قصة المفروحة و خوها

هاي انا سميتي نهال فعمري تمنطاش لعام(انا زوينة بزاف طويلة و عويناتي كبار و عسليين و بشرتي بيضا و فمي حميمر و لاطاي كيووت المهم مكمولة من عند ربي) عندي خويا سميتو مراد انا وياه توام و حتا هو تيتيز مع راسو البنات كيموتو عليه اليوم عندنا عيد ميلاد هههه كيف ديما انا و خويا موجدين كادو لعائلتنا ميمكنش يدوز النهار بلا عنعطيوهوم حقهوم د الشغب غادي نقلبو هاد العيد ميلاد لجنازة بالضحك ايوا تفرجو...

دخلنا لدار لقينا الضلام مساكن ناويين يفاجؤونا بالحفلة مافخبارهومش حنا لي غانفاجؤهوم هههه بيناتنا..

درنا راسنا معارفينش...

انا:خويا علاش الدار مضلمة..

مراد:منعرف اختي يمكن نعسو و نساو عيد ميلادنا..

و هو يتشعل الضو..

كلشي(ماما وبابا و ختي الكبيرة و خويا الصغير و خالتي و ولد خالتي و جدة و جدي جيش ساكن فدار وحدة):عيد ميلاد سعيد ...

انا: واو مراد دارو لينا حفلة...

مراد:وي اختي سعداتنا...

ماما:وي اوليداتي علاه يلا ماحتافلناش بكوم بيمن نحتافلو..

انا:شكرا بزاف...

مراد:اجيو نقطعو الكاطو راني جيعان...

كلشي:اه علاش لا...

مشينا حدا لاطارط و هوما كيغنيو لينا و كايعاينونا نطفيو الشمعة ههه مساكن...

انا:ولا ياك حنا عائلة وحدة هبطو طفيو معانا الشمعة....

ماما:وينو وينو على بنتي..واخا يلاه هبطو ريوسكوم نطفيو الشمعة معاهوم...

كلشي هبط راسو ههههه بشاااااخخخخخ اوقعو انفسهوم في الفخ الاول...

كي بغاو يطيفوها و انا و مراد درنا يدينا من تحت الطابلة و دربنا فيها طلعت لاطارت سلمت عليهوم و رجعت لبلاصتها و وجوهوم و لاو بحال التماثيل فشي متحف بشاااخخخخخخ ضحكنا عليهوم حتى ماقدينا..

انا:مراد شوف شوف سكينة(ختي)هي لي ضحكتني بزاف...

مراد:هههههه ويييه ولات كتخلع...

هوما تعصبو و شدو داك لاطارط و تابعينا بيها هههه الكيواان شوية طفينا الضو...

سكينة:مال الضو ياك ما تقطع اووف على حالة..

خليناهوم كايتساألو و مشينا انا و مراد جبنا فيران اصطناعيين و كل واحد فيهوم درناهلو فكمارتو و شعلنا الضو ويلي كلشي بدا كيغوت تخلعو مساكن هههه و لكن هادي غير المصيبة الثانية باقيا الاخيرة...

بقينا كندابزو و ماما كتخبط فينا و انا و مراد كنتفرشخو بالضحك منين سالاو الضرب و المعايرة نضنا انا و مراد طلعنا لبيتنا و خططنا مزيان و هبطنا عيطنا لخويا الصغير عندو ستة سنين سميتو ادم مسكين غير كايشوف الفلوس كيدوخ رشيناه انا و خويا و مشا عند ماما كيجري

ادم:ماما ماما سمعت خويا مراد كان كايهدر مع نهال و قالها بلا ماتقلقي هاداك لي فكرشك راه ولدي حتا انا غادي نربيوه انا وياك...

ماما:شنو كيفاش اويلي وعدي...

طلعو كيجريو مساكن لقاونا شادين فيدين بعضياتهم...

شفت فملاميحهوم عرفت خويا ادم تقن الدور ناري حسيت ا غادي يقتلونا و انا زدت شخدتهوم..

انا:حبيبي مراد علاش كيشوفو فينا هاكة...

ماخلاوهش حتا يهدر و هي طير علينا ماما بالسندالة...

ماما:اجيو لهنا اولاد الحرام الله ينعلكوم الله ينعلكوم الله ينعلكوم...

بدات تضرب تضرب حتى عيات و مزالة كضرب مرة فيا مرة فيه...انا شفت القضية حماضت و نوض....

