بعدما تعشينا و لبسوا حنان و كريمة حوايجهم و لصق فينا داك اللصقة ديال حمزة تمينا خارجين
حمزة: التيتيز اجي ركبي معايا
زينب: حمزة متطلعش ليا القردة لراسي قلب عليا
حمزة: مال الزين ديالي كاعي
زينب: بففففف وااااع
امين: حمزة قيلها عليك من البسالة
حنان: مالك باسل ا صاحبي نسيتي شحال من زبلة طيحاتك فيها و شحال كليتي ديال العصا على قبلها
زينب: باقي مكلاش شي عصية نيت لي تخليه يقلب عليا في خطرة اري نتي دوك السوارت
خديت سوارت ديال طوموبيل لمياء ركبنا بتلاتة و امين و كريمة في طوموبيلتهم و داك الكنس في طوموبيل
و زدنا
لمياء: دابا قولو ليا شكون هاد بوكيمون و كيفاش كلى العصا على قبلك
حنان: هدا ا لالة ولد خالتي و هو ضاسر مضسراه مو حيت عندها غير هو و كان ساكن حدانا و فينما تجي عندي زينب يتبسل عليها و حنا كنا نتافقو و نديرو ليه الزبايل 😂😂 نقطعو ليه سروالو نعمرو ليه حوايجو بالمداد و ياكل العصا من دارهم نجبدو ليه الصداع مع الدراري في المدرسة حتى يسلخوه طبعا هادشي فاش كنا صغار مني بدينا نكبرو شويا واحد النهار كنا في العروبية و هبطت انا و زينب الواد مشيت انا نجمع الورد و هي بقات حدى الما و جا هو غفلها و باسها في حنكها تعصبات و لاحتو في الواد داه شويا تهرس من رجليه و تحرد في ايديه و لالة زينب كملات تحياحها وعاودات ليهم اش دار باه سمع هادشي و هزو هو و مو مشاو لمدينة أخرى من تما ماشفناه حتال اليوم و لكن باقي هو هو لي فيه ما مهنيه
لمياء: ههههه طلعتي ماساهلاش ا مرت خويا و لكن غايقول شي كلمة هاك ولا هاك قدام ياسين منضمنش ليكم داك الغوريلا ديالنا
زينب: خليه يربيه ههه
حنان: شريرة ههههه
وصلنا قدام واحد الكافي على البحر دخلنا و جلسنا و طلبنا اش بغينا
#في_الشركة
ايمن دخل للبيرو: العشير
ياسين: ا فين الصاط اش خبارك
ايمن: الحمد لله نتا
ياسين: انا فوق السلك
ايمن: وا باينة عليك القلوبة كيخرجو ليك من عينيك شكون قال ياسين يحب
ياسين: زينب تستاهل
ايمن: بطبيعة الحال تستاهل مراتك ماكاينش فحالها غير مني رجعات ليك هاد الضحيكة و رجعاتك لينا
ياسين: ياك بعدا
ايمن: فيناهي
ياسين: حطيتها عند فليفلة مجموعين
ايمن: وايلي عيط عليهم نمشيو نشدو فيهم شويا
مروان داخل: فيمن باغين تشدو
ايمن: في سليعفانات نشوفو فيناهما
مروان: خارجين مع امين
ايمن: شكون امين
ياسين: خو فليفلة فين مشاو
مروان: كافي***** يالاه انا غادي عندهم
ايمن و ياسين: يالاه
في الكافي جالسين الجماعة ديالنا على الضحك مع امين كيعاود للمياء على زبايلنا انا و حنان و كيفاش تعرف على كريمة حتى وقفوا علينا الدراري
مروان: السلام و عليكم
الكل: وعليكم السلام
تعرف ايمن على امين و سلمو حتى على داك اللصقة اللي غير حاضني جلس ياسين حدايا و طبع قبلة في خدي قدام الكل وقال في وذني
ياسين: بوكاهونتاستي توحشتك
زينب ابتسمت و قربت لوذنيه: حتى انا
ياسين: حتى نتي ا شنو
زينب: وا صافي
ياسين: لا بغيت نسمعها
زينب: حتى انا توحشتك
ياسين: ههه يخليلي انا لي كيتوحشني ( عنقها جنب)
حنان: بديتو تاني
ياسين: قابلينا ا فليفلة
