ناضت اسيل من بعد مانوضها علاء باش تصلي الفجر.. توضات و صلات وهي حاسة بنغزة في قلبها سالات صلاتها و هي تفكر ان تا ماما كانت كتنوض تصلي الفجر وليوم مناضتش استغربااات و مشات عندها البيت.. دخلات لقاتها ناعسة كيف ماخلاتها البارح و مغطية كلها و مشات قربات جيهتها و هي كترعد و هي ماعرفاش علاش.. حيدات ليهاا الغطاء بشوية و هي تصدم من اللون لي على وجهههاا بيض بيض بزااف وناعسة و هي دايرة على وجهها ابتسامة صغيرة.. قربات اسيل يديها لوجه ماماها و غير حطات يديها و هي تلقاهااا باردة بحال لخاشاياها في الفريكو..
اسيل: مااامااا... حبيبة ديااالي مااما نوضي تصلي را اذن الفجر 😢😢😢😢 و مااما"" بدات اسييل كتحرك فيها و هي كيف الجثة هامدة كاع مكتحرك و اسيل بدات سخفة كطلع معاها و الرجفة و ركابيها خواو بيها.. هزات يديها كتقلب نبض دياال ماماااها والو مكاينش نبض قربات جيهة قلبها و حطات يديها و لقاتو ساكت...
اسيل: لااااااا مااااما ميكنش.. مااامااا نوضي عاافاك نوضي مديريش فيااا هكااا.. نوضي تصلي.. و مااااما حشوووومة عليك نوووضي مديريش هكااا فياا.. "بقات كتحرك فيها و دموعها دايزين بحاال شلال وجهاا حمر.. طلقات من ماماها و مشات كترعد البيت هزات تيلي و دوزات نمرة علاء.. "تيلي كيوصوني📲"
عند علاء فاق صلا قيام ليل و من قرب ياذن الفجر صونا لأسيل نوضها باش تصلي و مشا صلاة و جمع زبربية هز قران كيقرا شوية.. و سدو و مشا تخشا في بلاصتو الله بدات كاديه الغمضة تا كيسمع تيلي كيصوني هزو لقا نمرة ديال أسيل جاوب في بلاصة..
اسيل:اهئ اهههههئ علاااااااء 😭😭😭😭😭
علاء:"ناض قافز من سمعها كتبكي و كتنخصص" اسيل ماااااالك؟
اسيل: اجي عاااافك اههئ اهىئ ماااااما😭😭😭😭
علاء: اسيل غير بشوية خلعتيني... سكتي من بكااء باش نعرف اش كاين...
اسيل: ماااماا.. مااما واقيلة مااتت اعلاء ماااتتت اجي عاافااااك اجي مكتنفسش و عييت من فيق فيها ووالو 😭😭😭
علاء:"مصدوم😦😦" وخااا انا جاي تهدني نتي ميكون غير الخير..
اسيل : متعطلش باش نديوها طبيب 😭😭😭
علاء:وخا وخا... قطع علاء مع اسيل و ناض طاير مالبس والو جر غير كلاكيطة ديالو في رجليه وخرج غير بشورط و تيشورت.. هز سوارت لوطو و تيليفونو و هبط كيجري غير ركب ديماارا غااادي بسرعة و مع ليل الطريق خااوي ماهي الا 5 دقايق وكان قدام باب عمارة.. لقا العسااس حدا الباب و حيث كيعرفو حل ليه الباب و طلع في لاسانسرو تا للطاج الرابع و خرج دق في الباب و جات اسيل كتجري حلات ليه..
اسيل من بعد ماقطعات مع علاء مشات رجعات للبيت عند مامااها و كلسات على راسها كدوز ليها على وجهها و كتحاول معاها تفيق و كتبكي وجهها ولا حمر.. جابت لماء و كلسات كترشو ليها على وجهها.. جابت لاباري ديال طونسيوو و كتعبر ليهاا طونسيو والو مكيعطيهاش حيث صافي مول امانة دا امانتو.. لاباراي كتعطيها غير error.. زعما عرفاااات بلي ماماااها مشات قاست ليها النبض و عاودات قاستو عيات متحط وذنيها جيهة قلب ماماها ولكن كان ساااكت.. جثة هامدة.. بقات غير كتبكي بغات تمشي لعند بسمة تفيقها و لكن ركابيها فشلو عليهاا.. بسمة نعاسها ثقيل كاع محاسا اش كاين.. بقات اسيل كدير لماء في يديها و كترش بيه وجه ماماها على و عسى تفيق و تكون غير سااخفة.. تا سمعات الدقان عرفاتو علاء ناض حلات الباب.. شافت فيه بعينيها مدمعين ووجها حمر.. و حيدات ليه من الطريق زعما دخل مشا علاء كيجري بيت خالتوو قررب جيهتها و بدا كيشووف..... و باين الفرق بين واحد ميت وواحد غير سخفان غير حط يديه على جبهتها و على يديها و رجليها لقاها باردة.. و قلب ليها يديها شاف صباعها زرااقو.. باقا راسمة ابتساامة على وجهها صغيرة "ابتسامة كدل على انها فرحانة و مرتاااحة حيث غاذا عند الله سبحانه و تعالى " وججهاا نازل منو نور توضاا منو داير بحال تيمومة بيضة... نيفها مكاااد.. نزل عليها شي نوور زادها جمال " نور كيأكد طيبوبة قلبهاا.. و اخلاقها وقيمها العالية.. مولات القلب كبير و الحنين.. مؤمنة.. مكتعصي لا ربي و لا عبدو..
