#فاتو اياام على ريماس و هي كاتحااول تبعد من اي مكاان كيكوون فيه .. و حتى هو كان مساعدها حيت مكيجيش بزااف اغلب الاحيان كيكون غير النائب.. كانت مقررة تقدم استقالتها لكن بقات كتفكر بلي هذا ماشي حل حيت هي و بنتها عايشين بمستوى متوسط من هاذ الخدمة .. و هي لي موفرة لهم احتياجاتهم و اكثر ..داكشي علاش قررات تبقا و تتجاهل تاج الدين تمامااا.. اليوم كيف العادة الروتين اليومي .. بين شغف و المدرسة و الخدمة ديالها .. .. دخلات ديريكت للكافيتيريا ديال الشركة بعد ما حطات صاكها فالبيرو و دخلات للكويزين ديالها ..
سعيد .. ولكن انا كنشووفك فحال دوك الاميرات ديال ديزني 😉
ريماس .. هههههههه الله يمسخك .. فين قهوتي ..
سعيد .."جبد لها القهوة ديالها من تحت البلاكار ..لي كانت فيها خلطة خااصة ديالها القهوة المغربية المعطرة .." هاهي يا اميرة .. نصايبها ليك ..؟
ريماس .. راك عارفني كانبغي نصايبها لراسي ..😉..
خذات قهوتها صايباتها فالكوكوت و بكل هدووء كيف كااتبغيها قهوة مغربية معطرة على اصولها كبات كاسها و سلمات على سعيد "هو لي كايشوف طلبات الموضفين فالكافيتيريا" و مشات للبيرو ديالها .. حطاتها على المكتب و جلسات كاتشوف فالبخار لي طالع من الفنجان ديالها و ساااهية باالها سارح فحواايج لي شحال و هي كاتحارب باش تنساهم .. تنهدات بضييق فحال لا ضاغط على صدرها الهم.. بغات تبعد ..مابغاتش تعاود تحتك معاه .. خاايفة حتى النخااع انو ياخد ليها شغف .. هزات كاسها تشرب منو لكن ما حسات غير بيد طيرلتو من يديها .. هزات راسها تشووف شكون هااذاا لي تجرأ و خذا الكااس من فمها ..حتى تلاقاات عينيها بالي كاانت كااتهرب منو كل هاذ المدة ...حسات بالخوف من عينيه .. لي كانو فحال عينين الصقر ..رمشاات بزربة و نفسها كاطلع و تنزل بسرعة ..لكن قدرات تستجمع قوتها باش ماتحسسوش بلي خافت من وجودو حداها ..
ريماس .."/هازة حاجب و حاطة لاخر " هاذي قهوتي ..!
كان طوييل لدرجة عنقها ضرها و هي كاطلعو با تشوف فيه .. سرحات فالكتلة لي قدامهم .. بااينة عليه الشخصية القوية حااولات ملتشووفش ولكن عينيها خداوها مبااشرة للضربة لي فحنكو .. .. لاحظ فين كانت كاتشوف و ابتسم بجنب فموو .. بقى كيشووف فعويناتها الخضرين .. اكثر من اللون الاخضر بذااتو .. شفايفها لي كانو كيرجفوو هوما الوحيدين لي كانو كيبينو خوفها .. ابتسم برضى كي شاف حنيكااتهت بداو كيحماارو .. شرب من القهوة و غمض عينيه كيتلذذ ....
تاج الدين..انا محتاجها كثر منك😉..
جلس على الكرسي لي قدامها و بقا كيشرب فيها بدون ما يعطيها أدنى اهتمام فحال لا مكيناش كااع انا هي كي شافتو جلس فتحات فمها بالصدمة ..«هذا واش نوورمااال ولا كيطنز ولا شنوو»
ريماس ..الى بغيتي قهوة تقدر تقول لهم يصايبوها لك ..
تاج الدين .. هاذي عندها طعم خاص .. 😉
كمل الفنجان ديال قهوة و حطو قدامها ..بقى مدة كيشوف مباشرة فيعينيها ..
تاج الدين .. علاش رجعتي .. كوني اكيدة ماغانسمحش لك تكملي داكشي لي بداه بااك ..!
ريماس .."وسعات عينيها " نتا ماااشي نوورمال .. امبوسيبل تكون انسان طبيعي ..
تاج الدين .."شدها من فكها و قربها ليه مزيااان تى ولا كيشوف عغير عينيها" ماشي طبيعي .. راكي عاارفاني ماشي طبيعي ولا نسيتي .. امرتي العزيزة .."طبع قبلة بجعد على فمها" الى نسيتي نفكرك ..😏
ريماس .."كتحاول تحيد لو يديه بز حتى قدرات تفك منوو و رجعات لور " بعد عليا الحيوااان الى كنت تعديتي عليااا شحااال هاااذي حيت كنت ضعييفة و صغييرة .. اما دابااا فييق .. انااا كبرت .. ماابقييتش كيف كنت الصباااط لي جاا يعفس عليا ..😠
ريماس .. خرج علياااا من هنااا خرج خليني فحال الله ياخد فيك الحق😡
تاج الدين ..صراحة برااافووو بنت باااك .. هههههههه و خاينة بحالو .. ماكاانش يصحااب ليا مع اول فرصة غاتخرجي و تعرفي على رجال اخرين و نتي على ذمتي .. ولكن شووفي فيااا مزيااان .. الا شرفي .. نتي قستييه .. و غادفعي الثمن غاالي .. امرتي العزيزة ..😉
ريماس .. اش كاااتخراااا اش .. واش عند باالك من بعد دااكشي لي درتي لي .. غانعاود نشووف فشي راجل .. كيف ما كا يكوون .. كرهتيني فالرجاال .. لا نتااا لا الكلب لي قبل منك .. عرفتي .. نتووومااا فحااال فحااال . على قد مااا عذبني جووود جسدياااا ..حتى
نتااا عذبتيني جسديااا و نفسيااا .. هوو طلع احسن منك ..عمرييي نسيييت ولاا غانسااا بلي نتاا وياااه كنتووو سبااب فان حيااتي تدمراات .. "حماارو عينيها لكن منعاات الدمووع ينزلووو " مناااش مستغرب .. حتى لو كنت مع واحد ااخر .. نتا السبب .. نتا لي فتحتي المجال لوااحد اخر .. و اااخر .. و ااااخر .. ديتيني من المغرب ماغاقلاااش .. ديتين لبلاااد مااشي بلااادي .. ماعارفة فيها حتى واااحد .. استغليتيني .. و رميتيني فحال اي وحدة جايبها من الشارع .."ضربات المكتب بيديها بحر جهدها " ولاااا نييت .. راك جااايبني من الشااارع .. من بين يدين واااحد بحاالك ... كلكم بحال بحاال .. عرفتي .. علايااش جااي تحااسبني ..؟ةشكوون بعدااا لحد الاااان انا معارفااكش شكوون نتاا .. واحد تزوج بيا و انا ماعارفاااش .. كيفااش .. و علاااش .. ههههه ماعرفتش .. غيير بااش ينتقم من وااحد مااات و شبع مووت .. اشمن شرف هذاا لي كدوي علييه و نتاا رميتيني فالفصاايص تالليل فبلااد ماعااارفة فييها حتى حد .. و مااعنديي فجيبي حتى رياال .. ههه ودااابااا جاي تحااسبني على شرفك .. ههههههههه فيين كاان شرفك دااك النهاار هاا ..؟ ولكن .. انااا ماشي هكذااا حيت دااك الشخص ليي نتقمتييي منووو عن طريقي اناااا رباااني .. و عرف كييف يربينييي .. و لو بمووتي ما نقبلش على رااسي الحرااام .. امسيو تاج الدين .. "طلعات و نزلات فيه باحتقار و ركزات على السبحة لي كانت فيديه" بقاات فالسبحة .😏..
