علاء:(بدل حوايجو ولبس ديال الدار وغسل يديه عاد هبط لقاهم قادو الطبلة گلسو كاياكلو في صمت وهو مامركزش معاهم أصلا اما نور كاتسرق منو الشوفات بعض المرات سالاو وناض طلع مشا لبيتو وتكا وحاط يديه على وجهو كايفكر)ممم اصلا داكشي شغلها عاداك خاصني نهضر معاها مرة خرا ااه ضروري بغيت نعرف علاش بنت بحالها كادير هادشي كامل واخا غاتجي صعيبة ندخلها هاد الدخلة ولكن هي مديينة ليا بالشكر اصلا غانگوليها عارف كولشي غاتكون مضطرة تعتارف ااه صاافي ولكن شنو ندير واش غير نوقف عليها ونگوليها بغيت نهضر معاك لا ماجاتش اوف من بعد ونفكر فهادشي ماشي وقتو
♡عند البطلة ديالنا♡
أسيل:بسسمة توحشت نخرج طونوبيلتي ندور بيها
بسمة:ههه تا انا
أسيل:اشبالك نخرجو ندورو شوية ماحد ماما باقي ناعسة
بسمة:لا اختي انا باقي مازاعمة وزايدون خايفة يوسف يشوفني ويجي يهضر معايا تاني
أسيل:لا مااغايهضرش
بسمة:😳😒باش عرفتي
أسيل:والو غا عرفت حيت الهضرة لي گلتيليه صدماتو بزاف
بسمة:هههه ااه صافي نساي انا اصلا عياانة مافياش
أسيل:ممم واخا (هزات أسيل تيليفونها كاتكونيكطا حتا طاح فبالها علاء هي ماكاتعرفو ما والو ولكن بغات تقلب عله ففايسبوك ولكن شنو غاتكتب دارت غوشيغش فمدينتها وكتبات علاء وخرجو ليها المئات غوبشات وبدات قلبات لول والتاني وبقات هكاك حتا عيات هي تخرج من داكشي طفات كونيكسيون ومشات لبيتها دخلات وجاها ملل رهيب هزات كتوبتها وبدات كاتراجع غير سالات شافت فاالساعة كانت 3.30 يعني باقي الحال وماعندها مايدار مشات قدام الكوافوزة ديالها وهزات الميكاپ ديالها بدات طلي لوجها وكاديرو بإحتراف غير سالات شافت فراسها مبهورة ملامحها بانو فشكل بقات كاتسيلفا حتا عيات مسحات الميكاپ ديالها عاد هزات راسها ومشات خرجات من البيت لقات ماماها باقي ناعسة وبسمة كدلك بقات غير بوحدها تفقصات)اويلي هادا گاع عگز فيكم (مشات لبيتها من بعد ماطاحت عليها واحد الفكرة عجباتها هزات 1000 درهم من الفلوس لي عندها بدلات حوايجها ولبسات حوايج الخروج خلات مساج لماماها ولبسمة بجوج وخرجات من الدار بقات غادة على رجليها حتا لقات طاكسي ركبات وگالتله اديها لشي صال ديال السپور قريب وداكشي لي دارت وصلها مامانش بعيد عليها بزاف مشات دخلات وتفاهمات مع هاديك 3 دالمرات فالسيمانة صافي خلصاتها ومشات رجعات للدار من بعد ما مشات للمخبزة وخدات واحد الحلوة ديال لاكريم طلعات لدارهم لقاتهم فايقين دارو كاسكروط وگلسو حتا وصلات وقيتة الخدمة مشات خديجة وبسمة كدلك اما أسيل غير خرجو ضرباتها بنعسة مافاقت تا لغد له مع 7 حيت قارية دارت الروتين ديالها المعتاد وبسمة كدلك خرجو بجوج من بعد مافطرو شدو طاكسي وصلهوم أسيل دوزات الحصص ديالها وهي تصوني على بسمة گالتليها تسبقها للدار حيت خاصها دوز للمكتبة تقلب على واحد الكتاب بقات غادة غير على رجليها حتا دخلات للمكتبة أكيد عرفتو ديالمن) السلام عليكم
.....:وعليكم السلام
أسيل:عافاك بغيت الكتاب ديال *****
.....:واخا اختي صبري شوية
♡عند البطل ديالنا♡
علاء:( فاق بالليل توضا وصلا قيام الليل لبس حوايجو وخرج للجامع وصل ملي ودن الفجر صلا ورجع لدارهم قرا شي سور من كتاب الله حتا جاه النعاس تكا ونعس حتا صونا تيليفونو كايعلمو بلي وصلات وقت الخدمة لبس حوايجو من بعد ما غسل وجهو وسنانو هبط فطر هو وعائلتو مجموعين سالا فطورو إستأذن ومشا لخدمتو دوز الصباح ديالو عادي وصلات الوقت ملي بغا يخرج هو يجي عندو واحد الدري خدام عندو گاله على واحد الكتاب طلباتو واحد البنت وهو كايسمع جاه فضول واحذد الحاسة فشكل بلي أسيل هاديك طل عليها من الفوق وعرف بلي إحساسو كان فمحلو ابتسم ابتسامة شر وهو يعيط على داك الدري لي كان غادي بالكتاب باش اهبطو)صافي انا غادي نمشي نعطيه ليها نتا سير شوف الناس لاخرين
.......:واخا اموسيو
علاء:(گلس وجبد ورقة صغيرة كتب فيها {{السلام عليكم بلا مانگولك شكون انا حيت غاتعرفيني ملي غانعطيك الكتاب المهم انا خاصني نهضر معاك وراك عارفة علاياش من بعد مايصليو الناس العصر نتلاقاو ف بوتي جارداه لحدا العمالة ماغاناخدش من وقتك بزاف المهم غانتسناك تما ااه راه خااصك تجيي!! }} طوا علاء الورقة وفتح الكتاب حطها تما وسدو ومشا هبط)
أسيل:(لي كانت كادور فعينيها بملل حيت تعطلو عليها بقات كاتشوف فرجليها وكاتفكر بلي خاصها تشري دك السبرديلة لي بغات حتا حسات بشي حد وقف بلا ماتهز راسها كاتسنا اجبد الكتاب داكشي حط ليها الكتاب قدامها شافت فالكتاب وهي تنطق) ااه هو هادا بشحال
علاء:175 درهم
أسيل:(سمعات صوت ماغريبش عليها هزات راسها وهي تصدم😱وحلات فمها)
علاء:(حاط لكتاب وماكايهزش فيها عينو)
أسيل:(شافت علاء لي ماهزش فيها عينيه حنحنات وهزات الكتاب كانت باغة تگوله انقص وتستاغل الجمال ديالها ولكن مع علاء ماقدراتش تربط ليها اللسان هزات پزطام ديالها من الصاك وهي كاتحاول تفاداه جبدات الفلوس ومداتهوم له وهو كدلك هز يدو وشدهوم وقع بيناتهم إلتقاء جسدي بسيط طلقات من الفلوس دغيا وهو مابانت على وجهو حتا شي ردة فعل رد ليها الصرف ديالها وهزات الكتاب وخرجات بلا ماتلفت موراها غير خرجات وبقات غادية فالطريق) اووف گاع هادي صدفة ناري على معقد ضربني الضو فاش قاس صبعي ناري (بقات أسيل غادية وكاتهضر غا راسها حتا لقات راسها رجعات للمدرسة بلا ماتحس مشات قطعات الشانطي وقفات كاتسنا الطاكسي بقات واقفة حتا خرج فيها واحد البعلوك لاح ليها الصاك والكتاب وهو مشا كايجري) الله امسخك البعلووك العور لاااخور😡 (تحنات هزات صاكها وهزات الكتاب لي طاحت منو ورقة صغيرة هزاتها وحلاتها قراتها وهي تبدا تبتاسم بإستهزاء) مامتيقااش هادا هو المعقد لي ماكايهزش فيا عينيه مافهمتش انا مخلي مراتو وجاي عندي ناري مامتيقاش لي شوفو يگول هنا نبات كان دافع كبير وماكايهزش فيا العين ودبا بغا يتلاقا بيا ههه وفالجردة مزال ههه 😏اصحابليه غايصيدني بهاد الحركة غير بان على حقيقتو كان مخبي تحت وجه الدين وداكشي ساعة هو غير كداب وزلال پفف (كمشات الورقة ولاحتها وهي كاتبتااسم بإستهزاء حسات بشي حد قاس ليها كتفها هي دور)