علاء: لا اله الا الله محمد رسوول الله ان لله و ان اليه رااجعون 😢
اسيل: "كتفتف" كيفااااااااش ان لله اشكتخربق مامااا مابيهاا والو... غير سخفانة دبا تفيق.. مابيها والو غادي تفيق 😭😭😭
علاء: خاصك تصبري و تكون قوية ا أسيل انا نعيط للطبيب دبا يجي صبري عااافاااك
اسيل: و علاش مندويهاااش طبيب.. ؟
علاء: هاهو اجي تا لهنا صبري عافاااكك ا أسيل.. بلاتي نعيط على مالين دار... فين بسمة ؟
علاء:"ناض عندها و جرها عندو عنقها " شوووو ا أسيل صبري عافاااااك خاصك تكوني قوية هذااا امر الله معندك مديري من غير الصبر و ترضاي بداكشي لكتبو لينا الله.. 😢
اسيل: عيط للطبيب عاافاك.. 😭😭
علاء: وخا...(مشا علاء عيط على الطبيب فالتيليفون ورجع عند أسسل لي لقاها كاتخنصص فلارض وشادة فيد ماماها مالقا ليها جهد مشا عنقها وباسها فوق راسها وزير عليها وهو كذلك ماقدرش اخبي الحزن ديالو حيت خديجة إنسانة راائعة ونعم المرأة الاخلاق والقيم العالية فعلا إمرأة لي من أطيب خلق الله وخسارة حيت فقدوها ولكن المكتاب مامنو هروب)
بسمة:(ضرباتها الفيقة وهادي أول مرة توقع سبحان الله ليوم وقعو بزاف ديال الحوايج لي غراب وفشكل بسمة ضرباتها الفيقة مشات دخلات للطواليط قضات حاجتها وخرجات مشات للكوزينة باش تشرب هي تشوف الضواو مشعولين طلات فبيت أسيل مالقاتهاش عرفات غاتكون فبيت خديجة مشات جيهة البيت وهي كاتحس بشيحاجة غريبة شيحاجة فشكل إحساس فايت حساات به فالموت ديال ماماها والموت ديال باباها قربات جيهة البيت ورجليها مابقاوش هازينخا سمعات صوت أسيل وهي كاتخنصص بزز باش دخلات البيت وهي مصدومة من أسيل لي طايحة فالارض كاتبكي وشادة فيد مهاا وعلاء معنقها وخديجة ماكاتحركش مشات جيهتهوم مصدوومة وصوتها مابغاش يخرج حلقها نشف وصوتها مابغاش يخرج)أسس....يييل أسيل ماال ماما خدييجة أسييل لاش كاتبكي أسييل هضري علاء خويااا مال مااما
علاء:(مصدوم وحااار ماعرف واش يواسي أسيل ولا بسمة لي عينيها خارجين وشادة كرشها بيدها ناض دغيا وقف مقابل معاها) البركة فرااسكم اختي ان للله وان اليه راجعون خالتي خديجة الله ارحمها
بسمة:(دمووعها طااحو بلا ماتحس ودفعات علاء ومشات تلاحت على صدر خديجة وشادة وجها بين يديها كانت بااردة بزاف)ماما😢عاافااك كانطلبك فييقيي ماتمشييش تانتي عاافااك اماما ماتمشييش عاافااك ماتخلينيش تا انا حرااام علك اماما حراااام علك ماديريش فيا هكا تانتي عاافااك (بدات بسمة كاتحرك فخديجة بهستيرية وعلاء واقف كايشوف فأسيل مرة ويشووف فبسمة مرة خرا شكون غايوااسي فيهم تنهد وهز تيليفونو عيط على باه علمو بلي كااين وعلم خوه تا هو وعاود عيط على الطبيب لي گاليه راه فالطريق اما بسمة ملي فشلات صافي وتيقنات بلي خديجة مشات عند الله طاحت الارض على ركاابيها كاتبكي وكاتخنصص شافت فأسيل لي تاهي بحاالهاا وحالتها ماعالم بيها غير الله مشات جيهتها وگلسات مقاابلة معاها هزات بسمة يدين أسيل وبدات تصرفق بيهم راسها وأسيل غير كاتبكي ومصدومة مابقاش عندها الجهد) ضربيينيي أسييل ضربيني😭نستاااهل انا أي وااحد بغييتو كااايمووت انا السباااب ا أسييل قتلييني نتهناا من هاد العدااب اي وااحد بغييتوو كايموووت انا السبااب ا أسييل عاافااك ضربييني انا لي درتها (كاتشهق وكادخل وتخرج فالهضرة وأسيل كاتگووليها لااا برااسها)
أسيل:(كاتشير ليها برااسها وكاتگووليها غير لا بغات تهضر بغات تعنقها ولكن يديها فاشلين ماقاداش تهزهوم وحتا الهضرة حلفات لاخرجات بقات غير كاتشير ليها براسها زعما لا هزات يديها لي كايرجفو وعنقاتها وبقاو كايبكييو بجوجات المنظر ديالهم كايقطع فالقلب دخل علاء عليهم وهو قلبو كايتقطع عليهم سمع الدقان فالباب هو يمشي يحل لقاها الام ديالو لي دفعاتو من الباب بالجرا ودخلات وهي دموعها دايزين دخلات للبيت ديال خديجة كاتجري شافتها ناعسة ووجها بيض والبنات معانقين فلارض كايبكيو مشات قاست ختها وبقات كادوز يدها على وجها وكاتبكي)
عائشة:خختيي!!! ختيي فيين مشيتي 😢😭 مااكانش علك تمشيي حشووومة علك عاد لقييتك من بعد هاد السنين كااملين ختيي بنتي أسييل ماماك مالها مابغاتش تفييق أسيل هضرييي
الحاج عبد الحفيظ: الحاجة الله يهديك وقدر الله ما شاء وفعل
عائشة:ختي الحاج ترزيت فختي وانا عاد لقييتها😭
الحاج:ان لله وان اليه راجعون
إسماعيل:الله ارحمها البركة فراسكم
إسراء:البركة فرااسكم اختي
علاء:(مشا فتح للطبيب لي كان عاد وصل دغيا دخل وغير شافوه البنات ناضو بالجرا وهوما كايبكيو دارو له الطريق اما هو مشا وشافها وقلب النبض ديالها وداكشي كامل ودار جيهتهوم وعلمهوم بالخبر لي كولشي كان عارفو ولكن كاينفيوه وكاينكرووه ودبا مابقا عندهوم حتا شي شك الواقع المر وسنة الحياة هي هادي)
الطبيب:الله يصبركوم والله يرحمها ان لله وان اليه راجعون
بسمة:مااااتتت😢😭
أسيل:(من هول الصدمة والصاعقة لي طاحت عليها عينيها تقلبو وبالجرا طاحت فالارض علاء غير شافها وجا كايجري لعندها هزها بين يديه ومشا كايجري بيها لبيتها حطها فوق الناموسية وجاب الريحة......)
علاء:(هز الريحة ورشها على يدو وكايدوزها على نيفها حتا بدات أسيل كاتفيق هو يعنقها بالجرا وكايحاول يهدنها ويقرا عليها القرآن اما هي غير ضرباتها الفيقة وتفكرات شنو وقع رجعات كاتبكي ومخشية فعلاء لي كايوااسيها اما هي من كترة الصدمة مابقاتش بغات تهضر بقا معاها علاء حتا نعسات ومشا رجع للبيت لقا عائشة معنقة بسمة وكايواسيو بعضياتهم والحاج كايهضر مع الطبيب أما إسماعيل غايرجع يحط إسراء فالڤيلا على حساب الدراري خلاوهوم ناعسين مع أمينة عطاهم الطبيب شهادة الوفاة ومشا فحالو داز عندهوم داك الصبااح كحل كولشي كايبكي الجارات ديال خديجة جاو بالصباح علماتهم عائشة وجاو كولشي كايبكي حيت بصاح فقدو واحد الانسانة لي لا تعوض إسماعيل جاب أمينة وإسراء ووليداتهم معاه وبدات الدنيا كاتعمر وأسيل ناعسة فالبيت ماحاساش وبسمة غير كاتبكي وهزوها للبيت غير بزز غسلوووهااا وغطااوها بإزار بيض باش يكفنوها ولكن قبل عيطو على أسيل لي ناضتت ومشات كاتجري كاتقلب على ماماها لقاتها ناعسة فالارض ومغطيينها بإزار بيض مشات كاتجري لعندها وحيدات ليها الغطا على وجها وكاتبوس فيها وفجبهتها وقلبها كايتقطع على ماماها بسمة كذلك نفس الحالة تفارقو معاها بالبكا والنوااح وأسيل مابقات كاتگوول والو من غير كلمة ماما كفنووها ومشاو باش يدفنووها والعيااالات داارو كسكسو الغدااا جا علاء منبعد ما وصلااو عليها فالجامع دفنوها فمقبرة ولاد وجيه كملو مراسيم الجنازة ورجع علاء للدار وبقا كايقلب بعينيه على أسيل لي مابانتش له ومابغاش يهشر مع بسمة ولا الام ديالو ومشا عند إسراء) إسراء!!