انا:(بالغوات)سكتوووووووووووا راحنا غير ضحكنا معاكوم...

خويا ادم تفرشخ بالضحك و تبعو مراد ويلي والله حنا يلا علاااام

كلشي كيشوف فينا و مصدومين ماما تعصبات و بدات غير كتخربق فالهدرة و رداتها فادم مسكين..

ماما:ماكفاوناش جوج رزيات زدتي معاهوم حتا نتا اجي لهنا بدات عليه هاك ارا هاك ارا...

اما حنا فتكلف بينا الواليد كلينا الخبط حتى مابقا فينا مايتجمع و المشكيلة واخا كلينا العصا مزالين مفركعين بالضحك انا و خويا كلشي جرب يبكينا حتى حد ماقدر حنا خاصنا غير نضحكو و صافي دازت داك الليلة و كلها كيبرد فعضامو وايلي توحشنا هاد القتلة د العصا شحال هادي ماكليناها...

انا و سكينة كانعسو فبيت و ادم و مراد فبيت...

انا:سكينة جيتي زوينة قبيلة و الله حتا ضحكتيني هههههه....

سكينة:و الله يعطينا وجهك ماكايدروكش حناكك بالعصا باش كتضكي اوو انا كون كنت انا لي كليتها كنت مانقدرش حتى نهدر و كالسة كنبكي و نبرد فعضامي...

انا:ايوا تانتي هادشي موالفين بيه انا مابقاتش كتغر فيا الصندالة....

سكينة:سكتي سكتي و نعسي حسن ليك....

انا:اجي بعدا واش لاطارط لذيذة و لالا و الله مادقتها...

سكينة:نعسي بركة من تفلية ولا والله تا نجي نكمل عليك بشي قتلة...

نعسنا و مافقت حتا لوحدة معروفة انا لخرة لي كاتنود فدار ديما حتا كانلقا الما فودنيا زعما السطل دالما مكبوب من فوق راسي و نفس السيناريو يتكرر...خوا عليا مراد سطل دالما مي اليوم ماشي كيف ديما هاد النهار جابو فيه ثلج نضت مفزوعة و هو بدا كيموت بالضحك عليا البرهوش لاخور نضت بقيت تابعاه ماما مسكينة ناضت فالصباح خملات الدار محيت جايين الخطاب عند سكينة اليوم و لكن انا هزيت المخاد دالصالة بديت كنضارب بيهوم انا مراد و المشكلة المخاد معمرين بالريش ويلي ردينا الدار غابة مدفونة بالثلوج جات ماما الله يكون فعوانها كان قلبها غايسكت...

انا:سمحيلينا اماما و راه هو لي خوا عليا الما بارد..

مراد:لا ماما راه هي بدات و خوات المخاد كاملين...

انا:(عطيتو بمخدة خرا)سكت احزوقة بركا من الكدوب...

مراد:شناهي حزوقة!!

انا:يييه حزووووقة محيت كتنطق بحال الحزقة...

ماما:سكتو اولاد الحرام...(ويلي ماما هزات سندالة وحنا هاربين منها و المشكلة كنقزو فوق السدادر ردينا داك الصالة بحالي فات بيها الحرب العالمية الثانية و ماما مسكينة ناضت على سعدها و وعدها و خملت الصالة و قاداتها اما انا مراد فراحنا كالسين كنخططو شنو نديرو اليوم و خصوصا منين حلفنا على سكينة ماتدي هادا ليجاي يخطبها ههه..

بقينا كنخططو حتى جاو الضياف خليناهوم حتى كلسو فالصالة و سلمو على كلشي و هبطنا عندهوم و سلمنا عليهوم انا شفت فالعريس و درت داك الضحكة الشريرة...

ماما:بنتي سكينة جيبي اتاي و الحلوة و اجي..

هي فرحانة ماقاداها دنيا و لكن معانا لا تدوم السعادة ساعة واحدة و تزول هههه...

جات جاية تحط السينية و مراد يعكلها ويلي طاحت هيا و السينية و بقينا غير شادين الضحكة و ماما كتهدن فالوضع

ماما:بنتي نوضي نوضي ماشي موشكيل دبا نمسح الزربية غي نوضي كلسي...

ناضت و هيا دايبة بالحشمة و لكن كيف والو مزال اعشيرتي مزال..