....:سلام ختي
أسيل:سلام
.....:عافاك كنت واقفة لهيه وشفتك هازة الكتاب ديال **** ماتصوريش شحال قلبت عله ومالقيتوش عااك بغيت تگوليليا فين غالقاه
......:ااه المكتبة ديال ديال داك المعقد التيتيز ههه
أسيل:(ههه المعقد طلع زلال😏)ااه
.....:شكرا بزاف اختي
أسيل:العفو😇(مشات دك البنت وأسيل بقات كاتسنا حتا جات طاكسي ركبات ومشات ملي وصلات خلصاتو دخلات وطلعات حلات الباب دخلات وسداتو مشات عند ماماها باستها وبسمة كدلك حيت سبقااتها دخلات أسيل لبيتها بدلات حوايجها ولبسات پيجامتها مسحات الميكاپ لي دايرة بديماكيون وغسلات وجها بصابون ديالها ودارت كريم نهاري خرجات عندهوم لقاتهم كايحطو الغدا عاوناتهم تغداو في جو مرح سالاو غسلات أسيل الماعن وجففات الدنيا ومشات دخلات لبيتها هبطات الرييدووات وتغطات نعسات وكدلك بسمة وخديجة صونا تيليفون أسيل فاقت طفاتو وسمعات العصر كايودن وبدات كاضحك فخاطرها ومشات كاطل فالشرجم من بعد ماطلعات الريدو) هههه كاينة الشمش خليه إتشمش تما ههه😋 دخلات للحمام قضات حاجتها ومشات عند بسمة لقاتها فايقة وكاتكونيكطا گالتليها يمشيو اخرجو يدورو وافقات بسمة على مضض شكون يقدر يغير الرأي ديال أسيل وهي راسها قسح من الحجر ناضتت بسمة تبدل وأسيل كدلك رجعات لبيتها ولبسات حوايجها دارت ميكاپ ديالها وطلات على ماماها لي كانت ناعسة خلات ليها مساج ومشات عند بسمة لقاتها موجدة راسها دارت تيليفونها والسوارت فالجيب والفلوس طبعا خرجو من بعد ما سدو الباب وهبطو وبقاو غاديين حتا جات طاكسي وقفوها وركبو وصلو خلصوها ومشاو وأسيل كاضحك ملي كاتخيل داك المعقد وهو واقف كايتشمش كايتسناها بقات هي وبسمة كايدورو من هنا ومن لهيه....)
♡عند البطل ديالنا♡
علاء:(من بعد ما مشات أسيل بقا شوية حتا قرب الضهر يودن واستأذن ومشا ركب فلوطو ديالو ومشا للجامع توضا وصلا وخرج وخرج ركب فلوطو ديالو حتا وصل لدارهوم حط لوطو ديالو دخل كايسمع شوية دياال الصداع على غير العادة دخل للصالة لقا الاب ديالو مع رجل تجاوز الخمسينيات من عمره والنور سبحان الله باين على وجهو سلم عليهم بجوج وعرفو الاب ديالو عليه)
الاب:علاء ولدي هادا السي عبد الله العمراني
علاء:متشرفين اعمي
الاب:ولدي السي عبد الله عايش فالسعودية ملي مشيت انا والحاجة هوما لي ستقبلونا عندهوم ودبا جاو هو والحرم ديالو وبنتو باش يصيلو الرحم مع عائلتهم لي كاينة فكازا ولكن مالقاوهومش حيت سافرو للولايات المتحدة وجا عندي يزورني
علاء:مرحبا بك اعمي الدار دارك
السي عبد الله:ترحب بك الجنة اولدي
علاء:(بقا گالس معاهم شوية وتعرف عليه وقتارح عليهم علاء والاب ديالو باش يگلسو هاد المدة عندهوم بلا مايمشيو لأوطيل رحب السي عبد الله بالاقتراح بعد إصرار من علاآ والاب ديالو دخل إسماعيل من الخدمة وتا هو گلس من بعد ما سلم عليهم اما علاء إستأذن باش يمشي يبدل حوايجو داز للكوزينة لقا الام ديالو مع حرم السي عبد الله سلم عليهم ورحب بيها طلع للفوق وداز على الغرفة ديال خختوو وسمعها كادوي مع شي وحدة ولفت نظرو الحديث بيناتهم على الحجاب عرفها بنت السي عبد الله گاليهم السلام عليكم وعرفاتو أمينة على أماني لي كانت فتاة متحجبة عندها حقها من الزين وكاتلبس الحجاب الشرعي)
علاء:(دخل لبيتو بدل حوايجو وغسل يديه وهبط گلس مع الرجال من بعد دقائق كانت الطبلة ديال الغدا واجدة ومحطوط فيها ما لذ وطاب گلسو الرجال مجموعين كاياكلو لوحدهوم والاب ديال علاء مع الحاج العمراني كايهضرو وباينة الاب ديال علاء فرح حيت لقا معامن يجمع كملو غداهم وناضو مشا علاء للبيت ديالو اما الحاجة عيشة گالسة على طبلة الغدا هي وأماني وأمينة والحاجة فاطمة وإسراء ونور كدلك واخدين راحتهوم وكاياكلو فهدوء نرجعو عند علاء لي گالس فوق الناموسية ديالو كايقرا بعض الايات القرآنية وصلات 2:30 ناض لبس حوايجو وتريح بريحتو المعتادة ديال المسك ولبس تقاشر ديالو جداد وصباط ديالو هز پزطامو والكونطاك ديالو ومشا هبط سلم عليهم كاملين ومشا لخدمتو كان مركز فخدمتو حتا قرب يودن العصر إستأذن ومشا للجامع توضا وصلا ومشا للبلاصة فين دار مع أسيل گلس وبقا كايتسنا بيها تجي...)
♡عند البطلة ديالنا♡
أسيل:(بقات كادور هي وبسمة حتا عياو دخلو لواحد المحال غير خرجو وهي تصدم أسيل) 😳
....:أسييييل!!!!
أسيل:عليي!!!!
علي:واااو (جا سلم عليهم بجوجات) مفاجأة زوينة هاادي
أسيل:هه السكاايري ليووم صااحي ااح نسييت بسمة هادا علي علي هادي بسمة
أسيل:صافي زيد(مشاو مع علي داهم لواحد القهوة زوينة طلعو للفوق لي وگلسو جا السيرڤور خدا من عندهوم الطلبات ومشا اما أسيل بقات مجمعة هي وعلي شحال كايضحكو وبسمة مشاركة معاهم فالحديث من بعد ما جابو ليهم المشروبات ديالهم سالاو خرجو من القهوة) اوا دبا شنو
علي:نضربوها على الرجل تانوصلو لوطو ديالي ونوصلكوم واخا باقي باغي ندوز معاك أكبر وقت ههه
أسيل:(قبل ماتجاوب شافت فبسمة باش تشاور معاها ولكن شافت بسمة وجها بدا كايصفار وكاترعد ومشات كاتجري دخلات للقهوة الشي لي خلا علي وأسيل كايشوفو مصددومين) انا غاندخل نشووفها (دخلات أسيل كاتجري وكاتقلب على بسمة بعينيها سولات واحد تما وگاليها دخلات للحمام مشات دخلات وبدات كاتعيط) بسسمة بسسمة
بسمة:انا هنا
أسيل:ماالك علاااش هربتي
بسمة:أسييل شفتووو شفتوو
أسيل:شكوون😳
بسمة:يوووسف يووسف شفتو كان دايز مابغيتوش يشووفني داز هو وصحابو
أسيل:اووف ماتخاافيش ماغايشفووكش راه ماغايبقاش تما
بسمة:شووفي انا غانمشي دبا ضروري
أسيل:صاافي واخا غانمشييو دبا
بسمة:لاا خلييك نتي معااه هو باغي يبقا معاك ماجاتش تخليه
أسيل:لا...