علاء:واخا شكرا (مشا علاء جيهة البيت ديال أسيل وبدا كايدق عليها حتا عياا هو يجرب يحل الباب هو يتصدم االباب مسورت من برا ماشي من الداخل يعني أسيل ماكايناش فبيتها بدا كايقلب عليها بجهالة والو غبر ليها الاثر مابغاش يزيد يخلعهووم هو يمشي يخرج يسول العساس ممن بعد ماتيقن بلي أسيل ماكايناش فالدار هبط عند العساس كايسول فه والعساس صدمو مني گاليه راه خرجات شدات طااكسي وحتا نلي بدا كايغوت عليها باش ترجع ماتسوقاتش له ومشات ولكن لفين الله وعلم شد علاء راسو وهو ماعارف شنو يدير أسيل دبا في حالة صدمة تقدر دير شيحاجة فراسها باقي هو كاياكل فضفاارو حتا سمع تيليفونو جبدو من الجيب دغيا لاتكون أسيل ساعة كان غير صاحبو سفيان بزز جاوبو)الوو
سفيان:الو خويا علاء لاباس؟؟
علاء:الحمد لله على كل حال
سفيان:حمد الله اوا اصاحبي مابقيتي كاتسول نسيتينا
علاء:لا غير مع الوقت وراه نسيبتي ماتت هاد الصباح اودي
سفيان:مامات أسييل؟
علاء:ااه
سفيان:يعني دااكشي علااش كانت فدك الحالة
علاء:اينا حاالة😳
سفيان:ماعرفت اخويا مانگوليك ولكن قبيلة كنت جاي نزور واحد السيد خدام معايا تهرس وجيت نشووفو فالكنيينيك وهي تبان ليا دازت من حدايا
علاء:وايلي ايمتا هاادشي انا جاي دبا
سفيان:راه عاد دبا ماش بزاف حيت انا ملي مشيت لقيت داك السيد ناعس ومابغيتش نبرزطو گلت تا لغدا و رجع تاني مهم واحد 10 دقايق هكاك باش شفتها فتما ولله وأعلم
علاء:صافي واخا اخويا شكراا (قطع علاء مع سفيان ومشا كايطير خرج من الدار ومشا ركب فلوطو ديالو غادي وكايطلب الله أسيل ماتكونش دارت داكشي لي فمخو بقا غادي والطريق مابغاتش تقاضا تعصب وبدا كايعاير فنفسو غير وصل حط لوطو بالجرا وخرج بالجرا ومشا كايطير طلع فالدروج وغادي فلكوولوار سول واحد الفرملية ووراها تصويرتها وگالت له بلي ديجا جات عندها قبيلة وسولاتها على الطبيب نعتات له فين خلاتها گالسة ومشا كايجري لبيرو ديال الطبيب الله تحرك فدك اللحظة الطبيب كان دخل للبيرو ديالو وأسيل تبعاتو بحالا متملكها شيطان الشر كايخرج من عينيها دخلات عند الطبيب وهي وجها حمر وعينيها منفووخين بالبكاا وشعرها تشعكك كانت باقة بالعباية ديال الصلا اما الشال علم الله فين طاح)
الطبيب:(شاف أسيل وعقل عليها من آخر مرة) احم😳اهلا تفضلي گلسي مرحبا
الطبيب:(عرفها تحت تأثير الصدمة واخا مافهم والو من هضرتها ولكن مابغاش يزيد اصلا باينة فيها معصبة منو وفضل يسكت حتا تبرد لادير فه شي موصيبة وهو عارف تقدر ديرها)
علاء:(حل الباب ديال البيرو بالجرا وهو كايشوف أسيل كاضرب للطبيب على البيرو) أسيييل شنووو كااديري وااش تسطييتي
أسيل:(تلفتات وهي تلقا علاء وتلفتات تاني جيهة الطبيب) هو كددب عليااا علاء گااليا ماماك ماغاتمووت على 6 شهوور مااكنتش مووجدة باااش تمشيي كنت كايصحاابليا باقي الوقت باقي مادازت 6 شهوور كدااااااب نتاا السبباااب حتا خليييتهااا نتا السبااب نتا لي گلتي ليا بقاات 6 شهوور كنت بااغة ندوز انا ويااها آخر يامها بجوج ونبقا معاها خطوة بخطوة كداااااب😡
علاء:(مشا كايجري جيهة أسيل وهو كايگول للطبيب خرج بعينيه وداكشي لي دار الطبييب كان على سبة خرج كايجري وسد عليهم البيرو اما علاء مشا عند أسيل وجرها من يديها لعندو وعنقها مزير عليها كايحاول يهدنها)
أسيل:(معنقها علاء بالجهد ومزير عليها اما هي صافي فشلات وخارت قواها هبطات لارض وهبط معاها علاء وطلقات العنان لدموعها لي كانت حابسااهم بسيف ولكن ماقدراتش تزيد تحبسهوم صافي فشلااات)علاء😭مشااات مااااماا مشااات ا علاء مشااااات هو السبااااب هو السباااب
علاء:شوو (كايهدن فيها وكايبوسها على راسها كان خايف من هاد ردة الفعل المفاجئة لي دارت أسيل مادوزش معاها القليل وعارفها كيفاش داايرة ودك ردة الفعل لي دارت ماشي دياالها ومن ساابع المستحييل دير هاادشي وصافي بقا علاء كايدوز على راس أسيل مدة وهي كاتبكي وكاتشهق حتا حس بيها تهدنات نوعا ما وغير صوت شهقاتها لي كايتسمع شدها من وجها وتقابل معاها وهو كايشوف وجها الصغير لي رجعع حمر حمر بقوة البكا لي بكاتو عينيها تنفخوو وفيهم لمعة وعامرين بالدمووع قلبو كايتقطع عليها من بعد إحساس فقداان شخص غريب شخص لي خداه الموت وهو دبا فتحت التراب كايجي الاحساس ديال انك تشوف نصفك التاااني كايتألم وكايتقطع من الداخل ونتا حاس به ولكن ماتقدرش تعااونوو ولا تخفف عليه علاء نعم الرجل كايحس بأسييل وعاارفها وحااافضها وعارف كيفاش يتعاامل معاها ولكن هاد المرة غير ماكاينة تا شي حاجة يگولها تخفف عليها ماكاينة تا شيحاجة يديرها باش يقدر يواسيها للاسف بااسها فجبتهااا قبلة سخوووونة كاتحمل بزاف ديال المعاني....انا معااك ماغانتخلاااش علك غانبقا فجنبك كاانبغيييك.... هادشي كامل قدر يعبر عله بهاد الفعل الصغير وأسيل حسات به وفهماتو وكون كانو فظروف آخرين كانت غادي تكون أسعد وحدة فهاد اللحظة ولكن دبا هي أتعس وحدة💔ماقدراتش تسمتع بالاحاسيس لي وصل ليها علاء ماقدراتش ألمها كبيير شافت فه بعينيها لي كايبكيو الدم ماشي الدموع اما علاء تنهد وبدا كايهضر معاها)أسييل خااصك تكووني قوية خااصك تكوني البنت القوية لي كانعرف فهمتي البنت لي تا حاجة ماتهزهاا ماخصكش تولي ضعيفة فهاد اللحظات ماماك ماماتت بسباب حد أسيل ماماك الله لي بغاها وخدااها لعندو ماماك مابغاهاش الله تعدب فالمراحل الاخيرة ديال المرض ديالها ياك نتي گلتيها ليا نسيتي يا گلتي ليا ماماك بدات كاتبرا ربي شافاها من كولشي قبل ماتموت وخدا روحها لعندو ماماك دبا فبلاصة حسن من هاد الدنيااا ماشي غلط الطبيب هو گال داكشي لي كاين ولكن الله كانت عندو خطط خرا مابغاهاش تعدب فحيااتها ماماك ملي مااتت كانت كااضحك وراسمة الابتسامة على وجها مااتت مطمأنة الطبيب گاليا مااتت موتة ديال الله ماتعدبات ما والو كنتي بغيتي ماماك تبقا معاك وتبقا معدبة بسباب المرض
