حبيبي الأصم الجزء 41

اسبرو : اوييييلي كتتشم 

لامار : كتشم و كتلحححس ... وراه حصلتها داك نهار كتهضر مع واحد كيجيب ليها داك شي كتقول ليه دابا نخلصك يمكن دابا خلصاتو ..

اسبرو : وبقيتي ساكتة اتكووليخة ....واانيت داك الضعف ديالها غي ديال الهيروين ووالبولا الحمرة ... ولايني مسهلااااش بنت الهم .. الشمكارة لوخرا

لامار: وااييييه اوليييدي .. مابقا فيا غايونس لفلوس لي كان فرحان بيهم خلصات بيهم الحرااام علم الله اش غاتقوليه لاسولها عليهم 

اسبرو : نييييت بحرا تفضح

لامار : ااايه سهلتيها... حسابتك دغيااا غاتسرسب ليه... علم الاه اشمن كدبة غاتلقا ... 

اسبرو : وحنا نبقتو مربعين يدينا 

لامار : وراك تانتاا قلتيها بفمك ... كاع الى مشينا قلناها ليهم مغاييتقوناش ... راه بجوج بيهم دايرين فداك الزبلة الثفطقة العمية . حاسبينها هي مولات الاخلاق والشرف والعراااف ودااااشكي 

اسبرو : و الله تافصالحنا هادشي ....ونشوفو فين غاتخرجها .انا بانلي كون غي صووورناها وهي كتخلص داك خينا ونوريهم و نخرجو كييييت

لامار : ففففف مفكرنااش فيها 

اسبرو : تادابا مامشاش الحال ..شي نهار تكون كتدرووكا ونصورو يماها.. ولانمشيو نواجههوها حنا كاع ... نت هضري و نا نسجل وعطيهم يتمزكو ليها

لامار : داكشي لي بااان ليا ... اصلا غي غايلاحظ يونس الفلوس مشاو غاتبدا تفضح غي كون هاني ... اجي حقا مبانش ليك اسد ؟؟؟ ملي خليتو قبيلة ماشفتو 

اسبرو : كان طلب شي حاجة جبتها ليه ... وشوية رجع خرج ... راه فشي ورشة د الباطويات على ماقالولي 

لامار : اااه .. وديالاش هاد الامانة لي جبتي ليه

اسبرو : معنديش الحق نفتح اش وصل ليه باغا تخرجي عليا ... يلاه اختي غاهخليك بحرا نمشي نوجد ليه تقرير دليوم... وردي لبال مع داك القطاطعية و عطيها تيقار تالقاو عليها شي دليل ... انا غانمشي لخدمتي .. وردي لبال تالراسك لاتكون شي حاجة عندك فداك الكريشة .. تهلاي 

مشا اسبرو وهي تكات على لكرسي شادة على كرشها وكضحك

لامار : ززعمااا.. 

بقات شحال ساهية الشعور انها تكون ام زوييييين بزاااااف وكاع مكايتوووصف باش نحاول نوصفو .. يكفي انو مكاينش شعور فدنيا يوازيه...تاجاها البرد والشتا بدات كتنف عاد دخلات لداخل بدات توجد العشا وهي كتشوف لكنطوار و تفكؤ اسد قبيلة ..ماعرفاتش علاش فاش كيكون حدااهااا مكتقربش ليه وفاش كيبعد كتوحشو و كتحس بندم ... وومرة مرة تشد فكرشهها و ضحك و تخاف تفررررح على والو ... مابغاتش تعلق بزااااف به ... بدات كتوجد فالعشااا تاكتسمع تيليفونها كيصوني

لامار :الووو 

اريج : زيييين . سلااام 

لامار : شكون معايا 

اريج : اويلي ماعقلتينيش ... اريييج 

لامار : اااه صافي دايا عقلت عليك .. صافاا

اريج : بيخير سمحلي ليا خديت نمرتك معند يونس بلا شوارك 

لامار: لااا هانننية اويلي 

اريج : مهم غي حيت ماعنديش شي صديقة ورتاحيت ليك بنتلي داخلة سوق راسك ..... مكرهتش غددا نفطرو انا وياك بجوح انا عارضا عليك الالة 

لامار : اا م ماعرفتش .. مي نشوف مع راجلي الى بغا نيييت قنطاااانة جيبتيها فوقتها 

اريج : اوووكي حبيبية شوية وردي عليا باش نقاد بروكرامي 

لامار : اكيد ... 