بسمة:صافي انا دويت ا أسيل
أسيل: راسك قااسح(مشاو خرجو بجوجات من الحمام وأسيل سبقات حتا تيقنات بلي يوسف ماكاينش عاد رجعات عند بسمة وعلي بقا غير كايشوف جراتو أسيل ومشا معاهم حتا شدات بسمك طاكسي عاد وقفات أسيل) ودباا فين غاديني
علي:ههه لي بغيتي
أسيل:لا ختار نتا
علي:ههه اووكي.....
♡عند البطل ديالنا♡
علاء:(لي بقا گالس وحيت ليوم كاينة الشمش مرة مرة كاينوض يوقف تحت شي شجرة على حساب الضل ويرجع يگلس حتا دازت ساعتاين ديال المگانة وقرب المغرب يودن تما ناض بكل هدوء وببرودة دم ركب فلوطو ديالو ومشا للجامع توضا وصلا وداز للمكتبة ديالو تحاسب معاهم وداز لدارهوم من بعد ما حس بشوية ديال الشمتة حيت أسيل خلاتو كايتشمش تما ولكن ماتصدمش بزاف حيت ماكانش متوقع 100% واش غاتجي وعجباتو كتر حيت ماجاتش يعني هاد البنت فشكل ماشي ساهل توصل ليها وشخصيتها قوية وصعيبة ضحك ضحكة جانبية ومشا دخل للدار لقا الرجال مجموعين على الطبلة كلاو كاسكروط لقا عليهم السلام ومشا عند الواليدة ديالو گالتليه راه ماكلتو غاتجيبها له ولكن رفض من الاحسن حتا يتعشا طلع فالدروج هو يتلاقا بأماني لي شافتو حدرات راسها) السلام عليكم
أماني:وعليكم السلام (وجنتيها إحمرو) ☺
علاء:لاباس علك
أماني:حمد الله سول فك الخير
علاء:امين(خوات له الطريق ومشا لبيتو وهي هبطات رمقها بنظرة أخيرة قبل ماتختافي من مورا عينيه ودخل لبيتو بدل حوايجو ولبس حوايج الدار جبد واحد الرواية عربية وبقا كايقرا فيها واحد اللحظة سها وصورة أماني وهي حانية راسها ووجنتيها متوردتين بانت قدام عينيه بتاسم تلقائيا وفنفس الوقت تحولات الرؤية ورجع كايشوف صورة أسيل وخصوصا نظراتها الحادة لي نوعا ما مستفزة يعني عينيها ماكايحشموش وهادشي كاين أسيل النقيض الكاامل ديال أماني الحشمة والوقاار لي كاين فأماني والجرأة المفرطة والكبرياء لي فأسيل بتاسم بهدوء وسد الرواية وحطها وهبط فالدروج يگلس مع الرجال وداكشي لي كان گلسو حتا سمعو العشا كايودن وقتارح الاب ديال علاء على الحاج العمراني ينوض يصلي بيهم وداكشي لي كاان توضا الجميع وناض الحاج العمراني صلا بيهم غير سالاو طلب الاب ديال علاء من ولدو يمشي عند الام ديالو يسولها على العشا داز مشا علاء وفطريقو لفت نظرو الضو ديال الصالة لي كان شاعل مشا باش يطفيه هو يلقا......)
علاء:(مشا دخل للصالة باش يطفي الضو هو يشوف أماني لي كاتصلي ومتخشعة فصلاتها مانتاابهاتش له شافها لابسة خمار فالغوز بيبي ومادة يديها كادعي الله شاف فيها للحظة ومن بعد حدر عينيه ومشا خرج عند الام ديالو لي كانت فالكوزينة مع الحاجة فاطمة وإسراء اما نور وأمينة طلعو لفوق من بعد ما صلاو هضر علاء مع ماماه ومشا رجع شاف فالضو ديال الصالة مرة أخيرة ومشا رجع عند الرجال مجمعين حتا تحط العشا وناضو تعشاو وگلسو واحد الشوية ومن بعد كولشي مشا لبيتو علاء لي مشا باش ينعس.....)
♡عند البطلة ديالنا♡
أسيل:(من بعد ما وصلها علي)
علي:(خرج من لوطو) هناا سااكنة
أسيل:ااه علااش
علي:ممم باينة ترفحتي😉
أسيل:😒مايمشيش بالك بعيد راه ماشي لي شفناها كاتكون ڤري فهمتي مهم طهلا راه ودن المغرب وانا باقي گالسة معاك هنايا ليوم ماما تسمعني خل ودنيا
علي:😳(كايتعجب حيت يعني البنت تاتبقا الليل كامل برا ودبا كاتگوليه تعطلات ولكن ماعلقش) 😇واخا طهلاي فراسك وغانبقاو على اتصاال طبعاا😉
أسيل:اوووكي بااي (دخلات وطلعات)
علي:(بقا واقف متكي على لوطو دياالو غير بغا يزيد هو يشدو شي واحد من كتفو دار لقاه واحد الشخص گاع ماكايعرفو) نعام اخوويا بغيتي شيحاجة
.....:ااه بغيت نسولك على هادي لي كانت معاك غا دبا
علي:(هاز واحد الحاجب)ااه ماالها
.......:واش هادي هي لي كاينة فبار عصام
علي:(فكر للحظة هو يهضر) لا اخوويا هادي مابينها وبين البار غي الخير والاحسان وانا متيقن من هاد الهضرة وهي اصلا ماشي من هاد المدينة غير جات هاد ليامات
......:ااه متيقن اخويا
علي:وانا نكدب علك بار عصام راه انا ديما مخشي فه كون كانت راه نشوفها
.....:ااه واخا اخويا صافي حيت كاتشبه لواحد البنت بزاف هاديك بنت الحرام لي نصبات عليا
علي:كيفاش نصبات علك
.....:الله وعلم المهم ركبت انا وياها فطونوبيل وقفنا وفقت لقيت راسي ماعندي تا ريالة فالجيب كشطاتني بنت الحرام راه 8000 درهم داتها
علي:(عرف بلي أسيل هاديك وحتا هضرتها ملي گالت له ماشي أي حاجة شفناها كاتكون ڤري كاتأكد على هاد الهضرة حيت اي واحد شافها فالبار غايگول عاهرة من الطراز الرفيع ولكن العكس هي نصابة من الطراز الرفيع حاول يحبس الضحكة وهضر معاه) اودي راه كترو بنات الحرام غير هادي راه ماشي هي خلق الله من الشبه اربعين اخويا وهادي راه ناويها للحلال ان شاء الله مايمكنش ناخد شي وحدة كاتمشي للبار راك فاهم هادي بنت دارهوم
.....:الله يصاوب اخويا سمحليا حيت صدعتك
علي:لا ماكاين تا مشكل😇(مشا داك الشخص وعلي بدا كايضحك فنفسو من بعد مشا ركب ومشا فحالو)
أسيل:(دخلات للدار هي تلقا ليها خديجة حدا الباب كاتستفسر منها هاد التعطال كامل) ماما راني تلاقيت كوتر هي لي شداتني تا لدابا راك عارفة من شحال هادي ماشفتها وليوم عاد شفتها بسمة عيات داكشي علاش گلتليها تمشي حيت كنت باغة نبقا مع كوتر
خديجة:واخا ابنتي ماتبقاايش تعطلي بزااف راه ودن المغرب ونتي باقة برا شغاايگوولو علك الناس
خديجة:لا باقي كنت كانتسناك حتا نسيت راسي انا غانوض دبا نقاد العشا بيما وصلات الوقت ونمشي الخدمة
