دار زاين و صوفيا حتا كلقاو الام وراهم ...طلقات منو صوفيا بخجل ...و سلمات على ماماها بركات ليهم ...و فرحات حيت جا لي عوضهم على البيبي لي كان ضاع منهم ....
كارولين :اه ...كان خاص بنتي تعرف عائلتها و هما يعرفوها ..نتا معارفش اشنو معنى تكون الاب و الام فنفس الوقت...انا جبتها باش نطمان ...و متاكدة الا طرات ليا شيحاجة غتلقا هاد الناس فجنبها ...
كارلوس:متبقايش متشائمة. .انس لي كنتي خايفة منو راه فالحبس...معندو كوصل ليك...
كارولين:هدشي لي كنتمنى...
كارلوس:صفحة انس بغيتها طوا...دبا غنبداو صفحة ..فيها غا انا و نتي ..او هاد الغزالة..
كارولين:هههه اه ..يلاه نمشيو ...
شدو طريق المطار ...و الوجهة كندا...هي فين قرو يبداو حياتهم ...و يعيشوا مجموعين ...بلاصة جديدة مكعرفهم فيها حتا واحد...
خرجات كارولين ...و بقات العائلة مجموعة ...قرر زاين انهم مورا الغداء ...يشدو طريق القنيطرة ...حيت عندو الخدمة تماك...و من بعد يرجعوا الكازا...بش اشوف لصوفيا شي طبيبة تبقا متبعا معاها....
دوزو النهار مع العائلة كيفما خطو...عونات صوفيا ماماها ...حتا وجدو الغداء ...تغداو فجو عائلي. ..خاصة ان والدين صوفيا مرتاحين...و مبقاوش هازين من جهة زاين..من بعد ما شافو بنتهم فرحانة..و عيشا مزيان...
طلعات صوفيا ...بش تجمع الحوايج لي جابو معاهم
حتا كتحس بشي ادين محاوطينها و محطوطين على كرشها...
زاين:
يا من سرقت قلبي مني
يا من غيرت لي حياتي
يا من احببتها من كل قلبي
يا من قادتني الى الخيال ......
حبيبتي..
أهديتك قلبي وروحي
وبين ظلوعي اسكنتك
ورسمت معك احلامي ووعــــــودي .........
تواعدنا..
ان نبقى سوياً مدى الحياة
ان نجعل حبنا يفوق الخيال
ان نكتب قصة حبنا في كل مكان
ان نغسل قلوبنا من نهر العذاب ........
دارت صوفيا و عينيها مغرغرين ...و عجز اللسان عن الكلام..فقط النظرات ..لي كتعبر على مدى فرحتها بيه ...
زاين:قرب منها و باسها...مالك تصدمتي...واش معارفاش راني شاعر 😂
صوفيا :ههه لا كلشي وليت كنتوقعو منك...الشاعر زاين...
زاين:متبقايش تفاجئي..من هنا القدام غتولي حياتنا كلها اشعار ...
خلاها زاين غي كتشوف. ..و مشا كعاون فيها...جمعو حوايجهم...لبسو و زاين تكلف بطه...وخا طه موال صغير
الام:ههه و ابنتي راني ولفت داري ...و حتا باباك راه شفتي كبغي يبقا فبيتو...
عادل قاطعهم: صافي دبا نجي و نجيبه غا تهناي...
صوفيا::ههه وخا نتا لي غتعرف ليهم...
شدو طريق...و من بعد ساعات كانوا قدام الباب ....
....: هدوك لي كتسولي عليهم راهم.وصلو..
...:ههههه و أخيرا. ..هاداك الشماتة خلاني كنتسنى بزاف...
غي وصلو كان ظلام الحال ...طلعو الدار ...وجدات صوفيا سندوتشات خفاف ...كلاوهم و مشاو نعسو...حيت تهلكو بالطريق...و خاصة زاين لي ككون سايق ...نعسو مجموعين ...و طه وسطهم ...هادي هي عادتو..مرة مرة كترشق ليه يبقى وسطهم...
صباح جديد ...
ناض زاين بكري شوية حيت عندو شي خدمة خاصو يقابلها...دخل خدا دوش خفيف ...و لبس سروال دجين و قميجة بيضة. ..و دار معاهم سبادري حتا هيا بيضة ...
