الساقطة و الملتزم الجزء الثاني

من تأليف لؤلؤة ذهبية وFati ica
2018

محتوى القصة

رواية الساقطة والملتزم

أسيل:(مشات لبيتها تكات شادة تيليفونها جاوبات أنور بلي راها قابلة ودار معاها يتلاقاو الغد له أصلا هي خارجة مع 4 لقاتها فرصة صافي نعساات وماماها كدلك غير مشات لبيتها تكات طاحت كاو كانت عيانة نيت مسخسخة لغد له فاقت أسيل مع 7 ناضتت لقات الفطور فوق الطبلة ماماها كاتخرج بكري 7 تكون خاصها تكون تما مشات غسلات وجها ومشات لبسات حوايجها وخرجات من بيتها گلسات فالصالة كاتفطر سالاات جمعات الماعن دغيا مشات غسلات سنانها قادات صاكها ومشات خرجات وسدات الدار بالساروت دوزات الصباح عادي بطبيعة الحال البنات فيما يلقاو شي فرصة يتغاامزو عليها خرجات مع 12 طرگات واحد السناك خدات غداها خلصاتو ومشات للدار تغدات وهضرات مع أنور لي دار معاها يتلاقاو فكااافي إيفلي صافي مشات كاتقلب على ماتلبس هزات واحد التيشورت كول v فالبيض لبساتو وليبة موس فالكحل ولبسات من فوقهوم وواحد الصاية قصيرة فالكحل وصباط عالي فالكحل دارت اكسسوارات ديالها هزات طابليتها القديمة لبساتها حيت طويلة عليها وواسعة مابغات تا حد يعرفها شنو لابسة قادات شعرها القصير سرحاتو وطلقاتو على راحتو دارت ماسكارا وقلم وگلوس هزات صاكادو فالكحل صغير ديجا عندها غي السپور وساعة ديال العربية حطات فه مدكرة صغيرة وستيلو وعكر حمر ومراية صغيرة شافت فالساعة كانت 13:30 مشات خرجات سدات الدار ومشات خرجات مشات ليسي ديالها دازو السوايع ديال القراية خرجات مع 4 مشات للپلاكة ديال الطوبيس ركبات وخلصات ورقتها وهي فااطريق حيدات الطابلية وطواتها مزيان خشاتها فالصاكادو ديالها وهزات العكر والمراية ودارت تعكيرة ديال الغدايد الطوبيس كان خاوي شوية داكشي علاش خدات راحتها فداك اللور وصل المدينة ووقف خرجات أسيل وحدة خرا كاتبان فشكل واعرة ولاطاي ديالها فنة جاتها اللبسة من داكشي هزات تيليفونها لي كان كايصوني كان أنور سولها على بلاصتها گالتله راها قريبة وصفات ليه داكشي لي كانت لابسة ومشات غادة فالطريق ها لي كايسفر ها لي كايدير راسو سخفان ها لي بقا غير تابعها ماوصلات تا غفر ليها الله الدنوب وصلات لكافي وطلعات لفووق تما فين گاليها غير وصلات وبدات دور عينيها حتا جا عندها هو وهو مبهوط فجمالها سلمات عله بلابيز ومشاو گلسو تا أنوور عندو حقو من الزين حروفو كحلين ومربي لحية خفيفة حيت هو فكونجي صحيح شوية لابس تيشورت بيض سروال الدجين كحل وڤيست بلوومااغين وماشط شعرو مرجعو اللور بقاو مرحيني كايتعرفو على بعضياتهم كتر وأنوور بان ليه التيتيز لصقها وأسيل كادير راسها التبااتة والرززاانة طلبو داكشي لي بغاو هي عصير وهو قهوة كحلة بقاو هكاك قربات 6 وگالتله غاتمشي لصقها بغا يوصلها وتاهي مافيها لي تمشاا دك الطريق تاني خرجو ركبو فلوطو ديالو وهو كايتغزل فيها وصلها حدا الپلاكة ديال الطووبيس سلمات عله تاني وهبطات تسناها تا ركبات عاد مشا اما هي خلصات ورقتها گلسات لبسات الطابلية تاني ومسحات داك العكر حطهوم الطوبيس وهبطات مشات لدارهوم فلوقت دخلات سدات الباب ومشات بدلات حوايجها ومسحات آثار الجريمة كاملين دارت تيليفونها فالشارج ومشات الكوزينة كاتقلب على ماتاكل مالقاتش لاحت عليها پينوار على الپيجامة وهزات شي صرف وخرجات مشات عند مول الحانوت جابت بكية ديال الفرماج وكاشير و6 دالبيضات وجوج خبزات ورجعات للدار سدات الباب من وراها حيدات داك پينوار ومشات دارت كاسكروط اومليط فالزبدة وفوق منها الكاشير وفرماج وكاس ديال أتاي كلات وغسلات الماعن وريحات كاتكونيكطا مع أنوور لي كانت باينة بلي عجباتو بطبيعة الحال بقات كادوي معاه حتا قربات 9 حطات تيليفون ومشات دارت طاجين حكات فه ماطيشة والبصلة والتوابل ديالهم حتا تشحرو مزيان فقصات فوقهوم دوك البيضات لي بقاو وغطاتو طاب وطفات عله ورجعات گلسات حتا دخلات ماماها لي بددلات حوايجها وصلات العشا لقات أسيل حطات العشا تعشاو بجوج فجو مرح ومن بعد غسلو الماعن وخديجة مشات تنعس اما أسيل بقات كاتفرج حتا جاها النعاس ومشات لبيتها تكات ونعسات ولغد له فااقت لقات الفطوور واجد وهكا كان الرووتين ديااالهم هادي 20 يوم أننور قضا لأسيل الغاراض هو لي طلع ليها لاكارط وكولشي وحتا من تيليفون جديد جابو ليها وكان مهلي فيها بالكادووات بدا كايزعم عليها وكايلمح ليها بلي باغي شيحاجة كتر راكم عاارفين شنو 🔞 تما أسيل عرفات بلي خاصها تبعد منو ليوم من بعد ما وصلها أنور تاني لپلاكة ديال الطوبيس ركبات ومشات رجعات لدارهوم طيبات العشاا وهي تجط ماماها كاتشوف فيها شي شوفات) 
خديجة:أسيل بنتي نسولك 
أسيل:سولي اماما
خديجة:گالو ليا ركبتي مع شي واحد طونوبيل وصلك تا لپلاكة ديال الطوبيس😡شكوون هاادا وشكنتي كاديري فالمدينة
أسيل:😳😨(تصدمات ولكن دغيا عتقات راسها) ماما راه ليوم وقع ليا بزاف راكي عارفة لاكارط راه عاد طلعتهااا مع ماكاين لي عاوني ديما غادة جاية لمدينة عاد جبتها👀وملي كنت خارجة تعرض ليا واحد الشفار كان باغي يگريسيني غير جاب الله خرج داك البوليسي عاوني وركبت معاه وصلني حذا الپلاكة راه بطونوبيل ديال البوليس نيت فاش ركبت👀

**عند أسيل و خديجة **
خديجة:كيفاااش شفار عاودي ليا ياكما دار ليك شي حاجة ؟؟😨
أسيل: لا اماما متخافيش غير مني كنت خارجة كان باغي يدي ليا الصااك و دزت من حدا دك القهوة و كان داك بوليسي تما كالس وشفار من بغا يجر ليا صاك جا داك بوليسي و عتقني و صافي وحلف يوصلني ووصلني موقع والو بنادم خاصو غير يهضر هاذ المغاربة لا تبعيتيهوم يا تمشي الحبس يا تمشي القبر 👀..
خديجة: اناري هادشي ولا كيخلع و حمد الله من خرجات طريفة و حضي راسك ابنتي بنادم ولا خاصو غير علاياش يهضر .. صوناو عليا فالخدمة بنتك ما بنتك راكبة فطونوبيل
أسيل: كوني هانية اماما متحتاجيش توصي يا الله انحط العشاء نتعشااو باش نمشي نعس عيانة ...
خديجة: وخا ابنتي ...مشات أسيل حطات عشا كفتة بالبيض و حطات خبز و قرعة لما فوق طبلا تعشاو و جمعات داكشي غسلات ماعن و مشات غسلات فومها ووجهها بصابون و دارت كريم نيفيا ليلي وهزات مشطة كتسرح شعرها خلاتو مطلوق و مشات لبيتها ...خديجة توضات و صلات العشاء و شفع ووتر و ناضت تخشات في بيتها ..أسيل دخلات البيت كتخمم باغا تهنا من أنور و كتقلب على شي وسيلة باش تهنا منو بقاع غادة جاية في بيت كتخمم و تفكر ..
