حبيبي الأصم الجزء 64

نزل شيفور حل ليهم لباب و لامار شافت عند اريج وعنيها حومر

لامار : شفتي لامالقيتوش برا ولا فطيارة .. وخلاني نسافر بوحدي .... ماتلووومومونيش على شنو غاندير .... 

اريج : الامااار الله يهيدك راااه غي الوحم لي داير ليك هاكا ... غير يفوتك تفكري هادشي و ضحكي على راسك ... باينا هاد البجغوط غايطع فوكووبي د اسد شفت جاك الوحم عليه ... ماديريش هاكا احبيبية 

لاماار : اوا مالقاهش برااا وغاتشوو داك ساع لامار .... ونوريكم لمن كيقولو العكس ديال بصح.. نزلي .. 

نزلو من طموبيل ماشين بجيهة الرواق الخاص بالطائرات الخاصة... و اريج غي كتولول لاسبرو بلاشارات كتقليه زعما الجو مكهرب وقضية حامضة .. و زادو لطائرة ديالو كانت سميتو مكتوبة بالازرق كبيرة فطائرة و لامار كتقلب عليه بعينيها كتمناااه يكون جا مايمكنش يخليها دابا ويمشي .... لقات ليكارد و جوج مضيفات و جوج ممريضين من دوك المغاربا لي كانو معاها ..واحد لي كان جا عندها داك نهار ووحدة تاهي مرافقة ديالها ... 

ممرضة : مدام الاسماعيلي ... حنا غانمشيو معاكا كلفنا سي اسد باش نرافقوك طيلة هاد الست شهوور تايتم الوضع انشاءلله ....

ممرض : تتفضلي طلعي امادام .. 

شافت فيهم وهوما مباتسمين ليها والمضيفات تاهوما وطلعات هي و اريج و دخلو وهي كتشوف مكيانش ليه للاثر ...غي لي فوووطوي كانو دالجلد فالمارون والارض كلها مارون بلي طابي و المشرووبات وبوفيه فوقو الماكلة . ... قلبات راسها بانوليها كيشدو لباب صافي .... المضيفات والممضرين لي جاو مهاها تاهوما كلسو فواخد كوان لقدام فيه كراسا ولي كارد كالسين فلول معاهم اسبرو كاشوفو فطابليت دالعمل .. و جات عنها وحدة لصالون الملكي فين هي ..

مضيفة : مرحباا بيك .... تفضلي ..حنا فالخدمة

لامار : فييين هو اسد ...

مضيفة : موسيو اسد خدا رحلة لبارح بليل .. 

لامار : ( مغددة كضرب بصبعانها فالراس دالليفووطوي وماباغاش تبين وهي سنانها كيتحكو لداخل ) ممم

مضيفة : شي مشكل امادام للاسمعايلي ؟ 

لامار : ( مززيرة على سنانها مغددة ) لامااااار .... سميتي لامااارر

مضيفة : اااه سوووري .. مدااام لامار ... 

خلاتها وزادت كلسات فليفوطوي ممغددة 

لامار : ابلااااتي عليك.... بلاصة متصلح غلاااااطك درتي واحد اخور ... لباااارح حتا قلت صافي غايعتدددر و يعترف بغلاطو وونساااو . هو جااااي كيعاودلي عل داك الزين دالمااضي فلانة حماااقت فلانة انتحررررات ونا هاز ليهم الددددنب ... وداباا لي خصوو يكون معااياا ويوقف فجنبي و يفرح بخروووجي راااه ولدو فكرشي زعما .. مشااا ... خليه هااااز دنب مع راسو لسااااارة و لهاديك لي مكتماش و مراتووووو مكتهموووش هااانية خرج و لا تككككلس ... ض

