اسبرو : وحنااا باااش عرفناك باغا يونس نييييت .....عييينيك ماشي د الله الله
اريج : واشغانكون باغا مثلااااا نبغيك نتتااا ....
لامار : انا مابقيت مقشبلة والو لبنت لبارح عاد قالك جارة جديدة و جايا تصاااااحب شووووية عرفناها هي المديرة ديالو لي مكيحمل فيه الشعرة غاندكرو ليه الخدمة يكحل بالعععما دم كيصفار فيه الله يستر ... شوية قالك كااتحبو و الحب مافيه حمووورية .... دابا فهموني هاد روينة ...
اريج : ونزيييييييدك باش ترووووني نييييت انا كنبغيه ملي كانت 15 عاااااام ...
لامار : ( غي كترمش ) فيلم هندي هذا
اريج : و الله تاااااااكنبغييييييييه اعباااااد الله ... رااااه قرينا بجوج سمية يونس القحطاني نساااا بابا و منساهاش ....
اسبرو : مااااباااليش فهادشي
اريج : داابا داخلنا عليك بالله وحد خاااسرة زباااابل دفلوووس باش تشري دار فمنطقة روووكان وما داراااك ما روووكان الاثمنة ديالو خليوك على الضس .. غي باش نبقا قريبة ليها يسيق ليا بابا لخباااار يدوزوني فناسيونال جيغرافي تحت عنوان جيفية تنهشها الكلاب الضالة ... و خليييت مشروووعي لي بديت نأسس فيه وجايا شادة بلاصة بابا فشررركة غاابااااش نكون قريبة ليه هذاااا ماشي الهباااال ... دير شي وحدة هادشي
لامار : وفييين كتعرفيه باش ديري عليه هادشي كامل مااافهمت والو
اسبرو : وغالاديشاي عليها بعد مرات كيمشي ليها الريزو .... اريج : اييييه شحال د رسااائل و الحوووب و الغرام و الشععععر تامن المسكة كنت نمضغها موراه ... اوا فاش سالينا الليسي بابا بغا بخرجني نكمل برااا نقرا التصميم ... و تفاااارقنا ... شفتو الزهر المخرشش .. بصح و الله مانسيييييتو سميتو بقات محفورة عندي ... كان اول واحد نبغيه ديااااال بصح ... ( بقات شحال كتفكر و تبتسم ) كاااان حنيييييييين بزاااااااف ( اريج تقلبات من داك الخفييييفة الجرئية لوحدى عينيها غايدمعو ) معرفتش داك القلب لي عندو كيفاش داير ... مع انا مكانتش عندي ماما كنت لقييييت فيه الحناااااان كامل ... كانت كتقرا معانا تاواحد بنت عمو كنت ديما كنغير منها حيت كان كيهتم بيها كتر مني ... مي واخا هاكاك فاش كانت كتقمعو كان كيجي عندي انا ... ديييما فاش كدابز معاه كيلقاااااني اناااا لي نخفف علييييه ... غي كطيح هي من قيمتو انا كنت كنعليها ليه ....معايا ديما كان كيحس بلي هووو احسن واحد فدنيا بقوة مكنت كنبغيه بزاااااف وباقااا .... سيفطليه واحد المرة ففايسبوك كان كبببر و تبددددل على ماعقلت كان لايح فوطو د اول مرة غايخدم مع باه ... باركتليه و ليلة كاملة ففااايقة كنتسنااااه يرد عليااااا و فلخر شفتوووو مابقااااش عاقل عليا كاع فلللخر مابقاش تاكايجاوبني ... شحال بكيت داك نهار فاش معقلش عليا ... واخا كان كيجي عندي غي فاش كتقمعو لوخرا و لا فاش كيحتاج شي حد يسمع ليه و لا يعاونو ... واخا هاكاك كتت كنبغييييييه و كنتمنى لو يبقى ديما يلتجئ ليا فاش ضيييق بيه ...و خا عارفاه ماكان كيحس تاحاجا من جيهتي .. شحااال من رسااااالة كتبت ليه و الششششعر ... كان كيقرا ديكشي و فاش يشوفني يدير راسو بحالا تاحاجا مكاينة باش مايحرجني ....
