يا الله كيف لعشقكِ ان يقتحم قلبي دون سابق انذار .... لاول مرة اعترف لنفسي بهذا... لماذا انتِ بالذات .. لماذا كلُّ هذا التأثير، يالله .. فقط النظر في زمرد عينيك ينسيني الدنيا و ما فيها ..مجرد صوت تعبرين به عن سعادتكِ يصيبني برعشة داخلية تقلب كيان قلبي .. مجرد ابتسامة تتغلغل في كياني تصيب اعضائي بجنون رهيب .!! حبكِ لعنة تملكتني و جعلتني أهوى دون ملاذ أقصده...كيف جعلتِ كل هذا الحب يقتحم قلبي ..؟؟ أتذكر نظراتك .. تلك النظرات الحادة .. اتذكر مواقفنا منذ البداية.. كل كلمة .. كل نفس .. كل نظرة منكِ تجعلني اهيم بعينيكِ عشقاا
#ليالي🌸🖋
فجأة وقفات سياة كحلة كبيرة من نوع أودي قريبة منها و حيت كانت شاردة ماانتبهاتش ليها نهائيا...
ا.......Anstey «انستي» ....؟
فتحات عينيها بان لها سباط كلاس اسود كيلمع بالضوء ديال السيارة ..بدات كطلع عينيها بشوية و جسمها كيرجف بالخوف حتى وصلات لوجهو كان مبتسم ابتسامة شيطانية فحال شي شي اسد لي لقى فريستو بسهولة ..هاذشي لي استنتجات هي من وجهو .. كان فمقتبل العمر .. وسيم لدرجة الهلاك .. جسمو ضخم وباينة عليه رياضي بامتياز حروفو كحلين و عينيه صغيورين و كحلين كذلك .. لحية خفيفة بزااف و الشلاغم كذلك ...لابس كاجوال و كيبان شخصية لكن ابتسامتو مكطمنش ..
نفضات حوايجها بسرعة و حاولا توقف ..
-"حط يدو على شلاغمو كيلعب بيهم و مصغر عينيه .." neden üzgünsün ..؟
ريماس ...-ش..ششش..شكون نتا ...؟ و شنو كتقوول
-اممم انا .. "ابتسم ليها " انا واحد شاف واحد القمر مغربية بنت بلادو جالسة فنص طريق فالنصاص تالليل فحاال الكتكوت لي فزكاتو الشتااا و جا يشوف شنو بيها ...؟ الى كان ممكن يعاونها ماغايقصرش ...؟
ريماس.... حنا فين ..؟
-هاا ..؟ كيفاش حنا فين .. واش نتي كتفلاي عليا ولا مسطية ولا شنو نظامك ..؟
- واش نتي خطفوك من المغرب و جابوك ولا شنو ...؟ ههههخخخهههههخخخ 😱😂
ريماس ..."خنزرات فيه" بغيت .. احم .. شي اوطيل نبات فيه .. ولكن .. اووف ماعندييش فلووس ..
-"تنهد و حطي يديه على عينو،" .. اجي معاياا ..
ريماس .. "عقدات حواجبها " نجي معاك لفين😳...؟
-للدر .. شنو مالي غانخليك هنا واش عرفتي شحال الساعة ..؟ الزوج تالليل ..
ريماس .. "بعدات عليه '' لا شكرا انا غاندبر راسي ميغسي بزاف ..
-احم .. ماتخافيش .. ختي عايشة معايا .. ؟
ريماس .."تنهدات براحة على الاقل غاتضمن بلاصة تبات فيها "، امم اوكي ..
تبعاتو للوطو فحال لا دار لها التنويم المغنطيسي جلسات حدات و دارت سانتيغ هز الفاليز ديالها حطها فالكوف و ركب حتى هو بلا ميشووف فيها كسيرا ماوقف حتال قدام فيلا كبيرة ..كانت الطريق كوولها مظلمة حتال الفيلا او القصر.. المكان كان شبه مهجوور قصر وحييد بين الشجر و الظلام لا حسيس ولا محسوس نزل و تبعاتو كتجر فرجليها و كتشوف فجنابها .. شداتها الخلعة كثر من داك المنضر...
-احم ..ماا ساكن حتى واحد حدايا .. مكنبغيش الصدااع .. كنبغي الكااللم .. و نفس الشيء بالنسبة لختي ...
ريماس .."حركات راسها بالايجاب مع انها متوثرة .. شدات فكسوتها مسحات العرق لي كان فيديها .. "، اممم
-"فتح لها الباب ".. احم .. Hadi başkana "تفضلي "
ريماس.. هاا ..؟
- بفف قلت لك دخلي ..
دخلات كدور فعينيها فكاع انحاء القصر لي كان شي حاجة كثر من كثر من كبير الطابق السفلي كلوو كاان صالونات ديكورهم و فراشهم كلو اسود في اسود و فالحيوط طابلويات كيخلعو كلهم كيعبرو على النار و الموت و الجن ..و فجهة المدفأة فالحيط لاسقين ريوس تالحيوانات .. "الغزال.. الثور .. و انواع اخرى ...هذا غير الشمعدان لي كان محطوط فوق المدفئة .. كان على شكل مرا عندها عشرة تاليدين كل يد شادة شمعة .. المكان بعث فجسمها رعشة ..
-شنو سميتك ...؟
ريماس .."قفزات على صوتو" هاااه ...
-انا لاقيك براا ..؟ فالظلام و دنيا كتصفر .. ماعرفتك هرباانة ولااا قاتلة شي حد ولا هربانة من البوليس .. و لا جنية ..
ريماس ....اعوذ بالله بسم الله رحمن رحيم ماعرفت شكون جن لي عايش فبيت الاشباح ..عاى العموم انا حسن ليا نمشي حيت ماهانقدرش نجلس فبلاصة بحال هاذي ..
دارت بلش تفتح الباب لكن سبقها يدفع الباب بيديه تسد مزيان
-هههههههههههههه علاه دخول الحمام بحال خروجو ..؟
ريماس .. ''رجعات باللور حتى لسقات على الحيط رجليها بداو كيضربو فبعضياتهم بالخوف" ششش..ششنو باغي مني حتى نتاااا خليني نمشي عافاااك ههءهء .. اش جاابني انا اويلي .. اويليييي لاش نمشي مع وااحد ماهارفااهش اويلي وحدي انا😢😭😭
-"شد راسو و تكرشخ بالضحك" هههههههههههههههههه عاد طلعات معاك ولا كيفاش ..؟
ريسماس .. كانترجاااك خليني نمشي الله يسهل عليك ..عييت و الله عيييت ..
- بششش كاالكم ..غير ضحكت معاك مالك خوافة .."مد لها يديه" انا فاروق ..
ريماس ... .. ااانا .. ريماس ..
فاروق .. واو ..سميتك زوينة بزاف .. ر ي م ا س ..
ريماس ... اه نقدر نمشي دابا 😢..
فاروق .. لالا ماتقدريش .. ميمكنش نخليك تمشي فهاذ الوقت و نتي بهاذ الحال .. ماشفتيش وجهك كيف داير .. فازكة بالدمووع .. و باينة شي حد ضربك تحت عينك زرق ..شكو..
قبل ما يكمل كلامو قاطعو صوت أنثوني رقيق ..
.....اش هاذ الصداااع ...
طلعات ريماس وجها بانت لها مرا كبيرة شوية فالاربعينياات غاتكون لابسة مينية قصية مع ضوني حتى هو قصي مبين كرشها رغم انها كانت كبيرة لكن جسمها ولا بنت العشرين .. وشمة جسمها كلو .. رجلبها .. يديها .. صدرها حتى وجهها كان موشوم من تحت عينها اليمنية و فوق عينها اليسرية .. دايرة مكياج ثقيل .. احمر قااني في فمها و عينيها مكحلاهم مزياان .. شعرها اسود كيف الليل و فيه خصلات حمرين فحال العافية دايرة خاتم فصبعها الكبير و صابغة ضفارها بالاسود.. كانت كتشوف فريماس بنضرات شيطانية نفس نضرات فاروق خوها ..
مليكة .."كتصفق و تضحك" واااو خويا حبيبي البطل .. واش هب فمخك الريح ولا كيفاش جايب ليا وحدة "شافت فريماس مزيانومن الفوق للتحت و شافت كثر فعينيها"، زووج ماشي وحدة .. بالليل ..ليقيتيها على برا و مكتعرفهاش ..وااو ..
فاروق .. ختي ماشي دابا عافاك ..
مليكة .. بلييز ماعنديش هنا اوطيل ..هاذ المرة غانفوتها و نسكت بمزااجي راك كاتعرفني داري مانبغيش شي حد غريب يدخل ليها كنبغي نكون براحتي مفهووم ..