أسيل:(بالجرا هزات عينيها فه وهي كاتحرك راسها بلا) لاااا لاااا
علاء:😕اوا خاصك دعي ليها بالرحمة دبا ماشي تبكي عليها حيت غير كاتحرقيها
أسيل:ماانقدرش ا علاء ماانقدرش قلبي شااعلة فه العاافية مااكنتش معااهاا ماكنتش حدداااها ا علاء كنت انا فرحاانة بحيياااتي وهي كاتمووت ماكنتش معاها ا علاء😭ما عالم بيا غير الله قلبي كايتقطع من الداخل واش عرفتي شناهوا إحساس تكون حي وتموت من الدااااخل ماما ماتت وخدات قلبي معاها كيفاش غانكمل حياتي بلا بيها كيفاش غانقدر نعيش ولول لحظة كيفاش غانصبر وانا ماكانسمعهاش كولا نهار كاترضي عليا فوقما سمعاتني كانهضر مع بسمة كاتگووليا انا راضية علك ابنتي كيفاش غانقدر نعيش بلا مانبقا نسمع هاد الكلمة
علاء:(ضرو قلبو من جيهة أسيل😔 والكلماات خاانوووه وماعندو باش يواسيها ألمها كبيير بزااف باش يقدررو بضع كلمات يوااسيوها كتاافاا بأنه يعاود يعنقها لعندو ويبقا يقرا عليها القرآن باش تهدن من بعد ما دازت مدة أخيرا أسيل قدرات تهدن او بالاحرى نشفو دموعها ومابقاش عندها الجهد عاونها علاء حتا ناضتت وهو معنقها من الجنب حتا خرجو من الكنينيك حل ليها الباب وركبات فلوطو ديالو وبقات كاتشوف فالشرجم اما علاء ركب وشاف جيهتها وتنهد بحسرة واضحة وديمارا لوطو وتحرك الطريق كاملة وأسيل ساهية كاتفكر غير فماماها مرة مرة كاضحك غير بشوية مني كاتفكر شي موقف ليهم بجوج غمضات عينيها وتكات على الكرسي وإستسلمات للنوم اما علاء خلاها فراحتها هكاك حتا وصل ولقاهم نصبو الخزانة كيفما متااافقين والنااس الدنياا عامرة الجيران القدام والجداد كولشي كاين فيق أسيل غير بزز وبقا غادي ومعنقها من الجنب شاد فيها لا طيح حتا طلعو للدار ولي تلاقاو فالطريق كايجي يواسي أسيل ويترحم على مها حتا كرهات سميتها وكرهات كلمة الله يرحمها بقوة ماسمعاتها دخلو للدار وشافت فيها عائشة وكانت باغة تجي لعندها ولكن علاء دار ليها بيديه ماشي دبا قبل مايدخلها لبيتها نطقات)
أسيل:ببسمة علاء بسمة فيينها
علاء:😕بسمة نااعسة فبييتها دبااا
أسيل:ديني بغيت نطل عليها (شد علااء فأسيل ومشاا لجيهة بيت بسمة حل الباب ودخل وهو يحني راسو وأسيل مشات بخطوات بطيئة حتا گلسات على ركابيها فالارض حدا بسمة لي ناعسة والدموع على طرف عينيها باستها أسيل فجبهتها كيف كايدير ليها علاء وشدات ليها فيدها)
أسيل:(شدات فيد بسمة وحطاتها على حنكها وبدات كادوي) ختي شبعتي بكا ولمتي راااسك على حاجة ماعندكش فيها دخل نهائيا مكتابنا ا بسمة القدر ديالنا مقدر علينا هاادشي مامكتاابش لينا نفرحو فحيااتنا اختي😢قلبي كايبكي الدم ولكن خاصنا نصبرووو وغانصبررو ان شاء الله ماما مشات لبلاصة زوينة دبااا ماتت موتة ديال الله ماتعدبااتش الله برحمك ا ماما
علاء:(كاسمع فأسيل لي كادوي وهو حاني راسو تا سمعها گالت مامكتاابش عليها تفرح فحياتها وهو يهز راسو كايشوف فيها وعاود حدر راسو حتا كملات هضرتها مع بسمة وجات وقفات قدامو بتاسم ليها وعاود شدها ومشاو خرجو سد الباب ومشاو لبيت أسيل تكاها فناموسيتها ومشا هو هبط الريدواات على حساب الشمش وگاليها غايجيب ليها شيحاجة تاكلها واخا مابغاتش وداكشي لي دار خرج دغيا ومشا للكوزينة وطلب من الام ديالو تسگي ليه شوية ديال كسكسو عمرات له طبسيل على حسابو تا هو حيت تا واحد ماطاحت فمو النعمة هاد النهار خداه لعند أسيل لي لقاها كاتشوف فالسقف بزز عليها تاكل واخا غير شوية كلاو بجوج وعلاء قاد أسيل فبلاصتها وغطاها وباسها على راسها ومشا دا الطبسيل بلاصتو رجع باش يطفي الضو هو يلقاها باقي مانعسات كاتشوف فيه وأشارت له بيديها باش يقرب عندها وداكشي لي دار)
أسيل:علاء محتاجاك فهاد اللحظة ماتمشيش وتخليني عافاك راه كولشي مشا والله 😔
علاء:ماغانمشيش ا أسيل كوني متيقنة صبري (مشا علاء طفا الضو وسد الباب حيد الفوقية ديالو لي كان لابس جابها له إسماعيل مني مشا للدار حيت علااء خرج بلا عقل مني هضرات معاه أسيل ومشا حيد الغطا وأسيل دارت له بلاصة وتكا حداها هزات راسها حتا دار يدو تحت راسها وعاودات نعسات وقربات له وتخشات فه مزيااان لدرجة خلات الناموسية كاملة ومشات نعسات على يد علاء اما هو عنقها بيدو وجرها لعندو وزاد خشاها فه غمضو عينيهوم بجوج وبقاو هكاك حتا دااهم النعااااس بجوج أسيل فضلات تنعس باش تنسا واخا غير شوية وعلاء حيت كان عيان نعسو بجوج من بعد ما دازت سااعااات وسااعات....
*عند الأبطال ديالنا *
بقاو ناعسين الأبطال ديالنا مخشيين في بعضياتهوم.. علاء نعس من العياااء ديال النهار كامل و اسيل نعسات باش على الأقل تحاول تنسا شوية.. اما البقية كل واحد و شنو كيوجد.. و مع هوما في الطاج الرابع دارو قاعة متنقلة امام العمارة فضلو يطيبو في لاكاب"بلاصة ديال طونوبيلات" تما الجارات ديال خديجة الله يرحمها كيطبو العشاء لموت صاحبتهوم و ختهوم و كلهوم الحزن على وجههوم حيث فقدو انسانة رائعة و قليل لبحالها.. عبد الحفيظ و اسماعيل تكلفو بكلشي مشاو تقداو كلشي من طاق طاق تا سلام عليكوم و جابوه حطو عيالات هما يتكلفو.. اسماعيل عيط على مسمعين و تا صحاب قاعة جاو قادو طبالي و كلشي هو هذاك.. فاقت بسمة و الدموع نشفو ليها من كثرة البكااء.. مشات غسلات وجهها و دخلات كوزينة لقات عائشة و امينة و اسراء و تا اماني لكايين كيوجدو كاسكروط ناس..
بسمة: سلام...
عائشة :"قربات عندها وجراتها كلساتها في كرسي" علاش نايضة ابنتي من بلاصتك شوفي راكي عيانة و صفرا.. كون غير عيطي شي وحدة من بنات تجيب ليك داكشي لبغيتي..
بسمة: مكاين لاش اخالتي انا مزيانة.. بغيت غير نشرب
امينة:"مشات عمرات دغيا كاس ديال الماء و جابتو ليها " هاكي احبيبة..
بسمة:"شدات كاس من عندها وشربات" شكرا اختي
اماني:خاصك احبيبة تاكلي شي حاجة راكي واحلة في روحك من بارح مكليتي..
اسراء: اه شوف كيف وليتي كلك صفرة..