حمزة : التيتيزة ديالي معرفتيناش
انا طلعت فيه التخنزيرة و قربت حدا حنان
زينب: قوليه يسكت راه غانخوي على طاسيلتو داك البراد حامي يفرفر
حنان هضرات بجهد: حمزة هدا ياسين راجل زينب
حمزة: اواه حبيبة الطفولة ديالي تزوجات و انا مفراسيش كيف درتي ليها
ضرت نشوف ياسين لقيتو كيغلي غير شاد راسو بزز شديت في ايديه من تحت الطابلة زير عليا
امين: حمزة صافي متزيدتش فيه
حمزة: صافي مايبقاش فيا الحال المهم اول قبلة ليك كانت معايا
هز ياسين رجليه حتى هزها و ضرب الكرسي لي جالس عليه تقلب بيه و تلاح عليه بالكروشيات مفكوه منو غير ايمن و امين
ايمن: تهدن اصاحبي
هو هز راسو باقي كيغلي جا في اتجاهي انا كنقفقف بالخلعة جرني من ايدي حتى حسيت بيها غتطير من بلاصتها و خرجني ركبنا خلا غير لعجاجة وراه
في الكافي
امين: غزا فيك الصراحة مبغيتيش تحشم و تفوت عليك البنت قلنا غايكون غير تبرهيش ديال الصغر ساعة نتا لي فيك فيك آخر مرة نشوفك كتهضر معاها و لا انا لي غانوريك الضسارة بشحال كتقام( شاف في كريمة) يالاه مشينا
خرجو توجه ايمن لجيهة حمزة
ايمن: حمد الله فكيناك أما كوراك كوما دابا (شاف في لمياء) يالاه نتي لداركم
خرجو حتى هما
مروان: شكون هاد الباسل
حنان: للأسف ولد خالتي يالاه نمشيو خرب علينا الخرجة تفو
قربات حداه و قالت
حنان: تعيش و تاكل غيرها و المرة الجاية بقى تعرف اش كتخرج على فمك
و خرجو و خلاوه دماياتو دايزة و داير الثلج لوجهو
عند زينب
وصلنا لواحد البلاصة خاوية مقابلة مع البحر ياسين معصب الطريق كاملة مدواش خرج غضبوا في الصوكان و الفولو وقف و هبط بقى غادي جاي قدامي انا خايفة لا يتعصب عليا و في نفس الوقت فرحانة حيت غار عليا بقى شويا حتى برد عاد جا من جيهتي حل الباب خرجني تكيت على الطوموبيل و جمعت التكبيعة ديال الدراري الصغار 😢😢
ياسين: يالاه كنسمع عاودي ليا قصة هاد الحيوان و بلا بكى
انا سرسرت ليه كلشي
زينب: صافي هادشي لي كاين
ياسين: برافو مراتي سبع منخافش عليها
زينب: لا انا مرات السبع
ياسين: هههه هي لبوؤة
زينب: ههه اه
ياسين: معنديش الحق نحاسبك على ماضيك و لكن هو استافزني
زينب: انا عارفاه مستفز زائد انا معنديش الماضي لي نخبي صحيح كنت كنخرج نضحك نتفلى ووو ولكن عمرني كانت عندي شي علاقة قبل منك عندي اصلا صغري داز كلو زبايل و مني كبرت خشيت راسي في القرايا
ياسين باسها في حنكها: كنبغيك امو زبايل ( باسها في الحنك لاخر) كنحماق عليك(باسها في نيفها ) نتي هي كلشي في حياتي(يالاه غادي يبوسها في فمها و هي توقفو)
زينب: اش كتدير راه حنا في الزنقة
خطف بوسة خفيفة من فمها
ياسين: اش ندير راه نتي حلوة
انا حدرت راسي كيحشمني
ياسين ضربها لنيفها: يخليلي لي كيحشم انا اجي فكرتيني
زينب: اشنو
ياسين: فكرتي فين باغية نسافرو
زينب طارت عليه بتعنيقة: ياااي غنسافرو امتى و فين
ياسين: امتى غير يدوز عرس فليفلة و مروان و فين خليت ليك الاختيار
وصلنا للدار لقينا سوما و موسيو العلوي و لمياء مجموعين على كأس اتاي قلت هادي هي الفرصة نجلسو مجموعين و يجلس ياسين مع باباه ساعة هو سبقها ليا