صلح خطأ بخطأ كبر منو ..... نتاااا لي بغيتي هادشي ا اسظ ... وداباااا غانوريييك شنو هو العكس نيشان ... وداك تعفااار غاتشوفو دابا مدوووووبل ... باش تجي تخرجني من هاد الازمة وتعتدر على غلاطك وتكون معايا .... تخليتي .... الى مالقيتكش فجنبي دابا امتى غالقاك .... اوا غي بلاتي عليك ....ماااادام الاسمااعيلي و الله لاشفتيها مزال .. مغاتبقا دابا غا لامااااار .. لي ماااكدير لاعتبااااار لتااشي منطيح ....و كدير داكشي لي كيمليه عليها طنطوووونها ....وت تهبل الوااااحد و تخليه غايتتتتنف راااااسو وتابعها .. مكاين لا حشوووومة لا عيب لا عاااااار ...ونهززززز هم لشي حد ولا نرااااااعي ... هانتا دابا غاتشوف لامار القدييييمة لي كانت قبل ماتعرفك ... لي ضرها كاتردلو الضربة مضوووبلة ... وتحححححمق جد بااباه ....

جات المضييفة طابلت منها تحيد العدسات وحيداتهم و اريج غي كالسة و متوترة من النظارات لي كدير فيها داك الممرض ... شوية وهي تخطف مع تيليفون 

اريج : ياااا !!!!! يونس دار جيم ؟؟؟؟؟؟ ... والله تادراها ...

دخلات كتشوف واش علق لقات والو ... و لاحت داك تيليفون 

اريج : انا علاش فرحااااانة .. ومننننبعد ..... ياك هوووو بقا مع مرتوووو واخا هادشي كامل باقي لاسق فيها ... اواا يمشي يققوووود دابا و الله فيه لافكرت .... 

شوية شافت عند لامار متكية راسها ومغمضة عينيهاااا بقاااات فيها .. ماعرفاش اش دير تخففف عليها .. ومشاات غي كلسات حداها و شدات فيديها و لامار شافت عندها كتصغر فعينيها باش تقشعها ...

اريج : شوية دابا مم ؟؟؟ تشربي شي حاااجة 

لامار : اريج ... سمحيلي لازعفت عليك قليبة .. والله ماحسيت

اريج : شوف علي قردة حنا بيناتنا هااادشي .... هانيا اصاحبتي حاااسة بيك .. صاافي عطي الراحة راسك 

لامار: داكشي لي غانولي ندير منهنا لفوف غانفكر غير فراحتي و ف ولدي ...

اريج : ( مع رايها ) مممم دابا نشوووف .. 

تكاو ريوووسهم ونعسوو .. 

تابدا يفيق فيهم اسبرو بلي وصلووو .. ناضو كيتجبدوو ولامار ردات لي لونتي .دياولها ... وهبطو و دوك المرافقين دلامار تابعينها .... كانت طموبيل كتسناهم رنج بيضة .. و نزل شيفور الخاص بأسد و بيها هي ... فتح ليها لباب ...وطلعات هي و اريج و لوخرين موراها فطموبيل اخرى ....

شيفور : ( من المرايا ) على حساب تعيليمات لي عندي .. غاتمشيو عند مدام رقية 

لامار: هه!!....( شوفة باستهزاء و مراضياش بالوضع )

اريج : اااه .. اه دينا عندها ... لامار اسد قاليا لبارح لاسولاتك غان(قاطعاتها )

لامار: انا عارفااااا اش غانقول ليها .. ويلا هضر معاك مر اخرى قول ليه بلامتهز لينا الهم مزال ... تاحنا كنعرفو ندخدمو دماغنا 

عند اسد ... 

نازل من طوموبيل عاقد حجبانو كيشوف فتيلي كان بسروال كحل جين وتيشورت كحلة و كاسكيط كحلة و سبادرين وشعرو منفوش و لحيتو قادها شوية مي باقا كثيفة و ساعة فيدوو جلد كحلة كيتلاقاه عادل وطلع فيه عينو 

اسد : فايق

عادل : فيقناه اسيدي .. 

