..دازت ساعة ووصلو حدا باب فين ساكن عبد الهادي بلاصة طونوبيل عبد الهادي و نزل هز ولدو وعلاء هز باليزات اماني و دخلو الدار كانت دارت متوسطة زوينة مابيهاش فراش زوين ..صالة و جوج بيوت ووسط دار و حمام و كوزينة كلشي نقي كيشعل بحكم عبد الهادي مرتب بزاف(كثر من ماريو ديالي😂) ..دخل علاء كلس في صالة ..اماني دات ولدها بيت و بدلات ليه حوايجو و غطاتو و دات باليزات ديالها بيت ..ورجعاات عند دراري..
مشا عبد الهادي بيتو و جاب دوليبران عطاها علاء شربها و اماني جابت ليه كاس ديال قهوة وخا هكاك باين فيه تعب و المرض ..
عبد الهادي: اماني نوضي فرشي علاء في صالة باش يرتاح باين فيه عيان ..
اماني : وخا😊
علاء: مكاين لاش انا خاصني نرجع ..
عبد الهادي: معندك فين تمشي نتا عيان اصاحبي ..باغي تشد طريق في ليل ونتا كلك مسخسخ..
اماني: اه عندو الحق اخويا تا صباح و ديك ساعة لابغيتي تمشي سير ..
علاء: وخاا 😣
ناضت اماني فرشات علاء في سداري في صالة و عبد الهادي عطاه كيطمة ..دخل حمام علاء و غسل و بدل و مشا دغيا نعس طاح دودة مدكدك..هبط عليه عبد الهادي ريدو ديال صالو و مشا بيتو لقا اماني بدلات حوايجها وتخشات في بلاصتها تخشى حداها عنقها و نعسو😴
♡عند أسيل♡
اسيل كتشقلب في بلاصتها ناضت غادا جايا في بيت و كطل في شرجم على علاء تشوف واش جاي ووالو دازت 4 سوايع شافت ساعة لقاتها 4 ليل تخلعات عليه هزات تيلي و دوزات نمرتو ..تيلي كيصوني ...علاء دارو تحت المخذة و دار ليه فيفرور ..ولكن غير صونا علاء حس بيه خشا يديو تحت المخذة و جبدو و هو ساد عين و حال عين ..دوز ابيل ..
علاء:(بتعب) الووو..
أسيل: الووو علاء فينك ؟
علاء: اسيل انا بايت في رباط صباح نشد طريق و نجي ..
أسيل: شناااهو باااايت في رباااط ...و علاش معلمتينيش مكايناش شي حاجة سميتها تيلي و لا شنو مكلتي خليتي وحدة موراك مشطونة عليك و فايقة كتسنااااك و كلتي ليا اترجع 😠
علاء: اسيل عيان و حق الله ..غير صبح الحال انشد طريق و انرجع و ديك ساعة نهضرو ..
اسيل: غير بلااااش غير كلس تمااا مكاين لاش ترجع (قطعاات عليه ) ..
علاء: اسيل سمعي..الو ...اويلي هذي قطعاات ..اوووف😤..ناض علاء جمع وقفة و دخل حمام غسل وجهوو مزيان و بدل حوايجو ..و جمع غطاء ديالو ..و كلس كيتسنى عبد الهادي باش يفيق باش يعلمو بانه ايمشي ..ناض عبد الهادي قبل الفجر باش يمشي الجامع لقا علاء نايض ..كاله علاء ايشد طريق دباا عيا معاه عبد الهادي غير تا يصبح الحال بعدا ..ووالو ودعو و كاليه يسلم على اماني و خرج ركب في لوطو ديالو وخا عيااان و باين فيه تعب و لكن لالة اسيل غضباات😂...شد طريق السيااار نيشان قنيطرة ماهي الا ساعو وصل حدا فيلا و حبس لوطو و نزل طلع بيتو نيشان غير حلو و ههو يتصدم😮
اما اسيل غير قطعات معاه و هي تشد مخدة كتعض فيها باعصاااب ..
اسيل: تبااارك الله على راااجل صحاب ليه باااقي عزري ديال راسو ..تبارك الله ولا يبات خارج داااار هادشي لبقاااا ...و معرفش يصوني ليا علمني و لكن انا شنوو بالنسبة ليه ..مدايرش ليا اعتبااار و دبا فينو هاذ نعاااس و اجي انعاااس بغيت نعس حسن منبقا فايقة كنفكر في هاذ زمر😑 ..اوووف ولفتو يخخخ و كيغادي ندير نعس بلا بيه دبا ..(دارت شافت مخذتو مشات هزات ريحتو ديال مسك لكيدير ديمااا و رشاتها في مخذة مزيان و رشاتها في بيت كااامل تا ولا كيقلب بريحة مسك ...هبطات ريدوات ديال بيت كاملين و جبدات شوميز دونوي كحل قصير لبساتو و حيدات داك دوني و شووورط ..بغات باش ترتاح ..مشات ماريو ديالو و جبدات شورط و تيشورط ديال علاء و مشات بلاصتو في ناموسية و طلقاتهوم بحال هو لناعس ...عاد مشات تخشات في بلاصتها و هزات مخذتو عنقاتهاااا و تغطات بكويطة و تخشات في مخدتو مزيان عاد نعسااات 😴
اما علاء غير فتح باب و حل معاه تا فمو ..بقا كيحك عينيه و كيعاود كيشوف حوايجو فوق ناموسية و اسيل لايحة كل رجل في جيهة و غطا مغطي غير كرشها اما فخاذها و صيكانها معريين و هي شادة مخدة علاء مخشية فيها ..وريحتو كتقلب بيت عرفها هي لرشاتها في بيت
علاء:(ضحك) هههه هبيلة هاذ بنت و الله ..
مشا جيهتها هز حوايجو ردهوم يلاصتهوم و مشا جيهتها هبط ليها غطا على رجليها و حاول يقادها في بلاصتها حيد ليها شعر من فوق جبهتها ..و باس ليها جبهتها و مشا دخل حمام بدل حوايجو لبس داكشي لكان جابدة اسيل حاطاه فوق ناموسية ..و توضا صلا الفجر و الصبح ..ومشا تخشا في بلاصتو بغا يحيد ليها مخذة و لكن هي عاصرة عليها ...
أسيل : اممننننن اغنننن😪😪
علاء: ههههه و طلقي مخذة و ها انا جيت متحتاجيش مخذة دبا باش تعنقيها(بدا كيجبدها بشوية تا حيدها ليها و دارها تحت راسو ..و جبد اسيل عندو بشوية دار راسها تحت ذرااعو و بقا كيدوز بيدو على حناااكهاا ..من كيكون معاها كينسى العالم كلو كتبقى تبان ليه غير هي ..قرب ليها و باسها من جبهتهاا بوووسة طويلةة💋
علاء:(تنهد) احح ا أسيل و مدرتي فياا ...
🌞اصبحنا و اصبح الملك🌞
..الأبطاال ديالنا ناعسين مخشيين في بعضايتهوم ..علاء نعس طاح دودة و باين العياء و المرض عليه ..اسيل ضربات فيها شميسة في عينيها من واحد شقة ديال شرجم و ضرباتها فيقة ..بقات كتحرك و تفتح عينيها بصعوبة تا كتحس براسها مخشية في شيحد و ناعس حداها جسم كبير بقات كتحل عين و هي تقشعوو و اصلا غير ريحتو سابقاه فتحات عينيها على وسعهوم ..بانت ليها رجليها مليوحة عليه و يديها معناقاه و هي ضرب كلاس ..
