قصة أنثى الأسد

من تأليف سناء الصنهاجي
2018قصة كاملة

محتوى القصة

رواية أنثى الأسد لسناء الصنهاجي

ششش كنسمع بحال شي حس جاي من لهيه
أنا:الله يقطع حسك من دنيا لما هنينة كندم علاش كنجيبك معايا انوال هادي أخر مرة
نوال:(قلبت وجها وبدات تغبن) انا مالي على هاد لحريرة مالي مزال بغيت نتزوج ونولد اختي اش داني نجي معاك
أنا:تفو على ماركة دالويل قاتل بوك ازواج قطعي لحس الكلبة راه ايحصلونا
نوال:ويلى حصلونا كاع ياك انت بطلة فداك فول كونطاكت وخلي لفنون لقتالية لي ضلي نهار ومطال جاية وجهك زرق منها، (لحظة صمت) ناري الى حصلونا هاد الافارقة والله حتى يقطعونا ويلوحونا لسبوعة لي ناوية تخرجيهم من لمحمية
أنا:شوفي انت خليك هنا وانت تقفقفي بغيتي تبولي فحوايجك انا اندخل ونتي حضي من ورايا هاد ساعة لي فيديك راه فيه ميكرو تشوفي شيحاجة ماشي حتى لهيه علميني واخا
نوال:تي اجي لهنا اش اديري تم واش من نيتك ادخلي تحلي عليهم
أنا:ومالي كنتفلى ضاربة طريق من لمغرب لافريقيا باش نلعب غميضة ولا موحشة فظلام انت مال حسك مطنكة مالك دوبل ساروت عندي اندخل نحل عليهم ونهرب من لباب لوراني متنسايش راه خدمت هنا عماين عارفة فين ندخل وفين نخرج ولاد لحرام كايتاجرو بالحيوانات ويعدبوهوم مساكن
نوال:نعلمو لبوليس مالنا حنا فهاد شبوق
أنا:قسما بالله طلعي لي جنية نخبطك بهاد لبروطكان ولا نلوحك لهاد لعوازة نيت شحال هادي مشهين لفرماج ولحم لبيض جري تمشي وتركني ديري سميط لميط لداك درقوش عندك ولا والله حتى نفرشخك تحسبي ضروسك مع سنانك، نوال بدات ترعد سكتات وحضات جنابها غير كتبرقق فعويناتها مسكينة
نوال:اش داني انا لشي افريقيا ولا شي نبك تفو مالي مالي كايكلني جلدي بغيت شي دكة نحضي مع هادي لا يفرسوها، نوال كطل من ورا شجرة شوية كتحس بالمشة على الارض ولعود كايتهرس تحت رجلين بان ليها سبع خارج تابعاه لبؤة نمر شوية بشوية كيخرج حيوان ..

حيوان ورا حيوان كلشي خارج كايجري بسرعة كبيرة جميع انواع لحيوانات ليكانت فمحمية افريكا لمعروفة خرجات، نوال حاضية وساكتة وتشوف فساعة شوية بان ليها ضو تشعل وصوت جاي من برا ديال لعساس ليكان ناعس بان ليها خارج من لباب هاز جويجة فيديه وكيهضر بالافريقية
نوال:ناري ناري ويلي ويلي قفارت قفارت ليوم ليوم يديرونا شوارما هاء شوارما مكاتكونش فأفريقيا انا أش كنخربق، جراتها إيد بجهد كتجري
أنا:عولت عليك بكري كون تسنيتك كون حصلوني جري طلقي رجليك،
نوال:بشوية هشام لكروج ومكايديرش هاد جري هادا بلاتي وقفي عييت اصحبتي عييت
أنا:سربي خلاص سربي تقيلة، نوال وقفات كتساراح شادة فركابيها وفقلبها لي كيضرب بجهد تقدات فالوقفة باش يكملو طريق خرجات عينيها واقفة مصدومة شدات على فمها وغوتات على حر جهدها
نوال:إيييثثثثار عنداك، دورات إيثار راسها كايبانو ليها 5 رجال افارقة هازين جويجات منيشين عليهم واحد فيهم جاي قاصدها بغا يضربها دورات راسها وضرباتو ليديه لحت ليه جويجة لي فيدو
نوال:صافي يلاه بيني حنت ايديك دابا يلاه يلاه فالحةافيا أنا اهيء اهيء والله الله يا نوال فعز شبابك اتموتي فافريقيا الله ياربي،نيشو لبقية عليهم او واحد فيهم كيهضر بلغتهم
أنا:سكتينا وهزي ايديك فوق راسك، هزات نوال ايديها وهي كترعد بغات تبول فحوايجها إيثار حتى هي هزات ايديها عند راسها مابينش عليها لخوف نهائيا وزايداها بالمسكة
نوال:وقت لمسكة دابا ابنت لحرام من فعلك شفتي أعمالك لخيرية فين وصلاتنا بغيتي ديري خير ديريه فالمغرب لاش جايبانا لتلت لخالي باش نحررو لحيوانات مساكن، نقز واحد فيهم كايغوت
إيثار:شفتي ماشي غير انا لي كنكوليك فيك لهضرة هاهو اغير غريب وربوع ساعة عرفك طرطارة وفيك كترت لهضرة
نوال:شوفي لينا شي حل لميمة راه مزال بغيت نطيح
بغيت نطيح خوك فشباكي زعمة ونديرو وليدات، إيثار ساكتة كتدرس وجوه هادو لي قدامها لي كتعرفهم واحد بواحد بحكم خدمتها مدة عامين فهاد لمحمية كمروضة للاسود ولكن تخلات على خدمتها اولا بسبب لماتش ديال كرة لقدم لي كانت كتوجد ليه مع لفرقة نسوية ديالها وتانيا كانت باغية وقت باش تخطط كيفاش تحرر لحيوانات لي كانو مستغلينهم هنا،صغرات عينيها هبطات ايدها بطئ لفمها وطلقات أعلى تصفيرة تسمع صدى ديالها وسط لغابة كلها
نوال:وقت تصفار هدا تسحابي راسك وسط تيران دلكورة مجات فين تكمل هضرتها ب5دقايق حتى شي حاجة نقزات بين شجار وخطفات لرجال جويجات واحد تابع وحدة علاو عينيهم بدهشة فشكون هادلكائن لي خرج ليهم نقزات عليهم إيثار من لقدام دفعات واحد برجليها لاحتو تاني عطاتو بالمرفق ديالها لنيفو وكملات على لوخرين طيحاتهم
إيثار:نوال جري متوقفيش يلاه، بجوهم كايجريو بسرعة مكايشفوش وراهم مسافة وهوما على ديك لحالة حتى وصلو لساحة خاوية فيها طيارة صغيرة نوال طاحت على رجليها كتسترجع انفاسها، إيثار وقفات كتكح وقفات حتى رجعات سوفل شافت حداها وجنابها تفتح باب طيارة ونزل منها شاب فتلاتين من عمرو
أحمد:يلاه دغية طلعو حتى لطيارة ورتاحو 
نوال:بلاتي اخويا راه متنا وحيينا
أحمد:الى ماوصلناش فالوقت انخرج على خدمتيواش عارفة اشنو تهز طيارة خصوصية ماشي ديالك وتسافر بيها فنهار واحد والله ونحصل حتى نمشي فيها
إيثار:صبر اصاحبي 5 دقايق،دارت ورجعات صفرات بحال تصفيرة لولة بقات شحال كتسنا حتى حسات بشيحاجة طاحت على ظهرها تبسمات وعلات عينيها
إيثار:انت هو انت ديما كدير لبسالات مزال مكتحشم ياك القرد لباسل، لقرد لي دار لكتفها كايحك فراسو ويضحك بحال الى فهم كلامها
إيثار:شكراً بزاف توم نقدتيني ليوم تاني تهلى فراسك ومديرش لبسلات ورد

