حبيبي الأصم الجزء 44

لامار لبسات حوايجها وخشات داك تيست فصاك وهي بقد ما فرحانة بقد مامشوشة علاش تيليفون اسد الشخصي طافي وماموالفش يطفيه ... خرجات عندهم هو يطير عليها اسبرو عنقها او حسن قجها

اسبرو : لاااالة مراااات سديي حاااااملة يووويووويوووو

اريج : وطططلق من البنت غاطيحولها غي دابا 

اسبرو : و الله اااااختي لافررررحت من قلبي تقول انا باه خخخ والله تابغيت نشووف هاظ البطبغيط ديالك كي غي يكون 

لامار : اكييييد غايكون بوكوص بحال مامااااه يييييي متووترة معرفت ماااالي .. ز ز زعنا غانكون ام مزيانة ؟؟؟ 

اسبرو : اا و و وااا هو من هاد ناحية مااااااانعرف...

اريج : هههه سكت نتا ... مالنا اشكانديرو هنا حناا لالة نخرقوووو معاااك و نربيو معاك و نكبرو معاك غازوجني بيووووونس انا نولدو فبلاصتك لابغيتي 

لامار : صراحة منكدبش عليكم مشوشة من جيهة اسد 

جروها كل واحد من يد 

اريج : وازيدي زيدي غايكون غا فشي اجتماع

اسبرو : ياك قالك غايسافر و باينة غايكون برا البلاد و راه طفاه فطيارة 

لامار : ومكيطفيييييهش تافطيااارة .. 

اسبرو : وصااافي دابا يشعلو روكان كيخافو عليه هداك غايريب قبيلة ..

اريج : اااجي حقا فكرتي فطريقة لي غاتقولي ليه بها بلي راك حاملة ...

لامار : انا راه مزالا مامتيقاش تكون داك الشقفة غي غلطات ... نمشيو لطبيبة و نشوفو بعيني عااااد نفكر كندير نقولها لاسد..

اسبرو : ماقققلتي عيب ... نيت هاوا لكلينيك غي هنااا وتأكدي 

*فاللبحر ... 

داك الشخص المااا بدااا كيمسح ليه الكريم لي طالي بيه وجهووو تابداو كايتوضحو ملاميخو كان هو عدنان .. كيقلب تحت البحر واش يلقاه و يضور بسيفينة و يديه بداو يعيااااووو ... عيااااا يقلب مالقااااا والو وضرب يدو مع جناب سفينة المحروقين وووسط الماااا وفمووو فيه تيو د الاوكسيجين و البولة د الضو فراسو .. و جا طالع للسطح هي تبانليه شي يد واغلة وورا شي جوج حجرات د البكر فالقاع كيضرب فيها بالضو يتأكد واش بشرية .. .. ورجع هبط عندهااا كيضور مع داك الحجر عاد كيبانليه اسد بين داك جوج حجرات و بدا يجبد فيه ببكل قوتو ثقييل و الحجر زايدين شادددينووو .. و المااا مكيسااااعفووش واخا ييضرب برجليه بقوة الماء كايلاشي ديك القوة ... وكتطي ضربة خفيفة بداااا يججججبد فيييه بببببكل قووووووتووو ويدعي لله يكون مزاااال حي .... 

عدنان : ( مع نفسو ) يلاااااه اسد يلااااااه .. ماااشي هاكاااا سمعت عليك ... روكان قالولي ماكتقضي عليه تاحجا ...مكيستلمش ... يلاااه دغيا .. . يلااااااه 

كييييجبد فييييه و يتفكر و معااافر مع داكرتو باش ماايحنش . .

عدنان : اسد ... وااو ديالمن هاد بيسكليطة 

اسد : سوف سحال كتجري سسسستي 

عدنان : شكوون جابها ليك ... 

اسد : مااما

عدنان : ونا فين ديالي ... نتاااا ديما كايشريو ليك كووولشي وديما الحاجة المزيانة ديااالك واش انااا لقاوني فشارع ( أسد غي كيشوف معاه ويرمش بعويناتو صغااار حيت كيغوت عليه ) مااااما حكااارة بحالا تقول غي نتا لي كاين انا عمر شرااااتلي شي حاااجة علاش تانا ماعنديش بيسكليطة ياك انا هو الكبير 

اسد : ادنان .. هاك ( نزل عليها و كيقربهالو ) ماااسي ديالي .. ماما شراتها ليك 

عدنان : وااااش بصاااح ... 

