بسمة: مالكي تصدمتي را هذا هو الواقع ديالنا بغيتي فلوووس ماعليك غير تهزي رجليك تشوفي فلوس غير كتشتت ديك الساعة ..
أسيل: واش صافابا اختي ولا شنو عارفة اش كتقولي
بسمة: سمعي احبيبة فداك البار لخدامة فيه أنا را كيخدمو فيه واحد جوجااات را فلووووس اش انكوليك دار و طونوبيل كاين ليلة كدوزها ب مليون و كثر بخصوص من كيجيو خلييجين راها مبرعة كرها مزيان مكاين غير ملاين كيتشايرو و لكن راها قحبة سانك سانك مكتعطيش ثقبتها لمن كان ...😉😉
أسيل: اش هادشي كتقولي ...دبا شنو نسمح في شرفي و نعطي راسي لزوامل و كل ليلة واحد دختي لا..انا را مجرد تخيل انني ناعسة مع شي واحد في فراش كيمرضني في خبارك 😑عساااك نعطي شرفي و كل ليلة مع واحد لا اختي منقدرش ...
بسمة : ايوا اختي هادشي لعطا سوق و صافي ...
اسيل: بغيت نسولك زعما نتي ...زعما فهمتي ...
بسمة: هههههه فهمتك احبيبة انا كون غير عطيت راسي لزوامل و نشد الفلوس و لا ديك شماتة لعطيتها ليه و سمح فيا و زاد ...
أسيل: كيفاش شكون هذاا؟؟
بسمة: شحال فيك ديال الأسئلة ...😂😂هذا يا ختي واحد كنت مصاحبة معاه ياختي 6 سنين و الحب زعما و كذا لدرجة كان كيطلب مني نعس معاه كنرفض و بقا عليا تا قنعي ووليت كنعس معاه غير سطحي تا لواحد نهار ولد حرام بقا عليا تا ثقبني صافي تصدمت انا شرفي ضاع ايوا بقا عليا ليوم نجي غذا نجي ليوم نجيب دارنا ابلاتي كنتسناو ختي تجي من برة هكذا هكذا تا لواحد نهار جات خالتي عدنا و مع هي ساكنة في دربهوم ..كاتلينا راها معروضة الواحد العرس و جات تسلف من واليدة تكشيطتها ..كاتلي يا الله بسمة تفوجي و تا انا لقيتها من جنة و الناس و وجدت و مشيت كوافورة صايبت شعري و ديت قفطاني مصبنة و مشينا دارها كنوجدو و مع دايرينو في زنقة القاعة شادة نص الدرب و معرفتش اينا دار عندهوم العرس و تا خالتي مسولتهاش تا كنسمعو كلاكسون و عروسة جات هبطنا يا ختي غير شتو شاد ليها في يديها في ديك لحضة تميت الأرض تشق و تبلعني 😢😢تشوف يد حبيبك شاد في يد أخرى و هي لابسة تكشيطة و هو كومبلي و كلاكسون و دقايقية (😭😭 بدات كتبكي ) كنت كنبغيه😢😢
اسيل:(بقات فيها و زادت كرهتها في رجال و مايجي من جيهتهوم هبطات ليها دمعة بلا شعووور و مشات عنقتها )صااافي احبيبة كلهوم بحال بحاااال الله يعطيهوم الموت 😢
بسمة: عرفتي شناهي تشوفيها راكبة فوق عمارية و هو كالس كيشوف فيهاا مكرهتش كون قتلتهوم بجوج يا حسرة الطامة الكبرى عرفتي شناهيا العروسة كانت صاحبتي
اسيل:😮😮اويلي
بسمة: تصدمتي هههه من حقك باش تعرفي الغدر و الخيانة كيدايرا..تا لشي نهار لا كتاب ونعاود ليك ...
اسيل: في خبارك عزيتي عليا بزااف و الله عمري رتاحيت لشي بنت نتي دغيا دخلتي لقلبي
بسمة: هههه شفقتي عليا ياك
اسيل: لا ابدا حيث لقيت شي حالة في هاذ المجتمع ديالنا كتعيش معانات بحالي و لا كثر كان كيصحاب ليا غير انا ...
بسمة: مالك تا نتي في عينيك كتباني هازة الهم ديال دنيا و دين ...شي حب هذا تا نتي
اسيل: ههههه ضحكتني و الله ماخاصني غير الحب ...انا كنكره رجاااال هما عقدتي في هاذ الحياة ...😑😑
بسمة: علاش لا ماكانش الحب شنو يكون؟؟
أسيل : الوحش ...
بسمة: الوحش😮
اسيل: بابا حاشاك ميستاهلش هاذ الكلمة بالنسبة ايبقا وحش في عينيا ...
بسمة: علاش مالو؟؟
اسيل: هههه خلي تا انا شي نهار و نعاود ليك دبا غير لبغيت نفهم من مور هذا عمرك زعما نعستي مع شي حد و نتي كتخدمي في ديك بلاصة ...
بسمة : اه انا حملت منو و دبا حاملة عندي شهرين و هذا شهر باش ماتت الواليدة و كلست الله رحيم خويا زعما لخويا من نهار تزوج و داتو مرتو لبرا ماشناه كنت غير انا و الواليدة ...تا الواليد ميت كان مرة مرة يلوح لينا فلوس و من ساق مي ماتت من تما تقطعات خبارو كنتسنا دبا نهار يجي يجري عليا من دار و تا دبا خدامة باش نهار نولد هاذ الولد(قاست كرشها) حيث هو لبقا ليا نهزو و نصرف عليه ...و انا منقدرش نعطي راسي لشي واحد اخر😢
اسيل: باقا كتبغيه ...😑
بسمة: اشمن حب الله يهديك الحب مكااافيش و ماشي هو كلشي ..وهما دعوتي خرجات فيهم مورا شهر طلقو ناس تصدمو الله تزوجو و طلقو ...مشا هو خدمة صيفطاتو صحراء و هي تحولات من هاذ المدينة و كيف كيكول الله ياخذ الحق و هاذي هي كلمة لكتليهوم في عرسهوم ...
اسيل: هضرتي معاهوم 😨
بسمة: بيان سيغ باركت ليهوم الزواج ...
اسيل: و هو مكال تا كلمة؟؟
بسمة: غاال 😏غالك كنت غاالط فك دفل ...هو يرجع...اصلا مبقاش كيهمني نهائيا ...طولنا فالهضرة بزاف داك الوقت لربحنا باش منشدوش نوبة خسرناه في هضرة😂😂
اسيل: وايييه😂😂😂 بسمة تكوني صاحبتي ...
بسمة: وخا مبقيتش كنتيق فالصحابات و كيف نتي عندك عقدة من الرجال انا عندي من صحابات 😂😂 ولكن ليا شرف تكوني صاحبتي دخلتي لخاطري(مدات لبها يديها ) صحابات...
أسيل:(مدات يديها تاهي ) صحابات 😊😊
اسيل و بسمة تبادلو نوامر و فايسبوكات و خرجو بجوج بيهوم ركبو فالطوبيس ديال الجامعة وصلهوم حدا الحي الجامعي و نزلو و تسالمو وودعو بعضياتهوم بحكم كل وحدة ساكنة في جيهة.
رجعات اسيل شدات الطوبيس من حدا الحي الجامعي ووصلات للدرب ديالهوم نزلات و مشات نيشان للدار دخلات لقات ماماها في كوزينة ...
اسيل: ماما انا جيت ..
خديجة: على سلامتك ابنتي تعطلتي ...
أسيل: را غير دنيا عامرة و نتي عارفة ..
خديجة: ايوا سيري بدلي عليك و اجي باش نتغذاو..