بداو كيهضرو و هي تقول ماه:حنا جينا طالبين راغبين فبنتكوم سكينة هادشي يلا قبلتو...

انا:حلفي من نيتك واش عارفة شنو كاطلبي راها ماكاتعرف الطيب ما والو حتا اتاي لي طيحاتو من دبا شوية راه ماما لي وجداتو و قاتلا دخليه و نزيدك حوايجها يلا ماكانتش الواليدة تلقاي البيت كامل مربول و حتى الملابس الداخلية ديالها تلقايهوم فالسرجم كيسلمو على الجيران و كتعكز تنوض تحيدهوم..

ماما:(بدات كتخنزر فيا اما سكينة كانت غاتاكولني)ههههه بنتي نهال عزيز عليها ضحك يلا ماكانتش فالدار كتخطانا الضحكة...

ماه:ههه ماكاين موشكيل خليها ضحك...ايوا مانخليوش العرسان يهضرو شوية بوحدهوم..

ماما:اه وي نوضو نمشيو للصالة الصغيرة مشاو و خلاوهوم بحدهوم و هوما بداو كيهضرو و لكن شكون خلاهوم..

مشينا جبنا سراق زيت اصطناعي و رميناه بتخبيعية حدا رجلين سكينة بشااخخخ ناضت كتغوت و كتنقز فوق السداري مسكين العريس ماعرف باش تبلا و بدا كيشوف يسحابليه البنت ديكونيكطي فعقلها ناض مسكين هارب لا تمشي تعديه...

دخلنا درنا فيها مخلوعنين انا بقيت كنهدنها مع هي كتموت بالخوف من سراق الزيت وايلي اما مراد مشا هز داك سراق الزيت و خبعو باش مايشوفو حد و يسحابليهوم تسطات...

ماما:مالك ابنتي مالك...

سكينة:ماما ماما سراق الزيت اهئ اهئ اهئ...

ماما:صافي غير تهدني ماكاين والو ماكاين والو اما سي العريس مشا لودن مو:ماما يلاه نفرطو ماحدنا بجلودنا تحركي مابقيتش باغي نتزوج ماعليش نبقى باير

هههههههه مسكين ضربو الضو....

ماه:الله يكون فالعوان سمحو لينا كنعتادرو على الازعاج...

مشاو و هوما كيترعدو...

انا و مراد بقينا كانواسيوها باش مايعيقوش بينا ماما نسات شنو درت قدام الضياف مادارتلي والو محيت تلهات بالسبان فسكينة لي خرجلها الفريخ...

طلعنا انا و مراد لبيت الضحك كامل لي كنا كابتينو خرجناه....

انا:هههههههه وايلي اخويا حنا شياطيين و الله مسكينة بقات فيا ضيعنا ليها فرصة عمرها ناري خصنا نعتادرو ليها راه شفقت عليها...

مراد:واش هبالتي يلا عرفونا حنا غادي يدفنونا حيين...

انا:او صافي صافي يلا جاوها خطاب اخرين مانديرولها والو اوكي...

مراد :هادشي يلا جاو من بعد هاد الفضيحة محال واش يحفضو الرقم دباب دارنا و لا يدقو فيها...

دخل علينا ادم كان طالق البربول الله ينعلو سمع كلشي...

ادم:ويلي شنو درتو عرفتو منين نكبر و نمشي نخطب مانديكومش معايا و دبا غادي نقولها لماما...

سكتناه بواحد عشرين درهم هي لي كانت عندي فالجيب الله يمسخو الطايش لاخور خلاني خلا بلا حتا جوج دريال...

داز داك نهار مشؤوم بالنسبة لسكينة و ماما اما انا و مراد مزالين كنخمو ان مصيبة نديروها غدا ما اليوم بركة غير الزبلة لي درنا لختي داز النهار دغية جا الوقت باش نعسو...

انا:سكينة مديريش فبالك يمشي واحد و يجي لاخور....

سكينة:شكون هادا لي غادي يجي يخطب حمقة صافي اختي بقيت بايرة..

انا:لا اويلي راه لي كاتبولك الله هو لي غادي تدي واخا هاد الاسباب التافهة غير صبري على حقك...

سكينة:اجي بعدة علاش بديتي كتشوهي صورتي قدام الناس...

انا:اااا...غ..ير كنت كنضحك هههه...

