الساقطة و الملتزم الجزء 14

أسيل:(دخلات أسيل بقفطان فالبلوونكاصي مبين فورمتها واعرة وميكاپ إحترافي وحانية راسها وشال على راسها وشي زغيبات تايباانو من شعرها حيت الشال خفيف وغير لايحاه على راسها پروتوكول زعما وبغات تگول لعلاء راني درت بهضرتك خرجوها بالزغرايت والصلاة عالنبي گلسوهاا حدا علاء وبقات هي حانية راسها حشماتة نوعا ما وحناكها مزنگين) ☺

علاء:(بقا حاضي أسيل مني دخلات جات زوينة بزاف والشال عطاها جمالية خاصة واخا غير لايحاه فوق راسها تخيلها وهي لابسة الخمار لي جاب ليها بتاسم ابتسامة خفيفة هو يشوف شعرها نصو كايبان عقد حجبانو بشوية حتا گلسات حداه وهي حانية راسها هو يستغل الفرصة وقرب ليها وهمس فودنيها) أسييل جمعي شعرك

أسيل:(كانت حانية راسها تا سمعاتو بالجرا بدات تخبي فشي زغيبات كانو كايبانو ولكن شعرها رطب بزاف حلف لاتجمع ليها) ماابغااش صافي خليه دبا غانوض

علاء:واخا أسيل سمعيني مزيان هنا وصلنا لنص الطريق وخاصك دبا تقرري واش باغة تكملي معايا فهاد الطريق ولا غاترجعي منين جيتي هاد السيمانة ولي قبلها شحال من مرة گلتي ليا نتفاارقو سمعيني دبا وصلنا للصح وقبل مانزيدو القدام خاصك تاخدي هاد القرار واش اااه ولا لا مستاعدة تحملي المسؤولية دياال حياتك الجديدة

أسيل:(هزات راسها شافت فيه) هادشي كان خاصك تگولو قبييلة😑 ماشي دبا ملي گالسة قدام العدول احم مهم سمعني انا عارفة راسي متسرعة ودغيا كانطلق الهضرة ولكن انا كانتحمل مسؤولية تي حاجة درتها وهاد القرار هضرت معاك انا موافقة عليه ومستاعدة نتجوج بيك ونتحمل المسؤولية وغانقد عليها ان شاء الله

علاء:صافي هادشي لي بغيت وتا انا كانواعدك غانقد عليك وغانفد اي حاجة گلتها ليك وغانعاونك وغانهزك فوق راسي (دار جيهة العدول) صافي بدا اسيدي 

العدول:(بدا كايقاد فشي وراق وشي حوايج *هادشي مانعرفش ليه ههه* هو يگول الجملة ديالو المعهودة) السي علاء الشافعي قابل بأسيل بن العمران زوجة لك على سنة الله ورسوله 

علاء:قااابل

العدول:أسيل بن العمران قابلة بعلاء الشافعي زوجا لك على سنة الله ورسوله

أسيل:(حنات راسها) قاابلة☺

الكل:لووووووولوووووووووي💃🏻💃🏻

العدول:هاك سني هنا

علاء:(سنا علاء فالبلاصة لي گاليه العدول وعطا لأسيل تا هي تسني وبداو الزغااريت عائلة وخديجة طلقو حلووقهوم كايزغرتو وأم أماني وأماني كدلك لي حاضرين بجوج هاد النهار وإسراء وخواتات علاء بجوج كايزغرتو وبسمة معاومناهم واخا ماكاتعرفش)

العدول:مبروك عليكم بالبنين إنشاء الله 

علاء:😇

أسيل:👀(مشا العدول من بعد ماسلم عليهم وخدا الاتعاب ديالو جات عائشة وخديجة مشاو مع أسيل دخلوها لبيتها بالصلا عالنبي ماسكتوش وعيطو على علاء خلاوهوم ياخدو واحد اللحظة على إنفراد) 

بسمة:ههه ها علاء غايجي دبا يدخل عندك عنداكم ديرو الفاحشة استغفر الله

أسيل:(كاتحيد شالها) تي سيري بعدي مني خرية لاخرة

علاء:احم احم

بسمة:هه سمحوليا👀 (مشات بسمة خرجات وخلات أسيل وعلاء بوحدهوم) 

علاء:(شاف فبسمة حتا خرجات وسدات الباب ومشا قرب حدا أسيل دبا ولات حلال عليه مايرفدش الهم الا هضر معاها ولا الا قاسها وقف قدامها)مبرووك علينا☺

أسيل:مبرووك علينا👀(بقات دور فعينيها متوترة نوعا ما)

علاء:(گلس ودار لأسيل بلاصة وگلسات حداه) ماتبقايش طلقي شعرك بقاي تجمعيه وهاد المرة لبسي فولارك وقاديه

أسيل:علاش غايجي العدوول مرة خرا

علاء:😑

أسيل:اوا ماعرفت نتا لي گلتي هاد المرة ههه مهم واخا ان شاء الله ولكن بديتي بالحكام من دبا😑

علاء:رااكي مرااتي من حقي ولا لا

أسيل:اايه تانتا راجلي (گالت هاد الهضرة باش تفقصو ولكن واهلي كيفاش فهمها هو)

علاء:ماتخافيش انا عارف شنو كاندير مهم أسيل بغيت نگووليك شي حوايج هاديك الحياة لي كنت عايشة من قبل ماغانگوليكش نساايها ولكن حاولي تستافدي من أخطائك ولكن شي حوايج خاصك تنسااايهم بصاح االستيل لي كاتلبسي ماغانگولكش بدليه نتي حرة ولكن غاتلبسي شيحاجة ترضي الله داك العرا وداكشي غي نساايه

أسيل:اووكي ولكن هادشي كايعني بلي كولشي حوايحي غادي يتبدلو

علاء:ماشي مشكل خودي لي عجبك ماترفديش الهم لداكشي

أسيل:واخا ☺

علاء:مهم وحاجة خرا مهمة عندي ا أسيل هاادي انا راه رااجل ومانبغيش مراتي لقاها گالسة مع شي واحد ولا واقفة معاه راني راجل مغربي وقبل مانكون مغربي راني مسلم وراه من اللحظة لي تعلن فيها الزواج ديالنا راه بديت نغير عليك وقبل گااع 

أسيل:بصااح😮

علاء:احم زعما مني تعلنات الخطوبة ديالنا مهم مانبغيش لي شوفيك شوفة ناقصة دوك الحوايج المزيرين وداكشي لا راه هضرنا الرجال كدلك مدرستك ماغانحبسكش عليها انا ماشي من داك النوع نخلي ختي تقرا ومراتي نگلسها فالدار نتوما عندي بحال بحال غانبقا نوصلكوم ونجيبكوم بجوجات وكيفما گلتليك الرجال لا حتا دوك الدراري لي كايقراو معاك لا ماكانتش شي حاجة مهمة ماتهضري مع تاحد فهمتي 

أسيل:هاد الكلمة ديال الرجال عاوتيها شي 10 دلمرات صافي راني فهمت شيحاجة خرا😒

علاء:تانفكر ديري غير هادشي دبا

أسيل:😑😒

أسيل:احم گلتي لي عندك اوا انگول تا انا لي عندي مهم علاء باش نجيك من اللخر كيفما گلتي نتا الغيرة وراك مسلم ورجل مغربي تا انا مغربية مانبغيش راجلي يكون مع شي وحدة خرا ولا يهضر معاها ولا شيحاجة انا عارفاك فخدمتك كاتعامل مع البنات ولكن بقا جامع راسك بحال دبا وزير الطرح مهم وتا بنات العائلة ديالك جمع معاهم راسك 

علاء:😳

أسيل:احم راك كاتعرفني متسرعة يعني تقدر شي نهار توصل بنت عمك ولا بنت عمتك ونشوفك انا راه ندير لك الشووهة قبل مانفهم 😌 ااه متسرعة وعارفة هادشي داكشي علاش سبقتهاللك من دبا باش نتجنبو گاع المشااكيل لي قدرو يوقعو من جيهتي انا بعدا ومانبغيكش تخبي عليا واخا تگول راه مشكل شخصي خاصني نعرفو مانرضاش الهضرة توصلني من شي واحد ومانكونش عارفة حتا الا كان شي مشكل ديال العائلة نبغي نعرفو حيت من ليوم عائلتك هي عائلتي وكيف گلتليك مانرضاش الهضرة توصلني من براا ماغانصبرش داكشي علاش سبقها ليا نتاا اما انا راه كتاب مفتوح تقريبا عارف عليا كولشي ممم 

علاء:(كايسمع ندماتو ملي هضر گاع بحالا كانت محبووسة مابغاتش تسكت) شيحاجة خرا😑

أسيل:(تبدلو نظراتها للجدية) علااء انا الستييل ديالي غانبدلو ولكن حاجة وحدة ماغانسمعش ليك فيها هي الفولار وداكشي انا غاندير الحجاب نهار غانكون مقتانعة بيه حيت تا حاجة ماكاتفرض غانحاول نلبس حوايج طوال ومايكونوش عريانين بزاف ولكن الحجاب ملي غانبغي نديرو انا ونكون مقتانعة بيه غانديرو حيت بكل صراحة هاد الاعوام كاملين راه ماشي كنت كانتسناك باش تجي نتا تگوليا ديريه بدون إهانة ولكن هادشي لي كاين نهار غانقتانع بيه غانديرو ماشي مشكل الا عاونتينيي باش نقتانع بحال الكاادو ديالك عجبني بزاف وفصراحة راه بادرة زوينة منك وبحال هاد الخطوات ماعنديش مشكل لعكس كانرحب بيهم بزاف

علاء:(مطلع حاجب وراسم إبتسامة صغيرة على وجهو هاد البنت بحالا دايرة ليه البنج هضرتها كاتعصب ومنطقيا راه قمعاتو ولكن ماجاتوش قمعة لعكس هي وضحات ليه داكشي لي لداخل ديالها وفرضات شخصيتها وعلاء واخا هو راسو قاسح وعنيد ولكن ماكايبغيش ديما غير لي بقا يگوليه ااه ااه وفهم بلي أسيل هي لبنت لي كان كايتخيلها تشارك معاه حياتو جمع الضحكة وبقا كايشوفيها) 

