الساقطة و الملتزم الجزء 24

علااء:(خرج ومشا دخل لبيتو باش يبدل حوايجو غير حل پلاكار هو يشوف حوايج أسيل تنهد تنهيدة خارجة من أعمااق قلبو جبد حوايجوو وسد الپلاكار وحطهوم فوق الناموسية وشد راسو بين يديه كايفكر ضرو قلبو حاس بشيحاجة ماشي هي هااديك) أسييل يا أسييل شنوو درتي فياا واخا هادشي كاامل لي درتي مااقاادرش نساااك ماقادرش نبعدك من بالي ومااقاادرش نحيدك من قلبي بالاخص كان بالامكاان داك الولد يكووون ولدنااا درت لك خااطرك لأقسى الدرجاات مابغيتينيش نقيييسك النهاار لول وواافقت واخا شحال من مرة غير كانتاااقي فك الله ماانغتااصبكش شنوو لقيتي فالحرام ومالقيتيهش فالحلال واش غلط حيييت عطييتك الخااطر واش غلط حيت خلييت لك الحرية فكوولشي واش غلط ملي حاولت نكون انا هو كولشي فحياتك واش غلط ملي عطيت راسي هاد الحق ااخ ا أسييل اااخ منك حرقتيني بغييتييي طلقيي مني بهاد السرعة نسييتي گااع لي دوزنااه درتيني غير سوكور رديتيني ماشي رااجل خنتيني وبغيتيني نتقبلهاا ونعنقك ونبووسك ونگوولك اااه بغيتي ترديني حمار ونتي عارفة وانا عارفة عمري قستك عمري تخيلت يجي النهار لي نخالف فه الوعد لي واعدتو لخالتي ولكن شنوو ندير الا بقيتي قدامي غانقتلك كانتمنا ا أسيل ديري عقلك كانتمناا ماتعاوديش تغلطي وهاد الولد يكون هو النوور لي خرجك من الظلمة ملي ماقدرتش انااا يقدر يكون هاد الولد هو النوور ديااالك واخا ولد من الحرام ولكن هو لي غايعااونك كانتمنااا ا أسيييل كانتمناااا ماانعااودش نشووفك يااريت تكوني خويتي قنييطرة ماباغيش نعاود نشووفك حيت ماغانتحكمش فرااسي ومااغانصبرش وغاندير فك شيي موصيبة (تنهد علاء وهو كايحاول يخرج لي فقلبو واخا صعييب أصعب إحسااس هي الخياانة وخصوصا من شي واحد كاتبغيييه كاتكوون عايش فحرب بين ذاتك وعقلك وقلبك لي باغي يحن ويسامح وعقلك لي باغي يرتااكب جريمة وذاتك لي مشتاااقة لطرف لاخور بزااف ديال الحوايج ولكن علاء واخا ظلم أسييل نشوفو الاموور من الزاوية دييالو هو الواحد لي كايكون متيقن بلي عمرو ماقاس الطرف لاخور تا كايتصدم بالحمل ديالو كييفاء غايفكر طبعا الخياانة والزنااا وخصوصا علاء ديجا حصل أسييل مع يووسف واخا لي دار ماعندوش عذر ولكن نشوفو الامور من وجهة نظرو هو الابطاال ديالنا بجووج 💔 قلووبهوم كاتقطع ولكن بجووج حااقدين على بعضيااتهم حقد لدرجة الكره... *لبس علاء حوايجو وغسل وجهو شحال من مرة بما بارد عيطات عله الام ديالو باش يهبط يتغدا هبط بسيف عله حيت ماعندوش الشهية نهائيا ولكن مابغاش يخسر الخاطر للام ديالو هبط على مضض راسم إبتساامة مزيفة على وجهو مابغا حد يعيق به ويعاود يجبد معاه داك الموضوع*)

♡عند البطلة ديالنا ♡

أسيل:(گالسة فوق السدااري وحاطة يدها على حنكها وحاطة ليد لاخرة على كرشها بعفوية كاتفكر فالمستقبل ديالها هي وولدها شنو غادير من هنا القدام هاهيا رجعات لنقطة الصفر كاتصرف دبا بفلوس الحرام وهي ماحاملاش راسها نهائيا ولكن بسييف عليها ماغاتمووتش بالجوع هي ولدها لاحظاتها الام ديال عبد الهادي وسولات عليها أماني وهاد الاخيرة عطاتها ضوسيي مفصل بقات الام ديال عبد الهادي حاضيااهاا كاتشوف فيها غير بنص عين من بعد ما ودن العصر ناضو كولشي صلاو العصر ومن بعد عدة ساعات ناضتت الاخت ديال عبد الهادي فاطمة كاتوجد كاسكروط بغات أماني وأسيل يعاونوها حلفات عليهم لاقاسو شيحاجة حطات ليهم كاسكروط على حقو وطريقو المائدة عامرة وكاتشهي كلاو وضحكو وناضو البنات هاد المرة غسلو الماعن وگلسو كايتعااودو تاني حتا ودن المغرب ناضو توضاو وصلاو ومشاو بدلو حوايجهوم وخرجو وفاطمة كاتسااريهم القرية ديالهم وأسيل فرحاانة نوعا ما عجبها الجو وأكثر حاجة فرحاتها هي غاتبعد على علاء وعمرها ماغادي تعاود تشوفو وهادا كان الحل الانسب باش تنسااه أسيل ماباغاش مزال تشوفو وحتا الكره ماباغاش تكرهو حيت الكره إحساس وهادشي كايعني بلي كاتحس من جيهتو بشيحاجة وماكايهمش الاحساس المهم هو خاصها تنسااه وربي كبير وغاتكمل حيااتها بيخير وعلى خير هي ولدها من بعد ما تساراو وعياو رجعو للدار لقاو يعقوب مع جداه كايلعب معاها بدلو حوايجهوم ونصبو العشا مجموعين من بعد ما طاب العشا وودن ناضو مجموعين توضاو وصلاو وعبد الهادي دخل حيت ودن فالجاامع حطو العشاا وكلاو مجموعين حطو الديسير وكلاو وغسلو الماعن وبداو كايفرشو باش ينعسو عبد الهادي هو والاسرة ديالو الصغيرة نعسو فبيتو القديمة وفاطمة فرشات فلارض فبيت مها ونعسات وأسيل نعسات فالبيت ديال فاطمة من بعد معاناة وصراع مع النوم استسلمات أسيل وحطات راسها على المخدة عاضة على المانطة بكل قوة وكاتبكيي بدون صوت ماباغا تا واحد يسمعها رغم القسوة لي متلاات ولي دارت فباالها ولكن ماتبقا أنثى والاكثر من هذا كاتبقاا مظلووومة والظلم خايب وخصوصا من انسان عزيز علك بقات أسيل كاتبكي في صمت ماحسات حتا تحطات عليها يد طرطقات عينيهامصدومة كاتحاول تمسح دمووعها.....)

أسيل:(بصدمة كاتحاول تمسح دموعها وترسم إبتساامة مزيفة ولكن قاطعاتها....) 

رقية:بنتي بلااا ماتمسحي دمووعك بكي وفشي قلبك باينة فك مهموووومة واخا صغييرة هموم الدنياا طغااو علك وبااينة من عينيك بلي الدنيااا خلات أثر كبييير علك 

أسيل:(ستسلمات وغمضاات عينيها بحسرة وطلقات العنان لدموعها ورقية كادوز يدها اليمنى على راس أسيل اما يدها لاخرة ماكاتحركهااش بقاات كادوز يدها على راسها حتا تفشات أسيل وناضتت ضربات الگلاس وهي كاتمسح فدموعها وخناينها وعينيها حمرييين ومنفوخين) 

رقية:شوية دباا؟؟!!

أسيل:(ومات ليها براسها زعما ااه) 

رقية:نجيب ليك تشربي ابنتي!! ؟

أسيل:لا اخالتي بلا مانعدبك 

رقية:لخاطرك ابنتي

أسيل:(سكتااات وداازت واحد اللحظة ديال الصمت رهييييب حشماات أسييل وهي عاارفة رقية كاتسناا منها تشرح لييها السبب لي خلاها تبكيي لدك الدرجة) 

