أحببته أبيض الشعر الجزء 12

دار زاين حتا كبان ليه عادل جاي كجري جيهتو...

عادل: مال ختي ..اش وقع ليها ...

زين:بخجل ..غي الارهاق..

عادل:نتمنا يكون غي هدشي ازين ...و الا راك عارف..

زين بعصبية:مشي وقت هاد الهضرة...

دار و دخل مع ولدو...و عادل وراهم ...

كانت صوفيا متكية فوق الناموسية..مغطيا بلزار بيض و السيروم فايدها...

وجهها صفر و باين عليها العياء ...قرب منها زاين بخطى تقيلة....محملش راسو بسباب الحالة لي وصلات ليها...و لام راسو حيت فعلا هو السباب فهاد الحالة لي وصلات ليها...

قرب منها و مسك ايدها بتردد ...قبلها و تحنى على راسها حتا هو ...

صوفيا بتعب:اا...امنا رجعتي ؟

زين :رجعت الصباح. ...

كبقات الحبيبة ديالي...خليتك نهار رجعت لقيتك فالسبيطار. ..وليت نخاف نخليك دبا...

صوفيا:هه شفتي...كون يصحاب ليا ..نبقى ديما نطيح فاش تمشي عليا...

زين:و نسخى عليك انا...

عادل :احم احم ..كبقيتي اصوفيا. ..

صوفيا: شوية اخويا..

عادل اهو كقرب جيهتها...برك فجنب ديالها و شد ليها فايدها. ..

عادل:اشنو لي وصلك هنا.

.ياك غي يومين شفتك...اخليتك مزيانة..

صوفيا:مكاين والو اخويا ..غي خصني نرتاح شوية و صافي...راك عارف اش داز عليا ...

عادل:متاكدة مكاين والو...متخبي عليا حتا حاجة..

صوفيا:مكاين والو اخويا الحبيب غي تهنا...

زين:شكون قالك راه صوفيا فالسبيطار..

عادل بلا ميفكر:ماما..

صوفيا بحماس :واش بالصح اهي جات..

عادل:..ل..لا...مجاتش..

صوفيا :عارفاني فالسبيطار امقدراتش تجي..

عادل:صوفيااا. ..قلتليك خلي ليهم الوقت...اكلشي غيتصلح...

انا غنمشي دبا حتا نشوفك من بعد...

خرج عادل ...ارجع زين كطمان على صوفيا...

صوفيا:طه...اجي عندي اولدي..

من بعد ما سخفت ..معرفتش اش وقع حتا لقيت راسي فالسبيطار...زين اطه وراه غي ساكت او مخزون ..

و تبعهم عادل...عارفاه مشطون من جهتي.. و خايف لا لي فات اتعاود من جديد..و لكن راه بالصح هاد المرة زين معندو دخل...و لكن حاسا براسي عيت ...و كلشي جاني فدقة وحدة...

خويت راسي من كلشي ...اعيطت على طه...لي فرحانة حيت هاد الايام تقربت منو..

صوفيا:مالك اولدي..علاش مقلق..

طه: صوفيا...مليضة ..

صوفيا:هههه اه مريضو شوية...و لكن دغيا غنبرا حيت حنا ابطال...ياك او لا لا ..

طه:منطيحوش...

صوفيا:ههه لا مبقيناش غنطيحو...

جراتو صوفيا بركاتو حداها ...و عنقهم زين بجوج...

...:كبقات

عادل:شوية ..

الام:مزال مبغات تحشم ...خليها ...

عادل:اماما...بنتكم مريضة...و مزال منسات اش داز عليها ..و نتوما كتزيدو عليها ...معرفتش فين باغين توصلوها...

صوفيا:اوا هداك لي سبابها راه فضلاتو على واليديها ..

خارج المدينة

واقفة امراة كبيرة شوية ...وجهها عامر مكياج ..

و لابسة جلابة...

واقفة جنب شانطي ..اكدير لوطو سطوب ...

عيات تشير السيارات اوالو...على شحال عاد وقفات ليها واحد الهوندا ...فالاول مبغاتش تركب ...مي من بعد تفكرت معندها كدير ترجع...