أسيل:😌هادشي لي كاين دبا

علاء:واخا ماشي مشكل ولكن سمعيني مزيان ا أسيل انا عارفك محترفة فالكدوب داكشي علاش غانعاود نگولك هاد الهضرة واياك تكدبي عليا انا راه شخص لي مهدن بزاف ولكن فنفس الوقت عصبي لواحد الدرجة ماتخيليهاش وراك شفتي واحد الجزء صغير واايااك تكدبي عليا حيت الا سقت الخبار مانضمنش ليك شنو نقدر ندير وكانأكد على هاد الكلمة حيت تلقائيا يديا لي كايخدمو ماشي فمي فهمتي وماتخبيش عليا كيفما نتي ماباغاش نخبي عليك تا انا مانبغيش😡 فهمتي

أسيل:واخا فهمت صاافي

علاء:واخا مزيان (سمعو الدقان العشا كان واجد) 

أمينة:خويا باراكة عليكم ههه

علاء:احم (ناض علاء ومشا خرج)

أمينة:تبارك الله عليك امرات خويا جيتي غزالة

أسيل:شكرا☺أمينة بغيت نهضر معاك

أمينة:ااه كانسمعك

أسيل:احم انا عارفاك غاتكوني عقلتي عليا من الموقف لي وقع معانا داك النهار فالمدرسة بغيت غير نگولك بلي انا راه بصاح ماقصت والو وداك النهار كنت معصبة بلا قياس وخرجتو نتوما فطريقي ودغيا طرت عليكم مابغيتش هادشي اخلق بيناتنا مشكل فالمستقبل 

أمينة:ههه ماشي مشكل عارفة لي كاين لعكس شتي انا داكشي والله تا نسيتو ملي شفتك تفكرت داك الموقف ماشي شيحاجة اقدر اوقع مع اي واحد ماعندك لاش تخافي ههه وماتنسايش دبا راه نتي بنت خالتي يعني دبا انا لقيت معامن نخرج ومعامن نهضر ونعاود الاسرار وداكشي😉

أسيل:ههه مرحبا بك غانديرك فمقام بسمة ختي وكتر والله

أماني:أمينة اجي خالتك كاتعيط عليك

أمينة:ااه وواخا ا أماني

أسيل:(تفكراتها تا هي ولكن طاحت فبالها نهار سمعات علاء كان كايدوي معاها فلوطو) 

أمينة:أسيل هادي أماني باباها وبابا صحااب وجاو عندنا هاد ليامات راه ماماها كاينة هي قدرات تجي غي ليوم حيت كاتقرا ماكاتكونش معانا بزاف 

أسيل:متشرفين ا أماني 

أماني:ليا الشرف☺وأخيرا تعرفت على أسيل

أسيل:😆(خرجو البنات وأسيل خرجوها معاهم خرجات بشعرها حيت الرجال بوحدهوم والعيالات بوحدهوم تحط الدجاج بالدغميرة بمساعدة الجارات وبناتهم كولشي فرحان لأسيل حيت تستاهل تفرح فحياتها تا هي من بعد ما سالاو جا اللحم تا هو والديسير من بعد كلاو الناس مزيان تا شبعو خديجة عيطات على علاء لي ددخل للصالة كانو غير العائلة الجارات والبنات فالكوزينة شرب أسيل الحليب وشرباتو وعطاها التمر وهي كدلك وشبعو ليهم تصاور خصوصا بسمة لي ولات هط المصورة فرحانة لأسيل بزاف من بعد ما تعشاو العائلات مشاو عائلة علاء لدارهوم اما أسيل عيات مشات لبيتها حيدات داكشي لي لابسة ودخلات دوشات وخديجة والجارات تعاونو تا جمعو الروينة وداكشي كامل ومن بعد مشا كولشي انعس من العيا طاحو كاو خرجات أسيل من الدوش لبسات پيجامتها ومشات طلات على ماماها لي ناعسة وبسمة كدلك دخلات لبينها سداتو وطفات الضو لقات علاء مسيفط ليها مساج تايگوليها راههم وصلو وتايگوليها تصبحي على خير وزاد كلمة خلات أسيل طير بالفرحة *مرااتي* جاوباتو هي تصبح على خير اراجلي ونعسات) 

🌞أصبحناااا و أصبح الملك 🌞"صباح جديد"

♡♡ عند البطلة ديالنا *أسيل*♡♡

فاقت أسيل قافزة ثاني ..

أسيل: (مع راسها )اويلي صافي تزوجت اويلي تزوجت تزوجت اناري (هزات يديها بانت ليها حنة و اسم علاء في حنة وسط) ولاهيلا تزوجت اناري صافي خاصنا نديرو فااحشة ويلي حسوووومة ميمكنش داكشي لبقا ليا ندير فسااد..اويلي راه حلال ..لا ماشي حلال حرااام ..(كتغبن) اميمتي نسيت هااادشي انا لا ميمكنش يقيسني نوض نشوف بسمة شنو غادي تكولي ...ناضت أسيل من بلاصتها كانت ديك ساعة 7 صباح ..مشات دخلات حمام غسلات وجهها و مشطات شععرها جمعاتو لاحت عليها بنوار و مشات كوزينة لقات الأم ديالها و جاراتها فايقين كيفطرو ..سلمات عليهوم و هزات غير تفاحة و مشات بيت عند بسمة حلات باب و دخلات لقاتها مهبطة ريدوات و مغطية وجهها بليزار و ناعسة على ضهرها قربات حداها و كلسات كتنغز فيها ..

اسيل: (حيدات ليها ليزار على وجهها)ووووموووصيبة و كارثة وو نوضي و ناااري شحال كتنعس تي نوووضي...

بسمة:(حلات عين و خلات وحدة مسدودة) صبااااح الله اش بغيتي عندي صباح هذاا واش باقي داك راجل مغادي يديك نتهناا منك خلاص😐

أسيل: قريب قريب غذا متلقاي ليصبح عليك و نوضي راني محتاجااك ..

بسمة:(كتكسل ..ضربات كلاس) اييه ماالك على صباح؟

أسيل: دبا انا وعلاء تزوجنا ياك؟؟

بسمة:(كطنز عليها) لا غير كنتي كتحلمي ..

أسيل: بسمة بااااركة من طنز هضري نيشان ..

بسمة:وتي لكطنزي عليا واش هذا سؤال ضربك حمار ليل را طبعا تزوجتووو على سنة الله و رسوله ..

أسيل: و شنوو كيجي من مورا زواج؟

بسمة: (تفرشخاات بضحك فهماتها دغيا 😂😂😂😂) ههههعععععع واااع كولي هكاك ابكرة من لول كتهضري على فااحشة ...احح اتاكلي حلوة ابنت حرام ..😜

أسيل: اناااكل ايخااان ماشي حلوة😑

بسمة: يععع عيفتني معفووونة ...😤

أسيل: انضربك انكورك ..دبا هضري شوفي انا را منقدرش ندير داكشي مكنقدرش نتخيلها كاع 😑

بسمة:علااااش😮

أسيل: اويلي انا و علاء و فاحشة ..تي سيري ميمكنش اختي ميمكنش😞

بسمة:😮ورااه حلالك ماشي صاحبك و ضروري داكشي اويلي حي 😑

أسيل: تي انا هاذ زواج معرفتو كيف داز ..شوفي من الاخر انا منقدرش على داكشي ..يقدر مع وقت ونلفو و نشوف ..😶

بسمة: اييه و لا بغا حقو؟؟

أسيل: انا من الاخر انجيه صراحة داكشب ميحلمش بيه تزوجنا اييه صافي نبقاو هكاك فاحشة معدنا منديرو بيها 😑

بسمة: و بااااز بقا فيا داك سيد و الله دا كارثة عضمى مسكين ..و متعطيهش حقو و خلي يمشي يقلب عليه في جيهة خرا و نتي طلعي صبح ديك ساع😤

أسيل: من ديك ناحية متخاافيش متنساايش هو ملتزم و اي حاجة حرام مكيقربش ليها و هو عينيه مكيهزهوم في شي بنت المراة ..سلام مكيسلمو بقا ليه غير يفسد بشاااخ😋😋😋

بسمة: و تي اختي لجات معاك والله ..و علاش اموصيبة في هاذ سيمانة شحفتني فيما كان شي شوميز دونوي و دوبياااس ماسخين شريتيهوم و بلا كريمات و روايح و فيما كان شي شوميز كلو خيوطة شريتيه ؟؟

اسيل: اويلي ضروري اصاحبتي و شنو انلبس في بيتي راني عروسة زعمااا 😌😌

بسمة: شتي نتي لتبعك وحق مولانا تا يخرج ليه العقل واش عند مك انفصام في شخصية ...حق رب تا هارب ليك و غادي تهربيه لداك ولد خالتك تا هو ..

اسيل: وي عارفة ياالله تلاحي نمشي نصوني راجلي نصبح عليه 😋..و نشوف اش ناقصني ونتي نوضي تكعدي الله لحقو على بزاف حوايج ...(خرجات)

بسمة:(كدور راسها يمين شمال) لاحول و لا قوة الا بالله بقيتي فيا املتزم ..طحتي طيحة صعيبة ..

خرجات اسيل و مشات نيشان بيتها هزات تيلي ديالها شعلاتو و دوزات نمرة ديال علاء ..

اما سي العريس باقي نااعس لابس غير سروال كيطمة و من فوق عريان و ناعس على كرشو شاد ناموسية كلها ..تا كيسمع تيلي ديالو كيصوني ...حل عين و هز من فوق كوافوز و جاو بلا ميشوف شكون ..

علاء : اممممم😪

أسيل: صبااح نور راجلي عزيز متكولش ليا باقي ناااعس ..😎

علاء: ناااري أسيل ثاني اش كاين ؟

أسيل: اويلي هاذي هي صبااح خير ..را عارفة راسي تسرعت و تا نوض وجد راسك ..

علاء: علاش بسلامة انوجد راسي ؟

أسيل: اويلي ليوم عرسك زعماا ..

علاء: أسيل سيري ديري شي حاجة را عرس عرسك ..من تسالي ديك روينة ديالك اتلقايني تحت و ديك ساعة انجيو بحالنا ..را مالين دار شوية ايجيو عندكوم واليدة و بنات و شي عائلة جاو البارح ..

أسيل: (كتغبن😣)دبا متراجعش في قرارك و تجي ..را مكاينش عروسة بلا عريس...

علاء: أسيل بلا منهضرو في هادشي ثاني را هضرناا الله يرضي عليك ..انا درت ليك خاطرك و خليتك ديري مابغيتي و لكن بيناتكوم نتوما عيالات ماشي مشكل و لكن رجاال منبغيش حسهوم يكون ..

