حنان:بزااف ااه عااارفة مزيان مني جيتي تسمعي الحقيقة ديال باباك وتاهو يعرف حقيقتي انا
أسيل:(مصدووومة😳)
حنان:(مشات گلسات حدا عمر كاتشوف فه وهو كدلك مافهمهاش) عمر عقلتي على سنااء
عمر:😳سس... سنااء
حنان:مووحاالش تعقل البنت لي ضحكتي علييها هادشي داز شحال هاادي
عمر:ماضحكت على حد اناا...
أسيل:(شافت فباباها بصدمة وكذلك بنوع من الاستيااء)
حنان:بلا ماتكدب على راسك مهم راك عرفتييها سناء ختي ضحكتي عليها ووهمتيها بلي كاتبغيك وهي بحال الحمارة ضلات تابعاك وكادير كلشي على قبلك فلخر مشيتي وتزوجتي بماماها وخليتيها تخرج الطريييق ووتمرض بالمرض لي نتاا مرييض به دبااا عمرك مافكرتي منين جاا هاد المرض انا نفهمك المرض اناا لي مرضتك
عمر:😳
أسيل:😳
حنان:ااه ولكن انا مامرييضاش ملي مرضات ختي بداك المرض وعرفت انا حلفت حتا ندمك ختي هي عرفات بالمرض ملي كان فالبدااية دياالو وداها واحد من هادوك لي كاتعرف لبراا وهي فسبييطار ماتت قبل 4 سنين دباا
عمر:😰
حنان:اااه تا انا ديكساعات عاد دخلت لحيااتك (دارت عند أسيل)ماماك بلا مايبقاا فيها الحال ماشي غير هي لي لاح للزنقة راه حتا هاديك لي شتتات ليكم الشمل لقات نفس المصير وانا السباب شفتي خاصك تشكريني انا بديت كانتقرب منك حيت عارفاك حمار ماكاتسوااش من بعد ماسولت عليك فلول جربت السخوور باش نجييبك لعندي ولكن مااگرش فك السحور داكشي علاش درت حاجة خرا تقربت منك ختا نعسنااا انا ويااك شحال من مرة وگلتليك طلق مراتك على قبلي ودرتيها بحال الحماار وتجوجت بك انا فالمرااحل الاخيرة ديال المرض ديال ختي وملي كانت كاتموت رجعات للمغرب وانا خديت منها الدم دياالها خديت بزااف ملي ماتت بديت فالانتقام ديالي كانخليك حتا تنعس ونبدا ندگ ليك البراوات شحال من مرة جربت وشحال من نهار وأخييراا بان فك المرض وعرفتك مرييض ااه بعدا گووليا شحال مانعست انا ويااك
حنان:لاا يمكن ههه كنت ملي نشوفك بغيتي دير داكشي نعطيك الدوا ديال النعااس ونتا كايصحاب لك بلي خديتي لي بغيتي ساعة غير انا لي لاعباها علك ودرت واحد الحاجة خرا بقيت نعطيك فالعشووب حتا مابقيتي كاتبغي حتا تقيييسني واخا تعيا ماتحاول ديالك گاع مايبغي ينووض ااه اننا السباب ونتا يصحابلك انا قابلة علك واخا عندك عحز جنسي كيفما گلتي ليا ملي جيتي من عند الطبيب(انفاجرات بالضحك) 😂 ههه والله الا لعبتها علك مزياان وهانتا دبا كاتموت كيفما قتلتي ليا ختي كيجييتك ولكن واحد الحاجة خورتيني فالدارر عطيتيها لبنتك
عمر:(مصدوم من هادشي لي سمع بقا مسمر وفبلاصتتو وفمو نشف) نتيي السبااب ديال هاادشي كاامل نتيي ليي مرضتييني
حنان:اااه حيت نتا لي خرجتي ليا على ختي
عمر:سكتيي انا ماادرت والو لختك واش عارفة بلي ختك مرة وحدة لي قستهاا ومزال ماكانتش بنت ختك هي اصلا مولفة بداكشي وهاديك هي خدمتها من نهار عرفت بلي هي هكاك ماحاديتها وتا هي وكنت عاارقهاا ماغاتووبش وداكشي لي كان ديما كايجييوني خباارهاا بلي ناعسة مع فلان هنا ولهيه انا مادرت لختك وااالو وهي لي خرجات على رااسها برااسهاا
حنان:كداااب هي گالت ليااا راه مصااحبة معااك وموااعدها بالجوااج الكدااب😡
حنان:(بلعات لسانها وهي كاتفكر بصاح عمرها شافت ختها معاه وشحاا من مرة كاديدوزو حدا بعضياتهم ماكايهضروش وختها سناء ولا كان على بالها وشحال من مرة كانت كاتلاقا مع دراري خريين خرجو عينيها وهي عارفة بلي غالطة حيت ضلمااتو وهو ماادااير والو وختها هي لي ختارت هاداك العالم برجليها) 😳
عمر:تفكرتيي انا ختك عمري ماواعتهاا بشيحاجة غير عرفتها كيف دايرة قلبت علييهاا نتيي مرضتيينييي بلااا سباب الله يااخد فك الحق
أسيل:(مشات كاتجري عندها شنقات عليها) نتي السبااب نتيي لي مرضتيي ليا ماما الله يااخد فك الحق تفووو عللك(بدات كاتنتف فيها حتا حسات بشيحد كايجرها كانت واحد الفرملية لي باقي مصدومة) طلقي مني نتيي
حنان:(حادرة راسها مصدوومة هادشي لي دارت كامل ماعندو تا فايدة غير خرجات على ناس خرين بعقلها الطاائش ولي باقي صغير واخا كبرات وشرفات)
أسيل:😡الله يااخد فك الحق طللقيينيي طلقيني
♡عند اسيل و علاء الدين♡
أسيل:طلقيني طلقييييييني😡😡😡😡
علاء: أسيل صااافي تهدني هادشي معندوو باش ينفع ...دبا لعطا الله عطااه ...
أسيل: كيفاااش لعطاا الله عطااه هاذ السيدة را خرجاات على ماما ...دبا ماما اتمووت بسبااابهاا...بسبااابها 😢الله ياااخذ فيك الحق ...الله ياااخذ فيك الحق اتحرميني من مامااا و هي لكنكساااب في هاذ الدنياا اش بغيتي عدنا ..شنو بغيتي ..هضري اش دارت ليك ماما ..اش دااارت ليك ..هي غير مراة مسكينة و درويشة و كتبغي خير النااس و قلبها كبير و بيض ..مكتعرفش شي حاجة سميتها الشر ..نية بلا قيااس ..اشرف وحدا شفت ...عرفتي شنووو نتي ضيعتيهااا خرجتي عليهااااا ...متستااااهلش هي متسااتهلش كتخدم علياا و ممخلياني نحس بتااانقص ..هي مصدر قوتي ..بسباابها ولات أسيل هكااا ...هي نبع الحنااان هي كلشي في حياتي كلشي في حيااااتي روووحي و كلشي...جيتي نتي خذيتي حياتي و كلشي ...شنوو ذنبهاا هي لتعمات ليها بصيرة و خذات وااحد ميستهااالهاااش ..و لا حتى عائلتها نكرووها و سمحو فيهاا...دابزات مع كلشي باش تزوج بيه ..و ولدتني و من صغري كانت هي ماما و بابا و جدي و جدتي...《أسيل كتبكي و كتهضر و تا من ممرضة كتبكي ..علاء كيشوف فيها باسى ..اما عمر غير كبيكي و تا حنان حانية راسها معندهااش الوجه باش تشوف أسيل 》 ...معندي لا عائلة لا والو ..لا جد لا جدة ..لا عم ..لا خال..لا عمة ...لا خالة ..و معندي لا أخ و لا أخت...و حتا أب ...عندي مامااا حبيبة ديالي صاافي ...دمرتيهااا ... مرضتيها...هي اش ذنبهاا شنووووووووووووو ذنبهااااا شنوووو...