اسيل: وخا اماما ..😊
مشات اسيل بيتها بدلات حوايجها لبسات بيجامة بسروالها في غوز بارد هزات لاستيك جمعات شعرها كوتشوفال و دخلات طواليط غسلات وجهها و خرجات كتعاون ماماها و مشات جابت خبز من فران و جاو حطو كيتغذاو و اسيل كتفكر في بسمة لعزات عليها دغيا ودخلات خاطرها و بقات فيها في نفس الوقت ..تغذاو في هدوء سالاو ناضت أسيل جمعات الماعن و غسلاتهوم جمعات كوزينة و مشات هزات تيلفون ديالها و تكات في سداري حدا ماماها كل وحدة فيهوم شادة سداري خديجة داتها عينيها و هي كتفرج ..اسيل هزات تيليفونها و سيفطات لبسمة مساج فواتساب ..هاذ الاخيرة شافت مساجها و جاوبتها و بقاو مجمعين ..أسيل كتهضر مع احمد و كوثر تا هما .. دغيا انساجمات مع بسمة بقاو شادين الهضرة حتا العشية ..ناضت خديجة توضات كتصلي و اسيل سالات هضرتها مع بسمة لناضت كتوجد راسها باش تمشي خدمتها ..اسيل ناضت دارت اتاي و حريشات صغار صايبتهوم و حطات داكشي فوق طبلة و جات خديجة و كلاو ثاني و خديجة شدات تلفازة افلامها بداو ...بدا فيلم لكيجي قبل سامحيني هذاك ديال ثمن الحياة ...جات اسيل تنوض و هي تقشع واحد اللقطة ملي دار جميل منوم في كاس نازلي و هزها البيت تما بقات كدورها في راسهاا..و هضرة بسمة ديال هزي رجليك لابغيتي فلوس
أسيل: اممم منوم ..
خديجة: رجوع الله ابنتي مالك حيدي من حدا تلفازة
أسيل: وخا وخا انا في بيتي متكية راسي ضارني...
خديجة: ياكمة مريضة؟؟
اسيل: لا غير راسي كيضرني
خديجة:را واحد دوليبران فوق ثلاجة هزي شربيها ..
اسيل: وخا ...مشات أسيل هزات دوليبران دارتها في كاس ديال الما شربتها و مشات لبيتها ..هزات تيلفونها و دخلات ليوتيب كتقلب على حركات الاغراء و منوم ديال النعاس و كتبحث و دخلات كوكل كتقرا ..
اسيل(مع راسها) اوووف اش كندير دبا هباليت لا انا ماشي ديال هادشي ..ولكن علاش لا خاصني غير نعرف كيفاش لعبها اصلا كولهوم يستاااهلو😈ولكن خاصني نيت نفكر مزيان و نشوف تا بسمة نتشاور معاها تقدر تعاونيني و لا تفيدني ...ولكن خاصني نفكر مزيان في هادشي لغادي ندير ..ولا مشات ماما عرفاتني يخيب ضنها فيا خاصني نضمسها مزيان😈 حلات شعرها خلاتو مطلوق باش يرتاح ذهنات وجهها بكريم ليلي ديالها و
هزات اسيل الغطاء و دغيا غمضات عينيها و داتها الغمضة😴😴جات خديجة طلات عليها لقاتها ناعسة و شعرها طايح على وجهها باستها من جبهتها و خرجات سدات الباب عليها مشات زيرات البوطة و طفات تلفازة و حيدات ليها بريز لبسات حوايجها ومشات لخدمتها😴😴
🌔صباح جديد ^^اصبحنا و أصبح الملك^^🌔
ناضت أسيل كتفوه سمعات تيلفونها كيصوني هزاتو و شافت ساعة لقات الله 8 صباح تخلعات و بخصوص من نمرة بسمة ...جاوبات 📱
اسيل: الو بسمة ؟؟
بسمة: اااي أسيل ختي 😢كنموووت
أسيل : اويلي مالك ؟؟
بسمة: فياااا شي وجع يا ختي كنتقطع اهئ اهئ...
أسيل: عطيني عنوان انجي عندك دباا نديك لطبيب ...
بسمة: لا را غير سالا ليا دوا شوفي دوزي فرمسيان جيبي ليا كينة ***** هاذي سميتها عافاك اختي دبا😢
أسيل: وخا وخاا كوني هانية فين كتسكني ...
بسمة: الاتحاد الفوق حدا بالزاك كتعرفيها ياك؟
أسيل: اه اه و زنقة ؟؟
بسمة: زنقة 36 دار 122 را دار حمرة في راس الدرب سولي على دار عايشة را معروفة ...
ناضت اسيل مخلوعة على بسمة دخلات طواليط غسلات وجهها بصابون و نشفاتو مشات جبدات كولون في كحل و بودي في كحل لبساتهوم و هزات جلابة كحلة ديالها ايفازي لبساتها و مشطات شعرها خلاتو مطلوق شدات غير شوية بمقبط صغير في كحل ..مشات ماريو هزات 200 درهم كانت مخبياها خشاتها في بوشيطة تيلفون و خشاتو في صدرها ..ذهنات وجهها بليكغو ديال شمس و دارت غير كلوز و خرجاات طلات لقات ماماها ناعسة كالت صافي تا نعيط ليها في تيلفون ..مشات شدات طاكسي🚖 عطاتو العنوان وصلات خلصاتو و هبطات مشات فرماسيان ديال الاتحاد خذات ليها كينة و رجعات لزنقة لحبسها طاكسي فيها كتقلب تا بانو ليها شي دراري و هي تسولهوم..
اسيل: عافاكوم سمحو ليا نسولكوم
دري1: اش حب الخاطر ازوينة ...
اسيل:(حامض) بغيت دار كايكوولو دار عيشة ك..
دري1: اه خالتي عايشة مامات بسمة تيتيزة😍
أسيل: اه هي فينها ؟؟
دري: راهااا في راس الدرب هي لولة شتيها حدا داك موطور👈
أسيل: اوك شكرا😊
دري: هذا واجب زوينة😍
أسيل خنزرات فيه و مشات اسيل كتبركم في نفسها وقفات قدام الباب كدق ...ناضت بسمة بشوية حلات ليها الباب و هي شادة في كرشها كتوجع ..ووجهاا صفر و كلها عرقانة ..
اسيل:(شافتها تخلعات مشات شداتها حيت قربات طيح) بسمة مالك اويلي😱
بسمة:(تسندات عليها) اجي دخلي بعدا ..
شداتها اسيل و دخلو وسط الدار و كلسات بسمة كتوجع كتغمض عينيها و تحلهوم من حريق
بسمة : جبتي ليا دوا..
أسيل: اه هاهو بلاتي نوض نجيب ليك كاس ديال ما..
ناضت اسيل كوزينة جابت كاس ديال ما حلات كينة عطاتها حبة و عطاتها لما
¤¤عند أسيل و بسمة ¤¤
اسيل: شوية دبا اش عندك؟؟واش كضرك شي حاجة
بسمة: لا اختي غير عندي فقر دم و كيضير ليا هكا كالي طبيب ضروري متبعي هاذ دوا و البارح بتلفة نسيت مخذيتوش ..
اسيل: واش صعيب بزااف😨
بسمة: لا لا خاص غير دوايا منساهش ..بارح من كنت غادة الخدمة و كنت باغة ندوز فرمسيان ناخذو و مع سمعت شي هضرة صدمتني تلفت ...
اسيل: ايويلي اينا هضرة😮
بسمة : اش انكوليك اختي صافي تلفت 😢وفرحت حيث بصح ان الله يمهل و لا يهمل😢
اسيل: تي هضري اش واقع خلعيتيني؟؟
بسمة: منين انبدا ليك بارح خارجة مالقيتش طاكسي هنا و كلت نهبط على رجليا التحت و نخرج الشارع نشوف ..هانا غادة دزت من ضرب ديال خالتي و نتي عارفة شكون فيه تا كنسمع شي عيالات كيقولو علاش يوسف طلق(يوسف هو لكان مصاحب مع بسمة )
اسيل: اهاه و شنو سمعتي علاش طلق...
بسمة: كالك لقا مرتو زعما هاذيك لكانت صاحبتي كتخونو في فراش مع صاحبو في فراشهوم 😑وخا مامثيقاش هادشي كنكول غير هضرة و لكن تقدر تكون بصح حيث لكيغدر مرة كيغدر ديما ...
اسيل: ويلي ويلي😮 و لاكان بصح زعما ان الله يهمل و لا يمهل ..
