اسم على مسمى الجزء الثاني

عرفتي شنو هيا متكونش حامل تشوف فوجه سيدة لي ولداتك وتكون عارفها ولداتك غير على ود زوج دريال و مرضعاتكش حيت متفاهماتش مع لمرا لي رباتك على لفلوس وعمرها شافت فيك بحال ولدها ولا عيطاتلك تا بسميتك.. يعني علاش غادي تكون جايا ليوم باينا سمعاتني رجعت وعندي شويا دلفلوس ومبقات عندي عائلة قالت صافي جا لوقت لي نجرو عندي.. باش وقفات علينا هيا سناء وهيا تحرك ريحات حدايا عرفتي راه بحال أول مرة نشوفها هيا زوينة فوجها وعلى خير راه قلت ليكم شنو كانت خداما قالت ليا لبركة فراسك باش غتعنقني مديت ليها يدي قلت ليها ممشا معاك باس وغادي خارج وهيا تعيط ليا سعيد بغيت ندوي معاك شويا إلا كان عندك وقت.. قالتها ليا قدام بنادم مقديتش نقول ليها لا غادي تجي ناقصا رجعت بركت حداها بدات كتسول فيا كيف داير فاش خدام واش مرتاح تنجاوبها عاادي على قد سؤال سيدة راه وقيلا أول مرة ندوي معاها فحياتي قلت ليها صافي حيت بغيت نمشي قالتلي خود راحتك غير دار راك عارفها تقدر تجي وقتما بغيتي تشوف باك ولا خوتك راه ماشي بوحدك.. خليتها ومشيت سيدة كتضحك عليا واقيلا مبنتش ليها زعما فصغري وشحال هادي حتال دبا.. دوزت ديك ليلة تما بقيت مع بنادم وكدا تعطلنا بايت فدار تما لغد ليه خليتهم كيجمعو فلقاعة وتحركت لدار عندي دوشت بدلت حوايجي ومشيت رجعت لخونا طوموبيل ديالو وبديت لخدمة وهو يجي عندي قاليا واش منيتك سير لكراج ديالك ضرب فيه طليلا وخدم فيه واحد سيمانة عجبك لحال مزيان معجبكش ديك ساعة كريه و أجي راه لمحل ديالك هدا غير باش متخليش لأخر مسدود مجاتش وأنا عارفك كنتي بااغي تحل شي حاجة ديالك.. بقى تيجر فيا حتى مشينا بزوج أنا محاملش تاني نخدم تحت دار ختنى بلااان والله محملتوش وصلنا حليناه خرجنا شي دوزان برى لواليد كانت عندو كل حاجة فبلاصتها داكشي مقاد لكراج مخاصو واالو يلاه مصبوغ نقي واقف معاه تندويو على لخدمة وكدا وهو يجي واحد لولد كبر مني شويا قاليا بلي كان خدام مع لواليد واش غادي نعاود نحل و واش يقدر يرجع قلت ليه مرحبا دخل خود راحتك صافي هيا هاديك سيد لي كنت خدام معاه تحرك لدارو دخلت أنا لمحل ديالي بركت أنا وداك لولد كنسولو كيدايرا لخدمة واش كين شي كليان هنا داوين وهيا تبدا لخدمة ساط كبر مني ولكن ماشي شي معلااام ولكن ضريف لواليد كان معدي عليه فلخصا تا هو كيما كان داير ليا تافهما باركين وهو يقوليا هيا بنت عمك هاد لبنت لي ساكنين لفوق أنا مبغيتش نفرش لقضية قلت ليه أه ولكن معنديش معاها وهو يبدا راكم عارفين عيبنا واحد ساط بقى داوي قلت ليه إلا بغيتي نبقاو زوينين مع بعضياتنا غادي تنسا ديك لعائلة وبالأخص ديك لبنت دويت معاه معقول وهو يجمع خدمنا مزيان بالنسبة لأول نهار فلعشيا خلصتو ومشا بقيت أنا بارك تما وهو يوقف عمي طوموبيل قدام لكراج جا لعندي سلم عليا وعنقني عاادي بحالا مكين والو زعما عمرو عايرني فوجهي بنادم مقود قاليا مزيان ملي حليتي لمحل ميبقاش مسدود و واش غادي نرجع لدار قلت ليه بلي غادي تبقى فيها مراتو دبا بقى دااوي معايا وهو يعرضني نتعشا لعندهم قلت ليه غير يسمحلي منقدرش بقى كيحلف عليا وهيا تطل مراتو يمكن سمعاتنا كنحلفو على بعضياتنا قالت ليا سعيد ولدي طلع طلع لله يرضي عليك.. مقديتش نقول لا قلت ليه صبر نسد لمحل كنت مبدل حوايجي غير سديت لمحل وطلعت معاهم تفو على بلااان زعما يكونو عارفيني كنت غندي ليهم بنتهم شحال هادي مرڭت دبصح سولتهم على لحمام دخلت غسلت وجهي ويديا وخا غاسلهم لتحت نتأكد تاني خرجت ريحت أنا وياه فصالون حدا تلفازا.. كتدخل ختنا لتما مفهمات والو ريحات حدانا قدام باها والله ما قالت شي حاجة منغير سلام وعليكم سلام صافي بقينا باركين باها داوي معايا على دار وكدا كيقوليا ختنى راه واخدا من عندو لي تاخد بيه دار وتعيش بيه متخليهاش تمتل عليك.. ساط شريير تا هو قلت ليه لا خير خليها تا تلقا بلاصة أخرى مجاتش نخرجها من دارها ومباغيش صداع.. تعشيت معاهم وخرجت قاليا نوصلك قلت ليه ساكن غير قريب وبغيت نتحرك شويا قاليا لي بغيتي باش نزلت لقيت طوموبيل مقودا واقفا فشارع مقادا مع لمحل واحد خيتي كتشوف فلمحل عرفتها باغيا شي حاجة قلت ليها ياك ما كين باس؟ قالت ليا خدام فهاد لمحل؟ لا أنا مول لمحل علاش؟ كين ما نقضيوه؟ قالت ليا طوموبيل منعرف مالها؟ سولتها مالها؟؟ وهيا تقوليا وراه جينا لعندك باش تعرف مالها وقالتها بواحد صوت معجبنيش أنا راه وليت غير على سبة قلت ليها سدينا شوفيلك شي بلاصة أخرى خليتها وتحركت لدار شي 20 دقيقة على رجليا وصلت لدار يلاه بركت شويا ونعست باش لغد ليه مشيت بكري لمحل حليتو تنشوف كتباليا طوموبيل ديال ختنى مزال واقفا تما حتال ديك ل10 عاد جات ليها جات لمحل وهو يخرج عندها داك لولد لي خدام معايا سولاتو عليا وأنا نخرج لعندها سلمات عليا قالت ليا دبا تقدر تشوف ليا طوموبيل مالها لله يخليك؟ قلت وخا مرحبا خرجت معاها قربناها للمحل سولتها واش كنتي حاطاها شي مدة طويلا قالت ليا أه كنت مسافرا يلاه رجعت قلت ليها اوا سيري واحد زوج سوايع ورجعي هيا راه قاديتها ديك ساعة غير كتصدر بنادم باش يحس بيك صنعتي ليه شي لعباااا تما نخدمو شويا ديال تحراميات تا حنا لمهم داكشي لي دارت مشات ورجعات من بعد عطيتها سوارتها قلت ليها 300 مداتهالي وتحركات خدمة مع بنادم زوين كتكون زوينة نزلات لشارع وهيا ترجع لعندي قالت ليا نمرة ديالك إلا جات على خاطرك قلت ليها مرحبا قيدي عطيتها نمرتي ومشات ها لكليان زوين.. داك نهار جا عندي واحد سيد من لمحل لي كنت خدام فيه قاليا بلي مبقاش حامل لخدمة تما وبغا يخدم معايا قلت ليه مرحبا أنا عارفو معلم ومعقول زعما نقدر نخليه بحالا كين أنا لمهم كل نهار حسن من لي قبل منو أنا بغييت ندوز شي موطور من غير (c90) راه حمضوها بلا قياس وليت كنشوفها فزنقا كتر من بنادم كونصيييير.. لمهم لخدمة فداك لمحل مزيانة حسن من لمحل لي كنت فيه كاع شي حاجة ديال راسك فيها كتكون بيخير.. سناء تدوي معايا تاني عادي بحال شحال هادي كتقولي نخرجو كندير سبة بالخدمة عارف غادين نخرجو غادي نسمحلها وأنا إلا كنت غنرجع معاها راه غادي نبقى نجرجر فيها مزياان تا ندمها دبصح ماشي بساهل.. عيطاتلي واحد خيتي نعتاتلي واحد شارع شي خدمة تما عادي كيعطلي بنادم طايحا بيه طوموبيل فشي بلاصة تنمشي ولا عندنا كليان خديت طوموبيل ديال سيد لي معايا مشيت بيها واقف فداك درب مكتبانش ليا صونيتلها قالتلي صافي راه كنشوفك بلاتي نحل ليك وهيا تحل لباب دلكراج تنشوف فيها هيا ختنى ديال داك نهار نسييتها سلمت عليها متقوليش ليا طوموبيلا دارتها تاني؟ قالتلي لا وحدا أخرى بغيتك تشوفها مالها مكديماريش كاع راه فلكراج.. دخلنا وسيدا مريضا خاصها غير علاش تكا سولتها مالك اختي قالت ليا غير خليها على لله كنت غنموت قرصاتني نحلة بدون شعور تفركعت بضحك قرصاتها نحلة كانت غتموت حنا لي قرصاتنا عقرب وبقينا عايشين عندنا لمناعة ديال لكلاب واقيلا.. لمهم جبت لباتري ودوزان خدام وباركا تما معرفتش واش خايفا نشفر ليها شي لعبة ولا غير باغيا معامن تدوي أنا راه مكنعرفش ندوي وكنتمتم يعني غتكون خايفاني لا نشفر شي حاجة زعما واش تكون باينا فيا شفار راه شافت لمحل وكدا بقات كتسول فيا فين ساكن فين واصل فلقرايا قلت ليها بلي خرجني لواليد بكري شويا ولكن بيخير تنفهم فلفرونسي ولحساب وداكشي سولاتني كيفاش خرجك واش هو لي علمك قلت ليها هو مول لمحل لي شفتي وبديت تنعااود ليها أنا راه فيا تعاويد ومبقيتش كنتمتم تطلق لسان..