عروس الملك السابعة الجزء 12

من تأليف Ghazal trust
2018قصة مُلغاة

محتوى القصة

رواية عروس الملك السابعة , زوجة الملك السابعة

الشهر داز طاير عند روح الند روح الندى بحسناتو وبسييآتو ... الصباح فالكوزينة كتعلم بزز منها .. والليل هاهيا مع السيف هاز ليه الهم وتحسب فالايام اللي فيهم غيسيل الدم ... يامو دمو .. يا أما دمها .. وهاد الرهان بينها وبين سيدها مسايق ليه حد لخبار .. لا خدم ولا حشم . 

جالسة وسط النسى تشكي بغناها .. وحتى واحد فيهم مافهم كلامها ولا فرز معناها .. كل وحدة دايها فهما وفالعود اللي بين يديها ... اللي تلعب عالاوتار .. ها اللي تغرد فالناي . اما روح الندى مركنة بيناتهم كدندن .. وتسرح عينيها من السرجم وتسنى فالشمس تغرب.. وباينة هلد الشمس اللي غتغرب غيعرب معاها اثار روح الندى . 
دخلات الوصيفة نجمة ووقفات فالباب مخرجة عينيها ومحزمة ومرزمة 

نجمة: روح الندى... نوضي تحركي ... فااتيييما .. ا فاااتيييمااا ... سخني الماء وعمري البرما 

وقفات روح الندى كتفتف ودور فعويناتها وتمتم 

روح الندى : يالاه العاصر .. مالو زربان عليا ياربي السلامة .

نجمة : تحركي وبراكة من الهضرة .

جراتها من يديها بغات تديها وهي تلفت لمحسادات اللي حاضيينها وخرجات فيهم عينيها 

روح الندى : بلاتي بعدا قبل منمشي .. حيت عارفة راسي مغنرجعش وغتشفاو فيا يا المحسداااات ... نتي يا الحلة اللي كيحساب ليك بدوك الكحول عادي تقادي الشوفة .. نهار ومطال ونتي حاضياني الله يعطيك العما .. ونتي يا عود الند .. جاااالسة تعاندي معايا واش نتي هي يااانا ركابي البغل هااا؟ (شافت فوحدة اخرى ) حنزي فيا يا ماما غولة ... واخا تموووتي متزوجيش بيه .. شوفي راسك فالمراية واش من نيتك باغا تزوجي بسييييييييييد الملك !!!! وااانوضي تبووووولي براااكة ما تحلمي (شافت فالزعرة ) نتي بعدا لوكان كنت فبلاصتك نمشي نهرب .. حيت دخلت لبيت السلطان ورجعني كنزطم فشراوطي .. لوكان فيك النفس نوضي نقصي من هاد القصر راك غير زادية فيه يا معيوية ... شوفو فياااا اللع يعطيكم العمالل كماملين

نجمة : زيدي قدامي . . . الهضرة ماشي دابا الهضرة من بعد فاش تجي . طوال ليك اللسان وليتي تحسبي راسك همة وشالن 

نتران يديها مخرجة عينيها : ااايييييه مابقيييتش نسكت ليك يا الفحمة ... شعرك كرد ورجليك كوحل كي البرمة تقولي هادي عاام ماشافو الماء ... (بدات تهرهنن) اهههنننهنن .. اناا بغيت ليكم قطاع الريوس يقطعكن كاااملين هننهنننن ... سير الله يقطع ليكم الجدر نتوما ودوك الأمراء ... حسابكم خااايفة منكم .. اتفووووو عليكم كاااملين .. هاد القصر باللي فيييه .. اتفوووو 

كلشي وقف مصدوم فيها ولزعامتها وفين وصلاتها .. اييييه ساطت فكلشي حيت عارفة راسها مراجعاش مراجعاش اللهم تبع فاللي وافين ليها فالحلق بحال الحريقة . جراتها نجمة من يديها ماكرهاتش تنزل عليها بشي دقة طمسها . ولاكن مالقات ليها جهد .. غاديا لسيد الملك دابا .. حتى ترجع واراك للفراجة ، اما روح الندى غادية وتسب وتجدر ليهم كاملين 

روح الندى : اااهىء اهىء غاديييين تغسلونس يا الكفرة بالله .. حكرتوووني ... الله يجعل ربي يشعل فيكم العافية من كبيركم لصغيركم 

نجمة: واش غاااتسكتي ولا مهرس ليك داك الدلقووووش .. دابا يسمعك شي حد يقطع ليك رااااسك ... وخصو نيييت يقطع ليك راسك . 

