس الصداق ماخلانيش نسد رجلي 😂😂
غيث: اوا شفتي ها حنا غير كانضحكو معاك و دغيا كعيتي راه نتي فلوس الدنيا ماكايساويوش قيمتك عندي و فلوس هاد لفيلا ماشي شي حاجة عندي و لي جاي اكتر ا حبيبة
ياسمين: مابغيت والو اصلا انا ماحتاجة والو (كاتاكل و دايرة رجل فوق رجل)
غيث: عارف بلي كابرة فالخير و ماشي طماعة و بلي لاباس عليك لكن نساي داكشي، ديك الثروة ديال باباك و هادشي ديالي انا وياك، أي حاجة عندي راه ديالك ا حبيبة (باسها) كملتي فطورك!
ياسمين: وي 😋
غيث: يالاه نوضي بدلي باش نمشيو
ياسمين: واخا
ناضت من حداه بشورطها ديال لبيجامة لخفيف لي كايخلي السليب يبان و هو يضربها فلور و بقات غادة كاتضحك حيتاش ولفاتو يديرها ليها، طلعات لبيتها و مشات للماريو و جبدات كسوة فالكرونة فيها زواقات بالأسود حد الركبة بلا كمام غليضة شوية و جبدات ليبة موس كحلة، لبساتها و جبدات مونطو أسود حد الركبة حتا هو و لبساتو و لبسات صباط أسود بطالون عالي و مشطات شعرها و طلقاتو و لبسات سنيسلة جابها ليها غيث من النقرة مرصعة بالألماس مع براسلي ديالها و الخاتم مزين يدها، خلات وجهها خالي من لمكياج رشات ريحتها و هزات صاك أود فيه داكشي لي تقدر تحتاج و هبطات عندو لقاتو باقي لابس سروال لكيطمة الأسود و توني ديالو و لبس جاكيط و صبرديلة فرجليه كحلة و ساعة فيديه كحلة بقات فييه من لبارح و شعرو مخربق، جات عندو قادات ليه شعرو غير بيديها و هو كايشوف فيها و كايبتاسم عاجبو اهتمامها بيه فكولشي و هزات ريحة ديالو من صاكها و رشات ليه
غيث: جيتي زوينة كيف ديما (باسها)
ياسمين: ميغسي حتا نتا لي لبستي كايواتيك (جرات ليه حناكو)
خرجو بجوج ركبو فلوطو و لبرد كايطير، شعلو لاكليم ديال لوطو و حسو بالدفا و هو يديماري
غيث: (شاد ليها يديها) انا غادي نديك لداركوم حتال لعشية و نجي انا و لواليد و لواليدة
ياسمين: و لاش هادشي كامل !
غيث: لواليدة بغات هادشي على الأصول و التقاليد
ياسمين: شنو غاتخطبوني ولا اش
غيث: هههه غانجيو ندويو على العرس و الصداق
ياسمين: صداقي عطيتيه ليا
غيث: هاداك غير كادو حيتاش دخلتي حياتي (باس يديها) اما الصداق لفري هوا لي غادي نتافقو عليه مع واليديك
تزنجات ياسمين من بعد ما سمعات هاد الهضرة و عجبها لحال حيتاش عاطيها قيمة و دايرها فوق راسو.
وصلو للفيلا ديال واليديها و دخلو و قربها للباب ديال لفيلا الداخلاني و بلاصة لوطو و سكتها
غيث: صعيب فراقك يا الغالية على قلبي واخا لعشية غانشوفك مي قلبي و عقلي و روحي سجنتيهوم عندك
ياسمين: تهلا ليا فراسك و رجع عندي سالم، بغيت راجلي كامل مكمول بهبالو و بضرافتو و ببسالتو و بحلاوة لسانو نلقا حاجة وحدة خاصة مانقولكش اش نقدر ندير
غيث:(تنهد) من هنا تال لعشية كاتبان ليا عمر طويل و انا لي ولفتك حدايا فكل دقيقة نبوسك و نعنقك و نشم ريحتك
ياسمين: اجي طل على قلبي على فراقك كيف داير كايضرب بلا هواه و وليتي نتا هو كولشي عندو
ماقدرش غيث يصبر و تلاح على شفافها بقبلة كاتروي عطشو ليها حتال لعشية كأنه كايدير مخزون لي يكفيه حتا يشوفها تاني حيتاش من نهار تزوجو مامشا و خلاها بوحدها او بعدات عليه و ولفها تكون حداه و يشوف وجها لملائكي فكل لحظة، تقطعو انفاسها و بعدات شوية باش تاخد النفس ديالها و تلاقاو عيونهوم خضرة عيونو مع رماد عيونها و خلقو واحد الشرارة ماكايشوفوها غير هوما، باسها فكف يدها و هبطات من لوطو بقات كاتدير ليه باي باي حتا مشا و هي تدخل لفيلا ديال عائلتها و هي فرحانة.