فاروق .."حاول يلطف الجو مشا لعندها شد يديها بزوج باسهم" اوووه مليكتي عارف بلي راكي غايرة عليا ولكن كوني هانية حتى حد ماغاياخد قلبي منك.. البنت مسكينة ماعندها فين تبات كوني هانية .. هي غاتجلس فالجناح ديالي ماغاتخرجش منو...
مليكة .. اوه اووه كولني بهاذ زوج كلمات😒.. على العموم .."شافت فريماس لي كانت كاتشوف فيها مبهوورة'' هاد الطابق غاتنزلي ليه غير الى بغيتي تخرجي مانشوووفكش كادوري التحت .. والا غاتشوفي شي حوايج ماغايعجبووكش مفهوم ..؟
ريماس .. .. بب.. بغيت نمشي .. انا غانمشي ..
فاروق .."شد لها يديها و غادي بيها لفوق" ..زيدي باراكة من التبوهيل .. مليكة كود نايت ..
طلعها بيدي و هز بالبزتها باليد الاخرى و هي تابعاه و كاتشوف بعينيها فزوبية لي عاود طاحت فيها ..كي طلعو للطابق لاخر لي كان كلو باللون الابيض مغاير تماااما على الطابق لي تحت .. دخلها لبيت كانت كبيرة بزااف فيها جليسة زائد ناموسية و تا هي كانت يرمح فيها الخيل .. حلات فمها و دخلات لا اراديا للبيت كتشوف بعينيها و تقيس اي حاجة جات فطريقها .. كانت فحال بيت ديال شي أميرة من قصص الخيال ..بقى كيشوف فيها مدة فحال لا كيدرسها يطلع فيها و ينزل جسمها المتكامل .. انوتتها .. شعرها امواج الرماال .. عينيها الخوضر ونضراتها لي كان الحزن عنوانهم واخة كانو كيوسااعو كل ما شافت شي حاجة عجباتها .. لمسة يديها و هي كدووز على التحف الفنية البيضااء لي كانت محطوطة فالبين .. شفايفها و هي كتاوه و تنطق كلمة وحدة هي مبهورة «واااو»
فاروق ..احم .. هاذ الكابق ديالي .. بعيد كل البعد على الطابق لي الفوق و الكابق لي التحت .. هذا ديالي و لاخرين ديال مليكة ختي ..من الاحسن ماتحاوليش طلعي لفوق حيت غاتشوفي شي حوايج غايخلعوك اللهم بلاش .. و حتى مليكة مانضمنش ليك شنو ممكن دير فيك الى طلعتي لفوق حيت هذاك مكانها السري لي مكيدخل ليه حتى حد ..
ريماس .."فاقت من انبهارها على كلامو لي بورشها" حتى نتا مكاطلعش..؟
فاروق .. ههههههه انا نقدر نطلع حيت ببساطة انا الوحيد لي كاتيق فيه.. المهم ما عليك من هاذشي .. هاذ الطابق خودي فيه راحتك تماما عندك كوزينة حمام بيسين اي حاجة بغيتيها غاتلقايها المهم ماتخرجيش منو حتى الى مشيت لخدمة بقاي هنا ماتحركيش مابغيتكش تشوفي حوايج يخلعوك ..
فاروق .."خدا تلفون من جيبو و مدو لها"، هذا ديالك .. خوديه ..
ريماس .. لالا بغيت غير مكالمة فقط ..
فاروق .. كلمة وحدة لي كاتقال "جبد من جيبو واحد اخر " هذا ديالي هو لي كنستعمل هذاك خاوي ماكانستعملوش و كنت جايبو معايا من المكتب باش نحطو هنا حيت مكنستعملوش..
ريماس .."خذاتو من عندو" شكرا بزاف غانستعملو حتى نبغي نمشي ..
فاروق .."طول الشوفة فيها " قلت لك دابا ولا ديالك لا داعي للجدال ..
فاروق .. "شاف فعبنبها مباشرة و تكرشخ بالضحك" هههههههههههههههههه ختي مليكة ماخداماش .. ختي مليكة عندها اهتمام واحد هو الاشباح و السحر و الجنون ..
ريماس .. "ضربات حنوكها" اويييلي عليااا انا لي نطلع من حفرة و نطيح فضحضيرة 🏃
فاروق .. هههههههههههه ماتخافيش ماغاتردكش جرانة ..
ريماس .. انا مانقدرش نعيش فهاذ الجو .. ديال الجنو و داكشي .. نخاف ..
فاروق .. ههخخخخهههههخه مانخافيش الجناح ديال محصن😂
ريماس .. واش كاطنز عليا ..؟
فاروق ... على فكرة .. انا ماكانئامنش بهاذشي دالجنون و السحر .. كنآمن بالمفطق فقط ..
ريماس .. الجن و السحر مذكور فالقرآن ..
فاروق .. واه واه ماتحاوليش تقنعي طبيب بالجنون ..!
ريماس .. على فكرة انا مكانحاةلش نقنعك .. نتا طبيب ..؟
فاروق .. الى بغيتي😊
ريماس ..تصبح على خير ..
فاروق .. "خرج من البيت و سدو" و نتي من اهلو ..
بعد ما خرج فاروق من الغرفة اتجهلت ريماس ديريكت لناموسية تخشات فيها و تغطات خذاتالتلفون و ركبات رقم هاجر لي كانت حافضاه طبعا ..لكن تفكرات بلي الليل هذاغاتكون ناعسة سجلاتو و حطات راسها على الوسادة .. فتحاات الفيسبوك ديالها لقات الغاراق ديال لي ميساج من هاجر و من اصدقاء آخرين .. رجعات كتشوف تصاورهم فالجامعة و فخداميهم .. طفات التيلي و بقات كتحصر على سنين عمرها لي ضاعو و لي مزال كيضيعو .. مسحات دموعها و غمضات عينيها بقات مغمضاهم و كنزة على روحها حتى داها نهاس ..... .....
فاروق .. احم .. انا قاد بشغلي و زايدون انا ماقلتش غاندخل فحياتها انا بغيت غير نعاونها ..
مليكة .. يا خووفي من هاذ المعاونة ..
فاروق ..اوكي بونوي ..
مليكة .. بااد نوي 😏
صباح جديد .. شميسة طلعات على راس ريماس لي كانت فسابع نومة .. فتحات عويناتها بشوية حتى قدات تفتحهم على وسعهم كاتشوف فانحاء الغرفة حتى تفكرات فين هي عاد تنفسات بارتياح رمات الفراش و ناضت للحمام غسلات وجهاو رجعات بدلات حوايجها بجينز و تيشرت احمر .. جمعات شعرها ذيل حصان مموج و خذات تليفونها اتصلات بهاجر ..
ريماس .. حتى انا توحشتك ماتخايليش قدااش انا فتركيا 😭😭ماعرفتش كيفاش حتى وصلت لهناا ..
هاجر .. ايولي علااش نتي ماشي مع جود ..؟
ريماس .. ااش غانقول الكلام كثييير و السكان احسن .. جود طلقني .. و تزوجت واحد اخر بلا مانعرف جابني لتركيا رماني و زااد جرا عليا .. و تلاقيت مع واحد المغربي الله يكثر خيرو هو لي مستاضفني عندو ..
هاجر .. اويييلي اااش هاذشي .. اش كاااتقولي نتي عاودي لي بالضيطاااس ..
ريماس .."عاودات ليها كولشي من الالف للياء " اوا دابا راني باركة عندو فالدار حتى يحن الله .. المشكلة ماعندي حتى ريال .. الحمد لله غير ملي لقيت وراقي فالفاليز كون راني متشردة فتركيا ..
هاجر.."عينيها سالو بتالدموع من لي سمعاتو" اويلي اش هاذشي .. بزاف عليك هاذشي اختي بزااف ..
ريماس .. الحمد لله على كل حال احبيبة .. الحمد لله
هاجر .. خصك ترجعي ضروري ..
ريماس .. كنقول لك ما عندي حتى رياال باش نرجع .. ماعرفتش شنو غاندير .. ولكن .. نجيك للصراحة مابقيتش قادة نرجع حتى لو كان عندي باش .. لاش غانرجع .. و لمن غانرجع .؟مابقى عندي حد ..
هاجر ..و انا .. انا شنو نسيتيني ..؟
ريماس .. نتي لي بقيتي ليا .. ولكن انا ديك البلاد و ديك البلاصة كاملة جابت ليا غير الخراب .. مكرهتش نرجع لفرانسا . عييت بزاف كثر ما تخايلي .
هاجر .. هاذ الهضرة ماعندي ما ندير بيها راكي معصبة دابا .. خصك ترجعي لهنااا ..ميمكنش تبقاي بوحدك ..
ريماس .. هاجر .. ماعنديش فلووس باش نرجع و ماعندييش فين نرجه .. واش مستوعبة ولا لا .؟
هاجر .. انا غانحاول .. نصيفط لك .. غانتسلف ..
