الساقطة و الملتزم الجزء الرابع

¤¤عند البنات بسمة و اسيل¤¤

بسمة: هذا مأثر فيه شراب بزااف را كل ليلة كيضرب 5 قراعي ديال شراب مكيعقلش على رااسو بعض المرات كيبقا فيا عندو المرض والادمان على الشراب هداك لباس عليه و لكن فلوسو كاملة كتمشي في الشراب و غير الشراب الغااالي و كيسكر تا يسكر و يمشي بحالو 

أسيل: و مالو على حالتو؟؟

بسمة: ولد البناني هداك و عندو كالك شي مشكلة مع باه 

اسيل: هكاك ..و يا ختي منين كتعرفي نتي بحال هاذ الخبار ...

بسمة: ههههههه و اختي اسكتي تبركيك قتلني ...

اسيل:😂😂تبارك الله عليك و خلاص ...

بسمة:واييه😂

أسيل: في خبارك بغيت نفتح كونط في البنك ...

بسمة: اه صافي غذا نمشيو و فتحيه را ساهل ..

أسيل: اوكي شوفي خاصني نزيد شي حاجة ديال الحوايج واعرين

دق دق دق🚪🚪

اسيل: بلاتي انا انشوف شكون ؟؟

ناضت أسيل حلات الباب و هي تصدم صدمة العمر😱😱😱

أسيل:😮😮😮

.....: مالك تصدمتي؟؟

أسيل: نتا لاش جيتي عدنا ؟؟ اش بغيتي 

.....:(دفعها و دخل) حيدي من قدااااامي 😡...دخل مدرم دخل وسط دار..

......: خديجة هانا جيت 😈

خديجة:(وجهها و لا صفر و جميع الوان الطيف بانو على وجهها ) عممممر😱اش كدير نتا هناا ...《اييه أب أسيل》

بسمة: وقفات 

عمر: وينوو مرتي حبيبة توحشتك 😉😉

أسيل:(تعصبات و جات بكل قوتها شداتو من قميجة)خرج من دارنا نتا و لا و الله العضيم حتا نفرج فيك امة محمد سمعتي😠😠

عمر : هااااي هاي على برهوشة تحل ليها الفم تا هي و كبرات ...《هز يديه بغا يصرفقها و هي تشدها ليه》

أسيل: ويااااك تجرأ مرة أخرى تهز يديك عليا و لا على ماما را والله تا نقتلك و عندي زايد ناقص سمعتي زايد ناقص ....😡😡

جات خديجة كترعد خايفة منوووو كتقفف..اما بسمة غير كتشوف مصدومة من جرأة أسيل و عدم خوفها و قوتها

خديجة :صافي ابنتي خاليه ..

اسيل:ماما بقاي بعيدة سمعتي✋ 《هزات صبعها في وجهها》 و هذا حسابو معايا هو لخر اخر مرة تحط رجليك في هاذ الدار و لا تحاول تقرب من ماما و الله تا يكون هذاك هو النهار لخر في حياتك سمعتي النهار لخر و دباااااا خرج عليناااا ...😡

عمر: عقلوو على هادشي عقلي يا البرهووووشة مزيان اش اندير فيكوم..

اسيل: لي فجهدك ديروووو يا عيفة الرجااال و لي شماتة ايبقى شماتة عمري عتارفت بيك كأب و معمري غادي نتعارف ...

عمر:(هز صبعو و كيهدد) وخااا عقلووو و الله لابقات فيكوم ضار خرج و زدح الباب موراه ...خديجة طاحت على وقفتها كلسات فوق سداري..

خديجة: الله الله اش هاذ الموصيبة يا سيدي ربي هذا لاش رجع باغي يدمرنا ثاني ...😢😢ناضت بسمة كتمسح ليها دموعها و معنقاها 

أسيل: (كضرب رجليها مع الأرض با الأعصاب) هاذ الحماااااار يخخخ واش يكون بشار لا رجع ياك كان تشد في الحبس😡😡

بسمة: أسيل صافي تهدني دبا ها هو مشا ...

خديجة: باينة غادي يرجع ثاني و يرجع حالتوو 😢

اسيل: وحربش يقرب لا منقطع لمو داك الزنطيط لمحيرو راني ماشي أسيل 

خديجة:(شداتها ضحكة ) ههههه كثرة الهم كضحك ...

بسمة:ههه مقطعة الوراق و لكن ميمكنش تبقاو هنا قبيلة كلتو نكلس معاكوم ياكو ...

خديجة: اه ابنتي

اسيل: فاش كتفكري..

بسمة: يا الله معايا للدار تما و نكلسو مجمعين و نيت تبعدو ...

خديجة: لا ابنيتي منخرجش من داري

أسيل: و علاش اماما اش انبقاو هنا كل ساعة يجي ينكد علينا عيشتنا ...

بسمة: ياك انا في مقام أسيل و بحال بنتك و لكن بان ليا العكس...😟

خديجة: لا نتي بنتي بحالك بحال اسيل و لكن 《قاطعتها》

بسمة: شنو لي ولكن ياك قبيلة بفمك و طلبتيني نكلس معاكوم مرفضتش و دبا نتي رفضتي بحالا غادة عند البراني وزايدون اتبقاو عندي تا يمشي هادا ينساكم ويقيلكم عليه بيما تفكرني انا خويا وجرا عليا ورجعو تاني ههه...

خديجة:هههه لا ابنتي حااشة واش غادي نقوليك عندكوم صح دبا داك وحش خرج من الحبس و كل ساعة ايبدا جاي و انا باغا نبعد أسيل عليه ...

اسيل(جات عنقتها) احح عليك احسن أم ..معمرك تخافي منو حيث صافي انا جنبك عمرو يحلم يقرب ليك ..

بسمة:(تا هي عنقتها )حنا ديما في جنبك يا الله نوضو جمعو غير حوايجكوم شي لاخور كلشي عندي فالدار..

خديجة: من دبا خاليو تا غذا ..

أسيل: انوضي من العكز نجمعو الحوايج الله نساليو ......

خديجة : يا الله نوضي نتي جمعي داكشي ليخصك و انا نجمع غير شي حاجة تا رجعو من بعد و نديو الباقي و لكن اش اندرو لدار ..

اسيل: انسدوها و صافي ...

خديجة : وخا ابنتي يا الله نوضو حديث ومغزل ...

ناضت أسيل فرحانة هي و بسمة و كيجمعو الحوايج جبدات أسيل باليزة ديالها هزات فيها حوايجها ... و جبدات سامسونيط صغيرة هزات فيها داك تخربيق ديالها ماكياج و داكشي ديالها ...خديجة تا هي جمعات حوايجها شي في باليزة شي في صاك وجدو راسهوم طفاو ثلاجة و داكشي لفيها هزوه داروه في بوشيطات و حيدو بريز للتلفازة و زيرو الوطات و خرجو سدو الدار ...مشات خديجة كتسلم على صحاباتها جيران لتصدمو من عرفوها اتخوي خصوصا سعيدة ولكن اكدات ليهوم غير مؤقت و تقدر تبقى تجي طل عليهوم مرة مرة..في حين بسمة صونات لحمد باش يجي يديهوم وداكشي نيت لدار ما هي الا دقائق جا حمد ركبات خديجة و البنات اللور و داهوم نيشان للدار عند بسمة ..حلات الباب بسمة و دخلو ..خديجة عجبتها دار لمجهزة بكلشي وخا داكشي على قد الحال و لكن حمد الله داكشي زوين ...