زادو بيجيهة لباب ديال واحد ديبو عندو قديييم و رجال غي مزلعين تما .. خصوصي ملي عرفوه جاي .. دخل لواحد الوسعة فيها رابطينو ... ولقاه تما على لكورسي مضضضضضهشر بقوة الكينات دنعاس لي كيعطيوه و اسد منعهوم يقيسوه و لا يضربوه حيت عارف معندو دنب .. و داك السيد طلع عينو فاسد عاد ولا ييييترعظ دبصح قال صافي ظابا غايصفيهاليا و قرب عندو اسد و هبط نتر ليه اللسقة على فمو ... 

- س س سي سيدي مدررررت انااااا و الله.. مدرت والو ااااسيدي تيييييقني مدرت والو

اسد .... ششش ... اذن شكون دار 

- م م معرفتتتش اسيدي طلقووووني عفاااكم الله يرحم والدين عائلتي غاتكون مشطونة عليا نبووووس ليك يديك ااااسيدي ...

اسد جر عندو كرسي و كلس مقابل معاه وداك السيد غايموت من الخوف حيت عارف كاع لي لعبو مع روكان راهم تحت تراب ببموتة شنيعة واخا ميبان حنين مي لي كيجدبو مكيرحمووش .... داكشي علاش بدا يقفيقف واخا ماكيضربوه ماوالو مي ماعارفش مصيرو دابا ملي جا اسد .. و اسد خدم واحد الفيديو فتيليفونو ووراه ليه ... كان تسجيل الكاميرا ديال داك عدنان و هو كيعطيه الفاز ... 

اسد : هاحنا اختصرنا عليك الطريق .. عارفين شكون عطاك الفاز .... مي غاتكمل نتا نص طريق لي بقات وتقولنا شكووون هو هاد السيد ... ...يلاه ماحدي زويييين ومكالمي معاك هضر ...

السيد : ااا م م ممم مكنعرفوووش انا مكنععرفوووش 

اسد : ( بهدوء )لا كتعرفو ... مامكنش دير هاد الخدمة لواحد مكتعرفوش ... شكووون هو ... منين كتعرفو ... 

- ر ر ررر راه مكنعرفوش اسي دي طططططلقني عفاك انا مدرت هو وااو هو غي قاااالي دخلو تيقني مدرت والو 

اسد : سي كتعرفو ..... غاانعاود نسولك وفرصة اخيرة و لا مغانمضنش ليك راسي .... شكوووون هو ... من غير العالامي هادي عا فها ... شنو سميتوو لفغي ممم ؟؟؟؟ ننننطق

- ( كيسرط فريقو حيت لاهضر عدنان غايقتلو ولا سكت روكان لي غايقتلو )س سييسسسسيدي معرفتش و

باقي مكملهاش تاااحس بركلة جااات ف كرسي قللبوووو لتحت مع كان مربووط بقا هاكاك مقلووووب و جاه من جيهة ااخرى راسو لتحت و رجليه فوق كيشوف غي فسبردينتووو وقفات حداه و طلع نعاه عينو و اسد هبط عندو و شدو من شعرو طلع ليه راسو ....

اسد : مااااااباغيش تهههضرررر؟؟؟ 

داك السيد غي كيتررعد و فسسسخ ليه و ووقفووو ولسقووو مع الحييط محيفو بيد وحدة 

اسد : منييين كتعرررفووو وشنوووو غراااااضووو من داااك الورقة ... هضضضضضررر ( مد يدو لعادل )عطيييني سلاح ....

داك السيد طرطق عينيه ملي سمع سلاح قرب يبول و عطاوه لاسد و عمرو قدااامو وحطو فوق راسوووو تاكي على الزناد وهضر تحت سنانو ) شكووووون هووووو

سيد : غغ غي حيييدو عفاكوم اسيدي انا غانقول كووولشي ..صافي غير حيدو 

اسد: مغايتحيدش غاتهضر هاكدا ... 