ريماس .. اياااكي ديريها ماتكلفيش راسك على ودي .. نساي رجوعي هاذ المدة .. المهم اني دالا غانقدر نتواصل معاك و كوني هانية انا جالسة فدار ديال ناس مغاربة و هو للي أصر اني نجللس عندو .. يعني مارانيش بوحدي ..
هاجر .. اوكي .. اوكي المهم غانقدر نسمع صوتك و نطمئن عليك ..
ريماس ..اوكي يالله بااي تال شي شوية ..
هاجر .. اوكي ..
طفاات الفون .. حطاتو فجيبها و خرجات من البيت كاتدور فداك الجناح لي كان قدو قدااش .. فيه مسبح كيف قال لها مطل على ناحية تانية من المدينة لي كانت كااع كااع خضراا .. ضورات وجها بانت لها الكوزينة و مشات كتجري لثلاجة لي كانت قد البلاكار .. كي حلتها حلات معاها فمها الانواااع تالعصائرو و الشكلاط فتحال المجمد لقات اللحم لا داند اي حاجة ممكن تشهاها موجودة فديك الثلاجة ..خذات لا داند و جبدات مقلة خوات الزيت و قلاتو و قلات معاه فريت خذات الكولا من الثلاجة و نزلات على داكشي صرطاتو و غسلات الماعن جمعات الدنيااا و تحركات كاتنبش فالدار .. كاع البيوت دخلاتهم وكااانو فحال فحال تلفي بيناتهم مكين حتى فرق لا فالفراش ولا فالاتاث .. كولشي متشابه بالابيض و طابلويات يا فيهم الخيل ولا الحمام ولا البحر .. و التماثيل الاغريقية تا هوما معمرين كل بلاصة بخلاف الطابق التحتااني لي كان كيخلع ..
ريماس .. زعما شنو يكوون الفوق 👀..
جاها فضوول عجييييب شنو ممكن يكون الفوق .. دخلات للكوزينة شربات كاس تالماء بااارد و خذات نفس عميييق ..
ريماس .. شنو مزاال غايوقع ليك اريماس كثر من لي وقع .. مناش مزال خايفة .. زوجوك و طلقووك .."خانتها دمعة مسحاتها بالخف " و عاودو زوجوووك .. اغتصبووك و رماوك للشارع .. شنو مزال غايوقع كثر من هكذا .."شافت فجنابها " و زيدوون فاروق ولا شنو سماوه مكينش..
ضرباتها بجرية حتال الباب ديال الجناح كانت غاتراااجع ولكن غريزة الفضول المغربية لا تقااوم .. خرجات كاتسحب و طلعات فالدررووج لقات الباب ديال الطابق لاخر مترع .. دخلت منو و هي تنفض نفس المنضر لي التحت كلوووو مسبووغ بالاسود . فالحيط مطبوعين يدين بالدم .. و الحيط لاخر معلقين فيه ريوس حيوانات .. اما بااش مضوي بالشمع حيت ماكايدخلش ليه ضور سيدي ربي .. حتى السراجم سادااهم و مصبووغ زوجعن بالاسود .. البيبان التالبيوووك كااع مفتووحين بيبانهم و فينما طل فبيت تلقاه مفرش بالكحل .. و النمويساات من جلد الجيوانات ها الزيبراا .. ها النمر فينما طل فشي بيت كاتشدها البولة بالخلعة ماقدرات تدخل لحتى بين .. كاطل عليهم غا من الباب .. واخة كانت مخلووعة ماكاانش هامها .. كانت باغا تهرب من الماضي لي حاولات تطويه و ماقداتش .. كاتنحاول تشغل راسها باي حاجة باش ماتفكرش فلي فاات واخة كاانت هاذ الحااجة هي الخوف .. وصلات لاخر غرفة .. لي كاانت مسدودة و مرسوم عليها جمجمة بالاحمر و العضاام يعني علامة الخطر .. حطات يديها على البوااان و فتحات بشوية و يااارييييتها ما فتحاات كي فتحات الباب جمداات كاانت غاتسخف .. وجها بياااض بالخلعة سنانها ولاو كيقفقفوو عا بوحدهم اما عينيها فحال لا فحال لا فيكسيتيهم و منعتيهم يرمشو .. مجات فين تهرب حتى تكعبلات طايحة لداخل الغرفة .. و هنااا حسااات بالموووووت
مجات فين تهرب حتى تكعبلات طايحة لداخل الغرفة .. و هنااا حسااات بالموووووت ...
»»» مجات فين تهرب حتى تكعبلات طايحة داخل الغرفة .. كانت مليكة حسات بيها ولكن ميكاات .. خلاتها باش تشووف داكشي لي راهي جاية على ودو .. طلعات راسها بغات تشد فالحيط لقات ثلاثة تالقطوط كحلين ميتين و معلقين على الحيط نازل منهم الدم و الحيط لاخر بانو لها ثلاثة تالفرارج كحلين ومذبوحين و معلقين فالحيط ريوسهم مدليين و كيقطرو بالدم .. حسات بالدووخة و الرضاان ..بزز بااش ناضت من بلاصتها و كي دورات راسها بانت لها مليكة جالسة فالارض وسط مثلث عليه علامات و حروف .. و ضايرين بيها الشمووع .. كانت جالسة على ركابيها و كاتردد كلام مامفهوومش بصوت خاافت ..كان صوتها مغاير على داك الصوت الرقيق لي كانت سمعاتو من قبل .. بقات كاتشوف فيها و رجليها كيترعدو شعرها كان طاير مع الهوااء المعااكس ليها من النافذة .. ضورات راسها بان لها قط اسود و عينيه بيضيين كيدور على المثلث لي جالسة فيه مليكة .. حسات براسها غاطلقها فسروالها.. وخصوصا فاش شافت مليكة بدات فطقووس الفودو ... كانت شادة فيديها دمية و كاتاخد الدبابيس كاتخشيهم فيها و تاااضحك كانت فحاالة هيستيرية .. خلات ريماس غير كاتشوف فيها و و كترعععععد .. ما جات فين طلع مليكة وجها فاش حسات بريمااس حتى طااح قلبها بين رجليها و هي كاتشوفها قدامها وجهااا بيييض ما فيه قطرة ديال الدم و عينيها ساايل بيهم الدم .. و جنااب فمها كذلك بحال لا كاانت كاتفرس بناادم .. هنا ريمااس كااع القدرة ديال التحمل لي عندها فقداتها مابقااتش قادرة لي تفكر ولا تشوف بالخلعة ما حسات غير ب ضبابة كحلااا على وجها و طااحت مغمى عليها ...
« مليكة .. اكيد فضووول كينخركم عليها .. كانت عايشة فالمغرب بنيتة زويونة .. صغيرة واليديها ماتو و خلاو لها خوها صغيور بين يديها .. لكن خلاو لها حتى الورث و بما ان ماماها كانت تركية .. حتى هي خلات لها الورث ولكن ماشي فالمغرب فتركيا ..عاشت شهرين فالمغرب مع عائلة باباها بعد ما توفا فحاذث هو الام ديالها .. و فهاذ الشهرين تعرفات على الانسان لي بغاتو و حسات معاه بالآماانولكن فالاخير سلبها طهارتها اغتصبها و خذا لها فلوسها . هنا خذات خوها و اتجهات لتركيا و هنا داخلات مع ناس كايتعاملو بالسحر و تعمقات فيه حتى كفرااات .. ولات واشمة لحمها كاااع و كادير كااع طقووس السحرة بقات كاتعمق فالسحر الاسود حتى ولات عايشة بيه مرة كاتكون انسانة عادية و كاتهضر عادي مرة كاتولي تهتر و و تكلم غير بالطلاسيم و التعويدات ..فاش طلعات لتركيا باعت نص الورت ديال الام ديالها و شرات داك القصر بابخس تمن حيت كانو عليه خرافات انو مسكون و لي كيشريه مكيطولش فيه .... كانو كيقولو بلي تغتصباات فيه مراا من طرف بزااف ديال لرجاال و تقتلات و تدفنات فالجردة ديالو .. وبقات روحها معلقة فالداار لكن دااكشي كان غير كلام متدوااول اما اخر واحد باع القصر قال انو مضلم و جا فبلاثة خاوية و و الاصوات لي كيكوونو فيه بالليل ما هي إلا اصوات ديال الريح و الشجر حييت مكاينينش ديرو اخرين بجنبو ..اما مليكة ختارتو حيت كان منااسب لطبيعة الطقوس الإحتفالية لي كانت كادير .. حيت كان المطلووب هو مكان معزول .. مهجووور ..مغطيه السوااد..و فمنطقة الصخوور لي كيكونو حدا البحر و مابعيدش على المقاابر و هااذشي كلو لقاتو فهاذ القصر .. يعني كان اكثر من منااسب بالنسبة ليها ..