علاء:《غرغرو عينيه بلا شعور》 أسيل تهدني باااركة صاافي ..اتمرضي رااسك لبغاها الله هي لغاذي تكون و اكيد هاذي دباا ربي ياخذ فيهاا حق ...
اسيل:(هزات عينيها فيه لعامرين دموع و رموشها فازكين بدموع و ذابلين) علاء ..هاذي هي لخذات ماما مني...هي و هذاا ..هي وياه خذاو ماما ...😭😭😭
الممرضة: ختي عاافاك باركة شوفي كيف وليتي صبري ربي كبير دباا يجازيهوم الله اجي معايا غسلي وجهك ..
جرات ممرضة اسيل ..لغير كتبكي و في فمها غير جملة خذاو من ماما ...بحال لدخلات في حالة هستيرية ...اما علاء من بعد ما خرجات أسيل مشا سد باب الغرفة بسااروت و رجع وقف على حنان على رااسها ...
علاء:(مخنزر😠) شووفي فياا..في خبااارك بهادشي لدرتي خرجتي على عائلة كاملة ...و البعض منهوم معندهوم ذنب كيف اسيل كيف ماماهاا...ضحااايا لهادشي لدرتي و عارفة هادشي كامل مخاالف القانووون و غادي تحبسي فيه ...و سمعيني نقوليك من غادي يجيو بووليس غادي تعاودي ليهوم كلشي ..😠
حنان: بووليس 😮
علاء: اه ...معندك فين تهربي اتبقاااي هنا تا يجيو ...جبد علاء تيلوفونو و دوز نمرة صاحبو ..
سر سر سر 📱
علاء: ألو سفيان... صاافا؟؟....حمد الله كلشي هو هذااك...نتا في خدمة ..؟؟...اه في ساحة و راك قريب مني شوفي راني في بوليكنينك ..لا لا كلشي هو هذاك ...تا تجي عندي و نفهمك ...مهم بغيتك تجي و جيب صطاافيط معااك..بخير اصااحبي بخير غير واحد جريمة ..اه صافي غير توصل طلع طاج الرابع ...سول على غرفة فين كاين عمر بن العمران ..اه انا كنتسنااك ..(قطع)طيط طيط ...
حنان غير كتبكي اما عمر كيشووف ...بغاها فيها و كيفكر في خديجة لضيعها ...مشا علاء حل باب و وقف في باااب ...تا شاف ممرضة جاية و جايبة أسيل ..
اسيل: صافي اختي شكرا وليت مزيان ..
ممرضة : العفو احبيبة الله يكون معاكوم (مشات)
علاء: شوية دباا أ أسيل ..
أسيل: حمد الله غير تخنقت هناا بغيت نمشي ..
علاء: صبري شوية يجيو بووليس
أسيل: بوليس 😱😱
علاء: وي عيطت على صاحبي ضابط في صونطرال ها هو جاي دبا ..هاذيك خاصها تعااقب حيث هاذي جريمة ..
أسيل: هاااذيك خااصها الموت...اما الحبس لادخلات ليه غير باش متموتش حيث لابقات قدامي غادي نقتلهاا...
علاء: أسيل سمعيني شووفي را دبا ربي ياخذ فيها الحق ...اول حاجة العدالة اتاخذ حق ماماك منها و تا الله راه فوق كلشي..دونك خلي ايمانك بالله قوي ...
أسيل: اشمن ايماان كتهضر..واش صحاب ليك كلشي بحاالك ...انا ولات سمية الله و رسول كنسمعها مرة مرةة ...و تا باش نذكرهوم..مكنذكرهوم ...ماما ماشي غير هي لسباابها في هاذشي تا داكشي لكندير هو سباابهاا...انا لخايبة انا لخاصني نكون في بلاصتها...
علاء: ولكن سمعيني (قاطعو صوت ...سمع سميتو )
.....: علاء
علاء:(دار ) سفيااان لبااس...[تسالمو بالوجه ]
سفيان: كيداير خبارك مزيان ...خالتي عائشة و الحاج لبااس..
علاء: هاذي أسيل ...مهم اجي معايا نعاود ليك ...مراد خليك حدا الباب ..و ديك سيدة للداخل عنداك تخرج ..اسيل بقاي هنا هانا راجع..
مشا علاء مع سفيان و عاود ليه كلشي ..و اكد ليه سفيان هذي جريمة و لكن خاص يسمعوها هي كتعاترف ..رجعو و سفيان لقا عليها القبض و داوها تا كوميسارية و يشوفو ...
♡عند اسيل و علاء الدين♡
..دخل سفيان و لقاو القبض على حنان داوها ..مخرجينها حانية راسها ..تا الكوميسارية عاد يفتحو تحقيق ...اما عمر ..حنا راسو مبقاش قادر يهز راسو في بنتو ..و أسيل ملقات متكول من غير تخرج ..
علاء: لا حول و لا قوة الا بالله (خرج و سد الباب على عمر )
علاء: أسيل تسناي فين غادة ؟
أسيل: بغيت نسول على دوك لاناليز و لراديو لغادي دير ماما ...
علاء: اطط نمشي معاك ..
أسيل: يا الله ...
مشات أسيل و علاء هبطو في سانديك مشاو عند طبيب لمكلف بهاذ الحالات ..دقو و دخلو ..
أسيل:(بداات كترعد ثاني جبداتهوم و مداتهوم ليه) هاهما ادكتور .
طبيب: (جبدهوم و كلس كيقرا فيهوم) ..امم مع الأسف فيروس سيداا ...
أسيل:(باسى) اه😢
طبيب: اش غادي نقوليك ...ديجا هضرنا البارح و شرحت ليك الوضع من كيكون المرض في الأواخر ديالو ..مكيبقا عدنا منديرو ..مهم باش منسبقوش الاحداث كاينين لزاناليز كبر من هاذو لكيبنو شلا حوايج ..هاذو غير صغار ضروري من المريض يديرهوم ..و دارو من شي راديو ..و كنتمنى متعطلوش ..من الأحسن تجي دبا باش لاكان شي أمل و لو صغير نقدرو نلقاو الحل ...
أسيل: وخاا دكتور ..هي غذا نجيو عندك هنا كيدارو ..
طبيب: وي في لابوراطوار التحت ديالنا تابع لينا ايديروهوم ليها و لراديو انتكلف بيهوم انا ..
أسيل: وخا دكتور ..
علاء: شكراا الله يعاون ..
خرجات أسيل و علاء..اسيل واخذة شوية ديال الأمل لعطاه ليها الطبيب ..وخا غير بغا يعطيه ليها...و هو كيهضر وكيتحسر على حالتها ..و علاء لاحض بان طبيب غير كيكذب مكاينش هاذ الأمل نهائيا ..و علاء بحكم قرايتو ..عارف من كيوصلو المرض لهاذ المرحلة مولاه مكيطولش ...هبطو الابطال ديالنا ..و هي تفكر أسيل ب انو علاء دار يتلقا معاها ...
