أسيل:(خرجات من البيرو هي والضابط ركبو فالطونوبيل ديال البوليس والسطافيط تابعاهم من اللور وأسيل كاتحسب بالدقاايق ايمتا غادي توصل وتشد حنان وأخيرا وصلو قدام الدار والصوت ديال السطافيط خلا كولشي يخرج كايستفسر ولي كان لداخل خرج لبرا هبطات أسيل هي تلاقا مع علاء نيشان خارج باش يشوف شنو وقع تصدم مني لقا أسيل قدامو)
أسيل:😨أسيل شنووو واقع سفيااان
سفيان:(من بعد ما عطا الاشارة للبوليس يشدو حنان لي كانت مخلوعة وخرجات كاتجري شدو حنان وأسيل فرحانة) حنان بنت عباس نتي متهمة بقتل الزوج ديالك وعنددنا دليل ضدك صوتك ونتي كاتهضري
حنان:ماايمكنش
علاء:كييفاش واش تسجيل؟!!
سفيان:ااه علاء واش سجلتي شي تسجيل ديالك ونتا كاتهضر معاها على الجريمة ديالها
علاء:(جاتو اللقوة ماعرف مايگوول شكون گالها له وشكونوصلها له)
أسيل:الكدااابة هي موووك😡 اصحاابلك غاتفلتيي منها والله لل سكت لك انا بعدااا وهانتي كاتشووفي ااه راه ماعطا التسجيل لتا حد انا لي خديتو رااسي ماعطااهش ليا هو ودبا نتي غاتمشي للحبس المجرمة
أسيل:شووف هاهوا علاء دبا يعتاارف لك بكولشي يااك نتا لي سجلتي الڤووكال ااه ولا لا
علاااء:أسيييييل😤
أسيل:واش اع ولا لا ياك نتا ماكاتكدبش وكاتعرف بينك وبين الله اوا هضر نتا لي سجلتيه ولا لا
علاء:(حطاتو أمام الامر الوااقع حدر راسو هو يهضر) ااه انا لي سجلتو
سفيان:واخا ديييوهااا دبااا فين ترباا
حنان:الكدااااااابة هي هي حرقااتني وشوطاااتني تا هي خااصها دخل الحبس
أسيل:وااايلي انا قستك اييمتاااا انا من نهار السبييطار مااشفتك وزاايدوون كون بصااح شوطتك كنتي غااديعييني ياك وقع هادشي شحال هاادي اوا راه كنتي غادعييني ولا لا
حنان:ولكن انااا رااه تاافقت معااه والله تا هي شوطااتني
سفيان:سدي فمك دييوهااا من هنااا (مشا قرب حدا علاء وأسيل تابعاه من اللور) علاء عندك التسجيل ومااجبتيهش لعندي راه هادشي كايتسما تضليل العداالة اصااحبي عارفك مافيكش هاد الخصاايل
علاء:(كايغلي من الداخل)ااه ماافيااش ولكن كاينين فشي وحدين خرين...
أسيل:(قاطعات سفيان) لا لا لعكس هو ماضلل ماشمش راه غير ليوم سجلنا التسجيل ديالها وحيت علاء گال كاينة الموت وداكشي حشم وفضل يخلي حتا يدوزو هاد الاجواء ولكن انا ماقدرتش غير شديت التسجيل وجيت كانطير لعندك مابغيتهاش تبقا هنا وبغيت كولشي يعرفها على حقيقتها وحنا كانودعو بابا بسبابها مابغيتهاش تبقا هناايا مزاال
أسيل:(تبعاتهم من اللور كاتبتاسم براحة واخيرا هاديك المجرمة غادخل للحبس وترجع لبلاصتها ركب سفيان كايسوگ وعلاء حدا وأسيل اللور بقات كاتفكر وكاتبتاسم بشر😈 حتا تفكرات علاء شافت فلمرااية وهي تلقا عينين كبار حاضيينها ومخنزرين تخلعات كان علاء لي كايخنزر فيها فالمراية بلا مايعيق ولكن ردة فعل طبيعية دغيا حدرات عينيها متوترة خلعها بشوفاتو اما هو ملي عاق براسو حدر راسو كايشوف بعيد من بعد ما وصلو للكوميسارية مشاو نيشان لبيرو ديال سفيان وتما خدا الاقوال ديالهم بجوج وعلاء بلا خااطرو كان بزز عله يگر بلي هو لي سجل داك الڤوكال وأسيل كدلك من بعد ما خرجات أسيل وسفيان مشاو عند علاء وأسيل كاتشوف فعلاء غير بنص عين)
سفيان:المهم دبا راهم علموني بلي حنان عتارفات ليهم طبعا من بعد مانكرات شحال ولكن راه عتارفات فلخر شرط نوفرو ليها الحماية فالحبس هادا هو الشرط ديالها باينة عندها عداوات بزاف لمهم تقدرو تمشيو دبا ولكن علاء شوف اصاحبي هاد المرة لاكان عندك شي دليل ماتخبيهش راه هادشي ضد القانون
أسيل:(نقزات) اااه راه الادلة خااص ديييما نعطييوهم للبوليس باش يديرو خدمتهووم👀
علاء:(هز راسو بالجرا وبقا كايخنزر فيها) 😠
أسيل:🙊
سفيان:مهم تقدرو تمشيو دبا علاء طهلا وسلم على مالين الدار
علاء:ان شاء الله (شاف فأسيل ودار ليها براسو زعما تبعيني وتحرك اما أسيل تبعاتو من اللور وهي ساكتة باينة مزبلااهاا معاه ولكن كولشي يهون عندها ملي تشوف دك حنان فالحبس خرجو من الكوميسارية وهوما ماكايهضروش مع بعضياتهم وعلاء كاعي لأبعد الحدود كايتمشا دغيا وأسيل ماكاتقدرش تمشا بنفس الريتم وكايبقا يوقف حتا تلحق عله حيت كايخليها اللور بقاو غاديين حتا دازت واحد الطاكسي وقفوها وعلاء حل الباب ديال اللور لأسيل وهو كايشوف بعيد دخلات گلسات سد عليها الباب ومشا هو گلس القدااام عطا لادريسة لمول الطاكسي)
أسيل:(گالسة اللور مكمشة فبلاصتها وكاتشوف فعلاء من المراية وهو كايشوف بعيد مامزكش ليها ولكن باينة فه معصب گالس وعاقد حجبانو بغات تهضر معاه وماقدراتش خايفة من ردة الفعل ديالو ولكن تشجعات وهي تعيط عله) علااااء!!
علاء:(دار لعندها وخنزر فيها)😠
أسيل:(جمعات فمها وحدرات رااسها وكادوي فخاطرها) ناري ناري قوتها باينة غايقتلني ناري ناري تا انا ماكانحشمش ماعرفت گاع شنو گلت كاامل قبيلة نااري فمي كاياكلني اويلي خاص هاد الفم التهراس ولكن ماشي مشكل كون بقيت معولة عله كون دك القحبة باقي كاتساارا تما فرحانة مزيانة فمها😈(بقات كادوي مع راسها وتعاير فحنان وتشوف فعلاء تا كلاها فمها تاني وهي تعيط عله مرة تانية) علاااء!!
علاء:(غمض عينيه بعصبية وهي ماسكتااااتش عاودات عيطات عله شي لي خلاه يفقد أعصاابو وداار عندها بالجهد) مااانسمععش حسسك😡
أسيل:(تصدمات وحشمات حيت قمعها قدام مول الطاكسي ربعات يديها وسدات فمها هاد المرة وصلهوم الطاكسي حدا البنية لي قدام الدار غير وقف الطاكسي وهي تهبط بالجرا خلات علاء)
علاء:(بقا كايشوف فيها حل الباب وجبد پزطامو عطا له 20 درهم وبغا يخرج وهو يحط مول الطاكسي يدو على كتف علاء كان راجل كبير فالعمر)
مول الطاكسي:ولدي بغيت غير نگوولك بلي اي جوج مجوجين كايكونو بيناتهم المشاكل من حقك تعصب منها ولكن راه البنت باينة فيها باقي صغيرة ودبا بالتصرف ديال قبيلة راك حرجتيها العيالات اولدي كبار ولا صغار راهم كاملين بحال بحال ونتا اولدي بعقلك غير سلك معاها حتا يحن الله وحاول هادشي مايأترش على علاقتكم من هنا للقدام ومايعيق حتا واحد بلي عندكوم مشاااكل فهمتي سمحليا حيت دخلت فشيحاجة ماكاتخصنيش
علاء:ماشي مشكل اعمي شكرااا ☺(مشا علاء خرج وهو نوعا ما بردو أعصابو شوية من بعد الكلام ديال الراجل رجع علاء للداخل هو يتلاقا ب علي وهو جاي عندو قاصدو)
علي:علاء شنوووو وقع جيت هنا گالو كانو البوليس مافهمت والو شنو وقع
علاء:علي الله يرحم الواليدين قيلني علك هاد الساعة راني معصب بغيت نبقا بوحدي
أسيل:(خرجات من الطاكسي وهي حاسة بالاحراج خصوصا علاء قمعها قدام مول الطاكسي مارضاتش غير وقف الطاكسي خرجات وخلاتو قبل ماتگول شي حاجة لي تزبلها بيها كتر من هكا تلاقات بعلي ماعطاتوء وقت دخلات الداخل مقندشة والعيالات كايشوفو فيها شافتها بسمة هي تلحق عليها لبيت كاتجري بغات تعرف شنو وااقع كامل بلا خبارها وخديجة كدلك لحقات عليهم من بعد ما سمعات العيالات كايگوولو بلي جات)
أسيل:(مشات دخلات لواحد البيت الاه بغات تسد الباب هي دخل بسمة وتبعاتها خديجة) 😳
بسمة:(كاتسد الباب) جيتي اوا دبا گووولي ليينا شنو واقع راه مابقينا فاهمين والو
أسيل:مهم انا مشيت (مشات أسيل خرجات هي تلقا علي واقف مع واحد الراجل ومشات عندو نيشان وقفات عله وقاستو فكتفو هو يدور عندها) علي مسالي محتاجاك علي:(دار عند داك الراجل وگاليه من بعد ودار عندها تاني) أسيل وي فاش محتاجاني
علي:اااه وااخاا شوفي اشبالك نمشي معاك ونديك فيما بغيتي انا
أسيل:صراحة حسن ولكن الا ماكنتش غانبرزطك علي:لا ماكاين لا تبرزيط لا والو اويلي أسييل وتبرزطني انا مايمكنش
أسيل:عنييبة زيد زيد راني عيانة وكايضرني راسي علي:ااه دبا بردتي گوليليا شنو وقع هناايا
أسيل:والو درت لي خاصو يدار وصافي دخلت دك القحبة للحبس وصااحبك ماعجبوش الحال حيت گاليك عطا الكلمة وانا مالي يعطي كلمة ولا خرية هادشي مافيهش الكلمة عالاقل يدير ليا إعتبار انااياا ييخ گالك الكلمة وانا باش غانحس الكلمة ولا الزبل
علي:مافهمت والو😥
أسيل:بلااش تحرك وصلني غانشرح لك فالطريق غير تحرك
علي:اوووكي زيدي
أسيل:(مشات تابعاه ومشاو ركبو فلوطو ديالو من بعد ماجابها من كنينيك)
علاء:(واقف مخنزر كايشوف فيهم غاديين سمع كول كلمة تگاالت فهاد الحوار لي داز قدامو وهو كان خارج يشوف علي شنو دار مع إسماعيل هو معصب وزاد تعصب وفنفس الوقت واحد الاحساس صغير لداخل ديالو كايحاول يتفهمها ولكن العصبية ديالو متحكمة فه دبا دخل لداخل حاني راسو كاعي كاضور له 100 فكرة فالراس حتا قاس شي حد بكتفو دار باش يعتادر هو يلقا خديجة مامات أسيل) سمحيليا اخاالتي ماقصتش
خديجة:ماشي مشكل اولدي اجي نتاا لي كنتي معانا فكنينيك يااك اولدي الله يكتر خيرك اولدي على هاد الوقفة لي وقفتي معانا الله يرضي علك وسمحلينا برزطنااك وصدعناك على خدمتك سمحلينا
علاء:لا اخالتي ماتگووليش هاد الهضرة ماكاين لا صدااع لا والو اي حاجة حتاجيتوها انا معاكم
خديجة:الله يرضي علك اولدي الله يحفضك لواليديك (جات عندها واحد المرا كاتسولها وهي تمشي معاها) علاء:(كايهضر فخاطرو) بصااح كييفما گاالت أسييل ماتستااهلش غير من هضرتها باينة فيها الله يعمرها دار ماتستاااهلش وأسيل عبرات على هااديك حيت تستااهل داك المصيير ولكن الطريق لي خداات كان غااالط😡ردااتني حمااار انااا!! ماغاتبقاااش فك ا أسيييل.....
♡عند البطلة ديالنا ♡
أسيل:اوا هادشي لي وقع فهمتي دبا
علي:دبا مني كانشوف من نااحيتك عندك الحق ويلا شفت من ناحية علاء تا هو عندو الحق
أسيل:ييخ دكرنا السمن والعسل ماتجبدش حسوو صافي دبا سد عليا هاد الموضوع ييخ (دورات راسها كاتشوف فالشرجم بإنزعاج اما علي بدا كايگول لا حول ولا قوة الا بالله وصلو قدام العمارة هبطات أسيل وعلي بقا كايتسناها اما أسيل طلعات فالدروج ومشات لدارهم حلات الباب وسداتو دخلات لبيت ماماها جبدات پيجامة ديالها حطاتها فپلاستيكة ومشات دخلات للبيت ديال بسمة خدات ليها پيجامتها تاهي وأسيل دخلات لبيتها مسحات ميكاپ لي كانت دايرة ولبسات حوايج مناسبين كتر للگنازة ودات معاها پيجامتها تاهي سدات الدار ورجعات مع علي مرة خرا داها للدار لاخرة رجعها...وصلات مع الغذاء لقاتهوم كيحطو الغذاء سكسكو هبطات بزربة دخلات لقات ماماها متكية و حداها بسمة ..عطاتهوم داكشي لغادي يلبسو و دخلو بدلو واسيل بقات بجلابية ديالها ليلباساات في الكحل و لايحة عليها شال في كحل و نص شعرها كيبان...تحطو قسرياات ديال سكسكو (تشهيت سكسكو ديال موتة😢) ..فوق الطبالي و الجيران وولادهوم تجمعو تا هما كلشي كيااكل ..أسيل واقفة قدام بابهوم كتخمم ..خديجة و بسمة كياكلو لداخل ...جمعو الطبالي غير الجيران السرباية غادي يجيو تا الليل...علاء مع الرجال كلا شوية و صافي و ناض لا هو لا علي و خرجو برا ..علاء مشا طونوبيلتو و كلس تكااا شوية داز الصبااح متعب بالنسبة ليه ..و باقي تابعهوم شحال من حاجة ها المراسيم الدفن ها الروينة ...أسيل بقات كضور عينيها بغات تشوفو والو مبانش ليها ...تا جات عندها بسمة ..
