حبيبي الأصم الجزء 45

 

بدات تشوف فنمرة معرفاتهاش فاللخر جاوبات 

لامار : آلووو .... ( طرطقات عينيهااا ووقفاااات فاللخر رجعات كلسات ) ا اسد هذااا نتا 

اسد : علاش نسيتي صوتي .. مغبرتش بزاف غي نهار 

لامار : ل لاا راه نمرة غريبة وزيد على ان صووونيت عليك بزاااف و مكنتيش كتجاوب فين داير تيليفونك و علاش طااافييييه وعلاااش ماعيطتيش عليا... ماجلااتش لبالك بلي غانتشوووش علييييك ا اسد ؟؟؟ اش هاد الفعاااايل كدير باااغي تسطيييتي حرام عليك 

اسد : شششش كالم طوا ... غير خسر ليا 

لامار : اواااااا خود واحد اخور و عيط لي 

اسد : كنت بعيد ( كيومي لسائق يمشي باش يسوك راسو ) و مايمكنش نلقا تيليفون د سيستام ديالي .. نتي بيخير 

لامار : مااابخخخيييرش غاتبقاااا ديما كتخلع فيا هاكا وعلاااش صوتك كيبان عيييييان

اسد : مممم زعما تخخخلعتي عليا .... ونت ماخليتني ماسمعتي ليا .. كنجيك على مصلاحتي عندي جوج وجوه ... غي قيديهم عندك .. مزال غانتحسابو

لامار : وماالي كدبت 

اسد : مافيا لي يتناقش دابا ... مهم انا فليل غادي نجي دابا عندي شي شغل 

لامار : راك فالمغرب بعدا

اسد : ااه غي حداك ..يلااه تاليل وغانجي 

لامار : ممم ( ابتسمات حيت توحشاتو وبغا غي امتى تقوليه الخبر ) وو خا صافي اوا متعطلش بليل ...

اسد : وعلاش

لامار : والووو ... غ غير محتاجاك

اسد : هه تعصصبينني عاوتاني ...

لامار : حراام عليك كضلمني 

اسد : صافس واخا .. ردي لبال لراسك 

لامار : حتا نتتاا ... 

ديمارا اسد ودوز ابيل اخرى 

اسد : انا جاي لشركة نبغي نلقا تقييرر مفصل على داك الشريك العلامي ولامعرفت اش سميتو .. فوووق المكتب .. 

اسد كمل طريق وهي شدات تيليفون عندها كضحك كي شي هبيلة و تفككككر و عينيها كيضورو و كيلمعووو بحالا كتفكر فشي فكرة زوينة ... و بدات تعيط لاسبرو 

اسبرو : اماااالناا نبقا مقابلك غي نت

لانار : دااااباا تبعث معاااياااا دااباااا

اسبرو : اربي سلامة ياك لاباس 

لامار : واااجي دغياااا دابا .. 

قطعات عليه و مشات لمراية كتشوف فراسها وضحك وجبدات من المجر لفوطو د الايكو د لبيبي .. كتشوف فيها 

لامار : ولدي ... ليوم غانفاجئو باباك ... غايعجبو الحال يززاف يااااك ... اشنو تعاوووني نوجدو ليه المفاجأة ؟؟؟ مسكين عصبناه بزاف هاد الايام ... وحتا هو عصبنا ولاكن داااز فوجهك اولدي ما أنا والله مانسمح ليه ... ( باست فلفوطو ) نتا لي غادخل السعادة لحيااتي و حياة بباباك ...احبيبي ... غااانبغيوك بزاااااف و غايعيشك باباك امير كيف ما خلاني أمييرة

رجعات لفوطو لبلاصتها ...و هزات اجوندا و هبطات لكوزبنة هزات تاني قرعة د كونفيتير و كلسات فحردة كتقيد شنو خاصهااا ... اما سارة كتبغي تنوض كطيحها دووخة وكرشهااا كتحرقها بزاااف حيت يلاه دايرة الكورطاج تامن لونها صفار .. بقات طل عليها غي من البالكون بانتلها كتاكل و تكتب مبتسمة واضحة عليها الفرحة 

سارة : غييي ضحكي ... غير ضحكي .. و الله حتا تقاااسي كتر من هادشي لي كنقاسيه دابا ... بسبااابك و بسبااك اعصااابك رجعت لادمان تاخسرت ولدي ... و الله حتا ندوقك من هادشي .. غير ضحكي دابا ... 

