مصير مراهقة الجزء 15 (الفصل الرابع)

من تأليف لؤلؤة ذهبية
2018

محتوى القصة

رواية مصير مراهقة الفصل الرابع بعنوان مصير نعمة بين قلبين

💾بعد مرور 5 سنوات 💾
¤¤ في أمريكا ¤¤
ابتهال: ماما و ماما فينك ...
اسماء: هبطي انا في كوزينة اش بغيتي ؟؟هبطات ابتهال وقفات عليها في كوزينة...
ابتهال: معرفتيش نعمة فين راها من صباح و انا نقلب عليها ؟؟
أسماء: هههههه باينة مخبية مع زياد تحت ناموسية ديال بيتي كيف العادة باش ميشربوش الحليب ...
ابتهال: انا هاذ البنت غادي تحمقني مافيهاش شك ...و عيباد الله 5 سنين مخرجة فيا شيب..
أسماء:😂😂😂طالعة ليك غير نتي ابنتي ...سر سر سر (تيلي كيصوني ) 
ابتهال : ماما جاوبي انا نطلع نشوفهوم .
اسماء: اوك ..مشات ابتهال كتقلب في بيت ماماها و شافتهوم مخبين تحت ناموسية و بدات كتهضر ...
ابتهال: فينهاا حبيبة ديالي و غزال ديالي ...كبيدة ديالي نوناااا زوينة 😍😍عرفتو شريت زيادو و نونا ديالي شكلاط لكيبغيو و لكن باليا ماباغينوش ناكلو بوحدي....غير سمعوها دراري و خرجو كيجيرو وقفو عليها ...
زياد : عطينا حنا شكلاط ...
نعمة : مامي بيت سكلاط انا ...
ابتهال: 😂😂اجيو اجيو حصلتو كتخبعو باش متشربوش الحليب و الله لا تفاكيت معاكوم تا تشربو حليب عاد نعطيكوم شكلاط اش كلتو؟؟
زياد :(همس في وذن نعمة ) ماماك مسمومة ..
نعمة : راني عارفة ...
ابتهال : احم احم اش كتكولو نتوما ...
زياد و نعمة : (ببرائة)والوووو...
ابتهال هزات نعمة و شدات زياد و هابطة في دروج و شافت ماماها قطعات تيلفون و لونها مخطوف ...
ابتهال : ماما مالك ؟؟واقعة شي حاجة ..
اسماء : غير سكتي ..دراري كلسو تفطرو جوليا (خدامة) فطري دراري شوية اتجي طرونسبور ديالهوم ..ابتهال اجي معايا ...جرات ابتهال و دخلو بيت ..
ابتهال: ماما هضري خلعتيني اش كاين؟؟
اسماء: بنتي معندي منخبي عليك باباك محمد مريض بزااف ناعس في طبيب و باغي يشوفك دابا و انا عارفاك 5 سنين مزطمتي في مغرب و غادي ترفضي 😢😢
ابتهال: بابا مريض 😢😢و غادي نرفض مستحيل ...اماما شنو صحابليك انا ماهبطت المغرب هاد 5 سنين حيث خايفة من الماضي بالعكس انا نسيت كلشي انا مهبطتش حيث ماعنديش لاش نهبط و جدي و ماما و بابا لرباوني كيجيو عدنا كل عطلة و دبا بابا مسكين مريض و منمشيش مستحيل 😢ابتهال قديمة ماتت لضلمات ماتت شحال هادي بصح في الأول من جيت امريكا هربت من مغرب و من الماضي و لكن دبا نسيت كلشي تا حاجة مكتهمني و انا بنتي حدايا 😍..كولي بابا يوجد لينا اقرب رحلة انهبطو المغرب ...مشات ابتهال لعند دراري كضحك معاهوم و خلات أسماء مصدومة من موراها كتشوف بنتها كضحك و لكن ماشي من قلبها هي وخا كتكول صافي نسات امين و نسات ماضي و كرهاتو و لكن في هاد 5 سنين كل نهار كتزيد تبغيه و توحشاتو بزااف و بخصوص بنتو وخا كتشبه ابتهال ولكن شبه كبير لأمين و حتا ذكاء ديالها و تصرفاتها غير باباها ..و هادشي اجي نسمعو بلسان ابتهال اش داز عليها في هاد 5 سنين...
♡بلسان ابتهال ♡..