دخلات للفيلا و لقات لخدامات غاديين جايين كايقادو و يطرفو و هي تبان ليها سعيدة لابسة فراشة فالموف و شربيل فالموف و طالقة شعرها و دايرة فعنقها سنسلة ديال الذهب بالدبالج ديولها و لخاتم ديال زواجها فيديها مزينها و هي تشوف ياسمين واقفة و مشات عندها عنقاتها
سعيدة: الله يا بنيتي توحشتك خليتيني غانحماق ماعرفتش اش وقع ليك
ياسمين: ياك عاود ليك بابا (شافت فيها)
سعيدة: واخا عاود و لكن ماتهنيتش جيهتك، زيدي نجلسو بعدا و عاودي ليا (مع الخدم) كل وحدة تقابل خدمتها ليوم جايين عندنا ناس مهمين نلقا شي حاجة ماشي فبلاصتها ماتلوموش غير رسيوكم
كبيرة الخدم: واخا ا لالة
جلسات ياسمين حدا سعيدة دايرة رجل فوق رجل و فرحانة
سعيدة: اوا عاودي ليا اش وقع شكون هاد الراجل! و اش بيناتكوم!
ياسمين: هادا هو لي كنت مشيت معاه رحلة لبورتوريكو الى عقلتي فشهر خمسة بقينا ديزامي و من بعد تخاصمنا و جا خطفني نهار لعرس و قاليا بلب راه كايبغيني و عتارفت ليه حتا انا و تزوجنا
سعيدة: تزوجتو 😨 اويلي (كاتندب) ياسمين ياكما نعستو مع بعضياتكوم
ياسمين:وي راه راجلي شنو نقوليه لاا
سعيدة: اويلي على فضيحتي اش نقول لناس ! و العائلة ! ياسمين: قولي ليهوم بنتي تزوجات مادرتش شي حاجة حرام ا ماما و راه ليوم جايين باش يكون كولشي رسمي سعيدة: كاتشربي بعدا حبوب منع لحمل، كاتديرو بروطيكس!
ياسمين: (تخلعات) لااا نسينا داكشي
سعيدة: ايمتا جاتك آخر خطرة!