كانت كاتمارس هاذ الطقوس مع النااس لي عرفااتهم حتى ولات مغولة مكاتبغي تجمع مع حد من غير خوها فاروق لي اهتماات بيه و قرااتو حتى ولا طبيب بالرغم من انها كانت مضغوطة بسبب السحر لي كان واخد كل حياتها و كاتقلب بيه كيفاش تنتقم من الامسان لي دمر قلبها و حياتها.. و اغلب الاوقات كانت كادير هاذ الجلسات الاحتفالية ديال السحر الاسود لي كاتستدعي فيها الجن .. غير فوسط الليل او مع الوحدة تالنهار فقط هذا هو الوقت لي مسموح ليها بيه . فالليل دائما كايخص يكون القمر بدر ...و الجو مغمم .. الرعد و البرق يضربو فالسماا بعنف فهاذ الاوقات كيمكن لرواح الموتى يطلعوو للبشر و ميقد حتى حد يسيطر عليهم يعني فديك الوقت لي استدعاهم ممكن يضهرو ليه .. هاذشي حسب "عقيدة النكرومانسي" لي كانت كاتعبدها ماشي غير كاتآمن بيها .. طبعا بالطقووس المطلوبة لي هي إضاءة سحرية بالشموع ماشي اي اضااءة.. و طبعا االمكان لي كان مناسب لهاذ الطقوس هو ديك الغرفة لي طاحت فيها ريماس و داك المكان بالتحديد هو لي رسمات عليه المثلثات و الدوائر ..طبعا ماشي عشوائية و انما لكل دائرة او مثلث قياس و حروف معينة و كتكون معقدة فالرسم ديالها يعني ماشي غير اجي ورسم ..«ياخوفي نزيد نشرح تصدقو مجربين هاذشي😂😂🏃»....الما طقوس الفودو هي لي كيلجؤو ليها بزاف حيت ممكن يستعملو بدمية باش يعذبو انسان .. هاذشي طبعا كلو داخل فالسحر الاسود ....»
°°° ~~~~ °°°
ماعقلات ريماس من الضربة السودااء لي جااتها فعينيها غير من بعد ثلاثة اياام ..ماحساات لا شنو وقع فيهم ولا كيفاش ماعقلاتهمش.. ما فتحات عينيها حتال اليوم الثالث .. لقات راسها فالغرفة لي عطاها فاروق .. بقات كادور فعينيهاحتى استوعبات فين هي .. جات تنوض لقات فيجيها صيروم .. حيداتو و وقفات مشات ديريكت للبالكون فتحاتو و حيدات الخوامي كاملين يالله دخل شوية ديال الضو للبيت خرجات جلسات فالكرسي لي فالبالكون و حطات رجليها على الطبلة بقات جالسة كاتستنشق الهوااء و كاتعود كاااع الاحدات لي وقعو ليها .. تفكرات داكشي لي شافت و غمضات عينيها بالزربة .. بدات كاتفكر كوولشي دقة وحدة تنفضات من الكرسي و خرجات كتجري كاتقلب على فارة حتى لقاتو مشبح فوق فوتوي حدا البيسين ..
ريماس .. ف..فففااارووق ..
فاروق .. "قفز من بلاصتو و مشا عندها ..." ريمااس .. الحمد لله راكي بيخير ..
فاروق .. ههههمممم غانننقطعك انااا و ختيي غاتاااكلك😈
ريماس .. كاتاااكلوو حتى البشااار😱 لالا ماديروووهاش انا غانمشي و عمركم تشوفو وجهي ههءهءهءخ الله يخليك بعد مني ..
فاروق ... هههههههههههههههههههههههههههه واش نتي كل حاجة غاتيقيها .؟ انا ماغانخليكش تمشي حيت ماعندك فين تمشي و ما عندكش فلوس .. ولكن الى بغيتي تمشي و مصرة انا نعطيك فلوس و سيري .؟
ريماس .. "تنفسات بارتياح" لالا .. مانقدرش نشد من عندك فلوس و نمشي ..
فاروق .. و شنو نديرو ..؟
ريماس ..بعدات عليه و جلسات فالكنابي" ااوووف ماعرفتش .. لي عارفة هو ميمكنش نجلس فهاذ الدار بعد داكشي لي شفت ..
فاروق .."شد فمو" هخخخهه اش شفتي الجنووون😂😂
ريماس .. شووف هاذشي ماكيضحكووش فيه النااس .. بسم الله الرحمان الرحيم ..
فاروق .. هههخخههههههههههههههه و انا ماقلتش لك ماتوصلييش لدااك الطاابق .. بزز فكيتها مع مليكة ..
ريماس .. سمح ليا بزااف ولكن ما قدرتش .. الفضووول قتللللني ..ولكن و الله ثم والله مانبقى فهاذ الداار اويلي .. حمقة هاذي باش دير هاذ العجب فالبلاصة لي راهي عايشة فيها ..
فاروق .. احم احم ..
ريماس .. اووبس .. سمح لي ..
فاروق .. ههههههه خودي راحتك ماغانحاسبكش على الكلمة ..
ريماس .. ممكن نطلبك .. ؟
فاروق .. مرحبا ..
ريماس .. بغيت .. بغيت نخدم .. فاش ما كان .. انا مانهضر ب ثلاث لغات و نقدر نخدم فاي حاجة سكريتاريا فشي اوطيل ولا مطعم .. الاستقبال اي حاجة المهم نخدم ..و بغيت بلاصة نسكن فيها ..
فاروق .. "جلس حداها و حط يديه على ركابيها" اممم .. بلاصة تسكني فيها هي هاذي ..
ريماس .. قلت لك لا مستحيل نبقى مع ختك فالدار وحدة اويلي بغيتيني نحمااق .. البارح طحت ماعقلتش على راسي كي شفت داك المنضر ..
فاروق .."تشتت بالضحك" هههههههههههههههههه ههههههههههههههه ههههههههههههههههههههههههه البارح ..؟ ثلاث ايااام بلياليهم و نتي مغمى عليك .. و كل ليلة كاتبقاي تغوتي لكن مكاتفيقيش ..و حرارتك كانت طالعة بزاف جاب الله انا طبيب كون ضعتي من يدينا هههههه ..
ريماس .. هاااااء .. هاذشي كلوو ثلاث ايااام و انا فغيبوبة ولا مت ولا كيفااش اويلي و مزاال باغيني نبقى هناا لا نتا بصح هترتي ... لا انا ماغانبقاااش هنااا ..
فاروق .. "وقف بقى كيشوف فيها مدة و هب كادوي عاد مشا للكوزينا جاب بلاطة فبه الفطور " فطري .. خصك تاكلي مزيان ..
فاروق .. هاذ الهضرة مانقبلهاش .. شوفي ..انا عندي داري .. ابارطومون صغيرة على قدي .. ولكن المشكلة فيها تصليحات .. ممكن نديك ليها ولكن خصعا تكمل ..
ريماس .. كيفاش .. زعما نسكن معاك..؟😱
فاروق .. لالا انا مانقدرش نخلي مليكة .. نتي تسكني فيها و بالنسبة للخدمة كوني هانية .. انا خاصاني مساعدة .. و نتي كاتباني ليا ذكية يعني ىغاتعلمي دغياا .
ريماس ..بالمقارنة بالرجال لي عرفتهم .. انتاملاك فعلا ..
فاروق .. ههههههههههه اممم غير ماكاتعرفينيش ابب و ماتسريعيش فالحكم على شي حد عاد تعرفتي عليه ..
ريماس ..واخة تقول لي قلتي .. انا مطمئنة ليك .. شكرا بزاف ..
فاروق .. "ناض من حداها و اتجه لغرفتو" الى حسبتي شحال من مرة قلتي شكرا ماغاتبقايش تقوليها ..
ضحكات على خفة دمو و وجهو الدائم البشاشة .. الابتسامة مكاتفارقش وجهو .. بكلمة منو ممكن يبدد الخوف لي كانحس بيه عينيه كيقولو لها بلي كوولشي غايكون هو هذاك .. طلب منها مرة وحدة تعاود ليه قصتها ملي موافقاتش ماعاودش حكر .. خذات تيليفونها و دخلات لبيتها اتصلات بهاجر ياش تعاود لها اخر المستجدات ........
🌸🌸
كيف عادتو قيل اي اجتماع كايدخل للبيرو ديالو يشرب كافي نوار و يكمي كارو .. هاذ الايام لي فاتو كاع كان بالو فتركيا .. خلا عقلو مع الريماسة لي فلتها من يديه و بقى كيتفرح عليها ....