اسيل: اويلي هذاا فوقاش جا بسم الله الرحمن الرحيم تف تف ..(ضاررت عندو لقاتو باقي على نفس وضعيى ناعس على ضهرو و مسرح ذراعو ووجهو حمر و ناهس مرتاح) ولاهيلا هو ..تي فوقاش جا هذااا ..و بلاتي والله منسا ليه داكشي ديال بارح ...(مشات قربات ليه و هي تبدا ضرب في صدرو ..
اسيل: ونوووووض ...ناعس ليا تبارك الله و الله منسيت داكشي ديااااال بااارح نوض نتفااااهمو بالاتي هي احسن 😠😠😠
علاء:(بدا كيحل عينيه بتعب و بثقل ) اماالك اسيل على صباح علاش كضربي ..
اسيل: لاش جيتي ياك كوتليك متجيش😠
علاء: (كيطنز عليها )يااك😣
اسيل: اه...كون غير بفيتي تما حسن ليك 😠
علاء: ليسمع هاذ الهضرة ميكووولش هي وحدة ديال بارح مخشية في مخذتي 😉
اسيل: اينا مخذة ثاني😑
علاء:امممم(بلا شعور جر اسيل من خصرها تا قربات طيح عليه و جا وجهها على وجهوو و هي تبدا تفتف)😉😉
علاء: كوليلي علاش بارح جبدتي حوايجي و رشيتي ريحتي في بيت و عنقتي مخذتي 😉
اسيل: ان...ان.من ...لا ...اه
علاء: بلا متفتفي ليا تماااا ؟
اسيل: ..والو غير ولفتك تكون حدايا وصافي بارح مجانيش نعاس و من درت هكاك عاد جاني نعاس 😣
علاء: امممم هكاك ..و انا نفسر مرتي عزيزة بارح كنتي عيان و نتي شتي غير عبد الهادي لصاك ..و وصلت راسي غادي يطرطق عليها شربت كينة و نعست حيث فغيمووو عيان ماشي تا لهيه..
اسيل:(هزات يديها بلا شعور دوزاتها على جبهتو كتحسس) بصح ..علاء نتااا سخوون بزااف😮خاصك طبيب 😣
علاء: مكاين لاش غير نوضي جيبي ليا دواء را في حمام و اندوش انولي بخير..
اسيل:وخااا😣(بغات تنوض ) ..علاء طلق نووض😳
علاء: (بقا كيشوف فيها مدة ومد يديه جر بنوار ديالها ليلاحتو فس جنبها ) هاااكي لبسي هاكي ..الله يسمح ليك مني و خلاص ..
اسيل:مالي اش درت انا 😫
علاء: لا واااالو الله يودي مكديري تتي تا حاجة هزي لبسي و سكيتينا ..
اسيل: وخا😤(جبدات بنوار و لاحتو عليها و ناضت كتعوج قدامو كتمشي حفيانة هو كيطلعها و كيهبطهاا ) دخلات حمام غسلات وجهها و هي كتشووف في مراية و كضحك ابووحدها ..
اسيل: حمد الله ماشي غير بووحدي لطايحة😂 الله عليك املتزم اخرتك اتولي منحرف 🐸
مسحات وججها بفوطة و قضات حاجة غسلات و توضات حيث مصلاتش صبح و خرجات لقات علاء رجع نعاسو ..مشات قربات ليه دارت يديها على جبهتو لقاتو باقي سخون مشات دغيا جبدات بيجامتها لبساتها بيبنوارها و جمعات شعرها على شكل كعكة وهبطات لقات غير عائشة و امينة ...اما الحاج مشا خدمة و اسماعيل مشا يوصل اسراء دارهوم و من بعد مشا خدمتو ...صبحات على عائشة و امينة لسولو على علاء و كاتليهوم عيان شوية ..تخلعو و لكن طمأنتهوم هزات قرعة ديال الماء و كاس و معلقة و طلعات بيت دخلات حمام جبدات اسبيجيك و خلطاتها ليه و مشات فيقاتو ..
اسيل: علاء هاكا جرب را حرارتك مرتفعة ..
علاء:وخااا😣 (خذا علاء كاس و شربو ) أسيل مدي ليا تيلي نصوني على فيصل نعلمو بانني مغاديش نجي ..
اسيل:وخا ...(مشاات اسيل جابت تيلي ديالو مداتو ليه دوز نمرة و اتصل بفيصل باش يقابل خدمة و قطع) ..اما اسيل مشات جمعات حمام غسلاتو و بدلات فوطات ديالو ..رشات معطر بنكهة عود و مشات حلات شراااجم و كلسات كتجمع بيت و كطوري شي حوايج حدا علاء ..
علاء: انا انوض ندوش باش نصحصح نتي هبطي فطري ..
أسيل: لا مافياش 11 هذي صافي فات وقت فطوري مشيت تا لغذاء..نتا تبغي شي حاجة ؟
علاء: تا انا بحالك فطوري كيكون مع 8 ..اندخل ندوش وخا تجبدي ليا حوايجي ...
اسيل: اوكي غير سير انا انجبدهوم ..
دخل علاء جار كلاكيطة في رجليه بشوية عليه كلو مرخي شعل دوش و حيد حوايجو وتخش تحت منو 🚿 اما اسيل مشات جبدات ليه حوايجو و حطاتهوم فوق ناموسية و مشات جيهة حمام ..
اسيل: علاء را حوايجك فوق ناموسية انا غادي نهبط التحت ..
علاء: وخااا شكرا ..
اسيل: هذا واجب..
سدات الباب البيت و نزلات ..
عائشة:(كالسو في صالة) بنتي كيف بقا علاء ؟
اسيل: راه كيدوش واقيلة غير البرد ضربو ..
امينة: و هو يا ختي لكل صباح كيدوش مالتو على حااالتو و بسيف يضربو البرد😆
عائشة:الله يمسخك ..مابقيتي لاتحشمي لا والو ..نوضي تهزي نصبي الغذاء...
اسيل خرجات ليها لسانها😝 و دخلات جبدا لافوكا من ثلاجة و حليب و عصارتها مع شوية لور و عمراتها في كاااس كبير و دارتو في بلاطو و مشات هزات طرف كيكة شكلاط دارتو في طبسيل صغير و حطات في كلشي في بلاطو و هي خارجة من كوزينة و امينة داخلة ..
امينة: هاي هاااي اش هادشي عصير لافووكا😳
اسيل: اه🐸
امينة: واش لخويا😳
اسيل: وي حيدي من قدامي ...
♡عند أسيل♡
اسيل ضربات في امينة و طلعات لقات علاء الله خرج من حمام لابس حوايجو و كينشف شعرو ..
اسيل: بصحتك😊
علاء: عطيك صحة ..😊
اسيل: انا اندخل نجمع الحمام ..هاكا هادشي كلو حيث الغذاء باقي معطل ..
علاء: وخا شكرا لهلا يخطيك 😊
اسيل حطات ليه بلاطو فوق واحد طبلة صغيرة حدا ناموسية و دخلات حمام كتجمعو اما علاء مشط شعرو من بعد مانشفو و رجعو لور دار ريححتو و ستيك ديال العرق ..مشا كلس فوق ناموسية و هز كاس عصير كيتفحصو بعينيه كيشوف ديالاش شمو و هو يعرفو ديال لافوكااا..
علاء:👀👀 هذي دايرة ليا عصير لافوكااا (ذاقو) ولووز اييه وكيكة شكلاط ..هذي واقيلة باغاني نغتصبها مافيهاش شك😅(هز كاس شرب غير شوية و ذاق من كيكة غير دغمة و نااض هبط بلاطو التحت دخلو كوزينة و مشا كلس حدا مو...)
