باقة حب لا تذبل الجزء السادس

من بعد ثلاث سنوات ديال قراية الستيليزم قدرات تاخد ديبلوم ديالها و ضبرات على خدمة فشركة ديال شي مغربي كمصممة عجباتهم خدمتها و ولات من المصممات االمهمات عندهمو بهاذ العام ديال الخدمة قدرات تكون راسها .. فرحانة فخدمتها و بحياتها الجديدة فاتحها فاروق مرار فموضوف الطلاق باش تقدم دعوى بالخلع لكن هي دائما كانت كاترفض حيت ماكانتش باغا تمشي للمغرب .. كان جوابها الوحيد خو «انا مكانفكرش نتزوج مرة اخرة باش نطلب الطلاق» .. حاول معاها حتى عيااا و خلاها عى خاطرها .. ..

......

#الآن

ريماس .."جالسة فالبيرو ديالها بكل اناقة خدامة على الكوليكشن الجديدة لي جاتهم حتى دخل عليها المدير .." 

المدير..لالة ريماس .. 

ريماس .."وقفات احتراما ليه" مسيو البشير تفضل ..

البشير .."بابتسامة عريضة " كيف راكي عارفة كنا دايرين اجتماع دابا ديال اعضاء الادارة دالشركة ...

ريماس .. وي مسيو .. 

البشير .. المهم قررنا نقلو الفرع الكبير ديال الشركة للمغرب ..

ريماس ..ااه .. 

البشير .. ماكرهناش انك تلتحقي بالعمل تما ...

ريناس .." فحال لا خوا عليها ما باارد" .. ولكن .. انا حياتي .. هنا و بنتي كاتقرى هنا .. 

البشير .. انا عارف هاذشي كامل .ولكن .. انا بغيت نقول لك بلي هنا فتركيا غايبقى غير فرع صغير مافيهش مصممين فقط محلات ف اسطمبول و الفرع غاتكون فيه غير الادارة و المالية .. داكشي علاش بغيتك تلتحقي للفرع الكبير .. زائد نتي غاتكوني فبلادك و انا ابدا مامستغنيش عليك نتي من المصممات الماهرات عندي .. 

ريماس .."صباع يديها عرقو" ولكن .. انا ميمكنش ليا نمشي للمغرب ..

البشير .. بنتي .. انا جيت و دويت معاك بنفسي .. كانتمنى ماتحشمينيش ...

ريماس .. خلي ليا شوية تالوقت نفكر..

البشير .. خودي وقتك..

سلم عليها و خرج خلاها شداتها رعدة خفيفة فعضامها سيرة المغرب كاتخلعها على لي داز عليها فيه .. نزلات لكافيتيريا شربات قهوة و هي كادرب اخماس فاسداس ..هذات الفون ديالها و اتصلات برفيقة دربها لي مانساتهاش هاذ الست سنين كاملة ...

ريماس .. جوجو ..

هاجر .. افيين .. 

ريماس .. شو الاخبار ..

هاجر ...صافا و نتي .. شغوفة كيفها ..

ريماس .. صافا اليوم الاول عندها بالمدرسة راهي طايرة بالفرحة ..

هاجر .. هههه الله يخليها ليك ..

ريماس ..امييين .. و نتي كيف راكي مع الخدمة .. 

هاجر .. صافا . راكي عارفة البراهيش .. غير الصداع و صافي ..

ريماس .. بغيت ياختي غا نعرف دوك الديبلومات لي شديتي لاش ملي نتي غاتخدمي فروض ..

هاجر .. ان كنت في المغرب فلا تستغرب ..

ريماس .. ماكادفعيش تا نتي ل ليكونكور ..

هاجر .. مؤخرا دفعت لواحد الشركة .. راني كانتسنى خير انشاء الله ..

ريماس .. اوا على الله ..

هاجر .. اوا .. و نتي الخدمة سا ماغش .. كي داير التتيز ديالك ..

ريماس .. هاجر .. قولي اعوذ بالله السيد راه فحال خويا ..

هاجر .. غا بغيت نشد فك .. ولكن هو ماكايعتبركش ختو😂

ريماس ..الخدمة ديالي غاتحول للمغرب و بغاوني نتحول معاهم ..

هاجر ..."نقزات بالفرحة" بصااح اووووه و اخييييرا ...اخيسيرا غاترحعييييي.

ريماس .. مزال ما قررت واش نرجع ولا لا ..😒

هاجر .."جمعات الضحكة" دابا نتي تال ايمتا غاتبقاي هكذا تال ايمتا غاتبقاي هربانة .. ايمتا ناوية ترجعي راه بلادك هاذي اصاحبتي ماتعيقيش ..

ريماس .. انا ماهرباناش ... انا ماقاداش نعيش نفس لي عشتو شحال هاذي ..

هاجر .. واش نتي مزالة ريماس ديال شحال هادي ..؟ هاذ السنين كاع ما بدلو فيك تا خرية ..؟ واش باقة نتي هي ديك البنت ديال عشرين عام ..؟

ريماس .. لا .. تبدلت بزااااف 

هاجر .. هانتي قلتيها .. راه سبع سنين هاذي اريماس ..... ولات عندك 26 عاميعني راك كبرتي و بدلتي بزاف تالحوايج اولهم حياتك .. و الخدمة ديالك .. واش مستعدة تخسري هاذشي لي ضليتي كاتبني فيه ..؟

ريماس .. هاذي هي المشكلة هاذ الشركة عام هاذي و انا خدامة معاهم .. ولفت الخدمة و صعيب نلقى خدمة بنفس الخلصة . ..

هاجر .. و شنو مزالة كاديري .. فاش كاتفكري جمعي باليزتك و تقلعي لبلادك ..

ريماس ..بففف .. شغف ولفات هنا ..

هاجر .. شغف مزالة صغيرة دغيا غاتأقلم..

ريماس .. دابا نشوف ..

هاجر .. الله يقدم لي فيه الخير ..

ريماس .. لك بالمثل حبيبة .. 

كملات الاتصال ديالها و طلعات للبيرو ديالها كملات الخدمة و مشات للدار صايبات الغدااا لشغف و دارت بحساب فاروق حتى هو يتغدا معاهم صايبات لهم كاع داكشي لي كيعجبهم و جلسات كاتسنااهم ..نقزاات من الكناابي فاش سمعات صوت فحال انفجار فالطابق التحتيديال الدار.. اتجهات بسرعة لمصدر الصوت حتى وقفات مصدومة .. كانت شغف هازة فيديها شي حاجة فحال عصى طويلة..

ريماس .."غوتات عليها" اويلي اش هاذشيييي.. اش كاديري؟

شغف .."ببراءة مصطنعة" .. والو عير تنزلب(تنجرب) الألعاب النارية لي زاب(جاب) ليا فالروق👼

ريماس .."ضربات فخاضها" اويلي حاااااي دااعيش عندي فالدار انااا 😱

شغف .."شيرات بصبعها لفاروق لي كان عاد جاي داخل للدار"، هو لي زابهم لياااا👿 انا قلت لي بلاس🙉

فاروق.."شاف فيها بصدمة" نتي مستحييل تكوني نورمال .. ياك نتي لي لسقتي ليا فيهم ..؟

ريماس .. فارووق ديما كانقول لك ماتبقاش تشريهم لها غاتآدي راسها ولا تفجر لنا شي بوطة فالدار

فاروق .. راني ديتها لمحل العاب باش نشري لها شي حاجة ديال البنيتات ساعة هاذي صدقات مجرمة ماشي بنيتة ... قهراتني لسقات فيهم و ماعرفت ما ندير لها عارفاني مانقدرش نقول لا ..

ريماس ..ههههه غاتشيبك ..

فاروق .."فنفسو: داكشي لي خلات مها غاتكملووو هي" .ء..... هههههههه

ريماس .."شافت فشغف و دوات معاها بحزم" شغف .. طت شومبغ .. بدلي و غسلي و يالله على الغدااء ...

شغف .."نقزات من الارض لفوق الكانابي لطبلة هالية و نقزات على ريماس تعلقات فيها.. باستها و عنقاتها" الحووب نتي الحووب ..

ريماس.... كوليني بهاذ الهضرة البعلوكة

فاروق .. نتي عارفة بعدا شنو هو الحب البرهوشة 

شغف .."خرجات ليه لسانها و قلبات عينيها" هو لاموووغ😒

ريماس .. "رباتها لقزيبتها بشوية" يا ختيي على الحلاوة كاتقطر سيري تغسلي سيري .. 

باست ماماها و مشات كاتجري لبيتها غسلات و لبسات و مشات للطبلة ديال الغداا لقاتهم ديجا جلسو .....

#على_العشاء ..

ريماس .."حطات لشغف الماكلة فطبسيلها" غاتكملبه كاامل مفهووم ..

شغف .. اوكيي مامي😘 ..

ريماس ...فاروق .. عندي ليك شي اخبار ..

فاروق .."نزل الفورشيط من يدو" اله يسمعنا خير ..

