باقة حب لا تذبل الجزء 18

صباااح جديد فاقت هاجر مطحطحة نيت عاد حسات بحك جر دالباارح نااضو دوشوو و التجهوو ديريكت للمطار طبعاا لشهر العسل لي قدم ليهم تاج الدين كادو باسم ريمااس .. اتجهو لدبي حيت ريماس عارفو هاجر تموت و تزوورها .. اما تاج الدين و ريماس فايو بكري و اتجهو لخدمتهم دوزو صباح عادي تا وصل وقت الغداا و جا عندها تاج الدين .. كانت خدامة ودايرة الكيت فودنيها فتح البيب و دخل عليها ما حسات تاعتقها من اللور و خشا وجهو فعنقهاتا نقزات ماتنفسات تا ارت عندو

تاج الدين .. ماء الماس ديالي

ريماس ..''حيدات الكيت من ودنيها و عنقات يديه" خلعتيني .. يصحابني شي حد ااخر

تاج الدين .. ههه و شكون هذا لي غايقدر يعنق مرات تاج الدين الصقر هاا..

ريماس .. ههه تا حد .. 

تاج الدين .. نخرجو نتغداو فشي بلاصة .. مانبقاوش هنا راسي غاينفجر بالخدمة .. 

ريماس .. اهاه وااخة .. انا نيت طالبة عليها هههه 

خذات صاكها و شدات فيدو .. خرجو و اتجهو لمطعم بجنب البحر .. خذااو شنو بغااو ياكلو و بقااو جالسين موضووع يجبد موضووع و اغلب حذيتهم كان على العرس و غا ريمااس لي كاتفكر الاحذااث اما هو غا مجاريها و صاافي .. تا رمات عليه البريكة و قالت ليه شعل

ريماس ..البارح فاش مشيت لي طواليطتلاقيت مع داك السيد لي عرفتيني بيه ..

تاج الدين .."عقد حجبانو '' شكون هذا ..!

ريماس .. هذااك لي كيجيك ..مانعرف شنو .. ولد خالك يمكن ..ااسميتو حااتم .. علاش ماقلتيش ليا بلي كيجيك ..

تاج الدين ..و نسيت .. و زيدون نتي اش وقفك معاه ..!!

ريماي .. مانعرف هو لي وقفني .. قال ليا..بلي كيفتح شي مدرسة يمكن ديال التصميم .. 

تاج الدين .. امم عندي خبارو .. قالو ليا كيدير شي مشرووع .."حط يدو على لحيتو ..و خزر فيها" و نتي اش دخلك فهاذشي لاش توقفي معاااه اصلا هاا .. و لاش ماقلتيهاش ليا البارح .."ضرب يدو مع الطبلة" كون مشييت خصرت لجد بووه كماارتو ..

ريماس .."شوكاها .. بدات تتشوف فجنابها ياكما كيشوفو فيهم الناس " .. اويييلي مالك تسيفتي عليا عباد الله كيشوفو فينا دوي بشوية .. ..السيد وقفني و دوا معايا بمنتهى الإحترام و قال لي بغاني نخدم معاه فالمشروع بما اني عندي خبرة و من العائلة بحكم اني مراتك .. سو مكين لاش هاد العصبية كااملة ..

تاج الدين .. يخ بشاار شحال فيه دالحضية .."جمع يدو على شكل قبضة'' و بالسلامة مالو ميقول هاد الهضرة قدامي .. لاش يشدك فالقنات .. 

ريماي .. اش كاتقوول نتاا .. شكون هذاا لي شدني فالقناات عرف راسك ااش كاتخرج من فمك ..مزياان ققال لك القناات .. و زيدوون ديجا قلت ليه بلي خدامة معاك غير هو اصر .. قال ليا نقدر نخدم معاك و معاه ..

تاج الدين .."كيحاول يتكاالما " و نتي شنو قلتي ليه !

ريماس .. قلت ليه تا نتشاور معاك .. فاش شفتو مصر ..

تاج الدين .. اوا يمشي يتقود .. خدمة مع غيري مكينااش مفهوووم .. هذا نسانا و عاد تفكرنا دابا .. و جاي يبين علينا عضلاتو ولا كيفاش..بالحق انا لي غانجيه من اللخر ..

ريماس ..تاج الدين .. عيقتي .. مافهمتش هاد الردة دالفعل هادي شنو كاتعني و الله .. جيتيني فحال لا مكاتيقش فيا ..

تاج الدين ..''كيبرد راسو بزز" كيفاش مكانتيقش فيك .. كين شي حد مكيتيقش فراسو ..انا ماتايقش فيه هو .. شفتو كيشووف فبك فالعرس فاش سلمتي عليه .. و نعلت الشيطان .. مي دابا فااش قاتي ليا دوا معاك .. تأكدت بلي ديك النضرة ماكانتش بريئة و انا لي غانتفاهم معاه لا مزال دار بساحتك .. غانساا وااش ولد خالي ....

ريماس .. يالله نمشيو عافاك ..

تاج الدين ."خذا يدها و بااسها حط عليها جبهتو و بقى مدة " شفتي لي يشووف فيك نطير لمو عينيه .. منقدرش نشوف شي حد كيقرب منك ..الى كنت ماكانبغيش صحاباتك فالشركة يقربو منك خاارج حدود الخدمة .. 

ريماس .."زلقات لها الضحكة ..'' ههههههههههه كاتغير من البنات اتاج الدين ..

تاج الدين .... بفف .. من الهواا اريماس .. من الهواا ..

ريماس .. ههههههههههه وليتي كاتخلعني ..

تاج الدين .. مزيان خافي على راسك مني ..ههه ..😉

.. كملوو غداهم و وصلها لداار على حسب طلبها حيت حسات براسها مرخية و عيااانة.. ماقااداش تكمل الخدمة .. وصلها لدار و رجع هو لخدمتو... كانت عوالة تمشي لعند محمد دوز معاه وقيتة تا تصدمات بلي لقات فالدار ..

كملوو غداهم و وصلها لداار على حسب طلبها حيت حسات براسها مرخية و عيااانة.. ماقااداش تكمل الخدمة .. وصلها لدار و رجع هو لخدمتو... كانت عوالة تمشي لعند محمد دوز معاه وقيتة تا تصدمات بلي لقات فالدار .. شافت الكل مجمع فالصالون .. عشق .. رزان .. يمن و هاجر حتى هوما .. بالحق الغيييرب الموجود بيناتهم هو تاتيانا ..

ريماس .. السلام عيلكم .. متجمعين عند النبي انشاء الله ..

يمن .. حنا و نتي انشااء الله .. 

عشق .."دورات راسها لجهة تاتيانا'' يا ختي صدري تزير عليا قلبياووف. .

ريماس .."ماداتهاش فيها واخة عارفاها داوية عليها ..شافت فهاجر" اويلي نتي مامشيتيش دوزي الهانيمون ديالك ..

هاجر .. هههههههههههههههههههههههه اختي لي منحوس منحووس واخة حطو على راسو فانوس .. ههههه .. كنا غانسافرو تا خرجات خدمة ضرورية ليمن و عملاء مهمين غايجيو .. اوا يا لالة و اناا نيت كنت عييانة و الله الى ماقدرتش اختي نيت على ديك التسخسيخ 

ريماس .. ههههه وجه الفقر .. 

يمن .."عنق هاجر ..'' ماتعايريش ليا مرتي .. انشاء الله غانعوضها ليها .. 

ريماس .. هههه هاي هااايولا عندك لي يدافع عليك ادانينوو ..

هاجر .. ههههههههه صافي ماتشوهينااش .. 

ريماس .. "شدات فراسها'' راسي كيضرني .. سمحو ليا ..غانطلع نشوف سيمو و نمشي نعس شوية .. 

رزان .. سلامتك الحب .. خديني معاك .. 

عشق ..هاي هااي على النعاس .. زعما ماابااانوش ليك عندنا الضياااف .. صراااحة .. ترااابي هوما عندك .. اوا النااس لاش كيزوجو ولادهم الى كانو العيالات ماغايهتموش بالضيف ..

ريماس .."دارت على زوج جناب''كادوي معايا انا ..؟؟

عشق ..''خزرات فيها'' اوا سبحان الله بااان لك شي حد ااخر من غييرك ..

