بعد مدة عند البنات واقفين قدام المرايات من بعد مسالاو المكياج و الشعر و لبسوا حوايجهم و كل وحدة كتحس براسها اميرة خرجوا توجهوا للاوطيل لي فيه الحفلة كانت أصوات الموسيقى الكلاسيكية ممزوجة بأصوات الناس كيهضرو مع بعض و الكل متأنق مالية القاعة دخلو البنات و أعينهم كتقلب على لي كيعرفو شافوا طابلة فيها سوما و موسيو العلوي تمشاو ليها سلموا عليهم
موسيو العلوي: تبارك الله على الاميرات دياولنا
سوما: ماشاء الله كتحمقو
جاو ايمن و مروان حتى هما في كامل اناقتهم ايمن سمع الغزل فيهم و قال
ايمن: وا باراكا نفختوهم دابا يشنتو
زينب: شتي نتا ديال لي يشدك يبقى يعطيك
لمياء: نعاونك عليه راه متشبعيش من عصاتو
ايمن: تحاميتو ا العفريتات
مروان قرب من وذن حنان: متجيش نديرو مناقص من الحفلة و نخطفك
حنان: ههه كون تحشم
زينب عيات تقلب بعينيها و هي تقلب عند ايمن: فين ياسين
لمياء و حنان قد قد: غضبان 😂😂
زينب: تهجروه تفو عليكم
يالاه غتكمل معيورها سمعوا صوت موسيو العلوي عالي دارو لقاوه فوق المنصة و شاد الميكرو
موسيو العلوي: مساء الخير للجميع اولا كنبغي نشكركم على حضوركم معانا مرحبا بيكم و تانيا كيما الكل عارف مجموعة شركات العلوي بنيتها انا و المرحوم خويا و لكن للأسف الضروف خلات خويا يتخلى على حصصو في الشركة و كانت فترة عصيبة طحت و عاودت نضت و الحمد لله ربي مخيبنيش و من بعد جا ولدي لي انا فخور بيه و عاوني و كان قد المسؤولية و اليوم جا الوقت لي نسلمو كلشي و عارفو غادي يكون قدها و قدود و انا نمشي نرتاح و ندور العالم انا و مدامتي( قالها مازح )
الكل: هههههههههه
موسيو العلوي: و دابا كنطلب من ياسين العلوي يتفضل يقول كلمتو
جا ياسين بكامل اناقتو الكوستيم و داير شعرو لور و التخنزيرة وقف سلم على باه و خدا الميكرو
ياسين: مساء الخير عليكم جميعا كيما كتعرفو معنديش مع الهضرة بزاف الحاجة الوحيدة لي نقدر نقول هي كنتمنى نكون قد المسؤولية و حتى نتوما كنتمنى تكونو عند حسن الظن و شكرا
كانت كلمتو قصيرا و صارمة فيها نوع من التهديد إلى فكرو يغضروه و طمأنة للناس لي واثقين فيه و نزل مشا للطبلة فين مجموعين
موسيو العلوي: مبروك عليك ا ولدي و عيد ميلاد سعيد
ياسين: شكرا
سوما طارت عليه عنقاتو: ولدي الله يخليك ليا و نشوف وليداتك ان شاء الله
ياسين باس ايديها: و يخليك ليا
لمياء حتى هي عنقاتو: العمر كلو حبيبي
ياسين: تبتيني بهاد حبيبي فين الكادو
لمياء: لا كادوك عطيتو لزينب
زينب ولات مطيشة و جراتها كتهضر في وذنيها: اللقوة و دابا إلى قال ليا وريه ليا اش ندير
لمياء في وذنها: لبسيه ليه و سيري دابا قولي ليه هابي بيرداي راه بقيتي غير نتي
حنان: ياسين جوايو انيفيرسير و مبروك عليك
ياسين: ميرسي فليفلة
قربات حداه زينب علات عويناتها فيه شافت فيه و هو لي من قبيلة و هو حاضيها الكسوة لي جاتها كتهبل و شعرها لي كيحمقو جامعاه و مخلية خصل هابطين على وجهها عويناتها لي كيبريو و كيشوفو فيه و فمها لي مطراسي و ليبستيك زادو جمال مكرهتش يتلاح عليه يروي عطشو و لكن صابر هو باغي يحيد منها هاد الحشمة باغي يسمع و يعرف احساسها اتجاهو منها سمع صوتها رقيق حداه
