عشق و كبرياء الجزء الثامن

من تأليف رجاء موري وكايا
2018

محتوى القصة

رواية عشق وكبرياء بالدارجة

إسراء : آدم ... آش واقع ؟ مال .. 
مازال مكملاتش هدرتها ..
... : هي هادي الغضارة
شي واحد لاح عليها بيضة .. جاتها فكتفها .. إسراء مفهمات والو .. من صدمة بقات غير مخرجة عينيها و واقفة متحركاتش .. 
آدم : إسراء. . حبيبة جاوبيني . شنو واقع ؟ مالك سكتي ؟ 
إسراء : هئ هئ آدم .. مال هاد الناس هنايا ... علاش ..
عاودو زفو عليها و هاد المرة جاتها فوجهها .. 
إسراء : ااااهع 😭.. 
آدم : إسرااااء .. دخلي لدار دااابا .. 
.... : خطافة الرجال ... نتي متستاهليش تعيشي.... 
.... : اش دارت هند حتا غضرتيها .. تاقت فيك و طيرتي ليها راجل 
..... : لفعات بحالك الموت قليلة فيهم ..
طاحت إسراء فالأرض و لاحت الفون من يدها .. هدرتهم دمراتها .. و فهمات شنو واقع .. فهمات بلي كلشي عرف بعلاقتها بآدم و لكن كيفاش و علاش كيلوموها مفهماتش .. بقات كتبكي بصوت عالي و كتحاول تخبي وجهها من داكشي لي كيتلاح عليها ..شوية وقفات طوموبيل بسرعة حتا تلفت كلشي ... نزلات رجاء كتجري .. دفعات بنادم و مشات عند إسراء 
رجاء : اسراء ... وقفي ندخلو .. إسراء (بقات كتحاول تخبيها على الناس و وقفاتها و دخلاتها بزربة و سدات الباب ) 
عاود طاحت إسراء فالأرض كتبكي و نزلات عندها رجاء 
رجاء : إسراء 😢
إسراء : قاليا غيحميني .. هئ هئ .. قاليا منخاف من والو .. 
رجاء : صافي أحبيبة .. باركة من البكى .. دابا نلقاو حل لهادشي .. 
إسراء : (هزات فيها عينيها عامرين دموع و غوتات) واش كضحكي عليا ؟ آشمن حل و البلاد كاملة كتكرهني 😭😭😭 منقدرش نخرج أرجاء .. فين غنوري وجهي 😭😭
تلاحت عليها رجاء عنقتها ... و بقات كتربت عليها و هي كتبكي و كتشهق .. حتا خرج جهاد كيجري ... 
جهاد : إسرااااااء ... آش واق.. (شافها فهاديك الحالة و شاف فرجاء لي هزات فيه عينيها بحزن) .. 
رجاء : إسراء حبيبة آجي ندخلو .. إسراء ...حركاتها لقاتها سخفانة .. جهااااد ... اسراء مالها .. بقات كتحرك فيها و والو مبغاتش تفيق .. 
هزها جهاد بزربة و دخلها لدار .. شافتهم سعيدة 
جهاد : عيطي لطبيب يجي دابا .. طلقييي راسك 
سعيدة : .. بنتي 😱 إسراء ماالها ؟ 😭 
جهاد : ماما تهدني .. معندها والو .. 
سعيدة : كيفاش معندها والو و بنتي سخفانة .. (شافت فرجاء لقاتها كتبكي و كتنخصص) رجاء .. قولي ليا شنو واقع لبنتي .. هدري .. 
جبدات رجاء الفون .. جبدات ليها الخبر و عطاتو ليها .. 
قرات سعيدة داكشي و بالصدمة جلسات .. 
رجاء : إسراء ماعندها حتا ذنب فهادشي 😭 
جهاد : رجاء الهضرة ماشي دابا .. 
رجاء : 😢
خرج كيجري يجيب طبيب و بقاو كيتسناو .. شوية و دخلو كيجريو .. جا طبيب فحصها .. دك ليها برا .. وخرج عندهم 
سعيدة : عافاك طمني على بنتي .. 
طبيب : المريضة جاها انهيار عصبي .. عطيتها مهدئ و را ناعسة دابا و لكن الى عاود جاتها نفس الحالة غيخصها تمشي لكلينيك .. من الأفضل تبعد على أي حاجة تعصبها هاد الفترة .. 
سعيدة : الله على بنتي .. فين كان مخبي ليك هادشي 
رجاء : 😭😭
خرج جهاد مع طبيب لي كتب ليها شي دوا و مشا .. و طلع جهاد كيجري عندهم .. شد رجاء من يدها 
جهاد : دابا غتقولي لينا شنو واقع .. و شنو علاقة إسراء بآدم الإدريسي 
رجاء : 😢 .. واخا 
مشاو لصالون و جلسو 
جهاد : يالاه نطقي خلاص 
رجاء : آدم و هند كانو مخطوبين .. 
جهاد : اييه هادشي عارفينو .. آش جاب هادشي لإسراء 
سعيدة : خليها تهضر .. 
رجاء : ولكن علاقتهم كانت غير تمثيلية .. على قبل الشهرة .. إسراء تلاقات بآدم فالخدمة عن طريق هند .. فالأول ماكانتش كتحملو .. و لكن مع الوقت تقربو من بعض و بغاو بعضياتهم و كأي كوبل .. احمم ..
جهاد : (تفكر تصاور لي منشورين فالخبر ) زيدي .. 
رجاء : دابا ناس عند بالهم إسراء غضرات هند و آدم خانها مع إسراء. .. هادشي ماكاينش 😢 أصلا هاديك العلاقة كانت كذوب .. 
سعيدة : الله على بنتي حبيبتي .. نهار حن قلبها تكرفسات 😭 مشات طلعات عند إسراء و بقات رجاء مع جهاد بوحدهم
رجاء : جهاد 😭 هئ .. عافاك فهمني .. إسراء معندها حتا ذنب فهادشي .. ذنبها الوحيد هو بغاتو 
ناض جهاد عندها و جرها عندو عنقها 
جهاد : آجي ... صافي أحبيبة كلشي ان شاء الله غيتحل ..
رجاء : (زيرات عليه و كتبكي ) معمرني شفت اسراء فهاديك الحالة .. أنا خايفة عليها أجهاد 
جهاد : ششش صافي .. إسراء بنت قوية و غتغلب على هاد المحنة .. متخافيش عليها .. (بعدها عليه و شاف فيه ) أنا غنخرج دابا .. خليك حداها اوكي ؟ 
رجاء : (حركات راسها ب اه ) 😢
خرج جهاد و دوز آبيل لآدم لي جاوب دغيا 
جهاد : فينك دابا ؟ 
آدم : إسراء ؟ فين إسراء؟ 
جهاد : قلت لك فينك نجي عندك 
آدم : آجي لشركة .. قولي إسراء لابا.. قطع عليه جهاد و مشا ركب فاللوطو و شد طريق لسويفت .. 

آدم بقا جالس فالمكتب كيفكر فحبيبتو كيف غتكون دابا ماقادرش حتا يوصل ليها .. الى مشا عندها غادي غير يزيد يصعبها عليها .. كان غادي مسافر حتا تفاجئ بالخبر منشور فسوشل ميديا و دغيا نشراتو المنابر الإعلامية .. تصاورهم بجوج فطوموبيل .. صور ثاني قبلة ليهم .. لحظة الحب و الشوق ديالهم ولات نفسها لحظة الحزن لي كتعيشو حبيبتو دابا .. أما هو معندوش سوق فالناس .. و ديما الضربة كتكون قوية على المرأة .. حيت مجتمعنا ذكوري مكيرحمهاش من الاتهامات و الانتقادات .. 
وصل جهاد باركا طوموبيل و دخل كيجري .. طلع المكتب ماحاشاهاش لهاجر لي حبساتو فالباب و دخل مدرم .. آدم غير شافو و وقف جا عندو .. يالاه بغا يهضو و هي تجيه بونيا لوجه ..
جهاد : جالس مركن مع راسك ... آش قربك لختي أ****
آدم : (شاد حدا فمو كيمسح الدم) إسراء .. فينهيا ؟ 
جهاد : عاد كتسول ؟ هاد الحريرة ديالك نبغيها تفك اليوم قبل غدا ... وختي متحلمش تزيد تشوفها .. بسباب هادشي جاها انهيار عصبي و مغديش نخلي شي حاجة خرى تزيد على حالتها .. (تلفت و تما خارج ) 
آدم : ... ماغاديش تمنعني أنني نشوفها .. كنبغيها و مستحيل نخليها سمعتي ؟ 
جهاد : كون كنتي كتبغيها كنتي غتحميها ... 
خرج جهاد و خلا هاد الكلمات كيطعنو فآدم ... 
آدم : اااااااهع ... غوت و هز يدو ضرب طبلة ديال زاج كانت حداه حتا تجرح و سال دمو و لكن مبردش ليه القلب ... خرج كيجري تحت نظرات هاجر لي كانت راسمة ابتسامة جانبية على وجهها 😏... 
عند رجاء لي جالسة عند راس إسراء و كتشوف فيها بحزن .. دوزات يدها على شعر إسراء 
رجاء : اووف .. فين كان مخبي ليك هادشي .. حتا قلنا أخيرا فتحتي قلبك و بغيتي شي واحد .. 
بقات كتشوف فيها و كتنهد حتا صونا ليها الفون .. ماضت بزربة لبالكون باش متصدعهاش .. لقاتو هشام 
رجاء : هشام 😢
هشام : رجاء .. آش واقع ؟ دنيا مقلوبة بتصاور إسراء .. واش داكشي لي قريت بصح ؟ 
رجاء : مع الأسف .. اه بصح .. 
هشام : شييت .. أنا شوية نكون عندكم .. 
رجاء : اوكي .. 😕
قطعات و نزلات عينها على زنقة بان ليها جهاد داخل و كيهدر مع رجال كبار و صحاح باينة دي كاردكور .. خلاهم فالباب و تم داخل.. هز عينو فيها و ابتاسم .. ابتسامة حزينة و لكن عارفها خايفة على إسراء و كيحاول يخفف عليها .. خرجات طلات على إسراء .. بانت ليها ناعسة .. نزلات لتحت لقات جهاد مع سعيدة .. مشات عندهم .. 
جهاد : كيف بقات إسراء؟ 
رجاء : مازال ناعسة ..
جهاد :الوالدة .. آش بان ليك ندي إسراء معايا ل لندن ؟ 
رجاء : (شافت فيه و عينيها خارجين ) لندن ؟ 😱
جهاد : تمشي تما ترتاح بينما تنسات القضية هنا .. مستحيل تولي بيخير الا بقات هنا ... 
سعيدة : بصح .. واخا غنتوحش بنيتي ولكن صحتها و راحتها هما لولين .. باباك را عيط ليه شوية و غيجي .. 
جهاد : اوك اليوم فالليل نمشيو .. 
سعيدة : ان شاءالله أنا غنمشي نوصيهم يجمعو ليها حوايجها .. 
مشات و تلفت جهاد لرجاء لقا عينيها عامرين دموع .. غير شاف فيها و طلقاتهم .. 
جهاد : آجي عندي .. (جرها جلسا فوق رجليه و عنقها) .. علاش كتبكي دابا ؟ 
رجاء : غتمشيو عليا بجوج 😭... كنتي كتمشي نتا .. بعدا كتبقا إسراء حدايا و لكن دابا غنبقا بوحدي 😭😭 
جهاد : متبقايش تقولي هكاك . مستحيل نخليك بوحدك سمعتي ؟ فينما نكون غادي يالاه معايا .. صافي ؟ إسراء راك شفتي حالتها الا بقات فالمغرب و خصوصا الا شافت .. احمم .. غادي تأزم .. 
رجاء : (هزات عينيها فيه) مشيتي عندو ياك ؟ قلتي ليه بلي إسراء غتسافر ؟ 
جهاد : معندو علاش يعرف .. يالاه مسحي دموعك منبغيش نشوفك كتبكي مازال اوكي ؟ 
إسراء : 😕 حركات راسها بآه 
باسها فحنكها و ناض مشا طل على إسراء .. و خرج بقات حداها رجاء .. شوية حلات إسراء عينيها .. غير فاقت و تفكرات شنو وقع و بدات كتبكي بجهد .. مشات عندها رجاء كتجري .. 
رجاء : إسراء. . صافي أصحبتي من البكا .. قطعتي ليا قلبي .. 
إسراء : رجاء 😭 علاش نهار بغيت من قلبي يوقع ليا بحال هكا ؟ علاش تاهموني و هما معارفين والو ؟ 
رجاء : نتي أكثر واحد عارف عالم الاشاعات كيف داير .. و عارفة ناش لي شافوها كيتيقوها .. نوضي أحبيبتي باركة من البكا .. أنا لي خاصني نبكي غتمشيو عليا 😢
إسراء : (مسحات دموعها) كيفاش ؟ 
رجاء : جهاد غادي لندن هاد ليلة و غيديك معاه 
إسراء تفكرات آدم .. غير لبارح كانو معانقين و اليوم غيعاودو يتفرقو و لكن هاد المرة مغتقدرش تمشي تلاقاه هاد المرة لا رجعة فالأمر ... كتخمم و دموعها دايزين .. 
رجاء : آجي دوشي .. ناضت إسراء وجهها شاحب و دموعها دايزين مبقاوش بغاو يحبسو .. عقلها غير معا آدم ..
شافتها رجاء مغتقدرش دوش بوحدها .. دخلاتها دوشات ليها و خرجاتها لبساتها و إسراء غير ساكتة .. حتا دخل جهاد مشا جلس حداها 
جهاد : حبيبة خوها شوية ؟ 
إسراء شافت فيه و بدات تبكي تاني جرها عنقها و طبطب عليها .. 
جهاد : صافي .. كلشي غيتحل غتمشي لندن و غتنساي كاع هاد المشاكيل اوكي ؟ 
حركات إسراء راسها بمعنى اه و لكن فداخل ديالها كتفكر كيفاش غتقدر تنسى آدم .. أحسن حاجة وقعات ليها فحياتها .. 

