جرا بيهم الخيل للطبيعة والهوا النقي .. كيزطم وسط الربيع والورد الماء اللي كيسقي .. وصلو لارض وطية ارضها خضراء كاملة وورودها مفتحة ... وشد العود بلجامو ونزل وشدات العود بلجامو حتى هي ونزلات .. شافت فالارض اللي ماليها حدود . ارض كاملة خضر مكتبان فيها حتى شجرة .. رخات عينيها وكتشوف البلاصة اللي غتموت فيها ... عارفة باللي اليوم يتقطع راسها مافيها شك .. تلفتات عندو كترعد و الدموع دايزين فعينها وبلسانها كتردد
روح الندى : مم. م مولاي .. ك كككن غير قتلتيني وانا ناعسة ديك راه ادبالسيف على عنقي دايرز با انا حاسة ... قبل لا يتحط عليا كنحسو فلحمي مغروس فيا
لاحها ليها السيف معاودش معاها الهضرة ... كلمة اللي عطاها وهي اللي جنلت على راسها .. اش داها تسنطح معاه ودفع الجبهة وهي ماقادة على قتيلة ولا تقرقيب السيوفة . هزاتو كتفتف وتبلع فريقها ... واخا علمها بزز منها وزير مع معاها الشغل بالمزيان ودخل ليها تعلامها وسط مخها .. اما هي مكانتش كاع قادرة على شي تعلام كن ما بردها بريد الجنوي عند الحجرة . شافت فيه عينيه المعقول .. وكتسنى منو ينطق بشي كلمة وشنو اللي غادي يقول ... ساعا هضر بيدو وهجم عليها وخا ماعطاش جهدو حيت عارفها مفضية وشهر مكافيها ... اش جابو هوا اللي كبر مع السيف من صغرو ليها هي اللي يالاه شهر باش شداتو .. ولاكن الحق يتقال .. مايتساهلاش .. تعلمات واخا لقوالب السيف موال مافهمات .. عطاها شوية من سرارو ودارت بيهم قدامو وجراتو .. عطات كل ما فجهدها . كتقاتل وتنقز وطيح وتنوض .. وشحال من مرة خوات لليسيف اللي حتى كيقرب يقطع مفاصلها وكتفلت منو . دارت حقها وهجمات ... وقدام سيد المالك ماحطات السلاح ماسلمات ... جمعات كل مابقى ليها من قوة وزعمات .... وعليه نقزات بسيفها طيحاتو فالارض وهجمات .. بدات تنهج وهي فوقو والسيف على عنقو حطات ... خرج فيها عينيه وبسبب هيبتو وشوفتو فيها فشلات .. ماقداتش دوز عليه واخا كان يتسنى فيها ... جاتها البكية وهي كتشوف فيه.. الوجيبة بين يديها الى بغات تبقى حية . زعف وهوا طايح على ضهرو وقال
سيد الملك: اش كتسنااااي ..يلاه دوزي
قفزها بزعافو وهي ترخي للسيف وناضت هربات .. كيديها كيرجفو وعلى ركابيها طاحت جلسات .. بدات تبكي وترجف بحال الى قتلات روح .. ناض وقف حداها هاز راسو وقال
سيد الملك : اش وقع؟
هزات فيه عينيها بزز نطقات
روح الندى: سمح ليا مولاي اهىء اهىء سمح ليا والله ماكنت باغا نطيحك ولا نقتلك ... سمح ليا
عقد حجبانو وقال: الوجيبة جات حتى لبين يديك ... كنتي تقتلني وترتاحي من هاد الخوف اللي فيك .
روح الندى : منقدرش منقدرش اهىء اهىء اهىء ماعرفتش مالي
هز سيفو وحطو على راسها وهي مهبطها
سيد الملك: على هاد الحساب انا اللي غنقطع راسك
سكتات كتبكي مقدراتش تهز الراس .. حاطة يدها على وجها وكترعد وتسنى فيه يهبط عليها .. متحركات مانطقات وهوا هز يدو حتى للسماء ونزل بيها .. وقبل مايقيس لحمها وقف السيف ورجع باللور كيشوف فيها
سيد الملك : قدرتي تعطيني راسك نقطعو ... وماقدرتيش تقطعي راسي ! علاش ؟
هزات عينيها فيه وقالت : منقدرش امولاي... شكون انا حتى نقتل سيد الملك .. وحتى الى قتلتو .. غطلع روحي واخا مزال واقفة على رجلي ... غنعشي ميتة حياتي كلها ... اللهم يتقطع راسي ونموت فخطرة ولا نعيش طول حياتي معدبة
تبسم وقال : نوضي ... كتاب ليك عمر جديد
هزات راسها فيه وبالفرحة ناضت وقفات
روح الندى: بصح! غنعيييش !!!! منموووتش !!