ورد لبال لخوتك اوك، توم كيحك فراسو ويصدر صوت ديال موافقة على هضرتها نقز من على كتافها وغبر وسط شجر
نوال:بقاو ليك القرودة هوما لي بقاو
أنا:احمد خويا عرفتي اش دير انخليو هاد خيتي هنا سر طاسيلتها اهكا، نوال كترمش بعينيها ودغية طلعات لطيارة تبعاتها ايثار تسد بابا طيارة شوية بشوية تعلات حتى ولات فسما ونطلقات رحلة لعودة لمغرب.
نوال:شفتك اركبنا وشديتي لبيسي 
أنا:شش خليني مركزة انسيفط لمندوب ديال هنا كاع لمعلومات لي جمعت على لمحمية انها محمية ماشي مرخصة باش يتاخد الاجراءات لازمة وهو يتكلف بدوك لحمير وانا لي عليا درتو كاع لحيوانات لي تما حررتهم وتهنيت ولباقي على سلطات لمحلية
نوال:ممم صراحة هادشي لي كديري ميديروهش رجال ناري كنتي بحال شي سبع مكتخافيش باز ليك
أنا:انت عارفاني جوج حوايج معنديش مكنخافش امن الله لي خلقني وبابا وتاني حاجة معنديش لوجه علاش نحشم هادي راه عارفاها انت 
نوال:ناري عمي عمر واش عرفك جايا لهنا
أنا:حزق ليك لعقل يمكن ويلي ويلي عرفتي قفرتها اسكتي
نوال:اويلي اش درتي تاني
أنا:خليت باب لكوري محلول والبارح دخلت لكوري فليل خليتهم ناعسين دخلت بسلتة جبدت جوج خرفان يلاه جابهم من عند واحد صاحبو سمان ديتهم لكاراج ديالنا دبحتهم وسلختهم وكرضتهم وسيفطهم مع دريس يديهم لرباط لحديقة دالحيوانات لي تم
نوال:ختي وخا نسولك واش فصغرك فايت ليك طايحة ولا مالك واش انت هبيلة ناري عمي يسيق ليك لخبار راه قفرتيها، هزات إيثار كتافها بعدم مبالاة ممسوقاش
أنا:حتى انت عارفة نسلك راسي مالنا احنا لي نكلو لحم هوما معليهمش الله نهار لخر يمشي يبيعهم فسوق لشي صاحبو بنص تمن اللهم فهادوك خليقت مولانا ونديو لاجر، ضربات من فوق لكلافيي دالبيسي وسبفطات لمعلومات كامل ومعاهم رسالة تبسمات وسدات لبيسي.

إيثار بونجوم السن 25سنة الاب الحاج عمر بونجوم كوميسير وشد تقاعد شحال هادي قرر يسكن برات كازا عندو فيرما فنواصر كبر لفيرما عندو ألالات فلاحية كبيع فالخضرة ويفرقها على لخضارة ويبيع ويشري فالبهايم من حوالة وبقر دجاج ومعروف فكازا ونواحي بحكم تعامل ديالو مع كلشي اما فولاية الامن لحد الآن كايدكروه بالخير وسمعة ديالو مراتو لحاجة مليكة مرة الله يعمرها دار عندو منها 3لبنات او ولد كريم هو لولد لكبير عندو 27سنة زينو خلاب وحروفو كحلين متال لرجل شرقي تبعاه إيثار و أسية تويميات السن 25سنة كيختالفو فحاجة وحدة هو شعر إيثار مربوعة القد رياضية بامتياز بحكم انها لاعبة كرة لقدم ورياضات بي كتمارس زيد عليها قتالية وكتمارس جميع فنون القتال شي لي خلاها دكورية فتصرفاتها ولباسها ولي خلاها هكا هو احتكاكها بخوها كريم لي شافتو دارها ديرها اي رياضة مارسها ديرها وحتى هو كان مرتابط بيها بزاف مشا لاصال يديها عندو ماتش يديها ولي خدا فالحوايج تاخد بحالو حتى من ريحتو شرات بحالها ارتباطهم بعضياتهم بحكم انهم ترباو بجوج وعمتهم لي ساكنة معاهم هي لي رباتهم بجوج لفترة 6 هاد لفترة لي قضاها والديهم مسافرين لفرنسا يعالجو أسية لي كان عندها مشكل فنطق من صغرها وخاصها علاج على برا هادشي خلاهم يكونو قراب بزاف فيه خوها وصاحبها وباها ولكن من نحية لملامح مكتشبهش ليه نهائيا بياض لبشرة ديالها لي بحال تلج صافي ومورد شعرها لي بحال كتلة بركانية نحاسي عويناتها لي بحال لون لوز جسمها لي منحوت وممشوق أسية كانت نسخة طبق الاصل عليها من غير لون شعر أسية ليكان لونو صفر كانو توام كايتشابهو غير شكل فقط اما شخصية كل وحدة وهي أسية تبعات طريق باها وخرجات ظابطة شرطة ممتازة ولكل كيشهد بقدرات ديالها شخصية صارمة ومعقولة وجدية ولكن ..