بسمة:كيجاتك الدار اخالتي

خديجة:زوينة ابنتي تباارك الله وقرييبة لپلااكة كنت كانتعدب لهييه حيت بعييد الحال شوية وخصوصا رجعت كانخدم بالليل ماكانوصل حتا يغفر ليا الله الدنوب

أسيل:(ضرها قلبهاا من هضرة ماماها وحاولات تلطف الاجواء) دبااا اناا فين غانعس فينها بيتي 

خديجة:اويلي كووني تحشمي

بسمة:ههه لااخاالتي خلييها على رااحتها راه بصاح اجي انا ويااك غانعسوو فالبيت ديالي وخالتي فالبيت لاخرة اجي نعاونكوم باش تقادو حوايجكوم 

أسيل:(مشاو دخلو وبقاو كايعاونو بعضياتهم حتا قادو الحوايج كاملين وبدلو حوايجهوم لبسو پيجاماتهم ومشات خديجة دخلات الكوزينة كاتستف الماعن لي جابت معاها وأسيل كاتعاونها تستف الخضرة واللحم فالتلاجة وبسمة گالسة مريحة كاتشوف فيهم وحاطة يدها تحت ذقنها وكاتشوف فيهم حسات بالجو العائلي لي توحشاتو وشحال هادي ماحسات به ملي سالاو جاو گلسو كايضحكو وكايتفرجو مجموعين شوية خديجة داها النعاس وجات بسمة جابت الغطا غطاتها ولقات أسيل كاتشوف فماماها جراتها بسمة ومشاو لبيت ديالها وبداو كايهضرو) شفتييها شحال عياات ولات غير كاطيح كاتنعس وبغيتيني نخرج من هادشي هاد المرة ماغايكونش الاختيار ديالي عشوائي غانبلااانيو مزيااان اول حاجة خاصني نتهناا من هاد علي حيت عارفاه غايجي عندي ويحيح عليا ولكن مقادة له بلانو ماخايفااش منوو هادوك غانخطط ليهم مزيان دبا غانصيد غير الضحاايا المبتدئين ونتي غاتعاونيني ليووم مووحاالش نمشي غانمشي رجع لكولوغ لولانية ديال شعري ماما مسكينة باينة ردات البال ولكن سكتات انحاول نسبق ليها شي سبة من دبااا قبل ماتسولني هادي لي نسييت بلااانييت لكولشي وهادي نسيتها مرة خرا خاصني نرد البال وعودي تفكريني حتا نتي

بسمة:وااهيااا نااري هاادشي شحال ديال الخدمة فه

أسيل:ااه ماتخافيش دك 1000 درهم صبري انعطيك 500 درهم ديالك دبا

بسمة:هههه لا لااا خليييهم عندك عاد بديتي خلييهوم يكونو فال زوين علك حتا تجمعي بزاف وديكساعات نقدر ناخد من عندك اما دبا لاااا واخا تحاولي حتا تعيااي

أسيل:اووكي هههه (رجعو مجمعين وكايضحكوو وصلات العشية ناضو وبداو اصايبو كاسكروط فاقت خديجة صلات العصر طلات عليهم بغات تعاونهوم مابغاوش اخليوها رجعات گلسات وبدات كاتفرج حدا ودن المغرب طلات اما هوما حطو كاسكروط كيكة والقهوة دارو كاسكروط غسلو الماعن وبقاو گالسين كولا وحدة شنو كادير كايتفرجو أسيل مكونيكطية مع أحمد وكوثر وبسمة كذلك شادة تيليفونها وخديجة كاتفرج دارت عند أسيل بغات دوي معاها هي تقشع..) 

خديجة:بنتي منيين جااك داك التييلفون..؟

أسيل:😳

بسمة:😳😨

خديجة:وحتا شعرك صبغتييه والتيليفون بدلتيه

أسيل:ماما هههه فاش كاتفكري هههه غير بدلت اللوك وزايدون هادي ماشي صبااغة ڤري راه هادي الا غير دوشت غاتمشي غير بغيت نجربهاا باش زعما نبقا نبدل اللوان بلاما نكرفس شعري بدوك الصبااايغ هادي ساهلة كاتبخي على شعرك دغيا داكشي كايمشي ااما التيليفون هااداا همزة اماما لبارح كنت غادة انا وبسمة غير عند هاد مول التيليفونات لي حداهم دخلنا بان ليا سقسيتو لقيتو رخييص وانا هادا كايعجبني حيت عاد خرجوو بعت تيليفوني وشرييتوو راك عارفة تيليفوني باقي جديد👀 وهادا واقيلة مشفور داكشي علاش

خديجة:اااه ابنتي اوا رجعي اللون ديال شعرك لولااني حسن هادا غامق بزاف 

أسيل:وااخا اماما كووني هانية

بسمة:👀

خديجة:واخا ابنتي صاافي 

أسيل:(تنهدات حيت قدرات تفكها وبقات بسمة كاتنغز فيها وكاتگووليها راك خطيرة ودماااغ گلسو حتا قربات 8 ديال الليل ناضو وجدو العشاا تعشاو وخديجة صلات العشا ومشات لبسات حوايجها وسلمات على البنات وبدات توصي فيهم وتعاود وفضلو البنات يمشيو معاها حيت ماتايعرفوهاش الدراري ديال الدرب ويلا شافو معاها بسمة ماكاين لي تعرض ليها مشاو لاحو عليهم پييونوارات ديالهم ومشاو معاها ورجعو تاني بجوج والدرار حاضيينهم وملي شافو معاهم خديجة كولشي حدر راسو ماقدروش هضرو وخصوصا هي كايبان الوقار على وجها محتاارمة راسها لأقسى الدرجات رجعو فحالهم وبدات بسمة تقاد راسها لبسات حوايجها مزيرين غايطرطقو عليها دارت ميكاپ صاارخ عيطات على حمد في دقائق جا حدا الدار كلاكصونا عليها مشات بسمة وحتا هي كاتوصي فأسيل تسد الباب مزيان وماتحلو لحتا واحد وتسدو بالزكرون ملي تجي هي غاتصوني عليها اما أسيل بدات كاضحك كولشي كايوصي فيها وكولشي مهتم بيها سدات الباب وسداتو بالزكرون وحتا الشرااجم كذلك ومشات تكات كاتفرج حتا داها النعااس وصلات 3:30 ديال الليل بدات كاتسمع تيليفووها كايصوني جاوبات ومشات حلات الباب دخلات بسمة وأسيل سلمات على حمد من بعيد دخلو البنات وبداو كايهضرو مع بعضيااتهم وأسيل كاتسول فيها)

أسيل:گوووليلياا جاا هاااداك المكبووت هاد الليلة

بسمة:نوو مااجااااش گاع وصييت حتا عبد السلاام حيت هو معروف عندنا تما گاليا لا ماجاش گاع

أسيل:شكوون عبد السلام؟

بسمة:هو داك الراجل المگدر لي كايحضي الباب ديال للداخل 

أسيل:اااه عرفتي خاصك تعرفيني عليهم كاملين متيقنة بلي غانحتااجهوم من بعد

بسمة:واخا كوني هانية

أسيل:وااخييرا رتاحيت دبا نقدر نعس كنت خايفة لايكون جا ويجي لك نتي يدير لك شيحاجة والله

بسمة:انا ماتخافيش عليا حيت غير خدامة تما ماعندي به شغل نتي لي غايعقل علك وغايبقا محلف فك واش ماكاتخافيش

أسيل:مووت وحدة لي كاينة وانا عندي سبب قوي علاش كاندير هادشي وزايدون گلتي ماجاش يعني موحالش يجي مزال 

بسمة:ماتعرفي😬

أسيل:وحتا گاع الا جا اشغاايصوور گااع هههه عندي له بلان مقااد😋 

بسمة:مممم سيري تنعسي سيري اجي خالتي عطيتيها مزال الساروت 

أسيل:ااه راه عطيتو ليها غير نعسي راه هي تحل الباب دخل تاهي تنعس

بسمة:واخا انا غانبدل حوايجي ونجي باش نعس عييت بزاف

أسيل:ماتخافيش مابقا والو وتهنااي من هاادشي

بسمة:كانتمناا نتهنااو من هادشي بأقل الخساائر الممكنة

أسيل:ماتخاافيش😇 (مشات بسمة كاتبدل حوايجها اما أسيل تخشات فناموسية بسمة وتغطات وبدات كاتحزر فالنعاس بسمة سالات طفات الضو وجات تخشات نعسات حدا أسيل من بعد عدة دقائق داهم النعاس خصوصا بسمة لي كانت عياانة بالوقوف والجرا وهي كاتسربي عباد الله اما ملي وصلات 7 خديجة حطها الطووبيس ديال الخدمة حدا الپلاكة وجات على رجليها حتا وصلات للدار ديال بسمة جبدات الساروت من حزامها حلات الباب ودخلات وهي كاتسمع الصقيل رجعات سداتو بالزكرون طلات على البنات لقاتهم ناعسين مشات هبطات الريدو حيت الشمش عليهم ومشات للبيت لي عطاتها بسمة بدلات حوايجها وتكات وسرعاان ما داها النعاس😴.....من بعد مادازت شحال من ساعة فاقت أسيل مع 11 ديال النهار وهي كاتشم ريحة الطااجين ديال ماماها عارفة ماماها واخا تكون عيانة ومانعساتش الليل كامل تفيق فالوقت باش طيب وتعجن وتجمع الدار ناضتت من بلاصتها غطات بسمة ومشات للحمام قضات حاجتها وغسلات وجها وسنانها خرجات باست ماماها ومشات مشطات شعرها ودارت كريم مرطب نهاري ومرطب الشفاه ومشات كاتعاون ماماها لقات ماماها عجنات الخبز وكاتسناهم يفيقو يديوه الفران رجعات أسيل لاحت عليها پينواار ولبسات پانطوفة ديالهاا خدات الفلوس)ماما انا غانديه للفران