السيد : اسيدي رااااااه غايقتلني لاهضرررررت

اسد : غايموت قبل مايحسابك ....... هضرررر 

سيد : ااا . ه .. ه عاافااااك اسيدي ماتقوووليهش انااااا لي قتيييييك راااخ عائلتي محتا( قاطعو )

اسد : ودابا غااااطلقنا .. شكون هو 

سيد : ا انا مكنعررفوش مزيان والله غ غ ل لبوس ديالي راه ص صاحبو وصافي و قالي سيير ر راه محتاجك د دير ليه شي خدمة 

اسد : هادشي مكيهمنييييش مزاااال ماجاوبيتيش على سؤااالي ( ضربو بسلاحو لراس ) .... شكوووون هو 

- ت ت تيقني انا ماعارف و والو .. ل لي عارف هو لبوس د ديال عصاابة عقارب سس س س فن السفن

اسد : ( عطاه بووونية عصبووو ) سمييييييتوووووو سمييييتو ..... دوي دددددغيا بلى مااااتعصب ديييلييمي رااااه غااانخويهلك فراااااااسك.. شنوو سميييتتوووو

سيد : ( كينهج حيت مجيفزوو وسلاح على راسو كيضريو بيه ) ع عدنااان سميتوووو عدنااااااان ... عع دنان .... عدناااان الوووووزاااااني

اسد غي كرررررمش فيييييه فللخطر طلقو من يدووو وهداك شد على عنقو كينهج جا يهرب وشدوه رجال و اسد فووووضعيتو ورجع ضااار عندوووو

اسد : شكووون قلتي ؟؟.؟...

عند لامار .. 

وصلو قدام لاغيسيدونص لي ساكنة فيها رقية كانت اقامة رااااقية تاهي ضمن مناطق الروكااان االبحرية فيها بيسين كبير فالوسط و ريسطورات وجرادي وبارك .. بحال منتجع ماشي اقامة .. نزلات لامار و اريج 

اريج : لاماااار ختي نخليك داباا نتي وصلتي .. خصني نمشي ريتاج غاتكون كتسناني فداار .. ولا تبغي نطلع معاك ؟؟

لامار : لااا غي سيري ماشي مشكل غاتكوني توحشتي ختك ... شهر ونتي معايا لهلا يخطيك وخلاص

اريج : يلااااه نخليك سلمي على خالتو رقية ... 

جات ماشية و عيطات ليها لامار و ضارت عنها تاحسااها عنقاااهااا

لامار : شكرااااا بزاف ا اريج .. خليتي كولشي و جيتي مورايا نتي و اسبرو فوجتو عليااا بلا قيااااس حمد الله لي جابكم ليا الله ... شكرا اختي 

اريج : شووو على بغلة .. واش منيتك ؟؟؟؟ بيناتنا هنا هادشي .. عاااادي و الله الى ربي لي عالم بمعتزك عندي .. دريوووشة و باغاا دير فيهااا قافزة هههه مهم تهلاي فراسك انا للعشية ندوز نشوفك انا وريتاج ... تهالايلا فالفنكووش و ماتعصبييييش

لامار : وشكون عندي من غييرو ( كتسلم عليها ) بسلاااامة .. غانتسنااااكوم راه غي نتي و اسبرو لي كتفوجو عليا و الله 

اريج : كوني هانية يلاه تهلاي .. تاهو لاكان مسالي يجي معانا باينا عندو بزاف نايدار راه شهر هو غابر 