ولكن برات لخدمة كتهلى فراسها وانتوية عكس ايثار لي ختارت تسلك طريق أخرى مجنونة الى اقصى لحدود جريئة وقوية مكتخافش ومكتحشمش مغامرة مخلات جبال اي دولة سمعات عليها فيها جبال واعرة خاصها تمشي ليها اما اخر لعنقود ريم 16سنة وردة ديال كتشبه لكريم،نوال صحبت إيثار الانتيم فينما مشات معاها وكتحناق على كريم اما باقي صحاب ايثاركلهم دراري فاش مكيكون عندها حتى ماتش هي لي كتكون مكلفة باش تبيع وتشري لباها فلبهايم وهي لي مكلفة كتفرق ديسير ولخضرة على جمالة ولخضارة بنت ولكن ب100راجل.
أحمد:على سلامتنا يلاه هبطو دغية قبل مايشوفني شاف مشيت فيها
ايثار:تاسير على رجلة كيدليرة طر ، شافت فنوال لي كانت ناعسة، هاديك هاه اديك لبكرة نوضي راه وصلنا ، فاقت نوال كتشبح وتحك فعينيها
نوال:الله ياربي وأخيرا، هزات صكادو وتبعات إيثار نزلو من طيارة
إيثار:احمد تهلى فراسك شكرا بزاف برو لعز الله يحفظك على هاد لوقفة نردها لخويا فساعة لخير.سلمو على أحمد وخرجو على برا خداو طاكسي لمرجان تما فين خلات إيثار طوموبيلتها وصلو خلصاتو إيثار ومشات لطوموبيلتها لي كانت من نوع بيكوب تويوتا فالكحل فتحات لباب لوراني لاحت فيه سكادو ديالها ولبيسي وركبات طلعات حداها نوال وشدو طريق لفيرما.
نوال:ناري ياختي بحال الى كنت كنحلم والله شوفي فين كنا وفين ولينا
إيثار:انت عارفة فمك كياكلك تكولي واكلة قزيبة دجاجة والله ونعرفك حليتي فمك وعاودتي بشي حد وبالخصوص خويا كريم عارفاك اكتشوفيه كتحلي من لفوق ومن لتحت وريوكك كايسيلو كتخوي ليه لمزيودة كامل لي سولك فين كنت اش اتكولي علاش وصيتك؟
نوال:كنا فرباط كان عندك تدريب حبت اتلعبو مع لفرقة دمراكش
إيثار:هكاك نبغيك ودابا عجبتيني، مدات إيثار ايدها لسجالة خدمات(جونيفر لوبيز) وهدات صوت على حر جهدو..

ايد سايكة بيها وايد مخرجاها من سرجم سايكة بسرعة وشعرها لي كان تحت كاسكيط كايلعب بيه لبرد معلبالها بحتى واحد موسقة وتغني ونوال حداها لي اكتركب معاها كتشهد وكتشك واش اتوصل لدارهم سالمة.

إيثار:يلاه نزلي لداركم جري تمشي يلاه شوفي لعشية ندوز عندك نمشيو نشوفو لكليكة
نوال:صافي واخا كتبان ليا انموسية ونعاس حياة سعيدة
إيثار:وانا كاتسناني لحياة تعيسة وتعديب لجسدي لحرق وشنق حيا اسيري وكان سيري،نزلات نوال لدارهم تاهية كانت من عائلة ميسورة باها عندو دركريات ديال لخضرة وكيبيع ويشري فالمازن، كملات إيثار طريقها فتح ليها لعساس لباب دخلات طوموبيلها دارهم كانت زوينة داير بيها لغرس وشجر بلاصات طوموبيلتها نزلات دارت سكادو على ضهرها وبيسي فيديها وقفات قدام لباب كتقلب على سوارت تفتح جبادتهم حلات ودخلات سقيل فدار طلعات نيشان لبيتها حلاتو حطات صكدوها وبيسي حيدات بروتكانها لاحت لكسكيطة وتلاحت فوق نموسية حالة رجليها ويديها يلاه داتها عينيها حسات بيد كدوز على راسها حلات عين وعين مغمضاها مخنزرة شوية تبدلو ملامحها وتبسمات
إيثار:عميتو صباح لخير
سعاد:صباح نور بنتي على سلامتك ايمتا وصلتي
إيثار:غير دابا اش مفيقك حسيتي بيا
سعاد:بان ليا باب بيتك محلول كليت لقيت مشبحة بحال شي هيدورة اجي على دكر لهيدورة انت مولات لفعلة ياك
إيثار:اشمن فعلة الله يحفضنا عميتو عفاك سدي دوك سراجم والله حتى عيانة بغيت انعس حتى نفيق ونهضر واخا، رجعات غمضات عينيها ونعسات
سعاد:ايوا لا إله إلا الله ابنتي الله يعطيك عقل ويهديك، سدات سرجم بيتها وغطاتها خرجات وسدات لبيت وراها.
"من بعد ساعتين على طبلة لفطور"
الحاج عمر:جات روبن هود (إيثار لقب ديالها فدار)
الحاجة مليكة:لحاج خلي عليك لبنت الله يهديك اش بغيتي عندها اش دارت ليك
الحاج:لا مابغيت عندها والو غير داخلة لكوري تسلت بحال سيحت ليل وسارقة جوج حوالة صرديين مزال شاريهم بتمان وبلا حشمةبلا حيا دابحاهم وباش زادت كملاتها مخلية هيادرهم مترحين بلا حشمة بلاحيا ولكن

