حبيبي الأصم الجزء 49

اسد ويونس شبعو ضحك على داك الكيكة وهبطو للبحر على ما يجمعو داك كروينة 

لامار : ( لتخات سربيتة ) تفوووووو وااووووجدي ليهم شهييويات

اريج : ( كتشوف لداك لكيكة و قاست بصبعها وداقت ) واااافلمداااق زوينة غي مشااداش راسها 

لامار : اوا كنتي تقوليلها نضرب ليها يباري د القوة تكككعد كون هليتيني نديرو فلااان ونهنيو سوق ... وهااا قدررة قادر ديالك فينن خرجناها فلااااحول ولا قوة الا بالله .... اجي اجي نجمعو هادشي باش نحطو العشاااا جاني نعاس 

جمعو داكشي وجبدو العشا من فران صايبووه فطباااسل كل واحد وطبسيلو مع صلاد و العصير حطو كولشي و لامار كلسات كتنهج 

لامار : مقاداش نبقاااا واقفة مزال

اريج : ونت لي فيك دودة قتليك كلسي انا ندير كولشي 

لامار : مممم و باز ... عطيني عطاني معاك الكونفيتير 

عطاتها اريج وكلسات حداها حالة واتساب وكيتسناو فيونس و اسد يجيو باش يتعشاو 

لامار : ( بدات تقلش فداااااك الودنين وشيييطااان تككككعددد كيضور فعينيه ) اريييييييج

اريج : نعااام .. نتي راه فاش كتاكلي داك الكونيفيتير كنخاف منك 

لامار : جاااااتني فكرة

اريج : الى كانت ببحال دقبيلة غااابلاااااش 

لاماار : سمعي سسسمعي .. ياااك دابا هوما جوو ضحكوووو عليناااا ياك ... حنا من قبيلة وحنا واقفين كنوجدو وهوما ضحكووو وخرجو ماسوقينش لمحاسيسنا لي تجرحو.. اجي نغضبوووووو

اريج : محاااسيس ؟؟؟ منيتك ...رااه لي عندو عقدة نفسية غااايضحك على داك هههربل لي وجدنا من حقهم يضحكو .. هاديك حلوة هاااديك ... علاش غانغضبوو ولا مجاتش 

لامار : مالك ازمر مكلخة .. غضبي بعدا غي نتي انا غي غانعاونك باش يونس يشوف اسد كيحزرني ويجي تانتي يحححزك

اريج : كيفااااش

لامار : نديرو فيها غضبااانين باش يجيو يحزرووونااا و يونس فاش يشوف اسد كيراضيني يجي تانتي يراضيك و بقاي تفششي تما و ددمعي قوليله سسسسسري انا كنت باغا نصاوب ليك شهيوااااات باش نسيك فالسرقة ونفرحك شوية صدقتي ضاححك علياااا نستااهل... اوا ولعبي على الوتر الحساس وهو غايراضيكي و نتي تمخشششي فيه ...... اشبان ليييك

اريج : هااااا ؟؟؟ ( حيدات ليها المعلقة من يدها وعمرااااااتها بالكونفيتر و خشاتها فففمها ) زززويدي هاااكي كووولي .. كووزلي لاتسالا نزيييدك زييييدي 

لامار : ( كتهضر فمها عامر ) وااااباااااركا ازززمر .. باااركااا 

اريج : ارالي داك الراس نبوووسووو ياربي لهلا تخطي عليها الكونفيتير .... عجبتني الفكرة ( جبدات ليها فحناكها ) .. الى كان غي التغبااااان و البكا انا مولاتو بالله تانغرق ليكم دار بدموع ...

لامار : وهاكا نبغيك ... ونوضي بعدا نطلعو حوايجك علاما جااو ... 

ناضو و اريج متحمسة للفكرة غي كاتحنقزز .. طلعات حوايجها لبيت لي عطاتها لامار وبداو يطويوهم فبلاكار ... ..

سااارة طلات فلبيت من الفتحة د لباب بانولها مشغولين و هبطات كتبحلس لكوزينة كتشووف فين حاطين المااكلة .. لقات دارو فطباسل زادت فرحات سهالت عليها المأمورية ... و بدات تقلب على طبسيل لي يكوون ناااشف من ليصوص حيت هو لي غايكوون د أسد ... وهي كتشوف موراها لايكون شافها شي حد .. وجبدات داك الحبات د المهلوس و بدات تفرتتهوم فيديها بحال الغبرة و دردراتهم على طبسيل ..وخلاطات كووولشي و طلعات بالحس لبيتها كضحك كيف شي بوهالية 

سارة : وداااابا احبيبي اجي عنننندي انا كنستناكككك على ناااار ....غادوز معايا ليلة فالاحلااااام ... و نخليو لامار يونس يشوفونا و نتهناو منهم ضربة وحدة .. نتا من مرتك و منا من رااااجلي .... ونبقااااو غي انا وياك ....حيت نتا ديالي بوووووحدي ... مدياااال تاحد ...

مشات لحوايجها تالقات واحد شوميز دونوي باقي جديد سيييكسي كامل عرياااان و بدات تشوف فيه و ضحك محلونة 

لامار و اريج غي شافو يونس و اسد جاين من سرجم ... هبطووو و مشااو ديريكت لكوزينة ... 

لاماار : شووووفي ... لااهضر معاك ماااتجاوبيش 

اريط : ماااهو غي كيكلمني ... خلني نحبد العصييير من ثلاجة ... عالله يصدق هادشي و بلاصة مايجي يحزرني غايمشي يحزر داك العضمة د مراتو

شوية دخل اسد كيحك فيدو من البرد وشعرو فازك بشتا .. 

اسد : لامار فيااا نعاس .. ياك ووجدتو الشا مافيا لي يتسنا .. الى معطل غانطلع نعس 

لامار : ( بنخفة ) لا واااجد ... غي كلس غانحطو دابا .. 

اسد : ( كيهبط معاها راسو ) ماااال الزين 

لامار : مااامالوووش 

اسد : ممم ( بالحس حدا ودنها ) نتعشاااو ونشد مك نوريك تقليقة 

غمز ليها خرج ومشا هو و يونس لصاال مونجي ... 

و اريج هزات دوك طباسل ماشيا وهي تحبسها لامار ... 

لامار : اجي لهنا دي غي طباااسلهم باش نبقاو فيهم لامتعشيناش يعرفووونا غضبانين نييييت ... 

اريج : وبببببصح فيا جوووع وتانتي خصك تاكلي ... لا لا انا منغضبش على كرشي

لامار : ونااااكلو فلكوووزينة فين غايشووفونا ... 

اريج : غايعيقو بينااا وهادشي عامر بلاصوص غاتبان فسنانا ولا فحوايجها 

لامار : خلي ناكلو من طبسيييل د اسد ناااشف 

اريج : وهو ؟ 

لامار : خليييييه ياكلو بلاااصوص دبر راااسوووو .. مهم الخطة تنجح

مشات اريج دات بلاطو فيه غي جوج طباسل .. و لامار تابعها بعصير و اسد حاني على تيليفون .. تاوجدو طبلة وجاو راجعين لكوزينة 

اسد : بحالا مغاتعشاوش 

لامار ضارت عندو 

لامار : لا كنديرو ريجيم .. زيد ا ارييييج ... 

جرراتها ومشاو لكوزينة و عطاتها دغيا فورشيط 

لامار : كووولي كووولشي دغياااا قبل لاااايجييييييو دغيااا كولي ... 

بداو ياااكلو ويخشيوو فوجهههك تاكيشوفو شي حد واقف ...وتصمكووو فممممهمم عاامر واسد معلي فيهم حاجبو .. 

اسد : ياكما قاطعتكم 

لامار كضور راسها بلا وفمها عامر و مخبيا فوشيط موراها 

اسد : دوزي قدااامممي ... 

بدات تشوف عند اريج وومات ليها يمشيو و صرطو داك الماكلة و مشاااو كلسو و اسد كيشوف فيهم وهوما غي كيضورو فعينيهم مكان قادو فيل زاااد فيلة . ...