اسيل:(مقلقة) صافي صافي بسلامة (قطعات عليه )

علاء: قطعتي ..و حريرة هذي مع هاذ بنت ..ناض علاء زاعف مشا الحمام و دوش🚿 و بدل و هبط لقا كلشي مجموع رجال و عيالات لابسين و موجيدن كلشي في طيااافر كاع داكشي لشرات مامات علاء لأسيل باش يديوه ليها معاهوم ومن عادتهوم عائلة عروسة من كيجيبو ليها فطور كيجيبوه معاهوم دفوعهوم ..اما اسيل ناضت طالعة ليها قردة وكتحلف في علاء ..

أسيل: وخااا ابا علاء لابقااات فيك تبقاا فيا ...غير صبر عليا😈

♡♡عند أسيل ♡♡

مشات كوزينة لقات غير بسمة لكتفطر اما البقية كل واحد اش كيدير ها لكيجمع صالة ها لكيقاد بيوتة ها لكيغسل حمامات كل واحد اش كيدير ..مشات كلسات كتفطر مع بسمة و كيتعاودو تا سالاو مشات بيتها كتشوف باليزتها واش هما هادوك..تا كيصوني عليها علاء ..جاوبت منفخة ..

أسيل: وي..😤

علاء: أسيل را واليدة و شي عيالات شوية انجيبهوم ...عافاك كولي لشي حد يهبط التحت ..

أسيل: علاش؟؟

علاء: جايبين ليك الالة دفوع ديالك و مع اسريت رجال ميجيوش غير انا لجايبهوم ..

أسيل: وخا انا انشوف ماما ..

علاء: اوك ..(قطع )

مشات أسيل عند ماماها و علاماتها باش يهبطو ..و داكشي لكان هبطات خديجة و حليمة و سعدية حدا باب عمارة كيتسناو تا بانت ليهوم جوج طونوبيلات من نوع كاطكاط وحدة صايكها علاء و لوخرا عطاها اسماعيل اسراء هي لصايكها .. هبطو و هزو داكشي في طيافر من كوفر و سلمو على خديجة و حليمة و سعدية و رحبو بيهوم و طلعو اما علاء و اماني و امينة و اسراء لوحلو في داكشي هزوه ..طلعو لوخرين هما لولين في سانسور عاد تبعهوم لوخرين ..علاء مابغاش يدخل وخا عيات معاه خالتو و لكن مبغاااش حط داكشي في سيجور و هبط بلا ميشوف أسيل ..اما اسيل واحلة في بيتها كتقلب على شي ضفار ديالها ..تا دخلات عليها امينة و اماني ...

أمينة: مرات خويا اش كدير ؟؟

اسيل:(ضارت ) جيتو على سلامة مرحبا بيكوم دخلو ..راني غير تالفة كنقلب على شي ضفار ..

اماني: هههه ابشوية عليك احبيبة معندكش لاش توتري كلشي ايكون هو هذاك ان شاء الله ..

أسيل: ان شاء الله ..خالتي جات ؟؟

امينة: اه راها في صالة ..اسيل راكينة مامات اماني كتعرفيها ..و كاينين جوج عماتي و بناتهوم و مامات اسراء مرات خويا و ختها ..غير باش متصدميش من تخرجي تسلمي عليهوم ..

أسيل: الله يا ودي مرحبا بيهوم انا نلبس عليا بيجامتي و نخرج عندهوم ..

امينة: وخا نخليوك احنا انشوفو بسمة را كاتلينا رجعو عندي باش نعاونوها في شي حاجة ...

اسيل: ههههه لصقات فيكوم شي مونتيف ديك كارثة ..😂

اماني: ههه ماشي مشكل حنا علاش جينا بكري ...غير للخدمة ..

امينة : واييه ههه الله يا ودي عرس مرات خويا و في خبارك فرحت من سمعتك اديري لينا ليلة نقصرو كون بقات على داك خووويا منشوفو لا عرس لا جوج 😂

اسيل: وااااييه اسكتي متفكرينيش 😑معقد 

اماني: هههه هبيلة و لبسي عليك دغيا و خرجي ..

اسيل: وخا هي لولة 😊

خرجو بنات مشاو عند بسمة ليلقاوها كتقاد حلوى في بلاطويات كلسو كيقادو معاها ..اما اسيل جبدات بيجامة في غوز بيبي بسروالها و بنوارها و طلقات شعرها شداتو غير بمقبط لور ..رشات ريحتها و دارت كلوز و شوية ديال كحل ...و خرجات عندهوم صالة غير دخلات كلشي طلعها و هبطها عمات علاء حماقتهوم ..د غير كيمدحو فيها ..اما خت اسراء لعندها حساسية منها محملاتهاش اما أسيل متساوقاتش سلمات عليهوم من طرف تا طرف و مشات كلسات حدا ماماها و خالتها ..بقاو كيمدحو فيها و هي وججهها ولا حمر و غير كتشوف فيهوم و كتبتاسم ليهوم ..جابو عيالات حلوى و اتاي و عطاو محضروين ..و ناضو كلسو في بيت باش تجي نكافة تقاد ..دخلات أسيل بيتها و تجمعو عليها بنات كيضحكو الا نور لكالسة حدا مها ..وصل الغذاء و حطو ليهوم تغذاو و كل واحد مشا شد سداري و تكا ..جات نكاافة لدارت معاها أسيل و حطات داكشي ديالها و قادات كلسة في صالة ..أسيل ادير غير 3 لبسات خضرة و لحمرة و بيضة ..دارت ليها بزرة ديال لبسة خضرة و حطات كلشي ملتزمات ديالها..جا طريطور تا هو لكان طاقم ديالو كلو عيالات قادو جوج طوابل في صالة و طبلة في صالون لقادمها كلشي على حقو و طريقو طبلة مزوقة بشموع و كلشي ..جات كوافورة و خرجو البنات خلاوها تقاد أسيل ..علاء شرط عليها تبدا بكري باش يساليو بكري داكشي لكان شعرها صيباتو عادي بوكلي و خلاتو مطلوق و دارت ليها مكياج ديال عروسات ماط لبساتها نكافة لبسة خضرة تكشيطة عصرية كلها محججرة و دارت ليها تاج رقيق و فيه حجيرات في خضر قادات ليها ضفار ..و اكسسوارات كلشي سانبل خفيف و كلسات ...تا جاو عند بنتها لابسين موجدين و كل واحد واخذ راحتو حيث مكاينينش رجال ..كلشي عرا شعورات مابقا لا دين لا هم يحزنون😂😂جات أسيل تفسد ليهوم عائلة كلشي بنات جيران و عائلة كاينين مصورة جات و بدات كتصور قبل متخرج أسيل كلشي مجموع ..أسيل جابت ديدجي بلوان و زدحة عمارة مصمكة .. جا الوقت لتخرج فيه عروسة خرجات أسيل و في جنبها بسمة و جنب لاخور امينة ..بصلاة و سلام و زغااااريت ..ديدجي طلق ليها اغنية ليلة حنة ..(ديدجي قاد داكشي وخرج خلا بسمة تكلف وراها اش دير )كلسات أسيل و هي مبتسمة وخا بارزة بلا عريس مصورة كتصور و نكافة دارت ليها شوية بريو فوق يديها باش دير تصاور بحنة زعما و البوزات ..

أسيل:(كتعيط لبسمة) بسمة اري تيلي ديالي ...

بسمة:(داتو ليها ) اش بغيتيه ؟

أسيل: منديرش سيلفي ..(فتحات كاميرة أسيل و كلسات كتسييلفا و كلشي كيشوف فيها و هي مامسوقة لتاحد فرحانة ..في بلاصة فتحاادت واتساب و لقات علاء لدايرة ليه في كونطاكط زوجي معقد😂 و هي تسيفطهوم ليه و هو في بلاصة سمع مساجات جاو مع كان حال كونيكسيو و كالس في صالة مع رجال في دارهوم غير فتح واتسااب و هما يطلعو ليه تصاور أسيل و هو يحل فمو على وسعو ..

علاء:😮😮

♡عند علاء بطل ديالنا ♡

علاء غير فتح واتساب لقا أسيل مسيفطة ليه تصاور حل فمو على وسعو...دوخاتو و صدماتو مكانش متوقع تسيفط ليه و لا دير هاذ حالة ..بكثر محشم خاف يتفضح و يشد فيه اسماعيل لفي جنبو ضور عينيه بان ليه كلشي مشغول في هضرة استاذن منهوم بحكم راسو ضرو و طلع بيتو ..و هو يصوني ليها في بلاصة جاوباتو ..و موسيقى مجهدة ..

أسيل: الو راجلي عزيز ...😈

علاء: (سمع صداااع ) اش هااذ حالة واش دايرو موسيقى نتي وشكوون داير ليكوم موسيقى (بالنسبة ديدجي جا دري قادو و كال بسمة كيفاش تقلب و خرج بحالو ) 

أسيل: ماالك كتغوت كاين شي عرس بلا موسيقى تا را هبلتي سير تنعس ..😤

علاء: وخااا وخاا ..من بعد و نهضرو على هادشي ..(قطع ) ..

أسيل: سلامة على معقد ...دارت كتشوف في موجودين و كتبااتسم ..جابو بنات بلاطويات فيهوم عواصر بجميع انواعو ..و بلاطويات ديال لكاطو سواري و كلسو كيفرقو على موجودين ..بسمة نوضات أسيل و بداو كيشطحو و امينة تا هي و اماني عطاتها تيلي أسيل دير ليهوم فيديو حيحو ..أسيل ضارت شافت ماماها بعيد كتشوف فيهوم و كتبتاسم و عينيها مدمعين مشات جرات ماماها و جابت وسط و بدات كتشطح معاها و نوضات تا مامات علاء و شطحو شوية و مشات أسيل بدلات و لباسات لبسة حمرة و خرجات هاذ مرة بزغاريت ثاني ..ناضو موجودين كيتصورو معاها و هاذ مرة هزات تيلي ديالها و صونات على علاء كام في واتساب ..

كان كالس متكي مغمض عينيه و كيخمم تا سمع تيبلي كيصوني لقا ابيل من واتساب و كام و من عند أسيل جاو في بلاصة ..