خديجة:ولكن ابنتي واش عارفة الفران فين جا

أسيل:ههه ماما لي عندو فمو مايتجلاش😉شوية ونجي

خديجة:واخا ابنتي

أسيل:(مشات أسيل خرجات هازة الخبز ولي دازت من حداه كايشوف فيها جات زوينة جامعة شعرها گوپشوڤال ومادايرة والو لوجها ولابسة تيشورت مزير وسروال مشكش وفوقهوم پينوار جات زوينة مشات عند شي براهش كانو كايلعبو الكورة سولاتهم على الفران نعتو ليها ومشات تابعة النعت ديالهم تا وصلات للفران تسنات نوبتها حطات الخبز وبقات حاضية الغادي والجااي كاتحفض الدرب مزيان ها الفران ها مول الحانوت زيد زيد هكاك حتا طاب الخبز خلصاتو ورجعات عند مول الحانوت خدات قرعة ديال الموناضة ومشات للدار كادق عليهم حلات ليها بسمة لي كان باين عليها عاد فاقت دخلات أسيل وسدات الباب مشات حطات الموناضة فالتلاجة والخبز دارتو فميكة باش يبقا مزيان ومشات هزات تيليفونها كاتفرج وجات حداها بسمة طاب الغدا حطوه وكلااو غسلو الماعن من بعد خديجة مشات كاتفرج بسمة شطبات وحكات الطواليط وجمعات البيوتة وأسيل جففات الدار كاملة عاد ريحو حدا خديجة وهوما مگابلين تيليفوناتهم وكايتهامسو بيناتهم) ليوم خاصنا نمشيو للصالون 

بسمة:ترجعي لون شعرك؟

أسيل:اااه

بسمة:واخا خليها تا الليل

أسيل:كاتحل بالليل؟؟

بسمة:ااه كاتبفا تا 12 ديال الليل هاديك عارفة شنو كادير

أسيل:هه فهمت ولكن انا خاصني نشري شي لبسة جديدة باش نمشي بيها

بسمة:واش ليوم غاديريها بشي واحد ااخور

أسيل:ااه هاد المرة نحاول نضرب شي ضربة صحيحة ونتي غاتعاونيني گوليليا هادوك لي كاياخدو الشراب الغالي وكايعطيو فلوس بزاف من غير هادوك لي گلتي لبارح هادوك خليهم تا اللخر نحلي بيهم😈

بسمة:وااخا الله يصبرني معاك

أسيل:ههه(عنقات بسمة ورجعو كايتكونيكطاو ويضحكو وصلات 5 ديال العشية ناضو مشاو لبسو حوايجهوم وقادو الحالة علمو خديجة بلي راهم خارجين ومشاو شدو طووبيس حطهوم فاامدينة مشاو تاني ديريكت المحال ديال هاداك دخلو وهو قشعهوم وخلا كولشي وجا سلم عليهم الاصدقااء اولا ههه)

.....:ياا هلاا ومرحباا بالحلويين شرفتوونا

أسيل:گلبتيها خليجية ههه

.....:كانتفكرو الذكريات ههه

أسيل:(سرطات الضحكة عافتو) 

بسمة:ههههه 

أسيل:مهم گووليا كاين الجديد تاني ليوم ولا لا راه جات على غفلة نسيت ماعلمتكش

......:لا ماشي مشكل انا ديما الجديد وجبت شي پياسات والله الا خصيصا لك نتي عرفتك غاتجي ومابعيدش هاد ليامات داكشي علاش جبتهوم على قبلك 

أسيل:اوا برعني نبرعك😉

........:هههه اجي تشووفي 

أسيل:(دخلو لداك الداخل وخلا الكليانات لاخرين مكلفة بيهم واحد البنت اما هو مشا نيشان جبد 3 ديال الصناادق الكبار ودار عند أسيل) 

.......:هووما هااادو

أسيل:ااه مزياان نشوفهوم أ😳ماعارفاش سميتك 

.......:هههه حمزة

أسيل:هههه اوكي حمزة 

حمزة: مهم هاكي باش تقيسي لولا (جبد واحد الغوب فالبوردو قصيرة حد الفخاذ بالكمام وعريانة من الضهر خداتها ومشات للبلاصة فاش كايبدلو لبساتها جاتها إيڤازي مع فصاالتها جاتها هي هاديك وكاتبين المفاتن ديالها معزولين و كولشي فبلاصتو مقاد هو هاداك عجبها راسها ولكن بغات تا تجرب لاخرين عطيات على بسمة باش تجي تشوفها غير حلات بسمة دك الخامية هي تصدم) 

بسمة:وااو بنت الحراام جاتك خطييرة

أسيل:ههه ااه عجبااتني جاتني زوينة يااك

بسمة:ههه من نيتك جاتك واعرة

أسيل:هههه اوا سيري جيبي ليا التانية

بسمة:اوكي(مشات عند حمزة لي عطاها الغوب التانية كانت فالكحل بالكمام تا هي مفتوحة من الصدر على شكل V ومفتوحة من واحد الفخد من الفوق لتحت خداتها بسمة وعطاتها لأسيل لي لبساتها وكذلك جاتها مصروعة عيطات على بسمة لي كذلك عجباتها لغوب حيداتها وجات لآخر وحدة كانت فاللون الابيض ختاامها مسك كانت أكثر وحدة فاضحة بيناتهم محلولة من الفهاد فالجيهات بجوج بلا كمام كاتبين صدرها كبير حيت مزيرة وعريانة من الكرش مهم ليغوب بتلاتة حمقوها داكشي علاش قررات تاخدهوم بتلاتة تفاهمات معاه فالتمن وطبعا دار معاها المزيان خرجو ومشاو لبوتيك ديال الأحذية قريب من محل حمزة خداو تلاتة فنفس الالوان ديال ليغوب وبسمة خدات جوج صباابط عاليين فالكحل ليها ومشاو خرجو دخلو لواحد المحلبة دارو كاسكروط ومشاو للصالون رحبات بيهم وگلسات أسيل ردات شعرها كيفما كاان وسولاتهاا زعما واش غاتكون مسالية مع دك 10:30 تقاد ليها الميكاپ وشي كوپ زوينة گالتليها البنت تجي غاتلقاها كاتسناها خلصاتها ومشاو رجعو فحاالهم مع دك 8 وصلو للدار لقاو خديجة كاتسناهم مطيبة لعشاا سلمو عليها ودخلو بدلو حوايجهوم وگلسو تعشاو وصلات 9 وخديجة لبسات حوايجها سلمات على البنات وبدات توصي فيهم هزات الساروت ومشات خرجات اما هوما گلسو حتا وصلات وقت الخدمة ديال بسمة ناضتت لبسات حوايجها وقادات حالتها ميكاپ صارخ تيشورت بيض مزير كايبين النص فصدرها شعرها جامعاه كوپشوڤال سروال دجين فالكحل وصباط عالي فالكحل من دوك لي شرات حمد كان كايتسناها لاحت عليها مونطو ديالها ومشات خرجات اما أسيل جمعات حوايجحها فپلاستيكة وعزلات الغوب الكحلة وصندالة فنفس اللون وپوشيط مناسبة جمعات داكشي والفلوس طبعا حمد وصل بسمة ورجع لأسيل غير وصل حدا الدار بدا يكلاكسوني خرجات أسيل بالمونطو ديالها مشات ركبات داها لصالون جميلة *جميلة هي البنت* وگاليها غايتسناها حتا تخرج اما أسيل دخلات لقات جميلة كاتسنا بيها سلمات عليها ومشات هو لول تبدل لبسات الغوب ديالهاا وبقات جميلة كاتشوف فيها حيت الصالون كان خاوي كاينة غير هي وواحد البنت فلاكيس بدات جميلة كاتمدح فيها وفالجمال لي عطاها الله وبدات الخدمة قادات ليها شعرها وسرحاتو مزيان بان طويل وجمعاتو كوپشوڤال دارت ليهت مثبت الشعر ودازت الميكاپ دارت ليها ميكاپ صاارخ سموكي فالعينين والعكر غووج ماط فالفم مهم قادات ليها كولشي وصبغات ليها ضفار رجليها ويديها بالغوج سالات داكشي وأسيل دغيا لبسات صنداالتها وهزات الپوشيط ديالها خلصات جميلة ولبسات المونطو ديالها ومشات خرجات عند حمد لي طار بيها للكباري كانت 11:20 دقيقة ملي وصلو سلمات عليه وبقات عله تا شد واحد 400 درهم گالتليه على قبل بنتو وحيت الا كان حمد راسو قاسح مزال ماشاف والو أسيل قسح منو بعشرات الاضعاف مشات دخلات ولاو ليگارد بجوج كايعرفوها حطات المونطو ديالها وسلمات على عبد السلام لي فرح دوخاتو دخلات ومشات نيشان گلسات فواحد القنت كاتفرج كاتسنا بسمة تجي عندها تجيب ليها آخر الاخبار او بالاحرى ضحية خرا ما حسات حتا جرها شي واحد من يدها تلفتات هي تلقاه علي وهو مخرج عينيه فيها) 

