باقة حب لا تذبل الجزء 20

مشات للحمام فزكات فوطة و بدات كاتحطها لها على راسها تا بدات كاتنزل الحرارة... و نزات صاوبات ليها شربة بالسيف شرباتها ليها و عاوناتها تجمحوايجها لي تشتتو واخة نصهم مجموع. .و بقاو كيتسناو فحاتم ...

فهادالوقت كان تاج الدين متبع حاتم خطوة بخطوة و عرفو فين مشا و منين جا تا دارو ديال الجبل عرفها فين جات .. عرف بلي غايجيب ليها ريمااس .. لعبو ليه الجنوون فراسو شظ راسو غا بزز باش ميعاودش يمشي ليه ...لكن كان حاط فراسو حاجة وحدة انوو غاهرس ريماس ببنتها ..اتجه لدار بدل عليه و فيدك الوقيتة كان حاتم وصل لعند ريماس ..خذاها و هي و شغف ام هاجر ودعاتهم و واعداتها طبعا تحت اصرارها انها ماتقول حتى حاااجة .... تحركو للدار ديال حاتم لي كانت عبارة عن فيلا صغيرة فمكان معزول .. تلقى لهم الحارس دالباب خذا منهم الشوانط .. .. دخل معاها حاتم وىاها مكان كل حاجة باش ماتعذبش مع تا حاجة .. شرا كولشي و جهزها ليها من كاع النواحي ..

حاتم .. هانتي الى خصاتك شي حاجة غير فيبي عليا تلقايني حداك ..

ريماس .. شكرا بزاف سمح ليا عذبتك معايا ..

حاتم .. كون ساعفتيني كون مشينا لشي كلينيك ..بنتي ليا صفرة و فشي شكل ..

ريماس .. انا بيخير .. غير تهناا علياا ..

حاتم ..واخة الالة .. ريد البابل لراسك .. و اي حاجة بغيتيها قولي لسمحمد ..''البواب" و هو يحضرها .. و لتدا تصلي بيا ..

ريماس ..''ابتسمات ليه'' واخة اخاي ..

عنقها و خرج سدات موراه الباب و دات شغف عطاتها بيت تنعس فيه خلاتها كاتلعب و نشات تاهي ختارت البيت لي يريحها تكات فيه ....تا سمعات الباب كيدق .. قالت ممكن حاتم نسا شي حاجة و رجع غوتات على شغف تفتح الباب ... و رجعات لبلاصتها حتى تفتح عليها الباب ديال البيت .. طلعات عينيها .. فاش شافتو كحلات بالعما لكن حسات راسها توحشاتو فوق القياس ... فاش تحل الباب كان هاين عليها تنوض تعنقو و تبوسو .. كانت هاد اليومين عندها فالجحيم ..بعد ما ولفات حضنو تخطف منها ..دخل و بقا واقف كيشووف فيها .. لاحض تنفسها لي مكانش نتضم و هو ينطق ..

تاج الدين .. عارفك ماناعساش .. نوضي ندويو ماحد مكالمي و شارب الغراق ديال المهدئات ..

ريماس .. حيدات عليها الفراش و ناضت مكاتشوفشفيه جلسات فالكنابي ..'' ..

تاج الدين .. شكون قال لك خرجي من دار مع من تشاورتي !!

ريماس. .."لاااا رد ''

تاج الدين .. معاااك داوي الالة .. البارح باايت كانقلب عليك الليل كلو.. "ابتسم باستهزاء .." حتى دار حبيب القلب مشيت ليها..😏

ريماس .."طلعات فيه عينيها..وجهو كان باااين عليه الحزن و التعب تحت عينيه كحل بالارهاق ''

تاج الدين .."كي طلعات فيه عينيها و شاف وجها .. عينيها .. خانو قلبو ماكرهش يعنقها و يكذب كولشي حتى عينيه ..بالحق كيبقى تاج الدين .. بعقلية شرقية مااشي گااورية و الدم حاامي فعروقو تحمدالله ماقتلهاااش ..غمض عينيه و فتحهم " علاش .. فاش قصرت معاك ..؟

ريماس .."كاتشووف فيه فحال لا ااخر مرة هاتشوفو ...

تاج الدين..."دوز على شعرو بيديه باعصاااب" وااا دوي البشااار دويي مااالك ساااكتة قووولي شيي حااجة ..

ريماس .."لسانها تربط ماقداتش تدوي "

تاج الدين .. جايبك لدارو .. ههههههه علاش ماباتش معاك؟؟ و لا حشمان ..لا و جايبة معاك بنتي .. شنو باغا تعلميها تفسد تا هي ..

ريماس .."كاتجمع فخااطرها"

تاج الدين .. "تنهد '' واش عرفتي باش حسيت .. هااا عرفتي باااش كلنحس ..!! اوول مرة فحياااتي.. هههه حاااس براااسي مووجووع و مجروح ..

ريماس .."زادو الدموع تجمعو فعينيها .'' نتا شنو .. هههه

تاج الدين .. مجروووح اريمااس و اكثر ما تخيلي موجوع

ريماس ..''طلعات عينيها لعينيه بحدة''.. مجروح .. و موجووع ههههه .. نتااا عمرك ماحسيييتي بالمعنى الحقيييقي ديال الجرح و لا الوجع .. عمرك اتاج الدين .. اناااا ..''كضرب فصدرها و الدموع نزلو من عين عينيها فحال الناار شقو طريقهم على خدودها حرقوهم'' انااا لي دقت طعم الجرح و مراارتو .. انااا لي تجرحت .. و تطعنت .. اناااا .. اناااا لي توجعت .. هناااا ..''ضربات جهة قلبها'' و من اعز النااس .. من الوحيد لي عطيتو كوولشي بلا ما نحاسبوو بلا مااانقوول علااش.. واخة فاايت ليه جرحنيي .. و وجعني اكثر من القيياااس ... و دابا نتااا جاي تقوول ليا موجوووع .. اااش يجي وجعك قدااام وجعي انااا .. هااا .. جاااوبني .. اش يجيي وجعي قداام وجع اي مخلووق فالعااالم .. ''ضارت لجهة االاخراة كاتشوف فراسها'' ههههه شفتي مدام انا بااقة واقفة هكذاا .. و بااقيين عضلات وجهي كيتشدو بااش نبتسم .. و قادة نغلف وجهي بحيط دالبرود و السعادة المزيفة .. راه برافو علياا .. "درت عندو بعيون منكسرة'' واعدتيني اتاج الدين ..

تاج الدين .."قرب عندها اكثر تا ولا قبالتها بدا كيتنفس بالجهد و نفسو سخوونة صدرو كيطلع و ينزل بالجهد'' حتا نتي واااعدتيني علاش درتي هكذا اريماس علاااش .. فهمي ديلمي غاندير فيك شي مووصيبة "ضرب كرسي كان حداه برجليه و شتتو'' واش باااغااا تقتليني ..

ريماس .. ''قفزات من بلاصتها وحاولات تماسك بنفسها'' تااهمتيني.. و دورتي وجهك .. بلا ماتسمع .. بلا ماتسول .. ءههءهء بلا ماتحس حتى ...!! انااا ريماااس .. لي كنتي كاتقوول لها حبيبي .. انا ريماااس كيفاااش تشك فياا كيفاااش طعني فحااال هكذااا كيفااش ..

تاج الدين ..''جرها من دراعها و خبطها على الفوتوي و تكى عليها بدراعو كيشوف فعينيها'' شفت كووولشي بعيني .. شفت التصاااور و ماتيقتش .. كل نهااار خارجة داخلة و فاش نقول لك فين كنتي كاتقولي لي مرة مع هاجر .. مرة الخدمة و نتي عاارفاني قشعتك كاتكذبي ماش مرة ماشي جوووووج هادشي كلو كانفوت و كانقنع راااسي كانقوول نسااات تقولي مشات لفين .. ولكن فاااش نشووفك خااارجة من دااارو فالتصاااور و كاتعنقي فيه و الباارح نشووفو خاارج من عندك هناااااا و يعنقك ..يبوووسك اريماااس .. حمدي الله لي مقتلتكش حمدي الله اريمااااس .. اااش غانسووول و شمن تفسييير هذاا لي غانقلب عليه .. خرجتي على ديلمييي هرستيييني اريمااااس قسمتييي ليااا ضهري بفعاااايلك .. وااااش عرفتي شحااال صااارعت على ودك مع ختييي ..و مع راااسي قبل ..!! وااش انااا يجي شمكاار ديال الخلااا كيقووول ليا نتا مااشي راجل مخلي مرتك دوور على الزواافرياااا ..وااش عرفتي ولا لااااااا ...ماعرفتيييش .. انا بسببك رجعت تاج الدين القديم .. .. بسبب ديلمك انا وليييت ضحكة على اخر يااامي ..اناا تاااج الدين الصقر لي كااان فينمااا دييق بيييه يمشي للقبلة وليييت ماعرفتش كيف وليييييت ..هااااا .. ههههه ..هادشي كلو و بااان لك ماتجرحتش .. قتلني و تهنااي .. نقول لك شي حاجة .. كون قتلتيني كان غايكون حسن من هادشي لي درتي

ريماس .."حطات يديها على فمها كاتكتم شهقااتها'' خرج ..

تاج الدين .. غاااننخرااااج ديلمك فالحييييط بربييي ماندوزها ليك .. بربييي تا نقتلووو قدااامك سمعتيييي قداااام عينييييك غايموووت ..

ريماس .."وقفات و جمعات قوتها كااااع و دفعااتتو بالجهد و شهقااات كيتسمعوو فحال لا كاتجبدهم من قلبها" ههءهءههء حيوااااان .. خرااااااااااج ..بعد علياااا و طلقنيييييييي .. صاااافيييي الكلللللب .. انااااااا انااا تقووول عليااا هاد الهضرة الللله ياااخد فيييك الحق .. .. اللله يااااخد لياااا حقيييي منك وههءهءهءه قتلتووني .. شنووو درت ليكوووم انااااا شنووو ءههءههء😭😭 شنوووو درت بااااش دييرو فياااا هادشييي ... قتلتوووني هءههءهء .. اناااا تقووول علياااا هضرة فحال هااادي "دفعاتووو بحر جهدها من صدرو'' الحيواااااااان...