سكينة:هداك ضحك لمك ناوية تخرجي عليا...

انا:ختي فيا النعاس نعسي تا نتي بلا صديع الراس...

نعسنا و كالعادة شلال يصب فوق رأسي صبحت على داك راس طيط الله يعطيه مصيبة فقت بسيف عليا و جمعت حالتي و قاديت راسي و رجعنا لسيناريو دالشغب مع انا فايتلي قلت ليكوم كنفيق حتى الوحدة فاش هبطت لقيتهوم كايتغداو...

انا:هييي كتغداو بلا بيا...

مراد:علاه شنو نديرو بيك سيري سيري كملي نعاسك راه باقي الحال...

انا:وجه النحس كمل ماكلتك قبل نجي نغطسولك فداك الطبسيل...

مراد:ساهلة عليك...

انا:عندك الزهر راه كرشي كتزغرت بجوع ما انا و الله تا نخلي داك الطبسيل فكمارتك مطراسي...

بقينا هكاك كانتناغرو حتى سالينا الماكلة و كل واحد فين تفرق حتى لشي تمنية و نص دالعشية و حنا فالبيوت مكمشين...

ماما:هبطوو ديرو كاسكروط راه منعاين حد...

هههه انا اول وحدة هبطت مشيت كنتسلت لكوزينة ماشافتنيش ماما راكوم عارفين شنو غاندير مشيت القهوة درت فيها الملحة و مشيت الكونفيتور درت فيه كامون مشيت لعسل رديتها جغديدة بالملحة اما سيدكوم اتاي فحطيت فيه التحميرة كاسكروط و لا في الاحلام جد بنين هههه

ماما مسكينة حطات داكشي فالطبلة و كلشي باين فيه جيعان و انا و مراد ضربنالكوم واحد الباكيطة شبعاتنا....بابا الله يرضي عليه كيف ضاق داك الزعلوكة دالعسل معا هو كيحماق عليها طلعاتلو فالراس ههه..

بابا:بشرى(ماما) اش هادشي مال العسل مالحة..

ماما:مالحة!!كيفاش راه العسل لي عندنا حطيتها ماشي اول مرة كاتاكلها...

بابا:ضوقي و ردي عليا...

ماما من نيتها ضاقت مشات ديريكط لطواليط باش تقيا فاش رجعات مالقات حتا واحد فالطبلة مساكن هربو فاش ضاقو داكشي اما انا مراد فمكابلين غير الضحك اووووف مابقا لينا فين نزيدو هاد النهار نعست بكري باش زعما غدا نفيق بكري و نرد الصرف لمراد بشي سطل يسمكو و لكن عادتي هي عادتي فقت حتى التناش مي ماشي على سطل دالما على الصوت لي جاي من الجيران لي فالفيلا لي قدامنا خرجت و انا كنخلع عوالا على خزيت اووو عاد التناش هادي و هوما فيقوني...

انا:اخويا اخويا اش هاد الصداع راحنا ناعسين زعما...

جا من جيهتي واحد البوكوص...

البكوص:السلام حنا راه جينا هنا جداد و راحنا كنرحلو داكشي علاش هاد الصداع و سمحو لينا يلا زعجناكوم...

انا كي شفت داك الزين تبلوكيت...

انا:اا..ماشي موشكيل هانية ايوا قولي غادي نوليو جيران نقد نعرف سميتك..

البوكوص:ههه معاد و نتي...

انا:اا..نهال نهال متشرفين و مرحبا بيكوم فالدرب...

معاد:شكرا و كانعتادر مرا خرا على الازعاج..

انا:لا لا ماكاين موشكيل...

جيت ماشية و انا نشوف واحد التيتيز خور كان متكي على الصور دالفيلا و كيخنزر فيا هادا يمكن عوال على خزيت

انا:خويا نقد نعرف شكون هداك لي غاياكولني بعنيه...

معاد:هاداك خويا الصغير ياسين يمكن عجبتيه داكشي علاش كايشوف فيك...

انا:لا لا لا داك الشوفات ماشي اعجاب بانلي ناوي يدابز..

معاد:لا ايولي عمري شفت خويا كايدابز حتا معا الدراري عاد البنات راه غير كايجيبلك الله...

