كنت داك النهار في الشركة فاش عيطو ليا و قالو ليا بغيناك ضروري في موضوع مهم مشيت لعندهم كانت سوما و السي العلوي في المكتب قالو ليا لقاو ليا عروسة و غايزوجوني هه ضحكة بسخرية و رفضت و لكن شفتهم معندين غوت و تعصبت حتى نطق موسيو العلوي بالشي لي صدمني و لوا ايدي
" إلى مبغيتيش تتزوج غادي نعيط على ولد عمك مراد يسير مجموعة الشركات و إلى وافقتي غادي نكتب ليك اسهمي في الشركة و تولي المالك الرئيسي لمجموعة العلوي " تصدمت من هاد الشونطاج لي تحطيت فيه مهماتني لا أسهموا لا والو لي كان هامني انه مراد ميسيرش الشركة حيت عارفو شاب طايش و مبينو و بين التسيير غير الخير و الإحسان و ممكن إلى شدها في نهارها تنهار و داكشي لي دمرت فيه 6 سنين يتبخر و يضيع في رمشة عين وافقت على الزواج لانو عرف منين يشدني ختار الإنسان الصح باش يستفزني كون ختار ايمن كوني متأكدة مكنتش نوافق
زينب: و معرفتيش علاش ختاروني انا بالضبط
ياسين: معرفتش و لكن كنحمد الله كل النهار حيت اختاروك( هز ايديها لعند فمو و باسها 💋💋)
زينب ابتسمت و حدرات راسها: و صافي كمل
ياسين: خرجت من عندهم معصب و شاعل و كان هداك اول نهار نشوفك فيه انا معصب و باغي امتى نوصل عند الدراري و نتي حابساني حتى كملتي الهضرة على خاطرك عاد زدتي
زينب ابتسمت و تفكرت اول لقاء بيناتهم
عطيتك ديك التخنزيرة و لكن مبرداتش ليا اولا كنت كنحاول ننسي بيك الزواج لي وافقت عليه داكشي علاش لقيتيني كنعاود للدراري عليك و نتاقمتي مني قدرتي تعصبيني و تضحكيني في نفس الوقت 😂
زينب: قلتي كنتي ساد على راسك و هاد الدراري كيفاش خليتيهم يقربو منك
ياسين: هاد الدراري كنت كنشوفهم في البوكس مني كانت عندي 7 سنين في الاول كنت مبعد بزاف و لكن كومبا بعد كومبا كانو كيجيو يهنيوني و يحتافلو معايا بنجاحي و لكن من نهار بديت الخدمة مشفتهم حتال داك النهار
زينب: امممم مزيان كمل ليا عليا
ياسين: شفتك في الشركة و بغيت نرجع ليك انتقامك معرفتش علاش
ياسين: لا كنت عارف ان البنت لي غادي نتزوج بيها تخرجت من كلية الهندسة و عندها طموحات هادشي قالتو ليا سوما و لكن مقالتش ليا سميتك و مطاحتش في بالي ابدا انك تكوني نتي حتى شفتك في داركم تصدمت و خفت لا متوافقيش تزوجي بيا داكشي علاش جاتني فكرة الصفقة و اقترحتها عليك و لأنني استاذ في الإقناع كنت متأكد انك غادي توافقي
زينب ضرباتو لكتفو: تفليتي عليا كليتي ليا ذماغي
ياسين ابتسم: هههه و إلى جابتها الفرصة نعاودها( جرها باسها في راسها)
زينب: و علاش مصارحتينيش من قبل
ياسين: حاولت مرارا نعاود ليك و لكن كانت ديما شي حاجة كتمنعني نهار تقطع الضوء نهار عرس علي قلتي بغيتي تمشي تباتي مع فليفلة حتال نهار عيد ميلاد لمياء قلتي مكتسامحيش لي خبى عليك شي حاجة خفت و تراجعت