علي:اصحااابلك غاتهربي مني😡 بدلتي اللون دشعرك وداكشي ويصحابك ماغانعرفكش فين مشيتي مخليااني فالخلااا وزيد عليها شفرتيني انا ديريها بيا يا العااهرة 

أسيل:هييييه صبر صبر مانسمحش لك اجي معايا ماتشوهنيش وانا باغة نضبر على راسي 

علي:فيين!؟؟؟😡

أسيل:غير زيد معايا(مشات أسيل جاراه من يدو ودازت قدام بسمة لي مخرجة فيهم عينيها من بعد ماكانت جايبة ليها مووناضة ديالها مشات أسيل طلعات فالدروج ومشاو خرجو لداك الكولواار متعمدة)دبا انا شفرتك حشوومة علك شووف انا ندير كولشي الا الشفرة شنو ندير لك گالسين عاد بدينا وبدات التبويقة تبان علك ولا مانعرف شبعتي فيا بوسان وتلمااس وبديتي تلوح عليا الفلوووس عاد بديت نتعرا ونتاا طيح كاو غيبتي مافهمت والو اشغاندير لك الا كان غير بووسة مني خلاتك تسخف

علي:(مارضاش) يعني انا لي عطيتهم لك 

أسيل:انا ماشي شفارة مشيت معاك باش ندوزو وقت زوين غي بدينا ونتا تنعس صافي گلست حداك تا عييت وانا نجمع داكشي لي لحتي ليا ومشيت شديت طاكسي ورجعت سول اي واحد واش شافني هاهواا سولو واش شافني ملي رجعت👀

علي:وااخا اجي نتااا

لگارد:نعام امووسيو 

أسيل:قبل يوماين خرجت انا وهادا ومشينا شوية رجعت فطاكسي كاينة ولا لا

لگارد:اااه بصاح 

أسيل:اوا گولها له اخويا هو غير باسني ماقدرش مزال هو يسخف وگالك خليتو فالخلا

علي:صافي صافي سكتي فضحتينا سيري فحالك دبا هاكي (جبد 200 درهم) فلوس الطاكسي😏

أسيل:(شداتهم أسيل خشاتهم فصدرها وشافت فه وعضات على شنايفها ضربات بشعرها ومشات عاود دخلات)

أسيل:(فخاطرها) اووف اووف واخييرا فكييتها كان غايسكت ليا القلب ولد الحرام فينها هاد الخرية ديال بسمة اتكون عصرات الزيت تاهي كتر مني (تنهدات ومشات گلسات فواحد الكرسي قدام بسمة وهي كاتسربي) عافاك واحد الكااس ديال الموناضة (غمزات بسمة) 

بسمة:(حسات بإرتياح من بعد ماشافت أسيل گالسة قدامها وتاهوما ماتايعيقوش نهائيا جابت ليها كاس ديالها وبقات أسيل كاتشرب فه وهزات تيليفونها سيفطات ليها المواصفات ديال الضحية التانية والمعلومات كاملين) 

أسيل:(كانت كاتشرب حتا سمعات تيليفونها شافت فبسمة بنص عين تسنات حتا شربات كاسها عاد هزات التيليفون مابغاتش تعيق خايفة لايكون شي واحد مراقبهوم وبدات كاتقرا {عادل**** 30 عام خاطب اول مرة يجي هنااا معصب كايقلب على شي وحدة يدوز معاها الليلة بوكو لعاقة قميجة بيضة محلولة من الفوق سروال ديال الدجين كحل صباط كحل ملامحو كحلين موراك تماما} كملات أسيل المساج ودارت الكاميرا فتيليفونها وهزات كلينيكس زعما كاتقاد عكرها وهي تقشعو من الكاميرا گالس بوحدوو كايشرب كاس تابع كاس بتاسمات وهزات لپوشيط ديالها ردات داكشي وهزات فانيدة ديال المنوم دارتها ف 100 درهم هي تحطها لبسمة) تستاااهلي 😉( ناضت وهي كاتهبط الكسوة باش يبان صدرها) 

بسمة:شكراا (هزات 100 درهم دارتها فالطابلية ديالها والفانيدة خباتها دغيا هزات الكاس والقرعة ديال الويسكي لي طلب عادل كبات الكاس لول ودارت المنوم وفلحظات ذاب وتخلط مع الويسكي) 

أسيل:(مشات وهي كاتحرك بطريقة مثيرة وقفات عله)واخا نگلس حداك (عاضة على فمها) 

عادل:😳مم شنوو

أسيل:(هبطات نصها الفوقاني وتقابلات معاه وصدرها حطاتو قدام عينيه نيشان وقربات ليه بحالا غاتبوسو وهو جمد فبلاصتو بتاسمات بخفة وقربات لودنو وبصوت مثير) واااخاا نگلس حدااااك

عادل:(بورشاتو فرحاتو مابقاش معصب دغيا دار له بيديه تگلس) 

أسيل:(بتاسمات ومشات گلسات حداه ودارت رجل فوق رجل وبلعاني حطات الرجل لي مفتوحة لغوب منها يعني تقريبا رجلها كاملة كاتبان من فخذها تا لتحت) شفتك مهمووم ومقلق داكشي علاش جيت عندك

عادل:بصاح ماتبغييش تشوفيني مقلق 

أسيل:بطبيعة الحال لا (شداتو من الكول ديال القاميجة ديالو وقربات له وبدات تقادو له وهي تبعد) تا حاجة ماتستااهل ومادام جيتي للهناا انا غانخلي ليلتك دوز من احسن الليالي فحياتك (حطات يدها على فخدو) 

عادل:كووولشي دياالك

أسيل:(خطفات يدها) خاصك تعرف بلي انااا تمني غااالي

عادل:نعطيك لي بغيييتي

أسيل:شحااال

عادل:(قرب حداها وهمس ليها) 

أسيل:ممم مزيااان اوا بين ليا 

عادل:(جبد 3000 درهم من جيب لڤيست ديالو وحطها فوق الطبلة) 

أسيل:دبا عجبتيني (هزات صبعها وجات بسمة هازة طبيلة صغيرة فيديها وحطات له الكاس ديال الويسكي وكاس موناضة لأسيل) هزي هادو ديهم الپااطرووون 

بسمة:😳(شافت فأسيل لقاتها كادير ليها بعينيها زعما هزيهم فهمات بلي غير كاتكدب على هاداك هزاتهم ودارتهم فوق الطبيلة غير فاتتهوم بشوية فتحات طابليتها وخشاتهوم فيها وبقات قانية عليهم لايشوفها شي واحد) 

أسيل:هادا كان التمن اما الپورڤار ديالي😉

عادل:(حل فمو وجبد كمشة ديال الفلوس بغا يحطهوم هي تگوليه لا وكاتوريه فين يديرهوم الفرقة ديال صدرها اما هو فرح وتيق بلي هي عاهرة من الطراز الرفيع وبدا كايخشي ورقة بورقة وهو كايتعمد يقيس صدرها الرطب حتا سالاو وهو ماكرهش يزيد اما أسيل كارهة راسها وراسمة على فمها ابتساامة مخادعة هزات الكاس ديالها والكاس ديالو عطاتو له ضربوهوم بجوج وشربوهووم دقة وحدة شداتو أسيل من يدو نوضاتو باش يشطحو زعما) 

أسيل:(شداتو منويدو وغادة قدامو كاتعوج حتا وصلات لحلبة الرقص لي ديجا كانت عامرة خداو بلاصتهوم وبداو كايشطحو بجوج وأسيل كادير له شطيح غربي كاتكوز وتبقا تشطح وتلوي فظهرها اما هو عاجبو الحال وبقا غير حال فموو دارت عندو وهي دير ليه بعينيها زيدني هز تاني كمشة ديال الفلوس من جيبو وبقا كولا مرة هي كاتحرك هو كايخشي ليها ورقة حتا سالاو وجراتو من وسط داك الزحام) مابقيتش قاد نصبر زيدي نمشيو شوفي حالتي (كايشوف فديالو) 

