رقبة تحت السيف الجزء 34

جرات اوليفرا نينا لي كاتشهق و تبكي بحرقة جرحها بزاف و مزال كايجرحها حتى قالت صافي معاملتو تبدلات و تقدر تجرو جيهتها و تثدمات بيه فهاد التصرف لي دار ليها مادارتش ليه شي حاجة لي تستاهل اصلا ماعمرها مادارت شي حاجة تستاهل هاد المعاملة الخايبة .... داتها لطواليط لي فغرفة النوم ديالها و غسلات ليها وجهها و هي كاتطبطب عليها و نعساتها فوق السرير و جلسات حداها

أوليفرا بصوت هادئ: مالكم اش طرا !!

نينا بشهقات: والو ... بغيت نهضر معاه نوريه وجهي و شديت فيه و بدا كايخاصم عليا اش درت ليه انا (انهارت بالبكاء و خبات وجهها) ديما كايدير ليا هاكدا لاش من لول داوني معاهم كنت بيخير مع عائلتي فالجزيرة تزوجني و هرب مني و كايضربني و كايخاصم عليا لاش لاااش اش درت ليه حشومة عليه

أوليفرا كاتدوز ديها على نينا: ماتديهاش عليه ... راه عندو مشاكيل لي مخليينو معصب غير بوحدو ماشي غير نتي علامن كايزعف راه علينا كاملين كايسوط فكولشي الخضر و اليابس و قبيلة تلقايه غير معصب و جيتي قدامو و تفركع عليك (بحزن) راه مسكين مريض بالقلب

نينا شافت فأوليفرا بعيون مليانة دموع : كيفااااش

أوليفرا بأسى : ااااه إسلام مريض بالقلب كانخاف شي نهار يطيح كاو بسباب شي كريز قلبو ضعيف من نهار طرا ليه واحد لموشكيل مايقدرش يعيش حياة عادية

نينا كاتمسح فالدموع :كيفاش راه عايش مالو ميت !?

أوليفرا: لاا مافهمتيش مايقدرش يمارس مع شي وحدة ولا يرجه يتريض و ... اس حاجة كتخلي القلب يدق بزربة ماخاصوش بيها حيت يقدر يسكت ليه بالمجهود لي غايدير ... واخا كاع ديك العصبية و الغوات راه غير الحر ديال داكشي لي فيه

نينا كاتظاهر بالقوة: شغلو هاداك .. غير دنوبي هادوك خرجو فيه

أوليفرا: نعسي دابا و رتاحي ليك شوية حتى يصبح و يفتح

نينا: تسناي نبدل حوايجي

أوليفرا: تسناي انا نجبد ليك

ناضت أوليفرا للماريو حلاتو و جبدات ليها بيجامة فالكرونة عبارة عن ديباردور عنقو محلول و شورط قصير ... عطات ليها البيجامة لبساتها و طوات الكسيوة و تخشات ففراشها و طفات عليها أوليفرا الضوء و خرجات خلات كاتدمع بوحدها حتى داتها عينها.

فنص الليل و وسط الضلام وضوء الشموع الخافتة تفتح باب غرفة نينا و وتقدمات رجل سمراء اصابعها طوال واضافرها مقلمة فيها شعيرات سوداء خفيفة على الاصابع ... بشوية بلا مدير الحس مادير لحس تقدمات بخطوات تابتة نازل عليها روال واسع كيتجر مع الارض ... واسع ومفضفض من لفوق شوية وسمطتو نازلة تحت السرة وسيورها فالابيض مدليين ... مغطي نص البوكسر والسفلي والبانضة البيضاء ديالو مزيرة على كرشو المزينة بخط شعر رقيق طالع حتى للسرة .. بطن مشدودة .. مطراسية على ستة اجزاء مفرق عليهم الشعر بطريقة عشواءية وغادي وكيقوى فالطلعة ديال الصدر المنفوخ المنقسم الى نصفين كل نصف مطراشي بوحدو ومنفوح بوحدو باتقان كانه لوحة فنية من رسام عبر بااشريشة ديالو على الجسم المثالي القوي والسليم للرجل والجذاب بالنسبة للانثى ... كتحيط بالعنق العريض سلسلة رقيقة كتلمع وكتموج مع حركات و التفاتات العنق بحرية ، وقف على راس نينا نينا لي ناعسة على ضهرها و كايبان عليها مرتاحة فالنعسة قالبة وجهها للجهة الاخرى ... ببطىء جلس تلقرفساء ودار يدو على لحيتو وفمو عاقد حجبانو و بدا كيتمعن فملامحها وزجها كيف ولا .. دوز يدو على خدودها و بقا كايشوف ساهي فيها و فملامحها ماتوقعش وجهها يرجع بهاد الجمال كامل من بعد ماكان مشوه ... بقا شحال مركز مع حروفها وهوا كيقرب حتى استنشق ريحتها مزيان .... تنهد بحرقة عوجمه يدو و ناض من حداها و خرج من لبيت بنفس الطريقة باش دخل و مشا لبيتو تلاح على لفراش كايفكر حتى داه النعاس