زينب كتسترجع المواقف و كتبتاسم: هادشي كامل
ياسين: و مازال
ياسين: كنت باني سور عالي لراسي مدخل فيه ايمن و لمياء و سوما نتي جيتي ماشي نقزتي هداك السور لا ريبتيه ذخلتي لحياتي بانتقامك بتبرهيشك ببرائتك بضحكك بلعبك بجديتك في الخدمة لي كتحمقني كلشي فيك كان كيجدبني كنتي كتجريني نتبعك في كلشي واحد الوقت خفت نتعلق بيك اكتر هربت
زينب تفكرت: اه هاديك 15 يوم فين كنتي كر
ياسين: عند حبيبتي😂😂
زينب: 😡😤😠
ياسين ضربها لنيفها: ههه غير كنضحك كنت عند ايمن قلت ممكن ننساك تما ساعة غير ما زدت كنفكر فيك و في تفاصيلك شعرك.. عينيك... ضحكتك.... هضرتك... كلشي خليتيني نعشق تفاصيلك و نفكر فيك حتى و نتي معايا خليتيني نضحك من قلبي و انا معاك.... خليتيني ندخل لحياتي ناس جداد و منبقاش ساد على راسي...و نجرب احساس نعاون شي واحد أو نفكر في حل لمشكلتو واخا هو بعيد عليا
زينب غير كتسمع و قلبها ❤كيرفرف بالفرحة و دموعها عمرو عينيها ممتيقاش و اخيرا جات اللحظة اللي كانت كتحلم بيها من اول ما بدا ينبض قلبها لياسين ممتيقاش هادشي لي كتسمع من فمو و باين خارج من قلبو فرحانة و حاسة كاع العوامل ديال الطبيعة لي دايرين بيها فرحانين معاها الريح لي داز من حداهم في هاد اللحظة و خلى صوتو مسموع... البحر لي مواجو كيتراقصو قدامها....الشمس لي غربات وجا في بلاصتها القمر بنجومو مزينين السما كاع المشاعر مخلطين عليها معرفاتش تعبر عليهم غير بالدموع لي كيتعالاو على وجهها 😢
ياسين شد وجهها بين ايديه: زينب انا كنبغيك خلينا نبداو منين خليناها و كنواعدك عمرني نخبي عليك شي حاجة مرة اخرى
زينب هزات ايديها حطاتها على حنكو كأنها كتقوليه انا معاك كأنها عطاتو الضوء الأخضر
قرب ياسين و باس عينيها بالوحدة بالوحدة و بدأ في توزيع قبلاتو في كل مكان في وجهها حتى استقر في شفايفها لي كيدوبوه كياخد كل شفة على حدى كيعبر بقبلاتو على مدى حبو ليها احاسيسو لي عرفهم معاها كيشكرها انها عطاتو فرصة و سمعاتو.... كيشكرها حيت بفضلها قدر يخرج لي 21 عام و هو كاتمو و معمروا دوى فيه هز ايديه كيتلمس شعرها خدودها عنقها كتافها خصرها و قربها ليه كأنه باغي يتأكد انها معاه و معمرها غادي تبعد عليه حتى حس بيها بعدات عليه 😨
شدها من ايديها نوضها و جرها وراه للكوزينة جلسها في واحد كرسي عالي تما و مشا يجبد اش غادي يحتاج باش يصاوب ليها العشا
ياسين: اش بان ليك نصاوب ليك لازانيا
زينب: كتعرف تصاوبها 😍
ياسين غمزها: هانتي غاتشوفي 😉
بدا يصاوب فيها و مركز في داكشي لي كيدير و هي سارحة فيه في حركاتو في الفرحة لي خارجة من عينيه في تفاصيلو مع كل حركة كيديرها كتطير ليها العقل كتحسو جداب ميغناطيس باغية تبقى ديما حداه و تشوف فيه
سالا و حط قدامها لازانيا و أطباق و العصير داكشي كيشهي
ياسين كيحط في طبقها : هاكي عمري ليا الكريشة حتى نعمرها انا بحاجة أخرى 😉
