طلعات اسيل مع حمد فالطاكسي و تحركو شدات فلوس معنقاهوم عاد رتاحت .. عيطات لبسمة كاتليها العملية تمت بنجاح و كاتليها ضربات ضربة نيت ...كاتليها اتمشي للصالون عند مدام عيشة و حمد تايرجع لبسمة يجيبها حيت خافو ليكون الشيفور ديالو تما دبا اسيل خاصها تبعد ...مشا حمد وصلها للصالون شدات شانطة خوات فلوس في بلاستيكة كحلة و خشاتهوم في بوشيط لخلات عند حمد فيها الحوايج لجات بيههم دارتهوم لتحت و الحوايج لفوق هبطات و دخلات للصالون كيف وصات مدام عيشة جوج بنات كاينين تا يتسناوها غير دخلات دغيا بداو كيحيدو ليها و هي شادة في بوشيط شعرها خلاتو تا لمرة خرا و تصبغو على قبل مها حيدات غير ليلونتي و مكياج و غسلات وجها ودارو ليها شي پرودويات على قبل دك السمورية ودغيا تحيدات بدلات حوايجها و خشات داكشي مع الفلوس و تا حد معايق را هازة الزبابل ديال الفلوس ...مشا حمد جاب بسمة و رجعو للصالون عند اسيل ركبات اسيل حدا بسمة لعنقتها حيث دازت عليها الخلعة اسيل كاتليها غير سكتي ماقاداش نهضر باقا الخلعة فيها هازة ديك البوشيطة في يديها معنقاها و متكية على رجلين بسمة لكتلعب ليها في شعرها تا وصلهوم حمد للدار ...هبطو البنات بلا هضرة بلا جوج سلمو على حمد و حلو الباب و دخلو...أسيل مشات نيشااان لبيتهاا و تكااات على الناموسية و تنفساااات بإرتيااح ...وباقا هازة ديك بوشيط في يديها
بسمة:اويلي قلبي اصكعة ايسكت عرفتي اش درتي را عبد الله هداك يجبدك يجبدك و لا يمشي عند البوليس ...😮
أسيل: من نيتك البووليس هههه ضحكتيني 😂 اش غادي يقوليهوم حكا محكا كونت في بار تا جات عندي واحد بنت عاهرة و كدا و ديتها معايا باش نقضي الغرااض و نخلصها و صدقات شافراني ...😂😂😂هبلتي لا ...
بسمة: ايييه ضحكي الالة و لا جا كيقلب عليك ...
أسيل: اول حاااجة انا ماغاديش نبان في هاذ المدة انغبر على البار و زيادة راك شتيني اللوك ديالي كان مبدل فمرة و هو سكران محال يعقل عليا و انا نافخة شنايف و ليلونتي و شفار والسمورية و الحالة و الشعر معندو ميصور مني و تا سميتي بدلتها ...دبا الحاجة لكنفكر فيها هاذ الفلوس فين انديروهوم ...
بسمة: ديروهوم في البنك...
اسيل: لا لا غادي يدخلهوم شك 200 مليون دقة وحدة لا
بسمة: اييه و فين اتخليهوم هنا ...
اسيل: انخليهوم غيى من هنا لغذا و غادي يتبدل كلشي ..
بسمة: فاش كتفكري ؟؟
اسيل: انشريو برطمة في المدينة هادي اول حاجة و نفرشوها و شي لاخور نخشيه في البنك تا نفكر فشي لاخور...
بسمة: برطمة😮 وشنو غادي تكولي خالتي خديجة ...
اسيل: هي اصحابها برطمة ديالك كلشي خططت ليه نتي درتي كريدي في الشركة و مثلا ورثتي شي ارض من عند باك و هانتي شريتيها و حنا انسكنو معاك😉
بسمة :العفو يا ختي العفو منك و الله ...اييه و هادشي شحال ايبقى مخبي عليها ايجي نهار لغادي تعرف فيه باش غادي تواجهيها ...
اسيل: انا را اكثر حاجة كتجرحني هي هاذي حيث هي علمتني منكذبش و منخبي عليها والو ..شحال من مرة كنفكر نصارحها بالحقيقة و لكن باقي ممستعداش ..حيث عارفة غادي ترفض حيث هي باغاني نقرا و نولي طبيبة و انا باغا نحقق ليها حلمها و لكن باش غانحقق ليها حلمها 😏ياك غير النقطة جبناها في الباك و لكن لاماكانش باك صاحبي و معندكش الفلوس صعيب دخلي المدرسة ديال الطب...تا انا ابسمة معاجبنيش هادشي لكندير و لكن الوقت خايبة و اضطريت ندير هكا باش نحقق الحلم ديالهااا و اكيد قريب انعاود ليها كلشي و نتمنى تفهمني و تسامح ليا ...
بسمة: عارفة احبيبة لكاين صافي دبا مهم ضربتي ليا سعودي ب 200 مليون😂😂😂صكعة نتي خطيرة بنت 18 عام ضحكات على عبد الله اغنى واحد في سعودية ويلي شوهة ..
اسيل: كنتخيلو من غادي يفيق ويييع مغاديش يرضى 😈😈😆
بسمة؛ دبا شنو غادي نديرو ..
اسيل؛ اول حاجة جيبي ليا شي حنة ديال الراس لعندك..
بسمة: اويلي اش بغيتيها؟؟
اسيل: نديرها راسي و ندير شي زيف حياتي لعندك ماما اتجي صباح مبغيتهاش تشوف لون شعري تاني حنا انفيقو انمشيو الحمام نتحممو يا لالة على 200 مليون و في عشية ارا برع نمشيو نشوفو شي برطمة ناضية و نبداو نفرشوها 😉
ناضت بسمة بدلات حوايجها و لبسات بيجامتها و اسيل تا هي ..بسمة جابت لأسيل الحنة و خلطاتها ليها و دارتها راسها غير شوية و دارت ميكة و زيف من الفوق خشاو الفلوس فالماريو ديال بسمة و سدو عليه و مشاو تخشاو في بلاصتوهوم و نعسو و هما كيضحكو و كيخططو 😴تا صبح الحال و كالعادة جات خديجة وطلات عليهوم لقاتهوم ناعسين نعسات شوية و ناضت لشغالات ديالها بحال كل صباح جمعات و عجنات الخبر ونصبات الغذاء عاد ناضو البناات و كالو ليها ايتغذاو ويمشيو الحمام ...