....من بعد ما تزادت أميرة ديالي نعمة ديالي...ملاك صغيورة ديالي قرة عيني ..😍كانت اكبر فرحة في حياتي نسيت فيها أوجاع كاملين لتوجعتهوم ...كانت بصح نعمة من عند الله كلشي فيها صغيور فم ديالها ووعويناتها بحال ديال أمين...اه اه امين توحشتك معمري مانسيتك توحشتك توحشتك متعرفش قداش ...علاش وصلنا لهادشي كامل علاش ضلميتيني و مسمعتيش ليا و علاش نسيتيني في رمشة عين..مكرهتش كون كنتي حدايا دباا و تشوف بنتنا و تفرح و لكن خسارة خسارة ...الحياة ضلماتك و نتا ضلميتيني انا و بنتك بزاااف ..دازت سيمانة و درنا حفل بنتي نعمة هكا كانت امنية خالتي نعيمة الله يرحمها و انا حققتها ..في حفلة بابا قطع جدي و بابا محمد و ماما سعدية جاو عدنا ...سناء ولدات قبل مني وليد سماتو أكرم ...غزيول كيشبه محسن ...كانت ديما كدوي معايا باش مكيكونش مجسن كام و كتشوف نعمة و حافضت على وعدي مكالت والو محسن ...عرفت منها انا امين دار انتقال ناضور ...كالها ليها محسن ...مابقاش هامني قلبي برد ولا حجرة...عايشة على قبل نعمة و واليديا لضحاو على شحال من حاجة على قبلي و اهمهوم ماما لضحات بخدمتها لكانت كتحماق عليها ..داز عام بنتي دارت عام و درنا ليها اول عيد ميلاد ديالها ..و بدات كتمشى ..انا رجعت كنقرى قيديني بابا في جامعة نيويورك دوزت 3 سنين و خديت ديبلوم ديالي ...بنت اول كلمة قالت عرفتو شناهي ماشي ماما لا ...بابا كانت صدمة لخلاتني نرجع ماضي ديالي و جرحي يتفتح ...صبرت راسي و دوزتها و هكا بنتي بدات كتعرف الهضرة ...و كتسولني على باباها فينو علاش هو مامعاناش و انا كنكوليها راه مسافر و غادي يجي و كنخليها تنسى هضرة ...من كنت كنقرا في جامعة كان معايا واحد دري زوين جورج الله يعمرها دار في مدة قليلة و لينا أصدقاء ..عندو خطيبتو كيحماق عليها إلينا غزالة و ضريفة ..كيجسبني بحال ختو و تا نعمة عزيز عليها ...بابا مكيخليش بنتي تحس بفراغ من جيهة باباها ...لدرجة نعمة متقدرش نعس لاماكنش جدها و قرا ليها قصة ولا هو كلشي في حياتها...و هكا دازت 5 سنين دغيا و بنتي كبرات و ذكائها زاد واسئلتها غير مكتزيد...وهانا من بعد مرور هاد اعوام انرجع مدينة لشفت فرح لقيليل و حزن نكذب عليكوم لاكتليكوم مخايفاش من هاذ رجوع و قدر شنو باقي غادي يويريني...

♡♡ في الناضور ♡♡بالضبط في الثانوية في مكتب المدير امين كالس ...
امين : ميمكنش ا استاذ كيفاش خرج هاد القرار ثاني ..
مدير: معندي مندير ليك ا سي امين كاين خصاص لفي ليسي لكنتي فيه ..ضروري من رجوع مؤقت مدة عام و صافي و ترجع لهنا ...
امين : و لكن انا ماباغي لا عام لا ساعة ديك مدينة 5 سنين محطيت فيها رجلي و كنت حالف منرجع ليها ...
مدير : شحال قدك تبقا هكا ...شوف كون مكنت كنعاتبرك كيف ولدي منهضرش ...واليدة ديالك و ا خديجة بغاهوم الله و داهوم و هاديك هي أخرتنا تا حنا غير كل واحد كيتسنى ساعتو مكاين لاش تبقى غارق في هاد الحزن شوف غير حالتك في هاد 5 سنين مكتهضر مع تا حاد غير مخنزر تلاميذ مربي فيهوم رعب ..اساسدة مكتجمع معاهوم ...شحال قدك تبقى هكا هادشي مايبغيه لا الله لا عبدو ...حاول تغير شوية و دير في بالك هذاك قضاء و قدر ...دعي ليهوم بالرحمة و عيش حياتك ...