ريماس .. بلاتي بلاتي .. اش هادي لافاصوون بااش كادوي معايا ..؟؟!

عشق .. "وقفات ..'' هاااي هاااي .. غلتعلمييني كيفااش ندوي ولا كيفاش ..

ريماس .."وقفات تا هي "مالنا اختي ياك لباس قولي اش باغية و جيني فاص 

يمن .. عشق .. حشومة اش هاد الحالة شنو دارت ليك ..

عشق ..نتا سكت ماتدخلش .. اوكي ..بيني و بينها ..

يمن .. لا نتي وليتي فشكاااال ..

عشق .."قلبات فيه عينيها و طلعات و نزلات فريماس"انا عندي ظيفة خصك ترحبي بيها و تكرميها .. سيري وجدي لينا شي حاجة لي نشربوها .. و جيبيها لينا لجردة .. بغينا ايضرب فينا الهواا

ريماس .. هههه انا ..؟؟

عشق .. لا خياالك .. وا سيري تهزي ديري لي قلت ليك ..

رزان . اوييييلي عشق اش هاد الهضرة كاتقولي .. اويلي حماقيتي ..

عشق ... ''ماتسوقاتش لها" شنو مزااالة كاديري هنااا ديري لي قلت لك ..

ريماس .." حابسة دموووعها غا بسييف ..'' اولا .. ضيفتك مامدكاتسنانيش انا نرحب بيها .. ثانياا .. عندنااا خدامات فالداار يصاوبو لكم لي بغيتو اوووكييي ..نعييييمااااااا"كاتعيد للخدامة .. '' نعيييمااا .. 

الخادمة... نعام امدام ..

ريماس ..شوفيهم شنو بشربو و خوديه لهم للجردة .. هنا الهوا قليل حيت انا حابساه عليهم .. يالله كانت غاطلع لبيتها تا وقفاتها عشق بكلااامها السمااوي ..

عشق .. جاامعة لك فقلبي .. بالحق ماتفرحيش بزززاففف بقاائك هنااا ماااشي للدواام .. يجيك نهار تخرجي لي الكلبة و انا لي غانرميك ..هايهااااي على بنت رحيم تا هي ولات كاتعرف دوي ..ههههههههههه فغيمون بغاافو تربية ديال رحيم نييت ..

ريماس .. "دارت لعندها مبتسنة'' حيت انا مربياا ماغاديش نجاوبك ..

طلعات بالزربة لبيتها حسات براسها غاطرطق فذيك اللحظة بغات رزان تبعها و هي تحبسها هاجر عارفاها لا تعصبات ماكاتبغي تا حد يكون معاها.. حسات بالدووخة من كثرة ما تعصبات لساانها ثقااال و راسها ولا كيف البيضة الخاسرة .. يديها و يجيبها ولا يبان لها زوج زوج من الحاجة.. دخلات ديريكت للحمام غسلات وجها و رجعات بدلات لبسات سورفيت و خرجات لعند محمد .. مابغاتش تفكر فهضرة عشق لي كاتزنزن فراسها .. حسات بالاهانة .. عاملاتها فحال شي خداامة .. و قل كااع .. و غوتات عليها قدام الكل .. مع ذلك قررات تكمدها فقلبها و تسكت .. دقات على محمد عطاها الاذن باش دخل .. لقاتو يالله لبس و خارج لاصال .. 

ريماس .. اليوم تديني معاك العشير ..

محمد رضى .. تشرفيني .. ههههه شكون بحالي غادي بهاد الزين كلو ..ولكن قلتيها لراجاك ..؟

ريماس .. وي قلتها لو قبيلة .. يالله زيد باش نسووق بيك ..

محمد .."قشع عينيها المورمين'' واش كنتي غاتبكي ..؟؟

ريماس ...انا .. هاء .. علاش غانبكي. . زيد قدامي .. رني غير عيانة شوية .. 

محمد .. امم اوكييي ..

خرجات معاه ركبو فالاوطو ديالها و عفطاات ماوقفو تا وصلات لاصال دخلو جات عندهم ديبنت زوينة و رقيقة لا طاي ديالها زويونة و باينة فيها صغيرة مقطعة شعرها كارية حد الكتف عنقات محمد رضى و باستو فحنكو ..

محمد "كيشوف فريما" .. احم . ريماس .. هادي اية ..اية .. هادي ريماس .. مرات خوياا ..

ريماس . تاهاااه متشرفين ايوية ..عتبربيني ختك الكبيرة .. فحال محمد 😉

اية .. ميغسي .. الشرف ليا .. واش نتي هنا معانا ..!؟

ريماس .. لا غير متفرجة .. هههه جيت غير نحضر و نشوف شنو هاد العجب كاديرو .. 

محمد .. "غمزها و جرها من يديها و جر كرسي حطو لها فالقنت" جلسي هنا و تفرجي غخوك .. هههه ..

ريماس .. كاع ما عاودتي ليا عليها احياني عليك. .

محمد .. احم ..وادابا ماشي وقت هاد الهضرة ..

مشا لعند صحابو سلم عليهم و خلا ريماس باركة فوق داك الكرسي حتى بان لها شد فيد آية و غاديين لوسط الصال ..ود فيدها و فخضرها و تشعلات الموسيقى و بدااو الرقصة ديالهم لي كيتدربو عليها و ملهي فيها من شحال هادي .. حتى داك الانسجان لب كان بينو و بين آية لاحضاتو .. و النضرات ديالهم بقااتمراقباهم عجبها الحال بززاف حيت ولا فحال اي واحد ماشي سادعلى راسو .. و عجبها الجو .. و على الاقل فوجات على خاطرها .. بقات كاتفرج فيهم حتى كملو و ناضت كاتصفق عليهم و تصفر .. ديك الوقيتة دوزاتها زوينة مع محمد و آية لي كانت معاه فالجامعة .. سنة اولى تا هي ..باقة صغيرة و زوينة دغيا انسجمات معاها .. خرجو من الصال و تجهو ديريكت جابو شغف و رائد...

كانت عشق فالصالون ماشاافتش فيها ريماس ولا عطاتها وقت استأذنات من محمد و طلعات لبيتها بقات جالسة خدامة على تصاميمها..حيت الخرجة ريحاتها بزااف ..

رزاان حتى كانت جالسة فبيتها خدامة على اوراق جابتهم من الشركة حتى طلعات لها النمرة ديال فاروق .. طبعا ميكات كيف ما وصاتها ريماس ..حتى جاها ميساج من عندو ..

فاروق 📨 .." عارف راسي غلطت معاك داكشي علاش مكاتجاوبيش .. ماتحرمينيش نشوفك ااخر مرة و نعتذر منك .. انا غادي نمشي لتركيا غانرجع لحياتي و خدمتي .. و بغيت ندوز معاك غداا .. على الاقل نخلي سفونير زوينة و تبقااي تفكريني بيها مرة مرة .. '' 

قرات الميساج فحال لا سرفقتيها . وقفات و مشات كاتجري لبيت ريماس دقات عليها عاد دخلات ..

ريماس .. ياك لباس!! مال وجهك لونو مخطووف ..

رزان .. فاروووق غايمشي اريماس .. 

ريماس .. فين غايمشي ..!!

رزان .. وا غايرجع لتركيا .."دمعو عينيها و مداات لها التيلي '' قراي اش صيفط ليا ..

ريماس .. اووف .. هادي ماضربنالهاش الحسااب ..

رزان .. شنو غانديير داابا .. 😥

ريماس .. عادي جداا وااخة يمشي تبقااو فعلاقة ..

رزان .. شمن علاقة ولا زمر على اساسا و هو هنا كنا فعلاقة .. 

ريماس ..سمعيني .. كتبي ليه غاتلاقاو غدا .. فين و معايااش .. 

رزان .. اويلي واش غانمشي .. غانتلاقا معاه ..

ريماس .. ديري لي قلت لك ..

رزان .. "دارت لي قالت ليها ريماس " صافي صيفطتو ليه .. شنو دابا ..

ريماس .."حطات رجل على رجل'' والو غلتخلي الميياااه تمشي فمجاريها .. عادي غاتلاقاي بيه فحال اي واحد بغيتك تلبسي قيناع البروود و تجاوبي على قد السؤال ..يعني البلا بلا و الضحك بزاف نوو ..كثرة الشوفاان نوو .. الاهتمام نوو .. خليه هو لي يدير هادشي كلوو ..