أسيل:(مشات أسيل كاتجمع حوايجها وحوايج بسمة مشات ومشات كادير شي خلطات ديال الجسم خلطاتهم وملي سالات بسمة مشات أسيل لبسات حوايجهاا وبسمة كدلك هزو السطولة وسلمو على خديجة وداو الصرف ومشااو ضربوها على الرجل حيت ديجا الحمام قريب وصلو ومشاو دخلو دارو الروتين ديالهم وخلصو للكسالة الخلاصة طهلاااو فرااااسهم نييت نيت ماسالاو حتا للسبعة ديال العشية مشاو شدو طاكسي للصالون ديال جميلة گالتليها أسيل ترجع ليها اللون ديال شعرها وداكشي لي كان سالات ليها وخلصوها ورجعو للدار مع دك 08:30 لقاو خديجة وجدات ليهم العشا ومشاو گلسو تعشاو كاملين وخديجة مشات وجدات راسهاا لبسات حوايجها سلمات على البنات ومشات خرجات اما أسيل بقات كاتافق مع بسمة حيت متيقنة عبد الله غايجي احيح عليهم اما بسمة بقات كاتقاتل مع راسها وكاتحاول تغلب على الخوف ديالها لبسات حوايجها ووجدات راسها جا حمد كلاكسونا على بسمة خرجات عندو من بعد ما سلمات على أسيل وبقات توصي فيها حتا عيات من بعد مشات ركبات والوجهة ديالها البار اما أسيل ملي خرجات بسمة عاد بدات كاتوتر وتعض فضفاارها خايفة لايحصلوو وبقات كاتفكر فگاع الخطوات لي دارو واش يمكن يعرفها ولا يعرف بسمة خدامة معاها بقات كادعي حتا عيات اما بسمة ملي وصلات للبار قلبها بقا كايضرب وكاتشهد خايفة لأبعد الحدود وصلات ومشا حمد اما هي دخلات من بعد ما گاليها عبد السلام لگارد راه خاصها طلع للفوق المدير ديال الكباري باغي اهضر معاها تما دخلاتها الرعدة خافت لاتكون حصلات طلعات فالدروج بخطوات بطيئة وصلات للبيرو ديالو خدات نفس عميق ودقات گاليها دخل غير حلات الباب وهي تصدم ملي لقات عبد الله گالس فوق الكرسي وباينة فه معصب بزاف)
بسمة:موسيو بغيتيني
المدير:اااه مادمووزيل حنا راجعنا الكاميرات لي كاينين هنايا وعرفناك بلي نتي لي سربيتي السي عبد الله قبل مايخرج من هنا
عبد الله:ايييه يااا سيد إنتااا خلصناا إحكي ولا انا لي راح احكي شووفي يا بيت إنتي البنت إلي كانت معي مبااارح بتعرفيييهااا
بسمة:لاا ا سيدي مابعرفها زعما ماكانعرفهاش ولكن باقة عاقلة عطيتها تشرب داكشي لي بغات وعطاتني 100 درهم هادشي لي خلاني نتصدم وملي شفتها مع موسيو عبد الله تما عرفت علاش عطاتني 100 درهم فالپورڤار👀
المدير:تقدري توصفييها لينا
بسمة:كانضن موسيو عبد الله ايوصفها حسن مني حيت ماحققتش فيها بزاف
عبد الله:ياااا بنت انتي اوصف ايييييه داناا كنت سكرااااان سكرااااان العااهرة ضحكت عليااااا وخادت فلوووسي 200 مليووون درهم مغربي
بسمة:(كاداعي الصدمة) 😱😳 ممممممييييتتتين اويلي
المدير:وصفييها لينا
بسمة:واخاا (دارت راسها كاتفكر) هي كاانت سمرة شوية دك السمورية الخفيفة وجها فيها خالة ولا جوج وشعرها مااغووو مهم ااه وكانت غليوضة شوية زعما فورمتها كانت زوينة راك فاهم
عبد الله:دااناا عاارف هي كانت حلوة ايييه
المدير:هادشي لي عارفة صافي!!
بسمة:ااااه صافي
المدير:واخا تقدري تمشي
بسمة:وااخا امووسيو (مشات بسمة وتعمدات ماتسدش الباب كامل باش تسنط ليهم بقات لاصقة مع الباب كاتسمع ليهم وهوما كايدويو ودارو تسجيلات كاميرات المراقبة وشافو بلي أسيل ملي تحط الكس دياال عبد الله قاستو بيديها وترجموها بلي حطات فه شي لعيبة وهكا تمة تبرئة بسمة بقات كاتسمع فيهم حتا تيقنات بلي ماعرفو والو والمدير ديال البار وضح لعبد الله بلي ماعندو مايدير له عطاه التسجيلات وفهمو بلي هادشي لي إقدر ادير ليه صافي سمعات بسمة صوت عبد الله وهو كايغوت عله ومشات بالزربة هبطات فالدروج تما عبد الله خرج من البيرو معصب واخا بالنسبة للثروة ديالو 200 مليون مادات ما جابت ولكن مبغاش دار بيه وبقا كايتحلف على أسيل وبسمة كاتسمع فه من بعد ماتيقنات بلي مشا عاد تهنات شوية وسيفطات لأسيل لي كانت غير غادة جاية ملي سمعات جاها مساج نقزات بالجرا كاتقرااه عاد طمأنات واخا بسمة ماعارداتش ليها كولشي غير طمأناتها وصافي حسات أسيل بقلبها عاد رتاح مابغاتش تشري الصداع لبسمة نهائيا)
بسمة:(من بعد ماسيفطات بسمة مساج لأسيل دخلات للداخل لقات عبد الله كايقلب بعينيه وملي اشوف شي وحدة كاتشبه ليها لا من بعيد ولا من قريب كايمشي عندها ويحقق فيها اما بسمة لبسات طابليتها غي بغات تبدا وهي تسمع المدير كايعيط عليها عاود طلعات بالجرا مخلوعة لايكونو عاقو بيها قبل مادخل سمعاتو كايهضر مع شي واحد كانو باغين اكثفو الاجراءات الامنية يعني لي غايدخل حتا يعرفوه شكون عاد يدخلوه ولكن من بعد تفكير عميق توصلو لواحد النتيجة لي هيا مايمكنش يديرو هكاك ولا غايتسببو بخسارة للبار ديالهم يعني الناس لي كايجيو هنايا كاتكون عندهوم رغبة بالسرية التامة وكايحسو بإرتياح كبير حيت تا حد ماكايعرفهوم وقررو يبقاو فهاد الوضعية والزبناء يتحملو مسؤوليتهم دخلات بسمة من بعد ما دقات گاليها المدير ديالها بلي خاصها تحافض على السرية ديال الحديث لي دار بيناتهم قبيلة يعني خاص تا واحد مايعرف خرجات بسمة نوعا ما فرحانة حيت فلتوو بفعلتهوم مشات لخدمتها وهي كاتحاول تخبي فرحتها غير سالات مشات خرجات هزات المونطو ديالها لقات حمد كايتسناها مشات معاه وهو كايضحك عليها حيت باين عليها التوتر وصلو لحدا الدار لقاو أسيل قدام الباب بجوج مافهمو والو ركبات أسيل اللور وگالت لحمد يزيد شوية لقدام ويوقف وداكشي لي دار حمد واخا هو مافاهم والو وبسمة كتر منو)
أسيل:حمد انا بغيتك تاخد هادو (جبدات من پينوار ديالها 5 ديال الرزمات دالفلوس وحطاتهم له فوق الكرسي) انا عارفاك ماغاتبغيش تاخدهوم ولكن هادو ماشي ديالك هادو ديال بنتك انا عارفاك دبا كاتقاتل مع الوقت ولكن ماتعرف من هنا القداام الا بنتك كبرات وبغات دير شي جامعة غالية واش بغيتيها دخل لهاد العالم لا ادن خود هاد الفلوس وخبيهم خليهم لبنتك باش تعلم بيهم مايوقعش ليها بحالي انا هادو 10 دلمليون كانضن غايكفيو
حمد:(دمعو عينيه) شكرااا اختي انا عمري ماكنت باغب ناخد الفلوس من بسمة وملي تعرفت علك تانتي مابغيتش ناخدهوم من عندك ولكن ليوم طحتي ليا على الكود ديالي وعافاك ماتحرجينيش مرة خرا هازي آخر مرة غاناخدهوم من عندكوم
بسمة:ههه اوا علا سلاامتك
أسيل:هههه ااه (رجعهوم حمد وعاود شكرهوم من جديد شحال من مرة دخلو بجوجات للدار وشدات أسيل بسمة گلساتها حتا عاودات ليها كولشي عاد تهنات ومن بعد مشاو انعسو ملي وصلات 7 ديال الصباح خديجة حطها الطوبيس حدا الپلاكة وجات على رحليها تا للدار ومشات دخلات بدلات حوايجها وتلاحت نعسات وصلات 11 ناضتت نصبات الغدا وعجنات الخبز وصلات 12 فاقو البنات داو الخبز طيبوه ورجعو تغداو وغسلو الماعن شطبو وسيقو عاد گلسو)