اسد كيضور راسو بآه 

وعاد شدها فرحان بيها و اسد بقا يشوف فيه فالخر مشا 

ابتهال : عدنان أويلي نزل على لبيسكليطة د خوك لاتهرسها راه صغيرة عليك نتا تاناخد ليك لكبيرة 

عدنان : علاش ماشي دياالي ؟؟؟ قالي اسد ديالي

ابتهال : لا اوليدي د أسد .. نتا تاتجيب نقطة مزيانة و نشري لوليدي لكبييييرة تبقا دور بيها 

عدنان لتخها عليها 

عدنان : نتي مااااعمرك شريتيلي شي حااااااااجة كوووولشي ديااااالو كوووولشي تفوووووو واشانا ماشي ولدك

ابتهال : اولدي الله يهديك حيد منك هاد الغيرة راه خوك صغير هذاك

عدنان كيرجع بداكرة ديالو تاكيشوف اسد بدا كيتسلت ليه من بين الحججر وعينيه ثقال كيبغي يفتحهم مقادش دغيا كيتسدو ليه.. عدنان بدا يحمد الله لي باقي حي.. تاااسلتووو كاامل وحيد التيووو د الاوكسيجين من فمووو و خشاه ففم اااسد و كيعوم بيد وحدة ولوخررا مطلعووو بيهاا مع ثقييا مرة يفلت ليه مرة يعياو يديه ومرة مرة فاش كيتخنق كيدير تيو ففمووو ويرجعو ليه تاني تااااوصلللل لسطح عااااد ارتااااح وكيشوف فاسد كيحاول يفتح عينيه ماعرف باش تبلا خاف يشوفو .. 

عدنان : انا علاااش طلعتو علاش ... كان يموت وهيني ..

بقا يشوف بعينيه فيين غاايمشي دااااباااا ...

عند لامار ...

اريج و اسبرو كالسين على برا شادين صاكها و جيلي ديالها و هي مع طبيبة لداخل كدوز ليها .... وهي ناعسة و معرية كرشها و كتشوف معاها فتلفازة ...

دكتورة : هاانتي شتيه .. هاد نقيطة الكحلة هو الجنين ديالكم امدام اسماعيلي 

لامار : فيييييين واش هااادا

دكتورة : لا لا هاداك الكيس الجنين ديالك هو هاد نقييييطة الصغيرة 

لاامار : هاااء وأنا لي جاية نشوف رجليه و يديه صدق غاااا ديك نقطية 

دكتورة : هههه وراه صغير بزااف حيت مازالا فالاسابيع لولا ديالك ظدظومع الوقت غايبدا يكبر شوية بشوية 

لامار : ( بسداجة ) وكاين غا واحد 

دكتورة : هههه وشحال بغيتي يكونو ...

لامار : ههه معرفتش مكرهتش بزاااف هههه 

دكتورة : ههه نهار الولادة غانشوف واش غاتقولي هاكا.... ودابا نشوفو قلبو واش كيضرب .....

دارت ليها واحد سماعة و بدات تسمع دكتورة شوية عطاتهاليها ... دارتها لامار فودنيهااا وو هي توووولي حمممممرة و الضحكة على فمها و عينيها دمعو وهي كتسمع ددك دددك دددك دددك فودنيها ...