زينب فهماتو و تزنكات و خشات وجهها في الطبسيل دخلات فيه طول و عرض و هو مقابل معاها مبتاسم و كينقب شويا حتى حسات بشي نغيزات في كرشها ناضت نيشان للحمام و لقاتها خالتي زارتها 😂
زينب: 😠 بفففف ملقيتي امتى تجي ييخ(تفكرت شي حاجة و تكوانسات😨) وااااع دابا حنا غير البحر و الخلى و القيفار منين غادي نجيب فوط صحية
خرجت و رجليها كيقفقفو و مزنكة معندهاش الوجه تقوليه اش خاصها
شافها ياسين و تبسم و مشا هز واحد البلاستيكة و توجه نحوها مدها ليها
هي حلاتها لقات فيها فوط صحية و شوكولا وواحد bonbon كتاكلو فينما تكون فيها ل période تصدمت معرفت متقول 😳
زينب بتلعتم: ك ك كيفاش عرفتي
ياسين قرب باسها في حنكها: واقيلا قلت ليك راني كنعشق تفاصيلك إذن حفظتهم(دورها جيهة الدروج ) يالاه طلعي بدلي عليك و ارتاحي انا نصاوب ليك شي حاجة سخونة و نجي
طلعات زينب و هي كتلعن في شيطانها لأنها كانت غادية تضيع هاد الشخص و تبعد عليه حمدات الله حيت سمعاتو و عطاتو فرصة دخلات للبيت و الفراشات كيلعبو في معدتها من كمية الرومانسية لي تلقاتها اليوم و الاهتمام لي قراتو في عينيه واعدت راسها عمرها تتخلى عليه و على حبو 😍
لقات بيجامة دافية و ملابس داخلية فوق السرير دخلات للحمام غسلات حالتها و لبسات حوايجها و خرجات تخشات وسط الناموسية كتاكل في ل bonbon حتى دخل ياسين في ايديه كاس ديال الزعتر سخون جلس جنبها حيد ليها السقاطة من ايديها و عطاها الكاس تشرب
زينب كتشرب: ياسين
ياسين: نعام
زينب: عندي سؤال
ياسين: سولي اي حاجة نجاوبك عليها اليوم
زينب مترددة: م م ماماك محاولتيش تقلب عليها
ياسين تغيروا ملامحو: لا
زينب: ع علاش
ياسين: معنديش سبب معين محاولتش في الاول كنت كنلوم السي العلوي و من بعد رجعت اللوم ليها هي ممكن خدات موقف منو و لكن انا اشنو درت زائد حتى هي محاولاتش حتى شويا انها تقلب عليا كان ممكن تجي للمدرسة مبدلتهاش تجي للدار و تسول على الأقل حنا منتقلنا من هاديك الدار حتى وصلت لسن 23 يعني كون كانت باغاني كانت غتجي تقلب عليا
زينب كتسمع ليه عرفات هضرتو منطقية و مبغاتش تزيد تحكر حيت شافتو ممرتاحش عنقاتو
ياسين ضمها لعندو كيخبيها في صدرو و قادها في بلاصتها و كي العادة حط ايدو على بطنها بحركات دائرية تخفف عليها الوجع حتى غفات 😴
بقى كيتأمل فيها مطولا و طبع قبلة على جبينها غطاها و هبط يتفكر خدمتو لي هملها هادي شهر جبد شي ملفات جابهم ليه ايمن و غرق فيهم حتى سمع الرعد و قال
ياسين:وايلي الرعد في الاخر ديال شهر3
و رجع كيكمل خدمتو
زينب كانت غارقة في نعاسها سمعات الرعد ناضت قافزة نقطة ضعفها كتخاف منو فينما تسمعو تمشي تخشى في الباتول دارت للجيهة الأخرى ملقاتش ياسين ناضت طافجة و هابطة كتقلب عليه حفيانة