✍بلسان أسيل 
اسيل: اوووف اش غاندير لهاذ زمر باش نتهنا منو اووف دبا ولا باغي يهز رجلين هاكاوا داكشي لخاص ياك صايبت لاكارط و داكشي لكنت باغا وصلت ليه و هذا الأهم دبا شنو غندير اش غندير ...اهاه لقيتها سي أنور زهواني امم صافي لقيت دواك أبا انوار معامن نتا 😈😈
مشات أسيل هزات تيلفونها و دخلات صايبات بالخف فايس جديد باسم مستعار طبعا و بقات كتقلب في الإنستغرام كتقلب كتقلب تا طاحت على واحد التيتيزة هزات تصاورها دغيا ذخلات التصاور لفايس لمزور و دارت المدينة الرباط و دخلات فايس ديال انور و سيفطات انفي ...
اسيل:دبا سي انوار ايصحاب ليه غير شيحاجة مهمة البنات كيسيفطو ليه😂😂😈معارفش راسو معامن ..《مكاملاش تا 10 دقايق أنور قبل طلب صداقة 》
أسيل: مزرووب بزااف اوليدي يا أنور ...احح نلعبو شوية ...أسيل الله بغات تسيفط سلام و هي توصلها hello 
أسيل:هااااهاااا و زهواني نيت 😂😂😂😆
جاوباتو أسيل و بقات عليه بالكذوب انا بنت الرباط كنقرا فلافاك و زيد و زيد و تسيفط تصاورها سيد دغيا تحل و داخ ..وفي نفس الوقت أسيل كتسيفط ليه في واتساب و والو كيكلس ربع ساعة عاد يجاوبها و جواب ناقص (بنات نهار بوركابي ديالكوم يتعطل عليكوم ميجاوبش عرفو الضرة دخلات😂😈الله يقدرنا على فعل الخير) ..أسيل داكشي لبغات وصلات ليه هي باغا غير تبعد منو ...و أسيل من نوع لذكي بزااف وخا باقا مراهقة و لكن فران و قاد بحومة قادة و قدود ...بقات اسيل كتهضر معاه بداك الفايس المزور و تحلون في الهضرة و كذا طلب واتساب ديالها رفضات كاتليه تا نتعرفو مزيان ..شوية كاتليه بونوي و سدات ..و أسيل استغلت فرصة و سيفطات ليه في واتساب شكرا و طفات كونيكسيو و نعساات .. 😴😴
🌞اصبحنا و اصبح الملك🌞
صباح جديد ناضت فيه أسيل ليوم الاحد مكاين الاحد لاقراية لا والو دخلات طواليط قدات حاجتها و غسلات وجها من كريم بصابون و مشات ردات لما يطيب ..خديجة بدورها ناضت ..وجدات أسيل الفطور فرماج و زيت و زيتون و براد اتاي و مشات خرجات جابت كومير من الحانوت و جات حطات داكشي و كلسو كيفطرو كالعادة ..
أسيل: ماما ليوما انمشي الخبازات ياك؟؟
خديجة: ان شاء الله ...
أسيل: متبقايش تكولي ان شاء الله انمشيو اه و لا لا😑
خديجة: يا ويلي على بنت ان شاء الله لاكتاب ..
اسيل: اووف اماما اوووف شوفي راشلا حوايج خاصيني مورا الغذاء وجدي راسك باش نمشيو ..
خديجة: وخا الالة ميكون غي خاطرك شحال عندي من بنت انا 😍
اسيل: (ناضت عنقتها) وشتي طبيعة الحال غير وحدة😍
خديجة: الله يخليك ليا يا ربي 😍
اسيل : ويخليك ...
كملات الأم و بنتها فطورهوم في جو لا يخلو من الضحك سالاو فطورهوم ووناضت اسيل جمعات دار و ماعن غسلاتهوم و خديجة في كوزينة طيبات غذا و عجنات ..دات اسيل خبز فران ضرب ضهر ..ناضت خديجة صلات صلاتها و اسيل بدات كتوجد غذا تحطو مشات جابت خبز و جات كتقاد ديسير و شلاضة في طباسل حطات غذا و كلسو كيتغذاو و أسيل كتكول بغيت هاذي و هاذي و هاذي و خديجة مسايراها كاتكوليه غير اه اه دايرة ليها خاطر تاسالاو و ناضو كيجمعو غسلو ماعن و اسيل غسلات سنانها و دخلات بيت جبدات سروال تجين و قبيلة في كري سبرديلة في كري لبساتهوم هزات شعرها كوتشوفال و دارت ليكخو دشمس و شدات قلم رسمات حجابنها و دارت ايلاينر و كلوز في غوز وهزات تيليفونها خشاتو في صدرها ..لقات خديجة لبسات جلابتها ودارت زيفها خرجو و سدو الباب مشاو ركبو في طوبيس ..وصلو بلاكة لحدا تخفيضات سعادة و دخلو تما فين كتقدا أسيل ...دخلات كتعزل داكشي لخاصها و خديجة غير تابعاها مسايراها ...شرات ليها داكشي لبغات و خرجو دخلو زنقة 36 دارو شوية خدات خديجة بلغة ...ومشاو ضرب 260 تا هو و عاودو رجعو كيضرورو تا عياو و رجعو بحالهوم دار ...

هكا دازت 10 ايام و اسيل كتهضر مع انور بصفتها امال وهو تيقها وولا كيحلم بيها و هي كل نهار تلوح ليه طوف في شكل ...اسيل في واتساب مكيجاوبهاش كينخلها و هي داكشي لبغات ...وهماتو تلاقاه و هو داخ في البلاصة دخل عند أسيل كاليها الله يعاون سالينا و بلوكاها وها اسيل حقات داكشي لبغات بلوكاتو وفالبلاصة مشات دارت لداك الفايس ديزاكتيفي ...وهنات راسها و هكا تهنات منو بصفة نهائية حيث هو لطلب فراق و هي زعما مدارت والو جات منو هو...
🌞صباح جديد مليئ بالمفاجئات 🌞
😴ناضت أسيل من النعاس دخلات الطواليط قضات حاجتها و غسلات وجهها و خرجات لبسات حوايجها سروال تجين و بودي قصير في بلومارين و هزات دودون قصيرة في كحل و سبرديلة نايك في زرق خلات شعرها مطلوق دارت ماسكارا و كلوز ليكغو ديال شمس و اكسسوارات ديالها دارتهوم ورشات بارفان ديالها ..هزات صاكادو ديالها دارتو في ضهرها و خرجات ..
خديجة: صباح الخير فين غادة بلا فطور؟؟
أسيل: عطيني واحد 20 درهم انفطر في محلبة مع 10 
خديجة: الله يا بنتي البارح 12 الف خرجت بقا ليا غير مصروف لنصرفو باش ناكلو ها فطور في دار فطري و سيري..
أسيل: صافي صافي انا غادة مابقيت باغا والو..
خديجة: بلاتي نشوف بزطامي ...
أسيل:(خارجة عاقدة غوباشة) بلاش صافي ...خرجات اسيل و زدحات الباب..
خديجة: يا ربي تصبرني مع هاذ البنت و يعاوني عليها هاهي خرجات بلا فطور ثاني ...صبر يا مولانا صبر
خرجات أسيل غادة في الطريق هازة راسها مخنزرة مكتهضر مع تا حد وصلات ليسي دخلات مشات وقفات حدا قسمها كان باقي تا حد ماجا شوية و هي تجي كوثر صاحبتها ..
كوثر: صباح نور أسيل ..
اسيل: صباح الخير صافا؟؟
كوثر: حمد الله في خبارك دراري قسم ايدرو ميتينغ نهار الأحد ..
اسيل: بصح؟؟
كوثر: اه بغاو يديرو شي خرجة وكالو ايطلعو مهدية ..
اسيل: مزيان والله محتاجين شي خرجة ..
كوثر : اتمشي ،؟
أسيل: طبعااا يا ختي نفوجو ...في هاذ لحضة جايين جوج بنات مكيحملوش اسيل ..
نهال: وينووو كالك باغا تفوووج ها ها ها😂😂
مريم: وااييه وحدا تلقايها مكتكساااب تا درهم في جيبها و وباغا تمشي ميتينغ ..
أسيل: ادورو تقودو و لا انخلطك نتي وياها هنااا ...
مريم: اش هاذ المستوى ولكن بنت سكايري اش انتوقعو منها...مك كضرب في تمارة ونتي تا تهزي فلوس باش تشري بيهوم شراوط لخلاه ليها باك تا تكملي عليها نتي كتبقا فيا و الله مسكينة ...
أسيل:(مشات شدتها من شعرها) دبا علاش كتقلبي😡😡 شوووفي فيااا اتعطيوني تيسااع و ساحتي خويوها علبيكوم ولا مغادي يعجبكوم الحال راكوم عارفيني اش كنسوا را بربي تا نشوه طاسيلتكوم و عندي زايد ناقص...
