حبيبي الأصم الجزء 51

قطعو طريق و صلو لواحد المحل .. فيه 3 ايطااج و غي لوووكس و الماركات .. وكياخدو تامن لامارك ديالو .. غي شافهم جاين تقدموو لباب كانو كلهم بلباس موحد .. استقبلوهم بابتساامة و دخلو .. و كلسو فصالون صغيرر.. حطو ليهم قهوة ...ومشاو يعيطو لمدبرة.. وهو كيعلب فصبعان لاماار ويشوف لشفايفها لاتهضر ...

لامار : قوووليا احبيييبي واش هاد الحفل بحال دالميكسيك ياك ؟

اسد : لا ..ماشي بحال بحال مي هدفهم واحد تقريباا ...

لامار : فهههمني مفهمتش .. 

اسد: لاخور لي فالمكسيك كان ديال توزيع الجوائز .. هذا خيري وفيه مزاد .. و الغنائم ديالو كيمشيو لجمعيات د الصم ماشي لمراكز ديالي .. حيت المراكز ديالي انا مكلف بيهم مكنقبلش فيهم التبرعات .. مي الجمعيات كيلقاوها فرصة باش يجمعو التبرعات .. و تانا هادشي لي بااغيه من هاد الحفل ... 

لامار : اااااه صاااافي دابا فهمت .. و شكون لي كيجيب تبرعات ..وكيفاااش هاد مزاد

اسد : ... غالبا المعروضين .. كاينين سفراء ووزراء ...فنانين ...رياضيين ... وزيد عليها هادوك لي كيبغيو يديرو الخير بالعلانية راااه كيلقاوها فرصو مممتازة لييهم ...و للمزاد راه لي عندو شي حاجة غالية كيحطها تما تباع و لي بغاها كيتزايد عليها و فلوسها كيمشيو لجمعية 

لامار : هاء ولي بااع معندو ربح

اسد : واااكيتسما متبرع .. جااي يعطيها اصلا ....

لامار : ممممم هاكاك ...ونتااا مغاتبيع ولو

اسد: انا لي كنعطيه بيني و بينهم مكنديرش الاشهااار احبيبتي ... انا غي كنتراس الحفل ... و نتفرج من بعيد ...

لاملر : مممم ... عرفتي منهار لي كنت مشيت معاك لمكسيك و شفت العرض د الباليه د دوك البنييتات و نا واحد الفكرة كضووور ليا فراااسي .. مكرهتش نحقققهااا و الله 

اسد : علااش لا .. شنو هي ؟؟؟ 

لامار : بلاتي دابا نهضر ليك عليهاااا و عطني رأيك ... دابا قوليا اش غانخد ل ليل

اسد : شي حاجة بسيطة فنفس الوقت انيقة محترمة ... كتتعرفي حفل خيري هدا مكنبانوش فيه على بعضيتنا .. 

لامار : عنننندك الحق ...

شوية جات للمدبرة كلسات معاهم بعد الترحيب و بدا يوصفو ليها نوع د لي غوب لي بغاو .. طلب غوب طويلة باليدين و عنق يكون طالع شوية .. شافت ليها القياااس و مشات تجيب قياساتها فهاد نوع د ليغوووب ... 

شوية جات بواحد سيغي د لي غوووب طاغي اللون الاسود كيف طلبووو و كل غووب و فصالتها ووقفات لامار كتختار واخا محتارمين كانو فغاية الرقي و البساااااااطة ... ختارت ثلاثة و دخلات تقيس لولا ... معجباتش اسد ... و تانية تاهي ... و ثلاثة لي عجبات لامااار كتشوف راسها فالمرايااا ... كانت جات على طااايتتتهااا لاسقة و طويييلة و فتحة بين رجليها ماطويلاش و مامعيقاش بزاااف مي باش تلقا الراحة فالمشي .. جات كيف شي حوووتة على طاايتها و يدبن لاسقيين شبكة محجرة و عت

نق عالي شوية مشبك تاهوا و ضهر تاهووو كولو شبكة محججرة كتلمع ...عجباتها و خرجات عندو شافها و بدا يطلعها و يهبطهااا عجباااتووو و قف عنها شد فيديهااا كايضووورهااا 

اسد : زوينة .. مي مزيرة شوية لا ...

لامار : لااا بالعكس 

اسد : عجباااتك ؟؟

لامار : ووووي حمقااااتني و الله 

اسد : صاافي ناخدوها جاتك زوينة .. ( عنقها عندو ) اصلا حبيبتي لي لبسات كيوااتيييها .... بغيتي شي حااجة اخرى ولانمشو ؟؟؟ 

لامار : مممم ... ناخدو هادي بعدا ..

شوية جات المدبرة 

- ختاريتووو اسيدي 

اسد : صافي بغات هادي .... شوفيلي صباباط يكونو مرتاحين حيت حاملة ..

مدبرة : حاااضر على الفور .. 

مشات و لامار دخلات حيداتها و جمعوها ليها فكاروطنتها ... جابو ليها صبابط تاني و ختارت واحد طالونو مرتااح فالكرونة... و ختارت بووشيت تاهي فالكرونة بسلسال .. 

سلاو و خرجو .. هي غي ضااحكة باغا تمشي تفووج شوية .. وهاد المرة بسيفتهااا مرااات اسد لاسماعيلي.. مرااات الرووكاان ... مكاين لي غايحكرها كيما المرة الاولى فالميكسيك ...

دخلو لطموبيل كان وقت لغدا ومشاو لواحد ريسطو اسيوية .. دخلو تغداو ....وطلب من بعد قهوة و هي عصير 

اسد: يلاه احبيبة ديالي ... قوليلي شنو الفكرة لي كاضور فراسك نشوف ؟؟ 

عند يونس ... 

وصل لدااار من بعد مادوز صباحو فصيااادة ينسااا شوووية ... دخل لقا دار عامرة بالخدم .. سول على سارة قالولو فالبيت ومخبين لموضوع بامر من اسد .. طلع لبيت فتح لبواني بانتليه واقفة فسرجم مربعة بديها و شعرها فازك بحال عاد دوشات و ساااهية مهدنة .. مشافتش لجيهتو كاع .... تنهد شحااال و قرب لعنها و هي طلع فيه عينيها ..

يوتس : مالكي ؟ بنتييليي عيانة 

سارة : مكيهمكش 

يونس : اهاه ... عندك الحق ...

رجعات شافت لزااج وهو دخل لدووش كايتنهد ماعارف كيدير يتتصصرف معاها من بعد هادشي لي ولا يشوف منها ......

عند عدنان ...

كيجمع خوايحو فلفاليززز كاعي كيف عادتو تاكيسمع تيليفون و دار سماعة .. وهو كيختار فلي كوستيم ..

*بالالمانية

- سي عدنان ... الفاز لي طلبتي خرجناه من المتحف بمشقة النفوووس كون هاني 

- ممم مزياان 

- اش باغي دير بقطعة اثرية بحال هادي ... وحاط فيها مببلغ كبيير بحال هداك .. مكنضنش مهتم بالثراث الروماني لهاد درجة

- سيفطو لعنوان لي غانعطيك .. وبلا كترة الهضرة ....انا عارف اشغاندير بيها ...

