علاء: لا حاااشة غير شتك فرحااانة بكااع هاذ صفات و تا وحدة فيهوم مكتحمر وجه!
أسيل: ايواا حاااشاك بصحتي كيجيتك تلقا حسن مني...؟
علاء:كولي واش لقا شي وحدة اسوء منك😂
أسيل:(وجهها ولا حمر) وخااا شكراا اسيدي الله يكثر خيرك(دارتها بغات تنعس تا كيجدها علاء من كتافها لعاريانين و هي باردة ..علاء يديه سخونة طلعات معاها تبوووريشة حسات بقلبها غادي يسكت ..اما هو في هالا خالص 😂...
علاء:اجحم تقلقتي ضوري غير كنضحك معااك ..
أسيل:(كتحااول تبعد ) كح خليني ا علاء عليك بغيت نعس..
علاء: (حيد يديه) و نتي ماباغاش تعرفي عللليا انا زعما؟
علاء: ايوا الالة راكي عارفة سميتي كنيتي و فاش خدام ز العمر ياك..؟
أسيل: اه ..
علاء: ايوا نجيو صفااات ..انا ماشي معقد ا أسيل كيف قلتي ..غير هي عندي نيشاان نيشااان ..كذووب و تخرويض و نفاااف داكشي خاطيني ..صارم في وقت جدية ..مكنبغيش نكثر من ضحك لبلا فايدة و اي حاااجة اتبعدني من الله و لا تخليني نعصيه كنبعد منهاا..اهم حاجو عندي رضاة واليديا عليا و الأهم رضا الله علياا ..اي حاجة كتعصيه كنبعد منهاا...كنعتعصب دغياا و لاتعصبت كنولي خااايب ..لا مشيت تا خذيت نضرة علر شي واحد نضرة خاايبة صافي مغاااديش نعاود نشوف فيه ..و قليل فاش كنساامح شي حد غلط معاايا .. بالخصووص كنبغي هضرتي من نكولها دار اي قراري يتحتاارم ..اي حاجة اضر عائلتي اضرني ..من كنتعصب يدي كتخدم ماشي غير فمي ..وخااا قليل فاش كنتعصب ..غير كنترينفااا مع الخدمة و صافي ..بخصووص هضرتي من كنكول شي حاجو و لا شي قرار مكنرجعش فيه ..و مكنبغيش ليرفض عليا شي حاجة و لا يدخل فيا ..اي حر في حياتي يا عملية يا خاااصة ..و هادشي لكاين تا من واليديااا عارفينو و اهم حاجة هي صدق حيث هادشي علاش ربااوني واليديا ..هادشي لكاين حاليا..
أسيل:😳😳 تبارك الله هادشي كامل و كالس كطنز عليا ...و عطيني دباا شي صفة فيك كتحمر وجه ...ايوا الله يعطينا وجهك 😑
علاء: (ضحك بعفوية) ههههه اش بغيتيه ؟؟
أسيل: ندخل بيه حمام رجال 😌
علاء:(جمع ضحكة و خنز فيهااا) دوووووري تنعسي نتي حرام شي حد يدوي معااك 😠 (تخشا في بلاصتو و دار عطاها بضهر ..) ..
أسيل: اويلي غير كنضحك ..تا مالك و علاش داير جيهة لوخرا مافخباااركش حرام تعطي مرتك بضهر ..
علاء:(دار بزربةة) 😳😳 كيفاااش؟
أسيل: مالك ..(بلا شعور ) قبيلة كنا كندويو انا وماما و خالتي و كالولي حرام مراة و راجلها يتعطاو بضهر..ياك و ..(عاقت براسها و عضات هلى شفايفها) و ..و
علاء: ايييه كملي و شنووو ..مكوليليكش شي حاجة خرا ؟؟
أسيل: لا غير هادشي ...صافي انا نعس(ضارت)
علاء: ايوا علاش ضرتي ياك حرام وضوري عندي ..
أسيل: هااا😳😳
علاء: ضوووري ا أسيل ..
أسيل: (ضارت عندو ) هانا ..
علاء: (تقابل معاها) ايوا نعسي دبا..
أسيل: وخاا تصبح على خير ..(غمضات عينيها)
علاء: تصبحي على خير ..(في نفسو : تصبحي على خير يا أحسن ما رأت عيني ) ..نعس تا هو😴
..جا صباح جديد بحال كاع صباااحات ..علاء مشا خدمتو و اسيل مشات قرايتهااا ..علاء كيديها هي و امينة لتصحاابو مبقاوش كيتفارقو ..اما اماني ديما سالتة ...أسيل هي و علاء علاقتهوم عادية ..اسيل ديما كتفقص علاء و هو صابر ليها ..دازت ديك سيمانة لمن مورا العرس ..و مشات اسيل و عائلة حماها عند دارهوم و تما خديجة اقتارحت انها تسافر بلاد ديالهوم لفي تيزنيت هي و عائشة بغات تزور القبور ديال واليديها ..و عائشة فرحات و تا بسمة بغات تمشي وخا عيات معاها اسيل تكلس و لكن والو بغات تمشي مع خديجة ..صفي خلاوها على خاطرها اصلا باقي مدخلات شهرها نيت ..ايوا دارو نهار ليمشيو فيه و بداو كيجمعو ..اسيل جبدات شي فلوس و عطاتهوم لماماها ..وتا علاء بغا يعطي اسيل ..و لكن رفضاات و هادشي معجبش علاء و غوت عليها ..و تقلقااات منو و قلبات وجهها و مبقاتش باغا تهضر معاااه ...عائشو جمعات حوايجها و خديجو تا هي و بسمة ..و داهوم علاء لمطار رباط حيث صايبو باش يمشيو في طيارة بحكم اكادير بعيدة على قنيطرة و مشات تا اسيل لمنفخة منوو ...و مكدويهش ..(سرعنا احداث ابنات شوية حيث مبغيناش نديرو تكرار بغينا نبداو في صح😉) مشاو شدو طريق و اسيل رجعات مع علاء ...لفيلا وصلو لقاوهوم كيتعشاو ..تعشاو معاهوم و طلعو بيتهوم...علاء بغا يدوي معاها و لكن هي كتنخلو صافي طلعات ليه دم كل واحد كيتخشا في بلاصتو..ووخا مدابزين كن داك نهار تا واحد فيهوم مكيعطي ضهرو لاخور ..نعسو ..😴
صبح الحال ناض علاء قبل من اسيل قدا مسائلو و هبط فطر و مشا خدمتو ...ناضت اسيل من موراه وجمعات بيتها و بدلات و هبطات فطرات و طلعات بيتها تفكرات واحد كتاب مهم و داضطرات تصوني علاء ..هو والو مكيجاوبهاااش ..نخلهاا..تعصبات لبسات حوايجها و خرجاات غادو عندو ..
نور: شوف ا علاء انا نجيك من الآخر انا كتعجبني مكرهتش كون كنتي نتاا راجلي ..من ديما كنت كنتخيل راجل لغادي نتزوج بيه يكون بحالك..و لكن نتا تزوجي ..
علاء:(تصدم من هضرتها مكانش متوقعها منها 😳) كيفااااش😳 ؟؟
نور: علاء عافاك متسولنيش باغا غير نتأكد..حيث باليا زواجك ماشي تا لهيه و انا متأكدة انك زوجة لكنتي راسم في بالك ماشي هي أسيل ..و الحد الآن علاقتكوم مامفهوووماااش تقدر تكولي فيك نوع من جرآة ..و لكن مقديتش نصبر😢 بغيت نفهم منك باش رتااح ..منكذبش عليك بااقي عندي امل ..و نتا لغادي تقرر واش املي يبقى و لا صافي غير نسااه ..جاوبني ا علاء بليز ..شنو لخلاك تزوج أسيل ..
علاء: في خباااارك صدمتني ..عمري توقعت يجي هاذ نهار و يطرحو عليا هاذ الأسئلة ..ومنك نتي بضبط ..و سمحلي ليا على هاذ كلمة ..جرأة زاااايدة عندك جرعة شوية .. مع الأسف و انا مامحتاااجش نجاااوبك على أسئلة ديالك ..!!