بسمة:معنديش شهية والله..
عائشة:"عمرات ليها طبسيل ديال طعام و جابتو ليها" وتكووولي ابنتي خاصك تاكلي غير على قبل داكشي لفي كرشك بعداا.. شوفي ابنتي موت عليناا حق را تا انا تشويت في ختي و لكن دين ديالنا و الله سبحانو وتعالى كيكولينا نصبرو و منديرووش هكا احنا بكينا ونوحنا و عديناا.. واش غااادي ترجع لينا لا مغاديش ترجع حيث صاف هاذي هي دنيا و كلنا ليهااا هم سابقون ونحن لاحقون.. غير كل واحد كيتسنا ٱجاالو و صافي ابنتي.. كلنا قلبنا مشوي و محروق عليها دقتها صعيبة بزااف و خلات فينااا جرح كبير موت ديالها على غفلة و ماكوناش دايرين ليه حساااب نهائيا.. و لكن هادشي لبغا الله ومعلينا غير بصبر و ندعيو ليها بارحمة ومغفرة.. و مثواها جنة ان شاااء الله..
بسمة: "بعينين مدمعين" ماما خديجة مكاينش بحالها نهائيا.. و هي من اطيب خلق الله وانشاء الله يكون مثواها الجنة حيث تستاهل 😢
عائشة : ان شاء الله و يا الله باركة متعذبيها كولي شوية غير على قبللها هي و قبل ولدك..
بقات عائشة مع بسمة تا وكلاتها شوية.. و عطاتها تشرب..
بسمة: فينها ختي؟
عائشة : راها في بيت ناعسة و معاها علاء واقيلة..
بسمة: اه صافي انا انمشي نبدل عليا ونجي..
امينة: انا انجي معاك..
بسمة: يا الله..
مشات بسمة و امينة دخلو بيت.. لبسات بسمة بيجامة طروا بيااس ببنوارها واصل تا ركبة.. غسلات وجههاا و نشفاتو جمعات شعرها على شكل كعكة و جابت شال لاحتو عليها لبسات بانطوفة في رجليها و خرجات.. مشات نيشان بيت ماماها.. دخلات بيت نعاس بلا متشوف ناموسية و حوايج دخلات سادة عينيها مشات نيشان كوافوز هزات ريحة ديال العود ديال خديجة رشات شوية في يديها و عنقها.. امينة غير متبعة ليها عين وكتشوف بيت خالتها وحوايجها دغيا حنات راسها تاثرات خرجات بسمة وسدات باب و خبات سوارت عندها و مشات كوزبنة عندهوم لقاتهوم دارو زبدة في طباسل و كونفيتر و زيتون و زيت و قطعو خبز سووق و داروه في طباكي.. جاو سربايااات و طلعهوم اسماعيل فوق و هوما تكلفو بالبقية هبطو ناس قهوى و اتاي و خبز و كلشي.. كانت دنيا عامرة كاع جيران ديال خديجة جاو و حتا جارات ديال عائشة تبعوها.. و عائلة لطبعا اسيل مكتعرف فيهوم تا حد كلشي علماتو عائشة و جا مابقا لا لقريب لا لبعيد.. و زيد شي بنات كيقراو مع اسيل و عائلة اسراااء وعائلة علاء عماتوو وعمامو.. علي تا هو كان هو و الأم ديالو.. اما خت علاء االكبيرة مالقات كيدير اضطرات تعزي مرات خوها غير في تيلي حيث هذا هو شهرها تا هي و ميمكنش تجي و هي بعيدة.. حطو ناس كاسكروط و هبطو بنات وعائشة التحت كيتلقاو تعازي ديال ناس.. دار فوق خاوية مكاين غير اسماعيل تجبد في صالة و الابطال ديالنا ناعسين في بيتهوم تاوصل مغرب و ضربات و فيقة علاء حل عين و ساد عين لوخرا دار شاف لقا أسيل حداه و باقا في نفس وضعية.. بقا كيحيد ليها شعر على وجهها تا بدات كتفيق...
اسيل: علاء..
علاء: فقتي كيف بقيتي شوية؟
اسيل: حمد الله على كل حال.. مشا حال واقيلة..
علاء: الله سمعت مغرب كياذن دباا..
اسيل: ويلي مشا حال و خليناهوم بوحدهوم ايكونو واحلين في شغل..
علاء:متخميش كلشي هو هذاك اسماعيل تكلف بتجهيزات وكلشي متخميش..
اسيل: ايوا صافي انوض نبدل عليا..
علاء:تا انا انمشي دار نبدل ونجي
اسيل: متعطلش عاافاك😟
علاء: متخافيش دغياا..
ناض علاء و حل شراجم و حل ريدوات مشا حمام غسل وجهو و توضا خرج لقا اسيل ناضت و بدلات لبسات بيجامة ببنوارها و لاحت شال على راسها.. ابتسم ليه ابتسامة صغيرة و هي كذلك رجعات ليه ابتسامة.. هز سوارتو وتيلي ديالو وباسها من راسها وخرج..
خرج علاء ركب في لوطو ديالو و مشا اول حاجة لجامع صلا صلاتو و عاد مشا فيلا طلع بيتو اول حاجة دخل دوش 🚿حس بتعب و للعرق.. و بدل حوايجو لبس سروال و قميجة و فيست من فوق رجع شعرو لور.. و مشا هز باليزة صغيرة ديال اسيل وجبد كيطمة ديالو دارها فيهاا و جبد بيجامة خرا ديال اسيل واوحد جلابة ديالها في غوز بيبي و دارها ليهاا و هز كاع داكشي ليحتاجو هاذ الأيام و خرج ركب في لوطو ديالو و رجع لجنازة.. اما اسيل غير خرج علاء جمعات ناموسية فين كانت ناعسة و هزات تيلي ديالها دارتو كيتشاارجا و خرجات دخلات حمام غسلات وجهها و قادات داك شال مزيان و خرجات لصالة لقات اسماعيل ناعس في واحد سداري وهي تمشي كوزينة لقات غير اسرااء كتوكل ولدها..
اسيل: اسرااء ؟؟
اسراء: اسيل فقتي كيف بقيتي احبيبة ؟
اسيل: حمد الله.. فين البقية خالتي و بسمة و بنات فينهوم؟
اسراء :راهوم التحت مع ناس دنيا بدات تعمر..
اسيل: دارو العشاء بعدا كلشي هو هذاك..
اسراء : متخافيش كلشي غادي مزيان غير رتاحي..
اسيل: وخا اختي انا انهبط عندهوم.. نتي شوفي دخلي بيتي ولا بيت بسمة اتلقاي شي ليزار غطي بيه خوويا اسماعيل را عيا و نعس في صالة..
اسراء: انا انوض.. كلسي مع ادام تا نرجع اختي..
اسيل: ياك وكليته؟
اسراء: اه...
اسيل: صافي ها هو معاياا.. انا نهبطو معايا..
اسراء: وخا اختي..
هزات اسيل ادام كتبوس فيه و هبطاتو معاها اسراء مشات غطات راجلها و مشات كتكمل شي ماعن في غسيل.. اسيل نزلات و هي تصدم من قوة ديال بشاار ليكاين ضورات عينيها 👀قشعات خالتها غمزاتها و هي شافت في ناس و حركات ليهوم راسها سلام زعما و مشات خرجات جرات كرسي و كلسات حدا باب قاعة تا جاو بنات و بسمة وعائشة كلسو حداها طمأنو عليها اكتفت بحمد الله.. و بسمة تا هي كلسات في جنبها و كيواسيو بعضياتهوم غير بالعينين تا شافت علاء جاا وبلاصة طونوبيل قدام البنية ناضت عندو دغياا..