علاء: أسيل؟؟

اسيل: (موسيقى مجهدة) كتشير غير بيديها و كتوريه و تعوج 😂كان ماباغيش يحضر صدق حاضر بزز منو ..كيسمع موسيقى كيتعصب قطع عليها و طفا تيلي و ناض دخل دوش دوش 🚿 باش يبرد و خرج لبس سروال تجين و تيشورت في كري و فيست في كحل و مشط شعرو لور دار ريحتو و هبط ...لقاهوم في صالون مجموعين ..

علاء: اسماعيل ديتي ديك طونوبيل تزوق ؟؟

اسماعيل: لا عاد عوال نديها ..

علاء: صافي بلاش غير وجدو راسكوم و عيط على واليدة باش نمشيو هاذا وقت ..

اسماعيل: وطلع لبس عليك اصاحبي ..و كيفاش طونوبيل متزوقش ..

علاء: خوياا هضرت صافي ..مالنا فين غاديين يا الله وجدو راسكوم انا نعلم أسيل ..

اسماعيل: ..وخا ليبغيتي اخويا ..

عند أسيل من بعد ماقطع عليها علاء عرفات قضية سخنات و عصباتو ضحكات بشر😈كاع ممسوقة و مشات كملات ليلتها تا وصل وقت عشاء و كلسات أسيل وماماها و بسمة و ماامات علاء و خواتاتو و اماني و مها و اسراء في طبلة مع أسيل و بقية كلسو في جوج طبالي خرين ..عشا داروه واجد من برا بسطيلة بجيمع انواع فواكه بحر ..وصل طريطور و هبطات أم أسيل ورات البنات لمع طريطور و طلعو حطو 3 طباسل بسيطلة كل طبلة و طبسيلها زيادة على مونادة بجميع انواعها و والماس و قراعي ديال ما سيدي علي ..من بعد بسيطلة جا نص حاولي مشوي بخضر و شلايض بجميع انواعها ..مهم اسيل كبارات بيهوم و دارت عشاء على حقو و طريق من بعد لحم جا ديسير و جميع اشكاالو و انواعو ديال موسم كامل و مع كلاس فوق طارطة صغيرة دايرة و هي على شكل كلاس بتوت ...كلاو و جاو سربياات جمعو داكشي و حيدو طوابل هبطوهوم و خلاو غير واحد طبلة على شكل مستطيلة قدام كلسة ديال أسيل ..أما أسيل مشات تبدل تكشيطة في بيض و على شكل غوب..عريانة كثر ما مغطية تحتاني حرير و فوقاني شبكة ..لبستاها ليها نكافة مع صباط عالي و عاودات قادات ليها الماكياج و شعرها ..هاذ المرة دخلات عندها ماماها و دموع في عينيها ان بنتهة غادة تخوي عليها دار و في نفس الوقت فرحانة ليها حيث عرفات لمن عطاتها ..مبغاتش تبكي و أسيل تا هي حيث بالنسبة ليها مغاديش تبعد عليهوم فوقما رشقات ليها غادي تجي ..جات تا بسمة و تعناقو بثلاثة و خرجو اسيل على اغنية "مبرووك مبرووك ياحياة قلبي مبروووك" تحت تصفيقات موجودين خذاو تصاور و جات حلوى لاكريم في الآخر على شكل قلوبة فيها ثلاثة طبقاات كبار مكتوب عليها زواج سعيد أسيل و علاء دين تمنات كون جاا علاء و لكن للأسف مجااش قطعات حلوى مع ماماها و ختها و وكلاتهوم و كلوها و ضحكو بنات و قشبو ..عمات علاء والأم ديال اسراء و نور استأذنو يمشيو حيث بعيد الحال و رجالاتهوم جاو هبطات معاهوم خديجة و عائشة تا مشاو ..من بعد ماعطاو كادو أسيل طبعا ..بسمة دخلات بيت بكات تا شبعات و مسحات وجهها و خرجات بحاال مابيها والو و لكن أسيل شافتها👀 و عرفاتها باكية جاتها بكية و لكن حباستها..طريطور هز مطاريال ديالو و كذلك ديدجي و مصورة من بعد متعشاو ..حطات ليهوم خديجة في كوزينة بقاات غير نكافة تا هي جمعات داكشي ديالها و مشات اما لبسة لخرة ديال أسيل فخاذتها شراتها راسها ..كلشي مشا بحالو بقاو غير عائلة ..أسيل مجمعة مع أمينة و اماني وبسمة تا سمعات تيلي دياله كيوصني هزاتو لقاتو علاء و هي تجاوبو ..

أسيل: وي ..؟؟

علاء: حنا قدام باب عمارة قولي ليهوم وجدو راسهوم هبطو ..و انا انطلع عندك ..

أسيل: وخا ...قطعات معاه و علماتهوم بانهوم وصلو وجدو راسهوم و هبطو بقات غير أسيل ..دخلات بيتها كتعنق في ماماها و في بسمة كتشوف لاتكون نسات شي حاجة طلع علاء حلات ليه بسمة و كاتليه را في بيتها دخل عندهل لقاها حانية على ناموسية و داكشي معري بقا غير كيشوف😮👀

علاء:(حنحن وبقا يدور فعينيه بعيد عليها) احم احم وااجدة👀

أسيل:(دارت عندو كاتشوف فه)ااه واجدة صافي (ناضتت وقفات كاتقاد فلاغوب ديالها) صافي زيد نهبطو

علاء:غاتهبطي هكا😑

أسيل:علاااش ماالي واش ماجاتنيش زوينة هانتا شوف (بقات دور على راسها)

علاء:لاا ماشي هكاك ولكن ماغاتهبطيش هكاك غير لبسي شيحاجة خرا

أسيل:علاش😮

علاء:راني هضرت

أسيل:(غوبشات ومشات هزات واحد الكااپ فالبيض طويل لبساتو قدامو وهي تشوفيه) ولكن ماغانغطيش شعري (علاء بغا يهضر) لاا لاا تا انا هضرت صافي

علاء:اوف زيدي قدامي راه داو كوولشي

أسيل:واخا بلاتي (دارت كاتشوف فبيتها وكاتبتااسم شحال خططات فهاد البيت شحال بكات شحال ضحكات تنهدات بعمق ومن بعد دارت عندو)واخا زيد

علاء:مانسيتي والو ياك؟

أسيل:مووحالش الا نسيت انگولها لبسمة

علاء:واخا زيدي 

أسيل:(خرجات أسيل مورا علااء شادة فكسوتها لا طيح باالزها كاملين هبطوو وداروهوم فلوطو هبطو لتحت كولشي كاين تما مشات أسيل لعند ماماها وهي تعنقها مابغات طلقها مزال وخديجة كاتبكي) ماما علاااش كاتكبي دباا بغيتي تبكيني ويخسر ليا المااكيااج يردني علاء ههه 

خديجة:دمووع الفرحة هادو ابنتي الله يرضي علك ابنتي طهلاي فراجلك وفدارك انا عارفك واخا راسك قاسح ولكن قلبك بيض سمعي لهضرة راجلك وطهلاي فه وفهمو بعضياتكم المشاكل ماكايتحلوش بقسوحية الراس هضرو وماتخليو حد اعرف شنو بيكم الله يرضي علك ابنتي حمد الله شفت هاد النهار قبل مانموت دبا بقا نجوج بسمة تاهي وغانتهنا ونموت مرتاحة

أسيل:😢ماما ماتگووليش هاد الهضرة حشومة علك 

خديجة:ههه هاني ساكتة

أسيل:(تلفتات حداها لقات بسمة سادة فمها وكاتبكي في صمت مشات كاتجري لعندها عنقااتها) 

بسمة:(كاتبكي وكاضحك فنفس الوقت) ههه عمري تخيلت أسيل شي نهار تجوج ولكن هاحنا ليوم غاتمشي وتخلينا😢

أسيل:لا صافي غانبقا مابقيتش باغة

بسمة:ههه سيري الهبيلة سيري دبا يجي ليا علاء غانتوحشك وغانتوحش هبالك شكون غايبقا يفيقني بالغوات والنگير وشكون غايبقا يگوليا الغليضة شي نهار تفرگعي ههه غاتخلي بلاصتك والله 

أسيل:سكتيي راكي غاتبكييني😢

بسمة:هه طهلاي فه ا أسييل راه باينة فه كايبغيك وتانتي كاتبغيه هو قصد الدار وبغاك حلالو ديري عقلك ا أسيل اختي غانتوحشك والله 

أسيل:(عنقات بسمة تا هي كاتبكي واخا عيات تحبسهوم ماقدراتش شدات ماماها بليد لاخرة عنقاتهم بجوجات وبداو ابكييو من بعد طلقات منهوم ومشات بغات تركب فلوطو ركبات وسدات عليها الباب وبدات تفكر فباباها غمضات عيينيها كاتبكي في حرقة هو لي ناقصها باش تكمل فرحتها واخا ماكبراتش معاه وماعمرو تعامل معاهم مزيان ولكن دوك ليامات القلال لي دوزات معاه تحفرو فقلبهاا)

علاء:(مشا باس يد خديجة وهي تبدا توصيه) 

خديجة:الله يرضي علك اولدي سمعني أسيل واخا كاتبان لك هكا ولكن راه بصاح محتاجة شي حد يشد بيدها ويوريها الطريق طهلا ليا فيها راه عوينة وحدة لي عندي انا عارفك قد المسؤولية داكشي علاش عطيتها لك اولدي وقبلت تجوج بيها طهلاو فبعضياتكم وصبرو لبعضياتكم راه من دبا راكم وليتو واحد لي لي ضرها غاضرك ولي ضرك غاضرها ضروري المشااكل اكونو ولكن بالصبر كولشي غايتحل نتا عارف شنو دازت منو فحياتها داكشي علاش اولدي غير سايس معاها وديرها فعينيك وكون متقين هي غاديرك تاج فوق راسها

علاء:(عاود باس يدها) كوني هانية اخالتي أسيل فعينياا 

خديجة:الله يرضي علك اولدي☺

علاء:(شاف فبسمة لي كانت كاتبكي وكاتشوف فيه وما ليها براسو كايطمنها بعينيه) 

بسمة:طهلا ليا فختي😢

علاء:كوني هانية غانديرها فعينيا ان شاء الله (مشا علاء ركب فلوطو ديالو حدا أسيل والطونوبيلات موراهم كولشي ركب تلفت جيهة أسيل لقاها ساهية هو يدوز يديه قدام وجها) أسيل نتي بييخير