رقية:ماشي ضروري ابنتي تعاودي ليا غير لا بغيتي ترتااحي وصااافي 

أسيل:(بحالا شعلتي ليها الضو الخضر🔛 صافي صبرات بزااف وبدات كاتهضر ولكن ماااگالتش الحقيقة فضلات انها تكدب فشي حوايج حيت داكشي اسرارهوم الزوجية مايمكنش تسربهوم) انا اخالتي قساات عليا الدنياا بزاف بابا لاح ماما للزنقة ملي كانت حاملة بيا دازو الايام تقاتلات الاام ديالي مع الوقت وكبراتني وقراتني فالحلال تعدبات بزاف حتا بان هو فحيااتنا تاني تكرفس علييها قداام عينياا (غمضات عينيها بحرقة) من تما وانا ماشي هي هاديك من تما تبدلات حياتي قسااحيت وليت كانكره شيحاجة سميتها الرجااال غير كبرت شوية خرجت للطريق الخايبة وعاوناتني واحد البنت لي كانعتاابرها ختي لعبات بيها الدنيا حتا هي كيف بغات خرجنا لهاد الطريق بجوج ولكن ماكانتش كادار بيا انا لي درتها بيهم كنت كانتااقم منهووم وكانضمن مستقبلي فنفس الوقت تما شفتووو شفت الشخص لي رجع ليا الحياااة وفرمشة عين خدااها مني بكل بسااطة ولاحني لجهنم تعرفت عله فديك البلاصة ومادازتش مدة طويلة حتا عرف حقيقتي وعرف شنو كاندير وشنو هي حرفتي من بعد عرفت بلي الام ديالي فيها السيدا المرض الخااايب دارت بيا الدنيا وتمنيت انا نموت حيت ربي نتااقم مني وخدا ليا الام ديالي مشيت قلبت على الاب ديالي لقيتو هو حالتو كانت كفس وكان على فراش الموت تساامحت معااااه قبل ماايدي مول الامانة أمانتو مشا عند الله من بعد ماتسامح معانا رجع داك الشخص دخل لحياتي على غفلة ولا جزء منها بغيتو من قلبي تخطبنا ويا لسخرية القدر طلع ولد خالتي المهم دوزنا يامات زوينين وجا وقت الحساااب مات الام ديالي الله يرحمها ويوسع عليها موتة ديال الله ماتعدباتش من بعد ما دازو الايام حاولت ندخل فحياة صاحبتي وختي لي ماولداتش ليا مي وبالفعل صلحتها وحولتها الى الاحسن ولكن من تما حياتي تبدلات انا وليت فالمشاكل حيت شافتي راجلي مع راجل ختي وهو ماكايعرفوش وبدا يشك فيا ملي حملت گاليا ماابغاش الولد دبا وبغاني نديرو كوورطااج *الاجهااض* وانا مابغيتش وخرج من فمو كلمة الطلاق ودرت له خاطرو ورفعت عله دعوة وجيت مخبية منو ماحانلاش نشوف فه حيت مايستااهلش الماضي تعااود من جديد ولي وقع مع ماما عاود وقع معايا انا 💔عرفتي دبا قصتي هادشي كامل وقع ليا وانا مزال حتا مادرت 20 عام ومن الناس القراب يا حسرة اودي اخالتي لهلا يوري شي مسلم شعور المظلووم رقية:(حسات بلي شيحاجة ماشي هي هاديك فهضرة أسيل كوولشي تيقاتو الا هاد الجزء الاخير حيت الطريقة باش هضرات أسيل باينة كاتكدب كاتحرك يديها وكاترمش عينيها بزاف ورقية إنسانة لي دوزات فحياتها بزاف ديال الحواايج وعارفة بزااف ديال الحوايج كذلك ولكن فضلات تخلييها فرااحتها وفهمات بلي مابغاتش تعااود داكشي كامل وهادي كاتبقا حرية شخصية وقرارها) سمعيني ابنتي فالزوااج ضروري يوقعو مشااكل ماكاينش شي زواج مثااالي هادي نگوولها لك من بعد تجربة ديال 35 عام ديال الزواج ابنتي ولكن نتي باينة فك تاخدتي قرارك لي نبغي نگوولك هو صبري وفكري فولدكوم حيت واخا يوقع لي وقع كايبقا ولدو

أسيل:(حرگاتها هاد الكلمة من الداخل وماكرهاتش تغوت وتگووليها راه هو لي مابغااهش هو لي نكرو)

رقية:نتي جربتي شعور الحرمان من الاب ماتبغييش لولدك اعيشو تا هو مهم بنتي شنو غاديري دبا فكرتي فمستقبلك ماتنساايش بلي راه عندك ولد دبا وخاصك تفكري بجدية فمستقبلكوم بجوج حيت الدري غايكبر وغايمرض ومصاريفو غاتزيد شنو قررتي ديري فحيااتك 

أسيل:كانفكر باقي ا خالتي دبا عندي فلوس لي تعيشني ولكن راكي عارفة فلوس الحرام وانا مابغيتش من بعد ما رجعت لطريق الله نعاود نرجع لدك الطريق اخالتي والله ولكن الغالب الله 

رقية:فكري مزياان ابنتي وتوكلي على الله وغاتلقاي الحل قدام عينيك وسمعيني ابنتي من ناحية السكنة انا نقتارح علك واحد الحل

أسيل:الله يسمعنا خبار الخير اخالتي

رقية:من قبل كان راجلي الله ارحمو بحال عبد الهادي امام ديال الجامع وانا كنت مرة مرة كايجيو عندي الناس نداويهوم بالعشوب وكنت انا القابلة فهاد القرية وباقي لحد الان كايجيو عندي الناس ولكن مابقيتش قادة شنو بالك تعلمي وديريها حرفتك تنفعي راسك وتنفي النااس وكوني متيقنة بلي غير الدعوات ديالهم غايفرحوك فحيااتك ابنتي بقاي معايا هوا على ما تستااقري وتلقاي شي بلاصة خرا راكي شفتي كولشي ببعينيك غير على قد الحال انا فاطمة مابقاش بزاف وتمشي عند راجلها وغانبقا بوحدي ومابغيتهومش اتشطنو عليا

أسيل:(كاتفكر لقات بلي أنسب حل هو هاادا) خالتي ياكما غانكتر علك 

رقية:لا بالعكس ابنتي مرحبا والف مرحبا

أسيل:انا ملي كنت صغيرة واحد المراا بحالك نيت هي لي حنات فماما وحتا هط كانت كادير هادشي ديال العشووب بصاح الماضي كايعاود رااسو....

علاء:(من بعد ما داازو 3 ياام بالضبط كولا نهار عائشة كاتسول ولدها على أسيل وهو كايجاوبها بنفس الجواب غير ترتاح وترجع اليووما وعلاء رااجع من الجاامع صوونا عله إسمااعيل وطلبوو باش اجييب له الحفااظات ديال آدم حيت سالاو وهو مامساليش سيفط ليه التصاور ومشا علاء قلب الدورة ومشا لمرجان غادي وهو ساهي مارادش البال حتا وصل حط لوطو ديالو ومشا دخل كايجر كروسة صغيرة جاب جوج باكيات دياال الحفاظات وجاب السقاطة لشهد وخرج من بعدما خلص كان غادي خارج وحاني راسو حتا طاحت له الخنشة تحنا لارض هزها شاف الجيهة لاخرة هي تبان له بسمة جارا پووسيت وجاية جيييهتو تبدلات مني مابقاتش عندها الكرش تحرك جيهتها بشوية حيت من داك النهار ماشاافها وعمرو ما مشا عندها مزاال كاينساا وأصلا كترة الهم كاتنسي بنادم فكوولشي وقف عليها اما هي هزات راسها من بعد ما شافت ضل كبير فوق راسها) بسمة.. 

بسمة:علاء ااهلاا لاباس علك 

علاء:حمد الله ونتي لاباس وأخيرا جاتنا الفرصة باش نتلاقاو ونتعرف على راجلك جا معاك

بسمة:ااه جا غير يكمل لاپيل ديالو ويجي

علاء:(تحنا على ركابيه وكايطل على صفوان لي كان بيض وشهب وزوييون ناعس مغمض عوييناتو للحظة دمعو عينين علاء وتمنا كون كان تا هو يجرب هاد الاحساس ولكن ماكتاابش...💔) لابااس علك اختي سمحيليا والله غير الضررووف

بسمة:ماشي مشكل ا خويا والله علاء بغييت نسولك أسييل..... 

يوسف:بسسمة....

بسمة:ااه هاهوااا يوووسف جاا دباا غاتعرفو على بعضياتكم

علاء:(هز راسو تلفت حتا كايبان له رااجل عريض قدو تقريبا فالفوورمة وقد قد فالطوولة هز راسو وشاف فالوجه هو يتصدم صدمة العمر) 

يوسف:(مد يدوو) نتاا هو علااء

بسمة:علاء يووسف يووسف علاء يووسف هادا علاء رااجل أسيل

يوسف:ااه فخبااري

علااء:(بقا عدة دقاائق كايستوعب كييفاش)نتا هو يووسف رااجلك

يوسف:ههه ااه علاش

علاء:(دارت بيه الدنيااا وجف حلقووو بالجرا ومابقاش قادر يهضر كيفاش راجلها يعني أسيل شنو كانت كادير معاه ولكن كانت ديما كاتلاقا معاه علاش وكييفاش علاء دااخ ولكن من بعد ما تفكر هضرة أسييل وهي كاتگوليه غاتندم وغااتعرف كوولشي من بعد طلعات معاه الصهدة وبقا مبلووكي عدة ثواني عاد سلم مع يوسف وغي بزز حشماااان من راااسو دارت به الدنياا وكايحس براسو بحالا كولشي كايشوف نظرة إحتقاارية عندهاا الحق جرب شعووور الظاالم ودبااا غايفهم شعور المظلوووم دااارها قد رااسو لدرجة بزز باش كايبلع ريقوو..... 💔)

♡#عند_أسيل♡

أسيل:(فاقت الصبااح وهي تنوض طيبات الفطوور هاد 3 يام دازت عند أسييل فششكل بداات كاتحس بالمسؤوولية دك الليلة طلبات من رقية ماتعاود هادشي لتا واحد من بعد يوماين مشا عبد الهادي وختو بجوج مشاو لدبيوورهوم واخا أماني تصدمات ملي شافت أسيل بغات تبقا مافهماتش ودخلها الشك ولكن أسيل قدرات تقنعها وكانت كاتمتل عليها بلي كادوي مع علاء وقنعاتو باش يخليها تگلس مع رقية واحد المدة وخصوصا جات فالفترة لي رقية مريضة وخاصها شي واحد يبقا معاها وعبد الهادي كان ضروري يمشي يرجع حيت سالات المدة ديال الشهادة الطبية لي كان داير أسيل هضرات مع المحامي لي گاليها.... 