اريج : يلاه بونوي 

لامار : و ليك حتا نت .. 

قطعات عليها ولامار عجبها الحال حيت قنطات اخيرا غاتخرج تفوج شوية .. و قالت على الله نشد ليه شوية د الخاطر هاد ليلة باش يخليها غدا تخرج ... وجدات صوووب د كروفيت حيت عارفا كتعجبووو .. مع ديسير وهي كتنقل من اليوووتيب .. تاكتشوف سارة هابطة غي ب بيجامة خفييييفة و لاسقة عليها ... 

سارة دازت لثلاجة كتشرب و كتشوف بنص عيت فلاماار .. وهاد نهار نااااوية تستافزززززهاااا باش تغوت عليها قدااامهم و ترجع تخاصمهم تاني ... 

سارة : ( كطل على طنجرة ) هااادشي صفففر بزاف 

لامار : وكيفاش بغيتيه يكون زرق 

سارة : ماااشي هاكا كايديرو ليها 

لامار : اوا تالغدا ورينا حنة يديك دابا فوتيها عليك 

سارة : ممم ... كتنقلي من اليوتيب اويلي ... نااااري لي قدك رااااه تعلمو يطيبو العجب

لامار : ( ضارت عنها مننيرة ) ولي قدددك راه تعلموووو يدخلوو سوق كررهم ... ويسدو دلاقشهم قودي قبل لانصور ليك هاد المغرف فكمارتك المقنتة ... 

سارة : ههههه بالهدووووء احبيبتي .. فقد اعطيتك رأيي ...

لامار : ورأيك حطيييييه فمؤؤؤخرتك و ضووووري تقوووووودي

سارة طلعاتها و هبطاتها حسااات بلي سااااهل تستفزهااا حيت لامار دغيا كتنفعل وتخرج عينينها .. دابا غي طيسطاتها باش قدامهم تستفزها غي من تحت لتحت وتخليها تعرعر باش تبان هي الرزينة ولامار الخفيفة ... و خرجات كتضحك .. و لامار عاد كملات شغالها شوية شمااات ريحتو بحال سلوووكي 

لامار : هااا اسوووودي هذا خرجات شافتو طالع فدروج ديريكت هاز تجاكيتو و سوارتو فيددو ...وسارة متبعاه حالة فمها مبتسمة و عينيها عاامرين اعجاااب ... و قربات عندها سداتووو ليها بجهد تكانت غانهرس ليها الفك وسارة تخطفات 

سارة : اش كديري نتي واش حماقيتي .. 

لامار : شدي فمك المخرب.... راه لموت كضوور ... 

طلعاتها و هبطلتها و طلعات موراه ... لقاتو يلاه دخل وتقلب عندها شافها بداك الكرينات جاتو الضحكة ...

لامار : مااالك كضحك ...

اسد : والو غير كملات الباهية و صافي ( جبدها منهم و دخل لدوووش وهي دلسات على سرير كتلعب برحليها كاسناه يخرج باش ترطب معاه شوية الجووو ) 

اسد خيرج كيمسح وجهو وشعرو فزك ليه طايح على عينو .... 

لاكار : نن ن ... نتا غداات خدام ياك 

اسد : لا داير اضراب .. 

لامار : راه كندوي بصح .. و ... غدا غاطيح شتا ؟؟؟... 

اسد : قالولك السما فيدي ( تاهو تكا على لكوافوز مربع يديه و دايها على قد عقلها ) 

لامار : ااه بصح ماتقدش تعرف ... ( كيتحك فراسها وتعوج فكريناتها ) ممم ... بصح انا يلاه شفت فتيليفون بللي غدا غايصبح الجوو من داكشي مشمش .. 

اسد : مزيااان ...

لامار : وو .. و فخبااارك احقااا بلي الخروج فصباح مهم بزاااف لصحة الانسان 

اسد : فين باغة تمشي الامار 

لامار : اناا ؟؟؟ تااااشي بلاصة ..

اسد : ممم يحساابتني .... 

ضار لكافوز فتح المجر كيقلب فبانضات د الشعر د رجال و جات وقفات قدامو شاف فيها و رجع هبط راسو 

اسد : ملخر الامار

لامار : غاااتجيك هادي حسن ( ختارت ليه وحدة د نايك ) ...