ضحكات وبلا متحس تلاحت عليه عنقاتو ... شهر وهي حاسبة راسها من الموتى .. وليوم فرحتها متوزن بأوزان .. حسات راسها يلا تولادت من جديد ومشات العقدة اللي كانت منكدة ليها حياتها
###
مكنشوفش راسي زربت على الاحداث او كنجري باش نلحق شي حدث معين ... لقاء الملك مع روح الندى واضح وباين وداز من بزاف ديال المواقف وهما مزال اصلا متعارفو او بيناتهم شي علاقة معيينة ؟! هوا مزال فشخصية الملك معاطيهاش كتر من وقتها وكيتعامل معها بحال اي جارية .. ويقدر يتغزل فجارية اخرى على حسب الكانة ... والفرق الوحيد هوا انها صادفاتو فيوم من الايام ولقاتو راشقة ليه بغا يبارزها ويدوز وقت ويمكن كانت تكون وحدة اخرى بلاصتها ويبارزها وينسى الموضوع .. لاكن شخصية روح الندى خلاتو يتربط بيها بطريقة معينة عن طريقة الوعد اللي وعدها انه يعلمها ويقطع راسها فآخر المطاف . كان هاد الوعد فلحضة مزح باكن لقا راسو مقييد بهاد الوعد ومجبر انه يعلمها . وكما داز التدريب الاول والتاني والتالت بيناتهم فهاكا كملات ادريبها كساءر الايام وباقي الوضع هوا نفسه . ميمكنش نبقا نكتب على كل ليلة تبارزو فيها وفالاخير غيبقاو الوضع كما هوا عليه لمدة شهر ! وكنت تبعت هلظ الطريقة كنتو تملو ونمل حتا انا .. نفس الاحداث كتكرر. السيوف المبارزة كل ليلة ونفس الشيء وحتى جديد مكاينش . لحد الساعة مزال الملك ملك ومزال روح الندى الفتاة المجنونة المولوعة بحب الملك وتجاهد على قبلو . 12 جزء لحد الساعة ومزال متعارفو او تقاربو .. كنضن 12 جزء كاافي باش نختاصر الاحداث ونزيد لقدام منبقاش كنعاود فنفس الاسطوانة .
هادا تفسير فقط للي شافو انني زربت مع العلم ان حتى حاجة مزال ماوضحات بين الطرفين (الابطال) ومزال متحط فالطاجين ميتحرق وغاديين دقة دقة .
###
🏻♀: حسات براسها معنقاه وترجع باللور كتفتف وترعد .. اما هوا بقا واقف بحال الجبل مكيتحركش وكيخزر فيها بعينيه
روح الندى : سسس.سسمح ليا .. اا ا
.امولاي .. سسمح ليا راه غير الفرحة ... حسيت بفرحة المعدوم وهوا راجل من حبل المشنقة .. حسيت براسي تولدت .. حسيت براسي كتاب لي عمر جديد .. سمح ليا
هبطات راسها كتمسكن وهوا واقف معبس بحال كيقول ليها .. لزمي حدودك يا بنت الناس .. قبل مانرجع فكلامي ونطير ليك الراس .
مشا ركب على العود وزاد .. ومشات موراه ركبات بالزربة فوق الخيل البيضة وتبعاتو .. عطات الخيل رجليها للريح ... وسبقات روح الندى محمد اصيل لقدام .. خلاتو موراها كيشوف فيها مبسم وكل شوية دور عندو فرحانة كضحك .. كانت ضحكتها بحال الوريدة وعويناتها كيتسدو بحال شي بنية صغيرة ... سهى فيها محمد أصيل ومشا عقلو بعيد ... ضحكتها سحراتو .. ورجعاتو بالزمان اللور .