أسيل:آآ ااه بييخير اجي بعدا مال الطونوبيل هكا 😑واش ماعارفش بلي لوطو دياال العروسة خاصها تكون مزوقة وزوينة ماشي هكا اويلي تا مالك هكا

علاء:مابقاش الوقت فشفت دك الفضيحة لي بديتي تسيفطي وانا نجي نجري بلا عقل😑

أسيل:وااخااا هاهياا فييك (قلبات وجها كاتشوف بعيد سمع علاء الكلاكسون من موراه هو يديماري لوطو وتحرك غاديين فالطريق وأسيل كاتفكر باش ترد له الصرف شافت موراها بانو ليها 4 دالطونوبيلات تابعينهوم من اللور جاتها واحد الفكرة وبدات كاضحك فخاطرها بشر دارت يديها بالجرا على الگيدون وبدات تكلااكسووني)

علاء:الززبل اشكااديري حيدي يديك غانديرو شي موصيبة😡

أسيل:(جمعات يديها عندها كاضحك) هههه سمحليا ولكن كان ضروووري نردها ليك ههه 

علاء:😡

أسيل:(سمعو الكلاكسوون من موراهم بزاااف موكب العروسة زعما أسيل جاها مساج هزات تيليفونها من الصاك ديالها كانت أمينة لي گالتليها *أسييل برااڤوو علك نتي هههه* بقات أسيل غير كاضحك) هههههه

علاء:(بقا كايشوف فأسيل ومنفخ وهو كايسمع الكلاكسوون مجهد من اللور غلباتو الضحكة وبدا كايضحك) هههه😅

أسيل:علاا سلااامتك اصحابلي گاع ماكاتعرف ضحك ههه🙊

علاء:😑(جمع الضحكة تاني وهو يخنزر فيها باش تجمع راسها بقاو هكاك ساكتين واحد المدة)

أسيل:(حامية فيها البيضة هزات تيليفونها وبدات تشوف فالڤيدييوهات لي مصورة ومع الصوت مجهد علاء بقا كايشوف غير بنص عين وهي قشعاتو بقات كاضحك بشر هي تهز التيليفون وبدات كاتوريه له) هاكا شووف شنو دااز علك پفف كون غير برزتي معايا تانتا هاك هاكا شوف

علاء:أسيل راني سايگ

أسيل:وراك كاتمشا غا بشوية تانتا هاكا غا شوف

علاء:(شاف فيها دغيا الشعر مامغطيش الصدر عريان كتافها عريانين كعاتو😤)أسيييل جمعيي راه...استغفر الله العظيم 

أسيل:ياااه على معقد سووگ سووگ 😒(بقا علاء غادي حتا وصلو للدار كانو الطونوبيلات لاخرين سبقوهوم هادشي علاش كان علاء غادي غير بشوية وصلو وقف علاء ومشا خرج وتبعاتو أسيل هازة كسوتها بيديها والضواو شاعلين فالڤيلا كااملة أسيل بقات كادور فعينيها حتا كانت غاتجي على وجها كون ماشدها علاء عطاها يدو تشد فيها وهي حنات راسها حشمانة وشدات فيدو وهادا تقريبا اول إتصال جسدي بيناتهم بخاطرهوم قبل مايدخلو الڤيلا ستقبلاتهم عائلة علاء بالزغاريت والصلا عالنبي امينة وختها محيحين وإسراء عادي مامسوقاش ليهم عائشة هازة الحليب والتمر دخلو العرسان ديالنا من بعد ماضايفاتهم العائلة أسيل عنقات خالتها وباست يدها وكدلك يد شيخها الحاج عبد الحفيض كولشي فرحان خصوصا ملي صدقات أسيل من العائلة طلعو البنات أسيل للشومبغ ديالها وبداو كايضحكو معاها وخت علاء الكبيرة كاتنصح فيها زعما وأسيل غير كادور فعينيها جا علاء دخل والبنات خرجو من بعد وتسد الباب موراهم أسيل عاد حشمات ديال بصاح ووجها بدات كاتحس بيه سخون وبدا كايحمار اما علاء ضحك عليها بلا مايبين) 

علاء:احم مهم انا غاندخل للحمام نتوضاا ملي نخرج دخلي نتي 

أسيل:(ومات ليه براسها ومشا علاء هز حوايجو فيدو ودخل للحمام هي تقفز أسيل من بلاصتها) اويلي هادا علاش گااليا ندخل الحمام ياك ماناوي😱 نااري قفاارت اويلي ويلي والله لا كانت له😒 پفف (مشات ناضتت ووهزاتواحد الباليزة ديالها صغيرة كانت موجداها على حساب دبا بلا ماتبقا تحل وترون الدنيا كانت فيها عباية ديال الصلا هادشي لي گالتليها مها واحد التريكو بيض كول V ومعاه شورط فوق الركبة ديال النعاس فالكحل مابغاتش تلبس شوميز دو نوي باش مايفهمهاش علاء غالاط وفوطات ديالها شدات داكشي فيديها والپروديووات ديالها هزاتهم كاملين هو يخرج علاء ودغيا بدات كاتستر داكشي فالعباية خرج علاء لابس تيشورت كحل وسروال سپور فالگري)

علاء:حيدي داكشي باش مايترونش لك فالحمام☺

أسيل:آآ ااه عندك الحق👀 (عطاتو بالضهر وحيدات الكاپ من فوقها وبقات مجاكرة مع السنسلة ديال لاغوب تحلها حلات غي الفوق وبقا التحت هي تشجع وهضرات) علاء محتااجااك

علاء:ممم

أسيل:مهم السنسلة مابغاتش تحل حلها ليا عافاك 

علاء:(😳حشم وبانت عله واحد التزنيگة خفيفة ولكن دغيا مشا داكشي من لبالو أسيل راه مراتو مشا قرب منها وهي عاطياه بالضهر هزات شعرها لفوق وهو شدها من كتفها وبدا كايجر فالسنسلة بشوية وكايشوفها وكايشم ريحتها لي واصلة له حدا نيفو غير هبط السنسلة هي تبعد أسيل وتحنات هزات حوايجها) شكراا☺

علاء:لا شكر على واجب مهم نتي سيري دخلي للحمام دوشي انا غانصلي شي ركعات بيما جيتي ونصليو مجموعين

أسيل:واخا (مشات بالجرا دخلات للحمام وسدات عليها الباب وهي تنفس حيدات لاغوب وعلقاتها حيدات دو پباس ديالهاا ومشات قدام المراية مسفحة مسحات ميكاپ ديالها بديماكيوون حتا سالات وحلات دك المشطة بشوية عليها عاد دخلات للدوش من بعد ماخدات داكشي ديالها غسلات شعرها بشومپوان ودارت بان دوش بريحة الكرز من بعد ما سالات خرجات ولوات عليها فوطة دارت حليب ديال الجسم برائحة الكرز تاهو ودارت سيروم لشعرها ريحتو زوينة من بعد نشفاتو بالفووطة ونشفات الجسم ديالها مزيان ولبسات حوايجها شافت فالمراية هي تكحل بالعما))😱 اويلي ليووم يغتااصبني اويلي صاافي نخرج عرييانة حسن اويلي اكتر حاجة مستورة عندي هي هادي الا جيت لبس لي وميز دو نوي صاافي كحاالت اويلي ويلي وباينة هو ايكون كايتسنااني دباا ناري قفرتها ولكن بلاتي اناا ماالي امشي خراا 😈 مزياان نرد له الصرف شحال كان دافع كبيير ييخ تگوول كايخراها واقف مزيانة فيه انديك تا البحر وردك عطشاان اولدي يا علاء غا صبر عليا تا نتااقم منك مزياان😋 غا صبر (كانت كاتباان زويينة بزاف واخا داكشي لي لابسة ماشي معري ولكن جاها وااعر خصوصا فورمتها وااعرة هي بتاسمات بشر ووطلقات شعرها ولبسات العباية من الفوق كولشي تخباا وهي عاجبها الحال جمعات الروينة لي دارت وهزات داكشي فيديها ومشات خرجات عند علاء)

أسيل:(خرجات هي تلقا علاء كايصلي بخشووع تاام جاتها التبووريشة مني شافتو واخا ديما كاتشوف ماماها كاتصلي ولكن هاد المرة غير حسدااتو على هاد النعمة لي هو فيها بتاسمات فخااطرها وهي كاتمنا يجي النهار لي تاي ههيتولي دير بحالو أسيل بينها وبين الصلااا أعوااام وأعواام عديدة حنات راسها اما علاء كان كايدعي في خشوع ماسمعهاش حتا واش خرجات ملي سالا دار هو يلقاها واقفة) 

علاء:(كايسوف فأسيل لابسة عباية فالكحل وطالقة شعرها فوق منها ناض وقف اما هي ممشات حطات داكشي فباليزتها تا لغد ليه ملي تجي بسمة والبنات يعاونوها تقاد حوايجها وداكشي عگزات عليهم بوحدها جمعات شعرها وهزات فولار ديالها لواتو عليها وهزات الصلاية لي جاب ليها علاء فالغوز بيبي وشافت فه اما هو بتااسم حيت شافها هزاتها شدها من عندو وفرشها مورا الصلاية ديالو هو وبلا مايهضرو عينيهم دايرين كوولشي مامتحتتااجينش الكلمات جات أسيل موراه خداو بلاصتهوم وما ليها براسو وهي كدلك ودار وقام الصلاااة في خشووع تاام وبصوت عذب دخل كياانها وإخترق أذنيها متجها الى قلبها كسهم نااري أشعل قلبهاا.... قامت أسيل الصلاة من موراه وهي كاتعاود بي كايگوول خايفة لا تغلط وكاتحاول تخشع تاهي بحالو سمعاتوو كايقرا القرآن وصوتو زوين هي كاتسمع لكلمات القرآن من علااء وفنفس الوقت كاتقرا الصور لي كاتعرف هي علاء كايقرا آيات قرآنية اما أسيل كاتقرا غير سور صغار هادوك لي حافضة سجدو بجوج وكولا واحد كايشكي على لي خلقو وكايطلب منو لي فخااطرو من بعد قامو ودارو التحيات من بعد ما سالاو ناض علاء جمع الصلاية ديالو وأسيل كدلك وجا وقف عليها وحطيدو على جبهتها بلا كلمة بلا جوج وكايقرا فالدعاء وأسيل كاتردد غير كلمة أميين حتا سالا وقبل ماينطفق بتا كلمة زربات عليه أسيل وعطاتو بالضهر وبدات كادوي)👀علاء خاصني نهضر معاك