تاج الدين ..."جمع معاااها بتسرفيقة حتى شافت النجوم'' عمررررك تحلمي تشووفي شغف مرة اخرى. . وحدة بحااالك ماتستاااهلش تكون ام... بحاالك نتييي غاتبقااااي فهاااد الدااار تااا الطلااااق ماااكاااينش غاتبقاااي هكذااا بوووحدك اريماااس حيت اناااا "ضرب فصدرو و شد لها فشعرها'' ماااشي دمدوووومة ديريني حمااار و تاابعك فهمتيييي ..

ريماس .."شدات ليه فيديه'' بنتي لااااا .. بنتي لاااا اتااااج الدين إلاااا بنتي

تاج الدين ..كنتي تفكري فيهااااا قبل ماااديري ديييك الفعلة. .. داااباااا عيشييي حياااتك ...ولكن انا و بنتييييي عطييينا تيقاااار 😡

ريمااس .."شوكاها بهضرتو فحال لا دار لها سيلونسيوز بقات مبلوكيااا و مبرقة عينيها ..'' تت ..

شاف فيها للمرة الأخيرة و رماها بالجهد فوق الكانابي و خرج لبيت شغف هزها و تم غادي حسات بخطواتو و صوت شغف كدوي و هي تنقز ضرباتها بجرية لقاتو غايخرج من الدار ماعرفاتش كيفاش نقزات و وصلات ليه شدات فدراع شغف ..

ريماس .. لاااا اتاااج دييين .. بنتييي .. بنتي اتاااج الديييين 😭😭😭😭

تاج الدين .."نطر ليها يديها بالجهد... '' بعدي يديك شغف من اليوم بنتي انااا نتي ماكاينااااش .. فهمتييي😡😡

ريماس .. "حسات بشلال نازل على ضهرها'' تاااج دين راااك كاتقتلني بهاد الطريييقة .. بنتييي ءههءه بنتي هادي انا لي تعذبت عليهااااا هءهءهء بنتتيييي كبدتي الى صبرت اداكشي لي درتي نتاااا و ختك ماغاانصبرش على بنتي .. و الله تااا نموووت😭😭

تاج الدين .. ااااخر كلااااام اريماااس .. قووولي لياااا علاااااش .. شنووو كااان عندووو و ماالقيتيييهش عنديييي...

شغف ..''بدات كاتبكي'' هءههؤهء مامي😭😭 ..

ريماس .. تاج الدين .. ههءهءه خلعتيييهااا تاج الدين .. هءهءه😭😭

تاج اادين ..''هز شغف لي بدات كاتبكي و تغوت على ماماها'' غااتقوولي و لا نمشي نتقوووود ..

ريماس .. مااادرت وااالو و اللله ماااا درت شي حااااجة .. ههءههءهء ضلمتوووني 😭 و الله تااا ضلمتي حبيبتك اتاج الدين هءههء😭

تاج الدين ..و شنوووو داكشييي لييي شفت بعيييني هااااااا شنوووو هاااااا

ريماس .. بدوون وعي .. خووويا و اللله تا خوويا هءهءهءه😭😭 ..

تاج الدين .. شكون لي خوووك اش كاتخراي نتي .. واش عارفة اش كاتخرجي من فمك ولا شنو؟

ريماس .. "كلها كاتفض و ترعدددد'' و الله تا خويااا عطيني بنتي اتااااج الدين انا مزاااوگة فيييك ماااتحرقنيييش كثر .. و الله تا خوويااا العاااار اتاجي دييين الله يرحم ميمتك ماتااخدش ليااا نتي الى حرمتيني منها غانديير شي حااجة فراااسي😭😭"مشات كاتجري لبيتها حلتت الفاليز خدات منها البولطة لي فيها و جات عندو كاتجري ..

تاج الدين .. "حط شغف و شاف فيها'' اااش كاتحاولي ديري ..!؟؟

ريماس .. "مدات ليه البواطة و جرات شغف لعندها .. '' كوولشي كين تما ..

سد الباب .. مشا جلس و جبد الوراق و التصاور و كاع داكشي لي كانت ريماس بغات تعطيه ليه فديك الليلة المشؤومة .. حاول يشد فراسو حيت كان معصب لكن مابغاش يقطع ااخر شعرة بيناتهم .. خذا داكشي كيقرا ورقة بورقة و مامصدقش عينيه ..كيشوف ورقة بورقة .. يقرى و يعاود يقراا .. اما ريمااس حسات بمغص غريييب فكرشها فحال الزوزوار كيقطع فمصارنها عضات فشفتها التحتية و دموعها داز كثر و كثر .. شدات فكرشها ..و تحنات شوية كاتوجع في صمت .. طلع عينو فريمااس مامصدقش داكشي بين يديه ..لكن كي شاف ريماس كاتوجع و الدم نازل مع رجليها وقف و رمى كولشي .. يالله غايتحرك و هي طيح قدامو .. مشاا عندها كيجري و شغف تا هي تحنات عندها كاتغوت و تتبكي ..

تاج الدين ..''هز ليها راسها و باسها" ريماس .. حبيبي. فيقي ..مالك ..هاا .. نوووضي ماالك .. هزها بين يديه و عطا الكونطاكت لشغف حلات الاوطو و حلات ليه الباب نزلها على الكوسان مخلوع عليها مافااهمش شنو واقع ليها .. لي كيضور فبالو هو الا مشا حتى وقعات ليها شي حاجة .. غايتبعها. ....

جاو الممرضين هزوها و تاج الدين موراهم مكشكش دخلوها للمستعجلات و تبعم طبيب لي حبس تاااج الدين فالباب باش ميتبغووش ..

تاج الدين .. ''شتق عليه من الطابلية'' بعزة جلال اللله و توقع ليها شي حاااجة تا نحرقك نتااا و هاد الكلينيك ..

الطبيب .." كيحيد ليه يديه'' الى بقيتي شاد فيا بهاد الطريقة كون اكييد غانخسروها..و دابا حيد عليا قبل لا نعيط للأمن و نقدم فحقك شكاية ..

تاج الدين .."الجنون كيلعبو ليه فوق راسو .. دفعو للداخل و وجه ليه صبعو'' فاش تسالي غانتفاهمو دابا دير خدمتك ..

خرج ل لي كولوار و لمح شغف جالسة فوق الكراسة عينيها دايزين بالدمووع .. كاتبكي في صمت و دايرة يدها على فمها .. مشا لعندها جلس على ركابيه قدامها ..

تاج الدين .." باس ليها راسها" بنتي ..ماتخافيش .. ماماك غاتولي لابااس ..

شغف .. مامي ماغاتموتس😢

تاج الدين .." عنقها و راسو غاينفجر ..'' لا ابنتي .. غير عيانة شوية .. غاتبرى و تولي فحال الاول ..

شغف ..ءههءهء😭 مابغيتس تمسي ماما و تخليني هءهءه ..

تاج الدين .."حس بالذنب .. حس براسو هو المسؤول على هادشي كلو .." ماغايوقع ليها والو .. شوووت ماتبكيش

ناض من حداها اتصل بيمن باش يعلمهم بلي راهي فالكلينيك و ماغايجي فبالو غير حاتم .. اتصل بيه ..

تاج الدين .. السلام عليكم ..

حاتم .. عليكم السلام اش كين ..

تاج الدين ..احم ..ريماس فالكلينيك .. الى بغيتي تجي تشوفها ..

حاتم ..''كحل بالعما" كييييفااااش .. نتا .. اش كاتخرا اصاحبي خليتها غير مزيانة .. و نتا باش عرفتيها فين كاينة ..؟؟

تاج الدين .. الى بغيتي تجي راها فكلينيك (***) مابغيتيش ضبر كرك .. انا درت لي عليا ...

قطع عليه و خلاه مشوكي كيفاش دار ليها .. كيفاش وصل لريماس .. خذا تيليفونو و طااار للكلينيك كي نزل من الاوطو ديالو لقى تاج الدين قدامو كيكمي .. قرب ليه ..

حاتم .. ''وقف قدامو " فين ريماس ..شنوو درتي ليهاا..

تاج الدين .."طلع فيه عينيه لي كانو حمرين كيف الجمر ..ملامحو مامفسرينش .. لكن طااغي عليهم الحزن. " ..

حاتم .."شنق عليه" اااااااش درتي لختيييي اتاااتج الديييين ..😡😡

تاج الدين ..''دخك باستهزاء '' ختك ..!! علاش دابا كاتقول عليها ختك .. !! علاش ماقلتيهاش من بكري ..؟؟ "جمع يديه و دفعو من صدرو تا كان غايطيح كون ما شد فراسو" علاااااش ماااقلتيهااااش ليااا قبل .. هاااااا علاااش دابا كاتقوول ختي .. حتى وقع لي وقع هاااا ...

حاتم .."حمر فيه ..'' كيفاش .. كيفاش وقع لي وقع ااااش درتي ليهاااا .. ااااش درتي لختي اتاج الدين ..

تاج الدين ..مادرت ليها وااالو .. "ضرب لا بوبيل لي كانت حداه '' ماااادرت لييييهاااا واللو .. ههه .."شد فراسو" شنوووو غاندييير ليهااا كثر من لي قلتوو .. علاااش خبييتو علياااا البشاااار اااااااش درتوووو ..

حاتم .. "قرب ليه و عطاه بونيا دوخاتو" عرفتي شحاال و انا مكاااانقلب عليييها .. عرفتييي شحاااال و انا كانساااين نلقاااها .. "شنق عليه" كنقسم لك بالله و توقع لختي شي حاااجة .. مانعقل عليك .. "دفعو " غااانسااا وااش راك ولد عمتي اتاج دين .. بربي تا نسااا ..