تاج الدين .. براافو .. برااافو .. عرض زويين .. عجبني .. باين لي ربلااك رباااك على التمثيل و الدراما ..
ريماس .."جلسات فمكتبها و شافت فيه ببرود" خرج ..
تاج الدين .."جبد فلوس من جيبو و حطهم تحت الفنجان ديال القهوة .." خلاص القهوة .. 😉..
خرج من المكتب و خلاها كاتغلي .. مالقلت قدامها غير الحمام لي دخلات ليه كاتجري وقفات قدام المراية و فغااات كاااع كمية الدموووع لي كانت حاابسااهم على تاج الدين باش ميشوفش ضعفهااا.. قاست شفايفها و شافت فالمراية ..
ريماس .. حتال ايمتا غايقااا هذااا حاالي 😭😭
خرج من المكتب و خلاها كاتغلي .. مالقلت قدامها غير الحمام لي دخلات ليه كاتجري وقفات قدام المراية و فغااات كاااع كمية الدموووع لي كانت حاابسااهم على تاج الدين باش ميشوفش ضعفهااا.. اما هو كي خرج من عندها مشا ديريكت للبيرو ديالو الدخاان كيخرج ليه من الودنين ردخ الباب خلا عتيقة غا كاتشوف .. بقا غادي جاي فالبيرو ديالو و كي حك راسو مرة و لحيتو مرة .. حس بيها حرقاتو بديك الهضرة لي قالت ليه .. و ما قدش يجاوبها ماعرف مايقول حيت فداخلو عارف بلي داكشي لي قالت كلو عندها فيه الصح .. هو فعلا ما حافضش على شرفو باش هي تحافض عليه .. هضرتها خربقاتو حيت تايق فداكشي لي شاف قدامو ماشي فيها هي .. حيت هي اخر وحدة يتيق فيها ..
تاج الدين.."جلس على المكتب و خدا كارو كيكمي و ينفخ بعصبية'' زعما .. يكون ولدي ..! هههه لالا مستحيل .. شنو زعما .. غاتيقها .. شحال لو مكنتيش شايفها معاه .. بففف... ااخ يا رب .. الشيخ محمد .. انتا حلي فهاذ الحالة ..
خذا تيليفونو و اتجه ديريكت للسيارة ديالو كسيرااا للمكان لي لطالما كان ملجئو المكتن لي عاش فيه مراهقتو ..المكان لي احتواه و ورااه طريق الله و بعدو على رفاق السوء .. وقف سيارتو فالشارع لي كان خدام فيه فيوم من الايام ميكانيسيان ..خرج و اتجه للمسجد لي كان فداك الشارع الشعبي .. وقف قدام اللافتة لي كان مكتوب عليها "مسجد أبو بكر الصديق" .. حيد صباطو و دخل ..صلا ركعات للمسجد و بقى جالس كيسبح حتى تحطات اليد لي يااامااا طبطباات عليه .. ديك اليد كي تحطات على كتفو حس براااحة قبل حتى ما يهز راسوو ..
الشيخ محمد .. كنت عارفك غاترجع ماهماا تعطلتي كيبقى بيت الله هو ملجئك كل ما ذاقت بيك ..
.."وقف و عنقو .. حس براااحة و هو فحضن داك الرجل الطيب .. شيخ المسجد لي لقاه ضايع جالس فالطريق بدون هذف .. كان فعمرو 17 سنة .. جلس حداه و نصحو داه معاه للمسجد .. علمو كيفاش يصلي ..و يتقي الله ..من تما و هو كيتردد على نفس المسجد .. الو بكر الصديق ..لعند الشيخ محمد ..
تاج الدين ..كايبقى هاذ المسجد ملجئي كل ما ذاقت بيا ..
محمد .. جلس و ربع رجليه" مهماا كبرناا .. ماكانكبرووش على الرحمن الرحيم ..
تاج الدين .."تنهد تنهيدة حاارة،" و نعم بالله ..
محمد .. وااش بيك يا بني ..؟ مالك هاز هم الدنيا على كتافك
تاج الدين .. اخ يا شيخ ..
محمد .. عاود ليا ..
تاج الدين .. تزوجت بنت رحيم .. هاذي ست سنين ..
محمد .. رحيم .. شكون .. حسن ..؟
تاج الدين .. هو رحيم لي خرج لنا على حياتنا ..
محمد .. "ابتسم ليه" غاتاخد ثواب كبيير .. حيت تزوجتي بيتيمة و نسيتي لي دار فيك رحيم .. هذا هو تاج الدين لي كانعرف جوهرو مزياان
تاج الدين .. لا .. انا مانسيتش .. تزوجت بيها باش ننتقم
رحيم .. عفوا ..؟ تنتقم ..؟ من من ..
تاج الدين .. بعد دااكشي لي درت كلوو بعد ما خديييت لييه كااع ما يكسااب .. و بعد ما خليتو يموت بحال الكلب مع ذلك الناار لي فقلبي ما طفاتش .. داكشي علاش قررت نتزوجها بطريقة مهينة و نزل ليها رااسها تحت رجلي باااش .. "شد فراسو" ..
محمد .. كمل ..!
تاج الدين .. بااش ناخد حق الواليدة الله يرحمها .. و حق عشق .. حق خووتي لي تأذااو و حقي حتى انا ..بغيت نحس بنشوة الانتقااام و شحاال تمنيت يكوون رحيم مزال عايش بااش يشوفني كنستغل بنتوو .. ..
محمد .. اعوذ بالله من الشيطان الرجيم .. شنو درتي فالبنت يا بني ..
تاج الدين .. تزوجتها و ديتها لتركيا بعد ما .. خذيت حقي طردتها من داري ..
محمد .. من دارك ..؟ فتركيا ..
تاج الدين .. اه .. طردتها من داري واخة كان صرااع داخلي .. طردتها بصااك ديال حوايجها .. و هنا رتاحيت من جهة الانتقاام .. حسيت براسي شفيت غليلي و انا كنشوف فبنت الراجل لي دمرني مدلولة قدامي ..
محمد .. طردتي مرتك فبلاد غريبة ماكاتعرف فيها حتى حد ..؟
تاج الدين .. "حرك راسو بالايجاب " و انقطعات علاقتي بيها بعد ما جيت للمغرب .. فاتو شهرين تقريبا كنت غعطلة مع عشق و خرجت معاها .. ماغانشوف غير حرمب المصون جالسة فمطعم مع رجل آخر ماعرفتش كيفاش تمالكت اعصابي داك الساع و مامشيتش نقتلها هي و يااه يمكن حيت كنت كانقنع راسي بلي مكاتهمنيش و مامعتبرهاش مرتي اساسا
محمد .. "كيتصنط ليه بهتمام و كينعل الشيطان"..