رزان .. هااء ..هو .. من نيتك ..السيد غير حس بالذنب .. على الهضرة لي قال ليا و صافي ..

ريماس .. اوا يضبر راسو المهم خليه يدير فبالو بلي نتي محيتيه بأستيكة من راسك .

رزان.. امم اوكي .. ماعرفتش اش كنت غاندير بلا بيك ..

ريماس .. ماغاديريو والو بيان سووغ .. 

رزان .. اااحح على التوااضع و داكشي ههههههههههه .. "قربات لعندها" ريماس ..شوفي عافاك ماتقلقيش من عشق .. راه ضريقة و الله غير مانعرف شنو كيوقع ليها ..و موضووع ان رحيم هو باباك مأزمها ..

ريماس .."طفات ابتسامتها" و انا شنو درت ليها غا فهميني ..!!

ىزان ..ااشغانقول ليك ..هي اكثر وحدة هازة فقلبها من المااضي ..و حتى تاااج دين.. غير نتي لي بدلتيه ..ماشفتيهش نتي كيكاان هو وعشق واحد .. و هادشي لي غايخليها تحقد عليك ..حيت يمكن مابقاش كيجلس معاها فحال الاول ولا بعيد عليها تماااما. .

ريماس .."عينيها دمعو" و الله ماغارااضي نفارقهم .. انا بغيتهاغير تقبلني .. هي جكارة فيااجابت تاتيانا لعندنا ..و عارفااها واااش كااتقلب تدير اي حاجة باش تفارقني انا و تاج الدين .. شحال من مرة كاترمي ليا الهضرة لي كي السم .. و كانصبر غير على ود تاج الدين .. حيت هو قال لي كولشي غايكون بيخير مكين لاش الصدااع ..

رزان .. تبعي هضرة راجلك ..عندو الصح .. الصداع كيجيب غا الصدااع .. و انشااء الله مع الوقت عشق غاتقبلك ..

ريماس .."ابتسمات من فوق قلبها" هاني صاابرة اجتي .. واخة وليت على اااخر اياامي كانتعامل فحال شي خدامة ..الخداماات و مكاتعاملش معاهم هكذا ..

رزان .. اش غلنقوول ليك ..انا ماكانبغيش نتدخل ولكن عشق زادت فيه بزااف .. و تاج الدين ماغايعجبووش هادشي لي دارت ..

ريماس .. اصلا اناماغانقول ليه والو ..كيجي عياان من الخدمة .. و كيبغي يجلس مع بنتو و خوتو .. و حتى معايا .. غير يرتاح انا ماغانزيدووش .. 

رزان .."ابتسمات ليها و شدات فيدها" ما أطيب قلبك .. انا متأكدة لو عشق بغات تزوجو بشي وحدة ماغاتلقااش بحالك ولا حسن منك ..

ريماس . .. ماتزيديش فيه انا كانبغيييه و حبي هو الحاجة الوحيدة لي عندي بااش نعطيها ليه ..

رزان ..اوا الله يخليك ليه .. و يخليه ليك ..نمشي نكمل ضوسياتي ..

ريماس .. اميين ..سيري تا انا راني خدامة وااخة المورال طاااااايح ..

رزان .."مسحات على يديها" دابا ربي يفرجها .. 

مع الخرجة لي غاتخرج رزان كانت منزلة راسها على التيلي كاتعاود تقرا الميساج ديال فارووق و كاتعاودو تا خرجات فتاج الدين .. جمعاتو بالزربة و حطاتو فجيبها ..

رزان .."كاتفرنس'' جيييتيي .. 

تاج الدين .."مطلع فيها حاجبو '' لا مزال ..!!

رزان .."ضرباتو بشوية لكتفو" بااسل ..

تاج الدين .. زيديني سكر .. 

رزان .. دخل شوف مرتك راه مسكينة خليتها مضيومة ..

تاج الدين .."عقد حجبانو'' علاه مالها ..

رزان .. وا عشق جابت ديك الشيخة ديال صاحبتها و هانت ريماس قدامها .. هاااحي ريمااس مابغاتش تقولها لك بااش ماتجبدش ليك مع ختك صدااع و انا لي ختها قلتها لبك واش انا ماخصنيش العصااا ؟؟

تاج الدين .."حمر فيها" بلا خفة .. زوج كلمات .. مااال ريمااس مع عشق ..

رزان .."عاودات ليه كولشي باختصار ..'' هذا ما كاان امااانة عليك ماتغوتش على عشق عافااك ..

تاج الدين .."راسو ولاو يضربو فيه المطاارق عرووق عنقو باانو .. فتح الصدايف ديال الشوميز ديالو و بدا كيتنفس بالجهد'' مابغاتش تنعل الشيطااان ياااك ..

رزان ..تااااج الدين .. عافاااك ماتغوتش عليهااا ريماااس ماكااانتش بااغا تقوول ليك هااادشي اووويلي هاااك افمي ..

تاج الدين .. راه مرتي هاديك الباااشاار مرتي يعني قاستها قاااستني واااخة تكون ختييي .. 

نر يديه و نزل جهل حيد الفيست من الدروج .. رزان ماقدراتش تبعوو طارت لبيتها .. وصل عند عشق وقف قدامها و رما الفيست ديالو بالزعافة حداها ..

عشق .. حبيبي .. مالك رجعتي ..!؟ 

تاج الدين .. "باستهزاء" حبيبي .. ههههه .. شتي كون كنت حبيبك ولو كونت غير واحد غاتعرفيه من بعيييد لبعيييد كنتي غاديري لديلمي حساااب ..

عشق .. اويلي اتاج الدين اااش كاتقوول ..

تاج الدين .."وجهوو ولا حممممر بالأعصااااب"ااااش درتي لرييماااس هاااا ..!؟ 

عشق .. "ترخات على الكرسي" هاهاااااي .. قوول هكذاا الشملولة عمراتك عليااا .. وقفات قدامو '' عمرااااتك على ختك حبيبتك .. وسخااات ليك وذنيييك باللي كاااااين ولي مكينش .. 

تاج الدين... "جرها من دراعها بالجهد" ريمااااس مااااقااالت ليااا والو كااتفهمي .. ماكانتش غاتقوول لياا كون ما عرفت بطرييقتي .. 

عشق .."كاتحااول تفك يدها من يدو" اويلي تاااج الدين وااااش حماااقييتي .. كيفاااش تجرأ و تشدني فحااال هكذاااااا هاااااا ...صااافي .. فووورماااااتك .. بدلاااتك على خووووتك هااااا ..

تاج الدين .. شفتي نتي .. قد مااا بقيتي غانهرس ليك داك الدرگوووم .. مابقيييتي تحتااارمي حد .. انا رجل كرسي فهااااد الدااار هااا .. هاديييك راااه مرتي فهمتييي .. هاديك راه انااا .. و الى كنت مااقاادرش نحميييها من اقرب النااس كيغانديير نحميها من البراااني .. هااا .. رااجل انا لي نخلي مرتي فالدار نجي نلقى ختي كاتعاملها كثر من الخداامااات .. هاااا ..😡

عشق .. وااااش حماااقييتي طلااااق من يدي مااالي كاااع اااش درت .."دورات وجها لجهة الدرووج بانت ليها ريماس واقفة فالفوق و حاطة يدينا على فمها'' صاااااافي الخااانزة .. اتريييكة الزناااقي .. القحبااااا صاافي رتااااحيتي دابااا شعلتيييها بين الخووووووت ..''كاتنطر و تجنن مارضاااتش تشووفها ريمااس و تاج الدين كيغوت عليها" رتااااحيتي ابنت الكلب .. هاااااا .. برديييي دابااا الخااانزة .. وبربييي تا يجيييك نهااار لي نرمييييك فيييه رمية الكلاااااب .. ماااانكووونش عشق بنت الصقر لا مااااخرجتش لك على حيااااتك ابنت رحييييم .. 

تاج الدين ..''ماحسش براسو تا لواا معاها بتسرفيييقة '' حدك تم .. مرتي اناااا مااااتهانش فداارها و بربي و تقربي لها مرة اخرى تا نسفك هاني دويت .عشق .."حلات فمها بالصدمة و شادة حنكها'' ضربتي ختك الكبيييرة .. ضربتيني اناااا اتاااج الدين .. على ود هااادي ..!!