خبط فيه و دخل كيجري للكلينيك سول عليها و عاوه فين مكانها بقا شوية و هو يلحق عليه تاج الدين هاز قهوة كحلة جلس حدا شغف لي تكورات فوق الكرسي منعسات .. حس بيها مامقاداش و شد ليها غرفة حطها فيها نعسات .. و رجع جلس كيتسناا بعييد على حاتم لي كان تا هو في حالة بووحدو كيمشي ويجي مامرتاااحش تا خرج الطبيب .. طارو لعندو بزوجهم ..

تاج الدين .. ريمااس .. كيف راها ..؟؟

الطبيب .. اش غانقول ليك ..بالسيف حبسا النزيف و لحسن الحض كانو عندنا اكياس من فصيلة دمها الحمد لله مكانتش نادرة .. بيعني متوفرة عندنا ..

حاتم ..واش نقدر نشوفها !!.

الطبيب .. لالا اسيدي... فاش تولي لاباس غايطلعوها للغرقفة ديالها ديك الساع تقدر تشوفها فوقت الزيارة .. واش نتا الزوج ديالها؟؟

حاتم .. انا خوها ..

تاج الدين ..انا رااجلها ..

الطبيب .. المدام كانت حاملة ..

تاج الدين ..انا رااجلها ..

الطبيب .. المدام كانت حاملة .. ؛

تاج الدين.."قلبو تقبض'' كانت ..كيفاش كانت .. كيفااااش كاااانت .."شداتو الجعرة و شنق على الطبيب" كيفاااش كااانت حاااملة ..

الطبيب .."تجيف و بدا كيكح" كح .. كح .. طلق مني .. عييييطو للأمن ..كح .. ..

حاتم .."فكو بالسيف و دفع تاج الدين .." واش غاتهدن و لا تقود من هنااا..

تاج الدين .."بغا يرجع ليه كون ما شدوش حاتم" بربي تا تقود معاك السوااايع و الايااام كيفااااش كااانت بااااغي طير لديلمي الفرييييخ كيفاااش كااانت حاااملة هااااا كيفاااش اش

جاو الممرضين شدووه مع حاتم و هو والو فحال التور كيضرب هذا و يركل هذا و لي جا قداو يعطيه تا نطق الطبيب ...

الطبيب ..وا مرتك مزاااال حاملة .. غير خانوني الكلمات... مرتك حاملة .. و دخلات فالأسبوع الثاني من الشهرها الثاني .. تهدن اللله يخليك ..

تاج الدين .."فحال لا درتي ليه بوز ..'' يعني .. ريماس مزال حاملة !!

الطبيب .. "شير ليهم براسو باش يطلقوه ...'' مزال حاملة و عندها توأم ..

تاج الدين .."حس بعضلات وجهو كيتمددو بوحدهم '' ههه ..ريماس مازال حملة .. هههه حاملة بالتواام .. ..

الطبيب ..تفضل معايا الله يخليك ..بغيت ندوي معاك الى كان ممكن ..

تاج الدين .. واخة .."حرك راسو ممتيقش داكشي لي كيسمع" .. واخا..

حاتم .."وقفو" انا لي غانمشي معاه نتا بقا هنا ..!

تاج الدين .."يالله كان غايصعر عليه و هو ينطق الطبيي ..

الطبيب .. الله يخليك .. انا بغيت ندوي مع الزوج ديالها على انفراد ..

حاتم .. "حرك راسو بالايجاب و عاقد حواجبو ماحاملش الوضعية ولا حامل تاج الدين ..''

....

#مكتب_الدكتور

الطبيب .."شير بيديه للكرسي '' تفضل جلس ..

تاج الدين .."جلس عاقد حواجبو و كيحرك رجليه بعصبية'' ..

الطبيب.."فتح فارماسي خذا منها دوا مو لتاج الدين و مد ليه كاس تالما'' تفضل .. هايد غاتهدنك .. عارف بلي هادشي كيعصب بالحق الانسان خصو يكون شوية صبور .. و لي بغاها ربي هي لي غاتكون .. هاد السطريس و الاعصاب هوما لي كيقتلو بنادم ماشي الامراض ..

تاج الدين .."شرب الدوا '' شكرا .. يحفضااك .. سمح ليا كنت معصب قبيلة .. ماقديتش نشوفها فديك الحالة ..

الطبيب .. احم .. عارف لي كين ..و داكشي علاش بغيت ندوي معاك ..

تاج الدين .. نعام كانسمعك ..

الطبيب .. واش كنتي عارف المدام حاملة !!

تاج الدين .. لا والو مكنتش عارف .. عاد عرفت حاليا منك ..

الطبيب .. واخة اسيدي .. داكشي علاش غانسولك واحد السؤال ..

تاج الدين .. تفضل .. !

الطبيب .. الزوجة ديالك ما طاحت .. ما كلات حاجة مسمومة .. كيفاش حتى تعرضات لهاد النزيف!! يعني واش كاتعاني من مشاكل نفسية ..! ولا تعرضات لشي صدمة ..!! عندها مشاكل ؟؟

تاج الدين .."حنا راسو" احم .. كانو عندنا مشاكل فهاد الأواخر ..

الطبيب ...اممم .. سمعني مزيان .. الزوجة ديالك تخطات هاد المرحلة بمشقة الأنفس .. و كانت كاتصارع معانا كانها كانت حاسة واش عندها جنين فكرشها محتاج يعيش .. لهذا نحب نقول لك رد لها البال مزياان .. المشاكل كاتجي و تروح كان ممكن تفقدو ولادكم بسبب هاد المشاكل و الستريس .. كان ممكن تجهض .. و كون اكيد غاتأزم بزاف لا عرفات راسها جهضات .. اما كون فقدات الرحم كامل هادي حاجة اخرى ...

تاج الدين ..حنا ماكناش عارفين واش حاملة .. بففف ..

الطبيب .. خلينا من كنا و كنتو .. دابا غاندويو على الحاضر و من هنا للقدام .. خصك تعتني بيها فحال لي بيبي .. و خصوصا دابا فاش تفيق .. ماخصهاش نهااائيا تمشا ولا تحرك من فراشها .. تا نتأكدو من صحة الجنين ديالها ..دابا غاندويو على الجنين ..لي كيحس بكل التغيرات والمؤثرات لي تتعرض لها الأم ديالو ف فترة الحمل سوأااا عضوية ولا نفسية...وبالنسبة للضغوط النفسية الشديدة فحال لي تعرضات ليهم مؤخرا عندها النتائج السلبية لي كتوصل لحد إنهاء الحمل والإجهاض ... حيث التوتر والقلق الشديد كيعرضها لتقلصات رحمية و الى ماحذتش اجهاض ممكن يتعرض الجنين لمشاكل ف عملية نمووو العقلي والعضوي والسلوكي.. ااه و حاجة اخرى .. كانشوفو الناس لي كيكونو عصبيين من يوم يومهم .. يعني كيكونو من ولادتهم كيغوتو بزااف و كيجعروو كانلقاو الام كانت عندها مشاكل و متوثرة في فترة الحمل ...اه و حتى الوليدات لي كيكونو منعزلين و لا كيكونو عندهم مشاكل نفسية .. هذا كيرجع للنفسية ديال الام ففترة الحمل ...

تاج الدين .. بففف .. هادشي كامل .."ضغك على راسو بيديه"

الطبيب ..خصك تعرف بلي فترة الحمل على قد ما كاتكون زوينة و كاتمناها اي أنضى الا انها كاتكون من الفترات العصيبةالأم خصوووصا لي كاتعرض لنوع من الضغط النفسي ...

تاج الدين .. غاندير لي قلتي لي .. المهم تولي لاباس .. هي الاولى عاد ولادي ..

الطبيب .." ابتسم ليه" مزيان دابا .. و حتى نتا ماتعصبش .. حيت هاد الاعصاب هوما لي كيقتلو الواحد ..

تاج الدين .. اودي ماشي بيدي ..

الطبيب ..كيفاش ماعرفناوش بالحمل ديالها و هي داخلة فالشهر الثاني!! مكانوش عندها اعراض الحمل .. يعني ..ماكاتوحمش على شي حاجة .. ولا شي حد ..

تاج الدين .."كيتسترجع تصرفاتها" .. اهم .. اش غانقول ليك .. كانت كاتولي تبغي تاكل حاجة معينة و حوايج مكاتبغيهمش .. مرة مرة كانت كادوخ .. بصراحة ماشكيتش ..حيت معارفش هادشي ..

الطبيب .. امم .. واخة ..المهم غانعطيك نضام لي تمشي عليه بعد ما تخرج من هنا طبعا ..

تاج الدين .. شكرا ..

ناض خرج من عند الطبيب كيجر فرجليه حاس براسو المهم تقل على كتافو .. مع الخرجة بانت لو هاجر معنقها يمن و جالسين فوق الكرسي و رزان واقفة مع حاتم .. اما محمد غير شافو جا عندو كيجري ..

محمد ..اش قال ليك الطبيب ..!!

تاج الدين .. راهي غاتولي بيخير .. ماتخافش .."ضربو لكتفو و كمل طريقو تا وقفو محمد شدو من دراعو".محمد .. نتا لاباس !!

تاج الدين ..."هز يديه بقلة حيلة" كي كانباان ليك ..؟؟

محمد ..دابا يفرج ربي ..

تاج الدين .. انشاء الله .. انشااء الللله ..

خرج مشا ديريكت خذا كافي نوار و خرج على برا جلس كيكمي و كيفكر و يخمم فريمااس و كل كلمة جارحة قالها ليها تا حس بشي حد جلس حدا .. دور راسو بان ليه حاتم ..

حاتم .. "جبد كارو و خذا البريكة من عند تاج الدين " لوكان عرفتي شحال كاتبغيك .. عمرك تشك فيها..

تاج الدين ..''نطر من كاروه نطرة وحدة كمل لي بقا منو و رماع" الله يرحم باك ماباغي مسمع والو ..دابا طروطار .. كنتي تجي تقول ليا اش كين من شحال هذا ..

حاتم .. "كيدوي مبرد" لا .. غاتجلس و غاتسمعني مزيان ..

تاج الدين .. "ماجاوبووش" ...