تاج الدين مباشرة من بعد ما رجعت بدات تتصل بيا الخدامة .. قالت لي بلي ريماس جات شحال من مرة سولات عليا ..و كاتقول لها توصل لي بلي راهي حاملة .. ! بغات تلصق فيا انا الحمل ديالها من واحد اخر .. ! و دابا بعد ست سنين .. ماغانجي نتفاجئ بيها غير خدامة عندي فالشركة ..راسي داخ و اليوم سمعاتني كلام كي السم فاش واجهتها بحقيقتها ..
محمد .. كملتي ..؟
تاج الدين عمك ذ
محمد .."وقف و تبعو تاج تا هو وقف قدامو" تزوجتي بنت رحيم .. شحال كان فعمرها ذاك الساع ..
تاج الدين .. تقريبا 19 و لا 20 عام ..
محمد .. ما شاء الله بنت صغيرة .. و دوزتي عليها هاذشي كلو .. و هي يتيمة ! "لوا معااه تسرفيقة حتى دار للجنب الثاني "
محمد .. ما شاء الله بنت صغيرة .. و دوزتي عليها هاذشي كلو .. و هي يتيمة ! "لوا معااه تسرفيقة حتى دار للجنب الثاني " يا خساارة السنين لي بقيت معافر معاك باش تبعد على كل ما يغضب الرحماان .. "زادو تسرفيقة اخرى خلااه مصدووم" هاذ زوج تسرفيقااات لعل وعسى يفيقووك من قنااع الظلم لي وليتي لابس .. شنو يصحاب لك راسك حتى تتحكم بحيات بنت صغيرة و تلعب بيها بهاذ الطريقة ..؟ اش هاذ الطغيان و الفساد لي وليتي فيه ..ظمنين جبتي هاذ قسوة القلب .. تخايل معايا تازوج هي و تولد و ولدها ينتقم من بنتك ..تخاايل ..ظ فين غانوليو .. غانوليو فثأر و يبقاو ولادكم كايتحاربو من وراكم ..؟
تاج الدين .."وسع فيه عينيه بصدمة ماشي هذا هو الكلام لي كان متوقع "
محمد .. شنو ..؟ مالك ماشي هذشي لي كنتي باغي تسمع ياك .. كنتي باغيني نقول لك مزيان راك مغلطيش ..؟ اعوذ بالله من الشيطان الرجيم ..غلطتي بزااف اولدي
اتقي الله تبارك وتعالى – قولا و فعلا خضوعا و امتثالا « و من يتق الله يكفر عنه سيئاته و يعظم له اجرا » اتق ربك فيها و استغفرو لعل و عسى يسامحك .. ماكفاكش لي درتي و فالاخير طعنتي فشرفها و نتا ماشي متأكد من المولود واش من لحمك ولا لا ..؟ قول اعوذ بالله من الشيطان الرجيم .. خليتي الشيطاان يدخلك لدواامة صعيييب تخرج منها يا ولد الصقر .. تعميتي لهاذ الدرجة ..؟ كنتي تلجأ لبيت الله تعتكف تستغفر ربك ماشي تمشي فالارض فسااداا و تظلم ناس ابرياء باش حضرتكم تحس بالنشوة دالانتقام .. كانتمنا هاذ زوج طرشات يفيقووك و يهديوك للطريق الصحيح حيت بنتي ليا غا كاترگع .. صلي زوج ركعات طلب الرب يسامحك و يغفر ليك خطيئتك حيت كيبان ليا وليتي فحال رحيم .. ما فرقتي عليه بوالو .. .. الله يهديك .. و دير فبالك ماشي ضربتك باش نقلل منك حيت مشاء الله كتافك ولاو اكبر من ديالي مابقيتيش ديال العصاا .. ضربتك بااش تفييق .. و تشووف راسك فين نتااا .. و شنو درتي .. !
مشا و خلاه مصدوم عينيه فاتحهم على وسعهم .. ما حسش بالدق لي عطاه الشيخ محمد حيت فاتو عليه فحال النسمة دالهواء .. و انما حس بالدق فقلبو تزير عليه .. فحال لا رجع ليه داكشي لي دار كلوو و حط راسو فكفة و رحيم فكفة تعادلو بزووج قدام عينيه .. احتقر راسو و فديك اللحضة .. من نهار تزوج بريماس و خلاها عمرو فكر بهاذ الطريقة حيت فكرة الانتقام هي لي كانا طاغية على قلبو و عقلو .. .. بقى ديك العشية كاملة و هو كيصلي و يطلب من الله يساامحو و خرج من الجامع و بين عينيه قرار واحد يقلب ورا ريماس .. و يعرف كولشي على حياتها .. من الاول للآخر .. اما ريماس .. ديك الليلة دوزاتها على الشوك واخة حابسة دموعها و حالفة ما تخرجهم داك النهار على اي حاجة .. حبسات كولشي فقلبها و ضغطاات عليه و نعسات معنقة بنتها حياتها و كل ما كاتملك ...
#فاليوم_الثاني دخل تاج الدين للشركة عاقد حواجبو طل على المكتب ديال ريماس لقاها متكية على الكانابيو هازة رجليها لي حاطة فوق منهم الوراق و كاترسم..
تاج الدين .. "دخل عليها بلا ما يدق " الاخت .. راه دايرين لك مكتب و كرسي باش تخدمي كيف الناس .. ماشي تكوزي و تهزي ليا ترمتك للي غادي و لي جاي .. حتارمي راسك شوية ..
ريماس .."قفزات من فوق الفوتوي و رمات الوراق لكن سرعان ما استوعبات شنو قال" .. حتااارم راسك اسيي اش هاذ الهضرة كاتخرج من فمك ..
تاج الدين .."قرب ليها" ماتنسايش بلي راك مرتي و اي تصرف محسوب عليك ..
ريماس .."ضحكات بصوت عالي" هههههههههههههععع مشاء الله .. مرتك مرة ووحده هههههههههههههه ترا و الله ضحكتني شووف اسي تاج الديم من فضلك خليك بعيد عليا .. بعييد بزاااااف حيت ماغاتلقا مني غير الجفاااء .. انا هنا موضفة .. و نتاا مديري .. حتارم هاذ العلاقة ..
تاج الدين .. اهاه ..موضفة .. و مدير "زاد قرب ليها حتى لصق معاها حاولات تهرب ةو هو يجرها من خصرها حاصرها بيديه " نتي مرتي انا ..
ريماس .."ضرباتو لصدرو وكاتحاول تفك منو" بعد عليااا حيوااان عمرك تعاود تفكر بلي غانخليك تقيسني مرة اخرى ..
تاج الدين .."قرب لودنها و حكمها على صدرو مزيان .. همس لها بصوت قاسي " غانقيسك .. كانواعدك .. غانقيسك لكن ماشي فالمكتب فداري 😉..
طلق منها و خلاها حمرااا كاتغليييي ...واجهاتو بزجه كلوو غضب عينيها كون كانو يطلقو القرطااس كون قتلوها ..
كاتغليييي ...واجهاتو بوجه كلوو غضب عينيها كون كانو يطلقو القرطااس كون قتلوها ..
ريماس .. ايييك تفكر .. اقسب بالله تا نقتلك كاتفهم .. ماغااانخليييكش تهرسني مرة اخرى لاااا نتااااا لا اي مخلوووق كااان ..