ياسمين: ليلة العرس سالات مني، لا محال مانحملش دغيا باقة بعيدة فترة الإباضة
سعيدة: رضي بالك ماقادين على شي فضيحة مع العائلة ياسمين: اصلا انا ماباغاش الدراري من دابا غير تهناي و زايدون ماسوق حد فيا هادي حياتي انا و مادايراش شي حاجة حرام كولشي على سنة الله و رسولو و زيدك فصداقي شرا ليا فيلا فالخرجة ديال لمدينة مزينتها و غالية حدا البحر و داير ليا كيف لما لقليل حيد عينيه و يعطيهوم ليا كيفاش مابغيتينيش ندير ليه خاطرو و هو قابل عليا و على هبالي، و ليوم تاني قاليا بلي غادي يتافقو على الصداق الثاني بليس العرس لي باغي يديرو ليا أسطوري، سمعتو كايقول بلي باغيي يدير فيه تلاتة ايام من العرس بحال شكل لهنود
سعيدة: هييي هي لاباس عليه
ياسمين: شفتي كاع هادشي لي عندنا ضربيه ف جوج ولا تلاتة يالاه نوصلو لثروة ديالو غير هو زيد عليها داكشي لي عند باباه و لي عند خوه عاد داكشي لي عند ماماه راه لفلوس عندو شي حاجة زايدة ناقصة
سعيدة: و مالنا حنا ماعندناش اي حاجة باغيينها، كترة لفلوس كاتجيب غير العديان
ياسمين: الحمد لله بابا معيشنا فالخير و الخمير و شركتنا أكبر شركة فالمغرب و قريب يتفتح فرع فسويسرا بالضبط فزيورخ و غادي نزيدو نكبرو هادشي
سعيدة: اوا اش نقولك ا بنتي الله يكمل بالخير هادشي لي عندي مانقول و الله
ياسمين: امييين
سعيدة: انا نوض نشوف هادوك اش كايديرو
مشات سعيدة و طلعات ياسمين لبيتها لقديم تجبدات فيه و هازة تيلي كاتقلب فالأنترنيت على الأكلات و اللبسات و العرسات ديال المشاهير باش تاخذ أفكار، بقات كاتقلب فواحد الموقع حتى طلعات ليها معلومة جانبية كايدييروها ماليين الموقع باش ياخدو حسنات، ركزات فيها و قراتها و هي تلقا فيها بلي إلا حفظتي سورة البقرة و سورة آل عمران فيوم القيامة كايكونو بحال سحابتين فوق راسك و كايبقاو معاك حتا كاتحاسب و كايحميوك، عجباتها هاد المعلومة و طاحت ليها فكرة فبالها، بقات كاتقلب فلانترنيت حتا جات عندها خادمة
لخادمة: آنسة ياسمين مسيو توفيق جا
ياسمين: واخا ميغسي
مشات لخادمة و هبطات ياسمين مع الدروج بحال شي اوزة كاتهز و مرسومة ابتسامة على وجهها و شعرها كايطير معاها، وصلات للأض ضورات وجهها و هو يبان ليها توفيق جالس فوق فوطوي لابس كوستيم أسود مع قميجة بيضة و سباط أسود و حداه سليم لابس كومبلي أسود مع قميجة بيضة و حال الصدافي ديالها و صباط اسود لامع مقمقم من القدام، مشات كاتجري و تلاحت عليه عنقاتو و بادلها العناق، بقاو مدة من الزمن هاكداك عاد حيدات و جلسات فوق يد الفوطوي و بقات شادة فيد توفيق
توفيق: توحشتك ا بنتي
ياسمين: حتا انا توحشتك بزاف
توفيق: نتي بيخير ياكما كايعاملك خايب
ياسمين: لا بالعكس
توفيق: اوا الله يرضي عليك تهلاي فراسك
سليم: شفتي عمي توفيق و نتي تنسايني
ضورات ياسمين وجهها جيهتو و هي تنوض و مشات عندو و هو يوقف وعنقاتو و بادلها لعناق
ياسمين:(شافت فيه) ميغسي اسليم
سليم: تستاهلي تكوني فرحانة
رجع سليم لبلاصتو و رجعات هي حدا توفيق و مرة مرة كاتبوسو و كايبوسها حيتاش من صغرها و توفيق مقرب منها و محيد داكشي ديال حشومة لا عيب كايهضر معاها بوضوح و كايقول لي كاين باش يتفادا مشاكيل فالكبر و من صغرها كاتعاود ليه كولشي دايرين بحال الصحاب و هو داير فيها الثقة لكاملة.
تعاشت العشية و بقا سليم معاهوم باش يحضر حتا هو، وجدو كولشي و لبسات ياسمين قفطان سخون فالأزرق ملكي محجر من الصدر و دايرة ليه مضمة خفيفة فالرمادي وصباط رمادي طالون عالي وخلات مجوهراتها نفسهوم و رشات ريحتها و شعرها بقا مسرح عادي، و سعيدة لبسات قفطان فالأحمر مزوق بالأسود و طلقات شعرها و دارت كوليي من دياموند مع حوالقو و صباط أسود ماعاليش بزاف،و سليم و توفيق بقاو باللبسة ديالهوم و جالسين فالصالون
عذابي الجزء الثامن (الفصل الثاني)
محتوى القصة
التنقل بين الأجزاء