هو كان حادر راسو على الأوراق سمعها هابطة ابتسم قبل مايهز راسو و يغوبش
هي غير سمعت الرعد خشات وجهها في عنقو عرفها خايفة ابتسم لهاد الطفلة لي بين ايديه و جلس و جلسها فوق رجليه
ياسين قابل وجهها مع وجهو: خوافة
زينب بتحدي: مخايفاش( سمعات الرعد تخشات فيه تاني)
ياسين: ههه تيقتك
زينب بغات تلفو: نتا اش باقي مسهرك لدابا
ياسين: كنراجع شي وراق ديال الخدمة هملتها بزاف هاد الايام
زينب بحال إلى تفكرات شي حاجة: عندي سؤال
ياسين: ههه كنسمع
زينب: التهديد لي كان كيجيك متأكد ديال شي صفقة؟! و يقدر يكون عندو علاقة ب the black و لا نو
ياسين تنهد و حيت واعد نفسو انه ميخبيش عليها قرر يصارحها: الصراحة التهديد ماشي على قبل الصفقة
زينب بشك : و علاش
ياسين: باش منستلمش مجلس الإدارة
زينب: حسيت و لكن شكون عندو مصلحة فهادشي
ياسين: معرفتش شكيت في كلشي مدراء الأقسام موظفين منافسين شركاء قدام و زيد و زيد و لكن موصلت لوالو
زينب: و نتا اش ناوي تدير
ياسين: عكس داكشي لي هما باغيين
زينب: ياسين عافاك متخلعنيش عليك
ياسين: متخافيش ا حبيبة راجلك سبع
زينب: 😳😳
ياسين:ههه مالك
زينب: قلتي حبيبة
ياسين: علاش ممنوع نتي راك حبيبة و كبيدة و مراتي و بوكاهونتاستي
زينب:😳😳 بوكاهونتاس يعني كانت عليا ماشي للرسوم هه
ياسين مستغرب: امتى سمعتيها
زينب:فاش مرضتي بالسخانة بقيتي كتهتهت بيها
ياسين: انا في أحلامي و في فياقي كنهتهت بيك
طبع قبلة على شفايفها 💋💋
ياسين: و دابا هووب على النوم
طلعها هازها و خشاها في السرير و تخشى حداها حط راسها على صدرو و كيف ديما بقى كيلعب في شعرها حتى استسلمو للنعاس 😴😴
أصبحنا وأصبح الملك لله
فاقت زينب هي الأولى لقات راسها مخشية في ياسين بقات شحال كتأمل فيه حسات انه مبقاوش حواجز بينها وبينو كتفكر أحداث البارح و اعترافو ليها كتبتسم غير بوحدها كي الهبيلة شويا تفكرات فاش ضحك عليها على الرعد و طبعات إبتسامة شريرة على وجهها😈 و طلعات جيهة وذنيه و طلقاتها بغوتة طرطقات ليه الطبل
ياسين رجع تكى في بلاصتو: سؤال كاين احتمال شي نهار تفاجئيني و تفيقيني بشي بوسة 💋
زينب: بغيتيني نتعنب عليك مكنعرفش
ياسين: واخد عبد القادر انا اشناهي هاد نتعنب عليك عوتاني
قربات عندو بخجل و هي في صراع مع راسها تديرها و لا لا باستو بوسة خفيفة في فمو و قالت بصوت رقيق
زينب: هي هادي
ياسين: بقاي تتعنبي عليا ديما😍(شاف في وجهها لي ولى بحال مطيشة ) يخليلي لي كيحشم انا
زينب: نسولك
ياسين: هههه باقي مسالاش لونكيط ديالك قولي
زينب: هههه اشنو اول انطباع خديتي عليا
ياسين: باقي هو هو متبدلش ب ر ه و ش ة
ربطات غوباشتها و ضرباتو لكتفو و ناضت غضبانة جيهة الحمام دخلات
ياسين: مقلتيش ليا اول انطباع عليا
طلات عليه و دارت طريقتو كتستافزو
زينب: م ت ع ج ر ف 😜
خرجات ليه لسانها و دخلات خلاتو كيضحك على هبالها