خرجات اسيل من حمام من بعد ما نضفاتو هازة بنوار علاء ديال حمام نشراتو في باركو و مشات جمعات ناموسية و بيت و خرجات تقلب على علاء و لقاتو التحت حدا ماماه ..شافها هابطة غمزها😉 و هي قلبات وجهها ..دخلات كوزينة وجدات الغذاء مع امينة و امينة شادة فيها وجدو الغذاء..وصل ضهر طلع علاء صلا صلاتو و أسيل من موراه تا هي و هبطو حطو الغذاء جا الحاج و اسماعيل تغذاو مجموعين ..من بعد جمعو ماعن بنات و غسلوهوم ووجدو قهوى حطوها و طلع علاء يتكا و اسيل تا هي طلعات تبدل حوايجها باش تمشي مدرسة ..دخلات لقات علاء تكا في بلاصتو و هاز رواية كيقرا فيها ..
أسيل: علاء كيف بقيتي شوية ؟
علاء: وي حمد الله شكرا 😊..اتمشي مدرسة؟
اسيل: وي عندي حصة مع 3 ..
علاء: نوصلك ؟
اسيل: لا را عندي طونوبلتي و اصلا نتا عيااان ..غير رتاح انا نسالي حصة ديالي و نرجع ..
علاء: اوك ليبغيتي..متعطليش
اسيل : كون هاني ☺
جبدات اسيل حوايجها و دخلات حمام لبساتهوم و خرجات لقات علاء نعس كلسات حدا مراية قدات وجهها و سرحات شعرها خلاتو مطلوق رشاتها ريحتها دارت اكسسوارات ديالها و خاتمها ظيال زواج و هزات صاكها وخرجات هبطات ركبات في لوطو ديالها و مشات نيشان مدرسة ..دخلات دوزات محاضرة ديالها فيها ساعتين و من بعد جمعات صاكها و خرجات و هي خارجة و هي تفكر ندى و هي دير ليها طن في راسها جبدات تيلي دغيا و دوزات نمرة يووسف ...
يوسف: وخا...(قطع يوسف مع اسيل و ناض لبس حوايجو و هز سوارتو و خرج ركب في لوطو ديالو نيشان لعند اسيل ..اسيل بدورها خرجات و مشات كافيتيرا لتابعة مدرسة فيجنبها و دخلات ..طلبات ليها كوطي و كلسات تا تسنا يوسف دازت ربع ساعة جا يوسف بلاصة طونوبيل حدا مدرس و نزل داير نضاضرو ديال شمس ..مشا كافيتيريا لكاتليه اسيل دخل لقاها كالسة في واحد قنت ..اما اسيل كتاكل محساات بيه تا وقف ليها على راسها..
يوسف: بصحتك ..
اسيل:(هزات راسها و فومها عامر) جيتي ..كلس ..
يوسف: (كلس)ههههه مالكي على هادشي كامل ياكما كتوحمي😉
اسيل: (خنزرات فيه) سووووقك ✋ خمس و خميس علياا ..اما الاولاد خليناهوم ليكوم غير نتوما😒
يوسف : شوفي انا بغيتك تعرفي الحقيقة اييه و لكن مبغيتش نجبد ليك ششي صداع ..شوفي راجلك كنعرفو مزيان لاسااق ليك خباار منضمنكش
اسيل: و منين كتعرف نتا علاء ؟
يوسف: علاء قرا معايا في ليسي و انا عاقل عليه هو لا حيث تبدلت بزااف ديجا كنت شكل و دبا بحال هزيتي واحد و حطيتي واحد ..اما هو متبدلش ديجا كنا صحاب حنا ب 3 انا وهو و واحد دري سميتو علي ..
اسيل:😳😳بصح ..
يوسف: وي ..من كنت داير واحد مراقبكوم ديجا كالولي راكي اتزوجي ومن سولت كالولي الشافعي تما عرفتو ايكون علاء حيث ديجا عارف خوه كبير مزوج ..وصافي انا عارف طبعو كيف داير ..و مني وجبد نعرف مرتي كدير شي حاجة من مورااايا و زيد تمشي بار را مغيعجبنيش حااال و نقدر ندير شي حوايج متصوريهومش ..و علاء راه كثر مني لاشتيه ضريف معاك و كيدير ليك خاطرك و حنين و متدين و كيعرف بينو و بين الله ..و قليل فاش كيتعصب و لكن لاتعصب منقدرش نكوليك اشنو ايدير ..عليها بغيتك تلقاي فرصة و حاولي تشرحي ليه شوية بشوية اما البار بعدي منو ..
اسيل:(خااافت من هضرة يوسف و عرفاتو عندو حق) وشنوو معموول باش غدي نبينو حقيقة😨😨
يوسف: كاين حل اخر هي كتخدم في بار في ليل و لكن بنهار كتقرا في لافاك شعبة اقتصاااد و كتمشي تحضر محاضرتها ..ديجا من كانت هي و بسمة كانو دايرين بحال بحال و لكن من بعد حبسات لافاك عام عاد عاودات رجعات ..
اسيل: لاكان غير لافاك مزيان هاذ قضية ..كيف قلتي بار حالتو صعيبة و انا براسي كانت مجرد فكرة انني ندخل ليه شاغلة بالي ..
يوسف: ودبا مزيان متافقين ..كيف غادي ديري معاها هي را فايقة و ذكية ..
اسيل: لاكانت هي ذكية انا كثر منها متخافش عارفة شغلي..
يوسف: وخا الالة و علاء اتعاودي ليه ..
اسيل: انشوف😯
♡عند علاء البطل ديالنا ♡
من بعد مامشات اسيل ...كان ناعس ..جبدها عليها تا 5 و نص ديال عشية عاد ناض ..دخل حمام غسل وجهو و توضا حس براسو مزيان و دواء نفعو ..خرج صلا العصر و زاد ركعتين اخرين على تأخير ديال العصر ..و من لعد قرا بعض سور من القران و ناض بدل حوايجو و جمع ناموسية فين كان ناعس قاد الغطاء و فراش و نزل التحت لقاهوم كيديرو كاسطروط غير عائشة و امينة ..سول على أسيل كالوليه باقا مجات هو عارفاها خارجة مع 5 و دبا تقريبا دازت ساعة و باقا موصلاتاش و هو يدوز نمرتها ...
عند اسيل سلمات على يوسف من بعد مسيفط ليها تصويرة ديال ندى و عطاها جميع معلومات و تا بلاصة لكتكون فيها في لافاك و كلشي ..هزات صاكها و سلمات عليه و هي خارجة تا كتسمع تيلي ديالها كيصوني جبداتو و هي تلقا علاء لكيصوني و هي تجااوب...
اسيل:(عاضة على شنوفتها تحتانية) علاااء!!
علاء: اسيل فينك ..6 ونص دباا ..
اسيل: را غير تعطلت في مدرسة كنت كنطبع شي وراق ..
علاء:(بتشكيك ) امم وخا متعطليش و عنداك في طريق صوكي غير بشوية ..
اسيل: وخا كون هاني ..(قطعات و مشات دغيا ركبات في طونوبيلتها و شدات طريق الفيلا ) ..
اما علاء ..عرفها كتكذب و رجع ليه داك موضوع راسو ثاني ديال هذاك لكتلقا معاه و عقد حجابانو و خرج كلس في جردة و طلب امينة توجد ليه قهوة ..داكشي لكان صايباتها ليها و داتها ليه ..بقا كالس تا شاف اسيل وصلات دخلات طونوبيل و بلاصتها و نزلات بان ليها علاء كالس و مشات عندو ..
اسيل: سلام 😊
علاء: و عليكوم سلام ..على السلامة
اسيل: الله يسلمك بغيت ندوي معاك في واحد الموضوع االا كان ممكن☺
علاء: وي كلسي ..
اسيل:(كلسات) مهم سمعني انا كنت بغيت نكوليك واحد حاااجة ..كيف نتا مكتخبيش عليا و انا مبغيت تا حاجة تبقا مخبية بيناتنا ..