علاء:الله يسمعنا خبار الخير 

أسيل:مهم علاء غير گلس هادشي كتير شوية

علاء:(مشا گلس فوق الناموسية كايتسناها تهضر) 

أسيل:مهم (مشات تاهيا گلسات حداه) علاء انا عاارفااك معتابر هاد الزوااج حقيقي وتيقني تا انا فلول ماكنتش معتابرة هاد الزواج شيحاجة من غير زواج على الورق ولكن من بعد عرفت بلي ماكايناش شيحاجة سميتها زواج على الورق وهاد الزواج ديالنا حقيقي 100% ولكن بجوجنا عارفين الظروف لي تجوجنا فيهم نتا بغيتي تعاوني الله يكتر خيرك مهم انا ماعارفاش المشااعر دياالك جيهتي وانا كدلك داكشي علاش كانفض بلي ماتوقع بيناتنا تا حاجة حتا يتوضحو الامور كاملين باقي الحياة قدامنا وباقي الوقت نصبرو حتا يحن الله👀 مهم انا هادا هو القرار ديالي ا علاء وكانتمنا تفهمني 

علاء:(فهم بلي أسيل كاتلمح لدااكشي اي حقو الشرعي ومن حقو يطاالب به وهي من المفروض عليها تعطيه بدون تردد ولكن مابغاش يدير معاها هكاك وهي نوعا ما عندها الحق ولقا بلي القرار ديالها حسن ليهم بجوج وهو كانت كافية بالنسبة ليه ان أسيل تاخد هاد الزواج جديا ماشي غير لعب ولا كونطراا بتاسم) عندك الحق وانا فااهممك من حقك ديري لي بغيتي وكطفما گلتي من الاحسن نمشييو دقة دقة حتا يبغي الله وحنا مامزروبين فين

أسيل:شكرا حيت فهمتيني☺

علاء:ماشي مشكل مهم البيت بيتك خودي راحتك وكيف كاتشوفي كاينة ناموسية وحدة وماكايناش شي بلاصة خرا داكشي علاء كانگول غانعسو فبلاصة وحدة 

أسيل:😐 ااه واخا لي بغيتي ماعنديش مشكل الا مابغيتيء نعس حداك نعس فلارض ولكن لا بصاح انا مانعسش فلارض مانقدرش ومانبغيش اصلا🙊

علاء:ههه واخا مهم انا غانهز القرآن نقرا شوية

أسيل:واخا (مشا علاء هز القرآن ومشا تكا على الخشب ديال الناموسية وبقا كايقرا اما أسيل عاودات نشفات شعرها قدام المراية وهي كاتشمشم فه ريحتو غزالة وكاضرب شوفات شريرة فعلاء مهم دارت روتينها الليلي رطبات بشرتها وفمها ومن بعد شافت فه لقاتو مركز مع القراية هي تغتانم الفرصة وحيدات العباية بشوية حتا حيداتها كاملة ومن بعد بانت 🔝👌🏻فورمتها غزالة ووجها كتر مشات حفيانة بشوية عليها كاتقرب عند علاء لي هو فنفس الدقة شاف فيها بنص عين هو يتصدم منها لدرجة نسا راسو اما هي بتاسمات بشر ومن بعد بدات تقاد فبلاصتها بشوية عليية حتا قاداتها ومشات تكات حداه عاطياه بالضهر ردات عليها الغطا طفات الضو لي حداها هي دور عندو وگالتليه) تصبح على خيير ا علااء 

علااء:تصبحي على خير

أسيل:😁(دارت وهي تما نعسات عيات بزاف اما علاء بقا غير كايدور عينيه ولش هادي نيت لي قدامو أسيل تلف وتفكر الحلمة لي كان حلم تايبانليه قربات ترجع حقيقة جمع القران وستغفر مولاه حطو فبلاصتو طفا الضو تا هو وتكا وبدا كايفكر فأسيل وكايدوي مع واسو حتا داه النعاااس....)

🌞أصبحنا و أصبح الملك 🌞

..صباح جديد ..دخلات الأشعة ديال شميسة في بيت الأبطال ديالنا و بضبط في عينين علاء لكان ناعس ..وصلات وقيتة ديال فياق ديالو ضرباتو فيقة ..حل عين و عين خرا سادها بسبااب شمس لضاربة في عينيها هز يديه كيحك عينيه تا حلهوم مزيان و هو يبان ليه وجه أسيل قريب ليه بزااف دايرة عندو و حاطة يديها تحت حنكها و شعرها زعر مليوح على وجههاا ..علاء بلا شعور يديه مشات نيشان لشعرها كيبعدو على وجهها و كيحسس في وجههها و هو محاس اش كيدير تا شافها بدات كتزعزع عاد جمع يديه و ناض بشوية لاح غطا و ناض مشا دخل دوووش كولو عرقان ووجهو مزنك وقف قدام مراية كيشوف مدة في راسو تا جااتو ضحكة 😂

علاء: (مع رااسو )اييه ا علاء غير ولف كل ساعة خااصك دوش ..الله يزيدني من صبر يا رب صبر ايوووب صبر ايوب هه..مشا علاء حيد حوايجو و دخل تحت رشااشةة🚿 و دوش و توضا وضوء كبير و توضا وضو صغير هز بنوار ديال حمام لمن مورا الباب ديالو و لبسو و هز فوطة صغيرةة كيمسح بيها شعرو و خرج مشا مايرو حلو و كيجبد شنو يلبس ..

أسيل من بعدا مادخل علاء دووش ..بداات كتفيق شوية بشوية و هي نعاسها ثقيل و خاصها مدة من تفيق تبقى مسطحة في بلاصتها تا توكض مزيان عاد تحرك كتكون مازال مبوقة ..حلات عينيها مابانش ليها علاء في بلاصتو سمعات صوت دوش عرفاتو فاق كيدوش ..بقات كضور في عينيها عاد كتستكشف البيت مزيان ..هزات تيلي في جنبها فوق كوافوز شافت ساعة لقاتها الله 7 و رجعات تكات كتكسل تا سمعات حس تقطع عرفااات علاء ساالا دوش ديالو و خارج و هي دير راسها باقاة ناعسة ..تا سمعات باب تحل و حركات علاء في بيت و هي تفتح نص عين كطل بيها بان ليها علاء واقفة في ماريو كيجبد حوايجز و ريحة باندوش ديال شكلاط عاطية منو ..مشا قدام مراية طويلة عندو في بيت هز ديودوغو ديال عرق و دارو ..دار باش يشوف أسيل واش ناعسة ..هي تسد عينيها في بلاصة ..رجع كيمسح راسوو كينشفو ..جبد بوكسور في بيض لبسوو من تحت بنوار ..عاد حيد بنواار غير شافتو أسيل عريان و هي تشهق في نفسهاا ..

أسيل: (في نفسها) ويلي ويلي باااا شفت فاااحشة ..و لكن صراااحة انا لمزوووجة احح على ملتزم ديالي 😍 اويلي اش كنكول انا راني مسخت و الله مكنحشم ..هذا مالو تعطل..انا لبنت مكنكلسش هاذ وقت كلوو..ويلي تزيرت انطرطق موصيبة كحلة هذي..اش اندير اووف ..ندير راسي فقت باش يفهم رااسو ..بدات اسيل كتحرك ..علاء حس بيها عرقها كتفيق دغيا لبس صوفيطمة في بيض و جابادور ديالو في بلونكاسي و قاد شعرو لور و لحيتو رش ريحتو ..و دار عند أسيل ..

علاء: اسيل فقتي؟

أسيل: احم احم صباح الخير ..

علاء: صباح نور نعستي مزيان؟؟

أسيل: حمد الله شكرا ..😊

علاء: نوضي غسلي باش نهبطو شوية اتجي ماماك و بسمة ..

أسيل: وخا...لاحت غطاا اسيل و ناضت كالسة كتكسل في بلاصتها و دوني طالع على كرشها صرتها كتبان و شرط نازل شوية ..هي كتصرف بعفوية ناسية داك سيد مسكين لمحروم قدامها ..ناضت كتمشي على صباع رجليها و كتعوج..علاء بدا كيحنحن في نفسوو و نزل عينيه قبل متوقع شي موصيبة ..مشات باليزتها و هزاتها جبدات دوبيااس مشبكين في بيض و دوني بشورط ديالو في بيض مشبكين ديال عراايس وجبدات قفطان براندة خفيفة في نقري ..و هزات كريمات ديالها وبنوارها ديال حمام هادشي تحت اعين عريس ديالنا..دخلات دوش ..و جبدات لبرودوي ديالها و باندوش ديال فاني خواتو في بنوار🛁 و تخشات فيه كترخي عضيماتها..هزات شومبان ديالها ودارت جوج كوشااات راسها و دلكات شوية جلدة شعرها ..غسلاتو على حقها و طريقو ..عاد دازت لحمها دوزات صابون و في لخر شلات بباندوش ديالها و لباست بنوارها و خرجات من بنوار وقفات قدام مراية ..و بان ليها واحد فوطوي صغير تما مشات كلسات عليه و كلسات كتنشف راسها و لحمها ...و كذهنو بكريمات ديالها ..رشات بيطانها بستيك ديال عرق و دارت شوية بوربو التحت و لبسات دوبياس ديالها و دوني و شورط و مشات هزات شيشوار و كلسات كتشنف شعرها في نفس وقت كتسرحو سالات و ذهناتو بسيروووم ديال صبار ..لبسات قفطان و طلقات شعر شداتو غير بمقبط صغير ..ذهنات وجهها بكريم ايدغاطو نهاري ..و دارت غير كحل و ريسيل و كلوز خفيف ...جمعات داكشي و خرجات لقات علاء كيصلي ..مشات جمعات داك تخربيق في بيت و جبدات بلغة بيضة منبتة بعقيق لباستها في رجليها ..و مشات هزات ديك باليزة صغيرة لفيها اكسسوارات ديالها و ذهبها و زيد ماكياج و كريمات و كلسات كتقاد داكشي قدام مراية ..ردات داكشي ديال علاء لواحد جيهة و داكشي ديالها لواحد جيهة ووكيف معروف عليها تاويل عرفات تقاد داكشي ..و لاقاها ربي بواحد مرتب و متول كثر منها .. جبدات ريحتها نانين رشاتها و خلان ريحة بيت كلها عاطية قات كضور عينيها تا سالا علاء ..ضار عندها طلعها و هبطها في بلاصة عجبااتو ابتسم ليها ..ردات ليه ابتسامة..