نور: تا انا ماغاديش نتحرك منهنااا تا نعرف علاش تزوجتي بأسيل ؟؟؟
علاء: حييييث كنبغيييها هادشي لباااغا تعرفي هانتي عرفتيه فتفضلي خرجي و الله يكمل عليك بالخير ..
نور:(عينيها عمرو بدمووع )شكراا..سمحليا تا نتا ..و الله يكمل عليكوم بخير ..
علاء:(بقات فيه) نور..سمحلي ليا لا درت فيك ..و لكن خاصك تعرفي بأنني كنت كنعاتبرك بحال امينة لا غير و كلشي بلمكتاب...و انا اسيل هي مكتااابي و لا نقدر نكوليك قدري..عرفتي قبيلة كتقصدي انهاا مبدلة نهائيا على عائلتنا و تا عليا ..و كتباان ليك مامنااااسبااش لياا ..و لكن القلب ميشاااور و هي مكتابة ليا و تا نتي غادي تلقاااي ليستااهلك حيث نتي تستااهلي غير الخير ..
نور: عارفة لكااين ..انا لحلمت بزاااف و ملقيتش لينوضني من حلم ..بصح كنبغيك اعلااااء و كنت باغااك تكون راجلي (ايوا مع هاااذ الجملة الآخرة كدخل لالة بنااات كتجي غير في هاذ موووااقف 😂ايوا خلات عليك ابنتي نور ) ..
أسيل: شنااااااااااهوووووو😠؟؟؟
علاء:😳
...أسيل من بعد ماقطع عليها علاء تعصبااات لبسات حوايجها و هزات فلوسها و خرجات شدات طاكسي 🚖 نيشان المكتبة عند علاء ..غير وصلات خلصااات مول طاكسي و نزلات ..دايرة نضاضر ديال شمس👓 في عينيها و كتعوج تا وصلات مكتبة مع دخلة كتقشع علاء و بنت لابسة خمار كالسة قدامو ..و كيهضرو و علاء مركز معاها و لوخرا دايرة يديها على حنكها و كتهضر و تعاود هزات نضااضر فوق راسها و تمات غادا عندوهوم بشوية ..غير قرباات حداهوم و هي تسمع "علاء كنبغيك و كونت بااغاا تكون راجلي و مكرهتش " ايوا ديك سااعة شيااطين سبعة لعبو ليها فوق راسها ..
أسيل: عاااااودي عاودي احبيبة اش قلتي ..نووووضي نتي بووسيه كاع هاكيلي هاااكاوا على كنبغيك اعلاء تباااارك الله ماشاء الله ..عايشين ليااا الغرام ..كاس ديال عصير و لا قهوة اش تحبو تشربووو؟؟
أسيل:(تنطراااات منها ) طللللقي مني ..اشمن غلط و لا زمررررر...واش كالسة كتكولي راجلي كنبغيك و باغاااني نسكت واش عندك خرية في رااسك لا ..مابقا ليك غير فاااحشة ديريها نتي وياااه ..كالاك غلط كاين شي غلط كثر من هذااااا...(مشااات جيهة علاء و هزات يديو ..هو غير كيشوف فيها ) هذاا مشتيهشش ..مشتيهش سيد مزوج .(حيدات ليها خاتم) و هاااذ أسيل قدهاا قداش مكتوووبة فيه مشتيهاااش ..محشمتي منو ما والو ..عاين بااين و لا كلتي هذا لوس ختي نحشممم ..ولا والو (بدات كتفكر ) ...اييه و انا كنكول مال ختك هاازة شوكتها من جيهتي ..كولي نتووما كنتو مخطيين ..اييه يا ربااعة شلاهبية ..و كالسة كتعبر سيدة متكول غير نزاار القبااني ..(كاع خدااامة دارو كيشوفو فيهوم و اسيل كتغوت نيت هادشي لخلا علاء يتعصب نيت ولا حمر ماااارضاااش)
علاء:(كيهضر من تحت سنانو) أسسسسسييل دباااا غااادي تخرجي من حداايا و ترجعي لداااااارك حسن ليككك ..قبل ميدووز هاذ صباااح من اكفس صبااحات في حيااتك 😡😡
أسيل: اييييه اسيدي ..و الله منتحرك من هنااا ..تا نوريها شغلها مزيان كالسة كتكول راجلي كتبغيه كاع محشمات على عرضهاا...معرفاتو مزوج معرفت والو ..كالسة تعبر..
أسيل: هذي فين خاااارجة تي اجي لهنااا ..(جات خارجة تابعهاا تا جرها علاء بجهد من ذرااعها )
علااااء: أسيييييل😡😡(دار عند خدامة) كل واحد يرجع خدمتو يا الله ..(كان شاد خاتم فييديه باعصاب لاحو فوق مكتب و هز سوارت لوطو و خرج جار أسيل)..
....عند نور لي أسيل مخلات فيها غير لنساات ..خرجات من المكتبة و ودموعها دايزين مبغاوش يتحبسو و الكحل تجخلط ..مرضاتش الشوهة لدارت ليها أسيل ..وقفات في سطوب شدات طاكسي 🚖 نيشان الفيلا عند اسراء..وصلات مسحات دمووعها و قادات خمارها خلصات مول طاكسي و نزلات ..دقات حلات ليها امينة سلمات عليها و دخلو صالة ..هبطات اسراء من بيتها و سلمااات على ختها و كلسو ..ناضت امينة دارت اتاي و حطات الحلوى و كلسو مجموعين ..اسراء حسات بختها ..سولاتها ولكن نور مبغات تكوليهوم والو..ولكن وخاا هكاك عارفة ختها باش حاسة حيث كانت عارفاها كتبغي علاء ..بقاو مجمعين ..
♡عند الأبطال ديالنا♡
هز علاء تيلي و سوارات لوطو و شد أسيل من ذراعها و جرها خرجها ..حل لوووطوو..
علاء: ركبييييييي😡
أسيل: ماااركبااااش😠 ..
علاء: ...أسيل و الله متركبي ..تا تشووووووفي وجهي لاخور ( غوووت باعلى جهدو و خنزر فيها 😡 ) كووووووتليك ركبي 😠
أسيل: (خاافت منو اول مرة تشووفوو هكا ركبات بلا هضرة بلا جوج ..كتسووط غي من نيفها ) اوووف😤
طلع علاء دار سمطة و ديمااارا و خالا غير عجااج من موراه غادي بسرعة ..عمرو مامشاا بيها ..أسيل ضور ضور و تشوف فيه بنص عين..كتبغي تهضر و كتسكت ..تا زعمات ..
اسيل: واش باغي تقتلناااا تا غير بشوية ..هبطني و قتل راسك اخويااا بوحدك ..انا باقا باغا نعيش...
علاء: لا رد ..
أسيل:(بشوية) يخخخخ على مريض 😑
بعد عدة دقائق وصلو فيلا غير حبس علاء لوطو و هبطات دغيا كانت اتموت بخلعة سابقاه كتنهج و هو متبع ليها العين..دقات حلات ليها أمينة ..
امينة :سلام اسوولة ..
اسيل: سلام ..(دخلات ) شافت جيهة الصالة بانت ليها إسراء و نور كالسين في صالة كيشربو اتاي و هي توقف عليهوم و دارت يديها بجوج على جنااابها ..
اسيل: هاااااكيلي هاااكاااوا على ربااعة الششلاهبية كالسين كتخطو و تفصلووو ..تبارك الله عليكوم و خلاص..😡
اسراء: اسيل ماالك؟؟
اسيل: سوووولي ختك ماااالي ...(قرباات جيهة نور و هزات يديها و شدات نور من وجهها بحركة سريعة) ...سمعي احبيبة نقولك جوج كلمااات ..علاء راااجلي ..علاء دياااالي دونك غير قلبي ليك على شي حد اخر 😉..
علاء بلاصة طونوبيل و هبط تبعها ..لقا امينة في باب كتسناه من شافتو و مستغربة من اسيل و علاء حيث باين عليهوم توتر ..سلم عليها و دخل تا بانت ليه اسيل حانية على نور..