- واخا اسي عدنان

قكع عليه و كمل جميع حوايجو .. وهو كيييستتتعد يواجه الروكان مرة جديدة ... عين فعييييين ....

عند لامار ..

لامار : مممم الفكرة ديالي ا حبيبي .. نتا عارفني كننوووت على شي حاجة سميتها الرقص .. وااخا كنت كنمارسها بطريقة مكتشرررفش ... مي و الله تاكنت مستمتعة بهاا ..( اسد علا حاجبو ) مااتشوفش فيا هاكاك مكنننقصدددش نرجع لرقص ... ولاكن مكرهتش نفتح مدرسة نعلم فيها الرقص للبنيتات صغاااار . ... منها رياضة و منها ترفيه ويخرجو فيهااا اش فاللداخل ديالهم ... حيت الرقص علمني بزاف د الحوايج .. هو تعبير قبل مايكون حركات ... ومكهتش نعلمو لبنيتات الصغار و لا لوليدات د المركز ديالك ... و منها تانشغل رااسي .. كنقييل فدار غي كالسة و عاطيها لصداع و نكير و نتا فالخدمة ....ومنها نحافظ على طاايتي شووف كي وليت بالماكلة و نعاااس .. اش قلللتي ؟؟؟ هم ! 

اسد : مم مزيااان ... لاكان عاجبك علاش لا ... مي ماشي دابا ... تاتولدي انشاءالله ونفكرو فيه مع بعض ... مابيهش نحسنو الفكرة شوية و انستغلوها ... 

لامار : حلللف و الله تتوقف معايا فيييها 

اسد : لاكنتي باغاها علاش نحرمك ... مي انا كنت باغيلك مشرروع اخور .. الجزيرة ديالك بداو فيها .. و بغيتك تخدمي فالمجال الورود الناذرة ... ويكون محل خاص بيك .. حيت اصلا نتي كيف شي وريييدة ( لمار زنكها ).. داباااا تولظي ويكون خير ونشوفو اش نديروليك .. . لامار : انشاااءالله ( شدات فيدو ) لاهلا يخطييييك عليا اسد : اميين ... ( بوسة فالهوا ) 

لامار : حبيبي نمشيو لدااار جاني نعاااس 

اسد : صااافي عيتي .. قلت مزال نتمشاو شوية ... مي يلاه ترتاحي بحرا تقسري فلاسواغي ...

للمار : نرتاااحو بببجوج ماتمشيش تاني و تخليني .. 

اسد : مخنوووق فدااااك دار ... يسالي الحفل ونمشيو ندوزو شي فاكونص حاااس بالخنننقة بالله .. مكرهتش شي بلاصة غي انا وياااك كرهت صداع البشار ...

للمار : ماالك ؟؟؟؟؟ واقع شي مشكل 

اسد : والو اااحبييبتي .. يلاه نمشيوو.. يرتاح وللللدي غايكون عياااا معانا 

جبدها عندو مشاووو خاشي نصها فيه والعيون مراقباهم وهو مداير اعتبااار لتاحد ....يكون رووكااان مكيعنيش انووو مايحبش مراتووو وسط الشااارع ويدلعها... وهادشي مكنقصش من رجولتو ..

وصلووو حدا دار و نزلو هو وياها ... طلعو دريكيت لبييييت ديالهم ... صلاو بجوج الضهر ... واسد بقا غي ببشورط وهي لبسات كسيوة خفيفة و تكات حداه مهبطين ريدويات و دايرين فيلم كيتفرجوو.. اما يووونس دوش و خرج كان ناوي يصلح معها لاامور و يفهم ننها تصرفها غي بالعقل ويعطيخا فرصة.. مي هي معطاتوش فرصة كاع ومكتشووفش تالعندو وكيحسها باااااردة ... و خرج كاااعي عيط لشي صحاابووو قداااامو و مشا ينساا معاهم شوووية .... 

اسد يدا يشوف عند لامار شافها نعسات على كتفووو وحط راسها بشوية على المخدة ... و طفا لبسي ناض لبس حوايجو .. وهبط لتحت قالوليه يونس خرج وسارة مدارت تامشكل ... رتاح نسبيااا و شد طريق لفين عندو الحفل يشوف تجهيزات و يحدرهم من صحافة كالعادة ..وبشوف الجمعيات لي مقيدين فهاد المزاد دهاد العام ... الاوطيل دياالووو عممررر بزوااار الاجانب خليجين و اروبيين لي جاااين للحفل ...وكلا شد جناح .. حيت الحفل كاين غي فالفندق ...بدا كيضلااام الحال ومباقاش بزاف على الحفل عاد خرج صونا للمار .. لي كانت ناااعسة شافت تيليفون وناضت كتحك فعينيها 

لامار : مشييييتي تاني و الله مكتحشم .. فوقتاش نفيق و لقاك حدايا

اسد : روحي الكسولة باقا ناعسة. ... شوية غانجي موراك وجدي راسك 

لامار : اااه صصبر عيطني وقققت مزال مصايبت لاشعري لااوالو 

اسد :كوني بسيطة احببتي مافيا لي يهرس شي حد ... يلاه وجدي راسك ... 

قطع عليها وهي تنوض بزربة .... لدووش كتشوف باش تبداااا ... 

اسد كان باقي واقف فريسبسيون .. تاجا ريسبسيوونيست 

- سي اسد ... موسيو العلامي رااه حجز تاهو ... 

- مم دااباا مزيان ... تهلاو ليا فيه .... 

اسد عاد ارتاح وهز سوارتو و خرج ...

ناضت لامار لدوش اول حاجة بدات بيها هي صاييبات ضفرانها و صبعاتهم بغووزز فاتح ... عاد دازت لشعرها صايباتو بوكلي رقيق و جمعاتو لواحد جننب خلات غي لافخونش نازلة .. بغات تبقا فبساطتها كيف قال اسد ... دارت غي حلقات خفاف ولاكن قييمتهم غالية بزاف مي كيبانو خفاف ... مع مكياج بسيط هاديء كيناسب مراة حاملة ... وزيد طايح عليها السر بلاشي... حنيكاتها ديماا حمرين ووعامرين ... ماجلطات وجهها بوالاو من غير فاغاجو غوز ... عينيها لي دارت ايلاينر قصير و ماسكرا و قلم ازرق فقلب علينها ... بقات غي كترمش جات كتبان كيوووت و صغييرة .. مدارتش مكياج لي يزيد يكبرها ويعطيها جرأة ... عاد خرجات لبسات الغوب ديالها لي جاتها فغاااااية الرقي و الشياكة... مع صباط وبوشيت .. وساعة خفيفة فاليد رقيقة فضية ... وخاتمها دالماغياج ... ورشة من بارفااان كلمسة اخيرة ... كطل على راسها من مراياا عجبها و مكدبش اسد فاش كان كيقولهاا ديما البساطة مكياج من نوع خاص ... كلسات صورات راسها لاريج فواتس قالت ليها ماشيا لحفل ... اريج مدوزا نهارها فدار كتلعب فبيلاي و تعلي مورالها شوية باش غدا متبانش حداه ضعيفة .... لامار بقات تسنا فالبالكون تابان ليها دااخل بعجاجتو ... عطاهم سوارت ووطلع نيشااان لعنها غي فتح لباااب شافها بدا يصفررر 

اسد : ايهاي هااياي .... اش هاد الانااااقة هاااد زين كااامل ديااالي ( جبها عندو حط نيفو على نيفها ) هممم!!

