أحببتها رغم شقاوتها الجزء الثالث

فرح وسامي لي بقات كتنغر وهوا ساكت ومبردددد طلع ليها دم وهيا طلق خلوقها بدات تبكي،فرح من عادتها كتبرد وهيا لي كافقص بنادم مي سامي جابها ليها فلخر فرح(كتغبن وتحز فصيعها)شتي نتا هىء كضلمني شتي نتا حقير هىء ومكتسواش حكرتيني هىء وعقل عليها سامي حبس لوطو فجنب ضار عندها قرب ليها وجهها عندو مسح ليها دموعها وهيا كتنخصص سامي:شفت هاد دموع جامعهم علا طرف عينك فرح:(نطرت منو وعقدت غوباشتها)بعد مني واصلن لاش جاي لمحال ديال لبنات باش تشري لصحيبت كسيوا وزيداها متعطيهاش ليا قصيرا كتغير عليها ياك ياك(بدات كتبكي تاني😂) سامي:(كمل صوكان)لله يهديك أفرح راه شريتها لاية فعيد ميلادها فرح خنزات فيه وجمعات خنينها وبدات كتقلب فلمجورة ديال لوطو لقات عكر صغرات عينيها هزاتو وشافت فسامي فرح:وقول حتا هدى شريتيه لاية فراس لعام سامي:ها ام هداك ديال اية كتركب معيا وكتنسر قشاوشها😅 فرح:راه ماسميت عليك شلاهبي تشلاهبي نيت سامي:تصالحنا دابا فرح:(دلات قنوفتها تاني)بعد مني الحكار سامي ضور عينه بقلت حيلا وخلاها علا خطرها،هيا عودات تعكيرا ومرا مرا تلوح ليه لهدرة #وجدان وعماد لي فيلما هدر معها كتقمعو عماد:عيقتي أوجدان وجدان:بعد مني😢 عماد عيا معها تهدر معاه ياكتسكت يا كتنغر عليه #اية وحمزة اية:وشتي نتا هوا هتلر تاني حمزة:اية قتليك حيدي سباغة اية:وشتي انا ند سباغة ولله لا تحيدت حمزة:دابا يا انا يهد نم أية:اوا انا غنهتار هد نم لي معاجبكش ياله ولمخير فخيلك ركبو **** وصلاو فرح وسامي هوما لولي دهلو لمزراعة لي كانت بحال بوتي فيلا حداها بيسين سغير وحد لإصطبل بعيييد عليها ديال لعودان،دخلو بعدما حل عليهم لحارييس هبطت فرخ من لوطو وراها سامي مشات لباب لقات تلاتت ديال لبنات واقفين لبسين لباس نتاع لخدامات ططلعتهم وهبطتهم كاملين فرح:شكون نتومة لخدمة1:حنا خدامين هنا فرح:اش كديرو لخدمة2:كنحطو لمكلة وكنتسخرو فرح:كتجمعو دار لخدامة2:لا كينا لمرا لي كتجي من سيمانا فرح:كتطيبو لخدمة1:لا راه كين شاف فرح:اوا احبيبة غير سيري فحالك لنتي لهدو....