»»»»بعد ما سمعها خل وذنيها خلاها تمشي و هي حانية راسها الدموع فعينيها شلال .. شاف ديك النضرة النضرة لي بقات محفورة بين عينيه .. قلبو كان كيتجر وراه .. شفق عليها و على حالتها .. و عقلو كينهاه .. لكن كيف العادة عقلو لي كيتحكم .. خذا سبحتو كايستغفر الله لعلو يدلو على الطريق الصحيح .. تبعها حتال الباب تالقصر .. كايتسنى منها غير اشارة وحدة يقدر يسكت بيها عقلو .. بغاها غير دور .. تعاود تشووف فالقصر .. كان غايمشي لعندها و يرجعها .. يرجعها لدارها و يطلق صراحها .. ولكن .. هي كي خرجات من الباب ديال القصر ماعاوداتش تلفتات .. ..
تاج الدين .. شوفي هناا يا ماء المااس .. رجعي شووفي .. نضرة وحدة ..
فبقى كيشوف فضهرها .. كانت حانية راسها و مدلية كتافها .. باينة عليها مكسوورة .. محطووط علة ضهرها جبل ديال الهموم .. حس فديك اللحضة بدنائتو .. حس براسو كيفو كيف رحيم .. لكن سرعان ما جاو التبريرات لي كايحط بين عينيه .. الام ديالو .. و خوتو .. و حياتو لي قاسا فيها بسببو .... بعد ما اختفت ريماس من قدام عنيه دخل ديريكت للبيت يجمع حوايجو .. شاف جهة السرير .. تفكر كيفاش كانت بين يديه و مستسلمة بدوون ا ارادتها ..غمض عينيه بالم و جمع حوايجو بالزربة و انطلق ديريكت للمغرب ....««««««««
كمل قهوتو و دخل للاجتماع .. نفض كااع دوك الافكااار لي متعلقيين بريمااس و حاول يهتم بخدمتوو لي حس براسو مقصر فيها ..و فباالو حااجة وحدة عازم ينفذها ......
نفض كااع دوك الافكااار لي متعلقيين بريمااس و حاول يهتم بخدمتوو لي حس براسو مقصر فيها ..و فباالو حااجة وحدة عازم ينفذها و هي ينشى ريمااس و يحيدها من باالو نهائيا داكشي لي كان بااغي وصل ليه ماعندو علاياش يبقى يفكر ....
••••~~~••••
هاجر.. "هزات رتئد بين يديها كاتنعس كلتشطح فيه" رااائدووو يا ختي على الكبيدة ياا ختييي شكون كاايلوي
هاجر .. مشاااء الله تبارك الرحماان غادي و كاتنفخ البجغووط اممم ناكلك اناا نااكلك 😍..
يمن .." كان واقف وراها و كيشووف فيها " واش نتي هكذا كاتلعبي مع الوليدات ..؟ هذا دري ولا شيخة ..
هاجر .. "كرزات على سنانها و جاوباتو بلا مادور حيت هاذي هي عادتو لمدة شهرين و هو كاينتقد كل طريقة كاتعامل بيهامع رائد و كايجي فاوقات ماشي محددة على غفلة.."هاذي طريقتي و حيت هو وليد صغير كانلعب معاه فحال هكذا..💆 ياااك حبوووشي ..
يمن .. "جلس على الكنابي قدامها .." هاذ الطريقة مانفضلهاش مع ولدي .. باغير يطلع راجل بحال عمو .. ماشي شيخة ..
هاجر .."جلسات فوق كرسي و حطات رائد فوق حجرها .. و هو غا شاف باباه و بدا يتعلق باش يمشي لعندو" رائد حبيب تاتي ريح ..
يمن ..اريه .."مد لها يديه بلا ما ينوض "
هاجر.. "استغفرات الله فسرها و ناضت عطاتو ليه بنفاذ صبر " تفضل... احمم مكن نسولك ..؟
يمن .. الى كان شي سؤال ماكايخصكش بلاش منو ..؟
هاجر ... واش نتا ماعندك شغل ..؟
يمن .."خزر فيها .."/نعااام ..؟
هاجر .. ااا.. بغييت نقوول واش ماخدامش حيت نتا دون الآباء كاملين .. يعني ..نتا كاتجي كل ساع وقتما قالها لك راسك ..
هاجر .. ماشي هاذشي لي قصدت .. اوف صافي اوبلي .. انا غانمشي نشوف خدمتي ..اصلا مابقى ليا والو هنا
يمن .. جلسي .. كنتي شادة رائد .. انا غانمشي .."ناض و حط لها رائد بين يديها عاد باسو'' ااه انا خدام ماشي ماعندي شغل .. عندي ولد واحد و مكانطمئن حتى نشوفو بعيني 😉 اه ممكن تخبري المدسرة بلي غدا بغيت نلقاها كملات ليا إجراءات الانتقال ديال رائد ..؟
هاجر .. هااء اشمن انتقال .. علاش فين غاتديه ..
يمن .. غانحولو لحضانة قريبة ليا ..
هاجر .."شافت فيه بصدمة .. و عاودات شافت فرائد بحزن .." ااه مزيان ..
ضحك فوجهها و غمزها.. مشا خلا لها غير ريحتو .. ضحكتو من نهار شافتو تلفاتها .. عينيه .. وسامتو .. حروفو الكحلين .. فاش كايدوي كاتلف .. كاتحس براسها جالسة مع واحد عااامر ماشي برهوش..واخة كايعصبها حيت كينتقد اي حاجة دارتها ولكن كاتحس من جهتو بالانجذاب ..
هاجر .. دابا انا عمري غانعاود نشوفو 😢.."ضربات راسها بيديها "اويلي هبلتي السيد مزوج و نتي ريوقك ساايلين يعطيك غباارة .😡
بقات هكذا كادوي مع راسها و تنهر فيه و رائد كايشوف غيها كيفاش كلتحرك فمها و تغوت و ضرب راسها مات عليها بالضحك .. بقات مقابلاه غير هو حيت المديرة كلفاتها بيه غا هو ..حتى جات المديرة خبراتها بداكشي لي قال لها يمن الصقر ...
~~~•••••••••••~~~
دازو اياام و اسابيع شهرين بالحساااب .. بدات كاتسترجع فيهم راسها و قوتها .. ريماس بطبيعة شخصيتها قوية ولكن المشاكل لي مراات بيهم قادرين يهرسوو اي واحد كيف ما بغاا يكوون يكوون .. دوزات ايامها كاملين فالعيادة ديال فاروق خدامة معاك كمساعدة .. خدمتها كانت كاتقتصر فقط على تصاايب لو البيرو ولا القهوة .. تجيب لو الادوات لي خاصينو للكشف تااخد لي رونديفو دغيا تعودات و تأقلمات مع الخدمة و العيشة فتركيا و فديك الدار لي تقريبا نسات داكشي لي شافت فيها حيت كاتبقى فالخدمة هي و فاروق من 8 تالصباح حتال 8 تاعشية و فاش كايرجعو كايمشيو لريسطو يتعشاو فيه عاد يمشيو يللدار كاتطلع ديريكت لبيتها و فاروق كايمشي لعند ختو .. مليكة ماقربااتش لها نهائيا من اخر مرة حيت هي ماغاراضهاش تآديها و حتى فاروق قدريبردها من جهتها داك النهار باراكا عليها غير داكشي لي شافت ...كيف كل نهار كاتبدى نهارها بقهوى فخدمتها على ما يجيو الناس لي عندهم رونديفويات مع الطبيب ..
فاروق ..ريمي اجي لعندي دابا ..
ريماس ..اوكي دكتور .."حطلت الفون و مجات فين تنوض حتى حسات براسها مشى وجا غمضات عينيها و فتحاتهم عاد دخلات لعند فاروق " .. وي دوكتور ..
خرجات عيطات لاول واحد و جلسات فالبيرو ديالها خذات تليفونها مع اول رنة من هاجر لي ولات هي وياها كل الوقت على اتصال
خرجات عيطات لاول واحد و جلسات فالبيرو ديالها خذات تليفونها مع اول رنة من هاجر لي ولات هي وياها كل الوقت على اتصال ........
و بعد ما كمل اليوم ديالهم لي كان متعب .. رفضات فيه ريماس تاني تاكل كيف كلمرة مكاتبغيش تغداا ...خردو وداها لريسطو عمرهم مشاو ليه .. هاذ المرة خذاها تاكل مأكولات بحرية .. كي تحط البلا لي كختارت .. غير شافتو ناضت كاتجري كاتقلب على الحمام و فاروق تا هو تبعها وقف على الباب ديالالطواليط .. رضات ريماس كاع داكشي لي فجوفها حتى حسات بعينيها خرجو ......