علاء: اسييييييييل بيتك 😡
اسيل : هي لولة اراجلي عزيز 😉(غمزاتو و طلعات دغيا لبيتها ..اما علاء بغا ياكل جنابو )
علاء: السلام عليكوم ...(لاح السلام و استأذن و طلع عند اسيل فتح الباب و دخل و زدحوو بالجهد ..اسيل كانت جبدات حوايجها تبدل تا سمعاتو دخل ...عرفات القضية حامضة )..
اما علاء غير دخل حيد فيست لاحها فوق ناموسية و كفط قميجة و مشااا جيتها ..شافتو كيقرب ليها بقات واقفة في بلاصتها و مطرطقة عينيها ..
اسيل: شوووف سمع..(قاطعها بنبرة حادة) ..
علاء: (تفركع عليها)شووووو دباا متهضريش ..انا لغااااادي نهضر ..وااااااااااش مكيتعااااايش من التبرهيش دياالك علاش ديماااااا متسرعة كاااع مكتخدمي عقلك ...و لا كيفااااااااش ...اه نسيت نتي باااقا برهوووووشة ..و لكن هذا لوااقف قداااامك ..را ماشي برهوووووش باش نبقى نستحمل تبرهيششششك...جاااااية كتغوتي و محيحة ماااااالنااا اش كاااااين ...علااااش جاااية عندي هذي وااااحد ...و اش داااك التصرف ديال بنااات زنقةة.. و لا باااالياا باقي ماضضيك و ايام الباار راسخين ليك في الدمااغ..عمرك تبدلي على مااباليا...هااااادشي بزااف ابنت الناس ..لاكنتي مولفة بشوووهات ..انا لا ..هذي ثاني مرة كديري شوهة ليا و في خدمتي لكلشي كيحتتتارمني و مكيقدروووش يهزو فياا عين ..شنو نتي جيتي حيدتي كاع داك احترام..دبا من هنا قدام شكون غادي يبقى ضارب ليا حساب ..شكووون هاااا دويي..يا الله هضري 😠😠باااقا كتحنزي فياا ..
أسيل:(مطرطقة عينيها مصدوومة من كاع الهضرة لكااليها و مكانتش متوقعة من علاء يعايرها بالماضي ديالها ) شووووف نتا عارف الماضي ديالي و علاش كتعاايرني بيه من الأول متاخذنيش و هني مخكككككك مهم هادشي تا رجعو ليه من بعد غير باش نوضح ليك و لا نفكررك اسيدي ياك بجووجنا درنا شروووط وواوفقتي عليهوم اولا و كلتي متبغيش تا واااحد يشوف فيا كيف انا منبغي تا واااحدة تشووف فيك واش انا اعيباد الله كنسمع وحدة كتكول راجلي كتبغيه و بغيتيني نسكت ..صافابا لا ؟؟ نتا تبغي تجي شي نهااار تلقاني كالسة مع شي واحد و هوو كالس كيتغزل فيا و تسمعو كالي كيبغيني اتسكت؟؟ بطبيعة الحال لا ...
علاء:😡اسيل متقاااااارينيش نتي كان خاصك تفهمي الموضوع ماشي غير تجي و دوي ...و لكن نتي دااخلة دايرة لياا الشوهة ..ياك مكتعاتبريش زوواجناا حقيقي ..ايوا تا انا مبقيتش معتابرو حقيقي ..
اسيل:(علااء كيهضر و هي كاع مامسوقة مركزة غير بيديه لكيحركها و كيعبر👀) فينوووو الخاتم 😳...
*عند طوم وجيري *
أسيل: فينووو الخاتم؟؟؟
علاء:(حنا وجهو على يديه و شاف الخاتم مكاااينش و هو يتفكر قبيلة من رماه و لكن معقلش فين..هز راسو فيها مستغرب) دبااا حنا في الخاااتم؟؟
أسيل: اه ..فينوو صافي حيدتيه هذا هو عربوون فيك بينتي عيبك دغيا ..المااضي ديالي اتبقاا تعايرني بيه ..اييه و زواجنااا ماشي حقيقي ..اييه و الخاتم حيديتيه تبارك الله عليك و خلاص 😕
علاء: أسيل متعصبيش دين مي ..استغفر الله العضيم اتخرجيني على طوووعي ..من نهار عرفتك و انا راجع غير لووووور لوووووور ندمت على نهار شفتك فيه و بغيت نعرف عليك شي حاااجة 😠
أسيل:(هبطووو دموعها بلا شعور علاء جرحهاا..مبغاتش تبكي قدامو ..دفعاتو من قدااامها و دخلات الحمام كتجري و زدحااات باب و مشات نيشان لافابو حلات الما و عاد طلقات بكيتها ..مرضاتش تبان ضعيفة قدامو ..)
اما علاء دوز على لحيتو بعصبية و هز فيست ديالو و خرج ..هبط بزربة ركب في لوطو ديالو و مشا رةع للخدمة ..اسيل غسلات وجهها مزيان و حيدات الخاتم ..مشات بغات تلوحو في طواليط و هي ترااجع حطاتو تما فوق لافابو غير باش من يجي يشووفوو..بقات كتصنت عرفاتو ايكون خرج حلات الباب و مشات ماريو جبدات بيجامتها لبساتها ..و مسحات وجهها من ميكاب هزات شعرها كوتشوفاال و هزات تيلي ديالها كتكونيكطا مع بسمة مبغات تكوليها والو سولاتها على الأحوال كاتليها بقات ليهوم ديك يومين و يرجعو ..بقات كالسة تا سمعات دقان في بيت ديالها ..
* في فيلا التحت*
اسراء: هذي مالها معاك ا نووور اش واقع ؟؟
نور: (عاودات لختها كلشي وتا امينة كتصنت ) هذا مكان اختي 😢
امينة:😮😮
اسرااء: اويلي انووور واش من نيتك نتي عارفة علاء تزوج صافي ..وشو قضية هاذ الخطااب
نور: ختي انا ليوم جاييني خطاااب و كان باقي عندي امل من جيهة علاء و لكن صافي دبا مشا 😢
امينة: واش غديري دبا؟
نور: انتزوج..ولاجات على خاطركوووم بغيتكوم تمشيو معايت و كولوها تا اماني باش تكون معايا غذا ان شاء الله ..
اسراء: (تنهدات) وخا احبيبة ميكون غير الخير ليوم عمي و اسماعيل غذي يمشيو لكازا عندهوم شي شغل ..انا ايجي دبا اسماعيل ناخذ من عندو سوارت لوطو و نجيب بنات و نجي..
امينة: انا نطلع معاك وخا هكاك ا اسراء أسيل قلبها بيض يا الله انور ..
طلعات امينة و نور لمن موراها لبيت دقو على اسيل ..
اسيل: دخل ..دخلات امينة و موراها نور..
امينة: مرات خويا اش كدير ..
اسيل:(هزات عينيها شافت امينة ابتسمت و غير قشعاات نور هي تخنزر) اش كديري نتي عندي في البيت ..كتقلبي على شي نتفة؟؟
امينة: اسيل ..صبري عافاك نور بغات غير تهضر معاك و تمشي ..عاافاك😣
اسيل: اشعندك كووولي هاني كنسمع👂
نور: شوفي ا أسيل بصح علاء قبل ميتزوج..كنبغيه ..و لكن دبا صافي حيث من مشيت عندو باش نعرف علاش تزوجك ..عرفت بانه كان باغيك ..انا غذا ايجيو فيا خطاب و انتزوج..علاء نسيتو ثيقي بياا ..و سمحي ليا اختي و الله يكمل عليك ( مشااات خرجات دغيا قبل ما يفضوحها عينيها و تبكي)
اسيل:(مصدومة)😮😮😮 اويلي بصح هادشي بصح ؟
امينة: اه ا أسيل نور اتزوج ..غير تهناي خوووي ديالك الالة 😉( خرجات تا امينة تبعات نور) ..