لخدامة:سمحلي أمدموزيل سي سامي لي مخدمنا هوا لي صفطنا فرح: انا قتليك سيري فحالك هيا سير فحالك سامي:(وقف حداها)لا انا بغيتهظ يبقاو فرح هنا عرافت سامي عزيز عليه زكير خنزات فيه ودخلات كتبقشش فدار حتى دخلات لكوزينة لقات فيها واحد راحل كيهربق فشي طبهات كان بيناعليه شاف غير هوا قصيييور ودنيه قلشين فرح غير شافتو بدات كتضحك بدموع وهوا يضور عندها شاف:خاصاك شي حاجة فرح:ههههههههههه واااع كتشبه لحوسين مول ساكة شاف:نعام فرح:هههه والو والو مديش عليا انا غير هبيلة ضارت باش تخرج لقات سامي وقاف ليها عند لباب ومربع إيديه مع بتيسامة فرح:(باقة كتضحك)هههه كولني حسن ضربت فيه وخرجت كتكمل ضوران فهظ لأتناء دخلو اخرين داري يشوفو فجيه ولبنات فجيه شافتهم فرح جاراتهم وكتهدر غير بشويا فرح:احم اية عندك شي بيت ياك اية:اه علاش فرح:زيدس وريه ليا بغيت نهدر معاكم طلعتهم اية لغرفتها لي كان غالب عليها لغوز ولبيض دخلو فىح كتخصر فسيفتها فرح:مالك أختي على هد لبيت تاع باربي اية:بعدي مني طالع ليا دم فرح:كالك اية عودات ليها علا حمزا وشنو طرا فرح:غزيتي فيه سرو يستاهل،(شافت فوجدان لي هازة شنوفتها)مالك حتا نتي وجدان:تخاصمت معا عماد فرح:دابا يتصالح معاك فرح بقات كالسة معاهم وهوما كيشكيو وهيا ساكنا تفقصوها فرح:عرفتو أش غديرو سيرو تخراو نتوما لي كالسين كتشواو عليهم تلقاوهم كاسين كيضحك شوكون تسوق ليكم وجدان:اه عندك صح فرح:(بتيسامو شريرة)اش بان ليكم ندموهم علاش يزعمو علينا شكون معايا😈(مدات إيدها) وجدان:(حطات إيدها)انا معاك اية:ناري حمزة غيتقلق فرح:(صبعتها)هكي هاما تستاهلي ألمدلولة😤 أية:افف(حطات إيدها)حتا أنا معاكم فرح ولبنات بقاو داوين وكيضحكو حتا جاهم لملال وهيا تجرهم فرح لكوزينة يخربقو شي حاجة فرح:أية كينا لgليا اية:اه كينا بغيتها حارا ولا مالحة فرح:لا بغيتها ديال درا هديك لي كتgلا اية:اه كينا مشات اية جبدات تلاتت ديال لي ساشي لي كيدارو فلميكرو ويف وكتكلا شداتها فرح حلاتهم وسستهم فطنجرا وجدان:ناري يختي شحال عزيز عليك تعنكيش كون حطيتها فلميكرو ويف فرح:لا كتعجبني نgليها أنا فرح شعلات لفورنو وبدا كيتسمع طرطرق ديال لgليا وفرح كتنقز معها،دراري كانو كالسينكيهدرو حتا كيسمعو طرطيق سامي يسحابليه فىح فركعت لبوطة😂،مشاو تندهم لقوفر كتنقز ودريات تابعينها عماد:مالكم وجدان:صمت سامي:فرح مالكم فرح:سوقك حاجتك ديها فجنابك يله دوب دراري شافو فيهم وخرجو بينما فرح gلات لكليا وداروها فجبانيا كبيرا حطوها فصلا مونجي وبداو تياكلو فيها وهظرو حتا تقدات وبقات غير ديك ضرا لي ممكلياش وهيا تجرها أية فرح:اتيا مالك أهياا ناري اية:لا ولو غير كيعجبني هد لقاصح وجدان:راه غتهرسي سنانك أصكعة أية:غير خاليني نهرسهم فرح:اوا تهتي ملي باغة تهرسي سنانك بغا تهرسيهم لاش مخلياني كاليها ليك ديك ساعا كولها خضرة😒...

فرح ولبنات كملو لكليا ةطلعو عوتاني لبيت أية وفرح غير مضور فعينها أية:دريات أش بان ايكم نعومو فلبيسين فرح:ها أدراري غي شفونا(سكتات شويا وبتاسمت)اه ها عندك ميوات أية:اطط نجيب ليكم أيا جبدات دي مايو دياولها فرح خدات كحل حيت عزيز عليها هد لون أية فلغوز بب(اية عقليتها مبنتا بزاااف😂)وجدان خظاتو فدوغي لبسوه وجاهم مزيرين وجدان:ناري غنعومو يحال هكا غيتقلق عماد فرح:(عوجت فيها)واش انا غنبقا غير عيشا ليك راه خاصك تقلقيه هوا و وزراوطتو وجدان:؟؟؟ فرح:اففف علا مكلخة عطاني لله زيدي غير قدامي فرح البنات هبطو بسوا فدروج باش يبانو مرزنيني مي ملقاوهمش فلاصال خرجو لبيسين لقاوهم كالسين فواحد لكليسة كان غير عماد وحمزة دازو من قدامهم بحالا مكينينش ظاري خلو فامهم ولبنات تلحو كيعومو فلبيسين عماد:دابا هد لبرهوشات أش بغاو حمزة:معرت شدة معنا ضدد #عند لبنات فرح:نقزو نقزو ظحكو واخة بزز اية:حمزة كيخنزر فيا وجدان:عماد حال فمو😂 فرح:مبانشليا داك شلاهبي بقاو كيلعبو تتم داخل سامي هاز بلاستيكات ديال لغدة حيت صيفط لخدامات كان باغي غير يعصب فرح غير دخل حداهم لبيسين شاف داك لمنصر لاح لي ساشي وحل فمو شحاالل بقا هلكاك حتا عاق براصو مشا كلس حداهم دار يده فوق فخضو حتا تمو طالعين كيتقاطرو بلما طلعو وخلاوهم سامي:(شاف فيهم)بانلس هدو باغين يلعبو معانا عماد:اش بانليكم لعبو معاهم خو لعبهم حمزة:انا عارف بلاناتك كيخرجو علينا سامي:غير قول أعماد عماد:......(دابا تعروفو😉) ضربو فيدين بعضياتهم وكيتنواو ليهم #لبنات طلعو كيضحكو دخلو دوشو بنوبة لبسو بيجامات وكيضحكو فرح:دريات جاني لعطش اية:هبطي راه روبيني فرح:ونوضي جيبي ليا نشرب اية:(قتقلب ليها فإيديها)لا لا نشفات ليك لحنا غير نوضي فرح ميقات فيها وناضت هبطت لتحت باش تشرب تشافها سامي داريو كيهد فتيلي وداز من حدها حت نتابهات ليه سامي:وي شيماء لباس عليك......هههه ياك تانجي ونتلاقاو.....لا لا نديرو بحال خجات لي مولفين كنديرو.....ويلي عاد كتسولي.....حتا أنا باي ضار عند فرح لقا عينيها مغرغرين فرح من طبعها دغيا كتبكي،هيا فهاد لخضة حسات بلحكرا من واول نقاش ليهم بدا هدر معا دريات،بقا فيها لخال بزاف عطاتو بضعر وطلعات كتجري فضروج تبكي من نيتها وكتنخصص سامي بقا مصمر متوقعش هد ردت فعل منها عيا بضبط..

فرح طلعات لفوق نسات عطشها حلات لباب ضارو عندها لبنات شافوها بحال هكاط بغاو بدويو معاها دخلت لحمام لي عند ابة فلبيت سدات عليها وكلست وراه وبدات كتبكي،فلحضة تفكرات باها ولي غير سخانة لي بقلت كتاكل فيه تاقتلاتو حسات براصها خاصها تبكي بدات كتبكي بصم سامي كان مجرد وسيلا باش تخرج لي بداخلها وكان.. #دريات بقاو كيدقو عليها معرفوها مالها حتا طلع سامي سامي:فينها وجدان:راه فلحمام اش درتي لها متسوقش لها سامي مشا بدا كيدق عليها سامي:فرح غير خرجي نشرح ليك فرح غير سنعةت صوتو عاد بدات كتبكي عا جهدها وتغوت فرح:😭😭😭هىء هىء بعد مني هىء هىء فرح ولات حمرا وكلها كترعد وقفات كيدانو ليها لغرارف ديال زاج وشي توشيات فلافابو ضرباتهم كاملين شتاتهم حتا من لمريا صيفطت ليها كاس بقت بحال هاكا وبدات كتنهج،، سامي برا كمسح علا راصو بلعصاب وحتا دراري طلعو وعماد مخلوع علا ختو كتر من سامي حيت عارفها جاعرا،،بقاو هاكاك وسامي صبرو تقدا بلخصوص فاش سمع صوتها تقطع صعر بلبيان كتافو بانو عراض بزاااف وعروق عنقو ويديه بانو هز رجلو وضرب لباب حتا تفرع دخل هوا يلقها مخيا فلقنت دلحمام مشا عندها بزربا هز ليها راصها لقها واعيا وماوعياش،يعني تقدرو تقولو صخفانا ولكين حاضرا،رموشها عاامرين بدموع وجهها حمر بواااف هزها سامي وهيا كيتخصر علا لحالا لي ولات فيها بسبابو،،حطها فوق نموست قدام كولشي ضارو علا كولهم وجدان خيفا عليها بزااف وجهها صفر وفمها كيترعد يت هيا عارفا فرح مكيوقع ليها بحال هاكا حتا كتكون وصلات بيها لعضم،وقفو كيشوفو فيها كاملين بحال شي عزيا وجدان:لا لا بقاو مقابلينها غتفيق بوحدها وايمشي شي مسخوط فيكم يجيب ليها لما😠 هبط عماد فدروج عرف بلي خطتو هيا لي رجعلت فرح فهاد لحال حيت من تعابير