ياسين: انا غنطلع نرتاح
زينب: اجي نجلسو معاهم شويا بليز
ياسين: عيان
زينب جبدت قنينفاتي بحال إلى باغية نبكي: عافاك
ياسين: برهوشتي كتعرفيني مكنقدرش نرفض ليك شي حاجة
زينب تعلات على صبيعات رجليها و باستو في حنكو: يخليك ليلي
دخلنا سلمنا و جلسنا معاهم بقينا كنهضرو حسيت بموسيو العلوي فرحان و مرتاح
سوما: ولدي معطيتكش كادوك
ياسين: ماشي مشكل نتي كلك كادو
لمياء: انا عطيتو ليك
ياسين: ماشفت والو
لمياء خرجوا عينيها: 😳😳 موريتيهش كادويا العفريتة
زينب مركات و قربات لوذن ياسين: راه كادوها هو لي كنت لابسة البارح شوهتوني
ياسين: هههههه يخليلي لي كيحشم انا(دار عند ختو) اول مرة تديري شي حاجة مقادة في حياتك
لمياء غوبشات: ياك
ياسين خربق ليها شعرها: غير كنضحك
موسيو العلوي: الله يخليكم لبعضياتكم
كلنا: امين
بقينا جالسين مجمعين شحال حتى جات نورة قالت لينا راه العشا واجد و نضنا تعشينا و طلعنا لبيت غير تسد الباب كالاني ياسين مع الحيط
ياسين: توحشتك
زينب: هههه حتى انا
ياسين: باقا موعتة
زينب: شويا
ياسين: واخا ا حبيبتي نصبر
مشيت دوشت و بدلت حوايجي و جيت تخشيت حدا ياسين لي كان بدل عليه و متكي صدرو عريان و كيخنشش في التيليفون
زينب: اش كتدير
ياسين: غير كنبقشش اجي فكرتي فين غانمشيو
زينب: اممم
ياسين: فين
زينب: بغيت نمشي لباريس
ياسين: عاصمة العشاق هي عشقانة شي واحد ههه
زينب: اه واحد المتعجرف معرفتش كيفاش حتى طحت فيه و نتا
ياسين: حتى انا كنحماق على واحد البرهوشة ميغناطيس للزبايل
زينب مغوبشة: انا برهوشة (عطاتو بالضهر )
ياسين دورها كيهر فيها: و انا متعجرف لمك
زينب: هههههه ولا ياسين نتا الزين و الغزال و حبيبي غير هدا
ياسين وقف مع كلمة حبيبي: عاوديها
زينب: الزين
ياسين: لا ماشي هادي
زينب: الغزال
ياسين: 😏😏 كتفلاي
زينب: ههه ح ب ي ب ي
ياسين: 😍😍 اجي تنعسي قبل مندير فيك شي حاجة
هزني حطني فوق كتفو كيلعب ليا في شعري بستو في صدرو و غمضت عيني استسلمت للنوم 😴😴
بعد 5 ايام
دازت 5 ايام غير في التوجاد لعرس الغد 😍 و في العسل مع حبيبي 🙊 اليوم دايرة مع سليعفانات يدوزو عليا للخدمة باش نمشيو ل beauty centre ندورو بحالتنا شويا قبل مانمشي قلت نعلم ياسين مشيت عندو البيرو دزت من قدام ديك المسمومة ديال السكريترة بدات تكمكم تحت سنانها
السكريترة: اوا صافي نخليو الخدمة و نبقاو حاضيين الغراميات
زينب وقفات: نعام قلتي شي حاجة
السكريترة: لا علاش
زينب: معرفتش غير سمعت شي حاجة كتزنزن قلت واقيلا نتي
خنزرت فيها و دخلت عند ياسين كان عاطيني بالضهر كيشرب في قهوتو قربت حداه و عنقتو باللور شد ايدي و قال
ياسين: بوكاهونتاستي جيتي
زينب: جيت و غادة
ياسين دار: فين
زينب: دايرة مع البنات غانمشيو ندورو بحالتنا
ياسين: اممممم
زينب: حنا واش غنسافرو مورا العرس نيشان
ياسين: تماما
زينب: تقول حنا هما العرسان
ياسين: وراه حتى حنا عرسان أولى 😉
زينب: ههههه اه يالاه طلقني دابا خاصني نمشي
ياسين: اجي حكا تخلصي لعضان ديال البارح
زينب: اويلي حتال الدار و نخلصو طلقني دابا يجي شي واحد