اسيل بقات غير كضور في بيت معرفت شنو دير ..نور صافي اتزوج غير كبرات موضوع ..و لكن اي وحدة في بلاصتها ادير نفس شي ..بقات كتلوم راسها شوية و لكن غير تفكرات هضرة علاء و هي تعصب مشات تتخشات في بلاصتها و نعسات ..اما علاء مشا لخدمتو ساخط و هو في طريق تفكر هضرة لكال اسيل و ندم و بزااف كاع ..تمنى كون رجع الوقت كاع ميكوليها هكاك..وصل مكتبة هبط دخل نيشان كيقلب على خااااتم فوق بيرو والو ملقاهش عيط على وحدين من خدامة كيقلبو و لكن والو تكول بلعاتو الأرض هادشي لخلاه يزيد يتعصب كثر ..بقا كايردد استغفر الله و هز شي وراق كيخدم عليهوم باش ينسا وصل ضهر مشا جامع صلا صلاتو و رجع محل مافيه لياكل داكشي علاش مامشاااش لفيلا ..اما في فيلا اسيل نعسات ..دخلات عندها امينة تفيقها و لكن والو مبغاتش تغذاو و ناضت اسراء وجدات راسها و لبسات ولادها و جمعات ليهوم حوايجهوم و امينة و اماني كذلك ..لي عاد دخلات من برا ..فضل اسماعيل يوصلهوم براسو ..شد طريق لدار اسراء ..اماني قبل ميخرجو طلعات عند اسيل و علماتها هي و امينة و مشاو ..رجع اسماعيل و عاود شد طريق هو باه لمدينة دار بيضاء عندهوم شي مشكل في شي فرع تمااا..عيط اسماعيل على علاء باش يخبرو بلي مشاو و كاليه اسيل راها بوحدها في فيلا ..علاء تشوش عليها جبد تيلي صونا بيها باش يعرف واش بخير هي شافت نمرتو و هي طفي تيلي ..ناضت هبطات مالقات تا حد مكاي دخلات كوزينة وجدات ليها سندويش و كاس عصير كلات و غسلات ماعن و طلعاات بيتها ذهنات لحمها و جبدات دوني و شورط كالعادة و تخشات كملات نعاسها..اما علاء غير مجاوباتوش هز تيلي ديالو وبغا يخرج قشع خاتم طايح في الأرض حنا دغيا هزووو ..
نفهمك بلي ماقصتش داكشي اووف (مشا علاء هبط دغيا كايجري ركب فلوطو ديالو ومشا للڤيلا نيشان من بعد ما وصل حل الباب بالساروت وطار الفووق حل الباب ديال الشومبر شاف أسيل متكية وشادة تيليفونها شافت فه غير بنص عين ومن بعد تجاهلاتو اما هو ماعرف مايگوول مشا جبد حوايجو قدامها وحطهوم بعيد ومشا گلس فوق الناموسية حداها تقريبا)
أسيل:(شافتو گالس حداها وقلبات وجها بعيد عليه)
علاء:أسييل!!
أسيل:لا رد
علاء:مهم بغيت غير نگوولك....
أسيل:عشااااك راه لتحت
علاء:(تنهد) الخااتم لقييتو راه كان غير ضاايع ليا (وراها يدو)
أسيل:(ضربات الگلاس وشافت فه مباشرة) ومن بعدد!! الخاتم مابقا عندو حتا معنى فهمتي سير بيييعوو ولا شوووف دير بيه ودبا عافاك سكت راني باغة نعس
علاء:😳
أسيل:(رجعات تكات وعطاتو بالضهر)
علاء:(ناض وهو معصب وكايحك راسو ماعرف شنو يدير وهو اصلا ماكايعرفش كيفاش يحزرها وهو عارف راسو غلط خصوصا الهضرة لي گال خاايبة وعايرها بالماضي ديالها بدا الندم كاياكل فه دخل للحمام هاز حوايجو دخل قضا حاجتو وبدل حوايجو وقاد مسائلو وتم خارج هو يشوف الخاتم ديال أسيل فوق لڤابو خرج عينيه وهزو دارو فيديه ومشا خرج لعندها لقاها ناعسة تيقن بلي ماكاتمتلش وهز يدها لبس ليها الخاتم وباسها فجبهتها ومشا هبط للتحت تعشا وطلع لبيتو من بعد ما غسل يديه وسنانو ومشا تكا حداها مقابل معاها حتا داه النعاس منبعد فاق بالليل صلا قيام الليل والفجر ورجع نعس)
أسيل:(فاقت بالصباح لقات علاء مقابل معاها حكات عينيها هي تحس بشيحاجة قاسحة فصبعها شافت الخاتم وبقات كاتفكر هي حيداتو كيدار تا وصل عندها شافت فعلاء فهمات بلي هو لي لبسو ليها كانت بغات تحيدو ولكن دارت بالنااقص خلاتو كيف كان كيف ماكان ناضتت طلقات شعرها ومشات للپلاكار هزات حوايجها ودخلات الحمام خدات دوش خفيف دارت روتينها الصباحي ولبسات حوايجها دارت ميكاپ خفيف تريحات ومشات قادات صاكها وهبطات بدات تقاد الفطور فاقت بكري حيت قارية سالات داكشي فطرات شافت فالساعة باقي الحال هزات واحد الورقة كتبات فيها وحطاتها حدا الفطور ديال عللاء ومشات خرجات وبقات غادة على رجليها حتا لقات طاكسي ركبات ومشات نيشان لپرطمة ديالهم طلعات للدار وحلاتها مشات لبيتها هزات الكونطاك ووراق الطونوبيل ديالها وخرجات من بعد ما رجعات داكشي كيف كان وسورتات الدار وهبطات مشات للگراج ديال العمارة خدات طونوبيلتها مابغاتش تحزر علاء مزال يديها ولا يجيبها ركبات وقلباتها كولشي هو هاداك عاد تحركات غادة للمدرسة غير وصلات حطاتها وهزات تيليفونها وبقات كاتصوني على علاء حتا شدها)
علاء:😴الوو....
أسيل:طيط طيط (قطعات عله كانت باغة غير تفيقو ومشات دخلات للمدرسة من بعد ما وصات العساس على لوطو وخلصاتو)
علاء:(شاف فالتيلي مصدوم لقا أسيل لي معيطة عله وقطعات فوجهو عقد حجبانو وبدا كايقلب عليها بعينيه مالقاهاش شاف فالساعة وناض دوش ولبس حوايجو قاد مسائلو دار ريحتو تاع المسك ومشط شعرو هبط لتحت من بعد ما هز پزطامو والكونطاك هبط لتحت ماابانتش له لقا الفطور فوق الطبلة ووحداه ورقة هزها وبدا يقراها انا مشيت للمدرسة ديالي بلا ماتجي تديني مهم را فطورك سخنو وفطر غانجي فوقيتة الغدا كمش الورقة ولاحها ووهو عاقد حجبانو كيفاش بلا مايمشي يجيبها سخن فطورو وكلا ومشا للخدمتو نيشان بقا خدام وحاني على الوراق وكايحسب شنو دخل شنو خرج والخدمة كترات حيت خدا حتا الفرع ديال إسماعيل لي مسافر مع باه على قبل الخدمة ماحسش بالوقت حتا سمع الاذان فتيليفونو استأذن وهز سوارتو وداكشي ومشا خرج ركب لوطو ديالو ومشا للجامع توضا ومشا صلا صلاتو خرج وركب فلوطو ديالو وشعل تيليفونو هو يلقاه غايتفرگع بليزاپيل ديال أسيل صونا عليها بالجرا هي تشدو) الووو أسييل😳
أسيل:ااه طونوبيلتي ملي كنت راجعة بيها ماعرفت سكتات بوحدها
علاء:واخا فينك نتي دبا
أسيل:(نعتات أسيل العنوان ديالها لعلاء وهي ماحاملاش راسها اما هو طلب منها تبقا فلوطو حتا يجي أسيل ملي خرجات من مدرستها ركبات فلوطو ديالها كانت غادة ماعليها ما بيها تا بدات لوطو كاتسكت ماقلباتهاش مزيان الروايض كاملين مفشوشين والزيت ناقصة حيت شحال هادي ماتحركات كان خاصها تقلبها مزيان ولكن هي نسات جاب الله ملي شافتها هكاك وقفات فجنب الطريق ماوقفاتش ليها وسط الشانطي بقات أسيل فلوطو ديالها شادة تيليفونها وسادة عليها حتا سمعات شي حد دق عليها فلوطو شافت فه وهي لابسة نضاضرها ديال الشمش لقاتو علاء قلبات وجها مخنزرة ومشات حلات الباب خرجات عندو) 😒