ولكن ابلاتي انا عارف حسابي معاها، تمت داخلة لالة سعاد 
سعاد:مالنا على هاد صداع على صباح مالك الحاج اش كاين كلم توا راه ايطلع ليك طانسيو
الحاج:مكاين لي ايخرج عليا قدها وراكي عارفة شكون
سعاد:الله يهديك اكتهضر شكون لي نافعك فسوق تسخر وتوقف على شغالك ولبق مايزهق ومكانش فجمالة لي يضحك عليها ربي لما سكت خلينا نفطرو، من بعد ماهضرات سعاد لحاج سكت كملو فطورهم وفطور إيثار وصلها لبيتها مافاقت حتى ل 11 عاد فاقت غسلات وجها فطرات لبسات تيشورت وكولون فتحات سرجم بيتها ونقزات من لبلكون هادي هي طريقتها الى كانت دايرة شي غسلة دارت لكيت فودنيها وخرجات تجري ساعة دالمكانة سلات ورجعات من لبلكون تاني دوشات عاد لبسات عليها وهبطات لتحت لقات خوها كالس مشات كتجري طاحت عليه
إيثار:وفين الحب توحشتك
كريم: (مواااااح باسها) روبن هود على سلامة فين كنت
إيثار:هاه بحالة زعمة معارفنيش فين كنت شحال فيك ديال تحرميات وزعت لمقلي كنت فرباط تداريب اصاحبي او نسيتي
كريم:لا منسيتش غير تلاقيت لبارح مع محسن قاليا مفراسو حتى شي تدريب
إيثار:هداك اكيرون مريض مسكين علاش مفخباركش كتشفو عندو مرض زهيمر لمبكر
كريم:(مصغر عينيه كيشوف فيها بعدم تصديق)
إيثار:متيقتينيش ياك وحق لبزيزيلة وميات عرك لي تشاركنا مكنكدب عليك 
كريم:ناري شفتي انت شي نهار شي نهار لواليديبيتك فالكوري مع ديك لبكرة جاهلة لي عندنا وكولي كريم كال، تفتح لباب وتمت داخلة اسية حطات سوارت طوموبيلتها ولاحت لكسكيطة ديالها ودخلات عندهم لصالة
إيثار: ضابطة كونان على سلامة
أسية:على سلامتك انت اروبن هود ايمتا جيتي
إيثار:غير صباح هدا، تم داخل لحاج عندهم شافوه وقفو بتلاتة
أسية:بابا كيصبحتي بيخير
الحاج:الحمدلله ابنتي على سلامتك، شاف ف إيثار،بنتي على سلامتك،تقدمات إيثار

تقدمات إيثار خطوة لقدام نزلات على ايد باها باستها وكضحك
إيثار:الله يحفظك الواليد
الحاج:الله يرضي عليك ابنتي مزيان نيت لقيتكم مجموعين بغيت نهضر معاكم فواحد لموضوع مهم بزاف
كريم:الله يسمعنا خبار لخير الحاج ياك لباس
الحاج:اولدي قريتكم وكبرتكم ومن صغركم ربيتكم متمدوش ايدكم لحاجة ماشي ديالكم واخا تكونو محتاجين كاينة ولالا
إيثار:كاينة كاينة الواليد، شاف فيها لحاج شوفة كتخلع رجعت حدرت عينيها
الحاج:فخبارك مواخران شريت جوج حوالة صرديين من عند لحاج تهامي ياك
كريم:اه الحاج بالامارة انا كنت حاضر فاش فاش جيتي انت ولخدام ودخلتيهم لكوري
الحاج:ايوا اوليدي لحوالة تسرقو بقات فيهم الهيدورة حتى راس مكاينش ليه الاثر نقزات إيثار
إيثار:الله الله الله استغفر الله لا حول ولا قوة إلا بالله تسرقو الطيف الطيف الطيف ايمتا هادشي وقع عرفتي الواليد مية فالمية ايكون العساس هو لي خطفهم كي شتي لحمة لاصقة على لعظم مسكين لي شافو مايكولش كايكول نعمة يلاه دوك جوج حوالة يكفيوه ولا ميكون غير داك لكزار عرفتيه لي كيكون فسوق قرزاز هاداك ولد لحرام مابغاش يخلص مالين لكورنة فصكايط لي كيجيبو ليه ودا ليك لحوالة، كريم كاينغز فيها وهي حرتم واش بغات تسكت أسية اكتشوف فيها وساكته حيت عارفين هادو فعايلها شوية سكتات وحدرات راسها.
إيثار:من هادشي كامل الواليد انا لي خونت لحوالة وجرجرتهم فنصاصات ليل ودخلهم لكراج ودبحتهم كرضتهم وصيفتهم لحديقة لحيوانات درباط او شي ياكل لحم شي يبقا يبربق فعينيه، لحاج شد قلبو وكلس الارض
الحاج:ومحشمتيش هداك وجهك ولا كفاك كتكوليها بوجهك حمر بلا حشمة بلا حيا اش درت ليك ابنتي اش درت ليك شي نهار تقتليني كون غير نكرتي نقولو ماشي انت
إيثار:وعلاش انكر مالي سارقة اه اه بصح سارقة ولكن كولشي فسبيل

فسبيل دوك لمخلوقات ضالة بالعكس نتوما خاصكم ديرو مضاهرة عليهم باش يطلقو ويرجعو لغابة بعدا بعدا لحم بوجود ولماكلة موجودة ماشي سادين عليهم كايبان فيهن الكاركاس
الحاج:وانت مالك اش حرق شطاطتك واش دخلك فهادشي وانا بغيت ربي تكوني وسطهم بغيتهم يفرسوك ان شاء الله ومايخليو فيك عظم صحيح ياربي
إيثار:لوليد من لخر عقوبتي شنو هيا عندي ميدار، أسية غمزاتها تسكت
الحاج:واخا واخا ابنتي 20دورة على لفيرما كولها 50 طراكسيو وصنادق لي فالكوري صغير يتهزو كاملين لكوري لكبير وتمقيه بغيت نلقاه كايشعل، إيثار عطاتو تحية
إيثار: (بصوت مجهد)وي شاف علم وينفد شاف 123 الى الامام سر، بدات غادية بالمشية ديال لمجندين وخرجات تنفد عقوبة باها
الحاج:شفتوها ياك شفتوها كلشي منك اولدي اكريم كولشي منك من نهار عقلت على راسها وهي تابعاك وحتى انت فين مشيتي سايكها كدامك كونماشي ديك لمدة لي دوزتيها فالاكاديمية فقنيطرة كون ديتيها حتى هي معاك وتابعها فهبالها كاع تمارين لي دوزتي جيتي هنا ودوزتيها منهم شوف كي ولات كيف تور لهايج ولات اكالسة وتنقز عليا هتا بحال تشيتا
كريم:صافي الحاج صافي بقاو فيك دوك لحوالة نشريوهم ليك امتعصبش 
أسية:صافي ابابا راك عارفها كيداسرة مجنونة وريح ضارب فراسها، طلات عليهم إيثار من لباب مصغير عينيها
إيثار:انتوما اتخرج رجليكم من لقبر ماشكيتو عليا شادين فيا نميمة بلا حشمة بلا حيا وانت يالحاج راك حاج ياحسة وكتسمع فيها كتقطع فلحمي وساكت راه سماعتكم انت هاديك هاه حياتي حسن من ديالك انا بعدا خالقة سعادة بحالك انت وداك سلوكي لي حداك ضلو تصبحو على لمشرملين هالقاتل ها لي سارق وجاهم متشوفيهم لا موحمة لا لي شادة فحبل انا لي مخرجت كنشبه لحتى واحد فيكم، هزات ايديها كتحك فشعرها كتفكر وشافت فالحاج لي قرب