علاء: هاااذشي لباغي تا انا ..هانا كنسمع👂
اسيل: معرفتش منين نبدا ليك مهم ..(قاطعها تيلي ديالها كيصوني ..سر سر 📲)
اسيل: بسمة كالك زلقات في حمام صباح و هاذ عشية شدها شي وجع..و دابا جا حمد و غادين بيها طبيب ..انا خايفة😢نوووض نمشيو دبا
علاء: غير تهدني ميكون غير خير ..بلاتي نجيبفيست ديالي و ساروت لوطو و تيلي ونجي ..
طلع علاء دغيا كالها ماماه و بظات كدعي مع بسمة كاتليه تمشي معاهوم كاليها مكاين لاش نخرجو كاملين من دار ايعلمها باش مكاين ..طلع بيتو هز فيست ديالو و بزطامو و تيلي و ساروت لوطو و هبط خرج لقا اسيل واقفة حدا لوطو علاء ..غادة جاية في بلاصتها عينيها مغرغين خايفة على بسمة بزااف...علاء حل لوطوو و ركبو و ديمارااا..
علاء: اسيل اينا طبيب ايديوها ..؟
اسيل: كاتلي ماما هي متبعة عند طبيبة طاهري ..و هي كتخدم في مصحة انوال ..ايديوها تماا ..ياربي كون معاها.😢😢
علاء ميكوووون غير خير ان شاء الله(شد ليها في يديها بيدو ليمنية و سايق بلوخرا) ياك باقي خال على ولادة ..؟
اسيل: مزال كالها طبيب تاا الأول شهر 6 ..و حنا الله دخلنا شهر خامس ..را باقي شهر تقريبااا..
علاء: ميكون غير خير..مشا علاء طاير ماوقف تا مصحة انوال نزلات اسيل دغيا كتجري و علاء موراها حبي لوطو في واحد قنت و سدها و تبعها ..مشات استقبال سولات فين كاينة طبيبة و نعتو ليها طلعات طاج الثاني فين كيولدو لقات ماماها و حمد برااا حدا واحد غرفة مشات كتجري عندهوم ..
اسيل: ماما ...فين بسمة شنووو وقع😢😢
خديجة: متخلعيش ابنتي كلشي هو هذاااك ..غير هاذ وجع كالت لينا طبيبة كيجي من كتقرب ولادة ..اما ولادة باقي عليها الحال ..
اسيل: حمد الله يا ربي..و كيفاش زلقات ؟
خديجة: كانت كدوش ..تا زلقات لي بنوار هادشي وقع صباح ..صافي مورا غذاء بدا ضهرها كيضرها و تا شي وجع كينغزها ..
اسيل: ..و هي مالهااا كطير ..سلامة يا ربي دبا كيف بقات؟
خديجة: را طبيبة عاودات دخلات عندها كيدكو ليها شي ليباري شوية و نخرجووها طيرتها منا خلعة ..
اسيل: موووصيبة متولد تا تشحفناا...(جا علاء سلم على خالتو و باس يديها)
علاء: حمد الله على سلامتها اخالتي 😊
خديجة : الله يسلمك اولدي الله يرضي عليك ..
مشات اسيل سلمات على حمد بيدها و سولاتو على بنتو ..و علاء تا هو سلم عليه بقاو كالسين برا تا خرجات طبيبة و عاودات طماناتهوم عليها ..دخلو عندها و كلسو حداها اسيل شااادة فيها ..علاء خرج برا اتصل بمو كاليها مكايناش شي حاجة كغااف ..دازت ساعة و كالت طبيبة بسمة يمكن ليها تمشي الدار مكايناااش شي حاجة صعيبة غير ترد بالها و داكشي لكان خرجوها ..علاء كال حمد غير يمشي خدمتو و هو ايوصلهوم ...خرجو من كنينيك و مشات بسمة و اسيل ركبو لور و خديجة حدا علاء وصلهوم عمارة وطلعو بسمة لدار دخلاتها اسيل بيتها و نعساتها و خرجات لقات ماماها دارت اتاي و حطات حلوة و علاء في جنبها كلسات حداهوم شربو اتاي و ناضو استأذنو باش يرجعو ..دخلات اسيل عاودات طمأنات على بسمة و خرجات سلمات على ماماها و هبطات هي و علاء شدو طريق فيلا 😖
♡ عند الأبطال ديالنا ♡
رجع اسيل و علاء لفيلا ..وصلو مع العشاء طلع علاء البيت دغيا باش يصلي ..بدل حوايجو و دخل الحمام توضا و خرج كيصلي ..اسيل تبعاتو من بعد ما سلمات على مالين الدار و طمأناتهوم على بسمة و طلعات تبعات علاء دخلات لقاتو كيصلي هزات بيجامتها و دخلات الحمام طرفات حالتها وقدات حاجتها توضات ..و جمعات شعرها سفنجة و خرجات لبسات بنوارها و دارت شال و فرشات من مورا علاء و صلاة المغرب و العشاء و الشفع و الوتر ..علاء سالا و كلس كيقرا قران هي كملات صلاتها و ناضت جمعات زربية الصلاة ..و هبطات التحت باش تقاد العشاء مع عائشة ..وجدوه و حطوه فوق طبلة طلعات اسيل كلمات علاء باش يتعشا ..هبطو تعشاااو و سالاو ..جمعو روينة بنات و غسلو ماعن ..عائشة و امينة طلعو بيتهوم ..بقا اسماعيل و الحاج و علاء في صالة كيهضرو على خدمة وجدات ليهوم اسيل براد اتاي حطاتو ليهوم عاد طلعات لبيتها ..شعلات تيلي ديالها عيطات على بسمة سولات فيها و مشات هزات دوني و شورط و حيدات بيجاامة و ذهنات لحمها بلكريم ديالها ووجهها بكريم ليلي كيف العادة دارت مرطب لشنايفها و رشات ريحتها و سرحات شعرها و ذهناتو بسيروم و مشات تخشات بلاصتها هزات واحد الكتاب ديالها كتقرا فيه و كتخدم شي تمارين بقلم رصاص بقات كتراجع تا دخل علاء لقاها مركزة مع تمارينها ..
علاء: الله يعاون ..
أسيل: اللهم امين ..
علاء: قربو الامتحانات ؟
أسيل: وي مابقا ليهوم والو ...نهار 20 في شهر 5.
علاء: ايوا الله يوفقك زيري راسك ..
اسيل: ضروري شكرا ..اتنعس؟
علاء:اه ..مشا هز شورط و تيشورت من الماريو و دخل الحمام غسل سنانو و قضا حاجتو و بدل حوايجو ..بقا كيشوف في المراية تا تفكر هضرة اسيل قبيلة و بانها كانت باغا تعاود ليه شي حاجة ..هز فوطة مسح وجهو ووخرج دغيا وقف عليها ..
علاء: اسيل قبيلة كنتي باغا تعاودي ليا شيحاجة ..؟
اسيل: (هزات راسها فيه)😳😳اه ..كونت كونت باغا نعاود ليك غير على بسمة و قصتها ..و لكن صافي خليها من بعد ..
علاء: علاش ؟؟
اسيل:قصة طوييلة ..كون هاني قريب نعاودها ليك دبا واحلة مع لاامتحانات خلي كلشي مع الوقت ..
علاء: وخااا ..تصبحي على خير نعسي رتاحي تا لغذا و كملي موراجعتك ..
اسيل: وخااا😊بونوي..