ريماس .. الشركة فاش خدامة انا غاتحول من تركيا ... و طلبوني تا انا ننتقل باشنخدم فالفرع الرئيسي ديالهم ..

فاروق .."جمع الابتسامة لي كانت على وجهو" لفين ..؟

ريماس .. للمغرب😔

فاروق .. "حك لحيتو بعصبية " و نتي موافقة ..؟ 

ريماس .. انا مابغيتش نرجع ولكن ... ماعرفتش خدمتي كلها مع هاذ الشركة .. منقدرش نبدا من جديد مع شركة اخرى .. و حتى الصالير ماغايكونش بحال ديالي دابا .. الى مشيت معاهم غايتزااد الصالير و غايأمنو ليا المسكن و المدرسة ديال شوشو ... 

فاروق .. اضن انك واخدة قرارك ..شنو جاية تعلميني دابا..؟

ريماس .. فااروق ماتقولشهاذ الهضرة نتا عارفني ماشي هكذا .. الشاف عير قبيلة علمني .. و صراحة .. انا مارافضاش .. حيت عرض مغري زائد تما يقدر نلقى فرص احسن ..

فاروق .. و انا ..؟ 

ريماس .."حنات راسها " انت خويا و غاتبقى ديما احسن حاجة وقعات ليا فاش كنت مدمرة ..

فاروق .."وقف و رمى اليغفييت فوق الطبلة .. خووك .. ههه لا بااينة نيت كون كنتيمعتبراني ولو غير صديق من بعيد كون جيتي خديتي رايي نتي راكي جاية كاتعلميني .. 

ريماس .. فاروق ماتزيدش عليا .. انا براسي مابغيتشنرجع لديك البلاد مرة اخرى .. ولكن نتا فينما كنت كاتشةوفني ضعيفة كاتقووول ليا واااجهي خوفك .. و عيشي حياتك ما تهتميش لا لكلام النااس ولا لاي حااجة ممكن تعرقل ليك سير حياتك هاذي هضرتك ولااا لااا .. انا بالمشية ديالي للمغرب غانواجه اكبر خوف عندي .. حتال ايمتا غانبقى هنا مصيري فيوم من الاياام غانرجع .. تال ايمتا غانبقى هربانة لبلدان الناس .. هاذشي علاش بغيت نمشي ..

فارووف .. "رجع جلس فوق الكرسي ديالو" نمووت و نعرف شنو سبب هاذ الخوف .. 

ريماس .. خلينا من هاذشي .. اش بان لك نرجع ...

فاروق .. غانمشي معاك ..!

ريماس ..هااء ويلي و خدمتك .. 

فاروق .. غانشد كونجي من نهار خدمت ما سدست العيادة .. و زيدون انا غانمشي معاك غير حتى تصاوبي امورك و نطمئن عليك و داك الساع نرجع و من بعد نبقى نجي عندك مرة مرة .. 

ريماس ... بصح يعني وافقتي .. 😍

فاروق ... القرار كيرجع ليك .. نتي لي تعرفي مصلحتك فين غاتلقايها .

ريماس .. شكرا بزاف فاي حاجة كادعمني .. فغيموون شكراا ..

فاروق... العفو ما درت والو😔..

شغف .."كملات ماكلتها" مامي كملت ..

ريماس .."ضورات راسها شافت فيها " يالله سيري غسلي سنينات و سيري رتاحي فبيتك ..

شغف .." نقزات من البلاصتها .."، اوووكيي .. 

فاروق ..سولاتني عليك مليكة ..

ريماس .."قلبها قفز،" ها ياك لباس ..

فاروق .. والوو غير شحال ماشافتك نتي و شغف .. 

ريماس .. "من فوق قلبها "نتغداو و نمشيو نشوفوها ..

فاروق ..اوكي ..☺

......

كملو ماكلتهم لبسات ريماس و لبسات لشغف .. كل مرة كاتزور فيها مليكة كاترجع مدوخة بهضرتها ..و شغف تا هي كاتموت على داك الجو ديال قصر خافتها تتعود عليه ..بعد ما كملو و اتجهو مباشرة لعند مليكة ....

ريماس .. "دخلات هي و شغف فاروق قال لهم بلي عندو ما يقضي" ..شغف .. غاتبقااي حدابا بربي و تعتعتي تا نضربك ..

شغف .. اوكي مامي..

مليكة .." جات من وراهم" ماتخافيش عليها مدام هي فقصري راهي فآمان .. 

.ريماس ... "كي سمعاتها قفزات" اه ... مليكة .. صافا ..ق

مليكة .. "شيرات بيديها على غرفة من الغرف الموجودة فالطابق التحتي.." اجي معايا ..

شغف .."شدات مزيان فماماها"

دخلو معاها للغرفة لي كانت كيف كاع الغرف بطلاء اسود و الفراس بين الاسود و الفضي .. جلسات قدام مجمر زند ماشي فحال اي مجمر كان فحال حفرة ديال الزااجةو دايرين بيه لفعات من حديد .. 

مليكة ..بنتك ضاارباااهاا عين حسووود قوية .. قوية بزاااف .. قلبها عند باااها و جسدها عندك نتي .. 

ريماس .. "عنقات بنتهها" مليكة غير خليك بعيدة على بنتي قلبها عندي اناا لي تعذبت عليها ..

مليكة .. "هبات فوجها" تي اااش تعرفي نتي ههههه بنتك خصها تجمع مع باها و قرييب .. قرييب غاتجمع معاااه 

ريماس .. هاذي بنتي انا كتفهمي..

مليكة.. "شافت فيها بنص عين" سيرو فحالكم .. نعسو .. نعسو و رتااحو .. و غدااا بخري لها بالمستكااا و الحرمل الاسود و دوشي نتي و ياها فنص النهار بمااء الورد لعل و عسى يبعد عليكم الحااجز .. ولدي مستحيل يكوون ليك . انا كنشووفها هناا .. هههه كنشووفها فوجهك نتي ليه .. ديالو هو بوحدو بعدي على ولدي مابغيتووش يرتكب خطيئة كبييرة .. 

ريماس .. شمن خطيئة.. شكون ولدك .. 

مليكة.. ولدي .. ولدي فاارووق

ريماس .. ولكن فاروق خوك ماشي ولدك ..؟

مليكة.."رمات البخور لي كان فيديها فالجمر" انا لي ربيتو .. واخة مولدتووش اناا مووو و غايرتكب خطيئة كبييير الى بغااك و نتي مزوجة .. !

ريماس .. فاروووق خوويا ديريها فبالك فاروق خويا و هو غير كيعاوني .. 

مليكة.. اوووه ست سنين و نتي باركة عندو فالداار و غيير خووك مستحيل و علاش ما قبلش يجيبك لعندي مدام هو خوك ..فالاول قلت بلي كيتفلاا و كيدوز وقيتة و اكيد غايخليك ولكن المدة طاالت يا بنت احمد .. 

ريماس .. شكون احمد اش كتخربقي نتي .. بففف. .. 

مليكة .. احمد .. باك ..

ريماس ... بابا سميتو حسن .. حسن رحيم .. اوووف الى بقيت معاك شوية اكييد غانحماق

مليكة .. "شافت مباشرة فعيون شغف" لقاء قرييب .. كانشوفوو .. ااخخخ ..."شدات فراسها"

ريماس ..شنو كاين عاود ..؟

مليكة ..عندها فعينيها سحر غرييب ..الى شفت فيهم مكانقدرش نحي عيني .. و الى بقيت كانشوف مدة طويلة كانحس براسي ضعيفة ..بنتك مستحيل تقرااا .. الحاجة الوحيدة لي كانقدر نشوفها هي اللقااء القرييب ..

ريماس .. لا نتي فري غاتقتليني شي نهار بالاعصاب ..

مليكة .. "شافت فعينين ريماس" هاربة منو .. و هارب منك .. بالنسبة ليك نتي هو .. ماعارفاهش حتى شكون ... لكن بالنسبة ليه نتي .. ذات المحاسن .. ابنة الشيطان .. لعنة خايفها تصيبو تصيب عائلتو .. لكن هاذ اللعنة ماعارفهتش واش هي لي غادخل مع عضامو و تملكو ...!!!

مليكة .. "شافت فعينين ريماس" هاربة منو .. و هارب منك .. بالنسبة ليك نتي هو .. ماعارفاهش حتى شكون ... لكن بالنسبة ليه نتي .. ذات المحاسن .. ابنة الشيطان .. لعنة خايفها تصيبو تصيب عائلتو .. لكن هاذ اللعنة ماعارفهتش واش هي لي غادخل مع عضامو و تملكو ...!!!

ريماس .. ن..نتي منين كاتعرفي هاذشي كلو ..

مليكة .. خدمتك بزااف بهاذشي لي قلت لك اليوم الى ركزتي فيه و حضرتي عقلك ممكن توصلي للنهاية .. 