أسيل: شنو كتصلي؟

علاء: غير واحد جوج ركعات نضت بارح الفجر و لكن مع عياء صليت غير جوج ركعات ..و صبح مصليتوش داكشي علاش صليتو دبا 😊

أسيل: اه الله يقبل 😊يا الله نهبطو ..

علاء: يا الله ..

♡عند الأبطال ديالنا♡ 

هبطات أسيل و في جنبها علاء ..سد علاء باب بيت و هبطو التحت لكانت عائلة كاملة فايقة و غير شافتهوم عائشة بدات تصلي على نبي و تزغرت هي و الأم ديال أماني ..اسيل حشمانة وووجهها مزنك و علاء كثر منها ..ليشوفهوم يكول هذو غير باييتين يتعابزوو بارح 😂 امينة و اماني بداو كيوشوشو بيناتهوم و يضحكو ..هبط علاء و باس يد الأب ديالو و الأم ديالو و داز الأم اماني ..وأسيل تا هي و سلمو على بقية و كلسو ..فوق طبلة ديال فطوور مجهزة من جميع وصفات مغربية في اي بيت مغربي معرووف فطور عروسة مكيوصل تا 12 مع الغذاء نيت و عائلة العروسة كتجيب فطور و غذا و في نفس الوقت دفوع ديال عروووسة ..كلسو كيفطرو و رجال مجمعين بيناتهوم و اسيل كالسة بين اماني و امينة لشادين فيها نيت طبخو ليها راسها ..

اسيل: تومااا هنيونا را موقع والو غير تهنااو ..

اماني: اويبلي 😱

أسيل: لقوة تومااا سكتو را يسمعكوم بيناتكوم و الله مندخل و هنيونا تا من بعد شوفو خالتي كتشوف فينا ..

امينة: و ختي صبرنا سالا يا الله نطلو بيت و عاودي لينا ..

أسيل: اويلي حي و اش غادي نقولو ليهوم 😑

امينةة: (شافت في ماماها) ماما احنا سالينا انطلعو فوق حتاجيتو شي حاجة عيطو لينا ..

عائشةة:وخا ابنتي ..و لكن مرات خوك سالات فطورها ..بعدا؟

اسيل: اه شبعت اخالتي حمد الله😊

عائشة : ايوا طلعي ابنتي ترتاحي ..طلعو معاها البنات..اسيل طلعات و في جنبها بنات غير دخلو بيت لباقي مرون ..بنات بقاو غير كيضورو في عينوهم اما اسيل كاع مامسوقة ..

اسيل:(ضارت عندهوم) مالكووم حالين فمكوم ياك بغيتو تعرفو و هي اتعرفووو نيت دوزو جمعو معايا را فيا شي عكززز منكوليكومش ..

امينةة: دباا امرات خوياا ..عاودي لينا كيجاااتك حلوة و كيفااش موقع والو ؟.

اسيل:(مبغات تكوليهوم والو ) ختكوووم فيها لاغيكل ماشكيت عليكوم مكاين لا حلوة لا ملحة ..

اماني: ههههه بقا فيا علاء مسكين ..

امينة : واييه😂😂زهر عند خوياا ..ولكن ماشي مشكل قريب قريب ..

اسيل: اييه قريب ..باركة من هضرة اجيو قاضو معايا هادشي بليز را قوة شراوط راسي ضرني ..

اماني: هي لولة ..

حلات باليزات ديالها اسيل و جبدات حوايجها كاملين ديال صيف و ديال برد و ديال ربيع و كاع داكشي لشرات حلات ماريو و ردات حوايج علاء واحد جيهة و خوات جيهة خرا ز بدات كتعلق لخاصو يتعلق و كطوي لخاصو يتطوا ..ملابس داخلية بوحدهوم ..بيجامات بوحدوهوم و لشوميز دونوي ..واحد ينسيك في لاخور بنات بقاو غير كيشوفو و كيتغامزو عليها و هي كاع مامسوقة جمعات شعرها بمقبط وكتقاد كل حاجة بلاصتها ..حوايج برد غبراتهوم التحت و خلات غير ديال ربيع سروال و كساوي و بوديات كلشي قاداتو و كملاتها بصباطها لدارتوهوم التحت ووقادتهوم ..عاد دازت بنوارات ديالها ديال حمام و دارتهوم في واحد جيهة و جيهة خرا جبدات واحد جوج ليزارات بيضين واحد خشاتو و لاخور لاحتو فوق ناموسية باش تغطي بيها نامومسية ..حيدات داك كويطة و داتها شبكة لفي حمام ديال وسخ..باليزات خواتهوم و هزاتهوم فوق ماريو ..مشات كتفرش داك ليزار و بنات كيجبدو معاها من جناب ..خشات مخاذ في دوك غشاوات ديال ليزار ...سالات بقات كتقاد كوافوزات كتخويهوم و كتستف كتب علاء و داكشي ديالو ..دخلات حمام كملات ليه جميع و مسحات كلشي عاد خرجات قادات شعرها من جديد و كلسات كتهضر و ضحك مع بنات ..تا دخل علاء و خرجو بنات ..دار تيلي ديالو يتشارجا و هز واحد كتاب كلس كيقرا فيه ..اما اسيل هزات تيلي ديالها شعالاتو و هي تصوني ليها بسمة علماتها بانهوم قربو ..

خديجة ناضت صباح مع جاراتها و ردو حريرة طيب و عجنو مسمن و بغرير ..صلقو بيض و بسمة قادات 3 كيكات مختلفين ..و مشات كتقاد مع بنات داكشي في طيافر تمر و الفواكه جافة لوز و كرطاع و مسكة و حلوة و كلشي ..خديجة جبدات دجاج و نصبات سكسكو ..تا طاب واحد بضفاية و واحد بسبع خضاااري جوج قصرياات كبار ..عيطات بسمة لحمد لفي خبارو اسيلل تزوجات و هضر معاها بارك ليها جاب هوندا ..و هبطو داكشي ديال اسيل دفوع لجابو ليها ناسها ..عاد هبطو طيافر خرين تسلفوهوم من عند نكاافة ..فيهوم فطور اسيل فطور عروووسة على حقو و طريقو ..وجدو راسهوم و لبسو قفاطنهوم و هبطو ..حمد جاب طاكسي ديالو و عاد جاب هونادا و لغادي يصوكها واحد صاحبو ركبات بسمة حداه قدام ..و خديجة و جاراتها لور في طاكسي و مول هوندا قدامهوم من بعد ماسدو دار و طفاو ضاور و زيرو بوطاات و حيدو بريزات ..و انطلقو فيلا عند أسيل غير سمعاتهوم جايين ناضت ..

اسيل: ها هما جاييين ..

علاء:(هز عينيه) الله يجيبهوم على خير ..وجدي راسك..

اسيل: واجدة انا انهبط التحت ..

علاء: صافي هبطي نتي انا انصلي ضهر ايآذن و نتبعك ..

اسيل: اه صافي ..(مشات قدام مراية قادات راسهاا و هبطات لقات كلشي مجموع كالسين ..بانت ليها خالتها و اسراء في كوزينة و ناضت عندهوم لقاتهوم كينصبو الغذاء و كيهضرو ..

اسيل: سلام نعاونكوم ؟؟

اسراء: (ضارت عندها دغيا) غير كلسي حنا ساليناا

إسراء:لا ماكاين لا لاااش

أسيل:😳ولكن... 

عائشة:ههه عارفة بنت ختي حادگة تبارك الله عليك راك باقة عروسة ابنتي ماكاين لاش ديري شيحاجة ونتي مزاال حتا مانشفات الحنة من يديك غا خليك ابنتي رتااحي هاد النهار نهارك

أسيل:واخا اخالتي (شافت فإسراء بشك تنوات من تصرفها ولكن سرطاتها بجغيمة ديال الما وسكتات خرجات من الكوزينة هي تشوف شيخها الحاج عبد الحفيظ مشات كاتجري سلمات عليه باست ليه يدو وراسو وهو رضا عليها سمعو الكلاكسوون فبرا هادشي كايدل بلي عائلة العروسة وصلات خرجو كاملن كايجريو ويتجاراو ستقبلوهوم ودخلو اما خديجة شافت بنتها هي تمشي عنقاتها وأسيل كدلك) ماما والله تا توحشتك 

بسمة:تي سيري شفتي راجلك قلبتي علينا

أسيل:الله يستر راه غي نهار لي داز دغيا صدقت قالبة عليكم اوا الله امسخك

بسمة:ههه

خديجة:ههه بابراكة عليكم ماكاتعيااوش 

أسيل:☺(مشا كولشي دخل ودخلو داكشي لي جابو وگلسو فالگلسة لي كانو موجدينها ليهم الصالة عامرة الرجال فجيهة والعيالات فجيهة خرا أسيل كاضحك مع بسمة وأماني والبنات هي تعيط عليها خالتها عائشة لي كانت گالسة حدا خديجة مشات عندهوم ودارو ليها بلاصة وسطهوم وبداو كايديرر ليها إستنطاق) 

عائشة:اوا ابنتي كيدازت ليلتكم

أسيل:😳

خديجة:ماشي مشكل ابنتي ماتحشميش راه خالتك هادي ياك ماتقسحتي بزاف ابنتي راه غير فلول كاتقسحي شوية من بعد كاتولفي 

عائشة:ااه ابنتي هادشي راه عادي ويلا مانصحناك حنايا شكون غاينصحك ماتحشميش منا ابنتي اه راه إسراء سوليها الا حشمتي منا حنايا راه هي تجاوبك على كولشي ديريها بحال ختك 

أسيل:(وجها حمر دوروها وحدة تسول من هاد الجيهة ولاخرة كاتسول من جيهة خرا حشمات وماعرفات باش تجاوبهوم داكشي علاش قررات تكدب عليهم باش ينساو هادشي) 👀آآآآ احم خالتي ماما داكشي داز مزيان حمد الله لا ماكاين لاش نسول حتا واحد راه كولشي داز مزيان 

عائشة:حمد الله

خديجة:حمد الله ابنتي اوا ديها فراجلك وعرفي كيفاش تفرحيه فهمو بعضياتكم وماتنسايش ابنتي بلي هادا حقو الشرعي