أسيل: هه ناري متصلاحش معاك شكرا...ايوا يا الله وصلني..
علاء:(ابتسم ليها) هي لولا يا الله ..
اسيل: غير كنضحك درتيها بصح😁
علاء: هه زيدي زيدي اجي كنت باغي نسولك ..
اسيل: الله يسمعنا خبار الخير ..سول
علاء: مكاين غير خير...بسمة ختك ياك؟؟
أسيل : بحال ختي ..هي صاحبتي ..
علاء: اه هكاك صحابني ختك ..
اسيل: لا و لكن كثر من ختي ..
علاء: مقلتي ليها والو ...
اسيل: لا ..دبا الوضع ديالها مكيسمحش ليها تعرف تا حاجة لا هي لا ماما ..
علاء: (هز حاجب ) و تا لإمتى..؟
أسيل: تا يحن الله...سد الموضوع اتوصلني و لا نمشي نشد طاكسي..
علاء: يا الله مشينا ...
ركبات أسيل حدا علاء و مشاو ثاني في هدوء و غير صوت القران لكيتسمع تا وصلها حدا العمارة ...شكراتو و هبطات تسناها تا طلعات عاد تحرك رجع خدمتو و بالو كامل معاها و كيتأسف على حالتها و تا على ماماها خدام و راسو مرفوع...تا قرب يأذن الضهر سد المكازة و مشا الجامع توضا وصلاة و رجع فيلا ..لقا هدوء كل واحد و فين ملاهي..طلع بيتو بدل عليه و هز قران كيقرا تا وصل وقت االغذاء ورجع لبس حوايجو من جديد و قاد الحالة و هبط تغذا مع العائلة ..سي عبد الله باقي في الضيافة ديالهوم ..اما نور خت اسراء رجعات لدارهوم...أماني و أمينة دغيا تصااحبو و تفاهمو ...مكيتفارقوش فين مامشاو كيمشيو بجوج ..سالا علاء ماكلتو و ناض لاح السلام و خرج رجع...لخدمتو و دوز العشية ديالو عادي تا جا علي كلس معاه شوية ..و مشا بحالو و علاء كمل خدمتو ..اما اسيل من بعد موصلها علاء ...طلعات و دخلات لقات بسمة طيبات الغذاء و ماماها متكية مشات سلماات عليهوم و لبسات بيجامتها و مغسلات وجهها و جمعات شعرها فوق لتحت عليها بنوار قصير حد ركبة و هبطات جابت الخبز ..رجعات لقاتهوم حطو الغذاء في الصالون...طجين ديال دجاج بفريت و شلاضة و موناضة تغذاو ...و جمعات أسيل الماعن دارتهوم كيتغسلو و صيباات بريق ديال القهوة كحلة ..و دارت بلاطو في كيسان بطباسلهوم و فنجان فيه سكر و كاس فيه 3 معالق و داتهوم البيت و كلسو كيتفرجو مع خديجة ..و أسيل كل ساعة تخطف فيها شوفة و تحسر و تفكر في هادشي و كيفاش نزل عليهوم ..اما بسمة غير حاضياه وحاسة بان أسيل مخبية عليها شي حاجة ...اما خديجة فكتحس بصحتها كتساس نهار بنهار و عارفة عندها شي حاجة و لكن أسيل كتخبي ...
بسمة: اسيل مقرايش ليوم ..؟؟
أسيل: لا ...ليوم معنديش حصص
بسمة: نخرجو شوية ...؟
أسيل: و الله معندي كانة باغا غير نعس غير سمحيلي هاذ المرة اختي ..
بسمة: صافي ماشي مشكل ..
اسيل: انا نوض نتكا شوية لا نعست غير خليوني ...متفيقونيش
بسمة: وخا صافي ..
ناضت اسيل دخلات بيتها هبطات ريدو و تخشات في بلاصتها و طلقات العنان لدموعها تا داها نعاس ...وصلات العشية وهي باقا ناعسة اما علاء فوصل المغرب مشا صلا و رجع الخدمة تا قرب ياذن العشاء و سد المكازة و مشا الجامع صلاه هو و الشفع و الوتر و رجع الفيلا ...بسمة دخلات عند أسيل تفيقها و هي تصدم...
بسمة:(بانت ليها أسيل ناعسة وحداها شوية ديال الدم مشات كاتجري عندها لقاتها رعفات وهي ناعسة وبدات تفيق فيها) أسيييل نووضي فييقي شووفي حالتك كيف ولات اويلي هادشي منين جا
أسيل:(كاتحل عينيها) شنوو بغييتي ا بسسمة خليني
بسمة:فيقي بدلي حوايجك والغطا راك رعفتي
أسيل:(قاست نيفها ولقات الدم وبدات كاتشوف)اويلي هادشي منين جا
بسمة:من المريخ من نييفك
أسيل:راه عارفة😑مالي گلتليك من ترمتي
بسمة:فيقي فيقي راك كترتي فالنعاس اصاحبتي مالك وليتي هاكا شنو واقع لك
أسيل:(ناضتت ومشات للحمام قبل ماتفضحها بسمة بقات كتتغسل وجها وهي مصدومة اول مرة ترعف وهي ناعسة غسلات وجها مزيان هزات فوطة كاتنشف وجها وخرجات عند بسمة لي جمعات الفراش وكاتفرش واحد جديد اما أسيل بدلات الفوقاني ديال الپيجامة وخرجو هي وبسمة باش اقادو العشا مشاو الكوزينة جبدات أسيل كاسرونة كبيرة عمراتها بالما ودارتو يطيب وبسمة هزات مطيشة كاتحكها هي وشوية ديال البصلة وقزبور ودارت ليهم التوابل وخلاتهم يطيبو اما أسيل من بعد ما غلا الما لاحت فه سپاگيتي مع مليحة والزيت وخلاتو يطيب ومشات طل على ماماها لقاتها سالات الصلا) ماما ساليتي الله يقبل
خديجة:اميين ابنتي الله يهديك حتا نتي وبسمة راكم كبرتو
أسيل:(مشات رجعات للكوزينة گالسة فوق الكرسي وبسمة مقابلة لاصوص بقاو مجمعين لحقات عليهم خديجة وگلسات تاهي فوق الكرسي مجمعة معاهم طابت السپاغيتي قادوها وحطوها وگلسو فوق الطبلة كاياكلو وأسيل كاطل على ماماها بنص عين وكاتفكر جاتها واحد الفكرة لراسها وعارفة راسها غاتندم عليها ولكن خدات هاد الخطوة صافي ماغاتراجعش عليها تنهدات وحطات فرشيطة شافت فيها بسمة بنص عين كاتستغرب) مااما بغييت نهضر معاااك ولكن عافاك سمعييني تا لخر وااخاا
خديجة:الله يسمعنا خبار الخير شنو واقع ابنتي
بسمة:أسيييل شنوو وااقع
أسيل:ماما رااه ليوم كنت فبوليكنينيك
خديجة:علاااااش
أسيل:علا قبل دوك ليزاناليز والراديو وداكشي لي غاديري
خديجة:هادشي كاامل علاااش ابنتي اويلي
أسيل:ماما ماتعانديش معايا راه گلتي ليا واخا وراه دويت معاهم وكولشي دبا خاص غير نمشيو غدا انشاء الله
خديجة:واخا ابنتي واخا لي بغيتي واخا هادشي غير كانخسرو فه الفلوس
بسمة:(تدخلات من بعد ماشافت التوتر على وجه أسيل) لا ماما خديجة لاكان على الفلووس ماتخافيش راه فالخدمة راه دايرين ليا داكشي ديال التعطية الصحية وراه غاتستافدي منها تا نتي