أسيل:واخا اماما انا غانبدل حوايجي (مشات أسيل دخلات لبيتها بدلات حوايجها ولبسات پيجامتها ومسحات ميكاپ ديالها ودخلات للحمام گلسات وبقات كاتفكر فالهضرة ديال ماماها ماحسات حتا هبطات من عينيها دمعة سخونة مسحاتها بالجرا وغمضات عينيها وكاتحاول تحبس دموعها غسلات وجها شافت فالمراية شافت حنيكاتها ونيفها دغيا رجعو حمرين تنهدات ومشات خرجات گلسات فوق الناموسية ديالها وشدات تيليفون لقات علي مسيفط ليها مساج قدر قداش بدات كاتقرا {{ااه بصااح كيفما گلتي ماشي اي حاجة شفناها بعينينا كاتكون بصاح وانا فهمت علاش گلتي هادشي فلول درتك بحال اي وحدة فتما ولكن دبا عرفت علاش من هضرتك فهمت ماماك مافراسها مايتعاود ومن هضرتنا قبيلة مادويتيش على باباك نهائيا مووراك اسرار قدهوم قدااش خاصني نعرف شنو كامل مخبية من موراك ديريني خوك حيت تا انا درتك ختي هاد النهار لي دوزت معاك حسيت معاك بالراحة نتمنا نعاودوها تعاودي ليا ونعاود لك اووكي😉}} قرات أسيل المساج وبقات كاتشوف شنو زعما كيفاش راه عرف ضرها راسها وسيفطات له وسدات طلات فالمراية مرة خرا مشات دك الحمورية شوية عاد خرجات عندهوم لقات بسمة گالسة وخديجة كاطيب وكايضحكو مشات تخشات معاهم مجمعة وكاضحك تا هي طاب العشا حطوه وتعشاو وگلسو شوية ومن بعد مشات خديجة كاتوجد راسها وصلات وقت الخدمة غير خرجات بدات بسمة تاهي كاتوجد راسها وتما أسيل گالتليها تجيب ليهاا أكبر معلومات على ***** باش يبداو ينفدو الخطة ديالها لي غاتكون بصاح ربحة ولا دبحة اما بسمة سمعات غير واحد الجزء من خطتها هو يصفار وجها بالخلعة)
بسمة:😱اربي واش من نيتك واخا تكوني مكلخة
أسيل:ماتخاافيش جيبي ليا نتي غير المعلوومات لي گلتليك وصافي وااخاا
بسمة:الله يستر منك نتي😒
أسيل:(مشات بسمة تلبس حوايجها وأسيل كاتشوفها غير سالات صونات أسيل على حمد من بعد شوية جا وبسمة باست أسيل ومشات ورجعات أسيل هزات دفتار وستيلو وبدات تكتب فالخطة ديالها كاتفصل وتخيط بوحدها بتاسمات إبتسامة شر وخبات داك الدفتار ومشات كاتفرج حتا جاها النعاس حيدات تيليفونها من الشارج ومشات تكات نعسات😴)
♡عند البطل ديالنا♡
عيشة:(گالسة كاتفكر)
عبد الحفيظ:الحااجة فاش كاافكري
عيشة:أمااني
عبد الحفيظ:اماني بنت الحاج عبد الله😳
عيشة:اااه ولدك ملي مابغاش نور هي أمااني
عبد الحفيظ:الله يهديك الحاجة الولد راه كبر الا بغا شي وحدة هو غايجي اگولها لينا
عيشة:ولدك مادايرش راسو فهادشي اصلا انا ماغانگووله والو غير غالوح له الهضرة وهو يقرر لي بغا😋 اول حاجة خاصني نعرف واش أماني ديال راسها بعدا
عبد الحفيظ:ههه درتيها فراسك
عيشة:ااه
عبد الحفيظ:اوا نعسي نعسي تا لغدا
عيشة:ان شاء الله
علاء:(فالبيت ديالو كايشعل الضو ديال الاباجورة وكايطفيه وتقلب على ضهرو كايفكر من بعد ناض گلس وبدا يحلل ويناقش)دبا أسيل علاش ماجاتش واخا انا أكدت عليها تجي زعما خلاتني نتشمش تما ممم ولكن اصلا كنت متوقعها ماتصدمتش بزاف ماشي مشهم داكشي دباا هي اصلا ماغانجيش ونهضر معاها من اول مرة أعوذ بالله من الشيطان الرجيم نعس حسن ليا (طاحت فبالو صورة أماني بتاسم تلقائيا) ههه مسكينة كاتعطي الاحاديث لأمينة ماغاتهنا أمينة تا تردها بحالها هههه (غمض عينيه ونعس من بعد عدة ساعات صونا راڤاي طفاه وناض توضا وجبد الصلاية صلا قيام الليل ومن بعد ناض ولبس ومشا خرج من بيتو والضو طافي هبط وخرج من الدار ومشا للجامع نيشان وصل حيد سبرديلتو ودخل كايقرا القرآن حتا وصلات وقت صلاة الفجر ناض صلا صلاتو ورجع لدارهوم غادي بشوية عله حتا وصل للدار بغا يطلع شاف الضو ديال الكوزينة شاعل مشا دخل هو يلقا أماني بخمارها ديال قبيلة گالسة فوق الكرسي وكاتقرا القرآن بصوت حنين شاف فيها لثانية وهو كايبتاسم ببلاهة ملحوظة من بعد گال أعوذ بالله من الشيطان الرجيم هو يحنحن)احم احم
أماني:(كانت كاتقرا ومركزة فالقراءة ديالها حتا سمعات التحنحين من موراها وهي تحل عينيها على وسعهوم)أعوذ بالله من الشيطان الرجيم صدق الله العظيم (دارت عندو وهي تصدم) ءء خوويا علاء😳
علاء:ياكما خلعتك بغيت غير نگولك لاش گالسة فالكووزينة سيري للصالة حسن وقراي تما
أماني:ااه شكرا غير گلت هنا حسن باش مانصدع حد
علاء:لا ماكاين لا صداع لا والو سدي الباب علك وديري لي بغيتي تصبحي على خير
أماني:☺(توردت وجنتيها مجددا) تصبح على خير
علاء:(طلع لبيتو وبدل حوايجو تاني ومشا تكا باش ينعس وهو كايفكر فأماني كانت كاتبان زوينة خصوصا الخجل والحياء لي كايبانو على وجها نعس وهو راسم إبتسامة على وجهو صبح الصبااح وناضو مالين الدار فالوقيتة ديالهم المعتادة وكذلك علاء لي دخل للدوش دوش بالخف وخرج لبس سروال دجين وتريكو دياال الصوف فالكحل وڤيست فالبلوماغين وصباط كحل قاد شعرو ولبس ساعتو رش ريحتو المعتادة وهبط فالدروج وداز على الكوزينة باش يسلم على ماماه هو يسمع واحد الحوار صغير)
أماني:حشووومة علك علاش مافيقتينيش باش نعاونكوم فالفطور
أمينة:ههه واعادي
علاء:السلام عليكم
الكل:وعليكم السلام
علاء:(بغا يمشي وهي تحبسو ماماه)
عيشة:ولدي ملي تفطر عافاك اجي باش نهضر معاك واخا
علاء:(بإستغراب😳)واخا الواليدة (مشا للصالة وگلس فالكرسي ديالو مع الرجال كايفطرو غير سالا ناض غسل يديه ومشا دخل للكوزينة كاانت ختو بوحدها گالتليه الواليدة ديالو فبيتو مشا طلع عندها وگلس حداها) الواليدة ياكما ماكاين باس خاصاك شيحاجة
عيشة:(بمكر😈) ااه اولدي خاصني
علاء:😳
عيشة:خاصني نشوف وليداتك ونشوفك درتي دارك
علاء:(بتاسم حتا بانو سنيناتو وفهم بلي الهضرة على أماني) ان شاء الله الواليدة ان شاء الله
عيشة:😒مم باينة
علاء:هههه (باس ليها راسها) تعطلت الواليدة(ناض خرج وهبط فالدروج ركب فلوطو ديالو ومشا لخدمتو وهو كايفكر فأماني ووجها ملي دارت تشوفيه والصدمة لي كانت على وجهو ابتاسم وصل لخدمتو دخل لقا التحية ومشا للبيرو ديالو بقا خدام وكايدير خدمتو حتا طاحت له أسيل على البال وخصوصا المواقف لي جمعوه معاها يا كاتخنزر فه يا زربات عله وزادت خلاتو پلاكة حط يديه ععلى البيرو وحط راسو كايضحك بشوية من بعد هز راسو وبقا كايضحك بصوت مسمووع) ههههه😄(دار براسو لا حول ولا قوة الا بالله ومن بعد رجع لخدمتو)
♡عند البطلة ديالنا♡
أسيل:(فاقت ودخلات للحمام قضات حاجتها ودارت الروتين ديالها شافت فالساعة كانت 9 لبسات حوايجها ديال الدار ومشات تسخر غير خرجات وهي تلقا فوجها) 😱اويلي نتااااا.......