ياسين: مسوقيش
قربت حتى تخالطو انفاسنا و دخلنا في قبلة طويلة حتى سمعنا الباب تحل واااع 😨😨 شكون درت بالعرض البطيئ نشوف كان ايمن لي تكوانسا من المنظر انا غرقت في بلاصتي مقدرتش نهز راسي فيه
ياسين: معلموكش تدق البغل
ايمن: السكريترة قالت ليا راك بوحدك
انا جاتني الساكتة و سلت من حداهم بالزربة عيطو ليا البنات هبطت عندهم مزنكة
لمياء: هاي بيبي
حنان: امالك وجهك حمر كي مطيشة
زينب باقا مصدومة: حصلنا ايمن في البيرو كي غاندير نشوف فيه مازال
لمياء و حنان:😂😂😂😂
حنان: حتى نتوما مقادرينش تصبرو كتديرو المنكر في البيرو
لمياء: ماخلى من حصلكم المرة الجاية نعيطو للبوليس
زينب: سيري تخراي راه راجلي
حنان: صباح الخير اوا مالك دايرة في راسك هاد الحالة
زينب: و لا حشمت منو و الله
لمياء: أودي مالو هو كيصلي على هيدورة السبع راه كيدير ما اكتر
زينب: وايلي مبايناش فيه
حنان: و نتي فين وصلتي معاه
لمياء: فين غانوصل راه 20 عام و انا قدامو 😏 يبقى الحال على ما هو عليه
كملنا طريقنا وصلنا ل beauty centre دخلنا درنا بحالتنا مخلينا ما درنا و علمناهم بأننا غنجيو غدا و خرجنا وصلنا حنان لدارهم و مشينا للدار لقينا سوما و ماما في الصالون
زينب: الباتول عندنا حولني كنقول مال الدار منورة
الباتول: اياه صبغي ابنيتي
زينب: اوا باز عائلة عندها إعاقة في المشاعر
لمياء: فين كنتو
سوما: مشينا جبنا تكاشطنا من عند الخياط و تقدينا شي حاجة و جينا
زينب: ماما بابا غيجي
الباتول: اه ا بنتي غيطركني باش نمشيو
زينب: ياااس هي غادي نطيب ليه العشا شحال هدا مكليتو من ايدي
سوما: حتى حنا باغيين ناكلو من ايديك
زينب: من عيوني غنطلع نبدل و نزل دغيا( درت عند لمياء) تكعدي نتي تتعلمي ما ينفعك
طلعت بالجرى لبست بيجامتي و لمياء كذلك هبطنا للكوزينة عند نورة
زينب: هاي التيتيز
نورة: سلام مدام
زينب: 😏😏 عوتاني مدام باز
نورة: هههه راها كتخرج بوحدها
لمياء: مي فاطمة مشات
نورة: اه مشات بغايتو شي حاجة
زينب: غنطيبو العشا
نورة: إلى محتاجين شي حاجة انا نصاوبها ليكم
زينب: لا لا غنطيبوه كاملين يالاه قدامي
لمياء: وي شاف
بدينا كنجبدو جبدت الدجاج و اللحم قررت ندير الدجاج محمر و اللحم بالبرقوق و شلايظ و عواصر اوا غرقنا في شغلنا و الحديت شادين في نورة لي عودات لينا انها مخطوبة لولد عمها 😍 حتى تمو داخلين علينا الدراري انا شفت ايمن مركت تاني حتى سمعت صوتو
ايمن: مرت خويا شي شهيوة تاني علمي معاك ديك البغلة حداك لا تبور لينا هنا
لمياء : بزااف عليك راه ايدي بايديها
ياسين: هههه علامن كتكدبي
ايمن: نسولو نورة دارت شي حاجة هاد الشريفة
نورة: اه عوناتنا
زينب: وا صافي تفرقوا عليها راه غادية تعلم حتى واحد مزاد معلم
ياسين: تماما(قرب لجيهتي شدني قرصتو)
زينب: بعد مني نتا ديما فاضحني
ياسين: مكنقدرش نتي ميغناطيس اش ندير ليك انا
لمياء: احم احم نحن هنا زينب شوفي العشا راه تحرك
زينب: اويلي😨 (طليت مكاين والو) تفو خلعتيني