فجهة أخرى جالسة ذهب فبيتها فالبالكون و الهوا بارد خفيف كايضرب فيها ... ساهية كاتفكر و ابتسامة خفيفة على شفايفها تهنات أخيرا و رتاحت و رجعات فيها الروح فاش شافت خوها باقي حي و كايتعالج باش يرجع كيفما كان و حسن ... فوسط سهوتها تحطات يد كبيرة مشعرة على كتفها و ضارت لقاتو رياض ... لابس سروال جينز و تيشورت رمادي لاصق عليه و سبرديلة رمادية و ريحتو فايحة .... تحنا عندها مبتاسم و قال : فاش كاتفكري

ذهب: والو غير رتاحيت فاش رجع سلام

رياض: حتى انا... الحمد لله ربي كتب ليه عمر جديد 

ذهب: فلت من الموت بأعجوبة

رياض: الحمد لله على كل حال اش بان ليك دابا تخرجي تبدلي الجو شوية

ذهب: مافياش و الله بغيت نبقا هنايا

رياض بهدوء: و علاش ا ذهب ... زيدي بدلي الجو واش غاتبقاي هنا فهاد لبيت سادا على راسك ... خرجي و فوجي مع راسك راه خوك رجع و حي

ذهب: ماشي هاكاك ... غير انا مرتاحة هاكت

رياض؛ زيدي و ديري ليا خاطري يالاه ا ذهب غاتخليني كانطلب فيك هاكا؟!

بقات كاتشوف فيه و كاتفكر و ناضت : واخا يالاه

رياض: لبسي و غاتلقايني كانتسناك لتحت

بتاسمت ليه و خرج من لبيت باش تبدل فراحتها ... مشات للماريو و جبدات كسوة طويلة بلا يدين سامبل فالبلو مارين لبساتها و سرحات شعرها الأشقر الطويل و طلقاتو على راحتو و دارت مكياج خفيف و رشات من ريحتها و لبسات سباط فالبلو مارين و خرجات من لبيت ، هبطات للتحت لقات رياض جالس كايتسناها ... وقفات عليه وهوا يهز راسو شافيها و خرج عينيه و هضر بصوت منخفض : ذهب !! نتي عارفة باباك ماعزيزش عليه هاد اللباس؟ إلى شافك لابسة هاكا و غاتخرجي بيهوم غاينحرك... زعما راك درتي عقلك

ذهب: زيد زيد بلا ماتكون نgايري بابا راه مع سلام فالكلينيك

رياض: راه غتوصل ليه شنو كيحساب ليك راك عااارفاه و كتر مني

ذهب: غير زيد الى ماشافني حد راه ماغايوصلو والو

حط يديه على وسطو و بقا كايشوف فيها و ساط و فالأخير استسلم ليها و خرج معاها كيفما بغات و فالأول و الأخير كايبقا هو راجلها و هو لي ولا مسؤول عليها ... مشاو للباركينك و ركبو فلوطو ديالو ... ديمارا خارج من لفيرما وقال

رياض: فين بغيتي تمشي !?