لامار : ودياااالمن بغيييتي يكوووون ... 

اسد : غادي يعينوووك ليااا .. ( جبدها من حنكها ) قطيييطة ..شففتي ششحال كتجي زوينة بلا داك صبااايغ بزاااف 

لامار : ورا غي مابغيتش نآدي البيبي بالكيمااويااات ... اوا شنو مغاتوجدش راسك مشا الحااال بانليا

اسد : مزال واحد ساعة د مكانة . . غاندخل ندوش بعدا ... 

باسها بالخف ودخل لدوش تاهو دوش صلا ...ولبس غي سروال زرق غالق سليييم مع شوميز تاهي فنفس اللون لاسقة عليه ووفاتح لييها صدايف الفوقانين ... سكد شعروو مزيان لور بجيل ديالو و لخيتو كانت مقااادة ديجاا .. و ركب سعتو د جلد فيدو و هاتمو دزواج عاطيه رونق خاص ليدو ... و لامار كتصايب ليه فالكول ... 

سلاووو و جاو بطوجهم واااااو ... هزات صاكها و هبطو شاد فيها لاتعكل بظاك طالون حيت الكسوووة طويلة شوية .. لقاو الخادمات فتالي د دروج حياوهم .. وكولهم فاتحين فهمهم شحال جاو مع بعضياتهم و من عينيهم واضح شحااال كيبغبو بعضياتهم ..وفرحانين ... خرجو لبرا جابو لاسد طموبيل اخرى مرسيديس .. فتح ليهم شيفور و ركبو انطلقو .... 

وصلوو لاوطيييل ... كان ليل و الاطلالة ديالو من برا كلها مضوية ... و فيها شعار د الاعمال الخيرية و ديالو .. لي هو عبارة على اذن و فاللداخل ديالها قلب .. حيت الحفل كيهتم بالجمعيات لي كتكفل بالاطفال الصم ... وكدمجهم فالمجتمع وايضا المركز ديالو داخل لي مسميه " اصغي بقلبي " لي عندو فروووع فالمغرب و برا المغرب منهم الميكسيك ... اسد كان ضاااحك فطموبيل مع لامار ... مقققشبييين ووكيهضر معاها مرة مرة بصووت طفووولي دلوووع ويعض فيها ويلا عضاتو مايغوت و يبدا يسوووط على داك لبلاصة ... غير وصلو لاوطيل شافتوو تسيييف ولا واحد اخور حاحبو مهزووز و شوفتو ثاقبة و شاد فيديها بلاباااقة ماممبتتسم ماتاحاجا تقووول عندووو مشاكل فحيااااتو وهو عاد كان كيلللعب و يقشب معاها .. بقات غي كتشوف فيه .. كيفاش كيكون معاها على طبيييعتو بعفيتو ... وكيفاش كايولي مع الناس وسط المجتمع .. معفررر و نيفو فالسماا ...هادو هوما شيم الاسود ... دلووعين مع لبوؤتهم وشرسين مخرجيييين نياااب فالغابة ....

زادت شادة فيييديه وكولشي كيلقي ليه التحية كانت القاعة لدااخل عااامرة بالحضوووور من جميييييع الدول ... معرفات لامار امتى تجمعو هادو كاملين بصح هي الحشد عمرو وترها حيت موالفة بيه .. تلاقاهم المكلف فالاستقبال و حنا راسو و رجع طلعو تحية ليهم .. و بدا يهضر معاه غي بشفايفو و كيفهمو اش طاري لداخل وشكون وشكون غائب ... ولامار كتشوووف فيه و تشوف فناس و مع القاااعة ... وكتفكر انها هنا مراااتو وولدو فكرشها .. وكولشي هنا ضارب ليها الحساب بحالو ... وهي طلع راسها لسما و بدات تقلد فنظراتو تاهي ... ملي كتفكر هادشي كامل را ديالها تاهي ... دونك علاش غاتبقا تصرف بحال الضيفة خصها تولف على هاد المجتمع حيت فيه دابا عايشة و مزال تقدر تولي سيدة اعمالو بحالو ... وقفات مستقييمة و كتبتسم للكل تاهي و تحاول تكبر بيه كيف قااليها ... وتنسجم مع بريستيجهم .. القاعة لداخل كانت صاخبة و مجهزة من كولشي .... كانو طبااالي بزااف طوااال واقفين حداهم ناس و لور طبالي قصار بالكراسي .. وفوطوويااات على جناااب .. و منصة كبيرة لقداام ضاربين فيها الاضواء و شاشة عليها شعار روكان الخيري ... و كاتسمع غي صووت للهضرة الختفتة و ضحكات ..و صوت تقريقيب د الكيسااان ... كاين لي لابسين كوستيمات كاين لي لابسين عبايات خليجين ... كاين لي لابس عاااادي ... و حتا العيلات كاين لي بلي غوب كايت بالرسمي و كان المحجباات ... الدنيا كانت مخخخلطة بزااف ... غي سلا اسد مع المكلف زاد ولامار فيديه كي شي اميرة و الانظار كاملة عليهم ... وهو كيدير التحية غي براسو وهي غي كتشوف وداك قوة الاضواي بداو كيدوخوها كتر ماداااايخة ومابغاتش تبين حدا اسد حيت غايلومها غايقولها انا قتليك عيانة بقاي ... تابعة غي اسد وهو كيمشي من عند واحد لواحد كيسلم كل مرة و اشمن لغة كيهضر بيها ترحبيا بيهم وكيشرفها بيهم .. بقات غي كترمش و اصرارها تعلم للغات كيزيد يكككبر ....شي كايبوس يدها بلباقة شي كيسلم عليها عادي باليد ..ووشي غير كيومي براسو من دوك اللاحايا ... و اسد كيعرفهاا عليهم و يقولها شكون هوما و عاطيها قيمة وسطهم ... وهي دايرة ميااات عقل وعقل غي كتبتتتسم وكولشي حااسد اسد عليييها وعلى البشاشة لي عطاها لله دغياااا كدخل للقلووووب ... رررحب بيهم كوولهم . ومشاو ووقفو قدام واحد طبلة هو وياها و مزال مطلقش من يدها كاااع ... و ناس شادين فيهم نميمة ها لي كيقوب شوووف مرااات شكون وشنو عنهم د الملاير ولابسة لباااس عادي ومدايراش تا مجهورات فاول خروج ديالها معاه بعد زواج .. شي كيقول متوااضعين و بسطااء رغم انهم من اغنيااء افريقيا ...

عند عدنان ... 

وصلو شيفوور قداام باب د الاوطيل كان تاهو فكااامل اناقتوو كيف ديماااا .. كوستيم كري فوقو مونطو طويل و شال معقود فعنقو كحل بحال كرافات ديال رجال .. و شاد سيكار فيديه و شعرو مجموع لووور وعندو حلاقة وحدة فودنو بحكم ستيلو هاكاك داير ولابس صباط عالي شوية على رجلو لماع بسيور ... ستيلو كيف شي رسااام ولا شي فلسفي ... وشاف عند واحد من رجالو راكب لقدام مد ليه يديه .. 