طلعات و هي حاقدة ..و كدعي على زين ....و صوفيا ...

زين الدين:عاودي ليا اشنو طرا حتا وصلتي هنا...

صوفيا:والو ازين...يمكن حيت مكليتش هاد النهار...

زين:صوفيا انا و انت عارفين مشي من الماكلة ...

صوفيا :و صافي متبقاش تحكر عليا ...معندي والو..

زين:هاد الراس عندك شحال قاصح..

صوفيا:واش كملتي خدمتك...

زين:كملتها صافي

صوفيا:و...شناهيا هاد الخدمة ..

زين:اممم حتا لمن بعد اتعارفيها ...

بعد مرور اسبوع..

فاقت صوفيا مرتاحة ...دورات وجهها ...لقات حداها زين... و فوسطهم طه لي من نهار خرجات صوفيا من السبيطار مبقا كفارقها ...

ولا كعاملها مزيان...و كل مرة كسول باباه واش باقا مريضة..

حيت مشي ساهلة على ولد قدو ...يشوف شيواحد طيح قدامو...او حتا هما كحاولو ما امكن اخليوه انسا...

اما صوفيا فحالتها تحسنات نسبيا ...الحاجة الوحيدة لي باقا ضاراها هي واليديها...مكرهاتش ارضاو عليها و على زواجها ...بش تقدر ترتاح فحياتها. ..

عند صوفيا..

نضت هاد النهار ناشطة او راشقة ليا...هاد السمانة دوزتها غي نعاس او راحة حتا جنابي طابو...

غي زين من جهة و طه من جهة...حتا فاش كخرج زاين و نقول نوض نتحرك ندير شيحاجة ...كوقف ليا طه فالباب. ..او يحبسني ...اصلن الحاجة لي متشبه مولاها حرام 😂

هاديك الشارفة من اخر مرة مبقيت شفت كمارتها ...معرفتش واش هداها الله ..و لا زين لي مشا ليها...و حتا فاش طنسولو كقلب الموضوع ...وكقولي صافي نسايها ...

وجدت الفطور على حقو و طريقو. ... مشيت فيقت زين و طه بش افطرو...بزز باش فاقو...نفيق واحد ارجع لاخر انعس...

الله يا ربي كنت واحلا معا واحد ولاو جوج...كان كصحابليا غي طه الساعة صدق حتا باه كتر منو...

ناضو او فطرو فجو عائلي ..لي و لا حتا طه كشارك معاهم الحديث. ..امدخل راسو بيناتهم ههه...

زين:حبيبة ..وجدي راسك نتي او طه ...غنخرجو

طه:ويييييه..خرجو..خرجو

صوفيا:خهههه فين غنخرجو...

زين:نمشيو نبدلو الجو شوية ..معيتيش بالدار هه

صوفيا :وخا ...نجمع هدشي بعدا او نتا لبس طه ...

جمعات صوفيا الماعن ديال فطور ...مكتبغيش تخلي الشقا يتجمع عليها ...او وخا زاين معندوش اشكال..مي ديما كتخلي الدار نقية...مخاص زاين اعلق على حتا حاجة او لا تبانليه شيحاجة ناقسة ..

من بعد مكملات لحقات عليهم ...خدات دوش خفيف ..لبسات حوايجها او خرجو

طلعو فلوطو ...و بدا زين غادي بيهم ..و هما معارفينش فين غادين

حتا لاحظات صوفيا بلي راه غادي خارج المدينة..

صوفيا:زاين علاش خارج من المدينة...

زين:مسافرين...

صوفيا:و لكن مقليتهاش ليا ... .

زين:مفاجاة ههه

بقاو غادين شدين طريق. ..مسافة طويلة ..

طه نعس ...او حتا صوفيا ...

زين :معامن انا ...نعسو و خلاوني ههه

من بعد ساعات ...وقف زين بلوطو قدام نفس الفيلا لي جاليها المرا لي فاتت...

زين:صوفي..نوضي احبيبة. .وصلنا..

حلات صوفيا عينها اهي مقلوبة ..دورات راسها كبانليها غي حي خاوي كصفر...فيه غي الفيلات...