امين : عندك الحق قنعتيني شكرا ...وخا وجد ليا وراقي انا انجمع حوايجي و مسائلي و غادي نرجع غذا ان شاء الله ...
مدير : هكاك نبغيك ...ناض امين سلم على مدير و عنقو و خرج و هاز وراقيه ..رجع دار لكرا و جمع مستلزمات ديالو دوش🚿 و مشا هز ماكينة ديال حسانة نقص من لحية لطوالت ليه خرج لبس حوايجو و عيط على محسن كاليه اش كاين..عرض عليه محسن باش يكلس معاه في دارو ...و امين رفض بغا يرجع فيلا ديالو ...جمع حوايجو و مشا هز كتاب كيقراا فيه ...اجيو نشوفو امين كيدازت عندو 5 سنين ..
♡♡بلسان امين ♡♡
..من بعد موت واليدة لكانت صدمة بالنسبة ليا و صدمة كبيرة هي موت خديجة ختي لباقي مغروس في قلبي بحال شي موس ..من شفت تصاورهوم حسيت بجناوا تخشاو في قلبي مقدرتش نتحمل غدرها ليا ...و مع ذلك باقي كنبغيها ..كانت كلشي بالنسبة ليا حياتي كانت حياتي واقفة عليها ضيعات كلشي هي سباب كلشي بسبابها ختي مشات و هي باقا صغيرة حسيت بشمتة حيث ختي كانت كتألم و انا محاسش بيها عايش حياتي مع وحدا متستاهلش ربات حقد فيا من بعد ماكانت هي سبب ضحكي ولات سبب حزني اه اه يا ابتهال اش درتي فينا كنت كنتمنى كون كان داكشي كذوب شحال من مرة كتبغي تهضر و مخليتهاش خايف نكون ضالمها ...وخا داكشي لشافت عيني بزاف ...رجعت بحالي ناضور حيث ديك دار كتفكرني في عائلتي لضاعت و حبيبتي لخانتني اي حاجة فيها كنتفكر ضحكتها كلشي ديالها ...دازت خمس سنين دبا و معمري نسيتها فيه باقي حافض ادق تفاصيل فيها ... سمعت من محسن انها سافرات نهائيا امريكا مع واليديها و خوتها و عمرها ترجع ...ضرني قلبي حيث ماغاديش نعاود نشوفها و لكن من جيهة اخرى حسن ..ليوم كتاب انني نرجع ديك مدينة لشفت فيه الفرح و الحزن و كيف قال مدير حياة مكتوقفش هنا و خاصني نسا اه نسا باش عائلتي تكون مرتاحة ...
🌔 أصبحنا و أصبح الملك 🌔
...ناض البطل ديالنا جمع مسائلو و خشا لفاليز في كوفر و وراقيه ...جا مول دار لكراها ليه بفراشها عطاه سوارتو و ركب شد طريق الحسيمة و ما هي الا ساعات وصل قدام فيلا دخل طونوبيلتو و هبط تنهد تنهيدة طويلة و هز لفاليز و سوارت و حل الباب فيلا من مورا خمس سنين لبقا هي هي غير الورد ديال جردة لزرع هو و ابتهال كامل ذبل ...دخل و دخل حوايجو و سد باب طلع نيشان حوايجو بيت مو هو لكيرتاح فيه اما بيتو عمرو قربو ديما سادو ...مشا دوماندا على غذا بيمن خرج يتقدا ...و يخلص ما و ضو كلشي مقطوع ..
عند البطلة ديالنا لكالسة في طيارة✈كتأمل من زاج و نعمة ناعسة حداها دايمن باغا تهبط المغرب ابتهال علمتها دارجة هي باش كدوي و حتا بلونغلي ...اسماء ناعسة و عبد الرزاق كالس حدا نور لكبرات ولات عندها 10 سنين و عقلها كبر من سنها كتحسب راسها كبيرة ...ماهي الا ساعات و طائرة حطات ركابها في مطار الحسيمة ...هبطات ابتهال و تا هي تنهدات تنهيدة طويلة شدات في يد بنتها و استنشاقت هواء ...
ابتهال: قبل خمس سنين ركبت و انا حاملة و دبا راجعة و انا شادة في يدي بنتي ...