ريماس .. شرحي .. انا .. مافاهمة والو ..

مليكة .. وقتك سالات..

شافت حتى عيات و هزات بنتها لي كانت مبهوووضة بداك الجو و غا كاتشوف فمليكة و خرجاتمن داك البين و من القصر كامل تلاقات مع فاروق عاد داخل ..

فاروق .. مالك خرجتي ..؟

ريماس .. هاذ ختك شي نهار تحمقني .. اويلي فينما نجي عندها كايجيني راسي فحال لا داخلة عند شوافة و سمح ليا ..

فاروق ..😂😂 هههههههههههههه زيدي دخلي نتعشاو عاذ نمشيو ..

ريماس .. لا اخويا ماخصنيش .. اويلي ..

تبعها فاروق ميت عليها بالضحك عارف كل لقاء ليها مع مليكة كاتخرج منو فحال المصطية ...وصلها لدارها و قبل ما تنزل واجهاتو بوجه جدي ..

ريماس .. فاروق ..بغيت نقول لك شي حاجة ولكن ماتقلقش مني ..

فاروق .."على وجهو علامات الاستفهام" مالك عاود ..؟

ريماس .. انا غانمشي للمغرب مع شغف فقط .. انتا ماغاتقدرش تمشي معايا ..

شغف ..."نقزات بفرحة من بلاصتها" يااااااااايييي😍

ريماس.. "خزرات فيها" اغيييط😡

فاروق .. غاندير راسي ما سمعت والو .. حيت غانمشي و رجلي على رجليك ..

ريماس .. لا .. سمح ليا هاذ المرة .. بغيت معاود نكون راسي بغيت نتشجع .. من بعد غاتجي تزورني .. ولكن دابا لا بغيت نمشي و نهز راسي .. و انتا خصك تكون مطمئن عليا حيت الشركة مأمنة ليا كولشي 

فاروق.."شاف فيها بشوفة مامفهومااش" واخة الالة .. خاطرك .. 

ريماس .. انا غانكون معاك ديما.. غانتصل بيك كل يوم .. انتا بالنسبة ليا احسن حاجة وقعات ليا فايام ما يعلم بيها الا الله .. 

فاروق ..''ابتسم ليها بحنان" اخخ ... 

ريماس ..ديما كانقولها ليك .. انتا اكثر عليا من الاخ الي كنت كانتمناه .. 

فاروق .. "عقدهم"ضروري تخوريها😒

ريماس .. ههههه ما قلت غير لي كاين .. هههههه .."سلمات عليه بالوجه و نزلات''

شغف ..اخييرا غانتهنا منك😍 " ضرباتو لراسو و هربات لعند ريماس" 

فاروق .."خرج راسو من السرجم " هاذ القردة كون غير خليتيها ليا نحيد منها الضصارة ...

شغف .."خرجات ليه لسانها" 

ريماس .. تا نتا داير عقلك فبرهوشة دست سنين ..

فاروق ..هاذ تلبرهوشة عندها العقل عليا و عليك ..

ريماس .. ههههههه بونوي...

رجع حتى هو للقصر .. بالو مشغول كيفاش غاتمشي و تخليه و هو ولف عليها ولات حاجة ضرورية بالنسبة ليه .. اما ريماس كلام مليكة بقى ياكل فييها حتى صبح الحاال .. و بسبب هضرتها 

❤❤❤❤

#بعد_شهر_خذات_ريماس الخدمة ديالهافالمغرب و قادات امورها .. الشركة كيف واعدوها امنو لها المسكن قريب للشركة و حتى لمدرسة شغف ..و كيف العادة .. فيقات شغف بالكشايف و داتها غسلات لها وجها و جراتها حطاتها فكرسي فالكوزينة حكات لها فطورها و مشات كاتجري لبسات حوايجها و صايبات حالتها .. رجعات لقات شغف حاطة راسها على الطبلة و ناعسة..

ريماس ..اوعدي انا على البنت شغااااااف .. اوووف فيقي ابنتي الله يهديك غايجريو عليا من الخدمة بسببك ..

شغف .. ساالييت الماااكلة .. اااتنن

ريماس .. ههههه ساليتي و نعستي .. نوضي ابنتي تلبسي نووضي .. 

خذاتها لبيتها و لبساتها بالزربة .. مشطات لها شعرها ... و خرجات شاداها من يديها و كايجريو تا شدو طاكسي وصلاتها للمدرسة ديالها لي كانت فالطريق ديال الشركة .. و كملات للخدمة ديالها .. .....ما هي الا دقائق و جلسات فالبيرو ديالها و بدات خدمتها ...

هاجر .. "دخات بلا ما دق" كبووودي ..

ريماس .."قفزات من صوتها العالي .." اللقوة .. اويلي خلعتيني تفوو 

هاجر .. "تلاحت فوق الفوتوي ".. ااااخ كل مرة كانجي لديلمها هاذ الشركة كانتفقص .. 

ريماس .. قلت ليك اري ليا سيفي ديالك ندفعو لك مابغيتيش ..

هاجر .. ع ن د بارك راني مفقوصة على الخدمة ..؟

ريماس .. و علاياش الشيخة ..

هاجر ..على التيتيييييز اعشييييرتي😍😍 اححح هاذشي عندكم مضخم 

ريماس .. نوضي تق** عليا من هنا .. يخ على جنس😡.. 

هاجر .. هههههه صافي صافي بردي .. انا اصلا عارفاك .. التيتيز ديال الشركة كلو بغيتيه لراااسك .. واطية ..

ريماس .. نوضي اخربتكم .. بصح هاذ المرة تقلعي خليني نخدم ..

هاجر .. يااااك كااااتجري عليااااا ..وااا هاني غااانولي تا انا من اصحاااب البيروووويااات و حربش توصليني .. 

ريماس .. لقيتي خدمة ..؟ 

هاجر .."منفخة و مطلعة خنافرها للسماا" احم معاك مديرة العلاقات العامة فشركة من اكبر الشركات فالمغرب ..

ريماس .."نقزات لعندها عنقاتها" اوووهوووه الف مبرووك حبيبتي .. ناري شحال فرحت ليك مديرة مرة وحدة .. 

هاجر .. اوااا كولشي على ليكسبيغيونص و لينووط ابب هههه 

ريماس .. فرحت ليك بزااف .. و الله .. شنو المجال ديال هاذ الشركة ..

هاجر .. كاتبيع و تشري فكولشي .. الحوائج.. الصبابط.. المكياج .. السيارات .. الفلاحة .. عندهم كولشي فكوولشي هي مجموعة شركات ولكن انا خدمتي غاتكون فالشركة فالمكياج و الحوايج و داكشي .. 

ريمااس .. واو .. كوغاج بيبي .. ايمتا غاتبداااي ..؟ 

هاجر .. من غدااا .. اجي نسيت ما سولتك على شوشو ..

ريماس .. هاهي صافا عليها ههه غير البساالة و العناااد المزية لي دايرة هي ما كاتعذبنييش فالقراية .. مانحتاجش نراجع معاها 

هاجر .. اوا اش بغيتي مزاال .. راهي مهنياك فاصعب حاجة ... تعرفي ماتهنيت حتا جيتو حدايا ..

ريماس .. الحمد لله هي احسن حاجة وقعات ليا .."خذات تيليفونها و بدات كاتوري لهجر تصاور شغف "

هاجر .. كاتشبه لك غير فالعيون و الشعر فقط .. غاتخرج تيتيزة عليك ..

ريماس .. هههه غاتخرج تيتيزة عليا و شخصيتها قوية .. 

هاجر .. الله يخليها ليك احبيبة .. ريماس .. امييين ..

بقاو مجمعين حتى دخلات السكريتيرة ديال المدير عند ريماس مبدل فيها اللون تلاحت حدا الهاجر فالفوتوي هاجر عرفاتها ماغادويش حداها و هي تستأذن و خرجات ..

ريماس .. مالك ا عتيقة ..؟

عتيقة .."بنت طويلة جمالها مغربي .. عيونها توداء و البشرة حنطية .. طويلة و زوينة كاتلبس لي كوستيم مع اللي جيب قصاار .. لباس رسمي لائق بالخدمة .. حتى هي من الموضفبن لي جاو من تركيا " عندي لي خبار كي الزفت ...

ريماس .. اعووذ بالله منك يا ختي كاتفكريني غير فالمصايب ..

عتيقة ... عطيني وذنك ...

ريماس .. اعووذ بالله منك يا ختي كاتفكريني غير فالمصايب ..

عتيقة... عطيني وذنك ...

ريماس .. هاهي و حدة 👂و هاهي الوخرى👂

عتيقة ..يا ختي و كنااا جااالسين حتى قالك الشركة مابقااتش النسبة الكبيرة فيها ديال البشير .. %65 منها ولاات ديال واحد رجل اعمل صغير و دابا بداا يكبر يا خيتي .. 

ريماس .."تكات على الكرسي" هاء يصحاابلي شغااتقوولي ..😒 حنا مالنا المهم هو نبقاو فخدمتنا ..