صوفيا بعدم فهم:زين..اش كنديرو هنا..

زين:غنشفرو هههه

صوفيا:مكنضحكش اويلي. ..شوف الدنيا خاوية..اينا مدينة هادي..

زين:باريس. ..نتي راك غيبتي مشي نعستي...هه

صوفيا :مكنضحكش...

زين:كقلد فيها ...مكنضحكش. ..وخا يلاه نزلي خلاص ...

هبط زين ...حل عليها الباب هبطها ...ارجع لور هز ولدو لي كان مزال ناعس فايديه...

مشاو توجهو الفيلا ...حلها زاين بالساروت و دخلو...

صوفيا غي تابعاه .. و خايفة...و عاد معرفاش راسها فين كاينة...

دخلو الدار ...شعل زاين الضواو...و شعلو معاهم عينين صوفيا هههه

صوفيا:باندهاش...زوينة بزاف. .

ديالمن هاد الدار. ..

زين:ديال جيران...

صوفيا:زاااااين ...

زين:قرب منها و نطق بصوت خافت ...ديالك ...كلشي ديالك...

صوفيا:كفاش زعما..

زين:لا نتي الكونكسيون عندك مشي هي هاديك...ههه

صوفيا:من الصباح و نتا كتفلا عليا...نمشي نرجع فحالي...

زين جرها من ايدها :اجي الهنا الحمقة...

عرفتي فين حنا دبا ...

صوفيا:ف ف باريس😅

زين:فالمالديف...لا حول و لا قوة الا بالله

حنا فكازا احبيبة..

صوفيا بصدمة:واش بالصح. .

زين:اه ...او هاد الدار هي فين غن....

صوفيا:واش هادي هي الدار لي غنعيشوا فيها. ..ممتيقاش...

بقات صوفيا مصدومة لدقائق. .غي تداركات الوضع...مشات كتجري كتشوف فالدار...اكتقلب قنت بقنت...حتا من البلاكارات ديال الكوزينة حلاتهم واحد واحد...

رجعات عند زاين .?.و هي غطير بالفرحة ...

تلاحت عليه عنقاتو ...

صوفيا :زوينة بزاف ...معرفتش اشنو درت فحياتي جتا جازاني الله بيك...علاش واليديا مقادرينش اشوفوا هدشي. ..

زين:المهم هو انها عجباتك...الا بغيتي تبدلي فيها شيحاجة بدليها...

صوفيا :لا عجباتني. .خههه

زين:عرفتي اشنو خاص هاد الدار...

صوفيا:ههه اشنو...

زين:خاصها بزاف المشاش...

واش باغي تربي المشاش..

زين :لا غتولديهم 😂

صوفيا :ههه وخا نشاء الله ..دبا نولدو..

زين: غدا نمشيو نشوفو طبيبة اش غتقول ..واش الرحم ديالك تحسن و لا مزال

صوفيا :وخا نشاء الله..

...:هما فرحانين و عايشين حياتهم...او انا وليت حالتي...حتا ديك 2 دريال قطعهها عليا ال****

و ديك الحمارة خلات حفيدي دار عليا...وخا دبا نوريكم اش كنسوا...

عند زين و صوفيا..

زين:غنباتو اليوم هنا ...حتا الغدا انرجعو ...حيت مزال عندنا ميدار لهيه. .

صوفيا:و لكن مجبتش معايا الحوايج..

زين:جبتهم انا ههه

صوفيا :ضارب الحساب الكلشي...

بقاي معا طه ...راه دخلتو الصالون...انا غنجيب شي حوايج من الطموبيل. .

بقات صوفيا كدور فالدار...او هي مزال ممتيقة هادي دارها او هنا غتعيش و تكمل حياتها مع الشخص لي اختاروا قلبها...

حتا دخل زاين هاز ساك صغير فيه شي حوايج باش اباتو..او بلاستيكات فيهم العشا. ..شراهم فالطريق...