اريج : ا انمشي نجيب .. نجيب طباسلنا ..( ناضت ) 

لامار : اسد علاش كدير فيا داك شوفتات... راه غي تهشيت طبسيلك ...

اسد : واجيبيه لهنا وتعشاي .. شهاد النفخة دوالو عاوااتي .. 

جات اريج وعطاتها طبيسيلها كاتومي ليها مايهضرووش .. و يداو يااكلووو و اسد يونس جابدين موضوع ... سلاو وجمعو طبلة دخلو لكوزينة و وهوما كلسوو فصالون ... 

اسد : سسسربي الامار راني فيا نعاس

يونس :هادوك تما يباتو ... 

اسد: سارة شفتها مهبطاتش تعشاااا 

يونس : دبر راسها مغاتحتاجش للعراضة 

اسد : اش ناوي دير نعاها 

يونس : فهاد الوقيتة ماباغي ندير والو .. خليني تانستوعب هادشي لي دارت ويدخل ل راسي .. و عاد تناقشو 

اسد : ححسن ... 

يونس : اطي .. واش ديك البنت غاتبقا هنا ؟؟؟

اسد : وي لامار قالك بغاتها تونسها ولامشات تالسقات فشي حاجة راه و الله لاحيدتيها ليها 

يونس : دابا مايكفينيش نشوف خليقتها فشركة نزيد تافدار 

اسد : ماشي بزاف ... انا البنت كتجيني عاادي ضريقة مالك معها 

يونس : اوا لههههلا يركككبك على وجهها تااااني ... مهم غانخليك غانطلع لبيت نعس .. تصبح على خير ... مشا يونس ولامار و اريط سلاو شغالهم و رااااسهم ثقيييييييل 

لامار : شقتي نعاس اش دار فينا 

اريط : ودابا فيا نعااس فوقتاش غايجي يحزرني 

لامار : ( كدوي و عينيها كيتشدو ): خخخخلي تاالغدااا 

يونس دخل لبيتو بانتليه سارة ناعسة و هي دايراها غي بالعاني هز وسااادتوووةو كيطمة ديالو و خرج عاد هي خرجات راسها كانت مزووقة و مقادة 

سا ة : مزياااااان ... سيررر سيييير و خلي حبيبي يجي عندي هادي ماشي بلاصتك بلاصتو ....

دخل لببيت لاخور لي حداه و فرش بلاصتوو ودخل لدوش يبروصي سنانو 

اريج مااقالت تاطلعات فدرووط الحيوط كانو كيضربوووهااا تاوصلات لبيت مضضضضهشرة نصلات حوايجها بقات غي بشووورط قصييييررر و ديباردور فوق السرة .. و تلاحت فوق سرير كتهضضضضررررر بثقااالة 

اااريج : ك ك ك كاع م مم م ااا مااحززززرني .... وااااااامي وااابويا تهاااامني وااااااااا شلاااااااا ترااااااامي

يونس خرج من دوش كيمسح وجهو وبدا يصغر فعينيه فاش شاف لسرير ... وشعل ضو لكبير وهي تبانليه مجبدة على ضهرهااا و طرمتها مقلشة غي بشووورط لاسق عليها وضهرها كامل عريان ديباردور قصير وشعرها مغطي وجهها 

يونس : اش كااادير هادي هناااا ؟؟؟؟؟؟؟ ( مشا عندها كيهززهز فيها ) الاخخخت ...نووض يجمعي راسك اش جااابك لللهنا

علات راااسهااا و عينيهااا صغار و مبوقين و كتوضح الروئية و الشعر كامل مربل فوق وججها و بداات تضحك ببلاهة و تشير بديها و قلشات ترمتهاااا لفوووق وهي باقا ناعسة على ضهرها مطلعا غي راسها كتشوف فيه

اريج : قلللع اشيفووور ياالاه شي كوية من لوور ( كتشير بطرمتها ) .. يلااااه متفرااااانيييييش و مااااتحرمنيييييش

يونس : اش كتخربقي ؟؟؟؟ سكرانة ولا مالك ؟

ارييج : كوييييني يكوييك السترررر

يونس بدا ينوض فيها متوتر 

يونس : نووضي تغسلي وجهك مسطية نتي و لا مااالك

شدات فيه وهي كتميل قرابا طيح وشدات فراسها وجراتو هي لسقاتو مع الحيط 

اريج : علاااااش نسيتي علاااش ( كضرب فيه ) صااافي نسيتي كوولشي .. نسيتي شكوووون انا... وشنو دووزناااا 

يونس : نتي كاتبانيلي ماشي فالوعي ديالك ماعرفاش اش كتقولي 

اريج : نتاااا .. نتااااا عداابي نتااااا كولشي ... نتاااا مكتسوااااش ... باش ببدلتيني بداااك الموومياااء .. اش عجبك فداك نص كيلو .. مخلي ريشبوند ومااشي للفرشي .. مال بوك معندك دوق ضاربينك بفردي خاوي ... راه خصك تكون شارب الكاربون باش تعجبك داك وجه الحشووون 

يونس : واش مريضة و ملا مالك ...سيري اختي منهنا الله يستر عليك راك ماشي هي هاديك ..سيري منهنا 

اريج : مغااااانمشيش .. مغانمشيييش ولي فخيييلك ركبوووو و لالحقتي ثبك مصوو 

عند اسد ... 

علا راسو من على تيليفون و بدا يقلب عليها 

اسد : عااد كانت هنا فين مشات هادي .. 

بدا يقلب تالقاها فبالكون كتشوف فالشتاااء مربعة يديها عندها 

اسد : حبيبتي دخلي من البرد مجاك التأمل تالدابا 

لامار ضارت عندو و ملامحها هااااادئين 

لامار : مااااال السماء كتبكي شكوون قلقها ؟؟؟؟ 

اسد : لا غي كدوش ... دخلي دخلي وقت الطنز هادا ... 

جرها و سد لباب و بدا يحيد فكبوطو و شاف عنها لقاها تاني كتشوف فيه بجدية

اسد : مااالنا ؟؟؟؟

لامار : بغيت نوصيييك وصااااية 

اسد : ؟؟؟؟؟

لامار : لامشيتي سللللم العلوة لا تكلم 

ااسد بقا غي كرمش باستغراب وقرب عنها دار يدو على جبهتها ..لقاها سخونة 

اسد : راسك سخوون مالكي

لامار : ( كتهضر غايبة ) اااااه سخوووون بزاف بزاالف سخوووون ...طااااايب 

اسد : لاماار واش بيخير ؟؟؟؟؟حاسة براسك مزيانة ؟ 

لامار دفعاتو وكتحاول تحل فعينيها و ترمش 

لامار : شكوووووون نتا 

اسد : اوااا صااافي كملات 

لامار : اااااه صاافي عرفتك ... نتا هوووو مووول الكمانجة .. هاد ليلة عندنا قصااارة ياك .. كوولشي غايجي يحضر و يتفرط لامااااار احححسن راااقصة فالمديييييينة ... مولات تلواااز و الشييييشة و الطااااس .. مولات الزرقاااات و عليييها نايض تكفاااات .... يلاااااااااه بدااا بدااااا سخخخن الطرح و زند البناااادر ها ناس يداو يدخلو 

هو كيشدهااا عاقد حجبانو و هي كدفعو خلعاتو وطلعات فوق ناموسيى هازة عنها طيليكونموند بحال ميكروع و كتتتشطح وهو غي معحب فيها وهي كتمياااال و تلعب بشعرها و تنقززز

لامار : الوووو الوو وو شي دوااا يبردني فلشووووقي راااه كيعااااني تكفااات مححححححني ... ععندي فشيييليق واااحد لحبيبي انااا غااانعطيه لحبيبي لي كيععرف يكوييييييه عندي فشيييليق واااااحد 

اسد جبدها عندو مخلوووع نزلها وهي كتهرررن وتغني و تلورز 

اسد : لاااامار قسماااا بللله وتكوووني كضحكي عليااا تااانشق ضلوووعك .... تووكضي معاياا مالكي ؟؟؟؟؟ 

لامار : واااااخليني نغاني مالك مكترعفش الفن ولا شنو ... هل تعرفووون من هو هاااامتاااااارو ...ثب صغييير حلو هااامتاااارووو ... يعييييش فشعر كثيييف .... يدووور في غااار مخيييييييييف .. هل تعرفون من هو هاااامتاروو يللااااااااه كولشي معااانا هل تعرفون من هو هاامتارووووو

جبدها عندو حاكمها بيدو و كيفتح ليها ففمها كيشم 

اسد : اااشنووو كليتي ... لامااار دوي شنوو كيليتي واااش مريضة ماااعرفااااش راسك حاملة باغااا تجهلي ديلمي فهاد ليل تووووكضي معااايا . . راااك خلعتني لاكنتي غي كضحكي بالله لا عتقلت علييييك

خلاها متهرنن ومشا لدريسينغ كيقلب على مونطويها مخلوع لاتكون كلات شي خاجة وهي حاملة ...و خرج عنها لقاها مربعة رجليها فالارض بحالا دايرة فرراشة ...