لامار : ( قلبها طايب ) بكيتنيي يعطيك موووووصببة
اريج : ( كتمسح ليها دموعها ) جمعي خنااااينننك ... رااااا و الله لاخليتو لشي وحدة كييييفما كنت كنحيدو لداااك بنت عموووو نحيدو تالهااااادي دابا
لامار : ورررراها هاااادي نييييييت بنت عموووووو
اريج : رررررررررربي ررررررربي هادي هي ديك دريييييييويييشة ديك المخخلقة و دااااك المجتهظة د القسسسسسسسم لي كانت كتكلس فلوووول
اريج : ممممم دريويشة رررربي واش منيتك
اريج : وكانت ماتحرك دجاجة على بيضها البنات كانو ديما حاكرينها ررررررربي واش تزوووووجها
اسبرو : انا هادشي مدخلش ليااااا لمخي
اريج : ( جبدات بزطامها ) هااااانتا شوف هاد التصويرة كانا خدينا فتاالي د السنة ... دكرى باش تبقا عنهنا .... قطعت كولشي تلاميذ و خليت غي وجهنا انا و يااااه و بقيت محتفضة بيهااا
اسبرو : ( كيشوف مصدوظ ) و الله تاااااا نتي ... كان عندك مووووسطااااش ؟؟؟؟
اريج : بزااااف عليك غي الفوطو لي قدييييمة طلق للهنا
لامار : ( جبدات الكوفييتير تاني كتاكل وهضرات فمها عامر بيه ) اوا زيدي كملي كيفاش تا وليتي موديرتو
اسبرو : وراا قاتلك شدات بلاصة باها و سمحات فمشروعها
اريج : و الله الى فاش شفت اليااام جابتو تالعندي ححلفت بلحلووووفي مااانسمح فييييه وخا يكون مزوج تا ربعة ... هااداك را حبي الاول و الاخييير
اريج : ولاكن متخافوش عليا مخرررجااااا فيه الشيب كنبرد فيه الفقصة د زوااااجو كاملة ... فصغغغر كنت ضريفة معاه كاع معععقلش تا عليا و دابااااا غانخرج لييييه الكرووووون يولي فين مامشاااا يشوووووفني ... الضرررافة مابقاتش كتنفع و راه ديجا قتليه بالاخلاق تدي الخراااا .... كنت مخلقة معاه هو عينيه مكانو كيشوفو داك بنت عمو ...
اسبرو : ( شاف عنها فرحان ) اواااا من صباااااااح جبدي هاد الكوووفيتير يمكن هو لي كيجيب ليك الدكاااااااء ..... و الله تااااابصح نييييييت داابا لي غاااايحتااااجك مزياااااااان
في السفينة ...
- سيدي ... راااه منقدووووش نبقااااو كتر ... خصنا نهربوووو
- ااااااش هااااااااااد ززززززهر ( جبد سلاحو و دارو فراس دواحد اخور ) غااااتترد البااااطو كيف كااااان و تصلحوووو وولاغانخوييييييه فرااااسك
- اسسسسيدي طلق مني راااه مكيمكنش راه قطعناااا السلوووووكة كاملين ... و البوووومب غانقدو نحبسوووها و لاكن الباااطو غايغرق وداك ساع و مغاينفااااجرش و غايعرفووو السبب د الغرق ديالو ... و غااانتورطووووووو داك الساع..
طلقو من يدو فاش شاف مغايقدرو يديرو والو دابا و لي عطا الله عطااااه....
ناض رد الكاسكيط ديالو و طلع بتخابيعية لحمام و بدا يعمر الوراق فالسلة و شعل فيهم العافية و بدا يقربها ل لالاغم ديال الحرائق باش يسمعها اسد ويحسابتو حريق و يهرب ...