لامار : واخا نتسناكوم

جبد شيفور لي فاليز د اريج ومشات اصلا دارها كاينا غي فهاد المنطقة من شارع لوراني د لفيلات ... دخلات لامار والممرضين تابعينها ووحدين هازين ليها لي فاليز و دخلووو للاكور عاد مشات لفين كاين لابارطمون دماماها كانت فالريدشوووسي "طابق الاول " على شكل دااار بجريدة صغيرة ... رجليها ماشييين و دماغها خداااام ... موراها خمسة دناس ها الممرضين ها لي هاز لي فاليز .. واخا هاكاك كتحس بالنقص ... من بعد شهر دالعداب و اول مرة تخرج جاايااا بوووحدها مامعاها تاااحد وهو لي ااول واحد خصو يكون معاها مكانش .. ماحسات تاهبطات ليها دمعة دغيا مشحاتهااا حسات بالحكرة فهاد اللحظة ... و الاهتمام ديال شهر كاااامل ضربوو فزيرووو ليووم لي خلاها بوحدها هاكا .... حنات راسها باش مايبانوش دموعها.. ماشيا مع الكولوارات لابارطمون ديال ماماها و قلبها غي مكيزيد يحقد على هاد التصرف لي عاقبها بيه ... كان عدابو اشد واقوى من العداب لي كانت كدير ليه هي بداك الهضرة ديال بعد مني ... مخليها جايا بوووحدها بحالا ماشي هي لي كانت مغبية ربع يام و شهر وههي على ظهرها و يدها نعلقة بالكبص و عنقها مزال تامبرا مزيان و جنينها فخطر وخارجة من الكيلينك ماتقبلاتهاش وخا تكون دات لي دارت مايتخلاش عليها دابا لي محتاجاه ... هادا هو السند ؟...وكتفكر نهار دار العملية على ودنيه مابغاتش تخليه تادقيقة بزحدو وخايفة على نفسيتووو واخا كاع اش قال وعصبيتو ...هي بقات كتقوليه انا باغاك كيف مانتا وخايفة على نفسيتووو هوو ماشي على شي بيبي بحال كيف كيدير اسد خايفها تعصب باش ماتآديش الولد اما هي داك الساع كانت خايفة غي عليه و على نفسيتو و طلباتو هي لزواج غي باش يرتاح من ناحية اعاقتو كون قال ليها لي قال مكنتش غاتخليه داك نهار .... تنهدات بحسرة .. تالقات راسها وصلات قدام باب دار و ابتسمات بقوة و دقات ... تافتحات ليها رقية 

رقية : فااطمزهراااا ؟؟؟؟؟؟

لاماار دخلات و عنقااااتهااااا بججهد

رقية : الله يا ابنتي الله واش هاد الغبرة .. واش عاد ليوم جيتو من السفر ؟؟ .. كيدايرة ابنتي ؟؟؟ تي ماااال وجهك صفررر 

لامار : غي كيجيب ليك الله ... مممم ماتووحشتيش بنتك تجي تكلس معاك شووووية 

رقية بدات كتشوف بانلوها الممرضين موراها و الرجال لي هازين الحوايج 

رقية : فاين هو راجلك ماجاش ؟

لامار : ( تنهدات ) واش غاتخليني فلباب ؟

رقية: لا هاويلي داااااخلي .. زيييدي ...

دخلات و دخلو موراها دوك رجال ورقية غي كتشوف معاهم غي حطو لي فاليز وخرجة و ممرضين بقاو كيشوفو فشي وراق خاصين بيها كانو بطبلياتهم بويض 

رقية : و هاد الطبا علاااش "ممريضين " ؟؟؟؟ 

لامار : كككلسي كلسي حدايا ... فين خوتي 

رقية : فسكوويييلة .... ياااك لاباس ابنتي شفتك جابا ب بواااالزك

لامار : واش مامنكقيش نكلس معاك شوية؟؟؟ ولا صافي غي عطيتني و نسيتني 

رقية: لا حاااشاا ولايني البنت ماكترجع لدارهم ب بوالزها غي لاطااايفو هي والرااااجل 

لامار : اييييه عندك الحق ولاكن كترجع حتى الى كانت توحشاااااتت دارهم اولا

رقيو : تي اش مخبية علياااااا واهاد الطباااا لاش جاين ؟؟؟؟

لامار : اووووف اماما شحال كتسلوني مممم ريحة طااااجين .. بالقوق يااااك ...