لامار : زززززيييدو قربوو .. مابقاااااش ماااابقااااش ... هااااادي حبة حرووودة كتحيد من ال**لاوي البروووودة ... هادو عشوب النكووور كينقيو الدود من الكرووووور .. وهادي حبة مولاي ريساااااني ليي ماااعندهوووم ترااااامي 

اسد ن ضضها كيلبسهااا فالمونطو 

اسد : ( شد فوجهها مخلوع) شووفي عندي .. شنووو كليتي 

لامار : واااااالو ... كلييييت غي اللماااكلة 

اسد : شنووو اخور ؟؟؟؟ شنوووو كلتي متحمقينيش ؟؟؟؟؟؟؟ 

لامار : ومااااكليييت وااالووو 

اسد كيشوفها كيف طالعة ليها الحرارة و عنيها كيتسدو و ماشي فوعيهااا عرف شي حاجة غاتكون كلاتها بغااا يطرطق خايف على لبيبي و بدا يقلب على سوارتووو هوما حداه و مشايفهمش بقوة لدهشة و الخلعة وهي مراهاش فداك العالم

عند يونس .. 

كيدفعها 

يونس : واش مريضة فكرك ؟؟؟؟؟ ماسلكناه معاك تابعقلك بقااا غا شاربة ولا معرفت شنو 

هو كيهضر ويزعف وهي غي كتشووووف فيه بكل حححححب و كتزيد تقرب ليه و حطات يدها على عنقو وهو حيدهاليها كيحاول يتجاهلها ويتفكر راه راجل مزوج 

اريج : نسيييتيييني هممم ؟؟؟؟ 

دفعهاااا جا ماشي وهي دفعو من لور مع الحيط و جات قدااامووو 

اريج : راااا معاك كنودي ..شووووف عندي ( هزات يدو كتحطها على وججها ) شوف هاد للوجه مااعقلتيييش ؟؟؟ هااا ؟؟؟؟ شوووف فيه مزيااااااان 

كترمش فيه وهو مافاهم والو 

اريج : اريييج ... اريييج البااااني نسييييتني ولا مااالك

يونس :بعدي الله يهديك راه يشوفنا شي حد يفهم غلط راني راجل مزوج و نتي ماشي فالوعي دياااالكي بعدي لهيه .. صافي غي هليك هناااا لي انخرج 

مشا يهز كيطمة ديالو وتيليفون و هي بقات مع الحيط كترمش دايخة 

اريج : مااااتمشيش عفاااااااك يووووونس ماااتمشييييش مزااال خاصنا نهضرووو يووونس يي يي يو يوون س

ضار شاف عنها لقا عينيها كتشدووو وجههااا حمر و كطيح بشوية بشوية مع الحيط تاطاحت فلارض وهو وسع عينيه ماعرف كيدير يتصرف بقا غي كايمشي و يطي .. مشا لدوش عمر الما و جا كايخوي عليها توكض ووااالووو شي عقل كيقوليه سير و خليها و لاكن حرارتها كانت مرتفعة و كترعد .. فللخر هز طريكوها بانليه طايح فلارض كيلبسها وهي مررررخية كتتهضر بلا شعور متثااااقلة

اريج : نسيتي كولشي ... نسيتي نهار كانت كضييييق بيك وتقلب عليا وتحط راسك عليا .. نسيتي فاش كنتي كتجي عندي بليل و نتخبا من بابا و نهبط عندك .. غي غ غي غي باش تشكييي علياااا من ب بااباااك ... نسيتي بلي انا بوحدي لي كنت كنشوف دموعك ... كتبكي حدايا بلا ماتحشم ..نسييييتي شحال كنت كنببببغيك نسيتي نهار قتليك نتاااا ليا غاتكووون حرراااام عليك يوونس ا انااااا ارييييييج اريج الباااني علاش نسييتي علالااش ني بااش ححححسن مني ( هو كيلبس ليها و هي كتنهج و تهضر بزربة ) مكتبغيييكش ايووونس انا لي كنبغيك غي كضضضضضحك عليك .. ا انا لي نستاااهلك ايوونس

يونس : حاولي تووقفي نهبطو لتحت لجردة يضربك الهوا راك غي كدخلي و تخرجي فالهضرة 

بدا كيتكيهااا عليه كينوضهااا باش يخرجها من البيت وهي معنقاه ...غي حل لباب بانليه اسد هابط تاهو العرق هابطة معاها هاز عندو لاماار لي كتنتف فشعرو و تغغغني 

يونس : حتا لامار ؟؟؟؟؟؟؟

اسد: ( شاف عندو ) مال هاديك تاهي 

لامار شافت عند اريج

لامار : اريييييج ( شدات على فمها ) وييييلي عننننننقك وووييييييييلي مععنقك واش حححزرك ؟؟؟؟

اسد : كلاو شي حاجة ايونس .. تبعني دغيا هادي شي نهاار غاتشيبيني ( متوتر ) 

اريج : لاماااار قوولو يطللق مني ماابغيتش نمشي بغييييت نهضرو ... قولو يطلق مني راه غايجري عليا بحال اسبروو 

لامار : فليييندغااا ربطي يووونس

اريج : فيليندغااا ربطي لهاذا ترمتو

هبطوهوم بمشقة النفوس و اسد زربان لطموبيل تاوصل و الحراس جا كيجري فتح لبيبان و اسبرو تاهوو جا كيشوف عنهم مخلوع

اسبرو : سيدي اش واقع لامار اريج مااالكم 

اريج : ( كتمد ليه بديها ) كووونااااااااااان توااااااحشتك 

خشا اسد لامار لور و شد اريج على يونس دارها لور تاهي و مشا بزربة لطموبيل و يونس ركب حداه و كسيرا ... و سارة فزااااج كطلل مزيرة على يديييييها و حمرة بالاعصاااااب و الفقصة 

اريج : فين غادين بينا هادوووو 

لامار : غانمشييييييو لفارماسياااان نشريو الكفتة

اريج : و اش غانكفتو بيها 

لامار : ششششش ( كتشد ليها على فمها ) ششششش حشووومة ماكتقولي كلاااااام خايب شووفي شكون راااكب معانا

اريج : ععععع انهم الرجااال ( كتشد وجها ) العيااااد بالله 

لامار : اااستغفررر الله 

اريج : لا ههذاااك غي يووونس .. يوونس حبيبي و لوووسي لعزيز ( اسد حمد الله مكيسمعش اش كيقولو كون راه قلب بيهم هاد طموبيل على شي جرف و بونس متكي راسو مكاينش فهاد العالم كيفكر فكلام اريج وشكون هي اريج الباني.. هاد لسمية دايييزة عندووو وهوما لور كيهرننو ) 

اريج : شششتي يوووونس قبيلة كان غايكويني 

لامار : اوييييييلي ...زملتو 

اريج : ورا هذاك هو الحوووب

لامار : الخوووب رااه فرووومانسية ماشي فناموسية اوجه الكومساااارية نتي ويااااه 

اريج : ااه بصح عندك حق ادن مرة اخرى يكيويني فالكوميسارية حسن ياك ؟ وفاااش نسااليو نشد ليه الخصيتين ديالو بالمينوووووط باش عمرو يمشي يكوي شي وحدة اخرى ساروتو يبقى غي عندي انا ... 