دخل...عطا لصوفيا الصاك ..بش تبدل هي و طه...و مشا حط البلاستيكات فوق الطبلة ..شعل البلازما لي كانت كبيرة ....و برك ...حتا لحقات عليه صوفيا ..هازا طه مقلوب بالنعاس ...ا حال عينيه بزز...

بركو تعشاو ...رجعو طه ينعس ...و كملو هما سهرتهم ...لي سالات

بليلة حمراء ...تخالطو فيها الاحاسيس ...او دخلو العالمهم الخاص ...

دوزو نهار كامل فكازا ...و فالدوران ..طرغو المول خداو منو شي

حوايج...حتا قرب المغرب ...عاد رجعوا او شدو الطريق من جديد القنيطرة. ..

من بعد ساعات ديال الطريق وصلو الدارهم ...هبطو مدغدغين ...و عيانين...باغين غير اتلاحو انعسو...حلات صوفيا الدار ...وطلعات هي و طه ....مشا زاين عند الغارديان..

زين من بعد ما سلم:كدير الوضع...مجا حتا واحد الدار

الغارد:بصراحة ....جات واحد المرا البارح شحال اهي كدق و تصوني ملي مجوبتوهاش .جات حتا الباركينغ كتقلب على طموبيلتك...ملقاتهاش ...بقاو كتعاير بوحدها او مشات ...

زاين :امم صافي ...مزال مبغات تحشم ...

العفو مع هاد السيدة ...

غي شي ايام ...او اجي دي الريح. ..ضحك زاين باستهزاء و مشا ...

بعد مرور 3 ايام بالحساب ...كانوا تافقو فهاد 3 ايام اجمعوا حوايجهم ...احتا زاين بقا مشغول مع خدمتو...وخا غيبقا يجي يقابلها ..مي مبغا امشي تا يخلي كلشي هو هداك...

دخل زاين الدار ...لقا لي فاليز عند الباب ...اشيحوايج هزاتهم على قبل الدار ...كلشي واحد ...حتا من طه كجمع فلعابو 😂 مخلى حتا لعبة...

وجدو تقريبا كلشي ..خلاو الدار نقية...حيت غيبقاو كجيو ليها مرا مرا ...فاش ابغيو اشوفوا العائلة...و لا فاش اجي زاين على قبل خدمتو...

زين الدين: صافي كلشي هو هداك اجبيبة

صوفيا:اه صافي جمعت كلشي ...

قرب منها زين او عنقها .

زين:غنبداو من لول ...حياة جديدة . .صفحة جديدة ...خاصة غي بينا حنا ...و بالعائلة لي غناسسوا ...او نعوضو البيبي لي ضاع ..

صوفيا :نشاء الله

زين:دبا الحمد لله الرحم ديالك تحسن ...معندنا مناش نخافو ..راه شفتي الطبيبة قالتك كلشي مزيان

يعني دبا مكاين غي ...مكاين غي....😂

صوفيا:مبقيتيش كتحشم ...

غنمشيو فليل ...

زين :وي حتا ليل انشدو طريق. .دبا لبسي حوايجك ..غنمشيو لواحد البلاصة...

صوفيا:فين غنمشيو

زين: لبسي انغوليك

متعطليش انا كنتسنا

لبسات صوفيا و هبطات لقات زاين قدام لوطو هو و طه. . و دكشي لي كانت جامعا مكاينش حسو ...قالت غيكون زاين دارهم فلوطو ...وخا مفهماتش مالو مزروب ...ياك غيرجعو ..

زاين:صافي واجدة ..

صوفيا:اه صافي ...

زاين:يلاه طلعي نتي و طه انا جاي...

دخل زاين الدار دقائق و رجع خرج ...سد الباب بالساروت ...و طلع ..

انطلقو بالسيارة و عيات معاه فين غادين...او والو مبغاش اغول ليها...

دازو ساعات ...و هما شادين الطريق ...وستسلمات و داها النعاس ...هادي هي حالتها فاش ككونوا شادين الطريق...اما طه غي كطلع او كنعس ...

دازو ساعات و زاين كضرب فالطريق ...