- يلاااااه سمعها دغياااا و سيييير يلاااااااه ننننقد راسك ...
داك الشخص عاااارف بلي اسد كيشوف لشفايف بصح معارفوش مكيسمعش قال غي يمكن فيه طبع بشوف لتما ...
اسد مركز مع الكمبيوووتر كيشوف شحال بقا ليه ويوصل لنقطة لي كيغرقوو ليه فيها الباطويات ... ولالاغم د الحرائق كتصوني بصح ماقادش يسمعها ....
بعد مدة مد يدو لتيليفون يصوني لعادل باش يسيفطو لكوبتيرات ديال الانقاد حيت قربو يوصلو لداك النقطة ... وهو دايرر احتياطو باش لاوقعات شي حاجة يجيو الكوبتيرات و اليخت ... بصح مابغاهومش يجيو دابا باش هذاك لي كيدير هادشي مايعرفش الى اسد هذاك ... قال تانوصل لداك المنطقة ... هو ظن بلي فداك النقطة غايلقاه فشي باطو قريب ليه باش يلتقط اشارة الاسيلكيات و يغرقليه الباطو ماضنش على رااه معااااه نيييييت فالباااااطو ....
غي شاف مابقالوش بزاف بدا يربط الاتصال مع مكتب عادل ... شوية شاف الاتصال مااابغاش يدوووز و البولة الحمرة ديال النظام تعطل شااعلة وناض وقف .... حيت اسد كان شاك انهم كيعبثو بلاسيلكيات ماشي بنظام التشغيل مجاتش لبالو ...
اسد : اااااش هاد المرررررض
اسد عاد سرات معاااه لي طيكنسياااان لي كانو و هذاك لي كان كيهضر معاه متوتر كيفاش مشكش فيه و ضرررب رجلو مع الكررررسي حس بالشممممتة .... مجاتش على بالو يدخلو عندو الباطو كاااع ويىونو نظام حسابتو كيغرقوه غي من بعيد بلاسيلكي ..... و هبط بزربة لغرفة المحركات و الباطو بعد بزااااف على الشط يعني دابا يستحيل ييهرب شي حد ....
داك الشخص شااااف واااالوووو ....مغاينفعش ديكشي د الحريق .. وتا كو كان سمعو الباطو را بعد دابا ....وناض هبط للغرفة د المحرك ... كيشووف شنوو يديرر باش يحبس هادشي ماافهم والو عااد مكيزيد يلاقي فسلووووكاااا و يخرربق لوووخرين تااتخربق النظااام كامل زاااد كمل عليه ..... والاصوات د المحررك قالبا ليه راسو و كامل كيقطر بالعررررق و متوتر ....
شوية سمع شي حد هباااط و مشا دغيااا تخبع ...كان اسد دخل لغرقة المحرك .. و لبس الواقية فوجهو من الحرارة .. و بدا يقلب فالاسلاك و الصمامات و كيعوج فحجباانو فاش كيشوف السلوكا مشربكين و شي مقطع وكولشي مخخخربق و ماشي فبلاصتو و الصمامات د البنزين ل كيدوزو الوقود للمحرك حبسوهوم و بوشاوهوم باش مايدوزوش البنزين للمحرك و دغياااا بحبس و يبقا البطاو كيديوه المواااج تايقرق ... ... اول حاااحة هي مشا لداك صمامة د الوقووود يشوف كيدييير يطططلقهااا و كيتعاااااافر معاها بيدوووووو حيت صعييييييييبة ولاكاااامل حححممر و عروقوووو خاارجين كيحس بلي تششششمت مرة اخرى .... مضنش غايدخلو لبه للغرفة المحرك كاااع ...حااااس بالشمة و الخطررر و كولشي تجمع عليه ......
داك الشخص مراااقبوو كييييتمنى لو ان يقدر يصلللح باااش ينجا أسد ... نسااا الى راه حتااا هو غايموت معاه هناااااا الى وقعات شي حاجة و لاكن دابا هو كيفطر غي فاسد ينجا .....