لي قرب يسكت ليه لقلب
إيثار:الحاج دابا ابيناتنا زعمة متكونوش لقيتوني فزنقة ولا فشي طارو ولا بحال والو تكون لقيتيني فشي كوري عرفتي كونماشي ديك خليقت ربي لي حداك حتى نشك فيك، لحاج شد قلبو
الحاج:خرجوها عليا منشوفهاش خرجوها بغات تقتلني اعباد الله، هربات إيثار تساطحات مع ختها ريم
ريم:مالكي هاربة تاني شي كارثة درتيها
إيثار:سيري بعدي مني وانت طالقة عليا دوك جوج زغيبات بحال جعافت سراق زيت، ضربات فيها ومشات تنفد لعقوبة
ريم:الله يستر على بنت.
أسية:بابا صافي الله يعطيك ستر اجي معايت لبيرو بغيت نهضر معاك فواحد لموضوع وحتى انت اكريم، ناضو بتلاتة لبيرو دخلو وسدو عليهم.
إيثار:هيدات كاب كانت دايراه على كتافها وبدات ب50 طراكسيو هي لولة تبعاتها ب20دورة على لفيرما هادشي عندها عادي موالفة بيه بحال الى غير كتلعب سلات ودخلات لكوري تهز فصنادق وتبلاصيهم فالكوري تاني حتى سلاتهم جمعات زبل وداتو لبركاصة
ايثار:ففف (كتعوج نيفها) افف اش هاد ريحة بحال ريحة شي جيفة ميت، هزات ايدها عرفات ريحة جاية منها
إيثار:هادشي لي بغيتي الحاج شوف كي وليت حالتي وريحتي خزيت على حالة، لاحت لبرويطة ودخلات من لباب لوراني دالكوزينة دارت عندها لخدامة (لالة لبتول)
إيثار:ششش سميط لميط مشفتيني مشفتك،
لبتول:اجي ابنتي تادايا هوما راه تغداو فاش كنت على برا
إيثار:راه كلت ليهم كون ماشي اسية انشك واش القاوني خالتي لبتول مابغيت والو اناكل على برا،طلعات كتجري لبيتها دخلات لحمام دوشات وحيدات عليها لعرق وديك لحالة خرجات نشفات شعرها لبسات سروال دجين قصير مقطع وتريكو فرمادي ونظاظر دشمس ديك ساعات كان قرب لعصر يأدن هزات صاك دارتو على جنب تيليفونها وفلوسها فجيب وهرجات من بالكون بحال ديما طلعات لطوموبيلتها ديمارات ايد شادة بيها

ايد شادة بيها لفولون ويد شادة بسها تيليفون
إيثار:الو شيخة ستارحتي ونوضي تكعدي نلقاك عند لباب مافيا بي يبقا يتسنى وانت عارفة عدويا نبقا نتسنى شي حد نزيد ونخليك، دغية قطعات ولاحت تيليفون خدمات موسيقى وبدات دندن
إيثار:لابسة جلابة ومن تحتها لميني شيران شعابة وتكول خطيني هضاضاضاي هانونونو سير عالله اسرحاني هاديك هاديك واي، وصلات قدام باب نوال لقاتها كتسناها وكتعكر
إيثار:دوزي وانت كل مرة مدا دوك شلاقم سوسيطة تعكري فيهم
نوال:ماشي شغلك اغير انت كي لهداوي وبغيتيني نكون بحالك كيفاش انطيح خوك كيفاش
إيثار:طيحيه بشي نص وتسحابي راسك جات بزواق شوفي انا نعكيك مودباس دخويا ولكن حتى تولي تسدي ضرقوشك شوية ونضبر على ختي ودابا طلعي خلاص راه لكليكة كتسنا عصام ودراري كايسونيو ليا من صباح، طلعات نوال ودارت سمطة جهدات إيثار لموسيقى وديمارات خلات العجاجة وراها
نوال:اختي كتبقى نحلف منبقى نركب معاك كنخاف على حياتي معاك، وهي كتهضر وقفات طوموبيل بجهد
نوال:شفتي هالي كلنا
إيثار:هاد لحمار شاد طريق كاملة ديال باه مثلا، كتلكاسوني والو مبغاش يحيد خرجات راسها من سرجم
إيثار:اداك خونا واهي وحيد من طريق كيفاش زعمة دايرة فيها عايق بديك لحديدة عندك ولا واخا دروك نتفاهمو، فكات لحزام حلات لباب ومشا ليه،نوال كتعيط معامن شكون داها فيك ، وقفات على مول طوموبيل كطل فزاج كيبان ليها سيد خدام يبوس فوحدة راكبة معاه، دقات عليه سرجم دار شاف فيها نزل زاجة
"ياك لباس شنو كاين"
إيثار:لا لا والو باس قطعت عليك لحظة تبارك الله تبارك الله لفاحشة فوسط طريق متعرفو لي غادي لي جاي اسي محمد بغيتي تبوس بوس فالخلى ولا سميتك راجل ضرب بيها لقاعط ورا متبوس وانت الأخت عاجبك لحال مزنكة حمر ليك لحناك وشتي الى بقيتي هنا ماشي احناكك لي