حلات صوفيا عينيها ..من بعد ما سمعات صوت الهاراج ...و صوت الدراري كلعبو ...فاقت و بدات كدور فعينيها ...حتا كتشوف راسها فالحي ديالهم...مفهمات والو ...اش جاو اديرو هنا ...و لاش كخطط زاين..

صوفيا:زاين ..هدا دربنا...اش جينا نديرو هنا

زين:هانتي غتعرفي...

وقف زاين قدام داراهم...هبطو ...وصوفيا مترردة ...عرفاتو جايبها تشوف واليديها...و لكن مزال معارفا كغايعاملوها...او واش مزال مقلقين عليها..

يااه خرجو من لوطو حتا كبانليهم عادل قدام الباب بحالا كان كتسناهم اجيو...

عادل اهو كطمان صوفيا بعينيه:متخافيش ...مي من الاحسن تهضرو معاهم قبل متمشيو..

صوفيا:عارفا و لكن ...عادل ..راه مقدراش على شي صدمة تاني ...تيق بيا ...هاديك الهدرة لي تقالت ليا...تجملتها حيت سمعتها غي فالتلفون...اما مباشرة مغنقدرش نتحمل ...

زين :صوفيا ..مالك متشائمة...راه دازت مدة...اكيد غيكونو تهدنو شوية ...يلاه يلاه لي ليها ليها 😂😥

دق عادل ...او هما موراه ...صوفيا قلبها كضرب حاسة براسها غتسخف..بحالا دوزات شي امتحان...و معارفش راسها واش نجحات او لا ...

دقو شحال من مرة ...عاد حلات الام ...كتمسح فايدها...و مزال بتلطابلية ديال الكوزينة...غي حلات الباب و تحلو عينيها ....تصدمات ملي شافتهم ...او حتا عادل متوقعاتش نهائيا اكون معاهم..

بقات شحال و هي كتشوف فيهم ...

عادل:اشنو الوالدة...غتخلينا فالباب...

رجعات الام للوراء ...اخلات ليهم المساحة منين ادخلو ...بلا متنطق بحتا كلمة ...فقط غي النظرات..خاصة مع صوفيا ..نظرات عتاب ..نظرات غضب...نظرات الم...نظرات اشتياق... بزاف المشاعر ...و يزاف الهدرة ....مغتعرفش تعبر عليها...كتكتفي تبقى غي تشوف ...اتخلي عينيك هضرو...

جر عادل صوفيا دخلها للصالون ..وتبعهم زين هاز طه...عاد الام سدات الباب...و جات بخطوات تقيلة ...مزال مصدومة من مجيتهم...

واخر حاجة كانت متوقعاها ...

عا دل:زين ..غناخدلك صوفيا شوية ...

جر عادل صوفيا من ادها ..او جر حتا الام ....طلعهم الفوق...حل غرفة النوم ديال والديه و دخلو ليها...

دخلات صوفيا و الخلعة شاداها ...و معارفاش خوها اش كدير...

دخلات حتا كتلمح الاب ديالها بارك فكرسي ...و هاز القران فايدو ...سدو من بعد ما لاحظ دول شي واحد ...حط القران فالجنب و هز عينيه...حتا كتصدم حتا هو ببنتو...لي شحال اهي غايبة عليهم. ..

بقا ساهي فيها مدة حتا...

الاب:اش جايا كديري هنا ...

صوفيا: ااا...انا..ب...

عادل:انا لي جبتها ...نتوما خاص تبركو اتهضرو ..ميمكنش تمشي بلا ظتحلو هاد الخلاف لي بناتكم...

نتوما عارفين صوفيا مغلطات فحتا حاجة...و هداك لي رجعات عندو راه راجلها مشي شيواحد غريب ...

بركو ... و هضرو ..

خلاهم و نساحب ...

خرج و سد عليهم الباب ....و رجع هبط عند زين ...

الاب:علاش رجعتي...

صوفيا:بابا ...هادي راه الدار لي تزاديت فيها ...و هنا كبرت ...ودوزت غاع حياتي ...و هنا كينين نتوما ...

الام بحزن:نتي مدرتي بحساب والو ....ضحكتي علينا و خليتي انس كتسنا فك ...

مشي هدشي علاش ربيتك .......