جا ليهوم شيفور و داهوم لفيلا وصلو ..تلاقات ليهوم سعدية بعناق حار سلمو على بعضياتهوم و دخلو ابتهال سولات على محمد لقات زيارة تا عشية و طلعات ترتاح في بيتها و طلعات معاها نعمة ...دخلات هي وياها وسط بنوار 🛁دوشات ليها ودوشات راسها و خرجو ملويين عليهوم بنوارات ...لبستها بيجامة خفيفة و هي بحالها كيلبسو بحال بحال ...نشفات ليها شعرها و دارت ليه واحد كريم ديال دراري صغار و ريحتها سرحات ليها شعرها بزيت جونسون و تهلات في راسها تا هي كعادتها و تخشات في بلاصتها هي وياها كيلعبو في تيليفون تا نعسو بجوجات😴 ...وصلات عشية امين مشا خلص لعليه و تقدا و رجع دار كيوجد شنو ياكل دار بيتزا و مشا كيتفرج و ياكل ...شوية جا عندو محسن لكان ديما كيجي عندو ناضور و يدي معاه اكرم ..جا غير بوحدو دبا حيث سناء خارجة طل على محمد و داياه معاه ...ابتهال ماكالتش ليها جاية خلاتها ليها مفاجئة ...

♡♡ عند ابتهال ♡♡ ...
فاقت ابتهال من نعاس..ناضت لبسات كسوة قصيرة فوق ركبة في كحل(من ولدات و لباسها رجع كيف كان ) سرحات شعرها و دارت مكياجها كيف العاددة رشات ريحتها...هزات بوشيط لباسات صندالة عالية في كحل باست بنتها لغارقة في نعاسها و هبطات ...لقاتهوم واجدين كيتنساوها وصات سعدية على بنتها حيث عارفاها ماغاديش تفيق دبا تمشي و تجي عليها خلاتها ...ركبو و مشاو نيشان مستشفى لفيه محمد ..سناء دايمن كتجي عندو دخلو و هما يقلقاوها ...سناء هزات عينيها تصدمات من شافت صاحبتها و ختها قدامها دموعها نزلو و ابتهال تا هي ناضت كتجري عندها عنقاتها و عناق كلو شوق و حب لبعضياتهوم بداو كيبكيو تا فكاتهوم اسماء ..و مشات ابتهال كتعنق في باباها و سناء في اسماء ...من سالات بان ليها اكرم و مشات عنقاتو و كلسات فوق فوطوي و كلساتو عليهوم ...كتبوس و تعاود فيه😘😘
ابتهال: وينووو حنيكااات ديال سناء (كتجبد ليه في حناكو حبيب خالتو 😍😍كبر تبارك الله عليه غزال ...
سناء : الله يبارك فيك😍😍فين نونا بغيت غير امتا نشوفها ناكلها ...
ابتهال: ههههه بنتي فيعار الله اختي حجارك يشدوك 😂
سناء: ياك مك😂😂توحشت هبالك..
ابتهاال: و تشوفي انا فين واحد محسن لاباس عليه ؟؟
سناء : حمد الله خليتو خرج ..
ابتهال: هكاك 
سناء: فين خاليتي نعمة ؟؟
ابتهال : ناعسة مع ماما سعدية ...
سناء: توحشتها😍😍 غذا ان شاء الله نجي ندوز معاكوم نهار ..
ابتهال : اجي مرحبا بيك ...سر سر .اطط بلاتي هذا جورج....الو عشير و افين ؟؟ انا في مغرب دبا ...وايلي حلف با الله ...اه صافي انسيفط ليك شيفور ..صافي كون هاني اصاحبي ..طيط طيط ماما جورج هابط مغرب علا شي شغل كولي ببابا يسيفط شيفور يجيبو من مطار ...
اسماء : وخا ابنتي ...
سناء: جورج هو هذاك لكنتي كتعاودي ليا عليه...
ابتهال: اه جورج حمااق هذاك ..