زينب: كل عام وانت و انت.... "باغية تقول حبيبي و مقادراش"
ياسين مستغرب: و انا اشنو
زينب غمضات عينيها و نطقات اول كلمة جات في بالها مع التوتر: و انت متعجرف
تبتسم قبل متحل عينيها و عاود جمع غوباشتو فاش شافت فيه و قال
ياسين: شكرا
زينب عاد باش عاقت اش قالت و بدات تضرب في فمها
ايمن وقف حدا ياسين: عرفتي شكون كاين هنا
ياسين: شكون
ايمن: لارا
ياسين: شكون لارا🤔
ايمن: مالك اصاحبي نسيتيها هاديك لي كانت ساكنة حدانا كانت ديما كتلبس كساوي ديال ل princesse و تبقى تابعاك و تكتب سميتك حدا سميتها في الحيط و نجي انا نزيد سميتي
ياسين: هههه معقلتش عليها الصراحة
ايمن: اصلا نتا فين عمرك عطيتيها وقت باش تعقل عليها
ياسين: ههه و نتا باش عرفتيها هنا هي دابا غتكون كبرات زعما بقيتي عاقل عليها
ايمن: و اش كتعرف على خوك راه دارت ليا فولو في انستا و هضرنا شويا و لكن اصاحبي ولات تيتيزة 😍 اجي نسلمو عليها حشومة
ياسين: زيد نشوفو هادشي ديالك فين غادي يوصل
هاد الحديث داز تحت مسمع سليعفانات بتلاتة
زينب و الغيرة كتشيط من عينيها: شكون هاد الصفريطة عوتاني هي لي بقات ناقصاني
حنان: مشيتي فيها ا بنيتي الدرية قرطاسة( كتشير بعينيها للجيهة الأخرى كان ايمن و ياسين واقفين مع واحد البنت زوينة )
لمياء: اشمن دايرة بحال سلوم الشفارة
حنان: اوا باز
زينب بالدعقة و العصب دايز من حداها السيرفور هزات من عندو كاس على اساس ماء و شرباتو باش تبرد الفقصة ساعة هي عاد سخنات الطرح 🔥
ايمن كيضحك عليها و على طريقتها: اياه هي لي متعاودش
ياسين: راه غادي نكرد لمك رجليك نتا وياها إلى مجلستوش
زينب دارت و شداتو من الكول : هاء نتا خايب خليك مع عصا الزرواطة الشهبة هادي و حنا غنمشيو للبحر هاء
ايمن: دابا بغيتي البحر و لا الرقص
زينب بقات كتفكر حتى عيات: نمشيو نشطحو في البحر 😂😂
ياسين: داكشي لي بقى ليك زيدي قدامي
زينب: فين غنمشيو
ياسين: غادي نسلخ طاسيلتك على هاد الحيحة
زينب:😭😭😭😭 لا منمشيش معاك
ياسين جرها لعندو: صافي حبيبتي غير كنضحك غنديك واحد البلاصة زوينة ايمن هانا مشيت
ايمن: غادي للدار
ياسين: لا منقدرش نخرجها هكدا يقدر تكون الصحافة باقا غادي نطلع غير للغرفة هنا
ايمن: اوكي تصبح على خير
عنقها ياسين و شير بايدو لجيهة مروان و الآخرين و مشا بيها للاسونسور طلعو للغرفة داخلة كتغني
عندو الزين عندو زينب دايرها في دارو🎶
ياسين: عندي كارثة ماشي الزين
زينب: فين هاء للبحر😢
ياسين: اجي دابا حتال غدا و نمشيو للبحر
زينب غفلاتو و طارت طلعات فوق الناموسية: و لاء لاء بغيت دابا( هزات وسادة شيرات عليه بيها شقمها و لاحها في الارض)
ياسين: واخا هادشي كلو نتفاهمو عليه غدا و دابا غاتجلسي و لا نربط مك