#Flash_βαck

أسيل:(شافت تيليفوونها كايصوني هزاتو وهي تلقا المحامي ديالها تنهدات وجاوباتو) الووو

المحاامي:الو مادام أسييل راه كولشي داز هو هاداك ودباا كانتسنا تسيفطي ليا الاتعااب دياالي وباش يدوز داكشي دغيا من الاحسن تزيدي شيحاجة باش دغيا نقضيو الغاراض وترتااحي نتي من هادشي

أسيل:شحااال

المحامي:هو فصراحة ماعرفتش نحدد ليك شي رقم ولكن راكي عارفة هادشي خاصو بزاف القاضي وداكشي

أسيل:اوكي الفلووس العشية يكونو عندك

المحامي:اوكي صاافي

أسيل:مهم انا راه ماغاداش نجي وماغاداش نعتب هاد المدينة فهمتي الفلوس غانسيفطهوم لك وصاافي

المحامي:نو غير نعسي على جنب الرااحة امداام والموووضوع غابدوز بيخير وعلى خيير

أسيل:(قطعات معاه ومن بعد ما تغدات مشات لمكنااس سيفطات ليه الفلوس فحساابو الشخصي ورجعات فحالها *كانضن فهمتو المحامي لقا بلي هاد الجوج همزة ماكاتعوضش أسيل مامسوقاش نهائيا وعلاء راه ماباغيش الطلاق وهو لي رابح وخرج منهوم فلووس صحااح طمااع وخلاص* ....)

🔙#عودة_الى_الحاضر

أسيل:(گلسات مع رقية لي كانت كاتورييها شنو دير والعشووب كاين لي كايجيبهوم ليها ت أز للدار وهي غير ماتخلط وكايجيو النااس لعندهووم النااس هوا بسطاء وفرحاانين وقانعين بلي قسم الله وشحال كايعجبها الحال فاش كايدعي معاها شي واحد ولا فاش كاداوي شي ولد صغيير وخصوصا هي دايرة الطب وكاتقراه هادشي نفعهاا وااخا جاو عندها لحد الان غير 2 ديال النااس ولكن حاسة براسها غاطير من الفرحة وهادي هي الحياة المثالية بالنسبة ليها علاء محااتو من باالها واخا باينة بلي غير كاتكدب على رراسسسها... ليوم كانت قررات دير شيحاجة باش بلاما تبقا متقلة على رقية فالمصرووف وماتبقاش تستخدم دوك فلوس الحراام شنو هاد القرار لي تااخذاات أسييل شنووو غايوقع ليها من هنا للقداام حيااتها واش غاتبدل علاء واش غايعرف الحقيقة كييفاش غايعرفهاا بزاف ديال الاسئلة والجواب عليهم فالاجزاء المااجة...)

أسيل:الوو يوووسف لاباس علك بييخير حمد الله فين كاينة ههه ماشي مهم والله يووسف راه أسيل هادي ماكاينش فالكوميسارية اويلي مهم صونيت علك باش نطلبك طليبة كنتي گلتي ليا ماغاتنساش الخير لي درتو معاك حياتك كاملة مهم دبا جا الوقت لي ترد ليا داك الخير لي درت معااك....اول حاجة هي ماتبقاش تسول محتاجاك تعاوني ولكن بدون أسئلة دير غير هادشي لي غانگوولك وصاافي راه گلتليك ماتبقاش تسول الا مابغيتيش راه نقدر نشوف شي واحد ااخور يقضي ليا هاد الغرض ممم مهم الغرض ديالي هو عندي واحد الدار بغيت نكريها غانسيفط لك العنوان يااك بغيتك تافق ليا مع لي غادي يكري على كولشي بلا مانكون انا حيت فهاد الوقت دبا مانقدرش نجي نهائيا سمعتي نعول علك صااافي الا قضيتي ليا هاد الغرض عتابر راه الخير ديالك رديتيه هههه مهم انا غانسيفط لك دبا (سيفطات أسيل العنوان ديال الدار لي كان كتب ليها باها بغات تكريها باش تعاون رقية فالمصروف كان هادا هو أحسن حل بالنسبة ليها مابغاتش تكري الپرطمة ديالهم حيت هاديك بالنسبة ليها مكان مقدس تما كانت الام ديالها مايمكنش للبراني يدخل ليها وجا الوقت لي تستاافد من دك الدار لي كتب ليها باباها الله ارحمو وتنفع بيها...)

♡#عند_البطل_ديالنا♡

علاء:(لي بقا مبلوكي لعدة دقائق وهو كايبتاسم إبتسامة سخيفة غير باش يخبي شنو لي كان واقع لداخل ديالو إستأذن منهوم بلي خاصو يمشي ولكن قبل خدا النمرة ديال يوسف وگاليه ضروري يهضر مع راجل ختو وهو فالحقيقة النوايا ديالو كانو غير ذلك ركب فلوطو ديالو وكسيرا نيشان للدار من بعد ما وصل عطا لإسراء داكشي لي جاب ومشا طلع للبيت ديالو من بعد ما طلب من إسراء مايصدعو حد حيت غادي ينعس بغا غير يرتاح حتا يفيق عاد يااكل طلع علاء لبيتو دايخ سد الباب ومشا گلس فوق الناموسية وهو شاد راسو كايفكر فهادشي كاامل) كييفاااش راجل بسسمة وشنوو كانت كاادير معاه أسييل فكرر ا علاء فكرر (مسح على لحيتو بعصبية وضرب برجليه بالزعفة) تفوووووو تفووووو بااااااينة يااربي شنووو درت ضلمتهاااا أسيييل باااينة بلي باااغة غير ترجعهوم لبعضيااتهم وانا سمعت ليها هضرة بحااال السم ناااري شنوو درت تفوووو (شد علاء جيهة قلبو وغمض عينيه وهو كايحس بقلبو غايخرج من بلااصتو مااحملش رااسو نهائيا وهو انساان وااعي ومهدن وماكايتسعرش صدق النقييض ديال هادشي كاامل بقات فكرة تديه وفكرة تجييبو فالاخير مسح على وجهو بعصبية) وووللكن وااخا هادشي كااامل هادشي ماكايبررش الحمل دياااالهاا ااه ضلمتهاا فهااادي ولكن الحمل ديالها الدري منين جاا شكووون هادا واش كاين طرف ثاالث فهاد القضية واش كاينة شيحاجة ماعارفهااش انا واش كاينة شي حقييقة خرررااا (غمض عينيه) الا ضلمتك ا أسييل فهااادي ماعمري غانقدر نسمح لرااااااسي مااعمري غاانقدر نهز فييك عيني ولكن بلاااتي ماكاينش مجااال باش نضلمهااا ماكاينش انا مااقستهااش گااع منين جا الدري الهواء اووف ا أسييييل حرقتينييي ونتي حدايا وكاتحرقيني ونتي بعيييدة عليااا (ناض بزز منو بدل حوايجو وتكا كاايحاول ينعس ربماا ينساا شوية هاادشي لي داير بحال الڤيرووس كايقضي عله من الداخل.......) 

#بعد_مرووور_شهرين_ونصف....