-في فيلا الإدريسي ⬅ 
دخل آدم .. كانت ريم و فتيحة جالسين غير شافتو ريم و هي تغوت .. 
ريم : آااادم .. كان غادي لبيتو سمعها و تلفت ليهم .. جاو عندو 
فتيحة : ولدي آش هادشي فالأخبار واش بصح داكشي لي شفنا ؟ 
ريم : نتا و إسراء .. علاش خبيتوها علينا ؟ مسكينة كيف غاتكون حالتها دابا 😕
شاف فيها آدم و طلع و خلاهم ... بدل عليه حوايج لخدمة و لبس شي حاجة سبور .. و هو يصوني ليه الفون .. شاف لقاه زياد 
زياد : وا دنيا مقلوبة عليك العود .. آش دوك تصاور
آدم : تقدر تجبد ليا هدا لي لاح تصاور الأول ؟ 
زياد : صعيبة شوية .. سوشل ميديا راك عارف داكشي دغيا كيتنشر .. مي نحاول .. 
آدم : اوكي .. كيف تلقا شي حاجة عيط ليا .. 
زياد : كون هاني .. برد أصاحبي كلشي غيتحل .. باي 
مشا آدم لحمام غسل وجهو بالما بارد كيحاول يبرد العافيا لي شاعلا فيه و لكن فينما يتفكر هدرة جهاد و بلي جاها انهيار عصبي كيتجنن ..غوت و هز يديه ضرب المرايا حتا خلا يدو كاملا دمايات تاني .. زادها لي خاصها .. 
سمعو صوتو من لتحت و طلعو كيجريو ... 
فتيحة : آدم آش واق.. ؟ (شافت يدو ) آدم يدك 😱 
ريم : واش حماقتي ؟ شوف يدك كيف ولات .. (مشات لحمام جابت علبة الإسعافات الأولية ) .. جلس .. 
آدم : خليني عليك دابا أريم ماباغيش نتعصب عليك 
فتيحة : آدم جلس خليها تعقم ليك يدك .. شاف فماماه و تنهد و جلس .. عطاها ايدو .. بقات كتحيد ليه فجاج و هو ماكاينش فهاد العالم وعقماتها ليه ..
ريم : خاصك تخيطها .. نتر آدم يدو و ناض هز سوارتو و الفون و خرج .. 
فتيحة :(بدات تبكي) منين طاحو علينا هاد المشاكيل ياربي 😭
ريم : صافي أماما راك عارفة آدم ملي كيتعصب مكبقا يعقل على حتا واحد .. باينة كيبغيها بزاف 😢 .. 
في فيلا اليوسفي .. جالسة إسراء مخشية فيعقوب معنقاه و حداهم سعيدة و رجاء و جهاد و هشام لي جا يشوفها .. 
جهاد : إسراء هدا هو الوقت خاصنا نمشيو .. 
وقفو و سلمات عليهم كاملين .. دازت عند هشام 
هشام : عنداك تشوفي تيتيز و تنسايني .. (بغا يضحكها) 😉
إسراء : (ابتاسمت ليه) 
هشام : دابا نجي عندك أنا و هاد سليعفانة .. اوكي ؟ تعانقو .. 
دازت عند رجاء شافت فيها و تلاحو كيتباكاو على بعضياتهم .. 
رجاء : تهلاي فراسك أحبيبة .. كلشي غيكون بيخير .. و متنساينيش 😭
إسراء : هئ .. غير شوية و جي عندي اوكي ؟ 😭😭 
رجاء : ضروري .. 
جهاد : يالاه باركة من البكا .. غتمرضو .. 
سلمات إسراء على والديها و خرجو معاها معاهم هشام .. بقا جهاد و رجاء بوحدهم .. 
جهاد : حبيبك مغتعنقيهش ؟ 
تلاحت عليه و دورات رجليها على خصرو خشات وجهها فعنقو كتبكي و تنخصص 
رجاء : تهلى ليا فختي 😭 ... و الا شفتي فشي وحدة غنقتلك سمعتي ؟ 😭
جهاد : ابتاسم .. بعدها عليه و باسها حتا قطع فيها نفس .. غنتوحشك 
رجاء : حتا أنا 😢
جهاد : يالاه نخرجو عندهم .. نزلها و خرجو معانقين .. 
رجاء : كون غير خليتيني نمشي معاكم لمطار 😢
جهاد : بلاش غادي غير ديرو ليا دراما تما .. و زيدون لي مامسافرش مكيخليوهش يدخل .. تهلاي فراسك أحبيبة .. 
عنقاتو و مشات عنقات إسراء و بقاو يتباكاو حتا جر جهاد إسراء طلعها لطوموبيل و طلع حتا هو .. شير ليهم و ديمارا .. بقات إسراء كتشوف فطريق و عقلها مع آدم .. مازال صوتو كيتردد فبالها .. "إسراء. . حبيبة .. إسراء " .. كان خايف عليا و أنا غنمشي و نخليه 😢 و لكن معندي مندير .. الا بقيت غادي نتسبب ليه غير فالمشاكل كثر .. بقات طريق كاملة و هي تخمم و تنخصص غير بشوية حتا وصلو .. 
عند رجاء لي بقات جالسة فجردة بوحدها كتبكي ... حتا وقف عليها آدم يدو كتسيل بدم و معصب .. ماشي آدم لي موالفة تشوف 
رجاء : آدم ؟ 😱 

آدم : إسراء فينها .. مبقيتش قادر نصبر خاصني نشوفها .. ميمكنش غتخبيوها عليا .. 
رجاء (بدات كتبكي ) : هئ .. إسراء مشااات 😭 مشات 
آدم : (شدها من يدها ) كيفاش مشات ؟ فين مشات ؟ هدري 
رجاء : لندن .. ساعة هادي باش خرجات هي و جهاد .. 
آدم تصدم معرف باش تبلا .. آخر حاجة كان يتوقعها هي هادي ... طلق منها و مشا كيجري لطوموبيل .. ركب و ديمارا كيسوق بسرعة جنونية .. صونا لريم .. 
آدم : هبطي ليا الباسبور دابا .. داااابا نلقاك حدا الباب 
ريم : كيفا.. 
قطع عليها و زاد كسيرا وصل لقاها حدا الباب خطف من عندها الباسبور و كسيرا للمطار .. وراهم الباسبور و خلاوه يدخل ... دخل كيجري و كيقلب لي تشبهات ليه كيمشي يجرها و يعتذر .. "النداء الأخير قبل الإقلاع .. الرحلة AT3345 المتوجهة الى لندن" .. كيف سمعها آدم مشا كيجري لبوابة .. لقاهم سدوها .. بقا واقف و عينيه على الباب محطم .. حبيبتو لي بغاها صافي خلاتو عند أول مشكيل وقع .. تخلات على حبهم و مشات .. عند أول مطبة ستسلمات و تخلات عليه .. نزلات دمعة من عينيه .. مسحها .. ضرب ب ايديه على الحديدة لي قدامو و من بعد هز يديه و ضرب جيهة قلبو .. 

بعد سنتين ⬅🌟🌟🌟🌟🌟🌟🌟🌟🌟🌟🌟🌟🌟

إسراء : شكرا بزاف .. و حنا تيم ديال موسيو جهاد اليوسفي فخورين أننا نخدمو مع شركة بحالكم ...
خرجات من غرفة الاجتماع و مشات ركبات فطوموبيلتها و مشات لدار .. غير حلات سمعات تخرشيش .. هزات سوارتها فيدها و دخلات كتسلت .. 
... : (من وراها) اوديي سوارت هما باش غدافعي على راسك؟ 😂
إسراء :( قفزات ) اووف خلعتيني أ معاذ حشومة عليك .. 
معاذ : ههه .. جيت ملقيتكش و بقيت كنتسنا .. كيداز الاجتماع ؟ 
إسراء : داز واعر .. الشروط كاملين قبلوهم .. خاصني نعيط لجهاد نقولها ليه .. أنا غنمشي نبدل عليا و نجي .. 
مشات إسراء لبيتها وقفات قدام المرايا و تمحات هاديك الضحكة لي كانت دايرة كأنها وحدة خرى .. حلات البلاكار و شافت صورتو .. صورة حبيبها لي معمرها نساتو .. خلاتو و سافرات و لكن مكان عندها حتا حل آخر .. كتبغيه و كتموت عليه .. ملي جات لندن كانت محطمة مكتاكل مكتنعس و شحال من مرة كتبقا تبكي حتا كتسخف .. جهاد عيا معاها حتا حاجة مخرجاتها من هاديك الحالة حتا نهار تلاقات معاذ ولات كتضحك شوية و مبقاتش غير مريضة واخا كل ليلة كتفكر غير فآدم و كتبكي و لكن ماشي بحال فالأول .. معاذ شاب مغربي عندو 29 سنة طويل و عضلاتو مفتولة بحال جهاد بالأصل صاحب جهاد و خدام فتيم managing ديالو فلندن .. جهاد عاود ليه كلشي فاش جاو و بقا كيجي كيحاول يخرجها من جو الحزن و الكآبة لي كانت فيه و هو لي شجعها باش تخدم ماناجر ديال جهاد من جديد ..
لبسات إسراء و خرجات عند معاذ لصالون .. 
إسراء : شنو مغنتغداوش ؟ 
معاذ : بقا ليك غير شوية و ديري ليا طابلية ولي تخليني مراك ... ولفتيها لمك 
إسراء : ههه نتا طيابك زوين .. سير وجد شي حاجة بينما هدرت معا جهاد 
معاذ : هاهوا ألالة غادي 
مشا معاذ و هي هزات الفون و دوزات آبيل فيديو لجهاد .. جاوب
رجاء : لاش مصدعانا أختي ؟ 
إسراء : هه سليعفانة توحشتك 
رجاء : حتا أنا ألحب .. سافا كلشي بيخير ؟ 
إسراء : حمدلله .. فين هاداك الحول ؟ 
جهاد : را سمعتك (تلاح على رجاء و بان فالكاميرا) 
رجاء : احح واش باغي تقتلني .. مالك جاهل ؟ 
جهاد : لا باقي مغنقتلش حبيبة دابا 😉 
رجاء : أويلي سكت .. 
إسراء : مبقيتوش كتحشمو .. كيدايرا مع توجاد ديال العرس ؟ 
جهاد : سوليني أنا أما هي لابااس عليها .. 
رجاء : بااز ماقادر حتا يوصلني فين بغيت .. 
جهاد : داكشي عندكم مكيساليش .. 
إسراء : ههه وا غير صبر من بعد دير فيها مبغيتي 😂
رجاء : ياك لمك كتحرشي فيه عليا .. بلاتي حتا تجيني 
جهاد : امتا غتجي نتي ؟ 

إسراء : حتا يقرب العرس و نجي .. 
رجاء : وا را بقات غير جوج سيمانات .. آجي قبل را بغيتك تعاونيني فشي حوايج 👀
جهاد : آشمن حوايج ؟ 
رجاء : آ ؟ شي حاجات ديال لبنات متعرفش ليهم نتا .. 
جهاد : امم .. اوكي .. راس طارو مشفتيهش ليوم ؟ 
إسراء : ههه راه دخلتو لكوزينا تاني .. 😂
رجاء : ههه معديا على الولد مسكين .. غيندم على نهار لي عرفك فيه 😂
إسراء : ههه اوا هو لي بغا ... يالاه تلاحو نمشي نعاونو .. و نتا نوض على البنت حتا تزوج بيها و دير مبغيتي .. تهز من تما .. 
جهاد : ههه محشوماش تحرميها فخوك حبيبك ؟ 
رجاء : جابك الله هدري معاه .. مين ماداز ي.. 
جهاد : (سد ليها فمها ).. سكتي يعطي لمك لفلفلة فداك الفم 😂 إسراء باي تلاحي 
إسراء : ههه باي 
قطعات إسراء و دخلات لكوزينة عاونات معاذ و حطو لغدا تغداو و بقاو جالسين مجمعين ..
معاذ : اجي نتي علاش مترجعيش لماناجينغ ؟ هند نتي لي وصلتيها لشهرة .. عطا الله لمواهب هنا و فالمغرب .. و خدمة نتي كتبغيها زعما .. 
إسراء : معرفتش .. واش مازال غنقد على هداك العالم .. نتا عارف علاش حبست .. 
معاذ : come on ... عامين دازو على داكشي من حقك حتا نتي تعيشي داكشي لي بغيتي و تحققي حلمك 
إسراء : حتا يفوت العرس ديال جهاد و رجاء و نشوف .. يالاه كليتي و نوض تهز سير فحالك .. شفتك سكنتي معايا 
معاذ : وا بااز بحالك بحال دحش ديال خوك .. جاي عندك و نطيب لراسي و تجري عليا .. هاهو غادي 
إسراء : ههه متنساش تقطع billet دابا راك عارف سيزن ديال الصيف دابا .. 
معاذ : امتا بعدا ..
إسراء : من هنا سيمانة خصني نمشي رجاء بغاتني 
معاذ : اوكي .. يالاه تهلاي الحب ✌
إسراء : يعطيك حبة فالقلب 😂 باي 
دازت سيمانة بحال تصرفيقة .. و اليوم نهار سفر إسراء و معاذ لمغرب .. ملي فاقت و هي كتجري تجمع فحوايجها .. جا عندها معاذ نزل لي فاليز ديالها و انطلقو لمطار .. طريق كاملة و إسراء متوترة .. عامين مامشات لبلادها من مورا داكشي لي وقع .. وصلو لمطار دازو من سيكوريتي و طلعو لطيارة .. 
معاذ : إسراء .. سافا ؟ 
إسراء : (هزات فيه عينيها وجهها صفر بالخلعة ) اه سافا .. 
معاذ : (شد ف ايدها) متخمميش كلشي هو هداك اوكي ؟ 
حركات راسها بآه و دورات راسها جهة شرجم بقات كتفكر حتا نعسات ... فاقت على صوت معاذ كيفيق فيها .. 
معاذ : إسراء .. فيقي را وصلنا .. ناضت و نزلو .. ضرب فيها البرد ديال البلاد غمضات عينيها و اسنشقاتو .. 
معاذ : مشينا ؟ 
جبدات إسراء كاسكيت و نظاظر دارتهم .. واخا هداك الوقت كامل لي داز مازال كتخاف ..لايعرفها شي واحد و يعاودو يديرو ليها نفس شيء. . ولات كتحاول تجنب الناس كثار .. 
إسراء : يالاه .. 
معاذ : را طوموبيل .. مشاو ركبو و انطلقو لفيلا .. ماقالوش ليهم راهم جايين بغاو يخليوها مفاجأة .. 
وصلو لفيلا .. وقفهم العساس .. 
.. : فين غادي أسيدي ؟ 
إسراء : (حيدات نظاظر) هادي أنا أعمي سعيد 
... : 😱 مشا كيجري حل الباب ديال جردة و دخلو .. بلاصا طوموبيل و نزلات إسراء هي لولا مشات كتجري دخلا لصالون بانو ليها سعيدة و يعقوب و جهاد كيتغداو .. 
إسراء : مكتسناو حتا واحد ؟ 
دارو تلفتو ليها كاملين مصدومين ..
سعيدة : إسرااااااء 😱 بنتييي .. 
مشات عندها كتجري عنقاتها و كتبكي .. 
إسراء : توحشتك أماما 😭 
سعيدة : حتا أنا توحشتك أكبيدتي 
جهاد : باقا جايا بكيتي لينا الميمة .. 
هزات فيه عينيها .. عوجات فيه .. طلقات من ماماها و مشات عنقات باباها شحال عاد طلقات منو .. 
جهاد : سليعفانة .. (جرها عنقها) توحشناك ألخيبا إسراء : حتا أنا بزاف بزاف 😢
بعدها عليه و باسها فجبهتها و عاود عنقاتو. . 
إسراء : فين رجاء ؟ 
جهاد : شوية و تجي را ولات ساكنة هنا 😂 .. تلفتو لمعاذ عاد شافوه .. 
معاذ : أنا ربيبكم ولا كيفاش ؟ حتا حد مسلم عليا 😂
سعيدة : سمحلنا أولدي مشفتك كاع .. جات عنقاتو .. كيداير لاباس عليك ؟ 
معاذ : الحمد لله أخالتي كاين شي كساكس شي بساطل ؟ 
سعيدة : نوجدهم لولدي مرحبا بيك 
جهاد : مازال جاي باغي تخدم لواليدة محشمتيش ؟ (مشا عندو تعانقو ) 
سلم على يعقوب و كلسو فصالون .. إسراء معنقة ماماها بقاو مجمعين حتا ناضت إسراء طلعات لبيتها ..