بسمة: أسيل متغذيتيش؟؟
أسيل: مافياش اختي ...خاص هاذ الروينة تجمع و كلشي يكون هو هذاك ...(تنهدات )شوية ايجيبوه ..
بسمة: مسكين الله يرحمو ..😣
أسيل: امين امين ..اجي مبانش ليك علاء؟
بسمة:قبيلة شتو غادي جيهة ديال طونوبيل ديالو ..
أسيل: وخا انا انمشي نشوفو 👀
مشات أسيل الجيهة فين كاينة طونوبيلة علاء و بان ليها مكتي و راد راسو لور و مغمض عينيه ..غادة بشوية و مترددة واش تمشي عندو زعمات و مشات الجيهة فين كالس و دقات عليه في الشرجم ...
أسيل: علاء فتح ...
علاء:(حل عينيه هز راسو دورو و هي تبان ليه أسيل ..خنزر فيها و رجع تكا ...كاع متسوق ليها ..غمض عينيه )
أسيل: ...شوووفي ليك المتكبر لااااخور(كدق) و بناااادم فتح ندويو 😠
علاء: سمع غواتها ودقان لكدق في شرجم ناض صاااعر عليها ..حل باب بالجهد و هبط وقف عليها ...
علاء: مالنا منخاااافوش 😠😠😠 اش بااغااا ...
أسيل: (تخلعات) بغيت ندوي معاك ضروري..
علاء: و انا ماباغيش ندوي معاااك😡😡 سيري قلبي عليا ..
أسيل: ياااك😣😣
علاء: اييه
♡عند الملتزم ديالنااا و الشريرة 😈♡
أسيل: ياااك😣😣😣
علاء: اييه..
أسيل: و عقل ديرها فين تجيك ...(ضربات الضورة و رجعات بحاالها و هاذي ثاني قمعة خذاتها من عندو ..تعصبات و زيراات علي يديها و مشات كتزدح في رجليها مع الأرض..)
علاء بقا متبع ليها العين تاشافها دخلات للدار ..جا عندو علي و خبرو لي الرجال والجيران واجدين ...ركب مع شي وحدين و شي وحدين مع علي و مشاو نيشان كنينيك ...غسلوه في كنينيك و كلشي داروه في كفن و الصندوق وكمل علاء الاجراءات كاملين و هزوه في نقل الأموات و ركبو معاه جوج رجال حدا الشيفور و علاء من موراهوم داوه نيشان لدار لقاو العيالات مجموعين برا ها لكيبكي ها لشاد راسو اسيل معنقة ماماها و بسمة تا هي من الجنب وصلات نقل الاموات وجبدو صندوق ودخلوه الدار بيت خديجة و دخلو الجيران الصالة ...أسيل مقدارتش تقرب جاتها الرعدة بخصوص من شافت صندوق و نقل الاموات صافي ركابيها فشلو ...كلس واحد نص ساعة في دارو و خرجوه ثاني مع اقتراب صلاة العصر ..و أسيل طلقات ثاني دموعها و خديجة كتبكي و كترعد و كتنوح عليه ..كاع داكشي لعاااشت معاه كيبقى حبها الأول و لواجهات عائلتها على قبلو و خذات سخطهوم...ضحات على قبلو..وخا عذبها كيبقى هو السبب لخلا أسيل تجي بنتها لعندها هي حياتها كلها ..داوه علاء ركب في طونوبيلتو و علي تا هو و ركبو معاهوم البعض ..و مشاو لوخرين في كاميو كبير و صغير ...داوه الجامع مع العصر و صلاو عليه صلاة الجنازة و خرجوه نيشان المقبرة ولاد وجيه (منطقة في قنيطرة ) دفنوه و قراو عليه قران و رجعو رجال لدار لقاو القهوة و اتاي و زبدة و العسل و كوفيتير محطوط غسلو و كلاو ...مشا علاء رجع فيلا ديالهوم دوش🚿 و بدل حوايجو ...وهبط لقا غير بنات لفي دار كلس معاهوم شوية و ناض خرج رجع لعند دار خديجة لقا طريطو جا و طيابة و ريحة الماكلة عاطية .. و تا علي مع شي مسمعين و بداو كيقادو طبالي داكشي على حقو و طريقو ...اسيل دفعات الفلوس نيت ..لدرجة لداز من درب كيصاحب ليه عرس...اما أسيل واقفة على شغلها و بغات كلشي يكون هو هذاك مشات بقات دير هادي ودير هادي ولكن ماسلماتش من المضايقات ديال العيالات لي حاضيينها غير هي ونساو الگناازة ولكن أسيل كاتعطيهم علاش كايضورو وخديجة داكشي لي خافت منو طاحت فه ماستافدات والو...بسمة مشات بيت اسيل و نعسات عيات ..خديجة تا هي كالسة مع العيلات ..وصل العشاء ناضو رجال مشاو جامع و معاهوم تا علاء ..امتا علي مشا لداررهوم يبدل و تعطل ...صلا العشاء و رجعو رجالة و كلشي تجمع في قاعة برا ..و مسمعين بداو كيقراو القران كيتسمع من الزنقة لي لور ...شوية حطو العشاء دجاج محمر على حقو و طريقو وموراه لحم ببرقوق و مشماااش و لوز ..و موناذا و ديسير في الاخر ...كاين لكيسمع القران و الادعية ديال مسمعين كيفكر في الاخرة و كيفاش يتلاقا مع ربووو و كاين لحاضي غير ماكلة و تحنزيز👀 الحضية كثر من تقضية ...و ها لكيكول شوفو شحال ضيعات ديال فلوس و منين جاها..ها لكيكول هذا عرس و لا موت ..و لكن غير كدخل أسيل زعما كتشوف واش خاصة شي حاجة و هي عاقدة غوبااشة كيضربو الطم حيث عارفينها كيدايررا ...فمها مبري منها و لا تسلطات علي شي حد مشا فيها فم و ذراع ...تفرقات الحلوى مع اتاي و موراها تفرقات الجوقة ...علاء شاف اسيل ملاهية مع صاحبتها(كوثر تا هي جات مع ماماها و خوها) ..مشا نيشان عند خديجة عاود سلم عليها و مشا لطونوبيلتو ديمارا و رجع بحالو ...و علي تسنا تا سالات اسيل و طلباتو يبقااا ..و داكشي لدار ..خديجة دخلات نعساات ..اما جيران من عادتهوم تكون شي جنازة عند شي حد كيمشيو يبااتو عندو اوطيل هما 😂...اسيل خرجات كرسي برا و كلسات حدا علس بقاو مجمعين تاصبح الحال و علي مشا ينعس في دارهوم اما اسيل دخلات غسلات وجهها و مشات شدات سداري و تكات غير غمضات عينيها مداهش نعاس كتسمع الهراج عرفات جيران ناضو دبا من عادتهوم يديرو الفطور خديجو تا هي ناضت بانت ليها اسيل مجبدة وسط دار مشات هزات كاشة و غطاتها و اسيل حاسة بشي حاد غطاها ولكن مقدراتش تحل عينيه تشوف بكثرة تعب وجدو فطور ..و جمعو ماعن بظاو كيحضرو الغذاء لغبى من جنحين دجاج كينصبو هاذي هي الماكلة لكيديرو نهار ثاني ...علاء فاق بدل و غسل و هبط فطر مع عائلة و خرج نيشان لخدمتو دوزو صباح في الخدمة تا اذن ضهر و مشا صلا ضهر و مشا نيشان لدار عند أسيل ...لقاهوم الله ايحطة الغذاء سلم على شي رجال و مشا وقف على أسيل و خديجة لكالسين في واحد طبلة مطرفة جات خارجة على بنية حدا دار سلم علة خديجة و بسمة و اسيل بزز باش كاليها سلام و تا هي مجاوبتوش كاع ناضت دخلات ...جا علي و كلس شوية ..معاه و من بعد رجع خدمتو ..دوز العشية كاملة و هو كيفكر في اسيل مرة يكول عندها صح مرة يكول متهورة و رداتني حمار...وصل ليل ..و هاذ المرة جيران كل واحد مشا عشتو ..و أسيل مشات في العشية هي و بسمة شراو داكشي لغادي غذا يحتاجو في زيارة القبور كلشي و رجعو دارو العشاء بقات معاهوم سعيدة وواحد جارة سالاو و جمعات اسيل ماعن و مشات شدات سداري و طاحت دودة 😴😴😴
♡عند البطل علاء الدين ♡
علاء:(فاق بالصباح كايتفوه مشا دخل للحمام غسل وجهو وسنانو وخرج لبس حوايجو دار پارفان ديالو وهبط لتحت لقا السلام وگلس كايفطر مع العائلة دياالو طبعا الرجال بوحدهوم والعيالات بوحدهوم سالا فطورو وطلع لفوق مرة خرا هز پزطامو والكونطاك عاود غسل سنانو وهبط لتحت بغا يخرج حتا بدات تعيط عليه ماماه)
عيشة:ولدي اجيي بغيت نهضر معاك
علاء:نعام الواليدة الله يسمعنا خبار الخير
عيشة:بلا ماتمشي هاد الصباح اولدي للخدمة خاصنا نهضرو
علاء:الوليدة شنو وااقع كاين شي مشكل خلعتيني
عيشة:لا غير الخير اولدي ماتخافش اجي نگلسو فالصالة راه كانتسناوك غا نتا
علاء:(تبعها علاء مافاهم والو ومشا گلس فالصالة لقاهوم كاملين گالسين من غير ختو امينة وإسراء وأماني اما الكل راه گالس وعلى وجهوم ابتساامة مشا گلس مقابل معاهم وبقا كايتسنا فيهم يهضرو)
عبد الحفيظ:ولدي هانتا غاتفهم كولشي صبر غير يجي الطرف لاخور
عبد الحفيظ:ولدي تبارك الله علك راك وليتي راجل دبا وقاد بشغلك عندك خدمتك مزيانة وكولشي مزيان والامور غادة مخيرة حمد الله بقا لك اولدي غير تكمل دينك وصراحة شفت الحاج (بابات أماني) وبان لينا التفااهم لي بيناتكم ومانلقااو حسن من أمااني لي تكون مراتك تصونك وتصونها حتا يدي مول الامانة امانتو وراه كاملين متافقين على هاد القرار وجينا نصارحوكوم وبطبيعة الحال القرار بيديكم نتوما شنو گلتو
علاء:
أماني:
علاء:(تلف ماعرف مايگوول صدموه بهاد القرار لي گاللو واخا كولشي فيديه هو ولكن واليديه سرعو الاحذاث بزاف وربطو بيناتهم بشكل سريع هو ماعارفش باش كايحس من جيهة أماني واش حتا كايحس بشي حاجة من جيهتها ملي تايفكر بعقلو تايلقاها أحسن وحدة بالنسبة ليه ومنااسبة ليه ولواليديه ولكن ملي تايفكر بقلبو هو ماكايبغيهاش واخا كايآمن بفكرة الحب من بعد الزواج ولكن ماشي هكا أماني كايعتاابرها ختو هاد المدة كاملة لي دوزات معاهم كايعتابرها ختو لا غير وتيقن من هاد الاحااسيس ماينكرش بلي فلول عجباتو بأخلاقها العالية واللبااقة ديالها ولكن هادشي ماكايعنيش يتجوج بيها بقا كايشوف فواليديه لي باينة فيهم متلهفين باش يسمو الموافقة ديالهم حار واش يوافق ولا لا حتا سمع التحنحين ودار عند أماني)
عيشة:اااه ابنتي سييري هضرو خودو رااحتكم ههه الحاج هادشي ضروري منو راه الجيل ديال دبا ماشي هو ديال شحال هادا نوضي ابنتي سيرو للجردة وهضرو مزياان على خاطر خاطركوم وحنا غانتسناو القرار ديالكم بفارغ الصبر
علاء:وااخا(ناض وقف وأماني كدلك تابعاه من اللور اما هو مشا خرج للجردة وأماني موراه گلس فوق واحد الكرسي وگلسات أماني مقابلة معاه)
أماني:(حشماانة ووجها حمر حمر) احم احم مهم علاء انا جبتك هنايا باش نهضرو بوحدنا على هادشي لي گالو واليدينا
علاء:ااه عاارف
أماني:سمعني ا علاء انا كانعتااابرك الاخ ديالي بصراحة لا اكثر ولا اقل
علاء:وي عارف وتا انا دايرك فمقام أمينة ولكن كيفاش غانشرحو ليهم هادشي وهوما باينة فيهم باااغييين يجوجونا وراه قررو قبل مايهضرو معانا اصلا
أماني:علاء هوما مايمكنش ليهم يجوجوني بك ماشي غير بيك مايمكنش ليا نتجوج ا علاء كيفاش يمكن لمرأة مجوجة تجوج مرة خرا (حنات راسها)
علاء:كييفاش عندك ولد وهادشي كامل بلا خبار واليديك اماني راني مافهمت والو
أماني:انا غانفهمك انا واحد المرة جيت للمغرب من شحال هادي مشيت للجامع باش نصلي كانسمع صوت ديال واحد المؤذن لي بصراحة كاعمري سمعت شي واحد حسن منو بقيت ديما كانمشي غير نسمع صوتو كانرتاح واحد المرة كانت واحد الندوة فواحد الجمعية وداك الامام كان منخارط فيها ملي شفتو مانكدبش علك حسيت بشيحاجة من جيهتو سبحان الله النور على وجهو كان شاب وهضرتو تخليك تعلق بيه تكررات الندوات وشحال من مرة شفتو حتا لواحد المرة وانا خارجة جا هضر معايا وگاليا نعطيه العنوان ديال دارنا باش يجي يخطبني ماتيقتش وفرحت وگلتها لدارنا وداكشي فلول فرحو ملي جا وهضر معاهم كايصدمني الاب ديالي بالرفض ديالو لهاد الزواج حيت عبد الهادي ماشي من سهمنا حيت هو أفقر منا بهاد المعنى ماعندوش دار كبيرة ولا طونوبيل ولا ولا بكيت وبكيت وتعدبت شحال ولكن ماقدرتش نساه واحد المرة تصرفت بتهور كبير وهاديك اول مرة نخالف فيها الاب ديالي لبست حوايجي ودرت نقاب على وجهي وهضرت معاه كنت كانبغيه وهو كايبغيني والرفض ديال واليديا هو لي خلانا نعانيو وقررنا من بعد نتزوجو في السر بالفعل تزوجنا ودوزنا يامات مع بعضياتناملي وصلات الوقت فاش غانمشيو تفارقنا بالبكا ولكن كنت رجعت بذرييعة الدراسة
علاء:
علاء:كييفاش😳
أماني:كنت كانجي لمغرب بزاف بلا خباارهوم كولا مرة كانگولهم عندي بحث عندي فحص عندي عندي وكانبقا نهبط للمغرب عندو داز على هادشي ما يقاارب ربع سنين ونص حملت بولدي يعقوب وانا بعيدة على راجلي غير بدات كرشي كاتنفخ گلتليهم غانمشي ندوز واحد التكوين ففرنساا وداكشي لي كان مشيت لفرنسا وهبطت للمغرب وواليديا يصحابهم انا كاينة ففرنسا دوزت فترة الحمل ديالي كاملة معاه وولدت ولدي وحنا بجوج كان احسن نهار فحياتي واخا ناقص حيت بلا خبار واليديا ولكن عبد الهادي كان معايا دوزت معاهم واحد 4 شهور من بعد ومشيت وانا قلبي كايتقطع على ولدي لي صغير وانا فارقتو وهو محتاجني رجعت عند واليديا ودوزت معاهم شوية واستتااغليت دك الفترة فاش كان بابا مقابل مشروعو الجديد وكايتنقل بين الدول وهبطت انا للمغرب مهم بلا ماندخل فالتفاصيل هاد الاعوام دوزتهوم وانا غادة جاية فالطيارة وحمد الله واليديا عمرهوم ساقو الخبار وانا مانادمااش على هاادشي وهاد الندوة لي كانت فالربااط راه مشيت لعند ولدي وراجلي كانتسناا النهار لي نقدر نواجه فيه واليدياا ويتقبلو راجلي وولدي حتا تصدمت ليوم بلي بغاو اجوجوني لك واضطريت نگول ليك هادشي ماتخافش وصلات وقت المواجهة انا غانعتااارف ليهم دبا