ماحسااتش بالدمووع لي كانو كيسيلو فعينيها و هي كاتغوت لكن هو شافهم و كل دمعة كاطيح من عينيها كانت كاتحرقوو .. حس بيها بلي معذبة و هو لي كان السبب فعذابها طبعا ..
تاج الدين .. شكون هو ..؟
ريماس .."طلعات حجبانها و تنفسها كان مزال متسارع " كيفاش ..؟
تاج الدين .. لي قلتي بلي ولدي .. شكون باه .. منين جبتيه ..
ريماس .."ارتجفو شفايفها من الهضرة لي كيقول بزز حتى قدرات تجمع كلماتها " ماشي سووقك .. سمعتي ماااشي شغلك بنتي اناااا بنتي انااا بوحدييي كالاتفهااام ..
تاج الدين ...."غمض عينيه و فتحهم بعصبية " ولدتيها مع الهواااء مثلا كيفاش بنتك نتي بوحدك ..واش بنتي ..؟
ريماس ... ماشي بنتك كاتفهم مااشي بنتك .. بنتي بوووحدي انا مابنت حتى واااحد انا لي تعذبت عليها بنتي اااناااا ..
تاج الدين .. "قرب لها و شدها من دراعها" قولي ليااا شكون .. شنو سميتوو .. متحكم فراسي بالسيف ..
ريماس .. " حسات بالدنيا كدور بيها" الله يخليك بعد عليا .. ههءهءههء واش مزال ما شفيتي غليلك .. مزال ما نتقمتي مني .. شنو غادير مزال كثر من لي درتي .. قول ليا غير علاش كتنتقم مني شنو درت ليك .. جاوبني شنو درت ليك 😭😭😭
تاج الدين .." طلق من يديها و لمس حنكها بيديه مسح لهم الدموع لي كانو شاقين طريقهم على خدها " ..شووت صافي ..
قبل ما تنطق حتى كلمة كان هو خرج و ردخ الباب خلاها طاحت فوق الكنابي كاتبكي بعنف حتى تفشات مزيان عاد مسحات عينيها و مشات للحمام و هو دخل كي التور الهايج للمكتب ديالو و ردخ الباب حتى قفزات عتيقة من بلاصتها عيط عليها بصبعو باش تبعو .. و لبات الطلب طبعا
تاج الدين .. " غادي جاي فالبيرو" جبيبي ليا العنوان ديال ريماس رحيم و الرقم ديالتلفون ديالها دابا ..
عتيقة .. ها اش بغيتيها ..؟
تاج الدين .. "شاف فيها دوك الشوفات ديال الصقر " سووقك ..؟ تلاحي جيبي ليا لي قلت لك ..
عتيقة .. واخة مسيو ..
خرجات من عندو كتجري جابت لي قال لها و رجعات هو تلاح على الكرسي ديالو و خذا السبحة كيستغفر الله لعل و عسى يهدااا شوية ..
عتيقة ..،" مدات ليه لي طلب منها،" .. تفضل ..
تاج الدين ..،من ايمتا و نتي كاتعرفيها ..؟
عتيقة .. وا راه عشرة عام و نص تقريبا .. ياك ما ناوي تجري عليها مسكينة و الله تا ضريفة و عندها وااااحد البنيييتة و شحال تتحمق بالوين .. عويناتها خوضر فحال ديال ماماها و الشعر ذهبي مسبسب .. و عندهااا واااحد مولاي رااجل .. اخخخخ نصو تركي و نصو مغربي كيحمق بزيين و جنتلماان ضرييف كيعاملها فخال شي اميرة .. فاش كنا فتركيااا كان ديما كيجي يديها و لكن هي مهووسة بالخدمة ديالها تبعاتها و خلات رجل على مزيناتو .. اودي وجه تامارا ..
تاج الدين ..واش نتي ماشي نورمال ياك ..؟ واش ماتقديش تجاوبي على قد السؤال طبختي لديلمي راسي .. بفف .. "شعل كارو و شاف فيها " قلتي لي متزوجة هي ..
عتيقة .. وااه و عندها بنيتة عندها ست سنين ..
تاج الدين .. و نتي فايتة شايفة راجلها ..ظ
عتيقة ..،"جلسات فوق الكرسي " .. ويلي كاع بنات الشركة كانو مزعوطات فيه .. كان ديما كيديها و يجيبها و هي براسها فاش قلت لها واش راجلك هذاك قالت لي واه ..
تاج الدين .. "زير على السبحة حتى تشتتات " بفف .. فاش كيخدم ..؟
مشا خلاها قبل ما تجاوبو وجهها حماار بالاعصاااب 😂... بقات جالسة فالساحة حتى عيطو عليهم على ود الغدااا.. #حطات_الماكلة_ديالها_فوق_الطابلة بهدوء حتى تجر شعرها من اللور ..
حمرات فيه عينيها و هزات البلاطو ديالها و مشات لطبلة اخرى .. اكثر حاجة كاتكرها هي شي حد يعلق على الهضرة ديالها .. رائد بقا جالس فباصتو كيشوف فيها و يضحك .. كيعجبو يعصبها واخة ماعندوش نهااائيا مع البنات كيمرضوه بالبكاا و الهضرة ديالهم ولكن شغف كانت مختلفة بشخصيتها القوية و قليل فاش كاتبكي لا دار لها شي حد شي حاجة كاتحمر فيه عينيها ...كملو الاكل و جلسات كاتلعب بيديها حتى جات عندها وحدة من المعلمات خداتها معاها فالوقت لي كان رائد كيلبس المونطو جيالو باش يخرج لعند عمو لي جا يديه كيف العادة .. و فطريقو للباب بدا يتصنت على المعلمة لي كانت واقفة مع راجل حتى بانت ليه معامة اخرى جاية بشغف ..
...... اه واخة هاهي جاية و غادي تعرفوني واش من طرفها ..
الاستاذة... اسيدي ..واخة تعرفك البنت حنا ميمكنش نعطوها ليك اولا .. لان الام ديالها موصيانا انو تا حد ما يديها من غيرها .. ثانيا حيت هادا قانون و البنت مسؤولية ماشي لي جا نعطوه الدراري ..
فاروق .." قاطعها و خذا تيلي دور نمرة ريماس .." بلاتي انا غانتصل بيها .... الو ..
ريماس .. وي شكون معايا ..
فاروق .. وايلي على شكون معايا ..فاروق ..
ريماس .. اواااه فااروق .. نتا فالمغرب
فاروق .. ايه الالة فاروق .. ههههه .. وي فالمغرب جيت البارح بغيت نديرها لك مفاجئة و نجي لخدمتك .. و قلت نجيب معايا شوشو من المدرسة لي كنتي قلتي لي عليها ولكن ماخلاوهاليش قالك الالة ماكايعرفونيش ..
عطاها تيلي دوات معاهم و اعتذرو منو حيت ما دارو غير خدمتهم ..هاذشي كلو داز قدام عينين تاج الدين لي كان كيتسنا فرائد .. بقا كيشوووف فشغف .. لي كانت مغوبشة و شادة فيد فاروق .... سهااا فيها و فملامحها ..عيونها الخضراء .. تبع لهم العين حتا غابو .. و تفكر بنت ريماس .. و الوصف لي عطاتو عتيقة .. كان تقريبا فحال البنت لي شاف قدامو لي ماقدرش يزيح عليها عينيه من كثرة جمالها ..