عند لامار ....
خرجو من ريسطو و بداو يتمشاااو حدا البحححر محيدين سبابطهم و شعرهم كيديه ريييح و كيعاودو لاريج كوووولشي حيت تاهي عاودات ليهم كولشي على يونس و اشكدير ليه فالمكتب خلاتهم كيخراو بضحك... و عاودات ليهم لامار تاكيفاش تعرفات على اسد والمشاكل لي طرات ليه و بلي كانت غي راقصة تاشدات فيها اريج تعلللمها الرققص... محسوش بالوقت كااااع هوما كيهضرووو تاكانت 12 د نهار ....
لامار : فففففف عيييييت ماااابقاش عندي جهد
اريج : ياااودي ياراقصة ياودي
لامار : و الله اختي لاكنحس برجليا فاشلين و معنديش القوة
لامار : اودي اسبرو مااااااعرفتش .... هادشي لي عاودات لينا اريج ... و حنا باغين نعاونوها تدي يونس واخا هو كايبغي مرتو .. فشكل حسيت بيها خايبة .. وبحالا كنديرو شي حاجة مامزياناش ... حيت تا سارة كتبغي رااااجلي من الصغغغغغر واخا هو عمرو عطاها الوقت باقا لاسقة فيه وخا تزوجات ... و باقا كتبغيه ... راه ضحات بزواج وحياتها غي باش تبقا قريبة ليه ....كنحس ا اريج كديري نفس تصرررفها ...
اسبرو : هاهي بدات كتخدم القلب تاني ... وااااداك البوووهالية ارييييج بوحدها و سارة بوووحدهاااا ... سارة راه ماتستهلش لا يوووونس لا اسد هاديك خصهاااا بوياااا عوووماار ... اما نتي و اسد حالة اخرى ماشي بحالها خي و يونس . نتوما كتبغيو بعضيااتكم بجوج ماشي من طرف واحد
اريج : ( شدات فيديها ) حبيبة كووو كانت تستاهلو و كتعرف بقيمتو كون خليتو ليها ... انا راه ملول عارفاه مكاتستاهلوش من طريقة لي كانت دوات بيها معاه فتيليفون واحد نهار كنت انتدا راكبة حداه .... وداك نهار بضبط لي عرفتو مزوج مكنتش عارفة .. وفاش مرتو كتهضر بداك طريقة قلت مغايكونوش مع بعضياتهم مزيان ... ومن هادشي لي عاودوتوليا رااه يونس من حقي انا كتر مامنحقها هي ...و هي غي استغلاتو باش تكون قريبة لرااااجلك يعني هي مكتبغبهش ...وهو نهار يعرف هادشي مغايبقا يحمل فيها الشعرة ... يعني بيااا و لا بلا بيااا راهم مفاااارقين مفااااارقين.... بالعكس انا طايا غي نعوض يونس على هادشي لي داز عليه ... و نرجعو يحس بقيمتو تاني و بروجولتو و نحافظ عليه كييفما كنت كندير فاش كنا صغااار ....
لامار : ممممفهمتنيش ... انااا مقصدتكش نت ... بصح تستاهليه كتر منهاااا.... انا قصدتها هي ... زعععما راه تاهي كتبغي اسد من الصغغغغر .... كيف كاتبغي نت يونس ....
اسبرو : ( شاف عند اريج ) هاااادي دابا مااااشي دياااال تصصصرفييييييق ... يلااه عطييييه ليييهااا ا مسكييييينة رااااااه كتبغيييييييه ... يلاااااه عطيه ليييييهااااا ... اريح دابا نت لي كنتي فبلاصة سارة وعااااارفا مزيان اسد شحال كيبغي مرتو ... ومرتووو شحال كتبغييييه و شنو داااارت على قبلوووو و كتخاف علييييه ... و اسد مامعرووو عبرك و عينيه كيشوفو غي مرتو ... لي معمرها دارت شي حاجة خرتم ففمها و لا تعاطات للمخدرات و لا سرقاتو و لا بغاااات خووووه .... غاتبغي تفرقيهم
اريح : اكيييييييد لا .... كنت غانخليه لييها و نقلب على راسي ... سعادتو هي لولا ... بصح انا يونس كنشوف سعادتو معايا ... اما نعاها نخاف عليه ... كولقيتها قادة بيهاااا كو مشيت نعيش حياااتي .....