تخشا علاء في بلاصة داير عندها و هي كذلك ..بقاو كيشوفو في بعضياتهوم تا نعسو 😴
♡تسريع الأحداث♡
¤بعد مرووور أسبوع ¤
في هاذ السيمانة كانو الاوضاع غاديين عاديين ..اسيل مركزة مع امتحاناتها كتحفض بالليل و بالنهار ..اما علاء غير الخدمة لدار و الدار لخدمة..علاقتو مع أسيل مزيانة ..كيحاول ينسى موضوع يوسف و هي كذلك من داك النهار مبقات هضراات معاه ...مع الامتحانات و عرس نور كاتليه تا يدووز هادشي ..بسمة دفعات شهادة طبية مدرسة باش تكلس مدة 3 شهور و امتحانات تا تولد و ترتاح عاد دوزهوم ..ولات كتمشي واحد لاصال جنبهوم قريب ليهوم على حساب يوكا و رياضة لحوامل ..كتكلس هي و خديجة مفاهمين كثر من الام لبنتها ولفو بعضياتهوم بلا قياس موانسين ...امينة تا هي زيروها امتحانات كتكلس تبريباري مع البنات في مدرسة ..و في نفس الوقت كطلبها نور باش يخرجو يقضيو شي غرض كتخرج معاها..اسراء في دارهوم كيوجدووو تحضيرات ..جا نهار الحناء و عبد الهادي جاب اماني و يعقوب لفيلا و رجع بحالو ...امينة مشات مع نور الحمام صباح و في العشية كانت دار عندهوم عامرة ..لبسات اسيل قفطان سامبل خضر و طلقات شعرها سامبل طلقات و ماكياج خفيف و علاء تاهو لبس عادي سروال تجين و قميجة في كحل و فيست فوق منها ..عائشة مشات مع اسماعيل و الحاج و امينة و اماني هبط علاء وأسيل سدو الڤيلا عاد شدو الطريق حيت كانو معطلين مشاو العائلة سبقوهوم بقات أسيل كاتشوف فالمراية وكاتقاد راسها غير اللمسات الاخيرة گلسات وهي تهز تيليفونها بغات تصور)
أسيل:ييييخ علاء تيليفونك فه الفلاش القدام
علاء:اااه علاش
أسيل:اراه ليا بغيت نتصور به هاد الخشخاشة عندي مافيها والو
علاء:هههه
أسيل:جيب ليا شي تيليفون زوين واخا
علاء:اشمن واحد بغيتي
أسيل:مهم يكون كبيير والكاميرا ديالو واعرة والستوكاج فه كبيرة
علاء:اوكي صاغي تانشوف
أسيل:اوكي (شعلات أسيل التيليفون وبدات كاتصور وكولا مرة بپوز مختالف حتا عيات مالقات مادير هي تهز تصويرتها ودارتها فالشاشة ديال التيليفون ديال علاء وكاضحك من بعد ما وصلو مابغاش علاء أسيل تهبط حتا يهبطو بجوج وداكشي لي كان من بعد ما حط علاء لوطو ديالو جبد شال من اللور مدو لأسيل وخرج مشا لعندها اما هي غير لاحتوو عليها وخرجات عندو شادة فه على حساب الطالو حتا دخلو عاد حيدات يدها ومشات دخلات للصالة فين مجموعين البنات والعيالات من بعد ما طيرات الشال تاني سلمات على لي كاتعرف وعلى لي ماكاتعرفش حيت حشمات منهوم ومشات تقنتات حدا أماني لي شادة ولدها وهزات التيليفون وكاتصور لبسمة كاتفقصها حيت ماقدراتش تجي تقلات بزاف من بعد ما دازت واحد المدة تمو البنات داخلين وكايصليو عالنبي جايبين نور لي لابسة تكشيطة فالخضر ديال الحناء ومصايبة فولارها وميكاپ تقيل جاها زويين گلسات فالبرزة ديالها وجات النقاشة بدات تنقش ليها غير صبيعات خفاف من بعد ما سالات ليها رشات البريو على يديها ورجليها....)
♡عند البطلة ديالنا ♡
أسيل:(خدمو الامداح ومن بعد ما سالاو لنور ناضو البنات كايتصورو معاها حتا شبعو تصااور جابو ليهم العشا العيالات 3 ديال الطبالي والرجال جوجات ماكانش بنادم بزاف ناضتت نور ومشاو معاها البنات أسيل گلسات حدا خالتها وأماني حتا تعشاو وسالا العشا وبقاو شوية ويعقوب ولد أماني نعس من بعد ما شبع لعب مع شهد ناضتت عائشة گالتليهم بغات تمشي حيت صافي عيات وداكشي لي كان جمعو كاملين وناضو أمينة غاتبات عند نور حيت لغد له العرس اما أماني ماكرهاتش ولكن فضلات تا لغد له وتجي حيت غايجيو شوية بكري أسيل سلمات على نور وخرجو لقاو إسماعيل وعلاء والحاج كايتسناوهوم فطونوبيلاتهم ركبات الحاجة وأماني فلوطو مع إسماعيل وعلاء وأسيل ركبو بوحدهوم وأسيل بدات تفوه)
علاء:جاك النعاس
أسيل:اااه😪علم الله غدا كيغادي يدوز الا ماكانش العرس فه الشعبي والحيحة ماشي عرس والحنة ديالها ودايرة الامداح غا حشمت مانعستش ليهم فوق الطبلة (ربعات يديها وبدات تشكي على علاء لي سايگ وكايضحك عليها وهي غير كاتزيد تفقص) مالك كاضحك راني داوية من نيتي زعما😤
علاء:ههه لا والو غا كملي كملي
أسيل:لا صافي (ربعات أسيل يديها منفخة زعما حتا وصلو طلعات لبيتها بدلات حوايجها بالجرا قبل مايدخل علاء لبسات شورط قصييير نگولو گارصون نيت فالكحل وديباردوور فالكحل والتضاريس ديالها كاملين كايبانوو مطراسيين وخارجين لاحت عليها پينوار قصير فالكحل تا هو لبسات پانطوفة ديالها هزات حوايجها طواتهم ودارتهم فپلاكار ديالها وعلقات قفطانها دخلات للحمام قضات حاجتها مسحات وجها من ميكاپ وغسلاتو ودارت له مرطب ديالو خرجات هي تلقا علاء مبدل حوايجو ومشبح فوق الناموسية مشات قدام المراية اما هو ناض ودخل للحمام قضا حاجتو غسل وجهو وسنانو ومسح وخرج لقا أسيل باقا فبلاصتها دايرة رجلها فوق الكرسي وكادهن كريم وفخدها كامل كايبان وحتا الپينوار كان قصير وملي كاتحنا صدرها كامل كايتكب مع تبارك الله الخير كايتشاير وهي بلعاني كادير له هكاك وقف هو في ذهول لدرجة ماحسش بديالو حتا وقف بوحدو وبدا كايحاول يخبي شوهتو اما أسيل گلسات وبدات ترطب فمها بالعرض البطيئ دارت پارفان ديالها خفيفة غير جوج رشات فعنقها والمعصم ديالها طلقات شعرها طلات على راسها اخر مرة كاتبااان وااعرة مشا علاء لبلاصتو تكا وهو كايتعوذ من الشيطان اما أسيل تبسمات بشر ومشات تا لحداه وبدات تحيد پينوارها غير بشوية حتا طاح لتحت وبان داكشي لي مخبي فورمتها مقودة وهي كاتبينها بلعاني خشات پينوارها بلاصتو ومشات حدا علاء تقادات وطفات الضو لي حداها وهي تنطق) علااء انا عيانة ليوم بزاف تصبح على خير
علاء:(فخاطرو *مابان ليا تا شي خيير عوالة على خزيت*) تصبحي على خير تا انا عيان