عدنان : عطني ورقة ... 

داك راجل دغيا مد ليه وورقة بيضا و عدنان جبد ستيلو من حيبو دخلاني فالكوستيم ... و بدا يكتب .....

" لي نكر عائلتو .. ونكر جداه على فراش الموت وعمرو زارها و لا سول فيها كيبقات واش ميتة و لا حية ... لي نكر خوه لي من دمو و اعترف بواحد من راجل اخور ... لي نكر عائلتو الحقيقية وعمرو حس بيهم ... لي دار الفلوس ونسا كولشي .... ماااشي ديال تنظيم حفلات خيررية ويشفق على المحتاجين ... هو براااسو محتاااج للشفقة ... فاقد الشيء لا يعطيه ا اااخوياا " 

بدا يشوف فداك الورقة ويعوج فراسو معاها فللخر تنهد ولاواها باكيط .. ونزل من طموبيل وتاداك الراجل نزل .. و هز الفااز الاثري من لكوفر ... 

عدنان : مابغيت حد يعرف هاد الفاااز رااه مني ... يكككفي يعلنو على قيمتو الاثريية و شحال ساوي باش سي روكان يعرف ان موالين هاد الرسااالة راه تاهوما قادين يتبرعووو ويديرو لخير ويشريييو قطعة بحاال هادددي ... ويهديوها للجمعية .. ماشي غي هوو لي عندو الفلوووس... ( خشا داك رسالة وسط من الفاز ) بغييييت وسط الحضووور فالمزاااد تقرااا هاد الرساااالة ... على مسااامع الكككل .. بغيتهااا تقراااا .. ركز على ها المسألة و تاحد مايفتحها ولا يقراها قبل من المزاد ... ويلا سولوك مول هاد الفاز قول فاعل خير ... دخلووو وغبرررر

الراجل : مايكون غي خاطرك اسي عدنان ( طلع فيه حاحبو مخنزر ) اا مسويو لعالامي ... 

عدنان : مزيااان يلاه دخل ...

هز هذاك الفاز و مشا من لباب لي كيدخلوو منها الغنائم ويقدموهم للمزاد و الاثمنة و القيمة ديالهم و منين جاو ... كاين لي كيدكر سميتو و كاين لي كيخليها فالسر ... عدنان جبد المونطو دبالو بقا غي بالكوستيم ولاحو فطوموبيل و زااد خاشي يدو فجيبو ووقفتو متجردة و كتافو واسعين و نظراتو كيشبهو لنظارات اسد تماااااماااا ... يلاه غايدخل صونا ليه تيليفون 

عدنان : وي فهد 

فهد : ماااتقولييش مغاااتجججيش للحفل 

عدنان : لا انا فلبااااب ...

فهد : دخل دخل اصاحبي غاتلقاني لور كالس... نخليو للمقدمة لسي روووكان و المدام 

عدنان : طاو !

فهد : دابا عاد ... 

قطع عليه وتنهد ولاح الخطوة ديالووو دخل وراهم لانفطيسيون ... 

وزاد كيشوف بعينيه تاشاف فهد لي طلع سدو من واحد طابلة لوور و المشرووب حداه ... كان تاهو فكامل اناقتلو بسروال مارون وشوميز بيج .... و مشا زقف حداه

فهد : كتتتغفل صاااحبي 

عدنان : علاش ؟

فهد : جيت عنك قالولي رجعتي لالمانيا ... كيبقات جداااتك 

عدنان كيشووف فيه كان هاطي بضهرو و لامار حداه كيهضرو مع شي ناس ..

عدنان : مكااين تاشي تحسن بالمرة ... باقا حالتها هي حابتها 

فهد : الله يشااافيهااا 

عدنان : ( صحكة مستهزاة ) حاس بلي مالك دنيا فيديه

فهد : وااايييه ... وعلاش لي مايحسش براسو ... كولشي موفر ليه ( عدنان كيزيد يزير على القبضة ديالو) كوولشي كيحني ليه رااااس ... و لي بغاها تحضر ...ومراتو حداااه شوووف كيف كتبااان .... شاااااخدة فقلبي جمممرة اعدنان من ججيهتها ومن جهة اسيييييل

عدنان : غييير صبر ... هاظ ليلة غاتشفاااا مزياااان 

فهد : عدنان .... ؟ 

عدنان : ششششش نتا غي تفرج 

فهد : كتخوفني بالله ... عينيك ماشي د الله الله

عدنان : بالعكككس ... هو لي خصو يخاف مني دابا ... خلي المزاد يبدا وراااقب غي من بعييييد.....( وما لنادل جت عندو ) بيييرة ... 

اسد كانو كيعرفوه على الابااء لي حاطين ولادهم فهاد الجمعيات وكايتعرف تاعلى رؤساء الجمعيات واهدافهم وكيتناقشو فجو هاديء مرح ... و لامار تاهي كتسمع و بعد المرات كتدخل وتعطي أرائها بكل لباااقة تاكتتخخي اسد يتعجب فهاد للععقل لي دااارت ... و كاااااانت لامااااار بعقلهاااا حتااا كتشوف اسبررروووو واقف فلبااااب مع عادل ... و كاان يااا ماكان و العقل صااار فخخخخخبر كااان .... عينيهاا لمعووو وضحكات حيت كان قاتلها الملل شافت اسبرو بحالا شاافت النعمة ووقفات

اسد طلعع معاها عينوو و شاف عنها ...

لامار : ا اسد .. ا انمشي و نجي 

اسد : ( غي بينو و بينها ) كلسي ماعندك فين تمشي دابا ... 

لامار : عفاااك جاني الملل

اسد : لش قلنا فدااار ؟ هاكا غانبقا تابعك كي شي بينتة صغيرة ككلسي ...

لامار هبطات شفايفها و كلسات حداه و اسبرو كيضحك ليها غي من بعيييد.... بداو الجمعيات كيلقيييو الكلمة ديااالهم تحت تصفيقات وهي كيجيها نعاس تاكطيح على كتف اسد و ترجع تعلا مببوقة.. كتكوون ناعسة و تنوض تصفق وخا يكون الكلمة مزااال كتقال تاكيشوفو عنها .... و دير ضحكة صفرة.. و فيها دوخة دوك الاضواء كيضربو دفيها وهي عاد مكتزيد تجيها دوخة و كتجيها ردة وهي تجبد اسد تاشاف عنها

لامار : فييين طوااااليط

اسد : مالكي ؟؟؟ تردي ؟

لامار : مممم دخخخت غي خليك اسبرو يوريني ...انا جايا ...