عتيقة.. و هناا فين بقات .. يا ختي يعاودو عليبه صعييب فالخدمة مااشي بحال الباشير انا فين ما مشا نتبعوو كيتك و خلاك تي ..

ريماس .. اجي .. شكون هذا ..؟ و علاش البشير باع كثر من النص فشركتو ..؟

عتيقة .. دابا البشير جا للمغرب و هو عوااال يدخل فمشرووع مع هاذ السيد لي قلت ليك ولكن الكلفة صعييبة عليك .. اوا يا لالة باش ما يدفع حتى حاااجة فالمشروع سلم ليه 65% من اسهم الشركة .. و منها غايكون معاه شريك فالشركة و فالمشروع فكلتا الحالتين غايكون رابح فهمتي دابا ..

ريماس .. و بالسلامة شكون هذا لي دار هاذشي كلو باش يتشارك معاه..؟

عتيقة ..وا ختي كيقولو رجل اعمال ماشي مشهور و ماباغيش يتشهر كاع خدمتو كايديرها بلا ما يتدخل لا اعلام ولا صحافة ماباغيش يشهر راسو .. كيقول لهم يا لالة ماباغيش لا خدمتو ولا حياتو الشخصية ولا اي عمل كايزاولو يخرج للتلفازة و لا مواقع التواصل الاجتماعي .. معقد نييت ..

ريماس.. علاش معقد .. من حقو باغي يعيش كاي واحد ماشي ضروري حيت هو رجل اعمال خصو يتباها بخدمتو ولا بفلوسو ..

عتيقة .. نتي غير سكتي😒.. 

ريماس .. امتا غايجي للشركة ..؟ 

عتيقة .. الله و اعلم .. ممكن تلقايه قدامك في اي وقت 

ريماس .. "شافت فالساعة دالها " اخخ دغيا كادوز الوقت .. يالله باي وقت خرووجي 

عتيقة .. ايه اختي سعداتك نتي تخرجي مع الخمسة و حنا نعفنو هنا حتال السبعة ..😒

ريماس .. يخخخ محساادة .. 😂..

خرجات ريماس من الشركة ديريكت شدات طاكسي للمدرسة ديال شغف لكن قبل بان لها محل ديال الالعاب دخلات خدات لها لي بوزل لي كاتحماق عليهم عاد مشات للمدرسة و اتجهو لدارهم ...حطات لشغف الگوتي ديالها و جلسات حداها ..

ريماس ..مين حبيبة مامي .. 

شغف .. انا😍

ريماس .. مين روح مامي ..

شغف .. انا .. 😍

ريماس .. مين قلب منين 

شغف .. مامي سنو بغيتي ؟

ريماس ..ينعل بوك ماتليقش معاك الرومانسية ..😂😒

شغف ..هنننههههه 

ريماس .. ضحكي الخوينزة .. ياك ما ضربتي شي حد اليوم ..؟ 

شغف .. ناء ..

ريماس .. ايمتاش يتقاد لك هاذ اللسان ..؟

شغف ..وامااابغااس ..

ريماس .."خذات البوزل من صاكها " هاني يا لالة لا تقوليش المغرب ما فيهش البوزل ..

شغف .. اححح😍😍 ..الي(أري) بوسة

ريماس .. "مدات لها حنكها" هاني الكبيدة هاني .. يالله كملي المالكة ديالك ..

شغف .. اوكيي😍😍

تكات على الكرسي و رجعات راسها للور كاتسوف فشغف و تفكرات سنوات عمرها اللخرة .. كانت عامرة مشاكل و قلبها تهرس ماشيمرة ماشي زوج لكن مع كل هذا اليوم هي اسعد انسانة ..اتسعات ابتسامتها فاش تفكرات موقف مضحكة لشغف و فاروق .. شغف هي احسن حاجة وقعات ليها .. بنوتها هي الي دخلات الالوان و البهجة لحياتها .. فاعمااقها .. ماحاقدااش على تاج الدين حيت بالنسبة ليها عطاها الحاجة لي بيها ولات اليوم قوية و سعيدة فحياتها ..عطاها كنز لا يعوض ..

فيقها من شروحها ..سيري نتي خصك تحشمي من راسك .. 

ريماس .. "غوبشات "/علاش بالسلامة ..

فاروق .. قارية و واعية و مصممة ازياء يا حصرة .. و كاتيقي، داك التخربيق ديال مليكة .. 

ريماس ..فاروق ..نتا ماشفتيهاش كيفاش دوات معايا ماشي مرة ماشي زوج .. عارفة عليا شحال من حاجة .. كل مرة كانحاول نكذب هضرتها كاتبق ليا بلي راهي بصح عرافة ولا شوافة ولا مخاوية الجن و الا الله و اعلم .. المهم راهي مااشي نوغمال ..

فاروق ..كانوصل معاك داائما فالنقاش لطريق مسدود ..مليكسة بغات تقنعك بديك الفكرة .. و نتي اقتنعتي ماعندي مانقول لك ..

ريماس ... مافهمتش انا شنو لي مخليك ماكاتيقش ذاكشي و نتا عايش وسط منو ..

فاروق ..حيت مكانعطيهاش فرصة تعمر ليا بيه راسي عندي حوايج اهم الغزالة ..

ريماس .. هممم .. 

فاروق .. يالله بونوي بغيت غير نعلمك بلي قربت نجي باش نستقبليني عندك الى ما كنتش غانتقل عليك ..

ريماس .. الله يا ودي بالفرحة عليا ..غير هو قولها لمليكة قبل لا تجي الله يحفضك

فاروق .. مليكة ربات فيك الرعب ..

ريماس .. الرعب و سكتي .. 

صبح صباح جديد على ريماس .. نفس الروتين نفس الحياة .. وصلات شغف للمدرسة و طلعاات للشركة ...

عتيقة.."دخلات عليها بهمجية بلا ما دق الباب" لا بزاااف عليا هاذشي بزاف .. اويلي وحدي .. واش انا عندي الحق غا فالشوفان دائما ممنوع اللمس هءههءهء😭😭

ريماس .."حيدات نضارتها و طلعات فيها عينيها" كانقول لديلمك دائما دقي الباب قبل ما درمي عليا كي الثور الجاهل 😡

عتيقة .. حيدي عليا تي بقات لك غا فالباب 😭😭

ريماس .. مالك عاوتاني .. اش واقع ..

عتيقة .. عقلتي على داك السيد لي قلت لك البارح ولات عندو اكبر حصة فالشركة ..؟

ريماس ..قلتيها لي غير البارح طبيعي نعقل ..😒

عتيقة ..جااا اليوم هءهءهءءه 😭

ريماس .. اوا ..؟ 

عتيقة .. خصك تشوفيه اصاحبتي ..خصك تشووووفيه .. وااععع مستحيييل مستحيل يكون مامزوجش اويلي بحال هاذو كيطيروهم بنات القاف ..😭

ريماس ..عتيقة قربتي تبكي ديال بصح ..؟

عتيقة ..ييه اختي نبكي و نفوتو على زهري لي ما عنديش .. تصوري انا طلع و نزل فيا و قال استغففر الله العضيم من كل ذنب عضيم و ماعاودش طلع فيا شووفة😭😭

ريماس .. هههههههههههههههههه اختي نتي لي معريا لنا على صيغانك ما تحترمي لا برد لا شتا ويلي .. 

عتيقة .. ضحكي ضحكي اختي نتي لي جات معاك .. مزوجة و ببنتك ما حااساش بلي عششات فبوه الرتيلة و مزال ما داق الحلوة .

ريماس .."جمعات الضحكة .." اممم 

عتيقة .. الا قولي لي ..؟ راجلك مجاش معاك ..؟ كان كيجي يوصلك دائما .. شفتو غبر ..

ريماس .. لا ما جاش .. بقا فتركيا مايمكنش ليه يحول الكابيني لمغرب على ودي ..

عتيقة ... وجه تامارا تفو انا يكون عندي بحال داك الراجل نعلقو فالبلاكار نبقا غا نشوف فيه راني قلت لك غانعوااج و نمووت بايرة ..

ريماس .. نتي و هاجر صاحبتي تريكة وحدة ثفو .. عينيكم مكيرصاوش على واحد ..

عتيقة .. و شنو ندير لك انا اختي واحد ينسي فلاخر ..

ريماس ... عتيقة دابا نتي مع من خدامة مع الجديد ولا مع البشير 

عتيقة ..مع الجدييد اقلبي ..

ريماس .. على ما قلتي ليصعيب .. ياك . ؟

عتيقة .. بزااااف تخيالي قال ليا صاوبي لي قهوة مشيت نصايبها و بقيت مجمعة شوية مع نعيمة ديك االموضفة الجديدة مطلقة مسكينة و عندها شلااا مشاكل مع ولد الكلبة لي طلقها يا ختي شحااال فيها تالهضرة تا هي .. الموهيم فاش ديت ليه القهوة طلااني كان غايخويها على وجهي ..