ناضت لكوزينة كتشمشم ورقية بدلت تشوف مع دوك ممرضين وهوما مباتسمين ليها ولي فاليز ديالها و تبعاتها لكوزينة لقاتها حالة على طاجين كتشم وكوزينة عاطيا من ريحة سانيكروا و جفيفة د توب فالباب و التاويييييل د المرا المغربية النقااااا ... وخا تسكككن فشقة راقية كتيبقا التاويل هو هو 

رقية : وتي دوووي سايرة تنخليني

لامار : وماما الله يهيديك جيت غي نرتاح عندك ... ح حح حيييت حيت قالولينا بلي الحمل ديالي شوية مضرر ... وخاصني نبعد على صداااع و فكرت غي فمييممنتي 

رفية : هاويلي وححححدي .. كيفاش هاد مضرر تي مال حباالتك ؟ ياكما بغاو يخسرو ليك الترابي ؟

لامار : الله ينجييييه ... زايدون الممرضين هاهوما هنا غايبقا معايا 

رقية : لا لا لا انا مدخلشاااي لعزري بلحيتو و شلاغمو على قدووووو لداري

للمار : هداااك غايمشي .. راه غي ديال الرياضة .. غايحط غي ماطريالو و يمشي .. واااجي وريني فين غانعس باش يحطو حوايجهم ( زادت قدامها ) 

رقية : انا مابقيت فاهمة والو ولايني تايجي وليدي اسد لي الله يحفظووووو ليا و نفهم اش كاين 

لامار : ( تحت سنانهتا) ممم وتايجيك هو بعدا ... 

زاادوو لواحد بيت ديال خوها الكبير و دخلات ليه حوايجها و حط تالممرض المسائل ديالو د الترويض لعنقها و يدها لي كانت مهرسة بافي خصها ترويض ليهم باش مايبراوش عيوج وتا ترويض لداتها ..حيت واخا خرجات خاصهاتتبقا ناعسة ما امكن فهاد ربع شهور ... هذاك غي حط حوايجو و مشا و هوما بقاو فالبيت 

ممرضة : مدام لامار من الاحس خودي ليك دوش و نعسي دابا.. حيت كنتي شادة طريق ... 

رقية : تي من الطرييييق جات لهنا نيشان ؟؟؟؟ هاااودااارها ؟؟؟

لامار : ماااااما الله يهديك ... واش باغاني نوض نمشي .؟؟؟؟؟ واش معجبكش الحال حيت جيت ؟؟؟؟

رقية : لواااااه لواااااه ... انا مقلتشاي هاكدا

ممرضة : مدام .. ممكن واحد دقيقة على برا لاسمحتي ..

خرجات ممرضة لي محفظها اسد... ولامار حيدات حوايجهااا و هزات بينوارها و مشات لدوش كان برا لبيت ..

ممرضة : انا حسناء ... ممرضة الخاصة بيها جيت خصيصا من امريكا للمدام لامار الاسماعيلي .. كيلفني سي اسد باش نبقا معاها طيلة فترة حملها المتوتر نوعا ما .. من بعد السفر لي سافروه هي و سي اسد هادي شهر طيارة موافقتاهاش مع الضغط المنخفض و حملها تضرر شوية ...

دابا لازم عليها تبقا تحت مراقبتنا و سي اسد مابغاهاش تبقا فلاكلينيك قلنا دارها و حباباها حسن 

رقية : الله على بنتي و نا نقول علاس مكانش يدوزهالي هاو مشغولة هاو فالحمام هاو ناعسة هي قول بنتي كانت مريضة 

ممرضة: اه امدام .. موهيم دابا مفروض عليها تبقا ناعية على ضهرهاااا باش يثبت الجنين ... و متعععصبش بزاااف وتبعد على اي حاجة فيها توتر او الخلعة او الصدمة .. ومن الاحسن نخليوها على خاطرها و سي اسد كيقولك لي باغات ديريه ليها وخليها على خاطرها و صبري معاها هاد الاسابيع ...حيت هو مشغول شوية داكشي باش قاليها تجي عندك لانو فدارها مغتلقاش الراحة كتر من حضن ماماها ...