تاج الدين .. مشاء الله .. .. سبحان الخالق ..
رائد .. عجباتك ..؟
تاج الدين .." نزل عينو " شنو هي ..؟
رائد .. ''غوبش فيه" فاني إي شوكولا ..
تاج الدين .. شنو هي هاذي عاود ..؟
رائد ..بففففف .."خذا تيليفونو دار صورة و و راها لتاج" هاذي هي فاني اي شوكولا .. شغف ..
تاج الدين .."خذا منو الفون .. كايشوف فالصورة ديال شغف .. كانت جالسة فالجريدة ديال المدرسة وسد الورد و سااهية .. كانت لوحة فنية .. اجمل من الجمال ..،" امممم شغف ..
رائد .."خطف التيلي من يدو" ااااه شغف
تاج الدين .. بنت من هاذي ..
رائد .. "طلع فوق الاوطو و جلس .." بنت ماماها .. تيتييييزة العشير ..
تاج الدين .. شكون هذا لي خداها باها ..؟
رائد .... نوو .. ماشي باها سمعتها قالت لو عمو .. ماعرفتش شكون باها .. غير ماماها لي كاتجي تاخدها ديما ..
تاج الدين.. اممم على العموم زوينة ..
رائد ... عيب عليك البنت صغيرة عليك .. !
تاج الدين .."ضربو لقفاه"ضسرتي البرهوش زيد ركب .. ..
رائد .. هاهو غادي😒 ...
كل واحد مشاا فطريقو و فاروق خذا شغف و اتجه للشركة ديال ريماس ... كي دخل للشركة ناضو الاغلبية تالموضفين سلمو عليه حيت لااغلبية كانو كيعرفوه من تركيا بدمو الخفيف و روحو المرحة .. كان كيجر كولشي لعندو بالهضرة و اغلبهم كان هو الدكتور ديالهم خصوصا البنات .. دخل عند ريماس بعد ما دلوه على مكتبها كي شافتو فحال لا طيحات حمل ثقيييل على قلبها وقفات بدووون ولا كلمة و ترمات فحضنو لي كانت محتاجاااه اكثر من اي حاجة ..
ريماس .. نو .. عندي خدمة .. كثيييرة مزال وقت خروجي ما وصل ..
فاروق .. سوو غانتسناك ..
تلاح على الفوتوي و خذا تيليفونو ..اما ريماس عطات لشغف اقلام و اوراق تلاها بيهم و طلبات لها شوكولا شو و لفاروق قهوة و جلسات كملات خدمتها ..
تلاح على الفوتوي و خذا تيليفونو ..اما ريماس عطات لشغف اقلام و اوراق تلاها بيهم و طلبات لها شوكولا شو و لفاروق قهوة و جلسات كملات خدمتها و اتجهو لدارها .. بدلات حوايجها و لبسات حوايجها و لبسات لشغف و خرجو داو شغف للبارك و مشاو تعشاو كلاو و شربو و ضحكو خرجة كانت افتقداتها .. فاروق هو لكثر واحد كيقدر ينسيها العم بكلامو و الضحك ديالو .. ..
#فالسيارة ...
ريماس .. ماغاتنزلش معايا ..؟
فاروق .."شاف فساعتو" بفف .. مشا الحال .. صراحة كنت باغي نجي عندك ولكن تفكرت بلي المغرب هذا هههههههه مابغيتش نجيب لك الهضرة ..
ريماس .. على فكرة انا هنا مكيهمني حد .. واكن ميرسي لانك حامل همي ..
فاروق ..كاتكوني كادوي بالمغربية حتى كاتقلبيها ..باز .. كيف ما نتي مكاتبدليش ..
ريماس .. غير الامبسي فور هي سبابي هههههه و زيدون نتاا باغيني نتبدل و غبت عليك شهر ما كاملش .. كي درتي ليها
فاروق .. ماشي يا ام لسان طوي .. تا حد مايغلبك .. على العموم .. نزلي دابا .. و غدا غانجي بكري باش نوصلك نتي و شوشو .. كاىي الاوطو على ودكم .. واخة غالية شوية ..
فاروق .. ههههههههههههههههههههههههههههههههه كنت عارف ماغاتيقيش .. بربي لا بصح سولاتني عليك و فاش قلت لها غادي نزل للمغرب باش نشوفك قالت ليا سلم عليها ..
تاج الدين .." طلع و نزل فيه كيحاول يتمالك نفسو و زدح الكرسي لي كان قدامو حتى تهرسو غوتات ريماس" .. الاحاااجة .. هاذااا مكااان عمل ماشي مواعيييد غرامية ..مفهوووم ..
فاروق .."خزر..و قرب ليه" اااسي شكون نتا لي داخل كردك علينا ؟
تاج الدي .." رمقو بنضرات كيف الصقر" انا هو لي غايح استغفر الله العظيم من كل ذنب عظيم ...
فاروق .."حمر فيه عينيه تا هو "مانخافوش ..
ريماس .. فاروق .. صافي عافاك .. من بعد ندويو الله يخليك ..
تاج الدين .." طلع فيها حجبانو و حط التيليفون ديالو و السبحة فوق المكتب و جر فاروق من الكول ديال الشومز" لا نخاافو ..خااف مني .. بزاااف حيت لدابا كانحاول نمنع راسي عليك ..بربي و ماتزكاا و تخرج عليا من هنا .. حتااان..👊 فهمتيني ..! .."طلق منو و ساس يديه..
تاج الدين .."ضرب البيرو بيديه" خرج عليا اسي من هنااا ..و بلا ما تعذب راسك ماغاتقدرش تغدا معاك عندها اجتماع عمل و ماغاتلقاش الوقت للخروج ... يالله تفضل بلا مانعيط للامن ..
فاروق .." طلع و نزل فيه .."، هاهو خارج ..😒
اما تاج الدين غير خرجةفاروق مشا ردخ من وراه الباب و ضار لعند ريماس لي لسقات على الحيط بالخلعة .. شحال تمناات فديك اللحضة كون بقا معاها فاااروووق خلاها فجو مكهرب و تاج الدين كيشوف فيها بنظرات مرعبة.. نضراتو كانو كيتساراو على جسمها كامل بدون خجل .. حاولات تشتت انتباهها باي حاجة اخرى لكن بدوون فائدة جسدها مكانش كيتجاوب مع عقلها ..حتى قفزها بصوتو قول غواتو ..
تاج الدين ..نوضي تقلعي دابا تبعيني للبيرو ديالي ..
حسات بالرعدة من نبرة صوتو و ناضت كاتجري تبعاتو كان سبقها و طلع فالمصعد ركباا فالاخر و دخلات للجناح ديالو دقات قبل ما دخل عندو للبيرو بعد ما لقات التحية على عتيقة غير من بعيد باش ماتشدهاش بالهضرة .. دخلت ولقات جالس على الكرسي ديالو شاعل كارو كيكمي و مصغير عينيه ..
ريماس .. "همسات بصوت غير مسموع" نهايتك اليوم ارمااس اليوم يقتلك
تاج الدين .."بقاا مدة كيشوف فيها حتا كمل سيجارتو و ترخى على الكرس ..حط يدو على لحيتوكيلعب بيها" .. جلسي ..