بسمة: اييه يا ختي تصدمت و الله و صدمة كبيرة كيطلب من بنت خالتي نمرة ديالي حيث انا بدلتها و كاليها عطيني تا عنوان...انا حلفتها تعطيه شي حاجة ضرب عليا ...
اسيل: بلاتي هو منين عرف هاذ صاحبتك بعدا؟؟
بسمة: ايوا نعاودها ليك كيف خرافة حنا الالة قبل منجيو قنيطرة كنا ساكنين في سيدي علال تازي عروبية و الواليد الله يرحمو كان باني دار هنا و لكن كان باقي كيصلح فيها ...وخا هكاك واليديا قراوني من شديت الباك ديالي بنقطة مزيانة كان عليا نجي ندير الجامعة هنا حيث هي لكاينة ايوا مع دار باقي متصلحت جيت الحي الجامعي و هاد خيتي كانت معايا في الحي هي بنت وزان جبلية صافي كنا في بيت واحد رجعنا صحابات ..انا يوسف ديجا انا معاه من كنت في سيدي علال تازي كيجي عندي مكناش ساكنين في عروبية لا في داك فيلاج ديالو في خرجة قنيطرة ...ايوا الالة واحد نهار ناضت مضاهرة في الحي الجامعي و الحالة ..و ديجا دايرة انا و يوسف نتلقاو كيعيط ليا كيكولي هبطي كنكوليه لا ميمكنش نخلي البنت بوحدها حشومة و كذا كالي جيبيها معاك...هي هاذيك ديتها معايا في لول رفضات و قنعتها و خرجنا لبسنا و قادينا و خرجنا تلقا لينا بطونوبيل ديال باه و دانا البحر صافي ضحكنا لعبنا هي دغيا طلقات معاه ايوا رجعنا بحالنا داز شهر على ديك خرجة هي طاتلي هاذ ويكاند اتمشي لدارهوم صافي جمعات حوايجها و مشات وباقا كنعقل نهار سبت😢 كنعيط ليه والو مكيجاوبش نهار كامل داز سبت و الاحد تخلعت عليه صافي تا سيفط ليا مساج كالي سالينا ابنت ناس و انا غادي نتزوج و كذا تصدمت و بلوكاني ...انا معارفة لا دارهوم لا والو ...سيمانة دازت عندي كحلة في ديك سيمانة رحلنا لدارنا و خرجت من حي الجامعي و تا هي كنصوني ليها والو ...و بصدفة كان كيسكن في ضرب خالتي تا لداك نهار جات خالتي عدنا و نتي عارفة كمالة و هاذي هي قصتي و ديجا عاطياه شرفي و كلشي ...واليد ديالي كان مريض دوك الايام مات و الواليدا من عرفتي حاملة موراه بشهر ماتت و ضيعت عائلتي 😭😭حيث انا حمارة و انا لفقصت ماما و ماتت بسبابي اختي(بدات كتبكي و دموعها غير دايزين😭😭)
أسيل: (مشات عنقتها) شوو احبيبة صافي نساي عليا دبا فكري في حاجة وحدا هي ولدك و لا بنتك و كيف قولتي ربي كبير و كل واحد غادي ياخذ جزاءو ..
بسمة:(مسحات دموعها) بصح عندك صح اختي تا انا نسيت و لكن من كيتفتح جرح كيتفتح مرة ..و حمد لقيت خدمة و غادي رجع نقرا و كيف كتشوفي بدلت لون شعري و درت ليلونتي و كلشي بدلتو غير باش نبدا صفحة جديدة ...
أسيل: هكاك نبغيك و تا انا باغاك في شي حاجة بارح فكرت فيها...
بسمة: امم فكرة مزيانة و لكن صعيب باش طبقيها و في نفس الوقت صعيبة عليك و خطيرة ..
اسيل: معندي تا حل يا ختي لا بغيت نخرج ماما من داك عيشة و نقرا في مدرسة لكنحلم بيها عارفاها صعيبة و خاصني ندرس فكرة مزيان و نعرفو كيف نديرو ليها ...
بسمة: انا عندي فاش نعاونك ؟؟
اسيل : اه عندك و لكن ماشي دباا من بعد و تعرفي دبا غير عطي راسك راحة ...انا نوض نوجد ليك ماتاكلي و نعيط لماما نكولها ليها را خرجت خاليتها ناعسة ..
بسمة: سمحيلي حبيبتي عذبتك معايا 😣
اسيل: متكوليش هكا اختي نتي را وليتي ختي ..
بسمة: ربي خليك ليا 😍نزلتي عليا من سماء يا ختي ملاك وصافي..
اسيل: تا نتي نزلتي عليا بحال شي ملاك😍مشات اسيل كوزينة حلات ثلاجة جبدات حليب فيضاتو و جبدات 3 بيضات قلاتهوم و دارت عليهوم جوج فرمجات ثلاجة ديال بسمة مجهزة من كلشي...جبدات اسيل زيتون دارتو في طبسيل و قرعة نيسكافي حطاتها في بلاطو فيه جوج كيسان و كاس فيه معالق و جبانية ديال سنيدة قادات داكشي و حطات بلاطو فوق طبلة و جابت مقلة بيض و خرجات جابت كومير و كلسو كيفطرو و كيضحكو ...
لتوضيح: قصة بسمة لدارت واقعية ديال بنت من عائلة وقع ليها نفس بلان و لكن اسماء و مدينة و ظاكشي ماشي حقيقي بدلت كلشي احتراما لبنت 😢باش تاخذو عبرة وصافي و مثيقوش...
أسيل:(كملات فطورها وصونات على ماماها كدبات عليها گالتليها راه مشيت لافاك نكمل داكشي لي ناقصني وطبعا ماماها تيقااتها بقاو كايضحكو وهي تسكت بسمة كاتشوف فيها) اويييليي ماالك!
أسيل:اووكي المهمة ديالك هي....... *من نيتكوم بغيتو نگووليكم بهاد السهوولة😈ههه خلي راسكم يضركوم شوية😋* هاادي هي الخطة ديااالي كيجااتك ماتخافيش لي صورتو نقسم معاك
بسمة:ماكايهمنيش الفلوس لي كايهمني هو لقيت شيحد لي نقدر نشكي عله همي من بعد مانعااازلت وشحال هادي مادخل شي حد لهاد الدار من بعد الموت ديال ماما انا معااك واخا هادشي ماقنعننيش خايفة علك
أسيل:ماتخاافيش راه أسيل هادي وأجرك عالله (ضربات بشعرها)
بسمة:هههه اووكي االاالة دبا ايمتا نبداو
أسيل:اوول حاجة عندي هي خاصني نبدل اللون ديال شعري هاد اللون واخا كايعجبني ولكن مامنااسبش وخاصنا نمشيو عند شي وحدة كاتصرع المااكيااج باش ليووم نبدااو نجربووو علاش لا
بسمة:ااه هاديك عند من صبغت شعري وحجبااني خطييرة ورخييصة
أسيل:بسمة (حطات يدها على يد بسمة) ماكانش علك تبدلي لون شعرك غير باش تبداي حياة جديدة وزيد عليها هاد اللون ماجاش معاك😜
بسمة:لقيتيني تا انا كانفكر فيها علاش نبدل راسس حيت هو مشا وخلاني الله ينعل بوووه انا غارد شعري الكحل وحتا لي لوونتي ماكاين لاش نتصنع مزال شكون يكون فملك الله باش نبدل راسي على قبلوو زيدي نوضي نمشييو دباا!!
بسمة:كاانمشي مع 10 10:30 بيما عمرات الدنيا تما اصلا هاداك ماكايگوليا والو حاط عليا وتا انا مسيراه ولكن ولد الحرام باينة باغي يكوي هو لول عاد يزيد ليا فالصالير ولد الكلب
أسيل:مااتخاافيش الوضعية ديالك غاتحسن من هنا القداام لي صورتو غانقسموو معاك واخا
بسمة:اناا راه گلتليك....