هزها و دارها رد بيها شعرو لور 

لامار : جاتك زوينة 

اسد : تسيفتي تاني ...

لامار : لااااا

اسد : اشنووو بغيتي ...

لامار : وو واالو ... غ غي ... غي راني درتليك لاصوب د الكروووفيت كيف كتعجبك ..درت معاها تا كريم فريش 

اسد بقا غي كايشوف معاها جابتليه ضحكة كايعرفها فاش تكون باغا حاجتها كتولي رطب من السمن ... جبدها عندوو وهي غي كتهرب بعينيها 

اسد : مزاال مقسحة فراسك ....

لامار : ل لا علاش غانقسحو عااادي .. غي كاشي ساهل ننسا الكلام لي قلتيليا

اسد : راجلك خصك ترضاي بهضرتو حيت مغايبغيلكش الخايبة 

لامار : اه ولاكن يعرف كيفاش يقوبها ماشي يجرحني 

اسد : دباا تججرحتي .. مم فين هنا ( كيقيس فيها وفكرشها ومع خصرها وهي كتهر وتلوا فيديه ) ولا هنا .... تجرررحتي هنا هم ههههه 

لامار : هههه طططلق ... كتتهرني اااسد طططلق صااافي تسيطيتي ولا مالك

اسد : ( طلقها كيضحك وعنقها عندو وهي كتحس بدنيا كولها مالكها فاش كايحاوطها بدرعانو العراض وهي كي نميلة و سطو وعينيه مكيحيدوش من عينيها ) اااه تسيطيت .. تسيطيت بعويناتك 

لامار : ( ولات حممرة ) مم صصبغيني

اسد : ماتوحشتنيش 

لامار : مااشي بزاااف 

اسظ : الله يعطني معاك غي الصبر ...

لامار : ااااسد ( كتخرب ليه فالكول د البودي ) 

اسد : مممم ... غي طلقيها

لامار : .. واخا تخليني نخرج 

اسد : وها لي قلللنا ... شوفي على حاجتك كي كتولي

لامار : واحرااام عليك ققققنطت والله عفااااك عفاااااك

اسد : فين 

لامار : مع اريج البنت لي خدام عندها يونس ....بغيت نمشي نفط انا وياها

اسد : لا ... بغيتي تخرجي دابا نخرجك انا .. بصح ماشي غدا حيت مسافر 

لامار : فين ماشي ...

اسد : غي الخدمة 

لامار : غااتعطل بزاف 

اسد : معرفتش 

لامار : هااء ؟؟

اسد : ( كيرد ليها لقصيصة و را ودنيها و يلعب فكريناتها ) لا مغانتعطلش .. غير غدا وصااافي ... غادي نرجع .. 

لامار : ممم .. واخليني نخرج انا غدت والله تاااقنطت بزااتف .... حشومة البنت عارضاليا ونردها فوجههااا عفااااك ... وهانتا غاندي معايا اسبرووو كاع 

اسد : فين غاتمشيو 

لامار : معرفتش غي لشي ريسطو نفطرو 

اسد: بلاش الامار غايبقا بالي مشوش .. هبطو لتحت للبحر بعدا راكي وسط المنطقة 

لامار : وعلاش شنو فيها لاخرجت منها

اسد : الامور مامرصياش ومابقيت كنتيق فحتا حاجة .. بغيتي تبدلي الجو را لبحر .. هبطو لريسطوو حتا نجي و نخرجك انا فين بغيتي 

لامار : ممم صاافي اللهم البحر ولا والو كاااع 

اسد : و آآرري شي بووسة

لامار شافت عندو من تحت القصيصة و بدات تعلا على صبعانها تاصولات لفمو وباستوو بشووووية و بحننننية وهو زير عليهااا و انساجمو فالبوسة وزااااد جعر عليها فاش حس بيدييهاااا زيرات عليه من ظهروووو .. وتاهي انسجمااات معاه بالشفايف واللسان فرنسية كيف كتعجبووو وحبسو شوية كايتنفسو..وشافت فعينيه ...

لامار : تووحشتك ...

اسد : حتا انا اروحي ....