لبسات بينواراها وهبطات بشوية فدروج فطرات و رجعات لناموسيتها تكااات ... 

لامار باقا كتكتب تاكيجي اسبرو 

اسبرو : هانا شو كاين خلعينني غانبقا مقالبكوم غي نت وراجلك

لاماتر : ششششش .. للورد حممر هاهو كتبتتو .... مممم ااه لاسييير تسالاتيليا ... ممممم اش خاص اخور 

اسبرو : اش كاتقيدي هنا 

لامار : شششششت كلس ...

كلس اسبرو كيشوف معاها تاسلات 

لاماار : ممم زيان ... كنضن مانسيت والو .. غتطير دابااا تجيبلياا هادشي لي كتبتلوليك فهاد الورقة ماتنسا ليا حتتتتى حاجة 

اسبرو : هااايهااااي ( كيقرا ) هي شي ليلة حمرااااا هادي

لامار : ( بقات شحاال كتشوف فمنحى اخور ) كاع ماكنا هاكدا آ اسبرو ... داز علينا كتر و كتر ... وكنا ظغيا كنننرجعو ... عمر هزينااا فقلبنا من جيهة بعضياتنا ... وحتا هو مخليت ماسمعت ليه هاد ليوماين مع دااالك صونا عليا و كايوصني نرد البال لراسي ... و حتا انا ماخلا ماسمع ليا و هانا بقا كنفكر كندير نفرحو .. شفتي .... شفتي أسد ... ممعرفتش كندير نوصفو ليك ... واحد الراجل لي كان بإمكانو ياااخدني ساهلة شحال مرة عطيتو الفرصة ولاكن عمرو ضيعني .. ديما حفض شرفي كتر منا حافضاه ... حتا تزوجني ... بقا لدابا اللحظة لي عرفني فيه فييغج بين عيني مايتنساوليش ملامحو ديك نهار ... كنت كنكدب عليه ولاكن هو كان تايق غي فعيني ماشي فشنو كان كيقول لساني .. كان كيشوف غي لعيني ... اسد كايعرفتي كتر مكنعرف راسي ا اسبرو ... اه فعلا كيقلقني و دار معايا مؤخرا تصرفات لي عصباتني و يمكن مع الحمل وليت عاطفية كتر و حساسة ... ولاكن وخا هاكاك غادي نحمااااق لاطرات ليه شي حاجة ( كتمسح دموعها واسبرو كيشوف فيها ) انا واسد كندابزو كتناقشو ونقدو نضاربو كاع ولاكن تيقني لا هو يقد على فراقي و لا انا نقد على فراقو .. جملة كان كيقولهالي ديما ...فداك الحضة كتعصبني و فاش كنرجع نتفكرها منبعد .. كتعجبني بزاف وكتريحني ... كيقولي الحاجة لاكانت عوجة كنسرحها ماشي كنرميها .. وخا كنعصبو و مكيلقاش فيا لي كيبغي بعد مرات مي ماحدو عايش عمرو يتخلا عليا ... هادشي لي كيرحني منو ... هذاك فيه بابا فيه تا ماما دابا.. فيه عائيلتي كاملة .. حيت فعينيه كنشوف الامان وبين يديه والله تاكنسى كاع الحرمان .... وخا هو اكتر واحد كايعرف الحرمان الا ان فالحظن ديالو كاينة عائلة على قدها .. بغيييييتو وحماقيت عليه منهار قالي متخااافيش انا معاااك الامار ... كنت محتاجا لي يقولي هاد الكلااام ....وجا هو قالها بككككل حنان .. .. عوضني على بزاف د الحوايج ( كتهضر بالبكا ) وعطاني الحيااااة ... هادي اقل حاجة غانديرها على قبلووو .. غي نفرحوو ... بشي ليلة زوينة و هاد البيبي لي جاي فطرييييق