وصلات حلاتو و دخلات كدور فعينيها .. غير دخلات استرجعات كاع ذكرياتها فيه .. فاش كانت كتفيق بكري و تبقا تىون فحوايجها حيت غاديا عند آدم و لا فاش كيعيط ليها و يبقاو مجمعين بسوايع .. تفكرات داك نهار المشؤوم فاش كانت ناعسة هنا كتبكي .. نزلو دموع من عينيها .. مشات لكومود لقات تيليفونها لقديم مشقق .. تفكرات فاش عيط ليها آدم كيقوليها دخلي لدار .. خايف عليها و فاش طيحاتو برا .. هزاتو و دخلات لمكالمات .. لقات آخر مرة عيط ليها .. بدات كتبكي و كتشهق .. حطات الفون على صدرها و بكات حتا بردات .. شوية سمعات الباب تحل تلفتات لقاتها رجاء 
إسراء : (دموع دايزين ليها ) رجااااء 😭😭
جات تلاحت عليها معانقين و كيبكيو بجوج .. بقات رجاء كدوز يدها على شعر إسراء حتا سكتات .. 
رجاء : هاديك ليلة فاش مشا آدم لقيتو طايح حدا الباب .. 
إسراء : (هزات راسها و خرجات عينيها) آدم ؟ آدم جا هنا ؟ 
رجاء : آ ؟ 😔
إسراء : رجاء هضري 😠
رجاء : اه هاديك ليلة فاش مشيتي نتي و جهاد جا موراكم بغا يشوفك .. قلت ليه مشيتي لمطار و مشا كيجري ركب فطوموبيل و كسيرا 
إسراء : (طلقات منها و وقفات) كيفاش ؟ علاش مقلتيهاش ليا ؟ علاش محبستينيش ؟ علاش خليتيني مشيت علاش ؟ 😭😭 علاش أرجاء علاش ؟ 
رجاء : (مشات عنقاتها) عرفتك منسيتيهش واخا داز هاد الوقت كامل و لكن خاصك تحاولي أ إسراء هادشي لي مقسم ليكم الله تعيشوه .. الا مكتاب ليك آدم .. راك غاتعاودي تلاقايه .. صافي أحبيبة باركة من البكا .. بقاو هكاك حتا سكتات إسراء و دخلات غسلات وجهها و رجعات عند رجاء
إسراء : سمحيليا .. نتي عرسك قريب و أنا منكداها عليك 
رجاء : (هزات يدها عطاتها لراس) لمك فين عمرنا كان بيناتنا هاد البروتوكول .. نتي راك ختي سمعتي ؟ 
إسراء : اححح و الدق لاش .. 
رجاء : باش تعلمي 😂 .. جبتي شي كادو ولا جاية طويلة ؟ 
إسراء : ههه را لفاليز عامرة .. عزلي داكشي لي بغيتي 
رجاء : وا دابا دويتي .. ناضت جبدات لفاليز .. كفحاتها كاملة فوق سرير و بدات تشوف و بقاو مجمعين على داكشي لي جابت إسراء حتا دخل جهاد .. 
جهاد : شنويلة باقا جاية مشيتي ريتلتي داكشي .. خليها غير حتا تسخن بلاصتها 😂
رجاء : سير ديها فجهة ضاراك ..
جهاد : هه واخا ألالة .. أنا و معاذ خارجين تمشيو معانا ؟ 
تلفتات رجاء لإسراء .. 
إسراء : اه ؟ لا لا غير خرجو أنا عيانة مع طريق بغيت نرتاح 
رجاء : غير سيرو بوحدكم .. وتهز عينيك فشي وحدة نتقبهم لحبيبي 
إسراء : 😂😂
جهاد : أصلا ماناقصنيش صداع باركة غا صداعك نتي فيك الكفاية 😂 
تلفتات رجاء خنزرات فيه و هو يسد الباب دغيا و مشا 
إسراء : ههه مسكين كيخرج بتهديد 
رجاء : را أنا لي مسكينة قربت نحصل 
إسراء : ههه مخلوعة ؟ 
رجاء : لا 😂 و لكن توتر لابدا .. غيشوفني مسفحة 😂
إسراء : هههه غمضي ليه عينيه 
رجاء : بغيتيه يجهل عليا .. غنصبرو حتا تفوت و صافي .. 😉😂
إسراء: اوا الله يمسخك نتي طالبة عليها كثر منو 😂 تهزي من حدايا (ضربتها بمخدة) 
رجاء : ههه وا ختي عمرنا كامل و حنا نسمعو على الحلوة .. أخيرا غندوقوها 😂 متخافيش غانقوليك آش كاين باش متخلعيش ملي تجي نوبتك 
إسراء : (سمعاتها شنو قالت و جمعات ضحكة) أنا صافي فضيت مع داكشي 
رجاء : من نيتك ؟ تسطيتي ؟ من تجربة وحدة غضربي على كلشي ؟ 
إسراء : بلاش منهدرو فهادشي تاني .. (هزات باليت ديال ميك اب ) هادي هي لي كنتي باغا تجربي ياك ؟ 
رجاء : (تنهدات بقات فيها إسراء. . عارفاها باقا كتسطا على آدم و صعيب تنساه) امم .. عاد خرجات بغيت ندير ليها review .. تانكس ألحب 
إسراء : هانيا أمرت خويا 😂
رجاء : ههه أنا خاصني نمشي ماما بزز باش نسلت ليها من دار .. قالت لك خاصني نحجب شوية و منبقاش نتلاقا جهاد حتال لعرس .. هبيلة هادي 😂
إسراء: ههه سلمي ليا عليها و قوليها دابا ندوز عندها نشوفها .. عنداك تغبري نتي 
رجاء : أنا را ساكنة هنا غا كوني هانيا 😂 (باستها) هاني مشيت 
إسراء : ههه باي 😙

مشات رجاء لدارهم و لبسات إسراء بيجامة مريحة و نزلات جلسات مع واليديها .. بقاو مجمعين حتا رجعو جهاد و معاذ 
جهاد : اش كتقولو بلا بينا 
إسراء : كنهدرو غير على العرس 
معاذ : اجي نديرو جوج عراس مرة وحدا .. آش بان ليك أعمي ؟ 
يعقوب : هه هاهيا الا بغات معلينا غير نباركو ليك 
إسراء : نتا ساط فيك البرد ديال المغرب تنونختي .. نوض تنعس نوض 
جهاد : (حط يديه على كتف معاذ) هه مبغاتكش أخويا معندنا منديرو ليك 😂
معاذ : شفتي حتا نوينا المعقول زعما .. 
سعيدة : أحسن بنت نزوجها لولدي أصلا بنتي أنا نشهد فيها مكتعرف دير والو .. نتا خاصك مرا ديال الزمان .. 
إسراء : أويلي يا ماما .. أنا را بنتك زعما 😂
جهاد : هههه يالاه عطاتك .. 
سعيدة : كتفرنس نتا طفرتيه .. رجاء را كثر من هادي لي حدايا 
إسراء : ههه الصراحة 
جهاد : ماشي مشكيل أنا باغيها هكاك 😂 دابا تعلم 
بقاو مجمعين من بعد تعشاو و طلع كل واحد لبيتو ينعس .. جلسات إسراء كتجمع فحوايجها حتا دخل عندها جهاد 
إسراء : شفتي روينة لي خلات ليا مرتك ؟ 
جهاد : ههه اوا معندك مديري صبري علينا حتا نغبرها عليك 😂
إسراء : ههه 
جهاد : كيدايرة نتي لاباس ؟ 
إسراء : هه جيت صباح عاد كتسول 
جهاد : مكلسناش بوحدنا 
إسراء : أنا بيخير .. غير كون هاني 
جهاد : قاليا معاذ باغا ترجعي لماناجينغ 
إسراء : قلت ليه غنفكر ... 
جهاد : فاش غتفكري ؟ كلشي واضح قدامك .. مهنة ديالك كتبرعي فيها و هي حلمك من صغر .. صحيح وقعو مشاكيل .. و لكن تجاوزتيهم دابا خاصك تكملي حياتك .. اوكي ؟ 
إسراء : واخا .. ☺ على العموم .. حتا نشوف الا بانت ليا شي موهبة تستاهل .. معرفتش واش المعارف ديالي غيخدمو معايا كيف قبل .. 
جهاد : معلوم يخدمو معاك .. نتي كنتي ماناجر ديال أشهر مغمية فالمغرب و دابا ماناجر ديال جهاد اليوسفي .. 😎
إسراء : ههه كتقولها و مفتاخر .. (لاحت ليه الحوايج) شد طوي معايا .. 
جهاد ض و بدا كيطوي معاها الحوايج حتا سالاو .. باسها بوننوي و مشا .. ناضت إسراء حكات سنانها و نعسات . 
صبح الصباح فاقت إسراء .. شحال و هي ففراشها حتا ستوعبات بلي رجعات لمغرب و ناعسا ففراشها القديم عاد دخلات لحمام دوشات لبسات عليها و نزلات لقاتم كيفطرو .. 
إسراء : صباح الخير 
الكل : صباح نور .. 
سعيدة : آجي أحبيبتي فطري .. من بعد بغيتك تمشي معايا نقضيو واحد الغرض 
إسراء : (فمها عامر مسمن ) فين ؟ 
سعيدة : (غمزاتها) كولي بعدا 
كملو فطورهم خرجو دراري و خرج حتا يعقوب لخدمتو .. بفات غير إسراء و سعيدة فطبلة .. 
سعيدة : بغيت نمشي ناخد كادو لرجاء و بغيتك تمشي معايا نتي كتعرفي ذوقها .. 
إسراء : امممم باغا تهلاي فمرت ولدك 😂 .. واخا .. أنا نمشي نلبس 
طلعات إسراء لبسات jupe ف doré مع تيشرت بيض و فيه موتيف doré دارت اكسيسواراتها و دارت ميك اب خفيف .. شعرها عير طلقاتو سامبل و دارت نضاضرها ديال الشمس .. نزلات لقات ماماها واجدة .. خرجو ركبو فطوموبيل ساقت سعيدة .. مشاو لمول ..

إسراء بان ليها بنادم كثير تخلعات جرات شعرها على وجهها و حدرات راسها .. 
إسراء : شنو بغيتي تاخدي ليها ؟ 
سعيدة : فكرت نشري ليها شي طقم ديال ذهب بيض 
إسراء : اه فكرة زوينة .. آجي ندخلو نشوفو .. 
دخلو لواحد المحل .. كانت ديجا فيه شي مرا .. بقات كتشووف فيهم .. 
سعيدة : السلام عليكم 
إسراء : ( شافت المرا كتشوف فيهم ارتابكات .. ) ماما يالاه نشوفو واحد آخر هادا معندوش داكشي لي غيعجب رجاء 
سعيدة :واخا ابنتي نتي تعرفي .. دارو غاديين 
... : سعيدة ؟ سعيدة نتي ياك ؟ 
تلفتو لمرا .. بقات سعيدة كتحقق فيها .. 
سعيدة : فتيحة هادي ولا كدبت ؟ 
فتيحة : هياا هادي أختي توحشتك .. تلاحو على بعضياتهم تعانقو و إسراء غير كتشوف مفهمات والو .. 
فتيحة : بنتي تبارك الله كبرتي .. خليناك صغييورة .. سلمت عليها إسراء لي غير كدور فعينيها 
سعيدة : آجي نخرجو من هنا .. خرجو من المحل و مشاو لكافي كاين فالمول .. 
جلسو حدا بعضياتهم و إسراء مقابلة معاهم 
سعيدة : وا غبرة هادي .. سنييين أصاحبتي ملي مات الحاج الله يرحمو مبقينا تشاوفنا 
فتيحة : آييه .. تبارك الله دراري كبرو و حنا شرفنا .. 
سعيدة : مشرفتي والو باااقا شابة .. كيداير سي أحمد لاباس عليه ؟ 
فتيحة : حمد لله .. باقي هو هو حنا نشرفو و رجال كعما يبان عليهم 
سعيدة : ههه اوا حنا تعدبنا هزينا الحمل هما ما حملو ما ولدو 😂
فتيحة : والله الا عندك الحق .. ربي لاما يالاه معايا لدار نجلسو شوية .. توحشتك و توحشت نجلس أنا وياك 
سعيدة : مرة خرى ان شاء الله خارجين نتقداو لمرت ولدي 
فتيحة : هي العزري غيتزوج .. مبارك و مسعود 
سعيدة : بارك الله فيك أحبيبة .. 
بقاو مجمعين و إسراء غير كتصنت و حاضيا جنابها حتا سالاو جماعتهم تبادلو نوامر و تواعدو يعاودو يتلاقاو و سلمات عليهم فتيحة و مشات .. 
سعيدة : يااه ابنتي على صدفة .. عرفتي هاد سيدة كانت صاحبتي رووح روح را كنتي ديما كتلعبي مع ولادها .. محال واش تعقلي .. 
إسراء : معقلتش .. 
سعيدة : ويلي نسيت أنا علاش خارجة .. زيدي نمشي نقضيو الغرض دغيا .. مشاو دخلو لمحل آخر .. ختارت إسراء طقم غزال ديال الذهب الأبيض خلصوه و خرجو.. مشاو تغداو و رجعو لدار .. لقاو رجاء مناكرة مع جهاد و معاذ كيضحك عليهم ..
رجاء : جيتي أدايعا 
إسراء : و أنا كنقول شكون منوض هاد القربالا .. هادي غي نتي 
معاذ : ولاهيلا فوجتو عليا 😂
جهاد : ( ضربو بمخدة ) نوض قضي حاجة لراسك بقا مقابلني .. 
إسراء : اه .. جهاد ؟ 
جهاد : (تلفت ليها ) وي ؟ 
إسراء : احمم آش بان ليك نمشيو ل Gala هاد الليلة ؟ 
رجاء : يااس .. أخيرا (ناضت عنقاتها) 
جهاد : اوا علا سلامتنا ملي نويتي .. نمشيو ألالة 
معاذ : آش واقع ؟ شنو هاد Gala ؟