ناضت هازا جلايلها هو تابعها بعينو اسبرو كان عاطي بضهرو اوقفات عليه شادة على معدتها 

لامار : عتتتق عتتتق .... فين طواللييط

اسبرو : مجات لبوك سريسرة غي دااابا ؟؟؟ سيري راه غايبداو المزاد 

لامار : وااابغااا نتقيااااا زمر دغيا قبل لانحطهم فحجججررررك ف فيييين كواليط

اسبرو : سيريي نييشاااان مع هاد كولوار غاتلقااايه اونفاااص راه ميمكنش نخلي لباب زنجي معاك

لامار : مااعرض ليك حد .. لامار نشات شادة على فمهااا تقيا كتزززير عليهاا الاقية قرابة تهبط كتققلب بعينيهااا والو مكتلقا لا طواليط لا الو كتلقا غي واحد بيت دخلات ليه .. كان فييه طبلة كبييييرة محطوطين عليهااا ديكورات و طابلووياااات .. بقات غي كتشووف فين ترررد ظغيا تفك كرشها ....كتلقا غي فاززز فالارض واااسع و غريق و هي تخشي فيه راااسهااا و كرعاااااات كووولشي كاااع.... وصوت الردااان كيتسمع من الفاز كي شي حلوف كيحرنط .. تاسلات وتكات على لحيط كنتهج و جبدات كلينكس من صاكها كتمسح فمها..

لامار : و وااهوما ماعندهووومش طواااليييييط نمووووت انا .... 

خرجااات تاني تابعة ديك الكولوااار تاوصلات عند اسبرو 

اسبرو : وراااا ماشي من تماااا قتلييييك سيري من هاد كلوار لاش مشيتي من لاخوور حراام واش ديري شي حاجة مقاااادةة 

لامار : ونتا لي مكاااتهضرش مقاد .. 

اسبرو : واااسيري دغياااا تقياي

لاملر ؛: وصااااافي تقييييت دابا

اسبرو : فين الصكعة 

لامار : فين مجااب الله موهيم خويت مصااارني ... فخبارك جاني جوع هادو اش دايرين للعشا 

اسبرو كيشوف عند اسد

اسبرو : سي أسد كون كانو عينيه قنابل كو را نصي دابا بحال حلب ... سيري كلسي حدا راجلك راه نتي حاملة انا لي اتجيي فيا دقة .. قالاك فيك جوع .. شي نهار تاكلينا

هزات لامار تاتي كسوتهااا و مشااات عندو مبتسمة و كتحس براسها مزياااان لي خوواااات المعدة ... 

اسد : تقيتي ؟ 

لامار : مممم اااه ( شافت عندو بضحكة د ببراءة هو كتخوفو هاد ضحكة ) .. 

خشاات يديها فدراعو... و طلع واحد فوق المنصة عندو مايكروفون ...

- بإسمني و باسم اللجنة المنظمة و باسم سياادة اسد الاسماعيلي كنرررحب بيكم بحرارة و كنتمنى ليكم امسية سعيدة و كنشكرووم على تبرعااااااتكم كلها و الله يزيدها فميزان حساناتكم ...

عدنان غي كيسمع ويهضر مع عقلو و يشرب ..

عدنان : اسد الاسماااعيلي خسااااارة ... تامن نسبوو نااااكرروووو

حبسو من تصفيقات و كمل المعلن على الهضرة 

- و باش ماننزيردوش نطولو كترر .. غااانبداو المزاد ديالنا و غانعيط على سي الهاشمي يفتتحو ...

طلع احد اخووور تاهو معروف فااعمال الخيرية و عندو جمعيات بزااااف . . ووقف كقرا الكلمة من الورقة ... تاسلاها و دقو الجررس د بداية المزاااد و كوووولشي سكت

- اااذن الظرف الاول طانا من ( قرا اسمو ) ..... لوووحة من رسااام مشهووور اطااالي جااتناا من متحف **** كتوحي علي ...

بدا يكمل الشرح و ناس كيتزايدو على داك اللوحة تاشراوها و لامار عحبهاااا الجووو ...وبداك الحال للقطع للاخرى ...تادخلات واحد لبنت قطعة اخرى جايا بييها شافتها لامار و هي توسع عينيها و عدنان عاد حلا ليه كاااسوووو ....

- وهاادا فاااز من توقيع *** جاينا من متخف الماااني... . فااز مررصع بالماااس و احجااار الياقوت الحررر .. لونو لون البحر و قيمتو المادية باااااااهضة ... من طرف فاااعل خير مجهول الاسم بغا يدير الخير فالسرر الله يقبل الله ( تصفيقات ) و كيف مكتوب عندي هووو من خلال هاد الفاز بغااا بقااا يقول رسااالة خاااصة لسي اسد الاسماعيلي منظم الحفل ... .

اسد علا حاجبوو و كولشي شافو عندو متسائلين وكيهضرو مع بعضيااااتهم و عدنان داير ضحكة شريرة ... 

داك المعلن خشااا يدوووو باش يجبد الرسالة و لامار غمضاااات على عينييهاااا مقادتش تشوف عرفااتها قفرااااااتهاا ... ملامح ديال داك المعلن تبدلوووو و عينيه خرجو ... و ناس مراقبين تاطلع يدو كوووولهاااا صفرة كتقططططرررر بتتقياااا ... عييفااااان و ناس شدات على فمهااا ... الورقة لي لداخل فزكاااااااااات بتقيا جبدهااااا و كووولشي تتتصددددم و عدنان وحل ليه داك المششرووووب بقااااا غي كييييكحب و لمعلن شاد داك رسالة لي ريحة الحماض طالع منها و اسد شاف عنهااااا 

لامار : وعلاااش كتشوف فيا دابا ..... و رااااا ولدك ماااااشي انااااااا

اسد شد على راسو كيتنهد على هاد الكارثة لي عطاه الله ... اصلا كان داااير بحساااب غتوقع شي موصيبة و موجد فعقلو اسوء الاحتملات ... لاباس لي جات غي بالتقية ...شاف عندها و هي غي كضور بعينيها و ناس كيضحكو بالسر مع بعضهم .. و داك المعلن عطاوه كلينكس كيمسح و عدمان مزيررر على الكاااس بيدو و فهد كيشوف عندو مافاهم والو ..

المعلن : ك .. ك كنعتدرو .... وقع مشكل بسيط ..... كنعتدرووو من سيااادتكم مرة اخرى .. الرسالة لاسف ضاعت ... ونعاود اعتداري لصاحب المزهرية ..( باش يبعد عليه الاحراج ) موهيم ندوزو للقطعة التالية ... 

عدنان بدا غي كيسوووط خطة ديالو كاملة فشلات و كيدعي فمول هاد الفعلة واااااهياااااناري كون كانو دعااويه مقبولين كورا لامار فعداد الموتى بشناعة .. 

اسد : مااالقيتي فيت تقياااي نتي كاع ؟؟؟ 

لامارر : ودااابا مافهمتش ... دابا حيت ولدك نااااافخ ريشووو من صغرو مكرضاااش تقيا ماماه غي فلافابو ... خااصووو فااااز بالملااااين .. راااه ولد روكااان هذاااا

اسد : هادي هي غاندير عقلي ؟ 

لامار : ويااااك من قبيلة ونااا دايرة عقلي ... وصااافي بلا متعقد دوك الحجبااان تاني...