الابطال ديالنا باقي على نفس الوضعية أسيل كاينة مع رقية لي كولا نهار كاتعلمها حااجة جدييدة عشبة جديدة والفائدة ديالها وأسييل فرحااانة وكاتحس براسها مرتااحة نوعا ما واخا باقي قلبها مكسووور ومجرووح ولكن كااتحاول تعمر داك الفراغ بهادشي لي كادير يووسف عاونها مزال ولقا ليها الناس لي غايكريو الدار وبتمن مناسب تافق معاهم على كولشي ودار معاهم الوثائق كاملين داكشي قانوني 100% وبلا ماتضطرر أسيل تمشي وهادشي بلا خبار بسمة هادا كان شرط أسيل اما بالنسبة لعلاء هضر مزال مع يوسف و.....💔

#Flash_βack

‎علاء:(گالس فنفس البلاصة نفس القهوة نفس الكرسي لي كانت گالسة عله أسييل نهار شافها مع يوسف آخر مرة وضربها تسنا عدة دقائق هو يجي يوسف) 

‎يوسف:سلام خويا سمحليا لزاف تعطلت علك

‎علاء:ماشي مشكل تا انا نيت عاد گلست هنايا

‎يوسف:اااه مزيان وااه على صدفة هاد البلاصة نيت فاش كنت گلست انا وأسيل آخر مرة ملي كنا كانتاافقو على بسمة سمحليا بزاف اخوويا عاارف باش غاتحس الا مراتك گلسات مع شي واحد براني ولكن كان ضروري نديرو هكاك باش الحقيقة تكشف وبسمة ترجع ليا والله غير سمحليا هضرت مع أسيل شحال من مرة گلتليها تعاود لك الحقيقة ولكن راك كاتعرفها كتر مني انا

‎علاء:اااه عاارف (تفكرر وللحظة طاحت فبالو دك اللحظة فاش حاولات تعاود له شيحاجة وقاطعهوم تيليفون وگالتليه غاتعاود له من بعد وراها قصة طويلة)فالحقيقة حاولات تعاود ليا ولكن القدر لعب اللعبة ديالو وعرفتها بالطريقة الصعبة

‎يوسف:المهم اخويا انا لي غانگولك وعتابرها نصيحة أخوية أسييل عمرك تفرط فيها حيت دك البنت فشكل فكرات فالسعادة ديال ختها على السعادة ديالها هي وراك عارف هادشي ولا قليل فهاد الزمن وخصوصا هوما خوااتات ولداتهوم الدنيا وماشيمن نفس الكرش أسيل قلبها بيض وضريفة بزاف واخا كاتبان قاسحة وشخصيتها صعيبة ولكن راه بصاح أسيل من النوع الناادر من البنات لي قرب انقاارض مهم بلا مانكتر راك عارف مراتك كتر مني انا لمهم هي من لول هضرت معاها غا بزز كانت رافضة الفكرة نهائيا ولكن قنعتها غي بزز وشحال من مرة هدداتني لا كنت كانكدب هي قدرات تجبد الحقيقة من هاديك لي كانت سبابي انا وبسمة كانت كاتمشي عندها لافاك وتمتل عليها حتا تيقاتها وفلخر عاودات ليها كولشي وراها دبا كاتعفن فالحباسات) 

‎علاء:(هنا فهم القاالب أسيل كانت كاتمشي لافاك على قبل هاد البنت بتااسم بسخرية ودغيا جمعها بقا يوسف كايعاود له بالتفصيل الممل حتا قاطعو تيليفونو كانت كاتصوني عله بسمة وضطرر باش انه يمشي ولكن هو گال كولشي لعلاء مشا وعلاء بقا گاالس كايفكر) 

♡عند علاء دين ♡

..من بعد مامشاا يوسف بحالو بقا علاء كالس و كيخمم في هضرة يوسف كاملة كتعاود ليه في وذنيه ..هز سوارتو و مشا ركب في لوطو ديالو و رجع بحالو نيشان فيلا سلم على مو لغير كيدخل كتسولو على أسيل واش عندو عليها شي خبار و كيف العادة كيكوليها را باقي ماهداها الله و راها مع صاحبتها كالسة و كذاا ..معندو ميدير ضروري مايكذب حيث هو براسو معارف فين مرتو كاينة و شهرين و نص دازت طايرة و باقي معندو خبار عليهاا..قلبو باغي يقلب عليها و لكن عقلو كيكوليه صافي ضبر راسها نشوف هادشي فين ايوصلنا وخا دبا مامزوجين ماطلقين ولكن مهم معندو ميدير ..الأب ديالو كذلك كيسول و لكن ملقا ميكول علاء و مابغاش يعاود ليهوم و الحاج احترم رأيو وخا معاجبوش الحال مرات ولدو قريب 3 شهور و هي خارجة على دار ..بسمة كتاصل بيها يوميا ..و حد الان مابغاش تكوليها فينها كتكوليها غير تصبر مع الوقت غادي تعرف كلشي ..ويوسف كذلك مبغاش يكول بلاصتها ..اماني تا تعيط ليها كتكوليها غير وحم لخلاني نافراه عافاك متكوليش ليه فين انا و طلبتها اماني احترامت رأيها و صافي و تا علاء مكتهضرش معاه بزااف باش تجبد معاه الموضوع و عبد الهادي مكيدخلش في هادشي نهائيا مقايل خدمتو و صافي ..ولد بسمة بدا يكبر وبدا يبان محمقها كيونسها في دار مع كتكلس بووحدها ..في هاذ شهرين جا رمضان ووصلو امتحانات بالنسبة للبسمة يوسف تكلف بصفوان و هي مشات دوزات امتحاناتها

أسيل من قربو امتحانات اضطرات ترجع قنيطرة شدات تران و رجعات مشات اوطيل معمورة و حجزات مدة 3 أيام و فضلات تكلس في اوطيل متخرج موالو مبغات تلقا معا تا شيحد وخا غير بصدفة و داكشي لكان كيصبح الحال كتلبس واحد جلابة واسعة شوية تلوح عليها شال في اسود و تشد طاكسي من باب اوطيل تا مدرسة و كدخل نيشان دوز و تخرج ترجع اوطيل تا كملات نهاراتها و خلصات اوطيل و شدات تران مكنااس و مشات رجعات قرية ..امينة دوزات سطاج ديالها و رجعات دوزات امتحان و نجحات فيه ..داز عيد صغير و جا خبار باخت علاء كبيرة ولدات و اضطرات عائشة و امبنة يمشيو عندها داكشي علاش اسماعيل قطع ليهوم بيي طياارة نيشان المانيا و مشاو ..امينة عرفات خوها مدابز مع مرتو و اسيل بدورها سيفطات ليها بنمرة جديدة ديالها و كاتليها لابغيتينا نبقاو نهضرو متسوليني على والو ..امينة ملقات متكول من طبيعة الحال احتارمت رأيها ..و عائشة تا هي بنفسها طلبات تهضر مع اسيل و هضرات معاها طمأناتها على راسها و كاتلييها راني بخير ..أسيل تا هي دخلات سيت و سولات و عرفات راسها نجحات فرحات حيدات عليها هم كبير ...و هكا دازت شهرين اسيل تقربات لديك مرأة ولات كتعاونها و كتعلم حوايج جداد ..في واحد صباح من صبااحات ناض البطل ديالنا و كالعادة ديالو قاد مساائلو وغسل و لبس حوايجو و خرج خدمتو ..وصل مكتبة و دخل كيخدم خدمتو تا جات واحد طلبية كان موصي عليها من كازا كتب خاصة ديال طب و ضروري ميديهوم مدرسة و اضطر هو يديهوم نيشان يدين مدير خشاهوم في كوفر و ركب في لوطو و كسيرا و ما وقف تا لحدا مدرسة نزل و دخل ديك كارطونة و خذا خلاصو طبعا و هو تما تفكر أسيل و ما جا في بالو غير يسول علبيها ..

علاء: سمحي ليا نسولك لاكان ممكن؟؟

مدير: تفضل!!

علاء: واحد طالبة هنا سنة الاولى بغيت غير نعرف شنو دارت في امتحانات ..

مدير: واش اخت ظيالك ياك هي العام ثاني ؟؟

علاء: اححمم لا ماشي ختي هذي زوجة ديالي و هي مسافرة بغيت نعرف اش دارت؟؟

مدير: شنو سميتها؟

علاء: أسيل بن العمران ..؟؟

مدير: بلاتي ..(جبد واحد ضوسي كبير ديال طلبة سنة الاولى و بدا كيقلب) امم..أسيل ..أسيل ...ها هي اسيل بنت عمران دوزات مواد ديالها كاملين و راها دخلاتهوم كاميلن و بمونسيوو..

علاء: بصح؟؟؟

مدير: وي ها لينوط ديالها تبارك الله ..

علاء: امم شكراا بزاف سمح ليا لاصدعتك و لا شي حاجة ..

مدير: مرحبا الله ياودي ..

علاء: يا الله نخليك في راحة الله ..

مدير: شكراا مرة اخرى على كتب😊

علاء: هذا واجب..(خرج )

خرج علاء ركب في لوطو ديالو ورجع مكتبة و عاوتاني كيفكر فين غادي تكون بما انها دوزات امتحانات ديالها الا و انها كاينة غير هنا ..زعما تكون كالسة في ابرطومو ديالها و لكن هو سول عساس كاليه مكيناش ..راسو بقا ضارو شادو على مكتب و كيخمم حياتو كلها تخربقات مابقا عارف ما يقدم و لا ما يوخر فكرة ديه و فكرة تجيه بقا هكاك تا رجع فيلا ..هكا دازو الأيام داز شهر 6 و 7 و 8 و 9 قرب عيد الكبير و مبقات ليه غير أسبوع ..دازت حد الان 5 شهوور على غياب أسيل و فراق الابطال ديالنا ولات أسيل عندها 6 شهور و ثقلات نيت وواحد كرش عندها بحال را داخلة في شهرها بزز باش كتمشى تقضي شي غرض و ترجع ..بقات ام عبد الهادي تقلبها و تشوف و أسيل خاطر و مورال 0 بحال لدخلات حالة اكتئاب بسباب ثقل و بعد علاء عليها و لا عمرو فكر يسول فيها حدها كتهضر مع محامي و هو كيكذب عليها و كيكوليها جلسة تأجلات و كذا قاضي خارج كونجي و كيكذب عليها تا هاذ شهر الاخر كتصوني ليه مكيجاوب و هادشي زاد أزمها بغات ترجع تشوف فين غادي داكشي و لكن مقدرات ...اما عائشة و امينة بقات ليهوم يومين و يرجعو ..علاء مكيخلي تا حد يدخل بيتو جمع شي حوايج ديالو و مشا ابارطومو ديالو بغا يرتاح و نيت دار خوات اسراء في دارهوم و اسماعيل و حاج عندهوم شي خدمة ..كالس علاء في مكتبة ديالو كيف العادة تا كيسمع تيلي ديالو كيصوني هزو و هو يلقا نمرة علي ..