يالاه باغية تهبط من فوق الناموسية مع مشاداش في راسها كانت غادية تجي للأرض لولا ياسين لي عتق الموقف و شدها و جاو طايحين فوق الناموسية هو لتحت و هي الفوق
ياسين كيصرط في ريقو صابر غير بزز و هي زايدة عليه: نوضي
زينب خشات وجهها في عنقو كتشم في ريحتو: لا خليني هنا ريحتك زوينة
ياسين كيصوط: زينب نوضي
حس بيها كتبوس فيه في عنقو و تضحك
ياسين: زينب رحميني ماشي صبرت حتى عييت و نجي نديرها و نتي مغيبة كاو
مبغاش يمسها و هي سكرانة بغاها تكون معاه بجميع حواسها بغاها تعقل على كل حاجة في أول ليلة ليهم
زينب هزات راسها شدات وجهو بين ايديها: نتا زوين 😍
ياسين: حتى نتي غزالة
زينب: ممكن نبوسك
ياسين: ههههه هي لي بقات زينب حبيبتي اجي ننعسو دابا غدا الصباح بوسي فيا حتى تشبعي اوكي
زينب كتلعب بصبعها في وجهو و حطات ايديها على نيفو: حتى هنا حتال الصباح(جبدات قنوفتها)
ياسين: أمري لله بوسي ا لالة
زينب هبطات لنيفو طبعات قبلة عليه
ياسين: يالاه ا حبيبتي النعاس دابا
زينب: بالصح انا حبيبتك
ياسين: نتي المشاغبة ديالي حتال غدا و نتفاهمو على هادشي لي درتي كامل
زينب: 😢😢 لا لا مدرت والو
ياسين: برهوشة اجي ننعسو
حطات راسها على صدرو و هي باقية فوق منو و هو حل ليها شعرها و دخل ايدو كيلعب فيه حتى حس بيها غيبات قلبها في بلاصتها و بقى كيشوف فيها
ياسين: اياه نتي لي جا معاك نعاس نعسي نعسي
غطاها و ناض نيشان للدوش تخشى تحتو باش يبرد جهلاتو هاد الليلة بقى كيتحلف عليها حتى برد شويا عاد خرج خدا فقط سروال سيرفيط لبسوا و مشا تخشى حداها عنقها و نعس😴😴
أصبحنا و اصبح الملك لله
فاق ياسين كيتكسل شاف جيهة زينب لقاها دايرة نعسة عالمية و شعرها مغطي وجهها حيدو و طبع قبلة على جبينها و ناض نيشان للحمام تقابل مع المرايا بقى كيشوف في راسو كيستوعب شويا بانت ضحكتو حتال الضرسة الأخيرة لي شافو يقول مصطي هههه كيقرى و يعاود كيتأكد كانت مكتوبة في جبهتو " كنبغيك" و في صدرو "حبيبي المتعجرف"
ياسين كيبتسم: و المتعجرف لاش ههه و خرج ليها نيشان
خرج لقاها جالسة فوق الناموسية و كتشوف في نقطة وحدة عرفها استرجعات أحداث البارح
غسلات ليه وجهو شدها مسح ليها وجهها و هي كذلك تمات خارجة و هو يرجعها
ياسين: اجي لهنا نسيت كنتسالك شي حاجة
زينب: اشنو
ياسين: شوفي نتي البارح اش كنتي باغية تعطيني
زينب تفكرات البوسة و تزنكات هزات رجيلاتها و طبعات بوسة في خدوا
ياسين: لا مكانتش هنا البارح
زينب: و صافي ياسين 😢 يالاه فيا الجوع
ياسين: غير هربي غادية تخلصي تخلصي
خرجو لبس ياسين حوايجو و طلب الفطور و حتى ملابس لزينب فطرو في جو زوين مليئ بالضحك جابو الحوايج لزينب لبسات و هبطو ركبوا في الطوموبيل
ياسين: غادية تمشي للشركة
زينب: لا عندي ما يدار
ياسين: غانمشي للشركة اول حاجة نديرها ناخد قرار بطردك
زينب: ههههه متقدرش
ياسين: اكيد منقدرش اشنو دابا للدار
زينب: وي خاصني نهضر مع لمياء
كسيرا ياسين وصلها للفيلا و باسها هبطات كتطير دخلت نيشان لبيت لمياء