خديجة:البنات واش القراية مزال مابدات
أسيل وبسمة:(كايشوفو فبعضياتهم👀)
أسيل:ماما مزال مابدات القراية وزيد بغيت نگولك واحد الحاجة
بسمة:😳
خديجة:الله يسمعنا خبار الخير
أسيل:دفعت اماما الملف ديالي لواحد المدرسة وقبلوني واخا خاص الفلوس ولكن كاتغطيهم فلوس المنحة حيت جيت انا الاولى داكشي علاش دارو ليا بلاصة
خديجة:شنو دبا غاتمشي تقراي فالمدرسة لي بغيتي مزال😍
أسيل:ااه اماما حمد الله
خديجة:واخيرا ابنتي فرحتيني حمد الله
بسمة:(ساكتة حيت عارفة أسيل كاتكدب غير كادور فعينيها ملي سالاو الگلسة ديالهم گالو ليها غايخرجو يدورو ويجيبو داكشي لي خص أسيل من وراق وداكشي دخلو البيت دغيا سدات بسمة الباب) كنتي كاتكدبي ياك
أسيل:وعلاه شنو من نيتك اصحابك هادشي كاين والله وماكاينين الفلوس لا قريتي شي لعبة المهم انا سولت ديجا أصلا تقبلت وبلاصتي كاينة ولكن كان خاصمي نخلص غانعطيهم الفلوس هاد العشية حيت آخر أجل غدا وغانمشيو نشوفو شي پرطمة
بسمة:المدرسة بشحاب
أسيل:حسبي نتي 2500 درهم للشهر
بسمة:😳 بلاتي (بقات كاتحسبحتا تلف ليها الحساب)
أسيل:تلفتي 20.000 درهم يعني جوج دالمليون للعام
بسمة:نااري
أسيل:اااه لمهم حنا غانمشيو نخلصو هادشي والپرطمة تا هي
أسيل:حنا غايدينا حمد راه دويت معاه كايتسنانا فراس الدرب غايدينا المدرسة نخلص ونخرج ويدينا لشي بلاصة زوينة نقلبو على شي پرطمة زوينة وكبييرة مهم هو راه فهمتو كولشي هو غايدينا ماتخافيش
بسمة:الله يدوز هادشي على خير
أسيل:مااتخاافيش مهم راه الصاك دياالك فه النص والصاك ديالي فه النص
بسمة:اووف ياختي عمري تا شديت مليون كاملة
أسيل:هانتي شديتي 200 دبا ااح 190 ههه
بسمة:هههه لبسي لبسي
أسيل:ههه(لبسات أسيل حوايجها هي وبسمة دارو ميكاپ ديالهم هزو الصيكان وهوما شادينهم بيديهم وماكرهوش تا بسنانهم سلمو على خديجة من بعد ماعطاتهم 200 درهم للوحدة زعما لا عجباتهم شي پياسة وهادشي لي فرح بسمة حيت كاتعاملها بحال بنتها تماما خرجو من الدار وبقاو غاديين بالزربة حتا وصلو عند حمد ركبو بالجرا عاد تنفسو تحرك حمد وغادي للمدرسة ديال أسيل أسيل هزات ربعة ديال المليون كاش عاد خرجات اما بسمة فضلات تبقا عند الفلوس تجمعهوم اما أسيل مشات دخلات للداخل ديجا كان عندها موعد زربو عليها دخلوها عند المدير ديال المدرسة هضرات معاه وتافقو على كولشي هز وصل التسجيل ديالها وكتب فه اما هي حطات ربعة المليون فوق الطبلة وهاداك بقا كايشوف فيها گالتله بغات تخلص عامين باش تهنا منهوم واخا حاول يجبد منها الهضرة ولكن ماقدرش حيت وزيد عليها دوخاتو الورت ما الورت مافهم والو وخلاتو ضارو راسو حسب الفلوس لقاهم هوما هادوك قيد داكشي وقاد الملف ديالها وگاليها السيمانة الجاية غاتبدا داها وراها ليكلااس وعطاها الوقت ودااكشي كامل بالتفصيل شاف الفلوس هو يعطيها وقت😏 ملي سالات الجولة ديالها وخدات داكشي ديالها وخرجات عتادرات من حمد وبسمة وهوما يمشيو داهم حمد لواحد البلاصة سميتها ميموزا وصلو وهزو لي صاك ديالهم وطلعو هضرو مع مول الدار لي ديجا كان كايتسناهم هضرات معاه أسيل مشا داهم طلعو فالدروج كانت لپارطمة فالدوزيام ايطاج دخلو المصعد طلعو وداهم للدار كانت فيها 3 شومبغ 2 بلباالكون ووحدة لا 3 ديال الحمامات 2 صالات ووطواليط وكوزينة كبيرة سيجور لاتيراس مهم دار كبيرة عجباتهم الدار ولكن گالو يقلبو حيت أسيل ملي مانعساتش بالليل مشات كاتقلب لقات خمسة ديال البلايص خرجو وواعدوه غايردو عله مشاو للبلاصة التانية وكذلك كول وحدة والمساحة ديالها حتا سالاو البلايص بخمسة وگلسو بجوج كايهضرو وقررو يمشيو لأكبر وحدة كانت فيها 4 ديال ليشومبغ واخا عارفينها هي أغلى وحدة ولكن تافقو باش يديرو شومبغ وحدة لبسمة وشومبغ لولدها ولا بنتها ان شاء الله ووحدة لأسيل وحدة لماماها داهم حمد رجعهوم لتما مشاو عند مول الدار كان داير معاهم 100 مليون ولكن بقاو كايتجاكرو معاه بزز باش نقص ليهم 5 ديال المليون خلا ليهم الپرطمة ب 95 مليون حطووها له كاش فوق الطبلة وهو بقا كايشوف فيهم تخلع من بعد ألفو له قصة هوما خواتات ورتو شي أرض باعوها وخداو كريدي والورت ديال باباهم وزيد زيد حتا تيق وتأتر فلبلاصة مشاو تكاتبوو وعطاهم الساروت سالاو شغالهم وهوما فرحانين من بعد مشاو فالطاكسي وهوما عندهوم تلاتة ديال المليون لي بقات ليهم بقاو كايهضرو وأسيل كاتهضر مع بسمة كاتحاول دخل ليها الفكرة ديال شي مدرسة حتا قنعاتها وداكشي لي دارو بسمة كانت ديجا قلباتها إيكونومي قلبو ليها على شي مدرسة دك العشية مزال وبسباب الفلوس لقات بلاصتها ودخلات سجلات إسمها و هي خلصات سنين حيت مدرستها رخيصة شوية على مدرسة أسيل رجعو للدار بالليل دخلو وگلسو كايرتاحو حتا وصلات وقت العشا ناضو بجوج طيبو العشا خلاوه كايطيب ومشاو هزات أسيل تيليفونها وبدات كاتوري لبسمة الفراش وداكشي حتا ختارو لي بغاو وقررو لغد له غايمشيو اشريو داكشي لي بغاو ملي طاب العشا تعشاو ومشات خديجة خرجات لخدمتها وتبعاتها بسمة أما أسيل مابغاتش تخرج خافت على راسها حتا تستاقر الامور شوية عاد غادي تمشي للبار مرة خرا حيت عند بالها مزال ماسالات....)
بسمة علمات أسيل بلي عبد الله باقي كايقلب جا ليوم التاني مشات أسيل نعسات جات بسمة تا هي لغد له تعاود نفس الروتين البنات خرجو ودارو مع الصباغ ومع مالين الفراش والنجارة والحدادة خسرو تقريبا 25 مليون على الپرطمة التلاجة الكبيرة ماكينة ديال الصابون مكينة ديال غسيل المواعن كليمة تلفازات الرخام للكوزينة الشرااجم البيبان مهم كولشي عطاو فه التسبيق داك النهار حتا تكمل الخدمة كاملة عاد غاتكمل ليهم الفلوس من بعد ماجا حمد باش يوصلهوم دازو قدام واحد مدرسة تعليم السياقة وأسيل خرجو عينيها طلبات من حمد يوقف ومشات جرات بسمة من بعد نقاش طويل وقنعاتها دخلوو وهضرو مع هاديك البنت لي تما ديجا الناس كايدوزو ب 70 الف دبا ولكن حيت هوما جوجات دارو معاهم 120 الف بجوج خلصو النص وخرجو وأسيل فرحانة وبسمة كاتشوف فيها مخلياها فراحتها حيت عارفاها فرحانة ملي توفر ليها كولشي رجعو للدار ومشاو وبقات أسيل كاتفكر شحال خسرات وشحال بقا ليها لقات بلي بقات عندهم 62 مليون بقات كاتفكر شنو غادير وشنو ماغاديرش بقات كاتقلب على شي لوطو كاتفكر من بعد ما تشد لپيرمي مابغاتش غير تحطو فالجيب داكشي علاش بقات كاتقلب ف Avito حتا لقات شي وحدين ودارت مع ماليهم باش تمشي تشووف بعينيها) ...