ذهب: ياك نتا لي مخرجني اوا خاصك تكون عارف فين تديني

رياض: حنا فمراكش و هنا كاين بزاف مايتشاف بحال الكتبية و جامع لفنا مينارا مول و المنارة شارع كيليز

ذهب: مينارا مول مزيان

رياض: الحوايج ياك هههههه

ذهب: اوا شنو الشوبينغ هو الحاجة الوحيدة لي كاتريح البنات و تحيد عليهوم الهموم و تخوي عقلهم من المشاكيل

بقا رياض كايضحك من قلبو و هو سايق مرتاح أخيرا قدر يتقرب منها و يخليها ترتاح معاه عكس قبل حتى اسمو ماكانت كاتحمل تسمعو و دابا خارجة معاه و خالقين جو زوين بيناتهم. نزلات من ااسيارة كدور عينيه فالغادي والجاي... على الاقل بدلات الوجوه والمكان ... ماحساتش براسها حتى شداتها يد رياض من يدها وشبك صبعانو مع صبعانها .. بقات غير كتشوف قدامها دايخة وماقدراتش تلفت تشوف فيه ... غادية شادة فيه حاسة بيه مزير على يدها بحال الى كيقول للناس هادي ديالي .. هادي ملكي ... وبكل ثقة فنفس هاز راسو وغادي معاها ... تار انتباهها بوتيك احدية وتاجهات جيهتو .. بدات كتشوف فصنادل الصيف و تعزل بحرية ورياض واقف مربع يديه مخلي ليه الوقت و مخليها تشوف على خاطرها واخا مكيطيقش هاد النوع من التسوق ومكيصبرش وماعمدوش ااخاطر حتى فاش كان كيخرج مع مو تقدا . 

بدات تهز وتحط وهوا صابر كيتسنى غير امتى تسالي ويخرج من تما ... بشوية عليها وحتى هي تقيلة بحال الى شادة معاه الضد واخا ماشي فنيتها . تعكسات ليها السمطة متبغاتش تسد فرجلها ونحنة على ركبتو شد ليها رجلها وبدا كيسدها ليها وهي مصدومة فيه كتشوف فيه وتشوف فالناس اللي كيتغامزو عليه... عجبها الحال وبدات كتدلل عليه وزعوج بابتسامة 

ذهب: اي ..بشوية رخفها ليا شوية

هز عينو فيها : مزيانة دابا؟

ذهب: اااي لا زيرها شوية 

رياض: واخا ... ودابا ؟

ذهب: امم .. لالا ماعجباتنيش ... غنجرب لخرى 

هز حاجبو: وصافي شري وحدة ولا شري كلشي حتى للدار ولبسي وقيسي كي بغيتي 

ذهب: بدلع) واخا رجع ليا صندالتي 

هز صندالتها لبسها ليها فرجلها ووقف مد ليها يدو نوضها وهي كتعوج وترمش بعوينتهت ضدد فاامحسادات اللي حاضيينها ... شوية شدات حبهتها زقالت بصوت رقيق 

ذهب: افف ... حاسة بالدوخة ... حاسة براسي غنسخف ... شد فيا حاسة براسي عيانة 

🧚🏻‍♀: * واقفة بدون قناع فبيتها كتشوف وجهها البراق فالمراية وساهية حاطة يدها على خدها كتحسسو ... قفزها صوت الباب اللي تحل وتلفتات مفزوعة

نينا: خلعتيني 😧

اوليفرا : وماالكي علاش غتخلعي؟ شفتك لابسة حوايجك فين عوالة بالسلامة؟ مامولفاش ليك تضلبسي
🧚🏻‍♀: تلبسي هاكا ؟
نينا: غنمشي بحالي

اوليفرا: خرجات عينيها ) علااش؟

نينا: صافي رجع ليا وجهي ... علاش غنبقا هنا ؟

اوليفرا: طلعات حاجبها ) على قبل اسلام

نينا : بلا مبالات) لا ... كنت كتسنا غير يبرا وجهي وصافي

اوليفرا : الله يجعلني نتيق

نينا : قلبات وجها : صافي مابقيتش بغيت نبقا هنا .. بغيت نمشي بحالي وماعندي ما ندير هنا