روح الندى: فرحاانييين هااا فرحاااني حيت غتهناو مني ... غادي تفكو مني ... ياااربي كما وقع ليا بغيتو يوقع ليهم اهنننهنننن .. تفووو على باباكم كاملين 

خرجات ليهم الاميرة لاللة شامة بنت عمو .. طويلة ورقيقة ومزينة بالحلي وحوايجها كيبريو وموراها جوج وصيفات مرافقينها ... الزين زويينة .. الشعر كحل ولاكن باينة فعينيها مسيميمة .. هزات راسها كتشوف فيها .. نجمة حنات الراس وروح الندى بقات حاالة عينيها فيها مبلقة .. ومزال كتجمع فيهم وتسب وزادت كملاتها خرجات عينيها فلاللة شامة وبدات عليها 

روح الندى : رتااااحو دااابا .. اهننهنمن .. زعماااا دايرة ليها فيها امييييرة .. ونتي جرتيلة تابعينك جرتيلات ...(صلاي)

نزلات عليها الاميرة للحنك بالطرشة سكتاتها .. شافت فيها روح الندى ومكانتش من العاكزين وردات ليها الطرشة فالبلاصة 

روح الندى : غير نتي زعما اللي يديك طواال .

نجمة تمنات لوكان تشق الارض وتبلعها .. اما لالة شامة زيرات على سنانها وبزز باش قدرات تنطق بالفقصة اللي قاجاها 

لاللة شامة : دااابا بتسلخ جلدها على لحمها ... وتعلق من رجليها فالجردة باش تبقا عبرة اللي زعمات تهز عينيها .

حيدوها عليا من هنا .. وقدام عيني سلخوها 

شافت فيها نجمة كترعد وقالت : منم م ولاي طالبها دااابا . وهوا فجناحو يتسنا فيها 

خرجات لاللة نجمة عينيها وقال : ديري اللي قلت ليك ... وحيدي عليا هاد الوسخة من هنا ولا نتي اللي غتعلقي فبلاصتها .

نجمة: سمحي لاللة .. مانقدرش نخالف كلام سيد الملك ... قال جيبوها نجيبوها 

دارت روح الندى يدها على جنبها وحنكها حمر كيزدح 

روح الندى : ايوا سيييري عند سييدك قولي ليه بغيت نسلخها ... ولا كتعرفي تحلي فمك غير عليا !!

غمضات لاللة شامة عينيها عاضة بضراسها فالصبر .. مجاوبتاهاش ودارت غادية زربانة كتحر فجلايلها والوصيفات موراها تابعينها لجناح لملك 

نجمة : وجدي راااسك كفن ... ليوم ينحرك نحير الجمل غير وجدي راسك 

جراتها بالجهد داتها تغسل

وصلات الاميرة شامة لباب جناح سيد الملك ... لقات جوج واقفين فالباب وعبد مسؤوال على الجناح واقف وسطهم حنى ليها راسو

لاللة شامة: بغيت نشوف سيدي 

العبد: مكاينش نعام الاللة . 

مجبدة روح الندى على كرشها .. وهما يكمدو ليها ويحكو وهي تهرنن وتسب .. ماعرفو اش يديرو معاها ... موصيبة هادي! يخافو يسلخوها عصى ويسيفطوها لسيد الملك زرقا ويجنيو على راسهم .. ولا يسكتو يسمعو ليها اش كتقول ويزيدو يعضو فالصبر كتر وكتر . 

خرجوها من الحمام كيدفعو فيها وهي دور دور وتغسلهم بالمعيور . داوها للبيت المعلوم اللي مولفين يزينز فيه عرايسات سيد الملك .. لبسوها سروال مفضف ثاني محموع من لتحت وفيه فتحات فالجنب طوال حتى للفخاد .. وجيلي مزير من لفوق منبت وواسع الصدر .. ضفرو ليها شعرها ضفرة السبولة من لفوق حتى للتحت مع خيوط الصوف فالحمر .. لبسات بلعة سوسية حمراء مطروزة وتعطرات وكحلات ووقفات قدام المراية كدمع 

روح الندى : فرحااانين دابا ! فرحو فرحو .. انا بغيت ليكم الطاعون يطعنكم كاملين ... بغيت ليكم هجمة الجراد يغبر لباباكم الشقف . . . حيدو نمشي لدار لضوء مانموتش وانا مزيرة. 