لامار : ولاا الحمقة راه الخصيتين مكيديرو بيهم والووو غي لفت فوق كسكسو وخا تربطيهم الزعيم الماغولي خليته حر ...ورااااه القضييييييب هو كوووولشي خصك دخليه لسيييييلووون باااش يبرد وعمرو ينوض على شي وحدة مزال .. مالهصيتين غي خبز الله فطبكو مساكن .. هوووو المسخووط الكافر 

اريج : وانا نبقا بلاش ( ضرباتها ) و اناااا نتحنسر داك ساع شكون يكويني اسبرووووو

لامار : وماااال اسيرو رااا الثب لي تحركيه يكووويييييك ...

لامار : خاااصكم تزاااوجو باش يولي يكويك غي نتي ..حيت ماحدو مزال ماتزوج بيك راااه غايكوي كولشي حلالا طيباااااا .. راه الثب داير كي سمكة التونة العنيدة لابقا تاقيم واا لاعقل عليك .. لا لقا حمارة قدامو يحكو مع شوالها هي تحرنط وهو يتخايلو توحويح .. مهم يبرد ... ومن هاشدي كااامل ماما كتقوووول حضي تقااااااابيك و ابونو ابونو كللللا يحضي حشونو

اريج : اجي علاش مانتزوجوش انا ويااااك ياك معندنا ثبوبة و نبقاو حاضين حشاشنا و تقابينا 

لامار : انا تقابيا تشرشمو شحااال هذااااا منصالاحلكيش شوفي لك شي بنت نااااااس 

اريج : اوصلا ...الشاااعر كيقول وما الحوب الا نيوووتيلاااا وشواارااااماااا و طوووز على الريجال قوم الكافرين الكافاتين

بقااااو كيهرننو تاوحدا طاحت على الاخرى نعسووو ... و اسد كيشوف من مرايااا 

اسد : يوووونس شوفهم مااالهم ... لااااماااار ( كينوض فيها بيد وحدة و لوخرا شاظ بيعا لفولون ) 

يونس ضار عندهم 

يونس : غييي ناعسين تهدن 

اسد فرانا حدا الكلينيك متوتر ماعرفش كيدار وصل طموبيل كاع .. هي نااااشطة ضارباها بنعسة وهو عالم بيه غي الله ... فتح لباب لور لقاهم ناعسين وحدة على لخرا .. هزز لاماار عندوو بحال شي بنت صغيرة و لاحت يديها مورا ضهرو وهو كيقيش وجهو على جبهتها كيلقاها طااايبا كتزيد تخلعووو و يونس بقا يشوف فأريج لي تاهي نااعسة وكيرمش فاللخر هزها عندو تاهو و تبع اسد لي داخل كيجري .. وكيشوف عند اريج فيديووو وهي شادة عينيهااا وهادئة و كيحاول يتفككككررر ... ملامحها كيحسهوم مايخفااوش عليه ... تابانو ليه الممرضين جاو عند اسد بسرير متحرك دخلوها و جاو حطو تااريج و دخلوهوم و شدو لباب واسد كيشوف من زاج يونس تاهوا معاه تاكتخرج ممرضة

اسد : فين طبيييبة ؟؟؟؟ مخلصكوم تنعسوو ؟؟؟

ممرضة : لا لا هاهي هابطة اسيدي 

شوية تايشوفها حلات للاسانسرور هي واحد دكتور اخور جاين 

دكتورة : ياك لاباس اسي اسد.. مال المدام 

اسد : ( متوتر كيهضر بزربة ) راه كلات شي حاجة واقلة دخخلي شوفيهاا دغيااا مالها 

دكتورة : سيدة لوخرا تااهي ؟

اسد : ااه معاها سربييو راه معرفتش اش وصلهم لهاد الحالة 

دخلات الدكتورة و دكتور داز عند اريج كيفحصوو فيهم و يحلو فعينيهم و فمهم و فداتهم و اسد كيطل من زاج متكي يدو كيشوف و العرق نازلا معاه فاش كيتوتر هاكا كايولي .. وويونس قاس فكتفو ضار عندو 

يونس : تهدن غايكونو غي كلاو شي حاجة موافقاتهمش

اسد : ميمكننش .. كوراه ضاراهم المعدة ماشي كيدخلو ويخرجو فالهضرة .... رااا مضرووكيين ايوونس اش غانتهدن 

يونس : شكاتقول ؟

اسد : غاتوريني فلادروك ؟

يونس : وعلاش غايتضرووكاو 

اسد : ( كيضور راسو بالنفي ) ماااشي هوووما ( مخخخنرز) رااا قسماااا بالله وتوقع شي حاجة لولدي... لااااادوزتها ليييهااا ...نعلمك من دااابااا راه مكاين لي غايفكها مني ( ضرب فواحد الكرسي بركلة جابو ليهيه )

يونس : كيفاش ؟؟؟؟ علامن كتهضر ... واش لامار حاملة ؟؟؟؟ 

اسد مردش عليه كااع مفقووص خايف يكون هادشي لي كيشك فيه هو لي كاين ... ولي كيزيد يعصبو هي االمسؤوولية د اريج لي الى وقعات ليها شي حاحة اش جاب مايفكو مع باها.. طاحت موصيبة على راسو واش يفكر فاريج ولا فلامار و لا فولدو .. 

ويونس جا قدامو 

يونس : صاااف اصاحبي برد .. راه مايكون عندهم والو .. مبروووك عليك والله اخويا لافرحت لكم ... انشاءالله مغايوقع والو 

اسد مكردش عليه حدو وما براسو وضار لزاجة و يونس كيحس بودنيه كيصفرو بقوة لي مابقا فاهم والو ... فللخر كلس على لكرسي كيرمش ... هولي فهم من كلام اسد هو مغايرحمش لامار لاوقعات شي حاجة لبيبي .. و داكرتو كتمشي لاريج و الكلام لي كانت كتقوليه وهي كتشوف عند عينيه كيحسها كانت كدوووي من قلبها ولاكن شكوون هي.... و فودنيه كتعاود سمية اريج لباني.. 

اسد عياا مايتسنا فللخر فتح عليهم لباب و دخل ... شاف دكتورة كدير لايكو للامار وهي مزالا غايبة ووقف عند راسها وشافت عندو دكتورة 

اسد : شنوو عندها ؟؟؟ 

دكتورة : حمد الله لبيبي لاباس عليه ... 

اسد : ومراتي 

دكتورة : تاهي.. عطينها المنشطات و يباري يخويو المعدة وشوية غاتفيق تقيا .. ولاكن عفاك اسي اسد متخليهاش تقرب للهاد لاي حاجة متعلقة بتخدير الرأس راه خطر للحمل راه غي يمكن مخداتش جرعة كبيرة ما كون تسبب فشي اجهاض الله يحفظ .. حبت باقي كيتكووون و كيحتاج لعناية وحذر كبير .. اي حاجة راه تقضي علي النمو ديالو على الاقل تايفوت ربع شهور 

اسد : مدروكيا يااك ؟؟؟ باش ؟؟

دكتورة : راه خدينا من دمها و دم السيدة لوخرا و سيفطناهم للمختبر شوية و تخرج نتيجة و نعرفوو باش تدرروكاو ...واش فايت كتعاطى ؟

اسد : لا لاا ععمرهاااا معرفتش منين جاها هاشدي 

دكتورة : اه اذن غاتكون كلااو بالغلط ...و سيدة لي معاها مكتعاطاش ؟

اسدو: مكنضنش.. دابا قوليا امتى تقدر تفيق

دكتورة : شوية و تفيق .. دابا غانطلعوها للشومبر ... من الاحسن تبقا عننا تالغدا حيت حاملة اما السيدة لوخرا فور ماتفيق يكليها تخرج 

اسد : تالاماتر غانخرجها سيفطولي معاها شي حد بلا متبات هنا 

دكتورة : لي بغيتي غير هو من احسن تبات هاد ليلة تحت المراقبة 

اسد : صافي سيفطي شي جوح و لا تلاتة كتيقي فيهم ... غانخرجها حسن ... ( كيشوف عنها كتخسر فيسيفتها باغا تنوض و طبيبة تحنات كتكتب فلوغدونونس وهو بقا يدوز بدو على شعر لامار و الاعصااااب باينين ففطهو كيحاول يخبعهم .. تابدات تحل عينيها و تعوج فملامحها ماعرف مالها 

اسد : لامار واش كتحسي براسك بيخير 

دكتورة : غادي تقيا يمكن ... 