انا:امممم صافي بسلامة... مشيت طايرة بالفرحة و اخيرا الدرب قاستو الروح ناري واو هاد التيتيز غايسكن حدانا و لكن هجرو ليا داك المصيبة اوو عيق بداك الشوفات كون ماكان داك البوكوص خوه كون طرت عليه نتفتو من داك اللحية لي مطراسيا ليه فكمرارتو...

المهم مشيت لبيتي لقيت خويا هاز سطل دالما و مصدوم محيت مالقانيش مشيت كنتسلت بلا مايعيق بيا و عنقتو اللور و شديت داك السطل لي هازو و كبيتو عليه هربت و بديت كنغزز فيه...

انا:هههه كما تدين تدان.....

مراد:و الله لا بقات فيك....

جا تابعني حتا وصلنا لباب الدار و مالقيت فين نهرب و انا نفتح الباب و هربت لزنقة و هو تابعني بحال الهبيل و ختو حتا تصادمت مع داك راس البوطة د ياسين....

ياسين:واش مكاتشوفيش...

انا:وخا نقولو انا مكنشوفش و كنجري فالزنقة و نتا كنت مرزن و شفتيني علاش ماحيدتيش من طريقي...

ياسين:راه كنت كنشوف فالبورطابل...

انا:اذن تعادلنا...

بقينا كانتعايرو حتا جا خويا فرقنا...

انا:خليني عليه امراد خليني نوريه اش كيسوا...

ياسين:سكتي سكتي كون ماجيتينيش بنت كون عفست فيك...

انا:لا غير ديرها مرحبا...

مراد:صااافي سكتووو سالينا...سمح لينا خويا و نتي زيدي قدامي...

انا:صافي هاني ماشية اصلا مابقيتش باغا نشوف هاد الكمارة...

مشينا الدار و انا معصبة عمر شي حد قدر يعصبني حتا عصبني هو...

المهم مشينا نتغداو...

انا:سكينة يلاه تخرجي معايا اليوم...

سكينة:لاش..

انا:غير بغيت نفوج و صافي...

سكينة:واخا طلعي لبسي حوايجك و يلاه..

مشيت لبست سولوبيط د الجينس و من تحتو سوفيطما بيضا و كونفيرسا بيضة و طلقت شعري و درت شوية دالمكياج و كي خرجنا من الدار لقينا داك البوكوص د معاد كالس حدا الفيلا هو و داك المتخلف و لكن لي حيرني هو معاد كان حال فمو فسكينة معا كانت لابسة كسوة حمرة حد الركبة و صباط كحل و طالقة شعرها اما انا زهري غير مع المتخلفين بقا كيشوف فيا داك وجه النحس و تقول واش دابزنا الصباح خنزرت فيه و مشينا لواحد المول كل ماكان فيه جبناه انا هازة شي خمسة دالسيكان و سكينة شي ستة و من بعد مشينا لكورنيش كلسنا شوية و رجعنا لدار لقينا معاد حدا الفيلا على ما بالي كايعاين شي حد..

معاد:نهال ممكن واحد الدقيقة من وقتك...

انا:اه مرحبا...سكينة سبقيني هانا جاية...

سكينة:واخة و متعطليش ...

انا:وي اش حب الخاطر...

معاد:خيتو يلا سمحتي بغيت نطلب منك النمرة دختك سكينة...

انا:شنو لاش بغيتها...

معاد:الصراحة فاش شفتها معاك هاد النهار عجباتني باغي نهدر معاها باش يلا وافقات نجي نخطبها رسميا...

انا:كيفاش نتا يلاه شفتيها اليوم و ولات كتعجبك...

معاد:اه مسمعاش بالحب من اول نضرة..

انا:ايوا اسيدي االله يكمل بالخير هاك ها هي نمرتها و منين تجي تخطبها انا اول وحدة خصها تعرف و هاك تا نمرتي معاها باش يلا تخاصمتو عيطلي نرجعها الصواب...

معاد:هههه متخافيش ماغانتخاصموش...اه حقا شفتي ياسين قبيلة كي كان كيشوف فيك انا على حساب الخبرة ديالي راه معجب بيك..

انا:محال علاه معاودليكش صباح شبعنا فبعضياتنا معيور...

معاد:اه عاودلي و على حساب هدرتو بان ليا ندمان...

انا:يمكن اخيو راك تلفتي القبلة سير سير قبل نصدق مروريا لخويا معنى الندم...

معاد:ولايني صعيبة مع راسك...

