أسيل:كااين شيحد لي غايدييرهوم دبا بغيت نقطع هاد الشك فمرة
الطبيب:للاسف لا
أسيل:(بقات أسيل كاتصاارع أفكارها كيفاش السيدا منيين جات لماماها شحال وهي كاتفكر ودموعها دايزين ماحساتش بيهم اما الطبيب كان گالس كايشوف فيها وكايگول فراسو لا حول ولا قوة الا بالله حيت بقات فه)ياك غير شك هادا
أسيل:(نااضت وهي كاادعي الله مشات عند ماماها لقاتها گلسات وكاتأسف للحالة ديال الناس تما) ماما زييدي نمشييو
خديجة:نقدر نخرج دباا
أسيل:اااه غير زيدي
خديجة:شنو گالك الطبييب
أسيل:الطوونسيووو(شدات أسيل فماماها ومشاو غير خرجو هوما يتلاقاو ببسمة لي جاية كاتجري وهي تعنق خديجة)
بسمة:نانا خدييجة شنوو وقع😨 جيت من الخدمة كانجري اويلي أسييل مالها سخفاات
أسيل:حمد هادي هي ماتخلعهاش
حمد:برزطات ليا راسي ماقديتش نخبي عليها
بسمة:تي اشمن خلعة هضري قلبي غايسكت
أسيل:غير الاجهااد والتعب هادا هو السببااب
خديجة:ولكن ابنتي گلتي ليا الطونسيو
أسيل:آآ رااه بجووج غير نسيييت
خديجة:واخا ابنتي
بسمة:😐
حمد:اجيي نوصلكوم للدار زييدو
أسيل:(مشات شادة فماماها حتا دخلاتها وگلسات حداها بسمة اما أسيل مشات القدام گلسات وحطات يديها تحت ذقنها وبدات تفكر فماماها ماحساتش بالطريق حتا وصلو سلمو على حمد وطلعو دخلو لدارهم وكولا وحدة مشات بدلات حوايجها ومشات أسيل عند ماماها) ماما غدا غانمشيو نديرو التحااليل واخا
خديجة:علاش ابنتي راه غير العيا لاش التحاليل
أسيل:لاا اماما هادو ضروريين بحالا گلتي فحص عام يعني ضروري وحنا عمرنا درناه
خديجة:ولكن ابنتي
أسيل:😑ماما صاافي ااه وخودي شي اجازة مرضية وااخا
خديجة:لا خاصني نمشي للخدمة
أسيل:ماما راك مزاال عياانة اشمن خدمة يهديك الله
خديجة:واخا ابنتي غير بردي مالك شوكتك طالعة للسما
أسيل:اا لاا واالو غير حيت شفت دك الحالة لي كانو فيها عباد الاه وهوما مامسوقينش ليهم صافي انا ملي غانكون طبيبة ماغانديرش بحالهم ان شاء الله
خديجة:ااه ابنتي نتي غاتكوني احسن طبييبة ان شاء الله
أسيل:واخا اماما تصبحي على خير (طفات أسيل الضو وسدات الباب ومشات خرجات دخلات لبيتها كاتنهد هي تلقا بسمة واقفة على راسها) بسم الله علك اخاي ياك ماكتي كاتتحلمي بيا
بسمة:شنوو وقع أسيل شنو مخبية عليا
أسيل:(حاولات تخبي) شنوو😳ماواقع والو بطبيعة الحال شنو غايةون واقع
بسمة:راني حاسة بك مخبية عليا غير هضري
أسيل:(كاتخبي عينيها) راني هضرت معاك ا بسمة راه غير حيت ماما خلعاتني عليها بزااف داكشي علاش عييت ا بسمة بغيت غا نعس
بسمة:وااخا مهم شوفي ماما خديجة غاتكون بيخير ماغايوقع ليها والو ولكن حاولي دخلي ليها الفكرة باش تحبس من الخدمة
أسيل:اصلا ماغانخليهاش ترجع لتما باراكة هاد التكرفيص كامل
بسمة:ااه ولكن ماغاتبغيش وغاتشك فينا
أسيل:مهم تا لتما وربي تما
بسمة:تصبحي على خير
أسيل:ونتي من أهلو...
أسيل:(من بعد ما مشات بسمة دخلات أسيل للحمام غسلات وجها نشفاتو ودهناتو بكريم ديالها ديالها ليلي وبقات تشوف فلمراية) أسييل كااالم ماماك ماغايوقع ليها والو انا اصلا متيقنة بلي داك الطبيب ماكايعرف والو الله يعطيك الدود ماغايوقع لماما والو التحاليل غايكشفو هادشي صاافي ماعندي مناش نخاف (نفضات أسيل أفكارها من هادشي ومشات نيشان تكات طفات الضو وتغطات وغمضات عينيها كاتحاول تنعس وهي كاتفكر فماماها لي بصاح العياا الكبير باان عليها لواحد الدرجة كبييرة ولكن أسيل ماعطات لدماغها حتا فرصة باش يفكر بطريقة سلبية من بعد عناء طوييل داها النعاس وأخيرا)
♡عند البطل ديالنا ♡
علاء:گالس فالشوومبر ديالو ونصو الفوقاني عرياان ومتكي فوق الناموسية وحاط يديه تحت راسو وكايشوف فالسقف بعد عدة لحظات كادخل عندو برداائها الابيض القصير وبشرتها البيضاء وقدميها الحافيتين ووجها ملون باللون الاحمر من شدة الخجل☺ حطات الپلاطو فوق الكواافوزة وشعرها طاح على كتاافها وماهزاتتش فه العين) امااااني جييتي زوييينة بزاف
أماني:عويينااتك شرب الكااس ديال العصير قاديتو لك بيدياا (هزات الكاس بيديها الناعمتين وعطاتو له وهو ماقادرش يحيد عليها عينيه) سد فمك الموت كادور😉
علاء:كاتقتليني بهاد الضراافة ديااالك😍
اماني:(حطات يدها الصغيرة على فمو وهضرات بصوت ناعم وحنون) يموت عدوك ولي مايبغيك
علاء:(حط الكااس وناض لعندهاا تقابل معاها وهي قصيرة عله حدرات راسها شدها من يدها وبدا يدور فيها ماحدها كادور واللبااس ديالها كايتحول للون الاسود شاف فالتوب ديالها من بعد ما وقفات هز عينو فيها باانت له ملاااك اااخر بعينيها الحاادتين ونظراتها القااتلة أسييييل حل فمو على وسعو)أسييل
أسيل:(بعدات عله وجاتو من اللور عننقاتو) علاااء فرااسك واحد الحاجة رييحتك وااعرة بزاف