اسبرو : اوا را هدا هووو الحب .. اما هاداك الالة لاماااار لي كتهضري عليه سميييتووو الهوووس الللمرررررض هذاك ليكتحس بيه سارة رااه المرررض ... واش كاتشوف بعينيها شحال كاتبغيو بعضياااتكم و شنو داز عليكم مع راجل ماه .. و باااقااا طامعااا فبه و مزوجة و حاملة و كتعاااطى داك زبببل ... و مكيهمها سعادة تاوحد من غيير سعادتها مع اسد .. هذاااك ملداشي حب لي تشفقي عليه .. هاذاك راااا مررررررض خصك تعاونيها تبرا منووو ... هاانتي كاع خلييتي ليها اسد غاتحافض عليه ؟؟؟؟ وااانوووضي تككككعدي نوووووضي و نت بعد مراااات كنزل عليك الكلاخ
اريج : هاااد الزززمر عندو الحق ... مالك وليتي عاطفية هاكا على غفلة من قبيلة و نت تبلاني و تخططي كيفاش نحمقوها
لامار : اواااا دابا ماتدوش عليا مااعرفت ماااالي كاع ... فييييين كوفيييييتييييري ( عطاه لبها اسبرو ) مزياااااان تبااااارك الله قاليك خلي ليها اسد منننيتتتك اسبرو وخااا تقققطع و تسلخ جبدتها قدامي و الله لاااااااشاااافتووووو مزيان تباااااركالله ...ونت دغيا دوري بالسيييد هنينا من خنشووووشها بغيت نشوووفها خارجة كتتتتجرجر نريهااااا ضور لياا برااااجلي مزيان تباااااركالله
لامار : هههههههه غا فروووووج و كااااويه عزي عسكري ههه عام وهو فالحدود مداق الحلوة
لامار : عرررفتووو جااااتني فكرة
اسبرو / اريج : طلقيييها
لامار : علاش فاش يرجع اسد ... نعرضووو ليك شي ليلة للعشااااا ... و مع لييييل تجي من داكشي ... وخرجو لجردة بوحدكوم .. وقوليلو شكوون نتي ... يقدر فاش يععععرفك غايولي يتقرب منك كتر و يجي تاني عندك فاش ضييييق بيه .... وهاما غاتقربو من بعضياتكم ... حييييت قربااات ضيق بيه نيييييت فاش يلقا الفلوس مكينينش .... راه فالحزة فين غاتكسبيه فاش يلقااك نت باغيا تنسيه و يرتاح معاك و ينسا ... تما فين غاتكسبيه ... ااااشبالكم ... ياك حسن خصو يعرف شكون نت ا اريج و فكريه واخا ناسي مكنضنش يكون نساااك ... يمكن سميتك لي مابقاش عاقل عليها
اسبرو : اااه حيت الواحد عمرو ينسا الصدر لي كان كيحط عليه راسو
اريج : نتا شتك ززملتي شمممن حط راسو على صدددددري
اسبرو : واامقصدتكش محلاباتك الخرااااا زعماا تعبير مجازي يعني كنتي بحال داك الصدر لحنين لي كيحط عليه الواحد الراس باش يحس بالامان ... مانتي اشمن صدر غايكون عندك فلليسي
لامار : ههههه اسبرو بحال شي نااقد كيهضر هههههههه
اريج : ( عنقااااتو كي شي وليد صغير كتعنكش فشعرو ) هاااد كونان شحال دخل ليا لخاطري اسبرووووو نيييت والله تا نتا دواا ( باااستوو فحنننكو بجججهد المكبوتة تاخنقاتو ) تااا رااااك العممممممر الععععمر
اسبرو : حييييييدي عليا تفوووو عكاااارك كامل للللسق فياااا
اريج : ااااجي تججوووووج بيااا
لامار : اااابعدي لهيه شتك دغيا هرررررفتي عليه
اريج : هههه و غاضاااحكين ( جبداتها من حناكها ) تاانتي نموت فيك واخا يلاه عرفتكوم ... دخلتولي لخااااطري ... ناااري على سارة مسكينة طاااامعة فرووووكان هووووو مزوووووج قرطااااااسة ...