خلا صوفيا و طه ناعسين ...و توجه الكوزينة...صايب ليه قهوة ...و حطها ..يلاه برك و رشف منها شوية حتا لحق عليه طه ...باقي كحط فعينيه..
بغيت نشوف حفيدي ...عفاك خليني نشوفو ...متحرمنيش منو فاخر ايامي ...حتا تحرمت منو عاد عرفت قيمتو...هو لي بقا ليا من بنتي ...خليني نشوفو الله يخليك.
بقا زاين ساكت ..و ساهي فيها لدقائق. ..معارفش واش اتيقها و لا لا...و فنفس الوقت المو الوضع لي و لات فيه...اخر حاجة كان متوقعها ...هو يشوفها فكرسي متحرك ...
زاين بعد تفكير:وخا انا غنطلعك تشوفيه...
تعاون زاين هو الشاب لي مكلف بش ابقا يدفعها و يطلعها ...طلعوها حتا و صلو الفوق ...و رجع الشاب هبط بقا قدام الباب كستنى فيها في حين...دخلها زاين الغرفة طه...
كان طه يلاه خارج من الدوش ...غي شافها تفاجئ. من منظرها ...و فنفس الوقت معجبوش الحال ارجع اشوفها ...حيت منساش معاكلتو ليه كيف كانت ...او كيفاش كانت هي و جميلة معيشينو الرعب ...حتا كان غيدخل فحالة التوحد...و لكن صوفيا قدرات تعتقو...
زاين:ولدي...جداك توحشاتك و بغات تشوفك...
طه:قرب منها بتردد ..و سلمات عليه ...جراتو عنقاتو ...و هو مدار حتا ردة فعل فقط ساكت و كشوف فباباه...
حس بيه زاين ..و عرفو محاملهاش غي من تعابير وجهو...مي مقدرش احرمها تشوفو و هي فهاد الحالة ...
زاين: طه بقا مع جداك ...انا غنرجع...
خرج زاين من البيت و ردو ...يلاه غيهز راسو ...حتا كلقا صوفيا قدامو ...
خرجات و هي حالتها ...معارفا فين تمشي ...بقات غادا كتجري بطه ...و الشمس ضاربة ليها فوجهها... غادا جنب طريق على امل ادوز طاكسي ...او والو لي داز مكبغيش اوقف ليها....
بقات هكاك...و كتشوف فولدها كضيع منها ...حتا بان ليها طاكسي جاي...مشات وقفات وسط شانطي ...وحبساتو ...وقف طاكسي ...و مشات طلعات
رجعات كتعيط على زاين ...مرا و جوج ...او والو مزال تلفونو طافي...
دازت ساعة بالضبط.....حتا خرجات احدى الممرضات كتجري...تلقات ليها صوفيا ...لكن مجوبتهاش ....لحظات رجعات الممرضة و معاها طبيب تاني...حيت ديجا دخل طبيب ....بقات صوفيا كتشوف و قلبها قرب اسكت بالخوف...اشنو لي غيخليهم احتاجو طبيب تاني ...
بقاو دموع صوفيا دايزين....و هي معارفاش اش واقع الولدها...قلبها مكانش مهنيها من الصباح...عيات تفكر اشنو لي ممكن اوصل ولدها لهاد الحالة او والو...حتا حاجة مطاحت فبالها..
بقات صوفيا على حالتها حتى بدا كصوني تلفونها...كان زاين لي كعيط...
زاين:الو...صوفيا مالك ...كنت فاجتماع و تيل طافي...واقعة شيحاجة...
صوفيا:الصمت...
زاين:صوفيا متخلعينيش ...اشنو واقع ...هضري..
صوفيا:ط...طه فالسبيطار. ..
زاين :كفاش السبيطار ..اش و قع ليه...اينا سبيطار نتوما...هضري...
صوفيا:مستشفى****
دقائق و كان زاين قدامها...
مشى عندها بسرعة ...
زاين:و هو كحرك فيها من كتافها ...في حين هي شبه مغيبة...
خلاو التوام مع خالهم...و بقا معاهم طه....لي مكفرقش زاين غاع...و حتا زاين كتعمد ادخلو فكلشي...كونوا الوريت الوحيد...فخاص تكون عندو شوية الخبرة...و خا باقي صغير...و لكن يتعلم من دبا....