رفية: هاويلي كالس يوصيني على بنتي ....الله على بينتي الله .. ياك ابنتي ترابي ديالها ماطرا ليها والو ؟؟؟

ممرضة: لا لا ماتخافيش كولشي مزيان الى ردينا ليها البال ...نفسيتها شوية متقلبة حنا نقولو ليها ااه وصااافي تاتفوت فترة وحامها لي صعييييبة بزاف و تا السكر عنها منخفض .. هادو تعليمات د طبيب ديالها و سي اسد 

رقية: انااا نووووض داااباااا نوجد ليها حسوة سخوووونة تسخن جنااابها هاو يسلقووو ترررباااابي و الله لاتزعزعو 

ممرضة : لا لاا لاااااا عنها نظامها الغدائي الخاص .. ماكلتها راه شوية غاتوصل 

رقية: تي نوووضي شمن غوودائي تي هاد الكرش بزعت منها 3 دعزااارااا و بنت راها على عينيك حااااملة توريني فالحبالة لي قارينها نتوما فالوراق و الداكتيلو مك رقية راه قرياها مع القننبة و شحال تعصرت فيهااا و زحمت تابجغتهم هاهوما مزيناتهم يححنتو الله يحفظهم ليا من عين الحاسود. . .. بنتي انا ... راه زاااويها البرد تيقيل دور مقزبة نعيااا معاها وازويهرة لبسي عليك البرد مامعاه ملاغة وازوييهرة راك باقا جايا تحت الولااااد و الوتاد يا زويهرة حضي جنابك لايزويك البرد وااالوووو لي ضربها ضربها على عرا الكوااارع . .. بنتي خاصها غالي يسسخنها وترجعك دك و دردك ... ... النوااظيم الغودائي قالك .. " نظام غدائي)

دخلات رقية لكوزينة كانت ببيجامة موردة و دايرة طابلية د الشغر فنصها معلقة ليها سربيتة وزيف حياتي رابطاه لور ...و دارها كاتشعل بالنقااااا و كولشي متول و محطوط فبلاصتو صاالة بلدية من دااااكشي بطبالي منقوشين تقليدية و صالووون فيه لي فوطوووي و طبيلة عصرية وبلازما فالحيط و صال مونجي و شيميني حاطة فوقو تصاور ولادها ...و دووشات كيشعلو بنقا و بيتها و بيوت ولادها و جريدة زارعا فيها القزبر و ماعدنوس ونعناع و مطيشة والورد وكوزينة على قدها مزهجة رفية مثال المرااا المغربية المتولة بامتياز ... واسد داير ل خوها لكبير بييت موسيقي حيت تقرب لخوت لامار و شاف لكبير كيميل للموسيقى و الغناء و دار ليه بيت عامر بدوك الالات و شاف الوسطاني عندو مع الكرة تا البيت ديالو كولو بديزاين بحال شي ملعب الارضية كلها خضراا وفيها ليطاش د تيران و مدخلوو للملاعب يدرب بمدربو الخاص ... و الصغير داير ليه غي القصص و رويات و الرسم حيت داكشي لي شافو كيعرف يدير باقي مابانت موهبتو وكيهتم بيهم بحالا اخ ديالهم و لا اب .. حيت عارف لامار شحال تعدبات باش توفر ليهم عيشة زوينة .. وعارف لاشافت خوتها فرحانين و عنهم مستقبلهم غاترتاح و ماتبقاش هازة ليهم الهم و مجاتوش يوفر كل اساليب الراحة للامار و يخلي خوتها و ماماها فالقهرة و الحاجة وهي لي كانت كتخدم عليهم .. حيت عارفها عمرها غاتجي طلب منو شي حاجة و عنها كرامة زاخا راجلها داكشيعلاش كيتقرب منهم بلا خبارها ويمشي عنهم و ديما متابعهم فقرايتهم وكيراقب هواياتهم واش كيعرفو يديرو ومتكلف بكل صغيرة وكبيرة لدرجة كل واحد فيهم عندو كونت بونكي ولامار كاع مارادا لبال لهاد تفاصيل كاملة كاتقول اسد ديما مشغول فالخدمة يمكن وتا التأثيث د دار و ديزاين د البيوت قالت راه مهندس ديكور ديالو لي داير هادشي ماعارفاش الى اسد كيكلس مع خوتها و كيخرجهم بعد مرات معاه و كيناقش معاهم و عرف هواياتهم اما هي 23 عام وهي معاهم عمرها اكتشفات هواياتهم . ماشي بحالو مهتهم بكل تفاصيل غي باش تكون هي مرتاحة و عائلتها مرتاحة حيت ماعندوش شي عايلة اخرى يفكر فيها من غير عائلة لامار .... لامار دوشاات و خرجات ب بينوارها و شعرها سارد كتمسح بالفوطة و دخلات لبسات بيجامة طويلة حد ركابي غووز فيها دب فالوسط و تكاات ...