ريماس .."شدات فراسها" الله يا ربي الله .. فخبارك اليوووووم يجري عليك ..؟ و نتهناا منك و من دودودودودو كل نهار اااععع😡 ...

عتيقة .. ويلي ويلي نسيت علاياااش صيفطني 😱😱

ريماس ..الله يصبرو مسكين .. عتيقة نقول لك شي حاجة .. عرفتي السي البشير منين جاه السكر ..؟

عتيقة ..هاؤ .. منين منين ..؟

ريماس .."غوتات عليها" منك و من جماااااعتك كل نهاااار شفتي هاذ السيد لي جا جديد الى ما خرج من الشركة عرياااان و كايضرب بالحجر انا ما سمااااونيش ريماس .. ااويلي .. اويلي راسي غايطرطق ..براا عليااا يغرق لبوك الشقف

عتيقة ..كاتجري عليا ابنت القااف واهاهي لا باقة وصلتك .. 😒

ريماس ... هاذشي لي كاتقولي كل نهار براا😡

عتيقة ..هاااهي غادية 😒😡"تا خرجات و رجعات " تفو نسيتيني علاياش كنت جاية .. مع الربعة عندكم اجتماع ديال المصممين مع المدير الجديد 

ريماس .. كنتي تقولي هاذ زوج كلمااات من الاول لاش قوة الهضرة لااش ..

عتيقة .. تفو على ماركة تشدك بالجماعة و فاللخر تقول لك فيك الهضرة بزاف وا باااز 😡...

خرجات عتيقة و خلاات ريماس راسها كايطبخ .. نزلات للكفيتيريا تاخد ليها قهوة ..و شادة فراسها .. خذات معاها التصميم ديالها كاترسم فيه و تشرب فقهوتها حتى كملاتو شافت فساعتها لقات 15:50 هزات وراقها و تمات غادية كاتشوف فالتصميم فرحانة بشكلو النهائي حتى طلعات راسها فجأة لقات مقدامها مباشرة من لم يكن في الحسبان .. غمضات عينيها و حلاتهم .. ولقاتو مزال قدامااا..بغات ترجع لور ..بغات تهرب لكن .. سبقها و مشا .. ما تكلمش معاها .. ما شافش فيها فحال لا ما كانتش قدامو .. عنقات وراقها و مشات كاتجري للبيرو ديالها سداتو و تكات على الباب ..

ريماس .."دايرة يديها على فمها" ااااش رجعك .. اااااش رجعك😰

ريماس .."دايرة يديها على فمها" ااااش رجعك .. اااااش رجعك😰 مستحيل يكوون هو .. اكيد كانحلم .. اه كانحلم😭.. اش جا يدير هنااا 😱

ما فيقها غير الدقان على الباب تابيرو ديالها لي قفزها ..

ريماس .. شش.شكون ..

عتيقة ..قريب .. تي حلي شمن شكون ..

ريماس .."حلات لها الباب " شنو بغيتي عاوتاني .

عتيقة .. الاجتماع بدا احنينتي ..

ريماس .. ىهاني جاية ... 

حطات راسها على الباب و خذات شهيق و زفير .. و مشات شربات المااا ..عاد التحقات لغرفة الاجتماعات ..دخلتت حادرة الراس بلا ما دق حطات الوراق ديالها فوق الطبلة و جلسات ..

ريماس .."كاترعد" سمحو ليا على التأخير ...

....."شرب من كاس القهوة ديالو و شاف فيها ببرود،" نتمناو ما يتعاودش حيت انا عندي ديريكت فكولشي و التأخير عن مواعد العمل ولا على الاجتماعات هاذي اكثر حاجة كاتعصبني .. كلامي موجه للكل .. 

ريماس .." الصوت لي سمعات زلزل لها كيانها .. عينيها دمعو .. فاش طلعات راسها و شافتو دخلاتها رعشة من راسها لرجليها ماعرفاتما تقول .. قدرات تهضر غير فخاطرها .. قات زوج كلمات فقط .. هو .. و الله الى هو "

تاج الدين .. احم .."خذا السبحة ديالو من فوق الطبلة و بقى كيضورها على صباعو'' .. اذا .. نبداو الاجتماع مدام الكل حاضر.... كيف ما كاتعرفو .. انا هو لي استلم الحصة الاكبر من الشركة .. يعني انا لي عندي الصلاحية الكاااملة اني نتحكم فمنتجات هاذ الشركة بالكاامل .. و على ما كيبان ليا من هاذشي لي شفت .."خذا تصاميم ديال السنات الماضية لي نتجاتهم الشركة كيقلب فيهم" ان الشركة مابيهاش .. غادية مزيان فمجال الالبسة ... ولكن ماشي هذا هو الهذف ديالي انا .. انا بغيتها تضرب فالعالم العربي كامل ..فهمتوني ..؟ و داب بغيت نشوف تصاميم كل واحد فيكم ..الى كان ممكن.. عتيقة .. جمعي ليا ااتصاميم .... بدات كاتجمع التصاميم ديال المصممين كاع وصلات عند ريماس بغات تاخد الملف لي كان قدامهم و لقاتها مزيرة عليه بيديها و حانية راسها ....

عتيقة .. تي طلقي اويلي .. 

ريماس .."ما فاقت غير بركلة من عتيقة" اه ديزولي ..

خذا وقت باش يشوف التصاميم ديالهم و وقف عند تصاميم ريماس .. .. و خذا دوك الوراق كاع رماهم فالسلة تازبل خلاهم كلهم كيشوفو ...

تاج الدين .. هاذشي عندكم اولد فاشن .. بغينا شي حاجة جديدة .. مزيج من الحزن و الفرح .. .. النار و الماء .. الحب و الكره .."/وشاف فريماس بنص عين " تقدرو ديروه ..؟ 

مصمم.. مزيج من الحزن الفرح .. خاصنا وقت كثير ..

تاج الدين ..الوقت كلو ليكم .. عندنا شهرين كاملين .. تقدرو ..؟

مصمم ٢ .. غانحاولو ..اش بان لك اريماس ..؟

ريماس.."طلعات فيه راسها كتشوف فيه فحال لا كيدوي بالشينوية"

تاج الدين .. غاتحاولو .. هههه كاضحك عليا ..؟.. عندي يا اه يا لا ..عرفتو شنو هاذ العرض غايكون بمثابة اختبار ليكم .. ماخصنيش هنا ناس مبتدئين .. لي ما قدرش عليه غاتكون الخدمة ديالو سلات معانا.. تفضلو ...

قبل ما يكمل كلامو كانت ريماس اول وحدة نقزلت مشات كاتجري للبيرو ديالها جلسات و حطات راسها بين يديها و كانرعععد ... 

ريماس ..."رجليها كايترعععدو " هو .. مفس الجسم ..نفس الوجه .. نفس العيون .. هوو ...😭

سنانها كيترعدو فحال رجليها .. عينيها حمااارو بالدمووع قلبها تخطف .. كلها كانت كاترجف فحال لا تخوا عليها سطل ديال الثلج بشوفتو .. حاولات تتحكم فىاسها و تهذاا ولكن للاسف ما قداتش .. تاج الدين حتى هو .. كان لا يقل عنها بشيء .. من بعد ست سنين ماتوقعش ابدا يشوفها مرة اخرى .. و فين فشركتو.. مع انو مانساهاش بمرور هاذ السنين كاااملة .. و باقية الليلة اللخرة لي دوزها معاها كانت بنت صغيرة زوينة جذابة ..و دابا شاف قدامو امرأة ناضجة .. و تزاادت اثارة على الاول .. كانت هي شغفووو فدوك اليامات قلال لي دوزهم معاها ..و لدابا حركات فيه نفس الاحساس الي ما قدرش ينسااه او يعاودو فدوك ست سنين لي فاتو مازال جسمها المثير كيف هو لا و تزااد اثارة .. مازال فاش كيشوف فعينيها كايحبس النفس ..كيف كان قبل ست سنين .. فاش شافها المرة الاولى ما تيقش راسو .. لكن فاش عرف بلي راهي مصممة ما عرف ما يدير .. صباعو بين عينيه و تكا على الكرسي ديالو .. ذات المحااسن رجعاات .. لعنتوو رجعاات من جديد يا ترا شنو لي رجعها و عاد كان نساها او كايتناسااها .. 

تاج الدين .. ااااخ من زمرد عينيك باقي كيف كان و تزااد لمعاان ..

تاج الدين .. ااااخ من زمرد عينيك باقي كيف كان و تزااد لمعاان ..

حس باحساس غريب فاش نطق بهاذ الكلام ..حس براسو كايخون عائلتو .. حس بخيبة أمل كبيرة من تفكيرو فيها ... ومع ذلك حس بلي بغا يسمع صوتها .. وقف السبحة لي كان كيضور فيديه و اتجه للمكتب ديالها ..فتح الباب و دخل بلا ما يدق و تفاجئ بمنضرها كي كانت جالسة و حاطة راسها على البيرو و كاترعد .. 