رجع لفمهاااا و لعنقهااا كيبوس ويمص تااطبعووو و طيحها فوق سرير جا فوووقها وهي كدوز يدها على شعرو وتشد فيييه ماعرفاتش اش وقع ليها دغيا استسلمات ماكرهاتش تاكلو بين سنانها و ريحتووو مشهياااها تامن شفاايفو كتتتعض فيهم مجنوونة عليهم بحالا باغا تاكلوو و كاتخشي راسها فعنقووو و تعض وهو كايدوز يدو على كرشها و صدرهااا شاااد فيه كيحمقوو تاكتسمع لامار تيليفونها كايصوني و مدات يديها 

لامار : صببببر نجاوب اااسد صبررر راه تيليفون

اسد : ( كيحيدوليها) ماشي وقتو 

لامار : صصصبر خيليني نجاوب لبنت .. 

دفعاتو و جاوبات وهوو حداها كايدوز يدو على شعرها اوهي كاع مزنكة بالبووسااان و شفايفها باقي فيهم ريقو و عنقها كيلمع 

لامار : وي اريج 

اريج : مريدتيش علياااا احبيبة 

لامار : ااه صافي ... بصصصح غانهبطو غي لبببحر د المنطقة ... ماباغاش نبببعد 

اريج : صاافي ماشي مسكل ... يالاه تالغدا ونتشاوفو

لامار اوكي حبيبة بسلامة ... 

قطعات وشافت عند اسد 

اسد : شفتي فاش كتسمعي لهضرة شحال كتولي زوينة ... وكتردني حتا انا زوين معاك

لامار : رااااه ماشي حيييت كنسمع لهضرتك غير عجبتني الفكرة 

اسد : بديتي 

لامار : ونتا خاصك تعلم ماتفررضش عليااا اواميرك بزاف وتحسسني بلي متسلط عليا وتانا غاندير عقلي 

اسد : ااه اانتتتسلط عليك ... ( رجع عنقها عندو بجنب) حيت ماعنديش من غيرك نخاف عليه

لامار : مممم ... 

اسد : كنبغيك الامار و الله 

لامار : ( شدات فوجهو ) حتا انا .... يلاه نهبطووو نتعشاااو سمعت الهضرة ديونس 

اسد : حرام عليك حتا بديت غاتقطعيهالي فالنص عاوتاني 

لامار : راااه اصلا مزال مسسسااامحتلكش بلا متحلم بشي حاجة اخرى 

اسد : ( تكا على وجهها كيبوس ) اوا نقضيو بالبوسان تايححن الله فشي لاخور

لامار : وفياااا جوووع يلاه نتعشاااو ... 

اسد : غي سسري انا جاي .. ولاكن لمك ليلة والله لادوزتهاليك باركا علياااا موحشوووو ( زير عليه ) 

لامار : واابعد مني ....بقا تما كتحلم ( ناضت كتشد فسالوبيط حيت فتحو ) ماحدك مزاال ماعتدرني ليااا غي متحلمش بيه

سد : نت لي خضك تعتادري ماشي انا 

لامار : سسسي نتااا

اسد : دابااا نشوووفووو ... 

لامار : غانشوفو ...

هبطات لامار للتحت لقات سارة و يونس كالسين فصالون... يونس شاد عندو نيليفون وسارة كتشوف فواحد مجلة .. دازت لكوزينة بدات توجد فوق طبلة تاهبط اسد و ناضو كلهم ... بدات كتخوي ليهم فزلايف وهي كتشوف فسارة كيف جابدة موضوع مع اسد و كايدويو فيه وهي كالسة كتصخر عليهااا مكتحملش راسها .. كالسة واكلة شاربة ومكدير تالعبة وعاد عينيها على راجل .. كلسات لامار حدا اسد و بداو كياكلو واسد مرة مرة يشوف عند لامار و يمسح لسها تحت فمها ويغمزها تاكيتلفها على لماكلة 

سارة : ممم .. كاع معجبنتنيز... جاتني بحالا مرة لا ...

يونس : نو بالعكس مزيانة 

لامار غي كضور معلقتها مخنزرة 

سارة : لا راه قتليك مرة ... وش طحنتيه بقشورو ولا شنو ...

لامار : را يقدر مداق د لسانك لي مممقشر .... بغيت نقول ... مع الوحم را تبدل عليييك

سارة: ماتبدل غي ليوم ؟

يونس : سارة هنينا .. لاعساك اختي جات مزيانة والله يحال دريسطو ...