وجه سامي بين هوا لي دير لمونتيف،،جاب ليها لما رشات عليها وجدان فرح قفزات فلبلاصة حيت بحلا كانت ناعسة خلات عينيها لقات كولشي كيشوف فيها دورات عليهم عينها حتال سامي ودلات قنوفتها بحال شي بريهيشة فرح:(كتجمع فلبكيا)خرجو خرجو خلوني بوحدي سامي:انا نشرحليك راه ماش كيف كيحساب ليك فرح:وقتليكم خرجو بغيت نبقا بوحدي خرجو كاملين من لغرف وتلعهم سامي لي رمق فرخ بنضرلت أسف هبطو لتحت،فرح غير هبطو وهيا طلق حلوقها تاني فرح:(كتشير بيدها)وشتي انا وحق مولنا تزهري مكوز وعطيها ليا هاكاك كحلا لكماريتي😢.. فرح بقات كتنوح بوحدها بوحدها بينما كولشي هبطو وهيا توقف عليهم وجدان بحال شي بوليسي وجدان:دابا غتشرحو ليا اش كين سامي عود ليها بلي بغاو يردو ليهم صرف باش يخليوهم يغيرو شويا مي نقلب سحر علا ساحر وجدان:حنا أش ظرنا ليكم باش تنتاقمو منا ونتا أسي عماد لي ديرليا فيها قيد صربا واش معرفش ختك عماد:راه غير بغينا زعما.... اية:اش بغيتو زعمااا شنو ونتا أحميزة عقل عليها كنتي غدير ليا بحال هاكا أوا أسيادنا من ليوما متطوفو بساختنا من منطوفو بساحتكم حجاركم يشدوكم ولبلاصة لي عمرناها حنا خويويها نتوما حتا يحن مولنا وطلعو وهلاوهم مبلوكين من لهدرا ليقالو ليهم...

طلعو عند فرح لقاوها كتميح فخنونتها وجدان:صافي أصحبتي راه كنو غير كيضحكو معاك فرح:واااا دع ميميتي علا زهر كدهم كد لبغال وباقين كيلعبو معنا وجدان عودات ايها هيا واية بلي ساني غير دار بلان باش يلعب معها وصافي وهيا تبدا تفرنس فرح:واايلي لكانو بغاو لعب حنا ماليه ناضت فرح كتفرنس وضرب فإيدها بحال شي مصطيا دخلات لحمام غسلات وجهها عيطات علا لبنات يعونوها فجميع لحمام شطباتو وجمعو زاج فسطيل صيفطات اية تعبطو لا بوبيل هبطت كتنقز وتغني اية:ارسم بابا أرسم ماما بلألوان بلأوان نقزات دروج ختا نتابهو ليها دراري لي باقين كالسين فين خلاوهم اية:أرسم علمي فوقة لقمامي انا فنان انا فنان😇 دازت لاحت زبل ورجعات كتغني تاني حمزة بدايضحك عماد وسامي غي كيخنزرو حمزة:ارسم علمي😂😂 سامي:سكت أحمزة راه كتقلب علا خلا عشتك حمزة:انا فنان 😂 سامي عطاه لكرفتو وهوا يسكت بقا كيضحك غير من لتحت #أوا لبنات بداو كيهدرو وفرح غير كافرنس فرح:يله نتفرجو فخالتي سيرين وجدان:كتفرجي فيها فرح:غير شي لقطات معا لوليدة هبطو لتحت لقاو دراري شادين فلم ديال رعب MBC2 اية هزات تلي كوموند وقلبات 2Mدراري شافو فيهم ياك غاد كانو كيتغاوتو وفرح كانت صخفنا دغيا هبطو كيفرنسو اية:قالك منار حاملة فرح:اوا لله يمسخهم ياك عاد حيدات لوالدة فاش كانت مزوجا بكمال وجدان:تي موضي لله يجبك علا خير راه زرعات وحدا خرا فرح:علا لوالدة كتزرع وجدان:علاه نتي مفخباركش راه كولشي ولا يتزرع ها شعر ها لبزازل هاترامي.. عماد:(كحب)اه فرح:(طلات عليه)لي وحلت ليه يشرب لما😒(شافت فوجدان)كملي نتي اش كيزرعو تاني وجدان:كيزرعو لخصيتان وحتا لعضور داكري فرح:واهيا ميمتي تهادك تيزرعوه سامي:(بدا كيحنحن)احم فرح وقفات غليهم ودارت إيدها علا حنابها فرح:توما مالكم ها لي كحب هالي حنحن ملي شتونا كلسنا عيقو سيرو قلبو 9 6 سامي بدا كيفرنس حيت رجاعت فرح كيف كانت وحتا دراري ناضو خرجو برا هاد رح رجعات كلسات اية:ناري يختي منار و حد لغدارا وجدان:وييه وشوفي لي تصاحبت معاها ولا تزوجت بيه كيموت مسكين كون كنت انا هوا هد أنور كون طلقتها شحال هدي فرح:اودييي انا بقفيا غير كمال مسكين كان كيمشي من إسطنبول لإسكي شهير باش يجيب لمنار زيتون😣..