لامار : هه ؟ هه!! هذا قلبووووو

دكتورة: اهاه قلبوو 

لامار بدات غي كتنهج بالفررررحة و شادة فكرشهااا و دموع كيهبطو بدون شعور ... صوت القلب معروف و كلنا كنعرفو صوتو كيداير ... ولاكن باش تسمع صوووت البيبي لي فكرشك كيفاش كييضرب ببقوة بحالا كيقولوك انا متشبببت بالحياة اماماا .. انل معاك اماما ... انا قريب نجي نضوي حياتكم ..انا شي حاجة ديالكم غي نتي وبابا ...انا ثمرة حبكم .. انا لي غانجي نبينلك بابا شحال كايبغيك .....انا لي غانجي نوريك انك ام ممتازة اماما و انك مسؤولة و تاحد مابقا يقول عليك طايشة ... انا لي غانجي نخليك تنضجي ... غانولي نفيق بليل و نبكي و نقطع فيك نعاسك ... نعصك فاش تجي ترضعيني حتا تغوتي ... نطيح ليك و نخلي بابا يسمعك الهضرة .. ونهرس ليك احسن حاجة عندك بلا منقصد .. مغانبقاش نخلي ليك الوقت لي تصايبي فيه شعرك و لا ضفارك .. نهار ننطق اول مرة غانسبق بب بابا عااد ماما ...ومع دالك غاتبقاي كتبغيني و كتخافي عليا .. انا لي غانجي نخلي بابا يغير مني يا ماما ... داك الصوت د قلبو فودنيها وهو كيضرب المحرومين ممكن يحطو عليه الملاين غي باش يسمعوه ولو دقيقة .. حيت فرحتو مكتوصفش .. ولاسف مكتشراش بالملاين ابدا .. دقاتو مع دقات قلبها متوازية و منتظمة .. روح فروح و قلب فقلب .... يقدر يجي لاي واحد شعور عادي ولاكن بالنسبة للام .. شعور لا يوووصف بالكلام ومايقدوه لا حروف لا سطورا .. غي دمعة ممكن تعبر عليه... 

دكتورة : اويلي علاش كتبكي ...

لامار : ( بدات تمسح فدموعها ) مممعرفتش .. و الله ماعررفت ... اللللفرحة هادي وصافي

فوق الرملة فواحد الشط كان قريب ماقال عدنان حتا وصل ليه .. وحط اسد فالارض وبدا يضرب ليه فقصدرو بيدوووو و قلبو باليه شااارب الما بزاااااف ... 

عدنان : ( كاينهج ) يلاااه .. يلاه اسد يلاه .. باااقي محتاج بيك ... بااقي مسالينيش الحسااااب .. ماغانخليكش تموت بهاد السهولة ... باااقي خصنا نتحااسبو .. يلااااه فييييق معايا فففيييق نوض ... واش حسابتك غانخليك تموت هاكا بهاد البساطة نتا مزال خاصك تعيش وتعدب كيف مااااتعدبت ( كيضرب فصدرو بجهد) نووووووض يلاع وريني جبرووووتك وداك الققثوة لي كتبين قدام ناس كاملين فييين النفخة ديااالك .. فين داك التتجبر .. فين مشاو .. ورييهم ليا دابا... ياك كتسمي راسك رووكان ... وشت الما دغياااا قضا عليك .... نوووووض 

فلخر شد ليه على نيفووو وحل فموووو وبداا يدير ليه تنفس الاصطنااااعي السوفل ديالو كامل خواه فييييه تاحسو بداااا كيكحب وخرج الما من فمو و على نيييفو عاد ررتاح و رجع بلور كاينهجج ... شافو بحالا بغا يحل عينيه واسد عينيه عياانين كيتحلو شوية وويتسدووووو و عدنان كيشوف معاه مترررقب تابانليه فتتتح عيينيه هووو يهههههرب باش مايشوفو.... و اسد بقاااا ييكككحب بزااااف وكيلوووح لما وكيحس بصدرووووو ثقييييييل عليه و سخفاااااان ... القوة باش يهز يديه مابقاتش عندو ودراعو كاع مجرووحين وصدرو مخبووش حيت تجرد مع الحجر بزاف فاش كان كيحاول يفلت راااسو تااوحل تماك وتخنق

عند لامار .. ( حدا دار)

لامار :اريج دخلي تغداي 

اريج : لا والله الى تعطلت سسسمحتف الخدمة خصني عاد نمشي نبدل عليا ... ولاكن دوزت معاك نهار طوووب و الله اخييرا لقيتي فصيلتي 

لامار : تااحناا معرفناك فين كنتي مخبيا ....صافي تافقنا غي يجي اسد اجي تعشاي معانا صافي ( غمزاتها ) ونبداو فاللعب 

اريج : انشاااءالله غي نتي حضي راسك من داك خصية الضفضع و متاكلي تاحاجا من يديها ردي بااااالك ... يلاه تلاحو ننمشيييي عند حبيبي تووووشحتوووو انا ... 

مشات اريج و اسبرو ولامار داخلين فتح ليهم الحارس .. 