سناء : تلاقيتو 😂😂😂
دوزو عشية مونيسين محمد لحالتو استقرات شوية ..من بعد ابتهال رجعات و محسن جا عند سناء ..ابتهال وصلات فيلا لقات نعمة باقا ناعسة و طلعات بدلات حوايجها و هبطاات كالسين مجمعين تا وصل جورج رحبو بيه ..حطات خدامة عشا ..و تعشاو تجمعو ثاني شوية و كل واحد طلع بيتو ابتهال كلفات خدامة تقاد بيت جورج هي دخلات بيتها لبسات شوميز ديالها و طلعات كاس الحليب و بسكويت خافت لا تفيق نعمة يجيها جوع باستها و جبدتها عندها عنقتها وونعسات 😴😴😴
🌔اصبحنا و اصبح ملك 🌔صباح جديد مليئ بمافجئات ..ناضت نعمة بكري غسلات سنانها و هبطات التحت لقات خدامة كتوجد فطور طلبات منها دير ليها ناسيونال جوغرافي و كلسات كتفرج و جابت بسكويت و كاتكل ..ناضت ابتهال ملقتهاش عرفتها اش اتكون دارت حفضتها بدلات حوايجها و غسلات سنانها جمعات شعرها كوتجوفال و هبطات لقاتها كتفرج مشات باستها و نعمة عنقتها طلبات خدامة توجد ليها قهوة كحلة حيث راسها دارها و كلسات حدا نعمة كتفرج معاها في حيوانات تا هبطو بقية و كلشي نعمة شافت جورج و مشات تعنق فيه ...كلس كلشي على طابلة ديال فطور كيفطرو سعدية خبارتهوم ان شي عائلة جاية باش يشوفو محمد و داكشي علاش اسماء وصات خدامة دير حساب ضياف فطرو و ناضو جردة دراري كيلعبو تا محسن جاب سناء و اكرم مقدرش يدخل حطهوم و زاد ..جورج عندو شي خدمة ناض مشا ليها سناء دخلات غير شافت نعمة لكانت ديما كدوي معاها كام طارت عليها تعنق ووتعاود و اكرم غار جاتو بكية تا هزاتو ابتهال كتعنق فيه عاد سكت كلسو مجمعين في جردة تا جاو شي عائلة وناضت ابتهال و سناء كتسخر ...نعمة كاتليها نور كاين بحر هنا قريب ..ومشات لصقات في ابتهال بغات تمشي البحر و ابتهال مامسالايش ليها بقات عليها غير واخة ماشي دبا ماشي دبا ...نعمة تقلقات و هي حاجة لابغاتها خاصها ديرها في الوقت لباغا هي ...ناضت لبسات صنادلتها و خرجات من بابا فيلا و بدات هابطة من حدا فيلات تا بان ليها بحر و مشات تاتجري...
♡♡ عند البطل ديالنا ♡♡..
..ناض امين دوش 🚿ولبس حوايجو وهبط وجد قهوة شربها وخرج شد طريق ثانوية كان شهر 9 قراية تبدا و امين خاصو يقادو مسائلو مشا ليسي دخل وراقيه عند مدير و خرج ...و هي تبان ليه واحد بنت زوينة و دايرة حجاب خارجة كدابز مع شي واحد هبط من طونوبيلتو و مشا وقف عليها ...
امين : كاين شي مشكل اختي؟؟
......: ونتا مالك انا مع خطيبتي و نتا اش دخلك ...
......: اشمن خاطبيتك فين كنعرفك اصلا ...لاعساك اخويا مكنعرفوش
امين: اصلا مهضرتش معاك اول حاجة هضرت مع البنت اش دخلك نتا ...اش واقع ؟؟
....: خويا انا سيفطونني هنا أستاذة و انا جاية من تزنيت مكنعرف والو ..و خارجة كنقلب على شي بلاصة نكلس فيها بيمن قاديت اموري ... و هو وقف عليا جارني بزز معاه ..
امين:(شنق علبيه ) دبا علاش كتقلب نتا ...
.....: صافي اخويا و الله منعاود ..طلقو امين ومشا كيجري ...
......: شكرا اخويا بزااف معرفتش كيفاش نشكرك..
امين:هذا واجب اختي (مد يديه) انا أمين ..
.....: ( مدات يديها) انا زينة ...

♡♡ عند البطلة ديالنا ♡♡
أمين: متشرفين ...كلتي ليا تعينيتي استاذة هنا و نتي ماشي من هنا ياك؟؟
زينة : متشرفين اخويا ...اه سيفطوني هاذ مدينة معارفة فيها والو عاد عوالة نكري ...
امين : تا انا جيت هنا و ديجا كنت هنا استاذ ديال انجليزية و نتي ...
زينة: بصح تا انا 😍
امين : مزيان الالة...شوفي لابغيتي اججي مرحبا بيك فيلا كبيرة كلسي تا تقادي مسائل ديالك ...