اسبرو بكيتني بغيت ليك دقة ... تقو ( عطاها كلينيكس ) مسحي مسحي جخطتني داك للعنين ملي ناويا تبكي لاش مكحلا

لامار : ( بدات تمسح ) نوووود قود من قدامي جيب اش قتليك... ماتخليو يحد لا يبكي لا يضحك لا يعببر .. نوووض دغيا من قدامي 

اسبرو : هوا غادي نتي تزملي ونا نجيبها فعضامي لامكملتش ليه التقرير ...مجاتك امتى ديري للسهرة ..

لامار : واسير سير منها لليل فين غايعقل عليك

مشا اسبرو وهي بقات تضحك وناضت كوزينة حطات فطرات و طلعات لبيتها خشات راسها فدريشينغ كتقلب شنو تلبس تاحجا معجباتها ... وكلسات على سرير كتشوف فتيليفون لي غوووب سيكسي ...واش تعجبها شي حاحة طلببهاااا يجيبوهاليها . 

عند اسد .. 

الكاتبة : سيدي هاهوما تقارير لي طلبيتي 

اسد : حطيهم وسيري .. 

حطاتهم وهو بقا كيشوف من زاج و بالو كولو مع داك الوجه لي شافو شوووووية فاش كان كيرمش بعينه على شط البحر ... 

اسد : غاتخلصهم وحدة وحدة غي بلاتي .. ضربتي كتجي باردة .. ونتا خليك سخون .. بحرارتك غاتحرق و غاتندم على نهار لي حطيتني بين عينيك ... غاتعما اوليدي ....

ضار للمكتب و جبد عندو تقرير كان على شكل سيدي CD و خدمو فبيسي كيتفرج ...واالو الهوية كطلع ليه غي سمية د العالامي ابراهيم ... كيمشي كيقلب كيلقاع عندو 55 سنة ... و هو عارفو صغير على 55 سنة ... تما عرفو مزور الهوية ...هز داك الهوية و رجع سيفطها ليهم باش يلقاو ليه العنوان الحقيقي د مولاها .. ورجع عيط على الكاتبة وجات عندو 

اسد : بعد غدا كاين حفل خيري فالقاعة د المؤتمرات .. سيفطي دعوة لكولشي .. و بلاخص ...سي العالامي...

الكاتبة : حاضر اسيدي .. و البغاسلي لي طلبيتي تاهوا يلاه وجد ...راه لتحت ... 

ناض اسد هبط فالاسانسور لطابق د المجهوارات و دخل فواحد للغرفة باردة فين كيحطو فيها المجوهرات الي يلاه وجدو .... لقا تما واحد من العاملين و تبعو يوريه ليه تاوصلو قدامو فواحد صندوق د زاج فيه براسلي كوولو كييييملع بالاحجار الثمينة فيه L/A و داروه ليه فبواط كحلة .. خداه ... و طلع لطموبيل ....

عند يونس ...

شحال وهو كيدق فلباب دمكتب اريج حيت طلباتو والو مكتردش فلخر فتحها يدخل ... يلاه داخل وهي تنيش بواحد السهم للحيط كان غايجي فيه كون مابعدش

يونس : ررردي لبال راه كنتي غاتعوريني

اريج : وااااش انا قتليك دخل بلا ادن ابب

يونس : راه نت لي طلبتيني ...

كتغمز بعينيها باش تنيش مزيان للهدف و السهم فيديها و كالسة مربعة رجليها على لمكتب و عاضة على لسانها لي بغا بخدم العام طويل 

اريج :ايه طللللبتك ولا كن ماقتلكش دخل

يونس : موصيبة هادي ... 

اريج : دابا ملي جيتي جيتي ... غي كلس .. 

يونس : مزروب امادمويل ... اشنو بغيتي .. 