أسيل:شووو شحال جمعتي دبا لولدك حنا باقي عندنا 7 شهور اتكوني جمعتي لديكساعة بزااف لي يكفي يعيشك نتي وولدك واحد المدة حتا تلقاي خدمة ااخرة اما تا واحد ماغايبغي يگوول ماما خدامة فالبار
بسمة:(حنات راسها) 😔عندك الحق
أسيل:خااصني نمشي تعطل الوقت بزااف ماما غانلقاها كاتسنااني فالباب
بسمة:سعدااتك انا تمنييت كون غير بقات ماما غير نهار نطلب منها السمااحة واخا نبوس ليدين والرجلين غير باش تسمح ليا
أسيل:اششباالك تمشي معاايا
بسمة:لفين😳
أسيل:تغمة الفيل😆 ههه غا كانضحك تمشي معايا للدار تعرفي على ماما متيقنة غاتعجبيها ماما عندها قدرة مميزة باش تعرف بنادم واش مزيان ولا مامزياانش وانا متيقنة غاتعرف بلي قلبك بيض
أسيل:هكاك😋(مشاو كملو طريقهوم تا وصلو قدام الدار دقات أسيل مافيها لي جبد السوارت هي تخرج خديجة حازمة راسها موجدة الديسك لأسيل هي تلقا معاها واحد البنت)
خديجة:😳سلااام بنتي (سلمات على بسمة عاد أسيل)
أسيل:ماما هادي بسمة صاحبتي تعرفت عليها فلافاك هي لي عاوناتني حتا قضيت الغاراض وجبتها تغدا معانا
خديجة:😇مرحبا بنيااتي زييدو دخلوو مرحبا بك ابنتي الدار داارك
بسمة:(تزنگات)ترحب بك الجنة اخالتي
أسيل:ههه شتي مشااو بجوج دخلوو وبسمة حشماانة مشات أسيل كاتعاون خديجة لي عاتباتها حيت ماعلماتهاش ويلا جاهم الغدا قليل شداتها أسيل من يديها وعاودات ليها على بسمة من لول تا اخر وحتا الحمل ديالها)
خديجة:(عينيها مغرغرين) 😢مسكيينة قطعاات ليا قلبي (مشات عند بسمة) بنتي شووفي لي تقاالت علك خفافت عليا الا تشهيتي شيحاجة غير گوليها وااخا ديريني بحال ماماك الله يرحمها
بسمة:(بدات كادمع وجات عندها خديجة عنقااتها)
أسيل:(متكية على الحيط كاتشوف فيهم بصاح بسمة دخلات لقلبها ودخلات لقلب خديجة حيت الغلطة الوحيدة لي دارت هي تاقت فالاشخاص الغلط وعطاتهم كوولشي *هدا درس لگاع البنات باش عمرهوم مايديرو تيقتهوم راه لاكنتي نتي مزيانة هادشي ماكايعنيش بلي بنادم غايكون معاك مزيان بلا ماتغلطي باش ماتندميش* بقاو معانقين مدة عاد مشات عندهوم أسيل) باراكة عليكم من البكا غاتبكيوني تا انا
أسيل:انا جاية (مشات أسيل كاتجري للكوزينة عند ماماها وبداو كايحطو الغدا وبسمة گالسة حشمانة گلسو مجموعين كياكلو وخديجة غير گالسة تمد ليها اللحم والبطاطا بقاو كاياكلو مجمعين مع بعضياتهم حتا سالاو وناضتت بسمة هي وأسيل غسلو الماعن وجاو گلسو مع بعضياتهم تاني وخديجة كولا مرة تسول بسمة واش خاصاها شي حاجة گلسو مجمعين مع بعضياتهم من بعد بقات خديجة كاتفرج وأسيل وبسمة مشاو لبيت أسيل سدو عليهم الباب وگالسين كايجمعو)
بسمة:عرفتي ملي شفت ماماك مابغيتكش ديري داااكشي مزاال والله ماتستااهلش تخيلي تعرف واش تقدري نتي تعيشي نهار وااحد بلا ماماك ولا تعيشي بتأنيب الضمير بلي نتي كنتي السباب حتا ماتت من فقصتها أسيل ماتلعبيش بالعافية دبا راه ماخصكوم والو مادمريش عائلتك بيديك
أسيل:بسمة ماشي وقت هادشي دباا فهمتي مااشي وقتو صاافي انا قررت مابغييتش مزال نفيق بالليل مالقاش ماما فالدار حيت مشات تخدم بالليل باش تااخد فلوس زياادة وماانقدرش نبقا نشوف فالنااس ديال الدرب لي ماعارفين تا خرية وملي كايشوفوها خارجة فدك الوقيتة باش تجيب لينا لقمة حلال تايگوولووو عليها هضرة ناااقصة فهمتي مابغيت حد إشفق علينا مابغيتش مزال نسمع الكلمة ديال نعاونكم محتاجين شي حاجة كرهت راسي بغيت نخرج ماما من هاد البلاااصة وهادشي ماغايتحققش لابقيت گااالسة هكا صااافي دباا محتاااجااك تقرري تانتي وااش نتي معااياا ولااا لاا!!
بسمة:(بقات كاتشوف فيها) اناا معاك تاا النهاار لخر ولكن وااعديني بواحد الحاجة من بعد مااتخرجي ماماك من هناا ومن بعد ماتوفري الفلوس لي خاصينك للقراية ديالك غاتخرجي ماغاتبقاايش هكاك راه صافي راك غاتخرجي على حياتك انا عاارفة الهدف ديالك نبيل ونيتك صافية ولكن بنادم آخر لا ويصحاابك ماماك غايعجبها الحال الا سمعات علك واخا غير كلمة وحدة جمعي راسك ا أسيل راك فهمتيني مزيان انا كبر منك وراك عارفة شنو دوزت كامل هادشي علاش كانصحك حيت عتابرتك بحال ختي وماماك درتها فمقام ماما آخر هضرة عندي خاصك توااعديني
أسيل:صااافي انااا كااانوااعدك
بسمة:الكلمة هي الكلمة فهمتي!!