علاء:صبري بلاااتي (كايحك على لحيتو وهو كايفكر) امااني واش نتي مرتااحة مع عبد الهاادي
أماني:بزااااف😢
علاء:وااخا الا مشيتي دبا وواجهتي عائلتك قدام عائلتي كيفاش غاتبغيهم يتقبلو هادشي غاتنقصي منهوم وداكشي غايتقلب عليك أماني هادا ماشي الوقت المناسب هاد المرة انا غانعاااونك ولكن خاصك فأقرب فرصة تعاودي لواليديك على راجلك وولدك وانا متيقن غايتقبلوهوم من بعد حيت عمر الفقر ماكان عييب
أماني:ان اشاء الله
علاء:ولكن بصاح خاصك توااعديني باش تفرگعي هاد الرمانة عما قريب
أماني:كانوااعدك علاء شكرا بزااف
علاء:ماشي مشكل ☺ولكن راجلك خاصني نشوفو شي نهار
أماني:بطبيعة الحال غايفرح
علاء:أماني واخا غانعاونك وگلت هكا راه هادشي ماكايعنيش بلي لي درتيه راه مزيان راه اخيب حاجة درتيها هي هادي وغانعاونك حيت عتابرتك ختي ومانبغيش شيحاجة ضرك
أماني:(نفاجرات بالبكا) 😭شنو بغيتيني نديير نخلييه وهو الوحيد لي كانبغيه ولا نقدر نبغييه فحيااتي راه غاتجرب الحب وغاتعرف شنو عيبو ماعندووش فقيير حكماساكنش فڤييلا ماعندوش طونوبيل انا داكشي كامل ماكايهمنيش كاتهمني راحة البال هو لي مرتاحة معاه عرفتي نهار كانكون گالسة انا وياه وكناكلوو غير الخبز والماا راه هاديك هي الدنيا ومافيها شعور لا يوصف ا علاء دبا تجرب وغاتفهم علاياش كانهضر تيقني ماكاين تا شي حل ااخر كون كنت نقدر ندير شيحاجة كنت غانديرها واش ماشي من حقي حتا انا نبغي و نعيش مع الشخص للي ختارو قلبي مادرناش شيحاجة خايبة وراك عارف ولكن الطمع لعب بعقل واليديا هادشي لي خلاني ندير هكا والله 😢
علاء:صافي واخا فهمتك ا أماني ولكن عنداك تنساي داكشي لي گلتليك واخا
أماني:(كاتمسح دموعها) واخااا علاء شكراا بزاااف بزاف وكانتمنا ليك تكون فرحان مع البنت لي ختاريتيها
علاء:😳
أماني:انا شحال من مرة سمعتك كاتعيط بسميتها وحتا ملي كاتبغي تعيط على أمينة ختك كاتعيط بسميتها بالغالاط أسيل سميتها زوينة وباينة غاتكون تا هي زوينة نتمنا ليكم تكونو فرحانين مع بعضياتكم وعلاء سمع لقلبك وكون متيقن بلي ماغاديش تندم(حنات راسها ومشات قدامو)
علاء:😳(مصدوم من هادشي لي سمع ماعمرو رد البال لهادشي ولكن الناس كاملين عاقو به أسيل خرجات من أفكارو وتجسدات فالعالم الخارجي وفقلب دارهوم تنهد بعمق هو يسمع سميتو من بعيد)
أماني:علااء ندخلو!؟
علاء:آآآآه ندخلو (دخل علاء وتبعاتو أماني من اللور ودخلو عند العائلة السعيدة لي كاتسنا البشارة وعلاء كايفكر كيفاش غادي يقنعهوم رجعو گلسو بلايصهوم وهاد المرة علاء متوتر كتر من اللول)
علاء:الوااليدة بلاااتي عاافااك (تنهد) اناا بغييت نگووليكم واحد الحاجة انا وأماني ملي هضرنا مع بعضياتنا عرفنا بلي بجوج بينا مانليقوش لبعضياتتنا
الكل:😳😨
علاء:انا وأماني مانليقوش لبعضياتنا أماني بحال ختي لا أكتر ولا اقل مانقدرش نتخيل راسي مجوج انا وياها وهي عندها نفس المشااعر جيهتي
عيشة:ولكن اولدي...
علاء:الواليدة انا هضرت انا وأماني ولقينا بلي العلاقة ديالنا محصورة فعلاقة أخوة لا غير عافاكم حتارمو القرار ديالنا
علاء:لمهم سمحووليا خاصني نمشي للخدمة عندي الخدمة بزاف هاد ليامات غير عدروني
الكل:👀
عيشة:ولكن اولدي حنا بغينا غير نشوفوك بدارك وبولاادك
علاء:(تنهد)الوليدة نهار غانبغي شي وحدة غانجي برجليا نگولك راني بغيت نتجوج السلام عليكم (خرج علاء وماعطاش ليهم فرصة فين يهضرو مزال فهاد الموضوع ركب فلوطو ديالو كايسوگ وهو كايفكر فهادشي لي وقع) اول مرة نقسح الهضرة مع الواليدة اماني حطاتني فموقف خايب كون ماكانت مجوجة واش كنت غانقبل نتجوج بيها ماعرفتش ولكن اماني بحال ختي واحسن حاجة وقعات هي ملي طلعات مجوجة فلول عاتبتهاا على داكشي لي دارت ولكن من بعد حسيت بيها بالفعل الفقر عمرو ماكان عيب وهادشي لي دارت عائلتها مامزياانش ولكن هادشي بسباب خوفهوم عليها ولا بسباب الطمع كيفما گالت هي دبا اهم حاجة هي نعاونها فهادشي عطيتها الكلمة وضروري نعاونها (بقا علاء مركز مع السوگان ديالو حتا وصل لخدمتو دخل من بعد ما لقا السلام ومشا طلع للمكتب ديالو بقا خدام وهو مرفوع نوعا ما ملي وصلات وقيتة الضهر استأذن ومشا خرج ركب فلوطو ديالو ومشا للجامع توضا وصلا مع الناس فطريقو مشا لواحد الريسطو كلا الغدا ورجع للخدمة مابغاش يرجع للدار حيت عارف الاجواء كيف غادي تكون وزيد الواليدة ديالو غاتحاول تقنعو بكل الوسائل بقا غير علاء لي خدام اما كولشي مشا يتغداا ملي حس براسو ضرو جبد تيليفونو هو يتفكر المساج ديال أسيل بلا شعور مشا دخل ورجع كايقراه وكايبتااسم ببلاهة كتب واحد المسااج وهو مرفووع يديه كانو شوية ويرتاكبو واحد الخطأ لي غايندم علييه من بعد اشد الندم كان غايسيفطوو وعا وفااق بالجرا مسحو قبل حتا مايعرف حتا شنو مكتوب فيه) اعوذ بالله من الشيطان الرجيم شنو كنت غاندير استغفر الله (شد راسو) شنو كنت غاندير كنتي فلحظة غباء غاضعف ا علااء وتسيفط ليها وهي گاع ماعلابالها وعارفة راسها غالطة وغالطة بزاف ومقسحة راسها مالفوق ماكلفات راسها حتا تگوليا سمحليا وانا كنت غانسيفط ليها ييخ ديها فشغلك ا علاء (حنا علاء راسو مرة خرا على الوراق كايشغل راسو بالخدمة بلاصة مايبقا يفكر غير فأسيل.....)
أسيل:😋(كملو فطورهوم وناضتت أسيل غسلات الماعن ومن بعد مشاو كاملين كايتفرجو حتا غمزات أسيل لبسمة باش تبعها دخلات اسيل لبيتها وتبعاتها بسمة من بعد ما سدات الباب)
بسمة:ممم شنو كاين
أسيل:گلسي بعدا نعاود لك ااه بغيت نتشااور معاك ابسمة فهمتي عطيني رأيك بكل مصداقية وانا لي گلتيه غانديرو
بسمة:الله يسمعنا خبار الخير شداكشي
أسيل:دبا بصراحة... (عاودات أسيل لبسمة على الموقف لي دارت مع علاء وعلى شنو دارت مع حنان حيدات بزاف ديال الحوايج لي تقدر بسمة توصلهوم مع المرض ديال خديجة خلات غير الموقف ديالها مع حنان ومع علاء وملي شفرات ليه الاوديو وعطاتو للبوليس) دباا هادشي لي درت واش خايب زعما راه كان عندي علاش ماقدرتش نخلي هاديك الطحبة كادور مزال عندنا تما وزايدون حاولت نهضر معاه وقمعني 2 مرااات😒
بسمة:ههه 2 مرات واتي كون كنت انا منوو كنت كااندير ليك داكشي الخايب😒واش تي مسطية راه عندك الزهر مافرشخكش الحمارة اويلي واتي مزبلااهاا لهاد الدرجة وكاتگولي قمعك جوج مرات انا راه غانفرعك كون كنت بلاصتو والله تا عندك الزهر
بسمة:سكتي دبا نتي مهم طلبي منو السماحة الا قسح راسو معاك قسحيه كتر ماتخليه حتا يسمع لك فهمتي هو اصلا دار معانا المزيان شحال من مرة ودبا نتي درتي معاه بلانات خايبين عيب عليك راه كون ما كان داك الكوميسير صاحبو كون مشا للحبس وكاتگولي ماباغاش طلبي منو السمااحة😒
بسمة:سيري فحالك العما على عينيك مهم عنداك تنساي ماتمشي ولا تغيري الرأي ديالك راك
أسيل:😒
أسيل:(گلسات بوحدها من بعد ما خرجات بسمة كاتفكر واش ديرها واش تناازل على غرورها وكبريائها وتمشي تعتاادر ليه كيفما گالت بسمة الاعتدار ماكاينقصش من الواحد لعكس كايكبر بيه بقات فكرة ديها وفكرة تجيبها وهي مترددة لأبعد الحدود فلخر تنهدات وگالت لي ليها ليها دير لي عليها وصافي وهو يضبر راسو خرجات أسيل من بيتها من بعد ماجمعاتها ومشات كاتعاون خديجة لي جبدات الماعن كاتحك فيهم وتغسل الدنيا وتخمل غا بوحدها راشقة ليها وصبحات ناشطة بحالا عمرها كانت مريضة وأسيل هادشي فرحها نصبات خديجة الغدا وخلاتو يطيب ومشات كاتكمل داكشي لي بدات خرجات عندهوم بسمة من بعد مابدلات حوايجها وقادات حالتها ولابسة پيجامتها الواسعة لي جاتها مزيرة على حساب كريشتها گلسات فوق الكرسي كاتشوف فيهم وهوما خدامين حتا سالاو وطاب الغدا طفاو على البوطة ومشات أسيل لاحت عليها پينوار طويل ومشات خرجات للمخبزة جابت الخبز ورجعات للدار حطو الغداا غسلو يديهم وبداو كايتغداو وهوما كايضحكو على بسمة لي ولات بالجرا تقلق بالجرا تفگع عليهم كاتفشش على خااطرها وهوما شادين ليها الخاطر سالاو غسلو الماعن وناضو كولا وحدة مشات دخلات لبيتها هبطو الرييدووات ونعسو اما أسيل دارت رااڤاي فتيليفون باش يفيقها قبل مايودن العصر مشات تكات شويةة داها النعاس من بعد ساعة بالحساب فاقت وماجاهاش النعاس مزال دخلات للدوش دوشات بالخف وخرجات نشفات راسها وشعرها و ومشطاتو وسرحاتو مزيان دارت كريمات ديالها ولبسات حوايجها ومن بعد دارت ميكااپ خفيف وعكر غوووز بارد مااط من بعد بدلات قرارها وبتاسمات بشر دارت ميكاپ كتير ولات كي الشيخة ولكن جات قرطااسة ودارت عكر حمر كايبان من لهييه شافت فالمراية عجبها راسها كملات اللمسات النهائية لبسات صندالة ديالها ومشات هزات السوارت والفلوس بالزايد بغات تقضا راسها شي حوايج مشات عند بسمة للبيت بدات تفيق فيها) بسسمة واا بسسمة واافيقي😡 وا الزببلة
بسمة:كون كنت انا ملتزمة ماغانبغيكش تا توقفي حدايا اويلي مالك على حالتك
أسيل:😌خليني ندير ما بغيت سيري نعسي نعسي ااه ويلا سولات عليا ماما گووليها خرجات باش تكسا(خرجات أسيل ورجعات هزات معاها فلوس زايدين خافت لا مايقدوهاش وخباتهم مزيان فصدرها ومشات خرجات وهبطات بقات غادية على رجليها حتا لقات طاكسي شيرات ليه وقف وركبات مشاو من بعد عدة دقائق وصلات هبطات وخلصاتو ومن بعد مشات دخلات لواحد البوتيك وبدات تعزل وتختار حتا خدات واحد جوج پياسات خلصاتهم ومشات لواحد آخور وهكاك لي بقات كادير من بوتيك لبوتيك حتا قنعات ودن العصر والناس بداو كايمشيو اصليو مشات لواحد القهوة طلعات للفوق وگلسات خدات كاس ديال العصير وبدات كاتقلب فتيليفونها شربات العصير ديالها حتا سالاتو ومشات خرجات من بعد ما خلصات مشات لواحد البلاصة خاصة غير بالحوامل خدات شي كساوي وشي پيجامات لبسمة وصبابط پلا ديال الحوامل ومن بعد مشات لمحال ديال الميكاپ خدات داكشي لي بغات ودازت لپارافارماسي خدات داكشي لي خاصها غير سالات وهي محملة مجملة بالميكات تا مابقات قادة تهزهوم بدات كاتفكر هي دوز للبوتيك ديال حمزة *عقلتو عليه هاداك عند من كانت كاتقضا لي غوب سواغي* مشات وخلاتهم عندو دغيا خرجات حيت تابعها تمشي لعند علاء شدات طاكسي تاني ونعتات ليه المكتبة ديال علاء بقات غادية وهي متوترة عاد تزاد معاها الزايد وبدات تفكر فداكشي لي غادير حشمات هزات كلينيكس وبدات تمسح فالعكر ولكن مابغااش يتمسح حتا حسات باالطاكسي وقف خرجات عينيها هي تلقا راسها وصلات)نااري وصلت😰اوووف دبا شنوو غااندير واش نخرج
مول الطاكسي:ختي راه وصلناا
أسيل:😑ااه فخبااري (خلصاتو ومشات هبطات وقفات قدام المكتبة كاتاخد النفس بقات كاتحسب فخاطرها حتا گالت لي ليها ومشات دخلات وقفات على هاداك لي خدام تما هز راسو وبدا يشوفيها كاتباان زوينة بزاف)السلام عليكم
الدري:وعليكم السلام اشحب الخاطر اختي
أسيل:بغيت غير نسولك
الدري:مرحبااا
أسيل:علاء الدين كااين
الدري:شكوون
أسيل:علاء الديين!!!!