علاء:(حاس براسو العافية شااعلة فه بالجرا دار لعندها وتقابل معاها وحط راسو فعنقها) ولكن نتي ريحتك كاااتهبل جيتي زويينة بزااف تايحمقوووني عييينييك لي ماكايحشمووش شنو درتي فياا اناا لي ماكايناش شي وحدة لي تحرك فيا شي حاجة بحال شي حجرة جيتي نتي وهرستي هاد الحجرة فمرة
أسيل:(حطات يدها على صدرو وشافت فه بعينين نوعا ما ذابلتين)
علاء:(ماقدرش يقااوم شدها من ذقنها بيدو وقرب ليها وطبع قبلة على شفتيها ساخنة حاارة🔥أحرقت عذريتهماا من بعد لحظات حل علاء عينيه مصدوم وبالجرا شعل الضو ديال الفيووز) اسيييل اسيييل😳 ككنت كاانحلم مافهمتش كييفاش أمااني أسييل (وهو كايتفكر الحلمة تبسم تلقاائيا وقااس الشفااه دياالو ببلاهة نفض راسو من دوك الافكار وهو كايحك راسو وكايضحك) هههه أسيييل يا أسييل نهاار قررت نساااك لقييتك تبعتييني حتا الاحلااام ديااالي(شاف فراسو هو يلقا سروالو ديال السپور الكحل فه شيحاجة بيضة قلب دغيا هو يتصدم لقاا راسو استحلم فالمناام ديالو قبلة أترات عله قد هكا *زعما جابو فسرواالو وهو ناعس🙊*)ناري هادشي ماايمكنش يعني هادا غيير حلم ووقع ليا هكا وحتا فالحلم كانت مجرد قبلة ناري بزااف هاادشي تفوو (هز تيليفونو شاف فالساعة كانت السبعة ديال الصبااح ناض بشوية عله دخل للحمام باش يدوش ويتوضا الوضوء الكبير وهو كايستغفر الله ويگول لا حول ولا قوة الا بالله ويعاودها دخل دوش وخرج نشف راسو لبس حوايجو وهز الريحة ديالو الله بغا يرشها تفكر هضرة أسيل فالحلمة بلي كاتعجبها ريحتو بتااسم وبدا كايتريح وكايضحك مشط شعرو وقادو هبط لتحت لقاهم بداو كايتجمعو على طبلة الفطور گلس وشد بلاصتو وبدا كايفطر وهو ساهي حتا سالا إستأذن وناض مشا خرج لخدمتو)
♡عند البطلة ديالنا ♡
أسيل:(فاقت مع السبعة ديال الصباح كذلك دخلات للحمام دغيا قضات حاجتها ودارت الروتين ديالها ومشات بالجرا لبسات حوايجها وخرجات فيقات ماماها وفيقات بسمة ومشات كاتقاد الفطور من بعد ربع ساعة حطات الفطور وخديجة وبسمة خرجو لابسين حوايجهوم وخديجة لابسة الحجاب الشرعي ديالها لي واخا العيا ولكن ماكايخفاش الجمال ديالها گلسو كايفطرو سالاو جمعات أسيل الماعن وحطاتهم فوق الپوطاجي بالجرا ومن بعد بدات تجر فيهم باش يخرجو مشات جمعات صاكها وحطات فه الفلوس وداكشي ومشاو خرجو ولقاو حمد نيشان كايتسناهم عرفهوم غاديين وبلا مايگولها ليهم جا باش يوصلهوم وداكشي لي كان مشاو لواحد لابوغاتواغ تسناو شوية حتا حلو الباب ودخلو وحيت هوما لولين دغيا دخلوها غير سالاو ومشاو خرجو) بلاتي نسييت واحد الحاجةتما انا حاية دبا(مشات أسيل كاتجري وهضرات مع هديك على الفحص ديال الايدز وخلصاتها وگالت ليها العشية تجي ليهم خرجات أسيل وهي متوترة ركبو تاني ومشاو رجعو لدارهوم)
أسيل:(وصلو للدار وهي كاتحاول تنسا أمر التحاليل طلعو فالسانديك ودخلو للدار ديالهم وخديجة گلسات فالسيجور كاتستااراح)
خديجة:الله اربي عييت
أسيل:ماما واش عييتي بزااف واش نديك للطبيب ولا شيحاجة
خديجة:اويلي ابنتي الطبيب😳 راه غير ركابيا لي عياو وصافي
أسيل:اااه واخا اوا رتااحي انا غانشقا ليوم
بسمة:👀
أسيل:مالك نتي كاتشوفي راني ماشي معگازة لدك الدرجة
بسمة:ههه بااينة
أسيل:(دخلات لبيتها بدلات حوايجها ولبسات پيجامة ديال الدار ومشات بدات تشقا شطبات الدار كاملة ومسحات الغبرة والزربية عاد دازت لدوك الماعن غسلاتهم ونصبات الغدا خلاتو يطيب ومشات جفات بشوية تسانيكروا سالات مع دك 12 ومشات ريحات عيات جات عندها بسمة وبقاو كايهضرو ليوم داخلين بالعشية ناضتت اسيل ومشات لاحت پينوار ديالها ولبسات صابو ديال ماماها وهزات الصرف والسوارت ومشات خرجات للمخبزة جابت الخبز ورجعات للدار بالزربة لقااتهم حطو الغدا حطات الخبز وغسلات يديها وجاو كاياكلو وهوما كايشكرو ليها طيابها وهي كاضحك معاهم ولكن فلداخل ديالها قلبها كايتحرق غير سالاو الغدا غسلات الماعن تاني وخديجة مشات كاتفرج جابت ليها أسيل كاشة وغطاتها ومشات هي وبسمة باش يلبسو حوايجهوم قادو حالتهم ملي وصلات الوقت جاو باسو خديجة وأسيل كاتوصي فيها وتعاود ومخلوعة عليها لا تعاود تسخف وگالتليها كولا شوية تسيفط ليها مساج باش طمن عليها وداكشي لي دارو مشاو البنات خرجو تمشاو شوية هوما يشدو طاكسي🚖وصلات بسمة هبطات ومن بعد كملات أسيل طريقها للمدرسة ديالها وصلات هبطاا وخلصاتو وهي غادة مستووهة ساهية عقلها مامعاهاش حتا ضربات فشي حد خرجات فه هزات راسها وهي تگوول سمحلييا ماعرفاتش شكون وحتا ماهتماتش غير طلقات دك الكلمة ومشات كملات طريقها قطعات الشانطي وددخلات)
♡عند البطل ديالنا ♡