حاتم .. "تنهد و رما الكارو" نهار تعرضتي ليا .. كانت موجدة ليك مفاجئة فدارها و انا عاونتها فيها .. كل وردة حطااتها كانت فرحانة بيها .. كل شمعة شعلاتها كانت فرحااانة حيت كاتشعلها ليك نتااا ..قالت ليا شحال كاتبغييك .. قالت ليا نتا بالنسبة ليها وليتي الاب و الام و حتى الابن .. وليتي شي حاجة لي ضرورية باش تعيش .. فحال الهواا .. و المااا .. ههه .. كانت متشوقة تقول لك بلي راهي بنت خاالك ماشي بنت رحيم ..و نتا اش درتي .. خرجتي على كووولشي فآخر لحظة ..واش عرفتي كمية الصدمة لي تعرضات ليها !! نتاا شكيتي فيها .. ماعمرها كانت على بالها غايجي بحال هاد النهار و حبيبها يشك فيها ..

تاج الدين .."حس بدمعة غاتخرج من عينو و رجعها .. لكن كلام حاتم حس بيه غرس سكين فصدرو" و علااااش ماااقلتوووهاش قبل علاااش .. واااش باااغي تحمق ديلمي واااش عرفتي كوووون طرااات ليها شي حاجة اااش غاندير !! بربي تا نتبعها .. "ضرب فصدرو بيديه" رووحي هااااديك .. واااش وصلوووني تصاااور ديالكم و شفتك خارج من عندها اااش بغيتيني نفكر و نتوووما رافضين تنطقووو هاااا .. كون ما هددتها بشغف كون عمرها تنطق ..

حاتم .. كنتي تسولها .. تصر عليها .. تقول لها شنو علاقتك بيه .. ماشي تطعنها فشرفها" ..

تاج الدين ..شرفهاااا هو شرفي اش كاتخربق نتااا وا دير روحب بلاصتي اااش غاتدير و اش غاتفكر ..

حاتم .."سكت ..''

تاج الدين .. كاع بينا غالطيين و بلا ماتحاول تغطي .. حيت كون تصارحت من النهار الاول .. جامي غايوقع هادشي ..

حاتم .. عييت معاها ولكن راسها بحال راسك ..

تاج الدين .. انا غانمشي نشوفها ..

حاتم .. عييت معاها ولكن راسها بحال راسك ..

تاج الدين .. انا غانمشي نشوفها ..و الحمد لله على سلامتها ملي ماوقعات لها تا حاجة .. هي و ولادي ..

حاتم ..على سلامتهم ..

تاج الدين .. من بعد و شوف هاد الحريرة .. بانت ليا معقدة ..

حاتم .. "حرك ليه راسو بالايجاب ..

دخل تاج الدين لقاهم كل واحد فين ملاوح ..

تاج الدين .. نوضو سيرو فحالكم ..اليوم ماغاتقدوش تشوفوها لاش جالسين هنا.

هاجر .."خزرات فيه '' انا غانبقى مع صاااحبتي ماغانخليهاش .. فهمتي ..

تاج اليدن .. مالك كاتغوتي مانخافوش ..

يمن .. ششت .. حنا فالصبيطار هنيونا.... هاجر .. زيدي قدامي .. طمأنينا عليها انشاء الله غدا نرجعو تكون ولات بيخير .. يالله ماكينة تا فايدة من جلاسنا ..

تاج الدين .. رزان .. سيري اختي هزي شغف من ديك الغرفة .."شير ليها عليها" راه ناعسة تما و غذا جيبوها معاكم باش تشوف ماماها ..

رزان .. واخة اخاي ..

خرجها بالكشايف و تبعوهم رزان و محمد تا وقفو تاج الدين ..

تاج الدين ..رضى عشق ماجاتش!!

محمد رضى .."نزل راسو" احم .. لا مجاتش .. قلنا لها لي كين ..

تاج الدين.. اوا ؟؟

محمد رضى.. احم ..قالت ليا تموت كاع و حنا مالنا ..

تاج اليدن .."زير على يدو تعصب بزااايد .." صافي سير نتا دابا .. تال غدا و رجعو لا بغيتو تشوفوها ..

محمد .. الله معاك اخاي ..

خرج رضى خلى تاج الدين نااقم على عشق .... مشا وقف على الغرفة لي حتطين فيها ريماس .. حط يديه على الزاج كيشوف فبها كلها ضايرة بالسلوكة حمل لنفسو المسؤولية لكاع لي طرا لها .. تفكر كلامها كلمة بكلمة و حس بروحو كاره راسو .. و كاره النهار لي شك فيها ..

تاج الدين .. ''ساهي فيها" اشتقت لزمرد عينيك يا ماء المااس .. افتحيهما و ارأفي بحال قلب متيم متعبد عندما يراهما يرى جمال الدنيا .. افتحيهما فالفراق ليس خطير لكن تصديقه قاااتل ..

حط راسو على الزاجة و غمض عينيه تا جاه صوت ممرضة ورا تلف ليها و ابتسمات ليه ..

الممرضة .. مراتك زوينة بزاف ..

تاج الدين .."شاف جهة ريماس" أجمل من الخيال ..

الممرضة .. نقدر نخليك تشوفها زوج دقايق .. واخة هادشي غايسبب ليا مشكل لا ساقو الخبار ..

تاج الدين ..بصح .. شكرا ..و ماتخافيش تا مشكل ما غيطرا لك و اي مشطل يوقع ليك انا نحلو ..

الممرضة .. واخة تبعني ..

دخلاتو لمكان مخصص باش تلبس لو ديك اللبسة باش يدخل.داكشيلي كان لبسها و دخل عند ريماس و كل ما كيقرب قلبو كيترفع ..تا وصل عندها .. داير الاوكسيجين فنيفها و السلوكة لاسقين فكل بلاصة ..السيروم معلق .. عمرو تخايل ولا حط فبالو شي نهار غايشوفها بهاد الشكل.. جلس على ركابيه و شد فيدها باسها من الداخل .. كانت بااااردة دارها بين يديه و بقى كيسخن فيها و يبوسها ..

تاج الدين .." وقف و مسح على شعرها ..'' غير فيقي و ندير ليك لي طلبتيها .. عيني لا بغيتيهم نعطيهم لك .. غاتولي لاباس نتي ولادنا .. هههه .."حط يدو على كرشها'' زوج ماشي غا واحد .. الحمد لله ماوقع ليهم تا حاجة .. بفضلك طبعا نتي لي كنت متمسكة بيهم .. ماشي بحاال الحمار ديال باهم ..هه .."باس لها جبهتها و تنهد '' .. غاتولي بيخير و نعيشو انا وياك .. تيقي بيا .. عمري نهاود نتيق باي حااجة واخة نشوفها بعيني .. عمري نتيق باي حاجة غير قلبي .. و قلبك .. و حبنا ..

... باسخا مرة اخرى فجبهتها و خرج حيد عليه ديكشي لي كان لابس .. شكر الممرضة و عطاها كاع لي كان عندو فبزطامو ..و مشا جلس فالكرسي وحط يدو على راسو .. اما يمن و الاخوة لاخرين تلاقاو فالباب مع حاتم و قال ليهم ااش كيدير تما و شنو علاقتو بريماس .. خلاهم كاع مصدومين و تا حد مامتيق خرجو عرفووعين الا هاجر لي كانت ديجا عاارفة ... كي وصلو للدار مشات رزان حطات شغف فالبيت و نزلات لعندهم كانو جالسين فالصالة .. هاجر شادة دموعها على صاحبتها غا بزز و يمن حاس بيها كل شوية يمسح ليها على يديها .. اما محمد كثااار الطصدمة دياال حاتم طغات على عقلو بقا مبلق مكيدوييش ..

بقاو جالسين ساكتين .. تا دخلات عشق كاتغني و فرحانة ..

عشق .. اووها .. شي عزا هذاا .. نقولو مبروك ماتت!!

هاجر .. "وقفات و خرجات غيها عينيها .." نتي شنووو .. نتي بنااادم ولاااا شنووو خءههء .. صاااحبتي و ختييي .. حبيبتي فالسبيييطااار و نتي كاتمناااي لها المووووت .."كاتغوت و تشهق .." اتق ربك ماااكفاااكش لي درتييي فيهااا .. اتقي ربك اللله ياااخد فيييكم الحق .. ههءءههء .. الى وقعات ليها شي حاجة عمري نسااامحك لا نتي لاااا خوووك ..ههءههءهء😭😭..

طلعات لبيتها كاتجري خلاتهم غا كيشوفو مالقاو ميشدو فيها..و عشق صدماتها حيت عمرها فاتت معاها الحدود ولا تمردات كانت هادي اول خطرة ..

عشق .. اوهووووه .. مرتك غاتعوم على عوم صاحبتها بااين ..

يمن .."دور وجهو للجهة الثانية'' تا نتي كلامك مستفز و عارفاها صاحبتها و عزيزة عليها ..!!

عشق .. الضاااهر كوولشي هنا ولا ضدي !!؟

محمد ..شنو لي درتي نتي لريماس خلا هاجر تقول هاد الهضرة!!!

عشق .. "توثرات'' هااء شنو عندي ماندير لها .. انا مادرت ليها والو ..

محمد .."ضحك باستهزاء ..'' كنت شاك من الاول .. لكن .. بغيت نبشرك بوتحد الخبر .. ريماس .. طلعات ماشي بنت رحيم .. طلعات ختوو ديال حاتم .. يعني بنت خالك اعشق الصقر ..

عشق .. "شوكاها" ههههههههههه .. بلاتي نضحك .. ههههههههههه .. بنت خال من اولدي!!

محمد .. بنت خااك و خالنا .. احمد ..!! خو الوالدة الله يرحمها .. بنت مريم الزوجة الثانية لي تزوج بيها راحيم .. كانت حاملة بريماس قبل لا تزوج بيه ..

عشق .."تصدمااات" لالا هادشي ميدخلش للعقل .. شكون كذب عليكم اكيييد هي ..!!

رزان .. شكون هي .. و فين هي .. السيدة راه طايحة كوما ايمتا قالتها لينا. .

عشق .. و نتوما منين عرفتو هادشي ..