اسد : دابا غي بشوية عليك .. تالداار 

بداو كيكملو بقية المزااد و غي الملااين كتشششييير ... تاسلا المزاااد وتباع كولشي و الجمعيات خداو شيكانهم .. و بداو يجيو تاني نااس عند اسد ولامار .. وهي الملل شادها من صبعها صغير كتشوف عند اسبرو .. و بدات ديرليه بعينيها اجي .. هو كيقولها ميمكنش حيت خدام ماشي معروض... كان واقف فطبلة اخرى مع عادل .. وهي تجبد اسد لعدنها بلباقة و دوات غي بشفايفها باش مايسمعوش 

لامار : حبيبي مليت .. خليني نمشي نووض شوووية عفااك

اسد : ( بابتسامة فرحااااتهااا قالت غايخليني ) حبيبتي اغزالة ( ضرب فنيفها بالخف ) تزعزعي من بلاصتك نزعزعك .. داكوغ اروحي .. يلاه ريحي الارض... 

ابتسم ليها تاتسدو عينيه حيت هاكا ابتسامتو كيتسدو فيه عينيه و يصغارو وهي ماعارفاا تبكي ماعرفا تضحك ماعرفا اش دير و ضار تاني كيهضر مع لوخرين .... بقات غي كتفرك فيديها .. اسد شاف عنها ولان حممرة ... و اعتدر منهم و تكا لايح يدو موراها وهضر قربب لودنيها بهمس

اسد : مال حبي ...

ضارت عندو مخنزرة 

لامار : حبيبتك دابا ؟؟ انا جيت نفوووج ولا جيت نبقا نسمع لخدمة و لبروطوكولات

اسد : ما بززز عليك حد ... نتي لي بغيتي تجي...

لامار : يااك اسد.... اوا على الااقل كنتي تخلللني غي نووض عند اسبرو هو لي كيفووج عليا

اسد : دابا على خر يامي غانولي نغير من واحد قد ولدي

لامار بدات تخسر فملامحها 

اسد : ماالكي ؟؟؟؟ مااااتقوليليش غاتقاي تاني شديييها هالعار

لامار : ن نووو نوض و ريني طواليط ...

ناض شاد فيديهاا و هي ماشيا موراه بزربة داها لطواليط .. و عدنان مرااقب ....

عدنان : عوالنااا عليك بكري 

فهد : على هي زعزعات من قداامو 

عدنان : تبعني ودير اش كنقوليك مايمكنش نخرج من هاد لاسواغي بلا نتيجة ...

لامار وصلها اسد لدوش و دخل معاها غي لبلاصة د لافابويات كتقيااا وهو شاد على راسها .. تاسلات و بدا يلوح لما على وجهها كيغسل ليها تفوتها دوخة...

اس : مغايزاد هاد الباسل تاييخرج ليا على ماماه ...

لامار : بغييت ندخل طواليت 

اسد : دخلي .. انا برا ..

خرج اسد و فبالو داك رسالة بقا مخو حارقو اش يكون فيها واتاجه لواحد ليسباس يوصيهم يحتفضو بيها ...

لامار خرجات من طواليت ووقفات قدام مرايا كتسكد فمكيااجها لي ضاع .. عاد خرجات كاترد داكشي لصاك واحد السيد كان كيهضر فتيليفونو و صوتو كيتسمع ليهاا ...

مقصداتش تصنت و لاكن اش كان كيقول بلا خاطرها خلاها تسمع

الصوت

- غي شوفووو كيديرو ونقدو حياتووو راه هو لي عندي فهاد دنيا ... شنووو ؟؟؟ لا مااايمكنكش منين غااانجيب هااد المبلغ .. عفاكم لامااانقدو حيااااة خوويا مسكين ...وديرو ليه العممملية و منبتد غانخلصكم شوية بشوية دابا مندظش نوفر هاد المبلغ كااااامل.. عفاااك ادكتورة ....

لامار بقات غي كترمش ...طريقة باش كيهضررر بقااا فيها بزااااف.. ضارت موراها كان عاطي بضهرو كيهضر .... بغات تمشي عندو وهي تفكر اسد يقدر مايعجبوش الحال .. و جات رااجعة و هي تسمع 

- ا ... م مدااام اسماعيلي ؟؟؟؟

ضارت عندو غي براسها ..

- ا اس سمحيلي .. و واااش نقدرو نهضروو شوية 

لامار بقات غي كتشوف محرجة و فنفس الوقت خايفة لايجي اسد كتعرفو كيداير .. فللخر باتسمات وضاارت كاملة عندو 

لامار : نعام ياك لاباس

- سبحان الله .. غي تلفت ونا نشوفك بحالا ربي كيقولي كاين واحد الكل نعتق بيه حياة خويا 

-لامار : م م مفهمتش ؟؟؟

- خوويااا عندو عملية ليوم خطيرة على صمامة د القلب ... ويلا مدارهاش احتمال متيصبحش غدا حي .. ( لامار مخسرا معاه سييفتها و داك السيد كيهضر و تنغنغ صوتو بحرقة البكا ) و طالبين واحد الثمن انا كاع منقد ليه .. عفااااك امدام .. طلبي راااجلك ييعااوني ... ياك هو لي منظم هادشي ولاااباس عليه..... طلبيه يدير فينا هاد للخيييررر نبوووس يدييكم الى بغيتو ....غي عتقو خويا فالخطر 

لامار : ا لا .. لا .. ص صاافي واخا انا غانهضر معاه .... الله يشتاافيه ويرجعووو ليكم انشاءالله .. بلا متماف ررربي كبير 

- هو لي عندي امدام ... بالصدفة معروض لهاد المزاد .. يمكن هااادشي من صدف دربي باش نتلاقا معاكم و تنقدو ليا خويا من الموت 

لامار : شحاال خصو ؟

- 150 مليوون 

- ييي ...ففف ... ص صااافي غانشوووف مع راااجلي ... متخااافش غادي يلقا ليك حل انا متأكدة

- منسااااش خييركم ... الى بغااا راه غاتلقايني فطبلة لوووور .. شكرااا ليك حيت سمعتي ليا ...

مشا وهي بقات ااقفة ..

بقااا فيها بزااااف ... و متاكدة ان اسد غايقد يعااونوو .. مايقدش يتخلا عليه ... يلاه غاتجبد تصوني عليه فين مشا تاكتشوفو جااي ...

لامار : فيييين مشيتتي و خلليتيني 

اسد: ( جرها عندو من خصرها ) غير هنا ... صافي مزيانة دابا ؟ ياكما رطعو لدار ؟ 

لامار : لا لا مزيان .. يلاه ..

زادوو دخلو للقاعة وقفو قدام واحد طبلة تخرى و حطو قدامو المشروب بدون كحول و هي عصير .. وكيشوف عندها غي ساهية كضرب بصبعانها فطبلة مبرزطة 

اسد : لاماار !

لامار : هم ...

اسد : طلقيها ...

لامار : ااش اشنو هي ...