تاج الدين .. "خزر فيها " ماشي غير نضربك نهرس لك دلك الراااس لا مزال حاديتيها ..و داااباا غاتعتاذري منها ..

عشق .."الدمووع فعينيها شلال'' انااا اتااااج اادين .. انااا دير فيااا هاد الحالة قدااامهاااا اناااا .. انا لي ربييتك الحماار مااشي نتااا .. اناااا انا ضربني على ود بنت لي قتل باااك و خرج على حياااة مك .. هااااا اناااااا ..

تاج الدين .. نتي اعشق ماااشي هي نتي ... نتي ولا الشر كياااكل فييك الحقد عمااا لك على عينك هلدي لي قدااامك رااه مرتي .. فهمتي .. مرتي انا .. و انا خوووك .. الا كنتي دايرا ليا ولو غييير گرااام ديال الاعتبااار على الاقل لا ماكنتيش حاملاها وقريييها و عطييها تيسااع هادي دويت هاد المرة .. المرة الجاية غايكون ليا تصرف اااخر .. 

هز الفيست ديالو و طلع مخنزر جر ريماس لي كانت واقفة مصدووومة و داها لبيتهم .. اما عشق عينيها تبلووكاو بالصدمة ماعرفات مااديير هزات واحد الفاز كان حداها تال السماا و خبدااتو مع الارض ...

هز الفيست ديالو و طلع مخنزر جر ريماس لي كانت واقفة مصدووومة و داها لبيتهم .. اما عشق عينيها تبلووكاو بالصدمة ماعرفات مااديير هزات واحد الفاز كان حداها تال السماا و خبدااتو مع الارض ...

دخلو لبيت تاج الدين وجهو ولا كيعطي الصهد ديال الفران .. ..

ريماس .. "شداتو من يدو'' مكانش عليك دير هكذا اتاج الدين .. ختك الكبيرة هادي .. 

تاج الدين .."حط يدو على جبهتو ..'' ختي تعرف حدودها .. مااشي كي نكوون تميك كي مانكوونش تشعل معاك .. انا بااغي نخليك مع خووتي نطمأن عليك ماشي نخاف عليك ..

ريماس .."عنقاتو و زيرات عليه و تنهدات" تا انا بغيت نحس براسي مع خووتي .. عشق هي الحاجز الوحيد بيني و بينهم..ماعرفتش شنو ندير بااش تقتنع بلي انا ماااشي هي عدوتها .. عدوها الله يرحمو مات و شبع موت ..

تاج الدين .. ح يدو على شعرها" الى بقات فحال هكذا .. غانخويو هاد الدار ..و نعيشو بوحدنا ماقاد على صداع المخ انا .. 

ريماس .. واخة بقاا فيا الحال حيت عاملاتني باحتقااار ولكن مانبغيكش نتا و يااها تخاصمو .. مانبغييش نكوون انا السبب فشي خلاف بيناتكم ..

تاج الدين ..كولشي غايتقاد ..

ريماس .. واش رزان لي قالتها لك؟؟

تاج الدين .. و شكون من غيرها .. 

ريماس .. اوعدي على بهلة .. خصها الفلفلة لداك اللساان ..

تاج الدين .."جلس على النموسية و جرها لعندو جلسات فوق رجليه" علاش كنتي باغا تخبي علياا امم ..

ريماس .."كاتلعب لو فشعرو ..''حيت مابغيتش الخلاف لي بيني و بينها يزيد يكبر .. بهاد الطريقة غير ما زاادت رزاان شعلات الناار فعشق .. شفتيها كي هبت فيا ..! يصحاب لها انا لي قلتها ليك .. كون صابت كون كلاتني😥

تاج الدين .. انا الالا باغي كل حاجة تقوليها ليا .. كيف ماكانت تكوون .. فهمتي ..

ريماس .."بدلع و هي كلتفتح لو الصديفات ديال الشوميزة'' اممم فهمت .. 

تاج الدين ..''طلع فيها حاجبو'' اش كاديري ..!؟

ريماس .. توحشتك..😍

تاج الدين .. هههههههههه😂..

حطات شفايفها على ديالو و بدات كاتبوووس فيه بلهفة .. كاتتجرر فقناانفو و تعض و تخشي لسانها غمو بقاات ربع ساعة و هي كاتبووس فيهه نزلات من فمو لعنقو طبعات عليه مصيصات صغيوريين ..تا هو ماشي من العاجزين خشاا وجهو فعنقها كييوس فيها بشوية .. جرات لو الشوميز من اللور و دازت لكتفو كاتبووس فيه بلهفة و تخلي مصيصات صغيورين على قد فمها فلحمو .. و من كتفو لصدرو نازلة و كاتمص ..اما تاج الدين فحال داك لي خويتي عليه ليصانص و شعلتي ليه ريماس😂جرهاا من خصرها دارها تحتو و طلع فوق منها باسها فالفرقة لي بين صدرها ....

تاج الدين .."شاف فيها من تحت رموشو'' طلبتي غير الموجود امااء المااس .. انا موحشك عشرة الاضعااف😉.....

كانت ليلة ولا فالأحلام ..خلاتو بنسااا اعصابو كااملين حيت اول مرة هي لي كاتباادر ..او تقول ليه بغيتك ..!! ديما كان كيحس معاها برجولتوو بالحق هاد الخطرة بزااف يمكن حيت كانت الرغبة عندها عالياا بزااف .. كملو شغلهم و نعسو مهدووودين ... بعد طبعا اخر كوية فالدووش .. مارتاحت حتى خلاها مرخية و كاطلب الشرع ...

صباح جديد و الشميسة ديال فصل الربييع بانت ..فاقت رزان على النبوري قبل الدجاج يمكن ..دخلاات لدووش .. طرفات حالتها و توضات خرجات صلات و مشات للبلاكار ..فين ما كينا شي شروطة جبداتها .. و فالأخير لبسات سروال كحل و بودي تا هو كحل بالكول ناوية تكحلها على بوه .. لبسات سبادري فالاحمر و صاك طول تا هو بالأحمر .. جمعات شعرها كو دشوفال ودارت محياج خفيييف بينها صغييورة بزااف .. و مشات جلسات فالبالكون حتى داتها عينها من كثرة ما كاتسناا ..فيقها رنين الفون ديالها قفزات تنفسات بالزربة و شافت فالساعة لقاتها عاد العشرة تالصباح ..تعطلات شوية عاد جاوبات بصوت ناااعس 

رزان .. ااالووو ..

فاروق ..ههههه نعااسة نزلي هاني كانتسناك ..

رزان .."تشووكات '' هاويلي فين كاتسناني فين غانزل .. فين نتااا. ..

فاروق .. ههههههههههه بشوية ابب ..انا التحت قدام باب الفيلا ..

رزان .."طلات من البالكون لقاتو متكي على الاوطو و كيشوف فيها ...شير ليها بيديه و هي ضربها اللقوة .." هاااويلييي غاتخرج عليا 😥 .. سير تاال الرااس ديال الدرب و وقف هاني جاية دابا .. اوعدي انااا ..

قاروق ..بربي ماتزعزع من هنا ..زيدي نزلي ماحد كولشي ناعس .. 

رزان ..اويييلي العشرة هااادي تاج الدين غايكون فااق و كيوجد يخرج و الله تا يطليني انا وياك ..

فاروق .. تاج اادين هو صعصع ..نزلي الله يرحم بااك و ماتخافيش اليوم االاحد ..غير هنينا مكين تا حد خدام ..

رزان .. اووووف ..واخة صالي صافي ..

قطعاتعليه و هزات الكويرة ديالها .. مشات تال بيت تاج الدين وريماس .. فتحاتها بشوووووية لقاتهم ناااعسيين و نعانقين كيبانو عريانين جاب الله لايحين عليهم ليزار كون شافت المنكر😂..سدات عليهم الباب و نزلات كاتسللللت تا خرجات ضرباتها بجرية ركبات .. بقا غا كيشوف فيها ما قالت ليه تا السلام .. ركب حداها و دار لعندها مبتسم باستفزاز ..

فاروق ..عليكم السلاام صباح النوور انا لاااباااس و نتي لباس عليك .. 

رزان .. هاااويلي غاتفتح ليا هنا ركن تعارف .. تا عفط و هنينا قبل لا يشوزفني شي حد ..