بلعات ريقها .. حسات بيه كان هادئ كثر من اللازم و هاذشي لي زااد خوفها واخا واعدات راسها ماتعاودش تخاف منو .. لكن دابا كاينة بنتها و هو عرف بوجودها .. جلسات و شافت فيه من تحت الرموش .. جسمها كان متشنج و ماقدااتش شرخيه غير كاكلع عينيها كاتلقا نفس النضرة فعينيه ..و كاتنزلهم عاوتاني بالزربة ....
تاج الدين .." ابتسم بالجنب و داااخلوو بركاان ماكرهش يفجرو فوجها" ترخاي مالك منززة
"حطات ضهرها على الكرسي و حاولات تمثل بلي راهي مسترخية و ما متوثراش لكن هيهاااات مع من هي ... فينما كاتفكر بلي شغف الى عرفاتو باباها غاتكون مصيبة ليها .. طلعات راسها و شافت فيه هازة مناخرها لكن عبنيها لي كيرمشوو بالزربة و كيدورو من هنا لهنا كشفوها قدامو و عرفها واش خايفة منو ..
ريماس .."بقوة مصطنعة" شنو بغيتي ..؟
تاج الدين .. اولا من اليوم نتي لي غاتبقاي تصايبي ليا القهوة .. مفهووم ..؟
تاج الدين .." جاوبها ببرود " ثانيااا نسمع صوتك مرة اخرى علااا علياا نجبد لك داك اللسان من جدر و ندير لك فيه ستيك ..
ريماس ..😳😳 لا بصح نتاااا ماشي نورمال اويلي ..
تاج الدين .. ثالثا ..غانسولك و اي سؤال نبغي ليه جواب صريح حيت غانعرف بطريقتي الحقيقة ..
ريماس .. مدام نتااا عندك طريقتك تعرف بيها الحقيقة .. لاش مرض ليا مخي لنا هااا..؟
تاج الدين .. "شير عليها بستيلو جاها فالصدر" تكلمي باحترام .. و داك الصدر مرة اخرى نلقاااه عريان نقلعو لمك ..
ريماس .. حتارم رااسك شكون نتااا بالسلامة 😡😡
تاج الدين .. انا راجلك ..! السؤال الاول ..رتجلك الاولي كي كانت علاقتك معاه ..
ريماس .."حسات بالدموع غاينزلو غير من هاذ الكلماات ..زواجها الاول كانت اكثر حاجة كارهاها و مرضاتها فحياتها" زواجب الاول "شافت فيه باشمئزاز" لا يقل عن زواجي الثاني الفرق الوحيد هو ان الاول ماكانتش فيه علاقة زوجية بخلاف الثاني .. لي كانت فيه حتى آثااار نفسية عمرها غاتبراا ..
تاج الدين .." ركز فعينيها " كنت اول رجل يقيسك .. "تحنا قلى البيرو" اول راجل فحياتك ..!
ريماس .."طاحت دمعة من عينيها مسحاتها بالخف" و نكرتي .. نكرتي انك كنتي اول واحد "شافت فيه بحقد" مزااال كانعقل .. النضرة لي كاانت فعينيك و نتااا كاتلذذ و كاتنكر اني كنت بنت و نتا اول واحد قاسني ..
تاج الدين .."دور وجهو بعيد عليها .. نضراتها كانو كيحرقوووه" علاش تزوجتي بجود ..
ريماس .." لقات راسها كاتعاود ليه كوولشي بالتفصييل " هاذشي علاش تزوجت بيه .. حيت كنت باغية ماما تعيش مطمئنة .. تعيش مرتاحة ..
تاج الدين .. و نتي طبعا مكلخة مافكرتيش بلي الزواج ماشي يوم ولا يومين ..؟
ريماس .. فكرت فماما .. عادتا مكانفكرش فراسي ..
تاج الدين .. "طلع فيها عينيه بنظرة اول مرة تشوفها فعينيه" نقطة مشتركة ..!
ريماس .. " ابتسمات بسخرية .." هههه توتوتو .. ما نضنش .. نتااا .. كاتفكر غير فراسك .. نزواتك .. و رغباااتك و احسااسك بنشوة الانتقاام .. هاذو صفاات مايمكنش يكونو فواحد كيفكر فناس اخرين ..
ريماس .. "استرجعات قوتها و حمرات عينيها" ..كاندوي من معرفتي القليلة بيك .. حيت شفت منك لي ممكن ماتشوفوش وحدة عاشراتك سنين ..!
تاج الدين .. جريئة .. و جميلة .. يا ماء الماس ..
ريماس .. "ارتبكات من مديحو لي مكانتش متوقعاه " السؤال الثاني ..؟
تاج الدين ..احم .. شكون بات بنتك ..؟
ريماس .."قفزات من بلاصتها" هاذي حاجة تخصني اناااا .. و معندكش الحق تسول فيها ابدااا كاتفهم .. ابدااااا ..
تاج الدين .."وقف و اتجه لجهتها وقف قدامها" علاش هاذ العصبية دابا كانحاول ندوي معاك مزيان و لكن نتي مابغيتيش تحشمي .. و كرد على هضرتك .. مداام هي تخصك من حقي نعرفهاا انا نقول لك علاااش .. حيت امدااام نتي مرتي .. على سنة الله و رسولو و مخليك تلعبي على خاطرك ..فالوقت لي انا بامكااني نحبسك ماتشوفيش النور لكن مابغيتش نظلمك للمرة الثااانية ..!
ريماس .."ارتجفو شفايفها و طلعات فيه العين".. عارف راسك ظلمتيني المرة الاولة .. لا ظلمتيني شحال من مرة ..فالحقيقة ..
تاج الدين ..تضلمت قبلك يا بنت رحيم ..
ريماس ..ظلمتيني كما لم تظلم امرأة قبلي ..
تاج الدين .."ثرب لعندها حتا مابقات كاتفثل بيناتهم حتى حاجة حتى مساحة " لن اقول انني اسف .. لان القول لن يجدي نفعا ..
ريماس .. .."تنفسات بعمق" ..تحطمت خلايا قلبي و ماتت..
تاج الدين .. نعيد احيائها .. فالتصفحي يا ذات الزمرديتين ..
ريماس .."غمضلت عينيها بالم " بعد عليا بغيت نمشي ..
رجعات للور بخوف كاتحاول تبعد حتى لسقات على الطاولة ديال الاجتماعات .. حاولات تهرب لكن حاصرها بجسمو و شدها من خصرها .. جسدها الصغير ولا بين جسمو الكبيير .. اخيراا ..!! كانت اكثر لحضة تمناها ..!