صوفيا: ماما راه كاين شيحوايج مغتقدريش تفهميهم...هداك انس راه 2 وجوه...متكونيش غالطا ...

ميمكنش نمشي معاه حيت مكنتيقش فيه...

الاب:مكنتيش ضحكي عليه هكاك...

صوفيا:مكنتش باغا نضحك عليه ابابا ...كنت غادا ...ولكن مقدرتش. ..فاش جمعت حوايجي ..مقدرتش نمشي من هنا بحالا مكاين والو. ..انا لي شفت زاين شحال محطم ...و شحال كان معدب...او انا لي كنت عيشا العداب ...نتوما مشفتوش هدشي ...شفتو غي رجعت ليه و صافي ...

انا كنت كنموت كل نهار ..واش مكنتوش كتلاحظو هدشي ...طاحت صوفيا على رجليها و هي كتبكي ...

و الام حتا هيا كتبكي ...

استحملات حتا عيات ...و فالاخير مشات تلاحت عنقت بنتها...حيت فعلا منظرها كان كحطم...

شحال و هما كبكيو و كعاتبو فبعضياتهم...

الام:صافي ابنتي ...صافي ...

الاب:الصمت ....و حتا هو متاتر ...

ناضت صوفيا قربات منو...

صوفيا:واش غتبقا مقلق عليا ..هانا غنمشي ...و مغنبقاش مصدعاكم اهئ اهئ ..

الاب: حتا هو عنقها...

وخا تعياي تغلطي ...منقدروش نبقاو مقلقين عليك....

تعانقو عناق جماعي ...و طلبات منهم صوفيا السماحة ..

عاد خرجو من البيت ...و هبطو ...

دخلو و الابتسامة مرسومة على وجوههم...غي شافهم عادل و زاين فرحو ...حيت عارفو الخواطر تصافاو...

ناض زين سلم على باها

او رجع حدا صوفيا .. طه وسطهم و هما فرحانين...حيت و أخيرا كلشي ولا مزيان...ودكشي لي كتمناو تحقق. ...

الاب:هادي تاني مرة غنتيق فك...و منبغيش تعاود تخدلنا مرة اخرى...

وخا غاع دكشي لي فات على قبل بنتي غنحاولو نساو ...و نعتابرو انه موقع والو...

زين:و انا كنواعدكم غنحطها فعيني ..و غنخليها اسعد وحدة

الاب و الام:هدشي لي كنتمناو...

زين:حنا بغينا نبداو من جديد...و بغيناكم حتا نتوما تكونو راضين علينا...

الاب و الام :حنا راضين عليكم..

الام:وخا مساخياش تبعدو...و لكن غيبقا احسن بش تنساو غاع المشاكل لي دازو عليكم...

صوفيا:غنبقاو نجيو مغتهناوش مني بهاديك السهولة.

هههه😂

يااااا عالفرحة دي لانا فيها ...يووووووم الدنياااا دي و لياليييها ...و حياااتي لي بحلم بيها......😂

مشات الام توجد اتاي ...و تبعاتها صوفيا تعاونها...بقا زين كهضر مع الاب...لي كل مرة كوصيه على حاجة. . .

فحين عادل شاد فطه ...

عادل:غتبقى معايا ...

طه:مشيو...سافلو..

عادل:لا هما غيسافرو ..نتا غتبقا معايا ...

طه:مني مني...بابا ..سافلو...😂

زين:غنسافرو اولدي. ..

عمرات طبلة ...و الام فرحات بيهم ...ها المسمن ها الحرشة..ها البغرير ..الحلوة ...كيكة...

مخلات محطات...جتمعوا عليه وخداو صور تدكارية...

توادعو معاهم بالدموع تاني ...ههه عاد خرجوا ....

بدات الرحلة الطويلة ..لي مكانتش متوقعاها صوفيا ...حيت زاين لي خطط ليها بطريقتو...

انطلقوا و خلاو كلشي موراهم..

الى حياة جديدة و بداية جديدة

يتبع

أحببته أبيض الشعر الجزء 12

محتوى القصة

التنقل بين الأجزاء