لمياء كانت خاشية وجهها في الأوراق: الشمكارة باقا حية
زينب: فين ايمن
لمياء: وا قولي غير صباح الخير و زيدون لاش كتسولي على ايمن
زينب: سمعيني انا بغيت نمشي للدار ديال البحر
لمياء: علاش
زينب: بغيت نحتافل بعيد ميلاد حبيبي تماك
لمياء: حبيبي تطور ملحوظ
زينب: شوفي غادي نخرجو نتقداو داكشي لي خاصني و من بعد نعيطو على ايمن يوصلني
لمياء: انا نوصلك
زينب: لا لا الطريق طويلة و نخاف عليك ترجعي بوحدك
لمياء: واخا ا لالة انا نعيط لايمن نقولها ليه
زينب طارت عليها ببوسة: يخليك ليلي
لمياء: اه عنداك تنساي كادويا ديه معاك
زينب: الله يمسخك
خرجات زينب في اتجاه بيتها فرحانة لأنها و اخيرا غادية تكون مع حبيبها و لي ساكن قلبها في المكان اللي اعتارف ليها فيه في المكان اللي طيرو نصف الحواجز و اليوم ممكن يطيروها كلها 🙊 دخلات لبيتها و خدات كلشي لي غادي يخصها و منساتش حتى حوايج ياسين و خرجات
ايمن: الله يعميها ليك حتى نعرفك كتشوفي شي واحد و نوريك
لمياء: علاش كتدير ليا هكدا
مجوبهاش و كمل طريقو
عند زينب لي كملات التصاويب ديال الدار دارت الشموع و الورد في كل ارجاءها و صاوبات عشاء خفيف صيفطات ميساج لياسين "نتلاقاو في اكتر مكان حسيت فيه بالسعادة"
و طلعات تصاوب حالتها
ياسين كان غادي للدار وقفو الميساج قراه دغيا استنتج انه الدار ديال البحر و قلب الدورة نيشان ليها بعد مدة وصل نزل لقى الضواو شاعلين عرف انه ماخطأش دخل و هو يتكوانسا 😳😨
كانت زينب في أبهى حلة لابسة كسيوة قصيرة و طالقة شعرها و دايرة ماكياج و الدار كانت كتضوي بالشموع و الورد و طاولة مجهزة و فوق منها العشا و مكتوب على الحيط هابي بيرداي
قلبو خفق من المنظر لي قدامو لسانو تعقد معرف اش يقول بقى شحال كيشوف فيها و داوه رجليه حتال عندها و خداها في حضنو بلا مايتكلم بقاو مدة في حضن بعضياتهم عاد بعدها شويا و قال
ياسين: كنبغيك هادشي كلو ليا
حركات راسها بالإيجاب و عاد نطقات
زينب: اجي نتعشاو
جرها وراه للطبلة و جلسو و هو شاد ليها ايدها و كيوكلها و ياكل ناضت جابت الكاطو و حطاتو قدامو قالت ليه تمنى أمنية و عاد نفخ على الشمع
ياسين: كنتمنى تبقاي معايا طووووول العمر
زينب: وا المسطي الأمنية خاصها تكون في خاطرك
ياسين جرها جلسها عندو: على كاين شي واحد كيخبي على نفسو(دار ليها شويا ديال لاكريم في نيفها )
زينب: ياسين 😡
خدات حتى هي شويا و دارتو في حنكو و بقاو مني منك حتى عمرو حالتهم بلاكريم ههه
ياسين دورها للدروج: طلعي غسلي حالتك قالك الرومانسية بينك و بينها غير الخير و الإحسان
طلعات خلاتو كيضحك عليها و مشا للحمام لي كاين تما غسل حالتو فرحان مبتسم حبها كيتسلل لقلبو كل نهار تم طالع للبيت دخل و تكوانسا عوتاني 😨
بقى كيشوف و كيتأمل ممصدقش اش كيشوف كانت الغرفة مزينة بطريقة زوينة أما لالة زينب فكانت قدامو متفجرة الأنوثة بشوميز دونوي في الأسود مبين مفاتن جسمها كلو شعرها لي واصل حتال مؤخرتها و كيبري ريحتها لي عاطية في البيت شي لي خلا ياسين يتلف حتى كان غادي راجع يخرج 😂