😢
علاء:(كايشوفيها وهي مطرطقة عينيها فه اما هو كايحاول يتهدن) ايمتا شريتي الطونوبيل مافراسيش انا
أسيل:وعلاش تكون فراسك راه قديمة عندي
علاء:شحال ماركبتيها ومن نيتك مابغيتيهاش تسكت اووف صبري نعيط على الديپاناج واجي نديك
أسيل:(قلبات وجها بلا ماتشوف فه)
علاء:(بقا كايصوني وكايشوف فيها قالبة وجها وكايدوز السكانير شنو لابسة هضر مع مالين الديپاناج ونعت ليهم ومشا تكا على لوطو حدا أسيل من بعد ماجاو داو لوطو ديال أسيل فالديپاناج وهي ركبات معاه وهوما ساكتين حتا كسرات الصمت)
أسيل:👀محتاجاك تعاوني
علاء:ممم فاش غانعاونك
أسيل:بغيتك الى سولك شي حد تگووله نتا لي خديتي ليا هاد لوطو ماشي انا على حساب نتا عندك خدمتك بلا ماتبقا ديني وتجيبني
علاء:بغيتيني نكددب😳🤨
أسيل:ماشي شي كدبة غير كدبة بيضة صغيورة غير حيت ماما ماعارفاش فهمتي وغاتبدا تسول ويجيها الشك وخالتي كدلك اللهم كدبة بيضة ونتجنبو هاد المشاكل كاملين
علاء:استغفر الله صافي زيدي (بقا علااء غادي واحد المدة وهو كايشوف فأسيل لي كاتشوف فخاتمو عرفها باقي منوية من الموقف لي وقع بيناتهم بغا يبرد الاجواء ولكن ماعرفش كيفاش وهو مامولفش وماعارفش كيفاش حتا يعتادر منها بقا كايفكر فكرة ديه وفكرة تجيبو حتا بتاسم ابتسامة خفيفة ومشا فطريقو لواحد البلاصة اما أسيل ساهية كاتفكر ماهياش فهاد العالم حتا حسات بلوطو وقفات بغات تهبط هي تقشع واحد البوتيك ديال الملابس النساائية هي تشوف فه)
علاء:مفاجأة دبا سيري ختاري شيحاجة لي بغيتيها خوديها ليوم عندك الحرية تلبسي لي بغيتي ولكن غير معايا انا وصافي وهاكي هادي الكارط گيشي درتها مشتركة كانحط فيها ونتي تقدري تهزي منها وقتما بغيتي انا عندي ديالي وبلا ماتجاحدي معايا بحال اخر مرة 😠
أسيل:(خبات الابتسامة ديالها غا بزز هي تهبط وطلات عله من الشرجم) وااخا انا غانشوف
علاء:واخا ماتعطلييش
أسيل:(قلبات وجها منفخة عله ومشات دخلات للبوتيك لي كان زوين باين ديال الناس لهااي بقات كادور فعينيها مابانت ليها تا حاجة واصلا هي براسها ماعارفاش شنو تلبس جات عندها البنت لي تما وصدراتها أسيل باش تخليها تفكر مزيان شنو تلبس گلسات فوق واحد الكرسي وبدات تفكر ودور فعينيها واش شيحاجة معرية واش مستورة ناضتت وقفات لفت النضر ديالها اللون ديال واحد الكسيوة هزاتها ومشات لبلاصة القياس لبساتها غير من فوق الحوايج كانت كسيوة مستيلية فالغووز بيبي بحال لي جاب ليها علاء وماعندهاش الكمام مشدودة من الخصر ولتحت فضفاضة ومريحة عجبات أسيل بزاف زوينة كلاس واصلا هوما غايكونو غير بجوج صافي خلصات هاديك وخرجات وجات ركبات حدا علاء هو يديماري بدات أسيل كادير فالسمطة ديالها هي تشوف شي پلاستيكات اللور)😳ديالاش هادو ماكانوش هنا قبيلة
علاء:ااه عاد جبتهوم
أسيل:واخا (بقات كاتشوف فالشرجم حتا وصلو للدار هزات أسيل كسوتها وغادة بشوية عليها حتا طلعات منخلاه مشات لبيتها حطاتها فپلاكار وبدلات حوايجها مسحات الميكاپ وغسلات ودارت غير كريم مرطب لوجها وهبطات للتحت بغات دخل للكوزينة هي تلقا الباب مسدود مقفول من الداخل)علااااء (كادق عله) ✊🏻✊🏻
علاء:(من الداخل جا كايجري حل ليها الباب وسدو تاني دغيا بالساروت) لا ماغادخليش دبا
أسيل:علاااش ويلا مادخلتش شكون غايطيب ناكلو الحجر للغدا ولا باراكة علينا غير الاوكسيجين
علاء:مالك كتزربي طلعي للفوق من بعد ونفهمك
أسيل:شغانديرو فلفووق😨
علاء:😳لا غير لبسي هاديك اللعيبة لي شريتي وصافي
أسيل:اااه واخا👀 (مشات أسيل وعلاء طلعو للفوق لبيتهم أسيل خدات داكشي ديالها ودخلات الحمام تبدل حيدات حوايجها ولبسات دك الكسسيوة ودارت ميكاپ خفيف ماط اما علاء بدل حرايجو كدلك لبس دياال الدار هو ومشا هبط للتحت أسيل غير قادات حالتتها خرجات مالقاتوش لبسات صندالة عاليية فالذهبي وقادات شعرها دارت له مشيطة زويونة وطلقات خصلات من شعرها ومشات هبطات للتحت سمعات علاء كايقرقب فالكوزينة والباب هي دق ودخلات لقاتو كايحط فالطباسل بقات أسيل غير كاتشوف فعلاء وداكشي لي كايصنع كانت طبلة ديال الغذاء لي شراه من برا بطبيعة الحال حاط الشموع وشاعلهم واخا الضو كاين بقات غير كاتشوف فه اما هو من بعد ما قاد داكشي دار وشاف فيها جات زوينة بزاف طلعها وهبطها هو يحنحن)
علاء:احم اجي گلسي
أسيل:(مشات باش تگلس وهو جر ليها الكرسي بطريقة رومانسية بقاو عينيها كايلمعو مايصحابشليها علاء داير هكا مشا گلس قدامها وهي تسولو) احم علاء شنوو هادشي كااامل
علااء:احم مهم أسيل انا ماعنديش مع هادشي ولكن هاد الغذاء درتو على قبلك حيت بغيت 👀ن... ااحم
أسيل:يعني هادا غذاء روومانسي زعما
علاء:👀مهم انا عارف غلط معاك فالهضرة وبزاف ولكن خاصك تعرفي بلي تانتي غلطي أسيل جيتي لعندي تا للبلاصة فين خدام وبديتي تغوتي وماعطيتينيش فرصة نشرح لك شنو كاين نتي عارفاني انا ماشي من داك النوع نور من ديما كنت كانتعتابرها بحال ختي كاتجي عندنا للدار هنايا ولكن كانعتابرها بحال أمينة بالضبط نتي مراااااتي وانا هاد الزوااج كانعتااابرو حقيقي وماشي غير على الوراق اي حاجة گلتها كانسحبها وانا كانطلب منك السمااحة على اي حاجة گلتها داك النهار ولكن فنفس الوقت راك غلطي نتي وانا معاك ماغانشوفش فشي وحدة خرا
أسيل:مااتحتااجش تشرح ليا حيت انا عااارفة شنو وقع
علاء:😳
علاء:كيفاش عارفة