علاء:(مشا لخدمتو وهو كولا مرة كاطيح فبالو دك الحلمة وكايضحك وصل وبقا مركز فخدمتو ولا كايحاول ابقا مركز فخدمتو ماشي فأسيل واخا فالحلمة كانت أماني ولكن نسااها فمرة كايفكر غير فأسيل والقبلة ديالها كايحس بيها حقيقية قرب اودن الضهر استأذن ومشا لاجماع توضا وصلا وقرا شوية ديالقرآن ملي وصلات وقيتة الصلا صلا صلاتو ومشا للدار نيشان دخل لقا عليهم السلام ومشا طلع غسل يديه وبدل حوايجو وهبط تغداا معاهم ورجع لبيتو هز پيسي ديالو هي طيح عله واحد الفكرة دخل للسيت ديال المدرسة ديجا كايعرفو مع ختو كاتقرا فيها ومشا لومپلوا ديال العام لول عرف بلي أسيل غادخل مع 2 فرح ومشا لبس حوايجو وهبط بالجرا باش يلحق عليها بغا غير يشوفها واخا من بعيد من بعد عدة دقائق كان كايتسنا قدام المدرسة بقا مقابل الطااكسياات مدة اصحابله واش ماغاتجيش حتا لمحها من بعيد كعادتها غير ليوم شيحاجة مختالفة شيحاجة ناقصة گادوه رجليه لعندها نيشان قطع الشانطي ومشا عندها ودار راسو غير كايتمشا حتا خرحات فه بتااسم ابتسامة نصر وهي تهز راسها شافت فه گالت له سمحليا وزادت خلاتو مصدوم واش ماعرفاتوش واش دارتها بلعاني دار وبقا كايشوف فيها كاتبان ساهية عقلها مامعاهاش بغا يلحق عليها ولكن ماقدرش شيحاجة حبساتو بقا كايشوفها حتا غبرات فمرة🖤 مشا لوطو ديالو ركب ومشا ديريكت لخدمتو)
أسيل:(دخلات لكور ديالها وگلسات اللور وبقات فكرة ديها وفكرة تجيبها وكاتسنا ايمتا توصل دك 5 باش تمشي تشوف التحاليل بقات هكاك دازت الحصة تقييلة عند أسيل بزااف وهي أصلا حاضرة غير جسمانيا اما عقلها ماكاينش معاها فهاد اللحظات وأخيرا وصلات 4 باش تخرج جمعات صاكها دغيا ومشات عند واحد البنت طلباتها على الوراق ولي نوط ديالها دير ليهم فوطوكوپي عطاتهم ليها ومشات خرجات برا المدرسة ورجليها فاشلين عليها كاتشوف ايمتا دوز شي طاكسي حتا قاسها شي حد فكتفها دارت بالعرض البطيئ هي تلقا علاء) نتااااا!!! ؟
علاء:ااه انا علاه شكون كنتي متوقعة
أسيل:(دارت مرة خرا كاتشوف قدامها) تا واحد
علاء:(جا وقف حداها) أسييل ماالك
أسيل:(شافت فه بالجرا كاتستفسر واش زعما لهاد الدرجة باين فيها ولكن مارضاتش دغيا رسمات على وجها شوفة حادة) 😠ونتااا مااالك ماالك وليتي كادخل فياا هكا فيما درت كاالقااك عاافاك بعدد مني وخلييني علك ديييها فمرتك عافاك...
علاء:بلاتي بلاتي اشمن مراا
أسيل:😏باغي تنكر
علاء:😠اشمن مرااا
أسيل:هااديك لي جات معاك عند الخيااط مراتك
علاء:(تفكر الموقف لي وقع هو يعرفها كادوي على نور) انا مامجوجش بغيتي تيقي تيقي مابغيتيش لخاطرك ولكن انا ماكانكدبش
أسيل شداااات طاكسي 🚖 و حابسة دموعها غير بزز كالتليهه يديها لابوراتوار لفي خبازة و داها ..علاء ركب في لوطو ديالو و تبعها ...ماهي الا نص ساعة ووصلات اسيل هبطات خلصاات طاكسي و نزلات حانية رااسها و كدعي في نفسهاا و كلها كترعد ..علاء شافها هبطات و حبس بلاصة طونوبيل في واحد جنب و هبط شافها طالعة عمارة لفيها لابوراطوار بقا متكي على طونوبيلتو كيتسناهاا ...أما أسيل طالعة في دروج و كدعي تا وصلات طاج اول دخلات لقات لابو عامر مشات عند بنات لفي استقبااال ...
بقات البنت كتقلب في بيسي عاد لقات معلومات ديال خديجة و مشات جابت التحااااليل في جوا من داخل ..
.....: هاهما اختي ..
اسيل: وخااا تشوفيهوم لياا ..
......: سمحيلي اختي معندي باش نفعك خاصك تشوفي طبيب لعطاهوم ليها هو ايكوليك اش كاين ..
اسيل: اه اوك ختي شكرا ..
......: الله يسمعكوم خبار الخير 😊
اسيل:(تنهدات) امين اختي امين ..
خرجات اسيل شادة التحاليل في يديها و هي كترعد ..هبطات ثاني و هي وجهها صفر الخلعة راكباها من ضفرها الصغير..شادة التحاليل في يديها ..وقفات شيرات پوتي طاكسي نيشان سبيطاار الغابة ..علاء شافها هبطات و طلع في طونوبيلتو بقا مقابلها تا شافها شدات طاكسي ثاني و تحركااات و طلع تبعها ثاني ...تا وصلات حدا سبيطار و نزلااات و هو موراها حبس في واحد الضووورة ...خلصات مول الطاكسي و نزلات و يديها كيرجفو و كدعي و تعاود ميكونش داكشي بصح ..سبيطار الغابة سبيطار عام ديال الدولة و بما انا طبيب ديال تما لخرج ليها تحاليل اضطرت ترجع عندو ...دخلات حانية رااسها ...وغادة بشوية عليها ركابيها فشلوو عليها..علاء هبط من طونوبيلتو و تبعها بلا متحس غادي موراااها ..وصلات المستعجلات و دخلات لقاات نفس الحااالة ثاني ها لمشخشخ ها لساخف ها لماات و باقي في بلاصتو ..مشات لقات الناس كالسين في الأرض كيتسناوو و باب ديال طبيب مردوود و هو كيشرب اتاي و كيضحك مع واحد فرملية ..في ديك اللحضة طلعو ليهاا الجنووون و هي دخل بلا دقان بلا والووو...