جهاد : هادا واحد المطعم و كتكون فيه فرقة موسيقية و كيغنيو المواهب تما .. تما فين تعرفات على هند نهار لول 
معاذ : ااه هي أخيرا بدلتي رأيك .. (ناض عنقها و رجاء كتشوف غير بنص عين .. غمزات جهاد قاليها سكتس غا بالإشارة ).. ان شاء الله هاد المرة حسن من لي قبل 
إسراء : (ابتاسمات) مغسي 
بقات رجاء كدور فعينيها .. و جهاد كيحمر فيها عينيه باش متعيقش .. حتا ناضت لجردة و تبعها 
رجاء : كر .. آش كاين را كنقراها طايرة 
جهاد : مكاين والو غا نتي كتفرفري .. معاذ يمكن كتعجبو إسراء 
رجاء : امم زعما ماقاليك والو ؟ 
جهاد : ماقالش .. وا سيري ديري ميكرو فضحي الوقت 
رجاء : (خنزرات فيه ) مالنا على هاد الهدور دابا 
جهاد : وا أنا غوصيتك 
خنزرات فيه و تمات غاديا حتا جرها عندو و دار يديه فشعرها كيلعب بيه 
جهاد : متقوليش ليا تقلقتي تاني .. عارفاني أحبيبة غير كنضحك 
رجاء :امم قولها قد راسك و قوليا كنضحك .. وا طلق مني را غيشوفنا شي حد 
جهاد : و يشوفونا كاع مالنا كنشفرو .. نتي مراتي حبيبتي 
رجاء : مازااال موليت مراتك .. غدا ولا بعدو نبدل رأيي 
جهاد : باش نقتل مك نيت 
رجاء : (هزات فيه عينيها) أويلي وصلنا لقتيلة طلق مني 
جهاد : ههه و تبتي خليني نشبع منك بعدا 
رجاء : تشبع مني أنا غريبة .. سير فحالك .. 
دفعاتو و دخلات كتجري 
جهاد : ههه نتي راك غريبة و كعب غزال و الحلوى كاملة 😂
دخل موراها كيفرنس .. 
إسراء : المرة جاية لا بغيتو تحابو تخباو را كلشي شفناه من شرجم 😂 حشمتونا كاع 
رجاء : 😱 
جهاد : نتخبا مالي كنخطف .. حمقة هادي 
مشات رجاء كتجري طلعات لبيت و تبعاتها إسراء بقاو جهاد و معاذ كيضحكو 
دخلو لبنات لبيت و مشات إسراء كتقلب على متلبس .. 
رجاء : إسراء ؟ 
إسراء : امم ؟ 
رجاء : غنسولك وبلاما تعصبي اوكي ؟ 
إسراء : اوكي .. 
رجاء : مفكرتيش تمشي عند آدم ؟ 
إسراء غير سمعاتها و حبسات داكشي لي كانت كدير .. 
إسراء : نمشي نرون ليه حياتو تاني ؟ 
رجاء : مفكرتيش زعما حتا هو يكون معذب بحالك ؟ 
إسراء : (تنهدات و دارت عندها) آدم ميستاهلش داكشي لي وقع .. تفضح قدام الناس و تاهموه بحوايج مكاينينش بسبابي .. أصلا واحد بحالو كظني غيبقا حتال دابا بلاما دور بيه شي وحدة ؟ .. نوضي نلبسو باش نخرجو 
رجاء : اه واخا .. 
رجعات إسراء كتشوف فحوايجها نزلو دموعها مسحاتهم دغيا و حاولات متنفاعلش .. مبقاتش بغات تسبب فحزن ناس لي معاها .. داكشي لي كتحس بيه بعات تكبحو فداخل ديالها .. 
إسراء : أنا غندخل ندوش دغيا .. 
دخلات لحمام وقفات تحت رشاشة كتدوش و كتبكي .. فوقما تفكراتو قلبها كيتقطع توحشاتو مكرهاتش دابا تمشي تجري عندو و لكن ماقادراش .. تمالكات نفسها كملات دوشها و خرجات لبسات و رجاء حتا هيا .. دارو ميك اب خفيف و نزلو لتحت لقاو دراري واجدين .. 
جهاد : على السلامة .. يالاه مشينا ؟ 
رجاء : يالاه
خرجو كاملين ركبو فرانج ديال جهاد ركب حداه معاذ و طلعو البنات لور .. طريق كاملة و هما مجمعين حتا وصلو .. نزلو داخلين هزات إسراء عينيها بانو ليها دراري و بنات جايين كيجريو .. تخلعات و هي تغوت و تخشات فجهاد 
تلفتو ليها كاملين .. 
جهاد : إسراء ؟ مالكي ؟ (جرها عندو و تلفت بانو ليه هادوك كيجريو ) 
معاذ : إسراء؟ سافا ؟ 
إسراء : انا .. أنا لاباس غير يالاه ندخلو .. ( تلفتات شافت هادوك مشاو ) 
رجاء : متأكدة ؟ 
إسراء : وي يالاه 
جهاد (بشك) :امم .. اوكي يالاه ندخلو .. 
مشاو جلسو فطبلة .. خداو المنيو و دومونداو عشاهم .. كانت الفرقة الموسيقية و واحد الولد كيغني .. 
جهاد : (غمز إسراء ) آش بان ليك ؟ 
إسراء : حركات راسها ب لا 😕 .. استئدنات ناضت لحمام .. 
مشات غسلات وجهها و بقات كتكالمي فراسها .. كتمنى هاد الخلعة لي فيها متبقاش .. هزات papier كتمسح وجهها حتا سمعات واحد الصوت خلاها تحبس داكشي لي كانت كدير و تركز معاه .. صوت ملائكي حزين .. مسحات إسراء وجهها و خرجات كتجري وقفات حدا المنصة كتبان ليها بنت باقا صغيرة و كيوت عويناتها زرقين و شعرها بوكلي كتغني .. رجاء لمحات إسراء واقفة .. 
رجاء : قولو على سلامتنا .. شيرات ليهم جهة إسراء. . و تلفتو ليها .. 
جهاد : ههه عينيها فالتين غتخلع البنت .. نوض أمعاذ جيبها 
مشا معاذ كيضحك عند إسراء. . 
معاذ : إسراء آجي جلسي حتا تسالي البنت و هدري معاها را غتوتريها هاكا 
إسراء كانت سارحة مع الأغنية و آداء البنت خلاها تفكر وجعها هي حتى فيقها معاذ من سهوتها .. 
إسراء : اه واخا يالاه نجلسو 
مشات جلسات و بقات غير كتصنت بلا عقل .. حتا سلات البنت و ناضت كتجري مشات عندها

إسراء : سمحيليا واحد دقيقة 
البنت : (متوترة) اه واخا .. 
إسراء : شنو سميتك ؟ 
البنت : سلوى .. واش كاين شي مشكيل ؟ 
إسراء : لا مكاين حتا مشكيل بالعكس .. جيت نقوليك صوتك زوين بزاف أسلوى 
سلوى : (ابتاسمات) شكرا بزاف ☺
إسراء : الصراحة أنا ماناجر و كنت كنقلب على موهبة لي تستاهل نخدم معاها و أخيرا لقيتك .. سمحيليا على هاد الدخلة و لكن آش قلتي ؟ 
سلوى : (ارتابكات) الصراحة ديجا كانو تفلاو عليا من قبل .. و حرمت 
إسراء : عرفت صعيب تيقي فشي واحد .. آجي كتعرفي جهاد اليوسفي؟ 
سلوى : جهاد اليوسفي ؟ اللعاب ديال الكرة ؟ آه كنعرفو 
إسراء : أنا الماناجر ديالو .. رااا هو فين جالس و حتا هو عجبو صوتك 
شيرات ليها لطبلة فين جالسين تلفتات سلوى و دار ليها جهاد باي بصدمة خرجات عينيها 
سلوى : هاد المرة بصح .. بصح عجبك صوتي 
إسراء : (ابتاسمات) امم .. آجي نعرفك عليه .. 
جراتها و داتها لطبلة .. 
إسراء : نقدم ليكم سلوى الموهبة لي كانت كتغني دابا .. هادا معاذ و هادا جهاد راك كتعرفيه و هادي رجاء 
رجاء : مراتو ☺ 
جهاد : ههه متشرفين 
سلوى : تلفتات عند إسراء بقات كتشوف فيها ممتيقاش عينيها و هي تلاح عليها عنقاتها .. ضحكات إسراء و ربتات على ظهرها .. لخرين بقاو غير كيبتاسمو .. جلسات معاهم سلوى و بقات كتهدر مع إسراء لي فلحظة نسات همها و بان علينا شغف المهنة كتشرح ليها و هي كلها حيوية و كان واضح عليها شيء لي خلا جهاد غير يبتاسم .. تبادلو نوامر و ناضو رجعو لدار .. دخلو لصالون لقاو سعيدة و يعقوب جالسين مجمعين .. 
إسراء : آش كتحاجيو بلا بينا (مشات باست ماماها و باباها ) 
سلمو لخرين و جلسو .. 
سعيدة : كنهدرو على خالتك فتيحة لي تلاقينا صباح فالمول .. استرجعنا الذكريات 
جهاد : فتيحة ؟ 
سعيدة : أصدقاء قدام .. شحال لعبتو معا ولادهم و جدهم الحاج الله يرحمو كنتو عزاز عليه .. عيطات ليا و ا عارضانا لغدا فلفيرما ديالهم .. 
رجاء : الله نخرجو شوية .. 
إسراء : هه ان شاء الله .. يالاه تصبحو على خير .. نوضي نتي 
جهاد : نتي ولفتيها .. طلقي ليا مراتي 
إسراء : مازال مولات مراتك أخويا سير تكمش حتا تزوجو و آجي ديها .. مشاو طلعو فدروج و رجاء غير كتعوج فجهاد و هو كيتحلف فيها .. طلعو اغرفة بدلو عليهم و بقاو مجمعين حتا نعسو .. 
صبح الصباح فاقت إسراء هي لولا دخلات خدات دوش و نزلات تفطر .. 
جهاد : فين الحلقومة لاخرا .. 
إسراء : باقا ناعسة 
ناض جهاد طلع عندها دخل و سد الباب .. شافها مليوحة فوق سرير كل رجل فجيه بقا كيضحك عليها .. مشا باسها فحنكها مافاقتش .. 
جهاد : هه نتي نغتاصبك و محال تفيقي 😂 
مشا نعس حداها و بقا كيشوف فيها كتخسر وجهها حيت زعجاتها أشعة الشمس ..
جهاد : رجاء .. كبيدة ..
رجاء : امم 
جهاد : حبيبة 
رجاء : اممم 
جهاد : نوضي را غناكل مك هنا 
حلات عينيها لقاتو عند وجهها .. خسرات سيفتها .. 
رجاء : دابا أنا غنبقى نصبح على كمارتك ؟ 
جهاد : آااه أحبيبة مكين غا هاد الكمارة من اليوم و رايح 😂
رجاء : (هزات ايديها عنقاتو و تخشات فيه) ششش خليني نعس شوية 
جهاد : (طل جهة سروالو ) نوضي لمك غتشوهينا مع دار 😂 
رجاء : افف سكت شوية 
قطع جهاد الحس و بقا كيدوز يديه على شعرها و هاز يديه لخرى مخبيها على شمس .. حتا دخلات عليهم إسراء .. 
إسراء : فيقتيها بكري ... (هزات باطوفتها و بدات تخبط فيهم ) وا نوضو الله يقطعكم .. دايرين ليا روميو و جولييت هنا .. يخ بدات تضرب.. جهاد كيضحك و كيخبي رجاء لي فاقت مخلوعة .. 
جهاد : ههه صافي هاني غادي .. حبيبة لمرة جاية آجي عندي نتي 😉😂
مشات رجاء كتجري لحمام .. و بقا هو كيضحك خرج و خلا إسراء غا كتشوف 
إسراء : المكبوت لاخر .. سكني نتي فداك الحمام .. لبسي دغيا و نزلي فطري را خارجيين .. 

لبسات إسراء سايا دجين و توب فيه الأبيض و صفر كمامو عراض و مفتوح من الصدر دارت اكسسوارات هزات بوشيط صغيرة و دارت شعرها wavy من تحت مع ميك اب خفيف .. هزات نظاظرها و نزلات لقات ماماها واجدة و جالسة مع يعقوب و معاذ و جهاد .. 
جهاد : (صفر) ختي مشفتيش إسراء؟ 
إسراء : مشي .. 
جهاد : ههه كتعفري علينا دابا 
سعيدة : بعد ليا من بنتي .. 
مشات إسراء جلسات حداهم شوية عاد نزلات رجاء حتا هيا مأنتكة .. بقا جهاد كيغمز و هي كتحلف فيه حتا ناضو خرجو .. ركبو لبنات و معاذ ف رانج مع جهاد و سعيدة ويعقوب مشاو فطوموبيل خرى سابقينهم .. طريق كاملة و هما مناكرين حتا وصلو .. نزلو كان الدنيا كاملة خضورة و قدامهم باب كبير .. دخلو و بقاو غاديين وسط هاديك الخضورة حتا وصلو لدار .. كانت فتيحة كتسنا ف تيراس .. 
فتيحة : أهلا أهلا .. نهار كبير هدا 
سعيدة : ربي يخليك أحبيبة سلمات عليها و قدماتهم ليها و سلمو .. 
فتيحة : تبارك الله على ولدي كبر و غيتزوج .. اوا ختاريتي و عرفتي آش ختاريتي ..
رجاء : ربي يخليك أخالتي 
جهاد : بارك الله أفيك ألحاجة .. 
سعيدة : اوا را العرس مبقاليه والو ضروري تجي ان شاء الله نتي و دراري 
فتيحة : ان شاء الله ألحبيبة .. حنا شحال عندنا من جهاد 
حطو أتاي و بقاو شحال مجمعين .. شوية استأذنات إسراء تمشي تشوف الخيل فالإسطبل .. 
مشات دخلات بقات كطل على الخيل و تقيس فيهم .. من بعد خرجات و مشات كدور فجنان ديالهم .. بقات غاديا و كتفكر فحياتها لي ترونات و فمستقبلها لي خاصها ترجع تفكر فيه .. شوية فاقت من سهوتها على حس شي واحد كيتمشى حداها .. قربات لصوت حتا بان ليها .. هو آدم قدام عينيها .. بصدمة بقات مخرجة عينيها لي غرغرو بدموع .. دارت خطوة لقدام .. 
.... : إسرااااء 
تلفتات بان ليها معاذ جاي ... عاود شافت جهة آدم ملقاتوش .. مشات كتجري كتقلب كيف الحمقا مبقاش بان ليها .. و دموع نزلو ليها بلا هواها كتقلب بحال المجنونة ... مالاحظاتش معاذ لي لحق عليها .. 
معاذ : إسرااء .. وقفي .. مسمعتينيش عيط ليك ؟ 
إسراء : (مسحات دموعها دغيا و تلفتات ليه ) معاذ ؟ اه سمحلي مسمعتكش .. 
معاذ : كتقلبي على شي حاجة ؟ 
إسراء : آ؟ آه خاتم طاح ليا .. 
معاذ : محال واش تلقاي هنا .. يالاه كيسولو عليك باغيين يتغداو .. 
إسراء : اوكي .. يالاه .. 
تبعاتو و بقات كتلفت كدور عينيها الى عاود بان ليها .. راسها بغا يطرطق عليها واش شافتو ولا تخايل ليها .. ماقادراش تعرف .. رجعات هي و معاذ جلسو معاهم و تغداو و هي عقلها ماشي معاها .. دوزو هاديك العشية و توادعو معاهم و رجعو فحالهم .. إسراء كضحك معاهم غير من فوق الخاطر و بالها غير مع آدم .. وصلو لدار سلمات على رجاء مشا جهاد يوصلها و يخرج مع معاذ و طلعات إسراء لبيتها .. دخلات دوشات .. لبسات حوايجها و هزات الفون دوزات نمرة هشام .. 
هشام : وا نهار مضخم هدا تفكرتينا فيه 
إسراء : عليها جيتي شفتيني 
هشام : نووو 😱 نتي فالمغرب ؟ 
إسراء : وي يوماين هادي باش جيت .. 
هشام : والله مفخباري .. هاديك الفركة ماقالت ليا والو .. 
إسراء : هه ماشي مشكيل .. المهم غدا غتكون فستوديو ؟ 
هشام : وي أنا غير فستوديو .. علاش ؟ 
إسراء : بغيتك فواحد الغرض .. المهم غدا فصباح غندوز عندك .. اوكي ؟ 
هشام : ألالة مرحباابيك فأي وقت 
إسراء : هه عاارفة يالاه تلاح دابا 
هشام : هاهوا .. تهلاي 
إسراء : take care 
قطعات معاه إسراء و دوزات أبيل لسلوى قالت ليها غدوز عليها فصباح باش يبداو الخدمة .. من بعد نزلات تعشات غير هي و واليديها .. دراري مازال مدخلو و طلعات تكات ف فراشها بقات كتخمم ..
إسراء : أكيد وليت كنهلوس .. آدم علاش غيكون تما .. اووف 😔 ...بقات فكرة تجيبها و فكرة نتديها حتا نعسات 