كوثر:(كتجر فيها) أسيل صافي يا الله اختي خليهوم كيهضرو را غير الحسد ..
نهال:(كتجر صاحبتها) مريم يا الله حنا مكنوقفووش مع بحال هاذ النوع ..
أسيل: و تي سيري تلعبي مع قدك و مسحي طرمتك عاد اجي دوي معايا انا لالاك سمعتي لالاك .....كوثر جرات أسيل و مشاو دخلو قسم و لوخرين تاهما دخلو ..دازت حصة لولة ووخرجو دخلو حصة ثانية ..صونات العشرة و خرجو المحلبة لقدام ليسي ...اسيل كان عندها 2 دراهم خدات مريندينا و كوثر تا هي و خرجو كيضحكو مجمعين تا وقفو عليهوم مجموعة من دراري و بنات و منهوم دوك جوجات ...
أحمد: أسيل صافا؟؟
أسيل: ممم حمد الله و نتا ؟؟
أحمد: حمد الله جيت غير نقولك نهار الأحد انديرو ميتينغ مجموعين في مهدية (البحر ديال قنيطرة) 
اسيل: في خباري ..
أحمد: اهاه و شنو اتمشي معانا ..
أسيل: اه ان شاء الله ..
نهال: و في خبارك احبيبة بشحال مشاركين ...😈
أسيل: ونتي شكون دواك هضرت معاك ؟؟😠
نهال: ايوا غير باش متصدميش احبيبة خرجة مشاركين بيها ب100 درهم احبيبة ايوا حكي جيابك و لا شفري بزطام مك ...
أسيل: بالياا نتي كتقلبي تباتي في صبيطار الغابة مافيهاش شك..
احمد: شووو البنات تهدنو دبا أسيل اتمشي و لا لا ؟؟؟
أسيل:(بثقة) اه انمشي ..
أحمد: اوك في عشية جيبي فلوس باش نعطيو مول طرونوسبور فلوس لغادي يدينا
اسيل: وخاا ..نخليكوم دبا صونات اندخلو ...جرات أسيل كوثر و دخلو دوزو ساعتين وصلات 12 و خرجو رجعات أسيل دار حلات باب و دخلات لقات ماماها كتصلي دخلات بيتها بدلات حوايجها و كتفكر منين تجيب 100 درهم باش تخرج مع دراري ..ووالو ماطاح في بالها والو كالت طلبها من ماماها ...خرجات أسيل لقات ماماها صلات ..
خديجة: جيتي ابنتي سيري جيبي الخبز من فران ..
أسيل: وخا اماما ..لبسات أسيل بنوارها قصير و هزات فلوس و خرجات جابت الخبز و جات لقات ماماها حطات غذا كلسو كيتغذاو و هي تهضر أسيل ..
أسيل : ماما دراري و بنات لكيقراو معايا دايرين خرجة ها الأحد ...
خديجة: فين؟؟
اسيل : البحر و انا بغيت نمشي معاهوم و دايرين 100 درهم واحد ..
خديجة:100 درهم 😮😮 ماشي بزااف ..اصلا اش بغيتي شي خرجة نهار تبغي تمشي بحر انا نديك ..
أسيل: ماما واش من نيتك داوية دبا ..ولا كضحكي معايا ..كنقوليك بنات صحاباتي و كلشي خااارج و انا نمشي معاااك شنو زعمة انا ميمكنش نفرح ولو نهار واحد في حياتي😑
خديجة: ولكن ابنتي....قاطعتها
أسيل: ماما بغيت 100 درهم و خلاص بلاش من هاذ هضرة كاملة ...

¤¤عند أسيل و خديجة¤¤
خديجة: و لكن ابنتي منين انجيب ليك 100 درهم...
أسيل: ماما ماشي سوووقي نتي نهار كنت كنخدم كولتي ليا ديها في قرايتك و تا حاجة متخصك كاينة و لا لا كوليتي لحليتي عليها فمك تلقايها و تا انا دبا بغيت غير نكون بحال البنات نخرج نتسرا نعيش حياتي ...واش ماشي من حقي نعيش تا انا و البنات كيضلو يضحكو عليا بنت سكايري و معندكومش فقرااااء و زيد زيد😢 
خديجة: بنتي الفقر را ماشي عيب را هادشي لقسم لينا الله نهار الأول ...
أسيل: في لول متولدونيش لاش والداني باش تعذبوني و لا فين كانو عينيك نهار الأول باش تزوجي داك الوحش ...بسبابو ولات عندي عقدة من الرجال و ليت كنكره شي حاجة سميتها رجال حيث كلهوم ولاو كيبانو ليا بحال بحال كلهوم ...الله ياااخذ فيه الحق ..
خديجة: صافي ابنتي سكتي سكتي 😢😢كتزيدي تكملي على مابيا 
أسيل: لا ماغاديش نسكت ماقاداش ديري ليا داكشي لبغيت انرجع نخدم و هاذ مرة وخا تبغي تحبسيني ماغاديش نحبس✋
خديجة:(وقفات) الا الخدمة سمعتي الا الخدمة وخااا نعرف نخرج نشطب الزناقي و نسعى نتي مغاديش تخدمي انا نوض نجيب ليك من فلوس مصروف و ناكلو ديك ساعة الحجر (مسحات عينيها من دموع و مشات هزات 100 درهم من ماريو وجات حطاتها أسيل فوق طبلة و مشات رجعات بيتها بلا متهضر ...أسيل تا هي مسحات دمعة سخونة هبطات ليها و هزات 100 درهم ودخلات بيتها ...)
اسيل : كبرنا و لقينا شلا حوايج كتخلع في دنيا كثر من ضلام ...الحياة علماتني شلا حوايج علمتني ان الصخور تسد الطريق أمام الضعيف و لكن لقوي كيركز عليها مزيان باش يوصل قمة ...و هادشي لباغا اماما و لكن ماشي خاطري كنشوف كلشي كيضحك عليا و تا انا باغا نعيش حياتي بحالي بحال كاع البناات سمحيلي و لكن نهار نقرا و نخدم انعوضك ان شاء الله ..ناضت اسيل بدلات حوايجها و هزات 100 درهم دارتها في بزطامها و هزات تيليفونها دارت ليزيات و خرجات لقات غذا باقي محطوط فوق طبلة و خديجة في بيتها سادة عليها تنهدات و خرجات سدات باب موراها و غادة كتمزك تا وصلات حدا باب ليسي لقات ولاد قسمها و بنات مجمعين و هي تمشي وقفات عليهوم ...
أسيل: سلام ...
الكل: عليكوم السلام
أسيل: (جبدات بزطامها و مدات 100 درهم لأحمد) هاكا و قيد سميتي 
أحمد : كوني هانية ...
مريم : وينووو لمن شفرتيها 😈
أسيل: لزامل ديال باك 😈
مريم: با بزااف عليك راجل على سكايري ديال باك ..😡
أسيل:(مشات وقفات اونفاص معاها وقربات لحدا وذنيها ) حبيبة كلهوم عندهوم زنطيط لاكان با سكايري ...باك احبيبة كيهز رجلين لطيابات ديال حماااام حليمة طيابة را قربت تجيب ليكوم خوووك صغيور وينوووو(هزات يديها اسيل و ضرباتها بشوية بحال لصرفقتها ضورات ليها وجهها باستهزاء و غمزتها😉 و دخلات) كلشي بقا غير كيشوف ...مريم تزيراات وجهها ولا حمر و مرضاتش مشات دغيا كتجري طواليط..اما اسيل دخلات لقسم و كلسات منفخة كتشوف فالسماء كاع مامسوقة جبدات دفترها كتراجع تا جات كوثر تا هي خلصات خرجة لغادي يديرو ..جات استاذة دوزو حصة لولة و دخلو حصة ثانية و خرجو ..رجعات أسيل لدار لقات ماما كالسة كتفرج لاحت ليها سلام و دخلات بيتها بدلات حوايجها و خرجات كلسات حداها ..
أسيل: ماما مقلقة مني😟
خديجة:لا ابنتي لاش انتقلق ؟؟
أسيل: ماما غا سمحيلي قبيلة تعصبت و لكن تا انا بغيت نكون بحال بنات لوخرين ..
خديجة:(ناضت كلسات و جرات بنتها عنقاتها) و انا شحال عندي من أسيل و غادي تكوني حسن من البنات كاع ..ان شاء الله تقراي و تخدمي و ديك ساعة تولي تا نتي بطونوبيل و تبقاي دي ماماك و تخرجيها و تسيفطيها الحج ياااك ابنتي ..