علاء:واخيييرا (هز تيليفونو وجاوب) السلام عليكم على سلامتك اصااحبي شحال وانا نصووني علك ياكما متي

علي:ههه لا كنت ميت عاد رجعات فيا الروح دبا 

علاء:ههه اوا اصاحبي نتا بيخير امورك مزيانين شنو كادير اصااحبي غبرتي شحال وانا نعيط علك من داك النهااار فلكلينيك مابقيت شفتك

وشحال وانا كانعيط وماماين لي جاوبني

علي:اودي غا خليها عالله تطورات الامور فواحد المنحى فششكل راه عاد لحقت نعيط علك والله لمهم الهضرة ماشي ديال التيليفون ماتجيش لعندي

علاء:ااه علاش لاا نجي دبا نيت

علي:ههه صبر اصاحبي انا ماكاينش فالدار انا فمصحة معالجة الادمان غانسيفط لك مسااج فه لادريسة اخووياا ونتسنااك تجي عندي بغييت نهضر معاك ضروووري 

علاء:وااخاا صافي انا نتغداا وانا معاك سيفط لادريسة (قطع علاء مع علي لي فلبلاصة سيفط ليه مساج وحنا علاء راسو على خدمتو مرة خرا حتا قرب آذان الظهر ناض استأذن ومشا خرج مشا للجامع توضا وصلا ورجع للمكتبة سدها ومشا لواحد الريسطو تغدا عاد مشا للأپارطومو ديالو بدل حوايجو ومشا دخل للشومبر ديالو تكا شوية من بعد ساعتاين ديال المگانة فاق علاء ودخل الحمام غسل وجهو وقضا حاجتو غسل يديه ومشا خرج لبس حوايجو ورش پارفان ديالو وقاد حالتو وهو غادي شاف لمرة أخيرة فالمراية هو يحس بشيحاجة ماشي هي هاديك حس بنغزة فقلبووو ضرووو قلبو ماعرفش علاش ولكن حس بإحساس خايب وصافي لدرجة تخنق وبقا مدة عاد قدر يسترجع الانفاس ديالو بقا كايتنفس شحال حتا فاتو الحال هز تيليفونو وپزطامو والكونطاك ومشا خرج من بعد ما سد الباب وهبط ركب فلوطو ديالو ومشا غادي فالطريق لعند علي بقا غادي واحد 45 عاد وصل حط لوطو دبالو فالپركينگ ومشا خرج مشا لمكتب الاستقبال سولهوم على صاحبو اشمن غرفة وجات معاه واحد الفرملية داتو نيشان لعند علي حلات الباب دخل علاء وسداتو من وراه اما علاء دور عينيه البيت كانت كاملة بيضاء اللون وكانت خاوية ما فيها حد گلس فوق واحد الكرسي تما حتا خرج علي من الطواليط وتفاجأ حيت شاف صاحبو جا بالجرا وسلم عله وتعانقو عناق رجولي عاد گلسو)

علي:عااش من شاافك اصااحبي ناري ناري شحال هادي ماشفتك بزااف اتكون 6 شهور ولا كتر 

علاء:ههه شكون شد الحسااب اودي العمر كايدوز دغيا لهلا يحاشمنا وصافي اوا نتا ككيداير بيخير هادشي كامل ايمتا وقع انا راه من نهار جيت عندك لكلينيك وبقيت معاك واحد المدة مابقيت عرفت علك شي خبار غير گالوليا فقتي وصافي لاباس علك بعدا شفتي سخونية الرااس باش كاترجع

علي:شفت اوودي سخوونية الراس كيف گلتي وكانسيو المشااكل بمشااكل كببر منها كنت كانهرب من الوااقع زعما ولكن الطريق فاش مشيت كانت خايبة بزااف عرفتي ا علاء الشهورة لولانيين تيقني بلي وليت صفر حتا الماكلة ماكاناكلهاش مابغيت والو من غير شي كاس ديال الشراب ولا شي جوان ولا شي گارو عرفتي بزاف والله جربت الشعور ديال القطعة ديال بصاح كنت بعض المرات كايضطروو باش يربطوني جربت كولشي العنف البكا الخلعة والو مزيرين الطرح دبصاح اودي غا خليها عالله السلاك وصاافي 

علاء:اودي بااينة فك مابقيتيش بحال لول

علي:ههه اودي شنو شفتي راه كنت كي عود السبسي شي يامات تسوط فيا نطير قلة التغذية الارق حيت ماكنتش مدمن غير على واحد الحاجة حوايج هوما ها الشراب الحشيش وزيد وزيد غا خليها عالله دبا حمد الله مابقاتش عندي دك الرغبة ماشي نهاائيا مرة مرة كاتبغي نفتخ شي جواان ولكن داكشي كايمشي مع الوقت ولا كاندير شيحاجة باش نسي وصافي

علاء:حمد الله والله احسن حاجة هي دخلتي لهنايا حيت وصلتي راسك لواحد الطريق راه بزاف ولكن حمد الله ربي عتقك فالوقت المنااسب تخيل معايا كون متي فدك اللحظة منين خديتي جرعة زائدة باش من وجه غاتقابل مع الله ونتا ماداير تتا حاجة زينة فحياتك سمعني ا علي ربي بغاااك وعطاك فرصة تانية عتقك من الموت هاد المرة عرف كيفاش تستااغل هاد الفرصة مزيان ماتخليهاش ضيع 

علي:لا كوون هاني غير دعي معايا ربي يهديني وصافي راه بديت كانصلي ولكن بعض المرات ياربي تسمح ليا كانقطعها المهم المهم بلا مانكترو الهضرة عليا راه ماغاتسااليش گووليا نتا بيخير الحاجة الحاج العائلة كاملة بيخير؟

علاء:بيخير حمد الله اخويا 

علي:وااحد أسييل لاباس عليها 

علاء:(ضرباتو اللقوة وخاف يقشعو علي هو يقلب الموضووع) گووليا من شحال ونتا هنا علاش عمرك صونيتي عليا 

علي:راك عارف اصاحبي گلتلية الشهورة لي دازو كانت حاالتي وليت كيف الميت اشغانگولك ههه راه غا فقت من الكومة بغييت جوان ههه داكشي علاش الحاجة لهلا يخطيه نيشان جابني للمصحة ماعطلنيش حتا العلاج كملتو هنايا ههه مهم علاء بغيت نگوولك شيحاجة وفنفس الوقت نطلب منك السمااحة اخويا 

علاء:علااش شنوو كااين اخووياا😳

علي:المهم اخويا نتا عاقل داك النهار فاش گلتليك تجي لعنديوجيتي لقيتيني مبووق والدار عامرة بريحة الحشيش ودك الليلة مزال طحت وداوني ليرجوونص

علاء:ااه وعلاه نساا خنقتيني صدقت تا انا شام معاك داك العجب بلا هوايا

علي:اودي غا خليها عالله كون بقات غير فداكشي راه مزيان المهم اخوويا داك النهار فاش جيتي لعندي كنت ديجا حاط الغبرة ديال المارييجواانا فالعصير ديااالي شربتو حتا ترفعت ونتا تجي جمعت داكشي ككنت قاديت كاس ااخور راك شفتيني نيت ولكن ماديتي ماجبتي ملي مشيت نجيب الطبااسل ودااكشي نتااا شربتي العصصيير ديالي ماعرفتش كيفاش درتي واش الكيسان لي تخلطو ولا مانعرف مهم ملي مشيتي عاد عقت شنوو وقع الله هزيت التيليفون نعيط علك حيت خفت لا توقع لك شيحاجة لا قدر الله ولكن فالبلاصة حيت ديجا كنت خديت جرعة زائدة من المخدرات درتها فيدي من بعد مامشيتي حقنت بيها راسي ماعرفت فين كان عقلي ولكن داك النهار كولشي جربتو وجربتيه معايا والله غير سمحليا اخويا اول مرة ماعرفت شنو غايكون وقع لك ولكن راك شفتي كولشي بعينيك 