الدري:ااه 😳السي علاء الدبن كااين ولكن شكوون كايسول عليه
أسيل:اناا لي كانسول عليه ماعجبتكش😑
الدري:لا حاشا
أسيل:اوا سير هضرك مع سيك علااء الدين وگووله أسيل كاتسول علييك
الدري:😳
أسيل:شنوو كاتسناا اويلي تا مالك راه كايعرفني غير سير گوولها ليه
الدري:(مشا طلع للفوق عند علاء دق عليه)
علاء:ددخل
الدري:موسيو علاء واحد البنت كاتسول عليك
علاء:ممم
الدري:گالت ليا سميتها أسيل
علاء:😳😳😳كح كح احم احم
علاء:أسيييل (ناض وقف) وااش كاينة لتحت؟؟
الدري:ااه اموسيو كاينة لتحت كاتسناك
علاء:(مشا علاء قرب للشرجم وشاف لتحت لقاها كاتسارا وكادور عينيها ملي حقق فيها وشاف حالتها تصدم وعينيه خرجو بعد على الشرجم وهو كايحك لحيتو بعصبية عارفها دارتها بلعاني أسيل جريئة ومتحررة فلبسها ولكن ماشي لهاد الدرجة عقد حجبانوو هو يهضر مع داك الدري) گووليها ماامسااليش غير تمشي
الدري:ااه واخا ا موسيو (هبط الدري مصدوم من علاء اكيد فهم الموضوع غالط مشا عند أسيل وصل ليها داكشي لي گال علاء)
أسيل:ممم هادشي لي گال
الدري:ااه
أسيل:ممم واخا (بغات تمشي ولكن تفكرات هضرة بسمة ورسمات ابتسامة شريرة على وجها) 😈گووليه گالتليك أسيل هبط عندها راه باغة تهضر معاك ولا غايوقعو شي حوايج ماشي تا لهيه وراه هو كايعرفني وصل ليه هادشي بالحرف واخا
الدري:ااه واخا(مشا طلع الدري تاني مسكين ودخل عند علاء) موسيو گالتليك هبط عندها ولا غايوقعو شي حوايج ماشي تا لهيه وراه كاتعرفها مزيان
علاء:😳شنوووو (بدا كايهضر مع راسو هادي كاتهددني ولا كيفاش جاية تا لهنايا وكاتهدد فياا بلاصة ماتهضر زوين اعود بالله من الشيطان الرجيم من الاحسن نبقا هنايا حيت الا هبط غادي غير نصدق داير شي موصيبة) صافي غير هبط وگووليها تمشي فحالها
الدري:(مشا هبط عاوتاني ومشا عند أسيل وصله ليها وبقا كايتسنا شنو تگوليه باش يطلع تاني تسحلاها)
أسيل:ممم ياك ا علاء كاتلعب معااياا واخا انا غاندمك شوف بغيتك دير اخر حاجة على قبلي گوليه گالتليك أسيل عندك 20 تانية الا ماهبطيش عندها تحمل مسؤوليتك ااه غانبدا من بعد ماتهبط 😈
الدري:😳(مشا طلع تاني عند علاء وعلمو هو يگوليه علاء اهبط بلا مايجاوبو هبط ووقف قدام أسيل)
أسيل:مم واخا (بدات كاتحسب بشوية عليها) 20 19 18 17 16 15 (هزات راسها بان ليها علاء واقف لفوق كايشوف فيها شافتو غير بنص عين وكملات الحساب ديالها وهي عارفة غير غادي تزيد تكحل معاه الضواسة ولكن هي حدراتو هو لي ماسمعش منها)14 13 12 11 10 9 8 7 6 5 4 3 2.....1 صافي هو لي بغااا (هزات راسها وشافت فه لفوق وواجهاتو بنظراتها المتحدية لي تايگولو لعلاء راك شريتيها تنهدات بعمق وخرجات النفس وبدات تهضر بالجهد ) ياااك ا علاء بغيييتيي تنكرنييي وانا لي دوزت معاااك شحاال من عااام فلخر بغيتي تخليني انا ولدنااا (غطات وجها وبدات كاتعصر باش اخرجو دموعها حتا خرجو واحد الجوج دمعات وبدات كاتفكر باباها ودغيا دموعها سالو ستاغلات هادشي باش يعاونها فالخطة ديالها) 😭حشوووومة عليك حشوومة عليك غدرتييني وانا لي كنت كانبغيك ضحكتي عليا وبغيتي تنكرني حشوومة عليك ا علاء
علاء:(من بعد ما شبع تهديدات من عند أسيل مابغاش يهبط عندها ولا يشوفها حيت هي غلطات وماخاصوش يتنازل بهاد السرعة خاصها تقاتل باش يسمح ليها هادشي لي كان كايدور ليه فبالو ناض وقف بقا كايشوف فيها بتحدي زعما راني ماهابطش ولكن صدماتو بالهضرة لي بدات تگوول كاتعرف تمتل لدرجة الناس لي خدامين تما كاملين كايشوفو فيها غير جاب الله ماكانوش بزاف ديك الوقيتة تصمكو ودنيه وهو مصدوم فهاد الجرأة ديالها كاملة عارفها شريرة ولكن ماشي لهاد الدرجة بدات كاتبكي وهو مامتيقش عينيه وودنيه من هادشي لي كايشوف ويسمع صافي جابت له التمام مشا بالجرا خرج وهبط فالدروج بغا يحبسها قبل ماتزيد تگول شي هضرة خرا وقف قدامها وهي تحبس الهضرة وبقات كاتشوف فه بصدمة اما هو كان معصب ديال بصاااح الدخان خارج ليه من ودنيه بالاعصاب كعا عليها وعلى التصرف لي دارت دور راسو لقا الناس لي خدامين معاه كايشوفو غير خنزر فيهم رجعو كاملين لخدمتهوم اما هو شاف فأسيل نيشان وخنزر فيها ومشا داز حداها ولاح ليها كلمة وحدة) تبعييييييني
أسيل:(فخاطرها ناري شنو درت ناري شنو درت اشداني اويلي واش انا لدينمي ماعرفت مالي كانقلب على خلا عشتي والله وااع واناري تبعاتو وهي نوعا ما بعيدة عليه مخلية بيناتهم مسافة أمان كافية بنظرها غير خرجو برا المكتبة وهي تبغي تهرب) علاء انا غانمشي تعطلت باااي
علاء:😡أسيييييل تحركي ولا ماااغايعجبك حال
أسيل:(ستسلمات ومشات كاتقرب جيهتو بخطوات بطيئة اما هو مشا قطع الشانطي ومشا جيهة لوطو ديالو حلها وركب وفتح الباب لي حداه وتسنااها حتا طلعااات غير سدات الباب هو يتحرك بالجرا وكاعي ماكايشوفش جيهتها بقاو غاديين في صمت حتا وقف فواحد البلاصة شوية خاوية ومع الجاج فيمي ماكاين لي كايشوفهوم وقف وحيد السمطة وبقا كايسوط وهو كاعي وماكايشوفش فيها) 😤
أسيل:(حلات السمطة وحطات يدها على الباب كادير احتياط ديالها زعما)
علاء:وااش عاارفة شنووو درتي دباااا😡
أسيل:👀
علاء:ماااعااارفاااش يااااك مااعااارفااااش😡
أسيل:علاء عااافااك سمعنيي.......
علاء:شنوووو غاانسمع ا أسييل شنووو وااش مااعااارفاااش رااسك شنووو درتي رااه خدمتيي هاديك الناااس كايحتااارمووني فيها وفنضرهووم انا هو داك السييد المتخلللق الرزيين ودبا شوهتيي صوورتيي قداامهم اشهااد التبرهيييش أسيييل كانحلف لك كون كنت نقدر كنت غااانقتلك ونشبع فييك عصاااا
أسيل:علاء انا حدرتك كون مادرت هادشي ماغاتبغييش تهبط عندي
علاء:وديييري هاد الحااالة وااش تسطيييتي أسييل .... اعود بالله من الشيطاان الرجيم😤(بقا كايستغفر الله فخاطرو وفلخر ختار ينوض يخرج حسن باش يبرد خرج وتكا على الطونوبيل من اللور ومربع يديه كايضرب فه البرد باش يبرد شوية)
أسيل:نااري قفرتهاااا شغاانديير دباا (تنهداات) أسييل زتي فيه خرجي عتاادري من السيد هو داار معاك غير الخيير اووف اووف (حلات الباب وخرجات من لوطو ومشاات وقفات حداه ولكن مخلية بيناتهم مساافة كاافية تنهدااات بعمق ومشات تقابلات معاه اما هو حل فيها عينيه كايشوف وعاقد حجبانو) سمعني انا جيت عندك حيت بغيت نطلب منك السماحة على داكشي لي درت معاك انا عارفة راسي غلط فحقك بزاف وخالفت هضرتك وخليتك ماتوفيش بكلمتك واخا مادرتي تا حاجة انا لي درت مهم علاء سمحليا عارفة بلي بسبابي كنتي غاطيح فمشااكل كتااار لا تعد ولا تحصى عاارفة هادشي وعارفة غالطة فحقك ولكن خاصك تفهمني ا علااء كنت كانفضل ندخل للحبس ولا هاديك تبقا نهار ااخر برا وكاتسااراا حدانا وراك شفتي بعينيك كيفاش تعااملات مع ماما وكانت غاتفرش كولشي كون ماجيت فالوقت المناسب انا علاء عارفاك ماغاديش تحس بيا انا ماما راها كاتموت وبابا مات الله يرحمو والسباب باقة عاايشة وبيخير ماعندها سوق وكاتسركل بكل حرية كيفاش بغيتيني نتصرف نعتااارف بلي غلط وماجيتيش عندك ولعبتها عليك ولكن انا مانادمااش على هادشي من بعد ما عرفت بلي كنتي غاتوقع فمشااكل قانونية بسبابي عرفت شنو درت ومارجعتش الرعي ديالي حتا هضرت مع بسمة على هاد الموضوع انا قبل ليوم كنت باقي كانگول فراسي راك نتا لي غالط ومزاال كانگوولها حيت هضرتك ماعجباتنيش نهائيا وجرحاااتني ولكن حاولت نسااها وعرفت بلي ماقصتي بيها والو لمهم من هادشي كاامل سمحليااا على داكشي سمحليا حيت هزيت الاوديو بلا خباارك وسمحليا حيت عطيتو البوليس بلا خبارك وسمحليا حيت رديتك كبش الفداء وسمحليا حيت كنتي غاتوقع فمشاكل بسبابي وسمحليا حيت كنت السباب باش ماتوفيش بكلمتك👀مهم هادشي ديال داك النهار ليووم بغيت نعتاادر منك بكل صدق ومن القلب على الشووهة ديال قبيلة عارفة راسي هبيلة ولكن داكشي كان كايخرج بلا شعور حسيت بلي كاتحدااني وانا طلعت النيڤوو شوية مهم سمحلياا على كولشي🙏🏻
علااء:(حك لحيتو بعصبية من بعد تنهد) ماشي مشكل تا انا خاصني نعتادر منك على دك الهضرة لي سمعتك داك النهاار
أسيل:وحتاا على القمييع😒
علاء:😑أسيييل
أسيل:واخا انا ساكتة مهم سمحليا على قبيلة لحد الان مامتيقاش راسي واش درت هكاك فمي كان كايهضر بلا فرانات غير سمحليا ماقصتش ندير داكشي كااامل
علاء:(بانو سنيينااو من بعد تسمعاات ضحكتو الرجوولية) ههههه ماشي مشكل لمهم انا عارف شنو ندير ولكن أسيل 😠(عقد حجبااانو) ااخر مر ديري معايا هادشي انا علمتك حيت هاد المرة موحالش نتحكم فرااسي
أسيل:لا عمر داااوود مايعاود كون هااني ووعد
علاء:مممم واخا صااافي
أسيل:دباا تصاالحنا
علاء:😳
أسيل:عاارفة بلي صععيييب باش انا وياك نتصاالحو وبالاحرى تسمح ليا حيت عارفة راسي زبلتها نيت ولكن ماشي مشكل خاصك تسمح ليا ههه
أسيل:😳آآ لااا فالحقييقة اااه ولكن من بعد ندمت ولكن ماقدرتش نحيدهاا حيت صافي وصلت وتقريبا كوولشي ماكايتحديدش الا بداكشي ديالو داكشي علاش ماقدرت نحيد والو هانتا شووف (كاتمسح فمها ولكن والو مابغاش يتحيد)
علاء:وي فهمت صافي ماشي مشكل غير مرة خراا ماديريهاش واخا
أسيل:على رقبتي
علاء:هههه
أسيل:(وصلها علاء قدام المحال ديال حمزة خدات داكشي لي خلات من عندو وهضرات معاه شوية اما علاء بقا غير كايشوف كيدارت تا عرفاتو وهي كاتهضر معاه علاء كايلاحض الحمييمية ديالهم فالهضرة ماعجبووش الحال وبقا غير عاقد حجباانو حتا سالات أسيل وسلمات على حمزة عاد خرجات وركبات حدا علاء)
أسيل:صافي دبا حنا ساالينا واخا ديني للدار
علاء:ممم صاافي واخا....