ريماس .. عتيييقة مليووون مرة قلت لك عودي دقي الباب قبل لا دخلي .. 

طلعات راسها و يا ريتها ما طلعاتو .. شافت فوجهو مباشرة هاز حاجب و منزل لاخر .. وسعات عينيها .. و وقفات مكانتش متقعة منو يتبعها خصوصا انو ماعطاهاش وجه نهائيا فاش شافها ..قرب لها و هي مزالة متخشبة من الصدمة .. رحة تالعطر ديالة .. هي هي .. مزالة فنيفها لحد الآن .. هو نفسو لي كان داير .. ماغيرووش واخة فاتت ست سنين ..استنشقااتها و غمضات عينيها .. و عضات على شفتيفها تلقائيا بدون قصد فاش تفكرات اخر لقاء طان بيناتهم .. القاء الجسدي !!!

طلعات عينيها وصلاتهم حد عنقو .. شافت فتفاحة آدم لي كانت كاطلع و تنزل مع كل نفس كايدخل لصدرو .. .. صدروو لي تزاااد مع مروور السنواات .. حسلت بجبل واقف قدامها .. كااان ولا زاال بل زاااد اكثر و اكثر من الطول و العرض و الهيبة لي كانت عندو .. بالكشايف قدات توصل لوجهو .. زاادت اللحية ديالو على اخر مرة شافتو .. ولات كثييفة اكثر و زادت من وسامتو .. و الضربة لي كانت فحنكو .. مزال هي هي السنين ماقدراتش تمحيها .. شاافت فعينيه مباااشرة .. حسات برجفة داااخل جسمها .. نفس الرجفة الي حسات بيها من اول مرة شافت فعينيه .. تمالكات نفسها شوية و قدات تجمع حرووفها بالكشايف ..

ريماس .. شنو بغيتي مني .. ماشي مزيان يشوفوك الموضفين هنا ..! 

تاج الدين .."ماداخاش فهضرتها بقا كيشوف غير فعينيها و دواا بصوت غير مسموع تقريبا لكن هي قدرات تسمعو" .. مااء المااس 

ريماس ..''طلعات حجبانها و حطات يديها على خصرها" ها .!

تالج الدين .. "بقا كشوف فيها بنظرة مظلمة ..حس بيها تبدلاات فهاذ السنوات لي دازو .. عينيها كانو اكثر جدية ..نزل عينيه لشفايفها تلقائيا كيشوف فيهم كيفاش كيتحركو ..و مع كل حركة حس بعضلاتو كيتحركو معاها ..نفض راسو وشاف فعينيها بتركيز" العالم صغيير ..

ريماس .. "ابتسمات بالم واخة ما بيناتش" صغير بزااف .. شفنا بعضياتنا مرة وحدة كانت مدة قصيرة بزاف و بعد سنين رجعنا تلاقينا 😏

تاج الدين .."ابتسم بسخرية " اواوهاااه و حتى نتي مالقيتي من بين شركااات تركيااا و المغرب .. و العالم غير شركتي انا ..! هههههههه 

ريماس .." شافت فيه بغضب" اياااك .. اياااك يقول لك رااسك بلي اناااا خدمت هنااا على ودك حيت انا هنااا عام هاذي نتا لي جديد ..!

تاج الدين .." شافت فيها و ضحك بسخرية و عجرفة" ههههههههههه .. ولاش باين على وجهك الغضب ..

ريماس ..بشوفتك .. طبعا ..

تاج الدين .. ماتنسايش راسك ..! و ماتنسايش بلي راني مديرك حاليا ..

ريماس .."شافت فيه بتحدي و وقاحة" ماتغترش براسك ..دوزت ف فراشك مدة قليلة .. و نسيتها كي خرجت من قصرك .. 

رمات عليه هاذ الهضرة خلاتو مصدوم من جرأتها .. تخطاتو كاتجمع فصاكها باش تخرج ..

تاج الدين .."شدها من دراعها و زير عليها..دورها حتى لسقات على صدرو ..و شاف فعينيها بسخرية" اهاااه .. و شنو غانقولو على محاوالاااتك توصلي ليا فالسنوات لي فاتت ..

حماار وجها ماحملاتش راسها و نظرتو ليها خرجات لسانها و دوزاتو على شفتها السفلية كحركة لا إرادية كاديرها كل ما كاتوثر .. اما هو كان مفتوون بكل حركة كاديرها حتى عينيها لي كاانو كيرمشووو بالزربة و يضورو من هنا لهنااا .. نطرات دراعها من بين يديه ...

ريماس ..هاذشي كان قبل سنييين .. قبل ست سنين ..و انا تبدلت .. يمكن كنت محتاجة مساعدة .. " شافت فعينيه بتحدي " ولكن دابا .. انا تبدلت بزااف .. بزاااف ..

حمرات فيه عينيها و خرجات كانجري ما وقفات حتى شدات طاكسي و طاارت للعند شغف يديها و سنانها كيترررعدو ... عقلها وقف .. ماتيقااتش شنو شافت اليوم كاع داكشي لي عودات عليه راسها فهاذ السنوات اليوم تبدد .. فاق بداخلها الخوف و الاحساس بالضعف .. خافت على بنتها .. مابغاتهاش تعرف باها .. واخة ماعرفاااتش تال ايمتا غاتبقى تكذب عليها و تقول لها مساافر ولكن الخوف انها تفقدها اكبر من الحقيقة لي راهي مجبرة فيوم من الايام تقولها لها ...

#في_شركة_الصقر_سيتي_الشركة_الرئيسية

اول نهار ليها فالخدمة بطبعها اجتماعية بدات تجري فالشركة من هنا لهنا كاتعرف على الموضفين .. تضحك مع هذا و تسلم على هاذي ما خلات حتى حد ما تعرفات عليه الاغلبية دخلات لخاطرهم بروحها المرحة .. اما واحد كان مراقبها من بعييد و كيضحاااك و هي كاتعرف على ااخر واحد ..

هاجر .." وقفات قدامو" احم احم .. ممكن تعرف .. ياااحلوو .. ادااك البووگووص 😒 تا مالك عاجبك راسك ..؟

رائد .. "خشا ف فمو قطعة كبيرة تالشكلاط" شكون نتي ..؟ 

هاجر .. يا ختيي على الصويت ..انا هااجر .. مديرة العلاقات العامة الجديدة .. اليوم اول يوم ليا هناا ..

رائد .. واه اول يوم و اكيد ااخر يوم .. 😒

هاجر .. "خمسات فوجهو" اعوووذ بالله منك تفول عليا ماحشمتييش .. 😳

رائد .. شوفي انا كيف جالس .. و فعمري تمن سنين .. و نتي " طلع و نزل فيها" مشاء الله طول و عرض و عقل زيروو بفف كيفاش حتى وافق عليك الواليد ماعرفتش ..

هاجر .. ااممم هي نتااا ولد مول شي ..😒 بشاااخ ما حگلك معفر ..

رائد .. هاذ الحركات ملايقينش على وحدة خدامة ف« الصقر سيتي» "نزل من فوق الكرسي و صايب الكول ديال الشوميز بعجرفة" على العموم الى بغيتي تحافضي على خدمتك خصك تحترمي البلاصة لي راك خدامة فيها .. 

يمن .."جا من وراه وحط يدو على كتف رائد" احم راك كاتعلم بزربة ..

رائد ..احم .. دروس تاج الدين .. ماعنديش بديل ..

هاجر .."حالة فمها فالاصل و الصورة لي قدامها" انا عن جد مو مصدقة .. 

يمن .. انسة تفضلي لخدمتك .."حابس الضحكة" و يا ريت تاخدي هضرة رائد على محمل الجد ..

هاجر .. هااااء .. نتااا و الله الى نتا😂😂 عرفتك .." شافت فرائد و عاودات شافت فيمن" هذاا رتئد ولدك ..هههههههههه اووو هااا انا بجد مش مصدقة ..''قربات لرائد و جبدات ليه الحنيكات" ايييي كبرتي يا البجغووط وليتي بيكييص هاي هااي .. 

رائد .."دفع ليها يديها بعصبية " .. بفف شكون نتي منين كاتعرفيني.. 

يمن .. احم .. هاذي كانت المربية ديالك .. شحال هاذي .. 

رائد .. كانت مربية ديال .. فاش كنت صغير .. اهاه و اش جابها لهنا ..؟ و اهم سؤال وحدة فهاذ السن لاش كاتصرف بهاذ الطريقة ..؟

يمن .. تقدر تسولها 😂😂

هاجر ..''قربات ليمن " عهدي بيك نتا لسانك طويل و كيرمي غا السم .. ولدك عاديتيه تا هو ..

يمن .. ههههه هو تولى المهمة انا شديت التقاعد😂..