¤¤هكا دازت 3 سيمانات عند البنات طايرة¤¤
في هاذ 3 سيمينات برطمة ديال أسيل وجدات مفرشة بجميع الاثاث ...الكوزينة كلشي فيها ثلاجة ديال جوج بيبان ميكرواوند، عجانة ،ماكينة ديال ماعن ، ماعن في بلاكارات كلشي ...ماكينة صابون داروها في لاطيغاس لكبير في كوزينة ...عاد سيجور وسط دار فيه جوج سدادر على شكل فوطويات في كري مفتوح و مخيطين بكري مغلوق وحدا الباب ديال برطمة مراية كبيرة و رخامة قدامها و لانتغيفون حدا باب ...كاينين جوج صوار من رخام فوق منهوم شميعات ...عاد بيت اخر صغير دارو فيه 3 سدادر ملمطين في غوز و طبلة فوق منها تلفازة بلازمة و في جنب تيليفون فيكس ديال دار فيه شرجم صغير من الومينيوم مورا الباب،قبالتو كاين حمام مجهز من كلشي فيه بنوار و عاد طواليط و لافابو كبيرو بلاكار بمراية فوق منو في الباج و التحت لافابو مجورة ديال بلاكار، في جنب كاين بيت نعاس كبير فيه ناموسية ديال جوج بلايص و كوافوزات و ماريو و بلاكار في حيط و كوافوز ديال مراية و فيه بالكو كيطل على شارع بيت في بلونكاصي و خامية و غطا ناموسية في موف و تا زربية صغيرة قبالت ناموسية ،هاذ البيت خلاوه لخديجة مع كبير و واسع دارو فيه كليمة ، اونفاص كاين بيت اخر فيه ناموسية ديال بلاصة وحدة و جوج كوافوزات كل واحد في جنب و عاد كوافوز كبيرة فوق منها كل ماكتحتاج أنثى بصفة عامة عطور اكسسوارات ماكياج صباغة بيت في موف و ناموسية في بيض و ماريو في بيض و كوافوزات في بيض كوفرلي في موف و بيض و زربية في جنب ناموسية ، و عاد في جنب بيوتة صالة في وسط صالة مفرشة على حقها و طريقها مغربية تقليدية و عاد بلازمة كبيرة شااادة حيط كامل و ثريات كبار ...كاين كولوار قدامها في جنب ليمن حمام ديال ضياف و اونفاس معاه جوج بيوت واحد صغيرة خاوي دايرينو على قبل ولد بسمة و لا بنتها و عاد في جنبو بيت متوسط غالب عليه لون بيض و الكحل غزال ناموسية جوج بلايص و ماريو في حيط في كحل و كوافوزات جوج و عاد كوافوز كبير في كحل بمجورة و فوق منو كل ما يخص المرأة من ماكياج و روايح و اكسسوارات كلشي شرواه البنات على حقو و طريقو و كلشي قادوه حادكات برطمة وجدات نقية من داكشي غزال ديكورات وكلشي ..بنات بداو قراية ديالهوم بجوجهوم جاهوم صباحات 4 سوايع و في عشية كيمشيو مدرسة السياقة ...و في ليل بسمة كتمشي خدمتها و مع 3 ديال كيرجعها حمد كالعادة اسيل شهر غابرة على البار باقا كتستعد باش تعاود ترجع ليه و تعاود ضرب ضربات صحاح دبا عينيها كبرو .. مشاو قلبو ف Avito مرة خرا لقاو واحد طونوبيل هونداي صغيرة في الحمر ب 8 ديال مليون خداتها أسيل و خداو وحدة خرا من نوع بيجو صغيرة تا هي مكركبة في بيض تا هي ب8 مليون تكاتبو معاهوم و جابوهوم حطوهوم في لاكاب ديال عمارة ...و هكا دازت 3 سيمانات طايرة ..
¤¤نهار جديد بحال الأيام لدازو و لكن مخبي شلا حوايج البنات ¤¤في كل صباح كينوضو البنات كيلبسو حوايجهوم و يغسلو حالتهوم و كيفطرو و كيمشيو المدرسة ديالهوم كيقراو 4 سوايع ديالهوم و كيخرجو كيرجعو دار مع 1 كيتغذاو و يتكاو شوية تا ل ديك 4 عشية عاد كيمشيو ساعتين لمدرسة سياقة يدوزو الحصة ديالهوم مابقا ليهوم والو الامتحان ...البنات باقي مقدرو يكولو والو خديجة على برطمة وحتا على الپرمي كدبو عليها وگالو كايقراو صباح وعشية تا يجي الوقت المناسب ويعتارفو بكولشي...جاو البنات من المدرسة تغذاو و ناضو جمعو الماعن و كل وحدة مشات تجبدات في جيه كتكونيكطا تا قرب الوقت و ناضو كيلبسو حوايجهوم باش يمشيو المدرسة ..لبسو البنات و قادو مكياج ديالهوم و شعرهوم كالعادة و هزو صيكانهوم خارجين تا سمعو دقان ...
دق دقق 🚪🚪🚪مشات خديجة تفتح الباب ..
خديجة: بلاتي شكوووون ؟؟ ابشوية اتهرسو الباب ..