بدا كاينوضها هو و دكتورة و عطاووها سطل و بدات تقيااا و تا اريج كتقياااا فجيهة لوخراا حبت اابرة لي عطاهم كتوكضهمم من داكشي و فاش كيفيقو كتجيهم تقية باش مايبقا وللو فمعدتهم ... يونس كيشوف من زاج و كتبان ليه ارييج كتقيا و معاها الممرضات تاسلات وتكات راسها كتنهج و تنفس و عطاوها الما هو كيحقق فملامحهااو ويرمش و كتجي لبااالووو واحد اللقطة ديالها فالزنقة كتقيا وهو شاد على راسها كانت مريضة بزاااف .... 

يوونس : ا ارييييج .... ارييييييج ... و الله الى ارييييج ( كيبتسم ) الحمقة .... الحمقة د ارييييج .... كبراااات

عند اسد .. 

تكا لامار و شاد فيديها باسهاا كتحس بنفسو فيديها سخووونة 

اسد : شوية دابا احبيبتي ؟

لامار : ا اسد اااش واقع راسي كييرضني بزاف 

دكتورة : شوية ا مادام و يفوتك الحال خودي شربي هاد الكينة ( عطاتها ليها ) ... مرة اخرى تبداي تردي لبال لاش كتاكلي باش مايتآداش لبيبي راه دابا كياكل معاك 

لامار : هااا ؟ ك كيفاس . ا اسسسد .. و ولدي ، اااسد مال ولدنا اش واقعلي 

اسد : شششش تهدني مواقع والو شششش ... غي كليتني شي حاجة ماشي تالهيه ... اش كيليتو احببيبتي نتي و اريج تفكري .. 

لانلر : م ماا معقلتش ... تعشينا مجموووعين 

اسد : امتى غايخرطو تحاليل .. 

دكتورة : فاش يخرجو اسي اسد غانسيفطهم عندك تالدار .. غالبا من بعد شي ساعات قليلة

اسد : نديها دابا .. سوية و سيفطي لي ليقابلوها ..

دكتورة : خليها تزيد ترتاح شوية ... مايكون عندها باس .. غدا غاندوز نعاود ليها الفحص باش نطمنو على الجينن 

لامار : ماااال ولدي ادكتووورة

دكتورة : غي غانطمنو وصافي ماهو بيخير غي رتاحي.. انا غانشمي نجهز لي يمشيو معاكم ... و فاش يخرحو تحاليل نزيد نشرح ليكم .. امسية سعيدة و مايكون عندك باس مرة اخرى .. 

لامار : اسد ..فهمني اش واقع 

اسد : علاش كتعقلي كاع

لامار : ك ك كنتي مطلعني فدروج وكان راسي تقيل وفيا نعااااس 

اسد : ممم .. صافي غي سخفتي و جبتك هنايا نتي و اريج 

لامار : وماال اريج تاهي 

اسد : راااه كليتو شي حاجة معارفاش شنوو هي دارتليكم هاد الحالة ... حمد الله لي دازت بيخير و ماوقع ولو اما هاد ليلة كانت غاطيح روووح 

لامار : اش كاتقصد خلعتني 

اسد : اجي ارووحي اجي حاولي تكاي عليا ونوضي .... بانتي فبيتك حدايا حسن من هاد لكيلينك .. 

كعدها تمشا ... و اريج كانت منوضاها الممرضة وشافت عن لامار 

لامار : اريييج ؟؟؟

اريج : اش واقع ا الامار مافهمت والو 

اسد : دابا زيدو لدار تالصباح وتكون الهضرة ... 

شد بيدو تا اريج و لامار متكية على اليد لوخرا وخرجو وهوما يلقاو يونس فلباب كان كيهضر مع دكتورة ...غي شافهم ابتسم ل اريج 

يونس : على سلامتكم ...عطيني يدك ... 

شدات فيه اريج ووزادو و اسد كيقلب بيدو فطياب على سوارت مخربق غي مع راسو تاوصلو لطموبيل و دخل لامار كيسكدها فكرسي 

يونس : اريج قادة تمشاي ؟

اريج غي كتشوف فيه و ومات بآه

يونس : اسد غي سيرو ... حسن يضرب فيها شوية د الهوا وغانجيو

اسد : ( شاف لسعتو ) تعطل الحال ... 

لامار : سووقك ... يلااه راه فيا نعاس .. خليهم نيت يضربهااا الهواا و غاتصح 

زاد لطموبيل و يونس شاد فاريج وضحكات ليها لامار من طموبيل و غمزاتها ...واخا تكون فيهم الموت تحرااامياااات مايتوبوش منها .

اسد كسيرا و طلع لدار و اريج ضارت عند يونس 

يونس : علاش كتشوفي فيا هاكاك 

اريج : مممفهمتش ياااك نتا مكتستحملش وجودي .. علاش بغيتي نتمشاو انا و ياك ؟؟؟؟ 

يونس : عطيني يديك يلاه منهنا ...

تكات عليه و هي مافهما والو غي كضور فعينيها و ماشيين جيهة للبحر تانطقات.. 

اريج : يونس .. اش طرا لينا قبيلة ؟؟؟ مفهمتش .. ملي طلعت لبيت مابقيت عاقلة على والو تالقيت راسي فللكلينيك انا و لامار 

يونس : تانا مارفتش ... على مافهمت اسد كليتو شي حاجة ماشي تالهيه ... ماتكونش داك قدرة قادر ( شد ضحكة )

اريج : اوييلي على كلينا شي حاطة ؟؟؟ ااااجي بعداااا شتك كدوي معاياااا بالهدووووء و ضحييكة و مبتسم ... و مخلي مراااتك و جاي معايا فجنب البحر و ساعة جوج دليل ... اااش واقع ؟؟؟

يونس : ( شاف عنها ) لسانك بعدا بقا كيف ماهو ...ا ريييجوو ( لقب كان كيعيطو ليها ) 

اريج : ( بدات كترمش و تبتسممم ضحكة باغا تخرجهااا و مصدومة ) ع عررفتني ؟؟؟؟؟ ي يووونس نتا صااافي تفكرتييني ؟؟؟؟

يونس : اممم .. اااه .. صراحة صعييبب نعقل عليك تبدلتي بزاف .. رييجوو كانت كدير نضاضر د شوف و كانو عندها لي باغ و كانت ديما ناسية حوايجها و لي جا كايديرها بيها ... و هادي لي كنشوف قدااامي .. ثاااايقة فراااسها .. مغرووورة بلا قياااااااس .. و عنيها غي كيضورو ... كيفاش غانميز ... و نتي كولك تبدلتي

اريج :ههههه .. مممم و وكيفاش تاتفكرتني 

يونس : ( مابغاش يعاود ليها باش مايحرجها وومايتحرجش تاهو لانو هارب من فكرة كتبغيه ) فاش شفتك كتقياي ... تفكرت نهار لي كنتي مريييضة .. وخرجتي برا كتقياي و جيت عنك .. كنتي صفرة بزاااف فيدي وشي سيمانة ماجيتي لقراية ... كنت مخلوووع قلت غي وقعات ليك شي حاجة...

اريج : هههه وجيتي عندي لداار ... و جرا عليك بابا .. باقا عاقلة ...

يومس : هههه قالي بنتي مكدييريش صحاب ولاد ههههه ودابا بنتووو كبرااات و تبدلااات ... و الله مانويت غانتلاقاو مزال ا ريجو ..