¤¤عند اسيل البطلة ديالنا ¤¤
...لبساات أسيل بنوارها فوق بيجامة وجمعات شعرها كوتشوفال و هزات فلوس في جيبها و سورات و تيلفونها و هبطات في سانديك ...جات تحل باب عمارة و هي تصدم 😱😱😱
اسيل: واقيلة حمااقيتي مافيهاش سير احنيني قلب سااعة خرا كالك نعرض عليه دار..
علي:(شدها من ذرااعها) أسيل ضرووري نهضرو بغيتي و لا كرهتي
اسيل:(نترااات يديها و هزات صبعها عليه وشافت فيه بنضرة حادة ) اخررر مرة تحط عليا يديك سمعتي اخر مرة و لا كوتليك ماباغاش ندوي ماباغاش ندوي
علي:(بترجي) عاافااك محتاااجاك بليز ضروري من نهضرو
اسيل: انا دلا مالابساااش حوايجي و ميمكنش نخرج بالبيجامة ..و دار ميمكنش طلع معايا ماما و ختي كاينين ..
علي : انا نتسنااك في طونوبيل متعطليش
اسيل: وخاا...
طلعاات اسيل لدار ثاني و دخلات لقات ماماها باقا ناعسة و بسمة تا هي... دخلات بشوية بلا مدير الحس و مشات ميشان بيتها و جبدات حوايجها دغيا لبسات و هزات صاكها و خرجات ثاني بلا حس و سدات الباب و هبطات ..لقات علي متكي على طونوبيلتو كيتسناها مشات عندو ..
اسيل: نقص شوية من تعنااب راك حمضتي ...ديني شي بلاصة نفطر حيث ميمكنش نركز معاك و انا كرشي خاوية 😋
علي: هههههه ياك وخا الالة شي حاجة خرا
اسيل:(شافت في يديها في ساعة) في خباارك دبا 10 و ربع ربع ساعة دازت بقات ليك ساعة لاروووب ...
علي: هادشي بااش كتعجبني طلعي طلعي الكارثة ..
ركبات أسيل و هي كل ساعة تلوح كلمة علي ..و هو كلع مكيتقلق بعكس كتعجبو هكاك ...
ديمارا و مشا نيشان قهوة ايفلي حدا الواد و بلاصة طونوبيل في بارك و هبطو بجوج و دخلو طلعو فوق و كلسو حدا واحد شرجم ...
علي: اش تاكلي الالة ؟؟
أسيل: (كتفكر) اممم بغيت غير كريب بالشكلاط و اومليط و بتيبان شوكولا و كاس عصير و كاس ديال قهوة ..امم صافي الله يجعل بركة 😋
علي: تباارك الله زيدي زيدي شي حاجة لا تكوني نسيتيها
أسيل: لا صافي الله يخلف غير هادشي ...
علي: ههههه عاالام 《عيط علي على سربااي و عطاه طلبية ديالهوم 》 دازت مدة و جاب ليهوم سرباي فطور كامل و مكمول و كلسو كيفطرو و اسيل طاحت في داكشي عمية ..
اسيل:(فومها عامر) امم فاش باغي دوي معايا؟
علي: احم مهم مغاديش نبداو بدوك مقدمات و كذا انا غير رتاحيت ليك و بغيت نعاود ليك..
أسيل:(هزات مشوار مسحات فومها و تقادات في كلسة ) اهاه تا انا من نوع لعندي حب الإستطلاع و بغيت نعرف شنو مشكلة دياالك ...
علي: وخا مهم باختصاار ..انا مشكل لعندي كنحس راسي معندي تا حد في هاذ دنيا غير بوحدي و هادشي من نهار تزاديت ...
اسيل: علاش كتكول هكا يااك عندك والديك علاش بوحدك و صاحبك و عائلتك..
علي: امم عائلة ههه ضحكيتيني ..عمري حسيت برااسي عندي عائلة من غير الواليدة لتاهي من نهار رجع خويا كبير و تا هي بعدات ..
اسيل: وضح ليا كثر
علي: علااااش دايمن كيقارنوني بناااس لدايرين بيااا ووفي كل هضرتهوم شووف هذا كيداير شوف هذا كيداير..مالك نتا داير هاكا ؟؟ علاش كتكونش بحال هكاا ...شوف هذاك جاب حسن منك ؟؟ علاش نتا ماباغيش تقرااا؟ و زيد و زيد و هاذي هي مشكلتي أساسية مع واليد ..غير توقع شي حاجة و لا شي مشكل كيكولو علي سبااب ...و هاذشي مرضني ..و الحل لكنلقا هو نمشي نشرب باش نسااا..حيث انا في عينين ناس واحد فااشل مكنصلاح والو ..
أسيل:(بقا فيها و هي تهز يديها حطاتها على ذرااعو و زيرات عليه) متقوولش هكااا ..عمرك تكول بحاال هضرة و تسمع هضرة ناااس ..خاصك دير داكشي لنتا مرتاااح فيه و عمرك توصل لابقيتي تذيها في هضرة باااشااار و معمر هضرة ناس كتلصق خلي بناادم داااوي و متبقاش تقاارن رااسك بناس لاخرين خاااصك نتا علي و اتبقا علي و كل واحد الله يعاونو ..و بعد من داك زبل را كيضر و كتخرج على صحتك ..
علي : ماشي خاطري ا أسيل ماشي خاطري ...في خبارك بعد مرات كنحس رااسي غير عايش و صاافي و مكنصلاح والو ..و بخصوص من كيبدا ديسك ديال واليد شووف علاء صااحبك تبارك الله فين واصل و شووف اخلاق و شووف وشوووف كنحس براااسي ديك سااعة باااغي غير نبعد و لا مشربتش اندير شي فضيحة ..و من كنشرب كنحس برااسي نسيت دنيااا و كاع مشااكل ...لدرجة بعض مرات تا سيرة ديال علاء و سميتو كنولي كارها ..كنحسو هو اكبر سبب في مشاااكلي حيث من صغرنا و هما كيقارنو بيناتنا ...
اسيل:(غير جبد سمية علاء و حلات عينيها على وسعهوم ) امم علاء داك صااحبك متكبر لكيشوووف غير في سما《في نفسها: زلال لاخووور 》
علي: ايييه😂و لكن معنديش مشكل معاه بالعكس علاء عزيز بزااف كثر من خوويا كنحس بيه شي حاجة مهمة في حياتي ...و لكن بعد خطرات كنكرهو غير من كيقارنوني بيه ..
اسيل: ويييع ننفهم من كلااامك تاتغير من صاااحبك معقد..
علي: لا ماشي هكاك را (قاطعاتو )
أسيل: سمعني سمعني ميبقاااش فيك الحال حسن تا هكا لاهما هكااا و لا بحال داك معقد متكبر 😏
♡عند علي و اسيل ♡
علي: ههههههه نتي عااالام 😂😂😂عرفتي مكاااينش شي حد بحالك ...
اسيل: عارفة 😋
علي: ايوا انا كتليك كلشي نتي مغاديش تعاودي ليا ..
أسيل: شنوو غادي نكوليك ..؟؟😮
علي: اسيل راني عارف كلشي غير هضري
أسيل: و نتا عارف كلشي شنو باغي تسمع مني انا ..
علي: بغيتك نتي لتعاودي ليا ..
أسيل:(تنهدات) وخاا و سمعني عافاك من بعد بسمة نتا ثاني واحد غادي تعرف حقيقتي ..
علي: انا كنسمع ..
أسيل:(عاوداات ليه كلشي كتعاود و هي مرتاحة ) ايوا صافي هاذي أسيل ..
علي: اش غادي نقولك معرفت منقوول ووالله ..صدمتيني وخاا كونت عارف وولكن لصدمني هو عمرك باقي صغيرة أسيل واش ملقيتي تا شي حل اخر على انك تمشي في هاد الطريق ..