مشات خديجة غير حلات الباب و هو يتدفع عليها بالجهد البنات تصدمو😮😮😮
هدى:تحل لك الفم قراااوك والله تانعيط على البوووليس
أسيل:صاافي بسمة حناا غانمشيييو ماتخاافيش
بسمة:الا خرجوووو غانخرج تاا انا
هدى:اوا خرجي را البااب قداامك سيري فحااالك
بسمة:(كاتشوف فخووها لي حدر رااسو هبطات دمعة من عينيها بغات تهضر هي تحبسها أسيل)
أسيل:بسمة سيري جمعي حوايجي وحواايجك بسسسمة😠 سيييري (مشات خديجة وبسمة كايجمعو الحوايج دياولهوم اما هدى دفعات أسيل وجارا باليزتها ومشات دخلات اما دريس بغا يدخل هي تحبسو أسيل) نتااا رااجل نتاااا حكمااات فك مراا وخرجااات ختك من الداار قدااام عينيك ونتاا حال فمك فييهاا يا الضبع ياا الحماار الله يخليك بالخلاا الرجلة ديال واالو هادي لي جريتي عليها تشرييك نتاا ومرااااتك وهاد الدار وااجي طل علينااا فين غانسكنووو وشوووف مزياان هاد الداار والله لااا فرحتي بييهااا غانااخدو أحسن محاامي وجري طوااالك والله لا ربحتي بييهاا وغانگووليك شتي هاد المراا لي داير على قبلهاا هاادشي والله تا تجري علك شي نهاار وهااني نبصم لك عليها تا شي نهاار غاتگووول أسيل گاالت😡 (ضربات فه ومشات دخلات البيت تاخد حوايجهاا وهو بقا واقف مصدووم فيها اما هدى بقات واقفة عليهم حاضية معاهم زعما لا يهزو شي حاجة من غير حوايجهوم ملي بغات أسيل تهز الفلوس لي فلپلاكتر هي تمشي وسدات ليها الباب على وجها تا جمعات داكشي كاامل حوايجها ميكاپ ديالها تا من پاانطووفات دياالها ماخلاتهمش كوولشي ديال بسمة وديالها جمعااتو جمعو داكشي وعيطو على حمد لي جا بالجرا عندهوم خرجو باالزهوم وداكشي دياالهم وداروه فالطااكسي وبقات بسمة كاتشوف فالدار قبل ماتخرج حتا جات هدى بدات كادفع فيها ومشات عندها أسيل فلبلاصة صلااتها معاها وهي كاتشوف فيها بحقد) 😡جمعي يديك لانهرسهووم لك والله الا عندك الزهر اما غانهرس ديلمووك يالاه ا بسمة
بسمة:(شافت فخوها لي كان واقف بعييد عليهم وحاضيهم) ههه بقا تشوف اخووياا هاهياا ختك الصغيرة جرات عليها مرتك طهلااا فراااسك وماتسنااش شي نهار راك غاتندم ولكن انا عمري نبدل نمرتي غانبقاا نتسنااك ماتسنااش عندك ختك
أسيل:تفووو رجلك ديال الزبل الله يخليك بالخلااا (ضربات فيهم وسدات الباب من موراها بالجهد)
أسيل:(ركبات أسيل لقدام وبسمة وخديجة اللور بسمة بقات غير ساكتة واخا كانت عارفة هاد النهار غايجي ولكن مانسااتش ردة الفعل دياال خوها حابسة الدموع غي بزز اما أسيل گالت لحمد يمشي للپرطمة وهي دارت عند ماماها وبدات تهضر) ماما سمعي حنا غانمشيو للپرطمة ديال بسمة
خديجة:پرطمة اشمن پرطمة مافراسي والو انايا
أسيل:ااه اماما دبا سمعي كانت بسمة گالت ليا راه شي حد بغا يشري من عندها واحد الارض كانت ماماها كتباتها ليها بسميتها مسكينة ملي قربات تموت عرفات بنتها غاتعاني داكشي علاش كتبات ليها واحد الارض بااعتهاا وشدات فيها فلوس صحاح انا قتارحت عليها تشري پرطمة ديالها وداكشي لي دارت خدات كريدي من البنك به كملات داكشي لي بقا ليها وشرات پرطمة فالمدينة وراها تفرشات وكولشي واجدة خاص غي نسكنو فيها عافاك اماما ماتقلقيش حيت خبينا علك ولكن كنا كانتسناوالوقت المناسب
خديجة:فهمت ولكن والكريدي ابنتي شنو غاديري فه مابغيتش نبقا متقلة علييك ابنتي لا باراكة
بسمة:خالتي باابا مشاا وتبعااتو ماما ودبا حتا خووويا مابقا عندي تا حد من غيركوم عاافاك اخالتي ماتخلينيش حتا نتي درتك فمقام ماما وأسيل فمقاام ختي ماتخلييونييش عاافااكم😢
خديجة:(عنقاتها) ماتبكييش ابنتي مااتبكييش
أسيل:شفتي اماما هانتي بكيتيها
خديجة:سكتي نتي
بسمة:خالتي ياك ماغاتخلينيش
خديجة:لاا ابنتي
بسمة:اوا صافي راه فرشنا لك حتا بيتك نتي ماديريش هكا
خديجة:واخا ابنتي صاافي انا غير مابغيتش نتقلو علك
بسمة:لااا اخاالتي مامتقليينش عليا العكس
أسيل:(تنهدات بإرتياح حيت قدرو يقنعو ماماها من بعد نقاش طويل من بعد ما وصلهوم حمد هزو حوايجهوم وعاونهوم حمد من بعد ماعاودو ليها قصتو تا هو عز على خديجة وبقا فيها وگالتله يبقا يجييب بنتو ليها حيت كاتبقا بوحدها بالنهار دخلات خديجة للپرطمة وهي كاتشوف مصدومة البنات دارو مجهوود كبيير وكاتشوف بلي هادشي كايخصو الفلوس بزاف ولكن ماعقلاتش دوروها فلپرطمة كاملة وعجبااتهاا بزااف وحسات بإرتيااح كبيير تعاونو مع بعضياتهم حتا قادو الحوايج فلپلاكار ديال خديجة اما بسمة وأسيل زربو على حوايجهوم دارو الپريزات فالدار وشعلو داكشي وگالو لخديجة غايخرجو يتقضاو بغات تمشي معاهم ماخلاوهاش بحجة غاتكون عيااانة وأسيل بقات كاتوصي فماماها ماتحل الباب لحد حيت داو السااروت معاهم اما هوما هبطو وخرجو لقاو حمد كايتسناهم ركبو وبقات أسيل كادوي)
أسيل:عندنا الزهر امسخوطة ماما قتانعات وكنت خايفة لاتبعغي تعاونا نديرو الحوايج فلپلاكارات غاتلقا الفلوس والحواايج ودوك الكساوي والله بقيت انا غاكانترعد ولكن زربت عليها ههه دبا راه خبيت داكشي مزيان ديما كانگوولك راه دك الخزنة غاتنفعنا راه خبيت فيها الفلوس دبا (بقات أسيل كاتهضر وبسمة ساكتة حتا.....)
أسيل:ههه اوكي (مشات بسمة خرجات وأسيل مشات دخلات للدوش دارت الما دافي وهي فرحاانة مابقاتش غاتمشي تعمر المقرااج وتقااتل معاه باش دوش عمرات البانيو بالما دافي وهزات بان دوش ديالها دارتو تما ودغيا طلعات الرغوة تخشات تما كاترتااح وهي عااجبهاا الحال فرحاانة گلساات شحااال عاد ناضتت غسلات شعرها ودارت ليه ديميلور ديالو ودوزات الصابون على لحمها شللات ولوات عليها فوطة ديالها وخرجات لبيتهاا هزات دوك الكسااوي كاتشوف فيهم شكون زوينة كتر ختارت وحدة فالبيض لاصقة وبالكمام وعريانة من الضهر قصيرة واصلة حد الفخاد وكاتبين صدرها حطاتها بلاصتها ومشات نشفات راسها قدام المراية لبسات پيجامة ديالتها وخرجات عندهوم لقاتهم بداو كايحطو العشا تعشاو مجموعين فالكوزينة كايضحكو بسمة غسلات الماعن اما خديجة مشات وجذات راسهت لبسات حوايجها غير قربات 9 ومشات باست البنات من بعد ما خدات الضوبل ديال السوارت وخرجات اما بسمة مشات لبسات حوايجها وقادات حالتها وأسيل كدلك لبسات دك الغوب البيضة وصنداالة كحلة عالية مشبكة وپوشيط ديالها دارت فه تيليفونها لبسات المونطو ديالهاا وجدات بسمة تاهي وجا ليهم حمد كلاكسونا عليهم اما هومما قادو حالتهم مزيان طفاو البوطة وحيدو الپريزات عاد خرجو هبطو عندو الاختيار ديالهم طاح على هاد العمارك بالضبط حيت تقريبا شبه خالية معظم سكانها ماساكنيننش فيهم هادشي لي عاطهم الحرية يخرجو ويدخلو وقتما بغاو ركبو ومشاو حمد حط أسيل هي لولا فااصالون ديال جميلة دخلات اما بسمة داها حمد للكبااري عند أسيل