أسيل:فهمتك صاافي دبا نتي معايا ولا ضدي
بسمة:هاد الاصرار ديالك كايخلعني ولكن انا معااك
أسيل:صاافي دبا ندبداو أول حاجة غانگلسو شوية وغانووض نگول لماما غانمشي معاك نوصلك غانمشيو نشري ما لبس ياك ونگوليها انتعطل اتخاسم شوية ولكن ماشي مشكل انمشيو للصالون نبدلو اللوك ديالنا وغارجعو للدار انا غانحاول نتعطل ما أمكن حتا تقرب ماما تمشي للخدمة من بعد نجي للدار نگلس تا لدك 11 عاد نخرج نتي غاتكوني مشيتي لتما غاديري خدمتك كيفما مولفة وغانجي انا وغانشوفو أول واحد نبداو به😈
بسمة:ااااخ الله يصبرني صاافي متااافقين الاالة
أسيل:ههه اوكي مزيان (بقاو گالسين مجمعين مع بعضياتهم من بعد مادازت مدة ناضتت أسيل بدلات حوايجها ومشات المجر ديالها لقات واحد 100 درهم عرفات ماغاتكفيهاش بدات تفكر شوية وهي تفكر داك الايفون لي كان خدا ليها أنور هزاتو ودارتو فصاكها ومشاو خرجو بجوج علمو خديجة وأسيل گالتليها راه غاتعطل غاتبقا مع بسمة حتا طمن عليها وطبعا خديجة تيقاتها وعطاتها الفلوس باش تركب باست ماماها وبسمة سلمات على خديجة من بعد مشاو مدة ركبو حتا وصلو حدا الدار ديال بسمة مشات بسمة باش تحل الباب هي تحبسها أسيل) شوفي دخلي انا غانجي دبا بالجراا واخا نجيب غي واحد الحاجة ونجي
بسمة:😳شنووو
أسيل:من بعد من بعد شوفي لفقاك وجدتي راسك راه خاصناا نمشيو مزال نبيع التيلفيون ونتقضااا ونمشيو للصالون لبسي حوايجك دغيا عارفاك ماغاتبغيش تخرجي للمدينة بهاد الحالة هههه
بسمة:ههه كاتفهميني وااخاا انا غانحااول اصلا غالوح عليا غير شس حاجة اما السروال راه هو هاداك
أسيل:اووكي (مشاات أسيل تجيب داكشي لي بغات خلصات ورجعات عند بسمة دقات الباب لقات بسمة واجدة لابسة واحد التيشورت قصير كايبين الفورمة ديالهاا لي مصرووعة👌🏻وطالقة شعرها شداتها أسيل من يديها وگالتليهاا يمشيو من دبا واخا عيات معاها بسمة دخل واخا غي تشرب كاس ديال الما ولكن أسيل راسها قاسح صافي سدات الباب ومشاو بجوج لپلاكة ديال الطوبيس تسناو حتا جا ومشاو ركبوو)
أسيل:(من بعد ما وصلو بقاو كايتمشاو مشات أسيل عند واحد مول التيليفونات هزات داك الايفون وبقات تخمم هو زوين ماسخاتش به واخا تيليفونها جديد فكرات علاش ماتبيعوش هو سولاته هاداك علا التمن باش تبيعو ليه گاليها 1000 درهم حيت التيليفون باقي جديد ونقي مابغاتش وبقات تقابح معاه حيت هي شارياه بالضوبل بقات معاه تا خلاه ليها ب 1600 درهم وغا بزز وكون ما التحلوين ديالهم بجوج ماياخدووش داك التمن فورماتاتو أسيل وحيدات منو كارط مموار ولپيس وهو عاود فلاشاه قداامهاا عاد رتااحت الاحتيااط واجب خرجو من عندو ومن بعد بسمة دات أسيل للبلاصة فين غاتلقا داكشي لي بغات واحد المحال ديال لي غوب سواغي مشاو بجوج دخلو وبقاو يعزلو لا هادي زوينة هادي خايبة حتا طاحت عينيها على واحد... مشات أسيل مخرجة عينيها وبالجرا مشات باش تجربها كانت واحد الغوب فالكحل بقات كاتوف فراسهت عجباتها برزات المفاتن ديالها بطريقة جنونية جاتها مطرطقة وبحالا مفصلة عليها عيطات على بسمة لي جات عندها وتصدمات مني شافتها وهي تحل فمها)
بسمة:😱وااناااري😍كييجييتي اصااحبتي عرفتي هاد الغوب بحالا مفصلة علك وجات مع فوورمتك هي هاديك
أسيل:(كادور على راسها) وترمتي هي هاديك كاتباان كبيررة وصدري
..... :(كايتعوج) ممم فصرااحة كادير 600 درهم غيير عندي انااا اما راه فالاصل 1000 درهم ولكن انا كانتعااون مع بنات الشعب هههه المهم عاودات ليا بسمة علك انخليها لك ب 450 درهم باش تعاودي تجي عندي واخا انا متيقن غاتجي
أسيل:ههه مطور ااه عندك الحق انجي مرة خرا ولكن بشرط تجيب ليا ديما الجديد عطيني الكارط ڤيزيت ديالك بعدا باش نسيفط لك قبل مانجي لعندك هنايا بشي يوماين ولا 3 تكون فراسك المهم الشرط ديالي داكشي لي تكون جايبو على قبلي ماتشوفو تا وحدة واخا الا لقيت شي وحدة لابسة بحالها نخسر معاك
.......:اويلي وااناا لاش نخسر معاك الزوينة لا لا شرطة مقبوول ههه😂 صافي هاكي كارط ڤيزيت غير علميني من قبل نوجد لك غي الجديد
أسيل:ههه اوا صاافي مزيان هادشي لي بغيت يالاه هاك شد فلووسك وجمع ليا هادشي (عطاتو أسيل الفلوس ورد ليها الصرف ديالها وجمع ليها لغوب سواغي فپلاستيكة شكروه ومشاو خرجو بقاو غاديين حتا وصلو للصالون لي گالتليها بسمة دخلوو وهي تجي عندها واحد البنت كاتسلم عليها تبوس وتعنق سلمات على أسيل گالوليها داكشي لي بغاو وسبقاتهم هوما لولين بسمة بغات ترجع اللون ديال شعرها أما أسيل بغات ديرو غامق ودير الماكياج ديال السوااغي بقات خدامة عليهم هي وواحد البنت موودة عاد سالاو خلصووها وعطاتهوم فولارات داروهوم عليهم باش يغطيو داكشي لي فوجوهوم وخرجو هي تبدا أسيل تسولها) تي شتك كاتعرفي كولشي هنايا
بسمة:ههه هادي عرفتها غير هاد الاوااخر فداك الكبااري عندها ديپلوم ديال الحلاقة كنت ديما كانجمع معاها شي يامات شوية غبرات كنت كاندور واحد النهار هنايا دخلت وانا نلقاها عاودات ليا شي حد طهلل فيها مزيان واحد الخليجي دغياا دارت مشروعها وتمشا ليها خصوصا البلاصة هنا خطيرة وهي ديجا خظيرك فهادشي كاتصرعوو راكي شفتي كولشي بعينيك
أسيل:ياختي بان ليا غا لي خدم هنايا كايصور مزياان ههه
بسمة:(وقفات أسيل وشافت فيها بنظرات حادة) 😠ماتعارديش هاد الهضرة هادي لي داوية عليها راه شهدت ليها التكرفيص لي دوزات عرفتي شدااكشي كانت شي يامات تهرساات وبعض المرات گاع ماكانت كاتخلص وشحال من مرة تغتاااصباات ماشي من واحد ولا جوج راه فرقة دازو عليها كاملين راه كاتشكي عليا راه تبكي شي نهار تعاود لك راه هادشي ماشي زوين ديري عقلك خاصك تخرجي بأقل الخساائر كاتفهمي انا بغيت نعاونك لحاجة وحدة هي نحضييك ونحااول نعتقك لاوقعتي فشي مشكلة
بسمة:(تنهدات) اووكي هاحنا غانشوفو انا الا شفت الامور خرجات عن السيطرة كانحلف لك تا نگولها لماماك انا گلتليك دبا
أسيل:اشوصلناا لهاد الهضرة
بسمة:انا علمتك
أسيل:ماغايوقع واالو كووني هانية
*كاملكوم متشوقين تعرفو البنات كيف ولاو يااكك انوصف ليكم نبداو ببسمة لي شبه مجهولة عندكوم شعرهاا كحل هدا هو اللون ديالو الاصلي فمها كبير مثير👌🏻عويناتها متوسطين ومشفرين ويلا كحلاتهم كاتبان خطيرة سمرة سمورية خفييفة كاتبان بحال شي برازيلية وطايتها واعرة وخصوصا كرشها مزال مابدات تبان بسباب قلة الماكلة والتوتر واخا عندها شهرين...*
