كلاوها جنابها ومن الجلاس ملات ... تنهدات كتشوف كيفاش الدير وعلى يديها تمايلات .. بغات تنوض وتكابر ولاكن تزطم على رجلها ماقدات... كابرات وتابرات وناضت وقفات بزز منها واخا ماقدات ... شدات بيديها فجناب الحيط وعليهم تكات... يالاه بغات تنقز على رجلها الصحية وهي دخل لوصيفة وعليها وقفات !
نجمة : اش تااااادييييري يا المتعوووسااااا!!! بغيتي يطير ليك الراسة وماقنعتيش بهاد الرجل اللي عندك مهرساااا!!!هااا!
بدات تبوحط عليها روح الندى وتمسكن بحال العادة
روح الندى: وراه طاابو جناااابي يا لاللة نجمة ... مزيييناتها سمية عندك .. غير كنشوفك كرتاح قلبي بيك سبحااان الله
نجمة : عنداااك يحساااابك نسييييت ليك مادرتي فيا ... المعيور والسبان ولسانك السليط اللي طلقتي عليا ... غير ترجع من عند لاللة ام سيدي وندير فيك شرع يديا ... ولا عاليك ضسرتي وبقات قضات فيك تربية.
روح الندى : وعلاش غاتديوني عندها ليوم قبل غدا ؟!!!
نجمة : زيدي سكتي وبراكة من الهضرة ... وكي عليا وعلى فاتيما وويدي نقي هاد الحالة راكي غادية عند لااااللة ياقوت ... والى غلطتي معاها ولا سلطتي عليها تعبان لسانك .. راه طير راسك قبل متهزيه قدامها. ... فاااااتييييما... ا فاااتيييماااا... واش بيتي ندير ليك بوووق نبرح بيه فين ما ببيت نعيط عليييك ... اجي شدي معايا الموصيبة نديوها راه راه لااة ام سيدي كتسنى فيها فجناحها .
دارو بيها وحدة من هنا وحدة من هنا شادينها ولبيت الماء دايينها .. غادية فدرب القصر العالي وحيوطو المنقوشة وعبيدو الوقفين كل واحد فين .
روح الندى : و و ووو نجيمتي الغزااالة ..
♀: زعبول واش باقي فالكشينة ؟
نجمة : زعبووول راااه فالمطمورة ... من الصباح ما طاحت مطحونة فكرشو ... يهز كفوفو للسما ويدعي فيك ولا جوعو مسكين مايصبر .. اش يدير وبسبابك تلاح فدام القبر .
♀: سكتات روح الندى مابقا ليها فين تزيد ... دخلوها لبيت الماء فين مولفين يغسلو ليها ... كبير داير كامل بزليج بلدي ووسطو وصلة علية طويلة وعريضة عليها جبدو روح الندى عريانة ووقفو كيفركو ليها ... وحدة تعمر الماء من النافورة البلدية ووحدة دهن فالشعر الحنة والعشوب والزيت البلدية .
غسلو لاااااللة روح الندى. . . وبالعود شللو ليها وعطروها شعرها وخرجوها شادين فيها كتمشي على رجل وحدة
فبيت سيد الملك الكبير... سقفو العالي المثلت المنقوش . وحيطو المزينة بالشموع والعود الاصيل .. زاربيه التقليدة الوانها كتبري ونقية ... سريو الكبير فراشو احمر ملكي من لحرير .
كان سيد الملك واقف يالاه بدل غسل و حوايجو .. شعرو باقي كيبري بالماء .. لابس سروال حرير كحل طويل وقميص خضر من الفوق قصير ... هاز قرعة دالزهر كيدهن بيها يديه .. وحدى مرايتو الطويلة المنقوشة واقف كيشوف فشامة اللي واقفة موراه حانية االراس كتشكي ليه
شامة : قلتي امولاي النسى ديالك نتا تحكم عليهم ... جيتك شاكية من وحدة فيهم ... هزات يدها على وضرباتني على خدي قدام الوصيفات .. غسلاتني من راسي لرجليا بالمعيور .
تلفت عاقد حجبانو وقال : شكون هي فيهم!!!
لبسات لاللة روح الندى قفطان ابيض رطب من الحرير ... صدر واسع وفتحاتو طاول فالجناب حتى للركبة ، دارو ليها شربيل الصم فرجليها و خيط الريح وسط الفرقة دشعرها .. دفروه ليها كامل وكحلو ليها عويناتها . بغات توقف تشوف راسها ام المراية وماقداتش رجلها مجبرة فين ما تبغي توقف كتعطيها الحريق .