زينة : كيفاش؟؟؟نجي عندك اش كتقصد؟؟
امين : متفهمينيش غلط ...انا ماساكنش بوحدي ليوم خالتي اتوصل و توانسي معاها بيمن قاديتي امورك و لا بغيتي طبعا...
زينة : معرفتش اخويا خفت نثقل عليكوم ...
امين : لا لا نتي بوحدك هنا ماغاديش تلقاي دبا لا اوطيل قريب لا تي شي حاجة و مكاين لا ازعاج لا والو فيلا كبيرة ...
زينة: امري الله ..شكرا 
امين : العفو ...يا الله ...ركبات زينة حدا امين و نور على وجهها زوينة بزااف ..امين ديمارا طونوبيل نيشان طريق فيلا و هو دايز من جنب البحر و هي تبان ليه نعمة كالسة فوق واحد طيطوار و كتبكي حبس بزربة و هبط عندها ...زينة بقات غير كتشوف وقف على نعمة و هي حانية راسها و كتبكي دارت تا دارت في بحر و في لخر معرفتاش ترجع تلفات و عطاتها البكاء ...هبط امين مستوى ديالها و حيد ليها يديها على وجها ...و هو يتصدم في شبهها مع ابتهال ببقا كيشوف في عويناتها خوضر عامرين دموع ...
نعمة : سكون نتا ؟😢
امين : شنو كديري ازوينة بوحدك هنايا فين واليديكك؟؟
نعمة : ماما في دار انا حرجت و معرفتس نرجع دار ...
امين : فين داركوم ..
نعمة : (عينينن مدمعين) معقلتس😢😢
امين : اجي ركبي معايا و نقلبو تا نلقاو داركوم اش قلتي ؟؟
نعمة : لا ماما تتكولي متمشي معا تا سي واحد ..
امين: عرفتي راكي زوينا بزااف ...شنو سميتك ..
نعمة : سميتي نعمة و ماما كتكولي نونا ..و نتا؟؟
امين :(فكراتو في اسم مو ) سميتك زوبنة بزااف كتشبه سمية واحد انسانة غالية عندي ..انا سميتي امين ...بقا امين كيهضر مع نعمة هبطات زينة تا هي عندها ...ابتهال دارت كتقلب على بنتها في دار مالقاتهاش قربات تحماق كلشي كيقلب عاد تفكرات انها بغات تهبط بحر و هي هملتها و هي عارفة بنتها راسها قاصح خرجات كتجري هابطة البحر و كتبكي خافت لايخطفوها و لا تلف كاع الأفكار خايبة كيجيوها في راسها بقات نازلة تا وصلات بحر و بقات كتقلب تا بانت ليها بنتها كالسة بكسيوتها مع راجل و شي بنت مشات كتجري و هي تصدم من لقاتو امين 
ابتهال:امين 😱😱😱😱😱😱
امين دار من سمع سميتها و تصدم كثر منها من عاود شافها من بعد 5 سنين بجوجهوم قلبهوم كيضرب....نعمة شافت ماماها و مشات كتجري عندها ...
نعمة : ماماتي حبيبة 😍😍
ابتهال..شداتها و هي باقا مصدومة و صدمة كبيرة هي ديال امين من عيطات ليها بماماتي ...
امين :😮😮😮كيفااااش بنتك ؟؟
نعمة : (جارة يدين ابتهال ) اه هادي ماماتي زوينة و هذا اماما صديقي و هادي (نعتات زينة ) صديقتي ..ابتهاال بقات كتشوف في زينة و عند بالها امين و زينة شيحاجة بيناتهوم.
ابتهال: يا الله نمشيو ...اماما ..جرات يدين نعمة و غادة بيها تاعيط ليها امين ..
امين : ابتهاااال وقفي وضحي ليا اش هادشي نعمة شحال في عمرها ...جا جورج كيجري تا هو كان كيقلب عليها ...
ابتهال:(بشوية ) جورج عافاك دي نعمة فيلا انا جاية ..
جورج : عندي فاش نعاونك ...
ابتهال: لا غير سيرو ...مشا جورج هو و نعمة و ابتهال دارت عند امين مشات وقفات اونفاص معاه و هو حال عينيه على وسعهوم كيتسناها تهضر ...