أسيل: علي انا عاودت ليك ياك ايوا صافي هانتا وليتي كتعرف عليا كلشي و سد عليا موضوع ..
علي: وخاا وخاا ..
اسيل: نوض يا الله وصلني ..
علي:اجي بعدا تبغي تكوني صديقتي 😊
أسيل:ختك حسن حيث انا من دبا حسبتك خويا ..☺
علي: اهاه علاش لا ...اصلا معنديش ختي صغيرة مني ...دبا وليتي ختي صغيرة 😊
اسيل: ونتا خويااا سكايري😆😆😆
علي: مقبولة الالة منك و تكعدي لوحك في داركوم ..
أسيل: يا الله ...
مشات اسيل مع علي لوصلها حدا باب عمارة سلمات عليه و شدات فيه شوية و هبطات ...حلات باب عمارة و طلعات دخلات لقات ماماها كالسة في سيجور و بسمة هازة تيلي و غادة جاية متوترة ..
أسيل: ها واحد سلام عليكوم
خديجة:(هزات راسها) على سلامة يا بنيتي و فين كنتي و مكتجاوبيش على تيليفونك
اسيل: تيليفوني ها هو في جيب ..
بسمة: من صبااح و انا نصوني و كيكولو ليا طافي ..
اسيل:اواااه اطط(جبدات تيلفونها من جيب و شعلاتو و مبغاش يشعل) و لاهيلا طافي ديشاارجا يمكن انا مشيت نجيب غير الخبز و صافي ..
خديجة : اييه و فينو هاذ الخبز ..
اسيل : ا ا اه غير ملقيتوش في مخبزة كالولي باقي موجد الله كيطيب و كلست كنتسنا شحال ووالو باقي معطل طلع ليا دم و رجعت بحالي نعديو ببتيبان را في ثلاجة نجبدوه نسخنوه في ميكرواوند تا الضهر و نمشي نجيبو ..
مشات اسيل بدلات عليها لبسات بيجامتها و مشات عندهوم كوزينة لقات بسمة وجدات فطور ..
بسمة: اجي تاكلي ..
اسيل: لا مافياش صابحة داراني المعدة ابصحة(ايوا الله يمسخك معركااها و طالقاها 😂)
بسمة:(بتشكيك) امم را دوك ساشيات في مجر عندي في بيت مزيانين معدة ..
اسيل: وخاا انا انمشي نشربهوم ..
سالات خديجة و بسمة الفطور و ناضو كيجمعو اسيل مشات كتجمع بيتها تا دخلات عندها بسمة و بقات عليها تا عاودات ليها كلشي ...من طق طق سلام عليكوم و خرجو كملو شغلهوم و خديجة وجدات الغذاء ..مشات هبطات اسيل جابت الخبز و طلعو تغذاو ...و بدلو حوايجهوم و دارو الميكاب ديالهوم و تريحو و قادو الحالة باسو خديجة و مشاو خرجو خذاو طاكسي 🚕لي بحال عادة حط بسمة في مدرستها و دا اسيل مدرستها خلاصاتو و هبطات هازاة كتوبة ديالها في يديها و دخلات حصة ديالها ..
♡في جيهة أخرى عند بطل ديالنا♡
علاء لحاني على وراق خدام على رااسو ...لاجا شي كليان معروف بحال بعض كتاب معروفين او من اصدقاء ديالو لمهوسين في قراءة و لا بعض اساتذة كينوض هو يشوف شنو خاصهوم...و يرجع يكمل خدمتو يجمع حساابات ديال كتوبة لخرجو و يقاد داكشي في بيسي و مركز معاااه ..و داير قهوة في جنبو كيتنشوا بيها 😂و هو حاني تا دخلو عندو البنات (ختو امينة مع اماني ).
امينة: واحد سلام عليكوم و رحمة الله و بركاته بغيتي شي ضيااف ..
علاء:(هز عينيه) و عليكوم سلام و رحمة الله وبركاته نهار كبير هذا تفضلو دخلو ..
دخلو البنات و كلسو قدامو في كرااسة..
امينة: ايوا اخويا مشغول واقيلة ..
علاء: شوية و صافي مزيان من جيتو تخرجوني شوية من هاذ وراق حمقوني ..
امينة: ياااك و حنا جينا عندك اسيدي محتاجينيك ..
علاء:(حط الوراق من يديه ) اييه اش حب الخاطر..
امينة: في صرااحة اخويا اماني لمحتاجك كانت في اول مترددة تجي و انا لقنعتها ..
علاء:(هز عينو في اماني لحانية راسها ووجها حمر كالعادة و الحشمة باينة عليها..ابتسم كالعادة تلقائيا بدون شعور) اهاه مرحبا على راس و العين اش حب الخاطر ا اماني ..
اماني:(حشمانة😶) خويا علاء محتاجة واحد كتاب وصيت بابا يشوف ليا ووالو ملقاش و من كلتها امينة و كاتلي خويا علاء عندو جميع كتب و كلت نقدر نلقاه عندك ..
علاء: اهاه نشوفو هاذ كتاب شنو سميتو عندك سميتو ..
أماني: اه جمهورية افلاطون ...
علاء: (كيفكر ) امم معرفتش والله جمهورية افلاطون ديال ذكتور فؤاذ زكرياا ...
اماني: اه ديال فلسفة ..
علاء: وي وي ديجاا قاريه فيه 10 كتب ..في كتاب واحد
اماني: اه هو 😊
علاء: سمحولي نووض نشووف..
ناض علاء كيقلي ملقاش ليها كتاب سالا و رجع مكتب ..و عيط على واحد من هادوك لكيخدمو معاه وكاليه يجيب ليه واحد دباا ..والبنات بقاو كالسين مع علاء دين ..اماني بدات كتطلق معاه في الهضرة و هو مرتاح بهضرة معاها...وبالخصوص من لقاها مثقفة وباينة فيها من المهوسيين بالقراءة بحاالو ....
♡عند علاء ♡
علاء: ها الكتاااب وصل ..
اماني: و اخيرا ...
امينة: على سلامتنا ..
عطا علاء الكتاب ل اماني و هي باقا حانية راسها قليل فين كتهز عينيها فيه ..هو حاضيها مد ليها الكتاب ..
مشا علاء الجامع توضا و صلا و رجع عند البنات و خرجو سد المكتبة و ركب في طونوبيلتو ..امينة بززات على أماني تركب حدا علاء و هي رجعات لور باش تلقا راحتها كتر...ديمارا علاء نيشاان الفيلا وصلو وهبطو طلع علاء لبيتو بدل و غسل و هبط لقا الغدا واجد كلسو كيتغذااو مجموعين ...سالاو و ناضو البنات لبسو حوايجهوم و هبطو ...و علاء تا هو طلع بدل حوايجو تريح بريحة المسك ديالو قاد لحيتو و مشط شعرو و هبط لقا البنات كالسين فال
صالون مع الام ديال اماني و اسراء و لالة عائشة ..
أمينة:خويا غادي غادي وخا توصلنا المدرسة عافاك ...
علاء: يا الله ماشي مشكل و لكن واش عندكوم حصة
امينة: لا نور لي عندها حصة ..اما انا انجيب غير شي وراااق و صافي و اندي معايا اماني ..
علاء: ايوا يا الله ..
خرج علاء و ركب هو و البنات وصلهوم ..شكروه و هبطو داخلين ... علاء الله بغا يتحرك و هو يوقف بالجرا ..
♡ عند البطلة ديالنا♡
..من بعد ما وصلات المدرسة دخلات راسها كان كايضرها ومشاات الكافيتيريا ديال المدرسة و خداات قهوة كحلة☕ و خارجة كتقرا في الوراق تا دخلات في البنات ...و تزلعات شوية القهوة عليها
علاء: بلا منبقاو نزوقو في الهضرة ..كتبت ليك رساالة وحطيتها ليك في الكتاب ..
اسيل: اممم و انا مبغيتش كاين شي مشكل نتلاقاك بزز..