جرينا على الدراري مشاو جلسو مع الدار حيت جا بابا و بدينا كنحطو في العشا زوقنا الطبلة و حطينا كلشي عيينا في نورة تجلس تتعشا معانا عيط ليها خطيبها دارت السلة بيه و هربات 😂 تجمعنا على الطبلة و انا فرحانة كلشي مجموع و سوما و موسيو العلوي اول مرة يدوقو طيابي كياكلو و يتبننو و يشكرو عجبني الحال حسيت بالدفئ و حتى ياسين حسيت بيه مرتاح كلينا في جو مرح و جلسنا شويا ناضو الدار بغاو يمشيو وصلهم الشيفور و حنا نضنا جمعنا الطبلة مع نورة و طلعنا كل واحد لبيتو
ياسين: حبيبتي جمعتي حوايجك
زينب: يالاه غادي نجمعهم نجمع ليك حتى حوايجك
ياسين جرها من ايديها: اجي نجمعوهم بجوج
دخلنا كنجمعو الحوايج و ياسين كاع لي شوميز دونوي جمعهم ليا
زينب: اويلي مالك على هادشي كامل
ياسين: زعما راه حنا غاديين شهر عسل
زينب: لاواه بصل عنداك يحساب ليك غتبقى حابسني في الاوطيل
ياسين: ههههه بحال إلى كتشوفي فيها بعينيك
زينب: مبقيتش غادية
ياسين: هههه برهوشة يالاه ننعسو
زينب: وي يالاه تهلكت اليوم
ياسين : ياكما نهز حبيبتي
زينب مكرهتش
باقي مكملتهاش هووووب هزني غادي بيا جيهة الناموسية حطني و تخشى حدايا تمخششت فيه و نعسنا 😴😴😴
أصبحنا وأصبح الملك لله اليوم نهار العرس فقت فرحانة بان ليا ياسين ناعس على كرشو تلاحيت فوق ضهرو كنقز
زينب: ياسين فيق انا فرحانة نوض
ياسين: أو التنقاز على الصباح
زينب: هههه اه ي
باقي مكملتش هضرتي هووب وليت تحت منو
ياسين: صباح الخير المبرزطة
زينب: صباح النور
ياسين: كاع هادي فرحة
زينب: واشنو راه توأمي غتزوج 😍
ياسين: زعما حتى انا فاش غيتزوج ايمن و تزوج لمياء غنفرح هكدا
زينب: و اكتر الفرحة غتكون فرحتين
ياسين: كيفاش
زينب عاد تفكرات اش قالت جبدات قنوفتها: هههه
ياسين: هي عاجبك الحال
زينب: هي الصراحة كون جاتني قبل كنت غنضحك عليها
ياسين: كنتي رافضة فكرة الزواج نهائيا
زينب: كنت كنقول على الأقل ماشي دابا زعما حتى نخدم و نحقق طموحي و نسافر و ندور نشوف الدنيا عاد باش يجي فارس الأحلام
ياسين: طموحاتك غتحققيهم ان شاء الله و السفر غنسافرو بجوج و فارس الأحلام نكرد ليك الرجلين 😏
زينب: معرفتش امتى بالضبط و لكن كنت فينما كنشوفك مخشي وسط الأوراق قلبي كيقفز من بلاصتو
ياسين: امممم صافي غانبقى ديما خاشي راسي في الأوراق
زينب: ههههههه مجنون
وصلنا لبلاصة العرس تلقاو لينا بالطبالة و الغياطة دخلنا مشينا للطبلة فيها مانا و سوما جلسنا حداهم
زينب: ماما مجاش بابا
الباتول: لا نتي عارفة معندوش مع هاد الاجواء
لمياء: حتى بابا بحالو معندوش مع هاد الاجواء
جات كريمة عطاتني جاد لأنها مشطونة مع الناس شديتو بغجتو بوسان
ايمن: شكون هاد الكتكوت
ياسين: هادا جاد ولد امين
لمياء: غزال تبارك الله
ياسين كيلعب معاه: جاد الزوين
سوما مقابلاه بفرحة: العقوبة ليكم
ياسين و زينب: امين
ياسين في وذني: باغية تولدي
زينب: إلى كان بحال هاد البزغول اه
ياسين: انا بغيت بنت كتشبه ليه يوليو عندي جوج زينبات
زينب: و نعلمها تدير الزبايل
ياسين: و تنوضو فيا الشيب المبكر
زينب: لا نتا غتصلاع
ياسين: ياك لمك هادشي لي باغية ليا
زينب: هههههه