خديجة:ااه وااخاا ابنتي
أسيل:مم..ممااماا باقي عندي مانگوولك
خديجة:اوا گولي ابنتي الله يسمعنا خبار الخير
بسمة:😳أسيل شنو واقع
أسيل:ما..ما
خديجة:خلعتيني بلا ماتبقاي تفتفي أسيل شنو وااقع شنو درتي
أسيل:(عاونات ماماها حتا ناضتت هي وبسمة وداوها لبيتها تكاوها باش تنعس وبقاو متكيين حداها حتا داها النعاس وطفاو الضوو وخلاوها تنعس ومشاو رجعو للكوزينة يكملو عشاهم اما أسيل حطات يدها على حنكها وبقات كاتشوف فالطبسيل ساهية)
بسمة:مااالك
أسيل:واالو
بسمة:أسيل نحلف لك بلي مخبية شلا حوايج الا ماگلتيش ليا والله مانسمح لك
أسيل:عافاك ا بسمة ماضغطيش عليا هادشي راه غير حيت بابا مريض وكايموت
بسمة:متيقنة
أسيل:لحاجة فاش كدبت هي بلي انا عرفت غا ليوم كنت عارفة ولكن غير شي يوماين هادي
بسمة:وعلاش ماگلتيهاش
أسيل:بسمة راك عارفة بابا كيفاش كان راه والله انا تصدمت فراسي حيت سمحتليه ولكن رغه بصاح حالتو تقطع فالقلب
بسمة:فهمتك انا بنضري درتي واحد الحاجة لي زوينة بزاف بلا ماتبقاي حاقدة على باباك حيت هادشي غايأتر علك نتي أحسن حاجة درتي هي هادي ولكن أسيل علاش مصرة ماما خديجة دير دوك التحاليل وداكشي
أسيل:(هزات راسها بصدمة خافت تكون عاقت بيها وبالجرا بدات تقلب على شي كدبة تسلكها) حيبت حيبت (تنهدات)ملي دويت مع الطبيب گاليا هاد السرطان بان بوحدو فهمتي يعني فلول كان صحة سلام حتا طاح داكشي علاش وليت خايفة فهمتي
بسمة:عندك الحق ماتخافيش ماما خديجة ماغايكون بيها والو كملي عشاك دبا باش ترتاحي باينة فك هاد ليامات هازة هم كبير
أسيل:واخا😕(كملات أسيل عشاها غا بزز غسلو الماعن ومن بعد كولا واحد مشا ينعس أسيل دخلات لبيتها مهمومة شافت فراسها فلمراية بان ليها تحت عينيها كحل وشنايفها حالتهوم) اوف شوفي كيوليتي أسيل بحالا گالك ماماك راه غاتموت الطبيب گاليا كاين أمل يعني ماما ماغاتمووتش انا عاارفة ادن لاش وليت هكا ماعندي مناش نخاف( دارت أسيل واحد لپوماضة لتحت عينيها ومرطب لفمها ووجها ويديها ورجليها مهم من بعد مشات تكات باش تنعس وبدات كاتفكر شافت تيليفونها حداها وبدات تفكر هزاتو وبدات كاتكتب مساج لعلاء *سلام علاء سمحليا حيت سيفط لك هاد المساج فهاد الوقت مهم بغيت غير نگولك شكرا بزاف عارفاك غاتگول شبعتي شكرا من عندي ولكن بصاح وقفتك معايا عمري نساها وقلال لي غايدير معايا كيفما درتي شكرا بزاااف بغيت نعتادر لك فنفس الوقت حيت انا كنت غاالطة فك وماخليت ماگلت علك ولكن راك بصاح فلول كنتي متكبر دبا عاد عرفت كيفاش داير نتايا دبا فالحقيقة مهم سمحليا وشكرا بزاااف على وقفتك معايا والله أقل حاجة نگولها لك هي هادي* بقات كاتشوف فداك المساج تقراه وتعاود واش تسيفطو ولا ماتسيفطوش حارت فلخر قررات تسيفطو غمضات عينيها وسيفطاتو ملي وصل عاد تنادم معاها الحال شوية ولكن گالت لي عطا الله عطاه داكشي علاش حطات تيليفونها وغطات وجها ونعسات)
♡عند علاء الدين ♡
علاء:(كان گالس كايقرا فواحد الرواية حتا سمع تيليفونو هزو لعدم إهتمام وشاف غير بنص عين من بعد خرج عينيه وهو كايقرا سمية أسيل حط الرواية دغيا وبدا كايقرا من بعد تكا وهو كايقرا وراسم على وجهو إبتسامة حتا وصل الجزء فين كاتگوليه دافع كبير ومتكبر هو يغوبش وعقد حجبانو)😑ضروري تعااير هاد الهبيلة هاادي هههه مسطية (كمل مساج وقراه مرة خرا وفضل مايجاوبهاش حتا يشوفها ويهضر معاها فاص حط التيليفون مرة خرا وهز دك الرواية كمل القراية حتا ضروه عينيه ومشا حطها ورجع لناموسيتو تكا ونعس من بعد عدة ساعات صونا تيليفونو وناض دخل للحمام توضا وخرج صلا قيام الليل حتا سالا وجبد القرآن كايقرا حتا ودن الفجر وناض صلا ومن بعد رجع فحالو نعس...)
♡عند أسيل ♡
أسيل:(فاقت مع 7 ديال الصباح وهي كاترمش بعويناتها دخلات للحمام قضات حاجتها ودارت الروتين ديالها خرجات لبسات حوايجها ومن بعد مشات خرجات فيقات ماماها وفيقات بسمة ومشات كاتقاد الفطور حطاتو هي تخرج ماماها وبسمة لابسين حوايجهوم گلسو كايفطرو حتا سالاو وجمعو الماعن)
أسيل:(خرجو من الدار من بعد ماطفاو اليوطات وحيدو الپريزات وخرجو سورتو الدار هبطو فلاسانسوور وخرجو برا هوما يلقاو حمد كايتسناهوم ركبو وهوما غاديين في صمت لبوليكنينيك غير وصلو شكرو حمد وهبطو وهوما غاديين اما خديجة بدات الرعدة شاداها من صبعها الصغير دخلو ومشاو وبقاو غاديين للطاج لي فيه عمر غير وصلو قدام الشومبر دارت أسيل عند ماماها) ماما هناا نااعس واااش متأكدة تقدري تبدلي رأيك
خديجة:(حطات يدها على المقبط ديال الباب)دخلي ابنتي
أسيل:(حلات الباب ودخدات تبعاتها خديجة وهي سادة عينيها وبسمة اللور دخلو وسدو الباب موراهم خديجة شافت فعمر هي تصدم من حالتو كيف ولات باينة فه كايموت داوها رجليها تا لعندو اما أسيل بقات واقفة بعيد كااتشوف فيهم)
خديجة:(غادة بخوطات بطيئة تجاه الراجل لي خدا ليها حياتها بمعنى الكلمة مرضهاا تعدا عليها جرحها خانها دوزها عليها ضربها دوز عليها بزااف مشتت گلسات فوق الكرسي حداه وبقات كاتشوف فه شحال وأسيل واقفة بعيد شادة فبسمة متوترة)
عمر:(من بعد شوية فاق وبقا كايدور فراسو بزز تا حل عينيه ولقا خديجة قدامو اصحابو غير كايحام شحال من مرة غمض عينيه وعاود حلهوم تصدم وبقا كايشوف وهو كدلك جاتو الرعدة إحساس غريب) خخدييجة!!