لامار : كنخاف غي رجالو يوصلو ليه بلي كنت فالكلينيك 

اسبرو : ياك وصيتي طبيببة ماتقوليه والو تاتقوليهاليه نت

لامار : اه وصييتها ولاكن رجالووو يقدو يقولو ليه مشات لكلينيك 

اسبرو : اوا صاافي تايلا قالوليه مغايجيهش للحمل للبال .. نتي حضي غي مع داك للمجحومة .وااياااك وااياااك تعرف بلي راك حاااملة تانتهناو منها تمشي دير ليك شي حاجة الليستر 

لامار : الا وليي مالي تسطيت فين غاتعرف هي اصلا ... مهم غاندخل ننعس راسي حرررقني بشمش

اسبرو : كوولي بعدااا ياك سمعتي طبيبة اش قاتلك ... و باركا من للاعصاب متخليهااااش تستفزك الله يجعلها تقولك تالحمااارة الكلبة نتي قوليلها كتر خيرك و ضحكي ليها بردي معاها دمك و خلينا نوجدو لدقتها .. غي تفكري بلي غانسرسبوها مع لباب غاتبرد ليك

لامار : كوووم هاني اصلا دابا كنفكر غي فوولدي و فأسد مكتهمني تاحاجا ااااخرى

مشا اسبرو و لامار طلعات لبيتها ... سارة نهار كامل مدوزاه فالفراش حيت فصباح مشات دارت كورطاج عند واحد المرا و حيدات جنينيها بداك الفلوس لي شاطو ليها من المشروع ديوونس ... 

لامار داخلا لبيتها مقادها فرحة ضور ضور وتشوف فداك الفوطو لي عطاتها طبيبة د الايكو ... ووتشوف كرشها مع المراية واش بدات تباان كي شي حمقة و بقات كتهضر معاه... فللخر دوشات ولبسات عليها سبور و تكات كاتصوووني ليه والو مزال تيليفونو طافي بدا كايدخل ليها الوسواااس وكتنعل الشيطان ... هبطات كلات وضرباااتها بنننعسة تاااني ...

لامار بدات تفيق كترمش وهي تنوض بزربة لبالكون كطل واش طموليلتو كاينة.. واالوو مزال كان االحال ضلام و ضواوات دجردة كاملين مشعولين وغي الحراس لي هازين سلاحهم كيمشيو ويجيو .. حيت فاش مكيكونش كتقوااا الحرااااسة ... ودخلات من البرد لي كان كيسوط وبدات تصوني ليه تاني والو تيليفون طاافي الخلعة بدااااات كتغزز فييييها .. لبسات عليها بينوارها و هبطات ... شوية وهي ترد لبال لسااارة كاع مابان حسها

لامار : فين مشات حتاااا هادي !! .....

خرجات لبرا كتقلب على اسبرو تاجابوه ليها

اسبرو : مالكي ياك لاباس

لامار : فين اسد ا اسبرو ؟؟؟ مقالولك وللو فين مسافر نهار كامل و تيليفونو طافي راه بديت كنتخلع

اسبرو : لا راه علموني ( غي كيكدب باش متوترش حيت ساق لخبار منعند عادل و شي رجال بلي مشا فشي رحلة خطيرة فلبحر و راه مابانش ) ر رااه فشي دولة .. دداك مم معرفتش كيمشي ليها ديما يمكن

لامار : الميكسيك ؟؟؟

اسبرو : ااااه تمااا .. راه تما عندو شي اجتماع واقلة

لامار : و تيليفونو علاش طافي . .

اسبرو : مممعرفتش و لاكن سي عادل كايدوي معاااه غي كوني هااانية بلا متعصبي فراسك

لامار : ك كيفاش كايدوي معاه ؟ و انااا علاش مايهضرش معايا بقيت مشووووشة علييييه علاش كييدير ليا هاكا ...

اسبرو : ورااه يمكن باقي داير عليك النفخة ... دخخلي دخلي راه البرد ... غدا لالة غي تفيقي غاتلقايه حدااك .. ودخلي و وسعي خاطرك هاد الاعصاب مامزيانينش للجنين ...

لامار : ياااربي يكون كلامك بصح ...

اسبرو : مكااتيقيش فيا ؟؟ وادددخلي يلاه ...

تنهدات لامار و دخلات و اسبرو بقا كيشوف ..

اسبرو : يااااربي تحفظ .. ياربي ترجعو لمرتو وولدو راه محتاااجينووو بزاف ظ... ياربي تحفضو فين مكان و ترجعو سالم غانم ياربي .... مرتو غاتهبل مسكينة لاوقعات شي حاجة ..