صبح الصباح فاقت إسراء على صوت المنبه .. مشات غسلات وجهها .. لبسات كسيوة قصيرة فيها دي موتيف ديال الورد و دابزا فيها سميطة ديال choker و قادت شعرها wavy و دارت ميك اب وردي خفيف .. هزات بلوك نوت و آيباد ديالها دارتهم فساك و هزات نظاظرها و نزلات تفطر .. فطرات مع ماماها و باباها و خرجات .. ركبات فاللوطو و شدات طريق عند سلوى فالعنوان لي عطاتها .. كان حي سكني عادي .. تسناتها تحت عمارة حتا نزلات .. 
سلوى : صباح الخير 
إسراء : صباح النور .. واجدة ؟ 
سلوى : الصراحة متوترة .. 
إسراء : معندك علاش توتري .. كلشي غيدوز بيخير ☺
ابتاسمات ليها و كسيرات باتجاه استوديو .. كيف وصلو باركات اللوطو و دخلات هي و سلوى .. عارف طريقها بحكم ديما كانت كتجي عند هشام .. وصلات المكتب ديالو و دخلات بلاما دق .. 
إسراء : هااي ☺
هشام : إسراااء .. ☺☺
ناض عندها عنقها و سلوى غير كتشوف فيهم .. 
هشام : توحشتك ألهرابة 
إسراء : حتا أنا أسي المنتج .. 
تلفت هشام لسلوى بقا حال فمو .. 
هشام : إسراء؟ شكون هاد الملاك ؟ 
سلوى حشمات من هدرتو .. 
إسراء : سكتنا حشمتي البنت.. هادي أسيدي سلوى .. أرتيست جديدة ديالي ... 
تلفت ليها هشام .. : هي شي قنبلة الموسم تاني 
إسراء : صوتها رائع تستاهل .. بتاسمات لسلوى .. 
هشام : جلسو .. آنسة سلوى تشربي شي حاجة 
سلوى : احمم .. لا شكرا 
إسراء : المهم .. جيت عندك عارفاك عندك علاقاتك مع شركات الانتاج .. سلوى بغيت ليها أحسن ألبوم هاد العام .. اوا دبر عليا 
هشام : همم .. بغيتي StarDust ؟
إسراء : من نيتك ؟ بغينا المعقول ... WONDERS 
هشام : ههه داخلا صحيحة ... أنا علاقاتي غيوفرو ليك فرصة و لكن خاصها تثبت الموهبة ديالها .. راك كتعرفي هاديك الشركة مكيقبلوش لي كان ..
إسراء : أنا معنديش شك فقدراتها .. ولاعليك .. 
هشام :(شاف فسلوى و طول شوفة هي ارتابكات) نايس .. اوكي أنا غنعيط لصاحبي تما و هو يعطيك موعد معاهم .. 
إسراء : كلما كان أقرب كان أحسن .. 
هشام : اوكي .. سمحوليا واحد الدقيقة .. 
مشا هشام كيهدر فالفون .. شافت إسراء فسلوى .. 
إسراء : أجي معايا نوريك ستوديو .. غتكوني باغا تشوفيه 
سلوى : اه 😍
جراتها و خرجو من المكتب حلات واحد الباب آخر و دخلو كانت قاعة للتسجيل .. دخلات سلوى عينيها كلهم دهشة .. كدوز يديها على الكيبورد ..
إسراء : ان شاء الله هدا غيولي بيتك الثاني .. تلفتات ليها 
سلوى مبتاسمة .. شوية دخل عندهم هشام .. 
هشام : إسراء .. شفتي نتي مزغرتا عليك خالتي سعيدة ديال بصح 
إسراء : آه ؟ 
هشام : المدير ديالهم اليوم تلغى ليه واحد الموعد و قدر سيد يعوضو بديالك 
إسراء : 😱
سلوى : 😱😍 
مشات إسراء كتعنق فيه و عنقات سلوى ..
إسراء : لهلا يخطيك ماي فريند .. معاش بالضبط ؟ 
هشام : هه مع 4 
إسراء : (شافت فساعتها لقاتها 12) اوفف مازال الحال .. يالاه نمشيو حنا دابا .. دوز نتا عندنا متغبرش 
هشام : اوكي .. سلمي على سليعفانة 
خرجات إسراء و تبعاتها سلوى و عاود رجعات 
سلوى : احمم موسيو هشام ؟
هشام : (كيشوف فيها و غياكلها بعينيه) وي ؟
سلوى : شكرا بزاف .. سمحلينا عدبناك معانا 
هشام : العفو عذابك راحة 😍
خرجات سلوى مبتاسمة و خلات هشام حال فمو فيها .. 

وصل وقت اجتماع إسراء مع صاحب شركة 'Wonders Entertainment' مشات هي و سلوى كي وصلو تمو داخلين و سلوى بقات حالة فمها فحجم الشركة الكبير .. وصلو لمكتب السكرتارية سولات اسراء على مكتب المدير .. و تاكدو بلي عندها موعد عاد سمحو ليها بالدخول من بعد ما علماتو السيكريتيرة الخاصة به .. دخلات إسراء و من وراها سلوى .. 
إسراء : السلام .. 
المدير : (هز راسو و جاوبها ) عليكم السلام .. تفضلو .. 
إسراء : تانكس موسيو العثماني .. 
المدير : لا داعي للشكر مادموزيل ..؟ 
إسراء : ( بابتسامة ) إسراء .. الماندجر إسراء اليوسفي .. وهادي الفنانة الصاعدة سلوى مجاهد .. 
المدير : ( كيتأملها ) متشرفين مادموزيل إسراء .. ممكن ندخلو فصلب الموضوع .. 
إسراء : سلوى موهبة خالصة و عندها مؤهلات الي اوصلوها للشهرة فوقت وجيز فالعالم العربي و للعالمية كاع .. و انا بغيتها تخدم مع احسن ناس فهاد المجال لهادا اختاريت شركة ديالك للتعاقد معها .. هادا طبعا الى وافقتو و كناكد ليك مغاديش تندم على قرارك الى تعاقدتي معاها .. 
المدير : فالحقيقة سمعت عليك و على اعمالك .. و خير مثال هو هند الشرايبي الي وصلات بفضل المانجين ديالك .. و حتى هشام شكرك بزاف و نوه على تفانيك فالعمل ديالك .. 
إسراء : شكرا .. انا شغوفة بخدمتي داكشي علاش كنعطي فيها كتر من جهدي .. و كنتيق فحدسي ( شافت فسلوى ) لهادا الى شفت الموهبة ميمكنش نغفل عليها .. 
المدير : انا مقتانع بهادشي الي قلتي .. قبل كل شيء خاصنا نشوفو اداء الآنسة سلوى او لا .. 
إسراء : طبعاً ماقلتي عيب .. ( جبدات سيدي و مداتو ليه ) هادا فيديو فيه سلوى كتأدي اغنية مباشرة في المكان الي اكتاشفتها فيه .. اطالع عليه و رد علينا الخبار غادي نكونو فالانتضار .. 
المدير : ( شدو من عندها ) اوكي .. 
إسراء : نخلويك دابا و شكرا على وقتك الي منحتينا .. 
المدير : ( تبسم ليها و بقا كيشوف فإسراء بنضرات غير مفهومين حتى خرجات من المكتب هي و سلوى ) 
من بعد ماخرجات اسراء و سلوى خدات اللوطو و كسيرات .. 
سلوى : ( كتشوف فيها باعجاب ) وااااو .. سعداتك ا إسراء .. 
إسراء : ( شافت فيها ) هه علاش ؟ 
سلوى : شخصيتك قوية و واثقة من نفسك .. مع ان رئيس هاد الشركة كيبان شخصية و عندو هيبة الا انك متأترتيش و هدرتي بكل ثقة .. عكسي انا واخا كنكون واخة غير فحضور ناس عاديين كنتلبك و مكنعرف منقول .. 
إسراء : مخاصكش تكوني هكاك .. ديما فرضي شخصيتك مهما كانت مكانة الشخص الي قدامك .. 
سلوى : صعيبة .. كنتمنى نولي بحالك يوم من الأيام .. 
إسراء : انا لاحضت بلي انتي خجولة بعض الشيء .. فاش كنا فالمكتب منطقتيش بحتا كلمة مي ماشي مشكيل هادي غير البداية .. و غادي اتبدل كلشي فحياتك الى وقعتي مع هاد 'Record Label' .. 
سلوى : شكرااا بزااف .. نتي دخلتي لحياتي بحال الملاك الحارس .. 
إسراء : يو ويلكوم بيب .. 
وصلات إسراء سلوى لدارها الي جات فحي شعبي .. و مشات عند رجاء بعد ما اتاصلات بها .. و اتافقو اخرجو اديرو شوبينغ .. 
تركاتها و اتاجهو للمول بقاو كيدورو و اتقداو .. خدات رجاء داكشي الي باقي خاصها .. و إسراء حتا هي خدات ليها مخلاو ماشراو .. 
رجاء : احم إسراء .. كيبان ليا بلي خديت كلشي ياك ! 
إسراء : و نتي تعرفي .. 
رجاء : ( كتشوف جيهت بوتيك ديال الملابس الداخلية ) ااا .. خاص خاصني هادوك .. ( كتنعت ليها بصبعها ) 
إسراء : ( تلفتات وهي تكرشخ بالضحك ) هههه بنت الهم .. راه هاداكشي هو كلشي انا نسيت و لكن ماعندي منقول ( نغزاتها ) منستيش خويا هه خويا الي دا وعرف ااش دا .. 
رجاء : زيدي لمك بلا حموضة .. خلينا نقضيو الغراض ..
إسراء : ههه .. زيدي زيدي .. برعي ليا خويا هو الي عندي .. ( مشات كتجري و رجاء تابعها كتحلف ) 
دخلو و بقاو كيقلبو و إسراء فين متبان ليها شي شوميز دونوي مسفحة .. تجيبها تحطها على رجاء كتقيسها عليها قدام المساعدات الي فالمحل .. و هي ميتة بالضحك و رجاء كتفقص حينت دارت ليها فضيحة .. خدات رجاء دو بياس فالالوان و الاشكال و شوميزات حتا هما ها الي مشبك ها الي كولو خيوط .. خلصات و تمو خارجيين و هي توقف إسراء كتشوف فشي حاجة .. رجعات عندها رجاء كتسولها بعنيها زعما مالكي وقفتي .. 
إسراء : نتي جبت ليك الكادو و لكن جهاد مزال و دابا عاد لقيت الهدية المناسبة .. 
رجاء : ااش كتخربقي .. لقيتي لجهاد كادو فين .. هنا ؟!! 
إسراء : ( حركات راسها بااه ) ضوري شوفي .. 
رجاء : ( تلفتات كتبان ليها منكان لابسة الزي ديال كات وومن .. مشبك كولو الفوق على شكل ستيان و ملاصق بخيوط مع شورت الي قصير كيبين الارداف و حتا هو لاصق بخيوط مع ليبا شبكة .. و المنكان هازا مسوط المهم سيكسي و جريئ بزاف ) من نيتك ابنت العبد .. غادي تقلعي قدامي قبل مندير فيك يديا .. 
إسراء : هههه مالكي انا بغيت نتهلا فجهاد .. و هادا أحسن كادو ممكن نهديه ليه .. نتي لابسة هاد الزي والله حتى اخرج ليه العقل الى شافك بيه .. 
رجاء : انا زاعمة .. و لكن ماشي اختي لديك الدرجة الي لبس بحال هاد العجب .. 