لي غير دخلات حيدات المونطو ديالها وشدات بلاصتها بداو ليها بشعرها زادو خصلات إصطنااعية ولعبو على الالوان حتا بدلو اللوك ديال شعرها ومشاو لوجها دارو ليهز ميكاپ صاارخ ديال السهرات سالاو ليها خلصاتهم وبقات گالسة تسنات حمد لي دغيا جا لبسات المونطو ديالها وخرجات ركبات كاتهضر مع خمد وكاضحك معاه وصلو خرجات دخلات وحطات المونطو ديالها سلمات على عبد السلام لي بدا كايتعنب عليها شحال وهي مسايراه حل ليها الباب ودخلات بقات كاتقلب بعينيها على بسمة حتا بانت ليها هزات تيليفونها زعما كاتوريه لبسمة تسيفط ليها وداكشي لي دارت بسمة سيفطات ليها بسمة كاتوصف ليها الڤيكتيم الجديد وعطاتها المعلومات ديالو كاملين مشات أسيل عند بسمة تاني گلسات حتا شربات كاس ديال الموناضة وهزات دك الفانيدة حطاتها بالخف بلا ماتعيق وحطات فوق منها الكاس وناضتت هزات بسمة الكاس والفانيدة بلا ماتعيق وشداتها فيدها اما أسيل كانت غادة قاصدة الضحية ديالهاا غير قربات عندو ماحسات حتا طاح شي حد حدا رجليها بقات ماتشوف فه شحال حتا قررات تعاونو ينوض وهي عارفاه راه الشراب لي دار له هاد الحالة نوضاتو وعاوناتو حتا گلس فوق الكرسي غا بزز ولسانو تقيل حققات فه هي تقشعوو كانت دوات ليها بسمة عله هاداك لي لاباس عله وعندو مشاكل مع بااه شافت فه وهو غير كايتمايل) شربتييي بزاااف مابقيتيش قاد تحكم فراسك
......:شكوون نتيي
أسيل:مايهمش عتابرني فاعلة خير خاصك تمشي دباا نتا ماشي ديال هادشي واخا يكونو المشاكل ولكن ماشي دير فراسك هاد الحالة
......:وعلاه نتي جيتي هناا بخااطرك
أسيل:(غير حيدات يدها هو يطيح فوق الطبلة حاط راسو وكايتمتم مالقات مادير شافت فبسمة وهي تهز تيليفونها سيفطات ليها راه مابقاتش غادي تمشي عند هاداك بقات تقلب فجياب هاداك هي تلقا تيليفونو هزاتو وحلاتو كان بلاا كود شافت اول نمرة كانت ديال الراليدة ديالو وبدات تصوني عليها) الوووو
.....:الوو ولدي الو فيناهوا ولدي شكون نتي ابنتي
أسيل: خالتي انا كاينة مع ولدك دبا راه فواحد الحالة مايقدرش يهضر
......:اويلي😱ماال ولدي شنوو وااقع ليه
أسيل:خالتي ولدك راه كتر من الشرااب مابقاش قادر اهز رجليه يتمشاا اجيو ديوه انا غانبقا معاه حتا تجيو واخا
......:واخا ابنتيي الله يكتر خيرك عافاك بقاي معاه حتا نجيو
أسيل:واخا اخالتي(بقات إسيل كاتسنا وهي كاتسمع له وهو كايخرج ويدخل فالهضرة ويعاود على مشاكيلو وكايبداا يدمع ويعاود احط راسو بقات كاتسايس معاه حتا سمعات تيليفونو كايصوني جاوبات هي تسمع صوت فشكل كان حنين وفنفس الوقت تايبان من مولاه صعييب فشكل بقات غير كاتسمع وهو كايوسلها على بلاصتهوم ولكن هي كانت ساهية غير فصووتو مزيج بين الحنية والخشوونة حتا قفزها ملي غوت) اااناا كانسمع صمكتييني😡
¤¤في جيهة خرا بالضبط في فيلا الحاج عبد الحفيظ¤¤
شاب في الثلاثين من عمرو كالس فالغرفة ديالو كالعادة و المصحف في يديه كيقرا القران ..لابس سروال كيطمة و تيشورت و شاعل ضو خفيف ديال الفيوز جنبو ..كالس فوق الناموسية ديالو ...في بيت غالب عليه اللون الأسود و الابيض بيت رجولي بامتياز ...كلشي مرتب في بلاصتو ناموسية دائرية و كوافوزات في كل جنب حدا ناموسية زربية صغيرة في الكحل و ماريو في الكحل و البيض و عاد مكتب صغير و بالرفوف ..محطوطين فيه بعض الكتب والروايات يا بالعربية يا بالانجليزية و كتب لأحاديث الرسول (ص) و جميع الكتب الدينية ...ريحة المسك في البيت عاطية بالكو كبير مفرش تا هو فيه جوج مخاد كبار في الاسود على زربية صغيرة كيطل على المسبح ديال الفيلا ...فيلا جات خارجة شوية قريبة البحر ..و هو كيقرا القران سمع دقان فالباب ديالو و تحل ...حيث مدايرش ساروت ..
......:(سد القران) صدق الله عضيم لا الواليدة تا انا جيت ليوم معطل انا نغسل و نهبط ...
.....: احنا كنتسناوك اولدي ...
ناض الحمام كيغسل يديه و وجهو تا كيسمع التيليفون ديالو كيصوني هز فوطة و خرج و هو كيمسح يديه هز التيليفون لكان كيتشارجا فوق المكتب لقا نمرة ام علي صااحبو و هو يجاوب دغيا ...
.......: السلام عليكم و رحمة الله و بركاته ...
ام علي:(كتبكي😢) ولدي علاء اهئ اهئ اهئ ...علي اولدي علي ..
.......:خالتي ابشوية بلااتي مال علي اش واقع ليه ..
ام علي: اهئ ولدي منعرف فين مشا سكر و را معاه شي بنت هي لعيطات ليا كاتلي حالتو حالة ...
.....:لا حول و لا قوة الا بالله مكاتليكش ف اينا بلاصة ..
ام علي: لا اولدي مكاتلي والو مفهمتش منها علاء ولدي رجع ليا ولدي عفاك اولدي لما شوف فينو واش طاري ليه ..
علاء: صاف اخالتي كوني هانية انا انتكلف ...
قطع علاء مع ام علي ..و كلس كيدوز على لحيتو بعصبية ..
✏بلسان علاء✏
علاء: اووف منك يا علي دايمن داير هاذ الحالة فراسك و معذب معاك الناس لقراب ليك ...اوووف دبا اشغادي ندير فين غادي يكون نتصال بيه على الله هز علاء تيليفون و هو يدوز النمرة ديال علي بقا كيصوني تيلفون تا جاوبت اسيل ...
اسيل: الووو؟؟
علاء: السلام عليكوم...شكون معايا؟؟
اسيل: لا رد
علاء: الوووو ...علي الو ..
اسيل:لارد
علاء:(بصوت رجولي و بجهد شوية) الووووو علي ..
اسيل(عاد ضربتها فيقة) ابشوية صمكيتيني😡
علاء: عطي التيليفون مولاه ...
اسيل: تايكون بعدا فايق عاد يجاوبك..
علاء: اينا بلاصة كاين دبا ؟؟
اسيل: بار عصام
علاء: وخاا انا جاي...طيط طيط
اسيل: قطع يخخخ لا صواب لا جوج باين الشارف ديال باه هذا ..و تا نوض اويلي وحدي جاية نضبر على راسي صدقت واحلة مع كارثة و نوض اترد ...شاداه اسيل من يديه خرجاتو من بار وقفات في جنب شارع و هو كيرد حالتو حالة بالشراب و هو مدمن عليه كلو كيتمايل ..نرجعو عند علاء لقطع تيلفون و مشا جبد سروال تجين و تريكو في الكحل ديال القطن يديه حدا مرفق و فيست في كحل لبس صباطو و هز ساعتو دارها و مشط شعرو و هبط لقا العائلة مجموعة على العشا مو و باه ختو و خوه و مرات خوه وولاد خوه صغار ...
ام علاء: ولدي فين غادي ؟؟
علاء: غير سمحوليا منقدرش نتعشا معاكوم علي تاني راكوم عارفين حالتو..و عيطات ليا خالتي نعيمة كتبكي ..انمشي نشوف فينو ثاني ..
اب علاء: لا حول و لا قوة الا بالله الله يهديه ...
اخ علاء: باقي مهداه الله يبعد على داك الويل ..
علاء: و الله يهدي ماخلق انا انشوفو ثاني و نرجعو لدارهوم و نجي بلا متسناوني ...
ام علاء: وخا اوليدي الله يعاونك حضي راسك و الله يرضي عليك و يعاونك و يهدي ولاد المسلمين كاملين
الكل : امين ...
خرج علاء ركب في طونوبيل ديالو من نوع كاطكاط في كحل جاج ديالها في كحل كاع مكيبن باقا جديدة ركب و شد طريق للبار بيمن وصل البطل ديالنا عند صاحبو اجي نتعرفو عليه ..