دكتور: شووووفي سمعيني مزيان هاذ تحاليل ميمكنش يغلطووو فيهوم نهااائيا ...شووفي دبا انعطيك عنوان ديال واحد طبيب مختص في هادشي هو ضرووري مغادي يعاود ليها لي زاناليز و يدير ليها راااديوهات و يتاكد ..دبا انا هنا في هاذ تحااليل عاطيني انهوم خرجوو سلبين و ان الام ديالك كتعاني من هاذ المرض معااارفش اينا مرحلة واصل واش عاد بادي و لا قديم و شنو السبب ديالو ..و الغااب كيكون سبب ديالو الجنس ..
أسيل: مصدومة ...لا رد ..
دكتور: شوفي دبا اتمشي عند طبيب مرزووووق في بولي كلينيك كاين تما هو غادي يشرح ليك مزيان انا را غير الطب العااام مغاديش نعرف بضبط...مع الاسف ..
اسيل:(مصدومة) عطيني التحااليل ..
دكتور: (مدهوم ليها) الله يكون معاكوم..
اسيل:(شاافت فيه بنضرة ديال وحدة محطمة مرة و خرجاات ..) كتمشى كل خطوة كتخطيها غير بزز و هي كتردد كلمة وحدة في وذنيها هي ماماك فيهاا سيدا ...كتفكر تمشي عند طبيب و لكن 6 عشية هاذي مغاديش تلقاه ...رجليها فشلوو عليها ...راسها غادي يتفركع بكثرة هادشي و شنو سبابو خرجاات بان ليها واحد الكرسي ديال الجردة مشات كلسات فيه ..كتفكر .. هي تفكر استاذ ديالها في مدرسة طب و هي تصوني ليه..اما علاء بقا كيتسناها برا شافها تعطلات الله جا يتبعهاا وهي تبان ليه خارجة حانية راسها عينيها مغرغين وجهها صفر كتشوف غير في الأرض ..
علاء:😮هاذي مالها؟
¤¤عند أسيل البطلة ديالنا¤¤
...كالسة في كرسي فالجردة ..كتفكر..تا تفكرات واحد الأستاذ كتقرا عندو في مدرسة الطب و ديجا واخدة نمرتو دكتوور كبير ..جبدات تيلفونها و هي تجبد نمرتو و دوزات ابيل..
طيط طيط طيط 📲📲
.....: الو ؟؟
اسيل: الو استاذ..(كاتمسح دموعها)
.....:وي شكون معايا؟؟
اسيل: انا اسيل بن العمران تلميذة ديالك..ديجا عطيتني نمرة ديالك على واحد عرض انقدمو في شهر ابريل ..
......: وي وي تفكرت اش حب الخاطر ابنتي ..؟
اسيل: استاذ عطيتيني بزااف المواضيع او بالاحرى امراض لي يمكن ندير فيهوم العرض..و انا خذيت واحد المرض و عندي شي تساؤلات عليه ..
......: وي تفضلي ..اينا مرض هذا؟
اسيل:(قبلها مزير ) السيدااا ...
.....:؟؟؟
اسيل: بغيت غير نعرف شي حوايج انا بحثث في الانترنيت و طلعو ليا شي حوايج مفهمتهومش..
.....: شنو هوما هاذ الحوايج..
اسيل: وخاا ..(بداات كتقرا عليه داكشي لفي التحاليل ديال مها و كدير بحال لكتسول ) هادشي لمفمهتوش ...
.......: هادشي كيكون في التحااليل اولى؟
اسيل: وي يقدر ديجا لقيت هاذي مكتوب في واحد الموضوع..
......: اوكي انا غادي نشرح ليك ..مثلا هادشي لقلتي لياا بحال التحااليل ديال شي شخص لكياكد ان المرض في الاواخر دياالو و في هاذ العام ...لخر بداو كيابانو اعراضو ..و لكن راه في الجسم حوالي 3 سنين على ما يبدو وإقدر كتر دبا و هادشي لمعروف على مرض السيدا مكيضهرش نهااائيا كيبقى مخبي ..تا الاواخر ديالو عاد كيبانو الاعراض ديالو ..و يقدر يكون في الانسان سنوات عديدة عاد يضهر ..و في هادشي لقريتي عليا كيبين ان مرض انتقل جنسياا ..و الاغلب سبب ضهور هاذ المرض و هو الجنس ..ممارسة الجنس او الجنس المختلط ..و السيدا ماعندوش علاج...كاين ادوية غير كتخلي بناادم شاد في رااسو و صافي تا كيوصل اجاالو ...و باقي لحد الان الاطباء و لعلماء كيبحثوو على علاج ليه ...ولكن كابقا الوقاية احسن من العلاج ..
اسيل:(اكبر صدمة تصدمااات ملقات متكول) لارد..😢
......: بن العمران كتسمعيني ...
اسيل: لارد ...
......: الووو....الووو
اسيل:..(بحزن) ا الو استااذ شكرا سمحيلي برزطتك..
.....: ماشي مشكل مرحبا😊《قطع》
قطعات اسيل و دموعها نزلو بحاال شلال هزات ييديها وحطاتها على قلبها و حساتو مزير وقريب يسكت رجليها و يديها كيترعدوو...كتفكر كيفاش انقى و اشرف مراة في هاذ الكون تصااب بهاذ المرض و بالخصوص انتقال جنسيااا ..و هي اشرف منها مكااين بدااات كتفكر تا تفكر ...حتاا ضربات الوقفة ..
اسيل:(دموعها دايزين😭) الوحش...اااااااه الوحش هووو الله يااخد فك الحق المجرم الله ياااخد فك الحق😭..هزات صاكها و جمعات راسها مسحاات عينيها من الدموع و غادا كتززرب باغااا غير تخرج من داك السبيطااار ...اما سيدهوم علاء من شافها خرجات مشا رجع حدا ديك الشجرة و بقا مراقبهاا و هو كيشووف حركاتها و شوية بانت ليه كتبكي عرف شي حااجة عندها ...شوية بانت ليه وقفات و ناضت و هو يتبعها ...خرجات اسيل شداات طاكسي تاني من حدا باب السبيطار 🚖 و علاء تا هو مشا دغيا ركب في طونوبيلتو و تبعها كالعادة ...اسيل قالت للشيفور يديها لواحد البلاصة سميتها علامة ..وداكشي لكان ..علاء لاحض الطريق لغادية فيها و كيكول في رااسو كيفاش غاداا لهاذ المنطقة ماهي الا 10 دقايق وصلها الطاكسي خلصاتو و نزلات و كملات طريقها مشي و علي تابعها تاشافها دخلات في واحد الزنقة مضيقة حبس حدا واحد الدار و نزل تابعها على رجليه...بشوية هي غادة كتزرب باغا غير فوق توصل ..تاوصلات حدا واحد دار فيها جوج طاج في حي شعبي بناء قديم و بدات كدق....