قدات حاجتها و تمات خارجة حتى لقاتو واقف قدام الباب
زينب بغضب مصطنع: اش كاين
ياسين: توحشت تعاونيني نغسل وجهي الصباح
زينب: ياك انا غير برهوشة سير بعد مني
ياسين: نتي برهوشتي بوحدي منقدرش نبعد منك
زينب تبسمات: يالاه زيد قدامي
دخلات عوناتو يغسل و هو كيتفشش عليها توحش فشوشها كتمسح ليه بالفوطة و تفكرات
زينب: ياسين دابا دوك الشلاهبية لي جابوني لهنا غايجيو
ياسين: إلى عيطت ليهم
زينب بابتسامة شريرة: فيك ما تدير شي زبلة 😈
ياسين: يا ربي السلامة منك اش ناوية تاني
زينب: ههههه غادي تعيط ليهم و تقوليهم جيو ديوها راه مقدرتش نتفاهم معاها و انا من بعد نفهمك اش غنديرو
ياسين: الله يستر
زينب: يالاه زيد تعيط ليهم
ياسين: لا ا حبيبتي كل حاجة بتمنها خلصيني
زينب: مستغل اش بغيتي
ياسين جرها من خصرها و دخل راسو في عنقها شي لي خلاها ترجف بين ايديه و هو كيطبع بوسات خفاف في عنقها غيب من ملمسها من رجفتها بين ايديه من ريحتها لي سكراتو بقى هكداك مدة حتى فيقو صوتها
لمياء: خايفة نقولها و لكن واقيلا وصلو لطريق مسدودة
ايمن: يا ربي يدير لي فيها الخير
الكل: امين
بعد مدة ديال الطريق وصلو العصابة و ملامح القلق بادية على وجوههم نزلو من الطوموبيل سمعو صوت الغوات تخلعو و سارعوا للباب جبدات لمياء الساروت دوراتو و دخلو كيتفاجئو بمنظر زينب معصبة و كتهرس في الطباسل و الكيسان
تمو خارجين جيهة البالكون و هما يلقاو الكوبل ديالنا معانقين و ضاحكين
ياسين و زينب: surprise 🎉
ايمن: merde
مروان: ههه اياااه ضحكو نتوما لي جات معاكم
حنان: ياك الصفريطة انا تغوتي عليا
لمياء: لا بقيت تيقتكم فشي حاجة ها وجهي و بالكترة هاد سليعفانة باينة كلشي من تحت راسك
ياسين: منسمحش ليك تقولي لحبيبتي سليعفانة
حنان: امممم حبيبتي تطور ملحوظ
ياسين: فليفلة نتي سكتي
حنان: خاصك تشكريني ا سي العلوي راه انا لي خططت نجمعكم و نتا جالس عليا فليفلة 😢
ياسين: شكون قاليك نتي فليفلة نتي راه الزين و الفن( قرصها في حنكها)
مروان: سي العلوي دونت طاتش داكشي ديال ماليه
حنان حشمات
الكل: هههههههههه😂😂😂
لمياء: دابا عاودو لينا كيفاش تصالحتو
ياسين: غير شفت في عين حبيبتي و هي تسمح ليا
زينب: لا عنداك الليل كامل و هو يبكي و يطلب فيا عاد سمحت ليه
لمياء و ايمن: كداابة
زينب: علاش
ايمن: ياسين معندوش ديك المادة لي سميتها دموع
زينب ضارت عندو: مكتبكيش ابدا ابدا
ياسين: انا ايامي معاك غتكون كلها ضحك ان شاء الله(باسها في نيفها)
حنان: هادوك ها راعيو لينا زعما حنا راه حداكم 😏
مروان جرها عندو: مالك غرتي منهم اجي نديرو فحالهم
حنان غرقات في حوايجها
لمياء: اوا تحابوا ليا مع راسكم
زينب و حنان : دابا يجي يا الحبيبة دابا يجي 🎶🎶
ايمن: شكون هاد المسخوط لي غايقبل عليها
لمياء: مالي كيجيتك 😡