لامار غي دخلات لكوزينة و هي تسمع لباب تحلات تاني و خرجات كتجري كتلقاه غي يونس

لامار : اا يووونس ؟ ح حسابتني اسد

يونس : باااقي ماجا ؟؟. سولت عليه مع 12 قالولي سافر

لامار : ل لا قالي اسبرو راه فالميكسيك .. تععطلتي واش كانت عندكم الخدمة كتيرة و لا يااكما المديرة تاني شداتك هههه

يونس : بحالا علمك الله .. عاااد جاها هي ترتب السطوك و تمسح الغبرة انا معرفتش واش مهندس تما و لا عامل النظااافة .. شفتي كون كان القتل حلال كورا كليتي كسكسو ديالها ليوم ... لاوزينة قاالك وصلني فطريقك را ولينا جيران ..

لامار : هههههه ومالك شكون بحالك .. راه قليل لي يلقا موديرتو توصلووو

يونس : اودي لاكانت بحال هاديك غي تعطني تيقااار ...

لامار : وماتعرف كيقولو الشخص لي كيقابل لاخوووور بزااااف كيكون مهتتتهم بيه ... غاتكون غي مهتمة بيك و كتصرفهت ليك هاكاك

يونس : تهتهم غي بمخها تخطيني عليها ..

لامار راسها غي كيدور كانت غاطيح حيت متغداتش مزيان و نعسات بزاف مع الخلعة د اسد ناضت دايخة ....

يونس : لاماار ياك لاباس ؟؟؟؟

لامار : ل لاا لاباااس ... سارة فين هي مابانتليش ليوم ؟

يونس : غاتكون غي فالبيت نطلع نشوفها ....

طلع وهي ناضت يشوية عليها غسلات وجهها ... ومشات كوزينة كتوجد العشا و مرة نرة كتصوووني ليه تشوف واش شعل تيليفون ....

يونس دخل عند سارة بانتليه ناااعسة و مزيرة على كرشهاااا

يونس : سااارة !!! ساااارة

بدات كتفيق و ضارت عندو مسخسخة ووجها صفر

يونس : مااالكي ياك لاباس ؟؟؟ مريضة و لا شنو ؟؟؟يااكما كتحرقك كرشك .. ( كلس حداها و هي تكات على سرير وحط يدو على كرشها ) ووولدي مععدبك ليا ياك

سارة : ( غي كترمش ماعرفات ماتقول ) اا .. اه شوية

يونس : حااول ليا على ماماك اولدي الله يرضي عليك هي لي عندي ( باس على راسها ) بلاه احياتي لبسي عليك هبطي عند لامار مسكينة عاونيها تاهي جاتني بحالا عيانة ...

سارة : ببعد مني ماقاداش غي هي ليبقاتلي دابا .. نعاااونها على مشتيش كيف دارتلي لباااارح .. وزايدون انا عيااانة

يونس : نعسي نعسي مادوا معاك حد ....انا نمشي نعاونها الالة .. حشووومة فاتحا لينااا دارهاا .. و غي لبارح بسبابك تخاصمو هي و اسد ... و نزيدوها بتمارة و الله مكاتراعي ...

سارة : ساكنين عند اسد ماشي عنها تمشي تززمر هي لبقاتلي فالحساب ( رجعات نعسات )

يونس : ماعرفت مالك كاع وليتي هاكدا ..

ناض دوش عليه و هبط لتحت بانتليه لاما كتوجد العشا و بدا يعاونها حيت يونس هاكا طبعووو مكيحشمش يعاون شي حد ولا مرات خوه فكوزينة ...حنيين و كيبقا فيه الواحد و مساااعف .. زيد على انو قشااااشبي .. ونسها فكوزينة بنكت ...تاوجدو العذا عياو ف سارة تهبط مابغاتش .. تعشات غي هي و يونس فلخر طلع و طلع ليها حقها .. وتالامار خملات و طلعات لبيتها.. بقات غي كتمشي و تجي جاااتها ليلة كحلة بلا بيه .. مرة مرة طل من البالكووون ... تاشافت الحال تعطل شربات دواها و نعسات كدعي الله يكون كولشي مزياااان .... معنقا وسادتو عنها كتشم فريحتو ....