كان مزال امير صغير ... وكان باه اللي جالس على كرسي العرش ... كانت العاءلة الملكية كاملين فوق طبلة وحدة طويلة و قدامو بينيتة صفير بدفرة طويلة شعرها كحل .. نزلوها من فوق الكرسي بشوية شادين ليها فيديها مطلعينها لبيتها . وهي من الدروج كدور عندو وتشير ليه بيديها .. تبسم ليها وزاد كبرات تبسيمتو فاش باست يدها وشارت ليها بيها .
تبسم محمد اصيل وهوا يتذكر غرم الصغر الصغر ... الغرام اللي بسبابو حرم الزواج على الشعب وعلى ناس القصر ، واحد الشوية غبرات تبسيمتو وحل عينيه على كبرهم وخوا كيشوف روح الندى مايلة فوق العود وبغوتة وحدة تلاحت وجات فوق الارض غتغوت شادة فرجليها ... وقف العود ونزل بالزربة عندها
سيد الملك : وقعات ليك شي حاجة ؟ واش مقصحة؟!
واجباتو وهي مشتتة .. رجل كتحركها ورجل ميتة ... كتبكي وتشهق والدموع فوق خدودها كتسابق ... وبصوتها الرنان اللي سمعها كتغرد بيه .. دابا كتبكي من قلبها وتشكي عليه
شد رجلها بين يديه بغا يشوف مالها وهي تغوت مغمضة عينيها لربي للي خلقها ... طلق منها وقال
سيد الملك: رجلك تهرسات ... وغتصبري شوية حتى نرجعو للقصر
روح الندى: ااااه يا ربي .. ماقدراش نتحرك اهىء اهىء .. اااه ياربي اهىء اهىء
♀: سيد الملك : ماعندك ماديري .. غتصبري بزز منك ... ماحد الدم سخون فيك نوضي قبل مايبرد ويعطيك الصدع كتر .
وقف وشد ليها فيديها وقفات على رجل وحدة .. ماقدراتش تزيد وهوا يدوز يدو على نصها هزها هزة وحدة نسات فيها الكرض والهرس وكن طارت ليها الرجل ماتحس بيها
طلعاه معاه فوق العود وجلسها بالجنب قدامو كتغوت لاسقة فيه .. مشا العود بشوية تابعاه الخيل البيضة من اللور حتى لباب لقصر ... روح الندى عجباتها الجلسة فحضن سيد الملك وتكات عليه ... واخا عرقات وصفار وجهها الرجل عاطياها الصدع فشلات ليها يديها .
وصلو لباب القصر ونفر النفار وتحلو البيبان .. تسطرو العبيد فالجناب واللي واقف حنى الراس واللي جالس ناض وقف واللي كيجري تبت وتكمش والملك داخل على عودو هاز راسو وبين يديه روح الندى كتشوف فيهم من الفوق .. وجها صفر وعينيها داخلين ومزال كتزيد تعلي فراسها وتكمش فسيد الملك
من سرجم عالي فالقصر كتبان منو الدخلة من بعيد كانت واقفة لاللة شامة .. كلشي داز على عينيها وهي غبلاصتها غطرطق وتبخ الدم ... كفاش سيد الملك اللي عمرو شاف فشي وحدة داخل هاز معاه المتعوسة اللي طرشاتها! عمرها كانت ولا بغات حتى توقع قدامو مرى ويضحك ليها .. بقا غيير يدخل من الباب مركبها ! مايمكنش! واش بصح ولا كتحلم ؟
شافتو مدها للعبيد شدوها ونزلوها .. ركبوها فعربة ودخلوها مور سيد الملك اللي غادي على عودو كيتمختر .
دخل للقصر من بابا. ودخلو روح الندا من باب .. ومع الدخلة هازنيها كتغوت بان ليها الغاشي شي كيجري شي كيمشي ... ماعرفات اش واقع ! كلشي غادي زربان ، وصلوها لجناح النسى وتما تعرضو ليها الوصيفات بالفقصة
عبدية : مانعرف ... المهم الليي شافك راه قالها للي مشافكش... ووصلات الهضرة للفوق كاع وسمعت لاللي لاللة ياقوت ام سيد الملك .. وقالو ليها راه كيسهر الليل مع وحدة من الجواري واليوم دخل هازها فوق عودو ... وقالت ليهم جيبو ليا هادي نشوفها .. ناري غيديوك عندها تفليك
عروس الملك السابعة الجزء 13
محتوى القصة
التنقل بين الأجزاء