أسيل: اه اماما هادشي لغادي يكون ان شاء الله انحقق ليك كلشي و نعوضك ..
خديجة: ان شاء الله ان شاء الله ابنتي ...و نوضي ديري لينا شي شهيوة ..
أسيل: انا انوض ندير دوك فخيضات نقيلهوم ياك باقين ..
خديجة: اه راهوم في فريكو جبديهوم يترخاو
اسيل : وخا 😊 ..ناضت أسيل كووينة وجدات العشاء قلات فخيضات ديال دجاج و نقات بطاطة و قطعاتها و قلاتها حطات العشاء تعشاو و ناضت جمعات ماعن غسلاتهوم و غسلات سنانها ووجها ذهنات وجهها بكريم ليلي باست ماما و دخلات بيتها حلات كونيكسيو كتكونيكطا تا جاها نعاس و نعسات😴😴
¤¤تسريع الأحداث¤¤
جا نهار الأحد قادات حالتها اسيل و لبسات مزيان وجدات ليها ماكاها شي شهيوات وحلفات توصلها تا باب ليسي وخا أسيل رفضات ولكن ماماها كاتليها رجلي على رجليك وصلات أسيل لقات دراري تجمعو و جا ميني بيس لغادي يديهوم و يجيبهوم ديال صاحب خو أحمد خدام في شركة كابلاج شيفور و هو لغادي يوصلهوم من بعد مدار معاهوم ثمن ..ركبات أسيل و قلعو مشاو البحر كراو باراسولات وخا برد و لكن شمس كاينة و كلسو دراري جبدو كورة و اسيل ناضت كتلعب معاهوم ..واحد دري جاب معام كيتار و بدا كيغني نشطو لعبو ..مريم و نهال كيلوحو هضرة و لكن أسيل كتجنبهوم و لا كتخصر عليهوم كلمة وحدة كتخاليها كطلع وتهبط فيهوم...وصلات عشية و رجع مول طرونسبور و رجعهوم حطهوم حدا ليسي وكل واحد رجع لدارهوم أسيل دخلات سلمات على ماماها وبقات كتوريها تصاور و هي فرحانة هادشي لفرح خديجة 😍

♡♡عند أسيل♡♡
اسيل : (كتوري تصاور لماماها)شوفي اماما جيت زوينة ياك؟؟
خديجة: غزالة تبارك الله اوا فرحتي ..
أسيل: بزاااف انا نوض نغسل و نجي نعس ..
خديجة: لواه ابنتي متعشايش ..
أسيل: لا اماما عيانة باغا غير نعس و غذا نايضة مع 8 راكي عارفة ..
خديجة: و تنعسي بجوع
اسيل: لا را شبعانة اماما شوفي كرشي باقا منفوخة ..
خديجة: وخا ابنتي لباليك ..
أسيل : ماما ها تيليفون ديالي حداك كيتشارجا من تبغي تنعسي جيبيه حطيه حدايا ..
خديجة: وخا ابنتي وحيدي من قدام نشوف را خو منار تويمي ثالث بان امزيناتو شوفي شوفي ..
أسيل: ههه ماما خرج عليك الفيلم و الله ...
خديجة: تي ضوري تشوفي الله على هاذ تواركة زينين ..
أسيل: (دارت و هي تصدم) اش هااادشي و تيتيز نيت😍😍شنو سميتو 
خديجة: أمير و لكن ماشي حقيقية حقيقية هي رضوان ...
أسيل: أمير احح 😍😍و تفرجي تفرجي مشات اسيل كتغني و كثروووو عليا حمير جيبووولي أمير ايهي ايهي سايس سايس (تحية لقراوها بلحن😂) غسلات أسيل سنانها و كالعادة تا وجهها و دارت كريم و مشات بيتها تخشات في بلاصتها من بعد مدارت ساعة باش تفيقها غذا و دغيا داها نعاس من كثرة العياء ...😴
🌞اصبحنا و أصبح الملك🌞
⏰⏰ناصت اسيل طفات ساعة .. دخلات طواليط غسلات وجهها و خرجات لبسات كيطمة حيث عندها سبور عاذ صباح لبسات كيطمة في غوز بيبي فاتح قصيرة و مزيرة عليها بينات المفاتين ديالها هزات شعرها و لوات على شكل كعكة مخربقة ...لباسات سبرديلة بيضة نايك و دارت كلوز لبحال لون شفايف غير هو كينفخ شفايف كثر و هزات شفارها بماسكرا و رسمات حجابنها عمرها حيداتهوم ولكن مقادين من عند الله دارت ليكغو ديال شمس و فراجووو و هزات طابلية خشاتها في صاكادو ديالها و تيلفونها تا هو و دارت صاكادو في ضهرها و خرجات لقات ماماها قلات بيض و حاطة فرماج و زيت و قهوة وحليب ...فطرات و باستها عاد خرجات (هاد ليامات خديجة مابقاتش كاتشمي بكري لخدمة بدلات الوقت) مشات ناشطة ليسي و كالعادة هازة راسها السماء حصة لولة كانت هي سبور دخلات لقات ساحة خاوية مشات كلسات فوق واحد حجرة حدا ساحة ديال سبور كتمزك تا جا وقف عليها احمد 
أحمد: صباح الخير اسيل 😍
اسيل:(هزات عينيها فيه وحيدات ليزيات) وي دويتي معايا ؟؟
أحمد:(كلس حداها) وي كوتليك صباح خير...
اسيل: صباح نور صافا..؟؟
احمد: وي حمد الله ساماغش و نتي؟؟
أسيل: حمد الله كنعديو ..
احمد: كلنا هكاك البارح دازت الخرجة زوينة ..😍
أسيل: اه غزالة فوجنا نيت 😊
احمد: تصورتي وريني تصاور ..
أسيل: اطط (جبدات اسيل تيليفونها وكلسات كتوريه)
احمد: جيتي غزالة هنا في خبارك ضحيكة ديالك كتحمق😍
أسيل: شكرا ربي خليك😊 شوف هنا كان اسماعيل طاااح واااع شوف كرشو قداش😂😂😂
أحمد: 😂😂😂اسكتي كارثة داك دري مسخوطة نتي ..اجي نكوليك واحد حاجة نتي بنت زوينة بزاف و راقية وواعية لاش كديها في هادوك ..
أسيل:(فرحات حسات براسها شي حاجة من هضرة أحمد) شكرا ...ولكن معنديش مع بنادم لكيبغي يستهزء و كنكره الواحد يستفزني 😑
أحمد :هاذيك غير الغيرة و صافي حيث نتي حسن منهوم
أسيل:كثرتي عليااا اخويا كتعنب عليا ولاشنو😅😅
احمد: ههههه مكناكلشي العنب 😆
أسيل: والحامض 😅
أحمد: تا هو واليدة كترقدو في ثلاجة 😂😂
أسيل: حمق😅
أحمد: غزالة ...
بقا احمد كالس مع اسيل لدغيا طلقات معاه و عجبها الحال من لقات شي حد معتني فيها و مكيحسسهاش بوضع لعايشة فيه داز صباح و وصلات عشية و جا صباح اخر و عشية خرا ...علاقة أحمد بأسيل طورات لدرجة ميمكنش نهار يدوز بلا ميهضرو ولا كيكلس حداها في طاولة و هو ديجا كتعجبو ...هي كتكره رجال و مكثيقش ولكن ارتاحات ليه حسات بان كاين شي حد مهتم بيها احساسيها مخلطين ...ولات ديما معاه في اي بلاصة ووهادشي لخلا البنات يزيدو يكرهوها حيث اي وحدة تمنى احمد شاب زوين ووسيم😍تقرب أسيل خلق حسد كثر من لول في بنات ...ليدوزو يدوزو و يلوحو ليها هضرة و هي كتجنبهوم كيف كيقول ليها أحمد ...قربو امتحانات الباك اسيل ولات مكتهزش راسها على دفاتر و خدمة و كل احد كتمشي هي و احمد الغابة لحدا الحي الجامعي و يكلسو يپريپاريو مرة تمشي كليكة كاملة مرة غير بجوج مرة كوثر معاهوم ...تا جا نهار امتحان نهار لول داز عادي اسيل حافضة و خدمات ...جا نهار ثاني و ثالث و سالاو امتحانات و اسيل رتاحت نسبيا وخا باقا خالعاها نتيجة و باغا تشد باك بنقطة مزيانة باش تقدر تحقق داكشي لفي بالها دازت سيمانة طايرة اسيل غير نعاس و واتساب مع احمد و ماكلة ..جا ليلة لغادي طلع فيها نتيجة ليل كامل و هي مكونيكطيا مع احمد مع عندو بيسي عطاتو هو يشوف ليها ماماها كتصلي و دعي تا طلعات نتائج و كالها احمد راكي نجحتي بنقطة 16 (نقط كيتشايرو😂) فرحات ..خديجة ماقادتها فرحة زغراتات في بالها داكشي لضيعاات عليها مامشاش غير هكاك حمرات ليها وجهها و فرحتها بقات شحال معنقاها وكتبكي حقات ليها امنيتها ..دخلو جيران من سمعو الخبار كيباركو و يزغرتو فرحانين مع خديجة...الغذ ليه دوموندات خديجة على حلوى من مخبزة و جابت مونادا و دارت جوج كيكات و دارت حفلة بسيطة لبنتها فرحانا بنجاحها ...