أسيل:(تنهدات)جات عندي نور وشرحات ليا كولشي وعرفت بلي نتا ماغلطيش ومادرتي والو ولكن لي خلاني نبقا مقلقة منك هو هضرتك ا علاء سمعني مزيان ا علاء كيفما نتا ماغاتبغيش تشوفني مع شي واحد ااخور تا انا ماباغاش وهادشي شرحتو لك وردة الفعل ديالي بالنسبة ليا طبيعية اقدر نكون زت فه حيت هاداك هو مكان العمل ديالك ولكن ماقدرتش نتحكم فالاعصاب ديالي ولكن نتا تعصبتي وتاني مرة الكبرياء ديالك والصورة ديالك قدام بنادم كانت اهم مني واهم من داكشي باش كانحس وانا هادشي ماعجبنيش وزيد كملتيها بهضرتك لي كانت بحال السم انا مافرضتش علك باش نتجوجو نتا بغيتي تجوجتي بيا ونتا عارف الماضي ديالي كااملو وجيتي حتا لدبا وعايرتيني به سمعني ا علاء حنا دبا تجوجنا يعني حياتنا ولات مشروكة غانتخاسمو وغاندابزو ونتقلقو ولكن ماشي كلا مرة نتا غاتعايرني بالماضي ديالي بنادم كايطج وكايتخنق وخصوصا نتا عارفني ماكانرضاش بطبعي وماكانصبرش داكشي علاش كانتمنا هاد الموقف مايتعااودش وانا كانواعدك مانبقاش ندير لك الشوهة ااه وانا ماشي برهوووشة😑
علاء:ههه فصراحة صدمتيني يعني عارفة كولشي وبقيتي قالبة عليا وجهك واخا منطقيا كان خاصني انا لي نقلب علك وجهي ولكن ماشي مشكل بجوج غلطنا وانا عتتادرت منك وتا انا قابل الاعتذار ديالك😌
أسيل:مزيان ههه (كمل علاء وأسيل غداهم وهوما كايضحكو هوما بجوج ماشي من داك النوع الرومانسي من بعد ما سالاو ناض علاء وجاب واحد الكيكة ديال لاكريم فالغوز على شكل قلب قطعها هو وياها دارها ليها تعويض زعما على حلوة العرس المهم هو وصل للهدف ديالو أسيل كانت فرحانة ونسات داكشي كامل لي گاليها فلحظة غضب من لعد ما سالاو الغدا ديالهم نوضها تغسل الماعن هه اما هو طلع للفوق ومشا تكا شوية باش يرتاح تبعاتو أسيل من بعد ما غسلات الماعن بكسوتها والطابلية ديال الكوزينة وشطبات طلعات عندو وبدلات حوايجها ماقارياش هي بالعشية طلعات ومشات گلسات وهو حاضيها اما هي بقات كاتمسح لميكاپ ديالها صونا تيليفونو وجاوب فالبلاصة كانت الواليدة ديالو بقا كايهضر معاها وكايسولها على أحوالها وعلى بسمة وخديجة اما أسيل كاتمسح الميكاپ ديالها وهي كاتشوف فيه من بعد طلقات شعرها ومشطاتو اما علاء غير قطع معاهم هو يدور عندها)
علاء:أسيل الواليدة وهادوك راه غايجيو غدا ان شاء الله غانجيبهوم من المطار راه الواليد قطع ليهم التيكي
أسيل:بصااح الله يجيبهوم عاى خير نيت توحشتهوم
علاء:ااه گلتليهم على موضوع نور وبلي البنات مشاو معاها گالتليا غاتجي و تمشي لعندهوم حتا يجي الواليد وخويا
أسيل:خالتي اتبقا ديما غي فالطريق ههه مهم انا غانبدا نخمل الدار لاتجي خالتي وتگول مراتك ماشي حادگة
علاء:ههههه واخا ولكن راه بزاف علك
أسيل:لا عادي (مشات أسيل هزات حوايجها ودخلات للحمام لبسات غير شورط قصير ديال الدجين وديباردور فالكحل ومشات خرجات اما علاء كدلك شاف فيها بنص عين وگال اعوذ بالله من الشيطان الرجيم ودخل الحمام تا هو يبدل اما أسيل هبطات للتحت وبدات بالكوزينة جبدات الماعن كاملين وحطاتهم فلارض وگلسات كاتغسل فيهم مسحات الپلاكارات ونشفات الماعن ورداتهم بلاصتهوم اما علاء من بعد ما لبس حوايجو دار ريحتو ومشط شعرو وماخرج حتا توضا هبط للتحت گال لأسيل راه غايخرج ومشا لخدمتو كملات أسيل داكشي لي كادير مسحات الپلاكارات وداكشي مزيان وطلعات لبيتها جمعات دوك الحوايج المسخين وحطاتهم فالسلة وداتهم لبيت الصابون دارتهوم فالماكينة ورجعات لبيتها شعلات الموسيقى خوات الپلاكارات ديالها ورجعات الحوايج كاملين لبلاصتهوم وحطات صابون ديال دووڤ وسط الحوايج باش اعطي ريحة زوينة اما ديال علاء ماكاتجبدهوم حتا تصورهوم باش ترجعهوم كيف كانو وداكشي لي دارت حطات شوية ديال المسك وسط حوايجو مشات لناموسيتها حيدات ليها الغطا ودارت واحد جديد حيدات الزربية وداتها للسطاح علقاتها ومشات للكادووات لي جاوها للعرس ديالها مزال گاع ملحلاتهم نساتهم جاتها الفرصة وحنات عليهم كاتحلهوم كانو پارفانات زوينين وغاليين وميكاپ والماعن كواش مهم بزاف ديال الحوايج مگانات وشوميزات دو نوي قادات داكشي كامل فبلاصتو مسحات الغبرة مهم نقات بيتها مزيان شطباتو وجابت سطل ديال الما فيه سانيكروا سيقات بيتها وجففاتها وجابت الزربية رداتها بااصتها ونشرات الحوايج لاخرين مسحات الغبرة وشطبات وكبات الما من السطاح كاتسيق رشقات ليها وبغات تبين حداگتها سيقات الدار كاملة وجفاتها عاد رتاحت جمعات داكشي ومشات بدلات حوايجها فزگات خافت تمرض ومشات تخشات فبيتها شاعلة التلفازة حتا داها النعاس)😴
علاء:(من بعد مامشا لخدمتو حنا على الوراق كالعادة حتا عيطو عله على قبل لوطو ديال أسيل گلس حتا قرب اودن العصر ومشا دخل للجامع صلا صلاتو ورجع للمكتبة هكاك تاني حاني على الوراق حتا قرب اودن المغرب ومشا غير على رجليه دخل توضا وصلا وخرج مشا للگاراج جاب لوطو ديال أسيل وداها للڤيلا دخل وبدات ضرب فه ريحة سانيكروا والتيد والدار كاتشعل عجبو الحال طلع لبيتو لقا أسيل نااعسة وشاعلة التلفازة طفاها وهو كايشوف فالبيت مبدلة شوية خلات لمستها والاهم نقية ومشا شد طاكسي رجع للمكتبة خدم شوية تحاسب مع الخدامة وسد ركب فلوطو ديالو ورجع فحالو قبل مايودن العشا)
أسيل:(فاقت مبوقة شافت فالساعة كانت 8 ديال الليل سمعات الباب ديال الڤيلا طلات بان ليها علاء داخل مشات غسلات وجها ودارت له كريم خرجات لقات علاء دخل مدح ليها شغلها وتزادت فيها ضلعة فرحات خلاتو يبدل وهي مشات بغات تشوف شنو طيب العشا بغات تسولو طلعات لقاتو عاد فرش الصلاية باش اصلي) علاء شنوو بغيتي تاكل العشاا
علاء:لي بغيتي ولكن فيا الجووع غير ديري طاجين ولا شيحاجة
أسيل:اويلي طاجين العشا التغماس
علاء:ااه عادي مافيها والو فيا الجووع
أسيل:واخا ااه الله يقبل
علاء:امين(حدر راسو وهو يهزو تاني) بلاتي نتي ماغاتصليش مزال ماهداك الله
أسيل:(صدمها بهضرتو) آآآ ووولككنن هيييه ناري خليت البوطة شاعلة😱 (هبطات كاتجري وخلاتو اما هو بقا كايدير براسو لا حول ولا قوة الا بالله العلي العظيم وقام الصلا وبدا كايصلي اما أييل مشات كااتجري فالدروج دخلات الكوزينة وهي تبدا تأفف) ناري عندو الحق نسييت گلع انا هادشي ناري هو بغا يردني للطريق وانا نسيت ناري خاصني نبدا نديها فالدين ديالي غداا ونبدا ان شاء الله ااه غدا نبدا (مشات جبدات الدجاج من التلاجة نقااو وبدات تقاد فالطاجين من بعد ما سالات غطاتو وقادات ديسير بالشكلاط وحطاتو يبرد هو والعصير اما علاء غير سالا صلاتو جا هبط لعندها وهو كايشم ريحة الطاجين لي كاتشهي)