خديجة:انا مساامحااك انا ويااك ماتشاركناش شيحاجة لي قليلة انا النهار لول بغيتك وسمحت فكولشي ونتا سمحتي فيا وماجيتش باش نتشفا فك درتي ليا بزاف ديال الحوايج شحال من مرة دعيت علك وإقدر ربي دبا كاينتااقم منك ولكن انا من عندي سمحت لك دنياا وآخرة وفرجانة حيت أسيل سمحات لك ونتمناا يكون واخا غير أمل صغير توقف على رجليك مرة خرا
عمر:من ديما كان قلبك كبير سمحيليا بزاف
خديجة:☺
أسيل:(بقات كاشتوف فماماها وباباها كايدويو من بعد عدة سنوات دموعها دازو بلا ماتحس حيت عارفة إقدر غاتخسرهوم بجوج دارت للجيهة لاخرة كاتشوف بعيد حتا سمعات باباها كايعيط عليها دارت عندو وهي كاتشوف شنو بغا يگوليها) نعاام اباابا
عمر:جيبي ليا ابنتي الپزطام ديالي راه فتما
أسيل:😳(مشات دغيا جابت الپزطام وبغات تعطيه ليه هو يگوليها تحلو وتجبد منو واحد التصويرة حلات الپزطام وجبدات التصويرة دوراتها وهي تصدم وبالجرا دموعها دازو وهي كاتشوف فالتصويرة عطاتها لماماها وهي كااتبكي)
خديجة:(شدات التصويرة وهي كاتشوف فأسيل غير شافتها هي تصدم وغرغرو عينيها فالبلاصة كانت تصويرتها هي وبنتها وهوما مصورين شي 12 عام من قبل بغات تهضر هو يقاطعها عمر)
عمر:ههه بغيتي تعرفي كيفاش جات لعندي نهار مشيتو تخرجو هاد التصاور كنت تابعكوم وحاضيكم غير من بعيد طلبت داك المصور من بعد ماعرف بلي مجوجين وعطاني التصويرة تخبية وخليتها عندي من تما وهي عندي عارف راسي غانبان ليك بحال شي واحد مسطي ولا عندي إنفصام الشخصية انا براسي ومافهمتش شنو كنت كاندير ولا علاش درت داكشي ولكن غير سمحوليا بجوجات دباا متيقن بلي غانموت مرتااح (شاف فبسمة لي كانت كاتسمح دموعها تخبية) اجي ابنتي
بسمة:كون هاني اعمي عمر انا ماما خديجة دايراها ماما وفوق راسي وأسيل راه ختي واخا مامزيودنيش من نفس الكرش😢
عمر:طهلاي فراسك ابنتي حتا نتي ولي فكرشك تاهو
بسمة:😢
أسيل:(ماقدراتش على داك الجو مزاال بالجرا خرجات من الشوومبر ومشات هبطات فالدروج بالجرا حتا وصلات للجردة وگلسات وطلقات العنان لدموعها كاتبكي حتا فشات قلبها وسمعات بسمة كاتصوني عليها عاد دخلات تاني ومشات عند الطبيب على قبل دوك التحاليل وداكشي كامل وخلصات عاد مشات عند ماماها لقاتهم قدام الشومبر) ماما خرجتو
أسيل:ماما بلا ماتجاحدي معايا واخا دبا اجي راه صافي كولشي مقاد
خديجة:واخا ابنتي صافي انا غادة
بسمة:انا غانمشي نشري شيحاجة ناكلها جاني الجوع
أسيل:واخا ا بسمة
¤في المستشفى ¤
♡عند اسيل و خديجة♡
اسيل: صافي ابسمة سيري متعطليش و من ترجعي اتلقاينا التحت في لابوراطوار ..لاكنت مزال تما خرجنا انصوني ليك ..
بسمة: وخا صافي ...انا مشيت (مشات بسمة خرجات بان ليها واحد سناك و مشات دوموندات على ماكلة و كلسات فوق واحد طبلة كتسناا يجيبو ليها الغذاء )
اسيل: يا الله اماما بشوية عليك ..
خديجة :يا الله
هبطات أسيل خديجة التحت في لابوراطوار ..كلساتها في جناح انتضار فوق واحد كرسي و عطاتها تشرب و طلعات ..مشات عند الطبيب و وصاتو باش ميكول والو و طلعات هي وياه..جات نوبة خديجة و دخلوها ممرضات خداو منها دم قريعات صغار ديال الدم سالاو ليها و طلعو الفوق في واحد الطابق تما كاين راديوهات و كاع الفحوصات لخاصها دار ...دخلات مع طبيب حشمانة ..و دار ليها فحوصات لازمة و خرجات فيها سخفة و هي مواكلاش بزاف...
أسيل: ماما كلسي هنا راك اطيحي و نتي فيك دوخة انا انهبط نجيب ليك شي حاجة تاكليها ..
خديجة: بلاش ابنتي غير يا الله نرجعو تا دار و ناكل ..
أسيل:لا اماما غادي تسخفي و لا شي حااجة ...غير كلسي هنا انا دغيا ارجع ..
خديجة:(بتعب)وخا ابنتي الله يرضي عليك..
هبطات اسيل دغيا بان ليها واحد مول الحانوت اونفاص مع كنينيك ..مشات عندو خذات عصير و ميرندينا و قرعة ديال الماء و رجعات عند ماماها طلعات و لقاتها كالسة في بلاصتها ...عطاتها تاكل و كلسات حداهاا كتفكر ..تا جا طبيب عيط ليها ..
طبيب: أسيل ..صافي غير سيرو دبا تحاليل ايخرجو غذا و رجعي ...
يوووسف:(خنزر فيها...بنضرة حادة) كلللسي الأرض كملي مااكلتك بعدا😠
بسمة: ولا مابغيتش 😕
يوسف: اتشووفي واحد يووسف واحد اخر 😊
بسمة: اه عندك 3 وجووه كولي كلشي غير جووج..
يوسف:(تعصب و غوتت 😠)بببببببسسمة
بسمة:(كاع متسوقات هبطات على ماكلتها كملتها و ناضت تحت الانضار ديالو خلصات مول المحلبة و خرجات تحت نضااارتو ...غير شاف ديك الكرش اما كان باغي ينوووض عيطيهاا واحد القتلة مدااايراش غير تاقا فيها وجه الله ...خرجات بسمة كتنفض في يديها ..جبدات تيلفونها لقات لزابيل من عند أسيل و هي تعيط ليها و مشات لقاتهوم واقفين حدا واحد شجرة و خديجة كالسة فوق واحد حجرة ...و اسيل واقففة على راسها...تا شافت بسمة قاطعة شانطي و كتزرب وصلات عندهوم كتنهج ...
اسيل: على سلامة فين كنتي بسلامة و تيلي مكتجاوبيش فيه ...
بسمة: را مسمعتوش تا من بعد و نعاود ليك ...دبا اش درتو نتوما ..
أسيل: اه سالينا ايخرجو تا غذا ..و يا الله دبا نمشي را ماما عيات ..را عيطت حمد ها هو جاي ...
بسمة: وخاا ..