يمن .. حاتم .. هو لي قال لنا هادشي .. و .. قال عندو اتباثاث .. لا دي ان اي .. و اتباتات خطية .. المهم هي ختو ديال حاتم ماشي شقيقة ..

عشق .. هادشي ماشي معقوول .. "هزات صاكها و خرجات كاتجري كسيرات بالاوطو ديالها و الطريق كلها و هي كاتردد" مستحيل .. يا ربي مانكوووونش ظلمتهااا يااا ربي مانكووونش ظلمتها ....

ماوصلات للكلينيك تا حسات براسها تقال عليها بالشقيقة .. سولات على ريماس قالو لها كينة فالعناية المركزة .. مشات كاتجري لقات تاج الدين وقف عند الظاج و حاتم جالس فالكراسا دالكولوار ..وقفات قدام تاج الدين لي شافها و معجبوش الحال ..

تاج الدين .. "دور وجهو" لاش جاية ..

عشق .. "عينيها مرة فحاتم مرة فتاج الدين" جيت ..ج .. جيت نشوفك و نشوف مرتك.

تاج الدين ..امم .. و شنو لي غير رايك فجأة ..!!

عشق .. "وقفات قدام حاتم .'' الهضرة لي قالو ليا بصح ..!

حاتم .."طلع فيها عينيه" شمن هضرة !!

عشق ..ريمااااس .. ختك؟؟ ماشي صاحبتك

حاتم ..ااش هاد الخرا تانب .. كيفاش صااحبتي .. ريماس ختي و خوك عندو الدليل ..

عشق .. "طاحت عليها الهضرة كي السم'' لا ميمكنشنتيقك ..هادا خرجان العقل .. كيفاااش ختك كيفاااش ..

حاتم.."بلا مبالات" لب كيهمو الامر راه متيق.. مكيهمنيش انا نتي نتيقي ولا لا .. ديري لي يريحك .. غير بعدي على ختي ..

تاج الدين .."جرها من يدها" سيري للدار دابا ماناقصينكش ..

عشق .. "عينيها دمعو" واخة نشوفها!!

تاج الدين .. شفناها تا حنا .. ريماس مزال ما فاقت .. سيري عافاك دابا ..

عشق .. واخة .. واخة ..

طلق من دراعها و خلاها خرجات كاتجري كسيرات بالاوطو ديالها تال الدار ديال تاتيانا نزلات كاتخبط فالباب ..

تاتيانا .."فتحات الباب معنكشة كانت ناعسة '' ياااك لاباااس خاش واقع خلعتيني ..!!

عشق .."دفعاتها و دخلات تال وسط الدار" كنتي عااااارفة .. و خبيتي عليااا يااااك .. و تنت لي حاااسباااك صاااحبتي .. و ختي ..

تاتيانا .. اولي اااش وااقع !!

عشق .. كنتي عاارفة بلي ريمااس ختوو دحااتم ..

تاتيانا .. هااء ..."شوكاتها" بااش عرفتي

عشق .. "رملت الصاك ديلهاو خزرات فيها" هااادشي لي هاامك بااااش عرفت .. كان عندي امل تقوولي ليا ماكنتييش عااارفة . ولكن .. جهاز التصنت .. ميمكنش تغفلي حاجة بحال هااادي ..

تاتيانا .."ترمات فوق الكانابي و خذات الباكية ديال الكارو حطات واحد فمها و شعلاتو" و من بعد .. هاني كاع كنت عارفة .. شنو غايتبدل!! ماكنتيش غاتشاركي معايا فهادشي ..؟؟ هااا ... ههههه

عشق .. كيفاش قدرتي تخبي عليا و انا تقت فييييييك ..

تاتيانا .. اووووه لا بوووفغ .. تقتي فيااا .. سيري تقودي نتي خنتي خووك و بغيتيني انا نتيق فيك اى قلت لك بلي راهم خوووت .. هههههه زوينة هااادي ..

عشق .. اويلي ااااش كااتقووولي دمرتييينا اتاتيااانا هاااديك راااه بنت خااالي .. بنت خااااالي كاااتفهمي انااااا لي كنت السباب باش تفااارق هي و تاج الدين ...

تاتيانا .. "كاتنفخ الدخان من فمها "و ان يكن .. انا مالي ... لي كيهمني هيا تاااج الدين الصقر .. خووك . هو لي كيهمني .. يكون لياااا انااا بوووحدي .. هههههههع ...

عشق .. و احلاااامك كووولها ضااااعت اتاتي .. كلها ضااعت .. تاج الدين عرف الحقيقة .. هههههه .. يالله وريني اش غاديري دابا ..

تاتيانا... ''وقفات بعصبية'' كيييفاااش .. ش..شش شكووون قالها لووو هاااا ... نتييي يا الكلبة نتييي يااااك نتي لي قلتيهااا لووو ..

عشق .. لا ماااشي انا .. هي لي قالتها لووو .. ريحي بااالك تاج الدين .. كيموووت على ريماس .. كون تشوووفي حالتو و هي دفالكلينيك .. عمرك تحلمي يتلفت لك شي نهار اتاتيانا ..

تاتيانا ..."تجننات" اااش كاااتخراااي نتي هاااا .. فيااا كووولشي .. مااال و جماااال و حسب و نسب .. غييير بابااا ليه الشرف يتناااسب معاااه .. و نتي جاية تقووولي لي ماغايشووفش فيااا تشوووفي العمااااا .. كيفاش مغايشوووفش فيااا كيفاااش كاااع لي خططت لييييه مشااااا . لالا ميمكنش . واااخة نعرف نقتلها ... بربي تااا نتقتلها و نخليه كيتحصر عليييييها ...

عشق .."خلعاتها عمرها ما شافتها فديك الحالة" وااش حماقيتي عارفة اش كاتقولي ولا لاااا ...

تاتيانا .."قربات ليها و شنقات عليها" وااااش عرفتيييي الى قلتي لو بلي عندي يد فهادشي ..بربي تا نقتلك .. سااااهل عندي ندوز عليك ما داز على مك .. فهمتيييي .. هرتي تسمعيييها مزييييان .. و دخليها لهاااد الدماااغ و الا بربي تلفوون واحد مني .. نساااي راسك ..كااتسمعيييي ..

عشق .. "شدات فراسها" هاذشي لي كانسمع كذووب .. لالا .. مستحيييل .. تاتياااانا .. صاااحبتي ديير فيااا هادشي هءههءهء .. لالا اكييييد غاالطة ..

تاتيانا .. شوفي بلا ماتبداي داك ااديسك ديال الدرامااا الحمضاانة ديالك .. قودي عليا من داري .. و مانعاودش نشوفك وجهك .. نهار نحتاجك غاتلقايني قدامك ..

عشق .." هزت الصاك ديالها كاترعد بالاعصاب و عينيها دايزين بالدموع" انا لي ماباغاااش نشووووفك و لا نعرفك مرة اخرة سمعتييييي .. عمرك تباااني قداامي ..

خرجات مكاتجري خلات تاتيانا كاتغزز فسنانها و كاتفكرش كيفاش تخرج راسها من ديك الحريرة بلا اضرار ولا خسائر .. اما عشق .. ما وصلت لبيتها تا كانت غاتسخف فالطريق .. مشات ديريكت توضات و صلات .. جلسات كادعي الله يساامحها على لي دارت لريماس .. حسات بلي ظلماتها .. و هي من كثرة ما تظلمات غمامة سودااء غطات قلبها و عينيها .. قلبها كان فيه غير الحقد على رحيم .. لي خلا حياتها تدمر هي و خووتها .. الشيء لي خلاها ماتبقاااش تشووف قدامها غير الانتقام لي تا هو ماكانش كيشفي غليلها ... بقات كادعي تا داها التعاس فوق السجادة ...

...فات يوم تاني و ريماس تحت المراقبة فالعناية المشددة كل شوية داخلين عندها الاطباء .. تاج الدين ماداقش النعمة .. حالف ما ياكل تا يشوفها حلات عينيها و ديجا ماعندووش نفس للاكل.. اما حاتم .. كيمشي و يرجع هاجر رجعات تا هي ولكن رجعها يمن فاش مافاقتش ريماس .. اليوم الثالث كيف العادة جاو كاملين بالحق ماجابوش معاهم شغف .. تاج الدين طلع ليه الدم حيت شااف بنتو كيف كاانت ملهووفة تشوف ماماها .

تاج الدين .. علاااش ماااجبتوووهاش ..؟؟

يمن .. اصاااحبي اش غاتبقى دير هنا فالكلبنيك ماشي مزيان للوليدات ..

تاج الدين .. واااش سوووقك اسيدي .. بنتي بايتعا تكون حدا ماماها كي تفييق تشووفها مابغيتش ريماس تخلع لا مالقااتش شغف قدااامها ..

يمن .. ماحسبناهاش هكذا ..

تاج الدين .. تفوو .. ماتفنفعو بنادم فتى حااجة ..

يمن .. وا فين غادي اصاحبي !!

تاج الدين ..غادي نجييبهاا ..ارا الكونطاكت ...

عطاه الكونطاك .. خرج من قدامهم زاعف بقاااو غا كيشووفو فيه ...

اما ريماس .. بدات كاتحل عويناتها و كاتعطي اشارات بلي فاقت .. كي شافتها الممرضة عيطات على الدكتور لي فحصها و عطاهم الاذن يحولوها لغرفة عادية .. عاد رجع عندها فاش صحصحات و عطاوها مقويات و بداو معاها النضام ديال الاكل لي حط لها الطبيب ...

الطبيب .. "بوجه بشوش" مدام صافا!!

ريماس .."حركات راسها بالإيجاب" ..

الطبيب .. كنتي قوية بزاف و قدرتي تحافضي على التوأم ديالك ..

ريماس .."برقات عينيها" ك..كك..كيفااش ..

الطبيب ..هههههه راك حاملة امدام بتوأم .. و انشاء الله غايكم الحمل ديالك و تولي بيخير انشاء الله ..خصك غير تبعدي على اي حاجة ممكن أنها تعصبك ولا تديرونجيك ..