اسد : غي هضصري... راه كنعرفك .. درتي شي حاجة تاني ؟؟؟؟؟

لامار : حراااااام عليك و الله .. ناري كتلتخ ليا معنوايااااتي مع الارض .. لاا ..ا انااا غي باغا نهضر معاااك و صااافي 

اسد : ممم ااش كاين

لامار : د داابا .. دابا فاش خرررجت من طواليت و نتا مشيتي معرفت فين ... يسمعت واحد السيد كيدوي فتيليوون ... و كان كيهضر على شي عملية ما عمللية ( كتهضر بيديها و ملامحهااا مأزمة معاه ) ديال شي خوووه مسكييين... وماابغاوش يديروهاليه حيت غااالية وهو معندوش داك المبلغ .. و ملي سلا شافني .. و قالي واش يبغي راطلك يعاونني .... اكيييبد غاتعاونو ياااك .. 150 مليون مغاتغلاش عليك 

اسد : مزال مفهمتش ... فاش غانعاونو

لامار : يخخخلص العملية لخوووه... جا مسكين قصدناااا و شافك كاادير هاد الاعمال الخيرية ... انا متاكدة نتاااا لي غاتعانو باش يتشافااا خوه ياااك احبيبي .... رااه غي صدفة دربي ... نتا دير فيه اجر وهو ينقد خوع

اسد هادشي حراام واش دخل ليه لراسووو حيت هووو اخر حاجة كيآمن بها هي الصدف ... كيقول اي حاج كطرا الا و مخطط لهاااا ....

اسد : شكون هذااا لي هضر معااك ؟؟؟؟؟

لامار : ونا بااتش غانعرفو .. حبيييبي غاتعاونو ياك .. عارفة قلبك حنييين وكدير الخير فناااس ... عااانو عفااااك ... على وجهي ...والله تتتابقا فيا ..كون تشوفو كيفاش كون كيهضر كيقطع فالقلب ..

اسد : صاااافي تاانسالي لاسواغي ونوصيهم عليه

لامار : غاايقد يكون مشاااا .... راه عندو العملية د خوه غدااا .. وعفاك قبل مايمشي وهو داير فينااا امل ... عفاااك يلااااه نفرحوووه

جراتو من يدو وهو مساعفها واخا هادشي ماداخليهش لراسو .. وهي كتقلب بعينيها تالمحاتو .... ووقفاتو حدا الطبلة ديالو و عدنان مطلع حاطبو مبتسم ... و اسد لهلااااااااا يوريكم نظرتو كيفاش دااااااايرة فااااااش شاااافووووو .... بلاش ماااا نوصفها تخيلوها راسكم شي حاجة فوووق كتتتخلع

لامار : هذااا هو ا اسد ... شووف راه دويت مع راجلي و نشاءالله يلقا ليك حل 

عدنان : ( كيهضر معاها ويشوف فيه ) شكرااا بزاف ... اكيد غايلقااا ليااا حل مااافيهاش الشك ... ( رجع شاف عنها ) كان نعرفو عليك كيعجبوو يدير الخير هذااا هو الروووكان ....

اسد حدو ضور وجهووو لجنب كيصوط قبل مايهد السقف على راسو ...حيت عارف دابا عدنان على حقييقو و لي معصبو هو ماعارفش اش باغي يوصل ليه بهااادشي دياالووو ....و لي تاني كييزيد يجننو هو دار لامااار طريق و تجرأ يهضررر معااهااا ..... تجرأ يقرب ليه لمراااتووو ... مكررهش ينرس كبلة فوق راسو ويشوفو غاااررق دمااايات و مايهناش قلبووو و لاكن ماباغيش يبين غضبو باش ماايحسش عدنان بلي كشفو ... و فنفس الوقت ماباغيش يدااابز حدا لامااار حيت كتبقا حاملة و يلا تخلعاااات تقدر توقع شي حاجة ليها و لا لبيبي وديما كيسبق عقلووو على غضبووو ... و رجع شاف عندهم 

- مكنضنش واش محتاج للمساعدة ..... من البذلة ديالو ... الى باعا يقدر يخلص بيها .. يلاه...

لامار : لا تسناااا ... اسد اش عرفك ...راه سمعت بووودني

اسد : ( مزال كيهضر بهدوء لي هو فالاصل قققققققققققمة الغضب ) لامااااار 

عدنان : يقدر يجيك ثمن العملية سلوي غي بدلة ... حيت نتا قااادر تشري كي سروال بداك ثمن وربما لي لابسو كتتر ماع ...ولاكن انا لا ... كون مكنتش محتاج مكنتش غانهضر مع المدان .... عااادي...عادي ماااشي مشكل ... سمحووليااا .. غي بخوفي على خويا طلبت المساعدة .... خاايف نتحرم من شوفتو ... المبلغ لي طلبو ماقديتش عليه ... داكشي علاش التجئت ليكم ( كيحاول يحرك شفقة لامار و يزيد يستفزو ولاما تعرف راجلها بلي قلبوو ماشي حنين كيف كضن ويخيب املها فيه) 

لامار : ا اسد .. د دير شي حاجة ! خوووه مسكين غايمووووت ... ( بينها و بينو ) مكككنعرفكش هاكداااا

شوية كيدخل فهد وهي كاتصغررر عينيها فيه كتفكر فين شافتووو و اسد كملات ليه الباهية وسلاااام

فهد : س سمحوووليااا مقصصصدتش ندخل و مقصدش نتصنت عليكم .. هضرتكم كانت مسموعة.... سمعت بحالا باغي شي مساعدة لا ؟

لامار : فهد ؟؟؟؟ هذااا نتااا

اسد طلع راسووو لسماااا كينفس و فتك بيدو الصدايف الفوااقاااا دشووميييز حاااس بالخنقة مقااادش يتحكمم كتر فأعصااابووو ....

فهد : لامار ؟؟؟؟ نااارر ماتقوووليليش هاااادي نتي !!! اش هااااد الصدفة الللزززوينة ( قرب يسلم عليها بلابيز و بعدات وجهها مدات يدها ) مضنيييتش غااانتلاااقاوووو مزال ...

لامار : ممم اه هه .. 

غي كتبتسم ملي كتشزف عند اسد كيفاش صااااعر خوووفهااا ....و جمعااات رااسها ملي تفكرات اش وقع اخر مرة فالجزيرة

فهد : واش محتاج لشي مساعدة اخويا ؟؟؟؟ نعاونوووك

عدنان : لهلااا يخطييبك.... ناس لي بمثااك قلاال بزاف .. اش نديرو فاش الامر كيتعلق بخوووتنا ( شاف عند اسد ) مكنبقاو عاقلين على والو ....( رجع شاف عندو ) و كنطلبو المساعدة من شكون ماااكان بلا مانردو لبال لكرامتنا لي تقدددر نعععفس...

لامار غي كترمش محملاااااتتش تصرررررف اسد حساااات بحالا مابغااش يعاونو هو عالم بيه غي الله الشوميز على كتافووو كون ماكانت ماركة مجهدة كااانت طرطقااات عليه بقوة ماااقساحووو ليه كتافو بالاعصااب ووقف بهدوووء عكس شنو لداخل ديالو ... و شاف عندها ووما ليها براسو تزيد قدااامو وهي غي كترمش ...تاشافتو طلع حاحبو عاد زادت لاتجيبها فعضامها ... و شاف عنهم مزياااان شوفة عمرهم ينساوها ..وتبعها تاكان سبقها 

فهد : وهاادي خطوة زوينة ماعندي مايتسالك.. دابا غاتكون كتقاارن شكون مول القلب الكبير ...واش انا و لا سي روكان ...