ماشي احناكك لي ايحمارو بلايص خرين
"وانت مالك شغلك حسدتينا" طلعاتو وهبطاتو كرشو سبقاه وبزازلو كبر من ديالها هي لي بنت
إيثار:هههه حسدتك على زينك وكحل عينك وانت شلاقمك مدلدلين كي سلوكي كحلين كضرب شقوفة مدرحين اولد لهم دابا شوف اتحيد من طريق وترولي ولا لا.
"ويلى ماحيدتش شنو ايديري يالاه"
إيثار:اياه حتى هادي هضرة دابا نوريك شنو اندير، علات كمايم ايديها ودخلات ايدها بالخف جبداتو من من كول قميجتو زدحاتو مع لفولون داتو وجابتو نخضات ليه راسو
إيثار:وحق ربي لمعبود ومترولي وتمشي فحالك دابا وتحيد من طريق حتى غادي نجبد ليك بزازلك ونحلبهم حتى يخرج منهم لحليب لي مكيخرج من لبكرة وهوما مدلدلين كي لكلبة لمرضعة يلاه جري تمشي يلاه، مزادش معاها لهضرة ديك ساعات زاد غبر مابقاش كيبان، رجعات لطوموبيل فتحات لباب وديمارات
إيثار:تفو على بنادم كيداير خزيت، نوال اكتشوف فيها وساكتة عرفاتها جاعرة واخا رجعات كتسوك سرع من لول ماهضراتش ماوقفات حتى لكلوب فين كدير مع لكليكة هبطات وتبعاتها نوال دخلو طلعو لطيراس لفوق سلمات عليهم واحد بواحد كلهم دراري عصام يونس رفيق ومحسن كلسو ضمونداو كل واحد وشنو خدا هي خدات بلا حيت ماتغداتش سلاو وكلسو على تقرقيب ناب
إيثار:سباب شنو بان ليكم نديرو واحد لبلان واعر غدا الحد ونهار تنين عندي مشية لمراكش لاعبين شنو بان ليكم
نوال:لالا بلاش بلانتك لاروب ونحصلو فيها
إيثار:شفتي انت غير سكتي متهضريش
محسن:خلي ديك لخويويفة مافيديهاش اتينا بالبلان
إيثار:سمع سمعت عائلة الوافي دايرين خطبة كبيرة راك عارف هوما عرساتهم كيف كيكونو وقاليك جايبين مايا
نوال:اويلي تي شكون مايا اويلي ستغفر الله واش ديك ديك
إيثار:ديدي ماشي ديك ديك اجي انت باين ليا كتشدي مواقع زرقا بزاف ابنت لحرام داكشي باش

داكشي باش شاعلة كيلحراقية وعقلك موسخة تفو عليك الخامجة تفو يخسارة تربيتي فيك تفو
نوال:متبقايش تفتفي عليا وانا اكنسمع بيها وصافي ماشي من اخلاقي نشوف داكشي خزيت
إيثار:مايا هيا ديك رقاصة مايا لي ولات دايرة لبوز
عصام:طلقينا حنا مالنا
إيثار:ندخلو نتفرجو وناكلو معليناش الله
يونس:وصحبتي دخلة راه بالنفيت
إيثار:عرفناه الخراي بلانفيت حنى اندخلو بطريقة خرا
رفيق:طلقينا خلاص شهمتينا
إيثار:انا جمعت لخبيرة انو لعروسة بغات دهاز يجي مع عبيدات رمى ولكن اهل لعريس ماشي عادتهم يجيبوهوم فدهاز ومن سابع لموستحيلات يجيبوهوم واخا تعواج ليهم لعروسة تم
محسن:بلاتي بلاتي بغيتينا ندخلو لخطبة على اننا مع رمى
إيثار:العز الحب ارا ايديك لهنا كتفهمني انت
نوال:هاء من نيتك وقيلة زهق ليك لفريخ
إيثار:انت اسكتي الله يرحم جدك شنو كلنا ادراري منها لعروسة تفرح وراجلها يكبر فعينيها ومنعا لعريس يسحاب لعروسة هي لي جاباهم ويرتاح حيت خاطر عروستو مخسر نكسبو غير اجر وتواب ونعمرو لكريشة ونتفرجو فديك لفعة كيف كتلوا اش كلتو ادراري مشات زعم تاكول لحم يلاه ها ايدي
محسن:انا معاك
يونس:وانا معاك
رفيق:حتى انا
عصام:الله يحفظ ولكن سير عالله انا معاكم، ايثار كتشوف فنوال
إيثار:كوني مغامرة وجريئة شوية وحيدي لخوف واخا ديري راسك اشيخة ولا تشدي لينا لمقص ولبندير
نوال:كنقول عمري ندير راسي فيك ولكن اديت لقسم نكون ديما معاك ها ايدي تانا
ايثار:ميعادنا غدا ولباس ولحطة وكولشي ضربوه على حسابي يلاه مشينا؟..

فالكلينيك واقف لحاج ولحاج كاع عايلة واقفة، خرج طبيب كن شومبر
الحاج:دكتور كيف بقات بنتي 
دكتور:ماشي شيحاجة خطيرة ولكن عندها كسر فرجل ليسرا ديالها وخاسها راحة تامة درنا ليها لكبص لرجلها من هنا ل3اشهور ترجع عندنا وتحيدو ونعاودو ليها الاشعة غير هادشي راه صحتها مزيانة وممكن دخلو عندها وعلى سلامتها الحاج.
دخل لحاج عند أسية كانت مغوبشة باس ليها راسها لكل دخل عندها
سعاد:على سلامتك ابنتي
أسية:الله يسلمك اعمتي
لحاجة:ناري ابنتي حيدتيها منا خلعة
الحاج:الحمد لله على لطف الله الحمد لله يارب
أسية:فين كريم و إيثار
الحاج:كريم عيطنا ليه جاي وختك كنصونيو وتيليفون مطفي كيف طرا ليك ابنتي حتى درتي كسيدة كنا ناعسين حتى عيطو لينا
أسية:راك عارف كانت عندي بيرمانوس هاد ليلة كنا تابعين واحد لبزنانز خرجو دراري فسطافيط وانا تبعتهم كنت زربانة بغيت نضوبل واحد خينا حتى خرج ليا واحد من زنقة مضلمة معرفت باش تبليت فقدت سيطرة عقلي مكانش معايا
الحاج:الحمد لله ابنتي خرجت سالمة طبيب قاليك اشكاين
أسية:اه ابابا سمعتو ومعرفت اش ندير داخت بيا دنيا والله راك عارف اش كاين خاد لكسيدة مصابت فين تجي ادابا
الحاج:متكوليش هكاك ابنتي قدر الله وماشاء فعل ان شاء الله يكون خير يالاه رتاحي دابا ومتفكري فوالو الله يرضي عليك يلاه الحاجة نخليوها ترتاح، باستها مها لي كانت مخلوعة عليها وعمتها خرجو وسدو عليها لباب خرجو لكولوار تم جاي كريم ولكوميسير وليزانسبيكتور لي معاها سلمو على لحاج وسولو على حالتها 
الحاج:كريم ختك تيليفونها طافي سير وجيبها وعلمها لش طرا لختها، وقف عليهم لكومسير
رشدي:سي لحاج بغيتك انت وكريم فواحد لموضوع ممكن تفضلو معايا
الحاج:اياه مرحبا ولدي تفضل،خرجو على برا مكيتسمعش من صوتهم والو غير ايديهم لي كتهضر..