هاجر ..اممم لا و الله باينة .. " شافت فرائد " ايه حتارمني .. اما مهمااا كاان يامااا بدلت ليك ليكووش الخوينز ..😂

يمن ... صراحة قصف .. مانسمحش ليك الى ما جاوبتيهاش .. غاتخلي صورتنا زباالة ..

رائد .. بففف ماعرفتش كيفاش قبلتي بوحدة بحال هاذي فالشركة .. ؟

يمن .. ماشي لناا .. عمتك رزان😂 

هاجر .. ويلي على البعلوكي كي كيتأمر .. اووف غانمشي نشوف خدمتي اشووفكم بعديين ..بااي ..

خلاتهم كيشوفو فيها حتى دخلات للمكتب ديالها و رجعو شافو فبعضياتهم ....

رائد .. شنو هذاا ..؟

يمن .. الله و اعلم😂

رائد .. هههههههههههه انا غادي نلعب البلاي .. ضراتني فراسي بالهضرة ..😒

يمن .. هاذ الشخصية لي كانت هنا قبيلة مامواتياااش بتااااتا مع االبلاي ..؟ 

رائد .. ماتنسااش راني فعمري تمن سنين😂 و هاذشي غا حفضو ليا تاج الدين ..

يمن .."ضربو لراسو و خزر فيه" عمك تاج الدين

رائد .. رجع عاوتاني يمن المتسلط 😒

#دخلات ريماس للدار شادة فبنتها و كاترعد .. ..

شغف .."كاتحاول تفك من يديها" مامي صافي وصلناا .. طلقيني وجعتي يدي ..؟

ريماس .. "عاد انتبغهات بلي مزيرة على يدها" اوف ..سمحي ليا حبيبة .."نزلات على ركابيها و عنقاتها" مامي حبيبتي .. عمري غانخليك ولا نخلي شي حد يبعدك عليا . 😭

شغف .. علاس كاتقولي هكذا..؟"بعدات عليها و شدات فوجها بيديياتها بزوج"

ريماس .. حبيبة مامي نتي بنتي انا بووحدي بووحديي .. 

شغف .."عنقاتها و باستها فحنكها" علاش كاتبكي 😔

ريماس .. "مسحات دموعها و مشات باتجاه الكوزينة" والو احبيبتي والو ..اجي نصاوبو العشاا يااك ..😍

شغف .. "تبعاتها و جلسات فوق البوطاجي" مامي ايمتا غايجي دادي..؟

ريماس .."تصمكات .. حسات بحال لا تخوا عليها الما طاايب " شش..شنو ..

شغف .. قلتي ليا مسافر واس مزال ما عايجي

ريماس..."غمضات عينيها و حطات لي كان فيديها" باباك مسافر و مزال ما رجع .. فاش يرجع غاتشوفيه . 

شغف .. علاش كاع الدراري لي معايا كيجي باباهم يديهم من المدرسة .. انا بوحدي لي كاتجي مامي ..؟ 

ريماس .. "شافت فيها بحدة " قلت لبك باباك مسافر داكشي علاش مكيجيش يجيبك اوكي ؟

شغف .. رائد ديما كيعصبني .. و كيقول ليا ماماك زوينة .. بغيت بابا يضربوو خصوو يجي من السفر 

ريماس .."خزرات فيها"، شكون هاذ رائد عاوتاني ..؟ 

شغف .. رائد .. واحد الولد فليكول .. كيجر ليا شعري .. و كيعصبني😠 

ريماس .."حطات يديها بزوج على خصرها" اهاه .. و نتي من ايمتا كاتسمحي فحقك و تخلي شي حد يقيس لك شعرك ولا يضربك . .. فين مشاا تخراج العينين ..؟ هاا ..

شغف .. "حدرات راسها" رااه كبيير ..

ريماس .. و مع ذلك كنتي ماتسمحيش ليه يعصبك ولا يضربك .. 

شغف .. راه مضربنيش ..! غير جر ليا شعري حيت ما عرفتش نلعب الفوتبول ..!

ريماس .. امم .. خصني نزور ديك المدرسة .. و نشوف شكون هذا لي تجرأ و قاس شعر بنتي ..😒

شغف .. لالالا..انا عانضربو ماتجيش نتي ليكول .. غايقول ليا عاوتاني ماماك زوينة 

ريماس .." ربعات يديها" و هاذي حاجة تعصب ..؟ علاش ماماك خايبة ..؟

شغف .. لا هو خايب ..😡 ..

ريماس .. هههههههههههه الله يا ربي اش هاذ البنت .

شغف .. داكسي علاس بغيت بابا يجي باش يضربوو😡

ريماس .."جمعات الضحكة و خزرات فيها" انااا مامااااك فهمتي .. كاينة غييير انا .. عييت كل نهاار نقول لك مساافر مساافر .. ماغايجييش دابا .. وفاش غايجي .. غاتشووفيه ..

نقزات شغف من فوق البوطاجي للكرسي و منزلات كلتجري لبيتها كاتبكي بقات ريماس متبعاها بعينيها حتى دخلات لبيتها و ردخات الباب .. جلسا ريماس فوق الكرسي و حطات يديها على راسها .. ما حملاتش كيفاش تصرفات مع بنتها .. اول مرة كاتغوت عليها بديك الطريقة .. خصوصا فهاذ الموضووع كانت كاتشد لها الخاطر .. غمضات عينيها بالم .. مجرد الفكرة ان تاج ممكن يعرف بلي شغف بنتو و ممكن ياخدها كاتحس براسها مخنووقة .. صاوبات قهوة بلا سكر شرباتها و استرخات .. رجعات بذاكرتها لور .. مدام تاج الدين فايت ليه نكر بنتو شحال هذاا اذن دابا ما غاتهمووش .. حطات راسها بين يدها و تفكرات اللقاء المنشوود .. كيفااش .. و علاش ..اش جابو لاش رجع .. 

ريماس .. شنو بيني و بينك يا قدر حتى تحطيوو فطريقي مرة اخرة .. يا ترا نساا انتقاامو ..ولا مزال ... "تفكرات همستو لي كان عند بالها مانسمعاتهاش " ماء الماس .. 

غمضات عينيها و ضغطات على هاذ الكلمة بالذااات "ماء الماس" ماكانتش اول مرة كاتسمعو ديك الكلمة من عندو و بنفس النبرة .. رجولية خاافتة و حنينة .. 

ريماس ..،بحال لا نسيتي راسك و شنو دار فيك .. وليتي تفكري فماء الماس ولا زمر .. "شعلو عيناها" مستحيل نبقا فديك الخدمة ..

نعلات الشيطان و صايببات الكوتي لبنتها و خذاتو لها صالحاتها و بقلت كاتلعب معاها حتى وصلات وقت النهاس .. و نعسوو معاانقيين ...

#فمكان_اخر جالس و شاد فيديه صورة بنت زوينة بشعرها الذهبي معانقة مع ماماها و كيضحكو فغفلة منهم شداتهم الكاميرا .. رجع لست سنين اللور .. كان احمد فالعناية المركزة من بعد ما ماتت مريم مباشرة دخل فصدمة عصبية و جلطة فالقلب .. ماقدرش يتحمل ..لا خبر ان ريماس بنتو و كانت بين يدين واحد اخر .. ولا موت مريم لي من بعد سنيين ديالفراق ماتت قدام عينيه ..

احمد.."حيد الاوكسيجين على نيفو فاش دخل عندو حاتم " ولدي .. كح كح ....

حاتم .. رتاح الواليد رتاح ..

احمد .. الراحة .. ف.. فاتت وقتها اولدي .. مريم ... مريم كاتعيط عليا .. 

حاتم .. الواليد باين لي راك تخرف .. رتاح خالتي مريم الله يرحمها ..

احمد .. "كيديوي بصعووبة" ماعن.. ماعنديش وقت بزاف .. 

حاتم .. رتااح ماتدويش .. خطر عليك .. 

احمد .. ح..حوايج مريم .. غاتلقى صورة .. صورة ختك .. قلب عليها .. حميها .. ام. امانة فرقبتك ..

حاتم .. "بصدمة" ختي .. شكون ختي ..

احمد ..ختك ريماس .. ريمااس ..

حاتم.. ريماس بنت خالتي مريم ..؟

احمد .. و بنتي حتى انا ..

حاتم .. كيفاش...😳

احمد .. بنتي .. بنتي .. و خباتها عليا ..هاذ السنين كاع .. بنتي احااتم .. ولدي وقتي قرباات .. قلب على ختك ..جيبها .. مابقى لها حتى حد من غيرك .. .. 

حاتم .. مافهمت والو ."شد فراسو" مافهمت والو ..

احمد .. ريماس .. بنتي .. كانت حاملة بيها مريم قبل ما نطلقو .. و فاش تزوجات برحيم .. منعها و هددها بيك قال لها بلي هايقتلك الى قالت لياشي حاجة على ريماس ..

حاتم .. 😳😳 اش كااتقوول ..