أسيل:(دوزات النهاار فرحاانة وخصوصا بالحفلة لي دارت ليها ماماها وعرضات على الجيران وحتا كوثر كلاو ونشطو وفرحو كاملين لأسيل وجابو ليها كادووات من بعد مامشاو كاملين جمعات أسيل مع ماماها الدار والرواين ومشات لبيتها اما خديجة گلسات كاتفرج مشات أسيل دخلات مسحات الميكاپ ديالها غسلات وجها ودارت كريم ليلي ومشات كاتشوف فالكادووات لي وصلوها وكاتصور لأحمد لي تاهو نجح ب 13 بمساعدة أسيل حيت هي لي كانت كاتشجعو باش يحفض وفهم من راسو بلي أسيل محتاجة ليه كصديق ماشي كحبيب وهادشي لي خلاه يبقا غير صديق وصافي بقاو كايهضرو هو يسولها على شنو ناوية دير من هنا القدام ونصحها ماديرش لاافاك دير شي مدرسة حسن أسيل كانت حايرة ماعارفاش دارت هي وأحمد يتلاقاو لغد له فالبحر سالات معاه الهضرة ودارت تيليفونها يتشارجا ومشات لپلاكار جبدات التيليفون لي كان عطاها أنور آيفون بقات كاتشوف فه) اوا بعدا ستافدنا منك شيحاجة دبا انا كيغاندير نوريه لماما شنو غانگووليها منين جبتوو اووف خاصني ندير شي قالب (مشات خرجات عند ماماها گلسات هي وياها مجمعين كايضحكو ومن بعد ناضو كولا مشات لبيتها ونعسو لغد له فاقت أسيل مع 9 لقات ماماها الله بغات تمشي الخدمة باستها وگالتليها راه خارجة وطبعا ماماها وافقات على مضض مشات خديجة خرجات وأسيل گلسات كاتفطر فطرات وجمعات الماعن غسلاتهم ومشات هزات تيليفونها لقات أحمد مسيفط ليها جاوباتو ومشات تلبس حوايجها من بعد هزات الفلوس لي خلات ليها ماماها وخرجات سدات الدار ومشات طرگات كوتر هي لوللا عاد مشاو عند أحمد للبحر بقاو گالسين تما مع بعضياتهم كايضحكو حتا وصلات وقيتة الغدا وناضو مشاو لماكدو تغداو تما وصلات العشية وبقاو مع بعضياتهم وصلات العشية وكولا رجع لدارهم من بعد مادخلات بدلات حوايجها وگلسات كاتقلب على شي مدرسة لي دفع ليها عندها لانوط ولكن ماعندهاش الفلوس وكولا مدرسة كاطلب كتر من لاخرة أسيل تما تصدمات جاتها البكية شنو غاتقدر دير وهوما الله مكاافين مع المعيشة ديالهم بقات هكاكا كاتقلب وحتا المدارس لي رخاص كاينين فمدن خرين وأسيل مابغاتش تبعد على ماماها بقات كاتفكر حتا بدا يحرقها راسها وناضتت شربات فانيدة ديال الراس وبقات كاتفرج حتا جات ماماها وناضتت أسيل دارت العشا وحطاتو كايتعشاو وخديجة ملاحظة بنتها مبدلة عاودات ليها أسيل وخديجة تقرساتولكن مابيناتنش وگالتليها تصبر وربي غايفرجهاا وإصلا عاد بدات العطلة بلا ماتزرب باقي الوقت وداكشي لي دارت أسيل من بعد مادازت مدة سيفط أحمد لأسيل تايگوليها راه الدراري والبنات دايرين باش اخرجو مرة خرا وهاد المرة لواحد الكلووب وغايخرجو بالليل حيت مابقاوش صغار أحمد گاليها الا مابغاتش بلا ماتمشي ولكن حسات فهضرتو بحالا كاينقص منها واخا ماقصدش حيت داك الكلووب غالي وزيد عليها ماماها ماتخليهاش گالتليه بون نوي ومشات كاتفكر شنو دير بغات تمشي غير لاش تفقص هادوك البنات) دبا انا كيغاندير باش نمشي باينة غاينشطو تاني وغايدوزو وقت زوين وانا غانبقا هنا فالدار تفوو ديما خاص شيحاجة تخسر ليا فرحتي ولكن والله تانمشي خاصني نضبر على شيحاجة لبسها تكون زوينة باش نطلع حسن منهوم تاني ممم دبا انا ماما مسكينة كاتجي عيانة كاطيح كاتنعس ماتحسش بيا ونحاول نجي بكري عنداك غير يوصلوها ليها تاني دوك ولاد الحرام ولكن مانضنش اووف ولكن والله تانمشي😈(مشات أسيل نعسات لغد له طلبات من ماماها لفلوس ومع خديجة عاد تخلصات عطاتهم ليها مشات أسيل مع كوتر المدينة كايقلبو على مايلبسو شراو صبابط عاليين وكساوي ديال السهرة وپوشيط مناسبة مع الكسوة ومشاو للصالون قادو شعرهوم ورجعو فحالهم أسيل جاتها الكسوة خطيرة الليلة غاتمشي لكلووب وجدات حوايجها وداكشي كامل ودارت مع أحمد يجي باش يديهوم غايركبو فطاكسي وجدات العشا لماماها وبقات كاتسنااهاا وخديجة مسكينة كانت عيانة دغيا عيات ومشات لبيتها نعسات وأسيل بقات كاطرطق فصباعها ودخلات لبيتها لبسات كسوتها وصندالتها دارتها فپلاستيكة لبسات سبرديلة باش تقدر تمشي بيها تا للطاكسي وتبدلها دارت ميكاپ صارخ دارت اللمسات النهائية شاقت فراسها جات وااعرة 😍 لاحت عليها واحد المونطوو ولبسات سبرديلة مشات طلات على ماماها لقاتها ناعسة مشات كاتسلت حتا خرجات بلا حس ومشات وهي كاتحاول تبقا مخبية باش مايشوفها حد وصلات لبلاصة فين دايرة مع كوتر ومشاو بجوج لپلاكة ديال الطوبيس لقاو أحمد كايتسنااهم فطاكسي ركبو دغياا وهوما كايضحكوو ناشطين خصوصا أسيل متحمسة حيت عمرها مشات لهاد البلايص عكس أحمد وكتوتر مشاو شحال من مرة بقاو هكاك حتا وصلو قدام....) 