ابتهال: اول حاجة ماشي سوقك ...ثاني حاجة مامحتاجاش نجاااوبك و لكن سمعني نجاوبك نعمة عندها 4 سنين و هاداك لشفتي باباها شنو صحاب ليك ههه غر نتا لتعيش حياتك ...هانا جاوبتك بسلامة ضربات ضورة و زادت و هي قلبها شوية و يسكت و خلات امين موراها مصدوم و زينة لمفهمات تا لعبة ...ركب امين بلا هضرة بلا تا شي كلمة و ركبات زينة حداه تا هي ساكتة كسيرا و داز من حدا ابتهال ...و جورج كيلعب مع نعمة وويضحكو زير على يديه و مشا نيشان فيلا ....دخلات زينة موراه...امين لقا خالتو جات لاح ليها سلام وطلع مكتب ديالو شخشخو كامل ...خالتو بقات غير كتشوف سولات زينة كاتليها شكون هي و اش واقع ... زينة عاودات ليها كلشي من تما عرفات واقيلة شاف مرتو لولة كيعرفو ابتهال و لكن ماعارفينش اش واقع بضبط ...امين هرس مكتب كامل جاتو شمتة ..هو هادي 5 سنين هو حازن و هي مشات دغيا عاشت حياااتها ...كلس تا برد و حلف تا ينساها ..ناض جاب ساروت ديال بيتو بغا يجمع حوايجها كاملين و يحرقهوم ...فتح البيت لقاه باقي هو هو..غير دخل ليه هو يتفكر ابتهال و اي حاجة كتعلق بيها و الأيام لدوزو مع بعضياتهوم و ضحكتها لباقي في وذنيه روايحها و كلشي فوق كوافوز ...تصاورها في بيت كااامل ...مشا حل ماريو وبدا كيجمع في حوايجها في واحد باليزة ديالها نيت هي مدات والو بقا كيجمع تا بان ليه واحد جوا ديال لابوراطوار فوق ناموسية ....

♡♡ عند البطل ديالنا ♡♡
...امين من بعد ماشاف داك جوا مشا هزو فتحو حل ورقة بقا كيقرا و هو يتصدم من لقاها تحليلة ابتهال انها حاملة 😱😱
امين: كيفااااش حاملة ؟؟ هادي خمس سنين ...اذن نعمة بنتي ..اه بنتي و لكن هي خانتني مع زا*** ديال هشام شنو لاكد ليا انها بنتي و لكن خاصني نتأكد ...كمش داك تحليلة و لاحها ..و رجع كيجمع البيت تا قشع ثاني كاميرة مليوحة في الأرض عرفها ديال ابتهال لشرات في شهر العسل ديالهوم...عمرو شاف شنو فيها مشا برونشاها مع تلفازة و شعلها ...و بداو الحلقات كيدوزو و ابتهال كل نهار كتسجل فيها فيديو قصير كلس فوق ناموسية و كيتفرج وهو كيتحسر و هي في كل فيديو كتكول امين كنبغيك ..
امين : علاش وصلتني لهادشي ا ابتهال علاش علاش ضيعتينااا....ناض بغا يطفيها و هو يبدا اخر فيديو سجلاتو نهار عرفات راسها حاملة و هو يرجع لور كيشووف فيديو و كيتصنت كل كلمة كاالتها و كيف قالت ان اميتدن ايفرح بزاف من غادي يعرفو راس ايولي الاب تزير و محسش تا هبطات دمعة من عينيه😢كلشي يقدر يكذبو الا هضرة ابتهال و طريقة باش كتهضر انها صادقة ...و بخصوص من كالت لاجات بنت انسميها نعمة بحال لكانت كاتلي جداتك قبل متموت نتي نعمة من عند الله ...صافي امين فشلو ركابيه هبط الارض و هو كيستوعب هضرتها تا لقطة لدخل فيها هشام هنا ضرب وقوف و بدا قلبو كيضربو ...محسن عيطات ليه خالت امين حيث تخلعات امين جا بزربة و طلع حل على امين باب و بقا واقف حدا باب كيشوف ...هشام جبد تصاور وراهوم ابتهال (نتوما عارفين الحوار لدار بين هشام و ابتهال داك نهار لا داعي لتكرار كاميرا بقات كتسجل كلشي و بقات خدامة تا طفات من شارج و داكشي تأنغاجيسطغا في ميموار ديال كاميرا كلشي حقيقة ان ابتهال مضلومة ) امين كيتصنت و قلبو كيضرب شاف كيف ابتهال كتبكي و تغوت شاف كلشي تاكد انها مضلومة و هادشي كلو من تحت راس هشام ...محسن تصدم 😮حيث امين عاود ليه كلشي و صحابليه فعلا ابتهال خانت امين ...امين ماكمل فيديو تا حس بخنقة ضرب يديه مع تلفزة تا تشخشخات و يديه بدات كتسيل بدم ...و بدا كيغوت ...