اريج : بااااركا ماتعيطليش بداك السمية كنت طبووووزية و بهلة بلا قياس هههههه 

ضارت شافتو كيضحك و سهات وتاهو شاف فيها كيفاش تبدلو نظاراتها 

اريج : اااه كنت بهلة .. ولاكن كنت كااانبغيك بلا قيااااس 

يونس : ( بغا يبدل الموضوع .. و يهرب منو كيف كان كيهرب هذا شحال .. كيف مكان الحال عو راه دابا مزوج ) اا ااه .. اياااام الصغر مكتنساااش ... دابااا كبرنا و كل واحد بنا حياتو .. وراسنا عمر بالهم .. ياريت كون بقينا فدااك الصغررر 

اريج : تادابا باقيين الصغار ... ااه و لا نسيت ... نتا دابا راجل مزوج ياك ... 

يونس : ا ااه ... و تانتي شوية و غايجي شي واحد لي يقولي متعاودش تعيط ليها ريجو هههه و متعاودش تضحك ليا مع مرااتي .. 

اريج بدات غي ترمش هنا و هنا عينيها تعمرو بدموع وهو كيحاول يلاشي ليها داك الامل .. 

اريج : و لاكن انا .. انا ا ايونس راه طووول هاد السنين ....وانا عمري تخيلت راسي غانكون مع شي حد ... من غيرك

يونس بقا غي ساكت فتالي نطق 

يونس : غايكون جاك البرد .. يلاه نطلعو باش ترتاحي ..

اريج : ( بعدات يدها منو بنترة ) متتتتهربش ايووونس ...عفااااك

يوتس : ( تنهد ) اريج .. ماغاتنفعش هاد الهضرة دابا .. انا را راجل مزوج و عندي ولد جاي فطريق .... بلاش من هاد الهضرة عففاك .. 

اريج : ممم مزيان ملي فكرتني ... شفت فعنيك و نتا كتعيطليا ريجو و نسيت بلي نتا راه كبببرتي و تزوجتي و غاتولي ااب ... ولاكن تيقني .. معمر شي وحدة تبغيك بحالي انا .. و مكنضش واش كاينة ... و قلتي بليةريجو كااانت بهلة و لي جا يديرها بيها .... كااانت صغيرة ... اما نتا تاااكبرتي عاد وليتي ريييجوو.. وغايجي واحد نهار لي غاتفهم فيه هاد الهضرة و تقول ريجو كااان عنها الصح ... و نتمنى متفهمهاش معطل ... حتا يكون جااا لي يقولك ماتقوليش لمراتي ريجوووو .. ( ضارت وهو غي كيرمش و مسحات دموعها باش مايشوفهومش عاد ضارت عندو ) عندك الحق تعطل الحال يلاه نرجعوو... 

جا يونس شد فيها و هي ماباغاش تكا عليه و كتحبس فدموعها باش مايطيحو و تزيد تمرمد كرامتها كتررر و مشاو لدار ... 

عند اسد ...

كالس عند راس دلامار بعد ماعطوها ممرضات دوا و هبطو ينعسو .. و هو بقا مدوز يدو على شعرها و هي باقا فايقة طار عليها نعاس ...

لامار : اسد .... كتفكر فلي كنفكر فيه ياك ...

اسد : انا بالله الى تخربقت .. مكنقدش نضلم شي حد .. فنفس الوقت هادي فعلة مكيتسكش عليها .. ..

لامار : اكيد غاتكون بغاااااات تقتل ليا ولدي ا ااااسد

اسد : علاش غاتقتلو ؟؟؟؟؟ اش وصلها ليه كاع .. هي مشكلتها مع راجلها نتي علاش غاتآديك وهي باش غاتعرف راك حاملة .... لا منضنش كانت باغا تآديك ....لي معصبببني هوو متأكد هادشي جاي من عنهاا .. هي لوحيدة لي تقدر دخل لدار دلكشي... اش وصلو ليكم معرفتش .... ونقولو نتي اريج علاش ... مممرضني هادشي بالله 

لامار : اوا نتا علاش معصب منها اذن ؟ شاااك فيها بحالي؟؟؟ 

اسد : انا ماشاكش انا متأكد ولاكن ماشي بحالك .... انا معصب لانها بسباب ديك زززبل كان غايتآدى ولدي وحتااا نتي... ولاكن موحال واش هادشي دايراه ليك عن قصد ... ا لا لا منضنش .... مقاااصداكمش ... اشمن فائدة عنها 

لامار : بغااا تآديلي ولدي ا اسد مااالك موالف تفهمها طايرة و دابا لا

اسد : واريج عنها شي ولد ؟ لا لا خلينا غي بالعقل

لامار : ااسد الله يهديك اش كتخربق ... اشمن عقل .... نتااااا راااك معارف والو 

اسد : و اشنو لي ماعرفوش انا ؟؟؟؟؟ دوي

لامار : ( تقادات فالكلسة و شافت عندو بجدية ) سااارة ... راه كتبغيك ا اسد

اسد : شنوو ؟؟؟؟؟ ( جاتو ضحكة .. تبتسم مععععصب تخيليو ليا ابتسامة معصبة ) نععسي نعسي راه مشا الحال 

لامار : اااسد سمعععني ....اااه كتبغيك .. و من الصغغغر ... و بحال وااالو غاتكون تزوجات بيووونس غي باش تبقا قريبة منك 

اسد بقا غي كيرمش فيها بهدوء : باليا واقلة مزال ماتكضتي من داكشي احبيبتي ...

لاماى : راااه كندوي بصح اسد مااتستهزأش بهضرتي كتعصبني هاكا ... واااجهتها و نكرات و لاكن انا متأكدة 

اسد : وااااش تسيطيتي ؟؟؟ مشيتي قلتي ليهااا كتبغي اسد ؟؟؟؟ مرريصضضة فدمااااغك ولا شنوو ؟؟؟؟ هااامااا غي مجاب ليك الله 

لامار : ورااااا نننحلف ليك باش مابغيتي الى بصح .. اسبرووو بعينيه شافها كتغريك .. 

اسد : رجعي تنعسي عفاك ...راكي باقا عيانة صباح و نهضرووو

لامار : ( بانفعال ) ماااااافيااااش نعاس سمممممع ليااااا ... واش مكتيقش فيا ؟؟؟ عندبالك كنكدب ... راااه قتليك كتبغييييك

اسد : سكتييينا واش عااارفا هاد الكلام لي كتخرجي على فمك السيدة راه مزوجة بخويا و حاملة ملفوووق .. راه هاد الهضرة مساهلاش هادي راه فضيحة .. صاااافي هذا مكاااان مصني هاد ليلة .. كمل الفيلم نيشاااان 

لامار : يااااك نتا كتعرفني من عيني بنتللللك كنكدب ؟؟؟

اسد : ( شافها معصبة و رجع برد باش مايشعلوش بجوج ) ارووووحي انا مااقتلكش كتكدبي .. يقدر يكون تهيأ ليك ... هاديك راه هاكاك دايرة .. و داك الولد دابا نتفاهم معاه على الافكار لي كدخل ليك لراسك اشمن كتغريني و لا زبل . عمرهاا دارت مهايا شي تصرف ماشي تالهيه منين جبتي هاد الهضرة ... 

لامار : هوووو را مدار والو .. ( خايفة لايجري على اسبرو ) انااا غي حبدتوو بالغضب .. ا اتا لي شفتهااا ...هو ماقالي والو .

اسد : هانتي شفتي راه قتليك كدخلي و تخرجي فالهضرة .. نعسي دابا وغدااا نهضرو .. وصااافي راه خصك راحة ماسمعتيش اش قالوليك بلا مترمضي فيا و مترضي راسك ... وحيدي من دماغك هادشي راه مامنوش لايسمعك شي خد و نصدقو فشي حاجة كبيرة 

لامار : مامتيقنيش اسد ياك

اسد: وصافي هضرنااا ظ... نعععسي ...