أسيل:(مشات هي وعلاء وگلسو كايتفرجو ومجمعين دايرين بحال الصحاب ماشي ناس مجوجين بقاو هكاك حتا طاب العشا حطات أسيل العشا وقادات الطبلة جا علاء وگلسو بجوج كايتعاشاو وعلاء كولا مرة كايزيد اتبهر بيها واخا هي شريرة وكولا مرة كاتزبلها ولكن عندها إيجابيات ديالها كملو عشاهم وعلاء طلع لبيتو اما أسيل جمعات الدنيا وغسلات الماعن ومشات طلعات تا هي وغسلات سنانها ومشات تخشات حداه ونعسات مقابلة معاه الاه بدا النعاس كايديها هو ينطق)
علاء:انا غانفيقك باش تصلي الفجر واخا راك مابقيتيش صغيرة
أسيل:احم واخا اصلا تا انا عوالة وكنت باغة نبدا من غدا الا بغا الله
علاء:واخا مهم انا غانصلي قيام الليل ملي اقرب الفجر انفيقك توضاي
أسيل:واخا الاه تصبح على خير (غمضات أسيل عينيا وهي حشمانة خافت لا يسولها شي سؤال فالدين ولا شيحاجة وتصدق مشوهة وهي مسلمة غير بالفم بقات كارزة على عينيها حتا داها النعاس)
علاء:(بقا كايشوف فأسيل وحابس الضحكة شحال عاد طفا الضو لي حداه وبدا كايقيسها فوجها من بعد ما تيقن بلي نعساات ومشات في سابع نومة اما هو حس براسو تزير تاني هو يبدا يگول أعودذ بالله من الشيطان الرجيم دار الراڤاي فتيليفونو تاني بكري باش انوض ادوش هو لول دارتها أسيل تاني داه النعاس لبضع ساعات حتا سمع تيليفونو طفاه وناض دخل للدوش توضا الوضوء الكبير والصغير وخرج من بعد ما لبس حوايجو وقام الصلا وبدا يصلي قيام الليل غير سالا نوض أسيل بزز) أسييل فييقيي باش توضاي راه قرب إودن
أسيل:واخا واخا عافاك خليها تا للصباح ونوض نصلي والله
علاء:(حل الباب وهو حاني راسو وهاز فيديه كتاب الله غير هز راسو هو يتصدم ووحل فيها فمو كاتباان كيوووت بريئة جا معاها الخمار بزااف ماقدرش اخبي الاعجاب ديالو بيها حنحن بإحراج شديد وبدا يدور فعينيه) 👀
أسيل:(عضات على فمها حيت تا هي حشمات) وودن نصلييو دبا
علاء: زيدي زيدي انصليو جوج ديال فجر و جوج صبح هي 4 ..
أسيل:وخا ..
علاء قام صلاة و أسيل موراه ..لدارها كديرو غير هو كيقرا اجزاء كبار من قرآن مورا الفاتحة ..اما اسيل غير صور صغار لحااافضة ..كملو صلاتهوم و ناضت اسيل جمعات زربية ديال صلاة حطاتها في طرف ..
أسيل: واحد راحة كنحس بيها من كنصلي منكولكش قلبي كيرتااح ..
علاء:وا ما أجمل صلاة ..من كتصلي كتحس براسك قريب من الله بزااف واي دعاء قلتي كيوصل ليه..و خصوص صلاة قيام الله كيكونو ابوااب سماء مفتووحين ..من تعودي ان شاء الله اتبقاي تنوضي تصلي قيام الله و غادي تحسي براسك مرتاحة كثر..
أسيل : ان شاء الله😊..يا الله نكملو نعااسنا😅
علاء: يا الله ..مشات أسيل تخشات في بلاصتها و علاء كذلك ..هي دايرا عندو هو داير عندها ..بقا كيشوفو في بعضياتهوم ..ساكتين غير عينيهوم لكيدويو ..بقا هكااك بحال لكيعبرو على داكشي للداخل ديالهوم غير من شوفاات ..احاسيسهوم و مشاعرهوم بايينين العما بقاو هكاك تا داتهوم عينيهوم بجوج ..تا وصلات ديك 7 و نص الوقيتة لكيفيق فيها علاء باش كيمشي خدمة ..ناض لقا ضلام في بيت اسيل مهبطة ريدوات باش تجبد عليها ..اسيل حداه شعرها طايح على وجهها و ناعسة نعسة مهدنة كيف كانت كيف بقات ..يديها تحت حناكها و شناايفها مدليين..بقا مدة كيشوف فيها تا نعل شيطان و ناض هبط جبهتها و طبع قبلة كلها حب و حمام و حيد شعرها على وجهها و ناض قاد ليها الغطاء ..و دخل حمام شعل دوش 🚿..ضربها بتدويشة..و خرج جبد حوايجو لبسهوم ..و تريح بريحة دياال مسك ..رد شعرو لور و قاد لحيتو ..لبس ساعتو يدوية ..و قاد مسائلو و هز سوارتو و بزطامو و تيلي خشاهوم في جيب ..و هبط قاد قهوة و جبد كراوسة و بيض و فورماج ..سخن كراوصة في ميكرواوند ..و صايب اومليط بفرمااج و قطع كشير ..و حط زيتون و زبدة و كلشي فوق طبلة ..هو اكتفى بكرواسة صغيرة و كاس قهوتو بحليب..عاد مورااهاا دار قهوة قاسحة كحلة ..جبد واحد وريقة من مذكرة و ستيلو كاينين في بلاكار ..و كتب فيهوم ""صباح نووور و الياسمين ..أنا مشيت الخدمة ..ها فطورك فوق طبلة ..و من تنوضي صوني لياااا ..♡""
خرج و سد باب موراه ركب في لوطو ديالو و مشا نيشان خدمتو ..عيطات ليه الأم ديالو على صباح و علامتو ..انهوم غذي يوصلو مع 3 عشية ..و ايهبطو في مطار الدار بيضاء محمد الخامس ..علمها بانه غادي هو ليمشي يجبهوم بحكم ..الأب ديالو و خوه مكاينينش ..و كلس كيكمل خدمتو تا سمع تيلو ديالو كيصوني ..شاف اسم اسيل و جاوب..
أسيل بقات ناعسة تا ديك عشرة ضرباتها فيقة ..و هي تشم ريحة علاء لكيخليها في بيت عاطية ..ابتسمااات و ناضت دخلات تا هي عمرات بنوار 🛁 و دارت فيه باندوشات ديالها و لبرودوي و دخلات ضرابتها بتدويشة و خرجات نشفات لحمها و شعرها بسشوار ..و مشات ماريو جبدات بيجامة صيفية حد ركابي و سماطي و فيها لولو كاتي فيي وسط في الغوز ..دارت كريم نهاري ديالها و كتافت بكلوز شنايفها كاع مكيباان على شكل مرطب كيخلي شنايف كيلمعو ..حلات ريدوات بيت و جمعاتو كامل و جمعات الحمام ..عاد هبطات دخلات كوزينة لقات فطور واجد في طبلة و ورقة محطوطة فوق بلاطو حدا كيسان ..هزاتها قراتها و كتبتاسم بلا شعووور..
أسيل:ايييه على الملتزم ديالي و مدار فياا ..اخرتي على يديك جبتي لجد بابايا تماااام ..مابقيت تا طحت فيك ..😂 ..كلسات فوق طبلة كتفطر و راشقة ليها من بعد ما سالات فطورها..اول حاجة طلعات بيتها و هزات تيلي ديالها دوزات نمرة ديال علاء ..تا جاوبها ..
علاء: صبااح نور نعااسة عاد فقتي؟؟
أسيل: هخخ ياك اش غادي نوض ندير اللهم نعس ..
علاء:جات معاك الالة ..مقارياش هاد عشية .؟
أسيل:لا ليوم مكنقراش علاش؟
علاء: غير واليدة و خالتي و بسمة جايين مع 3 اتحطهوم طيارة في مطار محمد خامس و انمشي نجيبهوم ..