أسيل:تا انا مابقيتش باغة نطول كتر😉🔥(شدات فيدو وهو غادي بيها جارها غمزات بسمة زعما انا مشيت خرجو من تما هزات المونطو ديالها وهو جابو ليه لڤيست ديالو ومشاو خرجو بجوج ركبات معاه فالطونوبيل ديالو وهي كاتحاول تحسب الوقت حسات بلي مابقاش بزاف هي تگووليه يوقف) ووقف عاافااك عاادل ووقف

عادل:ماالك

أسيل:فيا الردة كاتسووگ بالزربة (شدات على فمهاا ومشات حلات الباب ودارت راسها كاتبوع) 

عادل:(هز قرعة ديال الما ومشا خرح عندها) هاكي شربي 

أسيل:اووف كاتسوگ بالزربة كرشي قلبتيها(كاتشوف فه ببرائة)

عادل:ااح سمحيليااا (مشا يقرب باش يبوسها هي تخوي له) 

أسيل:ماالك زربان😉 اجي دخل خلي داكشي مخبي (مشات دخلات للطونوبيل گلسات هو يمشي تبعها وبدا كايحس براسو تقال عليه غير دخل وسد الباب هو يطيح على البولة وبدا يكلاكسوني براسو) هههه نااري (شدات راسو بعداتو على البولة)درتي لينا الشوهة ونتا ناعس ممم بباراكة خديت بزاف (حلات السرجم بشوية وهزات الكونطاك ومشات خرجات سدات عله الباب وسدات الطونوبيل ومشات لاحت له الكونطاك فداك الشوية لي كان محلول وطلعات الشرجم بيديها هو يوقف عليها حمد ركبات وبقات كاضحك)ناااري والله تا بقاا فيا مسكيين

حمد:ههه درتيها بييه

أسيل:ولكن فالصراحة بقاا فيا ههه نااري شوف واقيلة غانبقااو حتا يفييق

حمد:ههه لي باليك عندي واحد الهراوة هنايا الا حتاجيناها راه تقضي الغاراض

أسيل:لا غانبعدو شوية باش مايشوفناش بغيت غي نشوف ردة الفعل ديالو وفنفس الوقت باينة فه كامبو بقا فيا😕لي خليت له يجي شي واحد ويكمل على لي بقااولا يصدق مغتااصبو گاع ههه

حمد:ههه قلبك هشيش

أسيل:ههه بزااف (زاد حمد بالطاكسي شوية باش ماتبقاش تبان وسيفطات لبسمة مساج گالتليها غانتعطل شوية بقاو گالسين هكاك حتا دازت ساعتاين بالحساب هوما يسمعو الطونوبيل تحركات هوما يبداو كايضحكوو وميتين بالضحك حيت غي فاق مشا كايجري ماقلب على والو) ناري ههه تسنا شوية عاد نمشيو لا يصدق شايفنا

حمد:هههه اودي اودي الرجلة ههه

أسيل:(گلسو شوية عاد تحركوو ومشاو قدام الكباري خرجات بسمة ركبات وبدات تسول فيهم) 

بسمة:شنووو وقع علاش تعطلتو

أسيل:هههه عادل مسكين غير فاق تلفت فجنابو مافهم والو بان ليه الخلا هز الكونطااك دغياا ديمارا الطونوبيل ومشا كايجري هههه عرفتي بزااف 

بسمة:ههه مسخوطة وحتا نتا معاونهاا ناري تلاقيتو الهبيل على الهبيلة 

حمد:وتهنات القبيلة هههه اشباليكم نزييدو

أسيل:ااه صاافي عييت بغيت غي نعس

حمد:واااخااا صاافي

أسيل:(ديمارا حمد بالزربة وبسمة وأسيل ساكتين اللور مبوقين بالنعاس وصلهوم ومشا لدارو هو دخلو للدار بلا مايديرو الحس سدو الباب وبداو الوحو فالحوايج والصنادل من الباب) اوووف عييت اختي بزااف

بسمة:ماشتي انا رجليا طاابو 

أسيل:بااز لك(مشات أسيل بدلات حوايجها وخبعاتهم باش مايبانوش دوك ليغوب ومشات للحمام مسحات الميكاپ ديالها عاد غسلات وجها ودارت كريم ليلي وغسلات سنانها ومشات جبدات واحد التفاحة لقات بسمة تاهي سالات مشاو بجوج دخلو البيت طفاو الضو وتكاو نعسوو وصلات 7:30 خديجة كانت قدام الدار مهلووكة حلات الباب بالساروت دخلات لاحت الميكة حدا الباب ومشات بدلات حوايجها توضات وصلات وطاحت نعسات وصلات 10:30 فاقت غسلات وجها جبدات اللحم من الفريگو وقادات الفطور فطرات وبدات تعجن خلاتو يخمر ومشات كاتقطع الخضرة غير سالات رجعات گرصات الخبز ومشات نصبات الغدا فاقو البنات داو الخبز الفران تلاقاو مع الغدا نيشان تغداو وهي تبدا تهضر معاهم خديجة)

خديجة:دبا البنات غاتغسلو الماعن وتجففو حيت عييت بلاتي فكرتووني بسمة نتي گلتي ليا خدامة الصباح كاتكوني نااعسة وبالعشية كاتخرجو ضورو ايييمتااا كاتخدمي😳

بسمة:كح كح كح 

أسيل:😨

خديجة:ماالكم اويلي هااكي شربي المااا 

¤¤عند البنات و خديجة ¤¤

خديجة: ايوا شتك ا بنتي كالسة واش مخداماش ولا شنو؟؟

أسيل:😮😮

بسمة: (توترات وحاولات تقلب على شي كذبة لتسلكها) لا اخالتي خدامة ..

خديجة: وفوقاش كتمشي دبا ...

بسمة: خالتي كتعرفي شركة الكابلاج ؟؟

خديجة: اييه ابنتي عرفتهوم دوك لكاينين في خرجة قنيطرة و في ولاد بو رحمة ...

بسمة: تما خدامة انا في يازاكي (البنات لماشي بنات قنيطرة انا معرفتش هاذ شركات واش كاينين في مدن خرين عارفة غير في قنيطرة و مكناس و طنجة صافي مهم هاذو شركات كيخدمو بنات و دراري وخا ميكونش عندهوم الباك ) و راكي عارفة الكابلاج مرة ليل مرة نهار مرة عشيات ..

خديجة: اييه ابنتي را واحد جارتي حليمة مسكينة بنتها كتخدم فيه و كل مرة اش كيجيها ...

بسمة: اه مرة كيعطيونا صباحات و مرة عشياات و مرة ليل ..

خديجة: اه ابنتي را خبز صعيب في هاذ الوقت...

بسمة: اييه اخالتي ايوا هاذ سيمانة و لا شهر كامل عطاونا غير ليل حيث خدمة مزيرة و مع داك شاف ديالنا قاصح ...

خديجة: الله يا ربي الله ليل صعيب ...

بسمة: ايوا اش انديرو اخالتي ياختي وقت صعيب ...

خديجة: بعدا كيديوكوم و يجيبكوم ...

بسمة: اه طرونسبور كيجي تا لدار و يرجعني تا لدار ..

خديجة: و لكن ابنتي 8 سوايع بزااف عليك و قالو فيه تمارة ...

بسمة: ايوا اش انديرو صبر ولفت ..

خديجة : نتي حاملة ابنتي ..و شوية كرشك اتبدا تكبر و غادي تعياي ..غير جلسي ابنتي انا قادة بمصروفكوم نتي خاصك راحة في هاذ الوقت ..

بسمة: لا لا اخالتي اويلي را عاطييني بوووسط زوين مرتاح ...

خديجة: مكتخدميش بالوقيف ..

بسمة: لا كالسة اخالتي ..

خديجة: ايوا الله يصاوب ابنتي هذا مكان انا نوض نتوضا نصلي ..

بسمة: الله يقبل اخالتي ..

خديجة: أمين...أسيل باركة من داك تيليفون غادي تخرجي على عينيك ..الهضرة مبقيتش كتهضري اويلي مالك؟؟

اسيل: لا اماما غير كنشوف شي دروس هناا ....