امين ؛ لااااااااااااااااااااااااااااااااااااااا....محسن مشا جرو دغيا كيهدن فيه و هو والو غير كيتركل ودموعووو مابغاوش يحبسووووو...عنقو محسن و هو كيتحسر علر حالتو 
امين : ضلللللللمتهاااااا كيفاش هادشي ضيعت حياتنا و ضلمتها ...تعديت عليها ضلمتهاااا و ضلمت بنتي ا محسن بنتي باقااااا صغيرة خمس سنين و هي عايشة بلاااا بياا اش هااااااد ضلممممم اش هااااد الحياة ..
محسن : بلاتي بلاتي كيفاش عندها بنت ..ابتهال عندها بنت ..
امين : اه اه بنتنا صغيرة ...
محسن : و كيفاش هادشي و انا مافراسي والو ...سناء زعما خبات عليا ..
امين : باينة ..و مشتيش نهار لجريت عليها ..اكيد ابتهال وصاتها ..
محسن : هادشي مكيدخلش العقل و فوقاش نتا شتيها و عرفتي عندها بنت ...
امين : في صباح جاي من ليسي تا تبان ليا واحد بنية صغيرة كتبكي هبطت عندها بقيت كنهضر معاها عرفتها تالفة تا جات ابتهال كتجري و البنت عيطات ليها ماما تما تصدمت و عرغت عندها بنت ...بنت تصور كتشبه ليا بزاف و كتشبه تا ابتهال صافي تما فشلت تا جا واحد كيجري و جر البنت تما سولت ابتهال كاتلي انها تزوجات و ولدات و صافي كلت عاشت حياتها وخا كانت كتهضر و هي ماقدراش تشوف في عينيا و انا عارفها من كتكذب و لكن تعماو ليا عينين تا جيت فتحت البيت و لقيت تحاليل ديال حمل و فيديو لدارتو قبل 5 سنين فرحانة حيث عرفات راسها حاملة و البقية راشتي كلشي بعينيك..
محسن : دبا نتا عندك بنت واو و غير ضلمتي البنت ..
امين : انا تعماو ليا عينين من قريت رسالة خديجة و شفت تصاور و اي واحد بلاصتي غادي يدير نفس شيئ و لا كثر ..غلط لدرت مفهمتش منها ماخاليتهاش دافع على نفسها و ها ضحية هي نعمة تصور سمية كانت ختارتها واليدة قبل متموت و ابتهال دارت بيها و سماتها ضلمتها اخويا و ضلمت بنت صغيرة كولي دبا كيغادي ندير نشوف في وجهها...
محسن : عاذرك اصاحبي عاذرك و دبا شنو غادي دير ...
امين : معارفش و لكن ضروري نهضر مع ابتهال و هي اكيد ماغاديش تبغي تشوفني ..ادير معايا واحد قضية تكول سناء ديها شي بلاصة و انا انجي نهضر معاها ..
محسن : اصلا خاصني نتافهم مع سناء كيفاش خبات عليا ...
امين: حيث عارفاك اتجي تكولها ليا ...عذرها هي ابتهال صاحبتها و كتعاتبرها ختها قبل متعرف عليك نتا و انا مدرت مايصلاح فبها ..دبا فكر معايا ..
محسن : مهم انا انشوف اجي بعدا ندير ليد دوا يديك ...داه محسن حمام و جبد علبة اسعافات و داوا لبيه يديه و دار ليه فاصمة و هبطو خرجو ..مشاو وقفو حدا فيلا و هبط محسن و خلا امين في طونوبيل ...طلع جاج امين و تكا كيتنسا ...محسن دخل و هي تبان ليه ابتهال و سناء كالسين كيشربو عصير و دراري كيلعبو حداهوم شاف نعمة و بقا كيشوف فيهوم تا قشعاتو ابتهال و ناضت وقفات ...
ابتهال:محسن 😮😮

يتبع في الجزء الأخير

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.