ريماس .. "غسلات وجها و شافت فالمراية " ااااخ يا ربي اش هااذشي .. "بدات كادور فوجها قدام المراية .." ويلي على وجهي كيف ولا .. الله يا ربي الله "بعدات على المراية و بدات كتسوف فجسمها .." بصح رقاقيت بزااف👀.. ويلي ..
خرجات بعد ما نشفات وجها مزيان لقات فاروق واقف قدام الباب ..
فاروق .. "طار عليها شد فيديها و كايقيس فوجها " مالك اش وقع ليك ياك لبااس ..؟
ريماس .. والو .. ماشي شي حاجة .. غير رديت ..
فاروق .. "خزر فيها " غانرجعو دابا للعيادة و غندوز ليك ..
فاروق .. بطبيعة الحال غدااا غاتقولي لب بكل بساااطة اووو انا بخير ما بيا والو انووضي من القوالب ..
ريماس .. بروووميس .. غير خلينا نمشيو دابا عياانة بزااف و الله و زيدون هاذي اول مرة كانتقيا غايكوون غير من العياا ..
فاروق .. زيدي قدامي ... بفف ..
فاروق مكانش مرتاح ولا حتى هي حااسة براسها ماشي على برجها الطريق كلها و هي حاطى راسها و ناعسة حتى وصلو .. كي فتح فاروق الباب ديال الدار لاول مرة لقاو مليكة واقة فوجهم ..
مليكة .. يا هلا ويامرحباا ..
ريماس .."بدون شعور شدات فدراع فاروق .. "
فاروق .. ماتخافيش .. ماغاتاكلكش هههههههههه ا
مليكة .."فردات يديها .." اجي .. بغيت ندوي معاك ..
ريماس .. هاا ...."جمعات يديها لعندها ..
مليكة .. اووه ريماس .. مالك مخلوعة لهاذ الدرجة .. اجي بغيت ندوي معاك .. "شافت ف فاروق ''بوحدنا ..
فاروق .. مليييكة🙄 ..
مليكة .. ماتخافش عليها انا ختك ماشي مصاص دماء ولا زومبي ..😒 .. سير بدل عليك ..
ريماس .. انا عيانة ..
مليكة .. و انا بغيت نتعرف عليك اكثر ..
ريماس .. "ماحباتش تحرجها".. امم واخة ..
فاروق .. متأكدة ..؟
ريماس .. واه غير سير انا غانبقى شوية و نطلع .."ابتسمات ليه ..و مشات مع مليكة ."
طلع فاروق و خلاهم جلسو فالصالون لي كان أثاتو قديم و اسود و مضوي بالشموع و فيوزات صغار ..
مليكة .."مدات يديها حطاتها على كرش ريماس" فخبارك كنت حاملة .. شحال هاذي ..
مليكة .."تشنجاات و زيرات على فكها" ماشي رحيم...كاتفهمي .. ماااااشيييي رحييييييييييم
ريماس .. هاا ..؟ علاش كاتغوتي ش..ششنو وقع ..؟
مليكة .. ماتعاودييش تنطقي هاذ الاسم قداامي .. و الا ماتلومي غير راسك ..
ريماس .. 😳😳😳😳
مليكة .. سيري تنعسي ..
ريماس .. و..وواخة ..
طلعات ريماس كاتجري و تعكل فجلايلها و مليكة حاضياها من الور و كاتنفخ فالسيكار ديالها .. .. دخلات للجناح الابيض كيف سماتو و رمات راسها فوق اول فوتوي بان لها ..
ريماس .. حمقة .. و الله تا حمقة مافيهاااش .. زيرو عقل .. ويلي ضريفة و قاصحة و الحمااق هذا .. اووف .. "حطات يدها على صدرها كاتنعل الشيطان .. فاش كاتشوف ملاك كاتحس براسها فحال لا شافت جن .. مشات ديريكت بدلات عليها لبسات بيجامة سخونة ديال القطن و مشات للثلاحة بانت لها حلوى فيها الكريم شونتي و الفخومبواز .. هزاتها و هزات معاها عصير ديال الخوخ .. كلات و تبننات مزيااان و مشات لبيتها غطساات فساابع نومة ..
فاروق .. "قبط لها فيديها" تاكدي واش غانبقى ديما بجنبك و غانساندك سواء بغيتي تعاودي ليا على حياتك و لا لا .. كوني اكيدة ماغانتخلاش عليك .. و ليتي مهمة بزااف بالنسبة ليا ..
ريماس .. " سحبات يديها من بين يديه بلباقة'' شكرا بزاف .. كنت داءما كانتمنى يدون عندي اخ كبير .. و هاهو ربي استجاب ليا ..☺
فاروق .."جمع الابتسامة لي كانت على وجهو" احم .. خصك ترتاحي .. بلاش الخدمة هاذ الايام ..خصك تجلسي فالدار ..
ريماس .. دار لا .. لا ميمكنش نجلس بوحدي ..
فاروق ..ماتخافيش .. من غدا غانديك لداري ..
ريماس .. "ابتسمات ليه بحنان" شكرا بزاف ماعرفتش باش غانرجع لك هاذ الخير لي كادير معايا ..
ريماس .. "حطات يدها على كرشها و عاودو دمعو عينيها" لمن غانقولها يا ربي .. ماغايهمووش 😭😭.. اااخ يا ربي .. انا خصني نشووف حل .. خصني نزلو ضروري .. ضرووري ..نتا خصك تعااوني .. ضروري
فاروق .."خزر فيها" اولا انا ماشي قتال . ماغانقتل روح ..تانيا هاذشي فيه خطر على حياتك ..كاتفهمي ..
ريماس .. مستحيل نحتفض بيه ..مستحيل ..
فاروق .. شنو ذنبو هو الى نتي ماختاريتيش ليه الانسان المناسب باش يكون باه ها ..؟
ريماس .. مااا ختااااااريتش هءههءهء ماختاااريتش ..
فاروق .. شوووت صافي .. نوضي نميو للدار دابا خصك ترتاحي باش تفكري شنو غاديري من بعد ماخصكش تسرعي و تآدي راسك ..
ريماس .. غانشي لطواليط ..
اتجهات للطواليط و قلبها كاينزف دمقالو لك ما قدو فيل زاادوه فيلة .. ماحيلتها للفاات و الطريقة بااش تزوجات و تهرسااات زوج خطرااات ما حيلتها لهاذشي لي فكرشها لي كاعرفاتووش لاش جاا .. عاد قدرات تولي ذبيعية من بعد داكشي لي وقع ليها .. دخلات للطواليط و سدات عليها وقفات قدام المراية كاتشوف فراسها ..
..ريماس .. علاااش اناا .. علااش يا ربي . شنو درت فحياتي حتى وصلت لهااذ الحااالة ااااخ ياي ماما طلي عليااا مشيتي و خليتيني لا حنين لا رحيم .. يا ربي اش درت انا حتى وقع ليا هاذشس هءههءهءهء .. عييييت .. عيييت و قلبي ماابقااش قاادر يهز كثر .. ههءهءهء "ضربات فكرشها بقبضة يدها" علاااش متااا .. شكووون قال لك ااااجي .لفيييين غاتجي ههءهءههء شنووو دررررت انااا حتى نستاااهل هااذشي هخءخءهءء يااا ربي عاوني يااا ربي "جلسات فوق لا شاس و شدات فراسها" ماغانخلييكش .. ماعندك فين تجي .. مااااعندك لااش تجيييييي😭😭
ناضت و مشت لافابو غسلات وجها و و رجعات لعند فاروق لقاتو جالس كايتسناها و هاز فيدو المونطو ديالها لبسو ليها و مد لها صاكها ..
فاروق .. مامشهياش شي حاجة ..؟
ريماس .."ابتسمات ليه" لا .. بغيت نمشي لدار ..
فاروق .. اوكي ..
و داكشي لي كان وصلها للدار حطها قدام الباي و رجع لخدمتو .. دخلات كاترعد للقصر لقات مليكة جالسة فالصالون و كاتكمي فالسيكار..
ريماس .."رجعات للور بخوف " كك..كيفاش تا كاتعرفي هاذشي المرة لي فاتت لمحتي ليا .. نتي عرفتي قبل مني ..
مليكة .. ههههههههه شفتي من النهااار لي حطيتي فيه رجلك هناا كنت عارفة .. تبعت مع الجنين يوم بيوم .. كانعرف كيفاش دوز نهارو .. و هاذي حاااجة ديقاات عليا بزاااف ..حيت كانحس بيه بلا مانبغي .. عندو قوة غريبة كاتجرني ..
ريماس ."خلعوها عينيها لي في سااع ولاو كي نقطة ديال الدم و وسط منها نقطة كحلا " .. ووو وااخة
مليكة .. ماتبقايش ترعدي كاديروونجيني ..
ريماس .."كاتحاول تستجمع راسها" واخة .