ريماس .."مامتيقااش .. حطات يدها على كرشها" و .. وااش انا حاملة؟؟

الطبيب .. هههه حاملة و بتوينز ..

ريماس .. هههههه .. "لمعو عينيعا بالفرحة" يعني انا حاملة دابا .. هههه بالتواام ..😵

الطبيب .. ايه مبروك عليك .. هههه داكشي علاش خصك تتبعي النظام الغذائي لي غانعطيك . زم

ريماس ."حركات راسها بالايجاب ماقاداها فرحة .." هههه وااخة 😍..

الطبيب .. اول حاجة غاتبقاي معانا واحد الاسبوع تحت المراقبة مانبغييكشتحركي فيه ولا تمشاي ..

ريماس .. و الطواليط ..؟؟

الطبيب .. الممرضة غاتعاونم و غادخلك بكرسي متحرك ..

ريماس .. ااه واخة .... شكرا ..

الطبيب .. الزوج ديالك كان خايف عليك بزاف .. كان غايسلخني ..

ريماس .. "قلبات سيفتها فاش تفكرات تاج الدين " علاه هو اش كيعرف يدير غير يسلخ و يقذف الناس بالظلم ..

الطبيب .. احم .. المهم مانبغيكش نهااائيا تعصبي حيت كينة خورة على البيبي ..

ريماس .. ها .. اوكي ..

الطبيب .. الحمد لله على سلامتك ..

ريماس ..شكرا ..😊

خرج الطبيب لقاهم يالله كانو غايهجمو عليها ..دخلو كاملين و اولهم حاتم لي دخل مشا عندها ديريكت عنقها و باش لها راسها ..

حاتم .. ختي الحبيبة .. كي حاسة براسك دابا؟

ريماس .."ابتسمات ليه '' الحمد لله شوية ..

حاتم .. عطي الراحة لراسك و ماتفكري فحتىىحاجة لي فات نسايه "باس ليها جبهتها''

ريماس .."دورات عينيها فيهم و رجعات شافت فيه .. كانو كاملين واقفين و كيشوفو فيها هي و حاتم''

حاتم .."مسح لبها على شعرها " كولهم عارفين .. عاودت ليهم كولشي ..

ريماس .. "حركات راسها ''

محمد .."قرب لعندها و باس لها جبهتها" خلعتينا عليك اخايبة ..

ريماس ..هههه ما بيا والو ... الحمد لله .

محمد ... كون نشوفي راسك كي كنتي ماغاتقلوليش هاد الهضرة ..هادي مشات تموت لينا بالخلعة" شير على هاجر"

ريماس ...."شافت فيها فحال لا عطاتها الاشارة ..

هاجر .."قربات و تلاحت عليها" هءههءهءهءن😭😭 حراااام عليييك خلعتيييني عليك هؤهؤههؤ ...

ريماس ... اححح .. بشوية .. بشوية البقرة راني حاملة غاطيحي ليا ولادي ..

هاجر .."ناضت من فوق منها" حاملة و عرفناها .. ولكن كيفاش ولادك ..؟؟

ريماس ..ماقالوش ليك عندي التوينز ههه ..

هاجر .. لا و اللله .. ههههههههههه "عاودات عنقاتها" هاني غانعامك من دروك .. واحد ليك و واحد لي عزيز عليك ..

يمن .."عنق هاجر من كتفها '' لا الالة حنا باغيين انتاجنا ..

رزان .. "كادفع فيهم" اااععع حيدو حيدوو من قدامي الله يا حبيبتي الله مجاااتش معااك هاد النعيسة😢"سلمات عليها و باستها من حناكها''

ريماس .."جراتها من ودنبها و دوات بشوية " كي داير حبيب القلب ..

رزان .. راه جاا ..سكتي الصكعة بحال وااالووو يجي راني قلت ليه على كولشي يا خووفي يجي لكلينيك

ريماس .. ههههه الله الله خلبه يجي توحشتو و الله .. "دورات وجها فكااع الغرفة .." فين بنتب !! فين شغف .

رزان .. تاج الدين مشا يجيبها ..غير رتاحي ..

ريماس .." غير سمعات سمية تاج الدين و جمعات ديك الابتسامة ما حس بيها غير حاتم لي حط يدو على كتفها .. بقاو جالسين كيضحكو..و ريماس كاتفكر و تعاود تسترجع كاااع الاحذااث لي فاتو .. و لي قال لها تاج الدين .. حيدسات براسها باات تبكي و تغوت و عاود تفكرات ااش قال لها الطبيب .. بلي القلق و العصبية مامزيانينش للتوينز ..حاولات تسترخي ..و فعلا نجحات حيت فكرات فشغف و فلي بيبي لي جايين فالطريق .. تا تحل الباب .. و دخل تاج الدين .. كي شافتو حسات بقلبها تعصر .. دغيا نزلتت عينيها حتى ماشافتش فوجهو ولا تسوقات لدخولو .. مشات عندها شغف كاتجري عنقاتها ز بقات كاتبوس فيها و ضحك .. و تل هي باادلاتها العناق فحال لا ماشافوش بعضياتهم عام و كثر .. تاج الدين بقى واقف فالباب و سااالاهي فيهم .. اما حاتم شير ليه كاع يخرجو .. استأذنو و خرجو . تبعهم حاتم لي غمز لتاااج دين قبل ما يخرج ...

تاج الدين بقى واقف فالباب و سااالاهي فيهم .. اما حاتم شير ليه كاع يخرجو .. استأذنو و خرجو . تبعهم حاتم لي غمز لتاااج دين قبل ما يخرج ...

تاج الدين ..شوشو .. يالله خرجي لعند عمتك رزان ...

شغف ..اوكيي😍.. "عنقات ريماس مرة اخيرة وخرجات كاتجري .."

تاج الدين .."قرب لعند ريماس و جر الكرسي لحداها قلبو و. جلس عليه" حبيبي .."قرب يدو يحيد لها خصلة من شعرها على عينيها ..'

ريماس .."ارتجفااات من الداخل ..و دورات وجها بعداتو عليه" خليك بعيد الله يخليك!!

تاج الدين .. هههه حبيبي مقلق مني ..

ريماس .. خرج عافاك!! سير فحالك ..

تاج الدين .. " تنهد و حنا راسو" ماحشوماش عليك هاد الخلعة لي خلعتيني علك كاملة و كاتقولي ليا دابا سير فحالك .. نتي هي فحالي فين غانمشي ..

ريماس .."باغا تخطف فيه الشوفة فيه و ماقداتش" سير بعد عليا .. ماباغا لا ندوي معاك .. ولا مشوفك .. ..

تاج الدين .."شد يدها بين يديه بغات تهربها لكن حكمها مزيتن .. هزها تال فمو وباسها" مابغيتش ندوي فداكشي شلي فات ولكن كاع بينا غلطنا .. نتي خبيتي عليا .. و انا .."حنا راسو''

ريماس .. "مكاتشوف فيه .." ااه غير قوولها .. و نتا شكيتي فيا .. انا كنت ناوية نفاجأك .. حيت عارفو هاد الخبر شحال غايفرحك .. ولكن .. بفف .. عرفتي شنو .. مابغيتش نتعصب .. يكفي عرضتي ولادي للخطر المرة الاولى .. دابا بعد عليا .. غير بعد انا غانكون مزيانة ..!!

تاج الدين ..غاتكوني مزيانو و نتي بعيدة عليا ..!!

ريماس .."ببرود " كتر ما تخايل ..

تاج الدين .. شوفي فيا .. شوفي فيا و قوليها .. عينيك فعيني ..

ريماس .."دوراات وجها لعندو و قوااات قلبها حاولات تجمدو قدر المستطاع ولكن كي شاافت عينيه كاانو ذاابلين ..تحتهم كحل باين عليه الارهاق و مانااعس ما شايفو .. و مع لك جمدات قلبها " خرج عافاك خليني بوحدي ..

تاج الدين .."وقف و باس ليها راسها" الا كانت شوفتي كاتضرك لهاد الدىجة .. مابقيتش غانجي عندك .. بالحق انا ديما ورا اي بابا نتي فيه .. كوني اكيدة ..

ريماس .. غانمشي مع حاتم . ماغانرجعش معاك لدار ..

تاج الدين .."تنهد بقلة حيلة واخة تعصب فوووق القياااس بالحق ماعندو ما يدير .." واخة الالة غانخليك فترة تا ترتاحي و ندويو ..

خرج تاج الدين و خلا ريمااس خذات نفس مرتجف تا حسات بيه كيزلزل صدرها ..و استسلمات لمصيرها .. طااحو الدموووع من عينيها

ريماس .. هاهو مشااا لاااش باغا تبكي دايا هءهءه😭 .. بغيت نعنقك . هءهءهء ..

... كانت مشهية تشوووف فييه و تعنقووو ولكن كلامو و شكو فيها كاانو قاااصحييين بزاف عليها .. ماقدراتش تخايل بلي تاج الدين حبيبها شك فيها .. اما هو خرج مكشكشششش غايطرطق يالله كان غايدوي معاه يمن تا وقفو بيديه .. خذا قهوة كحلة بلا سكااار ..وخرج لبرا تالكلينيك كيكمي بعصبية ماكرهش يشد شي حد يقتلو عصااا و جابو ليه الله تال بين يديه ..

تاج الدين .. "وقفو ..'' اجي اجي نتا اش جاي دير هنااااا !!؟

فاروق .."كيحك لحيتو" ههههه يديك عندك اشريف ..

تاجالدين ..", ناوي على خزيت ..." ااااش جاااي ديير هنا ..

فاروق ..جاب نشوف ختي..!

تاج الدرن ..مال جد بوكم الكلب غاتحمقوني يخوي ليك القلاوي..

فاروق .."شداتو الضحكة'' ..كي دايرة ريماس ..؟؟ كي بقات ..؟

تاج الدين .."جرو منالكول تالشوميز و مخضو زوج خطرات" لاش كاتسول سوق مك .اش حرق شطايط بوووك!!