خرجو من المول و ركبو .. بقات اسراء كتفقص رجاء و كتحاول تخلعها من داكشي الي كيتسناها .. و الخرى كتحلف فيها و كتوعدها بما كفس منين تجي نوبتها .. الطريق كلها و هما مناكرين حتا وصلات إسراء رجاء لدارهم .. من بعدها رجعات فحالها كي و صلات تلاقات بجهاد و معاذ حتا هما يالاه داخليين .. 
جاو مع وقت العشا كلسو فالطبلة كيكلو و مجمعين .. 
جهاد : فين كنتي حتال دبا ؟ 
إسراء : منين ساليت الخدمة مشيت مع رجاء تقدينا داكشي الي خاصها .. 
جهاد : علاه مزال كاع ما سليتو .. شحال عزيز عليكم تكترو الشراوط .. 
إسراء : صافي كملات داكشي الي كان باقي ليها راه خداتو .. ( تحدرات عليه كتهمس فودنيه ) هادشي الي خدات اليومة راه فصالحك ههه .. 
جهاد : ( فهمها ) ههه .. مزيان .. 
كملو عشاهم و كلا طلع لبيتو .. إسراء كي دخلات لبيتها و هوما ارجعو ملامحها حزينين .. كتحاول تبين القوة و انها تجاوزات داكشي لطرا .. الا انها باقا كتألم خاصة دبا فاش رجعات للمغرب كلشي كيفكرها فآدم .. الشوق و الحنين كيقتلوها و لكن مبغاتش تبين لعائلتها بانها باقي كتعاني .. الي شافها كتبتاسم يقول هادي مابيها والو و هي الله الي عالم بحالها .. لبسات بيجامتها و تكمشات فبلاصتها كتفكر اللحضات الي دوزات مع آدم .. رغم انهم مدوزوش بزاف مع بعضياتهم الا و ان ديك الفترة كانت الاسعد فحياتها .. بقات على داك الحال حتى غمضات عنيها و نعسات .. 
فاقت الصباح بكري دوشات و هبطات لتحت فطرات مع العائلة .. جهاد و معاذ كل واحد اشد فيها من جهة و هي تناكر و تضحك معاهم مسايراهم باش تناسا .. شوية جاها مساج حلاتو و قراتو ترسمات ابتسامة خفيفة على فمها و ناضت .. 
جهاد : فيين ؟؟ 
إسراء : دابا الخدمة بدات .. 
جهاد : كفاش ؟ 
إسراء : البارح تلاقيت بمدير شركة 'وونديرز للترفيه' و عطيتو السيدي الي خديت من كالا الي كيسجلو ديال المواهب .. و ردو عليا بغاو اشوفونا انا و سلوى .. 
معاذ : اممم .. مزيان مي يقدر اقول ليك مموافقينش .. 
إسراء : منضنش .. حينت كن بغاو ارفضو غادي اقولوها بلا ميشفونا .. و الميساج ديال السكرتيرة كيقول بلي المدير بغا اشوفنا .. سو القاضية باينة و مبروك على سلوى و عليا .. 
جهاد : ههه .. إسراء رجعات .. اوا مبروك مسبقا ..
معاذ : مبروك عليكم .. من بعد ماتسني العقد متنسيناش .. نتسالوك عراضة .. 
إسراء : نتوما خاصكم غير السبة باش تاكلو على ضهر بنادم .. مي ماشي مشكيل لا دازت الؤمور كما هي العراضة على حسابي .. 
جهاد : اوي قوليها و هني الوقت علاش خاصك حتى تخصري الهضرة .. 
إسراء : ممسلياش ليكم .. انا سيدة مشغولة نمشي نشوف ااش نلبس تابعني اجتماع مهم .. 
طلعات لبيتها و اتاصلات بسلوى خبراتها بلي غادي دوز عليها .. دخلات لغرفة الملابس و لبسات سروال كحل طالع للسرة و كروب طوب اسود بلا كمام كيبين كرشها و دارت فوقو فيست بيضة خفيفة و هزات حقيبة فالبيض و البلو .. دارت لبستيك ماط مغلوق و ايلاينير لبسات نضارات شمسية سوداء و هبطات .. خدات اللوطو و اتاجهات عند سلوى من بعد ماوصلات لقاتها كتسناها حدا الباب ركبات و هي تكسيري اسراء ديريكت للشركة .. هبطو بجوج دخلو شافتهم السيكريتيرة و علمات المدير عاد دخلو .. 
إسراء : بونجوغ موسيو العثماني .. 
المدير : بونجوغ مادموزيل إسراء .. سلوى صافا ؟ تفضلو جلسو .. 
سلوى : ( بخجل ) الحمدلله .. 
جلسات إسراء و سلوى كيتسناوه اهضر .. 
المدير : ( شاف فإسراء ) المهم انا شفت السيدي .. ( شاف فسلوى ) تبارك الله عليك صوتك رائع .. و بلا كترة الهدرة انا موافق اننا نتعاقدو مع مادموزيل سلوى .. 
إسراء : ( بفرحة ) تانكس موسيو العثماني .. كنواعدك مغاديش تندم على قرارك .. 
المدير : كنتمنا .. ( مد ليها شي وراق ) هادا هو العقد امكن ليك اطالعي عليه و تشوفي الشروط الي فيه واش مناسبينكم و ديك الساعات امكن للانسة سلوى تسني .. 

خداتو اسراء كتقرا فيه و تمعن لقات داكشي هو هداك .. و بقات كتشرح لسلوى لحوايج الي مفهماتهومش .. المدير بقا حاضي إسراء و كيتمعن فحركاتها فاش كترض شعرها لجنب و تلعب بالستيلو بيدها .. و تحطو على شفايفها هي مركزة مع داكشي و مدات مجابت للشخص الي غادي ياكلها بعنيه .. منين اطالعات على داكشي عطات لسلوى وقعات و مدات ليه الوراق .. 
المدير : مبروك عليك مادموزيل سلوى .. و مادموزيل إسراء .. 
سلوى : شكرااا موسيو .. 
إسراء : كنشكرك مرة اخرى على وقتك عارفة بلي وقتك قيم .. ( و قفات و مدات ليه يدها ) نخليوك موسيو العثماني .. 
المدير : ( صافح يدها و بقا شاد فيها ) امكن ليك تعيطي ليا رياض بما اننا غادي نخدمو مع بعض و اكيد غادي نتشاوفو بزاف .. 
إسراء : ( جرات يدها ) احم .. إنشاء الله موسيو رياض .. 
خرجو من المكتب و رياض تكا على الكرسي و كيحك فلحيتو و ابتاسم .. 
رياض العثماني ← ( رجل اعمال ناجح رئيس شركة 'Wonders' مسيطر على الأسواق و اي ألبوم خرج تحت اسم شركتو كيحقق نجاح كاسح .. عندو 32 سنة زينو عربي شعرو أسود و لحية كحلا و مطراسية شفار كتاف و عيون حادة جسم رياضي بامتياز .. شخصيتو غامضة صعيب و مكيرحمش فما يخص الخدمة ) 
البنات غير خرجو من الشركة و طارت سلوى كتعنق فإسراء و تعاود .. 
سلوى : معرفتش كندير حتى نشكرك على هادشي الي كاديري معايا .. ممتيقاش اخيرا حلمي غادي اتحقق .. 
إسراء : تستاهلي احبيبة .. نتي موهبتك خاصها توصل للناس غير هي تابعانا الخدمة غير وجدي راسك .. 
سلوى : الي قلتي ليا نديرو نديرو .. 
إسراء : و هاكاك نبغيك .. غير افوت عرس رجاء و جهاد و نبداو .. 
سلوى : مكرهتش نحضر ليه .. رجاء حتا هي ضريفة بحالك و جهاد اللاعب الي كنت كنشوفو غير فالتلفازة .. مزال ممتيقاش بلي تلاقيتو مباشرة هه .. 
إسراء : واش نتي حمقا اكيد غادي تحضري .. 
سلوى : ( بفرحة ) بصح ! ( حدرات راسها ) ولكن معنديش باش ناخد ليهم كادو ..
إسراء : شكون قال ليك جيبي شي كادو .. ( سكتات شوية ) مم لقيتها شنو رأيك تهدي ليهم أغنية فعرسهم كهدية اا ؟ 
سلوى : وااو فكرة زوينة .. غادي نغني ليهم اغنية رومنسية من قلبي و نتمنا تعجبهم .. 
إسراء : ( ركبو فاللوطو ) غادي تعجبهم انا متأكدة .. 
كيف العادة و صلات إسراء سلوى لدارهم عاد رجعات فحالها ..

بعد اربعة أيام ← 
اليوم نهار الحناء ديال رجاء الي دايرينو فدارهم .. من بعد مامشات رجاء و إسراء و بنات اخرين من العائلة للصاونا .. رجعو و لقاو الدار عمرات بالاقارب غير النساء اما الرجال مجموعين فالفيلا ديال عائلة اليوسفي .. حتى صحاب جهاد و زملاءو فالفريق جاو باش اشاركو معاه فرحتو .. طلعو لبنات مع رجاء لبيتها بداو كيجهزو حالهم لبسو قفاطن سامبل و راقيين .. رجاء لبساتو فالاخضر و إسراء لبسات قفطان بوردو .. قادات رجاء المايك اب ديالها راسها اصلا هي خبيرة فهاد المجال .. دارتو سموكي و ركزات على عنيها و شعرها قاداتو وايفي و طلقاتو و إسراء حتا عي قادات مايك اب ديالها سامبل جاها زوين بزاف شعرها قاداتو سامبل و شدات النص جمعاتو و المباقي مطلوق على كتافها .. جات عندهم سلوى لابسة قفطين فالبلو سيال و شعرها الاشقر مطلوق بوكلي كتبان كيوت .. 
دارو اللمسات الاخيرة و هبطو رجاء لتحت جلسوها فالمكان المخصص ليها و بدات النقاشة تنقش ليها .. دارت داكشي خفيف حينت معندهاش مع الحنة و البنات حتا هما دارو معها صبيعات .. الموسيقى مالية الفيلا جايبين ديدجي من معارف اسراء بقاو مقصريين و ناشطين تحت انغام الموسقى .. هالي كيشطح ها الي كيخشي فوجهو دايرين بوفيه فيها جميع المؤكولات و المقبلات و الحلويات المغربية .. الي بغا شي حاجة كياخدها دوزو امسية من داكشي و سالاو بكري باش ارتاحو و الغد ليه يكونو جاهزين للعرس .. بالنسبة للدراري فهما دوزو نهارهم فالفيلا مقصريين بالاكل و خالقيين الجو .. هشام و معاذ اقتارحو على جهاد امشيو لشي بواط اكملو فيها القصارة و اديرو ليه حفلة توديع العزوبية .. لاكنو رفض بعد التهديدات الي دارت ليه رجاء فاش هضرو فالفون تحلفات عليه ميفوتش الفيلا و لا غادي تخلط عليه فينما كان .. تشتتات المجمعة .. كاين الي مشا لدارو حتا الغد ليه و كاين الي بات بعد ماجهزو الخدم عدة غرف ديال الضيوف .. طلع جهاد لبيتو و صونا لرجاء .. 
رجاء : فين كاين ؟ 
جهاد : ناري قولي غير السلام .. 
رجاء : جاوب .. فين كاين ؟ 
جهاد : فبيتي فين غادي نكون .. 
رجاء : وهكاك .. 
جهاد : شتي هاد الوعورية الي فيك غدا غادي نقاديها ليك غير صبري عليا .. 
رجاء : ( كتبلع ريقها ) هاها خلعتيني .. ناري شوفني كنقفقف .. 
جهاد : شتي نتي راك غير جبهة .. منين كتجي للمعقول كتبداي تبيضي فعنيك .. سو بلا متبقاي تمثلي عليا .. 
رجاء : كتحلف ياك .. اوى اسيدي حتا دبا مبقيتش بغيت .. 
جهاد : حبيبة فات الفوت .. العقد و درناه معندك فين تراجعي الزين .. دابا رتاحي ليا مع راسك من هنا لقدام مكاين نعاس هه .. 
رجاء : يخخ على مكبوت .. هادشي لاش معيط عليا .. 
جهاد : متخلعيش افليفلة ديالي .. غادي نكون حنين غير نعسي على جنب الراحة .. 
رجاء : ( دخلات عندها اسراء ) سير بغيت ليك غبارة .. 
جهاد : ههه تصبحي على خير الكبيدة .. 
رجاء : ( قطعات ) ولد الحرام طير عليا النعاس .. 
إسراء : هه مالكوم تاني ؟ 
رجاء : جالس كيتحلف .. 
إسراء : ااه .. هي دخلك الخوف اا ؟ 
رجاء : لا مخيفاش .. علاش غادي نخاف طز .. 
إسراء : امم .. مزيان اوى الله اعطينا برودتك .. 
رجاء : هي الصراحة متوترة ولكن مخيفاش .. جهاد كيبغيني علاش غادي نخاف .. 
إسراء : هادي كاينة ( تخشات حداها ) اجي نعنقك هادي اخر ليلة نباتو حدا بعضياتنا .. 
رجاء : شكون قالها ليك .. نهار توحشيني عيطي ليا نتخشا حداك و نتحتتو اليل كامل كيف موالفين .. 
إسراء : حبيبة .. خويا و عارفاه .. الا خلاك ديري هاك و لا هاك بزقي ليا .. 
رجاء : او مالو غادي ابقا لاسقني ديما .. غير تهناي راه رجاء هادي و اجرك على الله .. غادي اتروض بلهلا اطريه ليه ..

إسراء : نعسي احبيبتي .. غدا عرسك ههه البرهوشة غتزوج .. 
رجاء : البرهوشة هي جداك .. 
تخشاو فبعضياتهم كيتناكرو حتا مشات بيهم عنيهم .. 
اصبحنا و أصبح الملك لله 
فاقو البنات بزز و ناضو فطرو مع العائلة انضمو ليهم البنات الخرين لبسو عليهم و مشاو لبيوتي سانتر .. دوزو النهار كامل تماك قادو الحالة دارت رجاء الليزر لحمها كامل و دارت لي سوان لوجها و شعرها .. من بعد قادو ليها مايك اب غامق و شعرها قادو ليها مشيطة خلاو ليها خصلات من شعرها مطلوقة .. اما إسراء دارت حتا هي مايك اب برز ليها ملامحها بشكل رائع و شعرها دارت ليه وايفي و خلاتو مطلوق .. سلوى دارت مايك اب خفيف مبغاتش تكتر و شعرها قاداتو سترايت جات زوينة .. منين سالاو جا جهاد و هشام و معاذ كلا و فسيارتو تسناوهم حتا خرجو عندهم .. خارجيبن دايريين على رجاء فايل شفاف على راسها مغطيين ليها وجها .. لقات جهاد واقف كيشوف فيها و الابتسامة مرسومة على وجهو فتح ليها الباب طلعات و ركب حتا هو .. إسراء مشات ركبات مع معاذ هي وشي بنات سلوى تبعاتها حتا هي بغات تركب معها و هو اجرها هشام .. 
هشام : اجي ركبي معيا .. راه مبقاتش ليك تماك بلاصة .. 
سلوى : آا .. لا بغيت نمشي مع إسراء .. 
هشام : ( حل ليها لباب ) طلعي .. متخافيش راه مغاديش ناكلك هه .. 
سلوى طلعات لقدام و طلعو جوج بنات اخريين اللور ركب هشام وكسيرا لجيهت القاعة .. 
عند إسراء الي راكبة حدا معاذ و معاهم بنات من عائلتها جالسيين اللور حاضيين معاذ عجبهم .. و هو شاد الحتيت مع إسراء .. 
معاذ : قلت اليوم غادي طلعي زوينة ساع خاب ضني .. مجاش معاك هادشي .. 
البنات فرحو كيفرنسو و انغزو فبعضياتهم .. 
إسراء : كاعلا اعجبك .. المهم انا عاجبتي راسي .. 
معاذ : اممم .. اوى عجبني و عجبني بزااااف .. فاش شفتك خارجة تضهشرت .. لما شوفي من حالتي و قبلي بيا مغديش تندمي .. 
غير سمعوه لوخرينات و هما اخرجو عنيهم .. 
إسراء : تو تو .. I'm sorry .. ارفض عرضك ميستر معاذ .. 
معاذ : والله الى حشومة عليك .. 
في السيارة عند جهاد ← 
غادي سايق و كيشوف فرجاء .. 
جهاد : حبيبة اوى حيدي داكشي نشوف القمر ديالي .. 
رجاء : و لا ابنادم .. راه مخاصكش تشوفني قبل العرس باش ادوز كلشي مزيان .. 
جهاد : من نيتك .. داكشي راه غير تخربيق .. اوى حيدي نشوف .. 
رجاء : لاااء .. 
جهاد : واخا الالة هاني كنجمع ليك .. 
وصلو للقاعة طلعو البنات مع رجاء فين خاصها تلبس و جهاد حتا هو مشا هو و الدراري فين ابدلو .. القاعة عمرات و الأوركسترا خدامة رجاء بغات عرس تقليدي داكشي علاش دارو الشعبي و دارت النكافة .. قالت ليك هي دارت العرس غير باش تركب فالعمارية .. 
لبسو لرجاء القفطان الأول فالبيج راقي و انيق و اسراء لبسات قفطان فالاسود جاها مع فصالتها هو هداك وسلوى لبسات قفطان فالاحمر جاها زوين .. من بعد ماجهزو رجاء خرجوها و هي تلقا جهاد كيتسناها حدا الباب لابس سوت فالاسود مع قاميجة بيضة و الحية ناقصها شوية شعرو مرجعو اللور كيبان وسيم جدا .. قرب لرجاء و باس على راسها من فوق الفايل و شدات فيه هبطو لتحت تحت انغام الموسيقى .. طلعوها فالعمارية و هي فرحانة و جهاد واقف كيشوف فيها و الابتسامة مفرقاتش وجهو .. من بعد ما نزلوها جلسوها حدا جهاد قرب و حيد عليها الفايل كيشوف فيها بعنين كيبريو قبلها على جبهتها و قبل خدها .. سطاتو مبقاش بغا احيد عينو عليها و إسراء واقفة حداهم كتشوف فيهم و السعادة باينة على وجها .. دازو اجواء زوينة إسراء جلسات فالطبلة مع واليدها و والدين رجاء و معاهم حتا فتيحة و راجلها أحمد الي حضرو .. بدلات رجاء لبيسات اخرين و حتا جهاد لبس البلدي جابادور ..