سلااااا هاد نهااااار الثقييييييل على أسد .. وحتا على لامار لي عرفات فيه اجمل خبر ... و جا نهااار جديد مشمش و جو ربيعي كيدخل ... صبحات فالكوزينة كتاكل فكونفيتير و تشوف تصاور دراري صغار فتيليفون ... تاكتشوف اسبرو برا و خرجات عندو ..

اسبرو : زيووونات صباحو

لامار : اسلدبرووووةوااا حححشت راااااجلي .. واش موااال مغايجي ... بغيتو غي امتى يعرررفني حاملة و نتفشش عليييييه فوقتاش قالولك يجي ...

اسبرو : ومتكتريش من هاد الحلاوة بزاف يمشي يطلعلك شي سكر

لامار : راااه كنهضر معاك ا اسبرو بحالا سوولتك على اسد لا

اسبرو : وانا فين شفتووو راه قتليك مسااافر ... واش نتي عارفا راجلك كيعلمني غي ماكنسمع من سي عادل وصافي ...

لامار :ومال عينيك بحالا مناعسش

اسبرو : ها ! ل لااا غي كانت عندنا شي خدمة قضيناها و صافي ... ( هوما باتو سهرارين فمكتب الاستخبارات هو و عادل كيتسناو شي خبار من البيلوط د الكوبتير و صحاب اليخوت واش لقاوه ...)

لامار : اسبروووو عندك تكون واقعة شي حاجة و مخبيهااا عليا راااااه نكدد خووويا كديد

اسبرو : واااخلااااص كتزيدي فيه .... را ماشي ل( قاطعو تيليفونو كايصوني و جاوب ) الو ... ش ششنو ؟؟؟؟؟ ااااه انا جاي لااا دااابا دابا ( ناض متوتر )

لامار : اااسبرو شنووو كاين ماااالك ...

اسبرو : ب لااا و واالو غ غي عيطووولي م من الب البحر حيت شي حد داخل بلاما يعطي هويتو وصافي غانمشي نحل المشكل .. .

مشا كيجري و لامار بقات متبعاه بالها مامهنيهاش .. و اسبرو و صل لبرا لقا شي رجال اخرين كيهضرو

اسبرو : ف إينا كلينيك كاين ؟؟؟؟ واش غي هنا

- لا راه فالمنطقة لوخراا تماك جابوه ...

- ياك راه بيخيير ؟؟؟

- مععرفناش اسي سعيد ... حنا غي سي عادل لي علمنا باش نعلموووك وصافي ...

مشا ركب معاهم ومشاو لمنطقتو لقديمة ..

وصل أسبرو للمنطقة هو ورجال اسد و مشاو بزربة جيهة الكلينك ... كانو رجال بزاااف دروكان لي مانعين صحافة تدخل بأمر من عادل ... دارو طريق لاسبرو و دوك رجال لوخرين مشاو مع الكولوار تاكيلقاو عادل واقف كيهضر مع شي حد اخور شافهم ووما ليهم يجي اسبرو وهوما مشاو .. و اسبرو مشا بزربة لعند عادل .. 

اسبرو : فييين لقيتوووه ؟؟؟؟؟ واش راه مزيان ؟ شفت الحيحة على برا مافهمت والو ... ياكما طارية ليه شي حاجة 

عادل : لا لا حاليا راه مزيااان ... غي صحافة كتسمع غي شوية كتهجم .. خاصها غي شنو تشد عليه ... 

اسبرو : حمد الله بعدا غي للي بان ... فين لقيتوه ؟؟؟؟

عادل : لقاوه فواحد الشط كان مغيب بصح فاق فالكوبتير و جا كيف شي ثور شاف اللحمر 

اسبرو : باينا غايكون عرف مول الفعلة

عادل : اوا على الله ... نيت لادار شي حاجة فراسو راه كيوصل ليها ...

مشاو بجيهة شومبر ... بداو يطلو عليه غي من زاج باش مايفيقش كان عريان ملفوق مغطي غي نصو و يدة فيه سيروم 

اسبرو : سلامة يا مولانا واخا يكون كيموووت غايبقا مخنزر 

عادل : اويه كون تشوف الحالة لي جا فيها ماكيشوف 10 قدامو كون ماشب الابرة لي نعساتو مكانش باغي يدخل لكلينيك كاع ... حاس بحالا مشموت حيت عمر تندارت بيه ... مكيحملش لي يلعب معاه هاكدا