فاروق .." نطرليه يديه" كنتعارفك نتا لي موصلها لالسبيطار.. باينة علاه لي عيش مع واحد بجالك بعاد العصبية ماشي غايوصل غير لسبيطار .يوصل تال المقبرة ..

تاج الدين .."جمع بونة جا يعطيها ليه و هو يغفلو فاروق عطاعه لصدرو دفعو تاختل توازنو حيت مكان دايق النعمة من يومين .. عايش غا بالما و القهوة .."

فاروق .."طاح ليه العجب حيت ماموالفاش يتمايل واخة يعطيه لراسو..'' ياك لباس ..!

تاج الدين .."كيكحب .." ااش گال لبوك راسك ؟؟ اااش كالليك راسك جاي تتسول على مرا مزوجة..عندها بنت قرباات تولي فطوولها و حاملة!! بغيتنفهملاش ماتقودش لخربتكم ..

فاروق ..واو .. ريماس حااملة .. ههههههههههه يا سلام ...مبروك عليكم ..!

تاج الدين ..",الكناوية كاتلعب ليه فوق راسو" واش ماغاتمشيش فحالك حيت دخول عندها ماكينش ..

فاروق.. ياك هي ولات لاباس دابا!!

تاج الدين .. يه اسيدي فاقت و ولات مت بيخير شي سؤال ااخر ..مكينش اوا سير تقود ..!

فاروق .."حرك راسو يمين و شمال و مشا جلس حداه" باينة فيك مامرتاحش !

تاج الدين .. سوق مك !!

فاروق .. يالله نتغداو فشي بلاصة بغيت ندوي معاك فواحد السيجي ..تا انا ماغدي ما شايفو ..

تاج الدين..خويا ..؟ صاااحبي .؟؟ كاتعرفني .."دار حمر فيه عينيه" اوا اشمن مواضيع بيني و بينك ؟؟

فاروق ..اودي غير دير النية ..هاهي كافي غا قدامنا ماغانمشيوش بعيد ..!

تاج الدين .."وقف وبقى كيشووف فيه مدة عادنطق" ..سير انا غانتبعك ..

دخل للكلينيك مشا جاب الجاكيط و البزام ديالو و اتجه للريسطو لي كان قدام الكلينيك ..دخل بان ليه فاروق جالس فطابل بعيدة على الناس ...

تاج الدين .."جلس فالكرسي لي قدام فاروق" اش كاين !

فاروق .. السلامات حامية فيك البيضة .."طلب شي حاجة لغداك انا راني طلبت. .

تاج الدين .."جمع يدو على شكل قبضة و كيتنفس بالجهد" استغفر الله العظيم من كل ذنب عظيم... "شير للسيرفور طلب ليه غداا خفيف'' هاحنا طلبنا الغدا .. يالله بالي ..

فاروق .. امهم .. غانقول لك هاد الهضرة اتاني مرة .. فاش لقيت ريماس .. درت بحساب البلاد و الجنسية لي كاتجمعنا .. هادشي فالاول .. من بعد فااش وليت تعاشرت معاها ..

تتج الدين .."بغا يدوي و هو يسكتو"

فاروق ..الله يخليك .. خليني نكمل ..ماتقاطعنيش .. قلت لك فاش تعاشرت معاها .. حسيتها طيبة بزااف فوق القياس .. يعني ساااهل يضحك عليها اي واحد .. كنت غانعاونها و نخليها ترجع لبلادها .. بالحق فاش عرفت طبيعتها و كيفاش كاتيق فالانسان بسهووولة .. عرفتها من الدااخل حليب .. و هاادشي هو لي مانافعش مع البشاار فهاد الوقت .. الطيبة ماكاتنفعش معاهم .. هنا عطيت العهد على راسي اني جااامي نفووتها .. على الاقل تا تولد .. فاش ولدات .. و بديت نولفها فالخدمة .. وليت كانعول عليها بزااف .. و حتى شغف ..كانت مهمة بالنسبة ليا .. تقدر تقول ربيتها معاها .. و فاش رجعات كنت ناوي نرجع معاها .. دائنا كانت كاتعتبرني الاخ الحامي ديالها .. و عمري فت معاها الحدود و خصوصا فاش عرفتها مزوجة .. مانكرش اني كنت كانتمنى تكون سيليباطير .. باس ناخد معاعا فرصتي .. طبعا هذشي كان غايتمناه اي واحد .. حيت اي واحد باغي مرا ضريفة .. جامعة بين الاخلاق .. و الجمال و الطيبة .. فيها اي حاجة يتمناها اي رجل ..

تاج الدين .. "كلامو عاد مكيزيد يعصبو" دابا علاش كاتقلب .. غا فهمني واش نوض نعطي لبوك لعبن ولا شنو !!

فاروق .. ههههه لا حول الله يا رب ..شوف اخاي .. انا ريماس عمرها كانت بيني و بينها شي حاجة و الى كان المشكل لي وقع بينكم عاود بسببي غير فكو حيت انا و ريماس مجرد اصدقاء و خوت و صافي .. زائد انا ناوي نخطب ..

تاج الدين ..باش تعرف .. لي بيني و بين ريماس ماشي نتا السبب فيه .. و مكانبغيش لي يتدخل بيني و بين المدام ديالي .. ثانيا ...اتا عارف ريماس عمرها عتبراتك غير خوها . ثالثاا. .. الاش كاتعاود ليا هادشي بغيت نفهم ...

فاروق .. "كيحك فلحيتو" هذا غير تمهيد للموضوع الأساسي لي غاندوي فيه مور الغذا. .

قاطعهم دخول السرباي حط لكل واحد فيهم البلا ديالو تغداو في صمتو كل واحد مكيشف فلاخر .. حتى فاروق تنواا من هدوء تاج الدين لي نزل على طبصيلو ما خلا فيه غا زيتونة وحدة ..

فاروق .. "كيحك فلحيتو" هذا غير تمهيد للموضوع الأساسي لي غاندوي فيه مور الغذا. .

تاج الدين .."طلب قهوة كي وصلاتو خذا منها رشفة و شعل كارو كيكمي و يشوف ففاروق مخنزر" اش الموضوع لاخر .. شفت مواضيعك كثرو معايا!!

فاروق .."تقاد فالجلسة " احكم .. الموضوع لي بغيتك فيه على ود .. ختك ..!

تاج الدين .."خزر فيه" شمن ختي ..!! نتا منين كاتعرف خوتي !

فاروق .. احم .. شوف انا ماغاندور ماغاندخل و نخرج فالهضرة ..انا غاندخل نيشان من الباب .. و داكشي علاش جيت عندك واخة مصرف فيا العار بالمحق ماعليش ندوزوها!! انا باغي نخطب منك ختك رزان ..

تاج الدين .. ههههههههههه .."كيحك لحيتو و يضحك" عاود اش قلتي ماسمعتش يمكن مزيان .. اش باغب تخطب ..!!

فاروق .. ختك رزان. ..!

تاج الدين "ناض جبد الفلوس من جيبو و حهم فوق الطبلة " تعض فودنك و ختي ماتشوف منها ظفر .. برب المعبود الى لقيتيني مامساليش ليك اما نوريك ختي بشحال غاتقوم عليك !!

خرج مكشكش من الكافي و ناض تبعو فاروق تحت شعار لن نستسلم ابدا ابدا مهما يكوون😂 شدو من كتفو ..

فاروق ..وا صاحبي مالك على هاد العدوانية كاملة ماالي واكل ليك رزقك؟

مادوااش معاه عطاه ديريكت بونيا للوجه خلاه شاد فمو ماجا فين يدوي تا عطاه وحدة اخرى ...

تاج الدين .."شنق عليه" اش باااغي من ختي ..زمل على بووووك الضمييير هااااه ..!!

فاروق .."كيحيد ليه يديه"واش عند الخرا فك**ك ولا فمخك اصاحبي.. واش اي وااحد جا يخطبها غادير معاه نفس التصرف؛!

تاج الدين ..لا غانعطيها لاي واااحد يجي يخطبها إلا ليييك نتاااا"عطاه بونية اخرى و دفعو" نشووفك كاضور بساحتها غانتفاهم معاك مزياان ..

ساس يديه و مشا ديريكت للكلينيك ماعاودش شاف فيه .. اما فاروق مسكين مسح الدم من فمو وركب فالاوطو ديالو مكشكش .. تصل برزان علمها بلي طرا كانت كادوي معاه تا بان لها تاج الدين جاي كحلاات بالعمااا خصوصا انو جاي قاصدهاطفات التيلي و خشاتو فجيبها كي وصل عندها كانت غاتسخف من ديك الشوفة لي كيشوف فيها..

تاج الدين ..تبعيني نتي باغي ندوي معاك ..

رزان .."حركات راسها بالايجاب و باين عليها التوثر سنانها كيفقفو ...

محمد .. مالك!!؟

رزان .. غير سكت ليوووم ترحم عليا اولد ميمتي .. الى مرجعتش اجيو عتقوني هالعاار ..

"تاج الدين .."غوت عليها من بعيد" واش غانبقى هناا طلقينييي ..

رزان .. هاني هاني .. نري نري .. وكلت عليك الله افااروق الله يحرق النهار لي شفت فيه رگعة ويهك.. وااععع ..

مشات كاتجري لعندو خرجو لمكان فحال الشرفة كيطل على الجردة ديال الكلينيك وقفات قدامو كاتفرك فيها و هو كيشوف فيها مغيرة .. ماشي بديك الطريقة كاتوقف قدامو .. عرفها مخبية عليه شي حاجة ..درسها غير من تصرفاتها ..

تاج الدين ..اليوم جا فيك عريس امادموزيل !!

رزان ...كون لقات الارض تنشق و تبلعها" هااء .. عريس ..!؟

تاج الدين .. عريس هااء .. زعمة ماعارفاش .. على من كاضحكي عليا انا .. انا لي مربيك البرهوشة ..!!

رزان .. لالا ماعرفتش والله ما فخباري ..

تاج الدبن.."ربع يديه و كيشوف فيها و هي كاتهرب من عينيه" شفتي البرهوش ديال الخلا جايني فالنهار لي مرتي مريضة و ناعسة فالصبيار .. و باغي يخطب ختي .. هههههه زعما لا احساس و لا دم ..