لاح عليه كااع حوايجو بقوة الحرارة د الغرفة بقاا عريااان من لفوووق و كيمسك العرق بسوفيطمة د سماااطي... والو صمامات مابغاوش يطلقو ليه حيت بوشاوهوم بالعافية كاع مغايتسرحو ليه دابا .... و مشا تاتي لسلوووكة يشوف كيفاش يقاادهم .... تاااااكيتصدم بالبوومب ... تما تقاضاو ليه و بدا غير كيضرب بركالي و داك الشخص كيفرك فيدييييه تاهو خيفااان ... اسد طلع بجرا يشوف لايكون رجعات الاشارة يتصل بالانقاااد وااااالو ...تكا على الزاج مينننهج وراد شعرو لور لي فاش كيعرق كينزل عليه كاامل ....شحاااال بقااا كيستوووعب هادشي و الخطر لي راه فيه و راه تمركز فالمحيط دابا ....و شاف لتيليفون تصويرة لي كان خدا للماار فاش كانت ناعسة ....
اسد : ماااطلبتش منك حتااا سماااحة .... كون غير صالحتك بعدا ... كيفاش غاتقدي تكملي لامكنتش معاااك الاماار .... هاعلاش كتقووولك ديري عقلك و نضحي بغيت تكوني قوية فاش طرا شي حاجة .... غانعرفك بقد المسؤوولية و مانخافش عليك ... مادابا راني خااايف نخليك ... خايف عليك ......( حط و بقا شاد راسو حيت كيتزاد ليه لحريق خصوصي فالحرارة لي كان فيها ) مووووووصيبة هادي ..
عادل تاهو فالمكتب متتتوتر و خايف فاش كيلقا الاتصال مكيتربطش بقا غي كترررعد .... خاف يسيفط للانقااد و يدابز معاه اسد حيت حدرو يدير شي حاجة بلا خباارو لي ضيع للخطة ...
اسد يلاه هابط فدروج هو كيحس بالباطو بدا كيفقد تواازن تاكان غايكيح فدروووج مال بيه ... ماعرفش هاد المرة علاش خااايف من الموت ... ماعمرو خاف من النوت ودابا خايف منهااا ... يمكن حيت شحال هادي مكان عندو والو لي غايبقا موراه و لا لي غايحزن عليه ... اما دابا كاااااينة لامار .. مااباغيش يخليها بوحدها.... مزال ماشبع من العيشة معااااهااا .. واااعدها غايبقا الامان ديااااالها ديماااا ... وماعمرو يخليها ... خايف مينفدش وعدووو دابا .....خايف يخليها بوووحدها ....
اسبرو : هههههه عرفتي دابا ملي تزادت هاد فليلة ... عاد كملات ... واحد دددكي بحااالي ...ووحدة مكتعرررفش الاستسلام بحال اريج ...وااااحد العيشووورية د لامااار ... واحد يخطط ولخرا تنفد و التالتة ضربها ليها بترييشة هههههه
لامار : و الله تامشهياهاا ليها بالله راه غاموقراها حيت حاااانلة .... ففففف مكرهتش امتى طج عليا دغيا من دار و نبقا غي انا و روكااااااني تشهيييت شي ليلة حمرااا بشموووع ااااااح
اريج :اااااه ياقلبي ااااااه ( كتشوف فسما كتحلم معاها و لامار تاهي... و اسبرو مربع يدو كيتفرج فيهم حال فمو فالهبال) تانا مشهيا مع يووونس شي صاامدي نواااااغ اااااي
لامار : نكووون لابسة شي غوووب سييييييكسي فالكحل
اريج :لا فالمووووف لهلا يكحلها علييينا ...