فاروق .. ههههههههههه ههههههههههه .. لا حول ولا قوة الا باللله .

دور الاوطو و كسيرا و هو كيضحك و يحرك راسو يمين و شمال ..اما رزات .. تفكرات نصائح أبلة ريماس .. ضربات واحد الوجه من داكشي صفيحة ديال الثلج .. و جلسات بكل غرور حطات ىجل على رجل و كاتلعب بسانتير ديال الاوطو .. 

فاروق .. صافا طوا!

رزان .. الحمد للله 

فاروق .."ابتسم '' داكشي لي بغينا .. اوا كوا دنوف .. 

رزان .. غيان دي تو 🤗.. 

فاروق .. اوا اش نديرو دابا فين تحبي نمشيو .. 

رزان .. مانعرف .. لي عليا راني حضرت .. و ماحرمتكش من ااخر نهاري ليك هناا .. 

فاروق .. ههههههه اهاااه و كاتجملي يا لالة و جاية من فوق قلبك ..

رزان .. اوا الحمد لله ملي عرفتيها بلا مانطق ..

فاروق .."عنكشها فشعرها" تبدليت علبا مابقييتش عرفتك ااه ..

رزان .. انا ديما هكذا ..الى كانت تغيرات معاملتي معاك فواحد المد فهذا غير اني يمكن كنت معتبراك غير الناس لاخرين .. بالحق فاش باانو مخالبك ..عرفتك كيفك كيفهم ..داكشي علاش وليت نتعامل كيف ما انا .. لا فغي رزان ..و مرة اخرى الله يخليك ديك اليدين خليهم عندك ولا كلاوك حكهم ماتمدهمش عليا ..

فاروق .."شوكاتو و عصباتو بهضرتها ضرب واااحد مولاااي فرااان لجمب الطريق تا كانت غاتخرج فالزاج فتح الباب و خرج جاعر ..فتح ليها الباب ديالها و حيد الساانتيرة و هي مصدوومة غا كاتشوف فيه .. خرجها من الاوطو و زدح الباب تا كان غايهرسو .. كالاها من لوكطو و حط يديه على الجنال حاكمها .. شاف مباشرة فعينيها و فمها لي كان كيرجف '' شنو دابا غاندوزو النهار هكذا ولا كيفاش اش قضيتك نتي .. !!

رزان .. "خلعها بديك التخنزيرة لي ضرب فيها'' عااافاك خليني نمشي .. مابقيتش باغا نخرج معااك

فاروق .. غاتزمي و تسمعينيه ."ضربها بصبعو لجهة عقلها" و هضرتي غادخليها مزياااان لهاد الراس ..

رزان .. حح.. حيد يدييك راااك كاتقصحني .. خلعتيني ماالك ..!!

فاروق ..''دور راسو يمين و شمال ..'' بففف .."طلق منها و بقا وجهو على وجها مابعدش عليها" دابا غاندويو ..اححمم ..اولابغيت نعتذر منك على هضرتي .. احم ..انا ماعرفتش كيفاش قلت ليك ديك الهضرة و انا ماشي هكذا كانتعامل..بالحق كوني اكيدة كانت من فوق الخاطر ..

رزان .. هااء من فوق الخااطر هاهااااي من نيتك انااا تقووول ليا لاسقة فييك لمجرد اني عطيتك اهتمام ..!!

فاروق .. غاتسكتي و تسمعيني مادوييش ..ااششش ..و كلامي قلتو يمكن .. حيت نتي اخت الصقر .. و هادااك خوك عندي معاه خلاف كبيير .. و كان عند بالو عندي علاقة مع مرتو غير حيت كنت كانعرفها .. بالحق ريمااس كانت ديما كاتعتبرني خوها .. لا غير .. احم .. ماعرفتش هاد الاياام لي بعدتي و مابقيتيش كاتسولي ولا كاتجاوبي .. جاني فراغ .. هههه غاتقولي هذا حمق ولكن .. بصح حسيت بفراغ ..

رزان .. نتا قلبتيني و الله .. اخويااا فرقني علييك صاافي عافااك ردني لدارنا مابقيت بغيييت والو الله يرحم بيها الواليديين ..

فاروق .. ماقلتش لك تسكتيي..!!

رزان ..واااا نتالل كاااتقول هضرة و تجاااوب رااسك بهضرة اخرةدة عييييقتيييي شوووف ليك هضرة وحدة .. واااه انا هضرتك ذبحاتني و بزااف و مع ذلك جيت و ..

فاروق .."قبل ما تكمل هضرتها حط شفايفو على ديالها .. كانت قبلة ناااعمة .. بااسها بوسات خفاااف على شفايفها اما هي بقاا غا مصدوومة حالة عينيها على وسعهم و كاترمش بزربة... ماقدرات لا تجاوب ولا تقاوم فصل القبلة و شاف مباشرة فعينيها ..طلع باسهم وحدة مور لوخرة بوووسات طوااال" الي كنت باغي نقولو درتو .. من اليووم .. نتي ديالي .. و كاتخصيني .. و خوك مكيهمنيش واخة نعرف نهزك و نهرب بيك .."بعد عليها و صايب حوايجو'' احم ..يالله تحركي النهار كيفوت .. 

رزان .."فاقت من القلب '' احم .. اش .. اووف .. نتا غاتمشي لتركياا .. اش كاتخربق اش هاد الهضرة كاتقول ..

فاىوق .."غمزها'' غانمشي غدا .. بالحق غانرجع .. و فاش نجي غانرجع باش نديك معايا .. 😉

ابتسملت و شاافت فييه بنضرة فهمها من الدقة الاولى .. حسات بقلبها بغا يطير .. ماقداتش تجاحدو ولا تقول ليه درتي و درتي ..تقبلاات حيت من المرة الاولى لي شاافتو حبااتو و تعلقات بيه واخة كان كيصدها .. 

على مائدة الفطور .. جلس تاج الدين حدا ريماس و عنقها شغف و رائد حداهم .. رائد و هاجر قدامهم .. و لأول مرة محمد غاينزل يفطر معاهم و عن طيب خاطر .. 

...

محمد رضى .."نازل كيحك فعينيه"" صباح الخير عليكم .."مشا ديريكت عند رؤماس عنكش لها شعرها و سلم عليها بالوجه خلا تاج الدين مشوكي '' ..

ريماس ..صباح الحب الحب ..

تاج الدين .. اش هادشي دابا شنو ..!!

ريماس ..ويلي هههه خوويااا الصغير نتااا مالك ..

تاج الدين ..''نطحها براسو "ماتمادااوش عاوتاني 

ريماس .."جارتو من شفتو التحتية '' حبيبي المغيااار 😍 

محمد .."حلس صافي راه كانغييير ..

ريماس .."قلبات عينيها" ماحيلتي لا ليك لا ليه ..

هاجر .. هههههه هانتي شكوون بحالك كولشي كيتهافت عليك ..

يمن .."خشا وجهو فعنقها و دوا بشوية. ." شنو ماكفيتكش ولا كيفاش .. وجدي ليا راسك .. يومين و انا محرووم ..

هاجر .. باااز لوجهم .. سكت غاتحشمنا ..

محمد .."غمز هاجر '' بست .. دابا عندي زوج مراوات الخوت .. نمل من وحدة ندوز لوحدة .. غير خوت ماتفهمونيش غلط .. 

تاج الدين ..''غمز ليمن'' هاد الأخ علاياااش كيقلب العشير ..

يمن ....كيقلب على داكشي ديال زمااان االعشير .. 

تاج الدين .. اوا نفطرو و نساليو ليه ..

محمد .. بربي و يقرب ليا شي واحد تانن ..

تاج دين .. اش فيدك ما دير البرهووش ..

ريماس .. هي هيي .. الا محمد لي قرب ليه نوريه .. جنننم هذااك .. 

محمد ..اااححح اللله .. يالله برد على قلبك اسي تاج الدين .."مد ليه كاس دالعصير ..'' هههههههه

تاج الدين ..خزر فيه" سكت دابننن ..👊

فطرو فجو زوين .. تا حد فيهم ماذكر اي خلاف بينهم لا تاج الدين ولا محمد واخة علاقتهم كانت متوثرة ..لكن كل واحد فيهمقرر ينساا بلا اعتذاار بلا عتاااب .. حيت الاعتذاار ماشي بين الخووت .. ولكن كي نزلات عشق كولشي ضرب الطم .. و تاج الدين دور راسو لجهة الباب 

عشق..."جاية مبتسمة'' صبااح الخيير .. مالكم سكتو كي شتووني ..