علاء:(ركب علاء وأسيل غاديين فالطريق ساكتين من بعد ماداارو داكشي لي شرات أسيل كامل فلوطو بقاو غاديين شحال حتا نطق علاء) شكوون هاداك
أسيل:شكووون
علاء:هاداك ديال قبيلة
أسيل:ااه ماعرفت واش نگول عليه هاديك ولا هاداك ههه
علاء:😒
أسيل:🙊عرفتو حيت كنت كانحتااج نشري من عندو مني كنت مزال (كادور عينيها)
أسيل:ااه وعلاش سميتو البار ولكن دبا كون ما داك البار گااع ماغادي نعرفك ممم ااه وكون ما علي وكون ما الانسانية ديالي گاع مانتعرف عليك نهائيا وگاع ماكنت غالق لي عاوني من غيرك
علاء:(فلول كان عاجبو لحال من بعد تقلب) كاين علي يعاونك😑
أسيل:ااه عندك الحق نسيتو گاع ولكن ماشي بحال نتا علاء وهو علي فهمتي
علاء:ممم وااخا
أسيل:(سكتات أسيل ودورات وجها جيهة الشرجم كاتشوف فالطريق بدا كايضلام الحال غير وصلو قدام العمارة هبطات أسيل وبدات تهبط فالپلاستيكات ديااولها حتا كملاتهم طلات على علاء من الشرجم) شكراا حيت وصلتيني وسمحليا مرة خراا
علاء:ماشي مشكل سلمي ليا على ماماك وبسمة تا هيا
أسيل:☺(مشات وعطاتو بالضهر حتا دخلات للعمارة اما علاء بقا متبع ليها العين حتا غبرات دار بغا يمشي وهو يخطف آخر نظرة هو يشوف أسيل كادير ليه باي باي بيديها حتا دخلات)
علاء:(شاف فيها بإعجااب وبحركاتها الطفولية واخا ملامحها القوية والناضجة ولكن هي طفلة صغيرة باقا باغا تلعب واخا علاء عرف كولشي على اسيل من لول تا لخر ديال حياتها ولكن باقا عندو بحال شي احجية كاتحل واحد الباب كايطلعو لك جوج بلاصتو هكا كان علاء كايفكر او على الاقل هكا كان كايگوول فراسو وهكا ترجم الامور ديمارا لوطو ومشاا رجع فحالو للمگاازة سدهاا من بعد ما بقاو دوك الدراري لي تما كايشوفو جمعهوم كاملين وشرح ليهم الامور بلي غير سوء تفاهم غير باش ماياخدوش عله نضرة خايبة وصافي من بعد سد المگازة ديالو ومشا للجامع توضا وصلا المغرب جا فوقتو نيشان كان شوية ويتعطل بسباب أسيل خرج ومشا لدارهوم نيشان حط لوطو ودخل لقا عليهم السلام وهوما كايشوفو فيه باباه وبابات أماني اما هو غير بغا يطلع فالدروج هي تشدو الواليدة ديالو)
عيشة:ولدي
علاء:الواااليدة نعاام محتاجاني
عيشة:اااه اولدي بغيت نهضر معاك لآخر مرة
علاء:فداك المووضووع؟
عيشة:ااه اولدي واش متيقن راه ماغاتلقاش شي وحدة حسن من أماني
علاء:(شد فيدين الواليدة ديالو وباسهوم وباسها فوق راسها) الواليدة انا وأماني مامكتابينش لبعضيااتنا والله يسهل عليها سعداتها فشي بلاصة خرا ماشي معايا انا
عيشة:(ستسلمات للامر الواقع حيت علاء صافي هضر واخا هو الابن المطيع والبار لواليديه ولكن قرارات حياتو الشخصية كاياخدهوم راسو وهو شخص لي عنييد بزاف ماشي ديال تعااند معاه تنهدات وهي تبتااسم) انا اولدي بغييت غير نشووفك بدارك وبولييداتك حتا نتاا بحال خووك
علااء:ان شاء الله الواليدة لي مكتاب لينا غانشوفوه ونهار غانبغي نتجوج كوني متيقنة بلي غانجي نگوولها ليك وماعليش غي باش تمشي معايا نخطبو ليا ههه
عيشة:مممم واخا ان شاء الله
علاء:انا غانطلع لبيتي نبدل ورتاح شوية بيما وجد العشا
عيشة:واخا اولدي
علاء:☺(مشا طلع فالدروج ودخل لبيتو بدل حوايجو ونقا حالتو وگلس كايقرا فالقرآن حتا ودن العشا وناض صلا من بعد تكا كايرتاح شوية من الستريس ديال الخدمة والشوهة ديال أسيل ليوم كايتفكرها وكايضحك غا بوحدو حتا عيطات عليه الام ديالو باش يهبط يتعشا وداكشي لي كان هبط علاء لقا خوه وباباه وبابات أماني گالسين غير الرجال تاني كايتعشاو بوحدهوم من بعد ما سالاو عشاهم گلسو شوية ديال الوقت وعلاء ستأذن منهوم بحجة فيه النعاس وخاصو يرتاح وتاهوما تفهموه وهو يمشي طلع لبيتو فاد المسائل ديالو وطفا الضو ومشا تكا وبدا كايفكر فأسيل طبعا والهضرة ديالها فاش كانت كاتعتاادر منو والطريقة باش كاتهضر كانت كاتباان جدية وكل كلمة مخرجاها من قلبها وعارفة شنو كاتگوول مزياان أسيل أحياانا كاتبااان ططفلة فعمرها 5 سنواات ولا قل وكادير تصرفااات لي ماكايسمحش بيهم عمرها وبعض المرات كادير تصرفاات نااضجة كبر من عمرها أسييل قمة التناااقض وشخصيتها هي التنااقض بعينيه وهادا لي غايحاول افهمها راه غير غاتصدق مخرجة ليه عقلو ولكن علاء قبل بهاد التحدي وهو لي باغيه وختارو تا حد ما فرضو عليه بقا علاء كايفكر فهادشي لي كايگوول دخلات أسيل على حياتو بطريقة خايبة وخربقات ليه حياتو عصباتو وفقصاااتو ورجع دبا كايفكر فيها وشاغلة بالو غريب أمر هذه الفتاااة علاء طرح واحد السؤال على راسو ومالقاش جواب او بالاحرى مزال مامقتانعش بالجواب ديالو *لو يعود الزمن الى الوراء هل يمكنني ان التقي بأسيل مجددا؟* هادا كان السؤاال ديالو لي خلاه في حيرة هز تيليفونو وهاد المرة كايكتب بكل وعي منه وهو لي باغي يكتب وهو لي باغي يسيفط ليها هاد المرة.....)
♡ عند البطلة ديالنا ♡
أسيل:(طلعات فالمصعد محملة بداكشي لي شرات مشات قدام الباب ديالهوم وهي تبدا تصوني مابغاتش تجبد السوارت من بعد عدة دقائق جات خديجة حلات ليها الباب)
خديجة:بنتي جيتي شهادشي شريتي كامل
أسيل:والو اماما غير شي حوايج دياولي ودياول بسمة نتي ماجبت لك والو دبا حيت مابقيتيش كاتلبسي شيحاجة من غير الخمار داكشي علاش جبت ليك توب زوين ايجي معاك داك اللون حتا تفصليه كيفما بغيتي نتي
خديجة:واخا ابنتي ولكن منين جاوك الفلوس ونتي ماهزيتي من عندي والو
أسيل:(بقات كادور فعينيها وريقها نشف لواحد اللحظة ولكن أسيل كيفما كانعرفو عليها كاملين تقدر تسلك راسها في ثواني قدرات تلقا كدبة لي تخليها تعتق راسها من هاد الموقف لي طاحت فيه مع ماماها) ماما بابا قبل مايموت گاليا راه خلا ليا شي فلوس فالبنك وخلاهم تحت التصرف ديالي گالها ليا ملي خرجتو نتوما الله ارحمو مهم راه خديت بيهم هادشي وراه خليت مزال تما على حساب دوير الزمان
خديجة:ااه الله يرحمو ابنتي واخا ماكانش مزيان فحياتو حاول يصلح اغلاطو دخلي ابنتي ترتاحي راكي تعطلتي وهازة هاد العجب كامل
أسيل:واخا اماما انا غانمشي لبيتي رتاح ليا شوية وندوش على حساب خنازيت بالعرق😅(دخلات أسيل البيت هازة الخناشي لي جابت راسها هي وخلات ديال بسمة وماماها كولا وحدة عطاتها داكشي ديالها بدات أسيل تخوي فالخناشي فوق ناموسيتها حتا حطات داكشي كامل والصبابط تا هوما حطاتهوم حيدات حوايجها وخلات غير ديال الداخل وبدات تقيس فالپياسات قدام المراية لي فلپلاكار مع طويلة وعاجبها راسها وبدات كاتنااسق فالحوايج هادي مع هادي هادي جات مع هادي حتا سمعات بسمة)
بسمة:هايهاي ضربتي الپياسات جيت نيت باش نگولك اجي تشوفي معايا داكشي ديالي تا انا شكون جات معايا وشكون لي لا ااه گوليليا بعدا (سدات الباب بالجرا) شدرتي مع علاء بعدا
أسيل:اجي گلسي تسمعي درت فيلم ياختي ماعرفت فين كايكون عقلي والله
بسمة:😳شنو درتي تاني
أسيل:(عاودات ليها من لول تا للخر)🙊
بسمة:اويلي😨واش انا سيفطك تعتاادري منو ولا تنكدي عليه حياتو هاااوييلي على المسخووطة اويلي اربي واش ماضربك ما والو حلفي اناري والله تا الله وقف معاك اما كون راه للقيناك مليوحة فشي جايحة كحلة اسيل اشهادشي كاديري غا فهميني
أسيل:راه والله ماعرفت ولكن انا مني شفتو زاد فه وتكبر عليا ودفع عليا كبير بغيت ندمو وفنفس الوقت مانعطيعش مجال باش يتراجع بزز منو يجي يهبط لعندي وهو مخبي فداك الفوق كي لولية😑لمهم دازت بيخير واخا كان خاصك تشوفي وجهو راه كان حمر حمر حمر كان غايفرعمي غا الله شاف من جيهتي ههه
بسمة:ههه هادي عندك الحق ولكن انا شنو نگولك غي الله يستر منك وصاف اما راه نتي والاه لي بقا متبعك حتا يخرج ليه العقل مهم دبا تصالحتو
أسيل:ههه ااه
بسمة:بصراحة ا أسيل بغيت نعرف هاد العلاقة ديالكم شنو سميتها شنو كاتعتابروها علاقة حب صداقة عداوة ااشنو مافهمت والو انا بعدا
أسيل:واخا انا شوية ولحق عليك (مشات بسمة خرجات وبقات أسيل كاتجمع فدوك الحوايج لي شرات وديرهوم غالپلاكار والاحذية تا هوما مهم قادات داكشي ولبسات پيجامة ومشات لحقات على بسمة عاوناتها تاهي من بعد مشات عند ماماها لقاتها فالكوزينة كاتغني وطيب فالعشا اما دازت وقيتة الكاسكروط جرات عليها ماماها باش دوش دغيا بيما حطو العشا ومشات أسيل رجعات لبيتها دخلات للحمام حيدات حوايجها وطلقات الما دافي وتخشات تحتو كادوش دارت شومپوان لشعرها شللاتو وبدات تفكر فعلاء)ممم بسمة عندها الحق هاد العلاقة ديالنا شنو سميتهاا مانقدرش نسولو لا نهائيااا مانقدرش انا كانعتابرو صديق ديالي ولكن هو شنو كايعتااابرني ماعرفتش اوووف انخلي الامور حتا تبدا توضاح بوحدها ااه ممم واش غانقدر نشوفو مرة خرا واش هو غايعيط عليا ولا انا لي غانعيط عليه مااعرفتش ماعرفتش ههه اول مرة ا أسيل تكووني حايرة فشيحاجة من ديما فمك ساابقك هاد المرة المعقد حدهوم لك هههه (بقات أسيل داوية مع راسها تا قنعات دارت بان دوش ديالها خرجات لوات عليها فوطة ومشات لبيتها نشفات راسها مزيان ولبسات پيجامة سخونة ونشفات شعرها بالسوشوار عاد هزات تيليلونها دارتو يتشارجا ومشات خرجات لقات بسمة وماماها كايقادو الطبلة عاوناتهوم حطو العشا وگلسو يتعشاو)
♡عند البطل ديالنا ♡
علاء:(هاز تيليفونو كايكتب لأسيل مساج فيه بزاف ديال الحوايج بحالا كايوصف ليها النظرة ديالو ليها من اول مرة شافها بقا كايكتب حتا سالا وختمها بسؤال واش الا رجعنا اللور تبغي نتلاقاو مرة خرا ضحك على راسو ومسح لمسااج كااامل تعجب من هاد التصرف لي دار ماشي من عوايدو نهائيا كيفما گال دخلات أسيل حياتو قلباتها سفاها على علاها....)