بدا يسكد ليها فبلاصتها و نعسات غطاها و بقا كيشوف فيها فاللخر هز الكارو ديالو و خرح لبالكون راسو غايطرطق ... وكملو عليه تهيؤاتها ( عند بالو غي كتهيأ ) تاكيعلموه من المختبر بلي تحاليل خرجو .. و هبط المكتب سيفطهوم ليه فااكس .. و بدا يقرا فيهم .. لقاهم تعاطااو لجرعة من المهلوس OHRY... لي كيخلي الواحد يفقد السيطرة على دماغو ويتصررف بلا مايرد لبال لتصروفاتو واش صحيحة و بدون مايخدم عقلو بحالا ناعس .. و فاش كايفيق منو مكيبقا عاقل على والو ... 

سارة كانت باغا دير عادشي لاسد و فاش يطيه نعاس يطلع لبيتو تجرو هي عنها لببيت .. باش تجي لامار و يونس ويشوفوهم بجوح و اسد مايكونش حاس براسو اش كدير .. وتافاش يفيق مايعقلش .و طبعا هاظشي كاااااامل انقلب عليها وهي دابا فطواليط كااالسة كتستنشق اااااخر سطر بقا ليها حيت داكشي تسلا .... 

اسد مفهمش منين غايجيوهم المهلوسات الا مكانوش د سارة ... وحاجة وحدة كضور فدماغو هي هادشي ديالها .... حيت هي ليكدخل الممنوعات لدار و اكيد غاتكون نساتهم فشي بلاصة و هوما ماردوش ليهم لبال و كلاوهم .. تكا على الكرسي كيحك فرااااسو مابقا فاهم والو ..

اريج و يونس و صلو لدارر .. اريج طلعات ديريكت للبيت وهزات فاليز ديالها جمعات حوايجها و هبطات معافرة معاها و يونس كان لتحت كيكمي شافها هابطة طفا الكارو .. و مشا عندها 

يونس : فيت ماشية ؟؟؟؟

اريج : لجهنم ... تمشي معايا ؟يونس : رااا كندوي بصح

اريج : لداري .. فين غانمشي فنظرك

يونس : را ليل هذا... غي بقاي لابغيتي انا مغانخسر ليك فوالو ... 

اريج : لااا غي بلاش شكراا ...طلع عند مراتك غاتكون كتسناك هي ولدكم ...

خلاتو و مشات و هو مابغاش يزيد يشدها ... وخا محملش النوقف .. و اريج خرجات لبرا خشات حوايجها فطموبيل .. و بقات شحال كتشوف 

اريج : غي سمحيلي الاماار ... مغانشتتش فكرامتي كتر من هاكا

ديمارات ومشات لدارها ... و يونس دخل لببيت لي كانت فيه غي شعل ضوو شاف ديريكت لسرير هو يتفكرهااا كيف كانت قبيلة و ابتسم و نصل حوايجو ودخل ينعس ...هو يشوف تيليفونها محطوط وخداه عندو شعلو بانتليه فوطو ديالها ضاااكحة و سنانها مستفين و شعرها ديما مغطي نص فوجهها .. شاف عندو الكود كتبان غي داك الفوطو فالشاشة و رجع حطوو .... وحاول ينعس وينسا هاد نهار الثقييييل لا من سارة و لا من اريج ..... 

اسد بعد ماقتلو تفكير ... ناض من المكتب و طلع لببيتو حيد حوايجو و نعس مور لاماار معنقها من لور وخاشي راسو فعنقها و جبدها تالسقات معاه و حط يدو على كرشهاا عاد نعس .. 

و اريج دخلات لدار و لاحت ديك الفاااليز و عينييهااا حووومر و كلسات شحال كاتشووووف فللخر طلقاتها للبكاااا جامعة رجليها عنهاااا ... بكات تاطاب راسها كتر ماهو طايب و دخلات دوشاات فعز ليل باش تهدن شوية عاد دخلات لفراشها تامن بينوار ماقداتش تحيدو ...

وجاااا نهارررر جديد ... لامار بدات تفيق على الممرضات كيهضرو حداها كانو جايبين ليها لفطور ... 

ممرضة : صباح لخير امدام اسماعلي .. كيف كتحسي براسك معندك تاوجع .. 

لامار كتحاول توووكض و تكات على سرير

لامار : لا لا معنييدش ... فين مشا اسد 

ممرضة : جينا لقيناك غي بوحدك .... تفضلي تفطري باش تشربي دواك شوية و دكتزرة غاتجي تعاود ليك الفحص ... 

لامار : غانغسل وجههي بعداا ... 

ناضت راسهاا مشقلب دخلات لدوش .... توكضات شوية بالما و فزكات راسها باش تفوتها هاد دوخة و خرجات عنهم تفطر ...

لامار : عفااك واخا تعطني تيليفوني ...

الممرضة مداتو ليها و بدات تصوني لاريج .. 

تيليفون بدا يصوني حدا راس ظ يوونس وفيقو من نعاس شافف بنتليه سمية لامار مابغاش يجاوب و ناص شاد فراسو كيصحصح... و رجع ناض لدوش ... 

لامار : هادي مالها مكتجاوبش ... ختي انا جايا غانمشي نشوفها ونجي نفطر ... 

لبسات بينوارها وخرجات لكولوار تاوصلات لبيت يلاه غاتفتح تدخل هو يبان ليها يونس خارج 

لامار : هاء ي يووونس ؟؟؟؟ سممحلي فتحت محسابتنيش نتا هنا ... ( كتشوف للداخل ) ف فين اريج ؟

يونس : صبااح نور ...مشات لبارح فحالها 

لامار : وعلاش ؟؟؟؟؟ اش درتي ليها ؟؟؟؟... 

يونس : تاحاجا هي لي بغات تمشي ... كيف بقيتي شوية ... 

لامار :بيخير ... كيفاش تمشي بلا متقولي ولو ؟؟؟ 

يونس مردش عليها غي ابتسم وزاد لبيتو ... دخل لقا ساارة ناااعسة بقا شحال كيشوف فيها وتنهد و دخل لدريسينغ جبد حوايجو لبسهم وخرج .. 

اما اسد فاق بكري و لبس شورط و سوفيطمة بصماطي و خرج يجري باش ينسي شوية الهم ديالو و هاد ليلة لي دازت كي زفت ويكون اونفوغم للحفل لي كاين هاد ليلة ... شتا كانت كتنف خفييييفة كتقطر على كتاافووو هو اصلا كيقطر بالعرق .. كتافو مبرونزين كيلمعو و عروقو باينين فيدو ... تادارت الساعة العشرة ... عاد طلع لدار كيللهت محيد سوفيطمة هازها غي فيديه ... و قرعة دالما صغيرة جاي كيشرب منها ونص كيتزلع عليه ... وصل لباب بانليه اسبرو واقف 

اسد : تبعني نتا ...

زاد اسد لصالون القصبي واسبرو بقا غي كيرمش ويدعي السلامة ... و تبعو وقف حداه واسد كيعوج فعنقوو وشاف لعندو... 

اسد : كلس مالك واقف .. 

ككلس اسبرو كيضور فيعينيه

اسد : مالك ؟؟؟ مناش خايف

اسبرو : اا .. لا ... لا غ غي غي هاكا وصافي

اسد : ... معندك تاحجا تقولها ليا

اسبرو : ا ابحالاش اسيدي

اسد :نهار خدمتك هنا ... اش قالك عادل 

اسبرو : ن نكون ودنيك وعنيك اسيدي 

اسد : اوا ؟ ...