يمن ..صباح النوور اختي .. 

هاجر ..صباح النوور ..

عشق ..هاجر .. ولفتي شوية ..

هاجر ..وي حبيبة .. هههه اي بلاصة نكون فيها مع يمن اكيد غانولفها ..

عشق ..هانااا عاوتااني على الحب ههههه .. "شافت جهة تاج الدين'' تاجو مكادويش معايا !!

تاج الدين .."دار عندها مخنزر .."

.عشق .. انت عارفة راسي غلطت صافي سامحني ماكانبغيكش تهز فقلبك عليا ..

تاج الدين .."مكيجاوبهاش .."

عشق ..عافاااك اتاج الدين ..سمحو ليا عاد عرفت غلطي .. "شافت فريماس" ريماس .. بايت نعتذر منك ... احم على البارح ..غلطت معاك بزاف .. و قدام تاتيانا .. شوفي تا وجودها الى كنتي ماكاترتاحيش معاها لا كانت مابقيتش غانعرض عليها ..

ريماس .. لا علاش الدار دارك و لي بغيتي تستضفيه مرحبا بيه ..

عشق .. كنت عارفة قلبك حنين .. اوا حنني قلبو عليا ..

ريماس .. "مامرتاحاش '' تاج الدين .. صافي راه عتذرات فكها ..

تاج الدين .."طلع حجبانو فعشق'' و نتي كيفاش قضيتك البارح الصداع و الروينة .. و اليوم فايقة كاتعتذري ..

ريماس ..تاج الدين ..صافي ..

تاج الدين .. سكتي نتي .. كاندوي معاها خليها تجاوبني ..

عشق .. يمكن فاش جلست فكرت لقيت بلي فري ..فري ريماس ماعليها والو .. و داكشي لي كاندير فيه غايضرني انا قبل من اي واحد اخر ..داكشي علاش ختاريت نبقى مسالمة .. و زيدون حنا دابا عائلة .. و الدار غاتكبر علينا .. داكشي علاش ماخصش هاد النيزاعات يكونو ..

يمن .. متفق معاك و خصوصا ان الدار فيها دراري صغار يقدرو يتأثرو بالصداعةو المشاكل ..

عشق .. اه بصح .. 

تاج الدين .. هاد المرة المسامحة .. المرة الجاية الحساب غايتقااال ..

عشق .. الله لايجيب مرة جااية ويلي..

تاج الدين .. دابا نشوفو ..

عشق .. واخة اسيدي ..اوا بهاد المناسبة .. بغيت نقول لكم بلي الليلة العشا غايكون على شكل حفلة اولا باش نفرحو بالعرسان الجداد و تانيا بالصفحة الجديدة لي غانبداا انا وريماس .. 

تاج الدين ..انا ماعندي تا مانع ..

ريماس .. تل انا ..

عشق .. اوا ملي كولشي موافق على بركة الله خااصة غير رزان .. و انشاء الله غاتكون هنا بالعشية ..يعني العائلة كااع غاتجمع ..

تاج الدين ..انشاء الله ديما مجموعة ..

الكل .. انشاء الله ..؛؛

كملو فطورهم و كل واحد فين مشا تاج الدين و ريماس خرجو للجرضة كيلعبو الكرة مع رائد و شغف .. و خلاو وراهم عشق كاتشووف فيهم و حاضية نزياان ..

عشق .. عند باالك بالساالهل بنت رحيم .. مزال تشوفي معايا اياام اسود من قرن الخروب و على جثتي الى بقيتي مرتو .. مانكونش انااا عشق لا مافاارقتكمش را ولدوفيا غا الخلا ..😈

من مور الغدا مباااشرة خرج يمن و تاج الدين و داو معاهم شغف و رائد .. محمد تا هو مشا للاصال .. اما هلجر و ريماس دوزو النهار كلو فالجردة فالجمايع هضرة تدي هضرة اما عشق .. كانت ملهية كاتوري للخدامات كيفاش يديكوريو العشا و يقاادووه باااش كذبتها تبان حقيقية ..و فاش قررات تمشي عند البنات ..ماجات غير فاللقطة الحاسمة ..

هاجر .. "شافت ريماس غيرات سيفتها ..'' شكاين مالك ..

ريماس .."عينيها على تيليفونها'' يخ هذااش باغي دابا انا اش غانقول ليه .. يخ ..

هاجر. .تي شكووون ..

ريماس.داك ولد خال تاج الدين راني عاودت ليك عليه .. ماعرفت اااش باغي كيتصل بياا .. اووف ..

هاجر .. جاوبي .. مالك معقداها ..

ريماس ..احم احم ..الو .. وي شكون معايا ..؟

حاتم ..انا حاتم.. ولد خال تاج الدين .. تلاقينا فعرس يمن ..

ريماس .. اه وي عرفتك ..تفضحل كاينة شي حاجة اسيدي ..!؟

حاتم ...عرفت بلي رفضتي العرض ديالي من تاج الدين ..صراحة خصااارة عليا بزاف ..المهمما علينا.. كنت بغيت نسولك ..

ريماس .. وي تفضل اسيدي ..!!

حاتم .. احم .واش ممكن نتلاقاو غدا فشي مكان عمومي ..شي كافي ولاشي حاجة فحال هكذا .. 

ريماس..هاء ..كنضن بلي تاج دين دوا معاك .. مكين لاش نتلاقاو ولا لا. .

حاتم ..الموضوع لي بغيتك فيه خاااارج تمامااا على الخدمة .. 

ريماس..مكانضنش ريناتنا شي حاجة شخصية ..

حاتم ..عندنا و عندنا بزاف كاع ..بغيت نقول .. الموضوع كيخص الزوج ديالك ..

ريماس .. تاج الدين؟؟ مالو ..اش واقع ..! 

حاتم ..ماتخلعيش اختي ..المهم .. انشاء الله غدا الى بغيتي نتلاقااو يكفي تصيفطي لي ميساج نجيك فينما كنتي ..

ريماس..اا..واخة اخويا ..انشاء الله غدا نصيفط ليك الموقع ديال الكافي لي كانجلس فيه ..

حاتم .. واخة .. تحياتي .. 

قطعات معاه الاتصال و بثات مزنفرة ..

هاجر ..امالنا ابنت الناس اش قال لك ..

ريماس ..بغايشوفني ..قال لك موضوع كيخص تاج الدين .. ..

هاجر .. اوا صافي مافيها باس شوفي شنو بغا ..

ريماس .. غدا انشاء الله نسلت من تاج الدين

هاجر ... لا غير ماتقولييش ليا مغاتقوليهاش ليه ..

ريماس .. بغيتيه يدبحني و يدبحو اويييلي تي راه دار ليا حالة حيت وقفت معاه فالعرس ..

هاجر .."قاطعها دخول عشق'' ااه عشق ..

عشق .. ذ"مطلعة حجبانها و على وجها ابتسامة صفراا .."الزوينات ماغاتنوضوش تلبسو ..

ريماس .."جمعات الوقفة و جرات هاجر .." هاء .. هاحنا نايضين ... 

دخلو تحت نضرات عشق لي تحولو لحق كي عطاوها بالضهر .. هضرة ريمااس بقات كتاكل فيها .. اول حااجة تفكىات تاتياتا خذات التيلي و تصلات بيها ..

عشق .. ويتاتي .. هاء ماشي وقت لباس بيخير .. سمعيني مزياان .. مرات تاج الدين .. 

تاتياتا .. مالها اش وقف عاود ..

عشق .. غدا غاتلاقاا بحاتم .. بيااا و لا بيييها ..

تاتيانا .. امم واخة الالة .. هادي هي الوجيبة فااش تعطيها الكادوو..ياك تافقتو و تصالحتو .. اذاا خصك كادو لهاد الصلح ..

عشق .. اليوم بالليل نعطيه ليها ..غير تهناي .. 

تاتيانا .. خصنا نعرفوها لفين غادية ..باااش نكونو فقلب الحذث اولا شنو ..!!