اسبرو: بغيت غي نفهم شكون هادو لي كارهينو .. ياك هو محايد و بعيد على صداع 

عادل : اودي ماتعرف دقة منين تجيك ... مهم نتا بقا هنا ... انا غانمشي نلغي واحد الحفل خيري كان خصو ينظمو ليوم ...غانمشي نحبس التحضيرات حتا يولي مزيان ... ونتا خليك هنا مراقب ... ( عطاه تيليفون ) هاك باينة اول حاجة غايطلبها ليك هي تيليفون عطيه هذا را بسيستيم ديالو .. وانا غانعلم رجال على برا يخرجو من المنطقة الصحافة...ماتقوليهش راه جات غي غايزيد يتعصب ... و تأكد نتا نرة مرة بلي مابقا تاشي حد ... ويلا بانتلك شي حاجة غريبة علمني و لا جا يزورو شيحد عنداك يدخل .... 

اسبرو : وصافي كون هاني .... مزيان غي ملي رجع على خير

عادل : واياااااك دير راسك فخبارك ... ماتقول واااالو لاعرفني عاودت ليك يقدر مايبغيش راه غي لبارح بالخوووف قلتها ليك لاتكون عارف شي حاجة تعاوني .. دابا زم فمك و دير راسك مافيك خبر ....

اسبرو : وصافي طيبتي لي راسي ...

مشا عادل و اسبرو بقا فزاج كيشوف ومرة مرة يتأكد واش صحافة مشاو تالقاوهم خواو المنطقة حيت قالوليهن راه خرج من باب لورانية ... تاكيبانليه بدا يخسر فملامحو باش ينوض ...وكيرمش بعينيه تافتحهم و ناض تكا راسو فوق سرير شاد على راسو بيديه ... وضور راسو لطابل صغيرة هز قرعة دالما هبط عليها ضربة وحدة... و اسبرو يلاه داخل تاكانو الممرضين دفعوه دخلو حيت شافوه فالكاميرا فاق 

و أسد مطلع حاجبوو و فوجهو باااايناااا معصصصصب و عياااان عينيه نااعسين و تاشفارو طاحو و شعرو طايح عليه مخررربق و دراعو مجرودين .. 

ممرض : سي أسد كيف كتحس براسك معندكش شي دوخة ؟؟؟ مكتحسش بريتك تقيلة عليك 

اسد : حيد غي هادشي ( سيروم كان بدا يقلع فيه )

ممرض : مزال شوية اسيدي خليه تايسالي 

اسد : مامساليش نتسناه غير حيدو انا مزيان را مواقع والو ....

الممرض قرب حيد ليه سيروم و عطاوه حوايجو و المرهمات ديال درعانو ... و على يدو لاوين باانضة كحلة حيت مجروح فيه و مشاو و اسبرو قرب عندو 

اسبرو : على السلامة اسي اااسد خلعيتينا عليك بزاف

اسد : ( كيلبس ) كولشي عندكم مزيان ..مطرا ولاو فاش مكنتش ؟

اسبرز : ل للاا كوووولشي مزيااان ... كنا غي مشوشين عليك اسيدي 

اسد : لامار فدار

اسبرو : اه اسيدي ... بقات مشوشة فاش لقات تيليفون ديالك طافي ولاكن متخافش قوتليها عندك شي خدمة فالميكسيك ... أما سي عادل راه مشا يلغي الحفل الخيري ديال ليوم

اسد : فففف كيفاش مشاليا من بالي ... ( ناض ) صافي غي سير .... ماتقولش للمار بلي كنت هنا ... نتا غي عيط لعادل قولو مايلغيش غير يأجل حتا نجي انا ... 

اسبرو : حااضر اسيدي ... هذا تيليفون خلاه ليك سي عادل 

اسد : ( شدو عليه ) قلهوم يوجدو طموبيل ... 

اسبرو : غاتخرج دابا اسيدي ؟؟؟ راك باقي عيان

اسد : علاش شكون قالها ليك ... قلهم يوجدو طموبيل اسبرو : هي دااابا اسيدي.. 

مشا اسبرو علم الرجال يجيبو ليه طموبيل 

و اسد لبس حوايجو و دار كاسكيطتو وهز تجاكيت وخرج لطموبيل كيشوف لتيليفون ...

عند لامار ...

طلعات لبيتها و بدلات عليها و شمشات بيتها و كلسات فبالكون كتشوف امتى يقدر تكبر الكرش حتا كتقاطعها ابيل ...

يتبع