بقاو شادين لهدرا معا لفبلم ويعوجو فلمومتلين حتا سلا لفيلم بداو كيضورو فعينيهم اية:مليت وجدان:حتى انا فرح:(كتغني)ياكما نتي فكعانا وجدان:(تبعاتها كتغني معها)سير سير سول مك فرح:ياكما غضبنا وجدان:وسير سير سول مك فرح:(كتعبر بيدها)مالك ومال لوليدا خاليها بعيدا خاليها بعيدا وأهاهاهو فرح كضرب فطابلا وجدان كتصفق بيديها وأية كتحير فرح:ولي عزيز علا مسمتو عنرو ميتخص غير قالت هد لجملا سمعات تسفاق كان سامي وراها هوا وداري سامي:تباركله علا شيخات دياولنا فرح ضورات عينيها بانت ليها تلي كوموض فوق طابلا هزاتها ضارت عنو صيفتها ليه لجبهتو فرح:وها شيخات أش كيسواو سامي:(شاد جبهتو)راه لمحيتيش منك أهد لفعيل راه غندير فيك يدي فرح:حوربش لقديتي دير فيا ترجليك عماد:وصافي دابا باركة من هد لفعيل زعما بعقلكوم راه جينا نضحكو مجبناش باش مدابزو خالونا نرجعو كيف كنا أش بان ليكن فرح طلعتهم وهبطتهم فرح:حتال غدي ونجوبكم طالعو فضروج وكيهدرو فرح:ناري كنحس بيظيا نملو عليا بغا نشد داك شلاهبي بشبع فيه غير تمرميق😂 وجدان:باز اختي ديك دقة لي عطيته لمصبحتش زرقة راني منتسماش أية:بلعكس غزيتي فيه فرح:مبقاش فيك خوك اية:لا دار علاش يستاهل فرح:(عنقاتها بجنب)لوستي لعزيزة😄 طلو قادو فراشهم طلعات أيا شي تخربيقلت تعشاو بيهم عاد كول وحدا عيطات علامها وايا علا عمتها ونعسو #عند دراري سامي مشا جاب تلج دارو علا جبهتو باش متنفهش ليه حمزة:(كيضحك عليه)صرعاتك أشاف سامي:غفلاتني غفلاتني معرت كيف دارت ليها راه صاد ليها لخاطر غير بزز عماد:اوا هديك ختي وانا عارفها هيا عقليتها هاكاك كملو هدرتهم وكل وحد تلاح فبلاصتو...