عشق .. لي بان ليك نتي خططي و انا عليا نفذ ..

تاتيانا .. تعرفي شنو حنا خصنا نبقاو بعاااد تماااما .. احسن حاجة دابا عطيها الكادو .. و انا غانعرف فين غايتلاقاو .. و غانشوف اش غاندير ..

عشق .. صافي ..اوكي .. يالله بسلامة خاتي جايين .. 

تاتيانا ...بوسي ليا تاج الدين .. ههههههههههه

قطعات ضااحكة ..و قربات من خوتها لي كانو جايين .. 

تاج الدين .."تبسم فوجها" الناس ناشطين ..

عشق ..علاش لي نبقاو هازين فقلوبنا .. الخاوة حدها الدنيا .. و حنا ماشي غا خوت .. صعيب هضرة و لا وحدة .. و لا واحد يدخلو بيناتنا ..!!

تاج الدين .. اممم .. 

يمن .. فين الدريات .. 

عشق .. دريات كيلبسو العشا قرب يوجد ..

تاج الدين .."حط شغف .. كان هادها" يالله بالكي عند ماماك تبدل ليك هاد شي راك جلختيه بالشكلاط ..اه واحد رزان فينها مزال ما جتل ..

عشق .. دويت معاها قبيلة .. هاهي جاية ..

يمن .. النهار كلو ما شفناها بحال لا عيقات ...

تاج الدين .. داكشي لي بان ليا ..بدات كاضرب ليا فدماغي .. حيت ماشي عادتها لا كثرة الخرووج ولا التعطاال بالليل ..

عشق .. وايلي تا نتووما خايفين على والو .. ختكم بعقلها راه خمسة و عشرين عام ماشي صغيرة .. و بغات تا هي تخرج تفوج مع صحاباتها ..اش فيها ..

تاج الدين .. ماقلناش العكس ولكن فاش تشونجا دقة وحدة من حقنا نشكو ..

يمن .. كنت فينما ندخل لدار نتعطر فيها يا كاتلعب سبور يا كادور كي الهبيلة فالدار مع رائد .. دابا ولا عاطياها لتسركيل ..

عشق .. صافي هنيونا .. ىدمني خذات الاذن باش تخرج و علماتني بلي غادوز النهار مع صحاباتها .. قالت لي غايمشيو لابو رقراق ..

تاج الدين .."ماقنعاتوش الهضرة ..'' امم واخة الالة .. 

دخلات عشق و تبعوها تا هوما جلسو فالصالون لقاوها كالقة مزيكة خفييفة مزينة الصالون بالورد و محلقة على الحالة .. بقاو مجمعين تا نزلو البنات ..ريماس لابسة كسوة فالابيض واحلة حد الركبة وعرية الدرعين .. لابسة معاها صندالة مشيكة ديال الطالون بالالوان .. طالقة شعرها و دايرة مكياج خفيف جات كيوتة .. اما هاجر لابسة كندورة فالاحمر سامبل .. و دايرة توربان على شعرها .. مع مكياج خفيف تقلاتو غي فالعيوون ..و اكسيسوارات تا هوما خفاف .... كل واحد حل فمو فمرتو فحال لا اول مرة غايشوفوهم ..😂 تا بان ليهم محمد رنازا كيجري تخشا وسطهم و شد فدرااعهم فحال لا كيقلي سم لخوتو .. 😅

تاج الدين .. #كيدور السبحة على يديه" غاتجني على ك.. استغفر الله العضين .. على راسك ..

يمن .. ههههههههههه لا غا كملها ..

رزان ..

"قاطعاتهم بدخولها كاتنقز" هاااالوو افري باادي .. 

تاج الدين .. و عليكم الشلام و رحمة الله تعالى و برهكاته .

يمن ..اجرادة مالحة فين كنتي سارحة ..

رزان .. وا راني قلت لعشق خارجة مع الدريات .. 

يمن .. حنا هنا شنو بوكيمونات .. 

رزان .. لا نتا شرشبيل .. سكت سكت ..

تاج الدين .."كيحك فلحيتو '' هاد الخروج و الدخول ما عاجبنيش ابنت الناس .. ماكنتيش هكذاا

رزان .."توثرات قدام تاج الدين '' وا راه صحاباتي غايسافرو .. احم .. داكشي علاش بغاوني نخرج معاهم ..

ريماس .."جلسات حدا تاج الدين و شدات فدو كاتلعب بيها" وا راه البنت قالت اكم خارجة مع صحاباتها مالكم معقدينها ..

عشق .. اوا ها واقلة بقا فيهم الحال قالتها ليا انا و مقالهاش ليهم .. راني انا الكبيرة امكن ..

تاج الدين .. احترامات يا كبيرة ..

عشق .. تشكراات ههههههههههه ...

رزتن ..بنتو ليا محلقين على الحالة ياك لبااس اش كين ..

عشق .. والو .. غير عشااء مجمووعين فيه حنا كااملين .. فرحانين بالعرسان .. و .. "طولات الشوفة فريماس " و علاقتي الجديدة بريماس .. 

رزان .. يااس .. تصالحتووو ..

ريماس .. بس .. ماكناش مخاصمين ديجا .. غير مال اونطوندي و صافي .. 

عشق .. تماااماا .. 

بقااو مجمعين مدة بيناتهم و ريماس غا مخشية فتاج الدين معنقاه بلا حشمة بلا حياا قدامهم كاع مادواااتش نهائيا ..حاطة وجها فعنقو و مغمضة عينيها .. بزز نوضها باش يتعشاو .. تعشاو رجعو للصالون جلسو كيحلييو تا ناض محمد بدل المزيكاا بأغنية (work) ديال ريهانا و دارك .. دار و مد يدو لرزان ..بدا كيشطح معاها ..شوية ناض يمن و هاجر كيشطحو تا هوما..اما رائد ماتشاور مع حد جر شغف ديريكت و بداو كيشطحو خلاهم تتج الدين على راحتهم ماحكرش .. بقات ريماس كاتاكل فالكريم كاراميل و كاتبقلل فيهم عينيها ..تحنات عشق لعندها ..

عشق .. اووه .. دوماج تاج الدين ماعندوش مع الشطيح و هادشي ..

ريماس .. "شافت فيها و كملات ماكلتها كاع ما مسوقة " عادي .. ماشي مهم ..

عشق .."ابتسماات ليها و دورات وجها مزنفرة'' ..

محمد .." قرب لجهة ريماس و مد لها يدو" تسمحي لي بهاذ الرقصة .."شاف فتاج الدين" الى سمحتي طبعا هههه ..

تاج الدين .. "حرك ليه راسو بالإيجاب'' 

محمد ..واااا الحااجة .."حيد ليها الطبسيل بزز'' واا الشريفة ماغاطيرش المااكلة ..

ريماس .."كاتغبن"عطيني الويل ازمر 😒

محمد ...نوضي نشطحو ماحدو ما رجع فكلامو ..

ريماس .. وا مابغيتش .. مكانعرفش ابناادم .. سير جيب اااية .. 

تاج الدين .."طلع حجبانو''شكون آية !!

ريماس .. صاااحبتو هههه .

محمد ..''جرها تا وقفات '' البقرة .. ماتقديش تسكتي .. 

بدل الاغنية لديسباسيتو و بداا كيشطح معاها و هي تابعاه فحاراكاتو و شابعة ضحك .. ماوقفو تا وقفات المزيكة .. مشات تلاحت حدا تاج الدين لي كان جالس بطريقة رجولية ..داير رجل على رجل و كيكمي .. 

دازت ديك العشية زوينة بيناتهم وااخة عشق كانت مخبية حقدها و كاتنافق ولكن على الاقل خلات الليلة دوز و مادات حتى مشكل .. بعد ما كملو سهرتهم كل واحد طلع لبيتو .. هاجر و يمن طلعو هوما اللوالا دار السباا بالعيا و هو باغي ياكل الحلوة .. تبعهووم تاج الدين و ريماس طلعو معاهم الدراري كل واحد داوه ينعس فبيتو .. اما رزان كانت كادوي فالواتساب مع فاروق ناضت هي اللخرة بعد عشق .. 