خديجة: اه نسيت و القراية ابنتي كيكاديري ليها؟؟

أسيل:😮😮😮😮

بسمة: قرايةة ؟؟

اسيل: ماما قراية دفعات ملف ديالها و تسجلات ماغاديش تبقى تحضر دروس انا انبقى نعطيهوم ليها و في امتحان ادير شهادة طبية و تجي دوز امتحان ...

خديجة: اه هكاااك ايوا الله يعاونكوم احبيباتي ..

أسيل و بسمة: أمين 👀

ناضت خديجة توضا باش تصلي و البنات بقاو كالسين من بعد مامشات كينهجووو قربو يسخفو بالكذوب ..

اسيل: ويييع طيرتيني😂😂😂وليتي كثر مني في كذوب ..

بسمة: يا ختي و الله مكاذبو منين قالو من عاشر قوما 40 يوما اصبح منهوم هاذي هي ديالي انا بليتيني يا ختي ...

أسيل: ايوا يا ختي لهلا ينزل علينا شي بطل انا معاك بالله و شرع ونتي يا ختي كتكذبي باحترافية حسن مني😂😂😂

بسمة: الله يمسخك يا ختي نوضي نوضي را انا وياك تلاقينا مسگيين من مغرفة وحدة ...😂😂

أسيل واييه😆😆😆

^^^^^^^تسريع الأحداث^^^^^^^

دازت 15 يوم دغياااا طايرة في هاذ المدة اسيل ولات احترافية نوعا ما ...بمساعدة بسمة لكتجيب ليها دايمن خبارات صحاح على كليان ..و أسيل لي بدات غير بكليان لي شوية عاديين مامشاتش عند صحاب لعاقة ديال بصح هاذوك خلاتهوم اپار تا تحتتااارف نيت و تعرف كيف دير ليهوم حيث هذوووك صعاااب ضحك عليكوم ...من مور ما ضحكات على علي و على عادل جاو 4 ضحااايا من موراهوم واحد خذات ليه 3000 درهم و واحد خذات ليه 2000درهم و لاخور تا هو 2000 درهم ودبا بفلوس لخدات من عند علي و عادل المجموع لعندها هو مليون ...اسيل فتحات كونط في بنك و حطات فيهالفلوس ...حيث اتحتاجها من بعد تخصرها على راسها باش تصيد الضحايا ديالها جداد لدايراهوم في بالهوم خصوصا صحاب لعاقة ...أسيل بدات كتخطط من مور هاد الضحايا ديالها شكون الضحية ديالها جديدة و لغادي تكون ضربتها قوية هي ضرب نيت فلوووس و لكن خاصها تكون اكثر احترافية من الأول حيث كاع اسماء ديال كليان لعطاتها غير شكون و شكووون ...

🌔صباح جديد^^اصبحنا و اصبح الملك^^🌔

...كيف العادة اسيل و بسمة طايحين كاو ناعسين ..خديجة كيف جات من خدمتها نعسات شوية و ناضت كيف عادتها ..و عارفة البنات مبقاوش كيفطرو ..ناضت نيشان جبدات لحم و نصبات الغذاء و عجنات الخبز و دارتو كيخمر و جمعات دار ..ناضت أسيل هي لولة مع 11 دخلات طواليط قضات حاجتها و غسلات وجهها و سنانها و جمعات شعرها على شكل كعكة و دارت كريم نهاري ديالها و مشات لبسات بنوارها و دات الخبز الفران كيف العادة ...بسمة ناضت تا هي دارت داكشي لكدير كل صباح ..حكات طواليط و جفات دار و جمعات الغطاء ..جات اسيل جابت الخبز حطاتو في شبكة طاب الغذاء .ووجدو البنات الغذاء فوق طبلة و كلسو كيتغذاو مجمعين على تلفازة ...سالاو و جمعو البنات طبلة و غسلو الماعن و جمعو كوزينة و مشاو رجعو البيت كيهضرو و خلاو خديجة مجبدة وسط دار كتفرج تا صونا ليها التيليفون...

عند البنات اسيل كتقلب في ماريو و بسمة متكية فوق ناموسية كتشوف فيها ...

بسمة: اتي مالكي تالفة ابشوية عليك علامن كتقلبي؟؟

أسيل: يا ختي كنشوف كاع كساوي لعندي قدامو كلشي لبستو خاصني الجديد..

بسمة: اويلي داكشي كامل لبستيه را هادوك جوج عمرك لبستيهوم..

اسيل: لا معجبونيش و هاذ المرة الضحية ديالي من نووع الخاص و خاصني شي حاجة بلا منهضر و زيادة خاصني نتغير كلي..

بسمة: كيفاش😮😮😮

♡♡عند خديجة ♡♡

صونا ليها تيليفون 📱📱جاوبات

خديجة: ألو..سعيدة ..

سعيدة: عاقلة على نمرتي بعدا باقا عندك ذاكرة😂

خديجة: مالكي شرفتيني راني باقا عاقلة على جد نمل ..

سعيدة:اييه يا ختي تبارك الله عليك ..لباس عليك اسيل لباس عليها ..

خديجة: حمد الله اختي ونتي مزيان الولاد مزيانين ...

سعيدة: كلشي لباس غير عيطت ليك مبغيتش نصبر تا عشية باش نعاود ليك..

خديجة: اويلي اش واقع ؟؟

سعيدة: يا ختي اسكتي جا عمر حيح ليوما فالدرب واحد الشوهة يا ختي ...

خديجة: اويلي اش كتكولي😮

سعيدة:اسكتي اختي كيزدح في الباب و يغوت كالك فين مرتي و بنتي و ناس كيجرو و هو كايجر شوية هز الحجر و بدا يشير على عيباد الله...

خديجة: الله يعطيه المووووت ندمت على نهار لتزوجتو فيه وضيعت راسي و بنتي ...

سعيدة: استغفر الله اختي صافي دبا مزيان من بعدتي احسن حاجة درتي..

خديجة: داكشي لكاين يا ختي و لكن شوهني بغيت ربي يشوهووووو...الله ياخذ فيه الحق 

سعيدة: امين يا ختي ..يا الله اتسالا ليا فلوس في تيلفون في عشية نهضرو و متعصبيش رااسك يا ختي..

خديجة: وخا اختي الله يعاون ...طيط طيط قطعات ..

..عند اسيل باقا تالفة و كتقلب ..

بسمة: اسيل كلسي الارض دوختيني 

اسيل:شووفي بسمة متفرعيش ليا راسي نوضي نخرجو نشري داكشي لخاصني و نبدل اللوك ديالي..

بسمة: كيفااش لاش كتخططي ثاني ..

أسيل : عبد الله😍😍

بسمة:السعووودي😮😮😮

اسيل: اه بغيت هاذ المرة ضربتي تكون صحيحة ..

بسمة: اويلي يا ختي هذاك مامعاهش لعب يا ختي را يجبدك يجبدك ...

اسيل: معندك مناش تخافي خططت لكلشي😋

بسمة: ختي نتي بديتي كتخلعيني عرفتي هذااك اش انكوليك خطير بزااف و مامعاهش اللعب و عندو نفوذ بزااف في بلاد ..

اسيل: مالكي فيك قوة بلا بلا صافي هضرنا انا عارفة اش كندير معليك نتي غير تبعيني تي مالك غير كترعدي ..

بسمة: اسيل راني خايفة عليك ..

اسيل: عارفة لكاين و تا انا كوتليك معندك مناش تخاافي غير نوضي تكعدي لبسي حوايجك انا غادي نكول ماما انخرجو و رجع لبس غير جلابتي و نمشيو نقديو الغراض و رجعو ..

بسمة: امري الله نوضي ..

خرجات اسيل لقات ماماها غادة جاية في وسط دار كتخمم ...

اسيل: ماما مالك؟؟

خديجة: والو ابنتي والو ...

أسيل: ماما كوتليك مالك غادة جاية و تتخمي و كترعدي اش واقع؟؟

خديجة:عيطات ليا خالتك سعيدة و كاتلي باك مشا هاذ صبااح حيح في الدرب دار الشوهة ..

اسيل:(ضربات رجليها مع الأرض باعصاب) ها لكلت كنت عارفاه ماغاديش يتوب و يفرقنا عليه الله يعطيه العذاب و لكن و الله متبقا فيه ..

خديجة: صافي مزيان دبا من بعدنا معندو منين يعرف فين كاينين ..

اسيل: اه عندك الحق ..مهم اماما انا غادة نمشي نخرج انا و بسمة نشريو شي حوايج خاصينها و ندورو شوية ورجعو ..