😻اصبحنا وأصبح لملك لله😻 فاقت فرح هيا لولة حيات براصها مشنجة لقات وجدان مليوحة عليها دفعتها عليها ناضت لطوليت قدات حاجتها غيلات وجهها لبسات حوجها لي عبارا علا سروال ديال بيجة وتيشرت خلات شعرها كيف لعادا مطلوق طلات علا لبنات لقاتهم باقين ناعسين هزات غراف خوات فيه لما من لقرعا شربات منو شويا ولي بقا خواتو علا وجدان ناضت كتنقز وجدان:(كتغبن)شتي نتي كمارتك عمرها غطلع ليا برباح فرح مداتهاش فيها عمرات غراف خور وشربات منو وخوات لي بقا علا أية تاهيا أية:(ناصت مشعوطة)هىء هىء ماما فرح:نسيبتك انا خلاتهم وقنت كتطل من سرجم حتا هوما ناضو تناوفو علا طواليت وبدلو حتا هوما وقفو عليها فرح:شوفو نتوما ليوم غدي نتصالحو معا دراري حشوما داكشي لي درتو ليهم مني جابونا ونتوما كتقمعوهم بحلا قاتلين ليكم مواتكم وجدان واية:😐😐 فرح:اففف وصافي وجدان:أصلن توحشت عماد فرح:غير سكتي كون انا متوحشتش داك شلاهبي كاعا نقولها ليكم ياله هبطو معيا وكل وحدا تجر سكوبيدو ديالها أماو ليها لبنات وهبطو لتحت دخلو لكوزينة لقاو دراري كيفطرو لي عبارا علا زيتون فخوماج كاشير... وكلشي علا لخبز لي جاب سامي فرح:صباح نور دراري:(خرجو عينيهم)صباحو كلسو لبنات كيفطرو معاهم فهودوء حتا هزات وجدان راصها وجدان:عماد بغيت نهدر معاه عماد ناض وحتا هيا شدت ليه فإيديه ببتيسامة وخرجو لصلون نفس شيء لأية وحمزة لي خرجو لجريدة بقات فرح وسامي فرح متحزحتش حتى كملت فطورها وهيا تهز راصها ومشات حداه وقفت وحدرت راصها فرح:احمزبغيت نقولك سمح ليا حيت انا لي مني لفاوت كنت بغيت نعتادر ليك ونتا تقمعني فاش كنا جين وحتا فاش شيرت عليك بتيلي كومونض راه رديت ليك صرف تاع شيماء سمحلي ولله وعتك فجبهتك ياك بقا ضارك😢 جرها كلسها علا رجله علا ليها راصها وحط إيدو علا فخضها سامي:(كيشوفيها ببراءة)بوقلتيني فرح:(مبقا ليها والو وتبكي تاني😂)سمحليا سامي:(كيشوف ليها فشنايفها لي ولاو حومر بلعضان لي كتعضهم بتوتر)من عندك نتي هانيا فرح:بصح سمحتي ليا سامي:(عض علا شنوفتو)اه فرح هزات فيه عينيها لقتو كيشوف فيها بتاسماتو وعنقاتو من عنقو مزرا عليه هوا قربها من ضهرها ليه وباسها فعنقها..

#عند وجدان وعماد لي كانو كيتبادلو لقبلز حتا بعدات عليه شويا عماد:(عنيه فعينيها)منبقاوش نتخاصمو واخا وجدان:(باستو جنب فمو)هه واخا بتاسم ليها وجرها كمل شغلو #أية وحمزة خرجو لجردة هوا يحز وهيا كتحز حتا تصالحو مرا يبويها مرا يضحكو مرا يتبسل عليها.. #سامي وفرح بقات معنقاه شحال حتا بدات كبعد وهيا تشوف شنايفو ولو حمر بكترت مكيضغط ليهم بلعضلن،ساني هيا عادتو أغلب لاوقات تلقايه كيعض شنايفو،فرح شافتهم بدون شعرب هبطت باستو سامي:(بتاسم ليها)كتجبديني فرح:ههه تزوج بيا سامي:(ضحكاتو)زربانا علا رزقك فرح:واش باغي تفلا عليا سامي:اش كتقولي افرح كون بغيت نتفلا عليك كاعما نقولها لخوك ومشد ليك لخاطر بحال هاكا وياك تافقنا نجي لداركم هد سبت فرح:ولا مكنش هدشي لي كتحسبيه من جيهتي يعني غير إعجاب وغدي يمشي معا لوقت سامي:لا أحبيبتي كون كان غير إعجاب كاعما نوصلو اهد لمواصل وهدشي لي كنحسبيه جيهتك نتي مشي غير أعجاب يعني شحاجا لي كتر فرح:كيفما قلتي كين إعجاب وكتر منو مي مكينش حب زعما تقدر تمل مني كأي بنت كني مصاحب معها😔 سامي:(شدو وجهه بيده)شحال غنباقا نعودها من مرا نتي مشي أي بنت نتي سلبتي عقلي بهدرتك بتشيطينك وحتا بتصروفاتك ودابا بديتي كديليا فلقليب حتاهوا فرح:(ضحكها بهضرتو)ههه سامي:ههه كضحكي ةنتي باش كتحسي من جيعتي فرح:(تزنكات ولأول مرا توقع ليها معا سامي)احم زعما حتى انا كتعحبني وكنحس بشحاجا مني كنكون قريبا ليك سامي:كيديرا هد لحجا فرح:(غطات وجهها بيدها)زويييينة😳 سامي:كتحشمي زعما فرح معاقت براصها بلس راه كاسلا ليه علا رجيه وكتحرك ملي كتكون كهدر بلخوصوص لمعلم ولا كيطلب معها شرع بقاتلت دوي وكتعبر وسامي مسايرها واخا راه واكل دق بقات بخال هكاك حتى حدات إيدها علا لمعلم بلغلاط لقات داكشب منفوخ ناضت مشهوطة كمن علا رجيه فرح:اش هد لعجب سامي:مولي سلطان فرح:ناري شحال فيه سامي:غير شبر وربعة صبعان....