...//تسريع الاحذاث نوعا ما//
هكا داز شهر تقريبا ...و جا الربيع و الحال بدا يسخن..خديجة حالتها تحسنات ولات كتنوض كطيب كدير كلشي هادشي لخلا اسيل فرحانة من شافت ماماها بدات كترجع صحتها ..نسات فكرة الموت نهائيا من بالها ..بغات خديجة ترجع تخدم و لكن اسيل رفضات بحكم عندهوم الفلوس لتعيشهوم مدة طويلة .. بسمة ولات عندها 7 شهور تقلات نيت ..المدرسة كتمشي غير في وقت الامتحانات و الحفاضة كتحفض في الدار ..يوسف باقي في الخدمة خارج البلاد و لكن داير مراقبين كيراقبو بسمة فين مامشات حاول يتاصل بيها ماشي مرة ماشي جوج و لكن والو بدون جدوى كتسمع صوتو كتقطع ولا كتقوليه شي كلمة كتخليه اطلع ويهبط بالاعصاب ...أسيل يا أسيل ولات غير القراية القراية ..علاء كتشوفو مرة مرة و لكن غير من بعيد مزعموش على بعضياتهوم بجوجهوم كيحشمو زعما😂 كيجي يدي امينة ولا يجيبها مرة مرة و كيتشاوفو من بعيد ومرة مرة كايديرو لبعضياتهم دك الابتسامة..اما علاء غير الخدمة للدار ..بالخصوص الامتحانات في المدارس و اعداديات و ثانويات قربو ها امتحانات لافاك ها باكالوريا ...و زيد و زيد خدمة كتكون مضغوطة بزاااف و دنيا مكتخاوش عندو ..علي باقي مسافر خارج البلاد و مغادي يرجع تا لشهر 9 بحكم شي خدمة شداتو تما ...الأب ديال أماني رجع بحالو للسعودية اما الأم ديالها مخالتهاش عائشة ام علاء تمشي و طلباتها دوز معاهوم شهر رمضان ..و هادشي فرح أماني لكل مرة خارجة ليهوم بندوة او رحلة و كتمشي تقضي بعد الأوقات مع ولدها و راجلها و علاء بعض المرات كيعاونها ..اما حنان تحكمات بالسجن مدة 5 سنوات و هادشي فرح اسيل و طفا ليها شوية العافية لي كانت شاعلة في قلبها ...و هكا دازت مدة دغيا و الايام دغيا كيطيرو ...
🌔صباح جديد "أصبحنا و أصبح الملك"🌔
♡عند علاء دين و أسيل ♡
ناض علاء كالعادة ديالو دوش🚿 و خرج لبس عليه سروال تجين و تيشورت و لافيست ديالو رجع شعرو لور و تريح وولبس ماكانتو و هز سوارتو و بزطامو و تيلي ديالو و هبط فطر مع العائلة و خرج دا معاه امينة وصلها المدرسة عندها حصة و مشا لخدمتو فتح مكازة و جاو الخدامة و بدا رواج شي داخل شي خارج ..
اما أسيل فاقت بحال ديما غسلات حالتها و بدلات حوايجها جبدات كسوة قصيرة حد ركبة و فيست تجين قصير لبساتو عليها و كولون رقيق بحال لحم و صبيبيط بلا و مشطات شعرها و دارت ليه سبولة خفيفة و دارت ميكاب ديالها خفيف ..و عاد ناضت مشات كوزينة شمات ريحة رفيسة و فطور فوق طبلة ...
اسيل: ماما رفيسة 😍😍
خديجة: اييه رفيسة و برزيزة 😊
أسيل: اححح متكوليهاش (مشات كتعنق فيها و كتبوس ) نتي احسن ام ..و لكن الرزيزة منين جبتيها ...
خديجة: وصيت حليمة جارتنا بارح دارت ليا واحد جوج كيلو و جابتها ليا هاذ الصباح مسكينة من خرجات من وزين ..
اسيل: هكاك ايوا الله يخليك ليا ..صافي انجي بكري باش ناكلها سخونة 😍
خديجة: على انا نقدر ناكل بلا بيك ..
اسيل: احح ميمتي يخليك ليلي ...اجي فين بسمة؟
خديجة: بسمة ابنتي اتولد ديك ولد فيه 6 كليو و نوحلو معاها من يشدها الوجع ..مكتنوضش من نعاس تا ماكلة فوق فراش😂😂
اسيل: خطية هذيك انا لكنعرفها😂😂 خليها ضبر راسها ..اناكل و نمشي مدرسة عندي حصة مع 9 ..
خديجة : وكلسي يا بنتي را كلشي فوق طبلة ..
اسيل: وخا اماما ...مشات اسيل لقات جبن و اومليط دارت كاس قهوة و كلات اومليط و ناضت دغيا حمام غسلات سنانها و عاودت ليكغو وجهها و دارت كلوز و رشات ريحتها عنبر احح😍 و خرجات طلات على بسمة لقاتها كتشخر و مشات باست ماماها و خرجات شدات طاكسي 🚖 و مشات نيشان لمدرستها ..غير وصلات الله بغات تهبط و هي تقشع علاء 👀موصل ختو ..وبدات كتهضر مع راسها ..
أسيل:(مع راسها) شحال قدنا انبقاو هكا مندويوش ضروري خاصنا نهضرو ضروري بغيت نعاود ليه على ماما و لكن كيف غادي ندير ليها و انا مزعمتش نمشي نوقف عليه ..(بقات كتفكر) صافي لقيتها 😍 ...
هبطات اسيل بقات واقفة في جنب الطريق تا شافت علاء ضرب ضورة و مشا عاد دخلات دوزات حصص ديالها و هي ضرب 12 و خرجات شدات طاكسي و لكن هاذ المرة الوجهة ديالها ماشي الدار مشات المكتبة عند علاء ..وصلات خلصات مول طاكسي و نزلات و بقات واقفة حدا واحد العمارة قاطعة طريق اونفاص مع مكتبة ..تا كتسمع ضهر كيأذن و كيبان ليها علاء خارج ركب في طونوبيلتو و مشا (اسيل عرفات هذي هي الوقيتة لكيمشي فيها علاء للجامع يصلي ضهر عاد كيرجع المحل كيسدو و يمشي يتغذا في دارهوم غير مشا و هي تقطع طريق دغيا و دخلات مكتبة دايرة راسها كتقلب و تبقشش في كتوبة و هي تبان ليها واحد رواية ديال أنت لي و مشات هزاتها و مشات واحد كرسي وطبلة و كلسات جبدات ستيلو وورقة من صاكها و بدات كتكتب ..
طوات الورقة اسيل و خشاتها في ديك رواية و ناضت كضور في عينيها👀تا قشعات هذاك لكانت كتسخر داك نهار مشات وقفات عليه و عطاتو 200 درهم و كاتليه ديك رواية يعطيها علاء اكدات عليه و خرجات ...
♡♡عند الابطال ديالنا♡♡
وصل الضهر ومشا علاء للجامع صلا صلاتو و رجع المحل كيقاد شي وراق و كيجمع مكتب تا وقف عليه داك الدري..
دري: سي علاء !!
علاء:نعام؟
دري: هاذ الرواية خلاتها ليك واحد البنت..احم لجات داك نهار ..👀
علاء: ارا نشوف ..
دري:(مدها ليه )..
علاء: يمكن ليك تمشي شكرا ..
دري: هذا واجب 😊
علاء شد الرواية و بدا كيقلب تا طاح في الورقة حلها و بدا كيقرا و ابتسامة عريضة على وجهو ..شداتو الضحكة بالطريقة لكتبات بيها الرسالة و الطليب لكطلبو ..
علاء:(مع راسو ) ممم ا أسيل يا اسيل..هز ديك الرواية وخرج ..ركب في طونوبيلتو و راجع فيلا الطريق كلها و هو كيضحك ..تا وصل بلاصة طونوبيلتو و دخل لقاهوم كيوجدو يحطو الغذاء ...لاح سلام و طلع لبيتو بدل لبس سروال كيطمة و تيشورت و دخل غسل و خرج هابط تا كيلقى اماني تا هي هابطة ..
أماني: علاء لباس ..
علاء: السلام عليكوم..لباس حمد الله ونتي ؟
اماني: حمد الله ..😊
علاء: كيداير يعقوب ؟
اماني: لباس عليه ..غير دبا كنت كنهضر معاه كام توحشتو و هاذ الاسبوع انمشي نشوفو ..
علاء:ان شاء الله غير الصبر..اماني محتاجك في شيحاجة ..
اماني : اهاه مرحبا فاش؟
علاء:مهم نتغذاو و طلعي لبسي و يا الله معايا تا للطريق ونقوليك ..
اماني: وخا هي لولة يا الله نهبطو ..
عند أسيل غير خرجات من المكتبة شدات طاكسي و رجعات لدار طلعات ..سلمات على بسمة و ماماها و دخلت بدلات عليها و جمعات شعرها كوتشوفال ..و مشات الكوزينة لقات خديجة دارت كصعة ديال الرفيسة بالدجاج و البيض مسلوق على حقها و طريقها كتشهي ..بسمة شدات بلاصتها هي لولة بدات غير شافتها اسيل مشاات كتجري كتسابق معاها و خديجة كضحك عليهم وأسيل فيها هوايش الرفيسة توحشاتها تخشاو فيها طول و عرض عركوها مزيان و كلاو ديسير و ناضت أسيل جمعات ماعن غسلاتهوم و كوزينة تا هي وصيبات قهوة كحلة باش يهضمو وشربو قهوتهوم و دردشو شوية و ناضت اسيل باش توجد راسها قارية مع 3 ناضت دخلات حمام غسلات فومها و سنانها مزيان و عاودات غسلاتهوم و هزات مسكة كتمضغ فيها بنكهة فريز غسلات وجهها من الصابون و نشفاتو دارت كريم ايدغاطو ديالها و مشات لبيتها كتقلب على ماتلبس ووالو شي حاجة طويلة والو معندهاش تا قشعات واحد الكسوة طويلة هي غير حد كتاف في غوز بيبي جبداتها لباستها جات واو😍و لاحت فيست ديال تجين فوقها و جبدات شال خفيف في غوز بيبي لواتو على عنقها طلقات شعرها و رشات ريحتها و جبدات ايلاينر دارتو فوق عينيها غير خط خفيف و كلوز بارد و دارت ليكغو ديال شمس فوق كريم ايدغاطو حيث بشرتها جافة تريحات و دارت ساعة يدوية و اكسسوارات ديالها و هزات صاكها و دارت فيه تيلي ديالها و بزطامها و خرجات باست ماماها و بسمة و هبطات كتقاد في لاسانسور في مراية تا هبطات شدات طاكسي 🚖 نيشان المدرسة ديالها دخلات دوزت دوك ساعتين غير بزز كتكول غير فوقاش توصل 5 باش تمشي تلاقا مع علاء ...
اما علاء غير تغذا غمز اماني و طلع لفوق غير طلع تبعاتو مشات بيتها لبسات خمارها في زيتي و هزات صاكها و هبطات كتسنى علاء لغير طلع لبس عليه دغيا و هبط لقا اماني واجدة علم الدار على حساب أماني عندها شي شغل و علاء ايوصلها ..خرجو ركب علاء في لوطو ديالو و حداه اماني ..و ديمااارا
اماني: علاء كلتي ليا محتاجني في شي حاجة ؟
علاء: اه بغيت شي محل كيبيع خمارات ديالكوم نتوما بنات و بغيتك تختاري معايا شي واحد ...
اماني : احمم..خمار و نختااار معاك شي واحد هي اسيل هاذي
علاء: احم احم مكاينش شي حاجة غير بغيت نعطيه هدية
أماني:وخا☺ سير ميتربول كاين واحد كييبيع داكشي زوين ..
علاء: هي لولة ....مشا علاء نيشان الميتربول بلاصة لوطو و هبط هو و اماني دخلو عند محل بيع لباس شرعي و بدات اماني كتعزل و علاء كاليها بغاه في غوز بيبي ..و داكشي لكان هزات واحد اماني زوين و عجب تا علاء و هو كيتخيل اسيل لبساه كيبتسم ..موراها داز محل ديني في بيع زرابي صلاة و فوقيات رجال و مسك و عود الند و كلشي مقابل مع محل عيالات دخل خذا زربية صغيرة ديال صلاة فلون الخمار و خرج هو قران صغير تا هو نفس اللون شراه وواحد ريحة صغيرة ديال مسك ..و دارو داكشي في بوشيط و خرج خلا اماني غير حالة فومها و كطرح اسئلة على راسها ..هذا اش بغا هاذشي ؟؟ و فيما تسولو كيتهرب من الجواب ..رجع دغيا اماني لفيلا من بعد ماشكرها و مشا المحل طل عليهوم و على الخدمة و هو ياذن العصر مشا صلاه و شاف ساعة لقاها 5 و مشا نيشان بلاصة فين داير يشوف أسيل ..حبس لوطو و هبط هاز ديك بوشيطة في يديه و هي تبان ليه اسيل كالسة فوق كرسي في جردة و مشا باتجاها و هو كيشوف لبس ديالها فرح من شافها لابسة طويل و عرفها بغات دير خطوة القدام وصل وقف قدامها هزات عينيها شافتو هي تفرح ..
أسيل: علاء...
علاء: سلام عليكوم اسيل لبااس؟
اسيل؛ و عليكوم السلام لباس و نتا؟
علاء: حمد الله على كل حال (كلس حداها) ايوا شنو سر هاد الابتسامة..
اسيل:(حنات راسها وتنهدات وعاودات ليه كلشي على حالة ماماها لبداات كتحسن و كتعبر ) فرحانة بزاف ا علاء والله
علاء: ايوا ربي كبير حمد الله ..
أسيل: اه ربي كبيير ولكن انا درت بزاف ديال الحوايج الخايبين فحيااتي ندمت بغيت ربي يسمح ليا شنو غاندير اعلاء😰؟
علاء: أسيل غير باش انك تفكري هكا راه خطوة كبييرة ولكن اش غادي نقوليك خاصك توبي و ترجعي لطريق الله ...(هز بوشيط و مدها ليها) هذي ديالك و متفتحيهاش دبا تا لدار واخا ..مهم خاصك تبقاي تمشي للجامع ..اول حاجة هي صلاة عرفتي صلاة را شي حاجة بزااف كتحسي براسك قريبة من الله و كاتشكي عليه وهو عارف كوولشي عرفتي فاش تضيااق علييك ومن بعد تصلي غاتحسي بفرق كبيير ا أسيل غير جربي ..