اوليفرا : واخا لاللة ... جمعي حوايجك وهبطي عندو قولي ليه يرضك بحالك

نينا: ماعنديش حوايجي... هادشي ديالو مانديهش معايا... حوايجي انا راهم فدارنا

اوليفرا: بتعجب ) هااي هااي هااي على عزت نفسي

كمشات نينا فمها وقلبات وجهها منفخة كدور فعينيها

اوليفرا: يالاه سيري نشوفو شطارتك ... هبطي عندو راه لتحت

نينا: هزات خنافرها ) نزل مالي غنخاف منو ... غنمشي ونقول ليه يرجعني منين جابني... ماغنبقاش جالسة ليه هنا على قلبو وانا مابيني وبينو والو ولاسقة فيه... صافي داكشي علاش جلست وصبرت للمعيور ديالو راه رجع ليا... وعندي موطني و واليديا علاش نبقا عند غريب فدارو

بقات اوليفرا غير معجبة ويدها على حنكها كتشوف وتسمع ... تنهدات وقالت

اوليفرا: ياك راجلك وديما مصدعاني بيه ... راجلي راجلي راجلي ... راجلي قرة عيني !

نينا: بعجرفة ) لا ماراجليش ... غير كنت مكنعرف والو ... قبل منعرف الاسلام مزيان كان يحساب ليا صافي تزوجنا .. ولاكن داك الزواج باطل... ومادايزش ... دابا فاش عرفت شنو كاين غنمشي بحالي

اوليفرا : واسلام؟

دورات نينا عينيها بارتباك وقالت : مالو؟؟؟ م ممالو اسلام ؟ راه عايش حياتو ماحتسبنيش كاع واش كاينة ... حاسبني هنا بحال شي جفاف كيمسح فيا يديه ورجليه

اوليفرا :بصوت هادىء) وتقدري تنسايه؟!

سكتات نينا شوية ودورات وجهها وقالت بهدوء

نينا: نقدر... شنو مستافدة اصلا من هادشي ... انا مكنحمل حتى واحد يغوت عليا ويبهدلني ... وهوا خوا فيا سمو حتى شبع ... اصلا نقدر نساه دغيا ... حيت فين ما نجي نتفكرو غانتفكر غير السبان والتبهديل ... و ماغانبقاش نفكر فيه حيت مادار ليا حتى حاجة زوينة باش نتفكرو ونبقا نفكر فيه .

ابتاسمات اوليفرا وقالت : ماتقدريس تنسايه .... عرفتي علاش؟

حركات نينا راسها باستفسار

اوليفرا : حيت فين ما تجي تصلي غتفكريه.... هوا اللي علمك الصلاة ... وراك شحال من حاجة ماكنتيش كديريها ورجعتي كديريها دابا ... فقبيلتكم كلشي كيصلي عند العافية .. الا نتي اللي غتصلي على السجادة .... فنضرك هاداشي مكافيش باش يخليك تبقاي عاقلة عليه ... نتي مواضبة على صلاتك ..كنشوفك كتصلي 5 دالمرات فاليوم وكتقولي غتنسايه ! بلعكس غترجعي تفكريه 5 دالمرات فاليوم ... لهلا يزيد كتر

سكتات نينا عاقدى حجبانها كتشوف فنقطة وحدة ساهية ... شوية شافت فأوليفرا بتحدي وقالت

نينا: نقدر... انا كنعرف راسي كي دايرة ... غير نوصل عند حبابي وصحابي غنساه... غنرجع نينا اللي كلشي كيحتارمها ماشي بحال هنا وليت مدلولة

اوليفرا : نتي تعرفي.... هبطي قوليها ليه بفمك

نينا : بتحدي) اه نقولها ليه ... مالي غنبقا عندو هنا بحال الى ماعندي فين نمشي ...

هزات راسها بكل تقة فالنفس وخرجات مع الباب .. هبطات كتقلب عليه حتى لقاتو جالس شاد كارو فيدو مهبط راسو وحداه قرعة دالشراب خاوي فيها النص ... باينة فيه مهموم والحالة اللي كيدوز منها غريبة عمرو داز منها او وصل ليها ... معزول بوحدو .. مكيخرج مكيدخل ... وواضح عليه دخل فحالة اكتأب حادة

يتبع