#تسريع لأحدات دوزو ل يكوبل دياولنا يومين خرين فلمزراعا دازت غير ضحك ورمنسيا وسامي وفرح تقربو من بعضياتهم كتر وسامي بشوي بشويا حتا ولا كيعطي رأيو لفرح وحتى هيا كتسمع ليه مبقاتش كتشد معاه ضد،منبعد كول واحد مشا لدارو،من بعد يومين جا سامي هوا وأية وزهيرة يطلب يد فرح من عند نعيمة لي مقبلاش فلول ولكين ملي عرفاتو أش كيسوا وبلي صاحب ولدها وافقات عليه وتافقو بلي غيديرو خطبة كبيرة يجمعو فيها لعائلة ديال فرح وسامي وتافقو علا نهار سبت تاني😂 فرح كضور وضحك غير بوحدها بحال شي هبيلة اما سامي حتى هوا فرحان كتار منها،داز سبت ولحد وتنين فرح ولبنات مشاو لفاك قادو أمورهم ورجاعت لدار باش يقادو داكشي لي غيخص فلخطبة جات خالت فرح لي هيا خديجة وحتا زنزهة مت وجظان عونو ناعيمة فتخمال دار....... #يوم لخطبة دازت سيمانا كاملا غير فتخمال وتطراف دار كالسا فوق سريرها بشعرها دهبي لي مديرا ليه مشيطة خفيفة صيباتها لها وجدان معا ميكب ختا هوا خفيف وعكر ماغون لابسا قفطان جوهارا فلبيج،كتبقشش فتيلي وتميياجا معا سامي،حدها وجدان لي لبسة قفيطسن خفيف فلكغون معا نفس لميكب وعكر كغونا شعرها طالقاه #عند نعيمة فلكوزينة مجمعا هيا نزهة وخديجة وحتى لبنى(هد لبنى خت وجدان مزوجة وعندها وليد) كيهدرو علا لخطبة نعيمة:انا فصارحة مبغيتش نزوجها دابا باقا صغيرة خديجة:لله يهديك أختي راه رزقها هدا ومال سيد لي جيخطبها علم زيناتو نزهة:وييه نعيمة:ونتي بنتك منوياش تزوجيها نزهة:وامعرفت ديك صكعة تاع وجدان لي جا يخطبها كتصدرو ولكين قريب نقرقب علا ببها نعيمة:اله يجيب ليها شي ولد ناس(هوا ولدك أطاطا😛) بقاو كيهدرو حتا نتبهات نعيمة لسهام(سهام بنت خديجة لي هيا خت نعيمة عاد جات ليوم لخطبة حينت عندها ليكول) نعيمة:سيري احبيبتي عند لبنات فبيت فرح حدرات راصها لي ولا مزنق ومشات لعندهم لبيت وهيا راصها محني،نعرفكم علا سهام 17 لسنة بنت خالت فرح ولكين مكتشبه لفرح فولو لا من شكل لوجه لا من تصروفات ولكين عزاااز علا بعضياتهم بزاااف سهام حروفها كحلين عينيها كبار عسلييين وعندها غمزات بارزين فتصروفاتها حشوميا ومكتهدر بزاااف حتا لدوات كتعطيك حوج كلمات وتسكت ولا بقيتس مطول معها فلهدرا كتكتافي غير ببتيسة وتحرك راصها يا باه يا بلا،،دقات سمعات فرح متقول دخل حلات لباب ودخلت فرح:بنت خالتي جيتي اجي عندي توحشتك مدات ليها يديها وسهام بدورها بدلتها لعناق فرح:علاش ملبلابساش حويجك ولا مفرحناش ليا سهام:لا متقولش هكاك(حدرات راصها)مجبتش معيا😢 فرح:(عينيها دمعت)صافي بب راه عدي واحد لقفطان ملبستوش درتو عند لخياطة وغلطات ليا فلقياس جاني سغير غدي يجي علا قدك نجيبو ليك أنات ليها سهام ناصت فرح وهيا حابسا دمعتها غير بززز كيف ولا وهيا كتسوف بنت خالتها لي تخلا عليها باها كانت يله عندها 10 سنين خلاها ومشا معقلش عليها لاهيا لامها كيف ولا وهيا كتفكر خالتها فاش كتجي تشكي علا نعيما من راجلها كان كيضربها قدام سهام وحتى لبغات تبعد ماماها كيشركها معها ونهار طلبت طلاق طلقها وخلاها لا فلوس لا دار جات سكنت معا نعيمة لي بدورها طلباتها تبقا معها مي رفضات قالت غدي تخدم وتكري فعلا خدمات فلميناج من بعد تقلاب لي دام وقت طويل وتحولو لوحد لبلاصة كراو فيها وسهام كبرات فضروف صعيبة بزااااف متبغيهاش لعدوك لظالك هيا كتقرا مزيان وكتجي من لولين بغا تعوض مها علا لي داز...