رجعات للور بخوف كاتحاول تبعد حتى لسقات على الطاولة ديال الاجتماعات .. حاولات تهرب لكن حاصرها بجسمو و شدها من خصرها .. جسدها الصغير ولا بين جسمو الكبيير .. اخيراا ..!! كانت اكثر لحضة تمناها ..! ماخلااش حي مساحة حتى للهواء فين يدون لصق صدرو على ديالها .. كان جسمها كيترعد و كاتنفس بسرعة و مصدوومة من هول اللحضة حتى هو ماكاانش اقل منها .. قربو ليها در ايه خلل فالتوازن .. تنفسوو ثقاال و انفااسوو سخاان كاتحس بيهم على بشرتها .. شافت مباشرة فعينيه حسات فحال لا ضربها الضوو..النظرة ديالو كانت فشكل فيها قسوة و بريق مختلف ..تلمس خصرها بحركة بطيجة خلاتها ترجف تحت منو ..وقربها ليه اكثر حتى لسق نيفو على نيف .. و حط يدو على وجها و تحسسها بابهامو اما هو كان هااايم فعينيها كيشوف .. كانو فعالم خاص رسمو هو بزوج بيهم نساو الخلافات و ننساو الماضي.. شاف مباشرة فشفايفهاو انقض عليهم فحال لا كااان عطشاان و شفيفها هوما لي غارويوه ..دارت تكا على الطبلة بضهرو و دورها معاه لسقها عليه اكثر و بدا كيلعب بخصلات شعرها و يشاابك معاهم صباعوو .. و بدا كيعمق القبلة ريماس كانت وخدرة لايحة يديها و ماعرفاتش الدقة منين جاتها .. حدها سدات عينيها و استسلمات لهاذ الحركات لي كانو جداد عليها و بادلاتو القبلة .. لي كانت نوعا ما عنيفة كيبوس بوسلت مفرقين و خقاق على شفايفها فالاول لكن ماكفاهش و ماااشبعوو انقض على شفتها السفلية و بدا كيمص و يعض فيها بطريقة دوخاتها كثر ما هي دايخة ..و كيحرك لسانو على شفافها كيتلدد فيهم نسا راسو حتى حس بطعم الدم فمو .. بعد عليها شويوش كانت مغمضة عينيها و حنيكااتها حمريييين .. حط صبعو علة شفتها لي كانت مشقوقة من الوسط و مسح الدم لي كان فيها قبل ما يعاود يتلاح على فمها بكل تملك و وحشكية يستكشف اعمااق اعمااقو.. و بقا كيقبلها بشكل مستمر و مافااارقش شفايفها للحظة الا فاش كاتحس بيها محتاجة تنفس .. و هي كانت كاتعمق معاه فالقبلة حسات باحساس كانت محتاجاه .. باغا تمنعو لكن شي حاجة داخلها هي كاتمنعها .. اعصاابها لي كاتخرج فيه هاذ المرة كانت مخدرة من قوة قبلاتو .. ما فيقها غير صوت تيليفون لي ديالها لي كصوني فالجيب تسروالها بحال لا عطاها القوة لي كانت كاتقلب عليها باش دفعو بعييد .. دفعاتو بحر جهدها من صدرو و بدات كاتحارب باش تجبد تيلي من جيبها ..اما هو البخار طلع ليه للراس ماحملهاش تقاطعو ماكرهش كون هرس داك التيليفون على مخها ..مررر يدو على شعروو بغضب و جلس فوق الطبلة انفاسو كانو كيخرجوو تقاااال و صدرو كيطلع و ينزل ..
تاج الدين .."طلع فيها حجبانو" كون كان واسع غير شوية كون جبدتيه بمنتهى السهولة ..👊
ريماس .."خزرات فيه و جبدات تيلي جاوبات" الو .. وي انا .."تبدلو فيها الالوان " انا ماماها .. اويلي كيفاش فين ؟
تاج الدين .."بقلق من ملامحها لي تبدلو" شنو واقع ..؟
ريماس .. طفات تيلي و شافت فيه بصدمة " بنتي .. بنتك .. "شداتو من الكول دالشوميز" بنتنااااا ههءهءهء هي .. هي طاحت من فوق سور فالمدرسة .. انا .. فين صاكي .. " بدات كاتشوف فجنابها تلفات كانت كلها كترعد "
تاج الدين .."كلمة وحدة لي كاتعود فدماغو هي بنتك .. بنتنا " شووووت صاافي هاحنا غانمشيو دابا ..
تاج الدين ."جرها من يديها و تم خارج بيها تحت نظرات وتأملات الموضفين لي كا واحد فيهم حال فمو فجهة ..دخل للبيرو ديالها خذا صاكها و اتجه بيها للسيارة فتحةلها الباب و دخلها و اتجه لمكان القيادة حتى هو انطلق باقصى سرعة .. دورات راسها للسرجم بشروود كاع الخوف لي مخبيااه خرجاتو على بنتها ..عقلها كان كيفكر غير فشغف بدوون توقف فكرة انها وقعاات لها شي حاجة ولو يكون غير خدش صغيير كاتقتلها حسات بنغزة فقليها و كاع الافكار السلبية جاتها فراسها مافكراتش فالهضرة لي قالت لتاج الدين لي بقاات كاتنغز فيه و تعاود فمخو .. لكن دورات وجها لتاج الدين بعد شرووود كان كيسوق بسرعة عاقد حجبانو و حاط يديه على لحيتو .. ..وهي كاتفكر شنو غاتكون ردة فعل شغف الى عرفات بلي هذا هو باباها لي كاتحلم بيه كل ليلة .. و ديما كاتسول عليه .. غمضات عينيها و تنهدات تنهيدة وصلات تال عند تاج الدين و دور راسو شاف فيها قبل ما يوقف السيارة قدام المدرسة ..
ريماس .."دات عندو بتردد قبل ما تفتح الباب .." شكرا بزاف حيت وصلتيني .. تقدر تمشي دابا ..
تاج الدين .."خرج من الوطو و فتح ليها الباب " نزلي ..
نزلات كاتشوف فيه لكن غير تفكرات شغف و هي طير دخلات للمدرسة و تاج الدين وراها .. دخلات كاتهلل و تغوت حتى جات المديرة ..
تبعها كل من ريماس و تاج الدين غير دخلو بانت ليها شغف متكية على فوتوي و رائد واقف حداها كي شاف تاج الدين مشات عندو اما ريماس فاش شافت بنتها يديها ملوية عليها فاصمة و ركابيها كذلك و كاح قلبها بين يديها مشات كاتجري لعندها عنقاتهاىو كاتبووس فيها و تعنق و تفحصها
ريماس . مامي حبيبة .. شنو ضرك ابنتي .. شنو وقع ليك.. مالك ..
اشغف .. "مسحات الدموع علة وجه ريماس " مادرني والو مامي .. غير طحت ..
المديرة .. مدام .. تفضلي معايا بغيت ندوي معاك ..
ريماس .."باست جبهة شغف" .. واخة ..
المديرة .. مداب .. بنتك عنيفة بزااف .. لدرجة كبيرة كثر من الدراري لي كبر منها .. تصوري ضربات زوج دراري كبر منها فالسن .. و فاش بغات المعلمة تعاقبها طلعات فوق السور ديال الجردة و بدات كاتجري حتى طاحت .. و فاش خدينا التيليفون ديالها قلبناه .. بانو لما العاب كبر منها بزاف .. العاب ديال العنف و القتال .. خصك تراقبيها من الآن فصاعدا ..
تاج الدين .. هاذشي مكيبررش اهمالكم .. الام ديالها كاتخلصم باش تعتنيو بيها ..
المدير .. مسيو صقر .. حنا كانهتمو هنا بجميع الوليدات و ما دايرين بيناتهم حتى فرق البنت عنيفة و دويت فهاذ المسئلة مع الام ديالها مرات عديدة ولكن مكين حتى فرق ..و انا كنضن غياب الاب ديالها هو لي داير لها هاذ المشكلة ..