اسيل: علاء.. تعطلتي
علاء: غير دوشت و بدلت عليا "مشا حل باب ديال لور جبد باليزة"..
اسيل : شنو هذي؟
علاء: غير شي حوايج ديالي و ديالك..
اسيل: اه مزيان محتجيتيهوم طلعهوم الفوق..
علاء: وخا.. مشا علاء طلع فوق من بعض ما سد طونوبيل دخل بيت حط باليزا و خرج لقا اسماعيل كالس في صالة كيشرب اتاي مع اسراء كلس معاهوم.. وطلب من اسراء دير ليه كاس ديال قهوة كحل.. ناضت سايباتو ليه و جابتو ليه اما اسيل مشات لاكاب شافتهوم فين غادين و شافت طياابة تقريبا وجدات كلشي و سرباية تا هوما كيوجدو كيسان وطباسل.. هبط اسماعيل مشا جاب مسمعين لغادي يقراو قران و جابهوم.. علاء تا هو هبط كيشوف الوضع كيف داير كلشي هو هذااك مشا كلس جنب اسيل لادام ولد اسراء ناعس في حضن ديالها و هي معناقااه و حاسة براحة من منعساه عندهاا حيث غير ملائكة كتشوف فيه وكتكول في راسها سعداتو ماعارف والو و ناعس و هو مرتااح.. اذن العشاء و ناضو رجالة مشاو جامع.. صلاو عاد رجعو و بداو مسمعين كيقراو سور من سور قران و بخصوص سورة ياسين.. و كيدعيو مع المرحومة و كيذكروو اخلاقها وكل كلمة كالوها كدخل لعلاء تا قلبهااا و مع كل كلمة دمعة كتسيل من عينيها علاء كالس في جنبهوم وتا هو هز ميكرو وقرا سورة من قران بتجويد اسيل كتسمع ليه و كتنهد صوتو وهو تا يقرا كيخلي واحد يرتاح ويحس بطمانينة دعا معا خالتو و بداو كيحطو عشااء تعشاو ناس نيت لحم ودجاج ديسير موناذة و عاد حلوى و اتاي.. كيكول واحد مثال كتبقى غير ماكلة من مورة الميت و لاكان عند واحد باش خاصو يكرم ميت و يتهلا في ناااس.. ولكن بلا مايكلف راااسو كلشي على حسب ميزانية ديالو و قدرة ديالو.. سالا العشاء و مشاو ناس بقات غير عائلة بقات عائشة و اماني و امينة مع اسيل وبسمة و علاء تا هو و حليمة وسعدية جارات خديجة.. و بقية رجعو فيلا اما بقية مشاااو بحالهوم تا يرجعو نهار 3 ايام طلعات اسيل لبيتها مع علاء.. و بسمة بغات تنعس في بيت خديجة اسيل مقدارتش دخل بيت نهائيا.. بيت بسمة خداتو امينة و اماني.. اما عائشة فرشات غير في الصالة.. وكلشي نعس 😴😴
جا نهار الثاني و داز عادي غير عائلة لكاينين دارو غذا و عشاء غير بيناتهوم.. يوسف عاد ساق خبار و عيط على اسيل عزاها غير فيتيلفون بحكم مشا صحراء ومكاينش.. علاء واقف مع اسيل وكيحاول ما امكن ينسيها شوية.. و هاكا داز نهار ثاني جااا نهار ثالث ناضو ووجدو كل ملتزمات لغادي يديو معاهوم و مشاو دارو زيارة لخديجة و قراو عليها قران و دعاو معاها و رجعو و دنيا بدات كتجمع ثاني.. دارو غذا بسكسو.. و عشاء ثاني بحال نهار الأول كلشي تعاود من الأول تا الٱخر.. تسخسو نيت و علاء واقف على كلشي لاهو لاباه لاخوه.. كلشي داير يدو تا داز عشاء مزيان و عزاو ناس و مشاو بحالهوم.. جاو صحاب قاعة حيدوها في ليل حيث عندهوم شي جنازة خرااا.. اسيل طلعات غسلات و بدلات بيجامتها و علاء تا هووو بدل عليه ولبس كيطمتو تشخا في بلاصتو و اسيل تا هي تخشات فيه و كيف العادة راسها على صدرو لمكانش هكا متنعسش و هو كذلك ولف يلعب بشعرها تا ينعس.. وبقا على نفس الحال تا نعسو بجوج😴😴
#بعد_مرور_أسبوع_بالتمام_والكمال
أسيل:(شادة تصويرة ماماها ومخشية فبيتها دموعها نشفو بكات بزااف سمعات الباب تفتح ودخل علاء سد الباب من وراه وجا لعندها باسها فجبهتها وتحنا على ركابيه قدامها)
علاء:أسيل باقي مابغيتي تخرجي من هاد البيت من نهار جيتي ماخرجتي
أسيل:(تنهدات) علاء من الموت ديال ماما حاسة بحالا فقدت واحد الجزء كبيير من قلبي والاهم فقدت ثقتي فراسي وليت خاايفة غير بووحدي وليت غير منوية تانتا وليت خايفة لا تمشي وتخليني😢فهمني ا علاء انا مابقا ليا تا حد فهاد الحياة من غيرك ومن غير بسمة ماباغاش نخسركوم تانتوما
علاء:أسييل هادا مكتتاااب الله ويلا يصحابلك الا بقيتي سادة علك البيت النهار وماطال غاتعيشي بيخير راه العكس راه عاد غاتفقدي الناس لي كايبغيوك الا بقيتي هكا راه ا أسيل نتي أمانة عندي من عند خالتي وانا عمري ماغادي نخليك ولكن بهاد الحالة لي كاديري فراسك راك غاتفقديني انا حيت مانقدرش نشوفك فهاد الحالة فهمتي باراكة علك راه غير كاتمرضي راسك (ناض ووجرها من يدها وداها وقفها قدام المراية) شووفي كيفاش وليتي راه خالتي ماتبغيش تشوفك فهاد الحالة عرفتي راسك كيفاش وليتي هملتي راسك بزاف وكاضري النااس معاك أسييل رجعي لعقلك وراجعي نفسك خالتي ماغاتحملش تشوفك فهاد الحالة راكي كاضرينا معااك فهمتي راجعي نفسك والام ديالك بقاي دعي معاها وعمركي تنساايهاا فصلااتك ورجعي أسيل لي كانعرف أسيل القوية لي تا حاجة ماتهزها سمعتي واش فهمتيني ولا لا
أسيل:(شاف فإنعكاسو فالمراية مطولا هي دور عندو وعنقاتو وهي مغمضة عينيها اما هو تصدم ولكن بالجرا بادلها العناق وهو كايبوسها فوق راسها بقاو مدة هكاك عاد طلقو من بعضياتهم وناض علاء خرج ومشات أسيل دخلات الحمام هضرة علاء دخلات لداخل ديالها وزعزعاتها هاد السيمانة دوزاتها غير فالبيت عمرها خرجات بسمة كاتجي عندها مرة مرة كايبكيو بجوجات وكولا وحدة كاتمشي لبيتها عائشة كاطيب ليهم وتعطي لعلاء يدي ليهم ويبقا معاهم النهار كامل حاضي مع أسيل لادير شيحاجة فراسها وكذلك مع بسمة لي مابقاش بزاف على وقت الرلادة ديالها دخلات أسيل للحمام ضرباتها بتحمحيمة كاتحاول نسوس الغطاء ديال الحزن عليها سالات ولبسات پينوار ديالها وسداتو ومشات خرجات كاتنشف فراسها اما علاء دخل وهو حاني راسو غير هزو هي تلف ليه الهضرة أما أسيل شافتو من المراية وقلبات وجها وبقات كاتمشط فشعرها زعما ماشافتوش أما سيد الرجال تلفات له الهضرة وبدا كايحنحن زعما راه ماوقع والو)
علاء:احم راه جبت الغدا خرجي تغداي وعيطي على بسمة تا هي وهضري معاها باش تجمع حوايجها
أسيل:(ضارت عندو بالجرا ومشات قربات حداه حتا تقابلات معاه *بنتي ماكاتحشمش😂*)فكرتيني بصااح نيت خاص نگولها ليها باش توجد راسها تمشي معانا ماغانخليهاش بوحدها (الهضرة ديال علاء بحالا فيقاتها من سهوتها وتفكرات الهدف لي كانت راسمة فراسها ضروري ماخاصو يتحقق رجعات أسيل لعادتها القديمة باراكة من الحزن والغمة رضات بمكتاب الله وقدرو قدرها كان تيتم وحمدات الله وشكراتو حيت ماتو واليديها بجوج وهوما راضيين عليها خرج علاء وهي مشات بدلات حوايجها وأول حاجة دارتها هي جبدات عبايتها والصلاية وصلات جوج ركعات ترحمات على واليديها وناضتت مشات خرجات لقات علاء گالس كايتسناهم وبسمة ماكايناش مشات دقات عليها فبيتها هي تلقاها كاتلبس پيجامة طويلة بالكمام وواسعة علا حساب كرشها لاحت عليها شال ومشاو بجوجات وگلسو كاملين كاياكلو حتا نطقات أسيل) بسمة ملي تغدااي جمعي حوايجك باش تجي معايا للڤيلا ماغانخليكش بوحدك هنايا
بسمة:احم احم
علاء:😳
بسمة:أسيل انا ماغادة فين وماغانمشيش معاك ا أسييل غير سيري نتي راني قادة براسي والله
أسيل:صبري صبري شنو گلتي عاودي
بسمة:سمعتيني مزيان أسيل راه ماغانبدلش الرأي ديالي انا كانفضل نبقا هنايا
بسمة:(بقات كاتفكر ولقات بلي هضرة أسيل معقوولة ماتقدرش دير لبال لراسها ولبيبي لا ماكانوش معاها هوما....)