اسبرو : ايوا يوا .....ا ه بغيت نقول زعمااا م معرفتش علاش كتهضر اسيدي 

اسد : علاش كنهضر ؟ راك فاهمني غي بانلي ماباغيش ... بانلي بزااااف ماعندك تقوليا ...غير دوي انا كنسمع ( يلاه كيهضر وهي توقف عليهم لامار غي ب بينوارها دننعاس وشاف عندها اسد) 

اسد : لامار ؟؟؟ علاش هابطة هاكا مكتوشفيش الجو بارد

لامار : اسد اريج مكيانش فدار ... وبقا عيانة ... قالي يونس مشات بيليل مافهمت والوووو فين كاينة دارها نمشي نشوفها

اسد رجع لور ربع يدو : ااه سيري .. هانتي سيري منها طووول و سولي ينعتو ليك... يلاه سيري 

لامار : ا لا لاش كنحس ديك سيري هي والله وتمشي تانقسم رجليك

اسد : ومزيان ملي فهمتيها ... يلاه طلعي انا جاي 

لاكار : ( شافت عند اسبرو عرفات بلي غايتحاسب معاه حيت فرشاتو ) اا .. و وعلاش شاد اسبرو معاك 

اسد : دابا اشنو غاطعلي ولا نوووض

كلسات 

لامار : لالاا ... تانشوف اش باغي تقول ليه .. انا عاارفة باغي تهضر معاه بخصوص لبارح و اش قتليك على سارة( اسبرو طرطق عينو فيها ) بلا متشوف نتا فيا هاكاك ... قتليع كولشي عيييت الصبر كيضبر 

اسبرو : ا اسيدي .. ر را

اسد : سمعوني نتوووما بجوج .... منعاودش نسمع بحال ديك الهضررررة كتعاود ... دوزت ليك نتا نهار شفتي سيد كيهضر مع البنت و ماكتبتي والو فتقرير قلت ماشي مشكل ..مي اخخخخر مرة توقع شي حاجة فهاد دار و نولي اخر من يلعلم ...كووووولشي بغبت نعرفو ... ومرة اخرى تشوف شي حاجة اجي قولها ليااا كيف عندك فالكونترا .ظ ماشي للامار .... واااضح ؟؟؟؟ 

اسبرو : ا ا واضح اسيدي ... 

اسد : سير من بعد نكملو ... مزال ماساليناش

ناض اسبرو كيتكلف عليها 

اسد : نوضي نتي راه لبرد ... 

لامار : اسد واش مزال ماتيقش كلامي ؟؟؟؟؟ 

اسدة: ومغانتقوش .. داكشي غي تهوؤات حيديهم من بالك ولا غانوصلو لشي مواصلل ماقادين عليها .. صافي قلتيهالي وشدي فمك دابا .. 

لامار : و ارييييج ؟؟؟؟

اسد : وااالااامار واااحبيبتي رحمني ...واش انا شحال من واحد غانفكر فيه الله يهديك ... واش واالدها؟؟؟ راها قادة براسها انا مامسؤول على حد ... زيدي طلعي دغياا 

طلعها رجعها لبيت قالولو مزال مافطرات ححيح بالبيان شي سمعاتو و شي مابغاتش تسمعو ... عاد دخل يدوش ... خرج عندها بانتليه باقا كتنقب فداك طبسيل وممرضات خرجو ... و حا كلس حداها شعرو كيقطر عليها وهي ماباغش تشوف عندو كاع ...

اسد : مممم شي ناس مقلقيييين مني ( كيجبدها لعندو ) 

لامار : ماااقلت حتا تصالحنا وهدات الاوومور كولشي تشقلب عاوتاني 

اسد : ( دورها لعندو وشد فوججها بحنية ) احبييبتي .. كووولشي هو هداك .. غي نتي مسطريسيا بلا تاشي حاجة ... اش واقع كاع ؟؟؟ ياك ولدناا هو هنا ( قاس فكريشتها ) بيخير و راجلك تاهو حداك .. اشنو باغا ؟ 

لامار : باااااغا نتفك من داااك البنت اعباااااااادالله 

اسد : اش غاندير ليها لوحها لزنقة ؟ ونتعايب مع يونس لي بقيتلو غي انا ... صافي ميكي عليها راه مابقالهومش بزاف ويخرجو راه قلبت ليه فبروجي جديد غايخدم عليه هاد سيمانة وهاهو خرج ... 

لامار : وتبقا هنا تا تآدينا اسد 

اسد : احبييبتي الله يهديك حيدي هاد للافكار من راسك مكاينش من هادشي هاديك عنها مشكل د الادمان دبر راسها مع صحتها وراجلها ... حنا اش دخلنا فيها تآدينا و لا نآديوها ؟ صاف خوي راسك منها 

لامار : ماتيقتيش هضرتي ياك 

اسد : ولاامار هانا تيقتك كاع.... ومنبعد ؟؟؟ علاش انا خليتك ومشيت عنها ؟ لااا ..واش غاتقدر تجرني ليها لا واخا تعواج ... اوا خليها تعوم بحرها راسها ... الى كنت عندك عزيز و كتمسعي لهضرتي ..الله يرضي عليك هانتي نبوسلك راسك كاع ( باسووليها ) حيدي عليا هاد الافكار الله يرحم باك و خلينا هانيين ... تيقني ماحدي معااك تااامشكل مغانخليه يطرا .. صافي ؟ ماتايقاش فيا 

لامار : ااااسد ماعرفتش اش بررررد دمك لهاد درجة ... قتليك عينيها عليك و غي كتستغل فخوك و مبرد راسك

اسد : لامار ... صافي هضرت معاك مابغيييييتش هاد الموضوع يتجبد مزااال .. لاكنتي كتبغيني قلبيييه 

لامار ضارت راسها فالارض و حركاتو ب آه و رطع طلع ليها راسها و باسهااا مطوووول 

اسد : كانبغيك اروووحي ... كتر ماكتيخلي ... كملي فطورك و تكاي علاما تجي دكتورة 

لامار : اااسد ... و اريييج 

اسد : صافي انا غانسيفطهم يسولو فيها 

لامار : بغيييت نمشي عنها عفاااااااك ... عفاك اسد

اسد : رااااك عيانة نعسي ترتاحي

لامار : ( كتعنقو و تبوس فوجهو ) عفااااك احبيبي عفااااك ياك انا حبيببتك ديتي نشوف مالها .. ضاااااروري ضاااروري 

اسد : صااافي .. صاافي رتاحي دابا بلاتي شوية و نديك يلاه نعععسي هااالعار طيبتني 

لامار : وووحدة صاااافي غغغغي وحدة 

اسد : لااااحول و لا قوة الا بالله .. شنووو

لامار : اسبرووو ماديرليه والو عفااااك ... مدار والو هووو

اسد : صافي .. ( كيدرها فبلاصتها ) نعسي .. ( باس على راسها وخرج هبط لبيرو كانو الخادمات لي طلب جااو و بداو فشغالهم ... دخل لمكتبو وكب لراسو صودا و كلس كيلعب بصبعانو فبيرو و كيفكر فشنو شاف الصبح ... ورجع حل لبيسي وحيد واحد سيدي CD من الغشا وخدمو .. واخا يتفرجليه 100 مرة مابغاش يستوعبو و لا يتيق داكشي لي كيحاول يفهمو ... ( كان تسجيل ديال الكاميرا الجديدة لي دار ف الجردة و كانت من نوع لي كيضور وكتوصل العدسة ديالها تالباب د الزاج دكوزينة وكاتبين بارتي من الكنطوار لي كانو خاطين عليها طباسل ) كتبان ليه سارة داخلا بالحس و كترش داكشي فطبسيل لي كان معزول ليه وكلاو منو لامار و اريج .... ورجع سد البيسي يجهد موير على يديييه .. و بقاا يفكككر فهادشي و كيدير يتعامل فهاد الحالة وخوه ماسيقش الخبار ... كيخاول يخدم عقلو كتتتتر من قلبووو ...لاساق يونس الخبار غايخسو فمرة وهو خصووو يصلح ماشي يريب كولشي ... خوه ماغيباقاش يحملو لاعرف مرتو مزوجة بيه على قبل تكون قريبة ليه .. غايكرههو .. وهو هادشي لي ماباغيش يوصل ليه ... كيهد يمشي يجرها من الشعر و كيتراجع .... و تا لامار مابغاهاش تبقا مشطونة من هاد جيه وهي حاملة و لي فيها كافيها ... كيحاول ينفي ليها هاد الفكرة و يكدبها ليها باش تنساها ظ.. حتا يلقا حل للموضوع ويفهم منها هاد التصرفات ..... ويحدهم ليييها غي بينها و بينو و بلا شوهة

يتبع