أسيل:(وصلو هوما يوقفو قدام Bar-Hotel ASSAM بدلو البنات سبرديلاتهم ولبسو صنادل عاليين هبطو من الطاكسي وأسيل بقات غير كاتشوف مبهوطة وقفات وهي متوترة ماعرفاتش واش تزيد ولا ترجع فحالها بقات في صراع مع قلبها وعقلها وفلخر ربحات حقيقة وحدة بلي صاافي جات يعني غي تكمل ماكاين لاش ترجع اللور تنهدات وشدات فكوتر ومشاو لجيهة البار دخلو وصلو حدا الباب وكول واحد هز لاانڤي دياالو وليكارط ناسيونال باش غايدخلو شافهم هاداك لي واقف برا الباب شد داكشي وخلاهم يدخلو غير تحل داك الباب دخلو وهوما ماكايسمعو والو بقاو غاديين فواحد الكوولووار وصلو حدا واحد الباب ااخر كبير وكان تما واحد الراجل قدو قداش هاز فيدو شيحاجة مشا أول واحد أحمد مد له يديه هو يهز واحد الطابع صغير طبع فيه شيحاجة ومن بعد كوتر عطاتو المونطو ديالها ومدات له يدها عاد جات نوبة أسيل حيدات المونطو وبقات كاتشوف فه خافت) واااش هااداا كايمشي زعماا غير نغسلو يمشي
أحمد:ههه هبيلة اااه راه غايمشي مالوو غايبقا سيري غير غسلي يدك مزيان ويمشي يالاه دغيا طلقي راسك
أسيل:(شددات فيديها ومن بعد مداتها لداك الراجل طبع ليها فيدها وهو يمشي حل ليهم الباب وأسيل كانت كاتقرا فيدها شنو مكتوب فيها كانت مكتوبة *Summer is hot in ASSAM Bar* تحل الباب ومعاه الصداع والهاراج ديال الناس أسيل وقفات حالة فمها وكاتشوف فداكشي اول مرة تشوفو كانو الاضوية قلال وكولا مرة واشمن لون غووز حمر خضر زرق كايتبدلو والصدااع مجهد بان ليها الديدجي بعيد هو فالقنت الفوق والصداع كايهرس الودنين قاطع سهوتها أحمد) 
أحمد:أسيييل أسييييييييييل مااالك راه غاتلفي اجي راه تماا فين گاالسين ولاد القسم(كايغوت باش تسمعو)
أسيل:واااااخااا (شدات فيدو أما كوتر سبقاتهم مولفة هي بقات غادة معاه حتا وصلو عند ولاد وبنات قسمهم مجموعين فواحد البلاصة گالسين سلمو عليهم وگلسو *مهم البنات الحاجة لي بغيت نگولها ليكم هاد البار حنا ماعارفينوش كيفاش داير هههه يعني هادشي لي گلنا راه غير من عقلنا وداكشي ديال التلفازة ماشي بصاح* كولشي ناشط وكايضحك الا أسيل مزال ماتطلقات مع الباشار ومامولفاش بهاد الاجواء) 
عماد:ههه (نغز أسيل لي كانت حداه وأحمد من الجيهة لاخرة وكايهضر بالجهد) أسيل ماالك شتك ماعجبكش الجووو هناايااا 
أسيل:لا غي مامولفااش
نهال:ههه واباش تعرفي راسك لصقة مامولفاش لاش جااية لاصقة فينا
أسيل:سووقك ياك فلوسي هادو ندير بيهم ما بغيت ياكما هاد البار ديال ياك
كوتر:(كاتغوت) أسييل ماديهاش فيها جينا حنا باش نشطو ماجيناش نديوها فيها اجي نمشيو نجيبو شيحاجة نشربوها (ناضتت ومشات جرات أسيل) 
أسيل:(ناضتت وكاتوشوف فنهال بشرر) كون غا خليتييني كون ربييتها
كوتر:تي تبقاي ديها فيها راه حسداااتك عرفتي كيجيتي بانت ليا الكسوة مقودة ولكن جات معاك ومع طايتك جيتي زوييينة امسخووطة ليوم ضبري😆
أسيل:ههه تانتي جيتي زوينة
كوتر:اجي نمشيو نشربو شيحاجة
أسيل:ولكن انا ماكانشربش
كوتر:ماشي ضروري الشرااب خودي شي عصير راه كولشي كاين هناا
أسيل:واخاا(مشااو وهوما كايتخشاو وسط بنادم حتا وصلو لبلاصة ديال المشروبات گلسو بجوجات فوق دوك الكراسا وجا عندهوم هاداك طلبو بجوج موناضة هاواي باش اكون كايشبه للشراب خلصو داكشي ديالهم وبقاو مجمعين تا جا واحد كاتعرفو كوتر ومشات كاتشطح هي ويااه اما أسيل بقات بوحدها كاتشوف جا عندها أحمد جرها باش اشطحوو كانو مخدمين الاغنية ديال Burak yeter Tuesday مشات هي وياه لداك الداخل وأحمد كايشطح وهي كاتهضر له فودنيه) أحمد اناا مااكانعرفش كوون غاا خليتيني گاالسة
أحمد:وااماايمكنش تجي هنا وماتشطحيش مااكااين لي داها فيك هنايا غير شطحي تحركي وصافي تي علاه شيحد كايعرف لهادشي هنااا
أسيل:😕وااخا (بقات أسيل غير كاتحرك وأحمد تا هو وكايوريها شنو دير حتا طلقات معاه وبقاو غير كايضحكو ويتسطاو بجوج حتا عيات وگالتله غاتمشي ترجع تگلس وداكشي لي دارت مشات تاني لبلاصة المشروبات وگلسات خدات كاس ديال الموناضة آخر خلصاتو وبقات كاتشوف فأحمد وكوتر وكاضحك معاهم بقات كاضحك معاهم من بعيد وكاتشرب فالموناضة ديالها حتا حسات بشي حد گلس حدااهاا دورات وجها بان ليها وواحد الشاب كبير شوية اتكون عندو دك 30 ولا 28 داير اللحية خفيفة وعينيه كووحل ولابس مزيان والمگانة دوك الغاليين شافتو أسيل وهي دور وجها كاتشوف بعيد وتا هو خدا داكشي لي غايشرب وبقا كايشربو وأسيل كدلك بقات كاتشوب فالكاس ديالهاا وكاتشطح فكرسي ديالها غير هي بوحدها كملات الكاس ديالها بغات تنوض هو يحبسهاا داك الشاب لي كان گالس حداها) 
الشااب:وااخااا نهضر معاك
أسيل:(شافت فه)😳(دارت له بيديها زعما شنو)
الشاب:(طلب منهاا باش ترجع تگلس حاط يديه على الكرسي فين كانت گالسة زعما رجعي بلاصتك) 

أسيل:(رجعات گلسات خاايفة منووو لايكون شي واحد كايعرفها مهم گاع الافكار جاوها فدماغها وبدات تصفار وتعراق بوحدها وهي تهضر وكادوي بالجهد باش يسمعها) شنووو بغيتي واش كاتعرفني
الشاب:هههه لاااا ماكانعرفكش غا بغيت نعرفك
أسيل:(رتاحت نسبيا) ااه بغيتي تعرف عليا
الشاب:الا جات على خاطرك بطبيعة الحال
أسيل:وعلاش غانديرهااا
الشاب:هههه بنت زويينة بحاالك كولشي غايبغي يتعرف عليها وزايدون باينة علك اول مرة تجي هنا كنت حاضيك مني عاد جيتي شفتك كيفاش كاتشووفي وعدم الارتياح ديالك ملي عيط علك ومابغينيش تشطحي وبقيتي شحال عاد تطلقتي والموناضة لي خديتي هاواي حيت كاتشبه للشراب زعما باش تباني منساجمة مع هاد المكان ياك(حاط يدو على حنكو وكايشوف فيها) 
أسيل:ممم عندك الحق بصاح انا اول مرة نجي لهاد البلاصة
الشاب:عجبك الحال هنايا 
أسيل:ااه😇
الشاب:(مد يدو) انا علي 29 عام خدام ونتي
أسيل:(شافت فيدو وهي تسلم عله) أسيل 18 عام كانقرا😇
علي:هههه 18😅
أسيل:ماتخااافش ماشي قااصر هههه
علي:ههه خلعتيني
أسيل:هههه
علي:سميتك زويينة شنو كاديري هنا أ أسيل
أسيل:والو جاية نفوج مع البنات والدراري صحابي 
علي:ااه مزياان بنادم افوج مرة مرة
أسيل:ههه ااه (بقات أسيل مجمعة مع علي كاضحك معاه شد ليها كااس ااخور واخا مابغاتوش ولكن گااليها غير تشدو ماشي ضروري تشربو لمهم تاخدو حيت هو لي خداه ليها گلسو مجمعين مع بعضيااتهم شحاال وأسيل تا هي عاجبها الحال حيت واخا هكاك علي زوين من بعد ما داز شحال ديال الوقت قرب ليها بزاف وكايهضر فودنيها) 
علي:(حط يدو على فخادها وكايهمس ليها فودنيها) اشباالك تمشي معايا للدار نتعرفو كتر وندوزو وقت زوين😉نطهلاا فك والله
أسيل:(طلعات معاها الصهدة حيت فهماتو شنو بغا ومارضاتش شافت فه معصبة) وااش بنت لك انا قحبة😡