لامار : وشي عشيوة خفيييقة مع الحوووووت فيه ليفيتامين الزملااااوية ...
اريج : وشي زززعزع يزززعنااا
اسبرو : ( غوت تاقفزهم نوضهم من احلامهم ) زلزااال يززعزعكم نشااااءالله واااالفيطامينات الزملاوية وااااشوووميز دوووو نوي وااارا انا لي زعزعتووو ليا المشااااعر راااني ولد معاكم زعمااا حتاارموني
اريج شافت عند لامار و شيرات بصبعها لاسبرو : هذا يكون كينوض زعما
لامار : هاويييلي هو اللحية و مزال منوضعها بقا غامولاي تهامي ينوض
ناض اسبرو لواحد غي حداهم جاب الما و كلس باش يشرب صدق خطفاتهاليه لامار شربات منها النص و كملات عليها اريج و عطاتها ليه خاوية بقا غي كيشوف فقرعة ويشوف فيهم مسكين
لامار : لا لا اسد عندو واحد تليفون فشكل مكيديشارجاش دغيا ... شي حاجة وااقة قلبي مامهنيش
اريج : وصااافي تانتي .. راه غايكون فشي بلاصة مافيهاش ريييزو .... نووضي نوضي نتمشاااو فالماااا شوية .. نوضوها وحيدو سبابطهم دخلو مع الموجات ... هي كتلعب بالمواج واسد المواج لي كيلعبو بيييه دابااا ...
لامار : والله تا موحشاااه ...وها عاد بارح كان معايا .. مععععرفتش حاسة بحالا باغا نشم ريييييحتوو بغااااا نعضووووو
اريج : عطيني يديك ( عطاتها ليها و ضربات فيه خمسة ) ننننبصم عليهااااااا لا نت حااااملة
اسبرو : ورا قلتها ليها كدباتني
اريج : غي تشوف الوحدة كاتكتر من داك مععععرفتش معععرفتش ... معرفتش اش واقعلي .. مااعرفت حاسة.. عرفها حاملة ...
اريج : اسبرووو دابا شنو يجي معايا حسن قفطان فالحمر و لا فلخزي للسبوع
اسبرو : فلخزي حسن
لامار : ورااا دابا انا لي غاطلعو لججججدي للللخزززز ... ومتخليونيش نفرح على والو
اريج : كيفاش على والوووو .... والله تانحلف عليها لا حاملة شوفي كيكديري لكونفيتير و خلفة داة طريق عيتي فيها كي العكوزة و قبيلة فاش جينا نايضين من ريسطو جاتك دوخة .... معندك ماااتقوليلي حاااملة
شدات داااك تيست فيديها كيرررجفو و مشاااو لريسطو وهوما محمسينها و دخلات لطواليط وبقاو على برا كيتسنااوهااا.... دخلات لامار وكلسات على لاشاس كقرا كيفاش تستعملوو ويديها كسترعدو ماعرفاتش اش وقع ليها بمجرد كتفكر ان كرشششها غاتولي تكبر شوية بشوية و روح غاتولي تحرك فلداخل ديالها ومن بعد تسع شهور يجي لدنياااا ينورها وتاااهي تولي ام وعندها نسؤولية و عندها اسرة صغيرة دياالها راجل كتبغيه وطرف منهم بجوج .... ااااقصى المتمنيااااااااااات ... شي حاجة فووووق الامااااااني لي كتمناهم اي وحدة ... بمجرد كتفكر هاكا مابقاش عندها الصبر و حلات دغيااا لغشااا و بدات كتحلل ....
غير دارت فيه قطرات من البول شدات بيديها على فين كتبان نتيجة و شدات عينيها
ماا قال حتا وصل للفوووق يلاه كيقلب على الاسعافات و لبسة دالغططس و كيحسسس بالباطو نصوووو بدااا كيهههبط و يمييييل بيييه و دخان طااالع ...