نيشات السهم جااا نيشااان فالمركز 

اريج : يااااااا والله تاااااااجببببتوو وبالله تااااجبتووووو ... ( شافت عند يونس وكتهضر كتتتلحن هضرتها) ولاخور غااانجيبو غااانجيبو ... ويلا مااجااا نجيب وااالديه بسيف عليه ودااك السااع نجيبوه بجوج وراااك لشيشى و نشااااط

.. نزلات على لمكتب و مشات بجيهتو هو غب كيضور فعينيه

اريج : ماعندكش القاع علاش تكلس ؟ 

يونس : راااه ينتيلي نت لي معنكديش علاش تحشمي 

اريج : وفاش قللنا معاك الحياااا ؟؟؟؟ لا نتا باالي مزال مكتعرفش الحشوووومة اووووولد الحوووومة

يونس : مالقيتي فين تسكني ... غي فين ساكن انا ؟ ولاياكما زكارة تاهي 

اريج : ومالك حاس بضلوعك ؟ علاش غانتتتبعك مثلاااا ... نتا هوووو الحيط لي فيه الشارجووور ؟؟؟؟ نتا هو الوويييز ؟؟؟؟

يونس : بغيت نفهم علاش هاد الحركات ... مكنابلك غي انا فهاد الشركة 

اريج : ااااه .. غي نتااااا لي كتباااانلي فهاد الساااعة .. كيف شي بولة كضوووي .. لوخرين كاع طافين .... ونتا كيف كناااباليك ابب ( باغراء ) 

يونس : كي شنيييولة فهاد الساعة مجاي منك غاتبرزيط

اريج : ( زاادت فتحليون وكطول رجليها عندو ) اااح وتععرف شنيييولة اش كدير للمصااااان ( عاضة على لسانها )

لامااار جاب ليها اسبرو تقضية دخلاتها لبيتها ... و بدات تشوف ليها لقات كولشي هو هذاك و تالاغوب لي طلبات تاهي دغيا وصلوها ليها بحكم محل غي حداها ... طلبات تاعشا خفيف وعصير بالفواكه الجافة و لافوكا و المشروب ديالو لي بلا كحول .. من عند محمد " شيف ديالهم " شافت الحال مزال وطاحت ضربتهااا بننعسة ولي بغا يربح يررربح ههه ..

تاكضربها لفيقة على تيليفون كيصوني ... مدات ليه يديها .. 

لامار : ( صوت ناعس ) االو

رقية : ومانعرفوك احورية لا ميتة لا حية 

لامار : م ماشي حورية هادي غالطين فنمرة

رقية : شركتي تاني العصر مع المغغغرب 

لامار : اا صلا الزيتون غالي هاد العام وتامولاي براهيم شدوه

رقية : ااويشدوك حتااارف ... تي توووككضي المنونخة تاعبوك

لامار : بابا الله يرحموه و نت للله يلحقك ليه 

رقية : يااااك اماخلات كرررشي ياطرييبااااااكر ... تي نوووضي 

للمار زعفات عليها وهي تقلش ودنيها و ناضت مضهشرة

لامار : ماما هادي نت ؟؟؟؟

رقية : لااا حليمة مولات السفنننج ... تي هذا ماشي نعاس هذا .. هذا ررراه البننج

لامار : شحاال الساعة اماما 

رقية : وراه المغرب هاادي 

لامار : اويييييلي ؟ ( شافت لساعة ) قطعي قطعي اماما ناااري مشااا عليا الحال 

رقية : نتي فيعار الله ابنتي ... مالو غايدوزك شي طوبيس . مهم انا را شوية و غاندوز لعندك .. خيطتليك دوك القفيطنات غانطيبوهم ليك

لامار : ها ؟ ش شنو تت تجي ؟اوويلي ؟ كيفاش تجي .. لا . م م اماما ق قفاطن .. قفاطن حرااام بغيت نقول اه اااجي ولاكن ماشي ليوم

رقية : علاه اش عندك ليوم غاتعلقي لعلام 

لامار : لا غانهزو ليه ... ب بغيت نقول م مشغووولين .. ع عندنا القادوس مهرس .. و تا لافابو كيقطر .. و وهداك اش كايسميوه هذاك اااه بارابول خاسر تاهو .. و و وصافي ..