و عاد هاد التفاعل مع الناس خلاه اجتماعي...و مبقاش داك الطفل الصامت...بل تبدل كليا...
و و لا كهضر بطلاقة...و حتا كخشي راسو فغاع النقاشات...او كسول باه فاي حاجة بش يفهمها.....
نسا نوعا ما لي كان وقع ليه....بقاو فقط صور بيضاء...لي و لات صوفيا و زاين كعمروهم ليه بدكريات زوينة...و كينسيوه فاي دكرى خايبة عندو....
بيتو عامر بصور ماماه...و عارف مزيان بلي صوفيا مشي ماماه...و لكن الام ليست التي تلد فقط...بل ايضا هي لي كتربي...كتسهر...كتكبر...كتخاف...كتعلم...
هدشي كامل خلا طه يعيط لصوفيا بماما...و هي ايضا مكتفرقش نهائيا بينو و بين التوام...بالعكس طه قريب ليها...حيت حضرات لغاع الالام...المرض...الحزن...لي داز عليه....و مزال صورتو غائب عن الوعي ...نهار حاولات تقتلو جداه بين عينيها....
لكن فاش كتفكر...انها فالسجن...و تحكم عليها بالمؤبد كترتاح نفسيا...
اما هناء فتحكم عليها ب 10 سنوات ....و مزالت كتعاني بين اسوار السجون....
بقات صوفيا ساهية وهي كتشوف فولدها...وكتدكر غاع دكشي لي داز عليه...و ها هو دبا...ولد ناضج....فاهم و عارف...ولد تفتخر بيه اي ام....
مفيقها من سهوتها...غي صوت الميكرو...لي بدا كهضر فيه شيواحد...
هزات عينيها حتا كبانليها زاين لي واقف....
اليوم...جمعتكم كاملين...بش نحتافلو بالدكرى الرابعة...لتاسيس هاد الشركة....شركة لي مجاتش و طلعات ...بل كانوا بزاف الناس....وراءها...
خدمو و سهرو ....بش تكون هاد الشركة لي و لات احسن شركة فالمغرب...كونها الشركة الوحيدة لي جات بفكرة جديدة ...و مختلفة عن باقي الشركات...
كنشكركم على الحضور...و مشاركتنا فرحتنا هاد النهار..
و ميمكنش دوز هاد المناسبة بدون منشكر...عادل..لي مكلف بالفرع لي فمراكش...الاخ ديالي لي كان معايا فاش يلاه جاتني الفكرة ديال هاد الشركة ...و لكن مقدرش اكون معانا اليوم حيت خارج البلد....و اخيرا كنكشكر...اهم انسانة فحياتي...اليد اليمنى ديالي فهاد الشركة...لي حتا هيا كتعطي كل ما فجههدها بش تكون احسن شركة.....
كنشكرها حيت دخلت الحياتي...حيت جابت ليا اميرات كحمقو....كنبغي نقولك نتي احسن حاجة وقعات ليا فهاد الدنيا...و زاين بلا بيك لا وجود له...
كمل زاين هاد الكلمات...و نزل تحت تصفيقات الحضور....
تقدم جهة صوفيا لي كانو عينيها مغرغرين بالدموع....شد فيها من ايدها و جرها نحو الباب....
صوفيا:ااا زاين ...فين جارني...
زاين:ششش هانتي غتعرفي....بقا جارها من ايدها...حتا دخلو الجردة الخلفية الشركة...كانت جردة كبيرة ...عامرة بالكراسي...الزهور على الالوان....و الاشجار من كل جهة...حتا هي كانت مزوقة بالاضواء ....
الليل طاح ...و غي هما بجوج...حيد زاين الفيست ديالو فرشها فالارض...تكا...و جر صوفيا حداه...عنقها بايدو....
جو هادئ يسوده الصمت...عالم خاص بيهم...ناعسين...و النجوم مقابلة معاهم فالسماء...
زاين:شوفي شوفي...
صوفيا:اشنو...
زاين:ديك النجمة لي الفوق...راهيا الوسط....
صوفيا:هههه اه ...مضوية بزاف...
زاين:هاديك هي صوفيا...
صوفيا بخجل:هههه انا حسن منها...
زاين:شفتي النجمة...غطفاي هادي بلا متشعلي قدامها...
أحببته أبيض الشعر الجزء 14 و الأخير
محتوى القصة
التنقل بين الأجزاء