سارة: شنو كديري انت هنااا، انت سبااب فهادشي لي واقع
نهيلة: شنو واااقع
سارة: برائة غتموت بسبابك
نهيلة:مالها برائة
سارة: مريضة بالقلب خاسها دير عملية ب 100 مليون باش غنديروها ليها دبااا
نهيلة: (شدات في فمها)لااااا ميمنكش
نضال:(صمت و معصب)
نهيلة: (عينيها دمعو)شوف انا نعطيكم 100 مليون باش دير العملية
نضال:ممحتاااجينش الشفقة دياااالك
نهيلة:نضال سمع هادا ماشي وقت العناد ديالك
نضال:(دفعها)خرجيي برىى
نهيلة:نضال سمع راه ختك غتموت
نضال:(صرفقها)ختي مغتموتش خرجييي
نهيلة:نضال سمع
نضال:خرجيييي
نهيلة:باش غنرجع الدار
نضال: (لاح ليها كونطاك ديال لوطو ديالو)هاكي خودي حتى هادي، غير بعدي مني و من عائلتي
(خدات كونطاك خرجات من المستشفى و هي كتبكي، رجعات الدار؟ دخلات لقات مكاين حتى واحد طلعات لبيتها دوشات واخا تقصحات بدلات حوايجها و تكات نعسات)
عند سلمى:
(عياو ميقلبو ملقاهوهاش رجعو الدار لربما تكون جات، طلعات سلمى لبيت لقاتها متكية وناعسة،تلاحت عليها كتبوس وتعنق)
نهيلة:(فاقت)اي اي سلمى وعتيني
سلمى:فيين كنتي خلعتينا علييك ،(شهقات)ويليي مالك في وجهك
نهيلة: نضال لي دار ليا هاكاا
سلمى:الحمااار؛قلت ليك رجعي ليهم فلوسهم
نهيلة: اجي بعدا واش رجعتي تمشاي على رجلك
سلمى:(فرحانة )ااه
نهيلة:(عنقاتها)اووه فرحت ليك ،سلمى عرفتي شنو شهوتي في الحاااامض و فوق منووو السنيدة
سلمى:الله يستر دوزي تنعسي
نهيلة:عفاااك عفااك جيبيه ليا بغيتو
سلمى:اك تسناي
(هبطات سلمى التحت علمات ماجد بلي لقاتها الفوق وباش يعلم جسور،دخلات الكوزينة صوبات ليها شنو بغات وطلعاتو ليها، نهيلة غاشافت الحامض و تلاحت عليه تاكل كي المهاوشة)
سلمى:بشوية علييك عنداك توحل ليكك
نهيلة: ممممم بنيينن
سلمى: وناري على مجوعفة
(كملات نهيلة ماكلتها من بعد عنقات سلمى ونعسااات )
(اصبحنا واصبح الملك فاقت نهيلة هبطات التحت الكوزينة جبدات الحااامض و دارت فوقو سانيدة، وخرجات كتاكل فيه تلاقات مع جسور داخل كان كدير سبور)
نهيلة: (لاحت طبسيل)اااااه
جسور:اهيااا ناري ماالك
نهيلة: تفوووو خلعتيني
جسور:(كقلب في وجها)مالك في وجهك،نضال ياااك
نهيلة: صافي عفاااك،
جسور:مغنخليهاش فيه
نهيلة:جسور برائة خاسها دير واحد العملية ب 100 مليوون
جسور: شنوو عملية ديالاش
نهيلة:القلب ،قلت لنضال باش نعطيه الفلوس ومقبلش
جسور:عارفة فالى مستشفى كاينيين
نهيلة:ااه في مستشفى*****،بلاتي نمشي معاااك
جسور: اك طلعي بدلي حوايجك
(طلعات نهيلة لبيتها، لقات سلمى كتلبس في حوايجها لي كانو عبارة عن شورط في الابيض ميني فونطخ في الكحل جمعات شعرها ديال حصان ودايرة ميك اب خفيف، اما نهيلة لبسات دغية كسوة في الرمادي حتى الفخاض ومزيرة عليها مع تجاكيط ديال اديداس في البيض و صبادري ديال اديداس دارت ميك اب خفيف درق بيه ديك زروقية و نضاضر في عينيها، خرجو من القصر ركبو مع جسور فلوطو ،بعد دقائق وصلو المستشفى، دخلو لقاو نضال جالس شاد في راسو و سامي واقف اما سارة جالسة و كتبكي)
جسور: كييف بقاات برائة
سامي:انت بالأخص مدوييش حيث انت سباااب