عائشة:ااه ابنتي راه هو من حقو يطلب منك داكشي ومن الواجب ديالك تعطيه ليه تانتي راه ابنتي الملائكة كايلعنو المرا لي كاترفض تعطي للراجل حقو الشرعي بطبيعة الحال الا كانو عندك ظروف تمنعك راك معفية فهمتيني ابنتي

أسيل:(كاتفكر فهادشي لي كاتسمع وبداات كاتشوف فبسمة من بعيد باش تعتقها من هاد الموقف گلسوها وسطهوم حشمووها ولات حمرة شافتها بسمة ومافهماتهاش) 

بسمة:(هادي ماالها كاتشوف فيا) 😳(كادير ليها براسها زعما شنو بغيتي) 

أسيل:ااه فهمتك اخاالتي (كاتشوف فبسمة وكاطلبها بعينيها تعتقها) 

بسمة:(مافهمات والو داكشي علاش بغات تنوض عندها تسولها مشات جيهتها وتما أسيل ستاغلات الفرصة) 

أسيل:هاا بسمة كاتعيط عليا غانمشي نشوف شنو بغات (ناضتت كاتجري خلاتهم كايضحكو حيت عرفوها حشمات منهوم ومشات كاتجري عند بسمة جراتها ومشات عند البنات گلسات وسطهوم) اوووف نااري 😐 حشمووني البنات والله شوفي وجهي كيفاش ولا حممر شووفي(كاتقيس فوجها)

بسمة:اويلي شنوو گاالولك

أماني:اويلي مالكم البنات

بسمة:مانعرف أسيل بوحدها مني جات وهي تهضر بالالغاز

أسيل:اويلي عرفتو علاياش هضرو معايا الشووهة البنات والله😢(عاودات ليهم من لول تا لخر) 

أمينة:ههههههه واانااري تي عمري عرفت ماما ماكاتحشمش

أسيل:😢ناري ولييت حمرة ياااك 

خديجة:البناات اجييو نحطوو الغد ونقادو كولشي *ناضو البنات كولشي كايتعااون باش يقادو الماكلة وداكشي لي جا واخا ديجا كولشي مقاد بداو بالرجال حطو لهم تا كلاو وسالاو عاد حطو العيالات ضحكو ونشطو كلتا العائلتين فرحانين بزواج الابنااء ديالهم وكايتمناو ليهم الخير والسعادة فحياتهم من بعد ما سالاو تعاونوو العيالات والعيالات على الماعن وداكشي اما البنات وعروستنا طبعا من غير إسراء لي ماحملاتش أسيل حاسة بلي خدات بلاصة ختها وشفرات ليها علاء من بين يديها خصوصا نور لي كاتوفى على شي حد سميتو علاء الدين مشاو البنات هربو ودخلو لبيت أسسل كايتعاودو وعاونوها تقاد داكشي لي بقا ليها من حوايجها صلاو الناس العصر وبداو كايوجدو لكاسكروط وهكا داز نهارهم كان كولشي على حقو وطريقو خصوصا خديجة لي واقفة على رجل وحدة على قبل بنتها عوينة وحدة لي عندها من بعد ما صلاو الناس العشا وتعشاو عاد تفرق المجمع وكولا واحد مشا لدارو أسيل تفارقات مع ماماها وبسمة غا بزز طلباتهم يباتو عندها ولكن مابغاوش اما علاء فهو لي مشا دا خديجة وبسمة وصلهوم للدار باش أسيل تبقا مطمائنة اما أسيل مشات طلعات لبيتها من بعد ما عاوناتهوم فغسيل الواني واخا غا بزز حيت عائشة ماكانتش باغة كولشي مشا ينعس كولشي كان عيان طلعات أسيل حيدات حوايجها ودخلات للحمام من بعد ما خدات حوايجها دخلاتهم معاها*

أسيل:(دخلات الحمام من بعد ما زولات حوايجها بغات دوش قبل ما يجي علاء دغيا زرباات على الدوش بغات غير تحيد ريحة العرق وصافي دارت شومپوان ديالها وبان دوش برائحة الفواكه من بعد ما سالات لوات عليها فوطة ووقفات قدام المراية حتا نشفات راسها دارت سيروم لشعرها وحليب لجسمها بنفس رائحة بان دوش لبسات ديباردور فالكحل وشورط قصير حدو مغطي المؤخرة ديالعا فالبلوماغين هزات فوطة صغيرة وبدات تنشف شعرها غير بشوية مشات وحطات ودنيها على الباب لايكون جا علاء ماسمعات والو هي تكمل تنشيف شعرها وحلات الباب خرجات وسدات الباب ديال الحمام غير هزات راسها هي تصدم بعلاء لي كان عاد داخل وشافها هكاك الصدر واقف والمؤخرة كدلك هاد المرة ماحدرش عينيه خرجهوم نيت باش توضاح له الصورة😂 اما أسيل الهضرة وحلات ليها وبدات تفتف عليه) ععع....للاااا.....ء (بدات كاتصفار وتخضار غا بوحدها وحشمات بغات تغطي ولكن ما بقا مايتغطا صافي شاف كولشي أسسل مشات بعيد...)

علاء:(كايقرب جيهة أسيل حتا ولا مقابل معاها ومابقات بيناتهم الا سنتيمترات قلال حيد ليها الفوطة من يديها ولاحها بعيد) 

أسيل:😳ععع... لاااء شنووو كاااددددير 

علاء:شوو ماكاندير والو ماتخاافيش راه حقي الشرعي هادا ومن الواجب علك ماتمنعينيش (شد ليها فيدها وهزها لعندو باس راحة يدها وأسيل غير مصدوومة) 

أسيل:عع...لااااااء...

علاء:(حط صبعو على فمها سكتها) شوو ماشي وقت الهضرة (شدها من الخصر ديالها ودفعها غير بشوية حتا لصقات مع الحيط وهبط لعنقها كايشم فريحتها اما أسيل مشات لعالم آخر غيباات طلع علاء لفم أسيل وشاف فيها شحااال من بعد هبط لعندها وحط يدو فالذقن ديالها وطبع قبللة سخوووونة على فمهااااا حسات بيها أسيلل وفكرشهاا كايلعبوو الفرااااشااات)

علاء:هيييهوو أسيلل ماالك فين سااهية

أسيل:😳آآآ ككيفااش (بداا كاتشوف فجنابها الفوطة باقي فيديها علاء بعيد عليها هادشي كايعني راها غير كانت كااتخيل ولاات حمرة الخيال ديالها داها بعيد ستوعبات وردات البال لداكشي لي لابسة وحدرات رااسها)

علاء:(من بعد المنظر لي شااف وبقاا مصدوووم كايشوف فجسدها المثيير مدة من بعد ما حشم وعاق براسو لقا أسيلل ساهية وفعالم آخر حنحن ووالو وبدا يهضر معاها عاد فاقت من الگلبة)

أسيل:(بداات كاتردد كلمات القوة ديالها فخاطرها😂 وهي تبان تاني أسيل الشخصية الشريرة والفكرة ديال الانتقاام رجعات ليها تنهدات بعمق وشافت فيه شوفات شريرة) ااح سمحليا كنت ساهية جيتي وصلتيهم

علاء:👀اه وصلتهوم 

أسيل:واخا مزيان لقيتيني عاد دوشت غايضربني البرد انمشي نتخشا دبا نعس

علاء:اه اه

أسيل:(مشات المراية ديالها وگلسات فوق الكرسي دارت الروتين ديالها الليلي رطبات فمها ووجها اما علاء بقا غير مصدوم مشا جيهة الپلاكار وهو كايردد غير كلمة أستغفر الله العظيم خدا حوايجو ومشا دخل للحمام أما أسيل غير شافتو دخل هي تبدا ضحك غي بشوية ماتت بالضحك عليه وهي تفكر أحلام اليقظة ديال قبيلة وحطات يدها على فمها) نااري ووييع عقلي مووسخ كون مافيقني هو كنت غانبقا نفكر فدك الفااحشة اويييلي موصيبة كحلة گاليك حقو الشرعي ناااري ويلا جاب الله بصاح گالها ليا شنو غاندير واش نعطيه وانا ماباغاش اويلي موصيبة كحلة سيري اخالتي اشبغييت لك دخلتي ليا هاد العجب لراسي ييخ (مشات أسيل تخشات ففراشها وكاتسناه يجي باغا تنكدها عله شوية تاني هزات تيليفونها وبقات كاتهضر مع بسمة شحال حتا سمعات علاء خرج هي تجمع التيليفون وخباتو اما هو كان مبدل ومدوش هههههه مسكين نكدااتها عله شافها باقي مانعسات اما هو هز واحد الرواية ومشا تخشا حداها مابغاش يخليها تغلبو الاه جبد باش يحلها هي تحط يدها عليها ماخلاتوش) بلااش من بعد وقراا ناري خدام وسط الكتووبة وعندك عرام فالدار واش ماكاتعيااش

علاء:😑أسيييل!! 

أسيل:ممم شووف انا ويااك تجوجنا ومزال گاع ماكانعرفو بعضياتنا مزيااان ماشي حشوومة

علاء:(بقا كايفكر) عندك الحق (حط الرواية فوق الكوافوزة) شنوو بغيتي تعرفي عليا

أسيل:ممم كوولشي 

علاء:بدااي نتياا

أسيل:ممم😕 اااه واخا ماشي مشكل انا أسيل بن العمران راك عارف فعمر تقريبا 19 عام ممم عندي ماما وبسمة ختي تعرفت عليها فظروف راك عارف خايبة مهم شنو بغيتي تعرف كامل

علاء:عادي الهوايات ديالك شخصيتك

أسيل:شخصيتي غاامضة انا براسي ماعارفاهاش هه مرة كانكون من اطيب خلق الله مرة كانكون شريرة وكانحقد على بنادم خاصني ضروري نرد له الصرف ممم وماكانساااش بسهوولة نقدر نضرب على بنادم واخا يكون هو ماعرفت شنووو بالنسبة ليا

علاء:😳

أسيل:هههه كون هاني ماكانحشيش لك الهضرة😅

علاء:ههه اوكي كملي

أسيل:وشنو مزال ماعنديش مع لي تحكم فيا كانكره هكاك راسي قااسح ويلا بززتي عليا الحاجة غاندير العكس غير ضد فك كايعجبني نبقا شادة الضد وماكارضااش نفسيي فووق هناا (حطات يدها على جبهتها بحركة طفولية) 😌 مهم بزااف

علاء:گااع الصفاات الخاايبين جامعاهم وعاجبك الحال😑

أسيل:😒

#يتبع.