عدنان غي كيبتسم ...وهبط على كاسووو شربو .. عينيه ولاو حوووومر بالسكرة واخا مكتشدش فيه.. احساااس قبييييح وغريييب كيتملكو فاش كيكون كيهضر معاه فاااص افاص ...وصوتو كيفاش ولا مخشن و بحة رجولية طاغية عليه و كيهضر غي بشوووية و ثقيييل فحروفو وكيميز هضرتو ... شخصيتو كتزيد تغلي فعدنان ماااباااغيهش يكون هاكا باغيه يكون قل منوووو باش يرتااح ... 

لامار ماشية هي و اسد و هو كيشوف قدااامو و الموري دالغصب عندو وصل لافااااان ... ومتتتتحكم فراااسو ..مزيرر سنانو عندووو وعنقوو برزوو فيه العرووووق وااضحين ... وجبهتووو حمارت ... شافوه اسبرو و عادل خارج و ناضو تبعوه كيعترو ... وصل لطموبيل كانت عندو فباب الاوطيل شافوه الحراس جاو كيجريو يفتحو لبيبان وحبسهم بيدو ورجعو .. و فتح لينا لباب ...

اسد : طلعي 

لامار :اااسد اش واااقع ؟؟؟؟ ماااحسابتنيش غاتعصب هاكا مانا منهضرش معاااك ... اش درت ليك .. راه غي بقااااا فياااا .. مكنضنش واااش غلطت فشي حاجة ..

اسد : ( بنفس الهدوء ) طلعي ...

لامار : اااسد سمعني بعدا رااا

ضرررب بيدوو فطموبيل تاعووجها : ططططططلععي

لامار بقااات غي كترررمش وترعد و عينيها تعمرو بدموع و كيشوف لصدرها طاالع هبااااط بالخلعة و عادل و اسبرو واقفين مصمرييييين لور ماقادينش يزييدو ... و رطع شاف لفووووق تننننفس مسح على وجهوو ... و هبط راسو شاف عندها و شد وجهها بجوج يديه يهدنها باش مطراش ليها شي حاجة بالخلعة ويبقا مشوش حيت لاطرات ليها شي خاحة بسبااابو عمرو يسمح لراسو .... كيهضر و كااينهج فهضرتووو ومغنززز

اسد : سمحيلي .. صاااافي .. ( باس على راسها ) ممقصدتش نغوت عليك .. نتي لي مكتسميعش الهضرة ... صافي احبيبة ديالي سيري لدار غايوصلوك .. انا شوية و غاانجي 

لامار : ( مسحات دموعها ) اااسد فهمني مالك شنو عصبك كاع هاكا

اسد : راااه هضرنا لا ... طلعي لطوموبيل ... مغانتعطلش عليك..... يااك صافا ؟؟ مكيحرقك والو 

لامار : حااارقني نتاااا .. مفهههمتش مالك شوششتيني 

اسد : كووولشي هو هذاااااك .. مكاين لااش تشوشي سيري لدار وطلعي نيشااان لبيتك .. وتسنايني مغاتعطلش .. يلاه طلعي لطموبيل ...

ضار عند عادل و اسبرو 

اسد : وصلوها لدار ....

ضار شاف عندها طلعات وشد عليها لباب و زاااد لداخل و عادل و اسبرو مشاو ركبووو فلول 

اسبرو : اش دراي ليه الصكعة تاني ماتهناي تاتكبتيها

عادل : غي الله يحضر سلامة 

لامار : ماااااادرت واالو مااااتكمووولوش علليا ( شادة على راسها ) ... 

عند عدنان ...

فهد : ( باانت فيه السكرة) اكيييد غايكونو شد ليا نقطع ليك ههههه خيب ضنها مسكييينة ههه ....

عدنان : تاهوا كاتبانليااا غي نية د سيدي ربي ..مي منكروووش .. وااااعرة زينها فشكل ... فيه شي حاحة غريبة

فهد : قلبببها حنيييين حبيبتي ..... واش غي جيييت و طحت فيهااا ...راه عينيها كيتلفووو.... 

عدنان : غير خدم عقلك راه تقدر تولي ديااالك .. 

باقين كيهضو و ديشوفو فناس بداو يخرجوهوم و كيعلنو بلي سلات الامسية ...

عدنان : ففف فاااينالي .. كانت كالس على اعصابي ... 

ناضو هو و فهد كيهضرو 

فهد : فين نكملو القصارة مزال الحال .. ونتا غاترجع لالمانيا سييييييير فين نتشاوفو 

عدنان : ماعنديش الخاااطر .. بالي مزال نشوش منجهة جدة ... 

هاابطيين فالاسنسوور لبركينغ لي كاااين فلاكاااف حيت طموبيلتو هبطوهاليه لاكاف ... سهييييط ...لان تقريبا تاحد مامحرك كوشي غايبات فولوطيل ... و لي محركين طموبيلاتهم على برا ... 

يلاه وصل لكوان فين حاط طوموبيلتوو هو يبان ليه اسد متكي عليها مربع يدووو مطلع حاحبو ....

عدنان بقا غي كايشوف كيلعب بسوارتو فيدو ... وفهد ماعرف باش تبلا ... دابا تفرشو حداه الى كيعرفو بعضياتهم ... 

بقا غي كيشوف فعدنان و يشوف فاسد .. و اسد كيطلع فيهم ويهبط مطلع كمامو د الشوميزز طاويهم للفوق .... 

اسد : غاالقاو البانكة فشارع لوراني ..على يدكم ليمنة ... باينا الاستاذ ( شاف عند فهد ) ماشي معاك تيرو فلوس العملية ....

فهد : ا ااه .. داكشي لي لقيتيينا غانديرو ... 

اسد: ممم ( كيقرب لعند عدنان مكيرمش وعدنان كدالك مخنزر فيه وعندو احساس بحالا شاك فيه ) سي العلامي لي كنعرف انا ... معندوش خوت ... هذا ولداتو ليك الطبيعة!

عدنان: هادوك مسائلي للشخصية ... وماشي منحقك تعترض طريقي حدا طوموبيل اموسيو اسد الاسماعيلي .... 

اسد علا حجبانو بمعني "اها " و بعد لجنب 

اسد : سمح ليا ... محسابتنيش ( شاف لطموبيل ) البورش w دسيادتكم ... قلت غاتكون بعتيها باش تخلص مصاريف لعملية....

عند لامار ... 

وصلووها لدار بغد ماقلب ليها اسبرو راسها بالاسئلة ... و نزلات طلعات لظار تلاقازها لخدمات بشنو تاكل للعشا ..مع كان فيها جوع طلبات لي بغات و طلعات لبيتها لاحت بوشيت و حيدات طالونها و بدات تفك فشعرها مع المراايااا ... وتصرف اسد مابغاس يتسرط ليهااا كاااع .. حسات بحالا تحشمات مع داك السيد و بقا فيها ... وفنفس الوقت مشوشة شنو معصب اسد هاكاك...نفضات راسها من دوك افكار و بدلات حوايجها بقات غي بدو بياس دارت فوقهم بينوار ... تاجابو ليها العشاااا تعشااات وشربات دواها ... وردو لبلاطو وبقات فبالكون كتسناه ...شافتو تعطل و دخلات لدوش عمرات الجاكوزب و دخلات فيييه كتسترخى ..

يتبع