أما هي واخة هادشي كامل غادية تطرطق بالحشمة و رجليها كيترعدو خايفة عارفة اش تابعها و لكن تايقة في ياسين كل الثقة الراجل لي صبر عليها و على هبالها لي حبها و كان دايما كيدير داكشي لي يسعدها لي متخلاش عليها واخة هي عند أول مشكل عطاتو ضهرها لي كانت سكرانة و مستغلهاش حيت باغيها تكون معاه برضاها الراجل لي حبات من كل قلبها ❤ و لي واعدت راسها باش عمرها تتخلى عليه مهما وقع
تمشى ياسين اتجاهها بخطوات تقال و قال
ياسين: ش ش شكون نتي فين هي مرتي
زينب ابتسمت و قبل ماتجاوبو طار عليها بقبلة طوييييلة كيعبر بيها على اعجابو بهاد الأنثى لي قدامو على حبو لي كيتسلل كل نهار في قلبو زاد في وتيرة قبلاتو مني حس بايديداتها محاوطين عنقو و هي كتحاول تتجاوب معاه قادتهم هاد القبلة للسرير هو الفوق و هي تحت منو جردها من ملابسها و هو كذلك سهى شويا في جسدها كيتفحصو بعينيه حتى حس بيها حشمات و دخل معاها عوتاني في دوامة قبل 💋💋 خلاو أجسادهم يلتاحمو ولاو جسد واحد هي تحت منو كتصدر أصوات من ملمس ايدو لي كتحس بيها كتسارى جسمها كلو و قبلاتو لي وزعها في جميع انحاءو و كل بلاصة كيخلي فيها طابع الملكية ديالو شويا حسات زينب بشي حاجة اختارقاتها وشي سائل نازل منها تأوهات بألم و شادة في ظهر ياسين داكشي لي دارتو في الايد كملاتو في الضهر بعد مدة توقف جمعها و ضمها ليه و طبع قبلة رضى على راسها و قال
ياسين: كنبغيك سمحي ليا وعتك
زينب كانت مهدودة معندهاش الجهد باش تهضر سخفانة شويا حسات بالبرد و قالت
زينب: ياسين
ياسين: روح ياسين
زينب: بغيت نلبس حوايجي
ياسين: واخا حتى ندوشو
زينب: مفياش
ياسين: انا لي غاندوش لمحبوبتي
هزها للحمام عمر البينوار و دار فيه برودويات و خشاها فيه و تخشى وراها كيلعب بشعرها و كتافها شويا دارت و تخشات فيه مسهوطة هزها و داها تحت الدوش دوش ليها غسل ليها شعرها واخا عذبو كان فرحان بيه
ياسين: عمرك تقطعيه
زينب: كيعدبني في الغسيل
ياسين: انا نبقى نغسلو ليك
زينب ابتسمت و هو كمل ليها الدوش و خرجها جلسها فوق الفوتوي لبسها حوايجها و مشى بالزربة بدل الفراش و رجع هزها حطها تنعس زعمات و باستو في فمو رجع ليها البوسة و تم غادي يكمل دوشو حتى وقفوا صوتها منخفض
زينب: ياسين انا كنبغيك
رجع لعندها ممتيقش اش سمع
ياسين: عاودي اش قلتي
زينب غمضات عينيها و تمخشات في بلاصتها
ياسين تبسم: واخا الفارة غادي نولي نسمعها كل نهار
مشى كمل الدوش ديالو و خرج لبس البوكسر و السروال و تخشى حداها خداها في حضنو و هو طاير بالفرحة و نعسو😴😴
أصبحنا و اصبح الملك لله فاق ياسين بقى كيتأمل فيها و هي ناعسة من بعد حس بيها كتخسر سيفتها بحال الدراري الصغار استعدادا باش تنوض حلات عينيها فيه
ياسين: النعاسة فقتي
زينب: نعست بزااف صباح الخير
ياسين: صباح الحب "قرب لوذنيها " ياكما باقى موعتة