علاء: خاص شي وحدة تعلمك تكون عندها دراية بالدين اولا شي فقيه جامع ..حيث خاصك تبداي من زيرو ..
اسيل:(بدون شعور كتكول غير داكشي لفي قلبها) و علاش نتا متعاااونيش ؟
علاء:😮انا!!
اسيل: اه علاش نتا متعاونيش ؟
علاء: سمعي ا أسيل ..اول حاجة انا را غير هاذ الكلسة لي كالس حداك را حرااام ...را في هاذ الاواخر وليت كندير شي حوايج مخصهومش يدارو را كنصلي الليل والنهار باش ربي يسمح ليا ...و نتي عارفة هادشي ...
علاء:(بدون شعور) مانقدرش ا أسيل لابغيت نعاونك خاص تكون بيناتنا شي حاجة في الحلال...حيث هادشي حرام .. خاصنا نكونو مزوجين !
اسيل:(بلا متحس نطقات) ايوا نتزوجوووو ...
اسيل: ايوا نتزووجوووو!!
علاء:(الصدمة كانت قوية)...كيفااا كيفااااش؟؟؟😮😮 عاودي اش قلتي ..
أسيل: (دارت يديها على فومها و شهقات) ا.ام..نا..ل...ا..ش...قلت ..
علاء: شنو قلتي دبا قبل ؟؟
أسيل: (كتمتتم)ا...اه ..ق..ل..ت ن..تز..وج...و🙊
علاء: اسيل عارفة اش كتقولي و لا شنو ؟؟
أسيل: شوف را معرفتش كيفاش خرجات ليا من فومي..و لكن نتا كلتي ميمكنش تعاوني الا لاكانت بيناتنا شي حاجة في حلال ...شوف سمعني انا را ماباغاش نتبدل معندي تا ارادة باش نتغير حيث صصعيب فهمتيني و نتا عارف را صعيب نرجع طريق الله را عمري حاولت نتقرب منو ..درت حوايج بزااف خايبين في حياتي بزاااف ...انا المرض ديال ماما و موت بابا خلاني نفيق و نرجع كلشي للياحيت بسباب داكشي لدرت ..كيعاقبني الله ..لمكنعرفوش مزيان و مامتقراباش منو...انا يستحيل نتغير ..و لكن باغا نتغير فهمتي ...عقلي كيكول ليا أسيل عمرها تبدل ..و قلبي كيكولي خاصك تبدلي ..و عاوتاني الارادة معنديش نهائيا ..نتا قتارحتي عليا قضية ديال شي واحد يعاونيني باش نتبدل و لكن انا را ميمكنش نتقبل اي واحد يبقى يفرض عليا اش ندير و اش نفعل و نتا عارف شخصيتي كيف دايرة ...مكنتقبلش شي حد يتحكم فيا ..داكشي علاش كلت علاش متحاااول نتا تعاونيني على الله ..و نتا نقدر نسمع منك و نتا كنعرفك مزيان ..و لكن نتا الدين كيكوليك ماخاصكش تا الهضرة متهضرش معايا حيث حرام و من حقك حيث نتا عارف بينك و بين الله ...و نتا لكلتي خاص يكون بيناتنا حلال ..زواج مثلا داكشي علاش كلت علاش منتزوجوش..و عاوني و من بعد نتفااارقو بحال زواج مصلحة مثلا☺
علاء:😮😮زواااج مصلحة ...ا أسيل عارفة راسك اش كتكولي هذاك كيتسمى حرام في حرام و ابدا واش نقبل بيه ...انا لاكنت غادي نتزوج فغادي نتزوج زواج حقيقي قدام الله و العبد ...جيث مابغيت تا معصية فهمتي ...انا باغيك تبدلي و مستعد نعاااونك ...و لاكنتي قابلة بزواااج معندي منقول نتزوجووو ..مهم ايكون بيناتنا حلال ..
اسيل: 😮😮زواج حقيقي ..كيفاش زعمة؟ مفهمتش؟
علاء: أسيل سميعيني مزيان اتمشي دبا لداركوم في ليل انصوني ليك و نهضرو فكري مزيان و انا كذلك خاصني وقت نفكر ...و ديك ساعة ايكون خير و اهم حاجة تصلحي اغلاطك مع الله و ترجعي للطريق المستقيم هادي أكثر حاجة كتهمني فهمتي و هاذي اكثر حاجة نقدر ناخذ عليها اجر كبير ..و لكن لا شكيت ولو للحضة انك مفقود فيك الامل ديك الساعة كاين الحل ...
اسيل:اما هو😮؟
علاء: من تما لتما يحن الله ..دبا بغيتك تمشي للدار و تفكري مزيان من هنا ليل انتاصل بيك و بغيت نعرف جوابك في ليل خاصنا وقت نفكرو ..
اسيل : وخا وخااا نخليك دبا انمشي ..
علاء: يا الله نوصلك ...
اسيل : وخا ..
مشات اسيل و علاء و ركبو في لوطو ديال علاء و بجوجهوم ساكتين و كيفكرو في هادشي لي داز بالزربة و كيفاش وصلو لزواج بزربة ..ركبات اسيل حدا علاء و دارت سمطة و هازة بوشيطة في يديها لجاب ليها ..اما علاء غير ركب دار سمطة و ديمارا ...و بدا كيكفكر ..
علاء:(مع راسو ) شنوو زعماا اسيل مناااسبة ليا ..؟ واش نقدر نغيرها و تبدل ؟ و تولي ديك الزوجة لكنت داير في بالي ناخذها ؟ واش نقدر نتأقلم معاها ؟؟ واش انعيشوو مزيان ؟ واش عائلتي غادي تقبلهااا؟ واش ايجي نهار لغاد تبدل فيه ...(بزااف ديال الاسئلة كيطرحهوم على علاء على نفسووو ...ساهي في الطريق و كيخمم)
اسيل:(مع راسها)..كيفاااش قدرت نكوليه نتزوجوو!! واش الزواج لعبة !! علاش زربت؟ لا را مكاينش شيحد يصلاح ليا حسن منو ! يقدر يعاااوني زعما ؟ اش قصد بزوواج حقيقي ؟ نقدرو نكملو مع بعضياااتنا !! و تا حنا نولدو ولادنا ..هاذ الحيااة اش باقا مخبية ليا؟؟
علاء: أسيل وصلنا ...!!
اسيل: اه وصلنا شكرا ..
علاء: العفو هذا واجب😊
أسيل: شكرا حتى على الكادووو 😊
علاء : نتمنى يعجبك ..أسيل فكري مزيان بقلبك و عقلك و خوذي قرار لتكوني راضية عليه و مرتااحة ليه مزيان😊
أسيل: كون هاني و تا نتا فكر مزيان ..كنتسنا الاتصال ديالك ...
علاء: الله يعاون سلمي على مالين الدار ..
هبطات اسيل دغيا قطعات الشارع و مشات حلات الباب و طلعات نيشان لدارهوم ..علاء تا شافها ركبات عاد تحرك تا هو مشا المحل ...طل على الخدمة و من بعد مشا الجامع صلا المغرب و رجع المحل تا قرب ياذن العشاء و سد المحل و مشا للجامع صلا العشاء و الشفع و الوتر و زاد فيهوم ركعتين كيدعي فيهوم بالخير و عاد رجع الفيلا ديالهوم دخل لقا العائلة مجموعة على طبلة في صالة لاح عليهم السلام و طلع لبيتو غسل و بدل عليه و خرج بالكو متكي و ساد عينيه و كيخممم ...
علاء:( في نفسو ) اه هاذ الزواج يقدر ينجح ..اسيل كنعرفها و هي كتعرفني ..و تا انا خاصني ندير داري ..اسيل نمط العيش ديالها مختاالف على نمط العيش ديالنا و لكن هادشي ميهمش انا انقدر نغيرها ..انا كونت رافض ناخذ شي وحدة عمري عرفتها ..اسيل كنعرفها مزيان و عارف طبيعتها و داكشي ماشي لخاطرها ...و انا باغيها تبدل علاش منديرش هاذ الخطوة و يقدر يكون فيها خير ..خاصني نصلي صلاة الاستخااارة و ديك ساعة ناخذ قراري ..علاء باقي كايهضر مع راسو تا سمع مساج جاه في تيلي مشا حلو و هو يتصدم و حل عينيه على وسعهوم😮😱
♡♡ عند اسيل ♡♡
من بعد ماطلعات للدار سلمات على بسمة و ماماها و مشات لبيتها بدلات حوايجها و لبسات بيجامتها و هي راسها مرفوع كتفكر ..مشات دارت كسكروط مع ماماها و بسمة سالات جمعات دنيا و نصبات العشاء و مشات كلسات حداهوم كتفرج غير الجسد لحداهوم اما العقل والو ...خديجة كتفرج في منار مامسوقاش و بسمة تا هي خاشية وجهها في تيلي كتفرج في دراري الصغار و فيديوهات ديالهوم ...بقات أسيل كتفكر و تفكيرها مشتت تا شمات ريحة العشاء و ناضت طلات و طفات عليه و مشات لبيتها هزات داك الكادو لي عطاها علاء خباتو فپلاكار باش مايشوفوهش تا تلقا ليه بلانو وتشوفو وهزات تيليفونها كاتبقشش فيه باش تلف الوقت تا سمعات ماماها كتعيط و ناضت تعشاو في جو هادئ و دغيا نساحبات دارت السبة بالعيا و غسلات وجهها وسنانها و مشات بيتها تخشات في بلاصتها وبدات كتفكر...
أسيل:(في نفسهاا) ..كيدرت تا خرجتها من فمي ...ناري فمي كياااكلني كنطير انا خاصني سودانية ديك الحااارة ..اويلي على زواااج...اييه علاش لا ..منلقاش جسن من علاء ...و لكن كل واحد فينا حياتو في شكل كيفاش غادي نديرو نعيشو مع بعضياااتنا ..و عائلتو كيفاش غادي يديرو يتقبلوني ...و كيفاش اندير نعيش وسطهوووم..علاء راجل و نص كامل مكمول فين انلقا بحاالو وخاا معقد شوية ..عنداك تا انا نولي معقدة ..اش كنكول دبا ..بديت نهترف ..اوووف دبا لا صونا ليا باش غااادي نجاااوبو نوض نتشاااور مع بسمة..لا لا منكوليها دبا والو انغمض عيني و نقرر صااافي ...
♡ عند علاء♡
...بقا علاء كيخمم تا سمع تيلي جاه مساج مشا حلو و هو يتصدم 😮😮😱لقاه من عند أماني كاتليه را مشات لمكناس هاذ ليلة اتبات عند راجلها وولدها و بغاتو يلقا ليها شي حاجة يكولها ليهوم ...هي ماعلماتهوم ما والو ..
علاء: ااامم جات قبيلة كتسولني على شي كتب و كاتلي را غذا صباح كاينة شي محاضرة ديال حقوق الانسان في الرباط و مشات باش تبات عند ديك صاحبتها و تحضر ..غذا و ترجع ..
ام اماني: و علاش معيطاتش لياا انا؟ هاذ البنت بدات كدخل ليا شك ..لعيط الحاج دباا اش غاد نقوليه ..
علاء: را غير نسات و صافي ..مافيها باس و نتي عارفة تربية يديك هذيك ..ميكون غير خير دبا تاصل بيك ..
ام اماني: على الله ..
عايشة : و دوز اولدي تعشا ..
علاء: فين الواليد؟؟
عايشة: خرجات ليه شي خدمة في الدار بيضاء و مشا ..
علاء: (جلس)ايوا بسم الله ..
تعشا علاء دغيا مزروب يطلع بيتو ..استاذن منهوم من بعد ماكلا معاهوم ديسير و طلع لبيتو دخل الحمام غسل سنانو ووجههو و خرج هاز فوطة كيمسح ..مشا هز زربية ديال صلاة و مشا صلا 2 ركعات ديال صلاة استخارة و عاد مشا تخشا في بلاصتو و هز تيلي ديالو و دوز نمرة ديال أسيل...
سر سر سر 📲📲 (هزات تيلي اسيل و قلبها كيضرب جاوبات)..
اسيل: الو ؟؟💓
علاء: اسيل السلام عليكوم!
اسيل: و عليكوم سلام صافا؟
علاء: حمد الله على كل حال ..فكرتي؟؟
اسيل: اه ..و نتا؟؟
علاء: وي ..سمعيني عافاك ..
اسيل: وي كنسمع ..
علاء: اسيل ..معنديش مشكل نتزوجوو هذا هو الحل و حتى اتا باغي نبني حياتي العائلة كانو فارعين ليا راسي بالزواج ..و لكن انا كنت باغي نختار زوجة راسي نكون كنعرفها ..و بيما انني كنعرفك مزيان ..فمعنديش مشكل انضربو عصفورين بحجر..
أسيل: ولكن نتا كنتي راسم في بالك زوجة في شكل ..لا علاقة معايا انا ..
علاء: وي عارف ..و لكن نقدر نخليك ديك زوجة لكنت راسم في بالي ...نخليو الوقت و القدر هو يوريناا سمعيني أ أسيل انا مووااافق نتزوجووو!!
اسيل:(بتردد) و عائلتك ..كيفاش غادشي يتقبلوني و نتوما عائلة محاافضة ..؟
علاء: داكشي معندكش لاش تفكري فيه انا غادي نتكلف بغيت نسمع قرار ديالك!!
اسيل: (بزعامة) انا موووافقة !!!
علاء: من قلبك و لا من عقلك؟؟
اسيل: بجوج و نتا؟؟
علاء: حتا انا...غذا هضري مع ماماك ..و انا انهضر مع مالين دار و بيناتنا تيلي ...
اسيل: وخا ان شاء الله بونوي😊
علاء: بونوي تهلاي في راسك ..(قطع ) ..
اسيل غير قطعات و غير ديك ثبااتة و رزانة لكانت دايرة في اتصااال معاها مع علاء و ناضت وقفات فوق ناموسيتها و كضحك ابوحدها معرفاتش اش وقع ليها تا ضربات راسها مع الناموسية و هي تشد الارض و كتفكر في هادشي كيفاش اتزوج؟ اسيل اتزووج و بيمن بواحد بعيد عليها كل البعد و هذي مكدخلش العقل!!