علاء: لا من طبيعة الحال بخاطرك ..و لكن من جات فرصة تلاقيتك مرة اخرى وإقدر فهمتيني غلط داكشي علاش بغيت نگولك..انا مكان فنيتي والو تا سمعتي لا مشا باالك بعيد فراك غاالطة بزااف غير كنت باغي نعاونك ..
اسيل: 😳فاش بسلامة اتعاونني؟؟
علاء: انا عارف كلشي عليك وعارفاك كتنصبي على رجال وحقيقتك كاملة
اسيل: 😳😳😳😦وااااش علي لكاليك؟
علاء: اش جاب علي لهضرة ؟؟انا عرفت هادشي بوووحدي ..ماال علي؟
اسيل: مامالوش ...و من بعد هانتا عرفتي كلشي اش باغي مني ..
علاء: باغي غير نعاونك ..
اسيل: (قربات حداه حدا وجهو و هو يتوتر و بعد عليها و هي ضحك ضحكة جانبية ) ..ههههه و سمعيني نقوووليك انا مامحتاجاك لا نتا لا غيرك😒 ...سير عاون غير راسك و انا بعد مني ..و متباقاش مراقبني معندك متصور مني فهمتي...《ضربات فيه و زادت خلاتو غير حال فمو 》
علاء:(في نفسو ) سري انا لباغي نعاونك و لكن بحال هاذ النوووووع ماخاصكش دير فيهم الخير ..تا انا كبرت ااموضوع كثر من لازم و عطيتها اهمية كثر مما كتستاحق منها راسها و بينها و بين لي خلقها نيتي كانت انني نعاونها و لكن بالي غير كنرون ..مشا علاء معصب ركب في طونوبيلتو و رجع خدمتو ...اما أسيل دخلات حضرات لمحاضرة ديالها و هي بالها ماشي مع الدرس ..سالات الحصة و هي مرفوعة كتفكر كيفاااش هذا عارف عليها كلشي و خاصها تلقا حل هادشي مامسلكهاش ..
أسيل: هاااذ المرة خاصني نسالي هااادشي و نخرج راسي باي طريقة و نحبس هنا ونمشيو نتحولو ولا نشوفو شنو نديرو و لكن قبل خاااصني نفد الخطة ديالي ..
...وصلات 4 و خرجات اسيل شدات طاكسي🚕و رجعات للدار وصلها حدا العمارة خلصات و هبطات طلعات في سانديك وصلات طاج ديالهوم و حلات الباب و دخلات بان ليها السكات ..عرفات بسمة باقي في المدرسة ..مشات طلات في صالون بانت ليها ماماها متكية و باين عليها التعب ..هزات كاشة و غطاتها و مشات بدلات حوايجها و غسلات وجهها و باقا كتفكر هضرة علاء جمعات شعرها سفنجة فوق راسها و مشات الكوزينة كتوجد كاسكروط دارت اتتاااي و جبدات ملوي و كرواصة سخناتهوم و حطات كلشي فوق طبلة تا جات بسمة مع 6 و خديجة ناضت ووجهها صفر ..
بسمة: انا جيت ..
اسيل: على السلامة ماما فينها ..
بسمة: واقيلة في الحمام ..
اسيل: اه ...و سيري بدلي لبسي بيجامتك و اجي ناكلو ومن بعد بااغاك ضرووري ..
بسمة: مالك ياك لبااس خلعيتيني 😮
أسيل: ماشي دبا من بعد و نهضرو ..سيري يا الله
بسمة: وخاا...مشات بسمة بدلات حوايجها و خديجة توضات و خرجات صلات عاد مشات الكوزينة لقات اسيل كالسة في الطبلة دايرة يديها على حنكها و كتخمم ..
خديجة: بنتي
اسيل: ماما اجي تاكلي ..
خديجة: مالك ابنتي ساهية ؟
اسيل: والو اماما غير كنتسناوكوم ..نتي مالك بنتي ليا عيانة ..
خديجة: غير راسي كيضرني شوية ابنتي و صافي انشرب كينة و يتهدن عليا ..
اسيل: واجي كولي بعدا شوية عاد شربي دوا..
خديجة: خوي ليا غير كاس ديال أتاي ...
لبسات بسمة بيجامتها و مشات الكوزينة دارو كاسكروط و كلشي ساكت ...خديجة ناضت صلات المغرب و مشات كتبدل حوايجها ...اما البنات جمعو دنياا و غسلو ماعن و ردوهوم بلايصهوم و مشاو كلسو في صالون ..
بسمة: و كوليلي دبا مالك معجبتينيش؟
اسيل: خالي تخرج ماما و نعاود ليك ..
بسمة: اوكي
خديجة: البناات انا مشيت ..
اسيل: ماما شتك غذا بكري ليوم مولفة تا كتصلي العشاء عاد كتمشي ...
خديجة: و دبا قلبو لينا هادشي ندخلو مع 7 و نخرج مع 4 دصباح ...
اسيل: وراك عيانة كون غير درتي بالناقص ليوم😦
خديجة: لا ابنيتي راني مزيانة دبا ..بلا متخافي سدو الباب عليكوم ووطهلاو في بعضياتكوم.
بسمة و اسيل: وخا كوني هانية الله يعاون ...
خرجات خديجة و سدات الباب موراها هبطات تمشات شوية وصلات حدا الپلاكة وقفات تا جا طرونسبور و هي تركب ومشات لخدمتها اما البنات بقاو كيهضرو
بسمة: ايوا كوليلي مالك؟؟
اسيل: شوفي سمعيني تا لخر ا بسمة هادشي لغادي نقوليك مهم ...في خبارك علي عارف كلشي ...و صدق تا داك المتكبر عارف حقيقيتي ...
بسمة: شكون😮
واشمن حقيقة
اسيل: داك الملتزم صاحب علي ...عرف بلي كانصب على الرجال هادشي خطر دبا شوية بشوية كلشي يعرف اش كندير و تقدر تا ماما تعرف انا خايفة بزااف ا بسمة ..خاصني نحبس هادشي صافي
بسمة: و انا معااك و نتي عارفة خاصنا نحبسوو من هادشي وتا انا غانگلس من الخدمة..
اسيل: اه و لكن قبل خاصني نضرب شي ضربة لتقد تعيشنا مدى الحياة
بسمة: متكووليش لياا باقا كتفكري في داكشي..😮
😱
أسيل: وعلاه شنوو اش يصحاب ليك ديك 40 مليون اتبقاا ديما و المصاريف غير مكيتزادو(شدات في يدين بسمة) سمعيني احبيبة هاذي اتكون اخر ضربة ليا سمعتي اخر ضربة و غادي تكون صحيحة ..باش نتهناو من هادشي و نكملو حياتنا عادي ..
بسمة: أسيل راني فاهماك و لكن اختي هذااك را اكبر تاجر مخدرات اكبر بزناز اخطر واحد يجبدك يجبدك وراه مايدخلكش الحبس راه يتعدا عليك ..
اسيل: ها عبد الله سعودي وعندو قيمة فالبلاد اش صور مني هضري اش صور والو ياك تا هو يجبدني يجبدني و لكن ملقانيش حيث انا أسيل لتاشي حاجة مكتخلعني في هاذ الدنيا ...
بسمة: يا ختي راااسك قاصح اش غادي نكوليك ..
اسيل: بغيتك تكوليلي نهارات لكيكون فيهوم داك خاينة في بار
بسمة: كيجي كل اربعاء ..
اسيل : اذن غذااا
بسمة: اه ..
اسيل: اوكي دبا انتاصل بمدام عيشة ..خاصني تاني لووك جديد و كلشي جديد هاد المرة خاصني مانكوونش انا نهااائيا و بطبيعة الحال ماشي بحال لوك لدرت المرة لفاتت ..
بسمة :اييه
اسيل: و ديك لبسمة الحمرا لشريت و كوتليك دبا يجي نهااار لغادي نحتاجها و ها النهار جا ...دبا متعمريش راسك سيري لخدمتك انا ليوم غادي نفكر مزيان و نخطط و غذا نقاادو المسائل ...
بسمة: ناري خايفة بزااف اختي و الله ..😦
أسيل: شووو معندك مناش تخافي كلشي غادي يكون هو هذاك علمي حمد باش يوجد راسو ..