أسيل: وايلي نمشي معاااك عاافاااك !!
علاء: لابغيتي يا الله مهم نجي نلقاك واجدة حيث خاصنا نشدو طريق راكي عارفة انا كنخرج تا ضهر و ساعتين طريق خاصنا نوصلو قبل متهبط طيارة ..
أسيل: و الغذاء؟
علاء: ماعليش انا انجيب معايا شي حاجة ناكلها من برا و لا ناكلو في زنقة مكاينش الوقت غير وجدي راسك ياذن ضهر ندوز نصليه و نجي وراك نلقاك واجدة ..
أسيل: صافي كون هاني انا دبا نجمع دار و من بعد نوجد راسي..
مشات اسيل جمعات دنيا و غسلات ماعن دوزات جفاف دار باش من يجيو لقاوها نقية و طلعات بيتها كتفكر اش تلبس جبدات سروال تجين لاصق و في هي شي تقطيعات من جيهة ركابي و تيشورت بيض واسع نص كم مكتبوب فيها بكحل حطاتهوم فوق ناموسية و مشات دخلات غسلات وجهها و توضات و جمعات شعرها سفنجة و خرجات لبسات عباية في كحل و دارت زيف اذن ضهر و صلاة و عاد ناضت لبسات حوايجها خشات تيشورت بيض في سروال مت قدام و خلاتو من لور قادات ميكاب ديالها و مشطات شعرها هزاتو كوتشوفال من بعد مدارت ليه سيروم قادات راسها و لبسات صندالة عالية في كحل و تريحات و هبطات وريحتها سابقة متلقا غير مع علاء كيفتح باب هز عينو طلعها و هبطها👀
♡عند البطل ديالنا علووووش♡
من بعد ماقطع علاء مع أسيل ..رجع كيكمل خدمتو ..و مشا تسخر جاب شي وراق و رجع كمل ديك خدمة ..تا شاف ساعة لقا اذان مبقا ليه والو جمع داكشي ..و عيط على منصف(ولد خدام عندو قديم..) ..
علاء: منصف عفاك هاذ عشية مغاديش نكون عندي شي شغل ها سوارت (مدهوم ليه) فتح في عشية نتا انا وراء مغرب نجي ان شاء الله ..
منصف: وخاا..صافي كون هاني ..
علاء:(هز فيست ديالو لبسها و هو سوارتو و تيلي خشاه في جيبو و رتب على كتاف منصف) شكرا ..(هضر مع بقية ) الله يعاون ..خرج ركب في لوطو ديالو مشا جامع نيشان لقريب فيلا ..توضا التحت هو الأول عاد طلع طابق العلوي ..و صلا ضهر و هبط مشا فيلا ..وصل مدخلش طونوبيل لداخل خلاها غير برا و مشا حل باب و هو كيمسع تقرقيب ديال طالو ..شم ريحتها عرفها هي لهابطة هز عينيه بانت ليه ..هابطة بشوية ..نضاااضر شمس فوق راسها هازة صاكها في يد و تيلي في يد ..وجهها لبان طبيعي حيث غير ميكاب عادي كريم شمس ..و ماسكارا و ايلاينر خفيف خط رقيق كاع مكيبان..عكر في غووز خفيف لون صيفي ..سروال ليلاصق عليها و مبين مفاتينها و فخاذها باينين مطلعة سروال على تيشورت من قدام و كرشة لمكيانش حسها نهائيا صدرها واقف ..تيشورت مطلعاها من جيهة واحد كتف و كتف لاخور نازل عنقها لبااين و مزينو عقيق خفيف نازل تا بين فرقة صدرها ..وحوالق ديال عقيق مزينين اذنينين ديالها شعرها لجامعاه بطريقة سلسلة و يد مزينة بساعة ذهبية و خاتمها ديال زواج و يد أخرى فيها كورميط سانبل وسطو قلبو و خاتم رقيق سانبل داير..بقا مدة و هو كيتفحصها بعينين و كيدرس تفاصيلها صغيرة من صبعها صغير شافو ..هي حسات بيه و هزات راسها ..
اسيل: علاء على سلامة ..هانا واجدة مشينا و لا ندير ليك شي حاجة تاكلها ..
اسيل: تا حاجة معندي مستورة ا علاء ..و هذا هو لباسي ..😑
علاء: شوفي بلا منتصادعو (شدها من يديها و غادي بيها فوق ) اول حاجة انكلسو تا عشية تما و ايتحرك البرد و اتمرضي و نوحل فيك ..ثاني حاجة هاذشي معري و مزير و غادي يلوح شي واحد شي كلمة مغاديش نصبر و جنوني كيطلعو دغيا ..(دخلاها بيت ووقفها قدام ماريو ) فبدلي دغيا باش نمشيو ..
اسيل: و علااااء را معنديش شي حاجة طويلة ..😑
علاء: غير شوفي و كان ..؟؟
اسيل: اووف صبر من عندك..(مشات اسيل ماريو و مابان ليها غير واحد بوليرو طويل حد ركبة في كحل و شفااف يديه واصلين حدا مرفق جبداتو) انلبس هذاا اتزيد شي هضرة ..انكوليك طريق سلامة نكلس هنا تا تجي و متعاودش تهضر معايا😑
علاء: كتهديني و لا شنو ؟
اسيل: حسبها كيف بغيتي ..
علاء: لبسي و كان لبسي ..صبر ايوب يا رب ..
لاحت اسيل صاك فوق ناموسية لبساتو قدام علاء و قادات حالتها و هزات صاكها ..
اسيل: مزيان دبا😐
علاء: على العموم ..لاهما العمش ولا عمى ..يا الله زيدي قدامي ..
اسيل: ها هي غادية ...بلاتي منتغذاوش را فيا جوع ..😯
علاء: اندوزو ناخذو شي حاجة من شي قهوة و ناكلوها في طريق ..و لا في محطة استرااحة ..
اسيل: وبلاتي نجيب دواء ديال سنان و شيتة ديالي ..
علاء: جيبي تا شيتة ديالي معاك ..
مشات اسيل هزات سينيال و شيتات ديالهوم و خشاتهوم في صاك ..سدات باب بيتها و هبطات تأكد علاء من بوطات مسدودين و ضواو مطفيين تا بريزات تلفازات حيدهوم سباقاتو لوطو لحلها ليها من باب ركبات و دارت سمطة و كلسات كتقاد راسها في ديك مراية دوارتها جيهتها ..اما علاء سد باب فصيل و خرج سد باب جردة و مشا ركب لقا أسيل مدورة مراية و كتصايب قاد سمطتو و دور مراية جيهتو و هي قلبات وجهها ابتسم على هبالها و ديماارا ما وقف تا محطة استارحة ديال رباط شاف ساعة لقاها الله 1 و ربع دخل هو اسيل دومونداو دجاج و تغذاو دخلو بجوج بيهوم حمامات غسلو يديهوم و سنانهوم اسيل عاودت عكر خرج علاء خلص و مشا دار مازوط طونوبيل و بانت ليه واحد رويضة مفشووشة نفخها عاد تحرك طالق كليمة و راديو اسيل هبطات زاجة و شعرها كيطير و علاء قنطاتو شعرها مع طويل و هو سايق بجهد و ريح كيطيرو تا كيوصل ليه تا يهبط ليها زاجة و هي كطلعها بقاو هكاك تا استسلم و خلاها دير مابغات و هي حسات بنصر كالعادة😈 ماهي الا ساعة و كانو حدا مطاار بلاصة طونوبيل و نزل ..و هي تابعاه تا دخلو فين كيوقفو ناس لكيتسناو مسافرين ..بقات اسيل كضور في عينيها 👀اول مرة تجي مطار ديما كتشوفو غير في افلام و لا اخبار ..
اسيل: هااادشي زوين 😍
علاء: عجبك!! عمرك جيتي ؟
اسيل: لا تا نشوفو غير في تلفازة 😑
علاء: تبغي تسافري شي بلاصة؟؟
اسيل: مكرهتش صراااحة عندي واحد دولة ديما كنبغي نمشي ليهاا 😍حلمي ..
الساقطة و الملتزم الجزء 15
محتوى القصة
التنقل بين الأجزاء