لامار : هذا مخصها غاتعياب لقيتي لي يطيبليك و يحكليك و زايدهااا بتعياب عمري مصارنك و صقري

اسد عاد طلع راسو 

اسد : مالكم ؟؟

لامار : ( كتشوف عندها )لا وللو غي المدام سارة معجبتهاش ماكلتي 

اسد : متااكلش .. نوضي طبي ليك حاجة اخرى ...

سارة : لا حشومة لي كليتوه ناكلو .. غانبزز على راسي و صافي ماعندي ماندير ... ماشي مشكل احبيبة بلا متقلقي تاحد ماكيتزاد معلم هانتي شوية بشوية دابا تعلمي ... ولا عرفتي غدا نديرها حداك وشوفي كيفاش كتصاوب حيت اليوتيب بعد المرات غي كيتفلاو ...

لامار : لا شكرا كتر خييرك ... 

سارة : بحالا تقلقتي ؟ مالي قتليك شي حاجة د العيب ...

لامار : راه مكنجبدكش اسااارة 

يونس : صااافي اش واقع ... سارة عحباتك كولي معجباتكش شدي فمك حنا عاجبانها 

سارة : اولي مالكم ضرتو فيا ماقلت والو دالعيب حسبتها كيف ختي الصغيرة 

لامار : انا ماخت حد ... وداك تحرميات ديالك مايدوزش عليا 

اسد : لامااااار 

لامار : ( شافت عندو ) اشنو ... واش ملاحظتوش بلي كتستفزني بالعاني 

اسد : صااافي متكبريهاش مواقع والو ... سارة ماببزز عليك حد تاكلي ... راك حاملة طبيعي تنفري من شي حاجة .. ونت راااه غي هضرات معاك صافيهد هنيونا 

سارة بدااات كدممع 

سارة : ( بصوت باكي ) مااالكم اناااا را مقلت وااالو ... اش فيها لانصحتها بحال ختي علاش تقبلي الامر بحساسية .. انا غي نصحتك...ونت مخسرا الجووو

لامار : ( تقندشات و زويهرة تأنسطالات ) ياااااك و مزيييييناتك ... ومشحااال حلوة ... دابا انا لي مخسرا الجو .. نتي لي بانلي كتقلبي على لي يخسسر كمارتك ليييوم 

سارة : هانتوما كتشوفو على عينيكم انااا فشنو آديتهاا... مفهمتش علاش محملانيش 

اسد : ( لاح المعلقة كيحس براااسو تافدارو مكاينش الهدوووء ومع ماموالفش ساكن معاع شي حد باقي تاموالفش ) موووصيبة هادي ..لاماار سكتينا

لامار : نتااا لي سكت ...بييني و بينهاااا .. ( لامار فاش كتقندش ماكتبقا عاقلة على والو ( ويييينووو دميعات بغيت غانعرف هاد تبووحيييط واش وراااثي و لا مجهووود شخصي ... انوضي راه الى جينا ندمعو غااانغغرقو دااار ... كتنشبيلي العافية من لتحت و تفررررجي ... 

سارة : داابا كتخرججي لي فقلبك .. اشنو دايراليك انا ختي ؟ .. علاش كتغوتي عليا ماشي حرام عليك ...فاش آديتيك 

يونس : لامار عفاك ... صافي مواقع والو ماالكم ... سارة يمكن ماقصدات والو صاافي سدو الموضوع 

لامتر : راااه انا لي عارفاها اش كتسواااا 

سارة : شنوو هاد ضللم دااباا شنوو ... اسد قول شي حاجة .. 

اسد رجع بالكرسي لور و مربع سدة كيتفرج فيهم 

اسد : لا لا تقااتلوووو ... هادشي لي كان خاصنا .. تقاتلو هاكي ( مد ليه الموس ) يلاه ضربيهااااا ...