دق دق دق 🚪
........: هااااشكون ...بلاتي ...هرسوه نتومااا حسن ....ابلاتي
حلات الباب مراة في اربعينات من عمرها حازمة رايها بخرقة بيضة و مكفضة لابسة بيجامة طويلة وملوية عليها تزارة و هازة في يديها موس صغير ديال الخضرة و يديها كلهوم خرقووم...
......: شكووون نتيا؟؟
اسيل:(طلعتها و هبطتها ) كااااين الوح...(تنهدات بغضب) بغيت نقووول عمر..
.....:وشكون بغااه؟؟شكون نتي بسلامة ..
اسيل: (بنبرة حادة)بنتوو ...مع كل اسف ...
.....: بنتووو😱😱😱😱《طلعتها و هبطتها》 تي تي بنتوو كطنزي عليااا ولا شنوو تي دايرة بحال لهاربة من سامحيني متكونيش منااار 😳
أسيل: ... شووفي باركة من التخربيق ..بغيت عمر كاااين..
......: عمر مريض كيمووت
اسيل: مااالو😮
.......: عندو المرض خااايب راه داخل دخلي شوفيه ...
اسيل: دخلات اسيل كضور عينيها👀👀تا قشعااات باها مجبد في واحد السداري في وسط الدار مغطي بكاشة و حازم راسو بخرقة ...ضعااف تا سنانو خرجو وجهووو زرك و عينيه صفاارو و مقلوبين ..بقات غادة باتجااهو بشوية و هي كلها كترعد و عينيه بلا شعور كيدمعوو وهي دموعها بحال الشلال ..وصلات حداه و بقات واقفة عليه ...هو سمع الحس و هو يهز رااسو بشوية بتعب و عينيه بزز باش كيبينو ليه الرؤياا ...
أسيل:😭😭😭 خرجااات كتجري غير كمل هاذ الجملة النفس دياالها تقطع رجعات جوج خطوات اللور وهي تخرج زدحات الباب و تكات عليه حاسة براسها غاتسخف تا وقف عليها علاء...
علاء: أسيل😮
أسيل:(دمووعها هبطوو شلاال حيت صاافي تيقنات بلي ماماها غاتموووت وغاتولي حالتها بحال حاالة باباها واخا حقدات عله ولكن كاتبقا إنسانة والقلب ديال الانسان كايحس بقا فيها شفقات عله ولكن دبا كاتفكر غير فماماها علاء جا حداها كايعيط عليها وهي ماسمعااتوش نهائيا ودنيها تصمكوو جاتها الدوخة طاحت على ركاابيها كاتبكي وكاتشهق)😭اهئ اهئ
علاء:(مصدوم فيها عمرو شافها بهاد الحالة مدمرة لأقسى درجة بقا غير كايشوف مازعمش يقيسها وماخاصوش أصلا يقيسها قوض قدامها) أسييل مااالك أسييل هضري
أسيل:(كاتشهق وهضرتها متقطعة تلفات عندو كادوي معاه) ععرفتي مااامااا خدماات علياا فالشتااا والبرد كانت كااتخرج بالليل بااش تخدم مااما اناااا ماعموها خلاتني نحس بالنقص لي بغيتها كاتحضر عندي عدبتهاا بزااف خدمات فالليل والبرد والشتاا باش تجيب الفلووس لي كنت مصدعااهاا بيهم كولا مرة بغييت عمرري مااشفت الالم ديااالهااا حيت ماكاابينش شحااال من مرة سمعتهاااا كاتشكاا من ركااابيها كايضروها خااطها دوز فيما تخرج الخلصة كااتگوول غادوز كانجي انا كانكشطهاا انااا حمااارة انااا خاااايبة مااكانسوااااااش😭اناا اناا عرفتي ماما صبااطهاا كان كايتقطع كاتمشي عند الخرااز اقاادو مااكانت كاتشري رااسهاا واالو على قبلي انا فيما كاننت كاتمرض وتشد الفرااش كاتنوووض تمشي للخدمة باش تجيب للفلووس باش نعييشووو علاااء ماما كااتموووت مااماا غاتموت وغاتخلييني😭هي رااه ماتستااهلش تمووت انا نستااهل نمووت اناا لي خاص نموت يااربي قتلني اناا وخليها هي عااايشة (تقطعات فيها الهضرة ملي حسات بشي حاجة ضرباتها فقلبها حسات بالخنقة مابقاتش قاادة تهضر نفسها وقف ودموعهاا داايزين عينيها رجعوو حمريين بالبكاا لي بكااتو بفات كاتنفس غا بزز وشادة على قلبها) اهئ هاا😭💔
علاء:(ماعرفش علاااش حس برااسو قلبوو كايضرو بزااف وهو كايشوفها فدك الحالة والناس ديال داك الدرب لي داز كايشوف فيهاا خصوصا الدراري كايخرجو وهي فدك الحالة اما علاء تزير كايبغي يقيسها وكايرجع يشد يدوو ماقدرش اهضر) أسييل شنوو واقع
أسيل:(هزات راسها محطمة وشافت فه واحد الشوفة شوفة وحدة إنكسرت من الدااخل💔 مدمرة شووفة وحدة فااقدة الامل غمضات عينيها وهي ماقاداش تهضر وماعارفاش حتا شنو كادير هزات يديها لي كايرجفو وجبدات التحاليل من الصاااك ووعطااتهم له)
علاء:(شد الوراق وهو كايتعجب حلهوم بالجرا وبدا كايقرا النتيجة وحيت هو ديجا قااري بزاف ديال الكتب العلمية عرف فالبلاصة شنوو كاين شاف فالسمية خديجة العلوي عرفها ماماها تصدم ماعرف مايگوول حتا باش اواسيها ماقدرش شنو غايگوول ليها ماماك راه غاتموت ماعندك ماديري سكت للحظة وعينيه غرغرو بلا مايحس كايتفكر دك المرا لي شاف دك المرا لي شاافها يعرف بلي أنقى امرأة وأشرف وحدة كييفاش تا وقع هاادشي هادشي كايدور ليه فباالو وماقدرش يسول وهو كايسمع شهقاتها المتواصلة)
أسيل:ماااما اهئ اهئ😭ماماا مااتستااهلش والله مااتستااهل مااشي دنبهاا هو لي تهجم علينااا هو لي غغ... غغتااصبهااا هووو الوحش لي خلااااني هكا هو لي دار فماما هاااد اللحاااالة هو لي خااصوو يموووت هوو
علاء:(كاسمع وهو مصدوم من هضرتها هضر بلا مايفكر)شكوون😳
علاء:(حل عينيه على وسعهوم من هول الصدمة وبدات الصوورة كاتوضح ليه كايفكر كيفاش لشي انساان يدير فشي وحدة هاد الحالة خصوصا لا كانت مراااتو وأم بنتوو كيفاش وعلاش وايمتا بزاف ديال الاسئلة جاوه فباالو وماقدرش يسول بطبيعة الحال شنو غايگوول حتا الهضرة تلفات له اما أسيل حدرات راسها ومابقاش كايتسمع صوتها من غير شهقاتها لي كانت كاترد بيهم النفس مغمضة عينيها ودموعها كايطيحو فالارض من بعد لحظات سمعو الباب تحل وخرجات منو دك المرا ديال قبيلة)
.......:تي فيين مشيتي اجي راه بااك غايعوااج ليا هناا من خرجتي هو يگوول بنتي دخلييي عندوو وديه عليا من هناا انا ماقاداش عله وعلى همو غا حشمت نلوحو للزنقة شغايگولو عليا النااس وزايدون باينة فك لاباس علك دييه عندك راه مابقا له والو ماشي بحال يموت هاد الشهر مزاال دوزي معاه هاد ليامات لي بقاو فعمرو😏 شووفي (قربات ليهم وهي كاتهضر بشوية) دباا نتي بااينة لاباس علك وهادا راجلك يااك تا هو باينة فه خانز فلوس يعني ماغاتقلبوش على الورت ياك دبا الا مات باك خلييو ليا انا هاد الداار نسكن فيها نتوما راه ماخصكوم واالو...