مشيت كنقول مع راسي المشعودة د ختي نتاقمت مني بطريقة غير مباشرة المسخوطة طيحات فيها البوكوص لي كان بالي فيه و لكن واعدت راسي باش مانديعلاش زواجها لمرة الثانية...

المهم كي وصلت لدار طحت فالفراش كوما عييت بزاف و لكن شكون خلاك خلاني داك ولد الحرام دمراد حتى نعست و جاب واحد الريشة و بدا كيهرني فنيفي الله ينعلو عطست واحد العطسة حتا خلعت كاع لي فدار نضت مخلوعة و كنحك نيفي شوية بديت كنسمع الضحك و انا ندور و لقيت مراد كيموت بالضحك...

انا:الله يعطيك بوغطاط يال الكلب راه فيا الموت د النعاس ا حماري...

مراد:شفت طوالك اللسان اجي نسدولك اجي...

بدا كيهر فيا ماخلانيش حتا نردلو الصرف..

انا:صافي صافي بعد مني راه فيا النعاس.. مراد:فيك النعاس ها هو النعاس..

ماطلق مني حتا كنت تبت الشهادة اوووف و لكن من بعد عيا مايفيقني والو نعست من داك العام...

المهم دازت سيمانة و حنا على هاد الحال الشغاب،الماكلة و الشراب،النعاس هاد هو السيناريو اليومي ديالي و فهاد الوقت كان معاد كيعيط على سكينة و هي عاجبها الحال و تافقو على باش يجي يخطبها هاد النهار و انا راشقالي اليوم معرفتش علاش فرحانة بزاف المهم بقينا انا و سكينة كنهضرو حتا جاو الضياف انا لبست قفطان موف تقليدي اصيل خلاتو ليا جدة من الواليد الله يرحمها و يوسع عليها فقبرها و جمعت شعري كعكة و تقول انا لي مخطوبة اما ختي فلبسات تكشيطة حمرا منبتة بالعقيق المهم جات فنة هبطت انا عندهوم بقيت حالة فمي فياسين واو جا بوكوص كتر من خوه نسيت كاع الكره ديالي ليه من بعد ماشفتو وايلي فداك الساعة مكرهتش نكون بلاصة ختي و ياسين فبلاصة خوه..

انا:السلام...

مامات معاد:اهلا هادي هي البنت لي قلتلي عليها امعاد تبارك الله زوينة...

ياسين:(نطق بحال الحزقة)لا هادي ختها...

ماماه:اه تبارك الله عليك ابنتي غزالة..

انا:شكرا اخالتي...

و داك ياسين غير كيشوف فيا..

دخلت ختي بالسنية علا الله ماتطيحهاش تا دبا...

مامات معاد: هادي هيا حتا هي تبارك الله عليها شابهة فختها غزاالة..

سي العريس حال فمو فعروستنا...المهم حتا سالاو الماكلة و نضت نجمع الطبلة و مشيت الكوزينة و هو يتبعني ياسين كي درت باش نرجع كانلقاه قدامي واقف..

انا:شنو كادير هنا..

ياسين:(كيضحك و يشوف فيا)جيت نشوفك..

انا:ياك عاد كنت حداك و اصلا لاش غاتشوفني..

ياسين:(بدا كيقرب و انا كنبعد حتا لسقني معا الثلاجة و كالاني بيديه و من بعد راكوم عارفين باسني من شنايفي بوسة طويلة)صافي خديت شنو كنت باغي..

انا بقيت مصدومة..

ياسين:(كيضحك)هادي الصدمة رقم واحد تسناي من دبا شوية رقم جوج...

انا غير ساكتة تسرطلي لسان هو مشا بحالو و انا باقة مبلوكية فاش استوعبت الامر دخلت لصالة و لقيت كلشي كيضحك و كيشوفو فيا..

انا:مالكوم شنو واقع...

ماما:سحابليك غاضحكي علينا هههه قابلين اولدي ياسين يلا كانت نهال قابلة...

انا:كيفاش قابلين شنو لي قابلين عليه...

ماما ياسين:بلاما تحشمي ابنتي راه قالنا ياسين على علاقتكوم و طلب يدك الزواج...

كيفاش زواج ان زواج علاقة مفهمت والو بقيت غير كنشوف فياسين بنضرات استفهام و والو هو عاجبو راسو و كيضحك...

انا:(ضحكة مصطنعة)ههه وي ممكن تخليونا نهدرو على انفراد....