نهيلة:(كتشوف في نضال:اااح شحاال بوكوووص تشهيت نبوسو،ويلي نهيلة رجوع الله)شوفو سمعوليا انا كنت بغيت غير نحرق ليكم قلبكم كيف ما حرقتوه ليا، اما غراضي ماشي في هاد الفلوس وميمكنش ليا نشوف شخص كيموت قدامي ونبقى نتفرج(جبدات من ساكادو ديالها الوراق وستيلو و سينات فيهم)انا رجعت ليكم املاك ديالكم(عطات لنضال يسيني)خاااص غير توقيعك، و سمحولياااا، انا و سلمى غنمشيو دبا نجمعو حوايجنا و غنخرجو من القصر، و متلوموش جسور حيث انا لي دخلتو في هاد اللعبة
سارة: (كتصفق)واااو تيقتك ،كتمثلي علينا البرائة
نهيلة:سلمى يالاه اختي، بسلامة و الله يشافيها
(خرجو من السبيطار خداو طاكسي رجعو القصر، طلعو البيت جمعو حوايجهم، من بعد هبطو و خرجو من القصر و شدو طاكسي وقالو ليه يوصلهم الدار لي كانو ساكنين فيها ديجااا، وصلو الحي نزلو من الطاكسي كلشي كيشوف فيهم ،دخلو العمارة و طلعو الدار حلو الباب و دخلو )
نهيلة:الله توحشت الدااار
سلمى:حتى اناااا
نهيلة:انا ندخل نبدل ياااك و نخرج نخمل الدار من بعد نمشيو سوبر ماركت نتقداو مناكلو، و غدا نقلبو على خدمة باش نتقيدو في مدرسة التصميم
سلمى:اك حتى انا غندخل لبيتي نبدل و نخرج نعاونك
(دخلو البنات لبيتهم لبسو شورطات و بيل جمعو شعرهم و مسحو ميك اب ،عمرو سطولا ديال الماء دارو فيهم الصااابون والى الجهااااد؛هزو الصدادر هما اللولين و بداو كيمسحو في الحيووط من بعد جفو الارض و حطو الصدادر نفس الشيء بالنسبة البيوت، و حتى الحماام،اما الكوزينة حكو كاااع الماااعن، وغسلو الحيوطة مسالاو حتى عياااو بالمزيااان تلاحو في الصداري كي سردينات)
سلمى:نهيلة
نهيلة:مممم
سلمى: سامحي لخووك
نهيلة:دبااا نشووف
سلمى: بففف فيااا جووع
نهيلة:تشهييت الحااامض
سلمى: انت مالك مع الحااامض
نهيلة:ياا ختي كيجيني بنيين ولا مكليتوش نتهاوش
سلمى:مكاينة حتى حاجة في الثلاجة
نهيلة:وايييه، يالاه نخرجو
سلمى:عيااانة
نهيلة:اواا بقاي بجوووع
سلمى: افف صافي يالاه
(لبسو الفوق غير جلالب و خرجو مشاو لبيم لي كان غير قريب، خداو داكشي لي خاااصهم ورجعو الدار، طيبو سباكيتي تعشاو بيها ونهيلة خدات الحااامض كتاكل فيه، من بعد ناضو نعسو حيث كانو عيانين )
(اصبحنا واصبح الملك آلله فاقت سلمى هي الاولة دوشات حيدات عليها العرق ديال البارح ،خرجات نشفات شعرها بشيشوار لبسات سروال في بلو سييل و شوميز معرية من الكرش حتى هي في بلو سييل ،مع صباط طالون في البيج ,طلقات شعرها و دارت ميك أب خفيف،من بعد مشات تفيق نهيلة)
سلمى:نونو القردة فيقي
نهيلة:ممم بعدي منييي
سلمى:فيقي راه خاصنا نمشيو نتقيدو في مدرسة التصميم
نهيلة :بففف اك خرجي أنا ندوش ونبدل حوايجي ونجي عندك
سلمى:اك
(خرجات سلمى من البيت ناضت نهيلة بزز دوشات ،لبسات كولون في الكحل و قبية في البرتقالي مع صبادري فلون للبرونز،جمعات شعرها كعكة دارت ميك اب خفيف خرجات عند سلمى لقاتها موجدة الفطوور و كنفطر)
سلمى:دوزي تفطري
نهيلة:مفيااش جووع بغيت غير الحااامض
سلمى:ماشي كثرثي من الحااامض
نهيلة:بنيين كعجبني
سلمى:اجي امتا اخر مرة جاتك ليغيكل
نهيلة:(توثرات)اا يالاه سالات مني
سلمى:(بشك)متأكدة
نهيلة:اه مالك على هاد الأسئلة على الصباح، صافي مبقيتش باغا الحااامض نوضي يالاه نمشيو
سلمى :اك يالاه
(خرجو من الدار شدو طاكسي وصلهم مدرسا للتصميم نهيلة كانو عندها شئ فلوس مخبايهم تفيدو بهم،من بعد مشاو لسناك تغداو)