أسيل:(من بعد ما خرجو من الصالون مشاو شدو الطوبيس وصلو ضربوها على رجليهم حتا وصلو لدار بسمة مع دك 8 ديال الليل بسمة مشات بدلات حوايجها وجبدات باش تقاد كاسكروط اما أسيل خدمات الايفون ديالها وصونات على ماماها وقدرات تقنعها بلي غاتبقا مع بسمة حيت عياانة وحيت خديجة كاتيق فبنتها تقة عمياء ماكان عندها مادير گالتليها ترجع وقتما قدرات و وتصوني عليها الا وصلات للدار وداكشي لي دارو غير قطعات مع ماماها حطات بسمة كاسكروط كلااو وتسناو شوية وبقاو كايهضرو وگالتليها بسمة راه غاتسيفط ليها طاكسي لي مولف كايوصلها هي تافقو على البلاصة وكولشي ومشات أسيل خرجات من بعد ما عرفات ماماها اتكون دبا قربات تخرج سيفطات لماماها مساج گالتليها:^^راه خرجت وراه ركبت فطاكسي دبا^^ وصلات أسيل من بعد ماضلام الحال بزااف وكانت متعمدة تعطل باش ماتشوفهاش مها بدك الحالة حلات الباب بالساروت وبقات تعيط على ماماها ملي ماتكلم ليها حد عرفاتها مشات صونات عليها گالتليها راها فالدار دبا گالتليها مها تعطاا وطفي البوطة وتسد الباب بالزكرون تا تصوني عليها بالصباح تحل عليها گالتليها أسيل واخا ومشات دخلات للدار لاحت داك الفولار وطلات فالمراية كولشي باقي مقاد هو هاداك مشات دارت ماتاكل وبقات كاتكونيكطا مع كوتر وأحمد لي غبرات عليهم وصلها مساج من بسمة گالتليها القضية زااهية والدنيا عامرة هاد الليلة مشات أسيل لبسات الغوب ديالها وصنداالة عاالية فالگرونة ديجا عندها مابغاتش تخسر فيها فلوسها تاني حتا ترفح وطهلا فراسها مشات قدام المراية عاودات الماكياج ديالها غير ديتووش خفاف وصافي عاودات العكر بالخصوص دارت ليلونتي وهزات دوك اللعيبات ديال التاتواج لصقاتهم هادوك كايتحيدو الا غسلتيهم مزيان كايكونو عند مالين الماكياج حبيباتي مهم دارت إكسسوارات ديالها خلخال وبراسلي قادات شعرها بان ليها كولشي هو هاداك كاتشوف فراسها مصدومة عجبها راسها بزاااف والاطلالة ديالهاا مثييرة وراائعة والماكياج لي دايرة عاطيها عمر كبر مم عمرها كاتبان ناضجة وبلعاني دارت هكا حيت كاين لي مايزعمش امشي مع بنت 18 عام كايخاافو رشات پارفاان ديالها هزات پوشيط ديالها دارت فيها تيليفونها والسوارت من بعد ماسيفطات ليها بسمة مساج بلي الطاكسي جاية فالطريق لبسات أسيل مونطو ديالها طويل حيدات صندالتها دارتها فپلاستيكة ولبسات سبرديلة ولوات عليها فولار ودارت نضاضر ديال الشميس بغات ما امكن مايعرفها حد خرجات من بعد ماتيقنات بلي الدرب خاوي سدات الباب طرقاتو ومشات ضرباتها بجرية حتا وصلات البلاصة فين دارت مع بسمة لي كانت قريبة لقات الطاكسي كايتسناها گاليها نتي هي صاحبة بسمة گالتله ييه طلعات ومشاا تحرك بدلات سبرديلتها وحيدات النضاضر خشات داكشي كامل فپلاستيكة وحطاتها تما حيت هو لي غايردها تاني بقات كاتنهد الطريق كاملة وهي متوترة وكاتمنا هاد الخطة لي غادير تنجح ليها وأخيرا وصلات بغات تخلصو گاليها تافقات معاه بسمة حتا يرجعها مشات وخلات پلاستيكة فالطاكسي مشات حدا الكلوب تلاقات بداك الگارد گالتله جيت مع بسمة هو يدخلها مشات فداك الكولواار لمرة التانية حيدات المونطو ديالها ومشات عند داك الگارد لي لداخل خلصااتوو من بعد ماگالتله جيت مع بسمة) صاافي
لگارد:وي صافي ديجاا شفتك هنا ياك
أسيل:وغاتولي تشوفني بزاف😉
لگارد:ههه مرحبااا😉🔥
أسيل:ههه (حل ليها الباب ولتاني مرة دخلات لهاد العالم غير هاد المرة كانت زاعمة شوية خدات نفس ومشات دخلات شافت بعينيها قشعات بسمة كاتسربي وهزات رايها فلبلاصة شافت فيها كانت كاتسنااها أصلا بتاسمات بسمة وشيرات ليها بعينيها شافت أسيل بعيد وهي تقشع علي ديال لي كبات عله الموناضة فهمات وبدات كاتوجد الحوار ديالها هبطات فداك الدروج ومشات عند بسمة هي لولا عطاتها واحد الحاجة غي بالتخبية ومشات قصداتو اما هو كان مجمع مع واحد وصلات حداه أسيل وحطات يدها على كتافو)
علي:(دار بالعرض البطيئ هو يتصدم او بالاحرى انبااهر بالجماال دياالها وبقا حال فمو لا هو لا لي كان معاه)
أسيل:ههه سد فمك الموت كادور😉 عقلتي عليااااا
علي:أسييل!!!
علي: أسيل ..!!
اسيل: بشحمها و لحمها 😉
علي:اممم شي حاجة؟؟
اسيل: مافيكش صواب و كولينا غير تفضلي وخا غير بضحك 😉
علي: (وقف) ديزولي تفضلي😊
أسيل: شكرا هذا من لطفك...كلسات اسيل و دارت رجل على رجل و كلس علي قدامها حال فمو في جمالها وخا داك نهار كانت زوينة و لكن ليوم غير بانت كبيرة و الانوثة ديالها طغات و لاطاي ديالها بانت مثيرة ...و عاد قودة ديال و نضرة ديالها حادة لكتزيدها جمااال ..زعمات و حيدات توتر و هي تنطق ..
أسيل: ايوا اسي علي صافا عليك اش كتعاود؟؟
علي : حمد الله و نتي صافاا؟؟
اسيل: حسن منك😉😉
علي: هادشي لبغينا ...ايوا راكي كتحمقي دوختيني ..😍
أسيل: ميغسي 😍
علي: ايوا داك نهار معفرة علينا و ليوم كيف طرا و جرا تا جاية برجليك😉
أسيل:(مرضاتش بغات تعتق موقف) اول حاجة مجاياش على قبلك انا غير جاية ندوز وقت وصافي و بنتي ليا كالس بوحدك و كلت نونسك و لكن لا ديغونجيتك يمكن ليا نبدل بلاصة عطا الله بلايص 😉
علي: لا حاشة مرحبا بيك😍 نهار كبير هذا باش زوينة بحالك تشرفنا و تكلس معانا و تواضع معانا😍
اسيل:(شحال حامض يخخ) امم كثرتي عليا تكايس شوية😌
علي: ايوا مغاديش تكوليلي ليا اش هاد تغيير 😉
اسيل: اش كتقصد؟؟
علي: داك نهار دايرة ليا ديك حالة و ليوم شنو تبدل ؟؟
أسيل: غير داك نهار جيتيني في وقيتة معصبة و طالع ليا دم و توترت و صافي...
علي: ايوا هكاك تشربي شي حاجة؟😉
أسيل: انا لغادي نعرض عليك لاقبلتي طبعا 😉
علي: اييه مرحبا علاش لا ؟؟
أسيل: (هزات يديها شيرات لبسمة لشافت فيه و غمزتها زعما نجي ) كارسووون ✋✋جات بسمة وقفات عليهوم و هازة بلاطو في يديها ...
بسمة : هي لولة 😉 ...بقات أسيل مجمعة مع علي و بدا كيحاول يتلمس فيها و هي مخلياه و كتحاول تبين راسها راها مهدنة و هو مسكتش من كلام الغزل و هو طبع حداه انثى كاملة مكمولة جمالها لا يقاوم ..مت هي الا دقائق و جابت أسيل بلاطو فيه جوج كيسان ...حطات ليهوم داكشي فوق طبلة لكالسين فيها ...علي هز كاس ديالو و اسيل كذلك ...بداو كيشربو و اسيل كتشوف فيه بنص عين ...
علي: ايوا شنو دبا من هاذ جلسة نقدر نعاود نطلب عرض لديجا عطيتو ليك اش باليك ...
اسيل: (عضات على شفايفها بطريقة مغرية ) اممم علاش لا 😉
علي: هي نبدلو بلاصة اش باليك..
اسيل: ليبغيتي 😉
علي: يا الله ندوزو وقيت في دار عندي زوين 😉ايعجبك الحال بزااف ..
أسيل: امم دارك فين جات؟؟
علي: لاسيتي
أسيل: يا الله...ناضت أسيل مع علي غمزات بسمة😉لبدورها اومات ليها براسها حضي راسك خرجات لبسات مونطو ديالها و هز لافيست ديالو و خرجو ركبات معاه و هو فين مايلقا فرصة يتلمس فيها و لا يلوح لبيها كلمة لكتعصبها وخا هكاك كتحاول تصبر راسها لابغات تحقق داكشي لفي بالها ...ركبات و دارت سمطة و هو يزيد غادي و شاد ليها في يديها...هزات اسيل طلات على ساعة شافت الوقت و هي تصدم و هي تكوليه ...