رجعات إيثار ونوال من لكلوب حتى لساعة معطلة بليل طريق خاوية و إيثار غادية بسرعة منخفضة هاد لمرة
إيثار:اندوز ليلة عندك مافيا لي يمشي حتى لدار نسمع لهضرة تاني 
نوال:ياك مكايشوفوك كتنقزي من لبالكون بحال ماوكلي اجي فكرتيني مبانش ليا الكس وسام وروني فين مشاو (كلاب إيثار جوج هاسكي فالكحل ولبيض وكلب حراسة بيرجي)
إيثار:غدا انجيبهم من عند لبيطري خليتهم لنلقيح توحشتهم وليداتي زوينين هزي ساكي شوفي تيليفون برونشيه مع شارج راه طفا ليا كبيل فاش كانا فالكلوب، هزاتو نوال برونشاتو مع شارج وشعلاتو غير تشعل بداو ليزابيل واحد تابع لاخور
نوال:كريم خوك مسوني بزاف دالمرات وحتى عمي مسوني ليك بزاف ماملفاش ليهم ياك لباس
إيثار:صافي اخليه دابا ايكونو ناعسين حتى لغدا ونمشي لدار نشوف شنو كاين، كملات إيثار طريقها وصلو لدار نوال بلاصت طوموبيل حلات نوال لباب دخلو بجوج بتسكيل طلعو لبيت نوال نيشان ، حلات نوال لماريو جبدات سروال وتيشورت رماتهم لايثار وهي لابسات بيجامتها تلاحو بجوج فوق نموسية مكملاش 10دقايق مدات إيثار كتشخر
نوال:الله يربي الله الليلة باينة تاني انشد لعسة اشدرت تحتك ياربي حتة بليتيني بهاد لخليقة، لاحت عليها إيثار ايدها نيشان فزق فمها حتى زعزعاتها 
إيثار: سمعتك اجحشة نعسي نعسي بغيتك متنوضي، نوال كدور فعينيها وقطعات لحس حتى داها نعاس حتى هي.

وصل صباح لفيرما واجواء طبيعة كيكون صباح فشكل أخور مكتسمع لا حس طوموبيلات لا والو غير صوت لبهايم ودجاج وطيور صباح عندو نكهة خاصة. فاق نوال هي لولة شافت فساعة عندها لقات 1 قد قد 
نوال:اويلي نعسنا كاع هاد لوغت غيبوبة هادي، دارت جيهت ايتار بانت ليها دايرة نعسة ولا في الاحلام بدات تفيق فيها
نوال:إيثار إيثار وزمر واخميس زمامرة وتاكومبة ونوضي نعاسك تقيل
إيثار:بعدي مني راه منعسناش بكري
نوال:ونوضي راه لوحدة هاضي ظهر وافات، كمزات إيثار من بلاصتها
ايثار:اويلي على لوحدة ابنت لحرام مفيقتينيش
نوال:ودابا اش كنت كندير كنعاود ليك لخبير، تخطاتها إيثار بزربة حتى كركباتها من نموسيتها خلاتها كتحك ظهرها سبقاتها لحمام غسلات حالتها خرجات لبسات حوايجها دخلات نوال لحمام ايثار غير سلات لبيس لحوايج هزات ساكها وسوارت طوموبيلتها وتيليفون ونبات نوال من برا
إيثار:نوال انا مشيت لدار ليوم لحد خاصني ندوز عند جمالة نفرق عليهم لخضرة داليون صافي ميعادنا لعشية
نوال:(من وسط الحمام) صافي بشما كان سوني،ليا خرجات إيثار من بالكون ديال بيت نوال بحال طرزان مافيها لي يتلاقا بوالدين نوال وغادي يشدوها لفطور ركبات فطوموبيلتها وشدات طريق لدار دغية وصلت بحكم قراب لبعضياتهم مع دخالة من لباب كتبان ليها سطافيت دالبوليس لكبيرة وصغيرة وكاتكات فالكحل مافهمت والو هبطات من طوموبيلتها هازة ساكها جايا بجنب سطافيط وكطل عليها بان ليها بوليسي واقف بالبسة على برا وقفات حداه كطلع فيه وتنزل جبدات سوارت حلات لباب دخلات كايبان ليها صالون عامر خوها كان كالس وقف شاف فيها كان كالس راجل فالاربعينات وشي وحدين معاه ومها وعمتها
كريم:فين كنتي تيليفونك طافي كنسونيو عليك حتى عيينا ومشيت لدار نوال مالقيتك
إيثار:كتحقق فالبوليس وتشوف فباها)

ايثار:جينا فوقت معطل وبت عندها، شافت فباها وصغرات عينيها
إيثار:عندك الحق الواليد ياه مزيان على قبال جوج دالحوالة جايبة ليا لبوليس ناس كايديو ليهم لملاين ومدارو هكا انت على قبل جوج حوالة صرديين واصلا مافيهم كاع لحم منفوخين ابكترت لفصة هداك الحاج اضحك عليك ياك ياك على اخر يامي نتختخ فالحباسات (شافت فخوها) وحتى انت اخويا ياحسرة انا وياك كيتوام وكتموت عليا ومتخلي حتى حاجة تأديني وانسبيكتور ياحسرة حتى انت جايبهم يديوني قلت ليكم لايقيني فزنقة وتقلقتو باينة لقيتوني انا واسية غير خويو لمزيودة
الحاج:شوفي غير تسكتي ماتسكتيش انسد عليك انت وديك لبكرة جاهلة لي فالكوري ختك دارت كسيدة لبارح ويلاه صباح جبناها لداروانت جايا تنبحي داخلة سخونة ياك لباس وهادو خدامين معاها ضروري تحشمينا مع ناس، سمعات ختها مداتهاش فيهم طلعات كتجري لفوق فتحات على أسية لباب ضارت ختها عندها كانت ناعسة ورجلها مسرحاها ومغطية حطات إيثار ساك فوق لكرسي ومشات عند ختها تكات حداها عنقاتها
إيثار:ختي والله مفراسي تيليفوني كان طافي اما نجي كي لبرق كيبقيتي كضرك شيحاجة 
أسية:كضحك) شوفي دوك تحريميات ديال لخواتات مديريهمش عليا وديري راسك خايفة عليا راني كنعرفك مزيان اش كتسواي خرجي عليا ودرقي كمارتك مابقيتش بغيت نشوفك، شافت فيها إيثار مصدومة من هضرتها، شوية طرطقات أسية بضحك
أسية:ماري كيف ولا وجهك اجي الحب اجي واش مابقا حد يضحك مع ختو ويمثل عليها شوية ماشي غير ديما سربيس راه معنديش روح نكتة
إيثار:ناري خلعتيني قلت ياكما سكنك ليكزورسيست وليتي كتحولي ولا لكسيدةاترت عليك 
أسية:اديك لهبيلة راه حنا توام واخا مرة مرة مكنتفقوش ولكن انت كتبقاي الحب الابدي ديال (موااااااااااااااااااااح)
إيثار:حنكي طار طار اختي تزوجي وبوسي راجلك