سلمى:نهى
نهيلة :ممم
سلمى: مغتسامحيش لخووك
نهيلة:معارفاش فين كاين دبا
سلمى:عيطي لجسور سولييه
نهيلة:اك(جبدات تيليفونها من ساكادو و دوزات لابيل لجسور )
جسور: الو نهيلة انت فيين
نهيلة:انااا رجعت لدارناااا
جسور:وعلاااش
نهيلة: مابقا عندنا منديرو تمااا
جسور: و الوعد لي عطيتيني
نهيلة:مستحيل انك تبقى باغيني بعد ما تسمع شي خبااار
جسور:الى خباااار
نهيلة:حتى نتلاقاااو و نقول لييك مهيم عندك عنوان جواد خويااا
جسور:وي علاش بغيتيه
نهيلة:بغيت نمشي عندو سيفطو ليا عفاااك
جسور:اك(قطع)
سلمى:اشمن خبار باغة تقولي لجسور
نهيلة:ماشي شي حاجة مهمة
سلمى:(بشك)ممم اك
نهيلة:هاوا وصلني ميساج فيه لادريس يالاه نمشيو
(ركبو في طاكسي عطاوه لادريس وصلهم دغية،هبطو،دقات نهيلة في الباب)
جواد:(حل الباب )ختييي
نهيلة:(عينيها مدمعيين و عنقاتو)خوياااا
جواد:(بادلها العنااق)ختيي توحشتك
نهيلة:حتى اناا اخوياااا، سمحيليا على داك نهااار اخويااا
جواد:انت لي سمحيليا ،ندمت علاش مشيت الامريكا وخليتكم مي دبا انا رجعت و عمري نخلييك
نهيلة:الله يخليك ليا اخوياا (دارت نهيلة عند سلمى لقاتها كتشوف فيهم وتبكي )اجي عندي احبيبة
سلمى:(قربات حداها )سعدااتك انت بقا ليك خوووك اما انااا
جواد:(عنقها)شش الهبيلة حتى انت راكي ختيي
نهيلة:غنغير انا
جواد:هههه بجوجكم خواتاتي
نهيلة: كنشم ريحة الكرعين
سلمى:يالاه كليتي بسم الله الرحمان الرحيم غولة
نهيلة: و مسوقكش واش كرشي دخلي فيها الله يرحم يااك مدرقي عليا كماارتك،يخخخ سيري ديري غا خيير في راسك و دوييي ريحتك خاانزة تكولي الماء مقطووع
نهيلة: (بالغواات) وااالو صافي براااكا عليا من الاسئلة افف
(دخلات لبيتها دوشات و بدلات حوايجها وتلاحت في نااموسية نعسااات)
#تسريع الاحدااث#
(داز شهر برائة دارت العملية ودبا ولااات بيخيير، نضال و سامي رجعو ليهم الاملاك ديالهم، اما البنات فبداو كيمشيو المدرسة التصميم، اليوم الحد فاقت نهيلة بكري ،دخلااات الكوزينة كتوجد في الفطور حتى صونا ليها تيليفون كان جسور)
نهيلة:الو جسور صافا
جسور:الحمد الله
نهيلة:وجدتي داكشي لي قلت ليك
جسور:وي
نهيلة:امتا عندي طيارة خاسني نمشي في اقرب وقت قبل مايعرف شي حد راني حاملة كرشي بدات تبان شوية
جسور:عارف راه عندك طيارة غداا
نهيلة:اكك شكراا بزااف، يالاه بسلامة قبل ماتفيق سلمى
(سلمى كانت واقفة حدا الكوزينة وسمعات كولشي )
نهيلة:سلمى صباخ الخير
سلمى:صباح نوور
نهيلة:راني وجدت الفطوور دوزي تفطري
سلمى:اك(جلسات تفطر و كتفكر شنو دير )صافي شبعت انا غنخرج عندي شي غرااض
نهيلة:اك انا غنبقى غير في الدار
(مشات سلمى لبيتها بدلات حوايجها وخرجات من الدار )
(ركبات في طاكسي وعطاتو عنوان القصر ديال نضال و سامي، مكاملاااش 5 دقائق وصلات هبطات، دخلات القصر بلاما يحبسوها لي كاارد حيث كعرفوها،دخلات الدااخل لقات سارة و برائة جالسين في صالون كبتفرجو)
سارة: شنووو كديري انت هنااا خرجي برااا
برائة: سارة سكتي
سلمى:برائة عفاك واخا تقولي ليا فين هو نضال بغيتو فشي حاجة ضرورية
برائة: اك راه كاين في البيرو ديالو لفوق
سلمى:اك شكرا
(طلعات عندو البيرو لقاتو جالس هو وسامي و كخدمو)
سلمى: سلااام
نضال:سلمى صافا دوزي تجلسي