بسمة: وخا وخاا الله ياربي تخرج هادشي على خير ..
اسيل: يا الله نوضي..
مشات بسمة تكات شوية حتا وصلات الوقت وبدلات حوايجها و قادات ميكااب ديالها و سلمات على أسيل و هبطات لقات حمد كيتسنااا فيها بطاكسي 🚖ركبات معاه و مشات لخدمتها ...أما أسيل بقات غير كضور من هنا هنا و تاتخخممم و كتخطط غير بوحدها تلفازة شاعلة و هي مامسواقاش ليها تلفازة لكتفرج فيها ...بقا غادة جاية تا جاها الجوع مشات طيبات سباكيتي🍝 بكفتة و مطيشة و كلسات كتاكل تا سمعاات تيلفونها كيوصوني و هي تنوض قافزة مشات جاوبات و غير سمعاات
المكاالمة و هي طيح على طولتها
♡ عند علاء♡
من بعد مارجع لخدمتو ..كلس كيخدم مركز في خدمتو تا اذن العصر و مشا صلا و رجع الخدمة ثاني و هو معصب و كل مكايتفكر هضرة أسيل كيتعصب ...و حلف تا يعيطها التيساع صافي بالنسبة ليه كانت لغز و حلو ..اما شي حاجة خرا لا ...من بعد مافك لغز ديالهوم و دار خطوة باش يساعدها تبعد على داك طريق و كانت ردة فعلها عكس متوقعاتو صافي ..سد موضوع أسيل نهائيا 🤚🏻...
♡ عند علاء♡
...بقا علاء كيفكر تا كال صافي سمية اسيل باااح نساهاا ناض كيكمل شغلو ...و طلب واحد من الخدامة جاب ليه قهوة شربها ..و اذن المغرب مشا للجامع صلا صلاتو و رجع داز المخبزة خدا ليه كراوسة كاس اتاي و مشا رجع الخدمة ملاهي ...تا اذن العشاء و ناس لخدامين معاه مشاو بحاالهوم و ناض سد المحل و ركب في طونوبيلتو مشا داز الجامع توضا و صلا العشاء و الشفع و الوتر عاد رجع الدار وصل دخل لاح سلام و طلع لبيتو ...دخل دوش ضربها بتدويشة 🚿 و غسل سنانو و خرج هاز قران كيجود بشوية شاعل ضو خفيف ...تا طلعات امينة استاذنات و دخلات علماتو بلي العشاء واجد ...لبس فوقاني ديال كيطمة و سدها هبط لقاهوم كيتعشاو كلس كيتعشا في جو هادئ كلشي سااكت تا سالا و استاذن منهوم بحكم عيان و بغا يرتاح طلع لبيتو هز كينة ديال الراس شربها و مشا قرا شوية و تكا في بلاصتو نعس😴تا وصلات 2 و ناض توضا باش يصلي قيام الليل ..بقا كيصلي تا اذن الفجر ..صلاه و صلا ركعتين الصبح و عاد مشا رجع بلاصتو كمل نعاسو 😴
اسيل جاها اتصال من المستشفى من بعد ما لقاو نمرة أسيل فپزطامها داييمان دايراها في ورقة و مخبياهاا في بسطامها ..خديجة سخفات و هي في الخدمة اضافة رعفات ..المسؤول ديالها عيط على لومبيلونص و جات نقلاتها نيشان لسبيطارر الغااابة ...(جا حدا الغابة سبيطار الدولة و الله يخليها سبيطار) ..فاقت خديجة و الطبيب كيكشف على حالتها ...علمو أسيل لي تخلعات وناضت بجرا لبساات مونطو ديالها في الكحل فوق بيجامة حيت مخلوعة و بغات دغيا تمشي تشوف ماماها كترعد بالخلعة ...و دموعها هابطين ..هزات فلوس بالزيادة دارتهوم في جيبها و عيطات على حمد كاتليه دبا يجي عندها جمعات شعرها عشوائي و هزات تيلفونها ...و طفات ضواو و حيدات بريزات و خرجات سدات الباب و هبطات كتجري وكتبكي لقات حمد كيتسناها شافها و هو يهبط
ركبات اسيل مع حمد و هي كترعد خايفة على ماماها و كاع الافكار الخايبة كيجيوها في راااسها ..من بعد مدة وصلها حمد سبيطار دخل بيها تا لحدا المستعجلات و هبطات كتجري و حمد موراها تا هو ملقات شكون تسول باليها واحد واقف في الباب مكيخليهومش يدخلو و مشات كتجري عندو ...
اسيل: خووووويا عاافاك واحد سيدة سخفات و جابوها دبا شوية فين لقاها ...😢
......:وبااااش انعرف انا 😒ضوري عينيك شوفي شحال من واحد مجبد هنا ...ها لشااداه كريز ها لمفلق ها لسخفان و تقريبا كل ساعة كيجيو 10 الناس كل واحد و اش بيه باش انعرف انا دخلي لداك الجناح و شوفي ..
أسيل: اويلي على سبيطارت ديال اخر الزمااان يخخخ تفوو😡(دفعاتو اسيل و دخلات كتجري و حمد موراها )
دخلات اسيل كضور في عينيها👀 مفهمات تا لعبة كلشي مجبد ها لي فوق الناموسية و دمايات في راسو ها لناعس في الأرض راجل كبير و مفرش كاشة رمادية ديال سبيطارات و هي دايرة بحال محابسية ...ها لشااادااه كريز و كيغوت ربي لخلقو ..و ها لناعس زعما في جناح مكتوب عليه انعاااش و هو داير بحال برااكة ها لي شاد رجليه ها لشاد يديه ها لمشخشخا ليه الكمارة مرة ..أسيل داك المنضر سالا معاه قلبها تزير ..حسات بروحها اتخرج من داك المنضر و من كتفكر مها فين غادي تكون و حالتها ركابيها كيفشلو عليها ...تا كتبان ليها مها في واحد الناموسية مجبدة في القنت و دايرة زيفها فوق وجههااا عرفتها غير من جلابيتهاا و مشات كتجري عندها ..
اسيل:(مخلوعة) مامااا مالك ؟؟
خديجة:(بتعب) شووو ابنتي راني لباس غير سخفت و صافي ...
اسيل: اش قالك طبيب ؟
خديجة: اش غادي يقول دك ليا واحد براة و كالي ايكتب ليا شي تحااليل و خاصني ندرهوم و مشا من تما مرجع و انا ابنتي خنقاتني ريحة السبيطاااارات ..
اسيل: اويلي هاذا فين مشااا بقاي هنا اماما انوض نشوف فينو و لمكناش نمشيو لكنينيك ..
خديجة: راني مزيان ابنتي لاش كنينيك را غير طانسيو هبط ليا و صافي ..
اسيل: بلاتي بقاي هنا انا انوض نقلب عليه ...حمد واااحمد اجي اجي انا هنا مالك تالف ..
حمد: اويلي تي كيدرتي ليها كي زواق درت ملقيتكش ...لالة خديجة شوية ياك لبااس ..
خديجة: حمد الله اولدي لباااس ...ربي خليك
حمد: مايكون باااس ..اسيل اجي بغيت ندوي معاك ..
اسيل: وخا ..ماما انا انشوف الطبيب و رجع عندك ...
خديجة: وخا ابنتي متعطليش ..
ناضت اسيل خرجات مع حمد ...
حمد: بسمة من الصباح هي تصوني سالات خدمتها و خاصني نمشي نجيبها شنو نقولها ليها ..
اسيل: اووف اتخلع و لكن معدنا منديرو صافي سير جيبها نيشان لهناا و عرف كيف تقولها ليها ..انا نشوف هاد الطبيب اينا تحااليل و اش هادشي ..
حمد: وخاا يا الله الله يعاون حضي راسك ..
اسيل: كون هاني حضي معاك بسمة ..
مشا حمد لعند بسمة ..اما أسيل مشات كتقلب على الطبيب الرئيسي تا لقات المكتب ديالو و هي دخل مدرمة بلا دقان بلاا والو كاعية ..
الساقطة و الملتزم الجزء الثامن
محتوى القصة
التنقل بين الأجزاء