رقية : اش كتخربقي اناري نتي واقلة باقا ناعسة ....را قتليك هانا جايااا انا واسماعيل

لامار:واااميمتي ميمتي وااانبع الحنااان و امي كم اهواها ... واصافي تالغداااا ل ليووم و واخا غاتجي مغاتلقاينيش رقية : علاه فين ماشا ليوم يلاه هضرت مع وليدي اسد قالي راها غافدار 

لامار : كدددب عليك ... ب بغيت نقول لا .. هوو اه راني فدار ... و لاكن غانخرجو دابا 

رقية : اوا تالغدا وخرجو

لامار : ل اا مممعروضين .. اااه معروضين وااه ... صاحب اسسد عرض علينا دابا للفطور ... 

رقية : اشمن فطور تي را وقية العشا هادي 

لامار :لا عندددهم .. ب بغيت نقول المغرب .. اه فطور المغرب صاايمين الله يتقبل ....

رقية : را المغرب ودنات يالمنونخة

لامار : دياالكم . د د ديالهم مزال .. كيشيتي بعااادين و الفقي ديالهم مكيوصلش دغيا للجامع مكلقاش المركوب .. كيودن مع ديك الفجر لاروب .. و كايفطرو لمغرب و لصباح فخطرة وحدة مهم اماما مشا عليا الحال خصني نمشي لبس و بحرا نوجد لبيت

رقية : هااا ؟

لامار : لا زعنا نجمع البيت منخليش مورايا الرويننة ياك كتقوليلي نكون حادكة وخليني اماما غانتعطل و يخاصم عليا .. 

قطعات عليها و لاحت تيليفون كتمشي و تجي 

لامار : اناري مييتي واش نعست ولا مت .. مال زهري ماااالو ... اشمن جنون كيبردهم فيا ... تانهار لي باغا نفاجأ راجلي لاول مرة عاد تعكس ... ويلي ويلي فوقتاش غانوجد هااادشي دابا هو جاا ... موصيبة كحلة ... اش دا زويهرة لشي رووووومانسية

بقات غي كاتمشي و تجي كي دجاجة لي باغا تبيض .. و بدات تقلب على تيليوفنها فين لاحتو فاش هضرات مع ماماها .. لقاتو جا تحت نامسوية و كوزات جبداتو و عيطات لاسبرو 

لامار : جااوب اززمر جااااوب ..

اسبرو : اااجي تزوجيني ازين حسن

لامار : سسسسمع ااازمر لاجا الززمر زززمروووو عنداك يزززمر باقا مازمرت تالعبة

اسبرو : تانا والله مازززمرت شي لعبة ؟؟؟؟ شنو كتروني 

لامار : اااسد ااسد كتعرف اسد ؟؟؟؟ هذااك اسد فاش يجي ماتخليهش يدددخل .. لادخل غاندخل ليك القضيب فالسررة ديالك لاااوصل ليا بعدا 

اسبرو : نحضي القضيب باش ميدخل لسرة فاش يوصل ؟؟؟ 

لانار : وااااالعداو .. اسد ماتخليهش يدخل عندي راه داني نعاس و ماوجدت تاخرية ..

اسيرة : ممك ممك عولنا عليك بكري ...غاتكوني غي قكعتي تيكي الكار د سبت ككزولة 

لامار : واااسبرووو واعتقني غي فهادي و الله يواليييك ... الى جا قبل مانقولك راااني ساليت ماتخليهش يدخل ..