علي:لاا مااشي هكاك غير ندوزو وقت زويين بجوج ياك مفاهمين دبا نمشيو اشبالك شحال بغيتي (دار يدو فجيبو وبدا كايجبد) 1000 درهم كتر التمن من بعد ماتخاافيش😉 وغانوصلك تا للدار ماتخاافيش
أسيل:(ناضتت وقفات بالزعفة وتقابلات معاه) انا ماشي قحبة كاتفهم راه القحاب عطاهم الله حماااار لااخور تفووو علك گنس نااقص مخو غير فحجرو انا بزاف علك وماعمر شي واحد قاسني تفوو علك الحمار
علي:وعلاه شنو يصحابلك غاتلقاي هنا راه مزال اندير معاك المزيان 1500 گاع 
أسيل:(هزات صبعها فوجهو) سمعني مزيان غاتفووتني علك قبل ماندير لمك الشوهة هنايا يا الحمار راه مزال ماكاتعرفنيش ونمشي فينما بغيت سوق مك تفو على گنس الزاامل لااخور😡(بغات تمشي وهي ترجع عندو وهزات الپوشيط ديالها كاتقلب فيها جبدات شي فلوس هي تلوحهوم له على وجهو)هاك الفلوس ديال العصير شريه لشي قحبة يا الحمار تفوو 
علي:وراه تانتي غا قحبة لاش كاتعفري 
أسيل:(شافت فه كاعية وهي تهز ديك الموناضة لي كان شراليها وهي تكبها له على وجهو)تفووو علك دبا تستاهل الفلوس لي عطيتك (ضريات بشعرها ومشات رجعات عند ولاد قسمها لقات كوتر گالسة) انا صاافي بغيت نمشي😡
كوتر:رووولااكس ماالك بعدا 
نهال:راه گلتليك بلاصتك ماشي هنا فهمت بلي بغيتي تانتي تباني منا وعندك مع هادشي ولكن الواقع المر ديالك مايمسحش لك للاسف ههه وديريها مني نصيحة راه لي شارالك شيحاجة هنايا عرفيه بغااا يديير حاجة خرا😈
أسيل:(ماقداتش تجاوبها حيت عندها الحق دورات وجها كاتشوف فكوتر وكاتغوت)وااش تمشي ولا نمشي بووحدي😡
كوتر:بلااااتي اصااحبتي انا غانمشي معاك اصلا هادي 3.30 ديال اللليل وخاصني ندخل قبل مايفيق بابا يصلي الفجر(دارت عند هادوك لي كانو گالسين) الدرااري طهلااااو خاصنا نمشييو
الكل:اصلا تاحنا نيت غانتحركو باراكة علينا
كوتر:أسيل ريحي انا نمشي نعيط على أحمد
أسيل:وااخا(بقات أسيل گالسة كاتسنا كوتر وأحمد وهي ماحاساش براسها مزيان حابسة البكية غا بزز جا أحمد وكوتر وناضو سلمو على لاخرين لي غايتسناو تا يمشيو مجموعين خرجو خدات أسيل المونطو ديالها هي وكوتر خرجو من تما وأسيل معصبة باينة فيها داكشي علاش مابغاوش اهضرو معاها دبا تا تبرد هضر أحمد مع هاداك من بعد دقائق جات الطاكسي وركبوو باش ارجعو فحالهم أسيل لبسات سبرديلتها تاني وجمعات دك الصندالة الطريق كاملة وهي ساكتة غير وصلو حدا الپلاكة هبطو مشا معاهم أحمد شوية ورجع فحالو من بعد هوما كولا وحدة مشات لدارها أسيل غادة فالطريق وكاتلفت ياكما تابعها شيحد ولا كايشوفها شي حد👀غير وصلات جبدات الساروت حلات الباب بالخف ودخلات وعاودات سداتو بالساقطة حيدات سبرديلتها بان ليها الضو مطفي طمنات شوية بقات مضوية غي بتيليفونها مشات طلات على ماماها لقاتها كيفما خلاتها دخلات لبيتها بدلات حوايجها دغيا مسحات داك الماكياج بالجرا وجمعات كولشي وبقات گالسة فالضلام كاتفكر فهادشي لي وقع ليها قررات تنسا داك علي وبقات كاتشوف فالتصاور لي دارت وكاضحك عجبها الحال وخصوصا ملي فلتات بلاما تعرف ماماها تكات ولاحت عليها الغطا كاضحك ومشات في سابع نومة)

أسيل:(ضرباتها الفيقة بقات تحك فعينيها هزات تيليفونها شافت فالساعة لقاتها 3 ناضتت مشات خرجات من بيتها لقات ماماها فالصالة گالسة) 
خديجة:بنتي فقتي على سلامتك ههه خمرتي خمرة وحدة شحال من مرة مشيت عندك باش نفيقك ماكاتبغيش وانا نهبط الريدو وخليتك فراحتك
أسيل:(جات عنقات ماماها) خليك ليلي كنت عيانة هههه 
خديجة:اوا ابنتي نجيب لك تفطري ولا تغداي
أسيل:غايكون جاك الجوع تانتي انا نمشي نحط الغدا
خديجة:لا ابنتي سيري غسلي وجهك بيما حطيتو انا
أسيل:واخا اماما (مشات أسيل تغسل وجها وهي مرتاحة تا حد مااشافها لبارح بالليل اما كون وصلوها لماماها تاني غسلات وجها ورجعات لقات ماماها حطات الغدا گلشو كايتغداو وهوما كايضحكو ومجمعين)
خديجة:بنتي انا درت واحد الحاجة طلبت من ثريا تعاوني وخديت التوقيت لي بالليل اتبقا نخدم بالليل من 9 ديال الليل تا ل 7 ديال الصبااح حيت التوقيت ديال الليل كايزيدو فالخلصة ومنها نيت نبقاو النهار كامل مع بعضياتنا
أسيل:ويلي ااماما الليل كامل ناري
خديجة:گووليليا شحال طالبين فدك المدرسة لي بغيتي
أسيل:اشمن مدرسة
خديجة: لي گلتي ليا بغيتي دخلي ليها وخاصك الفلوس انا غانتسلفهوم ومن بعد نبدا ردهوم شوية بشوية
أسيل:اويلي اماما شحال قدك لا مابغيتش انا اصلا صافي دفعت لاافاك انقرا فه ومن بعد يحن الله مال لافاك ماشي راجل هههه
خديجة:ولكن ابنتي.... 
أسيل:لا اماما واالو وتگووول وزيد عليها انبدا نقاد ملف ديال المنحة باش نولي نشدها مانقراش فابور ههه
خديجة:ابنتي ودك المدرسة
أسيل:صاافي اماما هضرت معاك انقرا فلافاك نيت تاهو ماشي مشكل ونجمع فلوس المنحة ومني نشد الاجازة ندفع لدك المدرسة واخا 
خديجة:نتي تعرفي ابنتي 
أسيل:صافي انا قررت اماما (كملو غداهم جمعات أسيل الماعن وغسلاتهم جفات الكوزينة ومشات خوات الطارو ديال الزبل *حاشاكم* رجعات لقات ماماها متكية جمعات أسيل حوايجها وحوايج ماماها طلعاتهم للسطاح باش تصبن مالقاتش التيد تقاضا هبطات مشات لاحت عليها پينوارها وهزات الفلوس ومشات خرجات للحانوت لقات فه واحد السيد كايهضر مع مول الحانوت لي كان للداخل وهي كاتسمع ليهم)
مول الحانوت:اودي مابقا مايعجب الدنيا خياابت تانگووليك شفتها حتا هبطاتها الطونوبيل ولابسة ومالابسااش 
الراجل:وااليديها فينهم
مول الحانوت:واش من نيتك واليديها هوما فرحانين راه هي لي هازة الدار تاواحد فيهم ماخدام لا باها لا مها كاياكلو فلوس الحرام وفرحانين وكاتقري خوتها الصغار فمدرسة ديال الفلوس وصلحات دارهوم غير بداكشي ولكن فلوس الحرام تايبقاو فلوس الحرام راه گالو لك واقيلة فيها المرض الخايب
أسيل:(حنحنات) احم احم عافاك عطيني كيلو ديال التيد دالعبااار
مول الحانوت:سمحيليا ابنتي مادريتش لك البال شمن واحد بغيتي هادا 300 ولاخر 260