عند اسد ...

مشااا عندووو شنق عليه كتر من لول و لسقو مع الحيط مغددد و عينيه حمااااارو و عروق يدو برزووو بزاااااف و تيشورت كايمزك على كتفووو بكترة لي مزير عليه

اسد : واااااااش عااااارف راسك اشكتقوول كيفاش عدناااااان الوزاااانيييي

السيد : كححح ككح ا اسيدي ككح اسيدي و الله ال هووو انا هادشي لي عااااارف 

اسد : ( عطاه بونية )ككككتكدب شي لعبة جدييييييدة هادي باغين تحمقووووني ... شكوووووون هو 

- اسيدي و الله تاااعدنان الوازاني هااادشي لي كنعرف و الله مكنكككدب ه هو هادي هي سميتو فالمانيا ب بصح هنا ك كيعفروه ب لعالامي س سير المانيا و وسول والله مككككنكدب اسيدي طلللللقني عافاك راه عندي عائلة ...

لاحو من يدو و ضرب بووونية فالحيط 

اسد : مااااااااايممكككككككنش ... ممممميممممكنش

عادل غير ضارب الطم مافاهم والو ... 

اسد : ( رجع عندو وهدااك مشا باغي يهرب منو و مكايردو غي الحيييط تخبط معاه و لسق فيه ممكمش ) 

اسد: وااااش عااااارف شكون هو عدنان الوزاني ؟؟؟؟ رااااه مامكنش كطووون هو ... ع عدنااان مايديييييرهاش ... ع عدنان مغاديش يغرق ليااا الباااطووياات و سلعتي وييدهور خدمتي ويقيييس سمممععتي ممممكننننش يديييرهااااا علااااااش حااااقد شنو مخليه يدييير هاد الخراااا كامل 

عادل : سي اسد تهدن شوف حالة السيد يقدر يكون هادشي لي عارف بصح

اسد حس بالدنيااا كضوور بيه وكلس على لكرسي شاد عى راسو كيقول غي مكييمكنش ... ووداك السيد طلقوه حتا حفظووه مزيااااان مايدكرش هادشي على فمو لتاحد ويكمل عادي ... و اسد غي شاد على راسو فلخرر ناض و بدا يضرب دلك الكراسا و داك كراطان بركالي رون كلللشي ممغدد و تيشوووورت كتزير عليه لان فاش كيتعصب عضالتو كيتنفخو و يقساحو تاكيليو كبر من تيشورت و كتبقا تمزك ...و قطعها عليه لاحهاااا شكلووو توووحش ... و عادل خلعوو منظرو واخا مولف معاااه و عارف عصبيتو كيدايرة ... مي كيخلعو هاكا و لكارد خرجو لبرا باقا غي هووو .. مافاهم والو و اش واقع وعلاش معصب كاع قد هاكا ... و باغي يممشي يهدن عليه و مقادش يقرب وبقا غي واقف كيشوف فيه و كيتسائل شكون هاد عدنان الوازاني ؟؟؟؟؟ ......

يتبع