خديجة: سيرو حضيو راسكوم انا توصل 9 نمشي خدمة من ترجعو و تمشي بسمة لخدمتها سدي عليك الباب بالساروت و مديريش زكرون باش في صباح منفيقكومش ..

اسيل: وخا اماما انا مشيت ...

خديجة: اسيل خاصينك فلوس؟؟

اسيل: لا لا مخبية شي حاجة عندي ..

خديجة: ليبغيتي ابنتي حضيو راسكوم...

اسيل : كوني هانية اماما ...

مشات اسيل لقات بسمة لبسات ..جبدات اسيل جلابتها لبساتها و جمعات شعرها كوتشوفال و دارت ليكغو ديال شمس و ميكاب ديالها خفيف مابغاتش تكثر لبسات بلغة كحلة في رجليها و هزات بوشيطة في كحل و دارت فيها فلوس و خرجو بجوج شدو طاكسي مبغاوش يبرزطو حمد عارفينو كيترزق الوقت ...مشاو نيشان kénitra mall دخلات اسيل واحد بوتيك خاص بغير كساوي ديال حفالات و هي تبان ليها واحد كسوة من زاجة لابساها مانكاه في غوز بب مشدودة من جيهة صدر و على شكل V من ضهر كلشي كيبان ضهر كلو كيبقى عريان دخلات ليها نيشان هزاتها و قيساتها جاتها واعرة مع فورمتها و مشات هزات جوج كساوي خرين وحدة في كحل تا هي قصيرة و عريانة من الصدر ووحدا خرا في الباج و دازو ثاني محل ديال صبابط خذات صندالة عالية في غوز بيبي بحال لون كسوة و صباط كحل عالي و خرجو ثاني عند مول ماكياج شرات ريحة و شرات ثاني بوشيط في كحل و خرجو ...

اسيل: عرفتي شوفي انبدلو حتا الصاالون 

بسمة: علاش؟؟؟

اسيل: هكاك اجي را سمعت واحد بنت في خدمة كالك وحدا هنا سميتها مدام عيشة قبالت ثانوية عبد المالك السعدي في شي عمارة سميتها اوسامة غير في هاذ جوايه ...

بسمة: اه مدام عيشة عرفتهاا و لكن غااالية بزااف ...

اسيل: ماشي مهم حيث داكشي لباغا انا انلقاها عندها..

بسمة : كيفاش ؟؟

اسيل: عرفتي نتي اكثر بلية بلاني بيها سيدي ربي شحال فيك ديال الاسئلة اختي زيدي و غادي تفهمي ..

بسمة: ياك اختي ايوا شكرا و زيدي نتبعك تا نشوفو فين غادي تخرجينا ..

أسيل:(دورات يديها عنقتها و باستها في حنكها💋) وينو كبيدة ديالي تقلقات ...

بسمة: تبتيني ...

اسيل:😂😂😂 يا الله ...مشاو البنات لصالون دغيا لقاوه معروف دخلو لقاو الدنيا عامرة مشاو الاستقبال كاينة واحد بنت كتخدم تما ...

اسيل: سلام😊

بنت: سلام لالة اش حب الخاطر؟؟

اسيل: اه بغيت نصايب ..

بنت : شنو بالضبط ؟؟

اسيل: كلشي ..باغا نغير لوك ديااالي كاااامل ...بغيت مدام عيشة كاينة؟؟

بنت: انا نعيط عليهاا ...

¤¤عند البنات ¤¤في صالون

بنت : كلسي اختي شوية لهيه انا انعيط ليها و نجي ...

اسيل: وخا اختي متعطليش ..

بنت: تشربو شي حاجة ...؟؟

بسمة: ختي غير شي كاس ديال لما عافاك ..

بنت : وخا الالة ..مشات لبنت لي سميتها هناء وصات بنت خرا دي لبسمة لما ..و مشات دخلات واحد صال خاصة بلستيتيك و عيطات ليها كاتليها شي بنات كيسولو عليها وبغاوها ناضت غسلات يديها و خلات البنت تكمل لكليانة يديها كانت كدير ليها بيديكير و مينيكير ..خرجات عند البنات ...

مدام عيشة : سلام عليكوم ...

اسيل و بسمة : و عليكوم سلام..

مدام عيشة :(طلعاتهوم و هبطاتهوم مبانش ليها شي وحدين نيت حيت كانو لابسين عادي) اش حب الخاطر كالولي بغيتوني؟؟

أسيل: وي بغيت نهضر معاك على الانفراد لاكان ممكن ؟؟

مدام عيشة : اهاه اجي معايا ...

ناضت اسيل غمزات بسمة و مشات تبعتاتها دخلتها لواحد المكتب صغير 

في الطابق الفوقاني...صالون كبير فيه تحت و فوق ...كلسات مدام عيشة في بلاصتها ..

مدام عيشة : كلسي...

اسيل:(كلسات) مهم انا نجيك من لخر معنديش مع تزواق الهضرة انا خدامة فالبار و واحد البنت خدامة معايا كتهضر عليك و على خدمتك تبارك الله و تاتشكرها و تا انا غير من صالون عجبني الحال ديجا كنت كنصيب في جيهة خرا و لكن دبا جيت عندك حيت باغا نتبدل كلي ...

مدام عيشة : كيفاااش تبدلي كلك واش شكلك؟؟

اسيل: اه و غير هاذ ليلة من بعد انرجع عندك و بغيت يرجع كلشي كيف كان

مدام عيشة : و خدمة نيت خاااصك و هادشي خاصوو فلووس نيت ...

اسيل: نعطيكوم ليبغيتو مهم تكون خدمة متقونة لدرجة انا منعقلش على راسي...

مدام عايشة : ولا عليك انا لغادي نخدم ليك بيدي نوضي معايا..ناضت مدام عيشة هبطات و تبعاتها أسيل عيطات على جوج بنات معاها و اول حاجة دارتها أسيل عيطات على ماماها گالتليها تعشا بوحدها راهم عند شي وحدة كاتعرفها بسمة غايتعشاو عندها راه قريبة للدار غايتعشاو ويرجعو للدار من بعد ما تبتات ماماها بدك الهضرة دخلاتها مدام عيشة لصال ديال لمساج تعرات كاملة دارو ليها لاصيغ هي لولة لحمها كامل يديها فخاضها وخا زغبها زعر مكايبانش و لكن فضلات تحيدو ..سالاو ليها دارو ليها مسااج كترخي راسهاا ...بسمة بقات كالسة برا كتقرا في مجلات ..سالاو ليها ودخلوها للصال ديال البرونزااج تكاوها وبداو ليها فداك البغونزاجل الاصطناعي من بعد ما سالاو دخلوها لبخار باش يديرو ليها سوان دو فيزاج نقاو ليها وجهها وخا منقي من عند الله ..سالات غسلات و بداو ليها ب الشعر صبغاتو ثاني في ماغو فاتح و من التحت دارت ليها ماغو مغلوق ...و غسلاتو ليها و صايبتو شحال بامواج نقصات ليها منو شوية ..دخلاتها جيهة مكييااج و اسيل كتاكد عليها تبدلها نيت ..مدام عيشة جبدات ليلونتي في ماغو دارتهوم ليها و هي كتصيب ليها وجه البنات لمعاها ها لكيقاد ضفار رجلين ها لكيقاد ضفار لييدين ...مدام عيشة نفخات ليها شنايف و دارت ليها شي خالات اصطناعيين في وجه ..لصقات ليها شفار و بدات كتخدم ليها مكياج سموووكي و مثير ديال السوااريات ..اسيل وصات وحدة من البنات تمشي تجيب بوشيط لفيهوم الكساوي لشرات باش تلبس ...مدام عيشة سالات اللمسات ديالها الأخيرة ..جات هناء جابت ليها بوشيط جبدات ديك الكسوة لفي غوز بيبي لبساتها من بعد مطلبات تزيد في صدر و مؤخرة و داكشي لدارت ليها مدام عيشة جابت ليها بونج على شكل صدر اصطناعين صغار زادتهوم مع كسوة مسدودة مكيابانش و تا مؤخرة ديالها زادت فيها ...لبساتها جاتها واعرة😍و لبسات صندالة ..مدام عيشة عاودات ليها عكر حمر مااااط و ناضت اسيل قدام المراية و هي تحل فمها 😮

أسيل: واااو😮هاذي انا😍

مدام عيشة : تبارك الله عليك كتحمقي مشاء الله😍

اسيل: اووه تبدلت بزاااف انا معقلتش على راسي واو ختي هناء عيطي ليا على بسمة ..