علاء:(تصدم ملي سمع هاد الهضرة ااو كيدار ليها كيدار حتا شرب داكشي وهو ماحاسش بقا كايعصر فمخو حتا تفكر بلي ملي كب علي العصير كب جوج كيسان واقيلة تخلطو وشرب علاء ديال علي بلا مايحس تنهد ومن بعد نطق) لاا ماااشي مشكل اخوويا ماقصتيش وزايدون انا لي خلطت الكيسان واقيلة واش داك العجب ماعندوش مدااق حيت زعما ماعرفتش وماحسيت بتا شي فرق

علي:لا راه مع العصير داكشي علاش ماحسيتيش بالفرق فالمذاق المهم حمد الله دازت طرييفة

علاء:ااه كانگوول نيت علاش داك النهار مافقتش نصلي الفجر گوول تبوقت بسبابك ههه اودي الله يسمح لينا حيت مايصحابشليا فه شيحاجة

علي:سمحليا والله غير بسبابي وقع هادشي

علاء:واش من نيتك اصاحبي راه ماقصتيش علاش كاطلب السمااحة ماوقع والو غير مشيت للدار طحت نعست 

علي:اوا مزيان حمد الله بعد ماأترااتش فك حيت اول مرة يقدر يكونو عندها اعرااض بزااف 

علاء:الله وعلم ماحسيت بوالو (بفا علاء كايهضر مع علي شحال حتا سالا وقت الزيارة)طهلا فراسك اصااحبي مابقا قدماا فاات (لاحض بلي علي سها ومابقاش مركز معاه وعينيه كايشوفو فبلاصة خرا دار هو يلقا الفرملية لي جات معاه فلول كانت بنت قصيورة وعامرة شوية شعرها كحل مهم زوينة ضحة فخاطرو هو يحنحن) علي الرجووع الله

علي:ااا هههه الخلال اصااحبي الحلااال غير نخرجو من هناا نطير بيها 

علاء:هههه الله يكمل علك بالخير اصاحبي طلق راسك وخرج من هنا ماجاش معاك هاد الحبس (سلم علاء على علي وواعدو يجي عندو عما قريب وفرح لييه حيت باين بلي كاتعجبو دك البنت عندو نفس النظرات لي كان كايديرهوم هو فأسيل وهاد النظرات ماتخفاش عله دغيا نفر من راسو ملي عاود تفكرها علاش تفكرها علاش طاحت فبالو وهو كايحاااول ينساااهااا علاش معششة ليه فدمااغو وحلفات لا خرجات منو باينة هي عايشة حياتها وربما مع شي واحد اخور مجرد التفكير بهاد الفكرة خلا علاء يفقد الاعصااب ديالو ويجمع يدو على شكل قبضة بزز باش تحكم فراسو ومشا خرج من المصحة وركب فلوطو ديالو وهو باقي كاعي ماحاملش راسو وماحاملش أسيييل خااااائنة لعييينة گال عليها جميع الالفاظ لي طيحو على بالكم فدماغو من بعد أخذ ورد إستسلم فالخير من بعد ما سمع تيليفونو لقا الاخت ديالو هي لي كاتعيط جاوبها وهو كايحاول يصطانع فالهضرة ديالو باش ماتبانش عله معصب هضر معاها وهي علماتو بلي راهم رجعو وراها هي والام ديالو فالدار وأخيرا وكايتسنااوه العشااا گاليهم غايجمع حوايجو وغايرجع وداكشي لي كان مشا علاء هو لول للجامع توضا وصلا العصر وداز المكتبة طل على الخداامة وعام محسن باش يسد هو كايضرو راسو ماغايكونش العشية من بعد مشا لواحد الپااتيسري خداا پتيييپاان وحلوى كبيرة ديال الكرييم وبااگيط وشي عصييرات ومشا لأپارطومو ديالو طلع فالمصعد ودخل للدار حط الحلوة والعصير فالتلاجة وجبد كاس وطبسيل دار فيهم داك لپتي پان ودااهم حدا التلفااازة كايتفرج وكاياكل فواحد الفيلم حتا دازت واحد اللقطة فيها البطل نساا على البطلة هي دير له طاان فالراااس لدرجة لاح داكشي لي فموو من هول الصدمة) 😨زعماا يكوون دااكشي فاش كانفكر بصاااح ممممم....ممااايمكنش لا مايمكنش يااربي تحفض ياربي تحفض (ناض بالجرا من بلاصتو ودخل لبيتو وگلس فوق البيرو ديالو شعل لپيسي وبدا كايقلب وهو كايكتب فغووغل *أضرار الماريجوانا!* بقاو كايطلعو له عدة موااضيع ولكن داكشي لي بغاا مالقااه فحتا شي وااحد فييهم عقد حجباانو وحك على لحيتو بعصبية ظاااهرة من بعد بدا كايكتب وهو كايحس براسو تزير والحرارة ديالو بدات كاطلع كتب فكلااڤيي وبقا عدة دقائق مبلووكي وهو كايشوف فداكشي لي كتب *هل الماريجوانا يمكن ان تسبب فقدان الذاكرة* من بعد أخذ ورد مع دمااغه فالاخيير دار Entré طلعو له العرارم ودخل لأول موضوع لقاه وبدا كايقرا ولصقات فدمااغو واحد الجملة هي لي صدماااتو *الماريجوانا تحتوى على مواد يمكن أن تؤثر على وظيفة "الحصين" وهى المنطقة الموجودة فى الدماغ المسئولة عن تشكيل الذكريات* بقا مبلووكي وهو كايقرا فدك الجملة لعدة دقائق والافكاار دياالو مخربقيين ومشتتين) 

علاء:(بقا كايفكر مدة وبقا داخل خارجة فالمواضيع كايحاول يقتاانع وماقادرش بقا هكاك حتا طفا الپيسي فاللخر وبقاا شاد رااسو من بعد عدة دقائق شاف فتيليفونو وعرف بلي ودن المغرب ناض دغيا دخل للحمام توضا وخرج صلا جمع دك الروينة وجمع حوايجو لي جاب معاه هز الحلوة وداكشي من التلاجة ومشا خرج وسورت الدار هبط وحط داكشي ديالو فلوطو ومشا تحرك وهو كايحاول مايفركش فداك الموضوع بزاف مابغاش وماقادرش يستحمل دك الفكرة لي هبطات عله ومتقلة علييه وكاتخنقو وغاتقتلو لا خرجاات صحيحة بقا علاء سااهي وغير كايسووگ عقلو مامعاهش حتا وصل للدار وهو كايتعجب كيفاش وصل سالم غانم هز داكشي ديالو كامل ومشا دخل للڤيلا لقا الام ديالو كيف العادة گالسة فنفس البلاصة مشا عنقها وباسها فوق رااسها وباس يديها وهي كاترضي عليه سلم على الاب ديالو وعلى خوه عاد جات أمينة حالة فمها كاضحك عنقات خوها كاضحك معاه هو كذلك بادلها العناق توحشها وتوحش هبالها سلم على إسراء والدراري حيت هاد االايام كان فالأپاارطومو ديالو عطا لإسراء داكشي وداتو للكوزينة اما هو گلس كايتعاود مع عائلتو من بعد إستأذن منهوم باش يطلع يبدل حوايجو ويهبط يتعشاااو مجمووعين وداكشي لي دار طلع علاء لبيتو بدل حوايجو ودخل توضا وخرج صلا حيت ودن العشا من بعد ما سالا طوا صلايتو وهو كايقرا آية الكرسي وهو كايشوف الپلاكار فه حوايجهاا فوق الكوافوزة باقي فه پرودويياتها كولا بلاصة من البيت كاتفكرو بيها تنهد بعمق ومشا جبد واحد الشاكوش صغير كايجمع فه داكشي ديالها حتا سمع الدقان وبالجرا طلق داكشي لي فيديه وطفا الضو ودار راسو خارج وحل الباب لقاها أمينة ختو)

أمينة:خووويا ساليتي زييد هبط نتعشاااو 

علاء:واخا انا هاابط

أمينة:صافي (مشات أمينة وقبل ماتهبط رجعات عند خوها دغيا) خويا گووليا كيجاتك المفاجأة ديال داك النهار اوا عجبوك الافكار ديالنا شحال هادي كنت كانبغي نسولك وكانسا ودبا عاد جابتها الوقت 

علاء:اشمن مفاجأة؟؟؟ مافهمتش

أمينة:ديال أسيل ا خويا اويلي نسيتي واخا دازت عليها مدة ولكن ماشي مشكل راه انا لي عاونتهاا والله واخا تا بسمة عطاتها أفكار ولكن انا بزااف كنت شفتها فواحد البرنامج واحد التركي عتارف لمرتو بنفس الطريقة

علاء:اميينة هداي عليا علاياش دااوية 

أمينة:خويا ماالك😳 داوية على نهار أسيل بغات تعتااارف لك بلي راها كاتبغيك مهم ملي كنتي جاي من عند علي واخا ماعرفت ماالكم خويا شنو المشكل آآ الحاج كايعيط زيد نتعشااو 