ماما:اه واخا ابنتي...

مشاو بحالهوم و بقينا انا و ياسين...

انا:كيفاش علاقتنا و زواج اش هاد التخربيق..

ياسين:مزال مفهمتيش انا طالب يدك للزواج...

انا:و بالسلامة خديتي رأيي..

ياسين:عارفك غادي توافقي داكشي علاش...

انا:ايوا اسيدي انا ماموافقاش على هاد الثقة الزايدة لي فيك...

ياسين:و شنو غاتقوليلهوم و انا قتلهوم بلي حنا كنبغيو بعضياتنا هادي شهر...يلا رفضتي غادي ياخدو عليك صورة قبيحة...

انا:شنو دبا كتستافزني...

ناض جا كيقرب مني و شدني من خسري و هبط راسو لعندي مع هو طويل عليا.. ياسين:فكري المكلخة كون ماكنتش باغيك لاش غانبغي نتزوجك...

انا:باش تنتاقم مني على داك النهار...

ياسين:(ضربني ضربة خفيفة على جبهتي)الحمقة انا راه كنبغيييك....

انا:(تفرشخت بالضحك)هههههههههه و الله حتى كتسرع النكت....

ياسين:كيفاش نكت راه كنهضر معاك من نيتي...

انا:ياسين بلا ماتفلا...

طار عليا بواحد البوسة و لكن ماشي بحال قبيلة هاد المرة عنيفة بدا كيعض و يمص ما طلق مني حتا مابقيتش كنحس بشنايفي...

ياسين:ويلي شحال زوينة سميتي على فمك...

انا:واش هادا عندك بوسان و الله ماكاترحم حشومة علييك...

ياسين:امممم حشومة عليا راه هادشي كيف والو قدام ليلة الدخلة ديالنا غادي نرصيها فدماغك عمرك تنسايها حتا تبقتي تلقبي ليا العنيف....

انا وريتو نهال علاش قادة و عطيتو برجلية لمنطقة الحساسة خليتو شاد فيها..

انا:ياك عاد دبا كنت كتفتخر بيه ايوا ورينا حداكتك دبا بقا شادو بقا...

ياسين:راك ضلمتيه يلا نتاقم منك ماتلوميهش...

انا:تقربلي نعطيك نفس الضربة حتى ماتبقاش تبان بيه...

ياسين:عايني عايني الايام طويلة و الله حتا يندمك غادي تبقاي تقوليلو سمحلي و الله مانعاود نضربك...

انا:ههههه ايوا يتجرأ...

بقيت شوية و هو يتسالا المفعول ديال التسنطيح و الجرأة و جاتني الحشمة و مشيت عندهوم و قلتلهوم موافقة...

ناري داك الساعة قلبي بدا كيضرب فالمليون او حماري لاخور وليت كنبغيه و هي الصراحة كنت معجبة بيه مي كان سر بيني و بين راسي مي من بعد ماشفت الجرئة ديالو و تصرفاتو الطايشة زدت تأكدت انني كنبغيه و قررت نقولها ليكوم نتوما اما هو فخلييه يتقلا و يتشوا مسكين ختار الفتاة الخطأ هههه..

تافقنا على العرس السيمانة الجاية و نيت غادي نديرو عرس واحد انا و ختي..من بعد ما مشاو عيطلي ياسين فالتيليفون باش نخرج معاه مسكين هو بغا يترومانسا مي انا غادي نخليه يكره كلمة رومنسية..خرجت معاه و كنت ناوية نخلي دار بوه مانخليلو حتا ريال نخليها فجيبو و نشري لي قالي عقلي و هو يطبق كان كايساحبلي غادي نقلقو بالطلبات ديالي ساعة هو صدق مفروح كتر مني انا كنمشي ناخد حاجة و هو كيقولي زيدي حتا الاخرة و متنسايش هاديك لي حداها وايلي طلاقينا هبال بجوج و خوينا لي بوتيك و انا فرحانة حيت اصلا مخسرت حتا ريال كلشي من حبيبي ياسين اما هو عاجبو راسو حط فهاد الخرجة ثلاتة الاف درهم و كايفرنس بسس اودي بسسس كان كايسحابلي غادي يندم علاش طلب مني الخروج صدق طلب مني نخرجو غدا نتغداو و قاليا نجيب معايا سكينة و هو يجيب معاه...المهم وصلني و مشا دخلت لدار لقيتهوم كالسين كايتفرجو لسامحيني ناريي هاد المسلسل جداتي من بابا كانت متبعاه و مسكينة ماتت و مزال هو كيبدا بششااااخخخ هادو هوما المسلسلات و الا فلا مشيت جلست معاهوم كنتفرج و تلاقيت مع داك عثمان كوزان نارييي كيفرشخني بالضحك كمارتو كتشبه لواحد الشارف كالس فراس الدرب كيسعى على خر ايامو فوقاش ما شفت عثمان كوزان كنتخيلو فبلاصتو و دايرا عليه داك ايلول و منار و كمال و زيد زيد..