أسيل:(كاتسرح شعرها بيديها) اااه عيينا اوا تصبح على خير (تقابلات معاه أسيل هي تغمض عينيها من بعد ما تيقنات بلي شعلات فه العافية عاد خحلات ليها النعسة ونعساات سرحات عجوول لاخرة اما علااء بقا حاضيها واحد المدة وتسرح حداها طفا الضو تا هو وغمض عينيه وبقا تا داه النعاس من بعد ما دازت عدة ساعات صونا تيليفونو ناض طفاه ودخل للدوش كالعادة توضا الوضوء الكبير والوضوء الصغير نشف راسو ولبس حوايجو وناض خرج مشا فيق أسيل لي فاقت غا بزز ماكرهاتش تقتلو حيت فيقها دخلات للحمام توضا اما هو قام الصلا وصلا قيام الليل توضات أسيل وخرجات لقاتو كايصلي لبسات عبايتها وشالها وهزات القرآن وبدات كاتقرا فه سمعو الادن تسناوه تا سالا وصلاو بجوج الفجر عاد رجعو كاملين ينعسو وصلات 10 ديال الصباح ناض علاء فيق أسيل بدلات حوايجها ودارت روتينها وهبطات التحت جابت الفطوور فطرو بجوج فالشومبر ديالهم ومشات هي غسلات الماعن وهضرات مع خالتها لي گالتليها راهم غاديين قبل الغدا غير تمشي تقاد راسها طلعات أسيل وطلات على أماني ويعقوب عاد رجعات لبيتها علمات علاء قاد حالتو جا 👌🏻شهوة منو خرج وبدا كايمشط فشعرر ورش ريحتو وأسيل حاضياه غير بنص عين سالا وهبط للتحت عند باه وخوه عاد أسيل گفطات جبدات قفطان فالگرونة مذهب وصندالة عالية دخلات للحمام قضات حاجتها كانت مزيرة خرجات لبيتها لبسات حوايجها وبدات كاتقاد فوجها دارت ميكاپ سمووكي وصرعاتو بحال ديال المحترفين سرحات شعرها بالجرا وخلاتو مطلوق على راحتو شداتو غير بمقبط دارت حلقات ديالها ديال الذهب هو يتحل الباب)
علاء:(حل الباب على أسيل لقاها كادير فحلقاتها طلعها وهبطها جات زوينة بزاف سها فيها للحظة ولكن دغيا رد بالو مابغاش يعيق)أسيل صاافي راه غانتعطلو ساليتي! ؟
أسيل:ااه صافي تقريبا غير صبر (تكا علاء على الباب كايشوف فيها اما هي دارت سنسلتها براسلي ديالو خاتم ومگانة وخاتم ديال المارياج ديالها وعلاء فرحان بهادشي بانت على وجهو ابتسامة صغيرة من بعد ما سالات رشات پارفان ديالها ولبسات صنداالتهااا الذهبية العالية وهزات پووشيط ديالها وناضتتت وقفات وشافت فعلاء بكل ثقة) 😌انا سااليت كييجييت
علاء:😉جيتي زوييينة بزاف ماشي مجاملة ولكن الحقيقة
أسيل:☺شكرا تانتا جيتي زوين
علاء:مشيينا!؟؟
أسيل:احم ااه (هبطات أسيل لايحة عليها شال إحتراما لعلاء حيت كاين الحاج وخوه لقاو كولشي كايتسناهم تفرقو تاني فطونوبيلات ومشاو ركبو من بعد ما وصلو طلعو هازين الكادووات ديالهم سلمو عليهم ودخلوو...)
أسيل:(من بعد ما دخلو گلسو مع الناس شوية يعقوب مشا كايلعب وأماني وأسيل مشاو عند العروسة گلسو معاها وبداو كايضحكو تحط الغدا وتغداو وبداو كايعاونو فنور لي كاتجمع حوايجها جات النگافة لي جايبة معاها اللبسات والماكياج غير صلاو الناس المغرب بداو كايدخلو والنگافة بدات لنور وجداتها وقاداتها باللبسة الحمرة هي باش بدات العرس دار غير فالدار على حساب ماعرضوش على بزاف ديال النااس جاو أهل العريس وخداو التصاور وكالعادة العرس كانو فه غير الامداح أسيل قنطات وكاتحاول تخبي هادشي خرجو العرسان والبنات تابعينهم من اللور بالصلا عالنبي گلسو فالبرزة ديالهم وهوما حشمانين من بعضياتهم جابو ليهم التمر والحليب ربكو لبعضياتهم الخواتم وشربو بعضياتهم الحليب مهم دارو گاع الطقوس ديال العرس المغربي العرس سالا مع 4 ديال الصباح ونور تفارقات مع واليديها بالبكااا وهي لابسة غوب بيضة حجابية بإمتياز والنور على وجها لي رجع حمر بقوة البكا لي بكاتو كولشي تأثر من داك المنظر حتا أسيل لي دغيا بدات كاتبكي وعلاء حاضيها من بعد ما ودعو العروس وعريسها ركبو فطونوبيلاتهم أماني ويعقوب ركبو مع أسيل وعلاء وأمينة والحاجة والحاج وإسماعيل فلوطو بوحدهوم إسراء غاتلحق عليهم من بعد مايساليو الرواين ديال العرس مشاو للڤيلا وكولا طلع لبيتو أسيل بزز باش غسلات وجها وحيدات حوايجها وطاحت دودة وعلاء كدلك فاقو وصلاو الفجر والصبح غير بزز ورجعو نعسو حتا بدا علاء كايفيق فأسيل)
علاء:أسييل أسييل فيقي
أسيل:(مغووبشة وكاعية على الوضعية) ممم شنو بغيتي ا علاء
علاء:گالتلك الواليدة وجدي راسك راه 11 هادي على قبل الصباحية ديال نور
أسيل:(ردات الغطا على وجها) عافاك ا علاء گول لخالتي بلا ماتسناني مافياش فيا الشقيقة راسي كيضرني نييت
علاء:وشنو غاديري نجيب ليك شي حاجة
أسيل:بغيت غا نعس عافاك هبط الرييدوات
علاء:واخا (ناض علاء مبوق كايسد عين ويحل لاخرة غا بزز لاح عله فوقية حيت لابس غي تيشورت مزير عله ديال النعاس ومشا هبط للتحت لقاهم كايوجدو باش يمشيو علمهوم بلي كاين هو وأسيل ماغايمشيوش دخل للكوزينة ومشا فطر وهز پلاطو دار فيها الخبز وفرماج وكوفيتير والزبدة وكاس دياال العصير وفانيدة ديال الراس وكاس دالما ومشا طلع عند أسيل كايفيق فيها)
أسيل:علاء عاافاك فوتني دبا راسي غايتفرگع 😣
علاء:هاكي فطري وشربي الدوا هو لول عاد نعسي تا انا مامولفش السهير راه تا انا غانشربو
أسيل:(ضربات الگلاس وهي مشعكة والكحل داير هالة سوداء على عينيها مع مامسحاتوش مزيان فايقة غا بزز خاسرة شافت فعلاء لي كايشوف فيها مصدوم وهو عينيه ذابلين باينة فه ماشابعش نعاس) باينة فك مبوق😪
علاء:ماشي مشكل فطري دغيا باش نهبطو ونرجع نعس باقي مبوق انايا
أسيل:واخا(كلات أسيل غير شوية راسها عاطيها الصداع شربات فانيدة ديال الراس وعلاء كذلك ومشا هبط الپلاطو للتحت وجا طلع لقا أسيل متكية ومخبية وجها فالمخدة وداكشي لي دار تا هو تكا ونعس دغيا من بعد ما دازت عدة ساعات عاد فاقت أسيل مبوقة بالنعاس شافت فالساعة كانت 4 ديال العشية ناضتت دخلات للدوش دوشات بالخف توضات وخرجات صلات الظهر والعصر ومشات فيقات علاء) علاء نوض تصلي ااح وليت انا لي كانگوولها له😌هههه اااح عليا علاء نووض نووض تصلي ان الصلااة خير من النوم تا نوووض
أسيل:ااه راه فالعطلة كانمشي عندها للدار داكشي علاش صابرة ليها انا واليديا الا لقاوني با غايقتلني والله اللهم نصبر ليها هي
ندى:اوا اختي الله يكون فعونك
أسيل:اللهم أمين طهلاي فراسك (مشات ندى ركبات الطوبيس وأسيل خسرات سيفتها) الله يكون فعووونك نتي😏 غير صبري عليا لا ماندمت مووك مانتسماااش أسيل على قبل بسسمة غاندير كولشي الحمارة لاخرة تفوو (مشات أسيل قلبات الطريق ومشات لوطو ديالها ركبات وهي غادة نيشان للڤيلا هي تصوني على يوسف) الووو يووسف