علاء:واخا (هبط علاء وهو تفيرو مشوش كيفاش بغات تعتااارف له كييفاش يمكن تبغيه وهي خاانتو مع وااحد ااخور هبط علاء فالدروج ومشا گلس وهو عقلو مامعاهش كلا غير شوية وإستأذن وگاليهم راه شبعان ومشا طلع لبيتو وبقا گالس شاد راسو كايفكر كايحاول يربط الاحذاث مع بعضياتهم ماكاينة تا حاجة لوجيك فهادشي لي كايوقع دبا كاتبغيه وبغات تعتارف له ولكن خانتو وحملات من واحد ااخور بزاف ديال الحوايج ماحسش علاء بالوقت شحال داز وشحال ديال الوقت بقا فدك الوضعية حتا تنملو عله يديه وفالاخير ناض خائب الامل وهادشي لي عرف والو ومابغاش يزيد يحرق راسو فهاد الموضوع ضرو راسو وماحاسش براسو مزيان بغا يتكا هو يشوف الحوايج ديال أسيل وداكشي ديالها لي كان جامع حل الپلاكار ومشا هز داكشي باش يحطوو فلحظة وبدون ساابق إنذار طاااح واحد الپارفان ديال أسييل وفزعو حيت كان سااهي لاح داكشي من يديه معصب وتحنا باش يجمع الزااج هي ضربوو الريييحة وفي لحظة دمااغو بدا يعرض عله صور ومقااطع مشوشة هاد الجييست ديجا داز على عينيه ديجا وقع بحال هااد الموقف نفس الرييحة نفس البلاصة شد علاء رااسو وهو كايتفكر شي لقطات ولكن هو ماعارفش كيفاش غايربط بيناتهم دازت قداامو واحد اللقطة *أسييل تحنات تجمع الزااج وهي لابسة غير فوطة ديال الحمام جرحات يدهاا شد ليها فيدهاا وبااسهاا وحط صبعها ففمو* بالجرا تاني تبدلات ودازت لقطة خرا *

كانت غادة جرحات رجلييهاا گلسات على النااموسية جا هو عاونهااا* حل علاء فمو من هول الصدمة ومشا بلا مايحس جيهة الناموسية دياالو وبقا كايقلب علاياش ماعارفش ولكن تابع الحدس ديالو وصافي بقا كايشوف فالزربية وهو يحيدها من بلاصتو وبانو له نقااط من الدم بسرعة دازت قدامو لقطة اااخرة *أسييل ناعسة عريانة هو فوق منها كايهمس ليها فودنييهاا* طاح علاء لارض وهو كايشوف فهاد الشرريط لي كابدوز قدام عينيه وهو ماعارف والو تفكر القمييش لي لقااه فعنقوو داك النهار وبسرعة حط يدو على عنقو ولكن مابقاش الاثار وولكن عقلو باقي عاقل واخا غايب عن الوعي فدك اللحظة وهاد الموقف لي وقع معاه ديال الپارفان خلا ذكرى مدفوووونة فأعمااق الذامرة ديالو تخرج واخا مشوشة وكادوز لقطة مورا لقطة مامتراابطينش ولكن صاافي علاء بدات الحقيقة كاتوضاح قداام عينيه تفكرها مني گاالت ليه واش صلييتي تفكر بلي كانت لااابسة ترييكو وهي ناعسة وهي عمرها دارتها وهو شااف شيحاجة حمرة فعنقها داك النهار غير مابايناش حيت مغطيها التريكو وماحققش بزااف شد رااسوو لي بداا كايحرقو وهو كاايحااول يتفكر كولشي وفلحظة داز كوولشي قداااامووو كوولشي لي ددار بيناتهم دك الليلة حتا من أبسط الكلمات وهو سااهي كايشوف فالاارض وكايردد الكلمات لي نطق بيها شحااال هاادي وهو بين أحضاانها ولي سمعاتهم ليه أسيل فآخر نقاش دار بيناتهم)

*عينااك مقبرة لي...... 

جسدك خنجر يذبحني...... 

عينيك شمس إن رمشت نورها لا ينطفئ.......! 

شفاهك تروي عطشي....... 

فيا معذبتي إرحميني وإروي عطشي......! *

علاء:(بقا كايعاود هاد العبارة شحاال ديال الوقت عقلو ماقادرش يستوعب ماقادرش يتيق بلي دااارهااا ناض وبقا كايتمشا بخطوات بطيئة جيهة الپلاكار تحنا على ركابيه وحل المجر لي فلتحت وجبد منو واحد الساروت وفلپلاكار جبد واحد الصنيديقة كحلة حلها بداك الساروت وجبد منها الايزار الايزار لي شهد على البراءة ديال أسيل شاهد على الطهارة ديالها ودليل قاطع على برائتها من گاع التهم لي وجه ليها من قبل حل علاء داك الايزار لي كان مطوي بعناية فائقة تفكر كولشي تفكر دك الليلة لي كانت بالنسبة ليه أسعد ليلة فحيااتو وهو بيديه خربها ورجعات ليلة مشؤوومة وذكرى حزيينة بزاف دارها بيديه شاف نقط ديال الدم لي كرم فداك الايزار وغمض عينيه بحسرة عقلو تلقائيا دار عملية حساابية حسب الوقت وعرف بلي ولدو هاداك وهو اصلا مابقا عندو تا شي شك ولكن ماقدرش يمنع رااسو لاح الايزار وهو مصدوم كايتفكر الهضرة لي سمع ليها كاملة مامتيقش راسو دارها مامتيقش بلي غلط هاد الغلطة الشنيعة فحقها دارها قد رااسو بقا كايتفكر كل كلمة گالت ليه تفكر نظراتها الاحتقاااارية ملي كانت كادوي معاه اخر مرة تفكر كلمااتها وهي كاتگووليه ولدي بوحدي تفكر مني گالتليه حق اليتيم ماغاديش اضيع تفكر ملي گالتله غاتقلب عليا وماغاتلقانيش وغايندم حيت ضيعها وبالفعل ندم حتا ندم الشعر فراسو آخر كلمة طاحت فبالو مني گالتليه كانكرهك حس براااسو شيطاااان غلط أكبر غلطة فحياااتو كاااملة كيفاش قدر يديرها فتاة من ألماااس قدر اهرسها ويشوف نظرات الانكسار بداخلهااا حس بصدرو ضااق عليه مابقاش قادر اتنفس)شنووو درتت اربيي شنووو درررت ضلمتهاا كرهتهاا فياا نكرتهااا وشكيت فيها وفشرفهااا شكيت فولدي وهو بااقي غا نطفة فكرشهاا يااربي شنووو درت ياااربي تأنيب الضميير غادي يقتلنييي غلللط بزااف فحقهااا غللط غللطط ومعتااارف بالغلط ديااالي ياااربي عاااااوني شنوووو غاااندير مانقدرش نصبر (ناض علاء بجهااالة وبدا كايضرب فراااسو ماكانش وااعي نهائيا لي لقاها كايضرب بيها راسو وكايغوت لدرجة گاع لي فالڨيلا فاقو شهد مشات كاتجري عند ماماها خاايفة اما عائشة والحاج عبد الحفيظ فيقهوم غواتو وناضو كاملين كايجريو كايحاولو يحلو الباب ولكن كان مسوورت من الداااخل) 

عائشة:علااء ولدييي شنوو وااقع لك علاء الحااج شنوو وقع ولديي مااالو علااء حل الباااب

أمينة:(جاية كاتجري)هييه شنو وقع سمعت غواتو من البيت ديالي شنوو وقعع ماالو 

إسماعيل:جري جيبي السواارت لاخرين الحاجة فين السوارت لاخرين

عائشة:آآ رااه كاينين تمااا فبلاصتهوم

الحاج:جري ا أميينة جري جيبي السواارت نعرفو ماالو علاء حلل اولديي مااللك

علاء:(وااخاا كاسمع فييهم وكولشي ولكن مااقدرش يهضر ولا يجاوب شي حد بقا كايضرب فرااسو وينتف فشعروووو ويغوت ربي لي خلقوو)

أمينة:(جابت السوارت كاتجري وعطاتهم لخوها لي كايحاول يحل الباب ولكن للاسف الوارت كانو مخشيين فالباب من الجيهة لاخرة ماقدرش يدخل حتا السوارت بقا معاقر معاه حتا عياا وفلخر بداا كايدق عله) علاء خوووياا حل هاد الباااااب

عائشة:ولديي مااالك عاافااك ارلدي ماتحرقش ليا قلبي كتر من هكا ماالك حلو الباب هرسوووه الحاج ديير شيحاجة (وهوما في أوجه الخصام ديالهم والرعب لي دوزوه تحل الباب على غفلة منهوم حلو علاء لي مابقاش قادر يصبر ومن بعد ما عيا من الغوات وخارت القوى ديالو بقا كايجر رجليه حتا حل ليهم الباب بزز وهو داايخ ورجليه بزز باش هازينو كاملهوم تصدمو ملي شاافوووه كان كاملو جروح والدم وحالتو حالة تصدمووو وماعرفو مايگوولوو)