هناء: هههه من صباح و هي كتاكل طلبنا ليها ماكلة من الزنقة ...

اسيل: هههه راها حاملة عليها

هناء: اه باينة انا نمشي نعيط ليها ...مشات هناء عيطات على بسمة ناضت بسمة دخلات فين كاينة أسيل و هي تحل فمها 180 درجة في اسيل😮

بسمة: اويلي شكون نتي؟؟

اسيل: باركة من الطنز كوليلي كيجيتك ...

بسمة: وااااو و الله مكتباني نتي عرفتي قرطاسة 😍😍

اسيل: احح عليا و خلاص و هادشي لبغيت ...

بسمة: عرفتي دبا قربات 9و باقي موجدت راسي و راكي عارفة نتي هازة معاك شنو تلبسي و انا ...

اسيل: اويلي لهلا يحوزك را كساوي لشريت و صباط لشريت لبسي واحد فيهوم و عيطي حمد يجي ديك انا نكلس ششوية هنا تا ضرب ديك 11 و نجي انا مع مدام عيشة ...

بسمة: راه انا ماغاداش نحتافل غانمشي نسربي 

أسيل:ممم اصلا ماما غاتكون خرجات من الدار دبا نتي عيطي على حمد يجي يديك غير غايوصلك غاتكون ماما مشات ونتي لبسي حوايجك وسيري 

بسمة:اوك تا هذا نضر ...ناضت بسمة و عيطات على حمد جا داها بطاكسي من بعد ما ودعات اسيل لوصاتها غير يجي السعودي تعيط ليها ..داكشي لدارت بسمة مشات للدار بدلات حوايجها كلات شيحاجة وصلات 10 داها حمد للكباري غير دقات 11 عيطات بسمة على أسيل كاتليها را كاين و سيفطات ليها حمد ...

♡♡عند البطلة ديالنا أسيل♡♡

عاودو لأسيل اللمسات الاخيرة حطات 5000 درهم و وصاتهوم انها اترجع قبل 5 دالصباح و خاص تحيد داكشي لدارت على قبل مها باش متعيقش ..و داكشي لكان مدام عيشة فرحات حيت كسبات كليانة سخية ثمن لكالو ليها حطاتو بلا هضرة بلا جوج..لبسات اسيل فورير في الكحل فوق كسوة و هزات بوشيط ديالها و خرجات ركبات مع حمد ماهي الا عدة دقائق ووصلات أسيل قدام البار هبطات كتقاد في كسوتها ..سلمات على حمد و دخلات كتعوج كيف عادتها سلمات على الگاورد لي فالباب غير بالاشارة و دخلات نيشان و هي تقشعو حيت ديجا وراتو ليها بسمة كان شاد واحد القنت بوحدو والشيشة حداه ...ضربات الدورة و مشات عند بسمة كلسات قبالت بسمة فوق كرسي ...

أسيل: شي كاس ديال كولا عافاك

بسمة: وخا هي لولة مشات بسمة كالعادة جابت لأسيل داكشي لباغا ..

اسيل(جبدات 100 درهم كالعادة مطوية وسطها جوج حبات منوم) هاكي تستاهليها ...

بسمة: شكرا لالة ...جبدات اسيل تيلفونها وسيفطات ليها مساج كاتليها ديري جوج حبااات في الكاس ...طفات تيلي و جبدات كلينيكس كتمسح العكر و مدوراه جيهة عبد الله لكيشيش ماهواش في هاد العالم وجدات راسها و هي تنوض غادة كتسون كتسون و كتعوج و تلوح شعرها اللور ...تا وقفات عليه...

أسيل: ممكن اجلس حدك ..

عبد الله:(هز عينو فيها و هو يدوووخ و تلف و هي عاضة على شنايفها بطريقة مثيرة و غمزاتو😉صافي قلبو حس بيه طاح ليه في بوكسور ديالو) شووو ها لحلا شو ها الجمال يا هلا بلحلو مرحباا اجلسي اجلسي ..

أسيل: من ذوقك شكرا ...😍

عبد الله: شوو اسمك يا حلو ؟؟

اسيل: سهيلة اسمي سهيلة بينادوني سهى ( ديديكاس سهيلة حيجوب لا تكولي نسيناك ولا شي حاجة😂) 

عبد الله: شوو ها الاسم حلو شو ها الجمال منورة يا سهيلة😍

أسيل: (عاضة على شنايفها) هيك عم بتخجلني ..

عبد الله: انا ذبت فيك والاهي شو ها الجسم تحبين تشربي شي ؟؟

أسيل: بس كولا..

عبد الله : تكرم عييينك ...عيط عبد الله لبسمة حيت هي لحداهوم كدور بلعاني باش يعيط ليها جات عندها هو بغا فودكا و طلب لاسيل كولا ...مشات بسمة دارت ليه دوك جوج حبات لعطاتها اسيل في الكاس ديالو ووجدات ليهوم داكشي في بلاطو و داتو ليهوم ...اسيل قربات ليه و هو كيتلمس فيها و كيخشي يديه(سواعدة ز*** مكيحشموش) اسيل مكرهاتش تقتلو و لكن صابرة عليه و تا هي كتبين راسها من دوك لاصيانات كبار ..هز كاسو كيشرب و أسيل تا هي ...

أسيل:شووف ليش مانروح لمكان بس انا وياك نقضي وقت حلوو ممم 😉😉

عبد الله: اييه ليش لا تفكيرك في محلو قومي يا الله اتصل بالسائق ياخذنا ...

اسيل: ليش السائق بدي روح انا ووياك بس مابدي حدا يزعجنا..

عبد الله: طلباتك اوامر يا سهيلة قومي ...ناض عبد الله و اسيل حداه شد فيديها و غادين خارجين قشعات بسمة و غمزاتها و طمأناتها براسها ..لبسات فورير ديالها فوق الكسوة و خرجات معاه عبد الله عيط على شيفور كاليه يجيب طونوبيل و داكشي لي دار نيت جاب طونوبيل كحلة من نوع رونج روفر ...وقف عليهوم و هبط الشيفور عطاه الساروت ..

عبد الله : انا بدي روح للفيلا بجنب البحر ...جبتلي مصاري شي من البنك ...؟؟

شيفور: اييه هي في السيارة ..

عبد الله : المصاري كاملة؟؟

شيفور : اييه 200 مليون درهم كاملة ...

عبد الله: اوك مع السلامة ...جبد 500 درهم خشاها ليه في جيب و مشا هو و اسيل لمصدومة من سمعات 200 مليون عندو في طونوبيل كالت هادي هي ضربتي ركبات قدام من بعد ما عبد الله فتح ليها الباب دارت دير السمطة و هي تقشع الباليزة ديال الفلوس لور و عينيها حوالو👀 ركب عبد الله و دار سمطة و زاد غادي و شاد ليها في يديها و كيتغزل فيها كالعادة غادي طريق البحر مكاين غير فيلات و دنيا خاوية و كيعاود ليها انه باغي يصلح فيلا ديالو و دوك فلوس خاص يدفعوم باش يبدا صليح عرفاتو اسيل خانز فلوس كالت يا ربحة يا ذبحة ...بسمة عيطات على حمد كاتليه تبعهوم و لكن حاول ميحسش بيك نهائيا لاحصلو مشاو فيها ...أسيل متحكمة في اعصابها تا لشوية شافت الساعة في طونوبيل و عرفات المنوم بدا ياخذ مفعولو وغايبدا يدوخ و هي تبدا تغوت..

اسيل: وقف وقف وقف ..

عبد الله: (وقف مخلوع)يا سهيلة شو بيك فزعتيني و الله..

اسيل: معدتي وجعتني بدي ماي لو سمحت ..

عبد الله: ماعندي هون استني شوف بصندوق السيارة ورا ...هبط عبد الله حل الكوفر جبد قرعة ديال لما جابها ليها غير وصل و هو يدرو راسو و حس بدوخة و اسيل كتبان ليه منها 20 دخل كلس فوق الكوسان و سد الباب مد ليها قرعة ديال الما و هو يدوخ و غيب اسيل شربات بعدا تحيد الخلعة و هبطات كتجري بان ليها حمد اللور و هي تشير بيديها قشعها وخا ضلام و لكن كاين ضو الشارع و ااقمر دغيا حلات الباب اللور و هزات باليزا حلاتها لقات رزامي ديال فلوس عينيها خرجو..هزاتها وسدات الباب و جا حمدد بطاكسي وقف عليها ركباات دغيا و هي كترعد معنقة الباليزة عاد تنفسات رتاحت 

#يتبع....