جاتو غزالة و جا وقت الفستان الأبيض .. جات فيه رجاء بحال الأميرة كان على شكل 'Mermaid Cut' لاصق عليها حتال الركبة عاد جا مفتوح بحال الحورية .. جهة الصدر لايس كيبين مزوق باحجار الكريستال و ضهرها عاري حتال النصف و دايرا فايل فوق راسها طويل كيتجرجر فالارض .. دخل عندها جهاد لابس تاكسيدو فالكري لاصقة عليه بينات عضلاتو قرب ليها وهو كيشوف فيها بكل حب شد يديها باسهم بجوج و تحنا قبلها فشفايفها قبلة خفيفة .. خرجو و هما مشاديين و هما هابطيين مع الدروج كيسمعو صوت عذب و اغنية رومنسية كتبورش .. بانت ليهم سلوى هازا المايك و كتغني من كل اعماقها تبسمات ليهم و هما كدلك شكروها بعنيهم .. توجهو لوسط القاعة و كلشي جالس كيشوف فيهم حطات رجاء يديها على كتاف جهاد و هو بدورو حاوط خصرها وقربها ليه .. بقاو كيرقصو وعنيهم على بعض حاسيين بحال الى بوحدهم الي كاينين فالوجود و العشق باين من لمعان عنيهم وهما كيشوفو فبغض .. إسراء دمعو عنيها فرحانة ليهم وفنفس الوقت كتحصر على حالها لانها مغاديش تحضى ببحال هاد اللحضات انك ترقصي فاحضان حبيبك و زوجك فاليوم الي كتمناه كل بنت يوم عرسك .. كملو الرقصة تحت تصفيقات الجميع و جابو ليهم الطورطة الي كانت رائعة بيضاء و مزوقة بالذهبي شدات رجاء فالسكين و جهاد شاد فيدها و قطعو الكيك .. خداو التهاني من عند الاحباب و الاقرباء و حان الوقت باش امشيو توادعات رجاء مع عائلتها و عنقات اسراء و سلمات على والدين جهاد و هو كذالك قام بالمثل ركبو فالسيارة ديال جهاد و توجهو للمطار كانو مقررين اسافرو ديريكت .. القاعة خوات وكلا مشا فحالو اسراء طلبات من هشام اوصل سلوى و قبل بكل سرور .. ركبات اسراء فاللوطو ديالها و ركبو معها واليدها توجهات ديريكت للدار كي وصلات طلعات لبيتها و نصلات حوايجها .. لبسات شورت و تيشرت وتلاحت نعسات فالبلاصة .. 
فالمطار وصل جهاد و رجاء وتوجهو جيهت الطائرات الخاصة كان اجر طائر خاصة .. خلا اللوطو واتاصل بسائق العائلة اجي ياخدها من المطار .. طلعو و شدو بلايصهم من بعد قلعات الطائرة و خدا جهاد رجاء للغرفة بدلات و بدل حوايجو حتا هو باش اكونو مرتاحيين .. و تكاو فوق الناموسية نعسو فحضن بعض .. بعد ساعات و صلات الطائرة لوجهتها ميامي فاق جهاد على نداء الوصول .. بقى كيدوز ايدو على شعرها و قبلها فوق راسها متحركاتش هبط حط شفايفو على شفايفها و هي تحل عنيها مبلقاهم .. 
رجاء : امالنا .. واش متخليش بنادم انعس .. 
جهاد : نوضي النعاسة راه وصلنا .. 
رجاء : و متعرفش تفيقني بلا بسالة .. 
جهاد : ( بابتسامة جنب ) لمك انا مزوجك غير باش ندير معاك لبسالة .. 
رجاء : ( ضرباتو بمخدة ) و كتقولها بوجهك حمر .. 
جهاد : و مالك بغيتني نكدب .. ( وقف ) يالاه نوضي حتى نوصلو للاوطيل وكملي نعاسك .. 
ناضت رجاء وخرجات هي و جهاد من الطائرة .. نزلو ليهم الحقائب ديالهم و جابو ليه السيارة الي وصا عليها كانت بورش سبور كحلا .. حط الحقائب فلكوفر و ركب طلعات رجاء حداه و توجهو للاوطيل الي حاجزين فيه ..

من بعدما وصلو للاوطيل خداو من عندهوم الشانطات و طلعوهم للسويت الي حجز جهاد .. طلعو فالاسنسور و دخلو رجاء عجبها السويت كان كبير فيه بيت النعاس بسرير مدور و كبير و بالكون كيطل على لبحر اطلالة واعرة وكترد النفس فيه طبلة بكراسا عاد ارجوحة .. و صالة فيها فوطويات و التيفي عد الحمام الي كان شاسع فيه جاكوزي كبير و دوش .. من بعدما سالت التبركيك جلسات فوق الفوطوي كتسنا جهاد ادخل كان كيهضر مع الي جابو ليهم حوايجهم .. 
رجاء : واو .. هادشي زين .. 
جهاد : عجبك ؟ 
رجاء : امم .. زوين بزاف .. 
جهاد : ( باسها فخدها ) حتا نتي زوينة .. 
رجاء : عارفة .. 
جهاد : ههه .. اه دخلي دوشي تحيدي عليك لعيا .. راه و سيطهم اطلعو لينا لغدا .. 
رجاء : اوكي .. ( مشات هزات حوايجها من الشانطة و دخلات للدوش ) 
جهاد سمع الدقان حل ليهم دخلو ليه طبلة عامرة ماكلوات متنوعة و لكن صحية .. حينت هو خاصو ديما احافض على اللياقة البدنية ديالو و خا واخد كونجي على حساب العرس و الهاني مون .. رجاء دوشات و لبسات بيجامة شورط و ديباردو عاد خرجات لقاتو واقف و كينقب من الماكلة شاف فيها .. 
جهاد : بالصحة حبيبة .. 
رجاء : الله اعطيك الصحة .. 
جهاد : همم لبستي لداخل .. 
رجاء : ااه .. علاش فيها شي حاجة .. 
جهاد : ههه .. فيها بزاف و لكن من بعد غادي نبدلو هاد القاعدة .. 
رجاء : باز .. دوز دوش دغيا راه فيا الجوع .. 
جهاد : ( هز فوطة ) ( وقف قبالتها طلعها و هبطها ) احح عليك ( باسها فخدها و دخل للدوش ) 
مشات رجاء جلسات فالطبلة هزات الفون ديالها و هدرات مع اسراء في الميساجات علماتها بلي وصلو .. شوية تم خارج جهاد لاوي فوطة على نصو و شعرو هابط على جبهتو كيقطر عليه .. هزات رجاء راسها شافتو و هي تخرج عنيها شافها و هو اضحك هز فوطة اخرى كيمسح بها شعرو .. 
و مشا هز حوايجو و هي باقا حالة فمها فيه .. عطاها بضهرو و حيد الفوطة عاد هي فاقت و قلبات وجها للجهة لاخرة .. لبس سروال سيرفيت فالكري بالسيور بضين فقط و توجه جيهتها هبط باسها فعنقها و هي تبورشات من ملمس شفايفو و الماء الي قطر عليها من شعرو .. عاد مشا جلس مقابل معاها .. 
جهاد : حبيبة كي جاك الشوو ' العرض ' ؟ 
رجاء : احم .. انا شو عاوتاني ؟ 
جهاد : الي كنتي كتفرجي فيه عاد دبا .. و عنيك مبقاوش رمشو ههه .. 
رجاء : هاها .. باركة من التخيلات كاع ماديتها فيك .. 
جهاد : هه اا .. My bad .. كلي الزين ديالي راه غادي اخصك بزاف ديال الطاقة .. 
رجاء : ( خنزرات فيه و بدات تاكل ) مال هادشي كولو غير سالاض .. ؟ 
جهاد : هادشي هو الي صحي مخصكيش تاكلي دسم بزاف خايب عليك .. و راه خديت ليك 'سيزر سالاض' فيها الدجاج مقاد بطريقة صحية حسن من داك كنتاكي عامر كاربز .. 
رجاء : دابا نتا باغي تفرض عليا داكشي الي كتاكل .. اوا مزيان .. سمع اسيدي انا عزيز عليا الاكل الدسم و بيناتنا غير الخير .. نتا كول داكشي الي كيعجبك و انا ناكل الي عجبني .. 
جهاد : واخة اشاطة ماطة .. المرة الجاية نطلب ليك الي بغيتي .. 
كملو غداهم و طلبات رجاء جهاد اخرجها وافق واخا هو كان بغا اقضي الغراض .. مي هي حرمات عليه قالت ليه حتال اليل .. بدلو حوايجهم كاجوال رجاء لبسات شورط جينز مع تيشورت اسود و سبرديلة بيضة و هزات شعرها كوت شوفال .. و جهاد لبس سروال كحل مع تيشورت ابيض و فوقو قاميجة جينز و سبرديلة كحلا .. خرجو مشاديين خدا اللوطو ركبو و بقاو كيدورو و ناشطين و طالقين الماسق و رجاء كتشطح بيديها و رجليها .. فينما اوقفو فشي سطوب كيبقاو الناس اتلفتو ليهم خاصة الدراري كيبقاو اشوفو فرجاء .. جهاد بان ليه لبلان و معجبوش الحال طلع الجاجة و هي عاودات هبطاتها عاود طلعها و هي تهبطها حمر فيها عاد جمعات اديها .. دازو لواحد الريسطو تعشاو عاد رجعو للاوطيل .. 
هبطو و طلعو فالاسنسور مشات رجاء للبالكون اتاصلات بإسراء كتخبرها بأي حاجة طرات معها بقاو مجمعين .. و جهاد دخل خدا دوش و خرج لبس عليه شورط اسود و مشا عندها .. هي كانت كتهدر حتا حسات به حضنها من اللور و خاشي وجهو فعنقها كيشم ريحتها ودعات اسراء و هي تقطع .. 

🔞🔞🔞🔞🔞
رجاء : جهاد .. بلاتي نمشي ندوش .. 
جهاد : ( باسها فعنقها ) اوكي حبيبة .. 
فلتات منو و هزات شانطة صغيرة دخلات للدوش قادات الجاكوزي بلي بخودوي .. حيدات حوايجها و دخلات حسات براسها استرخات ناضت شللات و نشفات راسها و دهنات شي كريمات على لحمها كولو بنكهة الفاني و الشوكولا .. حلات الشانطة و هزات شوميز دونوي فالبلو سيلك و مشبك شوية من جهة الصدر و فيه فتحات فالجناب طالعين حتال الخصر لبساتو مع السترينغ ديالو فالاسود مشبك .. تقابلات مع المرايا و نشفات شعرها غير شوية و دارت لبستيك غوج و ايلاينر و مسكارا رشات ريحتها .. خدات نفس و مشات جيهت الباب حلاتو وخرجات بان ليها جهاد جالس فطرف الناموسية محدور على الفون .. سمع الباب تحل هز عينو شافها و هو احل فمو .. من نهار ولاو عندو احاسيس اتجاها و هو كيتمنا النهار الي تولي ملكو بوحدو .. اشار ليها تجي عندو تمشات بخطوات تقال وصلات حداه جرها و جلسها فوق حجرو و خشا راسو فعنقها كيستنشق ريحتها الي كتحمقو .. هز راسو كيشوف فيها بكل حب و شهوة ..
اشار ليها تجي عندو تمشات بخطوات تقال وصلات حداه جرها و جلسها فوق حجرو و خشا راسو فعنقها كيستنشق ريحتها الي كتحمقو .. هز راسو كيشوف فيها بكل حب و شهوة .. 
جهاد : باغا تقتليني ياك .. باغا تصفيها ليا .. امم 
رجاء : ( كترمش فعنيها و ساكتة ) 
جهاد : هه شفتك سكتي .. مموالفاش ليك .. 
رجاء : ااش بغيتني نقول .. ( حيدات يدو بغات تنوض ) كنس كيداير حيد عليا .. 
جهاد : ( جرها عندو وزير عليها ) شتي معندك فين تمشي .. الليلة ليلتك .. 
انا بعدا مبقيتش قادر نصبر .. 
حاوط ادو على خصرها والاخرى حطها مورا عنقها قربها لعندو و عنيه فعنيها حتا تخالطو انفاسهم و حط شفايفو على شفيفها بلا ميبوس و هضر 
جهاد : كنبغييبيك .. 
غمض عنيه و انقض على شفايفها كيمص و اجر كيتلذذ بماذاقهم و اديه كيلمس بهم جسمها .. مطلقهم حتا طيبهم ليها هبط لعنقها كيوزع قبلات متفرقة هزها و لاحها فوق الناموسية و طلع فوقها .. رجع كيقبل شفايفها الي مسخاش بيهم و هي بدات كتجاوب معاه بجوج بيهم ترفعو ودخلو لعالمهم الخاص .. طلع قبل جبهتها و عنيها و خدودها وجها كولو داز عليه وتم نازل مع عنقها هاد المرة كيقبلها بقوة كيمص حتا كيخلي البلاصة حمرا كتوزوز .. حط يديه على كتافها ونزل ليها سميطات الشوميز و بان صدرها مكانتش لابسة ستيانات .. شاف صدرها و جهل هبط كيبوس فيه خشا وحدة فمو كيمص فيها ولخرى كيعصرها باديه هي بدا كيتسمعو اهاتها .. الي فاش سمعهم زاد جعر و تم هابط لسرتها نسل الشوميز و لاحها و رجع كيقبل و يلحس فسرتها و اصواتها ولات كتعالا .. جر السترينغ بسنانو حيدو ليها و حيد الشورط بقا بالبوكسر كري شاف فيها لقاها سادة عنيها و شادة فالفراش مزيرة عليه بيديها .. فرق ليها رجليها و هي تحل عنيها طلع عندها و همس ليها فودنيها .. 
جهاد : حبيبة مستاعدة .. مبقيتش قادر نصبر .. 
شافت فيه و دورات يديها على عنقو فهم بلي عطاتو الاوكي باش اكمل .. باسها فودنيها و هي تهز عرف بلي هاداك هو المفتاح ديالها رجع فالقبل ديالو حتا ترخات من جديد بقا هابط حتى وصل للمكان المعلوم .. خشا راسو بين رجليها و بقا كيبوس و يلحس هي شادة فشعرو كتهز وتحط السيد تزير مبقاش قادر اصبر حيد البوكسر و تخشا بين رجليها .. غاص فشفايفها عاود خاشيهم وسط فمو بقا ليه شوية اسرطهم .. شد المعلم حطو على الطوطو ديالها هي حسات بيه و شدات فكتافو مزيرة عليهم .. بقا كيدوزو من الفوق و شفايفو مافرقوش شفايفها شوية بدا كيدخل فيه حسات بيه قاصح .. 
رجاء : جهاد .. بليز غير بشوية .. 
جهاد : متخافيش احبيبة .. غير صبري معيا شويا و ترخاي .. 
عاود رجع كيقبل فيها و كيحاول ادخلو بشوية حينت مزيرة دفع المرة اللولة ووالو عاود دفعو هاد المرة بالجهد حسات بيه وصل للوالدة يالام بغات تطلق الغوتة سكتها ببوسة حارة .. حسات بسائل سخون هابط بين فخاضها باسها فجبهتها و خرجو بشوية هز فوطة مسح و مسح ليها .. لبس الشورط و تكا حداها غطاها و جرها خشاها فصدرو كيدوز يديه على شعرها .. 
جهاد : حبيبة سمحي ليا .. تقصحتي ياك .. 
رجاء : ( حاطة يدها على صدرو ) امم .. شوية .. 
جهاد : ( باسها فوق راسها ) احح عليك شحال بنينة .. راه كنت داير كتر من جهدي باش منفورصيش عليك .. 
رجاء : كون درتيها .. كون كليتي عزاك .. 
جهاد : ههه .. على انا نقدر .. نتي راك روحي .. منقدرش نآديك .. تبغي تدوشي ؟ 
رجاء : نو مقديتش .. 
جهاد : ندوش ليك انا .. 
رجاء : لا خلي حتال الصباح فيا النعاس .. 
جهاد : اوكي كبيدة نعسي ارتاحي .. 
بقا كيدوز على شعرها باديه حتا نعسات ناض قادها فبلاصتها و دخل للدوش .. دوش و خرج لبس بوكسور و شورط كري رجع تكا حدا رجاء لقاها غارقة فالنعاس جرها عندو و حط راسها فوق صدرو و مدر علبها اديه مزير عليها باسها فشفايفها و غمض عينيه 