☆علاء دين الشافعي 30 سنة شاب من أطيب خلق الله ولد الحاج عبد الحفيظ الشافعي و الحاجة عائشة ...عندو جوج خواتات و اخ واحد هما 4 بيهوم عند واليديهوم ..الاخ ديالو اسماعيل كبر منو بعامين مزوج ب بنت عمو إسراء و عندو جوج وليدات بنية عندها 3 سنين سميتها شهد و ولد عندو 6 شهور ادم الله ولدت مأخرا ..ختو حليمة مزوجة صغر منو ب 4 سنين عندها 26 عام الله تزوجات العام لفات و حاملة دبا بشهورة الأولى ديالها و ختو صغيرة عندها 19 امينة ...هادي هي اسرة البطل ديالنا كلهوم ملتزمين عائلة دينية عارفين بينهوم و بين الله كيبغيو بعضياتهوم و مساندين بعضياتهوم حب الأخوة بيناتهوم كبير و طبعا حيث والديهوم من اطيب ناس ...الحاج عبد الحفيظ كان أستاذ جامعي ديال شعبة التربية الاسلامية و ولادو تبعو الاختصاص ديال باهوم و لكن غير شد التقاعد ديالو ...دار مشروع هو وولادو و كبروه نيت دار مكتبااات كبار ديال الكتب و اللوازم المدرسية مكازات كبااار و عندهوم فروع فبزااف ديال المدن ...نيجو الوصف احح كلشي على تيتيز اش غادي نكوليكوم البنات الله يعطيكوم بحال علاء دين (ديديكااس علاء دين السملالي😂😂) احح اشمنك يا طولة و قلدة و كلشي على لحية كحلة و كثيفة و عينين كبار مرمشين و حجبان كثاف كحلين مكرونين شوية حروفو كحلين سنينات بيضين مستفين كلشي هو هذاك
¤¤نرجعو عند علاء الدين البطل ديالنا ¤¤
ركب علاء في طونوبيلتو و غادي بسرعة الليل مكاين حد غير ضواو ديال الشارع ...و كالعادة شاعل قران في طونوبيبل هاذي هي عادتو قران مكيخطيهش و كلمات ديال الله دايمن في فمو ..مكيشرب مكيكمي ممبلي بشي حاجة ...اي حاجة كتعصي الله بعيد عليها و هاذي هي تربية واليديه او بالاحرى الأب ديالو لمدين و عارف بينو و بين الله و هكاك ربا ولادو ..طريق لمتبعها هو فطاعة الله خلا ولادو ب4 و زوجة ديالو يتبعوها ..كيف ذكرنا هو استاذ تربية الاسلامية و من شد تقاعد ديالو و لا إمام ديال المسجد كيصلي بالناس كيعطي احاديث في رمضان و في صلاة الجمعة...و في صلاة عيد و صلاة جنازة ...النور على وجهو لحيتو بيضة و طبعة الصلاة على جبهتو ..مشا الحج مامرة ما جوج مع الزوجة ديالو عائشة من عائلة فقيرة مفحالاهاش من صغرها و هي متعلقة بالدين الحجاب دارتو من كانت بنت 10 سنين و هادشي لخلا عبد الحفيظ يجيبها حلالو و يولد وليداتو معاها كان زواج تقليدي و ناجح 100 في 100 محبة بيناتهوم و تفاهم و الاحترام و منساوش الحب ..هو دايرها ملكة في قلبو و هي دايراه تاج راسها و عمارت دارها ...من دخلات دارو دارت خمار حجاب شرعي بلا نقاب حيث باقي ممقتنعاش بيه و هو مخليها بحريتها حيث تا حاجة مكتجي بزز ...و هكاك البنات حجاب ديالهوم عادي لباس طويل في ستيل زوين مهلي فيهوم مربيين مخلقين ..بنتو حليمة تزوجات تا هي بأستاذها ديال تربية الإسلامية حيث تاهي تبعات شعبة خوتها و الاب ديالها ...من شدات الإجازة ديالها خطبها و من بعد عام تزوجو و باقا كتقرا كتكمل ماستر ديالها ضريفة و حنينة و كتبغي عائلتها بزاف بالمختصر مربية كيف خلاوها ناس زمان بنت الاصل ...امينة هي الصغيرة تا هي كدير حجاب و لكن مستيلي بحال لباس تركيا عندها مع الموضة بزااف كتعتني براسها عنيدة و لكن مربية و اخلاقها عالية هي الدلوعة ديال دار مفششة و لكن بحدود هضرة واليديها و خوتها فوق راس ...متبعاتش شعبة لدايرين خوتها او الاب ديالها من بعد مشادات باكالوريا ديال علوم بنقطة مزيانة دخلها الاب ديالها مدرسة طب عندها العام ثاني فيها ...الاخ الاكبر اسماعيل ..حنين و درويش لواحد الدرجة متصورش ضريف بلا قياااس ملتزم تا هو خدام مع علاء غير كل واحد فيهوم شاد فرع ..مزوج ببنت عمو لتاهي بنت الاصل و مربية و ختار و عرف اش ختار ...كتلبس الخمار و هادشي قبل متزوج بيه و هادشي لخلاه يختارها كالأم ولادو ...نرجعو عند بطل ديالنا علاء دين اسم على مسمى شخصية قاصحة بزااف و عصبي وفي نفس الوقت حنين عارف بينو و بين الله صلاتو في الوقت الفجر مكيزكلوش و زيادة على قيام ليل ...اي حاجة محرمة بعيد عليها ..اي حاجة كتعلق بالبنات و بالعلاقات بعيد كل البعد عليها ...هضرتو مكيبغيهاش طيح الارض و في دار كلشي كيدير بهضرتو حيث عارفينو دايمن على صح عندو عائلتو اهم حاجة عندو ...الام ديالو دايمن مصدعاه بالزواج و بحجة بغيت نشوف وليداتك قبل منموت و جوابو دايمن باقي ملقيتش زوجة مناسبة ليقدر يرتاح ليها قلبي و نعرف انها اتكون ام صالحة لوليداتو و هادشي علاش مخلينو على خاطرو وخا دايمن كيكولو ليه بنت عمك خت اسراء مزيانة و محتجبة و اتصلاح ليك دايمن جوابو رفض حيث باغي يختار مرتو بوحدو ...عنيد و جدي بلا قياس ضحك بالقانون و قليل فين يبين سنانو كيكتفي بابتسامة ..الهضرة بزااف و لا كيف نقولو تجماع و كذا معندوش في قاموس ديالو كيبغي الهدوء و يكلس بوحدو و يعمر وقتو بقراءة القران و تقرب الى الله وصلاة عندو طبعة صغيرة في جبهتو ديال الصلاة و بسيف و هو ليل كلو و هو كيخشع و كيصلي ...و كذلك في خدمة مكيهضر مع تا شي حد كيكمل خدمتو و حاضي شغالاتو و يحضي ناس لكيخدمو في مكازة كيعرف يتعامل مع كليان عندو مكتب بالحاسوب في مكازة كبيرة و عاد كاميرات ...حاضي شغلو و خدمتو كيديرها و يرجع لدار يتغذا و عاود يرجع الخدمة ..تايأذن الاذان كيستاذن و كيمشي يصلي ...كيسد قبل العشاء ..و كيمشي يصلي عاد كيدخل دار ..كيطلع بيتو تا كيعطو ليه تا يتعشاا و يطلع بيتو يقرا شوية القران و ينعس بيمن وصلات 2 ليل و ينوض الصلاة ثاني تا كيصلي فجر عاد كيرجع ينعس ...و هذا هو علاء دين البطل ديالنا ...نرجعو عندو وصل علاء حدا البار جا يبلاصي تا كيبان ليه علي صاحبو و واحد البنت نص ديالها عريان عريانة كثر مامغطية شاداه و هو كيرد حاشاكوم و كيتمايل بلاصة طونوبيل في جنب و سدها و هبط غادي حاني راسو مقدرش يشوف داك منضر وحدة عريانة قدامو فخاذها باينين و صدرها و فورمتها كلها باينة ...بقا كيمشى جيهتهوم و كيردد كلمة لا حول و لا قوة الا بالله ...وصل ..و هو يشد علي من ضهرو ..أسيل هزات راسها فيه و حلات فومها فيه😮😮
علاء: علي اش هاد الحالة ؟؟
أسيل:(بقات غير ساهية فيه و طبعا النور خارج من وجهوو و تيتيز احح 😍😍تزعطات فيه الدرية و هو راسو مهزوش فيها ...بقات غير حاضياه ..)