#صباح_جديد و #يوم_جديد مليئ بالمفاجئااااات و الصدماات .. فاقو كيف العادة و الروتين الصبااحي نزلو فطرو و خرجو هاد المرة كل واحد فالاوطو ديالو تحت طلب ريماس لي بغات تسوق لراسها ..دات فطريقها الدراري وصلاتهم للمدرسة عاد اتجهات للشركة ...بدات خدمتها كيف العادة تا جاها اتصاال ...

#صباح_جديد و #يوم_جديد مليئ بالمفاجئااااات و الصدماات .. فاقو كيف العادة و الروتين الصبااحي نزلو فطرو و فالفطور ناضت عشق وقفات حدا ريماس ..

عشق .. احم .. ريماس جبت ليك واحد الكادو .. صراحة لقيت بلي عطيت الهاجر و نتي لا جاتني حشوومة .. 

ريماس .. "حدات الخبز من يديها و ساست فمها'' احم .. لا مكين لاش عادي 

عشق "جبدات بواطة و خذات منها سنسلة على شكل عين(خرزة زرقاء) هاني يا لالة .. باش ترد عليك العين ..

ريماس .."خذاتها عجباتها بزاف '' وااو شكرا بزاف واعرة ..😍⁦

تاج الدين ..''عجبو الجيست لي دارت ختو ابتسم ليها و خذاها من عندها لبسها لريماس " 

كملو فطورهم و خرجو هاد المرة كل واحد فالاوطو ديالو تحت طلب ريماس لي بغات تسوق لراسها ..دات فطريقها الدراري وصلاتهم للمدرسة عاد اتجهات للشركة ...بدات خدمتها كيف العادة تا جاها اتصاال .. شافت الرقم عرفاتو ديال حاتم و عرفات بلي تاج الدين داير الكاميرااات فالبيرواات و خصوصاا ديالها ماشي غا صورة .. صوت .. ناضت خرجات للبالكون ديال المكتب و سداتو عاد جاوبات

ريماس .. الو ..السلام عليكم ..

حاتم .. عليكم السلام .. كي صبحتي اختي صافا ..!!

ريماس ..الحمد لله و نتا صافا ..!!

حاتم..الحمدلله .. سمحي ليا غير بغيت نفكرك بالموعد ديالنا الى كنتي مزال ملتزمة بيه ..

ريماس .. اه "حطات يديها على جبهتها متحاملااش تمشي ببا خبار تاج الدين ".. واخة فين نتلاقاو!؟

حاتم .. فين يريحك نتي ..!!

ريماس .."انا غانصيفط ليك اسم البلاصة فميساج نلقاك تما صافي .. 

حاتم ..اوكي ..مشاات ..

ريماس .. واخة انا نص ساعة تالمكانة و نكون معاك ..

حاتم ..صافي مشات انا دابا غانتحرك ...

قطعات معاه و بقات وااقفة كاتفكر .. ماحاملاش تخرج بلا خبارتاج الدين تشوفو .. ولكن ملي قال بلي الموضوع كيخص تاج الدين ..جاها فضوول و تقبط عليها صدرها .. دخلات للمكتب ديالها جمعات صاكها و طلعات عند تاج الدين ..دقات و دخلات لعندو 

تاج الدين ..''كان محني على الكتوبة و الكارو فمو شافها و هو يحيدو ورجع لور تكا على الكرسي'' زارتنا البرااكاا 

ريماس .."وقفات قدامو بينو و بين البيرو" توحشتك 😍

تاج الدين .."جرها من الكول ديال الشوميز لي كانت لابسة تا تقابلات مع وجهو و باسها فشفتها'' 

ريماس .. "حطات يدها على وجهو كاتحسس فلحيتو'' حبيبي انا خارجة دابا .. 

تاج الدين ..""طلع حاجب و نزل لاخر" لفين بالسلامة؟

ريماس .. "توثرات" خاصني ضروري نولي نشوف الخياطة مرة مرة .. امم باش نوقف على شغلي ..

تاج الدين .. امم ..واخة الالة .. بلاتي نديك ..

ريماس ..لالا ..بلاش .. مالك تخلي خدمتك عندي الاوطو فيدي وقت لي بغيت نمشي نمشي ..

تاج الدين .. "رجع تكا على الكرسي '' خاطرك امدام .. 😉

ريماس .."باستو فحنكو'' اوكي حبيبي هاني مشيت ..

تاج الدين .." ماتعطليش .. و خلي تيليفونك شاعل .. طفيه نطفيك هاني علمتك..

ريماس ..صافي صافي هههههه "شداتو من حناكو بزوج و باستو بالجهد فمو" اححح ماسخيييتش بيتك😫

تاج الدين .. اجي جلسي هنا نديرو شي واحد خفيف 😉"شير ليها على حجرو.."

ريماس .. ههههه ويلي استغفر الله عليها كلمة .. ههههههههه هربات بالزز من بين يديه و مشات لاوطو ديالها كسيرات للكافي لي دارت فيها مع حاتم .. دخلات كاتقلب عليه بعينيها تا بان لها بارك كيكمي ..

ريماس .."وقفات قدامو'' السلام عليكم ..

حاتم ..''وقف بالزربة و مد يديه سلم عليها'' اهلا حتي .. تفضلي جلسي ..

ريماس .. "جلسات'' عافاك .. واخة نقدر نعرف شنو الموضوع لي بغيتيني فيه ..؟؟

حاتم .. واخة .. تشربي شي حاجة بعدا ..!!

ريماس .. لا ماشي دابا ..عافاك دوي فالموضوع ديريكت ..!! 

حاتم .."جبد كرطونة صغيرة من تحت الطبلة" فتحي هادي غاتعرفي كولشي ..

جبدات ريماس كاع ديكشي لي كين فالبواطة .. من تصاور عرس ماما على احمد فأول خطرة تزوجو قبل ما يخطفها منو رحيم .. لبات عقد الزواج الاول .. و تلات بالتحاليل ديال لا دي ان اي ... عينيها تبلوكاو مابقات عارفة ما تقدم ولا ما توخر .. الدموع دازو بوحدهم بلا ماترمش ..

ريماس .. ش..ششكون .. نتااا ..

حاتم .. ''تنهد و شاف فيها" انا خوك .. ولد احمد ..

ريماس .. انا شكون قال ليا بلي هادشي بصح .. لالا هادشي ميمكنش ..ههءهءهءه😫 اكيييد كذووب انا عشت حياتي كاااملة و انا عااارفة بلي رحيييم هو بابا .. ميمكنش الحماااق هذاا اكذذذد كدوووب واااش غانبقى ديما هكذا من صدمة لصدمة لا بزااف ههءهء .. لا مستحييييل ميمكنش نتااا غا كذاااب .."كادوي بهستيرية و الدمووع دايزيين "

حاتم .."ماحملش يشووفها فديك المنظر" عافااك سمعيني .. ماعندي لاش نكذب عليك .. انا كون كنت ولد الحرام ماغانقلبش عليك .. ولكن انا كي عرفت بديت كانقلب .. من نهار توفاا الواليد و انا كانقلب علييك و نتي غير حداياا ...بااش تيقي بياا اكثر .."مد ليها تحاليل كيأكدو ان رحيم مكيولدش ..''

ريماس .."شداتهم كاتقرا فيهم '' هذاا راااه الحماااق .. خرجااان العقل ..مستحييل ههءهءه ...لالا و شكووون قال لي انا ماكاتكذبش ؟ شكووووون ..

حاتم .. استغفر الله العضيم من كل ذنب عضيم .. ماكنتش بااغي نصدمك هكذا بالحق ماعندي تا حل ااخر غير اني نقول لك .. و زيد عليها لاش غانكذب !! باش نتقاسم معاك الورث ..! الالا بااش تيقي اكثر .. "جبد ورقة اخرى من جيبو" هادي برا من ماماك .. اكيد راك عارفة كتابتها ..

ريماس .."نطراتها منز و بدات كاتقرا فيها و اادموع دايزين من عينيها'' ميمكنش هادشي 😭 واش كانحلم .. قول ليا كانحلم .. بابا ماشي بابا .. و لي ماكنتش باغااااه يتزوج بماما هو باباا .. لا ميمكنش😭

حاتم .. "وقف و مشاا لعندها عنقها و باس على راسها حس براااحة داخلية و شدات فالشووميز ديالو وزيرات عليه و زااادت بكاات حتى فرغااات كاع لي فقلبها " شوووت صاافي اختي الله يحفضك غاتمرضي عينيك ..