نجمة: وحدة اخرى فمكانك كوراه غطيح لينا بالفرحة .. شكون بحالك سيدي كل شوية يعيط ليك حتى تفرعتي وطوالو يديك ورجليك .. انا لسانك خلاص طويل خلوق ماعليه كلام .

خرجات دايرة السبة بالبولة ودازت وسط البنات كتب فيهم وتلعن . مشات نيشان للكشينة .. ومع الدخلة تلاحت على طامو كتعنق فيها وتبوس

روح الندى : بسلامة اطامو .. بسلااامة انا غنمشي ومنعاودش نرجع ..فين عبدية؟ نتوادع معاها .. وسمحو ليا الى شي نهار ساببت لكم فشي موصيبة .

طامو : الله يا الحبيبة وفين غتمشي؟ ياكما صافي تزوجتي بسيد الملك وغاترحلي ؟

روح الندى : غنرحل من هاد الدنيا اهىء اهىء ... بسلامة عبدية الحبيبة العزيزة عليا 

عبدية: تهلاي فسيد الملك ... سعداتك داكشي اللي بغيتيه لقيتيه 

روح الندى: لقييييتو .. لقيت قتالي اهىء .

عنقاتهم ودخلات للكشينة الثانية كتنوح من الباب

روح الندى: زعبوولتي .. زعيبيلة ديالي اهىء اهىء .. بسلااامة عليك 

تلفت زعبول تعرض لتعنيقتها وقال: جراو عليك؟ 

روح: الندى لهلااا يحيي الزمااان.. انا غاديا بالشان والمرشااان ... غاديا يتقطع راسي على يد سيد الملك .. غتوحش شباكية ديالك ازعبوولتي اااعىء اهىء

زعبول: نعطيك شوية ديه معاك؟

روح الندى : لااالا غادي غير تعلك ليا فالكفن ... هانتا ازعبووولتي ازين ... ماتنساش تفرق التمر والحلوى .. والشباكية والحريرة .. ودير الطواجن والطنجية فاش نموت ... وفكل طبسيل حط شوية من داك العشوب اللي زرعت فالحبق 

زعبول: كووني هااانيا .. 

روح الندى: ولاكن حتى نموت عاد طيب ليهم بداك العشوب ... عنداك. تنسا ، غير طبسيل طامو وعبدية وطبسيلك اللي مديرش فيهم العشوب ... انا شي لاخر غييير كتر ليهم .. كتر ليييهم مزياااان باش ميتعطلوش ... وماتنساش الخياااط ... الخيااط دير ليه عرش بوراقو باش يطيح عليه السر ... غير طيب داكشي اللي قلت ليك كلشي غيعجبو طيابك .

عنقاتهم وخرجات كتهرنن ودور عندهم حتى خرجات فنجمة كتقلب عليها وهي تجرها من يديها 

نجمة : زيييدي.. اوييلي وحدي واش سلط عليا بيتي تخرجي ليا هاد شويكيك دالعقل ... زيدي مولاي سيفط العابد وكيستسنى فيك على برى 

جراتها كتجري بيها هي وفطامة الوصيفة الثانية والعبد اللي تكلم ليهم .. خرجو من باب القصر الكبير اللي كيخرج لبرى وهي تلقى سيد الملك لابس الكحل ومحمل بالسيف على جنبو وراكب عودو الكحل الاصيل . ملابس عباية تجر موراه ولا تاج يبري فوق راسو .. لباس الحرب نقي وخفيف اللي لابس . ما محمل بدرع ولا بحديد .. خفيف ضريف . لقات حداه عودة بيضاء كتهبل عليها سرج حمر مطروز كيبهر ... تلفت عندها سيد الملك وشار بعينيه ليها تركب . تقدمات كتفتف حطات راجلها فالسرج وطلعات فوق العود .. ضرب برجليه ومشا كيجري.. وضربات برجليها وتبعاتو من اللور كتجري ... غير هي وياه الراس فالراس خرج من باب الصور و خلاو الوصيفات والعبيد حاللين فامهم ماعرفو باش تبلاو .

يتبع غدا ان شاء الله 
غدا نحاول نحط اكثر ان شاء الله باش نجيبوها مع العيد نيشان

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.