في الصباح فاق جهاد هو الاول .. شاف فرجاء الي كانت باقا ناعسة على صدرو و وجها مغطيه شعرها حيدو بصباعو و طبع قبلة على جبينها .. شوية بدات تحرك حلات عنيها بتتاقل و شافت فيه كان كيشوف فيها و الابتسامة على وجهو .. تفكرات ليلة البارح و هي تحدر شافت راسها باقا عريانة تزنكات و شدات فليزار مغطيا به صدرها .. 
جهاد : هههه .. وينو على لحنيكات تزنكو .. ( باسها فخدها ) 
رجاء : ( دفعاتو ) حيد عليا .. شفتي البارح ااش درتي فيا .. 
جهاد : ( باستعباط ) امم .. ااش درت ليك ؟ 
رجاء : تدار ليك .. ( لوات عليها ليزار و ناضت غادة للدوش ) 
دخلات دازت من حدا المرايا شوية وهي ترجع وقفات قبالتها شافت راسها كلها مطبعة عنقها صدرها و هي تبدا تنكر من لداخل ديال الدوش و هو كيسمع فيها و ميت بالضحك .. 
رجاء : ناري على الجاهل لاخر .. الله القيها ليك زوقت ليا لحمي .. يخخ على مكبوت .. الى بقات فيك انا ماشي رجاء .. اففف 
دوشات و لوات عليها فوطة و تمات خارجة لقاتو كيلبس تيشورت ديالو .. 
رجاء : عجبك هادشي الي درتي فيا ؟ 
جهاد : ( حرك راسو بااه ) اممم ههه .. 
رجاء : ( قربات ليه و تقابلات معاه ) والله لابقات فيك متوحش لاخر .. 
جهاد : ( كيشوف فيها لاوية فوطة قصيرة كيبان نص صدرها و واصلة حد الفخاض و شعرها فازك هابط على كتافها ) ناري حيدي من قدامي .. لنصدق داير فيك شي موصيبة ديك ساع تشوفي المتوحش كيف داير .. 
رجاء : كتهدد .. اوا انا مخيفاش منك ياله .. 
جهاد قرب ليها كتر جرها من خصرها حتا لاصقات عليه و هبط شد خصلات من شعرها كيشم فيهم و طبع قبلة فعنقها و همس فودنيها .. 
جهاد : نتي واقفة قدامي هاكا .. خاصك تخافي .. كون ما كنتي مقصحة كن كنا دابا لهيه ( كينعت ليها جيهت الناموسية ) 
رجاء : ( دفعاتو ) حلم حلم .. 
مشات كتسوط خدات حوايجها من الشانطة و دخلات للدوش لبسات دوبياس فالاسود و كسوة فالماغون .. مطلوقة وخفيفة نشفات شعرها بالسيشوار دارت لبستيك غوز ومسكارا و رشات ريحتها .. خرجات لقات الفطور فوق الطبلة و جهاد كالس كيتسنا فيها انضمت ليه و هي زعفانة .. بقا كيحزر فيها حتا طلقات فطرو فجو مليئ بالضحك و المناكرة اكيد .. سالاو وناضو لبسو عليهم باش اخرجو ويبداو ايامهم الي غادي تكون مليئة بالعسل .. 
بعد أسبوعين ← 
إسراء فهاد الأيام كانت مشغولة مع سلوى الي دارت ' Makeover ' الي بدلها ولات كتبان بحال النجمة .. بدات بتسجيل البومها بعدما شافت ليها إسراء احسن الملحنين و الكتاب فالعالم العربي .. كانو كيسجلو فشركة ' وونديرز ' ووقتما مشات إسراء مع سلوى كتلاقا مع رياض مع انو هو المدير و معندوش علاقة مباشرة بخدمتهم الا انه كيحضر للتسجيل .. و كيحاول يتقرب من إسراء أكتر هي ارتاحت ليه و منباهرة بشخصيتو القوية والشغف الي عندو تجاه خدمتو .. هاد النهار كانت سلوى كيف العادة فالاستوديو و إسراء واقفة عليها كتفقد العمل .. و صل وقت الغداء و هما باقيين قررات إسراء تمشي تغدا وتجيب معاها لسلوى حينت ميمكنش احبسو حتا اكملو التسجيل .. خرجات من تماك و غادة جيهت الدروج .. رياض خرج من المكتب ديالو وغادي للأسنسور حتا لمحها حدا الدروج .. بقا ساهي فيها كانت لابسة سروال كحل مقطع من الركبة و تيشورت معقود بالسيور من جهة الصدر وخاشياه فالسروال هازة صاك كحل بسمطة طويلة و شعرها مطلوق سامبل .. خرج من سهوتو و لحق عليها شدها من دراعها و هي تلفت شافتو وابتاسمات حيد اديه و بقا كيتأمل ابتسامتها كانت كتهضر معاه و هو مكاينش هنا حتا هزات ادها كتدوزها قدام وجهو .. 
اسراء : هيهو .. موسيو رياض سافا ؟؟
رياض : آاا .. امم الحمدلله .. نتي صافا .. كيف غادا الخدمة ؟ 
إسراء : وي صافا .. كلشي غادي مزيان الفضل كيرجع ليك .. 
رياض : نو متقوليش هكاك .. حتا نتي ممقصراش .. الصراحة بهرتيني .. 
إسراء : هادا واجب .. نخليك دبا .. خاصني نمشي نتغدا و نجيب لسلوي متاكل .. 
رياض : حتا انا غادي .. ممكن تنضمي ليا ؟ 
إسراء : نو بلا منبرزطك .. انا غادي ناخد شي حاجة خفيفة و رجع بالزربة .. 
رياض : اولا مغاديش تبرزطيني .. و ثانيا مكاين علاش تستعجلي خودي وقتك و تغداي براحتك .. 
إسراء : انا فاش كنكون مشغولة هادي حالتي .. بعد الخطرات كنسا الماكلة .. 
رياض : هادشي ماشي مقبول الالة إسراء .. صحتك هي اللولة .. ياله نتغداو ومنين نساليو نجيبو معانا لسلوى .. 
إسراء : ههه .. مصر ؟ 
رياض : امم .. 
إسراء : ههه اوكي .. نتلاقاو لتحت .. 
رياض : فين غادة ها الاسنسور .. 
إسراء : احم .. مكنطلعش فالاسنسور عندي فوبيا .. 
رياض : اه .. حتا انا غادي نهبط معاك فالدروج .. 
إسراء بقات كتشوف فيه سكتات و تمات نازلة و هو تابعها وصلو لتحت و كلشي كيشوف فيهم و متبع ليهم العين خاصة للمدير الي هابط من الدروج و مجمع مع اسراء و الضحكة مرسومة على وجهو .. جاهم هادشي غريب حينت عمرهوم شافوه كيضحك فالشركة ديما عاقد حجبانو .. لقا الشيفور قدام الشركة فتح ليه الباب .. اسراء كانت غادة تركب فاللوطو ديالها مي اصر عليها تركب معاه وافقات و مشا حل ليها الباب بنفسو حتا ركبات عاد دار للجهة لاخرة فتح ليه الشيفور طلع حداها .. ديمارا السائق و تمو غاديين فصمت حتا وصلو لواحد الريسطو راقية هبطو و تمو داخلين ..

تلقا ليهم النادل و خداهم للطبلة المعتادة رياض كيجي هنا بزاف .. جر ليها الكرسي بتاسمات ليه و جلسات خداو طلباتهم و جلسو كياكلو شاديين اطراف الحديث .. 
إسراء كتهدر على الخدمة و هو منتابه معاها وتائه فملامحها و حركاتها ..
في جهة المقابلة فنفس الريسطو كان جالس فطابلة اربعة اشخاص تلاثة رجال و إمرأة كيتناولو وجبتهم .. من بينهم كان آدم اه آدم الإدريسي الي منين دخلات إسراء و هو متبعها بعنيه كان كيشوف فيها بنضرة باردة .. و مدار حتا رد فعل مكانش متفاجأ بشوفتها اصلا كان عارف بلي رجعات للمغرب .. لاحضات هاجر شرودو و ضارت شافت فين كيشوف لمحات إسراء و هي تصدم ممتيقاش بلي رجعات من جديد حتا قالت تخلصات منها و عمرها تبان قدام آدم .. استجمعات راسها و حاولات تكتم غيضها و رسمات ابتسامة صفرا على وجها ..
هاجر : موسيو آدم .. موسيو آدم .. 
آدم : ( شاف فيها ) شنو كاين ؟ 
هاجر : موسيو أشرف كيهضر معاك .. 
رجع كيهدر مع رجال الأعمال الي داير معاهم غداء عمل كيهضر و مخنزر .. بعد ماسالاو ناضو دوك جوج رجال غاضرو هما اللولين عاد ناض آدم و هاجر كانو دايزيين من حدا إسراء الي كانت فخضم الحديث مع رياض .. شمات شي ريحة مغريباش عليها تلفتات و هي تصدم و خرجات عنيها ممستوعباش بلي آدم هو الي دايز قدامها .. فاش شافتو تسرعات دقات قلبها حسات بحال الى بغا اخرج من بلاصتو .. لكن الصدمة الاكبر هي فاش رمقها بنضرة مستفزة و باردة و شد فيد هاجر و خرجو من الريسطو .. حسات بحال شي موس تغرس فقلبها و غرغرو عنيها رياض كان كيهضر معها مامسمعات والو و دنيها تصمكو .. ناضت كتجري للطواليت دخلات و سدات عليها و انفاجرات بالبكا شادة جيهت قلبها و كتوجع .. توحشاتو بلا قياس و منين شافتو مكرهاتش تجري عندو و تعنقو و تخشا فاحضانو و تقولو توحشتك و كنت عايشة فالعذاب و انا بعيدة عليك .. حاطة ادها على وجها و دموعها شلال مقدراتش تنسا النضرة الي رمقها بيها و يديه الي كانت شادة فيد هاجر ..
اكون زعمة نساها و عايش حياتو كانها عمرها كانت جزء منها .. كاع الاوجاع رجعو عليها بقات كتبكي مدة عاد استجمعات قواها و ناضت غسلات وجها و قادات مايك اب باش ميبانش عليها كانت كتبكي مع دلك عنيها كانو منفوخين .. خدات نفس و خرجات توجهات عند رياض اعتادرات على التاخير و قالت ليه بلي خاصها ترجع الشركة .. شاف عنيها حمرين و سولها 
رياض : مادموزيل إسراء شي باس مكاين ؟ مالكي ؟ 
إسراء : لا مابيا والو .. انا غادي ناخد لسلوى شي حاجة و نمشي .. 
رياض : راه فاش كنتي فالطواليت طلبت ليها الاكل .. راه فالسيارة ياله نمشيو .. 
إسراء : ( هزات ساكها ) اوكي ميغسي .. 
تبعها رياض و هو كلو تساءلات على ااش طرا بحرا كانت عادية و كضحك شنو الي طرا .. حتا ناضت كتجري رجعات و عنيها حمريين باينة كانت كتبكي بغا اعرف اش بيها مي مبغاش احكر خلاها على راحتها .. طلعو اللوطو و اتاجهو للشركة كي و صلو شكرات اسراء رياض و طلعات كتجري فالدروج .. 
عند آدم الي من بعدما خرج من الريسطو طلق يد هاجر الي كانت غتموت بالفرحة فاش شد فيها .. طلع فاللوطو و ركبات حداه هاجر ديمارا للشركة .. 
#فلاش_باك
آدم من بعدما لقا إسراء مشات رجع و خيبة الامل مرسومة على وجهو .. خرج من المطار و ركب فاللوطو ديالو كسيرا موقف حتى وصل حدا البحر خرج و وقف كيشوف فالامواج الهائجة الي كتعبر على داكشي الي كاين فالداخل ديالو .. من جهة كيحس بالذنب لانو كيضن بلي هادشي طرا بسببو هو .. و من جهة اخرى كيلوم اسراء على هروبها كن بقات فجنبو غيحميها و ينسيها فلي فات و اواجه الناس على قبلها .. بقا واقف تماك محطم كليا كيحس بقلبو كيتحرق الفتاة الوحيدة الي بغاها من قلبو مشات و خلاتو و متاقتش فيه .. هو عمرو فتح قلبو لشي وحدة دوز بنات بزاف فحياتو و لكن علاقات عابرة فقط و منهار تلاقا اسراء تبدل كلشي اصلا معرفش ايمتا و لا كيفاش حتى بغاها و وقع فحبها .. بقا قدام البحر لساعات فقط كيتامل و عقلو مبلوكي و افكارو مبعترة معرفش واش ارجع بلور و لا ازيد لقدام .. واش ادافع على هاد الحب و اقاتل حتى ارجع محبوبتو لحضنو مرة خرى ولا انساحب و اتهرب كيف دارت هي .. 
#يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.