يلاه اتجاوبها أسية دخل كريم
كريم:امم كتحابو بلا بيا 
إيثار:اغير خاشي قشابتك انت طلعتيلي فراسي خليني نشبع من ختي ونشبع فيها ابوسان وتعناق الحمد لله اتشد كونجي ونكلسو بزاف ارا برع واي عاوتاني ستك ستك مكاين غير الافلام وبلايستيشن، دخل عليهم الحاج وكوميسير رشدي
رشدي:أسية شوية كيكتحسي 
أسية:الحمد لله مون كوميسير مع راحة ودوا انولي بيخير وعلى خير
رشدي:إيثار صافا كيغادية مع لبطولة نسوية
إيثار:متخممش كلشي هو هداك، يلاه نخليك ترتاحي نبدل حوايجي ونفطر ونرجع عندكم لاتكونو بغيتو تهضرو على لمهمات ديالكم هههه
الحاج:لا ابنتي كلسي بغينا نهضرو معاك
إيثار:ياك لباس مالكم اكتبلقو فعينيكم، شافت فباها ولكوميسير كتصغر فعينيها وتفكر شوية خرجات عينها فيهم
إيثار:اويلي حاي ستغفر الله ياك الواليد بغيتي تزوجني شوف شتي زواج هو لي متفكرش فيه انا فعلا زهوانية اه وكايعجبني زين انا راه صريحة انت ربيتينا هكا بلاما تبقى تشوف فيا ولكن باش تزوجني لشارف لا اه اسي لكوميسير سمحلي انت كبيبر خاصك قدك ولا لي تواتيك ماشي انا انا راه مزال كنحنقز فجبال بحال ديك لمعزة لي فيها طيكوك لايكونو كادبين عليك بنتنا حادكة زين حطها على جرح يطيب كيما كيديرو انا تحطني على جرح هما كايزيد تشعل فيه لعافية
الحاج:وانا ابنتي بغيت لعافية تشعل فيك وبغيت ليك لهدم لداك لفم لي مكايسكت مكيعرف يهضر وانا فين غانعطي راسي ياسيدي ربي اش هاد لبلا سلطتي عليا ناس والدين لبنات وانا والد ماوكلي عندي فدار ياربي واش اتسكتي تخلينا نهضرو ولا لا، ضحك لكوميسير
رشدي:إيثار انا مزوج وعندي جوج وليدات خلي انا انشرح ليك كولشي وعطيني ودنك،شاف فالحاج،لحاج تهدن انا انفهمها
رشدي:كيفما كنعرف عليك انك بنت قوية وبميلت راجل وفينما تحطيتي كيمكنش شي حد يتفنفن..

قدامك 
إيثار:موسيو رشدي الله يعطيك ستر دخل فالموضوع نيشان وفهمني شنو كاين
رشدي:ختك أسية كانت عندها مهمة خارج لبلاد فهاد سيمانة كانت موجدة الاوراق ديالها مطلبوبة من طرف الأمن ولي سيفط من وراها هو وزير الثقافة السنغورية موسيو لي هسين
إيثار:ولكن دابا ختي مريضة ميمكنش تمشي
رشدي:فوالة ولكن لمشكل لكبير انو ملف الاخت ديالك كاين عندو وختارها تكون مرافقة ديالو
إيثار:كيفاش زعمة مرافقة صحبتو ولا كيفاش
رشدي:لا لا موسيو لي موخران ولاو كايجيوه تهديدات بالقتل وماشي مرة ماشي جوج تعرض لهجوم خصوصا انو هو لممون وراعي رسمي لمسابقة الرقص لي كتقام كل عام بسنغفورة وهي اكبر مسابقة"ايني بادي كان دانس" عناصر الامن لي عندو كموفرينش لحماية لكافية داكشي باش كلفنا أسية انو اتكون مرافقة ليه اجتماعات ديالو وحاضرة معاه فأي وقت وفنفس الوقت اتكون متعاونة مع شرطة سنغفورية باش يتشد هدا لي كيهدد الوزير يعني مهمة دقيقة جدا 
إيثار:ودابا معليكم غير تسيفطو ليه شي واحد أخور بحال أسية ختي وتعلموه انو تعرضات لكسيدة ونبينا عليه سلام
رشدي:فدورية عندنا مكينش شي واحد بكفائة أسية وميمكنش نخصرو مع لوزير خصوصا انو بين المغرب وسنغفورة مشاريع مرتابطة كثيرة غلط بسيط ممكن يتدهور كلشي
إيثار:واشنو تمشي ختي وهي مهرسة ميمكن
أسية:الحل لوحيد لي عندنا اختي هو تمشي انت فبلاصتي، (لحظت صمت)
إيثار:هههه انا انا كتفلاو ياك
الحاج:بنتي مكاين حتى حل اخور غير انك تمشي انت بلاصت ختك ساهلة
إيثار:انا هي اكفس الاختيار انا راه معندي حتى اشكال نمشي من دابا على راس ولعين ولكن انا راه غير انكفس لقضية وانا كنطير من لمقلة كون غير شي غابة ممكن جنوب آسيا وقضية فيها إجرام والله حتى انكفسها انا عارفة راسي كنطير مع طيور انصدق غير مزبلاها والله..

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.