روح الندى : وا قولي ليا واش لاللة ياقوت مرى ضريفة ولا شرانية ؟
نجمة : لاللة يقوت من اطيب خلق الله .. ولدها سيدي محمد اصيل شبه عندها ... الزين مايتسالوش تبارك الله ... كان عندو خوه كبير هوا اللي كان غيخلف ..ساعة مات مسكين فواحد الحرب هادي شحاااال .. خلف بلاصتو خوه الصغير هوا سيدي محمد اصيل المرتضي بالله ومن تما ماشفنا سيد الملك كيضحك ليومنا هادا .. ديك الحرب عمر شي حد ينساها ... مشاو فيها الاحباب .. وحزنو فيها الاصحاب .. مشا الغالي ولد الغالي سيدي يوسف المعتز بالله ... خلا علينا القصر مضلم سنين هادي . . . مشا شهيد وكان من المحاربين الكبااار . كن حكم هوا كان غيرخيها على الناس ... ولاكن نتمناو الخير فسيدي محمد أصيل ... واخا حكامو صعيييييب علينا وعلى كلشي ... وفديييك الوقت كانو الناس يطلبو الله ميحكمش هوا ... حيت كان طبعو قبييح ... مايبغي يسمع لحد ... ما يرضى يملي عليه شي ري حد ... ميجمع مع حد مايصاحب حد ... حتى واحد معارف كفاش يوصل ليه ولا يتعامل معاه .. طبعو صعييب ماقدرنا نفهمو فيه حتى حاجة
روح الندى: ولاكن انا كايجيني طبعو زوين ... وضريف
نجمة: نتي فتيييي حدووودك معاه بلا قياااس ... فقيهك صحيح ... رحع يهزك معاه فوق العود كاااع ... ويخرج بيه للطبيعة شكون بحالك . . . ولاكن على هاد الزبايل اللي درتي .. موحاااال ابنت الناس واش مزال يعقل عليك . زيدي نوضي... فاتيما .. هزيها معايا
بقات تمنضر فجناح الامراء حتى لقات راسها قدامها باب كبير قدام عبيد واقفين عاسين . دقو فالباب عاد حلوه ليهم .. دفعوه ودخلو روح الندى شادين فيها كتخلف على رجل وحدة .
كان البيت كبير و واسع كامل سراجم .. مفرش بالزرابي ومزين بخوامي .. فيه سرير كبير معزول فجهة .. وجلسة بلدية بتكايتها وطبلتها فجهة . جلسة وسطها مرة ما كبيرة ما صغيرة ... شعرها كحل حرير جامعاه اللور ودايرة ليه فرقة . على راسها تاج كبير من الذهب كيبري .. وعينيها معسلين غلون الشهد .. وجها ما فيه حتى تكميشة . . . رقيقة ورزينة .. اااية فالجمال وزادها التبات فالزين .. لابسة تكشيطة خضراء بلدية بالسفيفة واسعة وحاطة يديها وحدة فوق وحدة هازة راسها .
وقفو الوصيفات وروح الندى قدامها وحتاو الراس ب 3 حتى تكلمات وقالت
لاللة : ياقوت ) زيدي ... جلسي
زيديو روح الندى وجلسوها على مخدة .. مشتو لوصيفات وسدو البيبان موراهم وبقات روح الندى حادرة راسها والبراءة على وجهها .. اللي شافها يحلف عليها متنوض الدجاجة من بلاصتها ..العوينات كيرمشو وشوفتها جذابة ساحرة هي مهبطة راسها حشمانة ولاللة ياقوت كتشوف فيها وتوزنها
لاللة ياقوت: سميتك؟
قالت روح الندى بواح الصويت خافت كيدخل للخاطر : روح الندى
لاللة ياقوت : على مابان ليا ولدي سيد الملك كيرتاح ليك بزااف ! شنو اللي خلاه يرتاح ليك نتي من دون لخرينات ؟
قالت حشمانة : يمكن ... يمكن حيت كنرتاح ليه حتى انا يا لاللة .
لاللة ياقوت : اممم... وشنو قصة السيف اللي كل ليلة يعلمك ليه ؟
روح الندى: غير مزاح الاللة من سيدي الملك ... فواحد الليلة كانت راشقة ليه وبغا يبارزني ... وقال الى غلبتو نطلب اللي بغيتي
لاللة ياقوت : وشنو طلبتي؟
روح الندى: طلبت يبقا عايش لينا ... طلبت نموت فبلاصتو ويبقا هوا سليم الله يحفضو لينا . .
نفديه بروح وكاتغلاش عليه
لاللة ياقوت مزيان ! ومنين جيتي؟ نسبك واصلك.؟
انا من الشعب الاللة ... با تاجر كيبع التواب و ...
توووووطوطوطوووووووط......
تسمع صوت النفار فالباب .. لحن سيد الملك فاش كيبغي يديخل لشي بلاصة والا يدون من حداها .. تحلو البيبان ودخل على لاللة ياقون وروح الندى .. وقفا لاللة ياقوت ... وبغات توقف حتى روح الندى ساعة ماقدراتش وبقات جالسة
عروس الملك السابعة الجزء 14
محتوى القصة
التنقل بين الأجزاء