علاء:(دار عندها وخنزر فيها تخنزيرة دايزها الكلام سكتها وهو كايسمع فهاد الهضرة لي بحال السم بلا مايحس شد أسيل من يدها وعاونها حتا وقفات ودخلو للدار بجوج وهو شاد فيها لا طيح بعدات عله ومشات نيشان عندو وهو تابعها وقف بعيد وهو كايشوف حالتو مامتيقش بلي هادا هو بابات أسيل اما أسيل تلاحت فالارض حداه گلسات ودموعها نشفو)
أسيل:(بداات كاتبكي بلا ماتبغي ولكن ماقدرااتش وهي كاتحس بدموعو كايطيحو على يدهاا ويدوو كاترجف بقا فيها واخا هو السباااب فكولشي ولكن مااقدراااتش تحبس مشااعرها غلبووها بغات تحقد عله بغات تشفا فه ماقدااتش هاد اللحظات كانت كاتعيش صرااع دااخلي مع دااتها عقلها ولا قلبها او بالاحرى مشااعرها خطفات يدها منو بالزربة ودارت بغات تمشي بخطوات بطيئة وهي مغمضة عينيها قبل ماتوصل عند علاء لي كان مصدوم فردة فعلها بقا فه واخا داكشي لي دار سمعوو دوي سقطة كان عمر لي حاول يشد يدهاا ويمشي عندهاا وبقا كايدفع الجسد ديالو جيهتها حتا طااح فالارض تلفتات أسيل بالزربة لقاتو طايح فالارض على كرشو)
أسيل:😢جريتي عليينا واناا باقا تربية تكرفستي على ماماا وهي عاايشة معاااك تكرفستي عليها وهي بعييدة علك شوهتيينا فالدرب ما مرة ما جوج تكرفستيي علييها فقلب داارنااا شنو علاياش كاادوي اينا وحدة فيهم غانسمح ليك عليها (حنات راسها ودموعها كايطييحو) عمري ماتوقعت نگول هاد الهضرة ولكن ا بابا انا مساامحااك دنيااا وآخرة😢
علاء:(هز راسو فأسيل مصدووم داك الحقد لي فقلبها من جيهتو نسااتو وسمحات له فهاد اللحظة كبراات فعينيه بتااسم ابتساامة خفييفة دغيا جمعها حيت ماشي وقتهاا كل مرة كاتزيد تصدمو هاد البنت عاونو عمر حتا وقفوه)
أسيل:(بدون نقاش) وااخاا (عاونو باباها بجوج حتا خرجوه من الدار وهاديك المرا كاتشوف عاجبها الحال غايخوي عليها الدار باش دير ما بغات مشات كاتجري باغة تجمع ليه حوايجو زعما اما علاء...)
علاء:اسيل حاولي تشديه مزيان بيما قربت الطونوبيل من هنا واخا
أسيل:وواخا شدو دبا نتاا نجيب كرسي خايفة يطيح
علاء:(دار داكشي لي گالت شد عمر مزيان باش مايفلتش ليه وأسيل مشات كاتجري كاتقلب على كرسي وجابتو گلسوه فه وهي شادا باباها وعلاء مشا كايجري عند لوطو ديالو حلها وركب ديمارا قرب لوطو لحدا الدار وخرج حل الباب ديال اللور ومشا عند أسيل تعاونو بجوج حتا وقفوه ودخلوه لوطو ركب ركبات معاه أسيل هو يهضر معاها باباها غي بشوية وكايهضر بزز والهضرة كاتخرج متقطعة دارت له أسيل براسها انا جاية وهي تمشي رجعات للدار لقات مرات بااها كاتسناها وهازة معاها شاكوش)
.....:هاكي ديال باك
أسيل:لا غا خليهم هادشي لي غاتربحي ااه وقبل بغيت نگوولك راه بابا رد كولشي بسميتي يعني هادشي كامل ديالي (دارت وعطاتها بالضهر خلاتها مصدومة بداات تغوت ولكن أسيل ركبات وعلاء ديمارا)
...رجعات أسيل ركبات لور حدا باباها و ديمارا علاء طاير خلا غير العجاج من موراه...مشا نيشان كنينيك سبوو مصحة كبيرة في القنيطرة ...وصلو و هبط كيجري حل عليهوم الباب و مشا شاف واحد كرسي متحرك جابو و هبطوه هو و اسيل بشوية و كلسوه و دخلوه ايغجوو و كلسو كيتسنااو برا ...علاء وقف على حيط و اسيل بقات غادة جاااية في كولواار و كتفرك في صباع يديها متوترة و دموعها مابغاوش يحبسو ..علاء كيشوف فيها و مقادرش يقرب ليها ..غير كيتأمل فيها من بعيد ..شوية و هو يخرج طبيب ..مشات اسيل كتجري عندو ..