سلمى:ماشي مشكيل انا نبقى واقفة مهيم بغيت نقول ليك شي حاجة مهمة
نضال:الله يسمعنا خباار الخير
سلمى:انااا عارفة بلي انت كتبغي نهيلة، واخا هي درات ليك شحال من حاجة خايبة، مهيم
سلمى:نهيلة حاااملة، حاملة بولدك انضااال
نضال:ك كيفاض
سلمى:اه اليوم سمعتها بصدفة كدوي مع نضال و كتقول ليه بلي خاسها تمشي من هنا قبل ماتسيق الخبااار
نضال:كدويي بصح ولا كتكدبي
سلمى:هادشي لي قلت ليك صحييح عفااك متخليهاش تمشي، انت كتبغيها و هي كتبغيك، نساو لي فات و بداو حياة جديدة فيها غير انتما و ولدكم
نضال:امتىى عندها طيارة
سلمى:غدااا
نضال:شكراا حيث علمتيني وانا متخليهاش ضيغ مني كنواعدك
سلمى:اك بسلاامة(خرجات وتبعها سامي)
سامي: سلمى
سلمى:(دارت عندو )نعااام
سامي: صافااا
سلمى:الحمد الله
سامي: (قرب ليها و عنقها)توحشتك
سلمى:(عينيها غرغرو)عفااك واخا تبعد مني خاسني نمشي
سامي:(شد وجها بين ايدو)سلمى عفااك سمحيليا على لي فااات
نهيلة: (في نفسها:لااش جايبني هناا ياكما عرف راني حاملة)
(بان ليها نضال كهز في لعاب للدراري صغاار و هي غير تابعاه و خايفة لايكون عرف )
نضال:ماالك
نهيلة: هاا والو والو علاش جايبني هنااا
نضال:زيدي قدامي و سكتي
نهيلة:(بقات تابعاه بان ليها واحد نونووس كبير مشات ليه كتجري )نضال شوف شوف شحال زويين (بدات كتحس بشي حد كجرو ليها دارت تشوف لقات بنيتة صغيرة كتجرو ليها)
بنت:بغييتو
نهيلة:انااا لي شفتو الاولة دونك انا لي غناااخدوو
بنت:(بدات كتبكي)لااا ديالي انااا(كتجر فيه )
نهيلة:(حتى هي كتجر)طلقييي نضااال قول ليهااا طلق
نضال:(جر نهيلة)وااش تسيطيني عطي لدرية نونوس
نهيلة:(بدات طيح في دموع)لااا انا لي شفتو الاولة
نضال؛زيدي قدامي
(مشا خلص من بعد خرجو و نهيلة قالبة وجها )
نهيلة: (ركبات في لوطو و خبطات البااب )
نضال: هرسيه انت حسن
نهيلة: هئ بغييت نونوس
نضال:يااربي تصبرني، واخا دبا نشريه ليكك
نهيلة:كدااب
نضال:ولينا دبا في لعب دراري صغااار
نهيلة:😛
نضال:ههههه برهوشة
(كسيرا موقف حتى لواحد مستشفى)
نهيلة: هااء شنو كنديرو هنااا
نضال:تقدري تسكتي
(هبطو من لوطو، دخلو الداخل و نهيلة غا تابعااه و تنكر، دخلو لواحد لغرفة كانو فيها دراري صغاار مرااض بسرطاان جلس معاهم نضال و عطاهم لعاب و هما كضحكو معااه، نهيلة دمعو عينيها و هي كتشوف فيه كيفاش كلعب معاهم و ضحك متقوليش هدا هو نضال المفيوزي )
نضال: اجيي
(قربات حدااه و بدات كتلعب حتى هي مع الولااد نساات اي حاجة دارها ليها ديك ساعة بغاات غير تبقىى معاه، بعد ساعة خرجو من المستشفى و ركبو في لوطو)
نهيلة:شكراا بزااف احسن بلاصة والله
نضال:نهيلة
نهيلة:مممم
نضال:مامخبيا عليا والو
نهيلة:(بتوثر)لاااا
نضال:متأكدة
نهيلة:اااه، وخا ترجعني الدار شوف راه طاح الضلام
نضال:اكك
(وصلها الدار قبل ما تخرج باسها في فمها هبطات كتجري )
نهيلة:مضعفييش قداامو غير كستغلك
(طلعات الدار لقات سقييل دخلات لبيت سلمى لقاتها ناعسة مشات غطاتها و باستها في حنكها)
نهيلة:(تنهدات)غنتوحششك اااخ كنتمنى انك تعيشي حيااتك و تحقي احلااامك(خرجات من بيت سلمى و دخلات لبيتها حيدات جلابة و تكااات نعساات)
أحببت مفيوزي في مراهقتي الجزء السادس
محتوى القصة
التنقل بين الأجزاء