رزان .. "منزلة راسها"

تاج الدين .. بالحق مزيان ملي مكاتعرفيهش .. نيت رفضتو .. مايضلاحلكش..

رزان .. ''تقجات ماكرهاتش ضور فيه"

تاج الدين ..هذاك هو اخر وتحد ديجا تفكري فيه .. و عمرك تفكري فيه .. حيت انا عمري نوافق عليه .. مفهوم؟؟

رزان .. علاش ؟؟ مالو شنو دار ليك واش انا غانبقى ديما حداااك .. شوف ريمااس قدي مزوجة و عندها بنت فعمرها ست سنين و انا موالة حدااكم بااغي دير لي فحال عشق ... باغيني نجلس حداك بلا زواجي .."كاتمسح الدموع و كادوي حبسات راسها تا عيات و ماقداتش تفركعات عليه" واش انا ماعليااش الله نكون فحال البنات كااع نتزوج يالانسان لي بغيت و نعيش حياتي .. خوتك لي كنت داير تحت جناحك راه كبرو اتاج الدين .. حرام هادشي لي كااادير و نتا رجل كاتعرف فالدين .. و ربي اامرنا بالزوااج .. وااش هو ماااشي مسلم !! علاش ترفضو علاش واش خذيتي اذني .. خذيتي رأيي؟؟ ولا انا مكانهمكش ..

تاج الدين .." سااااكت و كيسمعها شوكاتو .. اول مرة رزان كاثور عليه'' على اساس مكاتعرفيهش!!

رزان .. "كضور فعينيها" .. تاج الدي..ين ..

تاج الدين .."جرها من دراها" بربي ازان و نعرف ولا غييير نشم انك تلاقيتي معاه و لا شفتيه .. غاتحبسي فالدار و نسااي نور الشمس .. شعرك هذا نحسنو لبوك .. فهمتيييي ..الا هذااك تموتي و ماتديهش .. خليك حدايا و بحال عشق كيف قلتي .. ومانخليكش تزوجي بيه .. مااشي على اااخر ايااامي نصيفط ختي و بنتي عند واااحد ختووو ماكااتاااقااش الله .. و هاني علمتك .. و ضبري راسك لا بغيتي تقتليه سيري تلاقاي معاه راك عارفاني فاش كاطلع لديلمي الكناوية و هاد الاياام راني گاعد على اعصابي كانقلب غا مع من و ضبري راسد ..

رزان .."نطرات يدها منو و الدموع شلال فعينيها" الى درت شي حااااااجة فراااسي واااياااك تبكي علياااا و لا تندم ..

شافت فيه من الفوق للتحت و نزلات كاتجري ركبات الاوطو ديالها و كسيرات للدار .. اما تاج الدين حط يدو على راسو كولشي تجمع عليه دقة وحدة طلق تنهيييدة من الاعمااق و جبد كارو كيكمي و يحرك بعصبية ....كملو و اتجه لسياارتو شد طريق الفيلا باش يدوش و يبدل حوايجو .. فهاد الوقيتة ريماس كانت متكية و شغف حداها .. تا نفتح عليها الباب .. دورات راسها و هي تصعق ..

فهاد الوقيتة ريماس كانت متكية و شغف حداها .. تا نفتح عليها الباب .. دورات راسها و هي تصعق ..

ريماس ..نتي ..!!

عشق .."منزلة راسها" ..

ريماس .. "الدم ولا يغلي فذاتها" .. اش جاية ديري هنااا خرجي عليااا ياللله خرجي مابغيييتش نشووف وجهك كااتفهمي ..

حاتم .."كان ناعس فوق الكانابي حل عينيه على صداع ريماس .." ريمي ياك لباس ..؟؟''شاف فعشق '' اه .. عشق ..

ريماس .. "غمضات عينيها" خرجهاااا ماااابغيييتش نشوووفها هءهءهءه .. خرجها احاتم ..

عشق .. "قربات منها" ريماس .. عافاك غير سمعيني لآخر مرة .. انا عارفة راسي غلطت معاك ولكن هاني دابا جاية نطلب منك السماحة الله يخليك غير سمعيني مرة وحدة ..!

ريماس .. "توكضات و شافت فيها بغل" عاودي اش قلتي !! غلطتي معايا .. نتي دمرتيني .. دمرتي علاقتي برااجلي .. بسببك دابا انا ويااه مفاارقيييين بسببك نتي .. شنو درت فيك هؤهؤه.. شنوو درت فيييك تا تنتقمي مني بهاد الطريقة .. كيفااش عطاات خاطرك دمري حياااتي .. و حياة خوووك ..

عشق .. ريماس .. فهميني .. انا كانت معمية ليا البصيرة .. ماعارفاش اش كاندير .. ريماس عافاك غير سمعيني ..

ريماس .. "سدات ودنيها" خرجيييييي عليا مابغيييتش نسمع بغييت غا التيساااع .. ياااك صورتيني مع خوويااا بااش توهمي تاااج الدين بلي كانخووونو .. هءههءه ..ياااك درتي هاادشي كلووو باش نتفااارقوو .. اوا هاااحنا تفارقنااا هءهءههء😫 صاافي بعدييي .. عليااااة بعدي على طريقي خوووك راهو خليتو ليك ربحي بيييه .. و ذنوووبنا على عنقك .. عمرييي نسااامحك فاارقاتيني على بااات و لادي .. هءهه عمري نسااامحك شمن اخت نتي .. هااااعع بعدي مني خرجييييي..

حاتم .. "تصدم من داكشي لي سمع'' كيفاش ..؟؟ نتي لي صورتينا و صيفطتي لخووك!!؟

عشق .."قلبها بغا يطرطق " حاتم .. انا و الله ماكنت عاارفة و اللله ما كنت عااارفاها ختك هءههءه😭 انا كنت خااايفة على تاااج الدييين هءههءهء و الله ما كنت فوعيي .. دوي معاها تسمح لي .. تاج الدين الى عرف هادشي انا متأكدة عمرو يشووف فوجهي ..

حاتم .."وجهو حمار بالاعصاب .. شاف ريماس ولات تا هي كاتعصر و تحاااول تكابر بااش ماتغوتش .. دايرة بحساب شغف لي ناعسة حداها .. بدون شعور قرب لعشق و جمع يديه تال السما و طلقها على وجها خلاها مصورة خباطة على حنكها حسات بالدوخة كون من شدات فراسها كون طاحت .." برااااا .. و ماانشووفش وجهك .. حيت الى شفتك كاتحوومي بساااحتي انا ... و لا ختي .. برب المعبوود تا نعصى فيك ربي .. و هاني دويت .. يالله دردبي .. حسبي الخطوات لانكسحك ..

عشق .."تصدمات من الطريقة باش دوا معاها و اكثر بالدقة لي عطاها لوجه .. بقات شادة فحنكها و عينيها غاديين بالطموع" كاااضربني احااااتم ..

حاتم .. داااك حاااتم لي كنتي تعرفي شحااال هادي باااحااا ودعييه اماما .. شفتي هذا لي واقف قدامك غايولي عايش على ود ختو و بربي و شي كلب حاول يأذي شعرة من راسها مانعقل عليه و اولهم نتي .. هاد التسرفيقة كانت غا انذار ..المرة الجاية نحسب اللله ماخلقكش ..

رجعات باللور و عينيها كلهم صدمة .. شافت مرة اخيرة فريمااس لي كانت حسات بالراحة ملي سمعات كلام حاتم .. عرفات بلي خوها حداها و مغايفوتهاش .. حسات بضهر و سند وراها و غايحميها ..بقات متبعة العين لعشق تا خرجات و سدات الباب .. جا عندهاحاتم باس لها راسها ..

حاتم .علاش ما قلتيش ليا بلي هي السبب ..

ريماس ... علاش دارا فيا هكذا 😭.. علاااش .. هءهءهءه فاااش آذيتها انا ..

حاتم ... "تنهد و شد وجها بين يديه" شوووت ماخصكش تعصبي راسك ولا نسيتي الوليدات . ههه و حاجة اخرى .. خصك تعرفي بلي عشق .. حبها اخوتها حب تملك ..

ريماس .. "مسحات دموعها" لا ماشي هادشي هو السبب .. حيت كان يصحاب لها انا بنت رحيم. ..

حاتم .. بببففففف .. حسابها معايا انا لي غانربيها ..

ريماس .. اووف .. لاااش جاات عندي .. انا مالي كنت ناقصة هم .. هي و ديك صاحبتها تآمرو عليا ..و فارقوني على راجلي و فاللخر جاية تقول ليا غلطت .. فالاول قالت ليا غانزوجو للاتك .. هاني خليتو لها دابا تزوجو تالقردة ..

حاتم .."صغر فيها عينيه" باش حسيتي فاش قلتيها!!

ريماس .."شافت فيه بجنب عينيها" بالخنقة😢

حاتم .."عنكش لها شعرها" ههههههههههه البخووشة ديالي .. عارفيينك كاتمووتي عليه لاش تتكابري ..

ريماس .. صافي باااش يفيد دابا هاذشي ..صافي لي راح راح و تفارقنا .. انا غانرجع معاك .. ماشس معاه ...

حاتم .. هههههه الدار دارك غير هو حضي جنابك راجلك ضور بيه اي وحدة ..

ريماس .." الغيرة كتاكلها غا من الفكرة" لي بغاااه يديه اصلا غانطلب الطلاق😩..

حاتم .. ههههههههههه لا حول الله .. نعسي احبيبتي نعسي شوية ..

غمضات عينيها و عنقات بنتها ..كاتحاول تنعس لكن حرااام واش جاها النعاس.. كل تفكييرها مع تاج الدين لي توحشااتو كثر من القيااس .. و كاتشم فشغف فحال باغا تجبد منها ريحة تاج الدين و والو داها النعااس فگعاانة نسات عشق و لي يجي منها بالها بقى فيه غا تاج الدين ..

يتبع

باقة حب لا تذبل الجزء 20

محتوى القصة

التنقل بين الأجزاء