زينب تفكرات شنقت عليه: فكرتيني هادي هي مغتحسي بوالو 😢 سير يا ياسين يا ولد العلوي بغيت ليك.....اممم
زينب ضرباتو لكتفو: متبقاش تضحك ياسين: يالاه اجي نقوليك شي حاجة في فمك
جرها دارها تحت منو و دار عليهم الغطا كيتسمع غير صوت ضحكهم 😂😂
ياسين باقين تحت المانطا: اش ندير فيك دابا
زينب: ههههه نوض عليا
ياسين: مبغيتش
زينب مجبدة فمها: وا ياسين 😢
ياسين خطف بوسة من فمها بالجهد حتى عضاتو : ايي لمك ساليتي القميش وليتي تعضي باقي ضهري كياكلني بقميشك
زينب: أرى نشوف
ناض حيد الغطا و عطاني ضهرو
زينب: هاااء 😳 انا اش درت تكى هنا هانا جاية
نضت بالزربة حسيت بوجع خفيف تحتي
زينب: ااااااااي
ياسين بخوف: مالك كتضرك شي حاجة
زينب: لا لا غير خليك
مشيت قلبت في حوايجي جبدت بوماضة و جيت جلست حداه دهنت ليه القميش و بستو في ضهرو
ياسين: كتجبديني
زينب: ههههه نوض يالاه باش نمشيو
ياسين: اش غنديرو اليوم
زينب: بغيت نمشي عند حنان حشومة معونتها حتى في حاجة و هي اجلات عرسها على قبلنا
ياسين: واخا الالة يالاه اجي هووووب
هزني و دخلنا للحمام غسلنا حالتنا و خرجنا جبدت حوايجي و مقدرتش نلبس حداه عكسو هو لي بدى ينصل تميت غادية للحمام
ياسين: هههه غير اجي راه شفت كلشي
زينب: بعد مني الماسخ
دخلت للحمام خليتوا كيضحك عليا لبسنا و هبطنا معانقين
زينب: ويلي خلينا الروينة
ياسين: ماعليش كاين لي مكلف
زينب: ياسين
ياسين: اكييد فيك الجوع
زينب: ههههه باش عرفتيها
ياسين: حفظتك حتى من تعابير وجهك اش كتعني
زينب: حتال هاد الدرجة
ياسين دورها لعندو: و اكتر
زينب: اش كتدير
ياسين: غنفطر
ودخلنا في قبلة من قبل ياسين لي كتخليني طايرة في السما رجلي مكنحسش بيهم في الأرض هزيت ايدي و دورتهم على عنقو و كنلعب في شعروا كنحس بلسانو كيلعب داخل فمي مع عضيضات خفاف شويا خشى وجهو في عنقي انا غيبت حتى كنحس بيه هز راسو باسني في نيفي و في جبيني و قال
ياسين: زيدي قدامي قبل ما نسد على مك هنا ما كاين لا حنان لا عرس
زينب: هههههه
ياسين: كتضحكي عارفة راسك اش كتديري فيا
انا هبطت راسي و تبسمت و شديت في ايديه خرجنا شدينا الطريق وقفنا قدام واحد الكافي في الطريق فطرنا و عاود شدينا الطريق عيطت للمياء قالت ليا هي ديجا عند حنان قلت ليهم شويا و نجي وصلني ياسين قدام دار حنان طبعت قبلة في خدو و نزلت دقيت الباب و هو يحل ليا اكتر شخص كيستافزني 😡😡 اويلي اش جا يدير من دابا مالو مسبق الفرح بليلة 😏
.....: التيتيزة ديالي جيتي
زينب: حمزة امتى جيتي
حمزة: غير هاد الصباح توحشتيني ا حبيبة
زينب: توحشك لفعة ان شاء الله باقي نتا هو نتا متبدلتيش
حمزة: وا الواحد هو لي يبقى في صباغتو ا بب
زينب: حيد من قدامي قبل ما نصدق دايرة فيك ايدي
حمزة: غير ديريها ا بب قابل نموت على ايديك
زينب صهلات فوق راسو: حيييييد 😡😡
حيد من قدامي دخلت بانو ليا عائلة حنان جاو كاملين سلمت عليهم و طلعت نيشان لبيت حنان دخلت شاعلة
صفقة زواج من متعجرف الجزء 12
محتوى القصة
التنقل بين الأجزاء