سمعنا الزغاريت هزينا عينينا بانت لينا حنان فوق العمارية و صلى و السلام وقفنا و جاد كيتجبد بين ايدي حتى هو فرحان دخلوها و دارو بيها شافتنا جلسات تشير لينا و تصيفط لينا بوسات عروسة هبيلة ههه بعد مدة من الزغاريت و الدوران بحنان فوق العمارية حطوها و تعالات أصوات الموسيقى في القاعة جاد بدى كيبكي خداه من عندي ياسين و انا مشيت نقلب على كريمة لقيتها قالت ليا راه فيه النعاس مشيت صاوبت ليه الرضاعة و قلت لياسين عطيه ليا غنمشي نعسو مشى معايا دخلنا لواحد البيت ملاسق مع البيت فين كتبدل العروسة فيه شي تلاتة ديال الدراري صغار ناعسين رضعت جاد و بقيت كنراري بيه حتى نعس حطيتو و كاليتو مزيان و درت عند ياسين لقيتو ساهي فيا
زينب: ايهو فين مشيتي
ياسين: خاصنا نولدو قريبا
زينب: هههه و علاش
ياسين: معرفتش فكرة ان يكون عندي ولد و منك عششات ليا في دماغي
زينب: زيد قدامي مجنون
ياسين جرني من خصري: اجي نقوليك بعدا
زينب كتبعد ايديه: اويلي ياسين قدام الدراري الصغار حيد دابا يدخل شي واحد
خرجنا من البيت لقينا حنان و مروان جايين و النكافات وراهم
حنان: اجي دخلي معايا
مروان: لااااااااااا تختارع ليا شي زبلة عوتاني
زينب: هههههه وليتي تخاف مني صافي وعد مندير والو
مروان: هههه يالاه دخلي
دخلنا انا و حنان و النكافات ورانا لبسوها اللبسة الأخرى و خرجو يشوفو العريس واش واجد
حنان: واااع انا خايفة
زينب شادة فيها: وايييه الصراحة داكشي صعيب
حنان: سكتي لمك كتخلعيني اكتر تفووو
زينب: و انا كنقوليك غير الصراحة
دخل مروان شافها حل فمو تاني جاو النكافات صلى و السلام و الزغاريت خرجو و حتى انا وراهم تلاقيت مع امين شديت فيه مع عندي مشكل في الطالون
امين: زيدي معرفت لاش لابساه و نتي اصلا طويلة باغية تطلي على غدا
زينب: و راه خاصني نبان
امين: جلسي جلسي قالك تبان(جلس حدانا شاف في ياسين ) باز ليك معاها
زينب: مالك كيجيتك
امين: كي الزيت بالفرونسي بعدا الحمد لله تهنيت من زبايلكم غتكونو درتو عقلكم شويا
ياسين و ايمن و لمياء طلقو ضحكتهم: 😂😂😂😂
ياسين: لا باينة دارو عقلهم
ايمن: قول تزادت عليهم هاد سليعفانة لي حدايا و اجي تفرج
امين: وايلي اش دارو
عودوا ليه اش درنا
امين هز ايدو فوق راسو: هدا الله معاكم انا استسلم السي ياسين ليك الله
الكل: 😂😂😂😂
جات كريمة و علي و مريم جلسو حدانا و بداو يقادو في الناس حيت غنتعشاو خرجو حنان عوتاني باش تبدل
امين: نوضي سيري مع صاحبتك جلسي في طابلة العروسة
زينب: سير ليها نتا انا كنبغي ناكل في خاطري
ياسين : اصلا فينما تحطيتي كتفتارسي في خاطرك
زينب مغوبشة: خمسة و خميس عليا كيفما شفتيني تخليني
الباتول: تي كوني تحشمي
سوما: لا بالعكس ا حبيبتي كولي لي عجبك
زينب صيفطات ليها بوسة في الهوا😘: يخليك ليا سوماتي
ياسين قرب لوذنيها: حتى انا بغيت
زينب: بعد مني