لامار : راه كديرها بالعاني ا اسد ... عارفيني معنيدش مع زواق وتبوحيط مكنعرفش ليه 

سارة : اشمن تبوووحيط علاش كضلميني ااختي حراام عليك .. انا لي زعمااا كنحسبك بحال ختي لي معنننديش .. كبرت فالحررمان وملي لقيت عائلة تجي تعاااملي معايا هاكا 

لامار : لا فدرااامااا بعدا ماعندي مانقول ... اسمعي ليا اززين... راه لاجينا نحركووو العاطفة السماااا غانبكيهااا ... خلي عليك تمسكين و هضري معايا يلا ضباعة لا سميتيك مراااا ... ماشي هاكا كدوي فاش كانونو بجوج بينا 

يونس: لامار ... صافي باركا 

سارة : غي قووولوولي شنو درت ليها دابا هانتا ايوونس حكم بالحق 

يونس : انا مفهمتش مالكم كاع ...

اسد : ( لامار جات تهضر وشدها اسد ) غااتيزيدي كلمة هاد طبلة راااه فين غانجيبها وعارفاني لاتعصبت ... طلعي 

لامار : كيييفاش نطططلع .. راااه داري هادي 

اسد : طططلعي 

لامار : لاااا .. مغانطلعش ... اااسد راه دارتها بالعاني باش ندابزو

اسد : ططلععععي 

يلاه غاتهضر هو يدخل اسبرو وشاف عند اسد 

اسبرو : اا .. س سي سسيدي.. سي عادل بغااك .. ر راه برا

اسد : انا جاي 

سارة : ديييما كضحكي عليا نت وهاد الولد و كنبقاا ساكتة .. ديما كتستهزأو بيا و كنكمدها فقلبي ... ولاكن باش انا نهضر معاااك بحال ختي و نتي تشعلي فيا هاكا منقدرش نصبر ... الى متقلين عليك قوليها 

لامار : اشنو دابا كتتتتشعليني ... 

اسبرو قرررب يعععض فيييديه بالفقصة ... لامار خسرات كوولشي ... 

اسبرو : ( بالحس باش تشوف عندو ) ل لا لامار لامار 

اسد : شتتتك باقا واااقفة 

لامار : راه هي لي خصها طلع ماشي انا 

اسد : مغانزيدش نعاودها .... طلعي 

اسبرو بدا يومي للمار تطلع و متعكسش معاه .. و كيديرلها بيديه ابلاتتي عليك ... و لامار تعمرووو عينيها بدموع كانت كاتسناه يدافع عليها وهو عاد مزاد قمعها قدامهم ...و طلعات فدروج كتبكي و سارة بدات كدير ضحكة شيطاااانية انتصراااات و خطتها بدات كتنجح ...و اسبرو مراقبها .. فلخر خنزر و خرج 

سارة جات ماشية تاهي تاحبسها 

اسد : سااارة 

رجعات عندو 

اسد : اااخر مرة نشوف هاد التصرف عندي فدار

سارة : انا اشنو درت .. راه غي دويت معاها 

اسد : ماشي هاكاك كتكون الهضرة .. 

سارة : راه غي بغيت نصحها .. عادي كلشي كنتعلمو 

اسد : الغلاط مكانش فالماكلة كان فلسانك لي يمكن تبدل مداقو ..ماشي من الادب ندويو هاكاك فوجه الواحد ... اااه عارف غي نصحتيها... مي بداك طريقة .. يقدر تقبلها ليك وحدة اخرى و لاكن لاماار لا .. ومكاينش لاش دابا تبكي راك نتي لي جيدتيها وراك لقيتيها 

يونس : سااارة راه مقالت والو ... مقصداتش غي يمكن لامار كانت دعصبة من قبل و تقبلات الامر بحساسية 

اسد : انا وتقلبت داك اهضرة بحساسية .. بغيتي تنصحيها حتا تكونو بزوج .. مي فالوسط كولي و سكتي معحباتكش حطيها .. واصلا لاصوب مكان فيها تاشي عيب... كون شفتها نيت خايبة انا لي كنت غانهضر معها ...تاحد اخور معندوش الحق يعيب عليها .. ولامار يلاه كتعلم و كيف ماحطاتها كتجي مزياانة... مابغيتش نشوف هاد تصرف مرة اخرى على طبلة .. كندخلو لديورنا باش نرتاحووو .. ماشي باش نلقاو صداااع ... ديجا حدرتك قبل مانتزوج و عاودتي نفس الخطأ ...

سارة : اناااا راه مقصدت والو تييييقني اسسسد .. لابغيتي كاع نطلب منها سماااح نطلب 

اسد : بيناتكوم انا غي وضحت ..

يتبع