جلسات حداا مليكة لي شعلات تلفازة كان برنامج على الاشباح و السحر .. بقات كاتفرح معاها حتى داتها عينها .. وبدات كاتشوف شي حوايج فالتلفازة .. خلاوها تقفز من الغفوة ... حلمات انها فنفس البلاصة لي جالسة فيها هي و مليكة و كاتفرج معاها فالتلفازة حتى بان لها تاج الدين واقف قدامها و كيشوووف فيها شوية جات بنية صغيرة آية فالجمال .. شعرها طويل و و لونو فحال ديال
ريماس .. ..جلس قدامها تاج الدين على ركابيه باس لها يدها و وقف ..قبط لها غيديها و بداو كيقربو اريمااس حتى نااضت مفزززعة و غوتات بالجهد .. بدات كاتشوف فجنابها
مليكة .."شافت فيها بهدوء" عرفتي دابا علاش قلت لك ماغاتنزلش ..
مليكة .. مي متعلقة بيه بزاف .. و هاذشي غاتعرفيه من بعد ..
ريماس .. شكون هي .. و شكون هو ..😳😳
مليكة .. هي بنتك .. و هو 😉 لي شفتيه دابا ..
ريماس ..نتي .. بب..ب باش عرفتيني باش كنت كانحلم ..؟
مليكة .. و شكون قال لك كنتي كاتحلمي ..
ريماس .. هاا😳 ..
قبل ما تكلم مليكة سدات ريماس ودنيها و طلعات كاتجري لبيتها .. كاترررعد بالخلعة فكل لقاء مع مليكة كاتبغي تحمااق .. حسات بالمطاارق فرااسها كاقداتش تستوعب كيفاش حتى عرفات بالحمل كيفاش عرفات باش حلمات ولات كاتحس بيها داخلة وسك منها خدات الملجأ الوحيد ديالها لي هو تيليفونها اتصلات بهاجر عاودات لها كاع داكشي لي وقع لها و هاجر بطبيعة الحال اصرت عليها ترجع للمغرب لكن هي محكمة رأيها انها ماعندها مادير تما ...بعد ما كملات مكالمتها حسات بشوية تالراحة و حطات راسها نعسااات ..
رفيقة دربي انت ايتهاااا الآه الى متى ستبقين سجينة حنجرتي ؟... تؤلمينني .. تزرعين انياابك بين اورقة اسراري....كفاك تعذيبي فقد اطفأت شمعة عمري ومحوت البسمة من ذاكرتي ...الا ترين ان حالي سقم وعيني ذبلت !!...
ماذا ذهاك ترافقين مجرى دمي
وتنخرين بين الظلوع ؟
سئمتك اتركيني وشأني...فقد دفن نبلي ومصداقيتي ....
كفى تعذيباا ياا قلبا من حجر..!!
ألم تكتفي برسم شفاه تبتسم ...وافواه ترني النغم..؟....امسيت ودمعتي تجرح مقلتي ...وضحكتي تسرح في خلجاات فؤادي تبحث عن مفر ..اجيبيني ايتها المتوحشة...؟..مابك تقدفين اجنحة سفينتي..وتقتلعين الشراع؟؟...اسير في مركب من ورود تحتضر ....أخبريني هل يحق لك اقتلاع الفرح من رووح طفل ؟؟
…………
«ريماس» .... بعد ما يئست عشت كل يوم بيومو .. .. خليتها فيد ربي يتحكم فيها واعدت نفسي بقى قوية ..قوى من الصخر .. واعدت عيني ماتنزل منها ولا دمعة ..واعدت قلبي نحجرو و مايحن لاي مخلوق كان ..ابتسامتي ولات قليلة .. لكن على الاقل موجومة ..يمكن تكون حياتي تدمرا بسبب ناس ماعندي بيهم حتى علاقة .. لكن حتى انا كانت عندي يد فهاذ الدماار.. انا لي عاونتهمباش يستغلوني .. يمكن كنت نية اكثر من اللازم حتى تزوجت جود .. جود لي حاول يغتصبني و انا صغيرة .. و انا لي عطيتو فرصة بضعفي .. وقلة حيلتي ..اما الثااني انا عطيتو فرصة بغبائي.. لكن قلة حيلتي كانت موجودة حتى فزواجي منو ..الزواج لي ماعرفتووش كيفاش تم .. الزواج لي خلاني نولي وحدى اخرى .. هشة و قلبها مكسور .. عينيها مكيجفووش من الدموع .. لكن دابا .. وليت وحدة اخرى .. و بالسيف حتى وصلت لهاذ الدرجة تالرضى عن النفس ... تقاتلت مع الحزن لي كان فقلبي واخة كاان اقوى مني .. و خرجتوو .. خليت بلاصتو حجر متصلب .. حتى الحمل لي هرسني اكثر بيه قدرت نقوى ..حاولت بكل الطرق نزلو و نتخلص منو .. كليت اعشااب و حوايج ضارة .. و مع ذلك ماوقع ليه والو .. طحت من الدىوج و ماتأداش .. هنا عرفت واش هاذي هي فرصتي الثانية .. فرصة حياتي ..لي بيها غانعيش و نكمل .. مع كل يوم كانت كاتكبر .. كنت كانحس بيها فداخلي .. كاتحرك .. و كانهضر معاها .. كانعيش معاها تفاصيل يومي كاامل ..عشت معاها تسع شهور بالتمام .. بايامها و لياليها و كا نهار كايكبر حبي ليها مع كبر اصرارها على البقاء ..كنت كانحس بيها كاتنفس و كاتحرك .. وفاش تزادت .. تغرمت بيها من اول نضرة فعينيها الخوضر .. اول لمسة .. اول قبلة .. جمالها مكانش منو زوج .. عينيها سحرهم خلاب .. حتى الممرضات و الطبيب تغرمو بيها كي شافوها ..تقاسيم وجهها ..شعرها الذهبي .. شفايفها حبات الكرز .. كل حاجة فيها كانت تاتخلي الانسان مسلوب ليها .. .. كيف شفتها قلت عليها هاذيةهي 🌸 شغف 🌸 حيت بعد ما كنت باغا نزلها .. فاش ولدتها كنت كانلوم راسي حست فكرت فيوم من الايام نقتل قطعة من روحي و قلبي ..لي ولات هي حياتي كااملة و عشقي الا منتهي .. ..و سنة بعد سنة كايزيد حبي ليها و خوفي عليها من نقطة التميز لي كانت فعينيها و خطوط كف يدها ..فاش كبرات و وصلات لست سنين عاد زاد خوفي عليها .. كانخاف بمجرد التفكير انها الى غابت عن عيني غاتوقع لها شي حاجة ..
……
ريماس ....."كاتمشط لها شعرها" شغف اليوم الاول ليك فالمدرسة ردي البال لراسك
شدات فيد فاروق بالزعافة و مشات معاه يوصلها للمدرسة .. هو الوحيد لي تقدر تيق فيه و تسلمو بنتها .. بقات كاتشوف فيهم حتى خرجو .. و رجعات بيها الذااكرة لست سنين لور ..
^^فلاش باااااااااك^^
ماملاتش من كل مرة كاتمشي فيها للفيلا ديالو و هي حاملة .... كانت باغا توصل ليه باي طريقة تخبرو بلي راهي حاملة ببنتو .. لكن كل مرة كانو الخدم كيصدوها من الباب .. و اخر مرة .. الخدامة تكلمات معاها بصحيح العبارة ...
الخدامة .. شوفي اختي .. انا بقيتي فيا .. مثقلة و كاتجي كل يوم بلا ما تملي .. هاذ الشحوطة رافضين يوصلو لسي تاج دين بلي كاتسولي عليه و حذروني اني نقولها لو .. ولكن ماقدرتش البارح بالليل ..اتصلت بيه و قلت ليه بلي ماتسول خليك وحدة اسمها ريماس .. و راهي حاملة و كاتقلب عليك على ود البيبي لي فكرشها ولدك .. كيف ما قلتي لي المرة لي فاتت .. ولكن ...
ريماس .. ولكن اشنو ..؟
الخدامة .. قال لي .. بلي مكايعرفش شي وحدة باسم ريماس .. و قالي نقول لك سيري قلبي على بات داكشي لي فكرشك بعيد عليه هو ماخاصينوش مشاكل باش يزيدك حتى نتي فالحساب ... هاذشي قالو لي بالحرف.. و سمحي ليا ..
رتبات على كتفها قبل ما تمشي و تخلي ريماس واقفة مصدومة و عينيها دايزين بالدموع ..
كانت حامل فشهرها الثامن ..كاتحس براسها تشمتات .. مصدومة .. و قلبها كيتقطععع كانت باغا منو حاجة وحدة ..ان البنت تسجل باسمو فاش تزااد فقط .. تكون حاملة اسم باها كيف كاع الولاد ..و ماكانتش باغا تخبي عليه انو غايولي اب .. كانت متأملة خير .. لكن خاب ضنها ...