بسمة:واخا غير شوية وصافي
أسيل:بلا هضرة زايدة بحالا غادية عند الجيران
بسمة:ولفت هاد الدار غاتجيني صعيبة نمشي
أسيل:كيفما قدرت غاتقدري ان شاء الله اوا كولي مزيان
علاء:(بقا كايشوف فيهم بجوجات وخصوصا فأسيل هي واحد البنت لي شخصيتهاا غرييبة بزاف وممفهوماش مرة شريرة مرة طيبة ولكن داك الشر كاملو غير غلااف اما أسيل الحقيقية بعيدة كل البعد عن الشر إنسانة لي حساسة بزاف اي حاجة تقدر دمرها بحاال شي بنت صغيرة ولكن خلقات لراسها هاد الغلاف باش تا واحد مايقدر إدمرها ولكن هو شافها فحالات الضعف ديالها القليلة لي حاولات تخبي على الناس كاملين ولكن هو شهد عليهم عطاتو هاد الحق وهادشي لي فرحو حيت من بين گاع النااس قدرات تفتح ليه بااب قلبها له غير هو وهادشي خلاه إكوون فرحان وكايواعد راسو غايخليها ديما فرحاانة من بعد ما كملو غداهم كاملين ناضتت أسيل كاتعاون بسمة باش تجمع حوايجها وجمعات أسيل بيتها والحوايج لي كانو تما والكوزينة ونقات الدنيا كاملة الا الغرفة ديال خديجة ماقدراتش وهاد الاسبوع كامل عمرها دخلات لدك الغرفة مزاال مامتيقنااش واش غادي تقدر تصبر ملي دخل لدك البيت وماتلقاش ماماها متكية وعينيها دابلين من داكشي لي عاشتو فحياتها وإبتسامتها المعهوودة لي ماكاتفاارقهاش ترحمات عليها فهاطرها وعيطات على علاء جا عندها وهي طلب منو....)
أسيل:علاء عافاك دخل لبيت ماما وسد الشراجم وتيقن بلي الروبينيات ديال الحمام مسدودين كاملين وسورت معاك البيت مني تخرج
علاء:(بغا يهضر ولكن أسيل كانت كاترجاه بعينيها ماقدرش يگوليها وهو عارف بلي هي ماكرهاتش ولكن مزال مامستااعدة تقبل الموت ديال ماماها بالكاامل وعدم وجودها فحياتها فهمها وطمأنها بعينيه *لغة العيووون بيناتهم هي الوسييلة لي كايستعملو مع بعضياتهم دييمااا الشرارة لي بييناااتهم صعييب توصف بالكلمااات فضلو يخليو عينيهم يعبرو على داكشي لي لداااخل ولي عاالم به غير الله وهوما بجوج* مشا علاء دخل للبيت ديال خالتو وهو كايترحم عليها فخاطرو مشا للحمام وزير الرووبينيات وخرج سد الشراجم وهز واحد الايزار غطا به النااموسية والكواافوزات على حساب الغبرة خرج من البيت وسورتو لقا أسيل لبسات حوايجها وبسمة كذلك وبجوج جارين لي ڤاليز ديالهم بسمة دات غير شيحاجة من حوايجها حيت مصرة بلي غاترجع غير حتا تولد وصافي شد من عندهوم لي ڤاليز ومشا خرج للمصعد كايتسناهم البنات بجوج بقاو كايشوفو فالداار خصوصا بسمة لي وأخيرا لقات داارها الحقيقية ماسخااتش وهي كاتوااعد راسها فالداخل ديالها بلي غاترجع عما قريب هي وولدها شداتها أسيل من يديها كاطمنها زعما مشات بسمة خرجات وأسيل طلات نظرة أخيرة على الدار الپريزات محيدين البووطات مزيرين وحاطاهم فبلاصة بوحدهوم الشراجم مسدوودين والضوو ماكاينش تنهدات بعمق وشافت فباب الغرفة ديال ماماها وبلا ماتحس طاحت دمعة من عينيها مسحاتها ومشات خرجات وسورتات الدار ومشات للمصعد هبطو بتلاتة في صمت دار علاء ليڤاليز فلكووفر ديال لوطو ركبو البنات أسيل القدام وبسمة اللور ركب علاء وديمارا الطونوبيل وغادي للڤيلا من بعد ما علم الواليدة ديالو من قبل بلي جايين وگاليها تقاد البيت لبسمة باش ترتاح من بعد ما وصلو خرجو البنات وخلاو علاء واحل مع ليڤاليز خرجهوم ومشا دخل للداخل لقا أسيل وبسمة كايسلمو عليهم حيت كولشي كان مجمووع وكايحاولوو يضحكو معاهم كولشي بغا يخرج من داك الجو ديال الحزن خصوصا عائشة لي گلسات أسيل وبسمة حداها حاسة بلي ختها خلاات ليها البنات أماانة بين يدييها وهي غاتقووم بالواجب ديالها على أتم وجه طلع علاء ليڤاليز من بعد مالقا عليهم السلام تبعاتو أسيل لي قادات حوايجها فلپلاكار وعلاء كايشوف فيها ماكانوش كتار بزاف دغيا قاداتهم وحطاتهم بلاصتهوم مشات خرجات لقات أمينة وبسمة فبيت الضياف لي ولات دبا ديال بسمة وأمينة كاضحك معاها وكاتگوليها دبا عندها 3 ديال الخواتات فدار وحدة إسراء أسيل وبسمة وغايطهلاو فبعضياتهم وبدات أمينة كاتألف سينارييووات فرااسها وبسمة كاضحك عاونو بسمة حتا حطات حوايجها فلپلاكار وسمعو عائشة كاتعيط عليهم باش يديرو كاسكرووط خرجات أسيل وأمينة خلاو بسمة تبدل وأسيل مشات تا هي بدلات حوايجهت ولبسات پيجامة طويلة على حساب الحاج وإسماعيل لاحت عليها شال ومشات باش تگولها لبسمة لقاتها لابسة بحالها هبطو بجوجات ومشاو گلسو حدا عائشة وهوما كايشوفو فالطبلة لي فيها أشهى الشهييوات المغربية راكم عارفين وأسيل كاتحاول تبعد الغمة من قلبها وبقات كاتماازح مع بسمة بسباب الحجم ديالها حيت تقلات ديال بصاح هادا هو شهرهاا هبط علاء تا هو لابس حوايج الدار دارو الگوتي مجمووعين من بعد ما سالاو أسيل غسلات الماعن بزز ومشات طلعات للبيتها توضات وصلات العصر بقات كاتقرا القرآن وهي مخشعة ومركزة فقرايتها حتا ودن المغرب ناضتت وقفات هي تشوف ا
علاء واقف قدامها وكايبتاسم ليها بادلاتو الابتسامة بخجل اما هو فرش الصلااية قداامها صلاو بجوج ومن بعد ناضو أسيل كانت كاتجمع صلايتها هي تلقا علاء قدامها هزات فه راسها هو....)