علاء:(حاني راسو و كيهضر و يديه شادة علي ) نووض يا الله اش هاد الحالة اصاحبي مالك على حالتك باقي مبغا يهديك الله ..《ناض علاء بلا ميشوف في أسيل خصر عليها كلمة وحدة》 شكرا ...
أسيل: (عاد فاقت من كلبة )بلاتي نشدو معاك را غادي يطيح..
علاء:لا شكرا بلا متعذبي راسك غير رجعي فين كنتي ..
اسيل: نتا صافابا؟؟ بغيت غير نعاونك و صافي
علاء:(هز راسو نيشان في وجهها و عينيها ) مامحتاجش المساعدة ديالك شكرا حيث بقيتي معاه و دبا غير رجعي فين كنتي و من الاحسن ستري غير راسك ...
اسيل: ههههه زوينة هادي ثاني و نتا سوووقك غير لبغا يدير شي خير في هاذ الوقت ...
علاء: الخير لديري سيري بدلي بساعة خرا 《جر علاء علي غادي بيه طونوبيل و خلا اسيل موراه كتسب و هو كيكول غير لاحول و لا قوة الى بالله ...》ركب علي اللور و سد الباب و ركب و ديمار و ضرب ضورة من جيهة اسيل لباقا واقفة في بلاصتها عصبها و استفزها نيت و خصوصا البرود ديالو و هي مكترضاش بقات كضرب رجليها مع الأرض و كتزدح ابوحدها تا تهرس ليها الطالون و تعوجات ليها رجلها ...اما علاء دا علي الاوطيل كالعادة مكيبغيش يديه لدارهوم حيث الام ديال علي مكتستحملش تشوف ولدها في ديك الحالة ..داه الاوطيل و طلعو لشومبغ دخلو الحمام عمر بنوار🛁 بالما و دخل حيد ليه حوايجو و حيد هو فيست و كفض و غسل ليه هاذي هي حالتو معاه ديما هو صديق طفولة ديالو و لكن بقوة المشاكل ديالو مع الأب ديالو و كذا تبلى بالشراب و لا من المدمنين عليه وخا عيا علاء ميحاول معاه ووالو غير يتناقش معاه باه كيتتعصب و يمشي بار يسكر ...غسل ليه و لوا عليه فوطة و خرجو رد ليه الحوايج لكان لابس ...و علي باقي كيتمايل الشراب مأثر عليه مزيان تكاه فالناموسية و مشا خذا ليه كاس ديال القهوة و كاس حليب من التحت فالاوطيل و طلعو ليه شربو كاس الحليب هو لول بزز ..و من بعد كاس القهوة عاد بدا كيصحصح شوية بشوية ..
علاء: باقي مبغا يهديك الله ..
علي:(راسو غيطرطق*) لاش جبتيني ثاني؟؟
علاء: الوالدة ديالك مشطونة عليك و هي لعيطات ليا ..حشومة عليك اصاحبي كتهلك صحتك و كتهلك ناس لدايرين بيك ...
علي: علاء لغادي تبدا نفس ديسك ثاني فالاحسن غير سكت داك ديسك حفضتو ..شكرا حيث اهتمتي بيا و دبا سير لداركوم راك خدام غذا ...
علاء: مالك ثاني واش مع عمي مختار..
علي: علاء خويا و الله ماقاد ندوي باغي غير نعس ...
علاء: وخاا نعس دبا رتاح انا انعيط خالتي نعيمة طمانها عليك غذا صباح رجع لداركوم را حشومة ..
علي: اوك اوك وخااا ..
علاء: الله يهديك على نفسك... ناض علاء لبس فيست ديالو و هبط خلص ليلة فالاوطيل حيث عارف صاحبو فلوسو كاملة حطها في شراب ركب في طونوبيلتو و دوز نمرة ام علي و كاليها راه مزيان ناعس في اوطيل غذا الصباح يجي عاد رتاحت نسبيا و هو ضرب ضورة و رجع فيلا ديالهوم دخل مع ديك 1:30 لدار لقا كلشي ناعس غير مو لضروروي تسناه تا تحط ليه العشاء باس ليها راسها و يديها و خذا رضاها ناضتت حطات ليه تعشا و طلع لبيتو غسل سنانو و دخل ضرببها بتدويشة🚿 و بدل حوايجو و خرج باش يتكا شوية و ينوض يصلي و والو النعاس طار ليه كيفكر في اسيل و كيتفكر شوفاتها و عينيها مامشاوش من بالو نعل الشيطان و ناض توضا و جا كيصلي تا اذن الفجر و صلا قرا شي سور من القران عاد تخشا في بلاصتو و نعس 😴😴
¤¤عند اسيل ¤¤
من بعد مامشا علاء و عصبها بقات كتغدد في بلاصتها و كضرب برجليها مع الأرض و هادي هي عادتها من كتعصب ..بقات كضرب تا تهرس ليها طالون و زاد كمل على مابيها ..حيدات الطالون من رجليها وهزات بوشيطة ديالها و جبدات تيلفونها عيطات على حمد ..و كلسات كتسناه مقدراتش دخل البار جا حمد دغيا و ركباات معاه و عيطات على بسمة كاتليها راها راجعة لدار و قطعات حيث مبغاتش بسمة تبقى تسول فيها بزاف و هي معصبة مقاداش تهضر تا حمد حفض طبعها و عرفها مقلقة خلاها على خاطرها وصلها لباب عمارة حلات باب عمارة و طلعات في سانديك حتا برطمة ديالهوم حلات الباب و داخلة حفيانة و هازة الطالون في يديها لاحتو في الارض و سدات عليها الباب مشات لبيتها جبدات بيجامة و ملابس داخلية و دخلات حمام عمرات بنوار🛁بالماء دافي و برودويات و باندوشات ديالها و غسلات لحمها و شعرها بشامبون و دارت ديميلور في الاخير شلات لحمها و شعرها و لبسات بنوار وخرجات لبيتها نشفات لحمها و دهنات لحمها بكريم لوز و لبسات حوايجها و نشفات شعرها و مشات جمعات ديك روينة و دخلات كوزينة دارت كاس قهوة حيث حسات براسها مزير و مشات شعلات التلفازة في صالة كتفرج و كلما تفكرات داكشي لدار ليها علاء كتعصب و تبدا تغززز في سنانها ..ما هي الاساعات و جات بسمة تا هي دخلات لقاتها في صالة كتفرج ..
بسمة: تي مالك فين غبرتي من خرجتي مرجعتي وتا المونطو ديالك خليتيه تما وغدا قاريين..
اسيل: سيري بدلي حوايجك بعدا و نعاود ليك ...
بسمة: وخاا الالة مشات بسمة تا هي بدلات حوايجها لبسات بيجامتها و غسلات وجهها من ماكياج و ذهناتو بكريم ليلي و جمعات شعرها كوتشوفال لبسات بانطوفتها و مشات الكوزينة جبدات كارطونة بيتزا و عصير ديال ليمون بابلي خشات بيتزا في ميكروواند تسخن و دارت بلاطو فيه جوج كيسان و عصير و سخنات بيتزا دارتها في الطبسيل و هزات صوص ديالها و موس و دات داكشي حطاتو فوق طبلة حدا اسيل و كلسو كيكالو و اسيل عاودات كلشي بسمة من طق طق سلام عليكوم...
بسمة : اممم وصافي تا نتي هادشي لعصبك ايكون غير شي فقيه هذاك😂😂😂
الساقطة و الملتزم الجزء الخامس
محتوى القصة
التنقل بين الأجزاء