يوسف:الو أسيل شنو درتي
أسيل:مهم حناا بدينا دبا وراه طلقت عليها واحد السلووگية مهم غانرد علك من بعد
يوسف:وااخا وردي باالك ا أسسيل سمعتي
أسيل:كون هاني أسيل هادي وأجرك عالله
يوسف:واخا سلمي ليا على بسمة
أسيل:ماغايوصلش سير سير (مشات أسيل قطعات مع يوسف ومشات لڤيلا دخلات بدلات حوايجها وبدات كاتبلاني كيفاش دير باش طيح ندى فالفخ لي رسمات فدماغها سمعات أمينة كاتعيط عليها ومشات هبطات بقات مجمعة معاها حتا ودن الضهر ومشات أسيل طلعات للفوق توضات وصلات جا علاء كدلك بدل حوايجو وهبطو مجموعين حطو الغدا وگلسو حتا تغداو طلع علاء تكا يرتاح وأسيل غسلات الماعن وطلعات للفوق هي تلقا علاء شاد الروجيستر ديال ندى فيدو)😨
علاء:أسيل ديالمن هادا
أسيل:غير دبال واحد البنت كانعرفها
علاء:عارف راه قريت السمية ولكن راه هادشي ايكونومي وديال لافاك نتي شنو كايدير عندك هادشي
أسيل:غير حيت بسمة طلباتني نجيب ليها هاد الكور من عند شي وحذة كاتعرفها هي
علاء:ولكن بسمة دايرة مدرسة ولا لا
أسيل:اناااري راني عارفة راه هي گالتليا بغات حتا هادو راه مشيت للمدرسة ماكاين لي بغا يعطيني الروجيستر ديالو تا لغدا وناخد الفلوس وندير ليهم فوطوكوپي حيت ليوم ماديت والو
علاء:مممم واخا فهمت صافي مرة خرا علميني قبل ماتمشي لشي بلاصة
أسيل:ااه وااخاا راه غير حيت هي ما علماتني تا لقبيلة فهمتي
علاء:واخا ماشي مشكل
أسيل:(دخلات أسيل الحمام غير سدات الباب هي تبدا تنهد بإرتياح) اوووف شوية ويعيق بيا اناري مافراسيش انا مع ضابط تحقيق ناري كايحقق فكولشي بالتفصيل ناااري خاصني نعرف كيفاش نهضر هادشي خاصني نساليه فأقرب وقت قبل ماتقواد عليا اناا اووف ياربي تعاوني (مشات غسلات وجها ورجعات عند علاء وگلسات حداه)
علاء:(من بعد مادخلات أسيل للحمام هز تيليفونها وبدا كايشوف فه مابغاش يدخل يقلب تاني مابغاش يكون هكا ماكايتيقش فيها ولكن الشك والغيرة قتلوه بغا يتسطا تنهد غير دخل للمساجات هو يطفا ليه التيليفون فيدو شوية ويضربو مع لارض حطو فبلاصتو ومشا هو تكا على ضهرو معصب نوعا ما حتا خرجات أسيل وگلسات حداه شافت تيليفونها مديشارجي هي تمشي تركبو فالشارج ورجعات گلسات حداه من بعد ماداز شوية ديال الوقت وأسيل جاها الملال)
أمينة:واخا ولكن شوفي هادشي ساهل خاصك غير تحفضي وتكوني ديجا فاهمة مهم نتي لي مافهمتيهاش اجي ونشرح لك
أسيل:اووكي واخا (گلسات أسيل مع أمينة مصدعاها شوية حتا سمعات علاء كايعيط عليها مشات عندو وگاليها تجبد له واحد الڤيست ديالو حيت هي لي كاتقاد الحوايج جبداتها له وهي عاجبها الحال من بعد ما لبسها رش ريحتو ومشا علاء لخدمتو وأسيل بقات فالدار هضرات مع بسمة وماماها أپيل ڤيديوو توحشاتهم وواعداتهم غاتجي تبات عندهوم شي نهار)
#تسريع_الاحداث
دازت سيمانة بالتمام والكمال كان أسبوع روتيني بالنسبة لعلاء وبالنسبة لأسيل كذلك لي ولات كاتمشي لمدرساها وتمشي لافاك تعرفات على ندى وقدرات تخليها تيق فيها حيت أسيل كاذبة محترفة وممثلة بارعة كذلك عاودات ليها ندى كولشي عليها من غير داكشي لي دارت لبسمة وأسيل كولا مرة تخرج ليها بكذبة جديدة باش ندى تشفق عليها او بالاحرى على الشخصية لي ختارعات أسيل لراسها بإسم سارة ليوم أسيل جامعة صاكها ودايرة فه داكشي ديالها وپيجامتها حيت غاتبات هاد ليوماين عند ماماها توحشاتها بلا قياس سلمات على خالتها لي ماكرهاتش تجي معاها ولكن كاين الحاج حتا يسافر تاني وصلها علاء حدا العمارة هو يوقف وقبل مايهبطو دوا معاها)
علاء:أسيل هااكي هاد الفلوس (جبد رزمة ديال الفلوس من جيبو) لاتحتاجي شيحاجة يلا خرجتي نتي وخالتي ولا مع بسمة بدون نقااش ا أسييل مهم سمعي ديري عقلك وقوة الخروج والدخول لا فهمتي انبقا نصوني علك كولا ليلة وماتنساايش صلااتك راه غانبقا نفيقك الفجر فهمتي ماطفيش تيليفونك بقاي تشارجيه قبل ماتخرجي وقتما غا تخرجي علميني فهمتي و...
أسيل:الله الله راه غير يوماين هادو مالك على حالتك ههه
علاء:😒داوي معاك من نيتي
أسيل:ههه صافي واخا سمحليا🙊
علاء:اوا هكاك مهم تفااهمنا؟؟
أسيل:صاافي واخا كون هاني الكلمة
علاء:هههه اووكي
أسيل:(هبطات هي وعلاء وخلات له الصاك هزو ومشاو طلعو فالمصعد حلات ليهم خديجة وهي فرحانة كانت كاتسناا فيهم توحشات بنتها سلمات عليهم وأسيل مشات كاتجري دخلات لبيت بسمة لي كانت كادير شي حركات ديال اليوگا من لي تعلمات فلاصال شافتها بسمة هي تنوض كاتجري وكرشها منفووخة قدامها قدها قداش ولات بحال الكورة تعاانقو واخا معنكشااهم الكرش وخرجو للصالة بسمة سلمات على علاء وگلسو وخديجة بالجرا حطات كاسكروط لي كان على حقو وطريقو الطبلة كانت كاتشهي گلسو حتا عرگوها مزيان وعلاء استأذن منهوم ومشا فحالو من بعد ما عاود وصا أسيل اما أسيل مشات دخلات لبيتها توضات وصلات وبسمة حاضياها غير سالات هي تجي گلسات حداها)
بسمة:بصرااحة علاء عندو تأثيير زويين علك والله
أسيل:هههه ااه والله كانحس به النور لي نوو ر حيااتي تيقيني ا بسمة
أسيل:ييه ويلا قمعني ولا گاليا شيحاجة لاااا خليه تا وكان يهضر هو انتسنااه
بسمة:اتسنااي بزااف واقيلة
أسيل:ههههه ااه والله ولكن ماشي مشكل انا رااضية به كيفما كان وكانبغيه كيفما هو والله ياارب يخلينا ديماا مجمووعين😌
بسمة:👀
♡*عند علاء الدين *♡
من بعد ماوصل أسيل لعند خالتو دار معاهوم كاسكروط ووصا أسيل ورجع ليوم السبت مامشاش المكتبة مشا للدار باش يرتاح وصل بدل حوايجو و غسل و خرج كيكمل شي خدمة عندو.. تا قرب يأذن العشاء و مشا توضا و لبس عليه فوقية وخرج مشا الجامع صلا و رجع الدار تعشا مع العائلة و استاذن منهوم وطلع بيتو غسل سنانو ووجهو و حيد فوقيا بقا غير بشورط و كلس تسرح في ناموسية كيفكر في أسيل و اي مكان فالبيت كيذكرو بيها.. كيفكر كيفاش غادي يقدر ينعس بعيد عليهاا و لا هاذ النعاس موحال يجيه ولفها بلا قيااس ولات هي حياتو و كلشي بالنسبة ليه مكيقدرش يتخيل شي نهار يعيش بلا بيها بقا كيفكر فيها و تا هز تيلي ديالو ودوز نمرتها...