اسيل: دكتوووور كيبقا بابا؟؟
دكتور: مع الأسف حالتو حرجة بزااف ..و المرض في اواخر ديالو ..مكاين تا علاااج مع الأسف《حاني راسو 》
اسيل: و شنوو معمول ايبقا هكا 😢
دكتور: اش غادي نقوليك ابنتي معندي منخبي عليك هو يقدر يبقى تحت الحماااية ديالنا و نعطيوه الادوية و غادي يكون تحت المراقبة ديال أطباء و الفرملياات ..و لكن راوضعو مكيبشرش بخير ..وخا الادوية وكلشي حالتو مغاديش تحسن غير اتبقا مستقرة و صافي و اي حاجة وقعات كندخلو ..
أسيل: دباا هاذ المرض معندوش علاج نهائيا ..😢
دكتوور: مع كل الاسف مكاينش..
علاء: دكتور زعما لامشينا الخارج مكاينش أمل
دكتور: داكشي لعندهوم تما عدنا هنا دبا مغرب را طور بأجهزة و كلشي ..و انا كنت ديجا طبيب في امريكا و مع الاسف مكاينش دواء لهاذ المرض ..كاين غير ادوية لكيخليوك عايش واحد مدة كتكون طويلة شوية في حالة ما تعرف الواحد على مرض في بدايتو ..اما من كيوصل المرض الاواخر ديالو ..مكيبقا غير دعاء ليه و مراقبتو حالتو تا كيدي مول امانة امنتووو..
فرملية: وخاا ...مشات فرملية ..و علاء دار عند علاء ...
علاء: اسيل شوفي دبا بلا مديري لينا محااضرة في هاذ الوقت غير حيدي كبريااء ديالك ..انا غادي نتكلف و حسبيهوم سلف ...حيث الوضع مكيسمحش ديري هكا ..
اسيل:(بتردد ) وخاا ...وخاا و لكن غير سلف غذا فلوسك يرجعو ليك..
علاء: وخاا ..يا الله كلسي هنا انا انمشي ندفع تكاليف ونرجع ..
اسيل: لا ..رجلي برجليك ...
علاء:(ابتسم) هه يا الله..راسك قاصح ..
اسيل: زيدي باركة من هضرة ..
علاء: (ربط غوباااشة مخنزر ) زيدي ..مشات اسيل قدامو و علاء من موراها طلعو دفعو تكاليف ديال كنينيك ..عاظ حولو باها عناية مركزة خرج عندهوم طبيب مرة ثانية و كاليهوم غير يمشيو معندهوم باش ينفعو و هما هنا و أسيل شافت ساعة لقات 9 و هي تشهق ...
اسيل: احح على مغيااارة ديالي ..راتي لكاينة و مكاين ماحسن ..خلينا من هاذ الهضرة و كوليلي ماما لبااس عليها ..
بسمة: اه راه ناعسة دبا..
اسيل واش مريضة 😨
بسمة: لا را لبااس ..نتي جبتي التحاليل ..
اسيل:(تنهدات و هبطات دمعة من عينيها) اه را جبتهوم و دوزتهوم الطبيب ..
بسمة: (بخوف ) اهاه و شنو قالك ؟
اسيل: (تنفساات) ..كلشي هو هذااك غير الإرهاق و العياء و الضغط دموي طالع شوية داكشي علاش غانديرو ليها مزال شي وحدين ولكن راه كولشي بيخير..تا نجي و نشرح ليكوم..
بسمة:(بارتياح) وخاا ..متعطليش را فاقت قبيلة و سولات عليك وبقيت غير كنضور في عينيا ..اجي قبل متفيق ثاني..
اسيل: وخا انا جاية دبا ..بسلامة ..
بسمة: حضي راسك ..《قطعات》..
اسيل: 《دارت عند علاء 》شكراا بزاف عذبتك معايا ..
علاء: هذا واجب ..يا الله نوصلك
اسيل: مكاااين لاش نعذبك ..انشد طاكسي و نمشي ..
علاء: مكاين لا عذاب لا والو هذيك طريقي .
اسيل: وخاا..يا الله مشينا .
علاء: مشينا ..
خرجات اسيل و علاء ...اسيل في جنب علاء و مخلية مسافة بينها وبينو ..هبطو ومشاو لوطو ديال علاء فتحها و ركبات هاذ المرة في جنبو دارت سمطة ووعلاء تا هو و ديمارا ..غادين بالسكاات تا طلق علاء قران بشوية سورة يوسف ..اسيل تكات على زاج و هي كتسمع قران و كلمات من كلام الله عينيها دمعو ..علاء مركز في الطريق سايق بشوية و كيخطف شوفة في اسيل كيلقاها كتبكي كيتهند و يرجع مركز مع طريقو ...و هو كيتحصر على حالتها و حالة ماماها و بخصوص من شافها و عرفها من أطهر الاشخاص متستهالش ..بعد مدة وصلو ..
علاء: على سلامتك ها حنا وصلنا ..
اسيل: 《دارت عندو 》 شكراا بزاااف و سمحيليا ..
علاء: ليوما شبعت شكراا ...كثرتي عليا ...و مرة اخيرة كنقوليك هذا واجب...
اسيل:(تفكرات ..و هي ضحك بشوية) هه لا كون هاني و لكن باش انتواصلو..
علاء: عطيني نمرتك انا غذا نصوني ليك ..
اسيل: وخا قيد ..
علاء: بلاتي《جبد تيلي》 وي ..
اسيل:06*******
علاء: وخا ...مديريش في بالك ميكون غير الخير ..
اسيل: ان شاء الله تصبح على خير 😊
علاء: بسلامة ..تصبحي على خير..