جا حمد و ركبو في طاكسي 🚖 ورجعو الدار ...بدلو حوايجهوم و لبسو بيجاماتهوم ...و مشات أسيل كتجمع و بسمة كطيب الغذاء و كتخمم في يوسف لخرج ليها اليوم و كيفاش تبدل و دار لحية و تكلضم و كيفاااش زاد زياان بقات ساهية تا جات عندها اسيل شافتها ساهية و هي تقفزها ..
اسيل: وهيااااااااا فاش ساااهية ؟؟
بسمة:(قفزات) احح اويلي بشوية خلعتيني بكرة 😒
اسيل: فاش ساهية ..؟؟ بسلامة
بسمة: ليوم من مشيت محلبة كنفطر و انا كناكل مكنحس تا بداك يووسف كلس قدامي😑
اسيل: اويللي شكون😱
بسمة: شكوون في نضرك موصيبة حياتي من غير يووسف ..
أسيل: اممم موصيبة حيااتك ...كوليلي شتيه و نتي تلفتي و كنكول درية مالها ساهية و كوليلي الحب دارها😆
بسمة:(كانت هازة موس كتنقي خضرةة و هي ضور عند أسيل هزاتو في وجهها)🔪 أسيل بربي متقلبي علياا 6 ل9 يا تاندوزو ليوم في اخطر مجرمين ..
أسيل:😂😂 هانا غذااا بلا متعصبي نطل على ماما ..
بسمة : تلاحي😕
♡ عند البطل ديالنا♡
..ناض علاء كالعادة دوش 🚿 الحال بدا كيسخن و دخل ربيع .. لبس قميجة في كحل و سروال تجين خشا فيه قميجة و لبس فيست في كحل و صباطو ...دار ساعة ديالو في يدو ..مشط شعرو لور من بعد ماسرحو ...و قاد لحيتو بموس ديالها مزيان لحية كثيفة شوية و لكن ماشي بزااف عااطياه نور و جمال اكثر ..هز قرعة ديال الريحة رشها مزيان بنكهة المسك ...هبط و ريحتو سابقاه لقا العائلة مجمووعة كاملين على مائدة ديال فطور لاح سلام و كلس في بلاصتو كياكل بهدوء و لكن عائلة هاد المرة مجمعة ..و علاء كيتصنت هضرة ديالهوم بلا هضرة بلا جوج
اماني:(استغربات و حشمات) اه كاينة واحد الندوة في الرباط و بغيت نحضر ليها ..و انمشي دبا لاكار
علاء: اه و را مشاا عليك الحال يا الله نوصلك معايا ..
عائشة :اه😍
علاء دين : يا الله مشينا را غادي يمشي عليك تران ...
اماني: بلا منعذبك ..انشد طاكسي و نمشي ...
عائشة: اشمن عذااب ابنتي ..علاء ولدي كاين و تمشي في طاكسي حشومة ..
علاء: اه حشومة ..يا الله مكاين لا عذاب لا والو 😊
اماني:(بخجل ) وخا سمحلي نجيب تيلي ديالي و صاكي..
علاء: وخا انا كنتسنااك ...يا الله سمحولي الله يعاون ...
الكل : الله يعاون ..
علاء: اماني راني برا كنستناك ..
اماني: وخا 😊 ..طلعات اماني فوق بيت ضياف هزات صاكها و تيلفونها و قادات خمارها مزيان ...و هبطات استاذنات منهوم و خرجات و خلاتهوم كيهضرو و يضحكو بهمس..
عائشة : شفتو شحال مواتيين تبارك الله ..و الله مكرهنا نشوفوهوم تزوجو و دارو وليداتهوم منلقاو ما حسن من اماني لعلاء..
الحاج عبد الله: تا حنا منلقاو ماحسن لأماني بنتتا لعلاء دين تبارك الله اخلاق و راجل ...
عائشة : و انا هضرت معاه من هضرتو باليا معندو مانع تا هو باغي يدير دارو ..
امينة: و الله مكرهت اماني لخوياا😍
عبد الحفيض : ايوا الله يدير لفيها الخير ..
الكل : امين 😊
خرجات اماني لقات علاء كالس في لوطو و حاضي من زاج تا شافها خارجة ابتسم ليها و ردات عليه بابتسامة و ركبات حداه و دارت سمطة ...انطلق علاء في طريقو للكار ديال طران...كيضر مع اماني و كيسمعو قران ...تا سمع تيلفونو كيصوني ...هزو هو يلقا نمرة ديال أسيل ابتسم و دار ليزيات و حل الخط ..
علاء:سلام عليكوم و رحمة الله و بركاته ..
أسيل: و عليكوم سلام لبااس؟؟
علاء: حمد الله على كل حال و نتي؟
اسيل: لبااس حمد الله..
علاء: ديتي ماماك ..دارت تحاليل ؟؟
اسيل: اه درناهوم هاذ صباح مع دوك فوحوصات و مشات ماما طلات على بابا ..
علاء: وعرفات كلشي😮
أسيل: لا طبعااا صحابها مريض و صافي ..
علاء: أسيل كتغلطي ..😑
اسيل: علاء صافي مبغيتش نهضر في هاذ الموضوع تا يخرجو تحاليل و يحن الله ..
علاء: فوقاش غاذي يخرجو ؟
اسيل: غذاا ...ان شاء الله ...
علاء: ميكون غير الخير ..(وهو كيهضر مع اسيل و اماني حانية راسها كتصنت و كتكول في راسها شكون هاذ اسيل ..تا هضرات و هو باقي كيدوي مع أسيل)
اماني: علاء وخا تحل شرجم شوية ..
علاء: (دار عندها) راه تما بركي و غادي يهبط ..
اماني: وخا شكرا ..
علاء: العفو ..الو اسيل باقا معاية ..
أسيل: لا رد
علاء:(بحنان) اسيل؟؟
أسيل: علاء بنتي ليا مشغول دبا من بعد و نهضرو انقطع دبا بسمة كتعيط ليا طيط طيط (قطعات ) و ناضت مصدومة و هي سمعات صوت ديال بنت حداه ..و بقات كتفكر شكون تكون هذي ...بقا غادة جاية في بيتها تا سمعات بسمة كتعيط ليها و مشات عندها ...
اما علاء مشا وصل اماني لكار و تسناها تا جا تران ديالها عاد مشا رجع خدمتو و ليوم جمعة كيحل تا 11 حل و دخل بدا خدمتو تا قرب ياذن ضهر و سد و مشا جامع صلا صلاة الجمعة و مشا فيلا تغذا و تكا شوية عاد ناض رجع خدمتو و كمل عشية ديالو عادي و أسيل تا هي كتفكر التحاليل ديال ماماها و في علاء و في كلشي مخلط عليهاا ..
جا صباح جديد مليئ بالمفجئات عند الأبطال ديالنا ..