اسبرو : لا صبري نجيب لباريااات نحطهوم عند لباب و ندير منوع دخول هنا خطر الاشتعال ة شكرا كيغانكجدر ليه انا 

لامار : سخف ليه موت ليه تحححير ليييه طيح بالاعصاااب شد ناموسة دير راسك كتكويهااا نتف شعر باطم ... موهيم ماتخليهش يدخل عندي 

اسبرو : هخخخخخخخ لا لا صبري نضحك ... مققرقبة بالبياان ابنتي شي حشيش كتامي هذا ... واش منيتك كتهضري الاخت المصونة

لامار : من قزييبتي قتليك حبسووو مايدخلش هي مايدخلش

اسبرو : واش مريضة ولامالك انا نحبس للروكان باش مايدخل لدارو .. شووو هوو قدااش و نا قدااااااش 

لامار : اوا ياوليدي اسبرو و لا خليييتييه يدخل ...لامدخلت ليك بصلة خضارية فطرممتك ونوريهاليك تاهي قدااااش انا ناشي زويهرة لي دابحا عليها معا حولي شارف... ححبسووو فلباااااب مووت ليه نتا كاع مهم مايدخلش .. 

قطعات عليه و اسبرو كلس لارض شاد على راسو 

اسبرو : يااااااربي ياااااااربي و اش بغيت ليهااا..... صااافي مابغيت ليها زغبية والو ...لي فيها كافيها .. 

ناش بدا ينشي ويجي شاد لعسة عليه ... 

ومرة مرة يسول لامار كاتقوووليه مزااااال ... مرة تقوليه قربت غي صبر ..

تاجاه نعاس على لكرسي ... 

يونس وصلاتو طاكسي للمنطقة و نزل يلاه خلصو بغا يقطع طريق و هي تخرج طموبيل كانت جايااااا بسررعة كون مافرانات حدا رجليه كان صلاو عليه ليوم ...و هبطت زاج كضحك ليه 

اريج : حضي راسك فشانطي ازين كاينين شي وحيدن مكيعرفوش يسووكووو الله يهديهم غي مدرمين 

يونس : واااااش مريضة و لا ماااالك .. رااااه كنتي غاتتتقتليييني...

اريج : وصافي فاش تموت قولهالي نخيط ليك شي كفين من داكشي بالصم الحر ... كوود نايت بب ...اااه ولا دخل تعشا ( غمزو ) غانوجد حووووووويتة ( لحناااااتها ) 

يونس تنهد عميييييييق و مشا 

اريج : ان الله مع الصااااابرين ... 

مشااات كضحك وهو زاد لدار يلاه غايدخل هو يوقف اسبرووو قدم مشقلب بنعاس خلعو 

اسبرو : احبااااس ممنوع دخول لالة مرات سيدي لاتزال في طور الانجاااز ... 

يونس : صافابا ؟

اسبرو : ها ؟ ل لا نتا خو سيدي غي دخل 

يونس : ياك لابس ؟ 

اسبرو : لااا والو ... ( يلاه كايهضر معاه و رنج د اسد جايا مننيييرة و الحراس مشاو حلو لبااب ) 

ااسبرو : هاويلي جااااا 

يةنس : شكون

اسبرو : اا لل .. م مول ضريبة .. ب بغيت نقول مول شي .. ا الادمين د البحر 

دخل و اسبرو مشا كيجري اسد فتح لباب يننزل كتيبان فيه مهدووود .. 

اسبرز : سيدي علا سلامتكم ... ا اسيدي .. 

شاف فيه وسلم على يونس وجاو داخلين و اسبو وقف 

اسبرو : سيدي و خوه يدخل وسيدي يكلسو .. بغيت نقول خو سيدي يدخل و سيدي يبقا 

روكان : اش قال ؟ 

يونس : مافهمت ولو 

اسبرو :اا محتاجك ا سيدي .. محتاج بيك ف ففف فشي غاراض غ غاراض عوييص

وما اسد ليونس يدخل وهو وقف حداه

اسد : ياك لاباس ا اسبرو طلقني باغي ندخل ...

اسبرو : ف فين ؟ اااه لدار ... اا و هوو لا ماشي مدخلش .. غييير هو 

اسد : لامار واقعة ليها شي حاجة ؟

يتبع