علاء:(شد وجه أسيل ودارو بين يديه اما هي تلفات ماعرفات مادير بقات غير كادور فعويناتها بتااسم ليها وبااسها فجبهتهاا *هادو باقي ماوصلو لسطااج آخوور ههه*) كوني متيقنة بلي ماماك غاتكون فرحانة دبا حيت شديتي طريق الحق
أسيل:(حدرات راسها حشماانة من راسها)
علاء:تايجي معاك الخمار بزاف جيتي زوينة
أسيل:(هزات فه راسها شافتو كايبتاسم هي تبتاسم له ببلاهة نوعا ما دغيا توترات وحدرات راسها وبعدات عله برقة)هه شكرا صراحة الفضل كايرجع لك قدرتي ديرها قدرتي تزرع فيا دك الرغبة براڤو علك كون ماكنتيش نتا ماغانقدرش (بغا يهضر قاطعاتو)لا لا ا علاء هادشي لي كانگولك راه هو لي كاين نتا درتي على قبلي شحال من حاجة حتا قبل مانتجوج بيك دبا وليت الا ماصليتش مايدوزش النهار ديالي ووليت كانعرف شناهيا الرااحة بصااح كنت فواحد البلاصة مظلمة ديتها فملذات الحيااة ونسيت بلي هادشي ماداايمش بصاح نتا ل خليتيني نعرف شناهيا الرااحة كنت فالظلام ورديتيني للنور كنت حارمة راسي من واحد النعمة وبلا بيك گاع ماكنت غانقدر هاد النعمة وفييتي بوعدك واي كلمة گلتيها ليا داك النهار راك درتي بيها شكراا لك ا علاء شكرا بزاف شحال من حاجة بلا بك ماكنتش غانقدر نتجااوزها ولكن نتا قدرتي تخليني نتيق بلي تا حاجة مامستحيلة هه دبا وليت كانعتاابرك من نقااط القوة ديالي فالحقيقة
علاء:شووو ماتحتااجيش تشكرييني علا شيحاجة انا لي بااغي ندييرها فصراحة نتي من قبل كانت عندك شراارة وانا غير عاونتك حتا رجعات عافية نتي درتي كولشي غبر عاونتك شوية وصافي وتيقيني ماخاصكش تشكريني نهائيا لعكس انا لي خاصني نشكرك حيت كون مااكنتيش هاديك البنت القااسحة الشريرة نوعا ما والعنيدة ولي راسها قاسح ولي وجها صحيح وكاتشبع فبنادم قميع
علاء:أكييد غاتكوني فهمتيني😉لمهم كون ماكانووش فك هاد الصفاات كااملين مااكناش انا ويااك غانكونو مجوجين دبا وماكناش غانعرفو بلي انا وياك من عائلة وحدة وبصراحة ماكنتش غانعيش هادشي كاامل نتي بصراحة لي خليتيي نتفقص بزاااف ونكعاا بزاااف وهادشي عمرو ماكان ههه وفنفس الوقت نتي لي خليتيني نضحك من قلبي ونتي لي بدلتي النمط ديال حيااتي من ممل الى ممتع واخا مرة مرة كاتخسرييها ولكن مانقدرش نكر حياتي دبا مابقاتش مملة رجعات زويينة حيت نتي فيها وگلتي وفييت بالوعد دياالي وهانا غاندير وعد جدييد دبااا أسيل بن العمران حاليا أسيل الشافعي كانوااعدك بلي غانحاول نخلييك ديما فرحاانة ونحاول مانخلييكش مزاال تعيشي شي ذكرى حزينة وكانوااعدك بلي غانصوونك حتا لآخر نهار فعمري ولكن محتتااج للدعم منك تجنبي اي حاجة تقدر دير بيناتنا مشكل ا أسييل فهمتي باراكة علك هادشي بزاف شوية وانا ماعنديش معااه😒
أسيل:ههه ضروري تخسرها احم (حدرات عينيها) تا انا كاانوااعدك بلي غانكون زوجة صاالحة وكانوااعدك بلي غانحاول مانبقاش نقلقك بزاف
علاء:(تفرشخ بالضحك وهو كايسمع هضرتها)هههه ماتقلقينيش بزاف😂 هههه
أسيل:اوا داكشي ضرووري منو راه الزواج هادا ههه (سمعات أسيل الدقان هي تبعد على علاء حشمانة ومشا علاء حل لقاه خووه إسماعيل لي گاليه اهبط باش يتناقشو شو فداكشي ديال الخدمة قبل مايتعشاو إستأذن علاء من خوه وگاليه راه غايتبعو واحد الشوية دخل لقا أسيل عاطياه بالضهر وكاتحيد فالخمار ديالها شاف فيها مبتاسم هو يگوليها راه غايهبط للتحت مشا خرج وسد الباب من موراه اما أسيل حيدات خمارها وقاداتو فبلاصتو لاحت شال على شعرها ومشات هبطات للتحت عاونات عائشة شوية فالعشا وطلعات توضات وصلات العشا والشفع والوتر مشات طلات على بسمة هبطو بجوجات للتحت وجد العشا وحطوه فالطبلة تجمعات العائلة كاملة فوق الطبلة وبداو كايتعشاو في صمت كالعادة وبسمة حشماانة ومامولفاش هي مولفة تاكل وضحك وتهضر كيف بغات هادشي علاش مالقاتش راحتها تعشاو وناضو البنات جمعو الطبلة إسراء غسلات الماعن طلعو كاملين باش ينعسو الا أمينة وبسمة وأسيل مخشيين فبيت أمينة كايهضرو ويخطوو ناضتت بسمة ووأسيل هي تجرها بسمة)
أسيل:(عارفة بلي هي كذلك ماغاتنعسش الا ماكانش علاء حداها ولكن غادير كولشي على قبل راحة بسمة خصوصا ملي لاحضات تعابير وجها فوق الطبلة وفهمات فين كاين المشكل خصوصا هي وقع ليها نفس الشيئ فلول ولكن دبا ولفات ولات كاتجيها عادي بتاسمات ليها وعنقاتها) ويلي على الهبيلة مالك كادوي هكا طبعا غا نعس حدا ختي اويلي
بسمة:😍غير حيت راكي عاارفة مابغيتش نعس بوحدي الا بغيتي بقاي معايا غير تا يديني النعاس وسيري عند راجلك
الساقطة و الملتزم الجزء 19
محتوى القصة
التنقل بين الأجزاء