أسيل: علي وقف وقف ..
علي: مالك؟؟
أسيل: حسيت بقلبي مروع عليا..
علي: (هز قرعة ديال لما ) هاكي شربي ..
أسيل:(خذات نفس و هزات قرعة ديال ما حلاتها و شربات ) اوف معرفتش مالي ...
علي: كتوقع بلاتي بلاتي عكر خصر ليك ..
اسيل:(ضارت عندو ) فين ؟؟
علي:(قرب ليها و هز كينينكس و لقا فرصة و بدا كيقرب منها بغا يبوسها تا حاس بدوخة و راسو غادي يتفركع غمض عينيه و عاود حلهوم و والو اسيبل كيبان ليه منها 10 ماهي الا ثانية و طاح غيب )
اسيل: (قلبها كيضرب بجهد) اوووف حمد الله و اخيرا صافي دبا خاصني نشوف فين داير فلوس ...بقات كتقلب اسيل في مجر ديال طونوبيل ملقات والو و هي تقلب جياب ديال لافيست لقاتو هاز معاه 2000 درهم ...هزات 1000 درهم و خلات شي لاخور و هبطات دغيا من طونوبيل لقات دنيا خاوية خلعة راكباها من صبعها صغير وخا هكاك كتقوي راسها شافت راسها فين هي لقاتها في طريق مرجان حدا غابة في بلاصة هزات تيليفون عيطات بسمة ...
اسيل: الو بسمة ...حمد فينووو ؟؟
بسمة: فينك نتي اش درتي؟؟
اسيل: خطة نجحات و اول ضحية هاذ زامل 😈😈
بسمة: اووف حمد الله حمد الله را حمد اتلقايه بطاكسي غير تابعك را وصيتو يتبعكوم بلا ميحس زامل دوري غادي تلقايه موراك ايجبيك عندي لهنا و انا ساليت خدمتي و نرجعو دار ..
اسيل:(ضارت شافت طاكسي حابس حدا بومبا و عي تمشى بخطوات سريعة و باقا كتهضر مع بسمة) يخليك ليلي انا جاية دبا 😍
بسمة: انا كنتسناك😍
مشات اسيل ركبات دغيا ركبات مع حمد لور في طاكسي و رجعو نيشان الاوطيل ...
باغين تعرفو اسيل اش دارت و كيفاش خطات الهادشي كامل و تبعو معانا جزء جاي حبيباتي😉
بغيتو تعرفو كيفاش لالة اسيل خططات لهادشي كامل ...أسيل الفكرة لطاحت عليها هي نفس الفكرة لشافت فالفيلم المنوم ...مشات لفرمسيان خدات منوم لكيشربو لواحد و بعد نص ساعة بالحساب كيغيب ساعتين عاد كيفيق مخدر بحال لكيتخدر تافقات مع بسمة باش هكا اتبقى دير لضحايا ديالها و هادشي كامل خاص تعرف كيف دير ليه ولكن مع اسيل وحدا قوية و عارفة شغلها وخا باقا صغيرة زعمااات و قرات دخل هاذ الميدان ولكن شرفها ميضيعش ..وخاا عارفة خطر عليها زعمات باش تخرج من العيشة لعايشين و تخرج مها من القهرة و تحقق جميع داكشي لكتمناه ..شرات المنوم و تافقات مع بسمة من دخلات البار مشات عندها عطاتو ليها باش ديرو في كاس ضحية من ضحايا ديالها و داكشي لدارت بسمة دارتو في كاس ويسكي ديال علي و أسيل كملات خطتها و نجحاات ليها في اول ضحية ديالها واش ديما غادي تفلت منها و لا غادي يجي نهار لغادي يسالي كلشي هادشي لغادي نعرفو ...
رجعات اسيل مع حمد في طاكسي لعصام كانت ديك 3 ديال ليل سالات بسمة البرنامج ديالها و لبسات مونطو ديالها و خرجات كتسناه شافتهوم و هي تركب دغيا حداها لور..
بسمة:(كتقيس في وجهها و عينيها مغرغين بدموع) اسيل نتي مزيان؟؟ياك مدار ليك والو ...
أسيل:(شدات في يديها و زيرات عليها) انا مزيااان احبيبة معندك لاش تخافي را أسيل هاذي و أجرك على الله 😆😆😈
بسمة: حمد الله حمد الله اووف كان قلبي غادي يسكت خفتو لا يعيق ...
اسيل: ها ها ها معامن هو يا الله تا دار و نهضرو ..
بسمة: غير هضري حمد بحال خويا و لا كثر كيعاون ديما مكنخبي عليه والو هو لكان كيوقف معايا ديما ...
حمد: هذا واجب ا ختي نتي بحال ختي صغيرة و تا دبا اسيل بحالك اي حاجة انا معاكوم...
اسيل: شكرا بزااف ربي خليك😍
حمد: هذا واجب😊
بسمة:شحال هزيتي ليه😂
اسيل: 1000 درهم😂😂
بسمة: خطيرة ليلة وحدا 20 الف ريال راكي بخير...
أسيل: و مزااال تشوفي ملاين ايدخلو ..
بسمة: اهاه و لا جا داك زامل را عاقل عليك غذا تشوفيه تما ..
اسيل:تا حاجة مكتخلعني و تا حاجة مكتهمني ...3 حوايج لعندي دبا خاصني نكافح على قبلهوم ..ماما نخرجها من القهرة و خدمة و نعيشها مرتاحة نعوض ليها شوية من داك العذااب لعايشة فيه و ثاني حاجة مدرسة طب اندخل ليها و غادي نتخرج ان شاء الله و ديك ساعة ايكون اكبر حلم ليا لهو نولي طبيبة ...ثالث حاجة هي من يتزاد ولدك و لا بنتك يلقا كلشي موفر ليه و نتي تخرجي من ديك الخدمة و تكملي قرايتك و تلقاي خدمة ماحسن ..ولكن هو خاصو يجي لهاذ دنيا يلقا كلشي موفر ليه تا حاجة متخصو و يلقا بيئة زوينة يعيش وسطها ...
بسمة:(هبطات دمعة من عينيها ) تا لهاذ درجة كنهمك انا وولدي و غير سيمانة هادي باش تعرفنا ...
حمد:(شاف في بسمة بتعجب ) بسمة كولي هاذي تجمع فلوسها و هبطو دغيا..
أسيل : علاش😮
بسمة (جراتها) نوووضي نوضي وخا تبقاي معاه تما تا صباح و الله ميشد منك شي ريال
هبطو البنات بسمة جرات اسيل و هبطو ..حمد تحرك و مشا بحالو و هما حلو الباب و دخلو و اسيل كتنكر..
اسيل: اويلي حشومة هو تعذب معانا و في لخر منعطيوه والو ...
بسمة: بلا بلا فرعتي ليا كري كوتليك را مغاديش يشدهوم را 3 شهور و هو كيديني و يجيبني و مكياخذ تا ريال ..
اسيل: اييه و منين عرفتيه ...
بسمة: قصة طويلة...من بعد و نكولها ليك...دبا باغا غير نعس
اسيل: و هضري باختصار ...
بسمة: هو عندو بنية مرتو ماتت بنية يكون عندها ديك 5 سنين ماتت مرتو من كانت كتولدها و هو ولا يديها فين مامشا مكيلقاش فين يخليها واحد نهار كنت دايزة تا كتبان ليا كالسة حدا واحد دار كتبكي سولتها كاتلي را بابا تلفات ليه و لكن بنية ذكية حمد حفضها نمرتو و عطاتها ليا صونيت ليه و من تما و حنا اصدقاء وكانت ديما أماني كتكلس معايا باش مكنكونش خدامة و لا بنهار ...
اسيل: مسكين يا ختي و متزوجش ..؟؟
بسمة: لا مبغاش يدخل مرات الاب على بنتو ...
أسيل: يا ختي قلال رجال بحالو ..و بنتو فينها دبا ..