ياسين: بعدو من ختي راه غا تاخد سيد الرجال
حنان: غتضاري مع سارة ابو جاد الصكعة
زينب: 😂😂😂 الله يمسخك
لمياء: 😡😡
ضحك الكل و دخلو يوجدو الفطور و دوزو النهار تما و رجعوا فرحانين
ياسين و زينب تافقو يمشيو لدار زينب هي الأولى
#في_الطوموبيل
ياسين: عنداك يكونو واخدين مني موقف حيت بكيت بنتهم
زينب: اه غير وجد راسك
ياسين: نوجدو غير ميبعدوكش عليا
زينب كتلعب ليه على اعصابو: انا بعدا إلى قالو ليا نجلس غادي نجلس
ياسين: ياك و تسخاي بيا
زينب: عادي جدا
ياسين: باردة القلب 😏 نزلي
حلات زينب الباب و تلقات ليها الباتول غير شافت ياسين تلاحت على زينب بتعنيقة
الباتول: الحمد لله ا بنيتي لي رجعتي لعقلك فرحتيني
زينب: الباتول ياكما كنت مصطية😏
الباتول: كنتي علاين
زينب: غادية تخلينا في الباب
الباتول: ويلي دخلو مرحبا بيك ا وليدي الدار دارك
ياسين: ربي يخليك الحاجة
دخلو للصالون لقاو سي العربي كيتفرج سلمو عليه
السي العربي: الله يرضي عليكم و نتي ا بنيتي المرة الجاية جلسي و سمعي كل واحد عندو الحق يشرح موقفو و من بعد كيبقى القرار الأول و الأخير ليك
زينب: ان شاء الله ا بابا
الباتول: المرة الجاية نعطيك شي عصية خلعتيني عليك
زينب: ههههه لهلا يعطيك مايخلعك
الباتول : وا يالاه عاونيني نصاوبو شي حاجة للغدا
ناضو الباتول و زينب يوجدو العشا و خلاو ياسين مع سي العربي
ياسين: سمح لينا الحاج إلى قلقناكم
سي العربي: ضروري من الصداع مرة مرة راه هو ملح الزواج و لكن خاصكم تعلمو كيفاش تخليوه و تحلوه بيناتكم
ياسين: ان شاء الله عمرنا نطيحو فبحال هاد المشكل
سي العربي : ان شاء الله
جاو الباتول و زينب حطو العشا تعشاو في جو زوين طلب منهم السي العربي يباتو و الصباح يتيسرو وافقوا و طلعوا لبيت زينب تاني
كانت زينب خارجة من الحمام لابسة بيجامة النعاس و جات وقفات قدام المرايا جا ياسين عنقها من اللور و خشى راسو في عنقها
ياسين: عقلتي نهار نعستيني في الأرض هنا محنيتيش فيا
زينب شادة فيه: حتى اليوم غادي تنعس في الأرض
ياسين: ياك ا لالة اوا والله لا كانت ليك مبقيتش نتفارق معاك
زينب: هههههه
ياسين: يالاه نعسو راني غادي نطيح بالعيا
مشاو تخشاو في فراشهم و حط راسها على صدرو كيف العادة
ياسين: بوكاهونتاستي واش تبغي نرجعو لدارنا
هي تفكرات التهديد لي باقي قائم و عاد لاحظات أن العلاقة بين ياسين و باه شبه منعدمة و بغات تدير شي حاجة بالنسبة ليهم على الأقل يعيشو في دار وحدة و شي الآخر يجي مع الوقت و قالت
زينب: ياسين انا معنديش مشكل نبقاو ساكنين في الفيلا على الأقل حتى نعرفو هاد التهديد منين جاي و اشنو موراه
ياسين: نخاف تتقلقي شي نهار إلى رجعو دار عمي
زينب: مكاينش لي يقلقني مدامك معايا 😍
ياسين باسها في راسها: يخليك ليا
زينب: أو دابا علاش ناوي