مراد:رجعتي اراس الطوبية..

انا:انا راس طوبية لموك و نتا شنو اسداري بوكريشة عرفتي بلاصة ماراك غير مقابلني سير سير درليك الرياضة داك البزة د كرشك بدات كتكبر...

جا تابعني و كيعاير فيا:بلاتي بلاتي دبا تحملي و تكبر كرشك و نبدا عليك بمعيور..

ويلي زعما انا و خويا علام خاص مكانفهموه غير حنا المهم دازت داك اليلة و فقت حتال التناش على صوت سكينة

سكينة:نوضي اهاد الويل راحنا زعما معرودين لغداء مع ياسين و معاد..

انا:ويلي نسيييت..

نضت و عنيا منفخين بالنعاس و لبست و خرجنا و طلاقينا بيهوم ياسين بدا كيموت بالضحك عليا مع عينيا منفخين و بدا كيحشي فيا الهدرة..

ياسين:قالك هادي غاتولي مرات الراجل و هي فايقة حتال نص دالنهار بشاااخخ...

انا:شوف يلا كنت كتبغيني فقبل بمصائبي و تهوري و عاداتي الغريبة و منها انا كنفيق حتال الوحدة...

ياسين:قابل قابل بيهوم ماشي موشكيل...

انت:ايوا هكاك...

المهم مشينا لواحد الكافي راقية و زوينة و تغدينا تماك...

تغدينا و بقينا كانضورو نضورو حتا عيينا و مشينا لواحد الكافي نشربو شي قهيوة و فاش سالينا بقينا كانتهاودو ههههه وايلي التقى الغريق بالغريق ناري بقينا كانتغامزو انا و ياسين باش نطيحوهوم فشي فخ و الله بقينا بلا عقل انا بديت كنلهي معاد و ياسين سرق ليه البزطام و شوية و صونالو التيليفون و مشا و سكينة مشات لطواليط...مساكن منين رجعو مالقاوناش بقاو كايتساألو و قالها معاد يلاه نخلصو و نمشيو نقلبو عليهوم مشا على نيتو كيقلب على بزطامو و مالقاش بدا كايتناقش مع الكارسون حتى جا مول القهوة و تما كملات الباهبة بداو كايدابزو و شفنا القاضية حماضت و حنا ندخلو..

ياسين:(مع مول الكافي)اخاي اخاي خويا ماشي شفار جمع راسك...

السيد:امولاي عطيوني فلوسي...

معاد:فين كنتو نتما بجوج و فين هو بزطامي؟!!

انا:كونا برا شوية كنشمو الهوا حتا سمعنا الغوات و دخلنا و بزطامك راه طاحليك و هزو ياسين قلنا تا تجي و نعطيوه ليك..(عطيتو ليه)

صافي خلصنا الكافي و مشينا اووف سلكنا بستة و ستين كشفة كي وصلت الدار عاودت لخويا كلشي بدا كيموت بالضحك..

مراد:هههه حتا هاد خاطيبك صدق كفس منا....

انا:وييييه مشاو فيها مالين الدار...جوج هنا و جوج لهيه....

المهم دازت داك السيمانة دغيا و تزوجنا و درنا و وليداتنا سعد و نور و خويا لقا فارسة الاحلام ديالو نيت هي سميتها احلام و سكينة و معاد يلاه ولدو بنيتا سماوها بسمة اما الشغاب فالله غالب تربيت معاه و ماقدرتش نفارقو تلاقاو حماق بحالنا انا و مراد و ياسين كاع افكار الشياطين طبقناهوم مرة فدارنا مرة فدار راجلي هههههه و هادي هي قصتنا و كنتمنى تعجبكوم

-النهاية-