بسمة: قالي راها في هاذ العطلة مع مو داها عروبية ..
أسيل: اه مسكينة بقات فيا يتيمة و تا هو يا ختي صعيب يربي بنت صغيرة ..
بسمة: ايوا هادشي لكتليك را تا واحد ملقاها كيبغاااهاا .
اسيل: واييه يخخ من دنياا..
بسمة: اه عيطتي لماماك بعدا؟؟
اسيل: ويلي نسيت يا ختي و هي صحابها انبات في دار انا انعيط ليها دبا ...دوزات نمرة اسيل و هي كتفكر اش اتقول لماماها خديجة جاوبتها ..
اسيل: الوو ماما
خديجة: الو اسيل بيك شي حاجة ابنتي مالك معيطة في هاذ الوقت ..
اسيل: ابشوية اماما غير بغيت نقوليك راني ماشي في دار ..
خديجة:اويلي فينك😮
اسيل: مع بسمة في صبيطار...
¤¤عند أسيل¤¤اسيل كتهضر مع ماماها في تيليفون``
اسيل: بلا متخلعي اماما را غير كان فيها شي وجع و عيطات ليا في تيليفون و جيت ديتها طبيب معندك لاش تخلعي را غير بالخلعة نسيت معيطتش ليك و صافي ...
خديجة: (مخلوعة)ناري مسكينة كيف بقات دبا...؟؟
اسيل: شوية حمد الله را حنا شوية و نخرجو من طبيب ...
خديجة: عطيني عنوان ناخذ الاذن نجي عندكوم..
أسيل:مكاين لاش اماما حنا خارجين دبا غير بغيت نقوليك انبات معاها تا لغذا و نجيو و نجيبها معايا ...
خديجة: وخا ابنيتي اجيو في صباح
أسيل: اه ان شاء الله كوني هانية نفيقو نجيو يا الله بسلامة..
خديجة: بسلامة الله يشافيها مسكينة ..قطعات معا ماماها لقات بسمة حالة فومها...
اسيل:مالك😮
بسمة : اش كديري الكذوب اختي برا ولباس عليا
أسيل :ههههه برا و لبلس نوضي نعسو
بسمة: نوضي
ناضو البنات بدلو حوايجهوم و غسلو وجههوم لبسو بيجامتهوم و مشاو ينعسو 😴😴😴
🌔صباح جديد^^اصبحنا و أصبح الملك^^🌔
ناضت اسيل هي لولة خلات بسمة ناعسة شافت ساعة لقات 11 ديال صباح ناضت دخلات طواليط غسلات حالتها و قضات حاجتها و خرجات دخلات كوزينة باش كتوجد فطور...دارت حليب كيفيض على قبل بسمة وجبدات بيض قلاتو و وخرجات جابت كومير من الحانوت و رجعات لقات بسمة ناضت لقاتها في طواليط قادات داكشي فوق طبلة و كلسات كتساناها تخرج...
بسمة: صباح الخير حادكة ..
اسيل: صباح نور كبيدة اجي تفطري و فطري ليا حبيب ديالي ...
بسمة: هي لولة ...كلسو البنات مجمعين كيضحكو سالاو فطورهوم و ناضت اسيل كتجمع ماعن ماخالاتش بسمة تقيس والو غسلات ماعن و جمعات دار..بسمة كالسة في وسط دار ...
اسيل: حبي ساليت يا الله ...
بسمة :فين؟؟
اسيل: اويلي على فين را ماما كتسنانا و سمعيتيها بارح اش كالت ..
بسمة: غير سيري نتي انا مابغيتش نتقل عليكوم ...
أسيل: (شافت فيها بنص عين و عاقدة غوباشة ) و ها بسااالة نوضي تكعدي اتكون جات من خدمة دبا و دارت الغذاء على حسااابنا ...
بسمة: معرفتش و الله ...
اسيل: بسمة مالك معجبتينيش؟؟
بسمة: ليوم اتمشي البار ثاني را لاخور ايكون محلفها فيك خايفة عليك😢
اسيل: اه انمشي و لفي جهدو يديرو و دبا تشوفي اش غادي ندير غير خليه يجي ..شوفي مزيان فيا ابسمة انا صافي لحت رجلي هاذ ميدان و ماغاديش نتراجع باغا نحقق حلمي ...
بسمة:في خبارك هاذ القرار لخذيتي اناني بزاااف حشومة عليك اختي خرجي من هادشي و انا نعاونك و ان شاء الله شوية بشوية تا تحقي كاع لفي بالك ...
اسيل: بغيت غير نفهم داك نهار اول مرة تلاقينا كولتي ليا هزي رجليك لابغيتي فلوس و دبا دايرة ليا فيها حجابي سر قلوتي واش مالكي دختي ولاشنو؟؟
بسمة: اه كلتها ليك و لكن هادشي قبل منعرفك و نعرف ماماك هي شوفي اش كدير على قبلك في نضرك لا عرفات هادشي لكديري اش غادي يوقع فيها😢😢
اسيل: متسخطيش مي ا بسمة وخا تعياي مديري ليا تانيب ضمير انا هكا و درت في بالي شي حاجة خاصني نحققها و مولاها ربي 😑
بسمة: اوووووف منك اووف صافي لفي راسك في راسك...
اسيل: و هانتي فهمتي و نوضي تكعدي منعاودوش الهضرة 100 مرة ...
بسمة: ها هي نايضة تف تف .. ناضت بسمة لبسات سروال تجين و شوميز طويلة من لور و قصيرة من القدام و لاحت عليها كاب صغير عليها و هزات شعرها كوتشوفال و دارت ميكاب ديالها خفيف على حساب مامات اسيل لكتحتارمها ...اسيل تا هي لبسات حوايجها وخلات شعرها مطلوق اما وجهها دارت ليه غير ليكخو ديال الشمس و كلوز لشنايفها و خرجو من بعد ماسدو دار و تاكدو من الضواو مطفين و بوطة مسدودة خرجو شدو طاكسي 🚖 داهوم نيشان دار دقو حلت ليهوم خديجة ...
خديجة: اهلا بحبيباتي دخلو دخلو ...""سلمو عليها البنات و دخلو كيضحكو معاها لقاوها وجدات الغذاء دارت ليهوم دجاج و شلاضة و قلات فريت ..ناضت اسيل عاونتها حتا حطو الغذاء و كلسو كيتغذاو و كيهضرو ..
خديجة: حمد الله مع هاذ الخدمة كنجي تا 7 صباح اسيل كتبات بوحدها اش باليك ابنتي اجي سكني معانا و منها تونسي أسيل اش قلتي ...
أسيل: فكرة زوينة هاذي و الله😍
بسمة: و الله ماعرفت
خديجة: معندك متعرفي ابنتي راكي في مقام اسيل دبا كلسي ونسينا و عمري علينا الدار ..
اسيل:(كطلبها) عااافاك عااافاك ابسمة وافقي ..
بسمة: امري لله ماخاليتو ليا منكول ..
اسيل:(ناضت عنقتها و هي فرحانة😍) يااااس ياااس احح اتسكني معانا😍😍
خديجة:الله على بنياتي مرحبا بيك احبيبة و من ليوم ديري دار دارك ...
ناضو البنات جمعو دار و غسلو الماعن و دخلو مجمعين في بيت ..
اسيل: مزيان دبا ماما كتمشي خدمة مع 9 ونتي 10 كتخرجي انا مع 12 انبقا نجي و بغيتك دبا نتي كتعرفي تما مزيان بغيتك توريني كليان لعندهوم لعاقة تما بزااف
بسمة: شوفي باغا طلعي دغيااا في فلوس كاينين تما 4 كليااان و دغيا يطيحو في شبكة ...
اسيل: شكون هاذو ؟؟
بسمة: كاين شكيب كيتاجر في مخدرات فلوس عندو كي تبن و كاين رشيد هاذا رجل أعمااال اش غادي نقولك لعااقة نيت و كاين عبد الله سعوودي هذا و راكي عارفو سواعدة و واحد و لكن معندو باش ينفعك ..
الساقطة و الملتزم الجزء الثالث
محتوى القصة
التنقل بين الأجزاء