اما اسيل بقات مجمعة مع بسمة و كتعبر على حبها لعلاء و تحرك و توصف شعورها وبسمة غير متبعة ليها عين تصدمات من هادشي لكتسمع و كتشوف بحال لهزيتي اسيل و حطيتي اسيل.. هاذي لمكانتش كتحمل رجااال و لا مكتحملش تسمع تا سمياتهوم.. طاحت طيحة عمرها تنوض منها باين حبها و عشقها ليه غير من الطريقة باش كدوي غير من عينيها لفاضحينها.. هي اي كلمة نطقات بيها ضروري متكول فيها علاء ولا شي حاجة كبيرة بالنسبة ليها و خايفة شي نهار تخسروو حيث مجرد التفكير انها تبعد عليه كيقتلهاا.. بقات كدردش مع بسمة تا سمعو خديجة كتعيط ليهوم وجدات العشاء.. ناضو البنات عندها و كلسو في كوزينة كيتعشاااو مع خديجة و كيتعاودو و كيضحكو خديجة غير كتشوف في بنتها و هي فرحااانة وكضحك.. فرحات و قلبها رتاح عرفات بنتها فرحانة و طمأنات عليها.. تعشاو و ناضت اسيل جمعات الماعن غسلاتهوم و جمعات الكوزينة و مشات توضات و صلات العشاء ديالها و الشفع و الوتر...بسمة دغيا كيتعيا مشات بيتها و طاحت دودة معقلاتش على راسها.. و خديجة كلسات في الصالون كتهضر مع أسيل و شادة ليها في يديها..
خديجة: بنتي فرحاانة في زوااجك؟
اسيل: "باست ليها يديها " اه اماما متخافيش عليا انا فرحاانة و حمد الله ربي لقاني مع ولد ناس مكيخسرش ليا لاهو لا تا حد في ديك دار من اطيب خلق الله..
خديجة: عرفتي فرحتيني بزاااف ابنتي هادشي لبغيت ابنتي باش قلبي يبقى مرتااح من جيهتك و علاء راه راجل ونص.. و باين فيه كيبغيك نتي ديري عقلك و حافضي على عائلتك و كوني دائما ديك بنت لرسمتها في بالي باش تكون بنتي.. خلي راسي ديما مرفووع بيك "دارت يديها جيهة قلب اسيل" تأكدي لعندو هاذ القلب بيض و كبير.. ربي عمرو يخيبووو كوني متأكدة..
اسيل: عارفة امااما عارفة.. و كوني هانية من جيهتي انا ديما اتشوفوني كيف بغيتي نتي و راسك انشاء الله ايبقى مهززوز..
خديجة: اه نسيت نكوليك ابنتي واحد حاجة مهمة... انا من مشيت مع خالتك البلاد باش نزور قبور واليديا.. تما عرفت من خالتك انهوم الله يرحمهوم كلشي كتبوه ليا انا و خالتك و كاع داكشي لكيملكو.. وخا تبراو مني معمرهوم منساوني و مضيعونيش في حقي.. انا و خالتك قسمو علينا كلشي بنص.. و داكشي بزااف و كاع الوراق عند خالتك انا حولت كلشي بسميتك نتي و بسمة باش نهار مول امانة يدي امانتو... "قاطعتهااا بعينين مدمعين"
اسيل: متكووووليش هكاا اماما الله يخليك لينا 😥
خديجة: هذي هي سنة الحياة ابنتي و مامنها هروووب.. مهم كلشي بسمياتكوم حيث انا معندي مندير بداااكشي.. دنيا و زمان هاذي و متعرفي الوقت اش مخبي ليك.. الوراق را عند خالتك.. و سمعي مني كلمة ديما خليك ديك بنت قوية لكنعرف عمرك ضعاافي و لا تهبطي بكرامتك.. خلي شخصيتك كيف ماهي.. متكونيش بحاليي حيث غير اذووقي المرااار حياااة صعيبة وناس صعب منها ديما خلي راسك مهزوز فووق.. وحافضي على شخصيتك و عائلتك و احترمي راجلك راه ولد نااس و يستاااهل و عمرك يكون فيك عناااد و قسوحية راس راجل مكيبغيش لمراة لتعنادو و دير عكس هضرتو.. خليك ديمااا محتراااماه ومحترمة قراراتو و وقفي معاه في حزنو و وفرحوو.. ديرو وليداتكوم و كبروهوم بيناتكوم.. و ربي ولادك بحال تربيتك و علميهوم على صدق و احتراام و ديما عاودي ليهوم عليااا..
اسيل: علااش امااما كتكووولي هكا بحال لغادي تمشي و تخلينااا نتي ان شاء الله اتعيشي تا تشووفي احفااااادك و احفاد احفادك ان شاااء الله 😥😭😭
خديجة:"كتمسح ليها دموعها"مبغيتكش تبكي سمعتي.. نوضي نعسي و رتاحي و انا كوتليك هاذشي احبيبة ماشي باش تبكي لا غير دويت معاك حيث توحشتك و كيف قلت ليك هذي سنة الحياة و اي حاجة من عند الله مرحبا بيها كيف ماكانت خلي ايمانك بالله قوي😘😘😘"باست خديجة لبنتها يديها و باستها من راسها و مشات بيتها "
اما اسيل بقات غير كتشوف و دموعها دايزين.. كتكول في راسها كيفاش حتى جاا لماما تبقا تعاود ليا هادشي و ذكر الموت بزااف.. وهي تفكر هضرة علاء *منتحسي بقلبك مزير عليك.. قراي غير سورة الشرح.. و غادي تحسي برااسك مزياان * بسم الله الرحمن الرحيم.. الم نشرح لك صدرك........ بقات اسيل كتقرا سورة في نفسها تا حسات براحة و ناضت طفات تلفازة و مشات بيت ماماها باستها وغطاتها و طفات عليها ضو و رجعات بيتها لتوحشاتو و تلاحت في نموسية تا صونا ليها علاء و بقات كدوي معاه تا جاها نعاس و نعسات تا اذن الفجر و صونا ليها علاء باش تنوض تصلي و ناضت توضات صلاة و استغربات من الام ديالها لمولفة تنوض الفجر و مانضتش ليوم وهي تمشي عندها بيت...
الساقطة و الملتزم الجزء 18
محتوى القصة
التنقل بين الأجزاء