.. كانت متأملة خير .. لكن خاب ضنها .... امااا تاج الدين ..كانت الخدامة كاتحاول توصل ليه باي طريقة باش تخبرو حيت بقات فيها ريماس لي كاتمشي كل نهار بدوون ملل ..مع ان الخدم لاخرين منعوها تخبرو لكن كانت كاتقدر توصل ليه فكل مرة كاتجي ريماس .....
الخادمة .."بعد ما طمنات ريماس انها غاتخبرو دخلات لبيتها و خدات تليفونها و اتصلات بيه " الو .. سي تاج الدين ..
تاج الدين .. بفف عاوتاني نتي ..!
الخادمة .. سيدي .. ديك السيدة لي كاتجي تسول عليك كل مرة ..جات اليوم .. و راهي حاملة بصح كرشها بينة بزاف
تاج الدين .."كرز على يديه" واش غير لي قالت لكم انا حاملة من السيد تصدقوها ولا كيفاش .. شووفي .. مانعاودش نسمع ولا كلمة عليها ..مفهوووم ..
الخدامة .. ولكن اسيدي ..هاذ المرا ماي اي وحدة ..انا شفتها فاش جبتيها .. و شفتها فاش خرجات من الفيلا .. ماشي اول مرة كانشوفها ..
تاج الدين .. ومن بعد ..؟ واش باغية تخرجي على خدمتك ..
الخادمة .. لا اسيدي ..
تاج الدين ..اوا الى جات هاذ المرة قولي لها تمشي تقلب على بات داكشي لي فكرشها حيت انا ماشي اي واحد غايرمي عليا بلاه .. و انتي الى عاودتي مرة اخرى اتصلتي بيا .. نساي انك خدامة عندي ..
طفى عليها التيلي من بعد هاذ الهضرة و رماه على الحيط حتى تشتت ... شعلات فيه عافية .. باغي يشوفها .. ولو مرة اخرى ..من بعد اخر مرة شافها .... مع انو واعد راسو انو غاينساها ماقدرش .. كان باغي يشوفها ولو مرة اخرة .. يشوف عينيها .. لكن ضغط على راسو .. حيت بالنسبة ليه هي بنت رحيم . لي دمر حياتو .. و كان السبب فموت واليديه ... الشخص لي بسبابو تيتم و تعذب .. شاف مو كاتغتصب و فلووس بااه كايتمتع بيهم هو وبنتوو .. نساها ..او حاول ينساها كل ما كيتفكر هاذشي لي دار باها .. لكن .. بصدفة .. من بعد شهرين من لي خرجات من الفيلا ديالو و هو رجع للمغرب .. عشق سالات شغلها و هو كان مواعدها انو يديها فعطلة لتركيا .. كيف واعدها وفى و فيوم خرجها تعاو على برا لكن قبل ما يدخلو للمطعم .. بانت ليه من بعيد ريماس نازلة من الاوطو هي و فاروق .. شافها غير هي فحال لا قلبو علو باش يهز راسو و يشووفها .. حاول يشوف وجه لي كان معاها لكن ما قدرش كان عاطيه بالزهر فهاذ اللحظة .. زاد كرها حيت .. كان يصحاب ليه هزات حوايجها و رجعات لبلادها .. لكن هاهي من بعد شهر .. قدامو .. فتركيا و مع راجل اخر و هي مزوجة بيه .. كانغايدخل وراها يجرها من شعرها لكن تفكر بلي قرر يرميها وراه ...واخة مكانش لخاطرو يفكر فيها .. كايصااارع كل نهار بااش مايتفكرش شنو وقع بيناتهم .. ماكرهاش تكون بين يديه كل نهار لكن سحابة رحيم لي كااتجيه قدام عينيه كل نهار ما قدرش يتجاهلهااا .. فاش قالت ليه الخدامة بلي سولات عليه قلبو قفز من بلاصتو .. لكن ... بمجرد ما قالت ليه بلي راهي حاملة .. اسودت الدنيا فوجهو .. كيفاش حاملة و كيفاش عندها الجرئة تقولها ليه و تنسب داكشي لي فكرشها ليه هو و هيكاتعرف واحد ااخر .. يعلم الله واش غير واحد ولا دايراهم كليان .. هاذشي لي قال ليه راااسو.. كل لي جاه فبالو انها بنت رحيم اذا راهي خبيثة .. مابالك هو شافها بعينيه .. ماقدرش يكذب عينيه حيت شافها كاضحك و كاتهضر عادي .. و فديك اللحظة تاكد بلي راهي ابنة ابيها خصوصا نوو سمع عليها بلي كانت متعلقة بيه بزاااف .. اكيد علمها شوية من خبثو و شرو .. داكشي علاش قرر يعطيها القرطاس من بعيييد و بلا ما يعدب راسو يشوفها ولا حتى يخليها تقولها ليه فوجهو .. .. ..
.... بعد ما دوات معاها الخدامة اخر مرة مشات منهارة ماقاداش تهز الراس ..فاش سمعات داك الكلام .. حسات براسها وحدة رخيصة كاتقلب فين تلسق و تلسق داكشي لي فكرشها ..جلسات مع راسها داك النهار وخدات قرار انها غاتحسن حياتها .. و كانت هاذيك هي بداية كفاحها .. فاش ولدات بنتها سجلاتها باسمها واخة مكانتش باغا هاذ القضية ولكن هي الحل الوحيد لي عندها .. من بعد ما ولدات رجعات خدمات مع فاروق لي عاونها كثر من اي واحد دائما كان واقف بجنبها و كيحميها .. لدرجة خلا ليها دارو حيت كاتخلع من دار ملك .. دار على ودها كولشي .. و كان مستعد يدير اكثر حيت الشوفة فعينيها بالنسبة ليه هي كولشي ..
كان كايمتع راسو عليها فاش قالت ليه مزوجة لكن مقدرش يمنع راسو يحس بالاعجاب من ناحيتها ... بعد مدة من خدمتها مع فاروق بالصدفة شي نهار دخل للبيرو ديالها حتى كيلقاها راسمة على دفتر مجموعة من التصاميم .. وقت ما كانت جالسة مكادير والو كاتبقى ترسم .. قلب كاع المراق و تبهر برسمها.. لي كان دقيق و كلووو فن .. من تما اصر عليها انها تاخدو كمهنة .. لكن للاسف فينما كلتمشي لشي شركة كايفولو لها اري الديبلوم .. و هذاك هو لي ماعندهاش .. هنا قرر فاروق انو يدخلها لمدرسة ديال التصميم .. لكن طبعا هي رفضات و قررات تبقى معاه فالخدمة حتى تجمع فلوس الكورسات و داكشي لي كان بقات خدامة مع فاروق و .. و بنتها كانت كاتخليها فحضانة عند مرا كبيرة مصرية كانت هاذيك هي خدمتها فتركية كاتشد الدراري غير فدارها كانت هي الوحيدة لي كاتق تخلي عندها بنتها حيت حنينة و كاتشوف تعاملها مع الكل كيف داير .. بعد ما دازو عامين من الخدمة مع فاروق بدات كاتنمي ذاتها و تلملم جرحها .. بدات كاتقوى و خصوصا ببنتها .. لي كانت غير الشوفة فعينيها كاتحسسها بلي راه الحياة مزالة قدامها .. غاتعيشها ليها و لبنتها .. بعد هاذ العامين قدرات توفر شوية تالفلوس دخلات بيهم لمدرسة كتاخد كورسات و فنفس الوقت مزالة خدامو مع فاروق .. استمرت الدروس ثلاث سنوات كاملة .. حتى وصلات شغف للخامسة ..كانت ماشي فحال كاع الوليدات ..ذكية لدرجة كبيرة .. خصوصا فالرياضيات .. كاتقدر تحسب اعداد كبيرة بلا ماتاخد فيهم وقت كثير .. ماتلعب بالحروف و الارقام فقط .. ماكاينينش لا لعب ولا دباديب اغلب الوقت كاتلقاها شادة الطابليت ديالها و كاتلعب بالعمليات الحسابية .. ذكية بشكل خلاهم يستغربو .. و التعامل معاها صعيب بزاف ماشي اجتماعية .. دغيا كاتخرج عنيهاكانوالدراري كايتشكاو منها فالحضانة .. يا ويلو لي يقرب لشي حاجة ديالتها تقدر توصل حتال الضرب و اخر واحد تعصبات عليه خلاتو كلو مطبع بالعضااان و القميييش .. ماعندهاش مع البراهش كاتفاهم الاكثرية مع الكبار و خصوصا ماماها ....
باقة حب لا تذبل الجزء الخامس (الفصل الثاني)
محتوى القصة
التنقل بين الأجزاء