جابو لينا الماكلة عمرنا الكريشة اوا مني كتشبع الكرش كتقول للراس غني طلقت الحلوق و جلست نغني معاهم كولشي حافضاه هههه جا امين نوضنا نشطحو انا و لمياء و حنا مشينا للالة العروسة نوضناها بردت هوايشها كتشطح من نيتها كملنا الشطيح و مشينا نجلسو ملقيناش ياسين و ايمن سولنا قالو لينا راه خرجو شويا تمو جايين بدلات عوتاني حنان لبسة مورا لبسة حتى وصلات لاغوب خرجات كلشي مبهور جات فنة ماماها شبعات بكا و حنان حتى هي و اللي مغاتيقوهش حتى انا تأترت 😢😢 جاو قطعو الكاطو و وكلو بعضياتهم و ركبوا لخواتم كلشي كيصفق لاحت البوكي جا في واحد البنت من عائلتهم و خرجات سلمات علينا و مشاو
جرني ياسين
ياسين: مشينا
زينب: غنمشي بتكشيطي بلاتي غير نبدل حوايجي و نمشيو
ياسين: اوكي
دخلت انا و لمياء البيت فين كانت كتبدل حنان بدلت حوايجي
مشينا للطوموبيل ركبنا في اتجاه المطار دخلنا مدرنا لا إجراءات لا والو من غير هاداك لي خدا لينا بسبوراتنا و توجهنا لواحد زون بريفي فيها الطيارات الخاصة
زينب: عندكم طيارة خاصة
ياسين: ديال موسيو العلوي كان خدا واحد المشروع كبيير في دبي و خصصوها ليه و مني كمل المشروع عطاوها ليه كادو
زينب: امم هي كاين احتمال ندير شي مشروع و يعطيوني يخت كادو
ياسين: نتي على زبايلك ميعطيوك حتى طروتينيت زيدي قدامي
طلعنا للطيارة كانت روعة خدينا بلايصنا درنا الحزام و سمعنا عن إقلاع الطائرة تحركت الطيارة في الاول كانت صعيبة شويا مع الطلعة و لكن ما ان استقرات مبقيت كنحس بوالو
ياسين: كنت متخيل غتغوتي و تشدي فيا ساعة والو
زينب: ههههه اترو عليك المسلسلات
ياسين: هاد الساعة مأترة عليا غير نتي
شديت فيه حطيت راسي على كتفو و مشيت محسيت براسي إلا على شي ايد كتلعب ليا في وجهي
ياسين: بوكاهونتاستي فيقي وصلنا
حليت عيني لقيت ياسين قدامي نضنا هبطنا خرجنا من المطار و الباكاج مورانا لقينا طوموبيل كتسنانا و مشينا ديريكسيو الاوطيل
عند عرساننا لي وصلو لجزر المالديف و استقرو في الاوطيل و دابا هما في غرفتهم
مروان: حنان دوختيني باراكا من الجري راه إلى مابغيتي منقيصكش
حنان طالعة فوق الفوتوي : حلف حلف
مروان: والله منمسك إلى مبغيتيش
حنان: وا لا حلف متوعتني
مروان: حنان نزلي من الهبال على آخر ايامي مزوج بهبيلة
حنان كتدمع: ياك مبقيتيش كتبغيني 😭😭
مروان: وا حبيبتي راه كنحماق عليك اجي عندي
حنان نزلات و تمات غادية عندو : هانا
مروان جرها من خصرها: شوفي فيا إلى كنتي باقا ممستعداش نصبر ماشي مشكل
حنان: شكرا حبيبي( تعلات باستو في حنكو )
هزها حطها فوق الناموسية و تكا حداها مغمض عينيه هي مطاوعهاش قلبها بقات كتجبد فيه تقرص من هنا و تعاود من هنا
مروان: وا هداي اش باغية عندي في هاد الليل
حنان قربت كتهر فيه في عنقو و حدا وذنو: هههه
مروان: وا رصاي الله يهديك راه منعقلش عليك
حنان: ا ا انا مستعدة
مروان: متأكدة
حنان مزنكة و حادرة راسها: اه
مروان شد وجهها بايديه: شوفي فيا عينيك كتسكرني
هزات فيه عويناتها بشويا و بصح غرق فيهم معقلش على راسو حتى دخل معاها في قبلة طويلة سحراتها خلاتها تدخل معاه لعالمو و خلاو أجسادهم لي تتكلم و هو مكايس عليها داير ليها بحال الما القليل باش لبرانسيس حنان تبقى على خاطرها
صفقة زواج من متعجرف الجزء 13
محتوى القصة
التنقل بين الأجزاء