♡ عند اسيل♡
فاقت اسيل صباح بكري دخلات حمام قضات غراضها و خرجات لبسات كيطمة ربيعية نايك في كحل و غوز و جمعات شعرها كوتشوفال و ذهنات وجهها ذغيا و مدارت والو بزربة و باغا تعرف تحاليل اش فيهوم شدات طاكسي من حدا باب العمارة و مشات نيشان كنينيك غير وصلات طلعات كتجري عند طبيب دقات و دخلات لقاتو كيتسنااها ..كلسات حداه كترعد ...وهو براسو متوتر حل التحاليل و قراهوم عليها و بدا كيشرح ليها وشافها كيفاش كتشوف فيه ...عينيها كيبريو و كدعي في نفسهاا بقات فيه و ملقا تا حال من غير يكوليها راكين واحد أمل باش يطمانها مقدرش يكوليها را ماماك مابقا ليها والو و تمشي و تخليك..أسيل عينوها دمعووو بدات تنقز و كتردد كلمة حمد الله و كتكول كنت عارفة كاين أمل ...سلمات على الدكتوور و هي مبتسمة شكراتو و خرجات...غير خرجات و شد راسو بين يديه و دمعة هبطات من عينيه...هبطات كتجري غادة خارجة تا كتشوف علاء هابط من طوبليتو و جاي جيهتهاا و مشات كتجري فرحانة بغات تعنقو و هي تفكر و رجعات جوج خطوات لور ..
♡عند علاء♡
فاق علاء و دخل دوش غسل وجهو و قضا حاجتو غسل سنانو و خرج لبس حوايجو كالعادة و مشط شعرو لور رش ريحتو و لبس ساعتو في يدو و هبط فطر مع العائلة كالعادة سالا فطورو و استاذن و خرج ركب في لوطو وجهتو نيشان كينيك يشووف اسيل عارفها غادي تكون في وضع يرثى له بقا غادي بسرعة على غير عادتو باغي دغيا يوصل عندها ...وصل حدا كنينيك بلاصة طونوبليتو و هبط غادي يقطع شانطي تا كتبان ليه اسيل هابطة كتجري في دروج جاية في اتجاه ديالو و العكس باين عليها فرحااانة و عينيها كيلمعو وابتسامة في وجهها ما حس تا لقاها قدامو كضحك ..
أسيل:كييف كاتسمع حمد الله عرفتي انا غاندير المستحييل باش تبرا ماما هادشي غايخطصو الفلوس بزاااف اشباالك نبيع الدار لي خلا ليا بابا ونزيد عليهم هادوك لي عندي ونبيع الطونوبيل مهم تبرا ماما
علااء:أسيل واش نتي متيقنة من هادشي
أسيل:😒معلووم هادشي لي گاليا الطبيب
علااء:واخا صبري اجي معايا
أسيل:علاااش
علاء:غارجعو عند الطبيب
أسيل:😡لا راه هضرت معاه ماكاين لاش نعاودو الهضرة شحال من مرة صافي مااالك انا دبا فرحانة ماغانسمعش منك
علاء:واخا شفتي باباك ليوم؟
أسيل:😮لااا
علاء:واخا اوا اجي نشوفوه واخا
أسيل:واخا صاافي ماشي مشكل
علاء:(فنفسو {{هاد الطبيب تايضحك عليها شنو زعما باغي يكشطها ولا كيفاش انا غانفهم منو كولشي دبا}} مشا علاء وأسيل قدامو كاتعبر وهي فرحانة ودور دور تبقا تحمد الله دخلو ومشاو للطاج ديال لي فه عمر خلاها حتا دخلات وگاليها غايمشي اجيب شيحاجة يشربها ومشا للبيرو ديال الطبيب دق حتا سمع الادن ومشا دخل هو يگلس وبقا كايشوف فالطبيب)
الطبيب:وي مووسيو كاينة شيحاجة
علاء:فيناهيا المصدااقية دياللك علاش عطيتيها أمل ونتا عارف بلي هادشي ماكاينش وهاد المرض ماعندو تا علاج مالك كاتكدب عليها شنو زعما بغيتي تستااغلهاا
الطبيب:اناا ماكانش فقصدي داكشي
علاء:وااش قصتي واش عارف دبا هاد الامل لي عطيتيها غايدمرها من بعد ماتعرف بلي هادشي غير كدووب
الطبيب:😔سمحليا ولكن راك شفتيها نتا بعينيك كيفاش بغيتيني ندمرها انا خدام فهاد الخدمة كتر من 15 عام ولكن عمري شفت شي وحدة فحياتي بحالها الطريقة باش شافت فيا بحالا كاطلبني نكدب عليها ماقديتش نگوليها راه ماماك مابقاش ليها بزاف والجسد ديالها بدا كايتكال من الڤيروس سمحليا ولكن ماقدييتش
علاء:هاد الامل الزائف لي عطيتيها راه غير كاضحك عليها
الطبيب:شنو المطلوب مني دبا
علاء:غانجيبها دبا ونتا غادي تصارحها باراكة ماتكدب عليها
الطبيب:😔واخا صافي
علاء:(مشا علاء خرج وهو براسو ماعارفش كيفا اقنعها تشوف الطبيب ولا تهضر معاه مزال وهي ماتيقات سمعات دك الخبار لي خلاتها طير من الفرحة بقا كايتنهد على الحالة لي غاتكون فيها من بعد ماغاتسمعو بقا غادي كايجر رجليه ببطئ حتا دخل عندها سلم على عمر ومشا قرب لأسيل) أسيل تكلمي للطبيب بغا يهضر معاك على باباك
أسيل:😳علاش شنو كاين
علاء:ماعرفتش غير كنت جاي وتلقا ليا وگالها ليا
أسيل:بابا انا جاية واحد الشوية
عمر:واخا ابنتي
علاء:(تبع أسيل في هدوء فضل باش يكدب عليها مابغاهاش تشك فشيحاجة حتا تمشي عند الطبيب هو يهضر معاها داكشي لي دارو دخلو للبيرو ديال الطبيب من بعد ماستأذنو ومشاو گلسو بجوج وعلاء كايشوف فأسيل كايتسناا يشوف ردة فعلها بدا الطبيب هضرتو)
الطبيب:بنتي انا قبيلة ملي گلتليك ماماك عندها أمل....