احمد .. كاانقول بلي ريمااس ختك ..بنتي ..حوايج مريم فالفيلا .. فيهم .. فيهم لا دي ان اي .. و صورة ديال ريماس .. ماتخليهااش ..سير قلب علييها .. جود .. مايستاهلهااش .. جيبها من عندو ..

حاتم ..شكون جود ..؟

احمد .."بلع ريقو" راجلها .. حميها منوو .. و من الدنياا .. قلب عليها ..

الممرضة..."دخلات عليهم" مسيو .. وقت الزيارة سالا تفضل خلي المريض يرتاح .. 

حاتم .. واخة .."باس راس احمد و يديه" غانلقاها .. ماتقلقش راسك .. غانلقااها و نجيبها تشووفك .. 

احمد .."دمعو عينيه و رجع الاوكسيجين لنيفو،" .....

خرج داكالساع حاتم راسو مقلوب ما عارف ما بدير .. شد فراسو اخر حاجةكان متصورها تكون عندو اخت و هو ما عارفش .. مشاا للفيلا ديريكت قلب فحوايج مريم كيف قال ليه احمد لقا شحال من حاجة لقاها عنوان جود .. التحليل و الصور اول حاجة مشا لعند جود .. مالقاهش لكن قابلاتو خولة .. خبراتو لي طلقها و تزوجات بواحد اخر .. سول عليه شكون هو الراجل لاخر مالقى حتى جواب .. و مع ذلك ما يأسش .. قلب و عاود قلب .. لكن مالقا واالو اسبوع كامل و هو كيسولىو يقلب باش يرجعها لحضن باباها و لحضنو حتى هو لي كان دائما محتاج اخت و لا اخ و كذلك يفرح قلب باباه لعل و عسى يبراا بشوفتها .. لكن مع الاسف مالقاهاش .. من بعد اسبووع توفى احمد و خلا ليه فراغ كبييير مع انو حيتو كاملة ماعاشهاش معاه عاشها خارج المغرب بعيد عليه لكن كان متأثر بيه بزااف ... و فااتت ست سنين .. حول كاااع خدمتوو للمغرب و جلس مع ذلك بقى كيقلب علييها و والوو ...

حاتم .. "حط الصورة وسط الكتاب لي كان كيقراا ناض كيصايب قهوةحتى دخل علييه ... " اه رشاد 

رشاد .. ما عرفتش حتال ايمتا غاتبقى تخلي الباب محلول .. خصك عساس نتا ..! 

حاتم .. ههههههه بدييت كانشرف ياا عمي ..

رشاد .. و اللهي انا لي غانشرف نجي هنا نلقى شحط يقول ليا عمي و نمشي لعند تاج نلقى شحك يقول ليا خالي .. واش ذنبي انا مزال فعز شبابي .. 

حاتم .."مد ليه قهوة" هههههههه عز شبابك و نتا قربتي للخمسين .. اتقي الله ..

رشاد .. اودييي انا بعدا تزوجت و ولدت ولادي حتا لا شرفت جات معايا.. اماا نتووما كون غا تزوجتو بعدا كاتشرفو بلا فايدة.. بففف ..

حاتم ..مازال ما لقيت لي تصلاح ليا اعمو ..

رشاد .."غمز ليه" اهييه .. و عشق😉

حاتم .. اعوووذ بالله .. هاذيك اخر وحدة نفكر فيها ..

رشاد .. امم .. و داكشي لي كان بيناتكم شحال هذا نسيتوه ..؟

حاتم .. كان .. شحال هاذي قبل ما يمووت الوالد ديالها و يطرا لها المشاكل لي ماعرفتش انا لحد الآن لي ديطاي ديالهم حيت ما شاء الله حتى حد فيكم ما بغا يقول ليا عليهم .. داك السااع كان فعمرها 19 تقريبا .. شحال كانت كاتعجبني ... هههه" ابتسم و طلع راسو للفوق "كانت عشق الزوينة بزااف .. عينيها ديما مكحلين .. و حجابها لي ماكانتش كاتحيدو .. داك الساع مزال ما مشيت لبرا .. كنت كل نهار كانمشي عندهم .. غير باش نشوفهاىولو من بعيد . هههه كانت كي كاتشوفني داخل للفيلا ديالهم كاطل عليا بالبالكو .. و فاش كانطلع راسي نشوف فيها كاتهرب .. كانت بيناتنا شي حاجة زوينة .. واخة لا انا لا هي عارفين شنو هي هاذ الحاجة .. ولكن كانت زوينة بزاف .. و قبل ما يموت الوالد ديالها كانو عندها مشاكل كنت كانشوفها ذابلة و فشي شكل .. هنا قررت ندوي معاها ك انا حاتم لي كاطل عليه و تشوف فيه كل ما يجي ماشي ولد خالها .. و لكن ....

#حاتم ...هنا قررت ندوي معاها ك انا حاتم لي كاطل عليه و تشوف فيه كل ما يجي ماشي ولد خالها .. و لكن فاش وقفتها ندوي معاها خزرات فيا و غوتات عليا بدون سبب ماعقلتش حتى علاش واش حيت شديت لها فيدها باش توقف و لا ماعرفتش شنو .. و زيد عليها .. فاش مات باها مشيت نعزيها .. و كنت باغي نخفف عليها .. لكن .. رفضلت و غوتات عليا نفس لي وقع .. المرةالاولى لا و زادت عليها كانكرهك و كانكرهكم و كانت كادخل و تخرج فالهضرة المهم كانت فشي شكل و كملات عليا فاش قالت ليا مابقيتش باغا نشوفك ..من تما خذيت قرار اني نخرج على برا واخة كنت رافض الفكرة .. المهم هذا غير شوية . خلي عليك المشاحنات و المضاربات من بعد فاش كنت كنحاول نتصل بيها .. و اخر اتصال قطعت علاقتي بيها فخطرة كان من 9 سنين .. مابقيتش قادر نحس براسي دخيل .. داكشي علاش فضلت الانسحاب .. على العموم .. هي كلامها كان كي سم كل ما كاندوي معاها حتى كرهاتني فالهضرة معاها 😏 .. 

رشاد .. اووه مشاء الله و هذا سبب يخليك تقطع مع خوتها تا هوما ..؟ فالاخير كيبقاو ولاد عمتك الله يرحمها ..؟ لا هوما لا هي ..

حاتم .. هاااء ؟ خوتها .. لالا انا مزال على اتصال معاهم و تاج الدين شفتو شحال من خطرة ..

رشاد .. باقي على اتصال .؟ واييلي .. هههههه هاذ على اتصال تقولها الى كنتي فبلاد اخرى .. ماشي فالمغرب و لا فنفس المدينة معاهم مشاء الله و كاتقول ليا على اتصال .. و تاج الدين بالسلامة ..ممكن تقول ليا ايمتا اخر مرة شفتيه ..؟

حاتم...،"حك راسو باحراج" احم .. هوو ..انا شفتو شي تلت شهور هاذي .. بالصدفة ..

رشاد .. و الله برافو عليك لا نتا لا هو ..😏 .. بالصدفة ..

حاتم .. بففف .. هاذي ست سنين و انا عندي مشكل شاغلني بزااف .. 

رشاد .." باهتمام" ممكن نعرف شنو هو .. هاذ المشكل ..نقدر نعاونك فيه

حاتم .. مابغيتش نصدمك .. خليه لوقتو ..

رشاد .. على العموم .. الى كاان ..بسبب عشق .. خصك تعرف انك نتا الوحيد لي غاتصلاح ليها ..

حاتم .. "غمزو و حك على لحيتو" امم اذا ماتت بايرة 😉 ماشي حاتم لي يتعامل بديك الطريقة ..! و انا نفرت .. و زيدون شحال فعمرها هي ..؟

رشاد .. 37 سنة ..

حاتم .. زيد عليهم 37 اخرى .. و الله لا تزوجات هاذيك شكون غايتحملها😂

رشاد .. حتارم راسك راها بنت ختي ..

حاتم... و ان يكن راهي بنت خالتي حتى انا ..😉

رشاد .. مزيان لي باقي عاقل .. على العموم .. انا غانمشي نشووف مرتي و ولادي حيت لا نتاا .. ولا ولد خالتك ولا حتى ديك المصوفجة ديال عشق غاتخرجو فيا الشيييب الزرق .. 

حاتم .. زرق😳 .. علاه هو الوان .. يعني انا مغاينووضش ليا بيض ..

رشاد ...هيهيهي يا خفة .. على اشاش مزال ما ناض لك .. بااز .. سير اعمي راك فال 39 ما بقى لك والو و تعكز ..

حاتم .. انتم السابقون و نحن اللاحقون ..😂..

خرج رشاد و خلا حاتم كيفكر .. فحب الطفوولة .. مكاانش حب على قد ما كان اعجااب .. واخة مكانت بيناتهم حتى علاقة بااينة .. لكن بيناتهم كيمياا و متوااففين مع بعض .. حتى وقع لي وقع و دابا .....

#يتبع