فرح جبدات لقفطان من لبلاكار لي فعلا باقي ملبساتوش مداتو لسهام فرح:(طلعات عينها لفوق حيت بدات كتبان ليها ضبابا بسباب دموع لي كتحبس)دخلي قيسه أمات ليها سهام براصها ودخلت كتقيس فيه بينما فيح بدات كتمسح فدموعها وحتى وجدان عارفا لقصة داكشي علا بدات كدمع حتا هيا،حسات بها غتخرج نغزات وجدان لي بضورها مسحات خنينها واخا دارو بحا هاكا باينين مفروشي باكين حينت عنيهم ولاو حمرين حيت لبأبؤ زرق دغيا كتبان مفروشا وحتى من لمكياج خسر،خرجات سهام بلقفيطين قول مفصل عليها جاها فن كان لونو فسومو فرح:(بصوت مغنغن)جاك زوين سهام صبرت ختى عيات باش متبكيش ولاكين مقدرات مشات عنقتها مزيرا عليها ولاو كيبكيو بزوج وتنخص وحتى وجدان حطات إيدها علا خنكها وبظات كتنوح،بقاو بحال هاكاك حتا بعدت فرح فرح:هنتي خصرتي ليا لمكياج براركا من لبكا ضحكات سهام بانو غمزاتها بارزين وجدان:انا نبقا نصيب ليم فكمارتك فرح:يكتي سكتي حتى نتي ديرا بخال صندلات لميكة😒 وجدان:ولله ما نجوبك عارفا هبيلا وجدان عودات لفرح لميكب وصيبات ختال سهام شعرها لي كان مقطع قصير شويا جيها طويلا وحيها قصيرة صيبوه ليها دارت ليها وجدان ميكب خفيف وكلوس كيبغي،،فهد لأتناء دخل سي محمد وبناتو ومرتو هد محمد خو نعيمة عندو جوج بنات تويميات أميمة وفدوى كيشبهو لفرح بزاااااف حتى من لكولور دلعينين مختالفين غير فشعر فدوى هوا شعرها ماغون وأميمة ماشهب مامارو مخلط وبهاد طاريقا باش كيفرقو بيناتهم عندهم 18 لسنة وحتى هوما وحد فريفرات بحال فرح كيطيرو وياكلو من لعينين،ماماهم سميتها فتيحة،سلمو علا نعيمة ولخرن سي محمد كلس فصالون ولحق عليه عماد ضارب ليك لكلاص،فتيحة بقات معا لعيلات وفدوى واميمة دخلو لعند فرح لبيت اميمة:جغلتي غدي تزوج فرح:تجي اجيو ألبقرات توحشتكم جاو عندها تعانقو وبقاو كيهدرو فدوى:فرح واش عائلة لعريس فيها تيتيز بغيت نضبر علا راصي أميمة:ومزال كتسولي شوفي غير خطيبها كيدير تشديه تخشيه غير فشي فيترينا وتبقاي تشوفي فيه فرح:(بلمراكشة)اهيا أجمعي فمك فدوى:(ناصت حدا لباب وبدات كطبل)وداها ودها ولقردت ديال فرح مخلاها فرح:أري شي شطابا نشير عليها بيها فدوى:بغيتيني نبقا بيرا أسنفورة فرح:متبقاوش تقولو ليا سنفورة نتوما قولو سننفورا وداك شلاهبي يقول قزمة عيقتو 😢..

يتبع