أسيل:(قاطعاتو)كيفاش ماما اشجااب ماما لهضرة
الطبيب:سمعيني ابنتي تانكمل هضرتي واخا
أسيل:😳
علاء:أسييل عافاك سمعيييه
الطبيب:مهم (تنهد) بنتي كانضن راه فايت قريتي على هاد المرض وراكي عارفة ماعندوش علااج نهائيا قبيلة ماقدرتش نگولها لك ماقديتش نصدمك بهاد الخبار ولكن موسيو علاء ردني لعقلي وداكشي لي درت مافيهش مصداقية او احترام للخدمة ديالي سمحيليا ابنتي ولكن هاد المرض ماعندو تا علااج نهائيا (حدر راسو) ماماك مابقاش ليها بزاق ربي كتب عليها هادشي انا ماغانقدرش نحدد واش شهر شهرين 3 لي غاتعيش حيت الله بوحدو لي عارف هادشي ولكن ماماك بصاح مابقاء بزاف و التحاليل كايبينو بلي الفيروس بدا كاياكل فالجسد ديالها والتحاليل كاتگول بلي عندها تقريبا 6 أشهر كحد أقصى
أسيل:(مصدومة كاتشوف فيه مانطقات بوالو شافت فعلاء وعاودات شافت فالطبيب حدرات راسها وهي طلق واحد الضحكة) ههههههه😂 ضحكتيني
علاء:😳
أسيل:ههه علاء نتا لي گلتي ليه يگول ليا هادشي واش عارف هادءي مافيهش الضحك انا قبيلة گاليا كاين أمل ودبا كايگول 6 شهور😂 هههه ناري بزااف عارفة راسي محترفة فالكدوب ولكن فهادي فتيني ولكن بصاح هادشي مافيهش الضحك ههه(ناضتت وهي مزالا كاضحك)
علاء:(ناض وقف تا هو كايشوف فالطبيب بصدمة من هاد ردة الفعل لي دارت) 😨أسيل الطبيب ماكايضحكش راه بصااح
أسيل:سسسسكت بااارااكة😡(شيرات بصبعها لطبيب) نتااا گلتي لياا ماما عندهاا أمل ونتااااا گلتي بغا يهضر معايا على بابا يعني باراكة من الكدووب باارااكة
علاء:أسييل سمعي راه انا غير گلت هكاك باش تجي معايا
أسيل:سسكت نتاا غير كاتكدب وماما غاتعييش أعوااام فهمتي😡نتاا غير كاتكدب فهمتي كاااتكدب مااغااانتيقكوومش يااك نتااا كاتعرف فالديين وكاتعرف بينك وبين الله علااااش كاتكدب مااتكدبش
علاء:أسيل ماكانكدبش 😡وراك قاارية وكاتقراي الطب هااانتي هااكي شوفي بعينيك
الطبيب:(مد ورقة التحاليل لأسيل)
أسيل:(بدات كاتوتر وكاتحاول تمالك الاعصاب ديالها شدات الوراق وهي كاترعد فتحاتهم وبدات كاتقرا وهي مصدومة طاحو دموعها بلا ماتحس مابقا عندها تاشي أمل باش تنكر صافي الحقيقة قدامها باينة قدها قداش)دباا انااا ماااماا غاتموووت😢
علاء:أسيل تهدني
الطبيب:سمحيليا ابنتي الغالب الله هادا هو المكتااب
أسيل:مكتتااااب مااامااا اناا مااامااا😢شنوو داارت حتااا يكون هادا هو المكتاااااب ديااالهااا علاااش هاادشي انااا هي هي مادارت والو اناا لي درت هاااديك ليي دااارت اناا (بدا فمها كايترعد بالاعصاب وعينيها تقلبو ماحسات حتا طاحت على طولتها مغيبة)
علاء:(بدا كايقرب ليها وهو كايشوف حالتها كيف ولات والهضرة كاتخرج مقطعة شاف عينيها تقلبو عرفها غاطيح مشا عندها بالجرا ولكن طاحت قبل مايوصل عندها مشا بالجرا عندها)أسيييل فيييقيي😳 (شاف فالطبيب) عتقهاا دغياااا
علاء:(تلف كايشوف فأسيل فالارض تردد للحظات ولكن من بعد هزها دغيا بين يديه خرج من البيرو كايشوف والطبيب تابعو من اللور جاو شي فراملية جارين هاديك *الحمالة نسيت شنو سميتها بالداريجة* حطها علاء ومشاو جارينها وهو تابعهوم حتا دخلوها لواحد الشومبر) اووف ا أسيل هاد الوقت خاصك تكووني قوية وترضاي بلي كتب لك الله (گلس علاء فوق واحد الكرسي وبقا كايتسنا حتا خرج عندو الطبيب گاليه راه غير الضغط ديالها لي طلع وديجا ماواكلة والو وهادشي لي سمعات كمل عليها من بعد عدة دقائق فاقت أسيل وعلاء علموه بلي فاقت جاب ليها ماتاكل ودخل عندها) أسيل جبت لك ماتاكلي
أسيل:(الدموع غير دايزين ومابغاتش تشوف فعلاء) مابغيتش ماعندو منين ادوز
علاء:أسيل رااك مريضة بلا ماتعاندي معايا كوولي
أسيل:😢كون سمعتي ماماك غاتموت كانت غاتبقا عندك الشهية ديال شيحاجة
علاء:(مشا گلس حداها فواحد الكرسي) أسيل خاصك تعرفي بلي هادشي لي مكتب عليكم الله فهمتي
أسيل:مااماا ماتتستاااهلش والله ماتستاااهل هي عمرها آدات شي حد فحاايتهاا😢حتا بابا تعدا عليها وهلكها وكولشي وسمحات له ماما ماتستااهلش والله ماتستاااهل
علاء:أسيل فهمي الله لا يبتلي عبدا الا إذا أحبه وماماك ماغاتشوف غي لي مكتاب لييها وخاصك تصبري
أسيل:عطيني تيليفوني عافاك
علاء:واخا هاكي وكولي بعدا
أسيل:واخا (عطاها تيليفونها وخداتو سيفطات لبسمة باش ماتخلعش عليها وكدلك سيفطات لعلي من بعد وتعرفو علاش كلات شوية غير باش مايبقاش ابرزطها علاء غير سالات هي تكا)علاء بغيتك طلق ليا القرآن ملي كانسمعو كارتاح
علاء:واخا (طلق ليها علاء القرآن من تيليفونو وبقا كايشوف فيها اما هي داتها الغمضة كاترتاح وهي كاتسمع للقرآن ودمعتها دايزة من بعد عدة ساعات فاقت أسيل مالقاتش علاء حداها حيدات الخيوط ديال السيروم من يديها هزات تيليفونها وقلباتو لقات علي جاوبها غمضات عينيها وهي ناوية على خزيت لبسات صندالتها ومشات خرجات هبطات فالدروج وعينيها عامرين حقد خرجات برا الكنينيك وبقات كاتقلب بعينيها حتا بان ليها علي فلوطو ديالو كايشير ليها من بعيد مشات عندو بالجرا قطعات الشانطي ومشات ركبات) علي تحرك دبااا
علي:بلاتي لفيين؟؟! سلام بعذا
أسيل:من بعد دبا محتاجاك تعاوني وبلا ماتسول فهمتي
علي:واخا انا غانعاونك نشوفو هادشي فين غايخرجنا
أسيل:(كاتشوف فالشرجم وساهية وكاتفكر الحوار لي سمعات)
#Flash_βαck
علاء:(طالق القرآن ومركز معاه حتا تقطع صوتو وبدا التيليفون كايصوني هزو دغيا وشاف لاپيل ديال صاحبو سفيان طل على أسيل لي كانت باينة فيها ناعسة هو يجاوب) الوو السلام عليكم سفياان صااڤا
......:بيخير ونتا مالين الدار
علاء:بيخير سول فك الخير
.......:مهم علاء انا عندي مانگولك راه هاديك المرا حنان راه طلقنا سراحها
علاء:علااااش اصااحبي نتاا عااارف شنو دارت
......:ااه عارف ولكن هي ماعتارفاتش وماعندنا تا دليل ضدها وراه شديناها عندنا الليلة لي فاتت وهادشي راه ضد القانون خاصنا شي دليل الهضرة ماعندها باش تنفعنا
علاء:اودي😕 صافي واخا انا غانشوف شنو ندير
......:علاء ماديرش شيحاجة لي تندم عليها
علاء:كون هاني (قطع علاء مع سفيان وبدا كايفكر شنو يدير أسيل لا ساقت الخبار غاتزيد تأزم داكشي علاش طاحت عله واحد الفكرة ناض جمع الوقفة ومشا خرج هبط بالجرا فالدروج ومشا خرج من الكنينيك مشا لوطو ديالو ركب والوجهة ديالو مجهولة)
🔙#الى_الحاضر
أسيل:(هاد الحوار كامل داز على مسامعها حيت مزال مانعسات من بعد ما عرفات بلي القانون ماغاياخدش ليها حقها قررات تاخد حقها بيديها)
الساقطة و الملتزم الجزء العاشر
محتوى القصة
التنقل بين الأجزاء