هبطات اسيل حانية راسها قطعات الطريق و مشات حلات باب عمارة و شعلات ضو كولوار و مشات حلات سانديك و طلعات طاج ديالهوم ..اما علاء بقا مراقبها تا شاف ضو مبقاش عاد ديمارا و رجع ...مشا فيلا ديلهوم نيشان وصل ..دخل لقاهوم كيوجدو العشاء و كلشي مجموع ..لاح سلام و طلع بيتو بدل حوايجو و اول حاجة بدل حوايجو و دخل حمام غسل وجهو ..و توضا و خرج دار زربية ديال صلاة و بدا كيصلي ...المغرب و العشاء ...ليوم اسيل خلاتو بلا صلاة 😂 ..زاد ركعيتين اخرين من مور شفع والوتر ..كيدعي مع ام أسيل ..سالا و قرا دعاء ديالو و ناض لبس كلاكيطا ديالو و هبط لقاهوم حطو العشاء تعشا في هدوء و طلع بيتو غسل سنانو و مشا هز تيلي ديالو سيفط مساج اسيل 《سلام عليكوم اسيل انا علاء دين سجلي نمرتي عندك تصبحين على ألف خير 》سيفط مسااج و حط تيلي و هز رواية بعربية قرا منها شوية و طفا ضو و نعس ..تا قرب ياذن الفجر و ناض صلاة قيام اليل . تا اذن الفجر صلاه و صلا صبح و رجعو بلاصتو و كمل نعاسو 😴
..اما أسيل طلعات لدار فتحات الباب و دخلات بان ليها سكات و ضو خفيف في كولوار ..مشات طلات بانت ليها ماماها ناعسة في صالون و بسمة تا هي باينة داتها عينيها و نعسات ...دخلات بيتها بدلات حوايجها و لبسات بيجامتها ...دخلات الحمام غسلات وجهها شافت في مراية عينيها حمرين و باينة باكية بزااف .. بقات كتغسل بماء بارد باش ميحسووش و مبغاتش تحسسهوم بوالو ...بجمعات شعرها كوتشوفال فوق و جبدات كريم ليلي ذهنات وجهها و مشات صالون كتفيق في بسمة ..والو داتها عينيها .. و ماماها تا هي باستها من جبهتها و كلسات كتامل فيها مدة😢..خديجة نااعسة تا هي محسات بوالو ..ومزيانة اسيل باش ميحسو بوالو ..مشات هزات كاشة غطاتها و طفات تلفازة و سدات عليهوم باب و رجعات بيتها تكات فوق ناموسية و عطاتها عنان لدموعها و كتفكر في ماماها لتقدر في اي لحضة تموت وتمشي و تخليها..بقات كتشقلب في بلاصتها تا جاها عطش و ناضت كوزينة شرباا و مسحات عينها و عاودات طلات عليهوم عاد رجعاا بلاصتها و هي تسمع مسااج جاها هزات تيلي وفتحات مساج لقاتو من علاء ابتسمات بلا شعور....
أسيل:(حطات تيليفون وهي كاتبتاسم واخا هادشي كامل جمعات ابتسامتها) هو فصراحة عاوني بزاف وكان ضريف معايا بلا قياس خاصني نشكرو غدا ملي نشوفو غانشكرو بزااف بزاف على لي دار معايا صاافي ولكن هو باش عرفني فين كاينة 😑بااينة تبعني ولكن مزياان نيت كون ما هو كون خرج ليا العقل دك اللحظة حسييت بموااسااتو ليا واخا ماقال والو (تفكرات ملي گالبها كولشي غايكون بيخير هي تنهد وغمضات عينيها كاتخيل بلي داوية معاه) علاء تيقني الا هاد الكلمة عطاتني أمل واخا صغيير ولكن يكفييني (تكات أسيل وبقات كاتصلرع دك كمية المشااعر الهائلة بين الخوف من المستقبل الوحدة الموت المجهول كولشي تعرم عليها بعد صراع دااخلي قدرات تنعس وهي عياانة مسخسخة من بعد عدة ساعات فاقت أسيل كاتفوه شافت فالساعة كانت السبعة ناضتت دغيا مشات للحمام قضات حاجتها وغسلات وجها وسنانها دارت كريم ديالها وميكاپ باش مايبقاش يبان الشحوب ديال وجها لبسات حوايجها وخرجات عند بسمة لقاتها فايقة كاتوجد راسها بغات توجد الفطور لقات ماماها كاتوجدو) ماما صباااح الخيير
أسيل:ماما راه غير ملي جبت التحاليل ديالك مشيت ديتهوم عند داك الطبيب ونتي عارفة الدنيا تما تسنيت حتا شحفت عاد قدرت نشوفو وهضرت معاه وجاني الجوع مشيت لواحد السناك قريب ولقيت تما كوتر ونتي عارفاني انا وياها لاتلاقينا داكشي علاش👀
خديجة:ااه واخا ابنتي شنو گالو فالتحاليل
أسيل:(غرغرو عينيها ودغيا حدرات راسها) لا والو غير الضغط والعياا ونصحنا نديرو تحاليل اكتر حيت فالعمر ديالك خاص تبداي ديري تحاليل على الجسم ديالك كامل ويكونو مدققين فهمتي
أسيل:طاااكسييي!! (ركبو البنات فطااكسي وبقاو في مجادلاتهم حتا وصلات بسمة وهبطات عاد تنهدات أسيل بإرتياح حيت قدرات تقنعها وكملات طريقها للمدرسة خلصاتو وهبطات ودخلات للحصة ديالها وهي مشوشة بزاف ماقدرانش تركز كاتفكر فماماها وباباها كدلك لي من بعد سنوات قدرات تسمح ليه وتفكر فه مابغاتوش يموت بغات تعوض خصوصا ملي كتب ليها الدار فسميتها الا وراه باغيها بنتو وفالاخير ماصدقش وحش كيفما كانت مسمياه ولكن باقي مجروحة كاطلب الله توقع شي معجزة واخا عارفة مايمكنش ولكن ماعندها مادير وصلات 10 وماقدراتش مزال تكمل داكشي علاش خرجات وفضلات تمشي للمستشفى وقبل عيطات على ماماها طمنات عليها من بعد شدات طاكسي ومشات ديريكت من بعد عدة دقائق وصلات خلصاتو وهبطات دخلات وغادة فإتجاه الغرفة ديال باباها حتا تعرضات ليها واحد الفرملية)
الفرملية:نتي بنت السيد عمر بن العمران ياك
أسيل:(بخوف) ااه شنوو ياكما وقعات له شيحاجة😰
الفرملية:لاا اختي غير راه ماماك عندو فالشومبر
أسيل:(شدات فقلبها) كيييفااااش ماما ماايمكنش
الفرملية:تهدني اختي
أسيل:بلاتي راه واقيلة مرات باا ماشي ماما
الفرملية:اقدر مهم انا غانمشي لخدمتي
أسيل:واخا😠هادي شكاادير هناا اووف(مشات أسيل وهي خااسرة دخلات الشومبر ودفعات الباب بالجهد حتا قفزات للااخرة) شنوو كااديري هناا(شافت باها بدا كايفيق كان ناعس)
الساقطة و الملتزم الجزء التاسع
محتوى القصة
التنقل بين الأجزاء