الشخص لاخور لتحت فاش شاف لباطو بدا كيغرق فيه النص بدا يمشي كايجري كيقلب على شي حاجة ينقد بيها راااسو هو كيمشي خطوة و الباطو كايميل بييييه تاكايطيح ويرجع ينوووض .... وصوووت المواااج كيتضرررب و كيتسمممع ششششرس .. تاوصل لواحد البيت وكيقلب عاد لقا لباس د الغط و الاوكسيجين .. اسد بالدهشة كيحسابتيه راااهم لفووق ..
لبسها داك الشخص وهز القرعة د الاوكسيجين فوق ضهروو وهز وحدة اخرى و لبسة زحدة اخرى ... و طلع كيقلب على اسد و لي بغا يطرا يطرراا المووت هادي مغايبقاش مخبع منو .. يلاه طالع فدروج هو كييييتكررررب و المااااا كيييدخل قلبوووو كااامل حيت الباطو غرررق نصووو وبدا يحاول ينوض عاد مكيزيد يطيح بقوة المواج لي كيلعبو بالسفينة ... تلاشى توازن دبالو ودخلووو الماااا بزااااف والاحهزة د الانذار كيصووونيو دايرين الصصصصصخب و دخاخن طالعين ... اسظ لفوووق نصووو كامل فلما وشاد غي بيد فواااحد الحديدة كيحاول يطلع فوقوها ...ويدعي الله ينجييييه منها ..... كتبقا روح عزيزة عند الله نعياو نتشجعو و نتعااااافرو فاش كنشوفو الخطر و مابيدينا مانديرو .. كلتجئو غي للدعااااء و نخليو ربي ينقدنا ....
فلخر شاف بلي معندو فين يزيد الباااطو وخا تايطلع فوق ررااا غايهبط بيه للتحت و ينفجر ... ويلا طلق يدو وهبط للمحيط شحال قدو يعووم را غايغرق و ااوكسيجين ماعندوش ... بقا شاد غي فواحد الحديدة معلق عندها العلم د روووكان كيرفرف فريح وهو كيشوووف اسمو كيتلاشى شوية بشوية و قد مايبقاااش روووكان على الوجووود مكتيجيه لباالو غي لااماار ... مامخلي تاحاجا من مووورررراه غي هي ... وتاااااحد مغايحزن عليه غي هي .... ماباغيش يشوف دموع فعينيها مزال ....بااغي يعتق راسو مي كي غايدير راه وسط المحيط و الباطو كيهبط شوية بشوية تحت الما و فاي لحظة راه غانفجر راه فيه بومب موقوتة ..... بقااا شحال معععلق تاماق تاحل... وشاااف عند الخاااتم لي فيدو وصورة لامار وهي كتخطبو بين عييينيييه .... فاش قساااا عليهااا و عدبها و قسح معاها زشحال بكاها مؤخراااا بين عينيه وتاااافاش ماماه كانت تطلب منو يسااامحها جات بين عينيه تادمعو ليه مازال ماسااااخيش ... و رجع شد عينيه مزززززير عليهم ... وبدا يطلق من داك الحديدة بشوية بووووشية تاطاح كااااامل فلللماااا ....
الشخص لاخور فاش سفينة غرقاااات كاااملة و اسد مليهش الاثر .. لبس داك اللبسة و هبط كيقلب فالماا ويضووور على السفينة لي بدات كتهبط فالاعماق ويقلب واش رااه محبوووس فيييهااا .... تاكيسمع الانفجااااارررر و تلاااااح بساب القوة دالانفجار وسط الما لبعييييد تاكان قرب يوصل لسطح و رجع هبط كيشوف دخاخن طالعين وسسسط الماااا و سفنية تلاشات كااملة ....
حبيبي الأصم الجزء 43
محتوى القصة
التنقل بين الأجزاء