أسيل:ارا هاداك د260 نيت ONI (عبر ليها داكشي لي بغات ورجعات لدارهوم وهي كاتفكر فالهضرة لي سمعات خوات راسهت من هادشي مشات طلات على ماماها كانت ناعسة حيت من ليوم غاتبدا تمشي غي بالليل كاتعوض النعاس دبا مشات أسيل حيدات داك الپينوار وطلعات للسطاح وبقات كاتصبن الحوايج تا سالات شللاتهم ونشراتهم جمعات الرونية وسيقات الدنياا سدات الباب وهبطات گلسات متكية مكونيكطية شوية سمعات ماماها فالكوزينة طلات عليها لقاتها كاتصاوب المسمن جات عندها عاوناتها دارو كاسكروط ومن بعد بقاو گالسين وصلات الوقت مشات خديجة كاتلبس حوايجها وناضتت أسيل دارت ليها شوية دالمسمن بالعسل والزبدة فواحد الپواطة باش تاكلو و2 دانونات وتفااحة خرجات خديجة باست بنتهاا گالتليها راه تشري شيحاجة تما ولكن بقات عليها أسيل تا خداتهم مشات أسيل خرجات مع ماماها عند الباب غير مشات خديجة سدات أسيل الباب بالساقطة ومشات لبيتها كاتكونيكطا مع أحمد سولاتو على شنو خاصها باش دفع لافاك أسيل غير كدباات على ماماها مابغاتهاش تسلف بقا عليها أحمد لافاك راه خايبة ماغاتقرايش وداكشي ولكن ماعندها مادير گاليها تصبر شوية بيما يسول ليها ناضتت مشات كاطيب عشاها وهي كاتفكر مابغاتش لافاك بغات شي مدرسة ولكن كيفاش غادير ليها بدات دمع وهي تفكر الهضرة ديال مول الحانوت حاولات تنساها وماقدراتش ولا كايبانليها هاداك هو الحل تفكرات علي تاهو بقات غير كاتشوف وحلات حطات عشاها وتعشات جمعات الماعن غسلاتهم وهي كاتفكر ولا كايبانليها هدا هو الحل شرفها مقابل قرايتها وتهز ماماها من هاد العيشة خصوصا خديجة عيات بزاف وأسيل عارفة وكاتسمع ليها الليل بعض المرات فاش كانت كاتشكي رجليهز وركابيها قتلوها وديما راسها دارها وضعافت بزاف مشات أسيل نعسات وهي كاتحلم براسها مع علي فنفس الفراش دغيا فاقت مفزووعة وكاتشوف فجنابها تا تيقنات بلي حلم عرفات بلي ماغاتقدرش تخلي شي واحد يقيييسهااا رجعات نعساات حتا سمعات تيليفونها كانت ماماها مشات أسيل حلات الباب وبقات كاتسنا شوية هي تجي ماماها دخلو بجوج ومشاو كولا وحدة لبيتها أسيل باش تكمل نعااسها وخديجة باش تنعس حيت عيااات بزاااف) 

¤¤عند أسيل ¤¤
🌞أصبحنا و أصبح الملك 🌞
ناضت أسيل كتفوه و كلها عرقانة ليل كامل و هي كتحلم انها ناعسة مع داك علي...ناضت طواليط غسلات وججها بصابون و قداات حاجتها و خرجات وجدات الفطور و فطرات هي و ماماها و من بعد كل وحدة فيهوم شنو ناضت كدير خديجة كاتليها خاصنا نخملو رمضان قرب و داكشي لدارو خملو دار و غسلو ركاني و مسحو غبرة ووطيبو الغذاء تغذاو و كل وحدة رجعات بيتها تكاو من العياء اسيل هزات تيلفونها لقات احمد مسيفط ليها كاليها عيا ميقلب والو مدارس كالهوم كيبغيو نقطة و باك صاحبي و لا كرمومة ...صافي نزل عليها ضيم أحلامها تحطمو و عرفات بان لافاك كتسناها و معندها فين تهرب وخا مرة مرة كيطيحو عليها شي افكار و لكن غير كتفكر هضرة دوك الرجالة صافي كتحس بقلبها تزير بقات كتخمم و كتكول اندير لافاك و نزير راسي و من نشد اجازة ضروري ندخل مدرسة الطب لكتحلم بيها و قراات دير بيولوجي في لافاك باش من تشد اجازة دفع لمدرسة فرحات نسبيا بعدا ...دازت عشية عادي و الغذ ليه كذلك صباح و عشية جا رمضان جا العيد جا عيد كبير و أسيل مرة كتخرج مع كوثر مرة مع احمد ولكن معمرها عاودات رجعات لبار لمشات ليه داك النهار و لا عاودات فكرات في داك علي صافي تقاتلات جمعات ملف ديال المنحة و دفعاتو وتسجلات في الجامعة من سيبير و دارت شعبة بيولوجي كيف بغات ...داز عيد كبير شرات مها حاولي صغير و عيدو غير بجوج جا ولد سعيدة هو لذبح ليهوم ...دوزو عيدهوم كيف الأعياد لوخرين و دغيا دازت سيمانة لموار العيد و جا صباح جديد لخاص اسيل تنوض تمشي لافاك باش تقاد امورها 
🌔صباح جديد اصبحنا و اصبح الملك🌔
ناضت اسيل بحال كل صباح قضات حاجاتها الصباحية وجدات فطور نوضات ماماها لكتجي عيانة فطرو و جمعات اسيل ماعن و دخلات بيتها بدلات علبيها لبسات سروال تجين لاصق و تيشورت كحلة و صباط عالي في كحل طلقات شعرها و خلاتو مطلوق ذهنات وجها بليكغو ديال شمس و دارت ماسكارا و عكرات بعكر حمر 💄 و هزات صاكها صغير دارتو في الجنب و خشات فيه تيلفونها و بصطامها ...هزات ملف ديالها لفيه الوراق و خرجات سلمات على ماماها و مشات ركبات في طوبيس لكيدي الحي الجامعي وصلات نزلات و مشات شدات طوبيس خاص بالجامعة كيدي لجامعة ابن طفيل خلصات ورقتها و مشات كلسات و كالعادة جبدات ليزيات و دارتهوم فوذنيها كتمزك تا وصلات كلية العلوم نزلات كالعادة هازة راسها في سماء ممسوقة لحد دخلات نيشان كتقرا فدوك بلاكات بغاات تعرف ادارة في جات تا شافت بلاكة شؤون طلابية و هي تمشي تا وصلات لقات دنيا عامرة اطرطق و هي مكتحملش تسنااا و بدات كتسوط ..
أسيل: اووووووف اش هاذ الحالة الصهد و الزحام دبا انا انبات هنا ...لا لا خاصني ندفع زبل ديال هاذ الملف و نرجع بحالي ...دخلات اسيل من جيهة لوخرا و خلات كلشي شاد نوبة حدا شرجم و كيتقاتلو دارت من جيهة لوخرا بان ليها باب مكتب و وقفات كتفكر كيفاش دخل و تكوليهوم شي كذبة باش دوز دغيا الله جات دخل و هي تبان ليها واحد بنت طويلة وشهبة و خارجة كتلوك في مسكة تا هي معكرة و حالة حالة الله زوينة و لكن زين ماشي طبيعي و هي ضرب في أسيل ..
.....: سوووري 
اسيل: ماشي مشكل غير مرة جاية ردي البال ..
......: اوك بب ...اجي اجي بعدا وجهك ماخافيش عليا ...
أسيل: هههه زوينة هاذي ثاني فين شايفاني بالسلامة في تلفازة مثلا ...
.......: تقريبااا اطط جاية دفعي وراقيك اري داك ملف ..
اسيل: علاش ...؟؟
......: ياااك جاية دفعي ملف ديالك و باغا تزربي باش تمشي بحاالك😉😉
اسيل: ..امم باش عرفتيها ..
......: ههاااهااا حيث لبابي كنفهمهوم و اري داك ملف..
اسيل:(مدات ليها ملف) هاكي...
.....: زااااكي دوز ليا هاذ ملف دبااا 😉😉
زاكي: هل لولة ...شد ملف جبد منو الوثائق و والوراق قادهوم لأسيل و عطاها اسيسطاسيو (ورقة تسجيل) و شداتها فرحانة ...
أسيل: شكرا اختي😊
......: و أجي دبا كوليليا اشكنتي كديري في اوطيل عصام في البار التحت...
اسيل :كيفااااش😮😮
......: عاد تفكرت فين شفتك...كونتي واحد نهار جيتي مع شي كليكة لبار ديال عصام بالإمارة نتي لضسر عليك داك علي الحااامض و كبيتي عليه عصير اولا 😉
اسيل: اممم انا و لكن نتي اش كنتي كديري تما حاضياني و لا شنو 😐
......: لا احببية معندي لاش نحضيك غير مبغيتيش تمشي ليا من بالي و صافي انا خدامة تمااا ...سميتي بسمة 😊(مدات ليها يديها)
اسيل:(تا هي مدات يديها) انا اسيل متشرفين و لكن شنو خدمتك انا كاع مشتك ...
بسمة: كنخدم غير الليل سرباية تما و صافي...
اسيل: مزيان كاين شي صالير بعدااا ...
بسمة: شوية و صافي مقاتلين مع الوقت ...
اسيل: شحال كتخلصي ؟؟
بسمة: ياكما باغا تخدمي😉
اسيل: مكرهتش لا كان سالير مزيان 😊
بسمة: اش انكوليك 600 درهم سيمانة 😑
اسيل : وييع قليلة بزااف يا ختي خدمت في قهوة هادي عامين بنفس سالير مالكي يا ختي على حالتك ...
بسمة: ايوا هادو هما الضروووف اش غنديرو ..
اسيل: لا اختي قليل بزاااف انا باغا نخدم اييه و لكن بغيت اختي الفلووس نيت احح كرمومة .. 
بسمة: ايوا لابغيتي فلوس را كاينين كيفاش تجيبوهوم و يبداو ينزلو عليك من سماء ...😉😉
اسيل: كيفاااش مفهمتش😮😮
بسمة: ايواا هزي رجليك احبيبة و تشبعي فلوووس صحيحة..
▫▫▫يتبع▫▫▫

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.