علاء:الواااليدة درتهاا بيييدياااا اناا لي درتهااا انا سبااااب...ها.. (قبل مايكمل علاء هضرتو كان غاب عن الوعي وطاح عالارض غوتات أميينة وعائشة جاتها السخفة اما إسماعيل بالجرا نقز عند خوه كايحاول يفيقو ملي ماقدروش مشات أمينة دخلات للبيت وهي مصدومة كااملها مشخشخة وحااالتهاا هزات تيليفونو وعيطات على لومبييلونص وأكدات عليهم يجيو دغيا وخرجات عندهوم هازة پارفان فيديها عطاتو لباها ومشات حدا مها مخلوعة كاتبكي على خوها وعلى ماماها لي عينيها مشقلبين وفأي لحظة يقدر طيح تاهي بقاو مدة وهوما كايحاولو معاه خرجات إسراء من بعد مانعساات وليداتها غا بزز كاتحزم فزيفها ملي شافت علاء سخفاان تصدمات سمعو صوت لومبيلونص وومشا إسماعيل حل ليهم اما أمينة جابت شال ليها ولمها طلعو المسعفين داروه فالحمالة وهبطوه بعنااية ركب معاهم الحاج بينما إسماعيل ومو وختو ركبو فلوطو تابعينهم وإسراء بقات فالڤيلا على حساب وليداتها بقات مخشية حداهم وشادة تيليفونها فيديها كاتسنا غير إسماعيل يعيط يطمنها اما هوما من بعد ماوصلو للكلينيك دخلو كايجريو بيه للبلوك والعائلة ديالو كاتسنا على برا من بعد مادازت واحد المدة خرج عندهوم الطبيب)

الطبيب:نتونا هوما عائلة المريض ياك

أمينة:اااه ااه هوما حنا مال خويا شنو وقع ليه

الطبيب:لللاسف الاخ ديالك جاه إنهيار عصبي حااد وكون تعطلتو شوية كان غايمشي فيها واش عندو شي مشكل ولا شيحاجة على حساب الحالة لي هو فيها دبا راه مشككل كبييير على أي المريض خاصو يعطي راسو الرااحة التاامة بالنسبة للجروح راه الممرضات كايدااويوهوم له غير جروح سطحية مهم عطيناه مهدئ وغدا ان شاء الله غادي يفيق الله يجيب الشيفا

الكل:ااامين ااميين

عائشة:ولدييي مااال ولدي شنوو وقع ليه شمن نهياار 

أمينة:اشمن مشكل عند خوووياا مافهمتش انا كايباان ليا عادي وغير قبيلة كان عاادي صحة سلام

عائشة:لاا علاء كان مبدل ولكن مااشي لهاد الدرجة شكوون وصلو لهاد الحالة

الحاج:دبااا باراكة من النواح لي عطا الله عطاه حمد الله ملي ولا بيخير غدا من يعد مايفيق غانفهمو كولشي دبا خاصنا نرجعو للدار الطبيب گالينا ماغايفيق تا لغدا ماكاين لاش نبقاو هنايا إسماعيل إسراء غاتكون باقي مانعساات...

عائشة:لا انا بغيت نبقا هنا تايفييق

الحاج:الحاجة راه 12 ديال الليل هادي ماغايفيق تا غدا غير يفيق غانجييو ولكن دباا ماغانستتاافدو والو وزايدون راكي عيااانة انا غانعطي النمرة ديالي للطبيب غير يفيق ولا غير يصبح الصباح نوقفو على راسو

عائشة:وااخاا ان شاء الله لي بغيتي

الحاج:انا غانمشي نخلص 

عائشة:(ومات له براسها ومشا يخلص اما هي دورات وجها كاتشوف فالشرجم وكاتشوف ولدها مركبين ليه السيروم وناعس بلباس المستشفى) 

أمينة:ماما مااتخاافيش

إسماعيل:زيدي للدار ترتاحي خويا غايكون بييخير 

أمينة:ااه اماما خوويا قوي غاينوض لينا بالصحة والسلامة ان شاء الله يكون خير ماتخمميش بزاف

عائشة:ان شاء الله ان شاء الله 

*من بعد ما رجع الحاج خرجو كاملين من المستشفى وركبو فلوطو ديال إسماعيل ورجعو للڤيلا لقاو إسراء سدات الباب ديال البيت د علاء وخلاتها هكاك ماقدراتش دخل تجمعها حيت الليل هادا وتاني حاجة علاء مابغا تاواحد يدخل للشومبر ديالو وداكشي لي دارو كاملين كولا واحد مشا لبيتو كايحاول ينعس تا داتهم الغمضة وناضو صلاو الفجر ورجعو نعسو الا عائشة لي بالها مامرتااحش وحاسة بلي هادشي لي وااقع بسباب أسيل وهضرت علاء وهو كايلوم فراسو مافهماتش تا كانت غاتمشي تفيق أمينة تعطيها تهضر مع أسيل هي تراجع ومشات لبيتها كاتحزر فالنعاس يديها وهي مقررة تخلي الامور حتا يفيق علاء ويفهمو منو كولشي كيفما گال الحاج صبح الصباح وفاقت العائلة فطرر فالداار وإسراء دات بنتها للمدرسة اما إسماعيل مشا طل على المكتبة حلها ووصا لي خدامين تما ورجع للدار ركبو كااملين وإسراء دات آدم ولدها حيت بغات طمن على علاء تا هي ومشاو لقاو علاء بدلو له الغرفة وباقي گاع مافاق بقاو واحد الساعتاين عاد بدا علاء كايفيق ودخل عندو الطبيب هو لول حتا فحصو مزيان عاد خرج وخلا عائلتو دخل عندو ويدخلو له مايااكل اما هوما دخلو عندو ملهووفين

علاء:(فاق كايضرو راسو وكولا بلاصة من الجسم ديالو ولكن الالم والوجع لي كايحس بيهم الدااااخل ديالو كايعدبووه وأسوء مليون مرة من هااادشي لي كايحس بيه دبا دخل عندو الطبيب كايفحص فيه وهو ساهي ماردش ليه البال حتا ملي خرج قاطعوو السهوة ديالو من بعد مادخلو عندو عائلتو وهو فرح حيت شافهوم وكايحاول يطمنهوم حيت باين القلق من وجوهوم)

عائشة:ماالك اولدي شنو وقع لك اشمن مشكلل هادا لي نتا واقع فه ومخليك توصل لهاد الحالة

علاء:مشكل الله يهديك الواليدة غير كاتزيدي فه راه غير الستريس ومع هاد ليام معصب ماعرفت شنو وقع ليا

أمينة:ولكن الطبيب گالينا جاك إنهيار عصبي اخوويا وهادشي مايمكنش اكون غير بالستريس ولا بالخدمة 

علاء:😳إنهيار عصبي ماعرفتش ولكن كونو هانيين ماوقع والو وماكاين تا شي مشكل العكس (فخاطرو *تحل المشكل وبانت الحقيقة وطحت فمشششكل كبببر منووو* بقا علاء كايقنع فواليديه ويطمنهوم عله ويحاول يضحك معاهم واخا الداخل ديالو راه هجرو ديال بصاااح بقاو معاه النهار كاامل الام ديالو وختو وباه اما إسماعيل وإسرااء كان ضروري يمشيو على قبل بنتهوم الطبيب عطا لعلاء إذن بالخروج الغد ليه طبعا بعد الالحاح الكبير ديال علاء رجعو كاملين للدار وطلب من إسماعيل خوه يجيب ليه شي حوايج من عندو ويسورت الباب ديال بيتو باش مايدخل ليها تا واحد وهادشي طلبو علاء من الام ديالو وختو وگاليهم يخليو الشوومبر هكاك حتا يجي هو وهوما حتارمو القرار ديالو واخا ماشي منطقي اما علاء صلا العشاا وصلا قيام الليل بقا دك الليلة كاملها غير كايصلي ويطلب الله يغفر ليه حيت دار دنب كبييير فحق المرأة لي بغاا من بعد ما صلا الفجر عاد قدر ينعس واخا تأنيب الضميير كاايااكلو من الداااخل وكايتفكر الهضرة ديال أسييل لي بحال الأسيد كاتقطر على قلبو كاتحرق فيه ماحملش راسو نهائيا ولا عايف راسو وماباغيش حتا يشوف فالمرااية من بعد ما صبح الصباااح جاو العائلة ديال علاء وهو فاق على صداعهم واخا باقي عيان لبس حوايج إسماعيل وجا الطبيب فحصو مرة أخيرة عاد سمح ليه يخرج من بعد ما وصاه بالراااحة ويتجنب السترييس و يبعد على الخدمة هاد ليامات ركب علاء فلوطو ومشاو رجعو للدار حطات ليهم إسراء الفطوور كلاو وعلاء طلع لفوق باش يرتاح دخل لبيتو وهو كايشوف فيها كيفما خلاها كاملة مشخشخة هز داك الايزار ورجعو بلاصتو هو الوحيد لي خبا جمع حوايجو وخرج من الشومبر وسورتها مزيان وخبا الضوبل ديال السوارت عندو ومشا گلس فبيت الضياااف هبط الرييدووات ونعس حيت كان عيان الليل بقا سهران وفنفس الوقت ولا تايجيه النعااس أرحم ليه من أنه يبقا فايق ويتعذب ويأنبو ضمييرو💔)

يتبع في الجزء الأخير