ريماس .."خزرات فيها و ضربات فالمكتب .." شمن غياب و شمن اب شكووون قال لك الاب ديالها مكينش هااا ..
المديرة .. لانها ببساطة مسجلة باسمك نتي الام ديالها و الدليل هو ان اسمها شغف رحيم ..
ريماس .. "دورات وجها لشغف لي كانت فاتحة عينيها و كاترمش بالزربة حتى طاحت دمعة من عينيها لي لاحضها حتى تاج الدين " ماشي .. "نزلو دموعها لي مسحاتهم و بدات تدوي و تشهق" ماشي من .. .هء ..ماشي من حقك تقولي هاذ الهضرة و خصوصا قدام بنتي ..
المديرة .. سمح ليا امدام ولكن ..
تاج الدين .."ضرب الكرسي لي كان قدامو و خزر فالمديرة" هاذشي الالة ماشي سوقك فيه شكون نتي بالسلامة
المديرة .. انا درت لي عليا و بلغت الأم ديالها باش ترد البال مع بنتها حيت نفسيتها ماشي تال لهيه و من الاحسن تاخدها لطبيب نفسي حيت مجرد ما كيدكر ليها شي حد الاب ديالها كاتعصب و ضربو و هاذا كنضن سبب الشجار ديالها مع الدراري ..
ريماس .. "حطات يدها على قلبها و بداو الدموع كينزلو وحدة مور ختها"
تاج الدين ..صدرو تزير عليه فاش شاف المنضر ديال ريماس و هي مكسوورة .. و دور عينيه لشغف لي كانت اكثر منها .. اما رائد مشلت لعند شغف كيطبطب على ضهرها ملي شافها مابغاتش تسكت عنقها و بدا كيهمس فودنها" ماتبكيش فاني إي شوكولا" ....
تاج الدين ..صدرو تزير عليه فاش شاف المنضر ديال ريماس و هي مكسوورة .. و دور عينيه لشغف لي كانت اكثر منها .. اما رائد مشلت لعند شغف كيطبطب على ضهرها ملي شافها مابغاتش تسكت عنقها و بدا كيهمس فودنها" ماتبكيش فاني إي شوكولا"
ريماس .." وقفات و شافت فالمديرة .." بداي اجرائات الانتقال بنتي ماغاتبقى حتى دقيقة فمدرسة كاتهينها بهاذ الطريقة ..
المديرة .. مدام بنتك ماتعرضات لحتى اهانة بالعكس المعلمات هنا كاع عزيزة عليهم و كيعاملوها معاملة خاصة حيت ذكية و ماشاء الله قمر .. انا لي بغيت نوصل ليه هو ان البنيتة عندها مشكلة نفسية و خصها تشوف طبيب نفسي .. الى بغيتيها ترجع طبيعيية .. الى لاحضتي ماكاتميلش نهائيا لاي حاجة عندها علاقة باللون الوردي او باللعب البناتية ..
ريماس .. بنتي .. من ديما هكذا .. كانت كاتقرا فتركيا و جبتها غير هاذ العام .. ماكنتش كانضن المغبر مزال متخلف لهاذ الدرجة .. اابنت طبيعية و عمرهم قالو لي غير هاذ الهضرة تا جيت لهنا ..
المديرة ..يا بنتي انا 20 عام و انا فالتعليم .. شفت حالات بحال هكذا ..و انا متأسفة اغلبيتهم عايشين معذبين من العنف لي مكيقدروش يسيطرو عليه .. بخلاف لي مشاو لطبيب نفسي و حاولو يحسنو من حالهم ..
تاج الدين .. شحاا فعمر الدراري لي ضربات ..؟
المديرة .. واحد 10 سنين و واحد 7 ..
تاج الدين .. واااات .. بنت ست سنين ضرب هادو صافا با؟ ..
اتجه تاج للسيارة و هو كيتأمل وجه شغف الملائكي و عينيها الخوضر .. فحاا ديال ماماها .. انفس البشرة .. نفس الشعر غير ديال ريماس بوكلي .. كان كيردد جملة وحدة فراسو «سبحان الخالق.. ماشاء الله» .. حطها فالمقعد اللوراني و اتجه لمقعد السياقة و دار ديريكت لدار ريماس .. لي غير وقف قدام الموبل دارت لعندو ّ.
ريماس .. عفوا ..! منين كاتعرف العنوان ديالي ..؟
تاج الدين .. الموبل تابع للشركة .. و الشركة هي لي مسلماك الدار .. كيفاش ماغانعرفش .. نزلي دابا وريني الدار بالضبط حيت عارف غير الموبل ..
نزل هز شغف و تبع ريماس لي كانت مترددة و ماحاملاش الوضع لي راهي فيه اما شغف كانت كاتأمل تاج الدين باهتمام حسات فحضنو باحساس مختلف ..فاش لاحض نظراتها نزل لها عينيه و ابتسم لها .. ردات ليه الابتسامة و غمضات عينيها .. حطها فالناموسية ديال ريماس و دار عندها ..
تاج الدين .. ماعندهاش بيتها بوحدها ..؟
ريماس .. "شيرات ليه على بيت شغف" عندها .. راهي ..
تاج الدين ..واخى بلاتي نحطها فيها حسن باش ماتعذبيشهاش فنعاسها..
ريماس .. لالا .. هي كاتنعس معايا ..مكنقدرش نبعدها على حضني .. ضروري نعنقها عاد نعس ..
تاج الدين .. "شاف فيها و ابتسم" ههه ناقصة حنان ..
ريماس .. "خزرات فيه" شكرا حيت وصلتينا ..
يتاج الدين .. عارفك كاتجري عليا .. ولكن غادخلي و تصايبي ليا قهوة نشربها عاد نمشي ..
ريماس .." زفرات بغضب" اللهم طولك يا روووح😒
خرجات ريماس كاضرب فجلايلها مشات لكوزينة بقا تاج الدين مدة كيشوف فشغف .. شي حاجة فيها ماخلاتوش يبعد عليها ..صايب لها الغطا مزياان و فاش كان كيغطيها لمح خالة فعنقها .. نفسها لي فعنقو .. و فنفس البلاصة ..عقد حواجبو بشك ..و اتجه للكوافوز ديال ريماس .. بانت ليه مشطة ديال ريماس ..و اخرى اكيد غاتكون ديال شغف حيت كانو عليها رسومات .. و حتى الشعر لي فيها فاتح شوية على لو شعر ريماس و هاذشي لي كيميزو .. خذا الشعر لي كانىفالمشطة حطو فجيبو .. و بانت ليه قرعة ديال بارفان عرفها ديال شغف حتى هي من الرسومات ديال الوليدات ..رشها على يديه و استنشقها كي شم ريحتها ابتسم ..و رجع كلام رائد .. «فاني إي شوكولا»... خرج من الغرفة حاط يدو فجيابو و اتجه للكوزينا وقف فالباب و تكاا على الباب .. و بقى كيشوف فريماس من اللور كانت محنية على البوطاجي مربعة يديهاو حاط عليهم راسها..
باقة حب لا تذبل الجزء السابع
محتوى القصة
التنقل بين الأجزاء