اما علاء غير قطع مع أسيل و هو يبتسم و غمض عينيه و كيفكر كيفاش غادي يتزوج وحدة بحال اسيل ؟؟ و كيفاش غادي يكولها لدارهوم و خاصو يقنعهوم مزيان حيث صعيب يواافقو ..و لكن لاح كلشي مور ضهرو و رجع الابتسامة على وجهو و طفا ضو ديال كوافوز و نعس😴😴..
اسيل تا هي بقات كتقلب كتقلب و تا هي كتفكر كيفاش غادي تقولها ليهوم وخا متاكدة غادي ماماها تفرح ..و بسمة تا هي ..وبقات كتقلب و كتشقلب تا داها نعاس و نعسااات😴
♡عند البطل ديالنا ♡
علاء:(فاق مع 7:45 ناض دخل للدوش دوش بالخف خرج نشف راسو وجبد بدا كايلبس حوايجو تيشورت كحل سروال دجين كحل سبرديلة كحلة ومن لفوق لابس ڤيست فالگري مشط شعرو تريح بلپارفان ديالو المعتاد هز پزطامو والكونطاك ومشا هبط باش يفطر وباش يهضر مع داارهوم وداكشي لي كان لقاهم مجموعين على طبلة الفطور أمينة وإسراء كايحطو الفطور والباقي كولشي گالسين تحط الفطور وكولشي شاد كرسي ديالو وفالمقدمة ديال الطبلة كاين الحاج عبد الحفيظ وفجنبو مراتو وإسماعيل من الجيهة لاخرة هو ومراتو إسراء وأمينة گالسة حدا ماماها وكاينة الام ديال أماني عاد علاء گلسو كاملين كاياكلو في صمت حتا سالاو كاملين وبدات الطبلة ديال الفطور كاتجمع ناض علاء ومشا شد الواليدة ديالو من يدها ودخلها للصالة گلسها هو يقرض قدامها وباس يديها) الواليدة بغيت نهضر معاك
عيشة:الله يسمعنا خبار الخير اولدي😊
علاء:كل خير الواليدة مهم هاد ليامات كنتو كادويو ليا بزاف على موضوع الزواج وعندكوم الحق حيت احسن حاجة هي بنادم يكمل دينو
علاء:مهم الواليدة انا گلتليك نهار غانبغي نتجوج غانجي عندك انا ونگولها ليك اوا راه وصل للوقت باش نكمل ديني الا كتاب
عيشة:(فرحاانة وبغات تزغرت بالفرحة) 😍حمد الله اولدي ربي عطاني العمر باش نشوف ولدي يگوليا راه بغا يكمل دينو حمد الله كنت عارفاك اولدي غاترجع فهضرتك خصوصا شفتك نتا وأماني من داك النهار وليتو قراب لبعضياتكم...
علاء:😳الوااليدة صبري صبري انا وأماني لا راه فهمتي غالاط انا وأماني مابدلناش الرأي ديالنا نهائيا وباقي أماني كانعتابرها ختي وهي كاتعتابرني خوها وولينا قراب حيت عرفنا الشعور ديال كولا واحد فينا وأماني فمقام أمينة ختي
علاء:لا الواليدة ماكاتعرفيهاش(تنهد) هي كاتقرا فنفس المدرسة فاش كاتقرا أمينة وشفتها شحال من مرة مملي كاندي أمينة ونجيبها وشحال من مرة جات عندي المكتبة تما تما عرفتها وبصراحة الواليدة كانضن هاديك غاتكون نعم الزوجة بالنسبة ليا واخا هي شوية مختاالفة
عيشة:كيفاش اولدي مختالفة باش مختاالفة
علاء:احم الواليدة أسيل هي كابرة فواحد الوسط ماشي بحال لي كابر فيه انا هي مها وباها مطلقين
عيشة:(بدات الابتسامة كاتمحا من وجها) اييه
علاء:كبراتها مها بلقمة الحلال وكولشي شاهد على هادشي والاب ديالها غير هاد الاواخر مات الله يرحمو
عيشة:😕الله يرحمو
علاء:المهم وهي راه شوية متحررة فلبسها زعما هي ماشي متحجبة
عيشة:😳كيفاش زعما واش ماشي بحال أمينة
علاء:لا شوفي الواليدة هي كيفما گلتليك متحررة فلبسها متفتحة وهي ملي هضرت معاها على هاد الموضوع راها من بعد الزواج ادير الحجاب وكولشي ولكن كيفما گالت هي تا حاجة ماكاتفرض والحجاب غاديرو وهي مقتانعة بيه مهم الواليدة كيفما گلتليك هي مختالفة شوية وحيت هس لي عاشتو ماشي قليل خلاها تكون شوية قااسحة وشخصيتها قوية
عيشة:واخا اولدي بنتي ليا نتا صافي قررتي داكشي علاش ماعندي مانگول الله يدير لي فيها الخير اولدي☺
علاء:(باس ليها يدها) امين الواليدة
عيشة:الله يرضي عليك
علاء:(بقا داوي مع الواليدة ديالو شوية وهي گالتليه راه غاتهضر مع الاب ديالو من بعد مشا طلع للفوق باش يجيب تيليفونو طلع فالدروج بالجرا هو يهز تيليفونو لقا فه مساج قراه وصونا على أسيل فالبلاصة ولكن هي ماكنتش كاتجاوب داكشي علاش قرر شوية ويعاود ليها مشا هبط فالدروج سلم عليهم تاني ومشا خرج ركب فلوطو ديالو ومشا نيشان للخدمة)
♡عند البطلة ديالنا ♡
أسيل:(خرجات ولقات ماماها فاقت وبدات طيب فالفطور وتوجد فيه باستها أسيل ومن بعد مشات وبدات تفيق فبسمة لي كانت شبه ميتة) واا الزمرة واا الخرية هاويلي تي فييقي واش متي
بسمة:العما على عينيك اختي ييخ هادي طريقة يفيقو بيها الناس خواتاتهوم سيري فحالك خليني نمشي نغسل حالتي
أسيل:اوا هادشي لي ليق ليك عنداك يگولك راشك ترجعي تنعسي والله تانفشك
بسمة:واصافي غاا سيري اناري
أسيل:(خرجات أسيل وخلات بسمة لي ناضتت وغسلات وجها ودارت كريماتها تا هي بدلات پيجامتها ومشات لحقات على أسيل لي كانت كاتوجد الطبلة ديال الفطور سلمات عليهم وگلسات فوق الطبلة مفرقة رجليها وشادة كرشها من التحت خايفة ولدها يزلق هههه گلسو كاملين وبداو يفطرو في جو لا يخلو من المرح حتا سالاو جمعو الدنياا عاد ناضو كاملين وگالوليك يمشيو يخرجو يضربو دورة غير يتمشااو شوية وصافي باش يهضمو وعلى حساب بسمة كدلك مشاو باش ابدلو حوايجهوم أسيل لقات ليزاپيل ديال علاء طفات التيليفون حتا ترجع وتهضر معاع بدلات حوايجها ودارت ميكاپ خفيف ومشات لقاتهوم واجدين حيدو الپريزات وزيرو البوطات ومشاو خرجو من بعد ماسورتو الدار)
♡ عند البطلة ديالنا ♡
خرجات اسيل و بسمة و خديجة من بعد ماسدو الدار ..هبطو و فضلو يتمشااو على رجليهوم على حساب بسمة بقاو غاديين تا وصلو لاسيتي (واحد بلاصة في قنيطرة و مشاو السويقة و بداو كياااخذو داكشي لخاصهوم من الخضر و اللواحم و فواكه ...و رجعو للدار و طلعو البنات بدلو عليهم وخديجة تا هي و من بعد مشات الكوزينة كدير ليهوم الغذاء اما بسمة عيات مشات سرحات رجليها فوقال طبلة في البيت و هازة تفاحة بيد و تيليوكومند بيد ..و اسيل كاتجمع الدنيا نصبات خديجة العدا ..عاد تفكرات أسيل تيلي ديالها و مشات هزاتو شعلاتو و دوزات النمرة ديال علاء ..
عند علاء ..خرج ركب في طونوبيل ديالو و مشا نيشان الخدمة ..حنا على خدمتو كيخدم و مشغول تا قرب يأذن الضهر و مشا جامع توضا و صلا و عاد رجع محل كيقاد شي وراق تا سمه تيلي ديالو كيصوني هزو لقا اسيل و هو يجااوب ..
علاء: السلام عليكوم..
اسيل: و عليكوم السلام ..علاء لباس..؟؟
علاء: حمد الله...صونيت عليك قبيلة مي مجاوبتيش ؟
أسيل: اه ..كنت خارجة مع مالين الدار و خليت تيلي في دار ..بغيت نشوفك ضروري خاصنا نهضروو ...
علاء: وخا العشية نتشاوفو نتي قارية ؟
أسيل: اه عندي حصة من 2 تال 4 !
علاء: صافي مع 4 اتلقايني كنتسناك حدا باب ديال لمدرسة ..
اسيل: وخا صافي ان شاء الله ..
علاء: يا الله بسلامة نخليك دبا ..
اسيل: الله يعاون (قطعات ..) حطات أسيل تيلي ودخلات للحمام قضات حاجتها غسلات وجها ودارت كريم واكغون ديالها خرجات و جبدات سروال تجين لاصق قصير شوية و تيشورت في بيض و مكتوب عليه ايلافيو بكحل و مشطات شعرها هزاتو كوتشوفال فوق ..و دارت و مايكاب ديالها خفيف و اكسسوارات ديالها هزات صاكها دارت فيه كتابها و تيلي بزطام و هزات كويرة في الكحل في يديها خافت لا يكون البرد في العشية لبسات تقاشر بيضين قصاار و سبرديلة نايك في الكحل و البيض تريحات و خرجات مشات الكوزينة لقات خديجة حطات الغذاء كلسات تغذات معاهوم تا شبعات و ناضت غسلات ووقادات لغادي يتقاد و خرجات سلمات عليهوم و هبطات شدات طاكسي 🚖 ومشات نيشان لمدرستها ...
علاء من بعد ما قطع مع اسيل ..خرج و خرجو الخدامة و سد المحل و رجع الفيلا ..دخل و لقاهوم كيوجدو الغذاء طلع كالعادة بدل عليه و غسل و هبط تغذا مع مو و مامات اماني و امينة و اسماعيل و اسراء ..اما الاب ديال علاء مسافر ..سالا الغذاء و طلع لبيتو لبس عليه و هبط وصل امينة لمدرسة بقا كيضور عينيه 👀 باش يشوف واش يقشع اسيل ووالو ماشافهاش ..ديمارا و مشا لخدمتو ..كلس كيخدم تا شاف الساعة لقا بقات ربع ساعة ل 4 و هو يوصي الخدامة و خرج ..مشا نيشان المدرسة و بلاصة قدام الباب كيتسنا اسيل تخرج ..
عند اسيل دوزات الحصة ديالها و هزات حوايجها خارجة و هازة كويرة في يدها و دايرة نضاضر ديال الشمس هازة راسها في السماء و السروال ايطرطق عليها ..علاء حاضي الباب تا كيقشعها خارجة ..هبط الزاجة ديال طونوبيل بشوية و هبط عينيه و طلعهوم فيها و قشع داكشي لي لابسة و عقد الغوباااشة و بخصوص من شاف واحد الكليكة ديال دراري مجمعين حدا باب كيحنزو ...زير على يديه و قلب وجهو ..اسيل شافت طونوبيل ديالو و بدات كتزرب ..وصلات عندو و طلات من زاجة بان ليها علاء قالب وجهو دقات عليه في زاجة ..علاء هبط زاجة ل في جنبو..
علاء: طلعي !!
اسيل:(حلات الباب و ركبات ) سلام..
علاء: و عليكوم السلام...(ديمارا لوطو و خلا غير العجاج من موراه)
الطريق كلها و علاء ساكت و اسيل تا هي كتشوف فيه غير بنص عين مقدارتش دوي من شافتو عاقد حجباانو ..تحرك علاء تا البحر عاد وقف ..
اسيل: اووك ...هبطات اسيل و علاء من بعد ماحط لوطو ديالو في بارك و وصا العسااس اسيل حسات ببرد و لبسات الكويرة ديالها و هزات نضاضرها فوق شعرها جامعة بيهوم ديك الكسة طويلة ..بقاو غادين في جنب بعضياتهوم و مخليين مساافة بيناتهوم طلعو واحد قهوة و مشاو واحد قنت خاااوي و كلسو ..
علاء: تشربي شي حاجة؟
اسيل: لا بغيت غير كاس ديال الماء ..
علاء: وخا ...(عيط للسرباي طلب كاس قهوة كحلة ليه و كاس الماء )
اسيل: علاء نتا عارفني مكنبغيش نبقا داخلة في هضرة و خارجة كانجي الواحد نيشان.. .هذا طبعي معنديش مع نفاق و تزوااق الهضرة..و بغيت ندخل معاك في موضوع نيشان!!
علاء: اممم..
اسيل: عارفاك نتا معصب و ماعارفاش علاش ...شغلك هذاك😒 انا بغيت نسولك لاخر مرة واش باغي نيت تزوج بيا و لا غير شفقتي ولا كيفاش لكان على كلمة ديال البارح من كوتليك نتزوجو را غير زلقات ليا و صافي ..من كولتي لياا خاصك تعاوني في حلال و زواج ..خرجات ليا و صافي ...دبا بغيتك تجاوبني بصراحة و تكولي تا عائلتك واش غايقبلو بيااا واش عارفين حقيقتي و عارفيني كيدايرة ...راك عارف الوسط ديالي بعيد على الوسط ديالك كل البعد ..و انا عارفني كيدايرة مكنقدرش نستحمل و لا نسمع شي كلمة في حقي نسكت ..حيث ضروري بنادم من غادي يعرف بحقيقيتي ايبدا يلوح ليا هضرة و كذا و انا بطبعي مكنصبرش و مبغيتش زواجنا تكون فيه اي مشكلة و لا اعتراض وتگلس من بعد تعايرني بيه واش قابل عليه بكل رضاااك و انا درت نتلقا معاك باش نعرف و بغيتك تجاوبني ..
الساقطة و الملتزم الجزء 12
محتوى القصة
التنقل بين الأجزاء