ياسين: نرجعو الخدمة راه هملناها
زينب: اه 😍توحشت الخدمة بزااااف
ياسين: حتى انا توحشتك بزاااااااف
عنقها و نتاقلو لعالم الأحلام 😴😴
بعد مرور أسبوع
دازت سيمانة على أبطالنا لي مشاو استقرو في الفيلا من بعد ما علمو سوما و موسيو العلوي انهم تصالحو فرحوا ليهم من قلبهم استأنفو الخدمة في الشركة لي هملوها بزاااف زينب رجعات لقسمها و استرجعات نشاطها و ياسين كذلك كترات عليه الخدمة مبقاش قادر يحك راسو بالنسبة للمياء باقا واحلة مع قرايتها و خايفة لأنه قربوا الامتحانات و حنان تلاهات مع التوجاد لعرسها هي و مروان لي كانت اجلاتو على قبل زينب مروان حماق حنان من جيهة و الخدمة من جيهة أما السي ايمن فمسافر عندو خدمة خارج لبلاد و جاي اليوم
اليوم كاينة حفلة دايرها موسيو العلوي بمناسبة استلام ياسين مجلس الإدارة
عند زينب لي من نهار رجعات و هي خاشية راسها في الأوراق و مرة مرة كتخطف شي وقت تمشي عند ياسين هاد الأخير لي فينما يشوفها مكيضيعش الفرصة يتغزل فيها و يعبر على حبو كأنو كيعوض الوقت كامل لي كانت حداه و مكانش قادر يصارحها و هي كتلتازم الصمت و تحمر خجلا باقي هادشي كامل جديد عليها و عمرها حسات هاد الاحساس أو عبرات على مشاعرها كتكافي انها تطبع قبلة طويلة على خدوا
زينب من بعد محلات باب ديال بيروه: دق دق دق ممكن ندخل
ياسين هز راسو شاف في عينيها: دابا خلينا من شي خدمة كنقوليك توحشتك
زينب حدرات راسها
ياسين بعد عليها شويا: تاني ا زينب سيمانة و انا كنحاول نسمع منك شي كلمة و نتي والو انا فينما نشوفك مكنضيعش الفرصة باش نعبر ليك على مشاعري و نتي كلمة مقادراش تقوليها
حاولات و حاولات مقدراتش باقي خجلها كيمنعها كتبغيه ممكن كتحماق عليه و لكن الجرأة باش تعتارف ليه باقي معندهاش هزات راسها فيه و قالت
زينب: انا ا انا غ غنمشي
ياسين: هادشي لي قدرتي عليه
ضار عطاها بالضهر و هي خرجات كتجري من بيروه 😢
غير خرجات زينب ياسين ابتسم و قال
ياسين: غادي نخليك تقوليها غير بلاتي
أما هي توجهات نيشان لبيروها لقات العصابة تماك " حنان و لمياء "
لمياء: اويلي نتي باقة خدامة زيدي قدامي اليوم أهم يوم في حياة راجلك خاصك تباني احسن وحدة في الحفلة
حنان: صرعتوها مني جبتوها مع عيد ميلادو
لمياء: بابا لي دار هاكدا وخا عيد ميلادو حتال غدا مي غادي يبدا من مينوي
حنان: كولشي زين الخايب غير بلاش( تلفتات لزينب) عجينة ايدي اش تما شفتك غير ساهية
زينب: غير سيرو نتوما انا غنمشي للدار
حنان: كتفلاي لا لا كاينة شي حاجة اكيد
لمياء: شوفي باراكة من الفشوش و زيدي قدامي حتال الطوموبيل و قولي لينا اش واقع 😏
خرجوها البنات بزز و ركبوا في الطوموبيل و زادو
#في_ايطاليا
احلام بالغوات و كتبكي: اشنو كيفاش رجعو لا ميمكنش 😭
صفقة زواج من متعجرف الجزء 11
محتوى القصة
التنقل بين الأجزاء